အပိုင်း ၁၆၇

Chapter 167

ချီရှင်းချန် ဤလေပြင်းကိုဖမ်းမမိလိုက်ပေ။သူ ကူကယ်ရာမဲ့ ပြန်ထိုင်ပြီး သူရဲ့ အဆက်အသွယ်တွေကို ကြည့်ပြီး ဘယ်သူဆီက ပိုက်ဆံချေးနိုင်မလဲဆိုသည် စဥ်းစားနေခဲ့သည်။

မမျှော်လင့်ဘဲ ကောင်းကင်က မှောင်လာသည့်အချိန် ချီကျားကျစ်က တကယ်ပဲ ပြန်လာခဲ့သည်။ သတင်းတစ်ပုဒ်ကို သူပြန်ယူလာသည်။ သူ့ဦးလေးလည်းဖြစ်သူ ချီကျားကျစ်၏အဖေက သူ့မိသားစုနှင့်သူ့ကုမ္ပဏီသုံးနိုင်သည့် ပိုက်ဆံအားလုံးကို ထုတ်ယူလိုက်သည်။ ယွမ် ၁.၂ဘီလီယံ မှ ၁.၃ ဘီလီယံခန့် ရှိသည်။

ချီရှင်းချန် နှာခေါင်းထဲမှာစူးလာသည်။

သူ့ဦးလေး၏ကုမ္ပဏီသည် ချီကော်ပိုရေးရှင်း၏ လုပ်ငန်းခွဲတစ်ခုဖြစ်သည်။ ၎င်း၏စီးပွားရေးဖွံ့ဖြိုးတိုးတက်မှုသည် ချီကော်ပိုရေးရှင်းကဲ့သို့မကောင်းပါချေ။ ယွမ် ၁.၃ ဘီလီယံသည် သူတို့မိသားစု ခြစ်ခြုပ်ပြီး ငွေစုရမည့်ပမာဏနီးပါး ဖြစ်သည်။

"ငါ့အစား ဦးလေးကို ကျေးဇူးတင်စကားပြောပေးပါ" 

ချီရှင်းချန် သူ့မျက်ရည်တွေကို ထိန်းလိုက်သည်။ 

"ဒီကိစ္စပြီးရင် ငါ အမြန်ဆုံး ပြန်ပေးပါ့မယ်"

"ရပါတယ် ကော... အလျင်လိုစရာ မလိုပါဘူး...ငါ နှစ်ပေါင်းများစွာစုထားတဲ့ ယွမ်သိန်းဂဏန်လောက် ကျန်သေးတယ်... မနက်ဖြန်ကျရင် လွှဲပေးမယ်… အများကြီးတော့မဟုတ်ဘူး... နည်းနည်းပေါ့"

ချီကျားကျစ်က အများအားဖြင့် အိပ်ဆောင်တွင် မနေသလို ကန်တင်တွင်လည်း စားသောက်လေ့မရှိပေ။ သူသည် အဝတ်အစား၊ ဖိနပ်နှင့် အီလက်ထရွန်းနစ်ပစ္စည်းများကို ကြိုက်သည်။ချီရှင်းချန် မလိုအပ်ဘူးဟု ပြောတော့မည့်အချိန်မှာပဲ...

တံခါးကို တွန်းဖွင့်ပြီး လျန်ကျင်းဝင်လာခဲ့သည်။

"မင်းတို့မိသားစု ဒီမနက်ဒဏ်ကြေးအတောင်းခံရတယ်လို့ ငါကြားတယ်...ငါ့မိဘတွေက ကုမ္ပဏီကနေ ပိုက်ဆံနည်းနည်းစုထားတာရှိတယ်... ငါ့ကိုယ်ပိုင်ငွေနဲ့ပေါင်းလိုက်ရင် ယွမ်သန်း 700 ကနေ 800 လောက်ရှိတယ်... မင်းအကောင့်နံပါတ်ပေး... ဒီည မင်းကို ငါလွှဲပေးမယ်"

.

၎င်းတို့နှင့် မသက်ဆိုင်သော်လည်း လျန်မိသားစုက ကူညီရန် ဆန္ဒရှိနေသည်။ချီရှင်းချန် သူ့မျက်ရည်များကို မထိန်းနိုင်ခဲ့။

လူများစွာရှေ့မှာ ငိုရမှာကို ရှက်လွန်း၍ ခေါင်းကို အမြန်ငုံ့ပြီး ပိုင်ရဲ့ နောက်မှာ ပုန်းနေလိုက်သည်။ပိုင်ရဲ့က သူ့လက်ကို ကိုင်ထားရင်း လျန်ကျင်းကို သူ့ကိုယ်စား ကျေးဇူးတင်စကားဆိုသည်။ "ကျေးဇူးတင်ပါတယ်...ကိစ္စပြီးတာနဲ့ သူပြန်ပေးမှာပါ"

