အပိုင်း ၄၈ ( The Star 9 )

ရှိုးကို ရုပ်မြင်သံကြားဌာနများမှလည်း ထုတ်လွှင့်ပေးမည်ဖြစ်သော်ငြား ယခုအခါ လူငယ်အများစုက ရသစုံရှိုးများကို အွန်လိုင်းဗီဒီယိုပလက်ဖောင်းများတွင်သာ ကြည့်ရှုကြသည်။

အွန်လိုင်းဗီဒီယိုပလက်ဖောင်းများတွင် ကြော်ငြာများ မရှိဘဲ မှတ်ချက်များ ရေးပြီး အခြားသူများနှင့်လည်း ဆက်သွယ်နိုင်သေးသောကြောင့်ပင်။

ဤအချိန်တွင် "Dream Back to the Ancient Times" ၏ တတိယမြောက်ထုတ်လွှင့်မှုမှာ ပလက်ဖောင်းပေါ်တွင် လွှင့်တင်ထားခါစဖြစ်ပြီး လူအများအပြားက ၎င်းကို ချက်ချင်းကြည့်ရှုခဲ့ကြသည်။

ပထမဦးဆုံး ရှိုးက စတင်ထုတ်လွှင့်ပြသသော အကြောင်းမှာ ဧည့်သည်များ တစ်ယောက်ပြီးတစ်ယောက် ရောက်လာသော မြင်ကွင်း ဖြစ်သည်။

ယန်ကျင်းဇီနှင့် လော့ချန်တို့ အတူတူ ရောက်လာသည်။ သူတို့နှစ်ယောက် အတူတူ ရောက်လာတာကို မြင်တော့ သူတို့၏ CP အတွဲပရိသတ်အချို့က ဇွဲနပဲကြီးစွာ ထရပ်ကြသည် : "ကျင်းချန် အဓွန့်ရှည်ပါစေ!"

လွန်ခဲ့သော လအနည်းငယ်က ယန်ကျင်းဇီသည် လော့ချန်အကြောင်း အမြဲပြောခဲ့သဖြင့် လူများစွာက သူတို့နှစ်ဦး၏ဆက်ဆံရေးမှာ ကောင်းမွန်လိမ့်မည်ဟု ခံစားခဲ့ရသည်။ CP အမှုန့်သည်လည်း ဤကိစ္စမှ လာသည်။

သို့သော် CP အတွဲပရိသတ်များသည် ၎င်း၏ ပထမဆုံးအရိပ်အမြွက်ကို မြင်ရုံနှင့် စိတ်လှုပ်ရှားသွားကြပြီး နောက်မိနစ်မှာတော့... ယန်ကျင်းဇီက စတင်အိပ်ပျော်သွားသည်။

ဤသည်မှာ တည်းဖြတ်ခြင်း၏ ဆွဲဆောင်မှုဖြစ်သည်။

အမှန်တကယ်မှာ ထိုအချိန်တွင် ယန်ကျင်းဇီသည် လော့ချန်နှင့် ခဏတဖြုတ် စကားပြောနေသေးသဖြင့် ရှိုးကသာ အလုံးစုံကို တည်းဖြတ်လိုက်ပါလျှင် သူတို့နှစ်ဦးသည် ဆက်ဆံရေးကောင်းမွန်သည့်ပုံ ပေါ်သွားလိမ့်မည်ဖြစ်သည်။

သို့သော် ပရိုဂရမ်အသင်းက ၎င်းတို့အားလုံးကို ဖြတ်ချလိုက်သည်။

ထို့ကြောင့် ပရိသတ်များ၏အမြင်တွင် ယန်ကျင်းဇီနှင့်လော့ချန်တို့၏ဆက်ဆံရေးမှာ ထိုမျှသာဖြစ်သွားသည့်အပြင် ယန်ကျင်းဇီက အိပ်ပျော်သွားသေးသည်။

"ထတော့!" တရစပ်‌ မှတ်ချက်များ ဆတ်ခနဲ လှုပ်ရှားလာကြတော့သည် : "မင်း ရှိုးတစ်ခု ရိုက်ကူးနေတာနော်!"

