MM Story Teller

အပိုင်း ၁၀၀

Viewers 12k

Chapter 100

ရှီးယွိချီ သူမ၏ ရလဒ်များအား သိရသည်နှင့် တစ်ပြိုင်နက် သူမသည် အလွန်စိတ်လှုပ်ရှားကား စကားပင်မပြောနိုင်ခဲ့ချေ ။ထို့နောက် သူမမှားခဲ့သော မေးခွန်းများအား ကြည့်ပြီးသောအခါတွင်လည်း စိတ်ငြိမ်အောင်မထားနိုင်ခဲ့ပေ ။သူမသည် ရက်အနည်းငယ်လောက် အိပ်မပျော်ခဲ့သောကြောင့် ညတိုင်းမေးခွန်းများအားရေးနေခဲ့ပြီး အဓိကအချက်များကို မှတ်ယူနေခဲ့သည် ။တစ်ခါတစ်ရံ ကျောင်းအပြင်သို့ထွက်ကာ ဆန့်ကျင်ဘက်ကျောင်းမှ ဖြတ်သွားပြီး သူမသည် ထိပ်ဆုံးမှ ကျုံးယို့ယို့၏ ကြော်ငြာစာတန်းအား ကြည့်နေခဲ့သည် ။

သူမသည် မနာလိုဖြစ်ကာ ထိုထိပ်ဆုံးနေရာကို ရနိုင်ရန် စိတ်ပြင်းပြနေသည်ကိုတော့ ဝန်ခံရမည် ။

သူမ၏ အတန်းထဲမှ အတန်းဖော်များသည် ရှီးယွိချီ၏ အဆင့်များအားကြည့်ရန် စုဝေးနေကြပြီး သူတို့သည် အလွန်ပင် အံ့အားသင့်သွားကြသည် ။

" ညီအစ်မ ရှီ ၊ နင်ဒီတစ်ခေါက် အစွမ်းထက်တဲ့ ဆေးတွေဘာတွေများသောက်ခဲ့သေးလား ။ နင့်အဆင့်တွေက မဟုတ်သေးဘူး ။ အဲ့တာက မှားတွက်ထားတာလည်း မဖြစ်သင့်ဘူး ။ ကောင်းပြီ နင်ဘယ်လိုများ လုပ်ခဲ့တာလဲ "

အားလုံးသည် ထိတ်လန့်နေကြသည် ။

ရှီးယွိချီသူမဘေးတွင်ဝိုင်းနေသော အံ့သြနေသည့်အမူအရာများအား ကြည့်ကာ အနည်းငယ်ဂုဏ်ယူနေသည်ကို မဖုံးကွယ်နိုင်ဘဲ စာရွက်အားလိပ်ကာ ထိုလူ၏ ခေါင်းကို ရိုက်လိုက်ပြီး ပြုံးလိုက်သည် ။

" ဘာမှားနေလို့လဲ ။နင့်အစ်မကြီးက စာမေးပွဲမှာ အမှတ်တွေအများကြီးရလာခဲ့တာနော် "

ရှီးယွိချီသည် နောက်ဆုံးတွင် သူမ၏ ကိုယ်ပိုင်အားစိုက်မှုအပေါ်မှီခိုရခြင်းကို ခံစားလိုက်ရပြီး တစ်ဆင့်ပြီး တစ်ဆင့် ရှေ့သို့တက်လှမ်းကာ တိုးတက်မှုများ လုပ်ဆောင်ပြီးသွားသောအခါ သူမ၏ ဘေးမှလူများ အံ့အားသင့်နေခြင်းကို ကြည့်ခဲ့ရပြီး ထိုအရာက ဘယ်လိုခံစားရသလဲဆိုသည်ကိုပင် ပြောမပြတတ်တော့ချေ ။

ဒီအရသာက လုံးဝကို နှစ်သက်ပျော်ရွှင်ဖွယ်ပဲ ။

ထိုအရာသည် လူများအား ပြင်းထန်ခိုင်မာသည့် အရာကို ခံစားရစေပြီး လမ်းသည် ပို၍ပို၍ပင် ကျယ်ပြန့်လာကာ ထိုလမ်း၌ လျှောက်လှမ်းနေရသည်မှာ သူမ၏ ခေါင်းအားငုံ့ထားသမျှ သူမသည် တိုးတက်မှုများကို ဆက်၍ လုပ်ဆောင်နိုင်နေမည်ဖြစ်သည် ။

