အပိုင်း ၂၈

Chapter 28

ဤpageက ဖွင့်ထားသည်မှာကြာပြီဖြစ်သော်ငြား ရွှယ်ယုံမှလွဲ၍ ယွီနျန်အတွက် မည်သူမှစကားပြောလာခြင်းမရှိပေ။

သူက အကချိန်များသို့လည်း မသွားရ၍ တစ်ချိန်လုံးသီချင်းဆိုလေ့ကျင့်၍သာနေသည်။ကျန်ချိန်များတွင် သူက သီချင်းရေးရန်အတွက် ယွီချင်းပို့ထားသည့် ရုပ်ရှင်ဇာတ်ညွှန်းဖတ်သည်။ခြေထောက်ထိခိုက်ထားသည်ဆိုရုံနှင့် အဓိကအချက်ကို လက်လွှတ်မခံပေ။

ခရီးတစ်ဝက်ခန့်ရောက်သွားပြီးနောက် သူက မနက်စောစောအားလပ်နေ၍ ရုန်ယွဲ့မှ ခရီးဝေးသယ်ခဲ့ရသည့် ယိုနျောင်းမင်ကျောက်စိမ်းအရက်ကရားယူရန်အတွက် စီနျင်းအိမ်တော်သို့သွားလိုက်သည်။

တစ်ဖက်လူက သူ၏ထိခိုက်ထားသောခြေထောက်ကို မြင်သောအခါ ထပ်ပြီးဆူလာပြန်သည်။

ရိုက်ကူးရေးလုပ်သည့်နေ့တွင် နားနေခန်းထဲ၌ မုန့်ယွမ်က ယွီနျန်ကိုကူပြီး ဖုန်းထောက်တိုင်တပ်ပေးလိုက်ရင်း စိုးရိမ်တကြီးညွှန်ကြားလာသည်

"ခဏနေလို့ ၉နာရီရောက်ရင် liveစလွှင့်ရမှာနော်...ပရိုမိုးရှင်းအစပိုင်းကို အရင်ကလည်း လုပ်ဖူးတယ်...လူအရေအတွက် သိပ်မနည်းပေမယ့် စီမံရေးအဖွဲ့ကလူတွေလည်း ရှိနေမှာ...အဲ့တာကြောင့် ပြဿနာရှိမှာမဟုတ်ဘူး...ပြီးတော့ ဖန်တွေကလည်း မင်းခြေထောက်ဘယ်လိုဖြစ်သွားလဲဆိုတာ စိတ်ပူနေကြတာ...အကျိုးဆက် ဘယ်လိုဖြစ်ဖြစ် စကားသေချာပြောဖို့မမေ့နဲ့...ကျန်တာတော့ ကြိုက်သလိုသာလုပ်"

မုန့်ယွမ်က ယုံကြည်ချက်အပြည့်နှင့်"ကာရိုက်တာပုံစံအတိုင်း ပြောဖို့ဆိုဖို့တော့ အခုမလိုသေးဘူး...မင်းပုံစံလေးအတိုင်းပဲနေ...ဘာပဲဖြစ်ဖြစ်ပါ အဲ့လိုနေလည်း မင်းရဲ့ကာရိုက်တာပုံစံကို မထိခိုက်သွားပါဘူး"

ထိုအကြောင်းအရာမှာ မနက်စောစောကတည်းက ရောက်လာသည်ဖြစ်ပြီး မုန့်ယွမ်ကလည်း အနည်းဆုံးသုံးကြိမ်လောက်ပြောနေ၍ ရှစ်ရော့ပင် ဘေးမှထိုင်ရယ်နေသည်

"အစ်ကိုမုန့်....ရှင်ကတော့ ပိုပြီး ပစိပစပ်များလာတာပဲ"

"ငါ ဘယ်သူ့အတွက် လုပ်နေတာမို့လို့လဲ"

မုန့်ယွမ်က စိုက်ကြည့်လိုက်ရင်း ဖုန်းကို အထိန်းနေရာတွင်ထားလိုက်သည်။အလင်းရှူထောင့်အဆင်ပြေရန် ချိန်ညှိပြီးမှသာ နောက်ကိုခြေလှမ်းအနည်းငယ်ဆုတ်ရင်း"ဟုတ်ပြီ...အဆင်ပြေသွားပြီ"