"အလျင်လိုစရာမလိုပါဘူး...ချီမိသားစုကို ကူညီဖို့ ဆန္ဒရှိတာက ချီမိသားစုအမြဲတမ်းလုပ်ခဲ့အရာပါပဲ" 

လျန်ကျင်းက ပိုင်ရဲ့ကို စက္ကန့်အနည်းငယ်ကြာအောင် ကြည့်နေပြီးမှဆိုသည်။ 

"နောက်ပြီး သူ့ကို ကောင်းကောင်းဆက်ဆံပါ"

ထို့နောက် လျန်ကျင်းက လှည့်ထွက်သွားသည်။ ယခုအချိန်တွင် ပိုင်ရဲ့စိတ်ထဲတွင် သူ၏ပြိုင်ဘက်ဟောင်းအပေါ် လေးစားမှုသာရှိခဲ့သည်။

ချီကျားကျစ်က ကောလိပ်ဝင်ခွင့်စာမေးပွဲ နီးကပ်လာသည်နှင့်အမျှ ညတိုင်းလိုလို ကိုယ်တိုင်လေ့လာခဲ့ပြီး ခဏလောက်နေမှ ကျောင်းကိုသွား၏။ချီယွီကျီးက ညရှစ်နာရီတွင် ကုမ္ပဏီမှ ပြန်ရောက်လာသည်။ သူမ နေ့ခင်းဘက်တွင် အတန်းဖော်များထံမှ ပိုက်ဆံအနည်းငယ်ချေးပြီး အဖိုးတန်လက်ဝတ်ရတနာများနှင့် ဇိမ်ခံပစ္စည်းများကို ရောင်းချရန် ထားခဲ့သည်။၎င်းထံမှ သူမငွေအနည်းငယ်ရနိုင်သည်။

ငွေရှာသည်က နေ့ချင်းညချင်း လုပ်၍ရသည့်မဟုတ်ပေ။ယနေ့ ဤမျှလောက်ထိရနေသည်က အတော် ကောင်းနေပြီဖြစ်၏။ချီရှင်းချန်က သူ့နားထင်တွေကို ပွတ်သပ်ပြီး သူ့ကို ကူညီပေးခဲ့သည့်လူတွေအားလုံးကို နှလုံးသားထဲမှာမှတ်မိနေခဲ့သည်။

.

နောက်တစ်နေ့မနက်တွင် ကုမ္ပဏီခွဲက ချီယွီကျီး၏အီးမေးလ်သို့ ဗီဒီယိုတစ်ခု ပေးပို့ခဲ့သည်။ ပြေစာ ပျောက်ဆုံးသွားခြင်းအတွက် အမှားပြင်ဆင်ရန် ဖြစ်နိုင်သည်။ဗီဒီယိုက လွန်ခဲ့သည့်တစ်လက ဘဏ္ဍာရေးဌာနမှ လက်ထောက်ဒါရိုက်တာက ကုမ္ပဏီမှထွက်သွားပြီး ငွေစာရင်းစာအုပ်များနှင့် ပြေစာများ အိတ်တစ်လုံးလုံး ယူသွားခဲ့သည်ကို ပြသခဲ့သည်။

ရုံးချုပ်က မတ်လကုန်တွင် တစ်ကြိမ်၊ ဇွန်လကုန်တွင် တစ်ကြိမ်၊ လက်အောက်ခံကုမ္ပဏီများအတွက် သုံးလတစ်ကြိမ် စာရင်းစစ်မူဝါဒကို ဆောင်ရွက်ခဲ့ခြင်းကြောင့် ပြေစာများပျောက်ဆုံးသွားသည့်ကြားကာလသည် ယခင်စာရင်းစစ် ပြီးသွားချိန်နှင့် နောက်တစ်ကြိမ် စာရင်းစစ်ချိန်ကြားကာလဖြစ်သည်။

လက်အောက်ခံကုမ္ပဏီက ပြေစာကို အပတ်တိုင်း စစ်ဆေးရမှာဖြစ်သည်။ ဘဏ္ဍာရေးတာဝန်ခံဒါရိုက်တာက သူ့အလုပ်နှင့်ပတ်သက်ပြီး အလေးအနက်မထားခဲ့ဘဲ ပြေစာပျောက်ဆုံးမှုအတွက် တာဝန်ယူရမှာကို ကြောက်သည့်အတွက် အစီရင်ခံရန်မဝံ့ရဲသောကြောင့် ရုံးချုပ်က ပြေစာပျောက်သွားသည်ကို အခုအချိန်အထိ မသိခြင်းဖြစ်၏။