ကျောင်းဆင်းချိန်တွင် အတန်းပေါင်းစုံမှ မိန်းကလေးများသည် စုဝေးကြပြီး ဘာမျှရှိမနေခြင်း နှင့် လမ်းတစ်ဝိုက်တွင် ဘာမှလုပ်စရာမရှိ လှည့်လည်သွားလာနေကာ တိတ်တဆိတ်စိုးရိမ်နေရခြင်းထက် ဤအခြေအနေသည် ပို၍ပင်သာသေးသည် ။ သူမသည် မှားယွင်းနေသောလမ်းမှ ပြန်လည်ခေါ်ဆောင်ခံခဲ့ရသည် ။သို့သော် ထိုအရာများအားလုံးသည် သူမကြောင့်သာ ဖြစ်သည် ။

ရှီးယွိချီ၏ သူငယ်ချင်းမိန်းကလေးများသည် သူမအနားတွင် ဝိုင်းနေပြီး သူတို့၏ စိတ်များသည်အလွန်ရှုပ်ထွေးနေကြသည် ။

ထိုစဥ်တွင် ရှီးယွိချီသည် လေ့လာသင်ကြားမှုတွင် နစ်မြုပ်နေခဲ့ပြီး ထိုအရာကို သူတို့အားလုံးလည်း မြင်ခဲ့သည် ။ထို့နောက်တွင် သူတို့သည် သူမတွင်ရှိနေသော သင်ကြားရေးပစ္စည်းများသည် တစ်ဖက်ကျောင်းရှိ မြို့နယ်ပထမရရှိခဲ့သောသူမှ ဖြစ်ကာ ကျုံးယို့ယို့သည် သူမအတွက် အထူးရှာပေးခဲ့ခြင်းဖြစ်သည် ။

သူတို့နှင့်ပေါင်းနေသော အကြီးဆုံးအစ်မကြီးသည် ရုတ်ချည်း တစ်ခြားသူ၏ ညီမလေးဖြစ်လာခဲ့သည် ။သူတို့သည် စိတ်ရှုပ်ထွေးနေစဥ် အနည်းငယ် မသက်မသာခံစားလိုက်ရသည် ။ရှီးယွိချီက သူတို့ကို ဒီလိုနည်းလမ်းနဲ့ စွန့်ပစ်လိုက်တာလား ။ ထိုသို့ဆိုလျှင် ပွဲသိမ်းရန်အချိန်ကောင်းတွင် သူမတို့ ဘာလုပ်သင့်သနည်း ။

ရှီးယွိချီ၏ နှလုံးသားအောက်ခြေတွင် သူမသည် ကျုံးယို့ယို့အား အလွန်ကျေးဇူးတင်နေပြီး သူမအားလပ်သောအခါတွင် ကျုံးယို့ယို့အား တစ်ခုခုစျေးကြီးတာဝယ်ကျွေးမည်ဟု တွေးလိုက်သည်။

ရှီးယွိချီနှင့် ကစားနေကြဖြစ်သော ညီမတစ်ယောက်သည် ကျုံးယို့ယို့အား မုန်းတီးသောခံစားချက်ကို သူမ၏ နှလုံးသားထဲတွင် ခံစားလိုက်ရသည် ။သူမသည် ရှီးယွိချီ၏ ဖတ်စာအုပ်ကြားထဲတွင် ညှပ်ထားသော သင်ထောက်ရေးပစ္စည်းအား ဆွဲထုတ်လိုက်ကာ ရည်ရွယ်ချက်ရှိရှိ ပြုံးလိုက်ပြီး ပြောခဲ့သည် ။

" အစ်မရှီ ၊ ဒါက တစ်ဖက်ကျောင်းက အစ်မရှီကိုပေးထားတဲ့ ပထမဆုံးမေးခွန်းနော် ။မဆိုးပါဘူး ။ငါ့အထင်တော့ အစ်မရှီက ထက်မြက်ပြီး စာမေးပွဲမှာ ကောင်းကောင်းလုပ်နိုင်သားပဲ "

" မြို့နယ်က နံပါတ်(၁)ကို ဒါလေးလုပ်ဖို့မေးတယ်ဆိုတာက ခက်ခဲတဲ့ကိစ္စမှ မဟုတ်ဘဲ ။မကြာသေးခင်က ပြိုင်ပွဲမှာပါလာတဲ့ မြို့နယ်နံပါတ်(၁)မိန်းကလေးက တစ်ကယ် အံ့သြလောက်စရာပဲ ။ တစ်ဖက်ကျောင်းက မိန်းကလေးဆီမှာ လှည့်စားခံမနေပါနဲ့ အစ်မရှီ ၊ သူမက ဟန်ဆောင်ကောင်းပြနေတာလည်း ဖြစ်လောက်တယ် "

