Chapter 54

🦊Chapter 54

Arc 4 - စွန့်ပစ်ခံ မင်းသမီးလေး

4.11 - အချစ်ရေ 'ငါ့ရဲ့ခင်ပွန်းသည်' ပြန်လာဝောာ့မယ်

ရွှယ်လင်က ထိုသူအား အရာရာကိုင်တွယ်ဖြေရှင်းခွင့် ပြုနိုင်သော်လည်း သူ့အား စင်မြင့်ပေါ်တွင် ရပ်နေရန် တားမြစ်ထားသဖြင့် သူ့ကိုယ်တိုင် လူလုံးထွက်ပြရန် လိုအပ်သည့် အခြေအနေအချို့ရှိဖူးသည်။

ပင်မကြယ်တစ်ခုလုံးမှ လူတိုင်းက အော်ဂတ်စတင်း၏တည်ရှိမှုကို သိသော်လည်း ထိုသူက ရွှယ်လင့်အား မည်သို့ဆက်ဆံနေမည်ကိုမူ သူတို့မသိကြပေ။ ထို့ကြောင့် သူတို့ပြန်လာစဉ်ကတည်းကပင် မင်းသမီးထံမှ သတင်းများကို စိုးရိမ်ပူပန်စွာ စောင့်ဆိုင်းနေကြသည်။

မင်းသမီးက သူတို့အား မည်သည့်အတွက်မျှ စောင့်မနေစေချင်ပေ။ ထိုညနေခင်းတွင် တော်ဝင်မိသားစု၏ တရားဝင်စာမျက်နှာ၌ စိတ်အာရုံပုံရိပ်မှတ်တမ်းတစ်ခု ပေါ်လာပြီး တော်ဝင်မိသားစု၏သတင်းများကို အထူးစိတ်ဝင်စားသော သူများ၏နိုတီများကို ဆွဲဆောင်လိုက်နိုင်သည်။

ပရိုဂျက်ဝာာပေါ်မှလူငယ်လေးက နောက်တစ်ဖန်ရင့်ကျက်ကြီးပြင်းလာပုံရသော်လည်း ခပ်တန်းတန်းနေတတ်ကာ မြင့်မြတ်သောအသွင်အပြင်ပုံစံမျိုးက လုံးဝပြောင်းလဲခြင်းမရှိသေးပေ။

အင်ပါယာ၏ စစ်တပ်ယူနီဖောင်း ဝတ်ဆင်ထားကာ သူက သေချာစွာရပ်နေပြီး သူ့အစီရင်ခံစာကို စတင်လိုက်သည်။

သူက ဤခရီးစဉ်အတွင်း ရှေ့တန်းများတွင် ဖြစ်ပျက်ခဲ့သမျှအားလုံးကို ဖြည်းဖြည်းချင်းအစီရင်ခံနေသည်။ ဇာ့ခ်တို့၏ လှိုင်းပေါင်းများစွာနှင့် ဇာ့ခ်မျိုးနွယ်စုမည်မျှသေဆုံးခဲ့ကာ သူတို့အကြိမ်ပေါင်းမည်မျှ တိုက်ခိုက်ခဲ့ကြခြင်းတို့ဖြစ်သည်။ သူက ရှေ့တန်းအခြေအနေနှင့် ပတ်သက်၍ အခြေခံဖြေရှင်းချက်များပေးခဲ့ပြီး ဇာ့ခ်တို့၏ တိုက်ခိုက်အားမှာလည်း နည်းလာကြောင်း ပြောကြားခဲ့သည်။

သူ့အသံက အလွန်ချိုသာကာ သူစကားပြောသောအချိန်တွင် အရေးကြီးသောအချက်များကို အလွန်တိတိကျကျနှင့် လိုရင်းတိုရှင်း ဖော်ပြတတ်သည်။ သို့မှသာ ထိုစစ်ရေးအစီရင်ခံစာကိုနားထောင်နေသူများ ပျင်းစရာကောင်နေမှုမျိုး မကြုံတွေ့ရတော့ဘဲ စိတ်လှုပ်ရှားမှုအမျိုးမျိုးသာ ခံစားကြရသည်။ မင်းသမီးပြောခဲ့သည့် နောက်ကွယ်ရှိ အဓိပ္ပာယ်ကို သူတို့အမှန်တကယ်နားမလည်ကြသော်လည်း မင်းသမီးမျက်နှာကိုသာ ကြည့်ခြင်းအားဖြင့် သူတို့၏စိတ်ဆန္ဒကို လျော့နည်းစေသည်။ ထို့ကြောင့် သူတို့က ဂီတကိုနားထောင်နေသကဲ့သို့ ထိုစကားလုံးများကို နားထောင်နေကြသည်။ မည်သို့ပင်ဖြစ်စေ မြင့်မြတ်သောတော်ဝင်မင်းသမီး၏အသံမှာ အလွန်ချိုသာသည်။

စစ်တပ်အခြေအနေနှင့် ပတ်သက်၍ အစီရင်ခံစာထုတ်ပြန်ပြီးနောက် ရွှယ်လင့်မျက်နှာမှာ အမူအရာပျက်သွားကာ အေးဆေးတည်ငြိမ်မှုမရှိတော့ပေ။

“ ရှေ့တန်းထိခရီးစဉ်မှာ ဇာ့ခ်တွေကို ရှင်းလင်းတာအပြင် ငါတို့ရည်မှန်းချက်က တော်ဝင်မင်းသားကို ရှာဖွေဖို့ပဲ…ဒါပေမယ့် ငါတို့ ရှေ့တန်းကိုရောက်တဲ့အချိန်ကစလို့ ပြန်လာတဲ့ခရီးအထိ တော်ဝင်မင်းသားရဲ့သတင်း ဘာမှမကြားရသေးဘူး… ”

