MM Story Teller

အပိုင်း၁၉၆

Viewers 32k

🍵Chapter 196

တစ်ပတ်ကျော်အကြာတွင် စားသောက်ဆိုင်၌ တယ်လီဖုန်ူတပ်ဆင်ပြီးစီးသွားသည်။

ထုံရွှယ်လူသည် ၀မ်ရူကွေ့ကို ချက်ချင်း ဖုန်းခေါ်လိုက်၏။

တချို့သောဟိုဟိုဒီဒီအကြောင်းအရာများ ဖလှယ်ပြီးနောက် ထုံရွှယ်လူက ရုတ်တရက် ပြောသည်။ " အချစ် ရှင့်ရဲ့ အနီးအနားမှာ တစ်ယောက်ယောက်ရှိလား "

သူ့ကို " အချစ် " ဟုခေါ်သည်ကိုကြားသောအခါ ၀မ်ရူကွေ့၏နှလုံးသား ခုန်လှုပ်သွားသည်။ " မရှိပါဘူး၊ ဘာလို့လဲ "

ဧည့်ကြိုဝန်ထမ်း အန်းယွဲ့မိန်ကို သူမသူဌေးက အခေါ်လွှတ်ခဲ့ပြီး ယခုတွင် ရုံးခန်းထဲ၌ သူ တစ်ဦးတည်းသာလျှင်ရှိသည်။

ထုံရွှယ်လူက ညုတုတုအသံဖြင့် ပြောလိုက်သည်။ " ဒါဆို ကျွန်မကိုလည်း ' အချစ်' လို့ ခေါ်။ ရှင်ခေါ်တာကို ကျွန်မကြားချင်တယ် "

သူမ၏ အသံသည် နူးညံ့ပြီး မိန်းကလေးဆန်သည်။ တယ်လီဖုန်းမှ ထိုအသံထွက်လာသောအခါ ၀မ်ရူကွေ့၏ နားရွက်များ နီရဲသွားပြန်သည်။

သူသည် ထိုစကားကို ကျယ်လောင်စွာ ထုတ်ပြောရန် သတ္တိလုံလုံ‌လောက်လောက်မရှိမီ အသက်ပြင်းပြင်း ရှူသွင်းသည်။

ရုတ်တရက် သူ့နောက်မှ ကျိုးယန်၏အသံ ထွက်ပေါ်လာသည်။ " မင်းကဒီမှာပဲ ရူကွေ့ "

၀မ်ရူကွေ့ လန့်ဖျပ်သွားပြီး အသက်ရှုရပ်သွားကာ သူ့နှုတ်ခမ်းမှ ထွက်သွားသည့် စကားလုံးများက " အချစ်……ကျိုးယန် " ဖြစ်သွားသည်။

၀မ်ရူကွေ့ဆီသို့ လျှောက်လာ‌နေသည့် ကျိုးယန်သည် ထိုစကားကို ကြားလိုက်ရပြီး တုန်တုန်ယင်ယင်ဖြစ်ကာ ကြက်သီးများထသွား၏။

ကျိုးယန်က သူ့ကို အလွန်ရှုပ်ထွေးသည့်အကြည့်နှင်ြ ကြည့်လေသည်။

" ရူကွေ့ ငါ့မှာ ကောင်မလေး ရှိနေပြီ။ ပြီးတော့ ငါက အရမ်း သစ္စာရှိတဲ့ လူတစ်ယောက် "

၀မ်ရူကွေ့ : "……"

🍵

ရာသီဥတုက ပိုအေးလာသည်နှင့်အမျှ ညှိုးနွမ်းနေသော အကိုင်းအခက်များတွင် မနက်ခင်း၌ ဖြူဖွေးသောအလွှာတစ်ခု ဖုံးအုပ်နေပြီဖြစ်သည်။

ထုံရွှယ်လူက ထုံမျန်မျန်၏ လေဖောင်းဂျာကင်ကို ထုတ်လာပြီး သူမကို ဘောလုံးလေးကဲ့သို့ ၀တ်ဆင်ပေးလိုက်သည်။

