အပိုင်း ၄၈

Chapter 48

ကျုံးယို့ယို့၏စိတ်က ကျောင်းပန်းပွင့် ရွေးချယ်ပွဲ၌ မ‌ရှိပေ။ သူမသည် ပြိုင်ပွဲ၌ အတန်း ၁၉ ကို ကိုယ်စားပြုရမည်ဖြစ်ကာ သေသေချာချာ ပြင်ဆင်ထားမှ ရမည်ဖြစ်သည်။ ထို့ကြောင့် အရင်နှစ်ရက်က သူမသည် ဆရာလီထံမှ ပြီးခဲ့သည့်အခေါက် မြို့နယ်အဆင့် သိပ္ပံဘာသာရပ်ပြိုင်ပွဲ မေးခွန်းဟောင်းများ တစ်စုံကို တောင်းယူခဲ့ပြီး အစအဆုံး လေ့ကျင့်ကြည့်ဖို့ ပြင်ဆင်ခဲ့သည်။ ဤနည်းလမ်းက သေချာပေါက်အသုံး၀င်လိမ့်မည်ဖြစ်၏ ။

ထိပ်ဆုံးကျောင်းသူက မေးခွန်းဟောင်းဖြေဆိုသည့်အခါ သူမ၏ကိုယ်ပိုင် BGM 

ရှိလေသည်။ သူမ၏ထိုင်ခုံဖော်က ကျုံးယို့ယို့ စာရွက်တွေကို တဖျက်ဖျက်လှန်ကာ အာရုံစူးစိုက်စွာဖြင့် ဖြေဆိုနေသည်ကို ကြည့်နေခဲ့ပြီး ထိုင်ခုံနေရာလဲမည့်အကြောင်း အတန်းပိုင်ဆရာကိုပြောရန်ပင် မေ့နေသည်။ သူမက ကျုံးယို့ယို့၏ ရေဘူးကို ယူလိုက်ပြီး

" ကျုံးယို့ယို့ နင် ရေသောက်ချင်လား "

ခေါင်းကိုမော့မလာဘဲ ကျုံးယို့ယို့က ရေသန့်ဘူးကို လှမ်း‌ပေးကာ ပြောလိုက်သည်။

" ကျေးဇူးပဲနော် ငါ့ကိုရေယူလာပေးပါဦး "

ရိုးရိုးသားသား‌ေပြာရလျှင် သူမထိုင်ခုံဖော်၏ စူးစိုက်နှစ်မြှုပ်ထားမှု လယ်ဗယ်နှင့်‌ဆိုလျှင် သူမထက် ဘယ်သူကများ ပိုပြီး ပညာရေးပိုင်းဆိုင်ရာ၌ သာနိုင်ပါ့မည်နည်း။ ထို့ကြောင့် သူမသည် ရေဖြည့်ရန်သာ အသာလေးခြေလှမ်းကာ  ပြေးသွားခဲ့သည်။

စီနီယာအတန်းများ၏ အားကစားပြိုင်ပွဲများသည် တနင်္လာနေ့မနက်ခင်း၌ ဘင်ခရာအခမ်းအနားဖြင့် တရား၀င်စတင်သည်။

ယနေ့ မနက် ကျုံးယို့ယို့သည် အတန်း (၁၉) ၏ စတိုခန်းသို့ အတန်း (၁၉) အမှတ်တံဆိပ်အလံကို ယူရန်သွားခဲ့သည်။ ဘင်ခရာအဖွဲ့၏ ခေါင်းဆောင်သည် အတန်း၏အလံကို ဝေ့ယမ်းရန် လိုအပ်ပြီး  ထိုအရာက အင်မတန် ညစ်ပတ်လွယ်သည်။ သူတို့သည် လေ့ကျင့်ရေးပြီးသည့်အခါတိုင်း အားကစားကွင်းထဲရှိ စတိုခန်း၌ သိမ်းဆည်းထားလေ့ရှိသည်။

