အပိုင်း ၁၃၀

Chapter 130

(ဝေ့မိသားစုဝင်နှင့် လက်ထပ်ချင်တယ်)

သောက်ပြီးနောက် သူမ ခွက်ကိုချလိုက်သည်။

  “ငါ့မိဘတွေ ဆုံးသွားတာကြာပြီ...အိမ်မှာ ငါ့ဆရာပဲရှိတယ်...ဆရာနဲ့ငါက အမြဲတမ်း တစ်ယောက်ကိုတစ်ယောက် ကူညီရိုင်းပင်းကြတယ်... အိုး... အခု အိမ်မှာ နောက်ထပ် အစ်ကိုလို ခင်ရသူတစ်ယောက် ရှိနေပြီဆိုတော့ ငါတို့ သုံးယောက် နေကြတာပေါ့”

စုမုန့်သည် သူမ၏ မိသားစု နောက်ခံအကြောင်း ပြောသောအခါ၊ ရှန့်ကျန်းကိုပါ ထည့်ပြောခဲ့သည်။ ရှန့်ကျန်း သာ ကြားလိုက်ရလျှင် သူဝမ်းသာပြီး မျက်ရည်တောင်ကျမိမှာသေချ၏။

သူမ စကားမဆက်ခင် ခဏလောက် ခေတ္တရပ်လိုက်ပြီး 

"ငါ့မိသားစုကိစ္စကတော ငါ့ရဲ့ အတွင်းရေးပဲ... မစ္စရှောင်က တခြားသူတွေရဲ့ ကိုယ်ရေးကိုယ်တာကို သိပ်စိတ်မဝင်စားဘူးမဟုတ်လား”

စုမုန့် ကိုကြည့်သော ရှောင်ရှောင်၏အကြည့်သည် ရန်လိုလွန်းသည်။စုမုန့်လည်း သူမကို သက်သက်ရန်လာစခြင်းဖြစ်ကြောင်း ချက်ချင်း ရိပ်မိခဲ့သည်။ရှောင်ရှောင် ဆိုသူသည် ဝေ့ထင်ကို သေချာပေါက် သဘောကျပြီး သူမကို မုန်းတီးနေမှန်း အထင်းသားမြင်ရသည်။

အဖေရှောင် ဖုန်းပြောသွားကတည်းက အမေရှောင်က ရှောင်ရှောင်ကို အာရုံစိုက်ခဲ့သည်။ရှောင်ရှောင်၏စကားများသည် ပို၍ပို၍ ဆိုးဝါးလာသည်ကို မြင်လိုက်ရသည်နှင့် သူမ အဖေရှောင်ကို တိတ်တဆိတ် ကျိန်ဆဲလိုက်သည်။ သူ့မယားငယ်အတွက် သမီးဖြစ်သူနှင့်၊ ရှောင်မိသားစုကိုတောင် လက်လွှတ်တော့မည့်ပုံပင်။

ယခု အမေရှောင် အနည်းငယ် မငြိမ်မသက် ဖြစ်နေရသည်။ခဏလောက် နားထောင်ပြီးနောက် ပို၍စိတ်ပူသွားတာကြောင့် ရှောင်ရှောင်ကို တားဖို့တွေးလိုက်သည်။သို့သော်၊သူမ မရပ်ရသေးခင် လူတစ်ယောက်က သူမကို စကားပြောဖို့ လာခဲ့သည်။ထိုလူက သူမကို လက်မထောင်ပြပြီး

 “ ရှောင်မိသားစုက အဖေနဲ့တူတဲ့ သမီးမျိုး ရထားတာပဲ...မစ္စရှောင်က တစ်ကယ်ကို အံ့သြစရာကောင်းတယ်...အဘိုးဝေ့ကိုတောင် ဆန့်ကျင်ဝံ့တယ်...မင်းလို အမေမျိုးကိုလည်း အရမ်း လေးစားတယ်ဗျာ"

