အပိုင်း ၂၀၉

Chapter 209

ထောင်လီပုရရန်' သည် ရေပန်းစားလာခဲ့ပြီး သရုပ်ဆောင်အားလုံးနီးပါးက ၎င်း၏ကျော်ကြားမှုကို စုပ်ယူရန် အခွင့်ကောင်းယူခဲ့ကြသည်။သို့ပေမဲ့ ထုတ်လုပ်သူ၏ မျှော်လင့်ချက်ထက်ကျော်လွန်နေသည်က အဓိကဇာတ်လိုက်နှစ်ယောက်ဖြစ်သော လီဟန်ဟိုင်နှင့် ယောင်မော့မော့တို့အပြင် ပရိသတ်တွေ၏ အဆွဲဆောင်နိုင်ဆုံးဖြစ်သည့်သူက သူမျှော်လင့်ထားသလို ဒုတိယအမျိုးသားဇာတ်ဆောင် ကျန်းချွမ်မဟုတ်ခဲ့ပေ။ တကယ်တမ်းမှာ လင်းလော့ချင်းဖြစ်နေသည်။ထို့အပြင် သူ့မှာ အစတုန်းက ပရိသတ်ပမာဏအနည်းငယ်ပဲရှိ၍ဖြစ်မည်၊ပရိတ်သတ် တိုးပွားနှုန်းက မြန်ဆန်လွန်းလှသည်။သူ၏ ပရိသတ်တွေကို ဆွဲဆောင်နိုင်သည့်စွမ်းရည်က အမျိုးသားဇာတ်လိုက် လီဟန်ဟိုင် နားကိုကပ်နေသည်။

လင်းလော့ချင်းလည်း အံ့သြသွားသည်။ ထို့ကြောင့် သူ အကြောင်းရင်းကို နားလည်ရန် အင်တာနက်ဖိုရမ်သို့ သွားခဲ့သည်။

ပွင့်ပွင့်လင်းလင်းပြောရလျှင် အကြောင်းရင်းတစ်ခုက သူ့မျက်နှာကြောင့်ဖြစ်ပြီး နောက်တစ်ခုက သူ့ဇာတ်ကောင်မန်ဟွားက တကယ်ကို လိုက်ဖက်လွန်းပြီး နှစ်လိုဖွယ်ကောင်းသောကြောင့်ဖြစ်သည်။

မန်ထောင်၏မောင်ဖြစ်သူ မန်ဟွားက မန်ထောင်နှင့် မိသားစုဆက်ဆံရေးရှိခဲ့သည်။ သူက မောင်လေးဖြစ်နိုင်သလို ချောမောပြီး ရန်လည်းဖြစ်တတ်လေသည်။သူက မုန့်ထောင်ကိုပင် ပို၍ အကာအကွယ်ပေးတတ်ကာ အစ်ကိုကြီးနှင့်ပို၍တူသည်။ထို့ကြောင့် ကျဲကျဲဖန်တွေက သူ့ကို သဘောကျကြပြီး မားမားဖန်တွေက သူ့ကို ချစ်ဖို့ကောင်းသည်ဟု ထင်ကြသည်။

တစ်ချိန်တည်းမှာပင်၊ မန်ထောင်အပြင် သူ့တွင် အဓိက CP နှင့် လွတ်ကင်းသော စိတ်ခံစားမှုဆိုင်ရာဇာတ်ကြောင်းတစ်ခုလည်း ရှိသည်။ ဤစိတ်ခံစားမှု ဇာတ်ကွက်သည် ကြီးကြီးမားမားမဟုတ်သော်လည်း အလွန်စိတ်ဝင်စားစရာကောင်းသည်။ယင်းက ရည်းစားကောင်လေးအနေနှင့်ရှိချိန်မှာ မန်ထောင်၏ ကောင်းမွန်သည့် အငွေ့အသက်တွေနှင့်သူ့ကိုယ်ပိုင် ဆွဲဆောင်မှုကို ထင်ဟပ်စေလေသည်။ ၎င်းသည် သူ့အား ကောင်မလေးဖန်နှင့် CPဖန်တစ်သိုက် ရယူနိုင်စေခဲ့သည်။