ထုံမျန်မျန်သည် သွားတိုက်ပြီး မျက်နှာသစ်ရန်အတွက် ကုတင်ပေါ်မှဆင်းရန် ရုန်းကန်နေသည်။

ထုံရွှယ်လူက သူမနောက်မှ လိုက်လာပြီးနောက် ထုံမျန်မျန်က သူမ၏ သွားတိုက်တံကိုမှီရန် ထပ်မံရုန်းကန်နေရသည်ကို ကြည့်ရင်း ထုံရွှယ်လူ သူမကို မေးလိုက်သည်။

" မျန်မျန် မမကြီးကို သွားတိုက်ပေးစေချင်လား "

ထုံမျန်မျန်က ခေါင်းခါပြီး နူးညံ့ကာ ပျစ်ချွဲသည့် အသံလေးဖြင့် ပြောလာသည်။

" မဟုတ်ဘူး၊အဲလို မလိုအပ်ပါဘူး။ မျန်မျန် ကိုယ်တိုင်လုပ်နိုင်တယ်။ မျန်မျန်က သွားတွေကိုတိုက်တာ အရမ်းတော်တယ် "

သူမက ထိုကဲ့သို့ ပြောရင်း ထုံရွှယ်လူမြင်စေရန် ကမာခွံနှင့်တူသော သွားများကို စေ့ပြလိုက်သည် သွားများက သန့်ရှင်းပြီး ကြည့်ကောင်းလေသည်။

ထုံကျားရှင်း သူ့အခန်းထဲမှ ထွက်လာ‌သောအခါ ထိုစကားကို ကြားလိုက်ရပြီး သူ့ခြေလှမ်းများ ရပ်တန့်သွားသည်။ သူက နောက်ပြန်လှည့်ပြီး သူလာခဲ့သည့် လမ်းကြောင်းအတိုင်း ပြန်လှည့်သွားလိုသည်။

သို့‌သော် ထုံမျန်မျန်သည် သူမ၏ စူးရှသော မျက်လုံးများဖြင့် သူ့ကို တွေ့ရှိသွားပြီးဖြစ်သည်။ " တတိယအစ်ကို၊ မြန်မြန် သွားလာတိုက်ပါ။ အစ်ကိုက သွားတိုက်ရတာမကြိုက်လို့ အခု သွားတွေမရှိတော့ဘူး ။ အဘွားကြီးနဲ့တူတယ် "

အဘွားကြီးနှင့်တူ‌သော ထုံကျားရှင်း "……"

ပုံမှန်အားဖြင့် ကလေးများသည် အသက် ၄ နှစ် သို့မဟုတ် ၅ နှစ်ဝန်းကျင်တွင် လူကြီးသွားများပေါက်တတ်သည်။ ယနေ့ခေတ်အချိန်အခါ၌ ထိုအသက်အရွယ်ကလေးများသည် အာဟာရချို့တဲ့မှုရှိကြသောကြောင့် ထုံကျားရှင်း၏ ထိုဖြစ်စဉ်မှာ မကြာသေးမီကမှသာ စတင်ခဲ့သည်။

အလွန်ကြန့်ကြာနေခဲ့သောကြောင့် ဖြစ်ကောင်းဖြစ်နိုင်ပြီး ထုံကျားရှင်းမှာ စတင်သည်နှင့် သွား ၄ ချောင်း သို့မဟုတ် ၅ ချောင်း ဆက်တိုက်ဆုံးရှုံးသွားခဲ့သည်။ ထိုသည်က စကားပြောသည့်အခါ ကြမ်းတမ်းရုံသာမက အသားစားရာ၌လည်း အခက်အခဲဖြစ်သည်။

ထုံမျန်မျန်က လူကြီးသွားများလဲခြင်းအကြောင်း နားမလည်ချေ။ သူမက တတိယအစ်ကိုသည် သွားမတိုက်သောကြောင့် သွားများ ဆုံးရှုံးသွားသည်ဟု ယူဆခဲ့သည်။ ထို့ကြောင့် သူမက အခါအားလျော်စွာ သတိပေးလေ့ရှိသည်။