ဤအချိန်တွင် ဒါရိုက်တာသည် ကျီချန်းရှိူ့ထံမှ ဖုန်းခေါ်ဆိုမှုကို လက်ခံရရှိခဲ့ပြီး ကျီချန်းရှိူ့သည် ကားမတော်တဆမှု ဖြစ်၍ ဗီဒီယိုအတွက် နောက်ကျလိမ့်မည်ဖြစ်ကြောင်း သိလိုက်ရသည်။

ပရိသတ်များ : ကျီချန်းရှိူ့က ကံသိပ်မကောင်းဘူးပဲ!

မြင်ကွင်းက ပြောင်းလဲသွားပြီး ကျီချန်းရှိူ့က တံခါးဝမှ ဝင်လာသည်။

ထို့နောက် ယခင်က အိပ်ပျော်နေခဲ့သော ယန်ကျင်းဇီသည် အင်အားများ ပြည့်ဝနေပြီး ကျီချန်းရှိူ့စီသို့ တိုက်ရိုက်လျှောက်သွားလေသည်။

ယန်ကျင်းဇီသည် ရှိုးကို ပိုက်ဆံပေးခဲ့ပြီး ဤရှိုးတွင် ရင်းနှီးမြှုပ်နှံသူများထဲမှ တစ်ဦးဖြစ်လာစေရန် သူ့ပိုင်ဆိုင်မှုအများစုကို အသုံးပြုထားခဲ့သည်။

ထို့ပြင် ယခုအခါတွင် သူ အနုပညာလောကမှ အနားယူတော့မည်ဖြစ်လေရာ အပူက တကယ်မြင့်နေပြီး ထိုအပူမှာ ကျီချန်းရှိူ့နှင့် တစ်နည်းတစ်ဖုံ ပတ်သက်နေသည်... ပရိုဂရမ်အသင်းက သူနဲ့ကျီချန်းရှိူ့ရဲ့ ဗီဒီယိုဖိုင်အပိုင်းတွေ အကုန်လုံးကို သိမ်းထားတယ်!

အစီအစဉ်၏ ပထမပိုင်းသည် ပိန်းပိတ်အောင် မှောင်သော အမှောင်ထုထဲ၌ လူတိုင်း တွင်းထဲတွင် လှဲအိပ်နေစဉ် ပြီးဆုံးသွား‌သည်။

သို့သော် ၎င်းတွင် တကယ့်ကိုပင် အကြောင်းအရာများစွာ ပါရှိနေသည်။

"ယန်ကျင်းဇီက အကြပ်ကိုင်ခံထားရပါတယ်လို့ အရင်တုန်းက ယန်ကျင်းဇီရဲ့အေးဂျင့်က ပြောခဲ့တယ်။ ဒါက အကြပ်ကိုင်ခံထားရတဲ့ပုံစံလား?"

"အကြပ်ကိုင်ခံထားရတာတောင် အရမ်းကို ပျော်ပျော်ရွှင်ရွှင်နဲ့ ရယ်မောနေနိုင်တဲ့အထိ ယန်ကျင်းဇီရဲ့သရုပ်ဆောင်စွမ်းရည်ကသာ ဒီလိုမျိုးကောင်းနေမယ်ဆိုရင် ငါ သူ့ပရိသတ် ဖြစ်နေတာ ကြာပြီ။"

"ယန်ကျင်းဇီနဲ့ကျီချန်းရှိူ့တို့မှာ ပြင်းထန်တဲ့ CP အနံ့ ရှိတယ်! ငါ အားပေးတယ်!"

"သူတို့နှစ်ယောက်က အိပ်တောင်အိပ်ပျော်သွားကြတယ်! သူတို့အတူတူအိပ်ပျော်သွားကြတာ!"

…

အွန်လိုင်းပေါ်တွင် မှတ်ချက်မျိုးစုံ ရှိနေကာ CP အတွဲပရိသတ်များလည်း ချက်ချင်း များပြားလာသည်။

ပရိုဂရမ်အသင်းသည် ယန်ကျင်းဇီနှင့်ကျီချန်းရှိူ့တို့ကြား ပြင်းထန်သော CP အတွဲရနံ့ ရှိနေသည့် ဗီဒီယိုအပိုင်းများကို တည်းဖြတ်ထည့်သွင်းခဲ့သည်။

