အပိုင်း ၁၃၂

Chapter 132

နောက်တစ်နေ့တွင် နိုင်ငံတော်အဆင့် ဖိုင်နယ်သို့ ရောက်ရှိလာသည့် ထိပ်တန်းလူ ၂၀ စာရင်း ထွက်ပေါ်လာပြီး တီဗီနှင့် အွန်လိုင်းဗီဒီယိုများအောက်ရှိ အလျားလိုက်ဘားများ၌ ရွေ့လျား‌ေနသည်။ ဤလူနှစ်ဆယ်သည် ဤအချိန်၌ မီးမောင်းထိုးပြမှု၌ ရှိနေသည်ဟူ၍ ပြော၍ရသည်။

အဆင့်သတ်မှတ်ချက်များသည် အထူးသီးသန့် မဟုတ်သောကြောင့် ကျုံးယို့ယို့၏ ID ကို အလယ်တွင်သာ ကန့်လန့်ဖြတ်ပြသထားသော်လည်း ယခုပွဲ၌ ကျုံးယို့ယို့သည် ဖော်ပြပြီး ဆွေးနွေးမှုအများဆုံးကစားသမားဖြစ်ကြောင်း သံသယဖြစ်ဖွယ်မရှိဖြစ်၏ ။

ဗိုလ်လုပွဲအကြိုပွဲစဉ် သို့မဟုတ် ဆီမီးဖိုင်နယ်၌ သူမ၏ စွမ်းဆောင်ရည်သည် ချက်ခြင်းထိချက်ကြီးပင်။  Zမြို့ မှလူများက သူမကိုသိရုံသာမက ဤရှိုးကိုကြည့်ရှုခဲ့သော နိုင်ငံတစ်ဝှမ်းမှ လူများသည်လည်း QYXLP ဟူသောအမည်ကို သိကြလိမ့်မည်။

ယခုအချိန်မှာ ဤခေါင်းစွပ်အောက်မှ ဘယ်လိုမိန်းကလေးမျိုးရှိသလဲဆိုသည်ကို မည်သူမှ မသိနိုင်ပေ။

ဤခေါင်းစွပ်ကို ၀တ်ဆင်ခြင်းသည် ကျုံးယိူ့ယို့အတွက် လျှို့ဝှက်ဆန်းကြယ်မှု အနည်းငယ်ကို တိုးစေသည် ။ ထိုအရာမရှိလျှင် ပရိသတ်သည် ကျုံးယို့ယို့၏မျက်နှာ၊ မျက်နှာအသွင်အပြင်နှင့် မိသားစုနောက်ခံအကြောင်း ဦးစွာမှတ်ချက်ပေးပေမည်။ သို့သော် ယခုချိန်မှာ လူတိုင်းက သူမကို စိတ်အားထက်သန်စွာ ဆွေးနွေးနေကြပြီး ပြိုင်ပွထဲမှ သူမ၏ အလွန်ကောင်းမွန်သည့် စွမ်းဆောင်မှုကို လက်ဖျားခါနေကြသည်။

နိုင်ငံတစ်ဝှမ်းမှ ထိပ်ဆုံး ၂၀  ပေါ်ပေါက်လာပြီးနောက် ရိုးရှင်းသောအင်တာဗျူးတစ်ခု ပြုလုပ်လိမ့်မည်။

ကျုံးယို့ယို့သည် အင်တာဗျူးတွင်ပါဝင်သောအခါတွင်  ထိပ်တန်း ၂၀ သို့ ဝင်သောလူများကို အထူးအာရုံစိုက်သည်။ ၀တ္ထုထဲမှကဲ့သို့ပင် ရှစ်ကျစ်ထန်သည် နိုင်ငံအတွင်း ထိပ်ဆုံး ၂၀ စာရင်းတွင် ဝင်ရောက်ခဲ့သည်။ သူ၏အင်အားမှာ လစ်လျူရှု၍မရနိုင်။

သို့သော် ကျုံးယို့ယို့ကို ထူးန်းသည်ဟု ခံစားရစေသည်က မုန့်ရှစ်ရွှမ် မပါ၀င်လာခြင်းးပင်ဖြစ်ပြီး ဤက မူရင်းဇာတ်ကြောင်းနှင့် ကွဲလွဲနေသည်။