ထုံကျားရှင်း မည်သို့ ပြန်ပြောရမည်ကို မသိချေ

ထုံရွယ်လူသည် ရေချိုးပြီးနောက် ဖက်ထုပ်ပြုလုပ်ရန် မီးဖိုချောင်သို့ ၀င်သွားသည်။

သူမ ယမန်နေ့ညက ဖက်ထုပ်များကို ကြိုတင်ပြုလုပ်ခဲ့ပြီး ယခုလုပ်စရာရှိသည်က ၎င်းတို့ကို ချက်ပြုတ်ရန်သာဖြစ်သည် ။

ဖက်ထုပ်များမှာ မြန်မြန်ဆန်ဆန် ချက်ပြုတ်ပြီးစီးသွားပြီး ထုံရွှယ်လူက ပန်းကန် ၄ လုံးကို ထုတ်ယူကာ ခပ်ထည့်ပေးလိုက်သည်။ ထုံကျားမင်နှင့် ထုံကျားရှင်းတို့သည် မီးဖိုချောင်ထဲတွင် စောင့်နေကြပြီး ဖက်ထုပ်ရနံ့က သူတို့၏ဝမ်းဗိုက်ကို ဟစ်အော်စေသည် ။

ယခုအခါ ဖက်ထုပ်များမှာ အဆင်သင့်ဖြစ်သောကြောင့် ဧည့်ခန်းထဲသို့ အမြန်သယ်သွားကြသည်။

ထုံရွှယ်လူပြုလုပ်သော ဖက်ထုပ်သည် ထူထဲပြီး အထဲတွင် ဝက်သား၊ မှိုနှင့် ကျောက်ပွင့်များဖြင့် ပြည့်နေသည်။ ထို့အပြင် သူမက ဟင်းချိုထဲသို့ ဝက်ဆီအချို့ထည့်ခဲ့သည့်အပြင် ပန်းကန်လုံးထဲတွင် ကြက်သွန်မြိတ်‌လေးများ ပေါ‌လောပေါ်နေကာ အလွန်စားချင်စဖွယ်ကောင်းလေသည်။

ထုံကျားရှင်းက မည်မျှပူသည်ကို ဂရုမစိုက်ဘဲ ဖက်ထုပ်ကို အမြန်စုပ်ယူစားလိုက်သည်။ သူသည် အပူဒဏ်မှ ကျယ်လောင်စွာ အော်ဟစ်နေသော်လည်း ဖက်ထုပ်ကို ထွေးထုတ်ရန် ငြင်းဆန်ဆဲဖြစ်သည်။

ကြွက်နားရွက်မှိုသည် တကျွတ်ကျွတ်မြည်ပြီး မွှေးကြိုင်သောမှိုနှင့် ကောင်းမွန်သော‌‌ပေါင်းဖက်မှုဖြစ်သည်။ ထို့အပြင် ဝက်ဆီ၊ဝက်သားနှင့်အတူဖြစ်ရာ ပြီးပြည့်စုံသည့် ရောနှောခြင်းဖြစ်ပြီး ချိုမြိန်သည့်အရသာက အဆုံးအထိ ခံတွင်းကို အပြည့်အဝ သိမ်းပိုက်သွားလေသည်။

ထိုအရာက အလွန်ပင် အရသာရှိလှသည်။

ထုံကျားရှင်းက တစ်လုတ်လျှင် ဖက်ထုပ်တစ်ခုစားနေပြီး အလွန်နှစ်ချိုက်စွာ စားသောက်နေသဖြင့် သူ့မျက်လုံးများက ပြူးကျယ်နေသည်။

ထုံရွှယ်လူသည် မနက်စာစားပြီးနောက် သူမနှင့်အတူ ထုံမျန်မျန်ကို ဝေ့အိမ်ဆီသို့ ခေါ်သွားကာ မချက်ရသေးသောဖက်ထုပ်အချို့ကိုလည်း ယူဆောင်သွားခဲ့သည်။