သူ့မျက်နှာပေါ်ရှိ အမူအရာက အခြားသူများကို အလွန်စိတ်သောကရောက်စေသည်။ သူက ထိုစကားများကို ပြောဆိုနေစဉ် သူ့မျက်လုံးများ အနည်းငယ်သာ မှေးမှိန်သွားခဲ့သော်လည်း ပရိုဂျက်တာကိုကြည့်သူများမှာ သူတို့ရင်ဘတ်ထဲတွင် အောင့်သက်သက် ခံစားလိုက်ကြရပြီး ထိုလူငယ်လေးထံသို့သွား၍ ပွေ့ဖက်ပေးလိုကြသည်။ 

“ ဒါပေမယ့် ပြဿနာမရှိပါဘူး….ဘယ်လောက်ပဲကြာကြာ …တော်ဝင်မင်းသား ပြန်လာတဲ့အထိ ငါတို့စောင့်နေမယ်… အဲ့ဒီအံ့ဖွယ်ဖြစ်ရပ်ကိုစောင့်နေချိန် မင်းတို့ ငါနဲ့အတူ ရှိနေလိမ့်မယ်လို့ မျှော်လင့်ပါတယ်… ” 

သူက ညင်ညင်သာသာ ပြုံးပြနေသော်လည်း အလွန်ကြေကွဲဖွယ်ရာဖြစ်နေသည်။

စိတ်အာရုံအမြင်မှတ်တမ်းကို ဖြန့်ချိလိုက်သည်နှင့်တစ်ပြိုင်နက် ကြယ်တာရာကွန်ယက်တစ်ခုလုံးကို ပြန့်သွားသည်။ လူနေထိုင်ရာနေရာများ ထည့်မတွက်လျှင်ပင် သူတို့ပရိုဂျက်တာကို မြင်ရနေသမျှကာလပတ်လုံး အားလုံးက မင်းသမီးအတွက် အထူးစိတ်သောကရောက်နေကြလိမ့်မည်။ ထိုလူငယ်လေးက အင်ပါယာအနာဂတ်ကို သူ၏နူးညံ့သော ပခုံးပေါ်တွင် သယ်ထမ်းထားရသည်။ အကယ်၍ သူက ပရိုဂျက်တာထက်တွင် ၀မ်းနည်းမှုအခိုက်အတန့်ကို ထုတ်ဖော်ပြသခြင်းမရှိလျှင် လူအများက သူ့အား လူငယ်တစ်ဦးသာဖြစ်ပြီး သူ့ အယ်လ်ဖာကို ဆုံးရှုံးခဲ့ရသော အိုမီဂါဖြစ်နေသည်ကိုပင် မှတ်မိကြလိမ့်မည်မဟုတ်ပေ။

အို….မိုးကောင်းကင်ရယ်…ငါတို့ရဲ့မင်းသမီးက နေ့တိုင်းဘယ်လိုဘဝမျိုးကို ဦးဆောင်နေရတာလဲ…

မင်းသားမပါဘဲ သူဘယ်လိုဘဝနဲ့ ရင်ဆိုင်နေရတာလဲ…

သူ့နှလုံးသားမှာ တင်းမာနေသော်လည်း ရင်ထဲမှအစိုင်အခဲများကို အေးဆေးတည်ငြိမ်စွာထိန်းပြီး အင်ပါယာအတွက် ရှေ့တန်းသို့သွားခဲ့ရသည်။

စောင့်ကြည့်နေသော လူအုပ်က သူတို့ကိုယ်ပိုင်အတွေးများဖြင့် မျက်ရည်ကျလုနီးပါး ဖြစ်နေကြသည်။ 

မင်းသမီးအတွက် သိပ်မလွယ်ဘူးလေ…

တော်ဝင်မင်းသားက ဘာကြောင့်ပေါ်မလာရတာလဲ… 

မင်းသမီးက အရမ်းသနားစရာကောင်းတယ်….

မင်းသား ပြန်မလာသေးဘူးဆိုရင် မင်းသမီးကိုဂရုစိုက်ပြီး ချစ်ပေးဖို့ ဘယ်သူမှရှိမှာမဟုတ်ဘူး…

သူတို့ ဘာလုပ်ကြမှာလဲ…

ဘာလို့ သူ့ကိုဘယ်သူမှ ဂရုမစိုက်ဘဲ မချစ်ဘဲ နေနိုင်ရတာလဲ….

သို့သော် တစ်စုံတစ်ဦး သူ့အား အလွန်အလိုလိုက်နေသောကြောင့် သူကောင်းကင်ဘုံသို့ ရောက်လုနီးပါး မြောက်တက်နေပြီးဖြစ်နေသည်။

ရွှယ်လင် ပြန်မလာမီ အော်ဂတ်စတင်း၏လူများက သူတို့တွင် ဧကရီဘုရင်မ ရှိကြောင်း သိကြပြီးသားဖြစ်သည်။ အော်ဂတ်စတင်းက မည်သည့်အခါမှသေမည် မဟုတ်ကြောင်းလည်း သူတို့သိထားကြသည်။ သူတို့က ဧကရာဇ်၏ လုံးဝကွဲပြားခြားနားသောဘက်ခြမ်းကို တွေ့ရလိမ့်မည်ဟု ဘယ်တုန်းကမျှ မမျှော်လင့်ထားပေ။