ဤဘဝတွင် မုန့်ရှစ်ရွှမ်၌ အပြောင်းအလဲများစွာ ဖြစ်ခဲ့သောကြောင့် သူမသည် မူရင်းဇာတ်‌ေကြာင်းကဲ့သို့  မဝင်လာနိုင်ခြင်း ဖြစ်ကောင်းဖြစ်နိုင်သည်။ ဤကို နားလည်နိုင်သည် ။ နောက်ဆုံးတွင် ပြိုင်ပွဲ၌ အလိုအပ်ဆုံးသောအရာမှာ အာရုံစူးစိုက်မှုနှင့် ကြည်လင်သောစိတ်ကို ထိန်းသိမ်းထားရန်ဖြစ်သည်။

ကျုံးယို့ယို့က သိပ်ပြီးမတွေးတောဘဲ အင်တာဗျူးအတွက် စောင့်နေသည့်အခန်းထဲမှ ထွက်လာပြီး ရှောင်ကျောက်ကို ခဏစောင့်‌ေစဖို့ စီစဉ်လိုက်တယ်။

ထိုအချိန်တွင် သတင်းထောက်တစ်စုက အပြင်၌ စုရုံးနေကြသည်။  ဤပြိုင်ပွဲသည် အာရုံခံစားမှုတစ်ခုဖြစ်လာပြီး ၎င်းကို မကြာခဏရှာဖွေလေ့ရှိကြသည်။ ထို့ကြောင့် ၎င်းသည် မီဒီယာများ၏ အာရုံစိုက်မှုကို အများအပြားရရှိခဲ့ပြီး ၎င်းတို့အားလုံးသည် အချက်အလက်အချို့ကို တူးဖော်လိုကြသည်။

အခြားသော ရသစုံရှိုးများနှင့် နှိုင်းယှဉ်ပါက ဤပြိုင်ပွဲသည် နိုင်ငံတစ်ဝှမ်းရှိ မိဘများ၏ ပံ့ပိုးမှု ပိုမိုရရှိပြီး နိုင်ငံ့၏အဓိကကျသော ပရောဂျက်များမှ ပြုစုပျိုးထောင်ပေးသည်။ နောက်ဆုံးတွင် ၎င်းသည် အပြုသဘောဆောင်ပြီး  ပြီးပြည့်စုံသောပြိုင်ပွဲတစ်ခုဖြစ်သည်။

ကျုံးယို့ယို့ ထွက်လာပြီးချင်းမှာပဲ နာ့ချောင်လန်နှင့် အခြားပြိုင်ပွဲ၀င်များစွာကို ဝန်းရံထားသည့် သတင်းထောက်အများအပြားကို တွေ့လိုက်ရသည်။

ချောင်လန်သည် နိုင်ငံတွင်း ထိပ်ဆုံး ၂၀ စာရင်းကို လွဲချော်ခဲ့ပေမယ့် ဤဆီမီးဖိုင်နယ်၌ တတိယအခက်ခဲဆုံးမေးခွန်းကို ဖြေရှင်းနိုင်သူ အရေအတွက် များများစားစား မရှိခဲ့‌ချေ။ ထို့ကြောင့် သူမ ဤမနက် စောင့်ဆိုင်းခန်းကို ရောက်လာပြီး စာတိုက်ပုံးကိုဖွင့်လိုက်သည့်အခါ မြို့တော်တက္ကသိုလ်မှ နွေရာသီစခန်းသွင်းသင်တန်းဖိတ်စာကို လက်ခံရရှိကြောင်း တွေ့ရှိခဲ့သည်။ 

လင်းလက်တောက်ပသည့် အနာဂတ်တွေရှိ‌ေသာ တခြားရွာတစ်ရွာလိုပါပဲ၊ သူမ ဤမနက်ခင်းမှာ နှလုံးခုန်မြန်လွန်းကာ ပျော်ရွှင်နေသည်။

ဤနွေရာသီသင်တန်းသည် တက္ကသိုလ်ဝင်ခွင့်အခွင့်အလမ်းများနှင့် ဆက်စပ်မှုမရှိသော်လည်း နွေရာသီစခန်းတွင် ပါဝင်နိုင်သောကြောင့် ပရော်ဖက်ရှင်နယ်နည်းပြဆရာများနှင့်တွေ့ဆုံရန် အခွင့်အလမ်းများ ပိုမိုရရှိလာသည်။ မည်သို့ပင်ပြောပါစေ အလွန်ဂုဏ်ယူဖွယ်ရာကိစ္စဖြစ်သည်။

