အပိုင်း ၆၁

🐍Chapter 61



မော့လောင်တနှင့် ယင်ရှောင်ရှောင်းတို့သည် ထိုအကြောင်းအား ဆွေးနွေးခဲ့ကြပြီး မော့လောင်တ၏ မိသားစုအိမ်သို့ မထွက်ခွာမီ ရက်အနည်းငယ်မျှ နေအိမ်သို့ပြန်၍ အနားယူရန် ဆုံးဖြတ်ခဲ့သည်။ မူလက ယင်ရှော်ငရှောင်းသည် နောက်တစ်နေ့တွင် ထွက်ခွာရန် ဆန္ဒရှိခဲ့သော်လည်း မော့လောင်တသည် သူ့အား စူးစူးစိုက်စိုက် ကြည့်နေပြီးနောက်မှ ရက်အနည်းငယ်အကြာတွင် ထွက်ခွာကြမည်ဟု အဆိုပြုခဲ့သည်။ ယင်ရှောင်ရှောင်းလည်း သဘောတူလိုက်သည်။

ဒုတိယနှင့် တတိယရက်များ လွန်ပြီးသည့်နောက်တွင် ယင်ရှောင်ရှောင်းသည် မော့လောင်တအား တိုက်တွန်းတော့သည်။

နီမာ.. သွားမယ်ဆိုရင်လည်း မြန်မြန်သွားကြမယ်လေ.. အချိန်ဆွဲတာက ပိုပြီးတော့ စိတ်ပူပြီး ကြောက်လာစေတယ်ဆိုတာ သိရဲ့လား.. ဒါက မိဘတွေနဲ့ တွေ့ဖို့ပဲလေ..

ထိုကောင်လေး ယင်ရှောင်ရှောင်းမှာ မော့လောင်တသည် ယင်ရှောင်ရှောင်းအား နောင်တများကင်းဝေးစေရန် အချိန်ပိုပေးပြီး စဉ်းစားနေသည်ကို လုံးဝ သတိမထားမိခဲ့ပေ။

ရလဒ်အနေဖြင့် သတ္တမနေ့သို့ ရောက်သည့်အခါတွင် ယင်ရှောင်ရှောင်းနှင့် မော့လောင်တတို့သည် မော့လောင်တမိသားစု၏ နေအိမ်သို့သွားရန် စတင်လေသည်။ ဤတစ်ကြိမ်တွင် မော့လောင်တသည် ယင်ရှောင်ရှောင်းအား ယခင်နှင့်မတူသည့်လမ်းမှ ခေါ်ဆောင်လာသည်။

“တဟေးတန်.. ခင်ဗျားရဲ့မိသားစုက ဘယ်မှာနေတာလဲ..”

ယင်ရှောင်ရှောင်း မရင်းနှီးသည့် မြင်ကွင်းအား လှည့်ပတ်ကြည့်လိုက်သည်။

မော့လောင်တသည် သေသေချာချာ စဉ်းစားပြီးနောက်မှ ပြောသည်။

“သူတို့က မော့မြွေပွေးမျိုးနွယ်နဲ့ နေကြတာ..”

“သူတို့က မော့မြွေတွေနဲ့ အတူနေတယ်ဆိုတာ သိပါတယ်..”

အဲဒါမဟုတ်ရင် တခြားဘယ်မှာ နေမှာတုန်း..

“ကိုယ်ပြောချင်တာက မော့မြွေတွေက နေရာအနှံ့ ပြန့်ကျဲနေကြတဲ့ သာမန်မြွေပွေးမျိုးနွယ်တွေနဲ့ မတူဘဲ တစ်စုတစ်စည်းတည်း နေထိုင်ကြတယ်လို့လေ.. သာမန်မြွေပွေးတွေကို မော့မြွေတွေရဲ့နေရာမှာ မတွေ့နိုင်ဘူး.. သာမန်မြွေတွေအတွက်တော့ အဲဒီနေရာကလည်း တားမြစ်နယ်မြေတစ်ခုပဲ..”

