Welcome To MM Storyteller
LOGIN
🍵Chapter 179
စားသောက်ဆိုင်တွင် တွေ့ဆုံပြီးနောက် ထုံရွှယ်လူသည် ပုံမှန်အတိုင်း ၎င်းတို့၏ ပါဝင်ပစ္စည်းများကို ဝယ်ယူရန် ကောင်းဝေ့ဖျင်ကို သူမနှင့်အတူ ခေါ်ဆောင်လာသည်။
" မန်နေဂျာထုံ အဲဒါတွေက ဒီနေ့ မနက်က ရထားတဲ့ သစ်ကြားသီးတွေပါ။ မင်း နောက်ဆုံးပြောခဲ့တာကို ကျွန်တော်မှတ်မိတယ် "
ထုံရွှယ်လူ အံ့သြသွားစေရန် CSMS တွင် လတ်ဆတ်သော သစ်ကြားသီးများရှိနေသည်။ ထိုနေရာရှိ မန်နေဂျာက ထုံရွှယ်လူကို တွေ့သည်နှင့် ကမ်းပေးလာသည်။
ထုံရွှယ်လူ၏ မျက်လုံးများ တောက်ပသွား၏။
" ကျေးဇူးအများကြီးတင်ပါတယ် မန်နေဂျာကျန်း။ အလုပ်များတဲ့သူတွေက အသေးစိတ်အချက်အလက်တွေကို မမှတ်မိတတ်ကြပါဘူး။ ပြီးတော့ ရှင်က ငယ်ရွယ်သူထက် ဘယ်လောက်တောင် ပိုပြီးအာရုံစိုက်တယ်ဆိုတာ ကြည့်ပါဦး။ ရှင့်ရဲ့အစွမ်းအစကို ကျွန်မ အရမ်းအားကျမိပါတယ် "
မည်မျှတောင် ပြီးပြည့်စုံသည့် အချိန်ဖြစ်ပေသနည်း။ သူမသည် ၀မ်ရူကွေ့အတွက် စွံပလွံသီးနှင့် သစ်ကြားသီး လက်ဆောင်များ ပြုလုပ် ပေးချင်ခဲ့သည်။
သူမတို့နှစ်ယောက် နောက်ဆုံးတွေ့ခဲ့သည်မှာ တစ်လနီးပါးရှိပြီဖြစ်၏။ သူမ သူ့ကို လွမ်းနေမိသည်။
သူမ၏စကားများသည် မန်နေဂျာကျန်းကို အလွန်စိတ်ချမ်းသာစေသည်။
" မန်နေဂျာထုံ အမဲသားတန်းက ဆရာဟွမ်က မင်းရဲ့အောင်မြင်မှုဘုတ်အဖွဲ့ကို ၀င်လိုက်တယ်ဆိုတာ ကျွန်တော်ကြားခဲ့ရတယ်..."
ထုံရွှယ်လူက မန်နေဂျာကျန်း ပြောလိုသည့်အရာကို နားလည်သွားသည်။
" ဟုတ်ပါတယ်။ မန်နေဂျာကျန်းလိုမျိုးပဲ ဆရာဟွမ်က လည်း သက်ဆိုင်ရာနယ်ပယ်မှာ ထိပ်တန်းဖြစ်တယ်၊ ရှင့်လိုမျိုး ရှေ့ဆောင်တွေက ကျွန်မတို့ရဲ့ အောင်မြင်မှုဘုတ်အဖွဲ့ကို သွားရမှာလေ "
မန်နေဂျာ ကျန်းက သူ့အပြုံးကို မထိန်းနိုင်တော့ချေ။
" ဒါက မန်နေဂျာထုံက ကျွန်တော့်ကို အင်တာဗျူးမယ်လို့ ဆိုလိုတာလား "
ထုံရွှယ်လူခေါင်းညိတ်လိုက်သည်။ " ပြောစရာကို မလိုပါဘူး ။ကျွန်မတို့ရဲ့ အောင်မြင်မှုဘုတ်အဖွဲ့က မန်နေဂျာကျန်းလိုမျိုး တစ်စုံတစ်ဦးမရှိဘဲ ပြီးပြည့်စုံမှာမဟုတ်ဘူးလေ "