စီစဥ်ထားသည့်အတိုင်း ယွီနျန်က ၉နာရီတွင်liveစလွှင့်လေသည်။

သူက ချည်သားတီရှပ်အဖြူလေး ဝတ်ထားလေသည်။သူ၏ညှပ်ရိုးများနှင့် ပုခုံးလိုင်းလေးများက ကြော့ရှင်းလှသည်။ဆံပင်မပြင်ထား၍ ပိန်ပါးနူးညံ့ကာ တက်ကြွသည့်ပုံလေးဖြစ်နေသည်။

ကင်မရာဘက်သို့ လက်ယမ်းပြရင်း ယွီနျန်က ပြုံးလိုက်သည်

 "အားလုံးပဲမင်္ဂလာပါ...ယွီနျန်ဖြစ်ပါတယ်...ဒါကျွန်တော့်ရဲ့ ပထမဆုံးliveလွှင့်ခြင်းပါ..."သဘာဝရဲ့သံစဥ်"ဒုတိယတွဲအတွက် အပိုင်း၁၇ကို ရိုက်ကူးဖို့ပြင်ဆင်နေတာပါ...ဒါပေမယ့် ကျွန်တော့အလှည့်မရောက်သေးလို့ စင်နောက်မှာ လူတိုင်းနဲ့စကားပြောနိုင်ဖို့ အချိန်ရှိနေပါတယ်ခင်ဗျ"

[အားလားလား...နတ်သားမျက်နှာလေးပါလား...တကယ်ကြီးမိတ်ကပ်မပါဘူးပေါ့နော်.. ဘယ်လိုပြိုင်ဘက်ကင်းမောင်လေးပါလိမ့်]

လူအုပ်များလာ၍ ယွီနျန်က တစ်ယောက်ကိုသေချာကြည့်လိုက်ပြီး အပြုံးလေးနှင့်ပြန်ဖြေလိုက်သည်

"ဟုတ်ပါတယ်...ကျွန်တော်က ခြေထောက်ထိခိုက်ထားလို့ပါ...rehearsal အချိန်ကလည်း နည်းနည်းနောက်ကျသွားလို့ မိတ်ကပ်လိမ်းဖို့အလှည့်မကျသေးဘူးဗျ"

သူက ကင်မရာအနီးတိုးသွားရင်း"ဒီမှာ ကြည့်ပြီးပြောလို့ရတယ်...ကျွန်တော် မိတ်ကပ်မလိမ်းရသေးဘူး...မနေ့ညက ကောင်းကောင်းမနားခဲ့ရတော့ မျက်လုံးအောက်မှာတောင် အမည်းကွက်တွေရေးရေးပေါ်နေပြီ"

[ခံစားသွားရပြီ....ရိုက်ချက်ပြင်းပဲ]

[ssရိုက်ပြီးrecordလုပ်ထား...အသက်တောင်မရှူနိုင်တော့ဘူး အမေရေ ကယ်ပါအုံး]

[ဒီနတ်ဘုရားအဆင့်မိတ်ကပ်က....ကျေးဇူးပြုပြီးအနားတိုးမလာပါနဲ့...သေတော့မှာမို့လို့ပါ]

ထိုလူထဲတွင် ယွီနျန်က ခြေထောက်ဒဏ်ရာအကြောင်းမေးလာသည့်သူအချို့ကို တွေ့လိုက်ရသည်။အခြေအနေနှင့် ဆေးကုသရေးအချက်အလက်နှင့် ပြန်လည်သက်သာနိုင်ရေးတို့ကို ပြောပြလိုက်သည်။သူသည်လည်း စိတ်သက်သာရာရသွားလေပြီ။screenဘက်လှည့်ပြီးလူအုပ်ကြီးနှင့်စကားပြောရသည်က သူတွေးထားသည်ထက် အချိန်တိုအတွင်း အလိုက်အထိုက်အသားကျသွားပြီဖြစ်သည်။

ထိုအချိန် screenတစ်ခုလုံးပိတ်ပြီး အမှောင်ကျသွားကာ ရောင်စုံစာလုံးလေးများနှင့်"အသုံးပြုသူ(နျန်နျန်ယုံယွီ)က တင်ဆက်သူယွီနျန်ကို X100စိန်များပေးလိုက်ပါတယ်"ဆိုသောစာတန်းကြီးက ငါးကြိမ်ဆက်တိုက်ပေါ်လာသည်။