ဤဖန်တွေ စုလိုက်သောအခါ သူ၏ဖန်အရေအတွက်က ချက်ချင်းကြီးမားလာပြီး သူ၏ကျော်ကြားမှုကို မြင့်တက်စေခဲ့သည်။ တစ်ပတ်အတွင်း လင်းလော့ချင်းသည် Weibo၊ ဖိုရမ်များတွင် လူမသိသူမသိ အဆင့်18အနုပညာရှင်ဘဝကနေ ကျွှတ်လွတ်ကာ ပုံစံအမျိုးမျိုးဖြင့် ပရိုမိုးရှင်း အလုပ်ခံရသောမင်းသားတစ်လက်ဖြစ်လာသည်။

ဤပရိသတ်များက မူလပိုင်ရှင်၏ ယခင်လက်ရာများ၏ အမည်းရောင်သမိုင်းကိုပင် တူးထုတ်ခဲ့ကြသည်။ သူ၏ တိုးတက်မှုတွေက မည်မျှမြန်ဆန်ပြီးသိသာသည်ကို သူတို့က တအံ့တဩပြောဆိုကြသည်။သူ တိတ်တိတ်လေး ခိုးလေ့ကျင့်ထားတာပဲဖြစ်ရမယ်...

ထို့နောက် လုံ့လဝီရိယနှင့် ကြိုးစားအားထုတ်မှုအတွက် သူ့ကိုစပြီး ချီးမွမ်းကြသည်။ သူက အသက်မွေးဝမ်းကြောင်းပြုရန် မျက်နှာကို အားကိုးနိုင်သည့် ကောကောတစ်ဦးဖြစ်သော်လည်း သူက အလွန်ကြိုးစားအားထုတ်ဆဲဖြစ်သည်။သူက စိတ်အားထက်သန်လွန်းသည်။

လင်းလော့ချင်း :"……"

လင်းလော့ချင်း ဆုံးဖြတ်လိုက်သည်။

သူတို့ပျော်နေသရွေ့ပေါ့...

အော့ဖ်လိုင်းပရိုမိုးရှင်းများအတွင်း လီဟန်ဟိုင် နှင့် ယောင်မော့မော့ တို့ကိုပင် သတင်းထောက်များက ဤအကြောင်းကို မေးမြန်းခဲ့ကြသည်။

လီဟန်ဟိုင်: "လော့ချင်းက တကယ်ကို အလုပ်ကြိုးစားတယ်...အဲဒီနှစ်မှာ သူက ဒရာမာတွေ ရုပ်ရှင်တွေကို လက်မခံဘဲ အိမ်မှာပဲ ပြင်းပြင်းထန်ထန် လေ့ကျင့်ခဲ့တာ... ရိုးရိုးသားသားပြောရရင် ဒီတစ်ခါ လူတိုင်းက ကျွန်တော့်ကို ကောင်းကောင်းသရုပ်ဆောင်လို့ ချီးကျူးကြပေမဲ့ အများစုက လင်းလော့ချင်းရဲ့ကြိုးစားအားထုတ်မှုကြောင့်ပါ... သူက ရိုက်ကူးရေးထဲမှာ မကြာမကြာ ကျွန်တော်နဲ့အတူတူလေ့ကျင့်ပေးပြီး အကြံဉာဏ်တချို့ပေးတတ်တယ်... သူ့ကို အရမ်းကျေးဇူးတင်မိပါတယ်"

ယောင်မော့မော့ကလည်း ချက်ချင်းပဲ အားကျမခံဆိုသည်။

"ကျွန်မလည်းအတူတူပါပဲ...ရှောင်လင်းလောင်ရှီးက သရုပ်ဆောင်ပိုင်းမှာ ထူးချွန်တဲ့သူဖြစ်ပါ... အားလုံးက မန့်ဟွားနဲ့ ရှောင်လင်းလောင်ရှီးတို့ကို ဆက်သဘောကျပေးကြဖို့ မျှော်လင့်ပါတယ်"

