MM Story Teller

Chapter 57

Viewers 3k

🦊Chapter 57

Arc 4 - စွန့်ပစ်ခံ မင်းသမီးလေး

4.14 ဘာလို့ 'ဧကရီ' လဲ...

"ဒါက ငါ့နန်းတော်ပဲ... ငါ ပြန်လာချင်တဲ့အချိန် ပြန်လာလို့ရတယ်..."

လူသာက ဂရုမစိုက်သလို ပြောလိုက်သည်။

ရွှယ်လင် မထိန်းနိုင်ဘဲ ရယ်လိုက်လေသည်။ သူက အရာအားလုံးကို ထိန်းချုပ်နိုင်သည်ဟု ထင်နေသော မင်းသားကို ထူးဆန်းစွာကြည့်ပြီး မေးလိုက်သည်။

" အရှင်မင်းသား ဒီလို ယုံကြည်ချက်အပြည့်က ဘယ်က ရတာလဲတော့ မသိပေမဲ့ ကျွန်တော့်ကို ရယ်အောင် လုပ်ပေးတဲ့အတွက် ကျေးဇူးပါပဲ..."

လူသာ သူ့ကို စူးစူးစိုက်စိုက် ကြည့်လိုက်လေသည်။

" အက်ရှလေ မင်း ငါ့ရှေ့မှာ ဒီလိုပုံစံ လုပ်ပြနေစရာ မလိုပါဘူး..."

သူ ပေါ့ပါးစွာ ပြောလိုက်သည်။

" မင်း ဘာကိုလိုချင်တယ်ဆိုတာ ငါသိတယ် မင်းလည်း ငါနဲ့ ကွာရှင်းချင်တယ်ဆိုတာ မဖြစ်နိုင်လောက်ဘူး... အက်ရှလေ မင်း ရှေ့ကိုတိုးဖို့ နောက်တစ်လှမ်း ဆုတ်မယ်ဆိုရင်တောင် ဒီခြေလှမ်းကတော့ ဆိုးဆိုးဝါးဝါးကို မှားယွင်းနေတာ..."

"အိုး..."

ရွှယ်လင်က စိတ်အနှောင့်အယှက် ဖြစ်မသွားဘဲ အနည်းငယ် အံ့အားသင့်သွားသလိုသာ တုံ့ပြန်လိုက်သည်။

" ကလေးဘဝတည်းက မင်းရဲ့ ရည်မှန်းချက်က ဘုရင်မ ဖြစ်ဖို့လေ... မင်းက အဲဒါကို အရမ်း စွဲလမ်းနေတာမလား ငါဘယ်လိုဆိုတာကိုလည်း မင်း ဂရုမစိုက်ပါဘူး... မင်းသားနေရာမှာ ဘယ်သူဖြစ်ဖြစ် မင်း သူ့ကို လက်ထပ်ပြီး မင်းသမီးဖြစ်လာမှာလေ... ဘာလို့ဆိုတော့ မင်းသမီး ဖြစ်ပြီးရင် ဘုရင်မ ဆက်ဖြစ်ဖို့က မင်း အရယူဖို့ ဆုံးဖြတ်ခဲ့တဲ့လမ်း ဖြစ်နေလို့ပဲ... အက်ရှလေ ငါမင်းကို ကောင်းကောင်းသိတယ် မင်း ဘယ်တော့မှ မင်းရဲ့ လမ်းကြောင်းကို နောက်ဆုတ်မှာ မဟုတ်ဘူး..."

လူသာက သရော်လိုက်သည်။

ရွှယ်လင် လူသာကို ထူးဆန်းစွာ ကြည့်လိုက်ပြီး သူ၏ ဦးနှောက်တွင် ထူးဆန်းသော အကြံဥာဏ်များဖြင့် ပြည့်နေသောကြောင့် အနည်းငယ် အံ့ဩသွားလေသည်။

သို့သော် လူသာပြောသည်က မှန်၏။ ဤခန္ဓာကိုယ်၏ မူလပိုင်ရှင်က ထိုသို့သော စိတ်မျိုးရှိ၏။ ထိုသို့မဟုတ်ပါက သူ့တွင် ကစားရန် ကတ်ကောင်းများ ရှိနေချိန်၌ပင် ဆိုးဆိုဝါးဝါး ကစားခံလိုက်ရပြီး ရှုံးနိမ့်သွားမည် မဟုတ်ပေ။

" ကျွန်တော့်ရဲ့ လမ်းကြောင်းတွေကို နောက်မဆုတ်ပါဘူး ... ပြောရရင်တော့ တခြားဆီပဲ ခင်ဗျားကို ကွာရှင်းတာက ကျွန်တော့်ရဲ့ အစီအစဥ်တွေ စတော့မယ်ဆိုတဲ့ လက္ခဏာပဲလေ..."

