MM Story Teller

အပိုင်း၁၇၅

Viewers 32k

🍵Chapter 175

မန်နေဂျာလင်းပြောခဲ့သည့်စကားကို ပြန်လည်သတိရလာသောအခါ အတွင်းရေးမှူးကျိုးသည် သူမစိတ်ထဲ သံသယများမရှိတော့ပေ။ ပိုက်ဆံနှင့် လက်မှတ်များကို ထုတ်ယူလိုက်ပြီး " ကောင်းပြီ။ ကျွန်မ သူတို့ကိုယူမယ် "

အတွင်းရေးမှူးကျိုးက ဂျာကင်အင်္ကျီတစ်ထည်ကိုသာ ဝယ်ရန် စိတ်ကူးခဲ့သည်။ သို့သော် ယခု အစုံလိုက်ဝယ်ရန် ဆုံးဖြတ်လိုက်သည့်အခါ သူမ၌ အထည်လက်မှတ် အလုံအလောက် မရှိတော့ချေ။

ထုံရွှယ်လူသည် သူမ၏ စစ်အိတ်ထဲမှ အထည်လက်မှတ်များကို ချက်ချင်း ဆွဲထုတ်လိုက်ပြီး " ဒီမှာ တစ်ချို့ ရှိတယ်။ ရှင်ဘာလို့သူတို့မယူတာလဲ "

အတွင်း‌ရေးမှူးကျိုးသည် ထုံရွှယ်လူ၏လက်ထဲတွင် လက်မှတ်အမြောက်အများကိုတွေ့သောအခါ အံ့အားသင့်သွားသည်။

" မင်း အထည်လက်မှတ်တွေ အများကြီး ဘယ်လိုလုပ် စုဆောင်းထားမိတာလဲ ‌မန်နေဂျာထုံ "

ထုံရွှယ်လူက " ကျွန်မချစ်သူက သုတေသနစင်တာမှာ အလုပ်လုပ်တာ ခွဲတမ်းက မြင့်မားတယ်။ သူက ကျွန်မဆီ ပို့‌ပေးခဲ့တာ စုဆောင်းထားခဲ့တာ "

“အိုး ကျွန်မနားလည်ပြီ။ ကောင်းပြီ၊ ကျွန်မ အခုချေးပြီး နောက်ကျရင် ပြန်ဆပ်ပါ့မယ် "

ထုံရွှယ်လူမှာ ချစ်သူရှိသည်ဆိုသည်ကို အတွင်းရေးမှူးကျိုးက ပထမဆုံးအကြိမ် သိလိုက်ရခြင်းဖြစ်ပြီး သူမသည် ထုံရွှယ်လူနှင့် ပို၍နီးကပ်လာသည်ဟု ခံစားမိသည်။

ထုံရွှယ်လူက သူမလက်ကို ဝေ့ယမ်းလိုက်သည်။ " အဲဒါကို မပြောပါနဲ့။ သူတို့ကိုသာယူလိုက်ပါ "

သူမ၏ရက်ရောမှုသည် အတွင်းရေးမှုးကျိုးကို သူမအပေါ် ပို၍ပင် အထင်ကြီးသွားစေသည်။

အဝတ်အစားများ၀ယ်ပြီးသည့်နှင့် နှစ်ယောက်သား ဖိနပ်များကို သွားကြည့်ကြသည်။

ထုံရွှယ်လူသည် T-straped ဖိနပ်တစ်ရံကို ရွေးထုတ်လိုက်သည်။

သားရေဖိနပ်တစ်ရံက ၁၀ ယွမ်ကုန်ကျပြီး ဇိမ်ခံပစ္စည်းဟု ယူဆနိုင်သည်။ ထုံရွှယ်လူက အတွဲလိုက် ဝယ်ယူလို‌သော်လည်း တစ်စုံသာလျှင် ကျန်ရှိ‌သောကြောင့် အတွင်းရေးမှူး ကျိုးအတွက် ထားရှိလိုက်သည်။