ယခုအကြိမ်က ယွီနျန်အတွက် ပထမဆုံးliveလွှင့်ခြင်းဖြစ်သည်။ထိုစာကြောင်းထဲရှိစိန်က မည်သည်ကိုဆိုလိုမှန်းမသိသော်လည်း လူအုပ်ကြီးက တစ်ခဏမျှရပ်သွားကာ အုံးအုံးကျွတ်ကျွတ်ဖြစ်လာတော့သည်။

[သောက်ကျိုးနဲကြီး...ငါအမြင်မှားတာလို့ပဲပြောလိုက်စမ်းပါ...စိန်တစ်ပွင့်က ဘယ်လောက်ရှိတာလဲ...ယွမ်တစ်ထောင်လား]

[ငါက သင်္ချာမတော်ဘူး...စိန်တုံးငါးရာလား...တစ်ခါတည်းနဲ့ကို သန်းတစ်ဝက်ကျော်လောက် သုံးလိုက်တာပဲ]

[အားလားလား...အာဏာရှင်ကြီးကတော့ အမှားလုပ်တာမဟုတ်လောက်ဘူး...ဒီပလတ်ဖောင်းတစ်ခုလုံးကတော့ ခဏခဏပြန်ရစ်ကြည့်ခံနေတော့မှာ]

ယွီနျန်က လူအုပ်ကြီးကိုကြည့်ရင်း ရှင်းဟိုင်liveလွှင့်သည့်ပလက်ဖောင်းရှိ လက်ဆောင်ပေးသည့်စိန်များမှာ စျေးအကြီးဆုံးဖြစ်ပြီး တစ်တုံးကို ယွမ်တစ်ထောင်ကျသည်ဖြစ်ရာ တစ်ယောက်ယောက်က တစ်ကြိမ်တည်းနှင့် စိန်တုံးငါးရာပေးလိုက်မှန်း နားလည်သွားရသည်။

သူလည်း အနည်းငယ် အံ့အားသင့်သွားပြီး"လက်ဆောင်အတွက်ကျေးဇူးပါ "နျန်နျန်ယုံယွီ

"ရေ....ဆက်ပြီး အလုပ်ကြိုးစားပြီးသီချင်းကောင်းကောင်းဆိုပါ့မယ်ဗျ"

ယွီနျန့်အသံဆုံးသွားသည်နှင့် screen ထပ်ပြီးပိတ်ကျသွားလေသည်။ထို့စဥ် screenဘက်ကိုပေးနေသည့် ရောင်စုံစာလုံးကြီးများက ငါးကြိမ်ဆက်တိုက်ထပ်ပေါ်လာသည်။

[အား....ငါ့မျက်လုံးတွေကန်းသွားတာများလား...နောက်ထပ်စိန်တုံးငါးရာ...]

[ငါဘယ်သူလဲ...ဘယ်ရောက်နေတာလဲ...ဘယ်လိုတောင်ပြိုင်ဘက်ကင်းအာဏာရှင်ကြီးလဲ...တစ်မိနစ်တည်းနဲ့ သန်းချီပေးပစ်တယ်]

[မဟုတ်ဘူး...မဟုတ်ဘူး...မဟုတ်ဘူး...လက်ဆောင်စာရင်း နံပါတ်တစ်နေရာကိုကြည့်လိုက်...စိန်တုံး၉၉၉ခု ...ယွမ်၉၉၉ထောင်]

[ဥာဏ်များချက်ကတော့ သိသာလိုက်တာနော်....ဟုတ်ပါပြီ ငါဒူးထောက်ပြီးတော့ ၉၉ကြိမ်ဂုဏ်ပြုပေးမယ်]

အခန်းထဲရှိဖန်များမှာ နှစ်ကြိမ်ဆက်တိုက်စိန်များပေးလာ၍ သတိလစ်မတတ်ဖြစ်သွားရသည်။ပလတ်ဖောင်းတစ်ခုလုံးအပြန်ပြန်လွှင့်နေကြ၍ liveလွှင့်သည့်အခန်းထဲရှိonline fanအရေအတွက်မှာလည်း မြင့်တက်လာသည်။