CP အတွဲခံစားချက်များ ရှိနေသော အခြားအတွဲဖြစ်သည့် ကျန်းချင်းချင်းနှင့် ဟောင်မေ့တို့မှာလည်း တစ်ယောက်ကို တစ်ယောက် မှီခိုအားထားပြုရသော အားနည်းသည့် ကြက်ကလေးနှစ်ကောင် 'ဟွားမူလန်' ဖြစ်နေသဖြင့် သူတို့ကို ကြည့်ရှုရသည်မှာလည်း အလွန်စိတ်ဝင်စားဖွယ်ကောင်းသည်။

မာဟုန်ရှင်းနှင့်လော့ချန်တို့ပင် မေ့လျော့ခြင်းမခံရချေ။

သူတို့သည် ခဏခဏ ပေါ်မလာနိုင်သော်လည်း မာဟုန်ရှင်းက သတိပြုမိဖွယ်ဖြစ်အောင် ကြိုးစား‌‌လျက်ရှိနေခဲ့သည်။ လော့ချန်ကတော့... ပရိုဂရမ်အသင်းသည် သူ၏ အခြားသူများကို တစ်ယောက်တည်း ထိုင်ကြည့်နေသော မြင်ကွင်းအချို့ကို အထူးတည်းဖြတ်ပေး‌ထားသောကြောင့် အင်တာနက်ပေါ်၌ ကြီးမားသော 'စိတ်ဆင်းရဲနေသည့် လော့ချန်' ရှိနေလေသည်။

‌ပရိသတ်များသည် လော့ချန်က အလွန်သနားစရာကောင်းလွန်းလှသည်ဟု ခံစားခဲ့ရသည်။ သူသည် ခွေးအမျိုးသားများနှင့် ခွေးအမျိုးသမီးများထံမှ ခွေးစာကျွေးခံရပြီး မာဟုန်ရှင်းကဲ့သို့လည်း ရန်မလိုသဖြင့် တစ်ယောက်တည်းသာ အထီးကျန်နေနိုင်သည်...

ဧည့်သည်တိုင်းတွင် သူတို့ကိုယ်ပိုင်ပရိသတ်အုပ်စု ရှိပြီး ယန်ကျင်းဇီသည် လောလောလတ်လတ် မိမိကိုယ်ကို ဖျက်ဆီးမှုများ များစွာပြုလုပ်ထားသောကြောင့် သူ့တွင် ပိုနည်းသော ပရိသတ်များ ရှိသည်ဟု ဆိုလျှင် ကျိုးကြောင်းဆီလျော်သော်လည်း ထိုသို့လုံးဝဖြစ်မလာ...

ရှိုးကို ကြည့်ရှုသူ အများစုသည် ဖြတ်သွားဖြတ်လာများ ဖြစ်ပြီး ဖြတ်သွားဖြတ်လာများမှာ အများအားဖြင့် ယန်ကျင်းဇီကိုသာ ဦးတည်ကြသည်။

သူတို့သည် ယန်ကျင်းဇီ အနုပညာလောကမှ မထွက်ခင် ရိုက်ကူးခဲ့သော နောက်ဆုံးရှိုးမှာ မည်သို့ဖြစ်မည်ကို ကြည့်ချင်ကြသည်။

"ယန်ကျင်းဇီက တကယ်ချောတာပဲ။ ငါက သူ့ရဲ့ ပရိသတ်ပေါက်စလေးပဲ!"

"ဒါဆို သူက ဘာလို့ အနုပညာလောကထဲက ထွက်သွားတာလဲ?"

"သူ အဲ့ဒီ့ကျီချန်းရှိူ့နဲ့ တကယ်ရင်းနှီးမှန်း မြင်နေရတယ်..."

"ယန်ကျင်းဇီက သူ့နောက်ကိုလိုက်နေတာလား? သူနဲ့အဲ့ကျီချန်းရှိူ့ အတူရှိနေတာလား?"

"ဟားဟားဟားဟားဟား! ဒီရသစုံရှိုးက အရမ်းစိတ်ဝင်စားဖို့ကောင်းတယ်!"

…

ဖြတ်သွားဖြတ်လာများသည် ဤရသစုံရှိုးသည် အလွန်လှပသည်ဟု တွေးထင်ကြကာ CP အတွဲပရိသတ်များမှာတော့... သူတို့ စိတ်လှုပ်ရှားစွာ အော်ဟစ်နေကြပါပြီ။

"ဒီလူနှစ်ယောက် တွဲ‌နေတာ သေချာတယ်!"