ပြေစာနှင့် အကောင့်စာအုပ်များ ပျောက်ဆုံးခြင်းသည် ပြဿနာသေးသေးမွှားမွှားမဟုတ်ပေ။ချီယွီကျီး သူ့ကို ထွက်ခွာသွားသော လက်ထောက်ဒါရိုက်တာအကြောင်း မေးမြန်းပြီးနောက် လက်အောက်ခံကုမ္ပဏီ၏ အကြီးအကဲရာထူးမှ ဖယ်ရှားခဲ့သည်။ လက်ထောက်ဒါရိုက်တာကိုရှာဖွေရန်တာဝန်က ချီရှင်းချန်ပေါ်သဘာဝအလျောက်ကျလာသည်။

ချီရှင်းချန်မှာ လောလောဆယ်တွင် သူ့ကို ဖမ်းဆီးရန် S ပြည်နယ်သို့ သွားရန် အချိန်မရှိပေ။ထောင်ထောင်နောက်ကို လိုက်ရန် ကူညီခဲ့သည့် လျှို့ဝှက်စုံထောက်ကို သူ သတိရသွား၏။တစ်ဖက်လူကို ဆက်သွယ်ပြီးနောက်မှာ၊ ကုမ္ပဏီကြီးတစ်ခု၏ ဘဏ္ဍာရေးဆိုင်ရာ လက်ထောက်ဒါရိုက်တာဖြစ်လာနိုင်သူတစ်ယောက်က အမည်မသိသူမဖြစ်နိုင်ကြောင်း ပုဂ္ဂလိကစုံထောက်က ပြော၏။ သူ့ကိုရှာရန် ပိုလွယ်လောက်သည်။စျေးနှုန်းကို သူတို့နှစ်ဦးသဘောတူပြီးနောက်၊ ပုဂ္ဂလိကစုံထောက်က လေယာဉ်လက်မှတ်ဝယ်ပြီး ချက်ချင်းထွက်ခွာသွားခဲ့သည်။

တစ်ချိန်တည်းမှာပင်၊ ချီရှင်းချန် ရှုချန်လင်းထံမှ ဖုန်းနံပါတ်အတုအချို့ကို လက်ခံရရှိခဲ့သည်။ သူတို့အားလုံးကို ထောင်ထောင်က သူ့ကို ဆက်သွယ်ရန် အသုံးပြုခဲ့ပြီး တစ်ခုနှင့်တစ်ခုက မတူကြပါချေ။ချီရှင်းချန်နှင့် ပိုင်ရဲ့တို့သည် IP လိပ်စာများကို တူးဖော်နိုင်သည့် မည်သူကိုမျှ မသိခဲ့ကြပေ။ အဆုံးတွင် ချီရှင်းချန် ၎င်း၏အရန်အကောင့်ဖြစ်သော "တစ်ညလုံးတမ်းတမိတယ်" တွင် ကျိုရဲ့ရှင်းချန်CPစတေရှင်၏ အဓိက စီမံခန့်ခွဲမှုအဖွဲ့ကို ဖွင့်လှစ်ပြီး တိတ်တဆိတ် မက်ဆေ့ချ်များ ဆက်တိုက်ပေးပို့ခဲ့သည်။

[ဖုန်းနံပါတ်အတုရဲ့ IP လိပ်စာကို ဘယ်သူ စစ်ဆေးနိုင်လဲ သိလား...]

အမာခံအဖွဲ့မှ လူ ၂၃ ဦးသည် ၎င်းတို့၏ မျက်လုံးများကို ပွတ်သပ်ကာ အမျက်ချောင်းချောင်း ထွက်ခဲ့ကြသည်။

[သူခိုး ငါ့တိတိရဲ့အကောင့်ကို မင်းဘယ်လိုတောင်ခိုးရဲ့တာလဲ...ငါနင့်ကိုrpထုမယ်!]

[သေလမ်းမရှာနဲ့လို့ အကြံပေးချင်တယ်...အပြင်ထွက်တဲ့အခါ ကိုက် 200 အကွာလောက် သတိထားပါ]

[@ အဖွဲ့ခေါင်းဆောင်၊ နော်ရာကို အမြန်ဆက်သွယ်ပြီး သူခိုးကို ဖယ်ရှားခိုင်းပါ]

[@ အဖွဲ့ခေါင်းဆောင် မြန်မြန်...မြန်မြန်!]

လူတိုင်း၏ ထိတ်လန့်တုန်လှုပ်နေသော အမူအရာများကို ကြည့်ရင်း၊ချီရှင်းချန် သူ့ဖုန်းထဲတွင် သိမ်းဆည်းထားသော doujinshi နှင့် doujinshi ဗီဒီယိုများကို အသုံးပြုရန်မှတပါး ရွေးချယ်စရာမရှိပေ။

လူတိုင်း အံ့ဩသွားကြပြီးမှ အရူးအမူးစာပြန်ရိုက်ကးကြသည်။ မရေမတွက်နိုင်သော နှစ်သိမ့်စရာ စကားများထဲတွင် အက်ဒမင်က အဖွဲ့စကားပြောခန်းကနေ သူ့ကို သီးသန့် မက်ဆေ့ချ် ပေးပို့ခဲ့သည်။