ယခင်အချိန်က အင်ပါယာတစ်ခုလုံး တည်ထောင်ရန် သူတို့အား ဦးဆောင်ခဲ့သော သူတို့ဧကရာဇ်မှာ ပညာရှိကာ ထက်မြက်၍ ပွင့်လင်းသန်မာသောလူမျိုးဖြစ်သည်။ လူများ၊ ကိစ္စရေးရာများနှင့်ပတ်သက်သော ဆက်ဆံရေးများတွင် သူ့အခြေခံမူများမှာ အမြဲတစေတူညီနေဆဲဖြစ်သည်။ အကယ်၍ သူတို့က သူ့အလိုတော်အမိန့်ကို နာခံခြင်းမရှိပါက သူအင်အား အသုံးပြုလိမ့်မည်။ ကြယ်နဂါးငွေ့တန်းတစ်ခုလုံးက သူ့ကိုနာခံသည်အထိ တိုက်ခိုက်ခဲ့ပြီး အာကာသတစ်ခွင်လုံးတွင် သူ့ပြိုင်ဘက်မရှိခဲ့ပေ။

သူ့နာမည်ပြောလိုက်သည်နှင့် ကမ္ဘာ့ရန်သူများ ဇာ့ခ်မျိုးနွယ်များပင် လေနှင့်အတူထွက်ပြေးကြလိမ့်မည်။

မှန်သည်။ ကြယ်နဂါးငွေ့တန်းတစ်ခုလုံး တစ်ချိန်က အင်ပါယာ၏ ပိုင်နက်ဖြစ်ဖူးသည်။ အကြောင်းရင်းအမျိုးမျိုးကြောင့် မဟာမိတ်အဖွဲ့ကလွန်ခဲ့သောနှစ်ပေါင်းခုနစ်ရာက သူတို့ကိုယ်ပိုင်နယ်မြေကို ဖွဲ့စည်းရန် ခွဲထွက်လိုက်ကြသည်။ သို့သော်လည်း အမှန်တကယ်မှာ အရာအားလုံးယခင်က‌ အော်ဂတ်စတင်း၏စည်းမျဉ်းအောက်တွင် ရှိခဲ့ဖူးသည်။ အင်ပါယာကြယ်တာရာကွန်ယက်၏ အဓိကဆာဗာမှာ ကြယ်နဂါးငွေ့တန်းတစ်ခုလုံး၏ ကြယ်ကွန်ယက်အတွက် အဓိကဆာဗာလည်းဖြစ်သည်။

သူ နှစ်ပေါင်းခုနစ်ရာ အိပ်ပျော်နေခဲ့သော်လည်း သူနိုးလာသောအခါ နည်းဗျူဟာများနှင့်ဆိုလိုရင်းများက လက်ရှိဘုရင် အသုံးပြုသည်များနှင့် အတူတူပင်ဖြစ်သည်။ သူတို့အတွက်ယခင်ကထက် ပိုနိမ့်သောအမိန့်အပြင် သူ့လက်အောက်ရှိလူများက ဧကရာဇ်နှင့်ပတ်သက်၍ ကွဲပြားခြားနားမှု တစ်ခုခုရှိနေသည်ဟု လုံးဝမခံစားကြရပေ။

သို့သော် သူတို့ဧကရီဘုရင်မ မြို့တော်သို့ပြန်လာသောအခါ အရာအားလုံးလွဲမှားနေပုံရသည်။

သူ့တို့အရှင်ကို မတွေ့ပါက ဧကရီဘုရင်မကိုသာ ရှာဖွေရမည်။ သူတို့နှစ်ဦးကို ခွဲခြား၍ မရပေ။ သူတို့အရိပ်များပင် အတူတကွတည်ရှိနေရမည့်အထိ ဖြစ်သည်။ 

သူတို့အရှင်က သူ့ဘာသာ ဧကရီဘုရင်မကို ကပ်တွယ်နေပြိီး ဧကရီဘက်ကစိတ်မပါသလိုပဲ…

ရွှယ်လင်က အဘယ့်ကြောင့်ဆိုသည်ကို တွေးမရသော်လည်း ထိုလူက ဤကမ္ဘာကိုသာ တွယ်ကပ်နေသည်။ ရွှယ်လင်က သူ့အား နေရာတိုင်းခေါ်သွားရန် အကျင့်မဖြစ်သေးပေ။ ထိုလူက သူနားရစ်ဝဲနေသမျှ ကာလပတ်လုံး တခြားဘာမှလုပ်မရတော့ပေ။

ညအချိန်၌ မင်းသမီးအခန်းတွင်ရှိသော ရွှယ်လင်က ထိုလူအား အိပ်ရာမှကန်ထုတ်သည်။

" ခင်ဗျား ဘာမှလုပ်စရာမရှိဘူးလား... ဘာလို့ ကျွန်တော့်နားကို တစ်ချိန်လုံးကပ်နေတာလဲ..."

အော်ဂတ်စတင်းက သူကန်လိုက်သည့် ခြေထောက်ကိုဆွဲယူ၍ ထိုချစ်စရာကောင်းပြီး ဖြူဖွေးနေသောခြေထောက်ကိုကိုင်ကာ ဆော့ကစားနေရင်း မေးခွန်းအား သတိမဲ့စွာပြန်ဖြေနေသည်။

 “ မင်းရဲ့heatကာလရောက်မလာခင်အထိ ခြေလှမ်းတစ်လှမ်းတောင်ခွာပြီး မနေနိုင်ဘူးး...”