ကုန်တိုက်ထဲမှ ထွက်လာသောအခါ အတွင်းရေးမှူးကျိုးက ချစ်ခင်နှစ်သက်စွာဖြင့် ထုံရွှယ်လူ၏လက်ကို ကိုင်ထားရင်း " ကျေးဇူးတင်ပါတယ် ရွှယ်လူ "

ထုံရွှယ်လူသည် ထိုဖိနပ်ကို မျက်စိကျ‌သော်လည်း သူမအတွက် ချန်ပေးခဲ့ကြောင်း သူမ သတိပြုမိခဲ့သည်။

ထိုအရာကို သူမ၏စိတ်ထဲမှာ မှတ်သားထားပေမည်။

" ကျွန်မ ရှင့်ကို ထမင်းစားဖို့ အစိုးရပိိုင်စားသောက်ဆိုင်ကို ခေါ်သွားရင်ရော ဘယ်လိုလဲ "

ထုံရွှယ်လူ ရယ်မောလိုက်သည်။ " ကျွန်မက အဲဒီလို တစ်ဆိုင်မှာ အလုပ်လုပ်တယ်။ ရှင်ကျွန်မကို ခေါ်သွားပေးဖို့မလိုပါဘူး။ အိုး ဒါနဲ့ မန်နေဂျာလင်းကို တစ်ခုခုက အနှောင့်အယှက် ပေးနေတာလား။ သူ့ကို နောက်ဆုံးတွေ့တုန်းက တော်တော် မျက်မှောင်ကြုတ်နေသလိုမျိုးမို့လို့ "

အတွင်း‌‌ေရးမှူးကျိုးသည် သူမ၏ နှုတ်ခမ်းများကို အနည်းငယ် ဆူလိုက်သည်။ " သူ့ယောက္ခမကိစ္စတွေကြောင့် ဒုက္ခရောက်နေတာ "

' အိုးဝိုး '

ထုံရွှယ်လူ က ပေါ့ပေါ့ပါးပါး မေးလိုက်ခြင်းပင်ဖြစ်ပြီး ဤကဲ့သို့ အတင်းအဖျင်းများ ထွက်လာလိမ့်မည်ဟု သူမ မထင်ထားမိချေ။

သူမ မသိမသာ မေးလိုက်သည်။ "အိုဟုတ်လား။ ဘာတွေဖြစ်နေတာလဲ "

အတွင်း‌ရေးမှူးကျိုးသည် ယခင်က ထုံရွှယ်လူ နှင့် ခပ်တန်းတန်းသာ ရှိနေသော်လည်း ယနေ့ သူမတို့၏ ဈေးဝယ်ခရီးစဉ်အပြီး ထုံရွှယ်လူကို သူမ၏ ရင်းနှီးသောသူငယ်ချင်းဖြစ်ရန် ရာထူးတိုးမြှင့်ပေးခဲ့ပြီးဖြစ်သည်။

" မန်နေဂျာ လင်းရဲ့ဇနီးက သူ့‌ မောင်လေးကို ကုန်သွယ်ရေးဌာနမှာ အလုပ်သွင်းပေးစေချင်တယ်။ ဒါပေမယ့်ကုန်သွယ်ရေးဌာနမှာ ဘယ်လိုအခြေအနေရှိလဲဆိုတာ ရှင်လည်းသိတယ်မလား။ တစ်စုံတစ်ယောက်မှ မထွက်ခွာလျှင် နေရာမရှိဘူး။ မန်နေဂျာလင်း လုပ်နိုင်တာတွေက အများကြီး မရှိဘူး "

မန်နေဂျာလင်းသည် အခြားရာထူးများကို လွှဲပြောင်းပေးရန် အခွင့်အာဏာရှိသော်လည်း ရာထူးအသစ်များ မဖန်တီးနိုင်ပေ။