[ဖုန်းနံပါတ်အတုတွေက ပုံမှန်အားဖြင့် ပြည်ပအော်ပရေတာတွေက ပြည်တွင်း မိုဘိုင်းလ်ဖုန်းနံပါတ်အဖြစ် အသွင်ပြောင်းပြီး နိုင်ငံရပ်ခြားကို လှည့်ပတ်သွားပြီးမှ ပြည်တွင်းအော်ပရေတာကို ပြန်ပို့ကြတာ...ကြားဖြတ်နည်းပညာက ပိုရှုပ်ထွေးပေမဲ့ ဘွဲ့ရကျောင်းသားတစ်ယောက်အနေနဲ့ ငါ ဒါကို သင်ယူခဲ့ရတယ်... အော်ပရေတာက ငါ့သူငယ်ချင်းတွေကို ဆက်သွယ်ပြီး အတူတူကြိုးစားကြည့်လို့ရတယ်]

ချီရှင်းချန် သူမ၏ QQ နံပါတ်ကို ထည့်သွင်းပြီး ဤကိစ္စကို မပေါက်ကြားစေရန် အဖွဲ့အတွင်းရှိ ဖန်များနှင့် သဘောတူညီမှု ပြုလုပ်ခဲ့သည်။ သူ အနည်းငယ် စိတ်သက်သာရာ ရသွားသည်။

မျက်စိတစ်မှိတ်အတွင်း သုံးရက်ကြာသွားသည်။ ဤသုံးရက်အတွင်း မထင်မှတ်ဘဲ သတင်းကောင်းတစ်ခုပြီးတစ်ခု ထွက်ပေါ်လာသည်။

ဖန်များဆီကနေ ပထမဆုံးသတင်းကောင်းထွက်လာသည်။ဖုန်းနံပါတ်အတုများ၏ IP လိပ်စာများကို စစ်ဆေးပြီး IP လိပ်စာများအလိုက် တည်နေရာများကို စစ်ဆေးပြီးနောက်၊ IP လိပ်စာများကို မတူညီသောမြို့များတွင် ဖြန့်ဝေထားကြောင်း အတည်ပြုခဲ့ပြီး ၎င်းတို့အားလုံးသည် ထောင်ထောင်၏ ခရီးစဉ် သို့မဟုတ် ဓာတ်ပုံများနှင့် တိုက်စစ်နိုင်သည်။

ကြောက်စရာကောင်းသည်က မီးလောင်သည့်နေ့ပင်။ထောင်ထောင်က သူမပို့လိုက်သည့် လမ်းကြောင်းကို ဖျက်စီးမည့်သူတွေကို မယုံသည့်အတွက် ကြီးကြပ်ရန် အနီးနားကိုကိုယ်တိုင်သွားပြီး မီးကို သူမမျက်လုံးများနှင့် ကြည့်ခဲ့သည်။

ဤအထောက်အထားဖြင့် ချီရှင်းချန် T City ရှိ သယ်ယူပို့ဆောင်ရေးဌာနသို့ ချက်ချင်းဆက်သွယ်ခဲ့ပြီး လေယာဉ်မှဆင်းပြီးနောက် ထောင်ထောင် သွားသောနေရာအားလုံး၏ ဗီဒီယိုများကို ရယူခဲ့သည်။

T City သည် H City နှင့် အလွန်ဝေးသောကြောင့် ချီမိသားစု၏ လက်ရှိအခြေအနေကို သူတို့ သိပ်မသိပေ။ချီမိသားစုက ကစားပွဲကို ခပ်မြန်မြန်ပြောင်းပြန်လှန်နိုင်မည်ဟု သူတို့ထင်သည့်အတွက် အလျင်အမြန် သဘောတူလိုက်သည်။

ဒုတိယသတင်းကောင်းမှာ ပုဂ္ဂလိက စုံထောက်ထံမှ လာခြင်းဖြစ်သည်။ တရားခံကို ဗွေမယူတော့သည့် အခြေအနေနှင့် နေ့တစ်ဝက်လောက် ဂိမ်းကစားအပြီးမှာ လက်ထောက်ဒါရိုက်တာက စာရင်းအတုလုပ်ရန် လှုံ့ဆော်ခဲ့သူကို နောက်ဆုံးမှာ ဝန်ခံပြီး စာရင်းစာအုပ်တွေနှင့်ပြေစာများကို အတူ ထားခဲ့သည်။

ခိုင်းသည့်သူက ယောက်ျားတစ်ယောက်ဖြစ်သည်။ နှစ်ယောက်သား ဖုန်းအဆက်အသွယ်မရခဲ့။ အများအားဖြင့်တော့ ထိုလူက သူမကို တွေ့ရန် လိုအပ်သည့်အခါ အလုပ်ကနေ အိမ်အပြန်လမ်းမှာ သူမကို စောင့်လေ့ရှိသည်ဟုဆိုသည်။