သူမမျှော်လင့်ထားခဲ့သလိုပင် စကားမဆုံးသေးခင်တွင် ရှီးယွိချီ၏ မျက်နှာသည် မဲမှောင်လာခဲ့သည် ။

ထိုစဥ်တွင် ရှီးယွိချိသည် သူမ၏ ဒေါသအား ဖိနှိပ်လိုက်ကာ သူမသည်ဒေါသထွက်ခဲပြီး လူမိုက်ပုံစံမှ ပုံမှန်မိန်းကလေးအဖြစ်သို့ပြောင်းလဲနိုင်အောင် အတတ်နိုင်ဆုံးကြိုးစားလိုက်သည် ။ အုပ်စုထဲမှ မိန်းကလေးများသည် သူမအား ဒေါသထွက်ကာ ဖျားနာနေသောကြောင်တစ်ကောင်ကဲ့သို့ ဆက်ဆံနေခြင်းမဟုတ်ပေ ။

သူမသည် ထိုမိန်းကလေးအား အေးစက်သောအမူအရာဖြင့် စိုက်ကြည့်လိုက်သည် ။

" ကျေးဇူးပြုပြီး နင့်ရဲ့ပါးစပ်ကို ငါ့အတွက် သန့်ရှင်းပေးထားစမ်းပါ ။ငါ့ကိုနောက်ထပ်စကားတစ်လုံးပဲ ထပ်ပြောမယ်ဆိုရင်တောင် ငါနင့်ပါးစပ်ကို ဖျက်စီးပစ်မယ် "

ရှီးယွိချီသည် ကျုံးယို့ယို့အား ဤနည်းလမ်းမျိုးဖြင့် ကူညီပေးလိမ့်မည်ဟု မမျှော်လင့်ထားခဲ့ပေ ။သူမသည် ချက်ခြင်းပင် စကားမပြောရဲတော့ပေ ။

သူမသည် သူမ၏နေရာသို့ မနာလိုနေသော အမူအရာဖြင့် ပြန်သွားခဲ့သည် ။ အနီးနားရှိမိန်းကလေးများသည် ထိတ်လန့်တကြားဖြင့် စဥ်းစားနေကြသော်လည်း ရှီးယွိချီ၏ အေးစက်နေသော မျက်နှာထားအား မြင်နိုင်ပြီး သူတို့အကုန်လုံးသည် တစ်ယောက်မှထပ်၍ မလှောင်ပြောင်ရဲတော့ပေ ။

အစ်မကြီး က အစ်မကြီး ဖြစ်ဖို့ထိုက်တန်နေတုန်းပဲ ။ အကယ်၍ ကမ္ဘာပေါ်မှာ နောက်ကြောင်းပြန်ဖို့သာ အကြံညဏ်ရှိနေခဲ့မည်ဆိုလျှင် ထိုအရာသည် ကြောက်စရာကောင်းနေဆဲပင်ဖြစ်လိမ့်မည် ။

လူအုပ်စုကြီးထွက်ခွာသွားသောအခါတွင် ရှီးယွိချီအနားသို့ကပ်လာသည့်သူမှာ ဟွမ်မောက်ဖြစ်ပြီး သူမ၏ စားပွဲပေါ်တွင်ရှိသော သင်ကြားရေးပစ္စည်းများအားကြည့်ကာ မနာလိုစွာပင်ပြောလာခဲ့သည် ။

" အစ်မရှီ ၊ တစ်ကယ်ကို အစ်မရဲ့အဆင့်တွေက တိုးတက်လာခဲ့တာပဲ ။အကယ်၍ ငါ့မှာသာ လှပပြီး မြို့နယ်ရဲ့ အဆင့်တစ်ကောင်မလေးရှိမယ်ဆိုရင် အဲ့လိုသူငယ်ချင်းမျိုးက အရမ်းကောင်းမှာပဲ "

ဟုတ်တယ် ။ ထိုသို့ဆိုလျှင် သူ၏အဆင့်များသည်လည်း တိုးတက်လာနိုင်သည် ။ သို့သော် ထိုသို့ အံ့သြဖို့ကောင်းသည့်သူနှင့် သူမည်သို့သိနိုင်မည်နည်း ။

သူ့ဘေးတွင်ရှိကြသောသူများသည် သင်ယူလေ့လာချင်းမရှိဘဲ သူကဲ့သိုပင် စွမ်းဆောင်ရည်မရှိကြသော သူများဖြစ်သည် ။တစ်နေကုန်ဂိမ်းသာဆော့လေ့ရှိပြီး အခွံသက်သက် ဦးနှောက်ဖြင့် အရူးများသာဖြစ်ကြသည် ။ဟွမ်မောက်သည် အနည်းငယ်ဝမ်းနည်းပက်လက်ဖြစ်နေကာ သူသည် ဗလာသက်သက်စဥ်းစားပြီး ထိုအရာသည် အလွန်နောက်ကျသွားပြီ ဟုပင် တွေးခဲ့သည် ။