မန်နေဂျာကျန်းက အလွန်ပြုံးရယ်နေသောကြောင့် သူ၏မျက်လုံးထောင့်များမှ အရေးကြောင်းများက ပန်းပွင့်များကဲ့သို့ ဖြစ်နေလေသည်။
" မန်နေဂျာထုံက မျိုးဆက်တူတွေထဲမှာ တကယ်ကို ထူးချွန်သူတစ်ယောက်ဖြစ်ပြီး အမျိုးသမီးရဲဘော်အားလုံးအတွက် စံနမူနာကောင်းပါ။ အနာဂတ်မှာ မင်းတစ်ခုခုလိုအပ်ရင် ကျွန်တော့်ကိုပြောပါ "
သူတို့နှစ်ဦးသည် ဖြည့်စွက်စာ(ချီးကျူးမှု)များစွာကို ဖလှယ်ခဲ့ကြပြီးနောက် ထုံရွှယ်လူသည် သူမ၏ဝယ်ယူမှုအားလုံးအပြီး CSMC မှ မထွက်ခွာမီ ၎င်းနှင့် အင်တာဗျူးပြုလုပ်ရန် နောက်တစ်နေ့တွင် လာရောက်မည်ဟု ကတိပြုသည်။
ကောင်းဝေ့ဖျင်သည် ဤကဲ့သို့သော မြင်ကွင်းအတွက် မစိမ်းတော့ချေ ။
သူ့စိတ်ထဲရှိ တစ်ခုတည်းသောအရာမှာ မန်နေဂျာထုံအနားတွင် ရှိနေရုံမျှဖြင့် အကျိုးရရှိသည်များက အများအပြားဟူ၍ပင်။
သူက မန်နေဂျာထုံ၏ ခြေရာကို လိုက်လျှောက်ရန် စိတ်ပိုင်းဖြတ်ထားပြီး စားသောက်ရန် အသားဟင်း အမြဲရှိမှာပင်ဖြစ်သည်။
ကောင်းဝေ့ဖျင်၏စိတ်ထဲတွင် သူမသည် ရွှေပေါင်တစ်ခုအဖြစ်သို့ ပြောင်းလဲသွားပြီဖြစ်ကြောင်း ထုံရွှယ်လူက မသိချေ။
ထုံရွှယ်လူကို ကုန်သွယ်ရေးဌာနမှ ကားမောင်းသူက လာကြိုသောအခါတွင် သူမတို့ သည် စားသောက်ဆိုင်သို့ ပြန်ရောက်ခါစပင် ရှိ သေးလေသည်။ ကုန်သွယ်ရေးဌာနမှာ သူမအား အလိုရှိနေသည်။
ထုံရွှယ်လူ အကြံတစ်ခုရရှိသွားသည်။ သူမ၏ အချက်အပြုတ်ဆိုင်ရာပြိုင်ပွဲထဲသို့ ဝင်ခွင့်ရမှုက ရှေ့သို့ ဆက်လက်ရွေ့ရှားနေလေသည်။
မုန့်ချင်းချင်းနှင့် အခြားသူများသည် ထုံရွှယ်လူကို ခေါ်ဆောင်ရန် ကုန်သွယ်ရေးဌာနမှ ကားတစ်စီးစေလွှတ်လိုက်သည်ကို တွေ့လိုက်ရသောအခါ ပို၍ပင် လေးစားစွာ ကြည့်နေကြသည်။
မန်နေဂျာထုံ က မန်နေဂျာဖြစ်သည်မှာ မည်မျှ ရှိပြီဖြစ်သနည်း။ သူမကို လာခေါ်ရန် ကားများပင် ရှိနေပြီဖြစ်သည်။ မန်နေဂျာဟောင်း လျိုသည် ထိုရာထူးတွင် နှစ်အတော်ကြာနေခဲ့သော်လည်း ထိုကဲ့သို့သော ဆက်ဆံမှုမျိုးကို တစ်ခါမျှ မခံယူဖူးချေ။
ကုန်သွယ်ရေးဌာနသို့ ရောက်ရှိသောအခါ မန်နေဂျာလင်းသည် အစည်းအဝေးခန်းအတွင်း၌ အထက်အရာရှိများနှင့် တိုက်ပွဲဝင်နေသည်။
