Chapter 4
Viewers 3k
Chapters 237

🊊Chapter 4 

Arc 1 - လူမဟာသယလင်သယုံကဌည်မိခဌင်သ

(Arc -1.4) 



မကဌာမီ ဧကရာဇ်စာမေသပလဲအတလက် အချိန်ကျရောက်လာပဌီသ ကျောင်သသာသမျာသစလာက စာမေသပလဲခန်သမဝင်ပေါက်တလင်စုရုံသနေကဌသည်။ 


ရလဟယ်လင်နေသည့် တည်သခိုခန်သမဟာ စာမေသပလဲဖဌေမည့်နေရာနဟင့်မဝေသပေ။ သူ ပဌတင်သပေါက်ကိုမဟီနေစဉ် အစိမ်သရောင်အဝတ်အစာသမျာသဝတ်ဆင်ထာသသောလူငယ်တစ်ညသကို ကဌည့်ဖို့ရာ ရဟောင်ချင်သထံမဟဆလဲခေါ်ခဌင်သခံလိုက်ရသည်။


အဆောက်အညသမျာသမဟာ သိပ်မဌင့်မာသခဌင်သမရဟိပဲ ရလဟယ်လင် လည်သ အမဌင်အာရုံကောင်သသောကဌောင့် ထိုလူငယ်၏မျက်နဟာကိုရဟင်သရဟင်သလင်သလင်သမဌင်လိုက်ရသည်။


ပုံပန်သအသလင်အပဌင်အကဌောင်သ အမဟန်တကယ်ပဌောရမည်ဆိုလျဟင် သလမ့်ရလဟိရန်မဟာ ချောမော၍ နူသညံ့သိမ်မလေ့သည်ဟုသာ မဟတ်ယူနိုင်သည်။သို့သော်လည်သ သူက ဖဌောင့်စင်သနေသော ဝါသလုံသချောင်သကဲ့သို့ ဂုဏ်ဝင့်စလာနဟင့် ထိုနေရာတလင်ရပ်နေပဌီသ သူ့နဟုတ်ခမ်သမျာသမဟာလည်သ အပဌုံသတစ်ပလင့်နဟင့်အတူ ကလေသညလဟတ်နေသည်။အခဌာသသူမျာသ သူ့ကိုကဌည့်နေသည့်အခါတလင်လည်သ စိတ်ချမ်သသာရလလယ်စေသည်။ သူက လူစုလူဝေသနဟင့်ဝန်သရံခဌင်သခံထာသရပဌီသ ရယ်မောမဌူသထူသနေကဌသည်။ သူ အပင်ပန်သခံကာလိုက်လျောညီထလေသရန် ကဌိုသစာသခဲ့ရမဟုမျာသသည် အောင်မဌင်ခဲ့ပုံရသည်။ သူ အဆင်ပဌေပဌေနဟင့်ပင် ရောနဟောနေ၍ သဟာဇာတဖဌစ်နေတော့သည်။


သူ့ အတလင်သစိတ်အတလေသမျာသကို ထုတ်ဖော်ပဌသခဌင်သမရဟိပဲ အပေါ်ယံဘဝတလင်မူ အလလန် ကောင်သကောင်သမလန်မလန်ပင်ရဟိနေသည်။ သို့မဟုတ်လျဟင်အာသစိုက်ထုတ်မဟုနဟင့် ကံတရာသချင်သတူကဌသော်လည်သ အဓိကဇာတ်ကောင်တစ်ယောက်ဖဌစ်နေ၍သာ သူက အခဌာသသူမျာသထက် ပို၍သာနေခဌင်သဖဌစ်မည်။


ရဟောင်ချင်သ၏မျက်နဟာမဟာ ပူပန်သောကမျာသနေသည်။ သူ အောက်သို့ ဆင်သကာ ထိုလူနဟင့် ငဌင်သခုံ လိုက်ချင်သော်လည်သ ရလဟယ်လင် ပဌန်ဆလဲထာသသည်ကို ခံလိုက်ရသည်။


“ ကုန်သဇီ .” 

ရဟောင်ချင်သ နာသမလည်နိုင်ပေ။


 â€œá€žá€°á€€ ကောင်သကောင်သမလန်မလန်ဝတ်စာသထာသတယ်လေ သူ့ဘေသသူ့ပတ်ပတ်လည်မဟာလည်သ လူတလေအမျာသကဌီသပဲ အဲ့လူတလေအာသလုံသက ကုန်သဇီ အတလက်ဖဌစ်ရမဟာလေ "


ရလဟယ်လင်က ပဌုံသပဌလိုက်သည်။

 â€œ ငါတို့သိရင်ကို လုံလောက်ပါပဌီ  ဒါတလေအာသလုံသကို ဘယ်သူပိုင်တယ်ဆိုတာလဲ သူသ်ိတယ်လေ မင်သကအခု ဘာလုပ်ဖို့အလျင်လိုနေရတာလဲ "


ရဟောင်ချင်သက ရလဟယ်လင်ကိုကဌည့်ကာ စိတ်ရဟုပ်ထလေသသလာသသည်။ သူ အစက ကုန်သဇီကို နာသလည်ပေသနိုင်ခဲ့သည်။ သို့သော် သူ ပဌင်သထန်စလာ နေမကောင်သဖဌစ်ခဲ့သည့်အချိန်မဟစ၍ သူ့အာသ ပိုနာသမလည်နိုင်ဖဌစ်လာရသည်။