ရွှယ်လင်က ပြုံးနေပြီး တည်ငြိမ်အေးဆေးနေလေသည်။ ထိုအရာက သူ့ကို လက်ထဲတွင် ထိန်းချုပ်ထားနိုင်သည်ဟု ခိုင်ခိုင်မာမာ ယုံကြည်နေသော လူသာကို အနည်းငယ် ခက်ခဲသည်ဟု ခံစားရစေသည်။ သို့သော် သူက မည်သည့်နေရာမှ ရောက်လာမှန်းမသိသော အေးစိမ့်မှုများကို ဘေးဖယ်ထားလိုက်ကာ ပြုံးနေသော လူငယ်လေးကို အေးစက်သော အမူအရာဖြင့် ကြည့်လိုက်သည်။

" ငါ့ထက် ဘုရင်ဖြစ်ဖို့ ပိုသင့်တော်တဲ့ ဒုတိယလူကို ကြယ်တွေအနှံ့ မင်းရှာတွေ့နိုင်မှာ မဟုတ်ဘူး..."

"အဲ့တော့ ဘာဖြစ်လဲ... ခင်ဗျားက ဘာပြောချင်တာလဲ..."

ရွှယ်လင် အနည်းငယ် သိချင်နေသည်။

" ရောက်လာတည်းက ကြောက်နေတဲ့ ခင်ဗျားရဲ့အိုမီဂါ ကို ချော့မော့နေဖို့လည်း ခင်ဗျားရဲ့ ကိုယ်ပိုင်နေရာမှာ မနေဘူး... နောက်ပြီး အခု ခင်ဗျားရဲ့ ထိန်းချုပ်နိုင်မှု ဘယ်လောက်ရှိလဲဆိုတာလည်း သွားမကြည့်ဘူး... အဲ့အစား ခင်ဗျားက နန်းတော်ကို ဒါတွေပြောဖို့ ရောက်လာတယ်ပေါ့... အရှင်မင်းသားက ကျွန်တော့်ကို ကွာရှင်းဖို့ ဘာကိစ္စအတွင်တွင် ငြင်းနေတာလဲ..."

မင်းသား၏ အမူအရာက အေးစက်နေပြီး စကား မပြောခဲ့ပေ။

သူ အက်ရှလေကို အခုချက်ချင်း မကွာရှင်းနိုင်သည်မှာ အမှန်ပင်။ သူ အရာအားလုံးကို ထိန်းချုပ်နိုင်သည်ဟု ထင်နေသော်လည်း ကွာရှင်းမှုက ယခုအချိန် မဖြစ်သင့်ပေ။ သူနှင့် အက်ရှလေ ကွာရှင်းလိုက်ပါက ရိုင်းန်မိသားစုက သူ့ဆန့်ကျင်ဘက်သို့ ရောက်သွားမည်ဖြစ်ပြီး သူ့ကို ပို၍ သတိထားလာမည်ပင်။ မူလတည်းက သူ့ဘက်တွင် မရှိသော လူများကလည်း သူ့ဆန့်ကျင်ဘက်သို့ လုံးဝ ရောက်သွားမည်ဖြစ်၍ လှုပ်ရှားရန် ပိုခက်ခဲသွားပေလိမ့်မည်။

သူ၏ တောင့်တင်းနေသော မျက်နှာကို တွေ့သောအခါ ရွှယ်လင် ကျယ်လောင်စွာ ရယ်လိုက်သည်။ မင်းသားက သူ့ကို စကားတစ်ခွန်းမှ မပြောခဲ့ပေ။

"အရှင်မင်းသား..."

ရယ်ရလွန်းသောကြောင့် သူ၏ ခန္ဓာကိုယ်က ကိုင်းညွတ်နေပြီး ပါးပြင်များက နီရဲနေကာ ဆွဲဆောင်မှုရှိနေလေသည်။

" ခင်ဗျားက အမြဲတမ်း ဒီလိုပဲ တုံးအတာလား... ခင်ဗျား ရိုင်းန်မိသားစုကို လွတ်လွတ်လပ်လပ် ရင်ဆိုင်နိုင်မယ်လို့ ထင်နေတုန်းလား...ဘာတွေဖြစ်နေတယ်ဆိုတာ ခုထိ မသိသေးဘူးလား..."

"မင်း ဘာပြောချင်တာလဲ..."

" ဒီနေရာက ဘာလဲသိလား...ဒါက အင်ပါယာ နန်းတော်လေ..."

ရွှယ်လင် သူ့ကို ပြုံးကာ ကြည့်လိုက်ပြီး အင်ပါယာဟူသော စကားကို အသံဖိ၍ ရှင်းလင်းစွာ ပြောလိုက်သည်။

" အရှင်မင်းသား ခင်ဗျားကို သမိုင်းစာအုပ်တွေ သွားဖတ်ဖို့ ကျွန်တော် အကြံပေးလိုက်မယ် အဲ့လိုဆိုရင် အခြေအနေကို ခုထက် ပိုနားလည်လာလိမ့်မယ်..."