ယခုအချိန်မှ သေချာနားထောင်မည်ဆိုလျှင် အရမ်းများနောက်ကြနေမည်လား ။

အတန်းထဲရှိလေထုသည် အေးခဲနေပြီး အတန်းပိုင်ဆရာ မာကျန့် ဝင်လာခဲ့သည် ။

သူသည် မျက်နှာတွင် စိတ်လှုပ်ရှားနေသော အမူအရာအား ဖုံးကွယ်ထားသော်လည်း သူ၏ မျက်ခုံး ၊ မျက်လုံးအမူအရာများသည် ပျော်ရွှင်နေသည်ကို မထိန်းထားနိုင်ခဲ့ပေ ။

သူသည် ရှီးယွိချီအား တစ်ချက်ကြည့်ကာ အလွန်ကျေနပ်နေသော အမူအရာဖြင့်

" တိတ်တိတ်နေကြပါ ၊ ဆရာ့မှာ မင်းတို့ကို ပြောစရာရှိတယ် "

အတန်းထဲမှ သူများသည် မာကျန့်၏ ရှီးယွိချီကို အသိအမှတ်ပြုနေသော အမူအရာအားတွေ့လိုက်သောအခါ သူတို့၏ နှလုံးသားထဲတွင် အလွန်ရှုပ်ထွေးနေကြသည် ။

သူတို့၏ အတန်းမျိုးတွင် အားလုံး၏ အဆင့်သည်သာ မကောင်းခဲ့လျှင် ထိုအရာသည် ကိစ္စမရှိပေ ။သူတို့သည် ကိုယ့်ကိုယ်ကိုပင် ပြန်လှောင်ပြောင်ကာ ပြောလေ့ရှိသည် ။ " ငါတို့က အဆင့်ကောင်းကောင်းတော့လိုချင်တယ် ။ ဒါပေမဲ့ အဆင့်ကောင်းကောင်းရော မိသားစုနောက်ခံရော ဘာမှရှိမနေဘူး ။ အထက်တန်းပြီးရင် ငါတို့ဘယ်သွားမှာလဲ ။မျက်နှာချင်းဆိုင်မှာရှိနေတဲ့သူတွေရဲ့ ကားကိုရေဆေးပေးတာမျိုး ၊ အုတ်သယ်ပေးရတာမျိုး များဖြစ်နေလောက်မလား "

သူတို့သည် ထိုအရာများအား လှောင်ပြောင်ခဲ့ကြပြီး သူတို့၏ နှလံးသားထဲတွင် အနည်းငယ်မသက်မသာခံစားခဲ့ရသည် ။သို့သော် ထိုအရာများသည် ဖြစ်ပြီးသွားသည့်ကိစ္စများသာ ဖြစ်၍ အဆင့်များသည် အလွန်ဆိုးရွားကာ အထက်တန်းကျောင်းသည်လည်း ပြီးရန် နှစ်ဝက်လောက်သာကျန်တော့သည် ။ သူတို့၏ ဦးနှောက်သည် အလွန်ညံ့ဖျင်းကာ ပြန်ထနိုင်ရန် အခွင့်အရေးမရှိတော့သောကြောင့် အိုးအားခွဲလိုက်ကာ နေမြဲတိုင်းသာနေကြရန်ရှိတော့သည် ။

သို့သော် အတန်းထဲတွင် အဆင့်များအဆိုးရွားဆုံးဖြစ်သည့် ရှီးယွိချီသည် အချိန်တိုအတွင်းတွင် များစွာ တိုးတက်လာပြီး သူတို့အားအလွန်ပလုံးပထွေးဖြစ်ကာ ခေါင်းရှုပ်စေခဲ့သည် ။ စာအုပ်နှစ်အုပ်သုံးအုပ်ခန့်လုပ်ကာ ထိုသို့လျင်မြန်စွာလုပ်ဆောင်နိုင်သည်မှာ ဖြစ်နိုင်ပါရဲ့လား ။

ရှီးယွိချီ၏ ထိုကဲ့သို့ တိုးတက်လာမှုကို ပြောရမည်ဆိုလျှင် အတန်းထဲမှ သူများ၏ နှလုံးသားထဲတွင် မီးတောက်လေးအား လောင်ကျွမ်းစေခဲ့သော်လည်း ဘယ်သူကမှ ထုတ်ဖော်မပြသချင်ခဲ့ပေ ။