ရွှယ်လင်၏နှုတ်ခမ်းထောင့်က တွန့်သွားသည်။ သူ ထိုလူသားအား မည်သို့မျှ နာနာကျင်ကျင် မပြောဝံ့ပေ။

အမှန်တကယ်မှာ သူ့heatကာလ စတင်သည်နှင့် သူ့အား အမှတ်အသားပြုရန်အတွက် တစ်ချိန်လုံး နောက်ကိုလိုက်နေခြင်းဖြစ်သည်။ ထိုလူ့အမြင်မှာ ရွှယ်လင့်ထံသူ့အမှတ်အသားမရှိလျှင် သူ့အပိုင်မဖြစ်သေးပေ။

ရွှယ်လင်က ကြယ်အားလုံးအား သူက သူ့ဧကရီဘုရင်မ ဖြစ်ကြောင်း အသိပေးရန် ငြင်းဆန်ထားသောကြောင့် ထိုသူအား စိတ်ချစေရန် တစ်ခုတည်းသောနည်းလမ်းမှာ သူ့အား လုံးဝအမှတ်အသားပြုထားရန်ဖြစ်သည်။

လူနှစ်ဦးအကြား နှစ်ပေါင်းခုနစ်ရာကွာခြားမှုကြောင့် ထိုသူက သူ့ရင်ခွင်ထဲမှ လူငယ်လေးမှာ အစစ်အမှန်မဟုတ်ဟု အမြဲခံစားခဲ့ရသည်။ ရွှယ်လင်က သူ့အား အမှန်တကယ် သဘောကျကြောင်း အကြိမ်ကြိမ်အာမခံပြောသော်လည်း ထိုသူက ရွှယ်လင်မှာ သူ့အစွမ်းသတ္တိနှင့်မယှဉ်နိုင်သောကြောင့် အပေးအယူလုပ်ရန်သာ ရွေးချယ်ခဲ့သည်ဟူသော ယုံကြည်ချက်ကိုသာ ဆက်လက်ကိုင်စွဲထားဆဲဖြစ်သည်။

ထို့ကြောင့် သူက ရွှယ်လင်အား အမြဲတမ်း အနီးကပ်စောင့်ကြည့်သည်။ သူ တစ်နေ့ ပျောက်ကွယ်သွားမည်ကိုကြောက်ရွံ့နေမိသည်။

အတိတ်ကာလတွင်မူ အော်ဂတ်စတင်းက သူ့အား နာနိုကွန်ပြူတာမှတစ်ဆင့် ကြည့်ဖူးသော်လည်း ယခုသူက သူ့ရှေ့တွင်ရှိနေပြီဖြစ်သည်။ သူက သူ့ကိုယ်ပိုင်မျက်လုံးများဖြင့် ရွှယ်လင့်ကို ငေးကြည့်လိုသည်။

ရွှယ်လင်က ကူကယ်ရာမဲ့စွာဖြင့် သူ့ခြေထောက်ကို အမျိုးသားလက်ထဲမှဆွဲထုတ်ကာ ထိုလူ့ခြေထောက်များပေါ်တွင် တိုက်ရိုက်တက်ထိုင်ရန် တက်လာသည်။ သူက သူ့လက်မောင်းနှစ်ခုလုံးနှင့် အော်ဂတ်စတင်း၏လည်ပင်းအား ထွေးပတ်ထားပြီး ထိုလူအား စိတ်လုံခြုံမှုပေးရန်အတတ်နိုင်ဆုံးကြိုးစားလိုက်သည်။

“ အို… ခင်ဗျား စိတ်မသက်မသာဖြစ်နေတုန်းဆိုတာ ကျွန်တော်သိတယ်…ဒါပေမဲ့ ခင်ဗျား ဒီလိုမျိုးဆက်လုပ်မယ်ဆိုရင် ကျွန်တော် မပျော်တော့ဘူးလေ…”

ထိုသူက သူ့နှုတ်ခမ်းများကို တင်းတင်းစေ့ထားသည်။

ရွှယ်လင်က သူ့နှုတ်ခမ်းပေါ်သို့နမ်းရန်အတွက် သူ့အပေါ်မှီလာရင်း မေးလိုက်သည်။

" ခင်ဗျားရဲ့မျက်လုံးထဲမှာ…ကျွန်တော်က အားနည်းလို့ တခြားသူတွေနဲ့ ညှိနှိုင်းချင်တဲ့သူပုံစံမျိုးပေါက်နေလား… ”

ထိုသူက သူ့ခေါင်းကို စောင်းလိုက်သည်။ ရွှယ်လင့်၏ပုံရိပ် ယောင်ပြန်ဟပ်နေသော သူ့မျက်လုံးများက အပြာရင့်ရင့်ဖြစ်နေသည်။ သူက လူတစ်ယောက်လုံးအား သူ့နှလုံးသားထဲသို့ ဆွဲခေါ်ချင်နေသကဲ့သို့ပင်။ 

 ”ဟင့်အင်း…"

၎င်းက ပြဿနာမဟုတ်မှန်းသိသော်လည်း သူ့နှလုံးထဲမှ မငြိမ်မသက်မှုများက ပြန်လွှတ်ချထားရန်မလွယ်ကူတော့ပေ။ နောက်ဆုံးတွင် ထိုလူငယ်လေးမှာ တစ်ယောက်ယောက်၏ ဇနီးမယားဖြစ်နေဆဲပင်ဖြစ်သည်။

သူတွေးနေသည်များကို မသိ၍ ရွှယ်လင်က ရယ်မောရမည်လား ငိုရမည်လားပင် မသိတော့ကာ သူ့လက်သီးနှင့် ခပ်ဖွဖွထိုးလိုက်ပြီး ဆက်ပြောသည်။ 

" ခင်ဗျား တစ်နေ့လုံး အဆင်ပြေမနေဘူးဆိုတာ ကျွန်‌တော့် ခေါင်းပေါ်မှာ မင်းသမီးဆိုတဲ့ ဘွဲ့နာမည်ရှိနေလို့မလား…အဲ့အတွက် ကျွန်တော့်ကိုတွယ်ကပ်နေရတာမလား…"