"ယန်ကျင်းဇီက အချစ်အတွက် အနုပညာလောကထဲက ထွက်သွားတာလား?"

"အချစ်အတွက်ပဲဖြစ်ရမယ်!"

"ရိုးရိုးသားသားပြောရရင် ငါ အရင်က ယန်ကျင်းဇီကို မကြိုက်ဘူး။ ဒါပေမယ့် အခု ရုတ်တရက်ကြီး သူ့ကို ကြိုက်သွားပြီ။"

"ယန်ကျင်းဇီက ကျီချန်းရှိူ့ရဲ့ အရင်က နမ်းနေတဲ့ဓာတ်ပုံတွေကို မြင်ပြီး ကျီချန်းရှိူ့ရဲ့လိင်စိတ်တိမ်းညွှတ်မှုကို သိသွားလို့ ရသစုံရှိုးတစ်ခုတည်းမှာ ပါဝင်ဖို့ သူ့နောက်ကို လိုက်လာတာများလား?"

"ကျီချန်းရှိူ့ကို နမ်းနေတဲ့တစ်ယောက်က ယန်ကျင်းဇီ ဖြစ်နိုင်တယ်!"

…

လူတိုင်း စကားပြောနေကြစဉ် တစ်စုံတစ်ယောက်က ရုတ်တရက် ပြောလာသည် : "ငါ ကျင်းရှိူ့လျန်ယွမ် လို့ ခေါ်တဲ့ UP မာစတာတစ်ယောက်ကို ညွှန်းချင်ပါတယ်။ သူ(မ) တည်းဖြတ်ထားတဲ့ CP ဗီဒီယိုက အရမ်းကောင်းတယ်!"

CP အတွဲပရိသတ်များ မြင်သွားပြီး သွားကြည့်ကြသည်။

ဒီ CP အတွဲအတွက် ဗီဒီယိုတစ်ပုဒ်ကို တည်းဖြတ်တဲ့ ပထမဆုံးလူအနေနဲ့ ယန်ကျင်းဇီ နာမည်ကြီးသွားပါပြီ!

တစ်ချိန်တည်းမှာပင် ပိုပိုများလာသော လူများသည် တစ်ယောက်ပြီးတစ်ယောက် ကျီချန်းရှိူ့ကို သတိထားမိလာကြတော့သည်။

"ငါ ဒီဇာတ်ကောင်ကို အရမ်းကြိုက်ခဲ့တာ! ကျီချန်းရှိူ့ ဖြစ်နေတာပဲ!"

"ဒီဗီဒီယိုတစ်ပုဒ်ထဲမှာ ကျီချန်းရှိူ့က ပုံစံအမျိုးမျိုး ပြောင်းသွားတယ်။ အားလုံးက ပြီးပြည့်စုံတဲ့ ဟန်ချက်အတွင်းမှာ ရှိတယ်။ သူ့ရဲ့သရုပ်ဆောင်ချက်က အရမ်းကောင်းတယ် ဟုတ်တယ်မလား?"

"Fuck! ရုတ်တရက်ကြီး ကျီချန်းရှိူ့ရဲ့မျက်နှာကို ငါ တွေ့လိုက်ရတယ်!"

"ငါ အခုလေးတင် Baidu ကို သွားခဲ့တယ်။ ကျီချန်းရှိူ့က တကယ်ပဲ အကောင်းဆုံးသရုပ်ဆောင်ဆုကို ရခဲ့တယ်! အဲ့ဒါ လွန်ခဲ့တဲ့ ခြောက်နှစ်၊‌ခုနစ်နှစ်လောက်ကပဲ။ ဒါပေမယ့် ငါ အရင်က လုံးဝ သတိမထားမိခဲ့ဘူး။"

"ငါ ကျီချန်းရှိူ့ကို အမြဲတမ်း သတိထားမိတယ်။ သူ့ရဲ့ သရုပ်ဆောင်စွမ်းရည်က တကယ်ကောင်းပေမယ့် သူက အရမ်း ခပ်လျှိုလျှို နေလွန်းတယ်။"

