အပိုင်း ၉၇

Chapter 97

ချီရှင်းချန်က လူနာဆောင်အပြင်ဘက်တွင် ခဏတာ နားထောင်နေခဲ့သည်။သူ ညီဖြစ်သူ၏ ဉာဏ်ရည်ဉာဏ်သွေးနှင့် ကြင်နာမှုကို တိတ်တဆိတ် ချီးကျူးခဲ့သည်။

အတန်းတစ်ရက်ပဲ သင်ကြားပြီးနောက်၊ ခေါင်းစဉ်အမျိုးအစားတစ်ခုတွင် မေးခွန်းအားလုံးကို နားလည်နိုင်ပြီး ရှင်းရှင်းလင်းလင်းနှင့် ယုတ္တိနည်းကျကျ ရှင်းပြနိုင်ခဲ့သည်။ တစ်ချိန်တည်းမှာပင် သူသည်ထောင်ရွှမ်၏ စိတ်ခံစားချက်များကို ဂရုတစိုက် ဂရုစိုက်ခဲ့သည်။ သူ့အသံက ခါတိုင်းထက် အများကြီးနိမ့်နေသည်။

ရှားမှရှား နတ်သားလေး...

မိုးပျံပူဖောင်းလွှတ်ပြီးအားပေးသလိုမျိူး မိုက်မဲသည့်အရာတွေကို မလုပ်လျှင် ပိုကောင်းမည်။ချီရှင်းချန် ဒေါသတကြီး တွေးလိုက်မိသည်။

ထိုကဲ့သို့ပင် သူ ဆေးရုံတွင်နေထိုင်ပြီး ထောင်ရွှမ်ကို နှစ်ရက်စောင့်ကြည့်ခဲ့သည်။ထို့နောက်တွင် My Time ၏ တတိယမြောက် အပိုင်းကို လူအများ စောင့်မျှော်ကြည့်ရှုနိုင်ခဲ့သည်။

မီးထဲသို့ လောင်စာထည့်ထားသည့် "သေတ္တာနက်ဖြစ်ရပ်" ကြောင့် တတိယအပိုင်းကို ကြည့်ရှုသူအရေအတွက် စံချိန်သစ်တင်ခဲ့သည်။ မှတ်ချက်များနှင့် ဆွေးနွေးမှုအရေအတွက်သည် ယခင်အပိုင်းနှင့် နှိုင်းယှဉ်ပါက နှစ်ဆကျော် ပိုများလာသည်။

ချီရှင်းချန် မဝင်နိုင်ခင်မိနစ်နှစ်ဆယ်လောက်တစ်နေခဲ့သည်။ဖန်သားပြင်က အနက်ရောင်ကနေရောင်စုံအဖြစ်ပြောင်းသွား၏။နည်းပြတွေ မာကျောက်ကစားကြပြီး ပိုင်ရဲ့ကသူ့အစားအပြစ်ဒဏ်ခံသည့်အခန်းဖြစ်သည်။

ကျည်ဆန်မှတ်ချက်များ:[F*ck...ရဲ့ကောက ရှောင်ချီတိတိကိုအလိုလိုက်နေတာပဲ]

၎င်းနောက် ဝေချင်က သူ့မျက်နှာကဓာတ်မတည့်မှုရှိ၍ ပိုင်ရဲ့ကိုကူညီရန်တောင်းဆိုသည်။ပိုင်ရဲ့က သူ့လက်မောင်းပေါ်မှာဆွဲခိုင်း၏။

[ပွဲမစခင်က ရဲ့ကောက ရှောင်ချီတိတိကို သူ့ဘက်ကနေစကူညီတာနော်...ဝေချင်က ရဲ့ကောကိုတောင်းဆိုတော့ မျက်နှာကဓာတ်မတည့်ရင်မကစားဖို့ပြောတယ်.. ဘယ်လိုတောင် မျက်နှာလိုက်တဲ့ရဲ့ကောလဲ...ဟားဟားဟား]

[နည်းပြငါးယောက်က သူငယ်ချင်းတွေ...အချင်းချင်းလည်းဆက်ဆံရေးကောင်းရှိကြတယ်...ကျေးဇူးပြုပြီး အလွန်အကျွံတွေအဓိပ္ပါယ်မကောက်ပါနဲ...ကျေးဇူးအများကြီးတင်ပါတယ်ဟုတ်]

...ဆိုတော့ အဲဒီတုန်းက သူ ဝေချင်ကို ကူညီဖို့သဘောမတူခဲ့ဘူးပေါ့...