ချီရှင်းချန်က မျက်မှောင်ကြုတ်ပြီးပြောလိုက်သည်။

"ဒီလူရဲ့ အချက်အလက်ကို ခင်ဗျားရှာနိုင်မလား"

"တစ်ဖက်လူက အဲဒီလူရဲ့ ပုံစံကိုပဲ သိတယ်... တခြားသက်သေ မရှိဘူး"

"ငွေကော ဘယ်လိုလဲ...ဘယ်လိုပေးလိုက်တာတဲ့လဲ"

"ယွမ်နှစ်သန်း...အကုန်လုံးငွေသား"

အကယ်၍ လျှို့ဝှက်ဆန်းကြယ်သောလူက ငွေလွှဲရန် ကတ်ကိုအသုံးပြုပါက၊ ၎င်း၏ကိုယ်ရေးကိုယ်တာအချက်အလက်များကို ဘဏ်ကတ်နံပါတ်မှတစ်ဆင့် တွေ့ရှိနိုင်သည်။ငွေသားကိုသုံးလျှင် ရှာ၍မရပါချေ။ ချီရှင်းချန် ဖုန်းချလိုက်တော့မည်ပြုချိန်မှာပဲ ပိုင်ရဲ့ကရုတ်တရက် သူ့ကို တားလိုက်သည်။

"ခဏလေး...ကိုယ့် အမေကိုမေးကြည့်မယ်... သူ့ကုမ္ပဏီက ဘဏ်နဲ့ အလုပ်လုပ်တာ... သူ စိတ်ကူးသစ်တစ်ခုရှာရင်ရှာနိုင်မှာ"

ချီရှင်းချန် သူပြောသည့်အတိုင်း စောင့်နေလိုက်သည်။ သိပ်မကြာခင်မှာပဲ ပိုင်ရဲ့က ဖုန်းနှင့်ပြန်လာသဘ်။ 

"အဲဒီလို ငွေပမာဏအများကြီးကို ဘဏ်ကနေ ထုတ်မှရမှာ ...ဘဏ်မှတ်စုပေါ်က အမှတ်စဥ်ဂဏန်းကိုကြည့်ခြင်းအားဖြင့် ငွေရေစက်ကို ရှာလို့ရတယ်...ငွေရေစက်ရဲ့ အချက်အလက်တွေကနေတစ်ဆင့် ဘယ်ဘဏ်က ပိုင်လဲဆိတာ သိနိုင်တယ်...ဘဏ်က သုံးစွဲသူရဲ့ ကိုယ်ရေးကိုယ်တာ အချက်အလက်တွေကို သိမ်းဆည်းထားတယ်... နောက်နှစ်ရက်လောက်နေဖို့ စုံထောက်ကို ခိုင်းလိုက်... အမေက နံပါတ်စစ်ဆေးဖို့ ပြည်သူ့ဘဏ်ကို ဆက်သွယ်နေပြီ"

ချီရှင်းချန် ထိုသို့သော ခွဲခြမ်းစိတ်ဖြာမှုကို လုံးဝ မမျှော်လင့်ထားခဲ့ပေ။သူ စုံထောက်ထံ အမြန်ပြန်သတင်းပေးလိုက်သည်။

တတိယသတင်းကောင်းက အဖေပိုင်ဆီကဖြစ်၏။ဆက်သွယ်ရေး မှတ်တမ်းများကို စစ်ဆေးပြီးနောက် ကားပိုင်ရှင်သည် အမျိုးသမီးဆယ်လီ တစ်ဦးနှင့် နီးကပ်သော ဆက်ဆံရေးရှိကြောင်း တွေ့ရှိခဲ့သည်။ ထင်ရှားသည်မှာထိုအမျိုးသမီးဆယ်လီမှာ ထောင်ထောင် ဖြစ်သည်။

ခက်ခဲသည်က ကားပိုင်ရှင်က တစ်ကိုယ်တည်းသမားလူလွတ် ဖြစ်၍ အမျိုးသမီးတွေနှင့် ထိတွေ့ဆက်ဆံသည်က စည်းမျဉ်းစည်းကမ်းတွေချိုးဖောက်ရာမကျပါချေ။

ချီကော်ပိုရေးရှင်းကို စုံစမ်းစစ်ဆေးရန် CSRC(တရုတ်ဘဏ္ဍာစည်းကြပ်ရေးကော်မရှင်) နှင့် CBRC(တရုတ်ဘဏ်လုပ်ငန်းစည်းကြပ်ရေးကော်မရှင်) တို့ကို ညွှန်ကြားခြင်းသည် စည်းမျဉ်းများနှင့် ဆန့်ကျင်ခြင်းမရှိပေ။ လုပ်ငန်းကြီးလေလေ အပေါက်များလေလေဖြစ်သည်။အပေါက်များကို ဖမ်းမိပြီး သတင်းပို့ရသည်မှာ ပုံမှန်ဖြစ်သည်။ "အောက်ကလူတွေ" က "အထက်လူ" တွေးသည်ကို ပုံဖော်ရန် ကြိုးစားနေကြခြင်းဖြစ်သည်။လုပ်ရပ်အားလုံးကို "အောက်ကလူ"က လုပ်ဆောင်ခဲ့ခြင်းဖြစ်သဖြင့် "အောက်ကလူ"တွင် တာဝန်ရှိလေသည်။