လူသာ မျက်မှောင် ကြုတ်လိုက်သည်။

"ဒါပေမဲ့လည်း ခင်ဗျား ရောက်နေပြီဆိုမှတော့ ကွာရှင်းစာချုပ်မှာ လက်မှတ်ထိုးသွားလေ..."

ကြယ်များကြားကမ္ဘာတွင် လက်ထပ်ခြင်းက လွယ်ကူသော်လည်း ကွာရှင်းခြင်းသည် အလွန်လေးနက်လေသည်။ ကွာရှင်းရန်လိုအပ်သည့် သက်သေအချက်အလက်များကို နာနိုကွန်ပျူတာမှတစ်ဆင့် ကြယ်တာရာကွန်ရက်၏ အဓိက server ဆီသို့ ပေးပို့ရပြီး အဓိက server သည်လည်း ရရှိထားသော သတင်းအချက်အလက်များအရ မည်သူက ကွာရှင်းရန် တာဝန်ရှိသည်ကို သူ့အလိုအလျောက် ဆုံးဖြတ်မည်ဖြစ်သည်။ ထို့နောက်တွင် နှစ်ယောက်လုံးအတွက် လက်မှတ်ထိုးရန် ကွာရှင်းမှု လက်ခံသည့် သဘောတူစာချုပ်ကို ပေးပို့လေသည်။

ရွှယ်လင်က လူသာ၏ ဖောက်ပြန်နေသော ဗီဒီယို မှတ်တမ်းနှင့် အခြားအရာများကို တင်ပြပြီး ဖြစ်သောကြောင့် ကွာရှင်းရန်စာချုပ်ကို လက်ခံရပြီးပြီပင်။ အဓိက server ၏ သခင်က အော်ဂတ်စတင်းဖြစ်သည့်အတွက် ကွာရှင်းစာချုပ်က သူ့အတွက် အလွန်အကျိုးရှိစေသည်။ အကယ်၍ လူသာက အကြောင်းအရာများကို တင်ပြသူ ဖြစ်လျှင်ပင် သူသည်လည်း တူညီသော ကွာရှင်းစာချုပ်ကို ရမည်မှာ မလွဲဧကန်ပင်။

" ဒီကိစ္စကို ခေါင်းမာနေစရာ အကြောင်းမရှိဘူး... ကျွန်တော်လည်း ခင်ဗျားနဲ့ ဒီဆက်ဆံရေးကို ဆက်ထိန်းမထားချင်ဘူး တော်တော်ကို စိတ်ပျက်ဖို့ကောင်းတာကြီးလေ..."

ရွှယ်လင် မျက်မှောင် ကြုတ်လိုက်ကာ ကွာရှင်းစာချုပ်ကို လှမ်းပေးလိုက်သည်။ သူ ဆိုဖာပေါ်တွင် လက်တစ်ဖက်ကို ထောက်ထားပြီး သူ၏အမူအရာက အနည်းငယ် ထူးဆန်းနေသည်။

လူသာက ကွာရှင်းစာချုပ်ကို ဂရုတစိုက် ဖတ်ကြည့်လိုက်သည်။ ဖတ်နေရင်း သူ၏ အမူအရာက ပို၍ ဆိုးဝါးလာကာ လုံးဝ အဆင်မပြေတော့ပေ။ အဘယ့်ကြောင့်ဆိုသော် သူက အမှားလုပ်ထားသူ ဖြစ်သည့်အတွက် သူ၏ ပိုင်ဆိုင်မှုအများစုကို အက်ရှလေအား လွှဲပြောင်းပေးရမည်ပင်။ ထို့အပြင် ၎င်းတို့အများစုက သူ့လက်ထောက်များပင် သေချာ မသိသော သူ၏လျှို့ဝှက်ပိုင်ဆိုင်မှုများဖြစ်သည်။ သို့သော် ၎င်းတို့ အားလုံး ကြယ်တာရာကွန်ရက်၏ အဓိက serverထံမှစာချုပ်တွင် စာရင်းသွင်းခံထားရလေသည်။

လူသာ အံကြိတ်လိုက်ကာ ရွှယ်လင်ကို ဆုတ်ဖြဲပစ်ချင်နေသလို ကြောက်စရာကောင်းစွာ ကြည့်နေလေသည်။ သို့သော် မကြာမီတွင် သူ၏ မျက်နှာပေါ်၌ ထူးဆန်းသော အမူအရာ ဖြစ်ပေါ်လာလေသည်။

ပန်းရနံ့ကဲ့သို့ အနံ့က လေထုထဲတွင် အနည်းငယ် သင်းပျံ့နေလေသည်။ ၎င်းက အလွန်သဘောကျဖွယ်ကောင်းပြီး လူများကို စိတ်ကျေနပ်နေသည့် အမူအရာများ ဖြစ်ပေါ်စေသည်။