မုန့်ယွမ်ကလည်း အမြန်ပင် သတိဝင်လာပြီး သူတို့ဘက်ကလုပ်သည်မဟုတ်သလို ဖန်များထံမှငွေညစ်ခြင်းမဟုတ်ကြောင်း ဖန်စစ်စစ်တစ်ယောက်ကလုပ်သွားသည်သာဖြစ်ကြောင်းသေချာသိစေရန် ကုမ္ပဏီဘက်သို့ဖုန်းလှမ်းဆက်ရသည်။ 

သူက ရှစ်ရော့ကို လေသံတိုးတိုးပြောလိုက်သည်

"ငါတို့ အိပ်မက်မက်နေတာတော့ မဟုတ်ဘူးမို့လား"

ရှစ်ရော့က မျက်နှာကိုပွတ်သတ်လိုက်ကာ"အိပ်မက်မဟုတ်ဘူးပဲ"

ယွီနျန်က သိပ်မလန့်သွားပဲ ယခင်ရိုက်ကူးရေးက စိတ်ဝင်စားဖွယ်အကြောင်းရာများကို ဆက်လက်ပြောပြနေသည်။

"နျန်နျန်ယုံယွီ"ဆိုသည့်အသုံးပြုသူနာမည်နှင့်လူကလည်း လှုပ်မလာတော့၍ အဆုံးထိစကားမပြောလိုက်ရပေ။

ယွီနျန်က liveလွှင့်ပြီးသွားသည်နှင့် #ယွီနျန့်ဖန်တစ်ယောက်မှယွမ်တစ်သန်းကျဲသွားသည် ဆိုသည့်သတင်းက #မိတ်ကပ်မပါသည့်ယွီနျန်၏နတ်ဘုရားအဆင့်ရုပ်ရည် ဆိုသည့်သတင်းကိုကျော်တက်သွားလေသည်။

သိပ်မကြာမီ ရွှယ်ယုံ၏ဝေ့ပေါ်တွင် hashtagနှင့်အတူ updateတစ်ခုတက်လာသည်။

[#မိတ်ကပ်မပါတဲ့ယွီနျန်ရဲ့နတ်ဘုရားအဆင့်ရုပ်ရည်....ဟမ် ဒါကို မိတ်ကပ်မပါတဲ့ နတ်ဘုရားအဆင့်ရုပ်ရည်လို့ခေါ်တာလား]

ပထမဆုံးနှစ်ကြိမ်ပြီးနောက် သူ၏မူရင်းfollowerများအပါအဝင် ရွှယ်ယုံ့ကိုစိတ်ဝင်စားကြသည့် ယွီနျန့်ဖန်များနှင့်haterအချို့ရှိလာသည်။ထို့ကြောင့် ရွှယ်ယုံ့ဝေ့ပေါ်တွင် ပိုစ့်တင်လိုက်သည်နှင့် ကောမန့်ထုကြီးက အလျင်အမြန်ထွက်ပေါ်လာသည်။

[ကိုယ့်ဘာကိုယ်promotionဆင်းနေတာလား...နတ်ဘုရားအဆင့် ဟုတ်လား...description က ကြည့်ရမှာတောင်ရှက်စရာကောင်းတယ်]

[Liveလွှင့်နေတုန်း Big fanက ယွမ်တစ်သန်းကျဲပြီး စန်းပွင့်အောင်လုပ်တာက နည်းလမ်းဟောင်းကြီးပါကွာ...ကုမ္ပဏီကတော့ တစ်ခုခုပဲနော် ...မစဥ်းမစားပဲ ပိုက်ဆံတွေကျဲပစ်တယ်]

[ဟားဟားဟား...ငါ့ယောကျ်ားက ရှုံးသွားသလိုခံစားနေရတာလား...စိတ်မပူပါနဲ့ ယောကျ်ားရဲ့မျက်နှာက မိန်းမရဲ့နှလုံးသားထဲက တစ်ဦးတည်းသောနတ်ဘုရားပါပဲ...ဟင်း....ငါ့ယောကျ်ားဒီနေ့တင်တဲ့ပိုစ့်ကို ငါလည်း နားလည်နိုင်ပါတယ်]