“ စိတ်အဆင်မပြေဖြစ်တာတော့ မဟုတ်ပါဘူး… ” 

ထိုလူက ငုံ့ကြည့်ကာ သူ့မျက်နှာပေါ်သို့ ခပ်ဖွဖွနမ်းလိုက်သည်။

“ ကိုယ် နှစ်သက်တဲ့သူက အခြားသူတစ်ယောက်ရဲ့ အမည်ခံဇနီးဖြစ်တာကိုသိရင် ဘယ်သူကပျော်မှာလဲ… ” 

ရွှယ်လင်က ဒေါသတကြီး ပြန်ဖြေသည်။

“ ဘယ်သူက ဇနီးလဲ…ကျွန်တော်က မင်းသမီးဖြစ်ပေမဲ့ မင်းသားရဲ့ဇနီးမဟုတ်ဘူး… ”

ထိုလူက သူ့အင်္ကျီ လက်ခေါက်သားအား ပြန့်အောင်သပ်ချလိုက်သည်။

“ တကယ်လို့ ခင်ဗျားအဲ့လောက်ဂရုစိုက်နေရင် ... ” 

ရွှယ်လင်က သူ့မျက်လုံးများကို မှေးကြည့်ကာ အချိန်ကိုတွက်နေလိုက်သည်။ သူ ပြောနေရင်း ရုတ်တရက် ထရယ်မောလိုက်သည်။

“ ဒါဖြင့် ခင်ဗျားကို သတင်းနည်းနည်းမျှဝေရမယ်… သူတို့က ကျွန်တော့်ရဲ့အမည်ခံခင်ပွန်းကို ရှာတော့မယ်…”

“ သူ့ကိုသတ်ပစ်လိုက်…” 

အော်ဂတ်စတင်းက လုံးဝတွန့်ဆုတ်မနေပဲ ထိုစကားမျိုးပြောလိုက်သည်။

ရွှယ်လင်က မျက်မှောင်ကြုတ်လျက် ပြန်ပြောသည်။

“ ကျွန်တော်ပြောပြီးပြီ… ခင်ဗျား သူ့ကိုမထိရဘူး… သူသေရင် ကျွန်တော်ဘယ်လိုကွာရှင်းရမှာလဲ… ခင်ဗျားမှာ ဦးနှောက်ရောရှိသေးရဲ့လား… ”

အော်ဂတ်စတင်းက အေးတိအေးစက် နှာရှုံ့ပြသည်။

ရွှယ်လင်က သူ့မျက်နှာကို ဖျစ်ညှစ်လိုက်သည်။ ဘာကြောင့်ဖြစ်သည်ကို မသိသော်လည်း ဤကမ္ဘာပေါ်မှ ထိုယောကျာ်းက အလွန်ချစ်စရာကောင်းသည်ဟု သူထင်မိသည်။

သူ၏ ကြောက်မက်ဖွယ်သော စိတ်ဘက်ခြမ်းနှင့် မကြုံဖူးသောကြောင့်လည်း ဖြစ်နိုင်သည်။

“ အားလုံးအဆင်ပြေပါတယ်…” 

ရွှယ်လင်က ပြန်ဖြေသည်။

“ ပြီးတော့ သူက သူနဲ့အတူ တစ်ယောက်ယောက်ကို ပြန်ခေါ်လာလိမ့်မယ်… ”

.....

ထိုအချိန်တွင် တော်ဝင်မင်းသားက သူ့မှတ်ဉာဏ်ကိုပြန်လည်ရရှိထားပြီးဖြစ်သည်။

ကျယ်ပြန့်သော အာကာသအတွင်းတွင် အာကာသယာဉ်၏ ပြတင်းပေါက်မှကြည့်သောအခါ မှောင်မိုက်နေပြီး အနှောင်အဖွဲ့မရှိ အဆုံးမဲ့နေသော လွတ်ဟာနေမှုကိုသာ မြင်နိုင်သည်။

ယခုအချိန်တွင် လူသာက ရပ်စဲလ်အားကာကွယ်ရန် သူ့နောက်သို့ပို့လိုက်သည်။ ထို့နောက် သူတို့၏ အရပ်သားခရီးသည်တင်ယာဉ်ပေါ်သို့ တက်နေသော ကြယ်စဉ်စုပင်လယ်ဓားပြများအား အေးတိအေးစက် ကြည့်လိုက်သည်။ သူ အလွန်မကောင်းသော ခံစားချက်မျိုးရလိုက်သည်။

“ လူတိုင်း…ဒူးထောက်ပြီး မင်းတို့ရဲ့လက်ကို ခေါင်းနောက်ပစ်ထား…” 

တစ်စုံတစ်ယောက်၏အသံ ထွက်လာပြီးနောက် သူတို့လက်ထဲမှ သေနတ်သံများပါ ထွက်လာသည်။

မှန်သည်။ စက်ယန္တရားများနှင့် အာကာသယာဉ်များ ရှိသော်လည်း အနီးကပ် တိုက်ခိုက်ရေးများက ရှိနေဆဲပင်ဖြစ်သည်။ သေနတ်များကဲ့သို့ ပြင်းထန်သောလက်နက်များ ရှိနေဆဲဖြစ်သော်လည်း ၎င်းတို့က လွန်ခဲ့သောနှစ်သန်းပေါင်းများစွာက သေနတ်များနှင့်မတူပေ။ သူတို့က ဘီတာများကိုပင် သေစေလောက်သည်။ အယ်လ်ဖာများအတွက်မူ အန္တရာယ်ရှိသည်။ သို့သော် အိုမီဂါများအတွက် လုံးဝအန္တရာယ်မရှိပေ။