ယခင်က တစ်ခါတွေ့ကြုံခဲ့ဖူးသော လူသာက ၎င်း မည်သည့်အရာဖြစ်သည်ကို သိလေသည်။

၎င်းက အိုမီဂါတစ်ယောက်၏ ဖယ်ရိုမုန်းရနံ့ပင်။ ရပ်စဲလ်၏ ရနံ့က သူ အကြိုက်ဆုံး ကြာပန်းအနံ့ဖြစ်ပြီး သူ့ကို စိတ်မခိုင်ဖြစ်စေကာ အလိုလိုက်ချင်စိတ် ဖြစ်ပေါ်စေသည်။ သူ၏ ရှေ့မှ လူငယ်လေးက ဖူးပွင့်နေသော ဇီးပန်းနံ့လေးပင်။ အေးစက်ကာ မာဆတ်ဆတ်နိုင်သော ရနံ့လေးကို သူ၏ မျက်နှာပေါ်မှ နီရဲနေမှုများနှင့် ပေါင်းစပ်လိုက်သောအခါ တစ်မူထူးခြားသော ဆွဲဆောင်မှုကို ဖြစ်ပေါ်စေသည်။

သူ၏ ဇနီးလောင်းက ချောမောသည်ကို လူသာ ငယ်စဥ်တည်းက သိခဲ့ရသည်။ သူ၏ပုံစံက မီးတောက်မှ အငွေ့လေးလိုပင် တခြားသူများ မရနိုင်ဘဲ ကောင်းကင်မှ နတ်ဘုရားကဲ့သို့ မြင့်မားကာ ဝေးကွာသည့် ပုံဖြစ်နေသည်။ သို့သော် သူ အက်ရှလေ၏ မျက်နှာကို မည်သည့်အခါကမှ မနှစ်သက်ခဲ့ပေ။ အဘယ့်ကြောင့်ဆိုသော် ၎င်းက သူ့ကို တခြားသူများကဲ့သို့ပင် အဝေးမှ ကြည့်နေရသည်ဟု ထင်စေပြီး အထင်အမြင်သေးခံရသလို ခံစားခဲ့ရသောကြောင့်ပင်။

သူ၏ အနာဂတ်အိုမီဂါ ဖြစ်သည်ဆိုလျှင်ပင် လူသာ သူ့ကို လုံးဝ မကြိုက်ပေ။ သို့သော် ယခု ထိုလူကို ရင်ဆိုင်ရချိန်တွင် သူ့ကိုယ်ထဲ လောင်ကျွမ်းနေသလို ခံစားနေရသည်။

စည်းမျဥ်းများအရ အယ်လ်ဖာ တစ်ယောက်က အိုမီဂါတစ်ယောက်ကိုသာ အမှတ်အသား ပေးခွင့် ရှိသည်။ သို့သော် ၎င်းက စည်းမျဥ်းမျှသာ ဖြစ်ပြီး အယ်လ်ဖာက ဒုတိယ အိုမီဂါကို ရုပ်ပိုင်းဆိုင်ရာ အမှတ်အသား မပေးနိုင်ဟု မဆိုလိုပေ။ လူသာ အကြံတစ်ခု ရလိုက်သည်။

အခု အက်ရှလေကို အမှတ်အသားပေးလိုက်ရင် အက်ရှလေ ငါ့ကို ကွာရှင်းလို့ ရတော့မှာ မဟုတ်ဘူး...

အယ်လ်ဖာနှင့် အိုမီဂါတို့ အမှတ်အသား ပေးပြီးသောအခါ သူတို့ကို ခွဲခွာရန် အလွန်ခက်ခဲသွားလေသည်။ သူတို့၏ အမှတ်အသားများကို ဖိအားပေးကာ ဖျက်ပစ်မှသာ ရနိုင်လိမ့်မည်။ သို့သော် ၎င်းက နှစ်ဖက်လုံးကို ပျက်ဆီးစေသည်အထိ အန္တရာယ်များလေသည်။

အက်ရှလေကို အမှတ်အသား ပေးလိုက်ရင် ငါ့လမ်းမှာ လာရှုပ်နေတော့မှာ မဟုတ်ဘူး...

ငါ့ကို ကြည့်ရင်လည်း အထင်သေးသလို ကြည့်မှာ မဟုတ်တော့ဘူး...

နောက်ပြီး အမြင့်မှာ ရပ်နေပြီး လူတိုင်းကို အထင်သေးသလိုလဲ ကြည့်နိုင်တော့မှာ မဟုတ်တော့ဘူး...