အသေးအမွှား ကိစ္စရပ်များတွင် မော့လောင်တသည် ယင်ရှောင်ရှောင်းနောက်သို့လိုက်ရန် စိတ်ထဲမရှိပေ။

ယင်ရှောင်ရှောင်း ‘အာ့’ ဟု အသံထွက်လာသည်။

ထိုသို့ဆိုလျှင် သူက မော့မြွေအုပ်ဆီ ဦးတည်နေတာ မဟုတ်လား..

အကြောင်းတစ်ချို့ကြောင့် ယင်ရှောင်ရှောင်းမှာ ကျားတွင်းထဲရောက်နေသည့် သိုးငယ်တစ်ကောင်ကဲ့သို့ ခံစားချက်မျိုး ရရှိလိုက်သည်။

“မကြောက်နဲ့နော်.. ကိုယ်မင်းကို ကာကွယ်ပေးမယ်..”

မော့လောင်တ ယင်ရှောင်ရှောင်းအား ရုတ်တရက် နှစ်သိမ့်ပေးလိုက်သည်။

“မော့မြွေတွေက ယေဘုယျအားဖြင့်တော့ အကောင်းဆုံး စိတ်သဘောထား ရှိမနေတတ်ပေမဲ့ တခြားမြွေတွေကို တိုက်ခိုက်ဖို့ဆိုတာတော့ မဖြစ်နိုင်ပါဘူး..”

တခြားမြွေပွေးတွေကို တိုက်ခိုက်ဖို့ မဖြစ်နိုင်ဘူးလား..

ယင်ရှောင်ရှောင်း မော့လောင်တအား တစ်ချက်စောင်းကြည့်လိုက်သည်။

‘သူတို့ထဲက အသန်မာဆုံးနဲ့ အရက်စက်ဆုံး မော့မြွေကို ဖမ်းမိထားပြီးပြီဆိုရင် ငါက ‘တခြားမြွေပွေးတွေကို တိုက်ခိုက်ဖို့ဆိုတာတော့ မဖြစ်နိုင်ပါဘူး’ အဖွဲ့ရဲ့ အဖွဲ့ဝင်တစ်ဦးလို့ သတ်မှတ်လို့ရပြီလား..’

“အိုး.. ဟုတ်သားပဲ..”

ယင်ရှောင်ရှောင်း သည် ရုတ်တရက် မေးခွန်းတစ်ခုကို သတိရသွားသည်။

"တဟေးတန်... မင်းတို့ မော့မြွေတွေအားလုံးက အတူတကွ နေထိုင်ကြတယ်လို့ မင်းပြောခဲ့တယ်... ဒါကြောင့် အနာဂတ်မှာ ငါတို့အဲဒီမှာနေဖို့ မဖြစ်နိုင်ဘူး...”

မော့လောင်တ သည် ခဏလောက် တွေးကာ ခေါင်းကို ငုံ့လိုက်ပြီး ပြောလိုက်သည်။

“အဲဒါကို မကြိုက်ရင် ကိုယ်တို့ အခု နေထိုင်နေတဲ့ နေရာမှာ အမြဲတမ်း ဆက်နေနိုင်တယ်...”

“အင်း၊ ဟုတ်တယ်... အဲဒါဆို အရမ်းကောင်းတယ်...”