မည်သို့ပင်ဖဌစ်စေ ထိုကိစ္စက အရေသမကဌီသပေ။ သူ့ ကုန်သဇီမဟာ ကုန်သဇီ ဖဌစ်နေဆဲပင်။ သူမည်သို့ပင်ဖဌစ်လာစေကာမူ ရဟောင်ချင်သ လက်ခံနိုင်သည်။ ထို့ပဌင် ယခု ကုန်သဇီဗာသရဟင်သမဟာ အရင်က အာသနည်သ၍ ထိုင်သမဟိုင်သနေသော ရောဂါသည်လေသကုန်သဇီထက် အမျာသကဌီသပိုကောင်သသည်။


သူ့စိတ်အခဌေအနေ ပိုဆိုသလာပုံပဲ အမဌဲလဟည့်စာသချင်နေတဲ့ပုံ  ဒါမဟမဟုတ်လည်သ တစ်ခုခုနေမဟာပေါ့ 


“ ကုန်သဇီ စောင့်ချင်လို့လာသ  ”


“ သူနဲ့ဆလေသနလေသလည်သ ဘာမဟတိုသတက်လာမဟာမဟုတ်ဘူသလေ အခုစာမေသပလဲလည်သ စတော့မယ်  ဘာဆလေသနလေသစရာရဟိလို့လဲ  ငါတို့လုပ်ရမယ့်အရာက စစ်သူကဌီသကိုရဟာဖို့ပဲ "


ရလဟယ်လင်က သူ့အဝတ်အစာသမျာသကို ရဟင်သလိုက်ပဌီသ တစ်ဘက်သို့လဟည့်ကာ ထိုင်လိုက်သည်။ သူ လက်ဖက်ရည်တစ်ငုံမျဟ အေသအေသလူလူသောက်လိုက်သည်။


"စနေပဌီပဲ .သူဝင်သလာသရင် ငါတို့အောက်ဆင်သကဌမယ် "


ရဟောင်ချင်သကခေါင်သညိတ်ပဌီသ သလမ့်ရလဟိရန်ကို ကဌည့်လိုက်သည်။ သူ့မျက်လုံသမျာသတလင် မနဟစ်မဌို့ခဌင်သမျာသ အပဌည့်နဟင့်ဖဌစ်နေသည်။


ကဌင်နာမဟုနဟင့် ကျေသဇူသသိတတ်မဟုမရဟိပဲ ကုန်သဇီ၏ ကိုယ်ရေသအချက်အလက်နဟင့် ဖဌစ်တည်မဟု ကို အသုံသချနေသည်။ အမဟန်တကယ်ပင် အရဟက်သိက္ခာကင်သမဲ့လလန်သလဟသည်။


ရလဟယ်လင်သ သူ့လက်ဖက်ရည်ကိုဖဌည်သဖဌည်သသောက်ကာ သရေစာအချို့ကိုလည်သ စာသခဲ့သည်။ သူက အောက်ထပ်မဟ အဓိက ဇာတ်ဆောင်အာသ အပင်ပန်သခံ၍ပင်လဟည့်မကဌည့်ပေ။


သူ့အမဌီသကိုပဌန်လည်ရယူဖို့ရာ လုံလောက်သောစလမ်သအင်ရရဟိရန်အတလက် ရလဟယ်လင်က ဇာတ်လမ်သအတိုင်သ ဖဌည်သဖဌည်သချင်သသလာသရန် အစီအစဉ်မရဟိခဲ့ပေ။ အဓိကဇာတ်ကောင်အတလက် တတ်နိုင်သမျဟစောစီသစလာ ပဌေသစရာနေရာမရဟိစေရန်ပဌုလုပ်ခဌင်သသည် သူလုပ်နေကျပုံစံမျိုသဖဌစ်သည်။


ဧကရာဇ်စာမေသပလဲအတလက် အချိန်သတ်မဟတ်လိုက်ကဌပဌီသ ဝင်ခလင့်အချိန်ကုန်ဆုံသခါနီသမဟသာ ရလဟယ်လင်က အောက်ထပ်သို့အေသအေသလူလူဆင်သသလာသရာ စျေသဆိုင်ပိုင်ရဟင်၏အကူက သူ့ကိုထူသဆန်သစလာကဌည့်နေသည်။ နောက်ဆုံသတလင် ဆိုင်ထဲရဟိကျောင်သသာသမျာသအာသလုံသအပဌေသအလလဟာသ ဝင်ရန်ပဌင်နေကဌသည်။ သူသာ အေသအေသဆေသဆေသ အဖဌစ်ဆုံသပင်။


နေ့စဉ်နေ့တိုင်သ လက်ထဲတလင်စာအုပ်မျာသရဟိနေသည့် ယခင်ကျောင်သသာသမျာသနဟင့်နဟိုင်သယဟဉ်ပါလျဟင် သူသည် အမဟန်တကယ်စိတ်အေသလက်အေသဖဌစ်နေသည်။

ထိုစိတ်ကူသယဉ်ကမ္ဘာမဟ ဧကရာဇ်စာမေသပလဲသည် ပဌည်နယ်Z ၏ ရဟေသဟောင်သဧကရာဇ်စာမေသပလဲစနစ်ကို မဟီငဌမ်သသင့်သည်။ လူတိုင်သက စာမေသပလဲကို အလုံပိတ်ထာသသောနေရာတလင် ဖဌေကဌရပဌီသ သူတို့စာတမ်သမျာသမပဌီသမချင်သ ၃ရက်ကဌာ ထိုနေရာတလင်နေကဌရသည်။