ထိုကဲ့သို့သော အတွေးများ လူသာ၏ စိတ်ထဲတွင် ထွက်ပေါ်လာပြီး သူ၏မျက်လုံးများက ပို၍ နီရဲလာလေသည်။ သူ ရွှယ်လင်၏ မျက်လုံးများကို စိုက်ကြည့်နေချိန်တွင် သူ၏ အကြည့်များကသူပိုင်ဆိုင်သော သားကောင်ကို စိုက်ကြည့်နေသကဲ့သို့ပင်။

Heat ဝင်နေသော အိုမီဂါတစ်ယောက်၏ ဖယ်ရိုမုန်း လွှမ်းမိုးမှုကို မည်သည့် အယ်လ်ဖာမှ မလွတ်မြောက်နိုင်ချေ။ အယ်လ်ဖာများတွင် အားကောင်းသော စိတ်စွမ်းအားများရှိပြီး သူတို့၏ ကိုယ်ပိုင်လုပ်ဆောင်ချက်များကို ထိန်းချုပ်နိုင်သော်လည်း သူတို့၏ ရုပ်ပိုင်းဆိုင်ရာ လှုံ့ဆော်မှုများကို ထိန်းချုပ်ရန် မဖြစ်နိုင်ပေ။ ရွှယ်လင် သူ၏ မျက်လုံးများ ပို၍ဝေဝါးလာသည်ကို ခံစားလိုက်ရပြီး အမည်မသိရနံ့များက လေထုထဲတွင် ပြည့်နှက်သွားလေသည်။

သူ၏ ခန္ဓာကိုယ်ကလည်း ပို၍ပူနွေးလာပြီး အပူလှိုင်းများ ဖြတ်သန်းနေသလို ဖြစ်နေသောကြောင့် မတ်တတ်ပင် မရပ်နိုင်ပေ။ သူ့ကိုယ်သူ တည်ငြိမ်စေရန် သူ၏ လက်များကို ဆုတ်ထားပြီး လူသာရှေ့တွင် မလဲကျသွားစေရန် ထိန်းနေရလေသည်။

သို့သော် သူက ဤကမ္ဘာ၏ ပုံစံကို နားလည်သော်လည်း အိုမီဂါတစ်ယောက် heat ဝင်သည့်အခါ မည်သို့ မြင်ကွင်း ဖြစ်မည်ကို အတိအကျ မသိခဲ့ပေ။ ၎င်းက အလွန် အန္တရာယ်များသော မြင်ကွင်းပင်။ အကယ်၍ လမ်းမပေါ်၌သာ ဖြစ်ပါက ဝရုန်းသုန်းကား ဖြစ်သွားမည်ပင်။ အကယ်၍ စစ်ပွဲအတွင်းသာ ဖြစ်ပါ ထိုစစ်ပွဲသည် ရှုံးနိမ့်နိုင်သည်။

အကယ်၍ heat ဝင်နေသော အိုမီဂါတစ်ယောက်သာ အကူအညီ မရခဲ့ပါက သေသည်အထိ အုပ်စုဖွဲ့ မုဒိန်းကျင့်ခံရလောက်သည်။

ကြယ်များကြားရှိကမ္ဘာက ပို၍ ဖွံ့ဖြိုးတိုးတက်ကာ အဆင့်မြင့်သော်လည်း ထိုကဲ့သို heat ဝင်ခြင်းအတွက် ကူကယ်ရာ မဲ့နေဆဲပင်။ ထို့အပြင် ရွှယ်လင်က ဖိအားပေးခံနေရသော ဆန္ဒများကို ထိန်းချုပ်ကာ အသိစိတ်မပျောက်အောင် ပြုလုပ်နေရသည်။ သူ၏ ရုပ်ပိုင်းဆိုင်ရာ အားအင်က သူ့ခန္ဓာကိုယ်၏အပူလှိုင်းများ တစ်ကြိမ်ပြီးတစ်ကြိမ် တိုက်ခိုက် ခံနေရသောကြောင့် မတတ်နိုင်ဘဲ ထိုလူ၏ ရင်ခွင်ထဲသို့ အရည်ပျော်ကျသွားချင်ကာ အလိုလိုက်ခံရပြီး ရက်ပေါင်းများစွာ ကြာသည်အထိ ညဘက်တွင် ပျော်ရွှင်မြူးထူးချင်နေသည်။

ထိုလူက ယခုအချိန်တွင် သူ့အနားသို့ အဘယ့်ကြောင့် ကပ်လာသည်ကိုသာ ခန့်မှန်းနိုင်လေသည်။ သူ၏ heatကာလ စောစီးစွာ ကျရောက်လာမည်ကို သိပါက ထိုလူကို ယနေ့ညတွင် မောင်းထုတ်ရန် မည်သည့်အရာမျှ တားဆီးနိုင်မည် မဟုတ်ပေ။

လူသာက ရှေ့သို့တိုးလာပြီး သူ၏ မျက်လုံးများ နီရဲနေလျက် ရွှယ်လင်ကိုထိရန် လက်လှမ်းလိုက်လေသည်။

" အက်ရှလေ မင်း heat ဝင်နေပြီ..."