🍵

အဆောက်အအုံကို ဖြိုဖျက်ပြီး စားသောက်ဆိုင်အသစ် ပြန်လည်တည်ဆောက်ခြင်းသည် အလွန်ဖြုန်းတီးရာကျပြီး ဘဏ္ဍာရေးဌာနက ထိုကဲ့သို့ငွေကြေးကို အသုံးမပြုလို။ ထို့ကြောင့် ဆွေးနွေးမှုများပြုလုပ်ပြီးနောက် နှစ်ပေါင်းများစွာ စွန့်ပစ်ထားခဲ့သော အနီးနားရှိ စားသောက်ဆိုင်တစ်ဆိုင်ကို ၎င်းတို့၏ ရည်ရွယ်ချက်နှင့် ကိုက်ညီအောင် ပြန်လည်ပြင်ဆင်ရန် ဆုံးဖြတ်လိုက်ကြသည်။

ထိုစားသောက်ဆိုင်သည်လည်း ပုဂ္ဂလိကအဖွဲ့အစည်းနှင့် အစိုးရကြား ပူးပေါင်းဆောင်ရွက်မှုတစ်ခုဖြစ်ခဲ့သည်။ ကံမကောင်းစွာပဲ နောက်ပိုင်းမှာ အစာအဆိပ်သင့်ပြီး လူတစ်ယောက် သေဆုံးခဲ့သည် ထို့နောက် စားသောက်ဆိုင်မှာ ဒေဝါလီခံသွားခဲ့ရသည်။

ထုံရွှယ်လူ ထိုနေရာသို့သွားပြီး တည်နေရာကို စစ်ဆေးကြည့်သည်။ ၎င်းသည် ခေတ်ဟောင်းပုံစံ နှစ်ထပ် စားသောက်ဆိုင်ဖြစ်ပြီး ပရိဘောဂ တော်တော်များများ ထိုနေရာ၌ ရှိနေဆဲဖြစ်ကာ အလွန်ရှေးကျသည့်ခံစားချက်ကို ခံစားရစေသည်။

ဤကဲ့သို့သောဆိုင်က စွန့်ပစ်ခံထားရသည်မှာ နှမြောစရာဖြစ်ပြီး သူတို့ ဤဆိုင်ကို ရွေးချယ်ခဲ့သည့်အတွက် သူမ ဝမ်းသာမိသည်။

ထုံရွှယ်လူသည် သူမ၏ အကြံပြုချက်များနှင့် တောင်းဆိုချက်အချို့ကိုလည်း ပြောကြားသည်။ သူမက ဤကဲ့သို့ ခေတ်ဟောင်းပုံစံကို အလွန် သဘောကျပြီး ယခုပုံစံအတိုင်း ဆက်လက်ထား ထားလိုသည်။

ခွင့်ပြုချက်ရခဲ့ပြီး ဤအလွန်အကဲဆတ်သောအချိန်တွင် သူမလုပ်နိုင်ဆုံးအရာမှာ ပရိဘောဂများနှင့် စားသောက်ဆိုင်၏ မူလဒီဇိုင်းကို ထိန်းသိမ်းထားရန်ဖြစ်သည်။ အတိတ်က ထင်ရှားကျော်ကြားခဲ့သူများ၏ ရုပ်ပုံများကို ချိတ်ဆွဲထားရန်မှာ မဖြစ်နိုင်သဖြင့် သူမအလုပ်နိုင်ဆုံးအရာသည် သမ္မတ၏ပုံတူကို ချိတ်ဆွဲထားခြင်းဖြစ်သည်။

ယခုအချိန်တွင် ပြန်လည်မွမ်းမံပြင်ဆင်မှုမှာ ပြီးစီးလုနီးပါးဖြစ်ပြီး လာမည့်အပတ်တွင် လုပ်ငန်းစတင်မည်ဖြစ်သည်။

ထုံရွှယ်လူ သူမ၏ စားသောက်ဆိုင်အသစ်အကြောင်း စဉ်းစားမိသောအခါ ပျော်ရွှင်နေသည်။

စားသောက်ဆိုင်သို့ရောက်ရှိသောအခါ ထုံရွှယ်လူသည် ခါတိုင်းထက်ပို၍ လူသုံးယောက်ကိုတွေ့လိုက်သည်။

သူမ နီးကပ်လာသည်နှင့်အမျှ မျက်လုံးခြောက်စုံက ထုံရွှယ်လူဆီသို့ ကျရောက်သည် ။

ကောင်းချွန်းယွီ၊ မုန့်ချင်းချင်းနှင့် ကောင်းဝေ့ဖျင်တို့က သူမအား နှုတ်ဆက်လာသည်။

" မင်္ဂလာနံနက်ခင်းပါ မန်နေဂျာထုံ "