ယင်ရှောင်ရှောင်း တိတ်တဆိတ် သက်ပြင်းချလိုက်သည်။ အိမ်နီးနားချင်း အနည်းငယ်ရှိလျှင် ပိုကောင်းသော်လည်း ထိုအိမ်နီးချင်းများ အားလုံးသည် မော့မြွေဖြစ်လျှင် အလွန်ခေါင်းကိုက်မည်မှာ သေချာသည်။ မှန်သည်၊ ယခုချိန်ထိ ယင်ရှောင်ရှောင်း က မော့လောင်တ၊ မော့လောင်အာ နဲ့ မော့လောင်စန်း တို့နှင့်သာ အဆက်အသွယ်ရှိခဲ့သော်လည်း မော့လောင်တသည် ကိုယ်ကျိုးကိုသာရှာသည့် အာဏာရှင်ဖြစ်ပြီး မော့လောင်အာ က အကျင့်ပျက်ခြစားပြီး သူ့ကို ကိုက်ချင်နေသည်၊ မော့လောင်စန်း လည်း ရှိခဲ့သည်၊ သူ့ကို မဖျက်ဆီးနိုင်ခဲ့သည်ကို မုန်းသည် ဆို‌သောအမူအရာဖြင့်သူ့ကို စိုက်ကြည့်နေခဲ့သည်။ မည်သည့်ရှုထောင့်ကကြည့်ကြည့် မော့မြွေများ၏ စိတ်နေသဘောထားက မကောင်းပေ။ သို့မဟုတ် မော့မြွေများကြား၌ မတွေ့ဖူးသေးသော ထူးခြားဆန်းပြားသည့် ပန်းပွင့်တချို့ ရှိကောင်းရှိနိုင်သည်။ - ယင်ရှောင်ရှောင်း က သူအလွန်ကံကောင်းသည်ဟု လုံးဝမယုံကြည်ပေ။

မော့လောင်တ သည် ယင်ရှောင်ရှောင်း ၏ တိတ်တဆိတ်သက်ပြင်းချသံကို မကြားခဲ့ရသလို ဟန်ဆောင်ခဲ့သည်။ မည်သို့ပင်ဆိုစေကာမူ သူ့နှလုံးသားက တင်းမာလာသည်။

မျှော်လင့်ထားသလိုပဲ သူ့မှာ လုံလောက်တဲ့ စွမ်းအား မရှိသေးဘူးလား...

ထိုအဖြစ်အပျက်တွင် သူ့ထံ၌ လုံလောက်သည့် ကြံခိုင်မှုရှိနေမည်ဆိုလျှင် အရူးပေါက်လေးသည် သူ့နောက်သို့လိုက်ရန် စိုးရိမ်စရာ ရှိလိမ့်မည် မဟုတ်ပေ။

ဒါကို သူက ဒါကို စိတ်မပူဘဲ အဲဒါကို စိတ်ပူရမှာ မဟုတ်ဘူးလား...

မော့လောင်တ အရွယ်ရောက်ရန် နှစ်နှစ်မျှပင် မလိုတော့ပေ။

“ငါက အစွမ်းအထက်ဆုံး မော့မြွေဖြစ်မှာ သေချာတယ်...”

မော့လောင်တ က သူ့နှလုံးသားထဲ၌ ပြတ်ပြတ်သားသား ကတိပြုခဲ့သည်။ သူသည် အသန်မာဆုံးမဟုတ်သည့် အခြေအနေတွင်၊ အပြင်းထန်ဆုံး‌မော့မြွေကို သတ်ရန် နည်းလမ်းကို တွေးနေရမည် ဖြစ်သည်။ သူသည်‌မော့မြွေများ၏ ဘုရင်ဖြစ်လာသရွေ့ သူ့ကို ဆန့်ကျင်ရဲသော မြွေမျိုး ရှိမည်မဟုတ်ပေ။

သတိမထားမိဘဲ မော့လောင်တ သည် သူ့ဘေးနားတွင် အနီးကပ်လိုက်နေသော ယင်ရှောင်ရှောင်း ကို လျင်မြန်စွာ ကြည့်လိုက်မိသည်။

“ခဏစောင့်ပါဦး အရူးပေါက်လေး… တစ်နေ့တော့ မင်းကို ကိုယ့်ဘေးမှာ ပွင့်ပွင့်လင်းလင်းရပ်နိုင်အောင် ထားပေးမှာပါ...မင်းကို နှိမ့်ချတဲ့ မြွေတွေ ဒါမှမဟုတ် မင်းကို မထီမဲ့မြင် ပြုမယ့်သူ မရှိတော့ဘူး...ဘာလို့လဲဆိုတော့ မင်းက ကိုယ့်အပိုင်မလို့ပဲ....”