ထောင်လီCP ဖန်များကပြောသည်။ [အိုး အဆုံးမှာတော့ ထောင်လီက အရမ်းချိုလွန်းတယ်]

မန်မောင်နှစ်မဖန်တွေကလည်းဆိုသည်။ [သြော် မန်မိသားစုရဲ့ မောင်နှမတွေက ဒရာမာထဲမှာရော အပြင်မှာပါ ချစ်စရာကောင်းတယ်...တိတိလေးက ဒီမှာမရှိပေမဲ့ ကျဲကျဲက သူ့မောင်လေးကို အမြဲတွေးနေရှာတာ]

လင်းလော့ချင်း၏ဖန်များကလည်း အံ့အားသင့်စွာ တုန့်ပြန်ကြသည်။ [ကောကောက အရမ်းကြိုးစားနေတာနော်... ငါးဆားနယ်မဖြစ်ထိုက်ဘူးးး]

[ဒီနေ့ကစပြီး ငါလည်း ကြိုးစားမယ်။

.... အဆင့်တွေမကောင်းတာအတွက်နဲ့ အရှုံးမပေးနိုင်ဘူး]

[ဘယ်သရုပ်ဆောင်မဆို အစပိုင်းတုန်းက သူတို့အားလုံးမှာ ကောင်းမွန်တဲ့ သရုပ်ဆောင်စွမ်းရည်တွေ မရှိကြဘူး...တချို့လူတွေက တိတ်တိတ်လေး လေ့ကျင့်ဖို့ ရွေးချယ်ကြချိန်မှာ တချို့ကကျ ပရိသတ်ရဲ့ မျက်လုံးတွေကိုညစ်ထေးစေဖို့ ရွေးချယ်ကြတယ်... လူတွေရဲ့ ကွာခြားချက်က ဘာကြောင့် ဒီလောက်ကြီးရတာလဲ]

လင်းလော့ချင်း: 'အာ...ဒီ...'

လင်းလော့ချင်း၏ မန်နေဂျာဟောင်းလီကော:"???"

လင်းလော့ချင်းက သရုပ်ဆောင်မကောင်းတာမဟုတ်ဘဲ သူက လင်းလော့ချင်းကို အခွင့်အလမ်းလုံလုံလောက်လောက်မပေးခဲ့လို့များလား...

ဒါပေမဲ့လည်း လင်းလော့ချင်းရဲ့ တိုးတက်မှုက တကယ်ကို ကြီးမားလွန်းတယ်...တခြားလူတစ်ယောက်ဖြစ်သွားသလိုမျိုးကိုပြောင်းလဲသွားတာ...လင်းလော့ချင်းက အဲဒီ့နောက်မှာ တကယ် တံခါးပိတ်ကျင့်ကြံရေးထဲဝင်ပြီး အလုပ်ကြိုးစားဖို့ ဆုံးဖြတ်ခဲ့များ ဖြစ်နိုင်လား...

ဒါဆို လင်းလော့ချင်းက ဘာလို့ သူ့ကို ဘာတစ်ခုမှ မပြောတာလဲ...

လီကော စဉ်းစားကြည့်မိသည်။ ထိုအချိန်တွင် သူက လင်းလော့ချင်းကို မကျေမနပ်ဖြစ်ပြီး လင်းလော့ချင်းအပေါ်ထားသည့် သူ့သဘောထားမှာ မကောင်းကြောင်း သတိရမိသည်။

သူချက်ချင်းနားလည်သွားသည်...

သူက လင်းလော့ချင်း နှင့် စကားပြောတိုင်း စိတ်မရှည်သည်ကို လင်းလော့ချင်းမြင်သောကြောင့် လင်းလော့ချင်းက သူ့ကို မပြောဝံ့ခြင်းဖြစ်မည်။သူ့ဘာသူ တိတ်တိတ်လေး လေ့ကျင့်ပြီး နောက်တစ်ခါ အခွင့်အရေးရလျှင် လီကောကို စပရိုက်လုပ်မည်ဟု လင်းလော့ချင်းက တွေးခဲ့ခြင်းဖြစ်မည်။နောက်တစ်ခါကျ သူက တခြားတစ်ယောက်ရဲ့ အနုပညာရှင် ဖြစ်သွားလိမ့်မယ်လို့ ဘယ်သူက ထင်ခဲ့မှာလဲ...