အတွင်းထဲသို့ မ၀င်ခင် ပြတင်းပေါက်များမှတဆင့် ကျုံးယို့ယို့သည် မိန်းမလှလေးနှစ်ယောက်၊သုံးယောက် တစ်စုစီ ရှိနေကြသည်ကို မြင်ရပြီး လေထုက အလွန်အမင်း တောင့်တင်းနေသည်။

အတန်းခေါင်းဆောင်တိုင်းသည် မိမိအတန်း၏ ပန်းပွင့်လေးများဖြစ်ကြကာ

တစ်ယောက်စီတိုင်းသည် မာနကြီးကာ မောက်မာကြသည်။ သူတို့အားလုံးက ဤကဲ့သို့ ထိပ်တိုက်တွေ့ကြကုန်သည်။ ထိုအရာက လမ်းကျဉ်းကျဉ်းလေးထဲ၌ တွေ့ဆုံသကဲ့သို့ဖြစ်၏ ။ လေထုက လိုက်လျောညီထွေမှု ရှိ‌နိုင်ပါ့မည်နည်း။ အချင်းချင်း၏ဆိုဒ်ကို တိုင်းတာခြင်းနှင့် ရုပ်ရည်သွင်ပြင်ကို အကဲဖြတ်နေခြင်းက ပါ၀င်နေလောက်သည်။ 

ကျူံယို့ယို့ကမူ ထိုကိစ္စကို အရေးမလုပ်ပေ။ သူမသည်လည်း ထိုကဲ့သို့သော ကိစ္စများနှင့် မရင်းနှီးခြင်းလည်းမဟုတ်ပါ။ သို့သော်ငြား သူမ တံခါးကို တွန်းဖွင့်ကာ ၀င်တော့မည့်အချိန်၌ အထဲမှ တီးတိုးပြောသံများကို ရုတ်တရက်ကြားလိုက်ရသည်။ 

" ငါကြားတာတော့ ကျုံးမိသားစုက ကျုံးရှစ်ရွှမ်ကို ၁၈ နှစ်ပြည့် မွေးနေ့ကပွဲကျင်းပပေးမလို့တဲ့ သူတို့က သတင်းမီဒီယာကိုတောင် ဖိတ်ထားတာ ငါတကယ်  အားကျလိုက်တာ "

" ငါလည်း တကယ် အားကျတယ် နင်ပြောကြည့် ကျောင်းက ဒီပန်းပွင့်ရွေးချယ်တဲ့ပြိုင်ပွဲက မကြာသေးခင်က အတော်လေး လှုပ်ခတ်နေတာ ဒါပေမဲ့ လက်တွေ့မှာ မျက်နှာနဲ့ ခန္ဓာကိုယ်လေးကလွဲပြီး ကျုံးယို့ယို့က ကျုံးရှစ်ရွှမ်ကို ဘာမှမယှဉ်နိုင်ဘူး ပြီးတော့ ငါကြားတာတော့ သူမက ကျုံးမိသားစုရဲ့ ဆွေမျိုးတစ်ယောက်တဲ့ ကျုံးရှစ်ရွှမ်ရဲ့ နောက်ခံနဲ့နှိုင်းယှဉ်မယ်ဆိုရင် ကွာခြားချက်က စင်ဒရဲလားနဲ့ တကယ့်မင်းသမီးအစစ်လိုမျိုး ဖြစ်မနေဘူးလား " 

" ဟုတ်တယ် ကျောင်းပန်းပွင့်နာမည်အတွက် ပြိုင်ဆိုင်နေတာက ဘာလုပ်လို့ရမှာလဲ အဆုံးသတ်မှာ သူမနောက်ခံက ကျုံးရှစ်ရွှမ်ခောက်မှ မကောင်းတဲ့ဟာ။ သူ့ကိုတောင် သနားလာပြီဟယ် " 

" ကျုံးရှစ်ရွှမ်က သူမထက် ကျုံးယို့ယို့ မဲတွေပိုရတာကို အေးဆေးဖြစ်နေတာ မဆန်းပါဘူး သူမဖို့အဲ့တာကကိစ္စမရှိလို့နေမှာ  "

ကျုံးယို့ယို့ : "......"

