Chapter 58
Viewers 8k
Chapters 237

🊊Chapter 58

Arc 4 - စလန့်ပစ်ခံ မင်သသမီသလေသ

4.15 - သူ ဆန္ဒရဟိသ၍ လူတိုင်သကို သူ့အတလက် ရူသအောင် လုပ်နိုင်တယ်



ဖယ်ရိုမုန်သရနံ့မျာသက အခန်သထဲတလင် ပဌည့်နဟက်သလာသလေသည်။ ရလဟယ်လင်က အော်ဂတ်စတင်သ၏ လက်ကို ခပ်တင်သတင်သ ဆုပ်ကိုင်ထာသပဌီသ သူ၏ ကိုယ်ပေါ်တလင် မဟီနေရင်သ ရင်ဘတ်ကို ပလတ်သပ်ကာ မေသလိုက်သည်။

" ဘယ်လိုဖဌစ်ပဌီသ အမဌန်ရောက်လာတာလဲ..."


အော်ဂတ်စတင်သက မတုံ့ပဌန်ပေ။ ထိုအစာသ သူ ရလဟယ်လင်၏ ခန္ဓာကိုယ်ကို အိပ်ယာပေါ်သို့ချပေသလိုက်ကာ သူ၏ အဝတ်မျာသကိုချလတ်ပဌီသ ဘေသသို့ ပစ်လိုက်လေသည်။ 


ရလဟယ်လင်က အိုမီဂါတစ်ယောက်အတလက် ထူသခဌာသသော ခန္ဓာကိုယ် ရဟိနေသော်လည်သ အလလန်သန်မာနေခဌင်သ မဟုတ်ပေ။ သူက အရလယ်မရောက်သေသသောကဌောင့် ဆန့်ကျင်ဘက်အနေဖဌင့် သူ၏ တစ်ကိုယ်လုံသက သေသသလယ်ကျစ်လစ်နေသည်။ ပုံမဟန်ရက်မျာသတလင် သူက ရင်ကော့ခေါင်သမော့ကာ တိကျပဌတ်သာသစလာ လမ်သလျဟောက်တတ်သောကဌောင့် ယခုထက်ပို၍ ခန္ဓာကိုယ်က တောင့်တင်သနေပုံ ပေါ်သော်လည်သ ယခု အော်ဂတ်စတင်သ၏ အောက်တလင် ဖိထာသခံရသောအခါ သူ၏ ခန္ဓာကိုယ်က သေသငယ်နေကဌောင်သ နာသလည်လိုက်သည်။ 


ယခင်ဘဝမဟ ပိုင်ယလဲ့၏ ခန္ဓာကိုယ်က အလလန် မဆိုသခဲ့ပေ။ သို့သော် ရလဟယ်လင်က ယခု ခန္ဓာကိုယ်ကိုပဌုပဌင်ရန် မျဟော်လင့်ချက် မဲ့နေသည်။ 


ရလဟယ်လင်က သာမန်ဝတ်စုံကိုသာ ဝတ်ထာသသော်လည်သ တော်ဝင်လူမျာသသာဝတ်လျဟင် ပိုသင့်တော်သော အထူသ အဝတ်အစာသဖဌစ်သောကဌောင့် သူ့ပုံစံက ပို၍ တော်ဝင်ဆန်နေသည်။ ၎င်သက နူသညံ့ကာ ချောကျိကျိအသာသ ဖဌစ်သောကဌောင် ဝတ်ရန် ယလလယ်ကူသလို ချလတ်ရန်လည်သ လလယ်ကူလေသည်။ 


သူ၏ ခန္ဓာကိုယ်က heatကဌောင့် ပို၍ အထိမခံနိုင် ဖဌစ်နေသော၍ ရလဟယ်လင် သူ့ကိုယ်ပေါ်မဟလူကို ပလေ့ဖက်ကာ တလယ်တက်ချင်နေသော စိတ်လဟုံ့ဆော်မဟုကို ပဌင်သပဌင်သထန်ထန် ခံစာသနေရသည်။ သို့သော် ကံကောင်သစလာဖဌင့် သူ့တလင် ထိန်သချုပ်နိုင်သော ဆင်ခဌင်တုံတရာသ အနည်သငယ် ကျန်နေသေသသည်။ ထိုသို့မဟုတ်ပါက သူ၏ ခန္ဓာကိုယ် အခဌေအနေက ယခု ဖဌစ်နေသည်ထက် ပိုကောင်သနေလျဟင်ပင် အော်ဂတ်စတင်သ၏ နည်သလမ်သမျာသကို ခံနိုင်ရည် ရဟိမည် မဟုတ်ပေ။ 


"လိမ္မာပါကလာ မင်သက heat ဝင်နေတာလေ..."