ငါသူ့ကိုအထင်လွဲခဲ့တာပဲ...

ချီရှင်းချန် ရှက်သွား၏။ 

ရှိူးကြည့်ပြီးရင် သူပိုင်ရဲ့ကို သေချာတောင်းပန်ရမယ်...

ထုတ်လွှင့်မှုက သူအတန်းFနှင့်လိုက်ပြီးလေ့ကျင့်သည့်အပိုင်းရောက်လာသည်။ထိုအခန်းက မြန်မြန်ဆန်ဆန်ပြီးသွားလိမ့်မည်ဟုသူထင်ခဲ့ပေမဲ့ လေ့ကျင့်ရေးအခန်း၏ဗီဒီရိုအတိုလေးအနည်းငယ်ပါလာခဲ့သည်။

ဗီဒီယို၏ညာဘက်အောက်ခြေတွင် အချိန်ပါ၏။ယင်းတို့က မနက်နှစ်နာရီ၊သုံးနာရီနှင့်လေးနာရီတို့ဖြစ်သည်။

ကျည်ဆန်မှတ်ချက်များ:[သူ့မှာ ဘာဝတ္တရားမှမရှိပေမဲ့ Fအတန်းကိုကူညီဖို့ရွေးချယ်ခဲ့တယ်...ပြောစရာဘာမှကိုမရှိတော့ဘူး...ငါ ရှောင်ချီလောင်ရှီးကို သူ့ရဲ့စေတနာအတွက်လက်မထောင်ပေးမယ်]

ထို့နောက်တွင်ကား ပြိုင်ပွဲစင်မြင့်၏ ပထမအကျော့ဖြစ်သည်။Kevinက သူ့ကိုဖရီးစတိုင်ဖြင့် တိုက်ခိုက်ခဲ့ပြီး သူက တုံ့ဆိုင်းခြင်းမရှိဘဲ ပြန်လည်တိုက်ခိုက်ခဲ့သည်။ပိုင်ရဲ့က Kevinကို အေးစက်သောမျက်နှာဖြင့် တောင်းပန်ခိုင်း၏။

[တုန်ချန်ကထွက်ရှိထားတဲ့ ထွေလာကိုကြည့်ပြီး ဒီအပိုင်းက အရမ်းနာမည်ကြီးမယ်လို့ ထင်ခဲ့ပေမဲ့ ဒီလောက်နာမည်ကြီးမယ်လို့ မမျှော်လင့်ထားခဲ့ဘူး...အိုး ရှောင်ချီလောင်ရှီးကတကယ်ကို လျှို့ဝှက်ထားတဲ့ မြေအောက်ရက်ပ်ပါ မဟုတ်ဘူးလား!!]

[F*ck! မိုက်တယ်! အရမ်းကောင်းတယ်! ရှောင်ချီလောင်ရှီးက အကောင်းဆုံးပဲ!!]

[ရဲ့ကောရဲ့စကားတွေက အရမ်းသင့်လျော်တယ်... ကွက်တိကိုမှန်တာပဲ... ငါ 100% မှင်တက်သွားမိတယ်]

[အိုးမိုင်ဂေါ့ ရဲ့ကောက အရမ်းမိုက်တာပဲ... "ချီလောင်ရှီးကို တောင်းပန်ပါ"တဲ့... ငါ မနိုင်တော့ဘူး...လောကမှာ ဒီလိုစကားမျိုးတဲ့ပြောရဲတဲ့သူ ဘယ်လိုရှိနိုင်ရတာလဲ အားအားအား!!]