၀တ္ထုတွေထဲမှာ မကြာခဏပေါ်လာတတ်သည့် ဇာတ်ကြောင်းက ပေါ်လာခဲ့လေပြီ။ ' ပွဲကြည့်သူတွေကို သူတို့ပြောနေသည့် အကြောင်းအရာထဲက လူကို သူတို့၏ စကားတွေကြားခွင့်မပြုဖို့ မေးလို့ရနိုင်မလား၊ဒါကြီးက ကသိသအောက်ဖြစ်ရသည် '

သူမသည် တံခါးကို တွန်းဖွင့်လိုက်ပြီး ၀င်သွားလိုက်သည်။ တံခါးက နံရံကို တိုက်မိပြီးနောက် ပြန်ကန်ထွက်လာခဲ့သည်။ စတိုခန်းထဲရှိ သူများအားလုံး ကြောင်အသွားကြသည်။ သူတို့က လှည့်ကြည့်ပြီး ကျုံးယို့ယို့ကို မြင်သည့်အခါ အလွန်ရှက်သွားကြပြီး ဘာပြောရမှန်းမသိ ဖြစ်သွားကြ၏။

တူညီသည့် ကျောင်း၀တ်စုံဖြစ်သော်လည်း ကျုံးယို့ယို့က သံသယဖြစ်ဖွယ်မရှိ ကျောင်းပန်းပွင့်များစွာ အကြား သိသာအပေါ်လွင်ဆုံးဖြစ်သည်။ သူမ၏ဆံပင်တိုက ရှည်လျားလာခဲ့ပြီး နားနောက်သို့ ညှပ်ထားသည်။ သူမမျက်နှာက အမူအရာမဲ့နေပေမဲ့ သွင်ပြင်လက္ခဏာများသည် အေးစက်သည့် ခံစားချက်ကို ပေးနေပြီး သူစိမ်းများက ချဉ်းကပ်ရန် ခက်ခဲစေသည်။ သူမ၀င်လာသည်နှင့် ချက်ချင်း မိန်းကလေးများအားလုံးသည် အာရုံစိုက်မှုကို သူမမျက်နှာပေါ်၌ ထားရှိထားကြသည်။

ကျုံးယို့ယို့က သူတို့ကိုကြည့်လိုက်ပြီး

" နင်တို့ ငါ့ကို သနားနေဖို့အချိန်ရှိရင် နင်တို့ကိုယ်နင်တို့ အရင်ဆုံးပြန်သနားသင့်တယ် ။အကုန်လုံးရဲ့အဆင့်‌တွေက အောက်ခြေနားမှာချည်းပဲ။ နင်တို့က တခြားလူကို လှောင်ရယ်ဖို့ ဘာအရည်အချင်းရှိကြလို့လဲ "

သူမအကြောင်းကို ပြောနေကြသည့် မိန်းကလေးတွေ၏မျက်နှာသည် ရုတ်တရက် ပြောင်းလဲသွားကြသည်။ ကျုံးယို့ယို့၏ အဆင့်များက အရမ်းလျင်မြန်သစွာတိုးတက်လာခဲ့ပြီး သူမက အတန်း (၁၉) ကိုတောင် ကိုယ်စားပြုအဖြစ် ပြိုင်ပွဲကို ၀င်ရောက်ယှဉ်ပြိုင်ရသည်ကို တဆင့်စကားများမှတဆင့် ကြာသိခဲ့ရ၏ ။ ကျုံးယို့ယို့သည် သူမ၏ အဆင့်များနှင့်တင် သူမတို့ကို နင်းခြေနိုင်သည်။ ထို့ကြောင့် သူမကို စကားတစ်ခွန်းတောင်မှ ပြန်မပြောနိုင်ခဲ့ကြ‌ပေ။