ခရီးတစ်လျှောက်လုံးတွင် ယင်ရှောင်ရှောင်း သည် မြွေအမြောက်အမြားကို တွေ့ခဲ့သည်။ သူ့ဘေးတွင်မော့မြွေကို တွေ့လိုက်သောအခါ မြွေပွေးများအားလုံး အံ့အားသင့်သွားကာ တစ်ချိန်တည်းမှာပင် ယင်ရှောင်ရှောင်း နှင့် ခပ်ဝေးဝေးကို ရှောင်ရန်မမေ့ခဲ့ကြပေ။ ယင်ရှောင်ရှောင်းက ဒါကို စိတ်မ၀င်စားပေ။ မည်သို့ပင်ဆိုစေကာမူ ထိုမြွေဆိုးများကို သူမသိချေ။

သူနဲ့ ခပ်ဝေးဝေးမှာနေလဲ ဘာဖြစ်လဲ...

သူတို့သည် မော့မျိုးနွယ်စုနယ်မြေများဆီသို့ နီးကပ်လာသည်နှင့်အမျှ သာမန်မြွေပွေးခြေရာများ ပိုမိုရှားပါးလာပြီး တစ်ဘက်တွင်မူ မော့မြွေများ၏ ခြေရာများအား ပို၍တွေ့လာရသည်။ ယင်ရှောင်ရှောင်းသည် နောက်ဆုံးတွင် မော့လောင်တခေါ်ဆောင်လာသော မော့မြွေများစုဝေးရာနေရာကို ရောက်ရှိလာကြောင်း သိလိုက်သည်။

“ကိုယ့်မိသားစုရဲ့အိမ်က စုဝေးရာနေရာနဲ့ နီးတယ်... ကိုယ်တို့ နည်းနည်းတော့ လျှောက်ရဦးမယ်...”

မွန်းတည့်လုနီးချိန်တွင် မော့လောင်တ ရပ်တန့်သွားသည်။

"နေ့လယ်ခင်း ဒီမှာ အနားယူရအောင်..."

ယင်ရှောင်ရှောင်း ခေါင်းညိတ်လိုက်သည်။

"လောင်တ၊ မင်းပြန်လာပြီလား..."

မော့မြွေတစ်ကောင် သည် ချုံပုတ်ထဲမှ ရုတ်တရက် ပေါ်လာသည်။ ယင်ရှောင်ရှောင်း ခုန်ချကာ လန့်သွားသည်။

မော့လောင်တသည် မော့မြွေကို မတုံ့ပြန်ပေ။ ထိုအစား သူက ယင်ရှောင်ရှောင်း ၏နားထဲကို ပြောလိုက်သည်။
"ဒါက ငါ့အိမ်နီးချင်းမော့တာယိပဲ..."

ယင်ရှောင်ရှောင်း: “…”

“ဟေး...ဒီမြွေတွေရဲ့ နာမည်က ဘယ်လိုလဲ... ဒါတွေအားလုံးက 'ယိ' ဒါမှမဟုတ် 'အာ' မဟုတ်ရင် 'တ/တာ' မဟုတ်ရင် 'ရှောင်' ငါ တကယ်ကို လုံလောက်ပြီ...”

"အယ်... ဒါက..."