တစ်ဖက်လူက အပြစ်ရှာမရအောင် လုပ်ဆောင်ခဲ့ပြီး အဖေပိုင်အနေဖြင့် သူ့ကို အပြစ်ပေးရန် အကြောင်းပြချက် ရှာမတွေ့ခဲ့ပါချေ။သို့သော်လည်း တစ်ဖက်သားအား အင်အားပြပြီး သူ့လက်ကို အဝေးကြီးမဆန့်ရန် သတိပေးခဲ့သည်။တစ်ဖက်သားက သူ၏သဘောထားကို ကြည့်ပြီး အလွန်းအကျူး ပြုဝံ့တော့မည်မဟုတ်လောက်ပေ။

သူက ထောင်ထောင်၏ ကျောထောက်နောက်ခံကို မဖယ်ရှားနိုင်ခဲ့သော်လည်း ချီမိသားစု၏ အခြေအနေ ပိုဆိုးမသွားစေရန် ထိန်းသိမ်းထားရသော ချီရှင်းချန်အတွက် အလွန်အထောက်အပံ့ဖြစ်လေသည်။

ပြင်ပလူထု၏ ဖိအားများ၊ စတော့ဈေးကွက်တန်ဖိုး ကျဆင်းခြင်း၊ ထိန်းသိမ်းရေးစခန်းတွင် ပိတ်လှောင်ခံထားရသော သူ့အဖေနှင့် အစ်ကို၊ သူ့အစ်မတစ်ဦးတည်း ထောက်ပံ့ရန် ရုန်းကန်နေရသော ကုမ္ပဏီ၊ အေးခဲနေသော ပိုင်ဆိုင်မှုများ၊ ကြီးမားသော ဒဏ်ငွေများနှင့် အကြွေးများ...

နောက်ထပ် ဆွဲစရာ ကောက်ရိုးတစ်ရာရှိလျှင်ပင် ချီမိသားစုက ၎င်းကို မခံနိုင်တော့ဘဲ လုံးလုံးပြိုလဲသွားမည်ဖြစ်သည်။

အဖေပိုင်က သူ့ကို ချောက်ကမ်းပါးကနေ ပြန်ဆွဲထုတ်ခဲ့ခြင်းဖြစ်၏။

ချီရှင်းချန် ရင်ဘက်ထဲမှာ တစ်ဆို့နေပြီးဆိုလိုက်သည်။

"ကျေးဇူးတင်ပါတယ်...ကျေးဇူးတင်ပါတယ် ဦးလေး"

"ရပါတယ် ကလေးရယ်... ဦးလေးတို့က မိသားစုတွေပါ" 

အဖေပိုင်က ကြင်နာသောလေသံဖြင့်ပြောသည်။

"ဒီကာလမှာ မင်းမတရားခံရတာများပြီ... ပြီးရင် ဦလေးဆီ လာခဲ့ပါ...ဦးလေးက မင်းကို အရသာရှိတဲ့ ထမင်းဟင်းချက်ကျွေးမယ်"

သတင်းကောင်းအပြင်ကို သတင်းဆိုးလည်း ရှိသေးသည်။ လွန်ခဲ့သည့် ရက်အနည်းငယ်က ချေးထားသော ငွေများကို ကောင့်သို့ လွှဲပြောင်းပေးခဲ့သည်။ချီရှင်းချန် အကောင့်ကို စစ်လိုက်သည်။

သူ၏ ပစ္စည်းများရောင်းချပြီး ငွေချေးသည်ကနေရငွေနှင့် လျန်ကျင်း၏ ပြည်ပဓာတ်ခွဲခန်းမှပြန်လွှဲသည့်ငွေက ယွမ်သန်း ၄၀၀ ရှိသည်။လျန်မိသားစုက ယွမ် သန်း ၈၀၀ လွှဲပြောင်းပေးခဲ့သည်။ ဦးလေးချီနှင့် ချီကျားကျစ်တို့က ယွမ် ၁.၃ ဘီလီယံ လွှဲပေးခဲ့သည်။ပိုင်ရဲ့က အိမ်ကို အမြန်ရောင်းခဲ့သဖြင့် ဈေးကောင်းမရခဲ့ပေ။နောက်ဆုံးတော့ သူနှင့် သူ့မိသားစုဆီက ယွမ် ၁.၆ ဘီလီယံရခဲ့သည်။