ချူရှောင်းရန်မှာ ရွှယ်ယုံ့ရုံးခန်းထဲက ဆိုဖာပေါ်ထုရိုက်နေရင်း ဝေ့ပေါ်ဖတ်နေသည်။

ရွှယ်ယုံ့updateကိုဖတ်ပြီးနောက် ခြေချိတ်ထိုင်ရင်း စိတ်ညစ်ညစ်နှင့်"ရွှယ်ရှောင်ယုံ...ဒီသခင်လေးမှာ တကယ်ပဲပြောစရာမရှိတော့ပါဘူး...ငါ့ကိုယ်ပိုင်မျက်စိနဲ့ကြည့်ထားတာမဟုတ်ရင် ယုံနိုင်မှာတောင်မဟုတ်ဘူး...လွန်ခဲ့တဲ့တစ်စက္ကန့်တုန်းက နျန်နျန်ယုံယွီဆိုတဲ့နာမည်နဲ့ ယွမ်တစ်သန်းတွေကြဲလို့ သူတို့live broadcast မှာတောင် ပထမနေရာရသွားတဲ့သူကြီး ပလတ်ဖောင်းတစ်ခွင်ပြဲပြဲကိုစင်လို့...ပြီးတော့ မျက်တောင်တစ်ခတ်စာလောက်ရှိသေး ဝေ့ပေါ်သွားပြီးတိုက်ခိုက်နေတယ်...မင်းဘာလုပ်ဖို့ကြိုးစားနေသလဲဆိုတာ စဥ်းရောစဥ်းစားမိသေးလား"

ရွှယ်ယုံက မှတ်တမ်း၏အဆုံးတွင် လက်မှတ်ထိုးလိုက်ရင်း တစ်ချိန်တည်းနှင့် အလုပ်ကိစ္စနှစ်ခုပြီးမြောက်သွားသည်။

"ခေါင်းစဉ်က trendingပြန်ဖြစ်နေပြီ"

"အာ...ဘာဖြစ်တာ...."ချူရှောင်းရန်က တစ်ခဏအတွင်း မတ်မတ်ထိုင်လိုက်ကာ ဝေ့ပေါ်ရှိစာရင်းကို သေသေချာချာဖတ်လိုက်ရင်း ပိုစိတ်တိုလာရသည်

"ဖာ့ခ်...မင်းက ပိုက်ဆံနဲ့မျက်နှာပေါ်မှီခိုပြီး လုပ်ငန်းလုပ်နေတဲ့ ဥက္ကဌကြီးတစ်ယောက်ပါ ပြီးတော့ traffic starလောက်နီးနီးpopularဖြစ်တယ်..ဒီတော့ ဒီသခင်လေးကပဲ လက်ခံဖို့ငြင်းလိုက်ပါ့မယ်"

ရွှယ်ယုံ့အသံက ပေါ့ပေါ့ပါးပါးပင် "ဘာကို လက်ခံဖို့ငြင်းမှာလဲ ဟမ်....."

ရွှယ်ယုံ၏ဝေ့ပေါ်ကြောင့် ဖန်များနှင့်haterများမှာ ကောမန့်တစ်ခွင် အငြင်းပွားနေကြပြီး ဖြတ်သွားဖြတ်လာများနှင့်ဖရဲသီးစားသူများလည်း အင်္ကျီလက်ပင့်ပြီး တိုက်ပွဲဝင်လာကြသည်။#မိတ်ကပ်မပါသည့်ယွီနျန်၏နတ်ဘုရားအဆင့်ရုပ်ရည် ဆိုသည့်အကြောင်းအရာက#ယွီနျန့်ဖန်များယွမ်တစ်သန်းကျဲလိုက်ခြင်း ဆိုသောအကြောင်းအရာကိုပါဆွဲခေါ်သွားပြီး top tenဝင်သွားလေသည်။

ထိုကိစ္စမတိုင်မီနှင့်ဖြစ်ပြီးအချိန် အချက်အလက်များကို ယှဥ်ကြည့်ရင်း ချူရှောင်းရန်မှာ ရွှယ်ယုံ၏ကြိုးကိုင်ခြယ်လှယ်နေမှုအားကြည့်ပြီး အံ့အားသင့်သွားကာ သူ့ကိုယ်သူ ရေရွတ်မိသည် 