ကျုံးယို့ယို့၏လက်တွင် ကြီးမားသောရှုံးနိမ့်မှုကို ခံစားခဲ့ရပြီးနောက် ချောင်လန်၏ အုံ့မှိုင်းနေသော စိတ်သည် အနည်းငယ် တိုးတက်လာသည်။

သူမသည် ပြုံးကာ သူမ၏အနာဂတ်အစီအစဉ်များ၊ သူမတက်ချင်သည့် တက္ကသိုလ်နှင့် မည်ကဲ့သို့ အလုပ်ပိုကြိုးစားမည်ဟူသော သူမ၏အနာဂတ်အစီအစဉ်များအကြောင်း  သတင်း‌ထောက်များကို တရားဝင်စကားအနည်းငယ်ပြော‌နေသည်။ ရုတ်တရတ်  သူမ၏နောက်ကွယ်တွင် ရုန်းရင်းဆန်ခတ်ဖြစ်နေသည်ကို ကြားလိုက်ရသည်။

ထို့နောက် ချက်ချင်းဆိုသလိုပင် သူမပတ်ဝန်းကျင်ရှိ သတင်းထောက်များ၏ မျက်လုံးများသည် အဆီနံ့ရနေသည့် ယင်ကောင်များကဲ့သို့ တောက်ပလာကာ သူမ၏အနောက်ဘက်သို့ ပြေးသွားကြသည်။

ချောင်လန်ကို တစ်စုံတစ်ယောက်အပေါ်မှ ခလုတ်တိုက်လုမတတ်ဖြစ်သွားပြီး ခေါင်းကိုလှည့်ကာ ဒေါသတကြီးကြည့်လိုက်ချိန် ထွက်လာသောသူက ပြည်နယ် Z မှ အဆင့်တစ်ဖြစ်ကြောင်း သိလိုက်ရသည်။

ချောင်လန်သည် ခဏတာ စိတ်ဓာတ်ကျခြင်းကို ခံစားခဲ့ရပြီး နောက်ဆုံးတွင် အနည်းငယ် ပြန်လည်ကောင်းမွန်လာခဲ့သည့် သူမ၏ စိတ်ဓာတ်က ရုတ်တရက် အောက်ခြေသို့ ပြန်လည်ရောက်သွားသည်။

ကျုံးယို့ယို့ကို မေးမြန်းသည့်  သတင်းထောက်၏မေးခွန်းတိုင်းကို သူမကြားနိုင်သည် ။

"ဒီပြိုင်ပွဲ၀င် မင်းရဲ့အသင်းဖော်က မြို့တော်တက္ကသိုလ်ရဲ့ နွေရာသီစခန်းချဖို့ ဖိတ်ခေါ်ချက်တစ်ခုရခဲ့တယ်၊ မင်းဘယ်လိုထင်လဲ။ မင်းလည်း လက်ခံရသင့်တယ်မဟုတ်လား။ ပြီးတော့ ကောလိပ်ဝင်ခွင့် စာမေးပွဲအောင်ဖို့ ဒါမှမဟုတ် နိုင်ငံခြားကို သွားဖို့ အစီအစဉ်ရှိလား။မင်းလို ထူးချွန်တဲ့သူမျိုးကို ငါတို့နိုင်ငံကိုယ်တိုင်က ပြုစုပျိုးထောင်သင့်တယ်။ မင်း နိုင်ငံတွင်းမှာပဲ နေဖို့ ရွေးချယ်မှာလား "

ကျုံးယို့ယို့က ဘာမှပြန်မပြောဘဲ သူမဘေးက စာတိုက်ပုံးဆီသို့ လှည့်ကြည့်လိုက်သည်။

စောင့်ဆိုင်းခန်း၏ ပင်မတံခါးဘေးတွင် စာတိုက်ပုံးကြီးတစ်ခုရှိသည်။ ပြိုင်ပွဲ၀င်တစ်ဦးစီတွင် ပြိုင်ပွဲအပြီး တက္ကသိုလ်အချို့မှ ဖိတ်ကြားချက်များကို လက်ခံရရှိရန် အဆင်ပြေစေသည့် ‌လေးထောင့်ကွက်ငယ်တစ်ခုစီပါရှိသည်။