နောက်ဆုံးတွင်မော့တာယိ၏အကြည့်သည် ယင်ရှောင်ရှောင်း အပေါ် ကျရောက်သွားသည်။ စိတ်ရှုပ်ထွေးနေမိပြီးမှ တက်ကြွစွာဖြင့် ပြောလေသည်။

"ဟာဟား... လောင်တ ဒါက မင်းရဲ့ အရန်အစားအစာလား... အဲ့ဒီအကြံကောင်းတယ်... ဒါပေမယ့် ဒီခန္ဓာကိုယ်က နည်းနည်းသေးတယ်နော်...”

...ယင်ရှောင်ရှောင်း သူ့နဖူး၌ သွေးကြောများ ထောင်ထနေသလို ခံစားရသည်ကို နောက်ဆုံးတော့ နားလည်သွားပြီ ဖြစ်သည်။ ယင်ရှောင်ရှောင်းသည် မော့တာယိအား သဘောမကျရန် ဆုံးဖြတ်လိုက်သည်။

"မော့တာယိ... ဒါက ယင်ရှောင်ရှောင်း... ငါ့ရဲ့အနာဂတ်လက်တွဲဖော်..."

မော့လောင်တ၏ မျက်နှာမှာ ဗလာဖြစ်နေသည်။

"ဟင်..."

မော့တာယိသည် ပါးစပ်ကိုဖွင့်၍ ရပ်ကာ အံ့အားသင့်သွားသည်။

ယင်ရှောင်ရှောင်း သည် မော့တာယိ ကို မထီမဲ့မြင်ပြုကာ အကြည့်တစ်ချက်ကြည့်လိုက်သည်။

ဟမ့်.. နည်းနည်းလေးပဲ မြင်ဖူးပြီး လွယ်လွယ်ကူကူ အံ့ဩတတ်တာပဲ..

"တကယ်.. တကယ်လား..."

မော့တာယိ လန့်သွားသည်။

"လောင်တ... မင်း..မင်း ငါ့ကို နောက်နေတာ မဟုတ်လား ...”

“ငါဘယ်တုန်းကမှ မ‌နောက်တတ်ဘူး..”

ယခင်ကကဲ့သို့ပင် မော့လောင်တ၏ မျက်နှာမှာ အသက်မပါပေ။

ယင်ရှောင်ရှောင်း ခေါင်းကို မော့လိုက်သည်။ သူ့အမြီးလေး ယမ်းသွားသည်။

"ဟမ်၊ ဟမ်... မင်းတကယ်စိတ်ပျက်နေတာလား၊ ဟမ်..."

မော့လောင်တ၏မျက်လုံးများသည် ရယ်မောခြင်းများဖြင့် ပြည့်နှက်နေပြီး ကူကယ်ရာမဲ့စွာဖြင့် ယင်ရှောင်ရှောင်း၏ ပါးကို ငုံ့နမ်းလိုက်တော့သည်။ ဤသည်မှာ သူ၏ အရူးပေါက်လေးပင် ဖြစ်သည်။ သူ့အရူးပေါက်လေးအား ကမ္ဘာပေါ်ရှိ တခြားဘယ်အရာနဲ့မှ ယှဉ်၍မရနိုင်ပေ။

မော့တာယိသည်မော့လောင်တ၏ လုပ်ရပ်ကို ကြည့်ကာ ခန္ဓာကိုယ် တောင့်တင်းနေသည်။ သူ့ပါးစပ်ထောင့်များ လှုပ်ယမ်းသွားသည်။

"တဟေးတန်... ငါတို့ဒီမှာမအိပ်တာကောင်းမယ်... မြွေတစ်ကောင်ကြောင့် ဒီနေရာရဲ့ လေထုက ညစ်ညမ်းနေတယ်...”

ယင်ရှောင်ရှောင်း ပြောလိုက်သည့်အခါ မော့လောင်တသည် ယင်ရှောင်ရှောင်း၏ အကြံပြုချက်အား လက်ခံကြောင်း ပြသည့်အနေဖြင့် အရှေ့သို့တိုးကာ ဦးဆောင်လိုက်သည်။

မော့တာယိ: “….”