ဖန်းသားပြင်သည် "လောင်" ဟူသောစကားလုံးဖြင့်ပြည့်နေသည်။ ချီရှင်းချန်၏ မျက်နှာက မြှောက်ပင့်ပေးမှုများကြောင့် နီရဲနေသည်။

နောက်ဆုံးတွင် Fအတန်းက သင်တန်းသားများနှင့် ချီရှင်းချန် အချင်းချင်း ပွေ့ဖက်ကာ ငိုကြွေးနေကြသည့် ကျောဘက်မြင်ကွင်းတွင်ရပ်သွား၏။

[ငါငိုနေတယ်... အရမ်းရင်ထဲထိတာပဲ]

[ရှောင်ချီလောင်ရှီးအပေါ်ထားတဲ့ Fအတန်းကသင်တန်းသားတွေရဲ့ ခံစားချက်ကို ကျွန်တော် နားလည်နိုင်တယ်...အကယ်၍ ကျွန်တော်သာ Fအတန်းက သင်တန်းသားဖြစ်ခဲ့ရင် ဒိလိုမျိုး ဆရာကောင်းတစ်ဦးကို ကျွန်တော် ချစ်မိသွားမှာ သေချာတယ်... မဟုတ်ဘူး ကျွန်တော် အခု သူ့ကို ချစ်မိသွားပြီ]

ဝူချန် နှင့် အခြားလူများ၏ မျက်နှာများ သူ့မျက်လုံးများရှေ့တွင် ထပ်မံပေါ်လာသည်ကိုကြည့်ပြီး ချီရှင်းချန် သူ့လည်ချောင်းထဲတွင် ဆို့နင်လာသည်။ တက်ဘလက်ကို ချလိုက်ပြီး ခေါင်းအုံးကို ပွေ့ဖက်လိုက်သည်။

အဆင်မပြေမှုကနေ ပြန်မထနိုင်ခင်မှာ အန်းရန်က အရေးတကြီးနဖုန်းဆက်လာသည်။ 

သူမ၏ပထမဆုံးစကားမှာ: "ဖာ့ခ်"

ဒုတိယစကားမှာလည်း: "ဟိုလီရှစ်"

ချီရှင်းချန် ခေတ်နောက်ကျနေသောလေသံဖြင့် ဟန်ဆောင်ပြောဆိုလိုက်သည်။ 

"မစ္စအန်း...ခင်ဗျားရဲ့ ပရော်ဖက်ရှင်နယ်အမျိုးသမီးဘက်ခြမ်းကို ပြပါဗျ"

"မဟုတ်ဘူး...ငါရူးတော့မယ်...ငါ မိုးပေါ်ရောက်တော့မယ်"

အန်းရန်က စိတ်လှုပ်ရှားနေပုံပင်။

"ရှင်းရှင်း ...နင့်မှာဖန်ဘယ်လောက်ရှိနေပြီလဲ သိလား"

ချီရှင်းချန် အဖြေကို စောင့်မနေဘဲ သူမကကိုယ့်ဘာကိုယ်ဖြေသည်။

 "ငါးသန်း...ငါးသန်းးးး"

ချီရှင်းချန်၏ မျက်လုံးများ ပြူးကျယ်သွားသည်။ မကြာသေးမီက သူသည် Kevin ၏ ဖန်များ၏ ကဲ့ရဲ့ပြစ်တင်ခြင်းကို ခံခဲ့ရပြီး အင်တာနက်သုံးသည်ကရှားခဲ့သည်။ဖန်အရေအတွက်ကို အာရုံမစိုက်ခဲ့သည်မှာ ကြာပြီဖြစ်၏။

ဖန်အရေအတွက်က ဘယ်တုန်းက ငါးသန်းအထိ တိုးလာတာလဲ...

သူမယုံနိုင်ခဲ့ပါချေ။

သူကရေရွတ်လိုက်သည်။

"ကျွန်တော်က… လူငါးသန်းလောက် သဘောကျဖို့တန်လို့လား"

"ဒါပေါ့ နင်ကတန်တာပေါ့ဟဲ့" 

အန်းရန်က နှာရှုပ်လိုက်သည်။ 

"ရှင်းရှင်း 'My Time' ကို မရောက်ခင်က နင်ဘာလို့ တစ်လငရဲခန်းသင်တန်းလိုချင်ခဲ့တာလဲဆိုတာ ငါ နားမလည်ခဲ့ဘူး... အခုတော့ အားလုံးနားလည်သွားပြီ"