ထုံရွှယ်လူ၊ "မင်္ဂလာနံနက်ခင်းပါ"

ကျန်သုံးယောက်က ဤကိုမြင်‌သော် အမြန်နှုတ်ခွန်းဆက်လိုက်သည်

" မင်္ဂလာနံနက်ခင်းပါ မန်နေဂျာထုံ "

အသက် ၄၀ အရွယ် အမျိုးသားတစ်ဦးက ပြောလာသည်။ " ကျွန်တော်က စားဖိုမှူးအသစ် လိန်တယုံပါ။ မန်နေဂျာလင်းက ကျွန်တော့်ကို ရည်ညွှန်းခဲ့တာပါ "

သူ့ဘေးနားက အသက် ၂၀ခန့်သာရှိသေးသည့် လူငယ်က " ကျွန်တော်က၊ တပည့် ရှောင်ထျန်းပါ။ ကျွန်တော့်ကိုလည်း မန်နေဂျာလင်းက ရည်ညွှန်းခဲ့တာပါ "

တတိယလူမှာ အသက် ၂၀ အရွယ် မိန်းကလေးဖြစ်သည်။ " ကျွန်မက ဟူလိကျူး ပါ။ မန်နေဂျာလင်းရဲ့ဇနီးက ရည်ညွှန်းခဲ့တာပါ "

မန်နေဂျာလင်းထံမှ လွှဲပြောင်းပေးသူနှစ်ဦးနှင့် မန်နေဂျာလင်း၏ဇနီးမှ တစ်ဦးတို့ ပါဝင်သည်။

ထုံရွှယ်လူ ယခု သဘောပေါက်သွားပြီး သူတို့အားလုံး ဤနေရာ‌၌ ရှိနေရခြင်းမှာ သူတို့၏ဆက်ဆံရေးများကြောင့်ဖြစ်သည်။

ထုံရွှယ်လူက ပြုံးပြီး ပြောလိုက်သည် ။

" ရှင်တို့ ဒီကို ရောက်နှင့်နေပြီလား။ ကျွန်မက ရှင်တို့ နောက်ထပ်ရက်နည်းနည်းလောက်ထိ ရောက်လာသေးမှာမဟုတ်ဘူးလို့ ထင်ခဲ့တာ။ အပြင်မှာ အေးတယ်။ လာဝင်ကြပါ။ အထဲကို ရောက်တာနဲ့ ထပ်ပြီးပြောလို့ရပါတယ် ။

သုံးယောက်သား ထုံရွှယ်လူက မည်မျှ ခင်မင်ရင်းနှီး‌ ဖော်ရွေသည်ကို မြင်ပြီးသောအခါ စိတ်ခံစားချက်အဆင်ပြေသွားသည်။

တစ်ဖက်တွင် ကောင်းချွန်းယွီ နှင့် အခြားသူများမှာ စိုးရိမ်နေကြသည်။

လူသစ်အားလုံးက သူတို့၏ အဆက်အသွယ်များကြောင့် ဤနေရာသို့ ရောက်ရှိနေကြခြင်းဖြစ်ပြီး သူတို့၏သဘောထားများအား စိတ်ပူမိလေသည်။

မူလအဖွဲ့သားများကို ခြိမ်းခြောက်မှုဖြစ်‌နိုင်လိမ့်မည်။

တခြားသူများ၏အကြည့်ကို သတိမထားမိသကဲ့သို့ ထုံရွှယ်လူက လမ်းလျှောက်သွားပြီး တံခါးကိုဖွင့်ကာ အားလုံးကို ဝင်ခွင့်ပေးလိုက်သည်။

အထဲကို ရောက်သည်နှင့် ထုံရွှယ်လူက အစည်းအဝေးမစတင်ခင် ပြတင်းပေါက်များကို ဖွင့်လိုက်သည်။