ဥပမာအားဖြင့် မန်နေဂျာလင်းသည် ထုံရွှယ်လူကို ၎င်း၏အတွင်းရေးမှူးအဖြစ် ခန့်အပ်လိုက်သောအခါ ထုံရွှယ်လူက ဟုတ်ကဲ့ဆိုသည်နှင့် ၎င်းတို့နှစ်ဦးသည် ရာထူးများ ပြောင်းလဲမည်ဖြစ်သည်။

ထိုစကားကြောင့် အတွင်းရေးမှူးကျိုးသည် စားသောက်ဆိုင် စီမံခန့်ခွဲခြင်းအကြောင်း မည်သည်ကိုမျှမသိရှိသဖြင့် အပြောင်းအလဲလုပ်ရန် တွန့်ဆုတ်နေခဲ့သည်။ ကံကောင်းစွာ ထုံရွှယ်လူက ကမ်းလှမ်းချက်ကို ငြင်းပယ်ခဲ့လေသည်။

ထုံရွှယ်လူခေါင်းညိတ်လိုက်သည်။ " အိုး ကျွန်မနားလည်ပြီ။ အဲဒါက မန်နေဂျာ လင်းကို ကျောက်တုံးနဲ့ မာကျောတဲ့ နေရာကြားမှာ ရှိစေတာပဲ ။ စက်ရုံတွေနဲ့ ဌာနတော်တော်များများက အလုပ်သမားတွေ မခေါ်ကြသေးဘူး "

အတွင်းရေးမှူးကျိုး နားလည်စွာ ခေါင်းညိတ်လိုက်သည်။ " နှစ်တိုင်း ကျောင်းသားတော်တော်များများ ဘွဲ့ရပေမယ့် နေရာနည်းနည်းပဲ ရှိတယ်။ အနာဂတ်မှာ အလုပ်ရဖို့က ပိုပြီး ခက်ခဲလာလိမ့်မယ် "

ထုံရွှယ်လူသည် ထိုအရာက မမှန်ကန်မှန်းသိသော်လည်း အတွင်းရေးမှူးကျိုးနှင့် သဘောတူလိုက်သည်။

သူမတို့နှစ်ယောက် လမ်းခွဲပြီးနောက် ထုံရွှယ်လူက စားသောက်ဆိုင်သို့ ပြန်လာသည်။

မန်နေဂျာလင်း သူမကို ပြိုင်ပွဲတွင် ပါဝင်ခွင့်ပေးရန်အတွက် ဆွဲဆောင်နိုင်ရန် ကုန်သွယ်ရေးဌာနနှင့် အကျိုးအမြတ် တစ်စိတ်တစ်ပိုင်းကို မျှဝေရန်ပင် သူမ တွေးခဲ့ဖူးသည်။

သို့သော် ထိုအရာ စိတ်ကူးများအားလုံးထဲမှာ အကောင်းဆုံး မဟုတ်ချေ။

အမဲသားလုံးနှင့် ငါးဆုပ်လုံးများမှ အမြတ်ငွေများကို ကုန်သွယ်‌ရေးဌာနသို့ တစ်နည်းမဟုတ်တစ်နည်း ဖြတ်သန်းရမည်ဖြစ်သည်။ မန်နေဂျာလင်းသည် ပြိုင်ပွဲဝင်ရန် မပြောဆို‌ ပေူသော်လည်း အမြတ်အစွန်းများကို ကောင်းစွာရယူနိုင်ပြီး ထုံရွှယ်လူက မည်သို့မျှ လုပ်နိုင်မည်မဟုတ်ပေ။

သို့သော် အစောပိုင်းက အတွင်းရေးမှူးကျိုး ပြောသည်က သူမကို အကြံသစ်တစ်ခုပေးခဲ့သည်။

ယခုတစ်ကြိမ်တွင် သူမအား မန်နေဂျာလင်း ပြိုင်ပွဲဝင်ခွင့်ပြုရန် လိုလိုလားလား ဆန္ဒရှိစေမည်ဖြစ်သည်။