"နင့်ရဲ့ ကြိုးစားအားထုတ်မှုတွေက အလဟသ မဖြစ်ခဲ့ဘူး...လူအများကြီးက နင့်ကိုမြင်ပြီးသဘောကျနေကြပြီ ...အဲဒါ နင့်ရဲ့ ကြိုးစားအားထုပ်မှုရဲ့ ရလဒ်နဲ့ ရှောင်လွှဲလို့မရတဲ့ ဖြစ်စဉ်တစ်ခုပဲ ...နင့်ရဲ့ ကြိုးစားအားထုတ်မှုက အောင်မြင်သွားပြီ"

အန်းရန် နှာမှုတ်လိုက်သည်။ 

"နောက်နှစ်ရက်နေရင် ဦးလေးချင်ကို လာခေါ်ခိုင်းလိုက်မယ်...ကုမ္ပဏီက နင့်ကို နေရာပေးချင်နေတယ်"

ချီရှင်းချန် သိပ်နားမလည်ပေ။

"… ဘာကိုဆိုလိုတာလဲ"

"ဆိုလိုတာက…"

အန်းရန်က နောက်ဆုံးစကားလုံးကို တမင်ဆွဲလိုက်သည်။ 

"အခုအချိန်ကစပြီး နင့်ရဲ့အသက်မွေးဝမ်းကြောင်းလမ်းကြောင်း၊ စရိုက်လက္ခဏာ၊ ဘရန်းတန်ဖိုး၊ လုပ်အားခစတာတွေကို သေသေချာချာစီစဉ်ထားဖို့ လိုတယ်ရှင်းရှင်း

အန်းရန်က ရပ်လိုက်သည်။ 

"နင်က အရင်ကနဲ့ မတူတော့ဘူး...အဲဒီကုမ္ပဏီမှာ သရုပ်ဆောင်ပေါက်စလေးမဟုတ်တော့ဘူး...နင်က အရွယ်ရောက်ပြီးတဲ့ အနုပညာရှင်၊ Idol ၊ ကြယ်ပွင့်တစ်ယောက် ဖြစ်လာပြီ"

"ဂုဏ်ယူပါတယ်နော်"

၎င်းကိုကြားသောအခါ ချီရှင်းချန် အနည်းငယ်ဘာလုပ်ရမှန်းမသိဖြစ်သွားသည်။ စာအုပ်ထဲသို့ ကူးပြောင်းပြီး တစ်နှစ်ခွဲအကြာတွင် သူသည် သူ၏အသက်ကို ကယ်တင်ရန်အတွက် "ဘက်ဂျက်ခရီးသွားကြမယ်" သို့ ဝင်ရောက်ခဲ့ကာ "သမုဒ္ဒရာနှလုံးသား" တွင် ဗရုတ်သုတ်ခဖြင့် ခေါင်းညိတ်ကာ သရုပ်ဆောင်ခဲ့သည်။ ထို့နောက် "My Time" မှာ အကြံပြုခံခဲ့ရသည်။ လမ်းတစ်လျှောက်မှာ သူ သရုပ်ဆောင်၊အက၊အဆိုစသည်များကိုလည်း လေ့ကျင့်ခဲ့ရသည်...

မသိလိုက်ပါဘဲ သူသည် ရွှံ့နွံထဲတွင် ရုန်းကန်နေရသော မိဘမဲ့ကလေးအဖြစ်မှ ကြယ်ပွင့်တစ်ယောက်အဖြစ်ဆီသို့ ရောက်သွားခဲ့သည်။

ဤအချိန်မှာ သူ ဘာလုပ်ရမှန်း မသိပေ။

"ကောင်းပြီ ငါ ဖုန်းချလိုက်မယ်" 

အန်းရန်က ပြောသည်။ 

"လာဖို့လိုရင် ကြိုပြီးဖုန်းဆက်လိုက်မယ်.. ကောင်းကောင်းအနားယူပါ...စကားမစပ်၊ ကျေးဇူးပြုပြီး ဒီအပိုင်းကနေစပြီး ပရိတ်သတ်တွေဆီ "သင်တန်းသားတွေကို ကြီးကြပ်ရာမှာ ပါဝင်ဖို့မျှော်လင့်ကြောင်းပြသဖို့" 'My Time' ရဲ့တရားဝင် Weibo ကို ပြန်တင်လိုက်ပါ"

"ကောင်းပြီ ...ကျွန်တော်သိပြီ"