သူ့အသံက တိုးလျကာ အက်ရှနေေသောကြောင့် ရွှယ်လင် ကြက်သီးထသလို ခံစားလိုက်ရသည်။ သူ၏ အားအင်များကို အသုံးပြုပြီး အားခဲထားကာ သူ့ကိုယ်သူ မတ်တပ်ရပ်နိုင်ရန် ထိန်းနေရသည်။ သူ နောက်သို့ တစ်လှမ်းဆုတ်လိုက်ပြီး မျက်မှောင် ကြုတ်လိုက်လေသည်။

၎င်းက တစ်လှမ်းမျှသာ ဖြစ်သော်လည်း လူသာ၏ စိတ်ရှည်မှုကို ချက်ချင်း ဆုံးရှုံးသွားလေသည်။

သူ ထိုလူကို မထိခဲ့သည့် အကြောင်းအရင်းမှာ ထိုလူက ဘဝင်မြင့်ကာ အဖက်မလုပ်တတ်သောကြောင့်ပင်။ ထို့အပြင် ထိုလူကို သူ့ မျက်လုံးထဲ မည်သည့်အခါကမှ မထည့်ခဲ့ပေ။ သူတို့ လက်ထပ်ပြီးလျှင်ပင် သူ၏ ပြောင်းလဲမှု အရိပ်အယောင် အနည်းငယ်မျှကိုပင် မတွေ့ခဲ့ရပေ။ သူ လိုအပ်သည်မှာ သူ့ကို မှီခိုအားထားမည့် အိုမီဂါတစ်ယောက်ဖြစ်ပြီး လူတိုင်း၏ရှေ့တွင် ပြီးပြည့်စုံသော မင်းသမီးပုံရိပ်ကို ထိန်းသိမ်းနေမည့် အလှပန်းအိုးလိုလူ မဟုတ်ပေ။

အက်ရှလေက သူ၏ နှလုံးသားကို မည်သို့သောအခါမှ နားလည်မှာ မဟုတ်ပေ။ သို့မဟုတ် သူ၏ နှလုံးသားကို နားလည်ရန်လည်း ဆန္ဒ မရှိပေ။

သူ ရွေးချယ်ခဲ့သောလမ်းက စိတ်ခံစားချက်မဲ့နေသည်။ လူတိုင်းသည် သူ့ရှေ့တွင် တူတူပင်။ သူက အင်ပါယာ၏ မင်းသားဖြစ်ပြီး အက်ရှလေ၏ ခင်ပွန်းလောင်းဖြစ်သော်လည်း အက်ရှလေ၏ မျက်လုံးထဲတွင် မင်းသားက သူ့ကို ပိုးပမ်းနေသော သာမန်လူများထက် မပိုပေ။

လူသာ လက်လှမ်းလိုက်ပြီး သူ့လက်ကို ဆွဲလိုက်လေသည်။ အက်ရှလေကို သူ့အနားသို့ ဆွဲတော့မည့် အချိန်တွင် နောက်မှ အားဖြင့် အကန်ခံလိုက်ရလေသည်။ တစ်စုံတစ်ယောက်က သူ၏ နောက်ကျောကို ကန်လိုက်၍ မခုခံနိုင်သော မင်းသားက ကြမ်းပြင်ပေါ်သို့ တိုက်ရိုက် မှောက်ရက် ကျသွားလေသည်။

အသစ်ရောက်လာသူ၏ ဆိုလိုရင်းက တိုက်ရိုက်ဆန်ကာ ပြတ်သားသည်။ နောက်တစ်စက္ကန့်တွင် သူက ရွှယ်လင့်ကို ကိုင်ခဲ့သော မင်းသား၏လက်ကို တက်နင်းလိုက်ပြီး သူ၏ ခန္ဓာကိုယ်အောက်ပိုင်းကို ဦးတည်ကာ ကန်လိုက်ပြီး ပန်းသေအောင် လုပ်လိုက်သည်။

လူသာ နာကျင်မှုကြောင့် ကွေးကောက်နေပြီး သူ၏ စိတ်ပျက်ဖွယ်ကောင်းသော အော်သံက ကောင်းကင်ကိုပင် ဖောက်ထွက်တော့မတတ်ဖြစ်နေပြီး တိတ်ဆိတ်နေသော နန်းတော်ကြီးက ချက်ချင်း အသက်ဝင်သွားလေသည်။