🍵

ထိုည ထုံရွှယ်လူအိမ်ပြန်ရောက်သောအခါ ထုံကျားရှင်းသည် အိမ်မှုကိစ္စအားလုံး ပြီးသွားခဲ့ပြီဖြစ်သည်။

သုက သူ့ဆုံးဖြတ်ချက်ကို နောင်တရပြီးနောက် တစ်ရက်တောင်မှ သပိတ်မှောက်ခဲ့လေသည်။

ထုံရွှယ်လူက သူ့ကို သူမတို့၏မွေးရပ်မြေ‌ ပေဟယ်သို့ ပြန်ပို့မည်ဟု ပြောလိုက်ပြီး ထိုကလေးဆိုးမှာ ဖြူဖျော့သည်အထိ ကြောက်လန့်သွားသည်။

နောက်နေ့မနက်၌ အိမ်မှုကိစ္စများကို ပြုလုပ်ရန် ရိုးစင်းစွာ အိပ်ရာထလာသည်။ “ညှဉ်းပန်းနှိပ်စက်ခြင်း” ရက်အနည်းငယ်ကြာပြီးနောက် ထိုကလေးဆိုးလေးသည် အလွန်စိတ်ပျက်နေပုံရပြီး သူ့ပါးပြင်ပေါ်တွင် အရွယ်အစားတစ်ခုလုံး ဆုံးရှုံးသွားခဲ့သည်။(ပိန်သွား)

ဟင်းပွဲများချက်ပြီးသောအခါ ထုံကျားမင် သည် ထုံမျန်မျန်ကို သူနှင့်အတူ စာလေ့လာရန် ခေါ်ဆောင်သွားသည်။

ထုံကျားရှင်းသည် ထုံရွှယ်လူဆီသို့ လျှောက်သွားပြီး သူမအား ကသိကအောက်ဖြစ်စွာဖြင့် အော်ခေါ်လိုက်သည်။

ထုံရွှယ်လူက သူမ၏ အဆိုပြုချက်ကို ကြည့်ရင်းမှ မော့ကြည့်လာပြီး "ဘာကိစ္စရှိလို့လဲ။ ပြော "

ထုံကျားရှင်းသည် သူ၏လက်ချောင်းများကို တညီတညွတ်တည်း လိမ်ဖယ်ကာ ကြမ်းပြင်ကို ခြေချောင်းဖျားဖြင့် ပုတ်နေသည်။

" အစ်မ ကျွန်တော်မှားမှန်းသိပါပြီ။ ကျေးဇူးပြုပြီး ကျောင်းပြန်တက်ခွင့်ပြုပါ။ ကြိုးကြိုးစားစားလေ့လာမယ်လို့ ကတိပေးပါတယ် "

ထုံရွှယ်လူက မျက်ခုံးများကို အနည်းငယ် ပင့်လိုက်သည်။ " နင့်ကို ဘာလို့ယုံရမှာလဲ။ စကားမတည်နိုင်ရင် ဘယ်လိုလုပ်မလဲ"

ထုံကျားရှင်းအနည်းငယ် ထိတ်လန့်သွားပြီး သူ့မျက်ခုံးများ တွန့်သွားသည် ။ " ကျွန်တော် လုပ်မယ်လို့ ကတိပေးပါတယ်။ ကျွန်တော့်စကားအတိုင်း မလိုက်နာရင် အစ်မ ကျွန်တော့်ဆီက အသားတွေကို ယူသွားနိုင်တယ် "

ထုံရွှယ်လူခေါင်းယမ်းလိုက်သည်။ " အဲဒါက ငါတို့အရင်က ရှိခဲ့တဲ့ပုံစံ။ ငါတို့ဘာလို့ဒီလိုမလုပ်တာလဲ။ ငါ နင့်ကို ကျောင်းပြန်တက်ခွင့်ပေးမယ်၊ ဒါပေမယ့် နောက်ဆုံးစာမေးပွဲမှာကျခဲ့ရင် ပေဟယ်ကို ပြန်သွားရမယ် "