ချီယွီကျီးတွင် ချမ်းသာသော သူငယ်ချင်းများစွာရှိသည်။ သူမလက်၏ဝတ်ရတနာ တော်တော်များများကို ဈေးနိမ့်နိမ့်နှင့် ရောင်းလျှင်ပင် အတော်လေးတန်ကြေးရှိသည်။ယွမ် သန်း ၃၀၀ နီးပါးကို အတူတကွ ခြစ်ထုတ်နိုင်ခဲ့သည်။

နောက်ဆုံးတွင် စုစုပေါင်း ယွမ်ငွေ ၄.၄ ဘီလီယံ ခြစ်ထုတ်နိုင်ခဲ့သည်။ယွမ်၅ .၂ ဘီလီယံမှ ယွမ် သန်း ၈၀၀ ကျန်ရှိသေးသည်။

သုံးရက်အတွင်း ယွမ် ၄.၄ ဘီလီယံကို ခြစ်ထုတ်ရန် မလွယ်ကူသော်လည်း ဒဏ်ကြေးများမှာ ကြီးမားလွန်းပြီး ဘဏ္ဍာငွေကွာခြားမှုကကြီးမားလွန်းသည်။ သူတို့ပတ်ဝန်းကျင်ရှိ သူငယ်ချင်းများအတွက် ယွမ်ငွေ သုံးသန်းမှ ငါးသန်းအထိ ကူညီပေးခြင်းကပင် အတော်လေးကျေးဇူးတင်စရာကောင်းနေပြီဖြစ်သည်။သို့ပေမဲ့ သူတို့အတွက်မူ သွားကြားပင်မညှပ်ပါချေ။

"ကိုယ့်အမေမှာ အိမ်နည်းနည်းရှိသေးတယ်" 

ပိုင်ရဲ့ကပြော၏။ 

"သူက သူတို့ကို သူစိမ်းတွေဆီ ပွင့်ပွင့်လင်းလင်း မရောင်းဝံ့ဘူး... သူသိတဲ့လူကို ရောင်းဖို့ လိုတယ်...နောက်ထပ် ရက်နည်းနည်းလောက် အချိန်ထပ်ပေးရင်တယ်"

"မလုပ်နဲ့...ပိုင်မိသားစုက ကျွန်တော့်အတွက် သူတို့ပိုက်ဆံတွေ အကုန်ထည့်လိုက်လို့ မရဘူးလေ" 

ချီရှင်းချန်၏ လေသံက ခိုင်မာနေသည်။ 

"ဒါ့အပြင်...အိမ်တချို့လောက်က ယွမ်သန်း ၈၀၀ ကို မဖြည့်နိုင်ဘူး... အဲဒါတွေကို မရောင်းနဲ့...ကျွန်တော် တခြားနည်းလမ်းကို စဉ်းစားကြည့်ပါ့မယ်"

ပိုင်ရဲ့ ခဏလောက်စဉ်းစားလိုက်သည်။ "ကိုယ်တို့ပတ်ဝန်းကျင်ကလူတိုင်းဆီကချေးပြီးပြီ...ပိုက်ဆံထပ်လိုချင်ရင် သူစိမ်းတွေဆီကယူရလိမ့်မယ်"

ပိုင်ရဲ့၏ "သူစိမ်းများ" အကြောင်းပြောခြင်းသည် ချီရှင်းချန်ကိုတစ်စုံတစ်ခုကိုသတိရစေသည်။ သူ့မှာ အကြံတစ်ခုရှိလာ၏။

"ရဲ့ကော...ကျွန်တော်ပြောဖို့မေ့သွားတယ်... ကျွန်တော် စာရင်းဝင်ကုမ္ပဏီတစ်ခုကို ဝယ်လိုက်တယ်...အဲဒီလအစမှာ ရဲ့ရှင်းမီဒီယာဆိုပြီး နာမည်ပြောင်းလိုက်တယ်...တရားဝင်ပုဂ္ဂိုလ်နဲ့ အမှန်တကယ် ထိန်းချုပ်သူက အန်းရန်...ဒီတခေါက် ထိန်းချုပ်တဲ့ထဲပါမသွားဘူး... ငွေကြေးထောက်ပံ့မှုအတွက် ကျွန်တော်တို့သုံးလို့ရတယ်"

"ငွေကြေးထောက်ပံ့မှု… ဒါက သူစိမ်းတွေဆီကနေ ပိုက်ဆံရဖို့ နည်းလမ်းကောင်းတစ်ခုပဲ"

ပိုင်ရဲ့က ဆိုသည်။ 

"ဒါပေမဲ့ ငွေကြေးထောက်ပံ့မှုဟာ ပရောဂျက်တစ်ခု လိုအပ်တယ်...နောက်မှ ပေးချေရမဲ့ ထုတ်လုပ်ရေးပရောဂျက်တစ်ခုတော့ ဖြစ်လို့မရဘူး...သုတေသနနဲ့ ဖွံ့ဖြိုးတိုးတက်မှု၊ သိပ္ပံဆိုင်ရာ ဆန်းသစ်တီထွင်မှု စတာတွေလိုမျိုး အရင်ဆုံး ပေးချေရမဲ့ အရာတွေကို လုပ်တာက အကောင်းဆုံးပဲ"