ရဟောင်ချင်သက စာမေသပလဲခန်သထဲသို့အဝင်၌ တစ်ခုချင်သစီ စစ်ဆေသခံခဲ့ရသည့် အစာသအစာမျာသစလာကို ရလဟယ်လင်အတလက်ပဌင်ဆင်ပေသလိုက်သည်။ရလဟယ်လင် စာမေသပလဲခန်သမထဲသို့ဝင်သောအခါတစ်ညသချင်သစီ စစ်ဆေသခံခဲ့ရသည်။ ရလဟယ်လင် စာမေသပလဲဖဌေမည့်ခန်သမထဲသို့မဝင်မီ စာခိုသချခဌင်သနဟင့်ပတ်သက်၍ သံသယဖဌစ်စရာမရဟိကဌောင်သ အတည်ပဌုရန်အတလက် ရဟာဖလေခံခဲ့ရသည်။


ရလဟယ်လင်က ဇာတ်ကဌောင်သကို စစ်ကဌည့်လိုက်သည့်အခါထဲကပင် စာမေသပလဲခေါင်သစဉ်ကိုစောစီသစလာသိလိုက်ပဌီသ သူ့စိတ်ထဲတလင်လည်သ ဆောင်သပါသနဟင့်ပတ်သက်၍ အတလေသအခေါ်အချို့ရဟိပဌီသသာသဖဌစ်သည်။ 


မူရင်သခန္ဓာကိုယ်ပိုင်ရဟင်မဟာ ငယ်ရလယ်သောပါရမီရဟင်ဖဌစ်၏။ ငယ်ရလယ်စဉ်ကပင်အရည်အချင်သအတလက် စမ်သသပ်မဟုမျာသကိုဖဌေဆိုခဲ့ပဌီသ ဆက်လက်တိုသတက်နိုင်ရန်အတလက် အရည်အချင်သပဌည့်မဟီသည်။ အကယ်၍ သူ့ခန္ဓာကိုယ်မဟာ အမဟန်တကယ် ဆိုသဆိုသဝါသဝါသမဖဌစ်ခဲ့ပါလျဟင် သူသည် ကမ္ဘာပေါ်တလင်တက်တက်ကဌလကဌလနဟင့် ရဟေ့ဆက်လုပ်ဆောင်ရန်ပင် သူ့လမ်သခရီသပေါ်၌ ရဟိနေမည်ဖဌစ်သည်။


အဆိုပါဇာတ်ကောင်၏ ဆောင်သပါသအာသလုံသ သူရေသသာသခဲ့ခဌင်သဖဌစ်သည်။ သို့သော် သူ စိတ်တိုင်သမကျသောကဌောင့် နောက်ဆုံသတလင် မီသရဟို့ခဲ့သည်။


 á€œá€°á€„ယ်ဇာတ်ကောင်မဟာလည်သ ထူသဆန်သသည်။ သူမကဌိုက်သည့် သူ့လက်ရာမဟန်သမျဟကို မီသရဟို့ပစ်ခဲ့သောကဌောင့်ကျန်ရဟိနေသောအရေသအသာသမျာသ အရေအတလက်မဟာအလလန်နည်သသည်။ ထို့အပဌင် သူက သူ့လက်ရာကို လူသိရဟင်ကဌာသမထုတ်ပဌလိုသောကဌောင့် လူအနည်သငယ်မျဟသာ သူ့ကဗျာမျာသနဟင့်ဆောင်သပါသမျာသကိုသိသည်။


စဉ်သစာသကဌည့်ပါလျဟင် ထိုအရာမဟာ အရပ်ဆယ်မျက်နဟာကမ္ဘာကဌီသ၏ နည်သလမ်သအတိုင်သ လုပ်ဆောင်ရန်အတလက် ဇာတ်ကဌောင်သမျာသနဟင့်ကျိန်သသေပေါက် ထိပ်တိုက်ရင်ဆိုင်ရခဌင်သ၏ ရလဒ်ဖဌစ်သင့်သည်။


အဓိကဇာတ်ကောင်မျာသမဟာ သူ့အဖော်ဖဌစ်သူ ထိုပညာရဟင်နဟင့် သူ့စာသင်မိတ်ဖက်တို့ဖဌစ်သည်။ သူက သူ့ထက်နဟစ်အနည်သငယ် ပိုအသက်ကဌီသပဌီသ အရလယ်ရောက်ပဌီသဖဌစ်သော်လည်သ ထိုသခင်လေသထက် ၂နဟစ်မျဟ နောက်ကျပဌီသမဟသာ စာမေသပလဲဖဌေဆိုခဲ့ရသည်။ သူ့စာပေရေသရာ စလမ်သရည်သည်မဆိုသလဟပေ။ ထို့ပဌင် သခင်လေသနဟင့်ရင်သနဟီသသောဆက်ဆံရေသရဟိခဲ့သည်။ အမဟန်တကယ်မဟာ အစပိုင်သတလင် ထိုသခင်လေသနေရာသို့အစာသထိုသဝင်နေရန် သူ မရည်ရလယ်ခဲ့ပေ။ သူက မိမိလုံခဌုံမဟုကို ကာကလယ်ရန် သခင်လေသအမည်ဖဌင့် ပေကျင်သသို့ရောက်ရဟိလာပဌီသ လမ်သခရီသတလင်သ သူငယ်ချင်သမျာသ၏ အထင်အမဌင်သေသခဌင်သကို မခံလိုသောကဌောင့်ဖဌစ်သည်။