အန်းရန်ကို သဘောတူပြီးနောက် သူဖုန်းကို ချလိုက်သည်။ချီရှင်းချန် ဖုန်းကို ခေါင်းအုံးအောက်တွင်ထားပြီး ပက်လက်လန်ကာ မျက်နှာကျက်ကို ကြည့်လိုက်သည်။

နှလုံးခုန်သံတွေ တဖြေးဖြေး ငြိမ်သက်သွားသည့်အခါ ဖုန်းကို ထုတ်ပြီး Weibo ကို ပြန်တင်လိုက်သည်။

— — ချီရှင်းချန်:ပရိတ်သတ်တွေနဲ့သူငယ်ချင်းတွေက ကျွန်တော်တို့ အတူတူ ကြီးကြပ်နိုင်လိမ့်မယ်လို့ မျှော်လင့်ပါတယ် (ကြိုးစားထား) @ "My Time" ၏ တရားဝင် Weibo: [ဗီဒီယို]

ပြန်လည်တင်ပြီးနောက် မိနစ် ၄၀ ခန့်အကြာတွင် သူ သူ၏ဖုန်းတွင် အကြောင်းကြားစာတစ်ခု ရရှိခဲ့သည်။

— — ပိုင်ရဲ့: (ကြိုးစားထား) @ချီရှင်းချန်: ပရိတ်သတ်တွေနဲ့သူငယ်ချင်းတွေက ကျွန်တော်တို့ အတူတူ ကြီးကြပ်နိုင်လိမ့်မယ်လို့ မျှော်လင့်ပါတယ် (ကြိုးစားထား) @ "My Time" ၏ တရားဝင် Weibo: [ဗီဒီယို]

ချီရှင်းချန် အသိပေးချက်ကို ပိတ်လိုက်သည်။သူ့Weiboတွင် ပိုင်ရဲ့က "အထူးဂရုစိုက်မှု" ကဏ္ဍအောက်တွင် ရှိနေသောကြောင့် ပိုင်ရဲ့အကြောင်း အကြောင်းကြားချက်များကို လက်ခံရရှိနိုင်လေသည်။

သူ သူ့ပါးကို ပွတ်လိုက်သည်။ Weibo ကို ပြန်တင်ဖို့ အချိန်ရှိတယ်လား...ပိုင်ရဲ့ကအခုအလုပ်ရှုပ်နေတာမဟုတ်ဘူးလား...

တိုက်ဆိုင်စွာပင် တစ်ဖက်လူက သူနှင့် စကားပြောချင်နေသည်။သူ WeChat သို့ ပြောင်းလိုက်သည်။

[မှိုခေါင်းပုံGif]

ရှင်းရှင်း : [အခု ရိုက်ကူးရေးလုပ်နေတာမဟုတ်ဘူးမလား]

ပိုင် : [ရိုက်ကူးရေးအဖွဲ့ကို စောင့်နေတာ]

ပိုင် : [ငါ ရိုက်ကူးရေးလုပ်နေတာမဟုတ်ဘူးဆိုတာ ဘယ်လိုသိလဲ]

ရှင်းရှင်း: [ကောရဲ့ Weibo ပို့စ်ကို ကျွန်တော်တွေ့တယ်]

ပိုင်: [ငါက အခုလေးတင်မှ ပြန်တင်တာလေ... မင်းက ဒီလောက် မြန်မြန်မြင်လိုက်တာလား]

ချီရှင်းချန်: "…"

သူကြိုက်သည့်လူက ကိစ္စတွေအပေါ်မှာ အတော်လေးပရိယာယ်များသည့်အမြင်ရှိ၏။

ဘာတုံ့ပြန်မှုမှမရှိသည်ကိုမြင်သောအခါ ပိုင်ရဲ့က အားလွင်ကိုမေးလိုက်သည်။

"ရှင်းရှင်းက ဘာလို့ ငါ့ရဲ့ပို့စ်တွေကို အချိန်နဲ့တစ်ပြေးညီ မြင်နေရတာလဲ"

"Weiboမှာ အထူးဂရုစိုက်မှုလို့ခေါ်တဲ့ လုပ်ဆောင်ချက်တစ်ခုရှိတယ်" 