ပိုက်ဆံအရင်ရမဲ့ဟာ …ချီရှင်းချန် ခဏလောက် စဉ်းစားပြီးနောက် "မီးခိုးရောင်လမ်း" ရိုက်ကူး ပြီးခါနီးမှာ အန်းရန် ပြသခဲ့သော ရုပ်ရှင် ဇာတ်ညွှန်းကို မလွဲမသွေမှတ်မိသွား၏။

ဇာတ်ညွှန်းသည် အဓိကအားဖြင့် လူ့ဘောင်အောက်ခြေမှလာသည် ဆပ်ကပ်သမားတစ်ယောက်အကြောင်းဖြစ်သည်။အဓိကဆိုလိုရင်းက အလွန်နက်နဲသော်လည်း အပြင်အဆင်က အလွန်ထူးခြားသောကြောင့်၊ ၎င်းတွင် မည်သူမျှ ရင်းနှီးမြုပ်နှံခြင်း မရှိခဲ့ပေ။

သူသာ အဲဒီထဲမှာ ရင်းနှီးမြုပ်နှံထားရင် ဒါရိုက်တာတစ်ယောက်၊ ဇာတ်ညွှန်းရေးဆရာနဲ့ ဇာတ်ဆောင်တစ်ယောက် ရှိလိမ့်မယ်… အဲဒါက ပရောဂျက်တစ်ခုပဲ မဟုတ်လား...

ချီရှင်းချန် ပိုင်ရဲ့ကို ရုပ်ရှင်အကြောင်း စိတ်လှုပ်ရှားစွာ ပြောပြသည်။ပိုင်ရဲ့က နှုတ်ခမ်းကို တင်းတင်းစေ့ပြီး တီးတိုးဆိုသည်။

"မင်းရဲ့ စိတ်ကူးက အရမ်းကောင်းတယ်... ဒါပေမဲ့ မင်းပြောသလိုပဲ ဒီစာအုပ်ကို နှစ်နှစ်ကြာအောင် ဘယ်သူမှ မရင်းနှီးမြုပ်နှံကြဘူး...မင်းရဲ့ အရည်အချင်းနဲ့၊ ကျော်ကြားမှုနဲ့ ကျွမ်းဘားသမားမင်းသားနေရာကနေ ပါ၀င်ရင်တောင် ရင်းနှီးမြုပ်နှံမှု ယွမ်သန်း ၈၀၀ ရနိုင်ခြေက နည်းတယ်"

ချီရှင်းချန်:"..."

သူက ကိုးရိုးကားယားဆိုလိုက်သည်။ "အဲလိုထင်တာပဲ...ကျွန်တော် ဘာမှမပြောခဲ့သလိုပဲဟန်ဆောင်လိုက်ပါ"

"ဒါပေမဲ့ -"

ပိုင်ရဲ့က အကြောင်းအရာကို ပြောင်းလိုက်သည်။ 

"ဒါပေမဲ့ တခြားပါဝင်ပစ္စည်းတစ်ခုရှိနေရင် ကွဲပြားသွားလိမ့်မယ်"

ချီရှင်းချန်၏ ဦးနှောက် ခဏလောက် မလည်ပတ်နိုင်ဖြစ်သွားသည်။

"ဘာပါဝင်ပစ္စည်း"

"ကျိုရဲ့ရှင်းချန် —ကိုယ်တို့နှစ်ယောက်ချစ်သူဖြစ်ပြီး ပထမဆုံးတွဲရိုက်ထားတဲ့ ဇာတ်ကား...အဲဒါဆိုထွင်လုံးဖြစ်မှာ သေချာတယ်"

"!!!!"

မှန်တယ်...

ချီရှင်းချန် ပျော်လွန်း၍ ခုန်ပေါက်လုနီးပါးပါပင်။

သို့သော်လည်း သူ အခြားပြဿနာတစ်ခုကို စဉ်းစားမိသွားသည်။

"ဇာတ်ညွှန်းကို ပြောင်းရမယ်...အဲဒါကို မင်းသား နှစ်ယေ

ာက်အဖြစ် ပြောင်းပြီး ကောနဲ့ သင့်တော်တဲ့ ဇာတ်ရုပ်တစ်ခု ထပ်ထည့်... သိပ်မကြာဖို့ မျှော်လင့်တယ်"

"မလိုပါဘူး"

ပိုင်ရဲ့ကဆိုသည်။

"အဲဒါကို ပြောင်းစရာမလိုပါဘူး...မင်းအတွက် ကိုယ်လုပ်ပေးမယ်"