သူမ တခြားဘာမျှ မပြောနိုင်သောကြောင့် ခြောက်သွေ့စွာ ရယ်မောကာ ဖြေရှင်းနိုင်ခဲ့သည်။

ရှောင်ချမ် ထိုအရာကိုမြင်‌သည့်အခါ ထလာသည်။ထိုလူက ရှောင်ချမ်ကို မြင်လျှင် ခေါင်းကိုတစ်ဖက်လှည့်ပြီး စကားဆက်မပြောတော့။ ထိုမှသာ အမေရှောင် သက်ပြင်းချနိုင်ခဲ့သည်။ထို့နောက် သူမ  မတ်တတ်ရပ်ပြီး ရှောင်ရှောင်ကိုတားမည်ပြုစဉ် ရှောင်ချမ်က  သူမကို ပြန်ထိုင်စေလိုက်၏။

 “အမေ၊ ခဏနေဦး... ရှောင်ရှောင်ရဲ့ ကိစ္စအတွက် အမေ စိတ်ပူနေစရာ မလိုပါဘူး... အဘိုးဝေ့ပြောပြီးပြီလေ...အမေတို့ ဆက်ပြောမယ်ဆိုရင် အဘိုးဝေ့ စိတ်တိုသွားမယ်… အမေ သူ့ကိုတော့ ရန်မစချင်ဘူးမလား...အမေ့ကို ကျွန်တော် ပြောစရာရှိတယ်"

 "ဒီမှာ မင်း ဘာလာလုပ်နတာလဲ...မင်း ငါ့အနားမှာမနေဖို့ ပြောထားတာမဟုတ်ဘူးလား”  

ရှောင်ချမ် ကိုမြင်လိုက်သည်နှင့် အမေရှောင်၏ ကြောက်ရွံ့ထိတ်လန့်သော အမူအရာသည် ချက်ချင်းပင် ရွံရှာဖွယ် ကောင်းသောအမူအရာအဖြစ်သို့ ပြောင်းလဲသွားသည်။

ရှောင်ချမ် သည် အမေရှောင် ဒေါသထွက်နေမှန်း သိလိုက်သည်။အမေရှောင်က သူ့ကို သူမနှင့် အနီးမှာ မနေစေပေ။သူသည် ဝေ့ရွှယ်နှင့် သွားထိုင်ပြီး အမေရှောင် အနားမထိုင်ရသည့် အကြောင်းအရင်းမှာ၊ အမေရှောင်က သူ့ကို မကြိုက်တာကြောင့်ပင်။ သူ့ကိုတွေ့တိုင်း သူမသည် နားမလည်နိုင်လောက်အောင် ဒေါသ ထွက်နေတတ်၏။သူ ပွဲသို့ မလာသေးမီကပင်၊ အမေရှောင်က သူမဘေးတွင် မထိုင်ရန် သတိပေးခဲ့သည်။ ထို့ကြောင့် သူသည် ဝေ့ရွှယ် ဘေးတွင် ထိုင်နေခဲ့ရသည်။ အစကတော့ သူလည်း သူမဆီ မလာချင်ပေ။သို့သော်လည်း သူမ တစ်ယောက်တည်း ခက်ခဲသော အနေအထားတွင် ရှိနေသည်ကို မြင်ရ၍ ကူညီရန် ဆုံးဖြတ်ခဲ့သည်။

အမေရှောင် နံဘေးကို လျှောက်သွားရင်း ရှောင်ချမ် တစ်ရှူးတစ်စကို ထုတ်ယူပြီး ချွေးတွေသုတ်ဖို့ သူမအား လှမ်းပေးလိုက်သည်။ အမေရှောင်သည် သားအငယ်ဆုံးကို ကြည့်လိုက်သည်။သူမ မျက်လုံးထဲတွင် အချစ်မရှိဘဲ စိတ်မရှည်မှုတွေနှင့်သာ ပြည့်နေပြီး သူမက အေးစက်စွာမေး၏။

"မင်းဘာတွေပြောနေတာလဲ"