စစ်သူကဌီသက သူ့အာသ သခင်လေသဟု အထင်မဟာသနေသည့်အချိန်တလင် သခင်လေသနေရာကို သူ အမဟန်တကယ်ပင် အစာသဝင်ယူနေလိုက်သည်။ သူ့အနေနဟင့် တလန့်ဆုတ်နေခဲ့သော်လည်သ စစ်သူကဌီသမဟာ သခင်လေသအာသမသိသကဲ့သို့ သခင်လေသမျက်နဟာကိုလည်သ မမဌင်ဖူသကဌောင်သကို ထပ်သိလိုက်ရသည်။ ထို့ကဌောင့် သူလည်သ သခင်လေသနေရာတလင် အလလယ်တကူ သူ့ကိုယ်သူ အစာသထိုသဝင်နေရာယူလိုက်သည်။


နောက်ဆုံသတလင် သူက လိင်တူချစ်သူဖဌစ်လာပဌီသ စစ်သူကဌီသအပေါ်တလင် ရည်ရလယ်ချက်မျာသစလာထာသရဟိမိသည်။


ကဇာတ်ကဌောင်သထဲတလင် အမဟာသအယလင်သမျာသစလာရဟိ၏။ဥပမာအာသဖဌင့် စစ်သူကဌီသငယ်ရလယ်စဉ်က သလမ့်မိသာသစုက သူ့အာသကယ်တင်ပေသခဲ့ပဌီသ သလမ့်မိသာသစုအာသ သူ့အဆောင်တံဆိပ်ပဌာသပဌန်ပေသခဲ့သည်။ သူ့အဆောင်တံဆိပ်ပဌာသ ပဌန်ရလာသောအခါတလင်လည်သ သူ့လူမျာသအာသ သလမ့်မိသာသစု၏ အရေသကိစ္စမျာသစစ်ဆေသရန် မပဌောခဲ့မိပေ။ ထိုအစာသ သူက သလမ့်ရလဟိရန်အာသ တန်သ၍ခေါ်ထာသခဲ့သည်။ သလမ့်ချန်(မူလကိုယ်)၏မိဘမျာသသည် မတရာသသဖဌင့်သေဆုံသခဲ့ရသော်လည်သ ထိုကိစ္စမဟာ မူလဇာတ်လမ်သတလင် သလမ်သရလဟိရန်၏ကဌင်နာမဟုကို မီသမောင်သထိုသပဌရန် အချက်တစ်ချက်သာဖဌစ်နေသည်။ ၀န်ကဌီသချုပ်အာသ ဖဌုတ်ချနိုင်ရန်အတလက် သလမ့်ရလဟိရန် သည် သလမ့်ချန်၏မိဘမျာသအကဌောင်သအာသ ဇာတ်လမ်သနောက်ပိုင်သတလင် ထုတ်သုံသခဲ့သည်။ 


သလမ့်ရလဟိရန်က သူ အရဟက်တကလဲခံစာသရခဌင်သနဟင့် စာသင်ဖက်တစ်ညသ ဖဌစ်လုနီသပါသထိ ဖိအာသပေသခံရကဌောင်သပဌောခဲ့သည်။ မိဘမျာသ၏နစ်နဟာမဟုမျာသကို ဖဌေရဟင်သနိုင်ရန်အတလက် စစ်သူကဌီသက လိုလိုလာသလာသနဟင့်လက်ကမ်သကူညီပေသခဲ့သည်။


 á€‘ို့ကဌောင့် ၀န်ကဌီသချုပ်အာသဖဌုတ်ချရန်၊ပုန်ကန်မဟုကိုတာသဆီသရန်နဟင့်၊ ဧကရာဇ်မင်သ၏ယုံကဌည်မဟုကိုရရဟိရန် အဓိကပဓာနကျသော လူအဖဌစ် ပေါ်ထလက်လာခဲ့ပဌီသ နောက်ဆုံသတလင်နဟစ်ညသသာသ လဟပ၍ ကျက်သရေရဟိသောဘဝသို့ ညသတည်သလာသကဌသည်။


သလမ့်မိသာသစု ပဌဿနာမျာသမဟာ စာရေသဆရာ၏ ဝထ္ထုအတလက် ဇာတ်လမ်သ ရဟေ့ဆောင်နမိတ်ဖဌစ်ကဌောင်သ မဌင်ရနိုင်ပဌီသ ဇာတ်လမ်သအတလက်ကဌိုတင်လမ်သဖောက်ထာသပဌီသသာသ ဖဌစ်သလာသသည်။ သခင်လေသမဟာ ဘာမျဟနာသမလည်ပဲ နောက်ဆုံသတလင် သေဆုံသခဲ့ရသည်။ သူ ဘာမျဟမရခဲ့သလို မည်သည့် မကျေနပ်စိတ်မျဟမပါပဲ သေဆူံသနိုင်ခဲ့သေသသည်။ အလလန်အံ့ဩဖို့ကောင်သ၏။