ကောင်းပြီ…ဟုတ်တယ်…ဒါကဆက်ဆီကျပြီးအမိုက်ဆုံးသေနတ်ပဲ…

“ လူသာ… ငါတို့ဘာလုပ်ကြမလဲ…” 

ရပ်စဲလ်က စိတ်လှုပ်ရှားနေသည်။ သူက ရင့်ကျက်သည့်အရွယ်ရောက်နေပြီး ဆယ်ကျော်သက်အရွယ်ကဲ့သို့ ပြုမူခြင်းမရှိသော်လည်း မွေးဖွားလာချိန်မှစ၍ ပထမဆုံးအကြိမ် အရပ်သားအာကာသယာဉ်ပေါ်သို့ တက်စီးဖူးခြင်းဖြစ်သည်။ သူက ကမ္ဘာကြီးအပေါ် သူ့အမြင်ကို ကျယ်ပြန့်စွာ မထုတ်ပြနိုင်သေးပေ။ ဤသို့သော အခြေအနေမျိုးနှင့်ရင်ဆိုင်ရသောအခါ ရပ်စဲလ်က သူတို့ပတ်၀န်းကျင်ရှိလူများနှင့်အတူတူပင်ဖြစ်သည်။

ရပ်စဲလ်က သူ့လက်ကိုဆွဲကာ သမျက်နှာပေါ်တွင် စိုးရိမ်ပူပန်သောအမူအရာနှင့် ထုတ်ဖော်မေးမြန်းပြသောအခါ လူသာ့မျက်လုံးများထဲတွင် သူက ရပ်စဲလ်၏ အထူးမှီခိုမှုကို ကိုယ်စားပြုခံရသည်ဟုခံစားလိုက်ရသည်။ လူသာက ဤသည်မှာ အလွန်စိတ်ကျေနပ် နှစ်သက်ဖွယ်ဖြစ်ကြောင်း သိလိုက်ရသည်။

အရပ်ဘက်အာကာသယာဉ်၏ ရှုပ်ထွေးနေသော ခရီးသည်များအကြား တင်းမာမှုများ ပျံ့နှံ့လာသည်။ အနီးအနာတွင် ရှိနေခဲ့သော မင်းသား၏တော်ဝင်အစောင့်မှူးက ရွှယ်လင်အားသူတို့၏နောက်ဆုံးအခြေအနေများကို သတင်းလှမ်းပို့လိုက်သည်။ သူက အနည်းငယ်ပင်ပန်းနေသော်လည်းမင်းသမီးထံမှ နှစ်သိမ့်ပေးသောစကားလုံးများကို ကြားလိုက်ရသောအခါ သူစိတ်သက်သာရာရနေဆဲ ဖြစ်သည်။

တော်ဝင်မင်းသမီးက အလွန်နူးညံ့သိမ်မွေ့သောကြောင့် မည်သည့်စကားလုံးမျှ ထပ်မထည့်ဘဲ သူတို့၏ရှုထောင့်မှသာ အရာရာကိုစဉ်းစားပေးလိမ့်မည်။ သူက မင်းသားအား သူတို့ထက်ပို၍ လွမ်းဆွတ်နေသည်မှာ သိသာသည်။ သို့သော် သူက သူတို့အား အတင်းအကြပ်တိုက်တွန်းခြင်းမရှိဘဲ နှစ်သိမ့်မှုများသာပေးသည်။ မင်းသားအား ကျိန်းသေတွေ့လိမ့်မည်ဖြစ်၍ အလွန်စိတ်ဓာတ်မကျစေရန် သူတို့အား ပြောသည်။

တော်၀င်မင်းသားအား သူ့ကံကြမ္မာအတွက် မည်မျှအကြိမ်ကြိမ်မနာလို ဖြစ်ခဲ့ရသည်ကို ထိုကိုယ်ရံတော်အစောင့်က မသိပေ။ သူ ရုတ်တရက် အစီရင်ခံစာကို ကြားရသောအခါ နောက်ထပ် သက်ပြင်းချရတော့မည်။

 “ ဆရာ… အရပ်ဘက်အာကာသယာဉ်ကနေ အကူအညီတောင်းခံနေတယ်… သူတို့ကို ကြယ်စဉ်စုပင်လယ်ဓားပြတွေက ပြန်ပေးဆွဲနေလို့တဲ့… ”

နောက်ဆုံးတွင် အနားယူတော့မည့် ကိုယ်ရံတော်အစောင့်က ပျင်းကြောဆန့်လိုက်သည်။ ၎င်းက သူတို့မစ်ရှင်၏ အစိတ်အပိုင်းမဟုတ်သော်လည်း သူတို့မှာ စစ်သားများဖြစ်ပြီး လူများကိုကယ်တင်ခြင်းက အရေးကြီးသောကိစ္စဖြစ်သည်။ ကိုယ်ရံတော်အစောင့်က မတ်တပ်ရပ်လိုက်ပြီး မင်းသမီးတော်နှင့်ခေါ်ဆိုမှုမှာ အဆက်ပြတ်ခြင်းမရှိသေးကြောင်း တွေ့လိုက်သည်။

သူ အရိုအသေးပေး၍ သတင်းအစီရင်တင်ပြခါနီးတွင် မင်းသမီးက ထိုသို့ပြောလာသည်။

"အဲဒီမှာတစ်ခုခုဖြစ်နေတယ်မလား…မြန်မြန်ဆန်ဆန် ကိုင်တွယ်လိုက်ပါ….သူတို့အားလုံးက အင်ပါယာကလူတွေပဲ… လူတွေကိုကယ်ဖို့ အကောင်းဆုံးကြိုးစားသင့်တယ်…”