ရှောင်ချမ်သည် သူ့အမေအရင်းက သူ့အား သိပ်မုန်းတီးနေသည်ကို စိတ်မ၀င်စားဘဲ ပခုံးတွန့်ပြီး အေးအေးဆေးဆေးပြော၏။

 “အမေ ဘယ်လောက်ထိ စိတ်လှုပ်ရှားနေလဲ ကြည့်စမ်း...အမေ့ရဲ့ကျန်းမာရေးက မကောင်းဘူးလေ...အမေ အရမ်း  ကြောက်လာရင် ဘာဖြစ်သွားနိုင်သလဲ ဆိုတာ သိတယ်မလား... စိတ်မပူပါနဲ့… ရှောင်ရှောင့်ရဲ့ ဦးနှောက်ဟာ တစ်ခါတလေ ကောင်းကောင်း အလုပ်မလုပ်ပေမယ့် အရေးကြီးတဲ့ ကိစ္စကြုံလာတဲ့အခါ သူမ ခေါင်းက ပြေးနေမှာပါ"

 ....

ရှောင်ချမ်က လက်သုတ်ပဝါကို အမေရှောင်ထံ ပေးခဲ့သော်လည်း မယူဘဲ ရွံရှာစိတ်ဖြင့် လက်သုတ်ပုဝါကိုပင် လွှင့်ပစ်လိုက်သည်။ထို့နောက် သူမ မျက်မှောင်ကြုတ်ကာ သူ့ကို ဂရုမစိုက်ဘဲ အဝေးကို ကြည့်နေလေသည်။

ရှောင်ချမ် ပြုံးပြီး စိတ်မဆိုးမိပေ။ တိုက်ဆိုင်စွာပင်၊ အမေရှောင်၏ဘေးတွင် ထိုင်ခုံတစ်ခုရှိသည်။အဖေရှောင်က ဖုန်းဆက်ဖို့ ထွက်သွားပြီး ပြန်မလာတာကြောင့် သူ ထိုင်လိုက်သည်။အမေရှောင်က သူမဘေးမှာ ထိုင်နေသည့် ရှောင်ချမ်ကို

“မင်းပြောစရာရှိရင် ပြောပြီး ချက်ချင်းထွက်သွား...ဘာလို့ ငါ့ဘေးမှာ ထိုင်တာလဲ"

ရှောင်ချမ်က ပြုံးပြီး "စိတ်မပူပါနဲ့ အမေ... ကျွန်တော် ခဏထိုင်ပြီး ထွက်သွားမှာပါ…အဖေပြန်လာရင် ထိုင်ခုံကို ပြန်ပေးမယ်...အမေ ဘာတွေ စိတ်ပူနေလဲ ဆိုတာ ကျွန်တော်သိတယ်…တကယ်တော့ စိတ်ရှုပ်စရာ မလိုပါဘူး…ရှောင်ရှောင်ရဲ့ စိတ်ရင်းကို အမေ မြင်တယ်မလား…သူမရဲ့ ရည်ရွယ်ချက်က စုမုန့်ကို အနေခက်အောင် လုပ်တာမဟုတ်ဘူး… သူမကို ဘေးဖယ်ထုတ်ပြီး ဝေ့ထင်ကို လိုချင်နေတာ...မှန်တယ်မလား"

အမေရှောင် နှုတ်ဆိတ်နေခဲ့သည်။  သူမ မကန့်ကွက်ခဲ့သလို ထောက်လည်း မထောက်ခံပေ။သမီဖြစ်သူ ဘာတွေတွေးနေမှန်း သူမ မရိပ်မိဘဲ မရှိ။