…

ယန်ကျင်းဇီသည် အင်တာနက်ပေါ်မှ သတင်းများကို မဖတ်ပေ။ သူသည် အိမ်တွင် နောက်ထပ်နှစ်ရက် နေပြီးနောက် အဝတ်အစားလဲကာ ကုမ္ပဏီကို သွားခဲ့သည်။

သူ၏စာချုပ်မှာ သက်တမ်းကုန်သွားပြီဖြစ်၍ သူသည် ၎င်းကို သွားရောက်အဆုံးသတ်တော့မည်ဖြစ်သည်။

ဤရက်ပိုင်းအတွင်း သူ့ကို ကုမ္ပဏီက အမှန်တကယ် ခဏခဏ ဆက်သွယ်ခဲ့သော်လည်း သူ လျစ်လျူရှုထားပြီး သူ့ရှေ့နေအား ရုံးကို ခေါ်သွားသည့်အချိန်မတိုင်ခင်အထိ အိမ်မှာ ပုန်းနေခဲ့သည်။

ယန်ကျင်းဇီ ရောက်သွားသောအခါ သူ့အေးဂျင့်က ရောက်နေပြီဖြစ်သည်။

ယန်ကျင်းဇီနှင့် နှစ်ပေါင်းများစွာ အလုပ်လုပ်ခဲ့သော ဤအေးဂျင့်သည် ယန်ကျင်းဇီ၏ လတ်တလော အပြုအမူများကို နားလည်နိုင်ပေ : " ယန်ကျင်းဇီ မင်း ရူးနေပြီလား?! "

" မရူးပါဘူး။ ဒါပေမယ့် ဗီရိုတံခါးကိုတော့ ပိတ်လို့မရတော့ဘူး။ " ယန်ကျင်းဇီက ဆိုသည်။

အေးဂျင့်က အံ့အားသင့်သွားပြီးမှ ယန်ကျင်းဇီ၏ဆိုလိုရင်းကို နားလည်သွားကာ လှောင်လိုက်သည် : " မင်းက ရိုမန်တစ်ဆန်တဲ့သူမှန်း ငါ ဘယ်လိုလုပ်ပြီး မသိခဲ့တာပါလိမ့်? "

" ခင်ဗျား မသိတာတွေ အများကြီးရှိတယ်။ " ယန်ကျင်းဇီက ပြောခဲ့သည်။

ဤကုမ္ပဏီတွင် အရှုပ်အထွေးများစွာ ရှိသော်လည်း ယခုလက်ရှိ ယန်ကျင်းဇီက ၎င်းကို မစီမံနိုင်ပေ... ယခု သူ့အတွက် ကောင်းသည်မှာ ထွက်သွားရန်သာ ဖြစ်သည်။

ကုမ္ပဏီမှ တစ်စုံတစ်ယောက်သည် ယန်ကျင်းဇီကို သွေးဆောင်ရန် ရောက်လာသေးသော်လည်း ယန်ကျင်းဇီသည် ထိုသူ၏စကားကို နားမထောင်ခဲ့ပေ။ ထိုသူ သူ့အတွက် ထည့်ပေးသော ရေကိုလည်း တစ်ငုံစာပင် မသောက်ခဲ့။

မူလပိုင်ရှင်သည် စာချုပ်ဖျက်သိမ်းခြင်းကို သေချာလေ့လာခဲ့ပြီး ယန်ကျင်းဇီလည်း ယခုရက်ပိုင်းအတွင်း ရှေ့နေနှင့် အသေးစိတ် ဆွေးနွေးထားလေရာ စာချုပ်ကို လျင်မြန်စွာ ဖျက်သိမ်းနိုင်ခဲ့သည်။

ယန်ကျင်းဇီသည် စာချုပ်ရပ်စဲခြင်းကို ရရှိပြီးနောက် ဓာတ်ပုံများ ရိုက်ယူကာ weibo တွင် တင်လိုက်သည် : "အနာဂတ်မှာ လွတ်လပ်သွားပြီ။ အနုပညာလောက နှုတ်ဆက်ပါတယ်။"

ယန်ကျင်းဇီ အနုပညာလောကမှ နှုတ်ထွက်‌တော့မည်ဖြစ်ကြောင်း ပြောသည်ကို အတုအယောင်များသာ ဖြစ်သည်ဟု တွေးထင်ခဲ့ကြသော လူတော်တော်များများမှာ ယန်ကျင်းဇီကို ယခင်က မေးခွန်းထုတ်ခဲ့ကြဖူးသည်။ သို့သော် ယခုအခါတွင်တော့... ၎င်းသည် အတုအယောင်နှင့် လုံးဝ မတူတော့ပေ။