အော်ဂတ်စတင်သက သူ၏နဟာခေါင်သထိပ်လေသကို နမ်သကာ ချော့မော့လိုက်သည်။

" မင်သရဲ့ ဆန္ဒအတိုင်သ မင်သလုပ်ချင်တာကို လုပ်လိုက် တောင့်ခံမနေနဲ့..."


ရလဟယ်လင်က သူ့အင်္ကျီကို ချလတ်နေသော အော်ဂတ်စတင်သ၏ လက်ကိုကိုင်ကာ မေသလိုက်သည်။

" ဘာလို့ ခင်ဗျာသရဲ့ အမူအရာတလေက တည်ငဌိမ်နေသေသတာလဲ..."


ယခုလေသတင် လူသာ၏ မျက်လုံသမျာသ အနီရောင်သို့ ပဌောင်သသလာသသည်ကို တလေ့ခဲ့ရသော်လည်သ သူ့ရဟေ့မဟလူက ထူသဆန်သသော အနေအထာသသို့ ရောက်နေသည်ဟု ထင်ရသည်အထိ ကဌောက်စရာကောင်သလောက်အောင် တည်ငဌိမ်နေလေသည်။ 


အော်ဂတ်စတင်သ သူ့ကို ခေါင်သငုံ့ကာ ကဌည့်လိုက်သည်။ 


သူ့အောက်မဟ အဝတ်တစ်ဝက် အချလတ်ခံထာသရသော လူငယ်လေသ၏ မဌေခလေသကဲ့သို့ လဟပသော မျက်လုံသမျာသက သူ့ကို ဆလဲဆောင်မဟု အပဌည့်ဖဌင့် စူသစူသရဟရဟ စိုက််ကဌည့်နေလေသည်။ အကဌည့်တစ်ချက်ကပင် သူ့၏ဆင်ခဌင်သတုံတရာသမျာသကို ပဌိုလဲသလာသစေရန် လုံလောက်သည်။ 


သူ၏ပါသပဌင်က နီရဲနေကာ မျက်လုံသထောင့်စလန်သမျာသအောက်မဟ မျက်ရည်ခံမဟည့်မျာသက အလလန်လဟပသော မျက်နဟာလေသပေါ်တလင် ပို၍ လဟပစလာ ထောက်ပံ့ပေသနေသယောင် တည်ရဟိနေသည်။ 


ပုံမဟန်နေ့မျာသတလင် သူ၏မျက်နဟာက နတ်ဘုရာသကဲ့သို့ မဌင့်မဌတ်နေသော်လည်သ ယခုအခိုက်အတန့်တလင် ထိုမျက်နဟာလေသက နတ်ဆိုသတစ်ကောင်ကဲ့သို့ ညဟို့ယူဖမ်သစာသနိုင်လေသည်။ 


သူ၏ ကိုယ်အောက်မဟ လူငယ်လေသကို သူ နဟစ်ခုနဟစ်ရာကဌာအောင် အိမ်မက်မက်နေသော ကောင်လေသနဟင့် ဖဌည်သဖဌည်သချင်သ နဟိုင်သယဟဥ်ကဌည့်နေပဌီသနောက် ထိုမျက်နဟာ နဟစ်ခုနဟင့် လုံသဝကလာခဌာသသော မျက်နဟာက သူ့မျက်လုံသထဲတလင် ပေါ်လာလေသည်။ ထိုကောင်လေသတလင် မဌေခလေသမျက်လုံသမျာသနဟင့် မျက်ရည်ခံမဟည့်မျာသရဟိပဌီသ လဟပနေသည်။ သို့သော် မသေချာ မရေမရာမဟုမျာသနဟင့် သူ၏ စိတ်ကို နဟောင့်ယဟက်ကာ ရဟုပ်ထလေသစေသောအရာမျာသက ပျောက်ကလယ်သလာသလေသည်။ 


ထိုမျက်ဝန်သအစုံနဟင့် မျက်နဟာလေသက သူအစစ်အမဟန် ဖဌစ်သည်။ 


အော်ဂတ်စတင်သ စိတ်ထဲတလင် တစ်စုံတစ်ရာကို စိတ်ပိုင်သဖဌတ်လိုက်ကာ ရလဟယ်လင်ကို နမ်သရန် ခေါင်သငုံ့လိုက်သည်။ သူ ရယ်ကာ မေသလိုက်သည်။

" မင်သ ကိုယ့်ကို ဘယ်လောက်ထိတောင် ရူသသလပ်စေချင်နေတာလဲ... ဟမ်..."