ရှောင်ချမ်က ဆက်ပြောသည်။

 “အမေ၊ တကယ်ဆို စိတ်ပူစရာ မလိုပါဘူး…စုမုန့် နဲ့ ဝေ့ထင်တို့ကြားက ဆက်ဆံရေးက သိပ်မကောင်းဘူးလို့ ကြားတယ်…ဝေ့ထင်က စုမုန့်ကို မကြိုက်ဘူး... မုန်းသတဲ့…  စဉ်းစားကြည့်ပါ…ရှောင်ရှောင်က စုမုန့်ကို ဝေ့မိသားစုကနေ ထွက်သွားအောင် တကယ်လုပ်နိုင်ရင် သူမမှာ အခွင့်အရေးရှိမှာ မဟုတ်ဘူးလား…ဝေ့မိသားစုထဲကို သူမ ဝင်နိုင်တယ် ဆိုတာကို အမေနဲ့ အဖေ လိုချင်တယ်မဟုတ်လား…ဒါဆို ကျွန်တော်တို့ ရှောင်မိသားစုကလည်း ဂုဏ်ကျက်သရေရှိနိုင်မှာ"

အမေရှောင်က "အခု အဘိုးဝေ့ကို စော်ကားနေတာကို နောင် ဝေ့မိသားစုထဲကို ဝင်ချင်သေးတယ် ဟုတ်လား...အိပ်မက်မက်နေလိုက်… ဒီမိန်းကလေးက ဦးနှောက်လုံးဝမရှိဘူး… စုမုန့်ကို နှိမ်ဖို့ နည်းလမ်းတွေ အများကြီး ရှိတာကို ဒီလိုဒဲ့ကြီး အရူးလိုမျိုး သွားပြောနေတာလေ"

ရှောင်ချမ် အမေရှောင်ထံကပ်ပြီး နားရွက်နားကိုကပ်ကာ လေသံတိုးတိုးဖြင့် ပြောပြသည်။

"အမေ၊ သတိမထားမိဘူးလား... ဝေ့မိသားစုတစ်ခုလုံးမှာ အဘိုးဝေ့ကပဲ စုမုန့်ကိုချစ်ပြီး အမြဲကာကွယ်ပေးနေတာ... တခြားသူတွေက လုံးဝတုံ့ပြန်မှု မရှိဘူး…ဒါဖြင့် သူသာ မရှိတော့ရင် ဘာဖြစ်မလဲ... သူ့အသက်က ဘယ်လောက်ရှိပြီလဲ...ကြည့်ရတာ သူ အသက်ရှင်ရလည်း နှစ်နည်းနည်းပဲကျန်တော့တာ.....သူ့အတွေးတွေက အရေးမကြီးဘူး… ရှောင်ရှောင်က ဝေ့မိသားစုရဲ့ မိဘတွေကိုသာ ပေါင်းနိုင်ရင် အဆင်ပြေသွားမှာပါ”

ရှောင်ချမ် ပြုံးလိုက်ပြီး ဆက်ပြောသည်။

“အမေက အမေဝေ့နဲ့ စျေးဝယ်ထွက်ပြီး လက်ဖက်ရည်သောက်လေ့ရှိလား…အမေဝေ့ ဘာကို ကြိုက်တတ်သလဲဆိုတာ အမေ သိထားရမယ်… အမေနဲ့ ရှောင်ရှောင်က သူမကို ပေါင်းပြီး ရင်းနှီးနေရင် ရှောင်ရှောင်လည်း ဝေ့မိသားစုထဲမှာ လက်ထပ်ဖို့ လွယ်သွားမှာမဟုတ်လား"

(သားဖြစ်သူက အမေကိုလှည့်စားတယ်)

ရှောင်ချမ် စကားက အဓိပ္ပာယ်ရှိသည်။ အမေရှောင်၏ မျက်နှာသည် နောက်ဆုံးတွင် အနည်းငယ် ပိုကောင်းလာပြီး ရှောင်ချမ်အား စောစောကလို မပြောတော့။ သို့သော်ငြားလည်း သူမ လေသံမှာ အလွန်ဆိုးရွားနေသေးသည်။

 “ဒီအကြောင်းကို မင်းဘယ်လိုသိလဲ…မင်း ပတ်ဝန်းကျင်က မိန်းမတွေက မင်းကိုပြောခဲ့တာ ဖြစ်နိုင်ပါ့မလား"