"ဒီလိုပြောင်းပြန်ဖြစ်သွားတဲ့ကိစ္စကြီး...ဒါ တကယ်အသုံးရောဝင်ရဲ့လား...မင်းဘာသာ ရေအိုင်ထဲလက်ပစ်ကူးနေတာမို့လား...ရှောင်ရွှယ်ယုံ"

ရွှယ်ယုံက အချက်အလက်မှတ်တမ်းများကို ထောက်ခံချက်ရေးရန်အတွက် ခေါင်းငုံ့နေပြီး ပြန်ဖြေမလာချေ။သို့သော်လည်း သူ့နှုတ်ခမ်းဖျားများက တွန့်ကွေးနေလေသည်။

မည်သူမှ ချူရှောင်းရန်ကို အာရုံစိုက်မနေကြ။ သူလည်း ဂရုစိုက်မနေပဲ သူကိုယ်တိုင်ပြောပြီး သူပဲရယ်နေသည်။တစ်ခဏအကြာတွင် သူက ဆိုဖာကိုပုတ်လိုက်ပြီး ပြောလိုက်သည်

" ဟေ့...ဟေ့...ဟေ့ သတင်းတက်လာပြီ....ပုန်းလျှိုးကွယ်လျိုးနည်းလမ်းများနဲ့ နာမည်ကြီးလှပါသော ဥက္ကဌရွှယ်ခင်ဗျာ...ကျွန်တော်မျိုး ဖတ်ပြပေးပါမယ်"

'ဖန်တစ်ယောက်က သူ၏ရူးလောက်ဖွယ်နည်းလမ်းများနှင့် လူတိုင်းအား အံ့သြသင့်သွားစေခြင်း' ဟားဟားဟား...ခေါင်းစဥ်ကတော့ စိတ်ဝင်စားစရာပဲ...ပြီးတော့..."အာဏာရှင်ကြီးမှ အင်တာနက်အချစ်အတွက် ငွေရေသွန်းဖြိုးခြင်း"ချီ...ဒါဘာကြီးလဲ.."ကံကြမ္မာအရအတူတူမရှိနိုင်ပေမယ့် ငွေကြေးကဆွဲထားနိုင်ခဲ့ခြင်း"ဟားဟားဟား ...."

ရွှယ်ယုံက ခေါင်းမော့လိုက်ရင်း ပြန်အတည်ပြုလိုက်သည်"ကံကြမ္မာ"

"အာ..."ချူရှောင်းရန်က တစ်ခဏမျှတုံ့ဆိုင်းပြီးပြန်ဖြေလာသည်။

"အိုကေ....ဟုတ်ပြီ ဟုတ်ပြီ...မင်းတို့နှစ်ယောက်လုံးက အတူတူရှိဖို့ကံပါပြီးသား...ဟုတ်ပြီလား"

ခပ်ဆင်ဆင်သတင်းအကြောင်းအရာများကို ကျော်လိုက်ပြီး ချူရှောင်းရန်က ရွှယ်ယုံ့ကိုမေးလိုက်သည်

"ငါ အရမ်းသိချင်နေတာ...ရှင်းဟိုင်liveက ရှင်းယောင်မီဒီယာပိုင်တာဆိုပေမယ့် ရေတော့လောင်းပေးမှာမဟုတ်ဘူး...ဒါပေမယ့် မင်းက ယွမ်တစ်သန်းတောင်သုံးလိုက်တယ်....ဘာလို့လဲ...ယွီနျန်နာမည်ကြီးလာဖို့ အကြောင်းရာတစ်ခုလုပ်ပေးလိုက်ရုံပဲလား" 

ထိုမေးခွန်းကိုကြားလိုက်စဥ် ရွှယ်ယုံက လက်ထဲရှိဖောင်တိန်ကို ရပ်ထားလိုက်ပြီး ပြန်ဖြေလာသည်

 "သူက ပိုက်ဆံအရမ်းပြတ်နေတာ"

ရွှယ်ယုံက ပထမဆုံးအကြိမ်သူနှင့်တွေ့ခဲ့သည့် ဓါတ်လှေကားထဲမှအချိန်ကို အမှတ်ရလိုက်သည်။ ယွီနျန်က တီရှပ်အဖြူတစ်ထည်ဝယ်ခဲ့ပြီးနောက် ယွမ်နှစ်ရာပင်မကျန်တော့၍ မုန့်ဝယ်စားဖို့ပင်မတတ်နိုင်တော့ကြောင်း ပြောခဲ့လေသည်။