လီကော ၎င်းကိုတွေးပြီး အနည်းငယ်နောင်တရသွားသည်။သူက ဒီပုလဲကို အရင်ရှာတွေ့ခဲ့မှန်း အသိသာကြီးကိုကွာ...

သူ့ဘက်ကနေ လင်းလော့ချင်းကို စဆက်သွယ်သည်ကရှား၏။လင်းလော့ချင်းနှင့် စာချုပ်ရပ်စဲပြီးကတည်းက ဤသည်ကပထမဆုံးအကြိမ်ဖြစ်လေသည်။

လင်းလော့ချင်း သူ့ဖုန်းကိုကြည့်လိုက်ရာ လီကော၀ဖြစ်သည်ကိုတွေ့ရသဖြင့် ဇဝေဇဝါဖြစ်သွားသည်။

"တစ်ခုခုဖြစ်လို့လား လီကော"

လင်းလော့ချင်းက ယခုအချိန်တွင် ရေပန်းစားနေသော်လည်း မောက်မောက်မာမာမပြုမူကြောင်း လီကောတွေ့လိုက်ရသည်။တစ်ခုခုဖြစ်လို့လားဆိုပြီး ယဉ်ယဉ်ကျေးကျေးမေးပြီး လီကောဟုလည်းခေါ်သည်။သူ အရင်က လင်းလော့ချင်းကို နားလည်မှုလွဲသွားဖွယ်ရှိသည်ဟု လီကော ခံစားခဲ့ရသည်။

လင်းလော့ချင်းက သူ့ကို အံ့အားသင့်အောင် လုပ်ချင်ပေမဲ့ ရလဒ်အနေနှင့် သူက စာချုပ်ကို ဖျက်သိမ်းလိုက်သည်...

"လော့ချင်း"

သူက နူးညံ့သောလေသံဖြင့်ပြောလိုက်သည်။ 

"ငါ့ကို အမှန်အတိုင်းပြောပါ... ဒုတိယဒရာမာကို ရိုက်ကူးပြီးတော့ ဒီလိုမျိုး ဆက်မလုပ်နိုင်တော့ဘူးလို့ ခံစားရလို့ ခေါင်းငုံ့ခံပြီး တိတ်တိတ်လေး ပြင်းပြင်းထန်ထန် လေ့ကျင့်ခဲ့တာလား"

လင်းလော့ချင်း:"……"

မဟုတ်ဘူး၊ တခြားသူက နားလည်မှုလွဲနေရင် လက်ခံလို့ရသေးတယ်...သူကပါ ဘာလို့ဒီလိုထင်တာလဲ...

မူရင်းပိုင်ရှင်က ဘာ့ကြောင့် ဆက်မရိုက်ဖြစ်တာလဲ လီကောက အသိဆုံးဖြစ်ရမှာမဟုတ်ဘူးလား...

သူ နည်းနည်းလေးတောင်မသိခဲ့ဘူးလား...

လင်းလော့ချင်း တကယ်ကို ပြောစရာစကားမဲ့သွားရသည်။

"ထောင်လီပုရန်"မှာ ချက်ချင်း နာမည်ကြီးလာပြီး လင်းလော့ချင်းသည်လည်း ပရိသတ်အမြောက်အများ ရရှိလာသည်။ ဝူရှင်းယွမ်မှာလည်း စတင်လှုပ်ရှားလိုက်တော့သည်။ 

သူက ဒါရိုက်တာလီကို ထပ်မံ ဆက်သွယ်ကာ ဒါရိုက်တာလီအား လင်းလော့ချင်း၏ နာမည်ကြီးမှု အခြေအနေအားပြသည့် ဝေ့ပေါ်နှင့် ဖိုရမ် ဆွေးနွေးခြင်း ပိုစ့်များနှင့် တခြားသော ဗီဒီယိုအတိုလေးများကို ပို့လိုက်သည်။ သူက ဒါရိုက်တာလီကို လင်းလော့ချင်းအား ပြန်စဉ်းစားပေးစေလိုပေ၏။  