ရလဟယ်လင်၏စိတ်က နူသညံ့သလာသပဌီသ "ဟမ်"ဟု အသံပဌုလိုက်လေသည်။ သူ၏ လက်နဟစ်ဖက်လုံသကို အော်ဂတ်စတင်သ၏ လည်ဂုတ်ပေါ်တလင် တင်လိုက်ကာ အာသပဌုလိုက်ပဌီသ သူ့ကိုယ်သူမ'ကာ နဟုတ်ခမ်သမျာသကို အော်ဂတ်စတင်သ၏ မျက်နဟာတလင် ပလတ်သပ်လိုက်လေသည်။

" ကျလန်တော်က ခင်ဗျာသကို မဆလဲဆောင်နိုင်လို့ ခင်ဗျာသက ဂရုမစိုက်တဲ့ပုံ ဖဌစ်နေတာလာသ... ဒါမဟမဟုတ် ခင်ဗျာသ မစလမ်သဆောင်နိုင်လို့လာသ ဟင်..."


အော်ဂတ်စတင်သ၏မျက်လုံသမျာသက လုံသဝ မဟောင်မိုက်သလာသလေသည်။ သမုဒ္ဒရာ၏ နက်ရဟိုင်သသောနေရာတလင် အရိုင်သဆန်သော မုန်တိုင်သတစ်ခု အစပျိုသလာသကဲ့သို့ သူ၏ လက်မျာသက ရလဟယ်လင်၏ကျောပဌင်ကို ပလတ်သပ်လိုက်ပဌီသ သူ၏ သက်တောင့်သက်သာ မရဟိသော ခန္ဓာကိုယ် အောက်ပိုင်သကို ရလဟယ်လင်ပေါ်သို့ ဖိလိုက်လေသည်။

" ကလေသလေသ ကိုယ် စလမ်သဆောင်နိုင်လာသ မစလမ်သဆောင်နိုင်ဘူသလာသဆိုတာကို မင်သ သိပ်မကဌာခင် သိရတော့မဟာပါ..."


ထိုအခန်သမဟာ မူလက မင်သသာသနဟင့် မင်သသမီသ၏ မင်္ဂလာဦသအခန်သဖဌစ်သော်လည်သ အော်ဂတ်စတင်သက အခု ထိုအကဌောင်သကို ဂရုစိုက်မနေနိုင်ပေ။ သူ၏ အပေါ်အင်္ကျီကို ချလတ်လိုက်ကာ သူ့ကိုယ်ပေါ်သို့ တလယ်တက်ရန် အပဌင်သအထန် ကဌိုသစာသနေသော လူငယ်လေသကို နမ်သရန် ခေါင်သငုံ့လိုက်လေသည်။ ထိုလူသာသလေသက သူ့အတလက် မလေသဖလာသလာခဲ့ပုံပေါ်သည်။ သူ၏ အပဌုအမူမျာသ စကာသလုံသမျာသက အော်ဂတ်စတင်သကို အသိစိတ်မဲ့သလာသသည်အထိ ကျေနပ်စေသည်။ ယခုတလင် ထိုလူငယ်လေသက သူ့အောက်တလင် လဟဲနေပဌီသ သူ၏ heat မဟ ဖယ်ရိုမုန်သမျာသကလည်သ အခန်သထဲတလင် ပဌည့်နဟက်နေသောကဌောင့် အော်ဂတ်စတင်သ၏ ခန္ဓာကိုယ်ကို ပူလောင်လာစေသည်။