အားလွင်က သူ့လက်ကို ဖြန့်လိုက်သည်။ 

"ရှင်းရှင်းက Weibo ကို ကြည့်နေလို့...ဒါမှမဟုတ် ဘော့စ်က သူ့ရဲ့ အထူးဂရုစိုက်မှုထဲမှာရှိနေလို့"

ပိုင်ရဲ့က Weibo ခဏခဏ မသုံးဖြစ်ပေ။ အများအားဖြင့် အားလွင်က သူ့အကောင့်ကို စီမံခန့်ခွဲရာတွင် ကူညီသည်။ယခုလေးတင်ပဲ သူ့အေးဂျင့် ကျောက်နျိုက သူ့ကိုပို့စ်ကိုပြန်တင်ရန် အသိပေးလာသည်။ပင်မစာမျက်နှာကိုဖွင့်ပြီး ပရိုဂရမ်၏တရားဝင်အကောင့်ကို ရှာရန် ပျင်းလွန်းလှသည်။ထို့ကြောင့် ထိုအစား သူ့ဖန်လေးဆီက တိုက်ရိုက်ပြန်တင်လိုက်၏။

သေသေချာချာ စဉ်းစားကြည့်သောအခါ သူ့ဖန်လေးက ဖုန်းကို တစ်ချိန်လုံးသုံးတတ်သည့် အလေ့အထ မရှိခဲ့ပါချေ။ထို့ကြောင့် သူ့ဖန်လေး Weibo ကြည့်နေသည့်အချိန်ဖြစ်၍ဖြစ်မည်ဟူသော ဖြစ်နိုင်ခြေကို သူ ငြင်းဆန်နိုင်၏။

နောက်ဆုံးမှာ တစ်ခုပဲ ကျန်တော့သည်။

သူက သူ့ဖန်လေး၏ အထူးဂရုစိုက်မှုထဲမှာရှိနေသည်။

ပိုင်ရဲ့ သူ့ဘယ်ဘက်လက်ကို လေထဲတွင်မြောက်ကာ ပါးစပ်ကိုကာလိုက်ပြီး သူ့နှုတ်ခမ်းပေါ်ရှိ အပြုံးကို ဖုံးကွယ်ရန် ချောင်းဆိုးလိုက်သည်။

ထိုအချိန်မှာ အားလွင်က ရိုက်ကူးရေးအဖွဲ့က အသုံးအဆောင်ပစ္စည်းများကို ရွှေ့ရနိ ရုန်းကန်နေရသည်ကို မြင်သဖြင့် ကူညီရန် ပြေးသွားခဲ့သည်။ပိုင်ရဲ့ သူ့ဘေးနားမှာလူရှိမရှိ လှည့်ပတ်ကြည့်လိုက်ပြီး အထူးဂရုစိုက်မှုစာရင်းကိုဖွင့်လိုက်သည်။

နှစ်စက္ကန့်အကြာတွင် ညဥ့်ကောင်းကင်တစ်ယောက်၏အချိန်နှင့်တစ်ပြေးညီ ကြယ်ပွင့်နောက်လိုက်သည့် အက်ပ်များအားလုံးမှာ ပေါ်လာသည်-

[မင်းရဲ့ idolပိုင်ရဲ့က အွန်လိုင်းပေါ်မှာရှိနေပါတယ်]

ညဥ့်ကောင်းကင်များ အံ့သြသွား၏။ 

သူက Weibo ပို့စ်ကို အခုလေးတင်းကမှ ပြန်တင်ခဲ့ပြီး အခုလည်း အွန်လိုင်းပေါ် ပြန်တက်လာပြန်ပြီ။ သူဒီနေ့ လူသိရှင်ကြားအလုပ်တွေ အများကြီးလုပ်နေတာလား...

ထို့နောက် ၎င်းတို့၏ စခရင်များမှာ အချိန်နှင့်တပြေးညီ အပ်ဒိတ်များဖြင့် ပြည့်လျှံသွားသည်-

[မင်းရဲ့ idol ပိုင်ရဲ့က ချီရှင်းချန်ကို unfollow လိုက်ပါပြီ]

[မင်းရဲ့ idol ပိုင်ရဲ့က ချီရှင်းချန်ကို follow လိုက်ပါပြီ]

[မင်းရဲ့ idol ပိုင်ရဲ့က ချီရှင်းချန်ကို unfollow လိုက်ပါပြီ]

[မင်းရဲ့idol ပိုင်ရဲ့က ချီရှင်းချန်ကို follow လိုက်ပါပြီ]

ညဥ့်ကောင်းကင်များက သူ၏ လုပ်ရပ်ကြောင့် အံ့အားသင့်သွားသည်။ သူ့ကော ဘာလုပ်နေတာလဲ...