ဧကရာဇ်သည် သူ၏ဖိအားပေးနေသော အရောင်အဝါကို နန်းတော်တစ်ခွင် ထုတ်လွှင့်နေသောကြောင့် လူတိုင်း ထိတ်လန့်ကြောက်ရွံ့နေကြလေသည်။ သူတို့ အခြေအနေကို မသိသော်လည်း ဧကရာဇ်ကို ထိုသို့ဖြစ်အောင် လုပ်ခဲ့သူအတွက် တိတ်တဆိတ် ဖယောင်းတိုင်ထွန်းပေးလိုက်လေသည်။

ဧကရာဇ်နိုးထလာပြီးနောက် ဒေါသထွက်သည်မှာ ပထမဆုံး အကြိမ် ဖြစ်သည်ကို လူတိုင်း သိကြလေသည်။

ဧကရာဇ် ဒေါသထွက်ချိန်တွင် အပြစ်မရှိသော ပြည်သူများ ဒဏ်ခံရလေသည်။ ဧကရာဇ်သည် သူတို့ကို ဆွဲခေါ်ကာ သတ်မည်ကို စိုးသောကြောင့် နန်းတော်ထဲမှ လူများက အသက်ပင် ကျယ်ကျယ် မရှူဝံ့ပေ။

အမှန်က ဧကရာဇ်တွင် သူတို့ကို အာရုံစိုက်ရန်ပင် အချိန် မရှိပေ။ သူက လူသာ၏ ရုပ်ပိုင်းဆိုင်ရာကို သေရာပါ ချို့တဲ့သွားသည်အထိ တစ်ချက်ကန်လိုက်ပြီးနောက် သူ့ကိုယ်ပေါ်သို့ တက်နင်းကာ ရွှယ်လင်ဘက်သို့ လျှောက်သွား၍ သူ့ကို ချီလိုက်လေသည်။

ရွှယ်လင် အစပိုင်းတွင် ရုန်းကန်နေသေးသော်လည်း သူ အသိစိတ်ပြန်ဝင်သောအခါ သူရှေ့မှ လူ၏မျက်နှာကို မော့ကြည့်လိုက်ချိန်တွင် စိတ်သက်သာရာရစွာ သက်ပြင်းချလိုက်သည်။ သူ ယုံကြည်စွာဖြင့် အော်ဂတ်စတင်း၏ အင်္ကျီစကို ဆွဲလိုက်ကာ သူ၏ မျက်နှာကို အော်ဂတ်စတင်း၏ ရင်ဘတ်တွင် ပွတ်သပ်လိုက်တော့သည်။

ထိုသို့ လှုပ်ရှားမှုလေးက အလွန်ချစ်စရာကောင်းသော်လည်း ထိုအခိုက်အတန့်တွင် ၎င်းသည် အော်ဂတ်စတင်းကို ထူးထူးခြားခြား ဆွဲဆောင်နိုင်လေသည်။

သူ ကြမ်းပြင်ပေါ်တွင် လဲနေသော လူသာကို ဂရုမစိုက်တော့ပေ။ ရွှယ်လင်ကို သူ့ရင်ခွင်ထဲထည့်၍ သယ်သွားပြီး မင်းသမီး၏အခန်းသို့ တိုက်ရိုက်ဝင်သွားကာ တံခါးကို ပိတ်လိုက်လေသည်။ လူသာကို ဧကရာဇ်၏နောက်မှ ခပ်မြန်မြန် လိုက်လာကြသော လူများထံတွင် ထားခဲ့လေသည်။ သူတို့က ဧကရာဇ် လုပ်သွားသည်များကို ဗလာဖြစ်စွာ ကြည့်နေပြီး နောက်ဆုံးတွင် အသိစိတ် ပြန်ကပ်လိုက်ကာ ထိုနေရာမှ ကြောက်စရာကောင်းသော အခြေအနေကို စတင် ဖြေရှင်းတော့သည်။

ဧကရီ၏ heat က ထင်ထားသည်ထက် စောစီးစွာ ရောက်လာခဲ့ပြီး လူသာဟုခေါ်သောလူက ဧကရီအပေါ် လှုပ်ရှားမှု ပြုတော့မည်ပင်။

ထိုလူကို တစ်ချက်တည်း သေအောင် မကန်ခဲ့သည့်အတွက်် ဧကရာဇ်၏ ဒေါသက အနည်းငယ် ပျော့သည်ဟု ယူဆနိုင်သည်။ သူတို့သာဆိုလျှင် ကိုယ့် လက်တွဲဖော်ကို ထိတွေ့သူအား သေအောင် ရိုက်သတ်ပစ်မည်ပင်။

သို့သော် ဧကရာဇ်က ထိုလူကို မသတ်ဟုဆိုတည်းက ထိုလူက အသုံးဝင်သည်ဟု ဆိုလိုသည်ပင်။ ဧကရီ၏ အခန်း ကြမ်းပြင်ကို မညစ်ပတ်စေရန် ဤလူကို နန်းတော် မြေအောက်သို့ ဦးစွာခေါ်သွားရမည်ဟု တွေးလိုက်ကြသည်။