သူတို့၏ ရမှတ်အဆင့်၊ရုပ်ရည် ဒါမှမဟုတ် နောက်ခံဖြစ်စေ အားလုံးသည် ကျုံးယို့ယို့ထက်သာသည့် အရာတစ်ခုမှ မရှိကြပေ။

ပိန်လှီသည့် ကုလားအုတ်က မြင်းထက်တော့ပိုကောင်းသည်။ ကျုံးမိသားစု၏ ဆွေမျိုးက တခြားသာမာန်မိသားစုများထက် ပိုသာလေသည်။  ကျုံးယို့ယို့သည် မုန့်ရှစ်ရွှမ်ထက်ပင် နာမည်ကျော်ကြားသည့် အမှတ်တံဆိပ်တွေကို ပို၍တောင်၀တ်လာခဲ့သည်။

သူတို့၏ အကျည်းတန်နေသည့် မျက်နှာတွေကို လျစ်လျူရှုကာ ကျုံးယို့ယို့သည် သူမအတန်း၏ အောင်လံတံခွန်ကို ရှာ‌တွေ့ပြီးသည့်‌နောက် ထွက်သွားခဲ့သည်။

အထက်တန်းတတိယနှစ်၏ အားကစားပြိုင်ပွဲက လွန်ခဲ့သည့် ရက်အနည်းငယ်က ဒုတိယနှစ်ပြိုင်ပွဲထက် ဆူညံမှုအတိုင်းအတာ ပိုမြင့်သည်။ အားကစားကွင်းက လူအုပ်များနှင့် ပြည့်နေသည်မှာ ချဲ့ကားပြောခြင်းမဟုတ်။ ကျောင်း၏အနောက်မြောက်ဘက်ဆုံးဂိတ်တံခါးပေါက်က အားကစားကွင်းကို တိုက်ရိုက်မျက်နှာမူထားတာ ကျောင်းဂိတ်ပေါက်မှကျောင်းသားတွေ ရုန်းရင်းဆန်ခတ် အခြေအနေကို အခွင့်အကောင်းပြုကာ ကျောင်းလစ်ခြင်းကိုကာကွယ်ရန် လုံခြုံရေးအနည်းငယ် ထားရှိထားရ၏။

အသင်းအသီးသီး၏ ပုံစံဖွဲ့စည်းပုံက ကစားကွင်းထဲ၌ ပြီးသွားခဲ့ပြီး ဘင်ခရာတီးခတ်သံများက တစ်ဖန်စတင်လာခဲ့သည်။

ယခုအချိန်သည် ‌အသင်းခေါင်းဆောင်များ၏ နာမည်ကြီးမှုကို မြင်ရသည့်အချိန်ဖြစ်သည်။ ဥပမာအနေဖြင့် တတိယနှစ်-အခန်း (၁) ၏အသင်းက ဖြတ်သန်းသွားသည့်အခါ အားကစားကွင်းထဲမှ နားပင်းစေလောက်မည့်အားပေးသံများကို  ကြားကြရသည်။ အဆုံးမှာ ထိုအသင်းမှ မုန့်ရှစ်ရွှမ်သည် ပြီးခဲ့သည့် နှစ် ၂နှစ်၏ ကျောင်းပန်းပွင့်‌ေလးဖြစ်လေသည်။ ကျောင်း၌ မုန့်ရှစ်ရွှမ်၏ နာမည်ကျော်ကြားမှုက ရှစ်ကျစ်ထန်ကဲ့သို့သော နာမည်ကြီးသည့် သူတစ်ဦးထက်ပင် သာလွန်သည်။ 

သို့သော် မုန့်ရှစ်ရွှမ်၏မျက်နှာက ဖြူမြဲဖြူနေပြီး သူမနှင့် နီးကပ်သည့် ယင်ချူးချူးသာလျှင်  သူမက မူးဝေကာမတည်ငြိမ်ဖြစ်နေသည်ကို မြင်နေရသည်။ မုန့်ရှစ်ရွှမ်သည် အဖျားမှ သက်သာမလာသေးကဲ့သို့ဖြစ်သည်။