ယန်ကျင်းဇီသည် သူ အနုပညာလောကမှ နှုတ်ထွက်တော့မည်ဖြစ်ကြောင်း အကြိမ်ပေါင်းများစွာ ပြောခဲ့သဖြင့် အနုပညာလောကထဲတွင် သူ အလုပ်ဆက်လုပ်ရန်မှာ မဖြစ်နိုင်တော့ချေ။

ဒါဆို... ယန်ကျင်းဇီက နှုတ်ထွက်ဖို့ တကယ် ဆုံးဖြတ်ထားတာ ဖြစ်နိုင်တယ်ပေါ့။

လူများစွာက လက်မခံနိုင်သော်လည်း ယန်ကျင်းဇီက မှတ်ချက်နေရာကို ထပ်ပိတ်လိုက်ပြန်သည်။

လူတိုင်း : " ... "

စာချုပ်ကို ဖျက်သိမ်းပြီးသွားပြီဖြစ်သဖြင့် ယန်ကျင်းဇီသည် မည်သည့်စိုးရိမ်ပူပန်စိတ်မှ မရှိတော့ဘဲ ကျီချန်းရှိူ့၏အိမ်ကို ပြန်သွားခဲ့သည်။

ထို့နောက် သူသည် နောက်ဆုံးအကြိမ် တွေ့ပြီးကတည်းက မတွေ့ရတော့သော အဖေကျီကို တွေ့လိုက်ရသည်။

အဖေကျီသည် ယန်ကျင်းဇီအား အံ့အားသင့်နေသော အကြည့်ဖြင့် အထက်အောက် စုန်ချည်ဆန်ချည် ကြည့်ပြီး ဘာမှမပြောဘဲ ထွက်သွားသည်။

ယန်ကျင်းဇီ ကျီချန်းရှိူ့ကို မေးလိုက်သည် : " အဖေက ဒီမှာ ဘာလုပ်နေတာလဲ? "

ကျီချန်းရှိူ့ : " အဖေ? "

" ကျွန်တော်တို့ကြားက ဆက်ဆံရေးက ဘာလဲ? မင်းအဖေက ကျွန်တော့်အဖေပါပဲ။ " ယန်ကျင်းဇီက ပြန်ဖြေသည်။

ကျီချန်းရှိူ့ ယန်ကျင်းဇီ၏ မရိုသေမှုကို အံ့ဩရမလား သို့မဟုတ် ယန်ကျင်းဇီကို ဆိုဆုံးမရမလား မသိတော့ပေ...သူ ဘာမှမလုပ်ဖြစ်ဘဲ ကောင်းမွန်စွာ အဆုံးသတ်သွားသော်လည်း တကယ်တော့ သူ ဘာကြောင့်မှန်းမသိ ပျော်ရွှင်သွားခဲ့သည် : " အဖေ့ရဲ့သူငယ်ချင်းက ရုပ်ရှင်ရိုက်နေတယ်။ သူက ငါ့ကို အဲ့မှာ လေ့လာခိုင်းနေတာ။ "

" ကျွန်တော်လည်း လိုက်မယ်။ " ယန်ကျင်းဇီ မတွေးဘဲ ပြောလိုက်သည်။

ကျီချန်းရှိူ့ ယန်ကျင်းဇီကို ကြည့်လိုက်၏။ ဤရက်များအတွင်း ယန်ကျင်းဇီသည် သူ့ကို အရမ်းနှစ်သက်သယောင် သရုပ်ဆောင်နေသည်။ အဲ့ဒါက ယန်ကျင်းဇီ သူ့ကို သည်းသည်းလှုပ် ချစ်ခင်သည် ဟူသော ခံစားချက်ကိုပင် သူ့အား ပေးစွမ်းနိုင်သော်လည်း...