"ဟမ်"

ချူရှောင်းရန်က မမျှော်လင့်ထားသောအဖြေကြောင့် သူ့ဖုန်းကိုပင် ဆက်မကြည့်နိုင်တော့ပဲ အထိတ်အလန့်နှင့် "ဒါကြောင့် မင်းက "သဘာဝရဲ့သံစဥ်"ပရိုဂရမ်အတွက် ရန်ပုံငွေထည့်ပေးခဲ့ပြီး ဆုကြေးငွေယွမ်ငါးသိန်းပါ ပြင်ပေးခဲ့တာလား"

ရွှယ်ယုံက ခေါင်းညိမ့်ပြလိုက်ရင်း "ဟုတ်တယ်...သူ သေချာပေါက် ပထမရလိမ့်မယ်"

"အဲဒါ အမှန်ပဲလား"

ချူရှောင်းရန်က အနည်းငယ်မတင်မကျနှင့် "မင်း...မင်းပိုက်ဆံသုံးလိုက်တဲ့နည်းလမ်းက...အရမ်းမများလွန်းဘူးလား"

ရွှယ်ယုံ၏ရှည်သွယ်သွယ်လက်ချောင်းများက ဖောင်တိန်ကိုင်ထားရင်း နားရွက်ထိပ်လေးများက အနည်းငယ်နီမြန်းနေသည်

"ဟုတ်တယ်...ငါ သူ့ကိုပိုက်ဆံပေးချင်ရုံပဲ"

ထိုအခိုက် ချူရှောင်းရန်က သူ့နားတစ်ဝိုက်ရှိလေထုပင် ချိုမြိန်သွားသွားဟန် ခံစားရသည်။

ရွှယ်ယုံက သူနောက်ဆုံးတင်ထားသည့် ဝေ့ပေါ်မှ haterများ၏ကောမန့်ကို blockလိုက်ပြီး ကောမန့်တစ်ခွင် တသောသောဖြစ်နေချိန် အချိန်ကြည့်ရင်း ယွီနျန်ကြိုက်သည့် သီးသန့်စားသောက်ဆိုင်သို့ သူရေးထားသည့်မီနူးကို ပို့လိုက်သည်။

သူ့တွင် သူ့အတွက်အစားအစာများဝယ်ပေးရန် အခြားအကြောင်းရင်းလည်း ရှိပေသည်။

ယွီနျန်က အဝတ်လဲခန်းထဲတွင် ရှားမင်ရှီနှင့် ထိုင်ပြီးစကားပြောနေသည်။ 

ရှားမင်ရှီက အံကြိတ်လိုက်ရင်း"မခံချင်စရာပဲ...ဒါက မင်းရဲ့ပထမဆုံးliveလွှင့်တာလေ...မင်းရဲ့ လက်ဆောင်စာရင်းမှာ ငါ့နာမည်ချန်ထားမယ်လို့ တွေးနေတာ....နောက်တော့ရော ...ဘယ်ကနေ မင်းရဲ့အာဏာရှင်ဖန်ကြီးရောက်လာတာလဲ...သူက ဒီလိုမျိုးယွမ်တစ်သန်းတောင်သုံးပစ်တယ်....ငါ့မှာလန့်သွားတာ...ငါပို့မယ့် စိန်ဆယ်လုံးကို တိတ်တိတ်လေးသိမ်းထားလိုက်ရတယ်"

ယွီနျန်liveလွှင့်နေကတည်းက ယခုအချိန်ထိ လူတော်တော်များများက ဤမေးခွန်းပဲမေးနေကြသည်

 "ပွင့်ပွင့်လင်းလင်းပြောရရင်...ငါလည်း မသိဘူး..အဲ့အချိန်တုန်းက ငါလည်း တော်တော်လန့်သွားတာ"

ရှားမင်ရှီကလည်း သက်ပြင်းချလိုက်ပြီး အမှတ်ရလာသည့်ဟန် "ပြောရမယ်ဆို...လွန်ခဲ့တဲ့နှစ်ရက်လောက်ကတည်းက ငါ့အဖေ မင်းဆီကနေ သင်ယူဖို့ပြောနေတာ...စိတ်ပျက်အောင်မလုပ်နဲ့ဆိုပြီး ခဏခဏပြောလွန်းလို့ နားတောင်မခံနိုင်တော့ဘူး"

ရှားမင်ရှီက ကျွမ်းကျင်ပိုင်နိုင်စွာဖြင့် မျက်လုံးလိမ့်ပြရင်း မကျေနပ်သည့်ပုံနှင့် " ပြီးတော့သိလား...ငါ့အဖေ ငါးဟင်းစားတုန်းကလေ အပူလောင်သွားလို့ အမေ့ဘေးနားအပြေးသွားပြီး မှုတ်ခိုင်းနေတာ..."