ဒါရိုက်တာလီမှာ သူ့၏ ဇာတ်ကောင်အတွက် မင်းသားကို ယခုအထိ မဆုံးဖြတ်ရသေးပါပေ။ 

စုထုံ၏ အချိန်ဇယားက ပြည့်နေပြီး ဤကဲ့သို့ အချိန်တွင် အခွင့်အရေးအတွက် တိုက်ခိုက်လျှင်ပင် မည်သည့်သတင်းမှ မရရှိသေးချေ။ ထို့နောက် သူက သူ့အတွက် ရည်ရွယ်ထားသော တခြား ရုပ်ရှင်များကို သွားရိုက်လိုက်ပေသည်။ မည်သို့ပင် ဆိုစေ စုထုံမှာ ပထမတန်း အနုပညာရှင်တစ်ဦးဖြစ်သည်။ သူ့၏ အလုပ်အချိန်ဇယားမှာ ပြည့်နှက်နေပြီး သူက ဒါရိုက်တာလီကို ဖျောင်းဖျရန်အတွက် အချိန်ဖြုန်းစရာ မရှိပါပေ။ 

တဖက်တွင် ဒါရိုက်တာလီပို၍ သဘောကျသော တခြား မင်းသားမှာ လင်းလော့ချင်းနှင့် တူပေသည်။ သူတို့က စုထုံလောက် နာမည်မကြီး၍ သူတို့၏ အချိန်ဇယားမှာ ဒါရိုက်တာလီအား ချင့်ချိန် စဉ်းစားကာ ဆုံးဖြတ်ရန်အချိန်ပေးလေသည်။ 

လင်းလော့ချင်းအား မည်သူကမှ အလွန် နာမည်ကြီးလာမည်ဟု မမျှော်လင့်ထားပေ။  

သူ နာမည်ကျော်လာသော နှုန်းမှာ အလွန်အံ့အားသင့်ဖွယ် နှုန်းတစ်ခုအတွက်မူ မြန်ဆန်နေသော်လည်း တစ်ချိန်တည်းမှာပင် အလွန်ချောမွေ့နေပေသည်။ 

ဒါရိုက်တာများက သူ့ကို ချီးကျူးကြ၏။ အတူလုပ်ကိုင်ကြသည့် မင်းသား၊ မင်းသမီးများသည်လည်း သူ့ကို ချီးကျူးကြလေသည်။ သူ့၏ မှောင်မဲသော သမိုင်းကြောင်းကို ဖော်ထုတ်ရာတွင် လုပ်ဆောင်ကြသော ပရိသတ်များနှင့် သူ့၏ သရုပ်ဆောင် စွမ်းရည်ကို လေ့ကျင့်ရန်အတွက် လင်းလော့ချင်းက တစ်နှစ်ပတ်လုံး အလုပ်များရပ်နားမည်ဟူသော လီဟန်ဟိုင်း၏ ခုခံခြင်းတို့ ထပ်ပေါင်းလိုက်ပါက မရေမတွက်နိုင်သော အင်တာနက် အသုံးပြုသူများကို ပို၍ စိတ်အားထက်သန်လာစေပြီး လင်းလော့ချင်း၏ ရုပ်ရှင်နှင့် အလုပ်ကြိုးစားသော အကျင့်စရိုက်တို့နှင့် ဆိုပါက သူက နာမည်ကြီးရန် ထိုက်တန်သည်ဟု အခိုင်အမာ ဆိုလာကြသည်။ 

သို့ဖြစ်၍ ဒါရိုက်တာလီမှာ ဝူရှင်းယွမ်၏ အီးမေးကို မြင်သောအခါ ရိုးသားစွာပင် ဖျားယောင်းခံလိုက်ရပေသည်။ 