ထုံကျားရှင်း"……"

ထုံရွှယ်လူက " အခု စိတ်ပြောင်းသွားပြီလား။ မကြာသေးခင်ကမှ နင်က တော်တော်လေး ယုံကြည်မှုရှိပုံရပါတယ်။ ဒါမှမဟုတ် ငါ့ကို ကျောင်းပြန်တက်ခွင့်ပေးဖို့ လိမ်ပြောနေတာလား "

ထုံကျားရှင်း က ကျယ်လောင်စွာပြောသည်။ " မဟုတ်ဘူး။ ကျွန်တော်က အရမ်းကြိုးစားရင်တောင် စာမေးပွဲကျရှုံးသွားမှာကို တကယ်စိုးရိမ်နေတာ "

ထုံရွှယ်လူက " အတန်းပိုင်ဆရာမက နင်အရမ်းဉာဏ်ကောင်းတယ်လို့‌ ပြောခဲ့တယ်။ စာသင်ဖို့စိတ်မ၀င်စားခဲ့ရုံပဲရှိတယ်။ ဒါ့အပြင် မကြိုးစားဖူးရင် ဘယ်လိုလုပ်သိနိုင်မှာလဲ။ အသုံးမကျတဲ့လူတွေကသာ သူတို့ဖို့အကြောင်းပြချက်တွေ ရှာလိမ့်မယ် "

ထုံကျားရှင်းသည် သူမ၏စကားကြောင့် စိတ်လှုပ်ရှားသွားသည်။

" ကောင်းပြီ၊ ကျွန်တော်သဘောတူတယ်။ နောက်ဆုံးစာမေးပွဲကျခဲ့ရင် ပေဟယ်ကိုပြန်သွားမယ် "

ထုံရွှယ်လူသည် သူမ၏ မှတ်စုစာအုပ်မှ စာမျက်နှာတစ်ခုကို ဆုတ်ဖြဲကာ စာရွက်တစ်ရွက်ပေါ်တွင် သူမတို့၏ စိန်ခေါ်မှုကို ရေးချကာ သူ့နာမည်ကို ရေးထိုးခိုင်းသည်။

ထုံကျားရှင်းသည် အခိုက်အတန့်တွင် ပူထူစွာ အော်ခဲ့လိုက်ရုံသာ။ ယခုမူ တရားဝင် လက်မှတ်ရေးထိုးရသည့်အခါ သူ၏ နှလုံးသားက အဆက်မပြတ် ခုန်နေသည် ။

သို့သော် သူက ပြန်၍မရသည့် အမှတ်ကို ကျော်လွန်နေပြီဖြစ်သည်။ သူ့အစ်မ လေး‌ေလးနက်နက်ရှိသည်ကို သူသိသည်။ ထို့ကြောင့် သူသာ လက်မှတ်မထိုးလျှင် မနက်ဖြန်ပင် သူ့ကိုပြန်ပို့လိုက်နိုင်သည်။

မွေးရပ်မြေကို ပြန်ရောက်သွားရသည့် အတွေးက သူ့ကို ထိတ်လန့်စေသည်။

အံကြိတ်ကာ ဘောပင်ကို ကိုင်ရင်း လက်မှတ်ထိုးလိုက်သည်။

ထုံရွှယ်လူသည် သူတို့၏ " စိန်‌ခေါ်မှု " ကို ခေါက်သိမ်းလိုက်ပြီး သူမ၏ မှတ်စုစာအုပ်အတွင်း၌ မျက်နှာသေဖြင့် ညှပ်လိုက်သည်။

" ကောင်းပြီ၊ အဲဒါက အခုလောလောဆယ် တရားဝင် သက်ရောက်မှုရှိတယ်။ မနက်ဖြန် ကျောင်းပြန်တက်ဖို့ နင့်ဆရာနဲ့ ကျောင်းအုပ်ကြီးကို ငါသွားပြီး တောင်းဆိုပေးမယ်။ နင်ပြန်သွားနိုင်သည်ဖြစ်စေ မသွားနိုင်သည်ဖြစ်စေက နင့်ရဲ့ကံပေါ် မူတည်လိမ့်မယ် "