အဆုံးတွင် အတန်းထဲ၌ အားလုံးသည် ဆော့ကစားနေခြင်းကသာ အမှန်ကန်ဆုံးဖြစ်သည်ဟု ပြောလာကြပြီး သင်ယူလေ့လာခြင်းသည် တစ်ဖက်ကျောင်းရှိ ယိုယွင်းနေသော စာကြမ်းပိုးများသာလုပ်နိုင်သောအရာဟုဆိုလာကြသည် ။

အတန်းပိုင်ဆရာမာကျန့်သည် ချောင်းဟန့်လိုက်ကာ အားလုံး၏ အတွေးများအား ပြန်ဆွဲခေါ်လိုက်ပြီး ပြောလာခဲ့သည် ။

" ဒီတစ်ကြိမ်မှာ အားလုံးသိကြတဲ့အတိုင်းပဲ ဆရာတို့အတန်းထဲက ရှီးယွိချီက တစ်ကယ်တိုးတက်လာခဲ့တယ် ။ဆရာကြားခဲ့တာတော့ သူမက မျက်နှာချင်းဆိုင်ကျောင်းက မြို့နယ်နံပါတ်တစ်ရတဲ့သူဆီမှာ သင်ယူခဲ့တယ်တဲ့ ။ နာမည်ကြီးတဲ့အတန်းဖော်ရဲ့ အကူအညီနဲ့ ဆရာကတော့ မင်းတို့ကို ဘယ်လိုလေ့လာရမလဲဆိုတာ သင်ကြားပေးဖို့ တစ်ဖက်ကျောင်းက မြို့နယ်ပထမရတဲ့သူကို ဖိတ်ခေါ်ဖို့စဥ်းစားထားတယ် "

ကျုံးယို့ယို့သည် လီသုန်းဖျင်၏ အတန်းမှ ဖြစ်သည် ။သူနှင့် လီသုန်းဖျင်ကတော့ အတန်းဖော်များဖြစ်ခဲ့ကြသည် ။သူသာ ပါးစပ်ဟလိုက်မည်ဆိုလျှင် လီသုန်းဖျင်ကူညီလိမ့်မည်ဆိုတာကို သူအနည်းငယ်သေချာနေခဲ့သည် ။

ထိုကဲ့သို့ကိစ္စမျိုး အရင်က ရှိခဲ့ဖူးသည် ။ကောလိပ်စာမေးပွဲတွင် ကောင်းမွန်စွာဖြေဆိုနိုင်ခဲ့သောစီနီယာများသည် ညီငယ် ညီမငယ်များအား သူတို့၏ အတွေ့အကြုံများကို ပြန်လည်မျှဝေရန် လာခဲ့ဖူးသည် ။

သို့သော် ကျုံးယို့ယို့သည် သူတို့နှင့် အတန်းတူတူသာဖြစ်ပြီး ဘယ်လိုအရည်အချင်းမျိုးများ သူမဆီမှာ ရှိနေလို့နည်း ။

အတန်းထဲမှ လူအတော်များများသည် လက်မခံနိုင်ကာ အထူးသဖြင့် ရှီးယွိချီဆီမှ ယခုလေးတင်ကြိမ်းမောင်းခံခဲ့ရသော ညီမလေးသည်လည်း လက်မခံနိုင်ခဲ့ပေ ။သူမသည် ချက်ခြင်းပင် မျက်နှာအား ဖတ်စာအုပ်ဖြင့်ဖုံးလိုက်ပြီး မကြားတကြား ပြောလိုက်သည် ။

" ဘယ်ကြက်သွန်စိမ်းက မြို့နယ်ရဲ့ နံပါတ်တစ်လည်း ။သူမ ဒီတိုင်း စစ်ဆေးမှုလည်း ဝင်ဖြေခဲ့ရုံပါပဲ ။ တစ်ခေါက်လောက်လေး နံပါတ်တစ်နေရာရသွားတာပဲလေ ။ အသိပညာပြိုင်ပွဲရဲ့ စီရင်စုတစ်ခုလုံးမှာ ပထမရနိုင်တဲ့ အရည်အချင်းမျိုးရှိနေရင်တော့ အဲ့တာက အံ့သြလောက်စရာပဲပေါ့ ။ "

တစ်စုံတစ်ယောက်သည် ချက်ခြင်းပင် သူမပြောသည်အား ထောက်ခံလာခဲ့သည် ။

" ဟုတ်တယ် ၊ သူမကို ဖိတ်ခေါ်ဖို့ လုံးဝသဘောမတူဘူး "

Prev Next