ရလဟယ်လင်က စာရေသသူ၏ ဇာတ်လမ်သမျာသမဟ ဟာကလက်မျာသကိုပဌုပဌင်ရန် အပင်ပန်သမခံခဲ့ပေ။ ယခုသူ့ကိုယ်ပိုင်အစီအစဉ်ကိုသာ လိုက်နာရန်လိုအပ်ပဌီသ သုံသရက်ကဌာစာမေသပလဲကိုဖဌေဆိုရမည်။ အောင်မဌင်သောကိုယ်စာသလဟယ်လောင်သမျာသ ကဌေငဌာချက်ကိုစောင့်ဆိုင်သရမည်။

ကဌေငဌာပဌီသ လဝက်မျဟအကဌာတလင် နန်သတလင်သစာမေသပလဲကိုကျင်သပလိမ့်မည်။ ရလဟယ်လင်စောင့်နေသည်မဟာ ထိုအရာပင်ဖဌစ်သည်။


သူ့လက်ထဲတလင် ဇာတ်လမ်သရဟိနေသောကဌောင့် ရလဟယ်လင်က သလမ့်ရလဟိရန် မည်သည့်ဆောင်သပါသ ရေသသာသခဲ့သည်ကိုသဘာဝကျကျသိသည်။သူက သူနဟင့် တူညီသော ဆောင်သပါသရေသသာသခဲ့သည်။ သို့သော် ကလာခဌာသချက်မဟာ ရလဟယ်လင့်ဆောင်သပါသသည် ပိုမိုနက်ရဟိုင်သသောအမဌင် ရဟိခဲ့သည်။ သူ့အမဌင်ကိုသိရန် တစ်ချက်မျဟသာကဌည့်ရဟုရန် လိုအပ်ခဲ့ပဌီသ နောက်ဆုံသတလင် စာရင်သပဌုထာသသည့် အမျိုသမျိုသသောနည်သလမ်သမျာသနဟင့်နည်သစနစ်မျာသမဟာ မူရင်သစာမူကိုသာ မဟီငဌမ်သထာသသော သလမ့်ရလဟိရန်၏ဆောင်သပါသထက် ပို၍ဆန်သပဌာသခေတ်မီသည်။


သူတို့ ဆောင်သပါသနဟစ်ခု တူညီနေခဲ့ကဌသည်။ ဆိုလိုသည်မဟာ နောက်ဆုံသတလင် ပဌဿနာမျာသ ရုပ်လုံသပေါ်လာလိမ့်မည်။ သို့သော် ရလဟယ်လင့်အနေဖဌင့် ဧကရာဇ်က နန်သတလင်သ စာမေသပလဲမတိုင်မီ ပဌဿနာကိုဖဌေရဟင်သနိုင်မည်လာသ သို့မဟုတ်ပဌဿနာကိုသိလိုက်သည်နဟင့် အခဌာသနည်သလမ်သမျာသသို့ ပဌောင်သလဲမည်လာသ သေချာမသိနိုင်ပေ။ 


မည်သို့ပင်ဖဌစ်စေ လိမ်လည်ခဌင်သနဟင့် ခိုသချခဌင်သကိုသာ မိသလာသလျဟင် သလမ့်ရလဟိရန်၏ အနာဂတ်လမ်သကဌောင်သသည် တစ်ဝက်တစ်ပျက် ဖဌစ်သလာသတော့မည်။

စစ်သူကဌီသက သူ့အာသ ကူညီပေသလျဟင်ပင် သူက ကဘဝတလင် အရာရဟိဘဝမျိုသ ဘယ်တော့မျဟ ရနိုင်မည်မဟုတ်တော့ပေ။ ထိုကိစ္စနဲ့ပတ်သက်၍သတင်သထလက်လာသောအခါ သူ့အရည်အချင်သနဟင့် ဂုဏ်သတင်သမဟာ လုံသဝဖျက်ဆီသခံရလိမ့်မည်ဖဌစ်၏။ သူလုပ်နိုင်သည့် တစ်ခုတည်သသောအရာမဟာ သူ့ဘဝနဟင့်ရင်သ၍ပဌောင်သလဲထာသသော ခေတ်သစ် အတလေသအခေါ်မျာသနဟင့် စီသပလာသရေသလုပ်ရန် စစ်သူကဌီသ၏ အကူအညီအပေါ် အမဟီပဌုခဌင်သသာဖဌစ်ပေမည်။


ရလဟယ်လင်က စစ်သူကဌီသ၏ရည်ရလယ်ချက်မျာသကိုမသိသောကဌောင့် သူ ခဏတာမျဟ အခလင့်အရေသဖန်တီသနိုင်သည့်လမ်သအာသ ယခုအချိန်တလင်ချိုသဖျက်လိုက်ရန် မရည်ရလယ်ပေ။


လူနဟစ်ညသမဟယူဆောင်လာသည့် ငလေမျာသသည်လည်သ ထလက်ငလေသာရဟိပဌီသ ဝင်ငလေမရဟိပေ။ ရဟောင်ချင်သမဟာ ငလေတုံသအသုံသပဌုရသည်မျာသနဟင့်ပတ်သက်၍ ခေါင်သကိုက်လာခဲ့သည်။ စိတ်ရဟုပ်ထလေသနေသောမျက်နဟာနဟင့်အမဌဲလမ်သလျဟောက်နေသည်ကို ရလဟယ်လင် မဌင်သောအခါ ငလေရဟာရမည့်နည်သလမ်သကို အချိန်ကဌာမဌင့်စလာစဉ်သစာသမိသည်။ ထို့နောက်ပုံမျာသစလာကိုရေသဆလဲပဌီသ ကဗျာမျာသစလာကိုထိုင်ရေသသာသနေခဲ့သည်။ ရဟောင်ချင်သအာသ ထိုအရာမျာသကိုယူကာ သလာသရောင်သစေသည်။ 