အတွင်းရေးမှူးကျိုးကို မည်သည့်နေရာမှ မတွေ့ရသောကြောင့် ထုံရွှယ်လူတစ်ယောက် အချိန်အတော်ကြာအောင် စောင့်ဆိုင်းသော်လည်း သူမက ပေါ်မလာပေ။
အနည်းငယ် ငြီးငွေ့လာသောကြောင့် အစည်းအဝေးခန်းသို့ လျှောက်လှမ်းလာရာ မန်နေဂျာလင်းပြောသည်ကို ကြားလိုက်ရသည်။
" ဒီပြိုင်ပွဲမှာ အဆင့် ၂ စားသောက်ဆိုင်၀င်ပြိုင်တာကို ဘာလို့ မလိုချင်ရတာလဲ။ ကျွန်တော်တို့နိုင်ငံက လွန်ခဲ့တဲ့ (၆) နှစ်ခန့်ကတည်းက ကုလသမဂ္ဂမှာ ထိုင်ခုံနေရာပြန်လည်ရရှိခဲ့ပြီး လွန်ခဲ့သည့်နှစ်အနည်းငယ်အတွင်း ပြည်ပနိုင်ငံများနှင့် ပိုမိုကူးသန်းေရာင်း၀ယ်လာခဲ့တယ်။ အချိန်ကြာလာတာနှင့်အမျှ နိုင်ငံခြားဧည့်သည်များ ပိုများလာမယ်လို့ အကြောင်းပြချက်ပေးနိုင်တယ် "
" ဘယ်လိုပဲဖြစ်ဖြစ်၊ ကျွန်တော်တို့ရဲ့ စားသောက်ဆိုင်က ပြီးခဲ့တဲ့ နှစ်အနည်းငယ်အတွင်းမှာ နည်းနည်းမှ မပြောင်းလဲခဲ့ပါဘူး။ ကျွန်တော်တို့ရဲ့ ချက်ပြုတ်မှုစွမ်းရည်နဲ့ ဟင်းပွဲ တွေ နှစ်ခုစလုံးက ခေတ်နောက်ကျသွားခဲ့ပြီ။ ဒါကြောင့် ကျွန်ေတာ်တို့က သွေးသစ်နှင့် တီထွင်ဖန်တီးနိုင်စွမ်းရှိသည့် မျိုးဆက်သစ်တွေကို ၀င်ရောက်ခွင့်ပြုဖို့ လိုအပ်ပါတယ်။ ကျွန်တော်တို့က
အဆင့် တစ် စားသောက်ဆိုင်တွေကို ခြိမ်းခြောက်မှုခံစားခိုင်းပြီး ဒါက တိုးတက်ဖို့ တစ်ခုတည်းသော နည်းလမ်းပါပဲ "
' အယ် ။ ထိုစကားများက သူမရဲ့အဆိုပြုချက်ထဲကဟာတွေ မဟုတ်ဘူးလား '
ထုံရွှယ်လူ မျက်ခုံးပင့်လိုက်ပြီး တိတ်တဆိတ် ထွက်ခွာကာ အပြင်ဘက်တွင် စောင့်ဆိုင်းရန် သူမ ပြန်သွားလိုက်သည်။
နာရီဝက်ခန့်အကြာတွင် မန်နေဂျာလင်းသည် ခေါင်းမော့ရင်ကော့ကာ အစည်းအဝေးခန်းမှ ထွက်လာလေသည်။ သူက သူမကိုမြင်သောအခါ ဦးစွာပင် နှုတ်ဆက်လာသည်။
" မင်း လာပြီလား မန်နေဂျာထုံ "
ထုံရွှယ်လူသည် ထိုကိစ္စအဆင်ပြေသွားခြင်းဖြစ်သည်ကို ချက်ချင်း ပြောနိုင်သည်။
သူမ မတ်တပ်ရပ်ကာ ပြုံးလိုက်သည်။
" ဟုတ်ပါတယ်၊ ကားမောင်းသမား ကျွန်မကို လာခေါ်တာနဲ့ ချက်ချင်း ထွက်လာခဲ့တာပါ။ မန်နေဂျာလင်းကို စောင့်မနေခိုင်းချင်လို့ပါ "
ထိုစကားကိုကြားပြီးနောက် မန်နေဂျာလင်းက ပို၍ပင် ကျေနပ်သွားသည်။