သူက လင်းလော့ချင်း၏ဝေ့ပေါ်တွင် ရှိနေသော ပရိသတ်အင်အားကို အခြေခံနားလည်ထား၏။ ထို အရေအတွက်မှာ မြန်ဆန်သော နှုန်းဖြင့် ဆက်လက်မြင့်တက်နေသည်ကို ထပ်ပေါင်းပါက ဒါရိုက်တာလီမှာ ဤယှဉ်ပြိုင်သူမှာ လူရွေးပွဲ ဝင်ချိန်ကနှင့် အမှန်တကယ် ပြောင်းလဲသွားပြီဟုသာ ခံစားရပေသည်။ ထိုအချိန်တွင် လင်းလော့ချင်းမှာ လူသိမများသည့် မင်းသားငယ်လေးတစ်ယောက်သာပင်။ သို့သော် ယခုတွင် သူ့၏ နာမည်ကျော်မှုမှာ အချိန်တိုအတွင်း သူယှဉ်ပြိုင်နေသည့် ပြိုင်ပွဲဝင်များနှင့် မင်းသားများကို ကျော်တက်သွားသည်။  

လင်းလော့ချင်းမှာ လူရွေးပွဲအတွင်း ကောင်းမွန်သော လုပ်ဆောင်ချက်နှင့် ခိုင်မာသော အမြင်တစ်ခု ရှိခဲ့သည်။ တစ်ခုတည်းသော ပြဿနာမှာ သူ့တွင် ဒါရိုက်တာလီ သူ့ကို အကြိုက်မဖြစ်ရသည့် အကြောင်းအရင်းဖြစ်သည့် မြင်လွယ်သော ပရိသတ်အင်အားနှင့် နာမည်ကျော်မှု မရှိခြင်းသာ။ ထိုအစား သူက လင်းလော့ချင်းကို ရွေးချယ်စရာ ပြိုင်ပွဲဝင်တစ်ဦးအနေဖြင့် ထားခဲ့သည်။ နာမည်မကြီးသလို အတွေ့အကြုံလည်း မရှိသော လူတစ်ဦးက တခြား ပြိုင်ပွဲဝင်များနှင့် ယှဉ်ပြိုင်ရန် အရည်အချင်း မရှိပါပေ။ 

သို့သော် ယခုတွင် လင်းလော့ချင်းက ၄င်းကို အချိန်တိုအတွင်း ပြုလုပ်နိုင်ခဲ့၍ ဒါရိုက်တာ လီသည်လည်း တုံ့ဆိုင်းနေစရာ မရှိတော့ပါပေ။ လင်းလော့ချင်းမှာ ဤဇာတ်ကောင်အတွက် လူဖြစ်၏။ 

ဒါရိုက်တာလီက ဝူရှင်းယွမ်ကို ချက်ချင်း စာပြန်လိုက်ကာ လင်းလော့ချင်း လူရွေးပွဲ ထပ်၍ လာဖြေနိုင်သည်ဟု ပြောလိုက်သည်။ ဤတစ်ကြိမ်တွင် မည်သည့် ပြဿနာမှ မရှိပါက လင်းလော့ချင်းက အရွေးခံရပေမည်။ 

ဝူရှင်းယွမ်မှာ ပျော်ရွှင်စွာ အံ့အားသင့်သွားပြီး ဒါရိုက်တာ လီကို အထပ်ထပ် ကျေးဇူးတင်လိုက်ပြီး လင်းလော့ချင်း၏ လုပ်ဆောင်ချက်အပေါ်သေချာစေရန် ကောင်းကောင်းနားရန် ပြောလိုက်သည်။

ထို့နောက် သူက ဖုန်းကို ယူပြီး လင်းလော့ချင်းဆီသို့ စိတ်လှုပ်ရှားစွာ သွားလိုက်သည်။ 

လင်းလော့ချင်းက လက်ရှိတွင် သူ့အခန်းထဲ၌ live လွှင့်နေခြင်းပင်။ 

"ထောင်လီပုရန်.."ဒရမ်မာကို ကောင်းကောင်း ပရိုမိုးရှင်း ဆင်းရန်အတွက် အဓိက မင်းသား မင်းသမီးများအားလုံးက live လုပ်ပြီး ဖြစ်သည်။ အင်တာနက်အသုံးပြုသူများ၏ စုံတွဲတွဲပေးခြင်း ခံရသော ယောင်မော့မော့နှင့် လီဟန်ဟိုင်တို့က အတူတူ live လွှင့်ကြသည်။