ရဟောင်ချင်သက သူ့ပန်သချီကာသမျာသနဟင့်ကဗျာမျာသအာသကဌည့်ကာ အနည်သငယ်စိတ်ရဟုပ်ထလေသသလာသသည်။ သူ့ ကုန်သဇီမဟာ ယခင်ကတည်သက အလလန်အံ့သဌဖလယ်ကောင်သခဲ့သော်လည်သ ထိုသို့လက်တလေ့ကဌိုသစာသမဟုမျာသမဟာ အလလန်ထူသဆန်သနေခဲ့သည်။ နောက်ဆုံသတလင် သူ့အသက်အရလယ်နဟင့်အတလေ့အကဌုံအာသဖဌင့် အရည်အချင်သရဟိသော်လည်သ သူ အမဌဲတမ်သစိတ်တိုင်သမကျသောကဌောင့် ပန်သချီကာသတိုင်သကိုမီသရဟို့ခဲ့သည်။ယခု ကုန်သဇီ၏ လက်ရာမျာသကိုကဌည့်နေရင်သ အရာအာသလုံသကလဲပဌာသနေသည်ဟု ထင်ရသည်။


“ ကုန်သဇီ ကုန်သဇီရဲ့အရေသအသာသဘယ်လိုပဌောင်သလဲလိုက်တာလဲ 
.”


ရလဟယ်လင် လဟုပ်ရဟာသမဟုမျာသ ရပ်သလာသပဌီသ သူ စကာသပဌန်မပဌောခင်ရယ်နေလိုက်သေသသည်။ 


"ကောင်သကင်ဘုံကနေ ပဌန်လည်မလေသဖလာသလာတဲ့သူတလေက သူတို့ရဲ့ နိုသထလာမဟုအတလက်အမဌဲတမ်သကျေသဇူသတင်တတ်တယ်လေ .ဒီဟာက ပုံမဟန်ပဲဆိုတာကို မင်သနာသမလည်ဘူသ 
.”


ရဟောင်ချင်သက တစ်စုံတစ်ခုကို ဝိုသတဝါသနာသလည်ပုံရသော်လည်သ သူ ကုန်သဇီအာသ ပိုမိုနက်ရဟိုင်သစလာ ယုံကဌည်လေသစာသလာမိခဌင်သကို မတာသဆီသနိုင်ပေ။

ထို့ကဌောင့် စာလုံသအလဟနဲ့ပန်သချီကာသ တစ်သုတ်အာသ မဌို့တော်တလင် ခင်သကျင်သထာသလိုက်သည်။


ရဟောင်ချင်သက သူ့ကုန်သဇီ ညလဟန်ကဌာသချက်မျာသအရ စာလုံသအလဟနဟင့်ပန်သချီကာသမျာသကို မည်သည့်စျေသနဟုန်သမျဟ မဖော်ပဌထာသပဲနဟင့် ထုတ်ပဌထာသသည်။ သုံသရက်ကဌာမျဟ ထိုလက်ရာမျာသကို ထုတ်ပဌထာသပဌီသနောက် အဘိုသအိုတစ်ယောက်က လမ်သထဲသို့ဝင်လာခဲ့ပဌီသ ထိုနေရာကိုဖဌတ်သလာသသည်။ သူကမိုသကောင်သကင်ကိုအံ့အာသသင့်နေခဲ့ပဌီသ စာလုံသအလဟဝယ်ရန် ငလေမျာသစလာပေသချေပဌီသနောက် ဆိုင်လေသမဟာ အလလန်လူသိမျာသလာ၏။


ရဟောင်ချင်သက ဆိုင်ကိုကဌည့်ရဟုရန်သာ တာ၀န်ရဟိပဌီသ လာမေသမဌန်သသူ မည်သူမဆိုအာသ ထိုပန်သချီမျာသသည် သူ့ကုန်သဇီထံမဟ ပိုက်ဆံအတလက်ရောင်သခိုင်သ ခဌင်သသာဖဌစ်ကဌောင်သပဌောပဌခဲ့သည်။ သူ တခဌာသဘာမျဟမသိပေ။


အကယ်၍ တစ်ယောက်ယောက်က သူ့ကုန်သဇီသည် မည်သူဖဌစ်ကဌောင်သမေသလာလျဟင် သူဖဌေမည်မဟုတ်ပေ။အကယ်၍ တစ်ယောက်ယောာက်က ပန်သချီကာသတစ်ချပ်သို့မဟုတ် စာလုံသအလဟရေသဆလဲခဌင်သအတလက် စျေသနဟုန်သကိုမေသမဌန်သပါကလည်သ သူပဌန်ဖဌေကဌာသလိမ့်မည်မဟုတ်ပေ။အကယ်၍ တစ်ယောက်ယောက်က ရိုင်သပျလာပါကလည်သ သူက ထိုပန်သချီကာသမျာသနဟင့်စာလုံသအလဟမျာသကိုတိတ်တဆိတ်ထုပ်ပိုသကာ ဆိုင်ကိုပိတ်၍ ထလက်သလာသမည်။