" ကျုပ်နောက် လိုက်ခဲ့ပါ။ ပြိုင်ပွဲအကြောင်းအသေးစိတ် ပြောကြရအောင် "
ထုံရွှယ်လူက သူ့နောက်ကို အမြန်လိုက်သွားသည် ။
မန်နေဂျာလင်းက ဆိုဖာပေါ်တွင် ထိုင်ချလိုက်ပြီး သူ့မျက်နှာကို ဖြေလျှော့လိုက်သည်။
" မန်နေဂျာ ထုံ ကျုပ် မင်းအတွက် အများကြီး ကြိုးစားပြီးပြီ "
' သူမအတွက်လား '
ထုံရွှယ်လူက ပြုံးပြီး ပြောလိုက်သည်။ " မန်နေဂျာလင်းက ကုန်သွယ်ရေးဌာနတစ်ခုလုံး ပိုမိုကောင်းမွန်လာဖို့အတွက် လုပ်ခဲ့တာလို့ ယုံကြည်ပါတယ်။ ကျွန်မက စားသောက်ဆိုင်မှာ မန်နေဂျာလေးကလွဲလို့ ဘာမှမဟုတ်ပါဘူး။ ကျွန်မက ဒီကိစ္စကနေ အကျိုးခံစားခွင့် လေးရသွားမိရုံပါ... "
ထိုအချိန်၌ မန်နေဂျာလင်းသည် သူ စကားပြောမှားသွားကြောင်း သိလိုက်သည်။
" မင်း ပြောတာမှန်တယ်။ ဒီဌာနကို မြှင့်တင်ဖို့ ကျွန်တော်တို့ လုပ်ဆောင်နေတာ။ မန်နေဂျာ ထုံရဲ့ယှဉ်ပြိုင်မှုအတွက် အဆင်ပြေတယ်လို့ ကျုပ် ခွင့်ပြုချက်ရခဲ့တယ်။ ဒါနဲ့ ပထမဆုရဖို့အတွက် မင်း ဘယ်လောက်ယုံကြည်မှုရှိသလဲ "
ထုံရွှယ်လူသည် ပူပန်သောကရောက်နေဟန် ဖြင့် " အဲဒါပြောဖို့က ခက်ခဲပါတယ်။ ဆိုရိုးစကားအတိုင်း မိတ်ဆွေများကို နီးနီးကပ်ကပ်ထားပြီး ရန်သူတွေကိုတော့ ပိုပြီးနီးကပ်စွာထားဆိုသလိုပါပဲ။ ပြိုင်ပွဲအကြောင်း ဒါမှမဟုတ် ဘယ်စားသောက်ဆိုင်တွေ ဝင်ပြိုင်မယ်ကို ကျွန်မ မသိပါဘူး။ ဒီလိုအခြေအနေမျိုးမှာ ကျွန်မ ကတိတွေမပေးရဲဘူး "
ထိုသည်ကို ကြားသောအခါ မန်နေဂျာလင်းက ခေတ္တရပ်တန့်သွားသည်။
" ဒီလို လုပ်ကြရင်ရော ဘယ်လိုလဲ။ ကျုပ် အတွင်းရေးမှူးကျိုးကို ပြိုင်ပွဲနဲ့ ပတ်သက်တဲ့ အချက်အလက်တချို့ကို စီစဉ်ပြီး မင်းဆီ ပို့ပေးခိုင်းလိုက်မယ် "
ထုံရွှယ်လူ၏ မျက်လုံးများ တောက်ပလာသည်။
" ကျေးဇူးတင်ပါတယ် မန်နေဂျာလင်း။ ရှင့်ရဲ့ ကောင်းမွန်တဲ့ စီမံခန့်ခွဲမှုအောက်မှာ ကုန်သွယ်ရေးဌာနက ဆက်လက်တိုးတက်နေမယ်ဆိုတာ ကျွန်မ သေချာပါတယ် "
ရုံးခန်းမှလျံထွက်လာသော မန်နေဂျာလင်း၏ရယ်သံကို ဝန်ထမ်းများ ကြားနိုင်ကြပေသည်။
ထုံရွှယ်လူ၏ နှုတ်ခမ်းများက အထက်သို့ ကွေးညွတ်သွားသည်။ သေချာသည်ပင်။ သမိုင်းတစ်လျှောက်လုံးမှာ အတုအယောင်ကဲ့သို့ အလွန်အကျွံချီးမွမ်းမှုကို တွန်းလှန်နိုင်သည့်လူ များများစားစား မရှိချေ။