ရှောင်ချမ် က ပြုံးပြီးပြောသည်။ "အမေ ဒါကို ဂရုစိုက်နေစရာ မလိုဘူး…ဒါတွေ မှန်တယ်ဆိုတာ အာမခံပါတယ်…ကျွန်တော် ဘယ်သူ့ကိုမှ မပြောဘူးဆိုပြီး အဲဒီလူကို ကတိပေးခဲ့တယ်၊ သူက ကျွန်တော့်ကို ပြောတာ…စုမုန့်ကို ဝေ့မိသားစုက မကြိုက်ဘူး...အဖေဝေ့နဲ့ အမေဝေ့ကလည်း သူမကို မကြိုက်ကြဘူး...  မိသားစုထဲက အစေခံတွေကလည်း သူမကို နှိမ်ပြီး မကြာခဏ အနိုင်ကျင့်တယ်”

 “အင်း၊ အထူးသဖြင့် အမေဝေ့…စုမုန့်က သူမကို ထောင်ထဲတောင် ပို့လိုက်တာ...သူမ မျက်နှာအများကြီးပျက်သွားခဲ့တယ်… အဲ့ဒီလို ဖြစ်ပြီးနောက် သူမက စုမုန့်ကို ချက်ချင်း ဝေ့မိသားစုကနေ အမြန်ဆုံး ထွက်ခိုင်းလိုက်တာ"

 "ဒါကြောင့်ပဲ၊ ရှောင်ရှောင် ကြိုးစားရင် သူမအတွက် တစ်ကယ်ကို အခွင့်အရေးရှိတယ်… သူမ ဘယ်လောက်ပဲ ဆိုးရွားနေပါစေ ရှောင်မိသားစုရဲ့ သမီးဖြစ်နေဆဲပါ…သူမ အဆင့်အတန်းက စုမုန့်ထက် အများကြီး ပိုမြင့်တယ်”

 “ကြည့်လေ.. အဘိုးဝေ့က အသက်ရှင်နေသေးတယ်...စုမုန့်က သိပ်နာမည်မကြီးသေးဘူး… ဒါဆို သူ့ကိုစောင့်လိုက်ပါလား.."

ရှောင်ချမ်က 'သေ' ဆိုသည့်စကားကို တိုက်ရိုက်မပြော။တစ်ခါတလေမှာ ရှင်းရှင်းလင်းလင်း လုပ်ခြင်းက မကောင်း၊သူ့ကိုယ်သူ လွယ်လွယ်နှင့် ဒုက္ခ ရောက်စေသည်။

အမေရှောင် ခေါင်းညိတ်လိုက်သဖြင့်  ရှောင်ချမ် ပြုံးလိုက်ကာ ဆက်ပြီး 

“အဘိုးဝေ့က အသက်ကြီးပြီ…သူမကို ကာကွယ်ချင်ရင်လည်း နောက်နှစ်နည်းနည်း ကြာတဲ့အထိ ကာကွယ်ပေးနိုင်တာ...ဒါဆို အဖေဝေ့နဲ့ အမေဝေ့တို့ အပေါ်မှာ မူတည်နေတယ်...အခု အမေဝေ့ကိုကြည့်လေ...အခု သူမ စိတ်ဆိုးနေပုံပဲ"

ရှောင်ချမ်၏ စကားအတိုင်း အမေရှောင်သည် အမေဝေ့ကို ကြည့်လိုက်သည်။ အမေဝေ့သည် ချိုသာသည့်အပြုံးနှင့် အေးအေးဆေးဆေး ထိုင်နေ၏။ စုမုန့် ​​ခက်ခဲသည့် အနေအထားမှာ ရောက်နေတာကိုပင် လုံး၀စိတ်မချမ်းသာ ဖြစ်ပုံမရ။

သူက ဆက်ပြောသည်။

"ရှောင်ရှောင် ရဲ့ လက်ရှိ လုပ်ရပ်တွေက နည်းနည်းရှက်စရာကောင်းပေမယ့် သူမအောင်မြင်ရင် ဦးလေးဝေ့နဲ့ အဒေါ် ဝေ့တို့အာရုံကို ဖမ်းစားနိုင်တယ်…ပြီးတော့  ဝေ့ရွှယ် နဲ့ ကျွန်တော်က သူငယ်ချင်းကောင်းတွေပါ..သူမကိုအကူအညီတောင်းရင် ရှောင်ရှောင် ဝေ့ထင် နဲ့ လက်ထပ်လို့ရနိုင်တယ်လို့ မထင်ဘူးလား"