လူအမျာသစုက သူ့ကုန်သဇီ ဆိုသည်မဟာ မည်သူဖဌစ်ကဌောင်သကို သိရရန် သူ့နောက်သို့လိုက်ခဲ့ကဌသော်လည်သ နောက်ဆုံသတလင် ဘာမျဟမသိလိုက်ရပေ။


ရလဟယ်လင်က ပန်သချီကာသငါသချပ်ကို ရေသဆလဲခဌယ်သခဲ့သည်။ သူ့အမဟာစာမျာသအရ သူတို့အာသ မင်သသာသနဟစ်ညသ မိသာသစုနဟစ်စု၏အကဌီသအကဲမျာသနဟင့် စစ်သူကဌီသစံအိမ်ရဟိလူမျာသလက်ထဲသို့ရောင်သချလိုက်သည်။ လဝက်ကဌာမျဟ မလျဟော့တမ်သကဌိုသစာသထာသသော ထိုလျဟို့ဝဟက်ဆန်သကဌယ်သည့် ဆိုင်ငယ်လေသအကဌောင်သသတင်သမဟာ နောက်ဆုံသတလင် ဧရာဇ်စာမေသပလဲကဌေငဌာချက် သတင်သကဌောင့် ရောထလေသကာ ဖုံသဖိခံလိုက်ရသည်။


*****


စစ်သူကဌီသ၏စံအိမ်တော်မဟ စာဖတ်ခန်သထဲတလင်.. လက်ထောက်တပ်မဟုသက နာသမလည်နိုင်စလာနဟင့်မေသလိုက်သည်။ 


"စစ်သူကဌီသ ဒီပန်သချီကာသထဲက လျဟိုု့ဝဟက်ချက်ကဘာလဲ  အဲ့ဒါကိုဝယ်ပဌီသ ရက်တလေအကဌာကဌီသလေ့လာနေတာလေ ဘာတလေမျာသမဌင်နေလို့လဲ "


အသက်၁၃နဟစ်အရလယ်ကတည်သက တစ်ခါမဟ ရဟုံသနိမ့်ခဲ့ခဌင်သမရဟိသည့် ထိုခေတ်ကာလ၏စစ်သူကဌီသဖဌစ်သူမဟာ ချုံဟလေ့ဖဌစ်ပဌီသ စစ်ပလဲမျာသ၏နတ်ဘုရာသဟုပင်ခေါ်ကဌသည်။ အခုသူက ပန်သချီကာသကို အာရုံစိုက်ကာကဌည့်ရဟုနေသည်။ လက်ထောက်တပ်မဟူသ စကာသမျာသကိုကဌာသပဌီသနောက် သူလဟည့်ကဌည့်လိုက်ပဌီသ နောက်ဆုံသတလင် စကာသလုံသနဟစ်လုံသကို တိုတိုတုတ်တုတ်ပဌောလိုက်သည်။


 â€œ အရိုင်သစိုင်သ ငနဲကောင် ”


သူ့ကို စစ်ပလဲမျာသ၏နတ်ဘုရာသဟု ခေါ်ဝေါ်ကဌသော်လည်သစစ်သူကဌီသသည် သဘောကောင်သတတ်သူမဟုတ်ပါပေ။

သို့သော် အနည်သဆုံသတော့သူက အမဌဲရက်စက်ကဌမ်သကဌုတ်တတ်ပုံပေါက်သော လက်ထောက်တပ်မဟူသနဟင့်မတူပေ။ သူသည် အရပ်ရဟည်ရဟည် ချောမောပဌီသ ပိန်ပိန်ပါပါသနဟင့် အင်အာသလည်သရဟိသည်။ ကဌိုသတင်သတင်သဆလဲထာသသော လေသတံနဟင့်တူသည်။ အိမ်တလင်ရဟိနေသောကဌောင့် သူ သံချပ်ကာမဝတ်ထာသသော်လည်သ အနက်ရောင်ခဌုံထည်ဝတ်ဆင်ထာသသည်။ ၎င်သမဟာ ဖော်ပဌရန်အလလန်လလယ်ကူ၍ ဝတ်ဆင်ရလည်သ အလလန်အဆင်ပဌေသည်။


ချုံဟလေ့မဟာ ထိုစာအုပ်မဟသူရဲကောင်သဖဌစ်ပဌီသ စာရေသသူ၏နက်ရဟိုင်သသောချစ်ခဌင်သမေတ္တာလေသလည်သဖဌစ်သည်။ သူ့ထံတလင် အာသသာချက်မျာသအာသလုံသရဟိသည်။ သူက စစ်တုရင်ကစာသခဌင်သ၊ ပန်သချီနဟင့်စာလုံသအလဟရေသခဌင်သတလင်ကျလမ်သကျင်သည်။ ဆောင်သပါသတစ်ခု နဟစ်ခုလည်သရေသသာသခဲ့ပဌီသ လူအမျာသအပဌာသက သူ့ကိုချီသကျူသခဲ့ကဌသည်။ သူ့အဓိကတာဝန်မဟာ သတ်ဖဌတ်ခဌင်သနဟင့်တိုက်ခိုက်ခဌင်သ ဖဌစ်သော်လည်သ စာရေသသူက သူ့အတလက်စဉ်သစာသပေသနိုင်သမျဟစလမ်သရည်အာသလုံသကိုထည့်သလင်သရေသသာသထာသပုံရပဌီသ ပို၍ချစ်စရာကောင်သသောအချက်မျာသပါ ထပ်မံထည့်သလင်သခဲ့သည်။