သူ့ဖုန်းတစ်ခုခုဖြစ်နေတာလား...

သူ ရှောင်ချီကို စနေတာများလား...

ဖန်အဖွဲ့အားလုံးသည် မေးခွန်းအမှတ်အသားများဖြင့် ပြည့်နှက်နေသော်လည်း ပိုင်ရဲ့က ဖန်အက်ပ် ကဲ့သို့ မှော်ဆန်သည့်အရာတစ်ခု ရှိသည်ကို မသိခဲ့ပေ။ သူက ဆက်ပြီးလက်ဆော့နေသည်။

ချီရှင်းချန် သူ့ဖုန်းကို ထိတ်လန့်စွာ စိုက်ကြည့်နေမိသည်။မှန်ပေသည်၊သူလို idolနောက်ကို ခုနစ်နှစ်ကြာအောင် လိုက်နေခဲ့သူအတွက် ကြယ်ပွင့်နောက်လိုက်သည့် ဆော့ဖ်ဝဲက မရှိမဖြစ်ဖြစ်ပေသည်။

သူ့တွင် ယခင်မေးခွန်းကို ဖြေကြားရန် အချိန်မရှိသဖြင့် အမြန်ရိုက်ခဲ့သည်။

[ကောရဲ့ Weibo အကောင့် ဟက်ခ်ခံရတာလား]

ပိုင်: [မဟုတ်ပါဘူး]

ချီရှင်းချန် သူ ဖန်အက်ပ်ကိုသုံးသည်ဆိုသည့်အချက်ကို ထုတ်ဖော်မပြရဲသောကြောင့် သူက တခြားနည်းဖြင့် မေးလိုက်၏။

[ဒါဆို… ကော Weibo သုံးနေတုန်းပဲလား?]

ပိုင်ရဲ့ အကြိမ်အနည်းငယ် ကြိုးစားသော်လည်း အဖြေရှာမရပေ။ သူ Baidu(ပိုင်တု)ကို မေးမည်ပြုလိုက်သည်။ထိုအချိန်မှာ ချီရှင်းချန် ပေါ်လာသည်ကိုမြင်သောအခါ သူက တိုက်ရိုက်ပြောလိုက်၏။

[အထူးဂရုစိုက်မှုစာရင်းကို ဘယ်လိုသတ်မှတ်ရမလဲဆိုတာ ပြောပြ]

ချီရှင်းချန် သူ့ idol ၏ တောင်းဆိုမှုကို အလိုလို တုံ့ပြန်လိုက်ပြီး အဆင့်ဆင့်သော ပုံများကို ရိုက်ကာ သူ့ထံ ပေးပို့ခဲ့သည်။

ဖန်အက်ပလီကေးရှင်းက ယခုလိုပြန်ပေါ်လာသည်အထိပင်။ 

[မင်းရဲ့ idol ပိုင်ရဲ့က ချီရှင်းချန်ကို follow လုပ်လိုက်ပါပြီ]

ထို့နောက် ပိုင်ရဲ့၏စတေးတပ်က အော့ဖ်လိုင်းဖြစ်သွားသည်။

သူက ပိုင်ရဲ့၏အထူးဂစိုက်မှုစာရင်းထဲတွင်

ထည့်သွင်းခံခဲ့ရပြီး နောက်တစ်ကြိမ်ထပ်ပြီး ပြောင်းလဲခြင်းမရှိတော့ပေ။

ချီရှင်းချန်၏ နှလုံးခုန်သံမြန်လာသည်။ညဥ့်ကောင်းကင်များ အားလုံးမသိသော လျှို့ဝှက်ချက်ကို သူသိသည်။

သူက ပိုင်ရဲ့၏အထူးဂရုစိုက်မှုစာရင်းထဲမှာ ရှိနေ၏။