ရှောင်ချမ် ၏ 'ရှောင်ရှောင် နှင့် ဝေ့ထင်တို့ လက်ထပ်ခြင်း' ဟူသော စကားက အမေရှောင် စိတ်ထဲတွင် လွှမ်းမိုးသွားခဲ့သည်။ သူမသည် လူချမ်းသာအမျိုးသမီးများ အသိုင်းအဝိုင်းတွင် အမြဲတမ်း လှောင်ပြောင်ခြင်း ခံရသည်။  လူတိုင်းက သူမတို့ မိသားစုကို နှိမ့်ချပြီး အမြဲအနိုင်ကျင့်သည်။လူချမ်းသာ အဝန်းအဝိုင်းထဲမှာ ဆက်ရှိနေဖို့အတွက် သူမ ခံနိုင်ရည်ရှိခဲ့ရ၏။အခြားတစ်ဖက်တွင်မူ အမေဝေ့ကို အားလုံးက မြှောက်ပင့်ပြောဆိုကာ ချော့ပေါင်းခြင်းခံရသည်။ အကယ်၍ သူမတို့ မိသားစုနှစ်စုသည် ခမည်းခမက်ဖြစ်ခဲ့လျှင် ရှောင်မိသားစုသည် ဝေ့မိသားစုထံမှ ပံ့ပိုးမှုရရှိမည်ဖြစ်သည်။နောင်တွင်၊ စီးပွားရေးလောကတွင်ဖြစ်စေ၊ မြင့်မြတ်သောအသိုင်းအ၀ိုင်းတွင်ဖြစ်စေ သူမ အနိုင်ကျင့်ခံရမည်ကို စိုးရိမ်စရာမလိုတော့။ ထိုမျှမကသေး၊သူမဟာ သူတပါးကို အနိုင်ကျင့်၍ပင် ရသေးသည်။

ထိုသို့တွေးပြီး အမေရှောင် မျက်နှာမှာ ဒေါသနည်းနည်းမှ မရှိတော့။သူမ မျက်လုံးထဲတွင် အပြုံးအရိပ်အယောင်ဖြင့် ရှောင်ချမ် ကိုပင် ကြည့်လိုက်မိသည်။

 "အားချမ်.. မင်းကို  အမေ မှားပြောမိပြီ…လူကြီးတစ်ယောက်အနေနဲ့ ဒီကိစ္စကို အမေ ဘာမှ မလုပ်နိုင်တော့တဲ့အတွက် မင်းကိုပဲ အားကိုးရမယ်…မင်းက ဝေ့ရွှယ် နဲ့ သူငယ်ချင်းကောင်းမဟုတ်လား... ပြီးရင် သူမကို ကောင်းကောင်း ဆက်ဆံပြီး အကူအညီတောင်းလိုက်"

 ....

 "ဟုတ်... ဒါက ကျွန်တော်တို့ ရှောင်မိသားစုအတွက် အကျိုးပြုတဲ့ ကိစ္စပါ…ကျွန်တော် သေချာပေါက်ကူညီပေးမှာပါ” 

ရှောင်ချမ်က ကတိပေးခဲ့သည်။

သူသည် အမေရှောင်ကို ဆွဲဆောင်ရန် ကြိုးစားလျက်ရှိသော်လည်း သူ့စိတ်ထဲတွင် ထိုကဲ့သို့ မထင်ခဲ့ပေ။သူ့အတွက် သက်သက် လုပ်နေသည်ဟု မှတ်ယူထား၏။