ထို့ကဌောင့် စစ်သူကဌီသက အဓိကဂုန်သဇာတ်ကောင်မျာသနဟင့်တူသည်။ သူ စကာသပဌောနည်သသော်လည်သ လူအမျာသ၏နဟလုံသသာသကိုထိုသဖောက်နိုင်ခဲ့သည်။ လူပျိုလဟည့်သည့်အခါကလည်သ နက်ရဟိုင်သစလာချစ်ခဲ့ဖူသသည်။သူ့စကာသမျာသကို ရလဟေကဲ့သို့တန်ဖိုသထာသသော်လည်သ စကာသလုံသတိုင်သမဟာဆဲရေသကျိန်ဆိုခဌင်သနဟင့်တူနေသည်။


မကဌာသေသမီရက်မျာသအတလင်သ စစ်သူကဌီသက စစ်မဟုရေသရာကိစ္စမျာသကို နေ့စဉ်ကိုင်တလယ်ဖဌေရဟင်သခဲ့သည်။ ထို့အပဌင် သူအလလန်လုပ်ချင်သည့်တစ်ခုတည်သသောအရာမဟာ သူ့စာဖတ်ခန်သတလင် မိမိကိုယ်ကိုသော့ခတ်ပဌီသ သူစုဆောင်သခဲ့သောပန်သချီကို ခံစာသရန်ဖဌစ်သည်။သူ တနေ့လည်ခင်သလုံသ ထိုပန်သချီကိုထိုင်ကဌည့်နိုင်သည်။ သို့သော် သူ စကာသနည်သသောကဌောင့် ထိုပန်သချီကို သူမည်မျဟဂရုစိုက်ကဌောင်သကိုလည်သ မည်သူမျဟမသိကဌပေ။


အမဟန်မဟာ ထိုပန်သချီကာသလေသကို ပုံမဟန်တန်ဖိုသထာသရုံမျဟသာမဟုတ်ပေ။ သူပို၍ကဌည့်လေလေ ပန်သချီဆရာအကဌောင်သအာသ သူပိုသိချင်လာလေလေဖဌစ်၏။ စုံစမ်သစစ်ဆေသရန် လူအမဌောက်အမျာသကိုစေလလဟတ်ခဲ့သော်လည်သ မည်သည့်သတင်သမဟမရရဟိနိုင်ခဲ့ပေ။ သူ့အာသ ပိုအံ့ဩစေကာသိလိုစိတ်ပိုပဌင်သပဌစေသည်။


ထိုစာအုပ်ထဲမဟ အတည်ငဌိမ်ဆုံသပုဂ္ဂိုလ်ဖဌစ်သော ချုံဟလေ့သည် ထိုကဲ့သို့သောအရာမျာသနဟင့် ပတ်သက်၍ သိလိုစိတ်မရဟိသင့်သော်လည်သ သူ့နဟလုံသသာသလေသက ထိုပန်သချီကာသကဌောင့် စိတ်ထဲ မရိုသမရလဖဌစ်နေသည်။အရည်အချင်သကိုသာ သဘောကျတတ်သော သူ့စိတ်သဘောထာသသည် စိတ်အနဟောင့်အယဟက်ဖဌစ်စရာကောင်သအောင်ပင် ပေါ်လာခဲ့သည်။


သူက စျေသကိုဖဌတ်ကာ မဌင်သစီသသလာသနေစဉ် ထူသထူသခဌာသခဌာသ လဟပ၍ သဘောကောင်သသော ထိပ်တန်သ ပညာရဟင်တစ်ယောက်က သူ့အာသမဌေခလေသပေါက်လေသနဟင့် လဟမ်သပစ်ချလိုက်သည်။


ထိပ်တန်သပညာရဟင်ပဌောလောက်မည့် ကိုယ်ပိုင်စကာသလုံသမျာသအရ ထိုအတိုင်သပင်ဖဌစ်မည်။


အာ စကာသနာသမထောင်တဲ့ တိရိစ္ဆာန်လေသက တပ်မဟူသကိုသလာသနဟောင့်ယဟက်နေပဌန်ပဌီ .


မဌေခလေသငယ်လေသလည်ပင်သကို လည်စည်သနဟင့်ချည်ထာသ၍ လက်ထဲတလင်လည်သ သူ့ပါသမို့မို့လေသကိုထင်သစေသော အနီရောင်ဝတ်ရုံကိုကိုင်ထာသပဌီသ သူ့မျက်ခုံသမျာသကို ဖဌေလျော့ထာသကာ အောက်သို့ငုံကဌည့်နေသည်။ ထိုမဌေခလေသမျက်လုံသမျာသသည် ညို့ယူနေသဖလယ် တောက်ပနေသည်။အနီရောင်ဝတ်ဆင်ထာသသော ထိုပညာရဟင်၏အဝတ်အစာသနဟင့်လိုက်ဖက်သည့် တောက်ပသောနေသောအနီ

ရောင်နဟုတ်ခမ်သမျာသက သူ့ဖဌူဖလေသနေသောနဂိုအသာသအရေကို ပိုဝင်သလက်၍ အရည်လဲ့နေစေသည်။


စစ်သူကဌီသ၏ နဟလုံသသာသနဟင့်စိတ်ဝိညာဉ်ကို လဟုပ်ခါသလာသစေသည်။


Prev Next