ကိုယ်ရံတော်အစောင့်ကပ္ပတိန်က စစ်တပ်၏ ပုံမှန်နှုတ်ခွန်းဆက်စကားနှင့် လေးစားစွာပြန်လည်ဖြေကြားသည်။ 

“ ကျွန်တော်တို့က တော်ဝင်မျိုးနွယ်ရဲ့ ယုံကြည်မှုကိုသစ္စာဖောက်မှာမဟုတ်ပါဘူး…"

လေးနက်သောအမူအရာဖြင့် နှစ်သိမ့်မှုပေးသောမင်းသမီးက ဆက်သွယ်မှုကို ပိတ်လိုက်သောအခါ သူဘာလုပ်ရမည်မှန်း မသိပေ။ 

ရွှယ်လင်က သူ့အနားမှလူကို ခွထိုင်လိုက်ကာ ကော်လံမျတဆင့် ဦးခေါင်းကိုဆွဲချ၍ နှုတ်ခမ်းများကို နမ်းကာပြောနေသည်။

“ အချစ်ရေ…ကျွန်တော့်ခင်ပွန်း ပြန်လာတော့မယ်…"

အော်ဂတ်စတင်းက သူ့ပေါင်ပေါ်သို့ ဖြားယောင်းသွေးဆောင်မှု ရောက်လာတိုင်း မလှုပ်မယှက် ငြိမ်နေတတ်သည့်သူမျိုးမဟူတ်ပေ။ သူက သူ့ချစ်သူ အသက်မပြည့်သေးသည့်အတွက်သာ သူ့စိတ်များကို တစါချိန်လုံးချုပ်တည်းထားရသည်။ ထိုသို့မျိုး ပြုလုပ်ခြင်းက ထိုသူ့ကျန်းမာရေးအတွက် မကောင်းသောကြောင့်လည်းပါသည်။ ထိုလူငယ် ပြောနေသည်ကိုနားထောင်စဉ် သူ့မျက်လုံးများ မှေးလာသည်။ သူက သူ့မေးစေ့ကိုကိုင်လိုက်ကာ ခေါင်းကိုငုံ့၍ သူ့အား ပြန်နမ်းလိုက်သည်။

အလွန်ချစ်စိတ်ပြင်းပြသော အနမ်းမျိုးဖြစ်သည်။ လူနှစ်ယောက်၏ ခနွာကိုယ်မှာ အတူတကွ ထွေးယှက်ထားနေပြီး သူတို့အကြားအနည်းငယ် လစ်ဟာနေမှုမျိုးပင် ရှိမနေပေ။ ထိုလူငယ်၏ ကိုယ်ခန္ဓာတစ်ခုလုံး ရေအိုင်ငယ်လေးနှင့်တူလာသည်အထိ နမ်းနေခဲ့ပြီး သူနှင့်ပို၍ နီးကပ်စွာ ကလူကျီစယ်ရင်း ဖျစ်ညှစ်ထားသည်။

သို့သော် ထိုလူက မိမိကိုယ်ကို ပြန်လည်ထိန်းနိုင်ခဲ့သည်။ သူက သူ့ခေါင်းကိုပွတ်သပ်ကာပြောလိုက်သည်။

 “ မင်းရဲ့ ခင်ပွန်းကိစ္စပြတ်တာနဲ့ မင်းအရွယ်ရောက်သင့်နေပြီ…” 

သူ့မျက်လုံးများထဲတွင် ပြင်းထန်သောသားရဲတစ်ကောင်ရှိနေပုံရသည်။ ထိန်းချုပ်ခြင်းကင်းမဲ့နေပြီး သူရှေ့ရှိ ထိုလူအား ဆွဲဖြဲပစ်ကာ မျိုချပစ်ရန် ကြိုးစားနေပုံရသည်။

အဘယ့်ကြောင့်ဆိုသော် ထိုလူငယ်၏ အရသာက အလွန်အံ့ဩစရာကောင်းသည်။

ရွှယ်လင်က သူ့ခေါင်းကို သူ့ပွေ့ဖက်မှုကြားတိုးဝင်လိုက်ကာ ပခုံးများလှုပ်ခါလာသည်ထိ ရယ်မောနေလိုက်သည်။ အခြားအကြောင်းပြချက်မရှိပေ။

ခင်ပွန်း ဟူသောစကားလုံး သူ့နှုတ်မှထွက်လာသည်က သူ့အတွက် အချိန်ကြာမြင့်စွာရယ်မောစေရန် လုံလောက်သည်။

သူ့အား ရယ်မောနေစဉ် ထိုလူကိုလှောင်ပြောင်ရန် စွမ်းအင်အလုံအလောက်ပင် ကျန်ရှိနေသေးသည်။ 

“ ခင်ဗျားကို ဒီလောက်ကြာကြာအိပ်ဖို့ ဘယ်သူကပြောလို့လဲ… တကယ်လို့ ကျွန်တော်သာ တော်ဝင်မိသားစုနဲ့ လက်မထပ်ခဲ့ရင် ခင်ဗျား အိပ်နေခဲ့တဲ့နေရာကို ဘယ်လိုမြင်နိုင်မှာလဲ…ဒီဘ၀မှာ ကျွန်တော့်ကိုတစ်ခါမှ မမြင်ဖူးလိုက်ရရင်ရော…ဘယ်တော့မှပြန်နိုးမထလာရင်ရော… ကျွန်တော့်ဘဝကို မုဆိုးမတစ်ယောက်အနေနဲ့ ကုန်ဆုံးရမှာလား…”