ကျုံးယို့ယို့ သူမ၏ အကွက်ငယ်ကို ဖွင့်ကြည့်လိုက်သည်။

သတင်းထောက်အုပ်စုတစ်စုသည် ရတနာသေတ္တာကိုဖွင့်ရန် စောင့်ဆိုင်းနေသကဲ့သို့ သူမထက်ပင် ပို၍စိတ်လှုပ်ရှားကာ သူမနောက်၌ ခြေဖျားထောက် ရပ်နေကြသည်။

ကျုံးယို့ယို့ : "... " 

သူမသည် လူအများရှေ့မှာ ဖွင့်မပြောချင်ပေမယ့် ဤသတင်းထောက်တွေက ညနေ ခြောက်နာရီကျော်သည်အထိ နေကြမှာ ဖြစ်ပြီး ကျုံးယို့ယို့နှင့် ရှောင်ကျောက်တို့၏ ပြည်နယ် Z သို့ ပြန်မည့် လက်မှတ်များက ညဆယ့်နှစ်နာရီအချိန်မှသာလျှင် ဖြစ်သည်။

ကျုံးယို့ယို့ အံဆွဲကို ဆွဲထုတ်လိုက်ပြီး လူတစ်စုက သူမ၏စာတိုက်ပုံးမှာ မည်သည့်တက္ကသိုလ် နွေရာသီ ပရိုဂရမ်တွေကို လက်ခံထားမည်နည်းဆိုသည်ကို စောင့်မျှော်နေကြသည်။ သူမ၏ စာလက်ခံပုံးက ‌ပြည့်ကြပ်နေမည်ဖြစ်သည်။

ထင်ထားသကဲ့သို့ပင် ထိုအရာက ပြည့်ကြပ်နေရုံသာမက လျှံထွက်နေကြ‌သည်။ အဖုံးကို ဖွင့်လိုက်သည်နှင့် ပို့စာများစွာက ပြုတ်ကျလာကြသည်။

ကြေးနီရောင်အဖုံးဖြင့်တစ်ခုသည် ကျုံးယို့ယို့၏လက်ထဲသို့ ကျရောက်သွားသည်။ မျက်နှာပြင်ပေါ်ရှိ ကြေးနီရောင်ခြယ်သထားခြင်းမှာ ထူးခြားကြောင်း ပြသနေသည်။

သတင်းထောက်တစ်‌ေယာက်က ရုတ်တရက် လေရှူပြီး အသံပျောက်သွားတယ် " ဒစ်ဂျစ်တယ် သုတေသနဌာန "

မည်သည့် သင်္ချာသုတေသနဌာနဖြစ်သနည်းကို သူမချက်ချင်း သတိမရဘဲ အချိန်ခဏအကြာမှသာလျှင် မှတ်မိသွားခဲ့သည်။

နာမည်အပြည့်အစုံမှာ နိုင်ငံလုံးဆိုင်ရာသင်္ချာနှင့်သိပ္ပံအဖွဲ့အစည်း  သို့မဟုတ် နိုင်ငံလုံးဆိုင်ရာသင်္ချာအဖွဲ့အစည်း ဟု အတိုကောက်ခေါ်သည်။  သူမ မှတ်မိရခြင်းအကြောင်းရင်းမှာ မူရင်းဇာတ်‌ေကြာင်းတွင် ရှစ်ကျစ်ထန် နိုင်ငံလုံးဆိုင်ရာချန်ပီယံဆုရပြီးနောက်တွင် သူသည် သင်္ချာတက္ကသိုလ်မှ ဖိတ်ကြားချက်တစ်ခုရရှိသောကြောင့်ဖြစ်သည်။  ပြုစုပျိုးထောင်ပေးမည့် ဖိတ်စာတစ်ခုသာ ဖြစ်သည်။