ဟုတ်သည်၊ ယင်ရှောင်ရှောင်း၏ "ဒီနေရာမှာ အနားမယူတာပိုကောင်းမယ်..." ဟူသောအဓိပ္ပါယ်က လုံးဝ တိုက်ရိုက်အဓိပ္ပါယ်ရှိသည် - အနားယူဖို့ တခြားနေရာကို ရှာကြည့်ရအောင်...

“ငါတို့ အနားမယူဘဲ မင်းမိသားစုအိမ်ဆီ တိုက်ရိုက်မသွားသင့်ဘူး...” ဟု မဆိုလိုပေ။ သူတို့သည် မော့တာယိနှင့် အတော်လေး ဝေးသည့်အခါ မော့လောင်တတို့ ရပ်လိုက်ကြသည်။

"အရူးပေါက်လေး... မင်း ကိုယ့်ကို စားစရာရှာစေချင်လို့လား...."

တကယ်တွင် ယင်ရှောင်ရှောင်းနှင့် မော့လောင်တ တို့သည် မနေ့က စားပြီးပြီဖြစ်သော်လည်း ယင်ရှောင်ရှောင်း က ယခုတွင် ... သရေစာကဲ့သို့ အာမခံချက် မရှိသော တစ်ခုခုကို မစားချင်ပေ။ ဟုတ်သည်၊ ယင်ရှောင်ရှောင်း က မော့လောင်တ ကို သရေစာဆိုသော စကားလုံးကို ပြောဖူးသည်။ ယင်ရှောင်ရှောင်း က မော့လောင်တ ကို အဆာပြေဆိုသည်မှာ ဥပမာအားဖြင့် ငှက်ဥနဲ့ ပျားရည်တို့ဖြစ်ပြီး ဗိုက်ပြည့်စေသည့်အရာများ မပါဝင်ကြောင်း ရှင်းပြခဲ့သည်။

လောလောဆယ်တွင် မော့လောင်တ က ယင်ရှောင်ရှောင်း ၏ အဓိပ္ပါယ်ကို နားလည်သည်ဖြစ်စေ၊ နားမလည်သည်ဖြစ်စေ မော့လောင်တ နားလည်သည့် အချက်တစ်ချက်ရှိသည် – အဆာပြေစာများတွင် ပုံမှန်စားသည့် အစားအစာများ မပါဝင်ပေ။ ယင်ရှောင်ရှောင်း ကျန်းမာသည့် အလေးချိန်ရှိစေလိုသော ရည်ရွယ်ချက်ရှိသည့် မော့လောင်တ အတွက်၊ ဤအချက်သည် အလွန်အရေးကြီးသည်။ ထို့ကြောင့် မော့လောင်တ က ယင်ရှောင်ရှောင်း အဆာပြေစားသည်ကိုအလွန် သဘောကျသည်။

ယင်ရှောင်ရှောင်း က ငြင်းဆန်ပြီး ခေါင်းယမ်းလိုက်သည်။

"ငါဗိုက်မဆာဘူး..."

ကောင်းပြီ၊ တကယ်တွင် ယင်ရှောင်ရှောင်းသည် မော့လောင်တ ထွက်သွားမည်ကို စိုးရွံ့နေသည်၊ အကြောင်းမှာ ယင်ရှောင်ရှောင်းအား ထားခဲ့မည်စိုးသောကြောင့်ပင်။

မော့လောင်တ ၏ မျက်လုံးများ မှိန်သွားပြီး ပြောလိုက်သည်။

“ကိစ္စမရှိပါဘူး.. ဒါဆိုရင် မင်းကိုယ်နဲ့အတူ တစ်ခုခု လိုက်ရှာမလား.. ဟင်..”

"... ကျွန်တော်မှ အပူဒဏ်ကို မခံနိုင်တာ..."