လူသာက နာကျင်မှုကြောင့် တစ်ပိုင်းသေနေသလို ဖြစ်နေသော်လည်း ထိုယောင်္ကျား အက်ရှလေကို သူတို့ အခန်းထဲသို့ သယ်သွားသည်ကို ရှင်းရှင်းလင်းလင်း မြင်နိုင်သေးသည်။ သူတို့ထွက်သွားချိန်တွင် ထိုအရပ်ရှည်သော လူ၏ လက်မောင်းထဲ၌ သေးငယ်ပုံပေါ်သော အိုမိီဂါလေးရှိနေပြီး သူတို့ကြားတွင် လေဝင်ပေါက် မရှိလောက်အောင် နီးကပ်နေကြလေသည်။

ထိုမြင်ကွင်းက လူသာကို အလွန် ဒေါသထွက်စေပြီး သူ၏ စိတ်ထိန်းချုပ်မှုများကိုပင် လွတ်ထွက်သွားစေသည်။ သို့သော် သူ၏ ခန္ဓာကိုယ်က အသုံးပြု၍ မရလောက်သည်အထိ တက်နင်းခံထားရသောကြောင့် သူ မတ်တတ်ရပ်ကာ ထိုအခန်းထဲသို့ လိုက်မသွားနိုင်ပေ။

"အပျက်ကောင်..."

သူ အံကြိတ်ထားကာ သူ၏အမူအရာက ရက်စက်နေပုံပေါ်ပြီး ထိုစကားများကို ထုတ်ပြောလိုက်လေသည်။ ထို့နောက်တွင် သူ့ကို ဆွဲထုတ်ရန် တာဝန်ရှိသောလူ၏ သိချင်လိုစိတ်ဖြင့် ကြည့်နေသော အကြည့်များကို တွေ့လိုက်ရသည်။ ထိုလူက ဆောင့်ကြောင့်ထိုင်ကာ သူ့ကို သေချာကြည့်နေလေသည်။

ထိုလူက ကလေးမျက်နှာဖြင့် ငယ်ရွယ်သော လူငယ်လေးဖြစ်သည်။ သူ၏ မျက်နှာပေါ်တွင် နက်နက်ရှိုင်းရှိုင်း အပြုံးဖြင့် မေးလိုက်သည်။

" မင်း အခုလေးတင် ဘာပြောလိုက်တာလဲ..."

လူသာ အကြောက်တရားကင်းမဲ့စွာ ထပ်ပြောလိုက်သည်။

" အပျက်ကောင်လို့ ပြောလိုက်တာလေ..."

အက်ရှလေက အဲ့လူနဲ့ ရှုပ်နေတာ အသိသာကြီး ဒါပေမဲ့ ငါ့ကိုတောင် ဖောက်ပြန်တဲ့လူလို့ ပြောလိုက်သေးတယ်... ဟာသပဲ ရပ်စဲလ် heat ဝင်တာသာ မစောရင် အရင်ဖောက်ပြန်တဲ့လူက အဲ့အပျက်ကောင်ပဲနေမှာ...

ငါ ဘာအမှားမှ မလုပ်ခဲ့ဘူး... ငါက ခြေတစ်လှမ်း နောက်ကျသွားတာပဲ ရှိတယ်...

အက်ရှလေမှာ ကြောက်စရာကောင်းတာ တစ်ခုခု ရှိမယ် ထင်ခဲ့တာ သူက တခြားယောင်္ကျားကို ကပ်တွယ်နေတာ ဖြစ်နေတာပဲ...

ဟားဟား အပျက်ကောင် ...

"အာ ဒီလိုပါးစပ်မျိုးက အင်ပါယာမိသားစုက ဆင်းသက်လာတာ မဟုတ်လောက်ဘူး..."

လူငယ်လေးက မင်းသား၏ မျက်နှာကို ဖြတ်ရိုက်လိုက်သောကြောင့် ယောင်ယမ်းသွားလေသည်။

" မင်း မှတ်ထား ငါတို့ရဲ့ ဧကရီကို အဲ့လို ထပ်ပြောမယ်ဆိုရင် မင်းရဲ့ ကံကြမ္မာက အခု ဖြစ်နေတာထက် ပိုဆိုးသွားမယ် နားလည်လား..."

လူသာ အရိုက်ခံလိုက်ရပြီး ကြောင်တောင်တောင်ဖြင့် ဖြစ်နေလေသည်။ သူ နန်းတော်ထဲမှ ဆွဲထုတ်ခံရသည့်အချိန်အထိ သေချာ နားမလည်သေးပေ။

ဧကရီတဲ့လား...

ဘာလို့ 'ဧကရီ'လဲ...

'ဘုရင်မ' လို့ ပြောသင့်တာ မလား...

🦊🦊🦊

Prev Next