" စားဖိုမှူးမုန့်လည်း ရက်ပိုင်းအတွင်း ပြန်လာမှာပါ။ စားသောက်ဆိုင်က ဒီနေရာမှာ ပိုပိုပြီးအသက်ဝင်လာတယ်။ အဖွဲ့လိုက် ပိုမိုကောင်းမွန်စွာ အလုပ်လုပ်နိုင်စေဖို့အတွက် ကျွန်မတို့ ဘာလို့ မိမိကိုယ်ကို မိတ်ဆက်တာ မလုပ်ကြမှာလဲ ။ စားဖိုမှူးလိန်နဲ့ စလိုက်ကြရအောင် "

ထုံရွှယ်လူ၏ ပထမဆုံးနာမည် ခေါ်ဆိုမှုကိုရသောအခါ လိန်တယုံက ကျေနပ်နေပုံရသည်။

" ကျွန်တော်က ကျီအန်းမြို့မှာရှိတဲ့ အစိုးရစားသောက်ဆိုင်မှာ စားဖိုမှူးလုပ်လာတာ ၈ နှစ်ရှိပါပြီ။ ကျွန်တော့်မှာ အဆင့် ၂ စားဖိုမှူးလက်မှတ်ရှိပါတယ် "

ထုံရွှယ်လူ က " အရမ်းကောင်းတယ်။ ကျွန်မမှာအဆင့် ၁ စားဖိုမှူးလက်မှတ်ရှိတယ်...ကျွန်မတို့ တစ်ယောက်နဲ့တစ်ယောက် အများကြီး သင်ယူနိုင်မယ်လို့ ယုံကြည်ပါတယ် "

လိန်တယုံ၏ လေလုံးကို ချက်ချင်း ဖြိုခွဲလိုက်ပြီးနောက် သူ့အသံက ပို၍ နှိမ့်ချသော အသံဖြစ်သွားသည်။

" ပေးစရာတွေ အများကြီးရှိမယ်မထင်ပါဘူး။ မန်နေဂျာထုံက အချက်အပြုတ်ပြိုင်ပွဲတွင် အနိုင်ရှိသူမို့လို့ ကျွန်တော်ကသာ မင်းဆီက သင်ယူစရာတွေ အများကြီးရှိပါတယ် "

ထုံရွှယ်လူက ပြုံးပြီးပြောလိုက်သည်။

" ကျွန်မတို့အားလုံးမှာ ထူးချွန်တဲ့ အရည်အချင်းကိုယ်စီရှိနေတာ သေချာပါတယ်။ စားဖိုမှူးလိန်က ကျီအန်းမြို့ ကလာတာဆိုတော့ ဟိုက သူတို့ ဟင်းလျာတွေကို ကောင်းကောင်း ကျွမ်းကျင်တယ်ဆိုတာ သေချာပါတယ်။ ဒါက ကျွန်မတို့ရဲ့ မီနူးကို ချဲ့ထွင်နိုင်စေပါလိမ့်မယ် "

လိန်တယုံက ထုံရွှယ်လူသည် သူ့ကို မည်သူက သူဌေးဖြစ်ကြောင်း ပြသလိုသည်ဟု ထင်ခဲ့ပြီး ယခု သူမ သူ့ကို ချီးကျူးလာသည့်အခါ ဝေခွဲမရဖြစ်မိသွားသည်။

လိန်တယုံသည် အတွေ့အကြုံ၊အခြေအနေမျိုးစုံများကို တွေ့ကြုံခံစားခဲ့ဖူးသည့်သူဖြစ်သည်။ ထို့အပြင် မန်နေဂျာလင်းနှင့် ချည်နှောင်ထားသဖြင့် သူ့အား ချက်ချင်း ပါဝါမပြလျှင် ပို၍ မာနကြီး မောက်မာလာလိမ့်မည်။

သို့သော် သူမက ကိစ္စများကို လွန်လွန်ကျူးကျူး မလုပ်နိုင်‌‌ချေ။ ထိုသူ့ထံ၌ မန်နေဂျာလင်းဟူသည့် အဆက်အသွယ်ရှိသောကြောင့် အကောင်းဆုံးနည်းလမ်းမှာ ချဉ်းကပ်မှုနှစ်ခုကို ရောနှောခြင်းဖြစ်သည်။

Prev Next