🍵
ကုန်သွယ်ရေးဌာနမှ ထွက်လာသော ထုံရွှယ်လူသည် သူမ၏တာ၀န်အဆိုင်းကို အပြီးသတ်ရန် စားသောက်ဆိုင်သို့ ပြန်လာခဲ့သည်။
အရပ်ရှည်သောလူငယ်က မွန်းတည့်အချိန်၌ ပြန်လည်ရောက်ရှိလာသည်။ သူက ထုံရွှယ်လူကို အခါအားလျော်စွာ စိုက်ကြည့်သော်လည်း မည်သည်ကိုမှ ပြောဆိုခြင်းမရှိပေ။
ထုံရွှယ်လူက သူ့ကို ဂရုမစိုက်နိုင်ပေ။ အပြင်ဘက်၌ အနည်းငယ် မှောင်လာသည်နှင့် သူမ စောစောထွက်ခဲ့သည်။
သူမ အိမ်ပြန်ရောက်ပြီးနောက်တွင် စွံပလွံသီးမုန့်များနှင့် သစ်ကြားသီးမုန့်များပြုလုပ်လိုက်ပြီး အထက်တန်းသင်္ချာ၊ ရူပဗေဒနှင့် ဓာတုဗေဒ ပြဋ္ဌာန်းစာအုပ်အတွဲတစ်စုံကို သူမနှင့်အတူ ယူဆောင်လာပြီး ဝေ့မိသားစုအိမ်သို့ ဦးတည်သည်။
ဝေ့ရန်က မြင်သောအခါ အံ့သြသွားသည်။ " အစ်မ ရွှယ်လူ အမှတ်မှားသွားတာလား။ ကျွန်တော်က လက်ရှိမှာ စက်မှု၊ လယ်ယာနှင့် စစ်ဘက်ဆိုင်ရာကောလိပ်က ကျောင်းသားလေ။ ဒါတွေက ကျွန်တော် မလိုအပ်ဘူး "
ထုံရွှယ်လူက " ဆိုရိုးစကားအတိုင်း မင်းမှာ အသိပညာအများကြီး ဘယ်တော့မှ မရှိနိုင်ဘူး။ မင်းက စက်မှု၊ လယ်ယာနဲ့ စစ်ဘက်ဆိုင်ရာကောလိပ်မှာ ကျောင်းသားတစ်ယောက်ဖြစ်နေချိန်မှာ အပိုဆောင်းအသိပညာကို ပိုင်ဆိုင်ထားရင် ဘယ်တော့မှ ထိခိုက်နစ်နာမှာ မဟုတ်ဘူး "
ဝေ့ကော်ကျစ်က ထိုသည်ကိုမြင်တော့ ခေါင်းညိတ်လိုက်သည်။
"ရွှယ်လူပြောတာ မှန်တယ် ။ မင်းရဲ့သင်တန်းက နိုင်ငံရေးသိပ္ပံ ဒါမှမဟုတ် စက်ရုံတွေကိုလည်ပတ်တာ ဒါမှမဟုတ် လယ်ယာလုပ်ငန်းကျွမ်းကျင်မှုကို အဓိကအာရုံစိုက်တယ်လို့ ငါကြားဖူးတယ်။ မင်းတို့က ပရော်ဖက်ရှင်နယ် အသိပညာနဲ့ ပတ်သက်ပြီး အများကြီး မသင်ယူရဘူး "
" ဖတ်စာအုပ်တွေ ယူလိုက်ပြီး ရံဖန်ရံခါ ဖတ်ကြည့်တာ ဘာမှတော့ ထိခိုက်မသွားပါဘူး "
ဝေ့ရန်သည် အဘိုးအဘွားများနှင့်ကြီးပြင်းလာခဲ့ပြီး အဖိုး၏စကားက သူ့အတွက် စည်းမျဥ်းစည်းကမ်းများဖြစ်သည်။ " ကောင်းပါပြီ ဒါဆို ကျွန်တော် ဒါတွေကို လက်ခံလိုက်မယ်။ ကျေးဇူးတင်ပါတယ် အစ်မကြီး ရွှယ်လူ "