ယင်ရှောင်ရှောင်းသည် မော့လောင်တအား ပြူးကျယ်ပြီး အပြစ်ကင်းသော မျက်လုံးနှစ်လုံးဖြင့် စိုက်ကြည့်နေသည်။

“…ဒါဆိုလည်း ကောင်းပါပြီကွာ...”

မော့လောင်တမှာ ရွေးချယ်စရာ မရှိတော့သည့်အတွက် ယင်ရှောင်ရှောင်းနှင့်အတူ အမဲလိုက်မည့် အကြံဉာဏ်အား စွန့်လွှတ်လိုက်ရသည်။

“ဒါဆိုရင်လည်း သိပ်မပူတော့မယ့် အချိန်ကို စောင့်ကြရအောင်လေ.. အဲတော့မှ စားဖို့တစ်ခုခု သွားရှာဖို့ ခေါ်သွားပေးမယ်.. ဟုတ်ပြီလား..”

“…ကောင်းပြီ...”

ယင်ရှောင်ရှောင်း ဖြေသည်။ ယင်ရှောင်ရှောင်း ၏အဖြေမှာ သူသည် အဆာပြေမုန့်စားခြင်းကို အလွန်နှစ်သက်သောကြောင့်ဖြစ်ပြီး ရက်ပေါင်းများစွာ မစားဘဲ ဗိုက်မဆာဘဲ နေနိုင်သည်။ သူ့ယခင်ဘဝက တစ်နေ့ကို ထမင်းသုံးနပ် စားဖူးခဲ့ပြီး ယခုသုံးရက်မှ တစ်ကြိမ်စားဖြစ်သွားသည်ကြောင့် ကြမ်းတမ်းဆိုးရွားသည့် စောင့်ဆိုင်းမှုတစ်ခုလို ခံစားရသည်။

ယင်ရှောင်ရှောင်းက မော့တာယိသည် သူတို့ကို အမီလိုက်ဖို့ အစွမ်းကုန်ကြိုးစားမည်ဟု တွေးထားခဲ့သော်လည်း ယင်ရှောင်ရှောင်းနှင့် မော့လောင်တ အတူတူ စားစရာရှာနေသည့် တစ်လျှောက်လုံး မော့တာယိ ပေါ်မလာခဲ့ပေ။ ဤသည်မှာ ယင်ရှောင်ရှောင်းအတွက် အလွန်ပင် ပဟေဠိဖြစ်စေသည်။ ယင်ရှောင်ရှောင်း ယုံကြည်နေဆဲ ဖြစ်သည်မှာ မော့တာယိသည် သူတို့နောက်သို့ သေချာပေါက် လိုက်လာပြီး ‘ယင်ရှောင်ရှောင်းအား မော့လောင်တ၏ လက်တွဲဖော်ဖြစ်ခွင့်မပြုနိုင်’ ဟု အော်ဟစ်လိမ့်မည် ဟူ၍ပင်။ ဒုတိယအတွေးမှာ မော့တာယိသည် မော့လောင်တ၏ မိဘများကို သွားရှာဖွေခြင်းလည်း ဖြစ်နိုင်သည်ဟု ယင်ရှောင်ရှောင်း တွေးမိသည်။

မော့လောင်တသည် ယင်ရှောင်ရှောင်း၏ အတွေးများကို သိနေပုံရသည်။ ယင်ရှောင်ရှောင်း၏ ပျားရည်ဟု ခေါ်သည့် အရာကို ရှာဖွေနေရင်း ပြောလိုက်သည်။

“အဆင်ပြေပါတယ်.. မော့တာယိက ကိုယ့်အဖေနဲ့အမေကို ရှာမှာမဟုတ်ဘူး..”

မော့လောင်တက စဉ်းစားပြီးဆက်ပြောလိုက်သည်။

“မော့တာယိက ကိုယ့်ဘက်ကလေ...”

ယင်ရှောင်ရှောင်း က ရုတ်တရက် သဘောပေါက်သွားပြီး ပြတ်ပြတ်သားသား ခေါင်းညိတ်လိုက်သည်။

ဪ.. တကယ်က အဲလိုပေါ့..