ဤဒစ်ဂျစ်တယ်သုတေသနဌာနသည် ပြည်တွင်းသိပ္ပံသုတေသနအဖွဲ့များကြားတွင် သြဇာအာဏာအရှိဆုံးဖြစ်သည်။ ၎င်းသည် နှစ်စဉ်နှစ်တိုင်း ဆန်းသစ်တီထွင်မှုမူပိုင်ခွင့်ထောင်ပေါင်းများစွာကို ထုတ်လုပ်နေပြီး နိုင်ငံတော်မှခွဲဝေပေးသည့် ရန်ပုံငွေများသည် သာမန်လူများ၏ စိတ်ကူးထားသည်ထက်ကျော်လွန်နေသည်။

အကယ်၍ သင်သည် သိပ္ပံသုတေသနဌာနတစ်ခုသို့ ဝင်ရောက်ပြီး မူပိုင်ခွင့်တင်နိုင်သော အရာတစ်ခုကို အောင်မြင်စွာ တီထွင်နိုင်ခဲ့ပါက သင်ရရှိမည့် ကျော်ကြားမှုနှင့် ကြွယ်ဝမှုသည်  Z မြို့တွင် အချမ်းသာဆုံးဖြစ်သော ကျုံးမိသားစုကပင် ယှဉ်နိုင်လိမ့်မည်မဟုတ်ပေ။

အခု သူမက ဖိတ်ခေါ်ခံရသည်လား။  

 " ဂုဏ်ပြုပါတယ် " ပတ်ဝန်းကျင် ရှိ သတင်းထောက်များက သူမကို လေးစားအားကျသဘောကျစွာ ကြည့်နေကြသည်။

အကယ်၍ သင်သည် သိပ္ပံသုတေသနဌာနတစ်ခုသို့ အမှန်တကယ် ၀င်ရောက်နိုင်ခဲ့ပါက နိုင်ငံတွင်းပြိုင်ပွဲမှ အခြားပြိုင်ပွဲဝင်များက ယှဉ်နိုင်တော့မည်မဟုတ်ပေ။ အနာဂတ်လူမှုရေးဆိုင်ရာအောင်မြင်မှုများသည် လက်ရှိမည်သူမဆိုထက် များစွာသာလွန်မည်ဖြစ်သည်။ ယခုအချိန်တွင် ဖိတ်ကြားမှုတစ်ခုသာဖြစ်ပြီး  သိပ္ပံသုတေသနအဖွဲ့အစည်းသို့ မ၀င်ရောက်နိုင်သေးချေ။ သို့သော် အရွယ်ရောက်ခါစ အထက်တန်းကျောင်းသူလေးအတွက် ဤအရာက သူမ၏ " မင်းကဉာဏ်ကြီးရှင်ပဲ " ဟူသည့် ချီးကျူးမှုနှင့် ညီမျှပေသည်။

မဝေးလှသော‌နေရာတွင် နာ့ချောင်လန်နှင့် အခြားသူများသည် မိုးကြိုးပစ်ခံရပုံရပြီး မယုံကြည်နိုင်လောက်အောင်ဖြစ်‌နေရသည်။

 ' သုတေသနဌာနတဲ့ '

လူဘယ်လောက်များများ၏ အိပ်မက်က ထိုနေရာသို့ ၀င်ရောက်ခြင်းဖြစ်သနည်း။ သုတေသနဌာနက ဤနိုင်ငံတစ်၀န်းပြိုင်ပွဲမှ သူများကို ရွေးချယ်ခေါ်ယူပေးမည်ကို သိပါက ပြိုင်ပွဲမစတင်မီကတည်း နိုင်ငံ၏ ထိပ်ဆုံး ၂၀ စာရင်းဝင်အဆင့်အထိ ၀င်နိုင်ရန်  မစားမသောက်ဘဲ နေ့ရောညပါ လေ့ကျင့်မည်ဖြစ်သည်။

သို့သော် ယခုမူ အလွန်နောက်ကျသွားလေပြီ။

ကျုံးယို့ယို့သည် သုတေသနအဖွဲ့အစည်းမှ ဖိတ်ခေါ်မှုကို လက်ခံရှိခြင်းအတွက် ကျိန်းသေ ပျော်ရွှင်နေသည်။ ဤသည်က သူမ စီစဉ်ထားသည်နှင့် မကွာခြားပူဘဲ နှုတ်ခမ်း‌ေလးများကို ကွေးကာ ‌ဘေးလွယ်အိတ်ထဲသို့ စာကိုထည့်လိုက်သည် ။ ရုတ်တရက်ပင် အခြားသော သတင်းထောက်က  လှမ်းခေါ်လိုက်သည်။ သူက " ဒီကပြိုင်ပွဲ၀င် ရှစ်ကျစ်ထန်လည်း သုတေသနဌာနမှ ဖိတ်ကြားချက်ကို လက်ခံရရှိထားတယ်  "