"နင်အဆင်ပြေရဲ့လား တောင့်ခံနိုင်သေးလား " ယင်ချူးချူးက စိတ်ပူစွာဖြင့် မေးလိုက်သည် ။

မုန့်ရှစ်ရွှမ်က ပြောသည်။

 "အဆင်ပြေပါတယ်  " အရင်နေ့များကအဖျားသည်  ဒီရက်ပိုင်းမှာ လေ့ကျင့်ဖို့အချိန်‌ပေးနေခဲ့ရတာများကြောင့် ဂရုမစိုက်မိခဲ့ဘဲ  ယနေ့၌ ပိုပြီးဆိုးလာခြင်းဖြစ်သည်။

လူအစုအဝေးက လမ်းလျှောက်နေသည်ကို ရပ်ကာ  မြက်ခင်းပြင်ပေါ်၌ ရပ်တန့်လိုက်သည်။ အများအပြားက အားပေးနေကြပြီး ရုတ်တရက် အော်ဟစ်နေသည်နှင့်တူသည့် ကျယ်လောင်သည့် ကြိုဆိုသံကို ကြား‌လိုက်ရသည်။

 အော်ဟစ်‌သံတွေ၌ မိန်းကလေးအသံများအပြား ပါ၀င်ပြီး 

" ကျုံးယို့ယို့   လောင်ကုန်း "

သူတို့ ရယ်မောလိုက်ကြမိသည်။ စိတ်လှုပ်ရှားပျော်ရွှင်မှုက အဆုံးမရှိဘဲ မုန့်ရှစ်ရွှမ်၏  လူစုလူဝေးကို ယဲ့ယဲ့ ဖိနှိပ်နေသည် ။

ထို့နောက် ကြော်ငြာချက်တစ်ခုထွက်ပေါ်လာ၏။

"ကျွန်တော်တို့ဆီသို့လာ‌နေသော သူကတော့ တတိတနှစ် အတန်း (၁၉)မှ ဖြစ်ပါတယ်။ သူတို့အတန်း ခေါင်းဆောင်ကတော့ မကြာသေးခင်က အခြေအနေတွေ လျင်မြန်စွာတိုးတက်လာတဲ့ အတန်းဖော် ကျုံးယို့ယို့ဖြစ်ပါတယ်...."

ကျောင်း၌ ကျုံးယို့ယို့သည် လတ်တလောမှ နာမည်ကြီးလာသည့် သူတစ်ဦးဖြစ်သော်လည်း သူမ၏ ကျော်‌ကြားမှုသည်လည်း ၂နှစ်ကြာ ကျော်ကြားမှုကို  သိမ်းပိုက်ထားခဲ့သည့် မုန့်ရှစ်ရွှမ်ထက် မလျော့နည်းချေ။ ဘာကြောင့်မှန်းမသိ မိန်းကလေးများအကြား၌ သူမသည် ပို၍နာမည်ကြီးလျက်ရှိသည်။ မဲရလဒ်များအရ မုန့်ရှစ်ရွှမ်ကို မဲပေးခဲ့ကြသူအများစုမှာ ယောင်္ကျားလေးများဖြစ်ကြပြီး ကျုံးယို့ယို့ကို မဲပေးခဲ့ကြသူများက မိန်းကလေးများဖြစ်နေကြသည်။