သူတို့တွဲလာတာ သုံးနှစ်ကျော်ပြီဖြစ်ပြီး ယန်ကျင်းဇီက သူ့အား သူ့ကို ထိတွေ့ခွင့်ပေးရန် ဆန္ဒမရှိပေ။

ယခုရက်ပိုင်း သူတို့ အထိအတွေ့များ ပိုများလာသော်လည်း နမ်းခြင်း၌သာ ရပ်တန့်သွားသည်။

ကျီချန်းရှိူ့ တိုက်ရိုက်မေးလိုက်သည် : " မင်း တကယ်ပဲ ငါနဲ့နေဖို့ ဆုံးဖြတ်လိုက်ပြီလား? "

" သေချာတာပေါ့! " ယန်ကျင်းဇီက တုံ့ဆိုင်းမနေပေ။

" ဒါဆို ဒီည မင်း ငါ့အခန်းကို ရွှေ့မလား? " ကျီချန်းရှိူ့ ယန်ကျင်းဇီကို ကြည့်လိုက်သည်။ သူသည် ဆယ်ကျော်သက်တစ်ယောက် မဟုတ်ဘဲ အသက်သုံးဆယ်ကျော်နေပြီဖြစ်ပြီး တဏှာကင်းသော ဆက်ဆံရေးအကြောင်း မပြောချင်။

သူသည် အမြဲတမ်း ယန်ကျင်းဇီနှင့် ရင်းရင်းနှီးနှီး ထိတွေ့ချင်ခဲ့သည်။

ယန်ကျင်းဇီ၏မျက်နှာတွင် တုံ့ဆိုင်းမှု ပေါ်လာသည်။

ဒီကိစ္စ… နောက်ထပ် ပြဿနာအကြီးကြီးတစ်ခု ရှိသေးတယ်။

သူသည် အောက်ထပ် ဖြစ်ရခြင်းကို မကြိုက်ဘဲ ကျီချန်းရှိူ့ ဘာတွေးနေလဲ ဆိုတာကိုလည်း သူ မသိ။

ယန်ကျင်းဇီ တုံ့ဆိုင်းနေသည်ကို မြင်တော့ ကျီချန်းရှိူ့ အသက်ပြင်းပြင်းရှူလိုက်သည် : " မင်း မလုပ်ချင်ရင်လည်း မေ့လိုက်တော့။ "

" ခဏလေး " ယန်ကျင်းဇီက ဆိုသည် : " ကျွန်တော် မင်းကို အမြဲတမ်း ပြောပြချင်တဲ့ ကိစ္စတစ်ခု ရှိတယ်... မင်း ကြားတဲ့အခါ မင်း စိတ်မဆိုးဘူးလို့ ကတိပေးပါ။ "

" ဘာလဲ? " ကျီချန်းရှိူ့ သူ့နှလုံးသားလေး ရပ်တန့်လုမတတ် ဖြစ်နေသော်လည်း မေးလိုက်သည်။

ယန်ကျင်းဇီက ကြားပြီးရင် သူ့ကို ဒေါသထွက်စေမယ့် တစ်ခုခုကို ပြောတော့မယ်? ယန်ကျင်းဇီက သူ့ကို တကယ်မကြိုက်ဘူးလို့ ပြောချင်တာလား?

" မင်း ကျွန်တော်နဲ့ လမ်းခွဲလို့လည်း မရဘူး။ " ယန်ကျင်းဇီက ထပ်ပြောလိုက်ပြန်သည်။

သူသည် သူ ဝန်ခံရင် ကောင်းမလား၊ ဝန်မခံရင် ကောင်းမလား စဉ်းစားနေခြင်း ဖြစ်သည်... ကျီချန်းရှိူ့က သူ အဖေကျီကို "အဖေ"လို့ ခေါ်တာတောင် လက်ခံနိုင်လေရာ 'အပေါ်နှင့်အောက်' ပြဿနာလေးကြောင့် သူနဲ့ လမ်းမခွဲလောက်ပါဘူးနော်?