အော်ဂတ်စတင်းက သူ့အားထိုစကားများ ပြောနေသည်ကို မခံစားနိုင်ပေ။ သူက ခေါင်းကို ငုံ့လိုက်ကာ သူ့နှုတ်ခမ်းများကို ထပ်မံတံဆိပ်ခတ်လိုက်သည်။

လူနှစ်ဦးသား အချစ်စိတ်အားထက်သန်မှုနှင့် အလွန်အလုပ်များနေပြီး တော်ဝင်မင်းသားကလည်း သူတို့ထက် ပိုမသာနိုင်တော့ပေ။ အိုမီဂါ Heatကြောင့် ထွက်လာသော ဓာတုအချက်ပေးမှုက အရပ်ဘက်အာကာသယာဉ်တစ်ခုလုံးပြည့်နှက်သွားသည်။ လူသာက ရပ်စဲလ်ကို အခန်းထဲသို့ခေတ္တစေလွှတ်လိုက်ကာ သီးခြားခွဲထားလိုက်သည်။ 

ရပ်စဲလ်က သူ့အတွက်ရည်ရွယ်ထားသော သေနတ်ပစ်ချက်ကို ပိတ်ဆို့ရှောင်တိမ်းရန် အလျင်အမြန်ပြေးဝင်လိုက်သည်။ အိုမီဂါများက သေနတ်ဒဏ် ထိခိုက်မှုမခံစားရသော်လည်း ရပ်စဲလ်၏ ဓာတုအချက်ပြမှုအား လှုံ့ဆော်ပေးကာ သူက အရွယ်ရောက်စောနေသောကြောင့် heat အစပိုင်းသို့ တန်းရောက်သွားသည်။ ကံကောင်းထောက်မစွာဖြင့် ထိုအာကာသယာဉ်အပေါ်တွင် အယ်လ်ဖာအနည်းငယ်သာ ရှိနေခဲ့သည်။ သူ ထိုနေရာတွင် မရှိခဲ့လျှင် ရပ်စဲလ် မည်သို့သော ကံကြမ္မာမျိုးနှင့် ကြုံဆုံရမည်ကို တွေးရင်း လူသာမျက်စိများနီရဲလာသည်။

သူ့အတွက် ရည်ရွယ်ထားသော သေနတ်ပစ်ချက်ကို ရပ်စဲလ်က ဝင်ခံသွားသည့်မြင်ကွင်းအား သူ့အတွေးထဲတွင် ထပ်ခါထပ်ခါ ပြန်မြင်ယောင်နေသည်။ အတိတ်မှ မှတ်ဉာဏ်များနှင့် လက်ရှိ အတိတ်မေ့နေစဉ်က မှတ်ဉာဏ်များရောယှက်နေကာ လူသာ့မှတ်ဉာဏ်များအားအလွန်ရှုပ်ထွေးနေစေသည်။ သူက ရပ်စဲလ်အား အမြင့်ဆုံးလုံခြုံရေးအခြေအနေများရှိသည့် အခန်းတစ်ခန်းတွင် မထားမီ အာကာသယာဉ်ပေါ်တက်ခဲ့သည့် ကြယ်စဉ်စုပင်လယ်ဓားပြများအားလုံးကို သတ်ပစ်လိုက်သည်။ နောက်ဆုံးတွင် သူက အာကာသယာဉ်ပေါ်ရှိ လူများအား ကယ်ဆယ်ရန် ရောက်လာသောအစောင့်များကို ခွင့်ပြုလိုက်သည်။

တော်ဝင်မင်းသားက ပြည်သူအားလုံးကို ဂရုစိုက်ရန် နှင့် ကြယ်စဉ်ဓားပြများကို ဖမ်းရန် အစောင့်များအား အမိန့်မပေးမီ သင်္ဘောပေါ်တက်ခဲ့သောကိုယ်ရံတော်အစောင့်ကပ္ပတိန်က မင်းသားထံ သူ့စိတ်ခံစားချက်များ ထုတ်ဖော်ပြောရန်အချိန်ပင် မရလိုက်ပေ။

သူတို့က ဓားပြတစ်ယောက်ကိုမှ အလွတ်ပေးလိုက်မည်မဟုတ်ပေ။

တော်ဝင်မင်းသား အမိန့်ပေးပြီးနောက် အခန်းထဲသို့တည့်တည့်ဝင်သွားကာ တံခါးကိုသော့ခတ်လိုက်သည်ကို သူက ကူကယ်ရာမဲ့စွာ ကြည့်နေမိသည်။

ကိုယ်ရံတော်အစောင့်က အတော်အတန်ရှုပ်ထွေးနေသော်လည်း ဖြစ်ပျက်ခဲ့သမျှကိုသိသော သင်္ဘောသားများကိုလွှဲပြောင်းယူရန် လူများအား မေးမြန်းရန်အတွက် အလျင်အမြန်လုပ်ဆောင်နေသည်။

အခန်းထဲတွင် မင်းသားနှင့်အတူ အာကာသယာဉ်ပေါ်သို့တက်လာသည့်heatဖြစ် နေသောအိုမီဂါ ရှိနေသည်ကို သူသိသွားသောအခါ ကိုယ်ရံတော်အစောင့်ကပ္ပတိန်က

အေးတိအေးစက်ဖြစ်သွားသည်။ သူ့ရှေ့တွင် မင်းသမီး၏ပုံရိပ် ပေါ်လာပြီး ထိုကိုယ်ရံတော်အစောင့်က အလွန်ကြီးမား လေးနက်သောပြဿနာ ဖြစ်နေကြောင်း သဘောပေါက်သွားသည်။

အင်ပါယာက ဖရိုဖရဲဖြစ်လာတော့မည်ဖြစ်သည်။

🦊🦊🦊