ဝေ့ထင်က စုမုန့်ကို ဂရုမစိုက်ဘဲ သူမ လုပ်ချင်တာကို လုပ်ခွင့်ပေးသည်ဟု ဝေ့ရွှယ်မှ ပြောခဲ့သော်လည်း၊ စုမုန့် သည် ဝေ့မိသားစု၏ သခင်မလေး အမည်ခံထားဆဲပင်။သူမကို တိုက်ရိုက်လိုက်ခြင်းက မသင့်တော်ပေ။ရှောင်ရှောင် သည် စုမုန့်ကို အရှက်ရအောင်လုပ်ပြီး ဝေ့ထင် နှင့် ကွာရှင်းစေခဲ့ပါက၊သူ့အတွက် အဆင်ပြေသွားမည်ဖြစ်သည်။

အဘိုးဝေ့ကို စော်ကားထား၍  ရှောင်မိသားစု ဘာဖြစ်သွားမလဲဆိုသည်ကို သူ  ဂရုမစိုက်ပေ။ မည်သို့ပင်ဆိုစေကာမူ၊ ရှောင်မိသားစု၏မိဘများသည် သူ့ကို နဂိုကတည်းက သားတစ်ယောက်လို သဘောထားမထားဘဲ၊အကြီးဆုံးသားအပေါ်တွင်သာ ကောင်းပေးကြသည်။  ဒါကြောင့် ရှောင်မိသားစု၊ကောင်းခြင်းဆိုးခြင်းက သူနှင့်မဆိုင်ပေ။သူ ရှောင်မိသားစုထံမှ လုံးဝအကျိုးအမြတ်မရနိုင်ပေ။

ယခု သူသည် ရှောင်မိသားစု၏ တတိယမြောက် သခင်လေးဖြစ်သော်လည်း၊ သူသုံးစွဲသည့်ငွေသည် သူ့ဘာသာသူ ရှာရသည်။ မိသားစုကို လုံးဝ အားမကိုး။ မိသားစုကလည်း သူ့ကို တစ်ပြားတစ်ချပ်မှ မပေးချင်ကြပေ။

ရှောင်မိသားစု၏ သားအမိနှစ်ယောက်မှာ သဘောတူညီမှုရရှိခဲ့သော်လည်း၊တစ်ဖက်တွင် ရှောင်ရှောင် သည် စုမုန့်ကို ရင်ဆိုင်ဆဲဖြစ်သည်။

ဝေ့ရွှယ် ထုတ်ဖော်ထား၍ စုမုန့် ၏မိသားစုကို ရှောင်ရှောင် သိထားပြီးဖြစ်သည်။ထို့ကြောင့် သူမအား အထင်အမြင်သေးသည့် အကြည့်ဖြင့် 

“မစ္စစု မိသားစုက ဖုန်းရွှေပညာရှင်လို့ကြားတယ်...သူတို့က တခြားသူတွေနဲ့ တစ်ကယ်ကို ကွဲပြားတာပဲ”

 "ဖုန်းရွှေပညာရှင်လား"  

အနီးနားရှိလူများသည် စုမုန့်၏ မိသားစုကိစ္စများကို မူလက မသိခဲ့ကြပေ။ ဖုန်းရွှေပညာရှင်ဖြစ်မှန်း သူတို့ကြားသိရသောအခါတွင်...

 ဝေ့မိသားစုသည် ဖုန်းရွှေပညာရှင်ကို မြေးချွေးမအဖြစ် လက်ထပ်ပေးမည်ဟု မထင်ခဲ့ကြပေ။စုမုန့်၏ နောက်ခံမိသားစုအကြောင်းကို မည်သူမျှ ထုတ်ဖော်ပြောကြားခြင်း မရှိပေ။သူမက အစွမ်းထက်လွန်းသောကြောင့်မဟုတ်ဘဲ၊လူရယ်စရာကောင်းလွန်းသောကြောင့်ဖြစ်နိုင်သည်။လူအချို့၏အမြင်တွင် ဖုန်းရွှေပညာရှင်သည် လူလိမ်အုပ်စုဖြစ်သည်။အများကြားထဲတွင် အရှက်ရတတ်သည်ဟု ယုံကြ၏။

xxxxxx