ကျီချန်းရှိူ့သည် 'လမ်းမခွဲနိုင်ဘူး' ဟူသော စကားကို ကြားသောအခါ သူ ခဏလောက် စိတ်သက်သာရာရသွားသည်။ သူသည် ယန်ကျင်းဇီ လမ်းခွဲချင်မှာကို ယခင်က ကြောက်ရွံ့ခဲ့သည် : " အင်း။ "

ကျီချန်းရှိူ့ သဘောတူတာကို မြင်တော့ ယန်ကျင်းဇီ ဝန်ခံလိုက်သည် : " တကယ်တော့ ကျွန်တော် မင်းအိပ်ရာပေါ် တက်လာတဲ့နေ့တုန်းက... ကျွန်တော်တို့ကြားမှာ ဘာမှမဖြစ်ခဲ့ဘူး။ "

ကျီချန်းရှိူ့ : " ... "

" အဲ့အချိန်တုန်းက မင်းက မူးနေခဲ့တာလေ အဟမ်း အဟမ်း မင်း ဘာမှမလုပ်နိုင်ခဲ့ဘူး။ " ယန်ကျင်းဇီက ဆက်ပြောသည်။

" ဒါဆိုရင်? " ကျီချန်းရှိူ့ မျက်မှောင်ကြုံ့ပြီး ယန်ကျင်းဇီကို ကြည့်လိုက်သည်။ သူသည် ယခင်က ယန်ကျင်းဇီကို အရင်းအမြစ်များစွာ ပေးခဲ့ပြီး ယန်ကျင်းဇီကို လျော်ကြေးပေးချင်ခဲ့သည်။ ရလဒ်ကတော့...အဲ့ညက ဘာမှမဖြစ်ခဲ့ဘူးတဲ့လား?

သူသည် ကြွေကိုထိမိ၍* ဤအချိန်တွင် ဒေါသထွက်နေသင့်သော်လည်း သူ တကယ်စိတ်မဆိုးပေ။ ယန်ကျင်းဇီ လမ်းခွဲချင်မည်ကိုသာ သူ အနည်းငယ် စိုးရိမ်နေသည်။

[ *ကြွေကို ထိမိခြင်း/တိုက်မိခြင်း - အပြင်ပန်းအားဖြင့် ဈေးကြီးပြီး ပျက်စီးလွယ်သော ပစ္စည်းများကို ( အများအားဖြင့် ကြွေထည် ) အလွယ်တကူ တိုက်ချမိနိုင်သော နေရာများတွင် ထားကာ ပစ္စည်းများ ထိခိုက်မိသောအခါ လျော်ကြေးငွေ ရယူနိုင်စေသည့် လူလိမ်လူညစ်များ၏ လုပ်နေကျ အမူအကျင့် ဖြစ်သည်။ ( အခြေခံအားဖြင့် လှည့်စားခံရခြင်းသာဖြစ်သည်။ ) ]

အခြားတစ်ဖက်မှ ယန်ကျင်းဇီကတော့ ပြောလာသည် : " တကယ်တော့ ကျွန်တော်က အပေါ်က လူပါ။ ကျွန်တော် အောက်က လူ ဖြစ်မှာကို တော်တော်လေး လက်မခံနိုင်ဘူး၊ အာ... "

ကျီချန်းရှိူ့၏ အမူအရာမှာ အနည်းငယ် ထူးဆန်းနေသည်။

ယန်ကျင်းဇီ အနည်းငယ် မလုံမလဲ ဖြစ်မိသည် : " ကျွန်တော့်မှာ မင်း ကျွန်တော့်ကို နမ်းနေတဲ့ ဓာတ်ပုံတွေ ရှိသေးတယ်။ ပြီးတော့ အခု လူတိုင်းကလည်း ကျွန်တော်တို့ တွဲနေကြမှန်း သိနေကြတုန်းပဲ။ မင်း ကျွန်တော်နဲ့ လမ်းခွဲလို့မရဘူးနော်။ "

" ငါ လမ်းမခွဲချင်ပါဘူး။ " ကျီချန်းရှိူ့က ဆက်ပြောသည် : " အဲ့ဒါကြောင့် မင်း လွန်ခဲ့တဲ့သုံးနှစ်လောက်ကတည်းက ငါနဲ့ အပြင်မထွက်နိုင်ဘဲ ငါ့ကို ရှောင်နေခဲ့တာလား? ငါ မင်းနဲ့ လမ်းမခွဲနိုင်အောင် ဖိအားပေးနိုင်အောင်လို့ ငါ ဗီရိုထဲက ထွက်တာကိုလည်း ကူညီပေးနိုင်အောင် ငါ့ဓာတ်ပုံကို မင်း ပို့ခဲ့တာလား? "

ယန်ကျင်းဇီ : " ... " ကျွန်တော့်ရဲ့အချစ်လေး တွေးတာ အရမ်းများသွားပြီ!