ဝေ့ရန်က ထုံရွှယ်လူထက် တစ်နှစ်ငယ်ရွယ်သည်။ သူမကို ပထမဆုံးစတွေ့သည့်အချိန်မှာ သူက ရှက်နေခဲ့ပြီး သူမ၏မျက်လုံးများကို သေချာမကြည့်နိုင်ခဲ့ချေ။ ထုံရွှယ်လူက သူမကို အစ်မကြီးဟု ရည်ညွှန်းခိုင်းပြီး သူတို့နှစ်ယောက် တစ်ယောက်နှင့်တစ်ယောက် ပိုရင်းနှီးလာသည်နှင့်အမျှ သူက ပိုမိုကောင်းမွန်လာသည်။
ကလေးများသည် သူတို့၏မွေးနေ့ကိုဖြစ်စေ တခြားသူများ၏မွေးနေ့ကိုဖြစ်စေ အမြဲလိုလို နှစ်သက်ကြသည်။ စားစရာများမှာ အမြဲတမ်းစား၍ကောင်းလေသည်။
ကလေးအနည်းစုက အများအပြားစားခဲ့ကြပြီး သူတို့ပါးစပ်၌ ဆီများပေကျံနေသည်။ သူတို့က ပျော်ရွှင်စွာ တခစ်ခစ်ရယ်မောကြ၏။
ထုံကျားမင်နှင့် အခြားသူများသည် ဝေ့ရန်အတွက် လက်ဆောင်များ ယူဆောင်လာကြပြီး သကြားလုံး၊ လောက်လေးခွ စသဖြင့် ရှိကြသည်။
ထို့အထဲ၌ ဝေ့ကျူးကျူးက သူမအစ်ကိုအား အဆိုးဆုံးလက်ဆောင်ပေးလေသည်။
" အစ်ကို့အတွက် ညီမလေးရဲ့လက်ဆောင်က ဆန္ဒကတ်ပဲ။ ညီမ ရှည်ရှည်ဝေးဝေး ခက်ခက်ခဲခဲ တွေးပြီးတဲ့ေနာက်မှာ ဒါက အစ်ကို အလိုအပ်ဆုံးအရာပဲ "
ဝေ့ရန်က သူ့ညိီမလက်လှမ်းပေးလာခဲ့သည့်စာရွက်တစ်ရွက်ကို ယူကာ ဖြန့်၍ ဖတ်လိုက်ပြီးနောက် သူ၏နှုတ်ခမ်းများ တဆတ်ဆတ်တုန်သွားသည်။
ရေးထားသည်က " ညီမရဲ့အစ်ကိုကြီး နောက်နှစ် ရုပ်ဆိုးတာသက်သာပါစေလို့ ဆုတောင်းတယ် " ဟုပင်။
ဝေ့ကျူးကျူးသည် သူ၏ဒေါသထွက်သည့် အကြည့်ကြောင့် မကျေမနပ်ဖြစ်သွားသည်။ " အကိုကြီး အဲဒါဘာအကြည့်လဲ။ ညီမလေးက အကိုကြီးကို စိတ်ထဲမှာ အထားဆုံး။ အကိုကြီးရဲ့အခုလို အကြည့်ပုံစံနဲ့ဆို အကို့ဘာသာကိုယ်မိန်းမ ရှာရခက်လိမ့်မယ် "
ဝေ့ရန် "...."
ထုံမျန်မျန်က ခေါင်းေစာင်း၍ လှည့်ကာ ထုံကျားရှင်းအား သူမ၏ချိုမြိန်သည့်အသံဖြင့် ပြောသည်။ "ညီမလည်း တတိယအကိုရဲ့မွေးနေ့မှာ ဆုမွန်ကောင်းတောင်းတဲ့ ကတ်ပြားလေးပေးပြီး ရုပ်ဆိုးတာ သက်သာပါစေလို့ ဆုတောင်းပေးမယ် "
ထုံကျားရှင်း "……"
တူညီသည့်ကမ္ဘာ၊ တူညီသည့် ညီမအဆိုးလေး။
ထိုစကားကိုကြားသောအခါ လူတိုင်းက ကျယ်လောင်စွာ ရယ်မောကြပြီး တစ်အိမ်လုံး ရယ်မောသံများ ပြည့်နက်သွားလေသည်။
Welcome To MM Storyteller
LOGIN
Welcome To MM Storyteller
REGISTER