မော့တာယိသည် မာဖီးယားခေါင်းဆောင်၏ သစ္စာရှိ လက်အောက်ငယ်သားနှင့် တူလေသည်။ သူ့သူဌေး ဘာပြောပြော၊ ဘာလုပ်လုပ် ချွင်းချက်မရှိ ယုံကြည်ကာ ထောက်ခံတတ်သည့် ညီငယ်လေး ဖြစ်လိမ့်မည်။ လိုအပ်လျှင် သူဌေးကိုယ်စား ရန်သူ့ဘက်ကို ချိုးဖောက်ဝင်မည့် အမျိုးအစားပင် ဖြစ်သည်။ ယင်ရှောင်ရှောင်းမှာ အလွန်အမင်း စိတ်လှုပ်ရှားသွားမိသည်။

အာ.. အဲဒါဆို တဟေးတန်က တကယ်ကြီး အမှောင်ဂိုဏ်းက သူဌေးဖြစ်နေတာပေါ့.. မာဖီးယားခေါင်းဆောင်ရဲ့ ချစ်သူဖြစ်လာဖို့ တစ်ခါမှတောင် တွေးမကြည့်ဖူးခဲ့ဘူးနော်..

…“ဟေး ဟေး... ယင်ရှောင်ရှောင်း နင်မရှက်ဘူးလား... ဂုဏ်ယူစရာဘာတွေရှိလဲ... ခေါင်းကို မြင့်အောင် မြှောက်ပြီး ဘာလုပ်နေတာလဲ...”

ယင်ရှောင်ရှောင်း နှင့် မော့လောင်တ တို့သည် ပျားရည်စားနိုင်ရန် ပျားအုံရှာခြင်းမပြုမီ တစ်ဖန် အနားယူခဲ့ကြသည်။ သူတို့အမှန်တကယ်ထွက်ခွာချိန်တွင် ကောင်းကင်က အနည်းငယ်မှောင်နေပြီဖြစ်သည်။ ခဏအကြာတွင် ‌ကောင်းကင်ကြီးက လုံးဝမှောင်သွားသည်။ မော့လောင်တ သည် တပြင်လုံးကို ကြည့်ပြီး အမြီးကို ဝှေ့ယမ်းလိုက်သည်- ယခု သူတို့ ခရီးမသွားဘဲ အိပ်ရန် နေရာရှာလိုက်သည်။ ယင်ရှောင်ရှောင်း သည် သဘာဝအတိုင်း သူ့အမြီးနှင့် ဦးခေါင်းကို မြှောက်ထားသည်။ ညဘက် အမြန်ပြန်ဖို့က အသုံးမဝင်ပေ။

“ကောင်းကင်ကြီးက မည်းမှောင်နေတယ်... မီးလည်းမရှိဘူး... အလင်းရောင်လည်းမရှိဘူး... မြွေတွေက ညဘက် မြင်နိုင်ရင်တောင် မြွေတစ်‌ကောင်အတွက် တကယ်ကို ခက်ခဲမှာ မဟုတ်ဘူးလား...”

ဒီလိုနှင့် နောက်တစ်ည ကုန်သွားသည်။ နောက်တစ်နေ့တွင် မော့လောင်တ နှင့် ယင်ရှောင်ရှောင်း သည် နံနက်စောစောထပြီး မော့လောင်တ မိသားစု၏အိမ်သို့ အမြန်သွားခဲ့သည်။

ယခုအချိန်အထိ ခရီးတစ်ခုလုံး ထူးထူးခြားခြား မဖြစ်ခဲ့ပေ။ မော့လောင်တ သည် သူ့မိသားစုနေထိုင်ရာ လှိုဏ်ဂူကို အဝေးမှ မြင်နိုင်နေပြီဖြစ်သည်။