ထိုစကားကြောင့် ထုံကျားရှင်းတုန်လှုပ်သွားပြန်သည်။

' ကျောင်းက ပြန်မလာခွင့်မပြုရင် ဘယ်လိုလုပ်မလဲ '

သေချာသည်က အတန်းပိုင်ဆရာမက သူ့အတွက် ပြောပေးမည်မဟုတ်ပေ။ သူသည် စာသင်ခန်းထဲတွင် အမြဲတမ်း စကားများပြီး စာမေးပွဲအားလုံး ကျကာ နောက်ဆုံးစာမေးပွဲမှာ ခိုးချခဲ့သေးလေသည်။

ပိုပြီးတွေးတောလေလေ သူသည် မည်မျှခန့် ဆိုးဆိုးရွားရွား ဖြစ်ခဲ့သည်ကို သဘောမိလေလေဖြစ်သည်။ ထုံကျားရှင်းသည် သူ့ပါးပြင်ကို သူ့ကိုယ်သူပင် ရိုက်လိုသည်။

ထုံရွှယ်လူသည် သူ့ကို လျစ်လျူရှုပြီး သူမ၏ အဆိုပြုချက်ဆီသို့ ပြန်လည်အာရုံစိုက်သွားသည်။

ထုံကျားရှင်းသည် ထိုည၌ အိပ်ရာဝင်သောအခါ စာသင်ကျောင်းအကြောင်း တွေးနေဆဲဖြစ်သည်။

သူက တစ်ညလုံး ပန်ကိတ်ကဲ့သို့ ဟိုလှည့်ဒီလှည့်လုပ်နေပြီး ထုံကျားမင်ကို သူနှင့်အတူ နှိုးနေစေသည်။

" မင်းဘာဖြစ်နေတာလဲ "

ထုံကျားရှင်း က " အစ်ကိုကြီး၊ ကျွန်တော် မွေးရပ်မြေ ပေဟယ်ကို ပြန်ပို့ခံရနိုင်တယ်"

ထုံကျားမင်သည် တွန့်လိမ်သွားပြီး ထုံကျားရှင်းထံမှ သူ့အပြုံးကို ဖုံးကွယ်လိုက်သည်။

" အင်း မင်းက ကျောင်းမတက်ချင်ဘူးလား။ အဲဒါကြောင့် ၀က်ချီး‌တွေကို စုဆောင်းတာက မကောင်းတဲ့အကြံတစ်ခုတော့မဟုတ်ဘူး။ အနည်းဆုံးတော့ အဲဒါကို အစားအသောက်နဲ့ လဲလှယ်လို့ရတယ် "

ထုံကျားရှင်း "……"

'ဒုတိယအစ်ကို၊ မင်းငါ့ကို မချစ်တော့ဘူး '

ထုံကျားရှင်း၌ ပြောချင်သည့်အရာများ အများကြီးရှိပေမယ့် ထုံကျားမင်က နောက်နေ့ ကျောင်းတက်ရမည်ဟုဆိုပြီး သူ့ကို လျစ်လျူရှုလိုက်သည်။

ထုံကျားရှင်းသည် မှောင်မဲ‌နေသည့်မျက်နှာကျက်ကို စိုက်ကြည့်ရင်း မျက်ရည်များကို သုတ်လိုက်သည်။

သူသည် ဝက်တစ်ကောင်ဖြစ်သည်။ ကျောင်းတက်ရခြင်းကို ယခင်က ဆိုးရွားသည့်ကိစ္စဟု သူ အဘယ့်ကြောင့် ထင်ခဲ့ရသနည်း။

ထုံကျားရှင်းသည် အမှောင်ထဲတွင် အကြိမ်ပေါင်း ၁၀၀၁ အထိ နောင်တရနေလေသည်။

Prev Next