သူက လက်ပိုက်ထားရင်း "ငါ ဒီလိုချိုအီနေတဲ့ဒရမ်မာတွေကို နှစ်နှစ်ဆယ်လောက်ကြည့်ခဲ့ရတာ....တော်တော်ပင်ပန်းနေပြီ...ဒါပေမယ့် သူတို့ကတော့ မပင်မပန်းဆက်လုပ်နေကြတုန်း ..."

ယွီနျန်က သူနှင့်ဘီစကစ်မုန့်တစ်ထုပ် မျှစားနေရင်း ထောက်ခံလာသည်

 "ဟုတ်တယ်...ငါ့အဘိုးနဲ့အဘွားကလည်း တစ်ယောက်နဲ့တစ်ယောက် ချစ်ကြည်နူးတစ်တီတူးလိုက်တာမှ...ချီရှီပွဲတော် [တရုတ်ချစ်သူများနေ့ပါ] ရောက်တိုင်း ငါ့အဘိုးက အဘွားကို စာလုံးကိုးဆယ့်ကိုးလုံးပါတဲ့ အချစ်စာရေးပေးတယ်...ပြီးတော့ ငါ့အဘွားကလည်း အဲ့ဒီစာတွေအကုန်လုံးကို သစ်သားဗူးကြီးထဲမှာ သိမ်းထားတယ်...နောက်ဆုံးတော့ ငါကပဲ အဲ့ဒီသစ်သားဗူးကြီးကို ငါ့အဘွားနောက်မြေကြီးထဲမြုပ်ပေးလိုက်ရတယ်"

နှစ်ဦးသား အတွေ့အကြုံတူနေ၍ ရယ်မောလိုက်ကြသည်။

ထိုအချိန် staffတစ်ယောက် ရောက်လာပြီး နားနေခန်းတံခါးခေါက်လာသည်။ ထို့နောက် ယွီနျန်အား မှာထားသည့်စားစရာ ရောက်လာပြီဖြစ်ကြောင်း ပြောလာသည်။

ဗိုက်ဆာနေသည့် ရှားမင်ရှီမှာ စိတ်ဝင်တစားခေါင်းငဲ့လာသည်

 " မင်း စားစရာမှာထားတာပေါ့ နျန်နျန်"

"အာ...ဟုတ်တယ်...ကျေးဇူးပါ"ယွီနျန်က မှာပေးထားသည့်သူကို သိလိုက်ပြီဖြစ်သည်။ လွန်ခဲ့သောအချိန်အနည်းငယ်က ရွှယ်ယုံ၏ဝေ့ပေါ်ကို မြင်ယောင်မိရင်း အနည်းငယ်ရယ်ချင်လာသည်။ သူ့ကို ချော့လာပြန်တာလား...။

စားစရာများကို နားနေခန်းထဲသို့ စားပွဲအပြည့်ပို့ပေးလာသည်။

ရှားမင်ရှီက စားစရာများကိုကြည့်ရင်း သတိထားမိသွားသည် "ဘုရားရေ...ဒါ မြို့အနောက်ပိုင်းက သီးသန့်စားသောက်ဆိုင်ကတွေမို့လား...အဲ့ဒီစ

ားသောက်ဆိုင်က စားစရာမပို့ပေးဘူးလားလို့...မင်းက သူတို့ရဲ့VIPလို့တော့ မပြောနဲ့နော် နျန်နျန်"

ယွီယုံက သူမဟုတ်ပဲ ရွှယ်ယုံဖြစ်မှန်း စဥ်းစားမိ၍ အလိုက်သင့်လေးနေမိသည်။ စဥ်းစားရင်း သူ့မှာ ရယ်ချင်လာရသည်။