မုန့်ရှစ်ရွှမ်၏ဖျော့‌နေသည့်မျက်နှာသည်ယခုတွင်‌ ပိုပြီးဆိုးသွား၏ ။

မူလက ကျုံးယို့ယို့၏ မဲရလဒ်များသည် သူမနှင့် အနည်းငယ်ဝေးကွာသေးသည်။ယနေ့ မဲပေးခြင်းပိတ်သည့်အခါ သူမသည် ကျောင်းပန်းပွင့်လေး ဆက်ဖြစ်နေပေမည်။ ထိုအခါ သူမသည် ကျောင်း၏ကျောင်းပန်းပွင့်ဘွဲ့အား သုံးနှစ်ဆက်တိုက်ရယူနိုင်ခဲ့ကာ အနာဂတ်မှာ ကျောင်း၏သမိုင်း၀င်အောင်မြင်မှုထဲက တစ်ခုအဖြစ် ကျန်ရစ်ခဲ့လိမ့်မည်။

သို့သော်လည်း ကျုံးရှီယို့၏ကျေးဇူးကြောင့် နှစ်ရက်အတွင်းမှာပဲ ကျုံးယို့ယို့က ဒုတိယနေရာကိုကျော်တက်သွားခဲ့ပြီးမဲအရေအတွက်သည် ဆက်လက်တိုးများလာကာ သူမ၏မဲရလဒ်များကိုပင် မကြာခဏ ‌ကျော်တက်သွားနေခဲ့သည်။

သူမသည် တခြားသူများ၏ ရှေ့မှောက်၌ အေးဆေးတည်ငြိမ်ချင်ယောင်ဆောင်ပေမဲ့ သူမသာလျှင် ထိုမဲရလဒ်တွေကို ဘယ်လောက်စုခဲ့ရသည်ကို သိသည်။ ကျုံးယို့ယို့က သူမကို အချိန်တိုအတွင်းမှာ လွယ်ကူစွာ ကျော်တက်သွားခဲ့ပြီး သူမမျက်နှာကို ဖြတ်ရိုက်လိုက်သည်နှင့် မခြားချေ။

ကျုံးယို့ယို့က တကယ်ပဲ သူမဆီက အရာအားလုံးကို ယူပစ်ချင်နေသည်လား။

မုန့်ရှီယို့သည် အတန်း (၁၉) အသင်းရှိရာသို့ လှမ်းကြည့်လိုက်ပြီး ရှေ့ဆုံးမှ လျှောက်လှမ်းနေသည့်သူသည် ‌ဂုဏ်ယူ‌မော်ကြွားကာ ကြော့ရှင်းနေပြီး သူမ မပိုင်ဆိုင်နိုင်သည့် ဆွဲဆောင်မှုသော မိမိကိုယ်ကို ယုံကြည်မှုကိုလည်း ပြသနေသည်။

ဤအချိန်မှာ အားလုံး၏အာရုံစိုက်မှုက ကျုံးယို့ယို့ထံ၌သာ ရှိနေသည်ဟုဆိုပါက ချဲ့ကားပြောခြင်း ဖြစ်မည်မဟုတ်ပေ။

မုန့်ရှစ်ရွှမ်သည် သူမအတန်းနောက်က ရှစ်ကျစ်ထန်ကို ကြည့်လိုက်သည်။ ထင်ထားသကဲ့သို့ ရှစ်ကျစ်ထန်သည်လည်း ကျုံးယို့ယို့ရှိရာဘက်သို့ ကြည့်နေခဲ့သည်။  သူ၏မျက်လုံးများက ရှုပ်ထွေးနေပုံပေါ်ပြီး သူ၏သဘောကျမှုကို ဖုံးကွယ်မထားနိုင်ချေ။

သူမကို သူထိုကဲ့သို့ အရင်က ကြည့်ဖူးခဲ့သလား။ 

မုန့်ရှစ်ရွှမ်သည် သေချာတွေးကြည့်ပြီးနောက် အတိတ်က ရှစ်ကျစ်ထန်သည် သူမကို ယုယကြင်နာသည့် မျက်လုံးများဖြင့် ကြည့်ခဲ့၏ ။ သို့သော် ဤကဲ့သို့သော အံ့အားသင့်နှစ်ခြိုက်မှုမျိုး မရခဲ့ချေ။