သို့သော် လင်းလော့ချင်းက လက်ရှိတွင် အလုပ်များနေပြီး သူက ဇာတ်ပို့နေရာသာဖြစ်ရာ သူ့၏ live ထုတ်လွှင့်မှုက နောက်ကျနေခြင်းပင်။  

သူက များပြားလာသော ကြည့်ရှုသူများကို မြင်ကာ နူးညံ့စွာပြုံးပြလိုက်သည်။ 

"မင်္ဂလာ ညနေခင်းပါ အားလုံးပဲ..."

မှတ်ချက်များစွာက ချက်ချင်းပင် တုံ့ပြန်လာသည်။

[မင်္ဂလာ ညနေခင်းပါ ကောကော... ]

[နောက်ဆုံးတော့ ကောကော Live လွှင့်ပြီ...]

[အူးဝါး... ငါ ဒါကို စောင့်နေရတာ....]

[ကောကော ဘယ်မှာလဲ... ဟိုတယ်မှာလား...]

"ဟုတ်တယ်..."

လင်းလော့ချင်းက ပြန်ဖြေလိုက်သည်။ 

အင်တာနက် အသုံးပြုသူများက စိုးရိမ်တကြီး အလုအယက် မေးလိုက်ကြသည်။

[ကောကောက ဟိုတယ်မှာလား... အခု အလုပ်လုပ်နေတာလား...]

[ကောကောက ဘာပဲဖြစ်ဖြစ် ဝင်ပါဖို့ လိုလား... ငါတို့ ကောကောကို "ထောင်လီပုရန်"ရဲ့ ဘယ်ပရိုမိုးရှင်း လုပ်ငန်းစဉ်တွေမှ မတွေ့ဘူးနော်... အဟင့်...]

[ဒါရိုက်တာ ကျန်းက ကိုကိုက တခြားရုပ်ရှင်တစ်ခု ရိုက်နေတယ်လို့ပြောတာကို သတိရပြီ... အဲ့တော့ အဲ့ဒါက အခုထိ မပြီးသေးလောက်ဘူး...]

[ငလူး... သူက နောက်ထပ် ထုပ်လုပ်ရေးတစ်ခုတောင် လုပ်နေပြီလား... ကောကောအတွက် အရမ်းပျော်တာပဲ... ဒီတစ်ခါ ကောကောက အဓိက မင်းသားလား...]

[အူးဝါး... ငါ ပုံလေးတွေ တွေ့ချင်တယ်...]

လင်းလော့ချင်းက ဖန်သားပြင်ပေါ်တွင် မှတ်ချက် အမြောက်အများ သွားလာနေသည်ကို ကြည့်လိုက်သည်။ သူ ပြန်ဖြေချင်သော မှတ်ချက်တစ်ခု တွေ့သောအခါ နောက်တစ်ခုက ရောက်လာပြီး ရှေ့က တစ်ခုမှာ ဖန်သားပြင်ကျယ်ပေါ်တွင် နစ်မြုပ်သွားပြီ ဖြစ်သည်။ သူက မေးခွန်းကို မှတ်ဉာဏ်ထဲတွင်သာ ဖြေရန် တတ်နိုင်ပေသည်။

"ဟုတ်တယ်... ငါက အခု တခြားထုတ်လုပ်ရေးမှာ သရုပ်ဆောင်နေတယ်..."

"ဒီတစ်ခေါက် ဒရမ်မာက ဥပဒေကြောင်းနဲ့ ဆိုင်တဲ့ထုတ်လုပ်ရေးနဲ့ ရဲတစ်ယောက်ရဲ့ ဘဝအကြောင်းလေ... ငါက ဇာတ်ပို့နေရာပဲ ရှိသေးတယ်... screen time လဲ အများကြီး မပါဘူး... ဒါပေမဲ့ ဒီဇာတ်ကောင်ကို တကယ်ကြိုက်တယ်... မင်းတို့လည်း ကြိုက်ကြမယ်လို့ ငါစိတ်ကူးကြည့်လို့ရတယ်..."