သတင်းထောက်အုပ်စုကြီးတစ်ဖွဲ့သည် လှည့်ထွက်ပြီးထွက်ခါစ ရှစ်ကျစ်ထန်ဆီသို့ ပြေးသွားကြသည်။

ကျုံးယို့ယို့သည် အနည်းငယ် မျက်မှောင်ကြုတ်ပြီး ရှစ်ကျစ်ထန်ဆီသို့ ခေါင်းလှည့်ကြည့်လိုက်သည်။ မုန့်ရှစ်ရွှမ်သည် မူရင်းဇာတ်‌ကြောင်းနှင့် များစွာလွဲသော်လည်း ရှစ်ကျစ်ထန်က မဟုတ်‌ချေ။ ဤပွဲစဉ်မှာ သူမနှင့် ရှစ်ကျစ်ထန်က တူညီသည့် စင်မြင့်၌ မယှဉ်ပြိင်ရသေးသည့်အတွက် ကွာခြား ချက် ကို မပြောနိုင်‌ေချ။ ရှစ်ကျစ်ထန်သည်လည်း ပြိုင်ပွဲ၌ အလွန်ကောင်းမွန်စွာ စွမ်းဆောင်နိုင်ခဲ့သောကြောင့် သုတေသနဌာန၏ နွေရာသီစခန်းသွင်းသင်တန်းသို့ ဖိတ်ကြားခြင်းကို လက်ခံရရှိသည်။

ကျုံးယို့ယို့ပခုံးတွန့်လိုက်ပြီးအလေးအနက်မထားပေ။

' လုပ်ဆောင်နိုင်တာ ကောင်းပါတယ် ဘာပဲဖြစ်ဖြစ် အားလုံးက ကိုယ့်ရဲ့အရည်အချင်းကို မှီခိုကြိုးစားခဲ့ကြတာပဲ "

ရှစ်ကျစ်ထန်ကို သတင်းထောက်များ စုဝေးနေသည်ကို အခွင့်အရေးယူကာ ထွက်ခွာပြီး ကားပါကင်ဆီသို့ ဦးတည်လိုက်သည်။

ရှောင်ကျောက်က အတန်ကြာသည်အထိ မရောက်လာသေးသဖြင့် ကျုံးယို့ယို့က တစ်ခုခုကြောင့် နှောင့်နှေးနေသည်ဟု ထင်သော်လည်း ရှောင်ကျောက် ကားရပ်ထားသည့် ကားပါကင်နား လျှောက်လာရင်း ရှောင်ကျောက်၏ ရှိုက်ကြီးတငင် ခေါ်သံကို ကြားလိုက်ရသည်။

"ကောင်းပြီ ဥက္ကဌချင် ကျွန်တောိ နားလည်ပါတယ်၊ လောလောဆယ်တော့ ဒီအကြောင်းကို သူဌေးကတော်ကို မပြောပါဘူး။ ပြိုင်ပွဲပြီးသွားပြီး ပြန်တဲ့အထိ စောင့်ရအောင်ပါ။ ဒါပေမယ့် ကျုံးမိသားစုက ဒီအချိန်မှာ ဒီလိုကြီးမားတဲ့ အကြပ်အတည်းတစ်ခု ကြုံနေရပြီး အဲဒါကို ကျော်ဖြတ်နိုင်မလားဆိုတာ မသိနိုင်ဘူး။  ဒါက ဘယ်လိုဖြစ်နိုင်မလဲ၊ ဒီလိုကုမ္ပဏီကြီးတစ်ခုက မုန်တိုင်းလာရင်တောင် ... “

" အကြပ်အတည်းလား " ကျုံးယို့ယို့က သူ့နောက်ကို လျှောက်လာပြီး မျက်မှောင်ကြုတ်ကာ "ဘာအကြပ်အတည်းလဲ "

ရှောင်ကျောက်က ကြောင်အသွားပြီး လျင်မြန်စွာ လှည့်ကြည့်လိုက်သည်။