သူမကနှုတ်ခမ်းကိုကိုက်ပြီး ခေါင်းကို ပြန်လှည့်လိုက်သည်။

ထိုအချိန်၌ ကျောင်းဖိုရမ်က လက်ရှိအချိန်နှင့် တပြေးညီ မဲပေးနေကြဆဲဖြစ်ပြီး ဖွင့်ပွဲပြီးဆုံးသည့်အချိန်မှသာ မဲပေးကာလပြီးဆုံးမည်ဖြစ်သည်။  ဆရာ‌များက စောင့်မကြည့်သည့် အချိန်ကြားကာလကို အခွင့်‌ကောင်းယူကာ ယင်ချူးချူးသည် မုန့်ရှစ်ရွှမ်ကို လက်ရှိမဲရလဒ်များအား စစ်ဆေးကြည့်ရန် ကူညီခဲ့သည်။ နှစ်ဖက်စလုံး၏ မဲရလဒ်များက ဆက်တိုက်မြင့်တက်နေလျက်ရှိပြီး သည်းထိတ်ရင်ဖိုဖွယ်ကောင်းလှသည်။

စီတန်းမှုကပြီးဆုံးသွားသည့်နောက်တွင်  ကျုံးယို့ယို့၏ မဲများက တစ်ဖန်များပြားလာခဲ့ပြီး ဤတစ်ကြိမ်၌ မုန့်ရှစ်ရွှမ်ကို မဲရလဒ်တစ်ရာကျော်ဖြင့် ရုတ်တရက်  ကျော်လွန်သွားခဲ့သည်။

သူမသည် စိုးရိမ်သောကရောက်ကာ မုန့်ရှစ်ရွှမ်ကို စကားမပြောဝံ့ခဲ့ပေ။ 

" ဘာဖြစ်တာလဲ " မုန့်ရှစ်ရွှမ်က သူမကို ထပ်တလဲလဲကြည့်‌နေသည်ကို မြင်သည့်အခါ မေးလိုက်၏ ။

ယင်ချူးချူးက လျင်မြန်စွာ ပြောလိုက်သည် ။

 " ဘာမှမဟုတ်ပါဘူး "

' နောက်တခါ ထပ်ပြီးကြည့် ကြည့်မယ်။တခါ‌မှာ မုန့်ရှစ်ရွှမ်၏ မဲရလဒ်က တဖန်ပြန်ပြီး အနိုင်ယူသွားလောက်မှာပါနော် '

" အာ ရှစ်ရွှမ် သူတို့ နင့်နာမည်ကိုခေါ်တဲ့အခါ ငါအတူတူလိုက်ခဲ့ရမလား နင့်ပုံစံကသိပ်ပြီးအဆင်‌ပြေပုံမပေါ်လို့ "

အတန်းတိုင်း၏ အသင်းခေါင်းဆောင်တိုင်းသည် အတန်းတစ်ခုစီတိုင်း၏ ဂုဏ်ပြုလွှာကို လက်ခံရန် စင်မြင့်ပေါ်သို့သွားရသည်။ ယဥ်ကျေးသိမ်မွေ့မှုဆုများမရှိသော်လည်း သန့်ရှင်းမှုဆုကဲ့သို့သော နှစ်သိမ့်ဆုများရှိကြသဖြင့် အခြေခံအားဖြင့် အတန်းအသီးသီးတိုင်း ဆုရကြသည်။ ဆုပေးစင်မြင့်က ထိပ်နားလေး၌ရှိကာ သိပ်မဝေး။ မုန့်ယစ်ရွှမ်က သူမဘာသာသွားဖို့ကိစ္စမရှိပေမဲ့လည်း ယင်ချူးချူးက သူမကို ကူညီချင်နေခဲ့သဖြင့် နှုတ်ခမ်းများကို စေ့လိုက်ပြီး မငြင်းဆိုခဲ့ပေ။ 

" အတန်း (၁၉) ကျေးဇူးပြု၍ ဆုလက်ခံရန် တက်လာပေးပါ "