[ဘုရားရေ... ငါတို့ ကောကောက ဇာတ်ပို့ပဲ ရှိသေးတာလား... ငါတော့ ငိုပြီ...]

[ကောကောက ခေါင်းဆောင် နေရာတွေပိုရွေးသင့်တယ်... ကောကောသရုပ်ဆောင်တာ ကောင်းတယ်... ခေါင်းဆောင်မင်းသားအနေနဲ့ သရုပ်ဆောင်သင့်တာ ကြာပြီ...]

[အားးးးး.... အဲ့ဒါက တကယ်ကြီး ဥပဒေကြောင်း ရုပ်ရှင်လား... ငါအဲ့ဒါတွေကို အကြိုက်ဆုံးပဲ...]

[ပြီးတော့ ရဲလဲပါတယ်... ဥပဒေကြောင်း ထုတ်လုပ်ရေး... အဲ့ဒါက "ကွမ်းမန့်"များလား...]

[ငလူး... အဲ့ဒါက ကျိုးချန်ရွှမ် အဓိက မင်းသားအနေနဲ့ သရုပ်ဆောင်တဲ့ ဒရမ်မာမဟုတ်လား... အဲ့ထုတ်လုပ်ရေးက လုံးဝ မဆိုးဘူး...]

[အားးးး.... ကောကောက ရဲဝတ်စုံနဲ့ပဲ... ငါတော့ ဒါကို မလုပ်နိုင်တော့ဘူး...]

Liveမလွှင့်မီက လင်းလော့ချင်းမှာ ဒါရိုက်တာ ဝမ်အား "ကွမ်းမန့်"တွင် သူ့၏ ဇာတ်ကောင်ကို ထုတ်ပြောရန် အဆင်ပြေသည်လားဆိုခြင်းကို အထူး မေးမြန်းခဲ့၏။ ဒါရိုက်တာ ဝမ်က ခွင့်ပြုချက် ပေးထားပြီး ဖြစ်သည်။ လင်းလော့ချင်းက ထိုအကြောင်းအရာကို မဖုံးကွယ်ပဲ တိုက်ရိုက် ဝန်ခံလိုက်သည်။

"ဟုတ်တယ်... အဲ့ဒါက 'ကွမ်းမန့်'ပဲ... အသေးစိတ်ကတော့ ပြောလို့မရသေးဘူး... ဒါပေမဲ့ 'ကွမ်းမန့်'ရဲ့ official blogမှာ နောက်ထပ် သတင်းတွေကို စောင့်ကြည့်ပေးပါဦးလို့ အားလုံးကို တိုက်တွန်းပါတယ်... ဘယ်အချိန် စပြီး ထုတ်လွှင့်မယ်ဆိုတာ သိရတော့မှာပါ..."

[ဟုတ်ပြီ... အခုပဲ subscribe လုပ်ထားလိုက်မယ်...]

[ပြဿနာ မရှိပါဘူး...]

[ကောကောက ကိစ္စတွေကို ဘယ်လို လျှို့ဝှက်ထားရမလဲ တကယ်သိတာပဲ... အရင်တုန်းက ငါတို့ လုံးဝ မသိခဲ့ဘူး...]

"ဘာလို့လဲ ဆိုတော့ ငါ့မှာ တကယ့်ကို screen time မများလို့လေ... ပြီးတော့ မကြာသေးခင်က သရုပ်ဆောင်တာနဲ့ အလုပ်ရှုပ်နေတာရောကြောင့် ဝေ့ပေါ်မှာ ဘာမှတင်ဖို့ အခွင့်အရေး မရှိခဲ့ဘူး..."

လင်းလော့ချင်းက ချိုသာသောအသံဖြင့်

ဆိုလိုက်သည်။

"ဟုတ်ပြီ... ငါ့ကိစ္စတွေချည်းပဲ ပြောနေတာ ကြာပြီ... ဒီliveက 'ထောင်လီပုရန်'ထုတ်လွှင့်မှုကို ပရိုမိုးရှင်း လုပ်ဖို့အတွက်ပဲ... ဒီအစား အဲ့အကြောင်းပြောရအောင်..."