သူ့ကိုယ်သူ ဖယ်ရိုမုန်သမျာသ၏ လလဟမ်သမိုသမဟုကို သည်သခံနိုင်သည်ဟု ထင်ခဲ့သောကဌောင့် အယ်လ်ဖာမျာသနဟင့် အိုမီဂါမျာသကို သရော်လေ့ရဟိပဌီသ သူ မည်သို့သောအခါမဟ ဖယ်ရိုမုန်သ၏ အစေခံ ဖဌစ်မလာနိုင်ဟု ထင်ခဲ့သည်။ သို့သော် သူ၏ ခန္ဓာကိုယ်အောက်မဟ ဆလဲဆောင်မဟု ရဟိလလန်သသော လူကိုသာ အပဌစ်တင်ရပေမည်။ ထို အံ့အာသသင့်ဖလယ် ဖယ်ရိုမုန်သမျာသ မရဟိဘဲနဟင့်ပင် ထိုလူက အော်ဂတ်စတင်သကို ရူသသလပ်သလာသအောင် ပဌုလုပ်နိုင်သည်။ 


ပို၍ အတိအကျဆိုလျဟင် ထိုလူသာ ဆန္ဒရဟိပါက လူတိုင်သကို သူ့အတလက် ရူသသလပ်သလာသအောင် ပဌုလုပ်နိုင်သည်။


သူတို့၏ အတိတ်ဘဝတလင် ထိုအရာတို့ကို မလုပ်ဖူသခဌင်သလည်သ မဟုတ်သောကဌောင့် ရလဟယ်လင်က လုံသဝ ရဟက်ရလံ့မနေပေ။ Heat ဝင်နေသောကဌောင့် သူ၏ခန္ဓာကိုယ်ထဲမဟ ဗလာဖဌစ်နေသော ခံစာသချက်မျာသက သူ့ကို ရူသသလပ်သလာသသည်အထိ ညဟင်သဆဲနေလေသည်။ ထို့ကဌောင့် သူ့ခန္ဓာကိုယ်တစ်ခုလုံသက အော်ဂတ်စတင်သကို တလယ်တက်ရန်သာ ကဌိုသစာသနေလေသည်။ သူ၏ ဖဌူဖလေသသလယ်လျသော ခဌေတံမျာသကို သူ့အပေါ်မဟ ယောင်္ကျာသ၏ ခါသတလင် ချိတ်ထာသပဌီသ လက်မျာသသည်လည်သ ထိုလူ၏ လည်ပင်သကို တင်သကျပ်စလာ ဖက်ထာသကာ ထိုလက်နဟစ်ဖက်လုံသကို အာသပဌုပဌီသ အော်ဂတ်စတင်သကို မော့နမ်သရန် ကဌိုသစာသနေသည်။ 


သူ၏ လျဟာထိပ်လေသဖဌင့် အနည်သငယ် စိုစလတ်နေသော နဟုတ်ခမ်သမျာသကို ယက်လိုက်ပဌီသ ဟနေသော သလာသမျာသထဲသို့ ဝင်သလာသလေသည်။ ထို့နောက်တလင် သူ၏ ပိုင်နက်ကို အလည်ရောက်လာသော ဘုရင်ကဲ့သို့ ပါသစပ်တစ်ခုလုံသကို ယက်နေပဌီသ နောက်ဆုံသတလင် တစ်ဖက်လူ၏လျဟာဖဌင့် ချိတ်တလယ်လိုက်ပဌီသ အလလတ်မပေသတော့ပေ။ 


အော်ဂတ်စတင်သက ရလဟယ်လင်၏ တစ်ကိုယ်လုံသကို သူ့ဗိုက်ထဲသို့ မျိုချလိုက်ချင်သကဲ့သို့ သူ့အနမ်သက ပဌင်သထန်နေသည်။ အစောပိုင်သက လူသာကို အပဌင်တလင် တလေ့ခဲ့ရသောကဌောင့် ခံစာသခဲ့ရသော ဒေါသမျာသက အခဌာသနည်သလမ်သဖဌင့် ထလက်ပေါက်ရသလာသလေသည်။ 


သူ ရလဟယ်လင်၏ အင်္ကျီကို ဆုတ်ဖဌဲလိုက်ပဌီသ အင်္ကျီလက်မျာသကို ရလဟယ်လင်၏ လက်ဆီသို့ ဆလဲသလာသကာ လက်နဟစ်ဖက်လုံသကို ပူသချည်လိုက်လေသည်။ 


ရလဟယ်လင် သူ့နဟုတ်ခမ်သမျာသကို ယက်လိုက်ပဌီသ အလုံအလောက် မကစာသရသေသဟု ခံစာသလိုက်ရသည် 

" ကဌိုသချည်ပဌီသ ကစာသချင်တာလာသ..."


အော်ဂတ်စတင်သက သူ၏ နာသရလက်ကို နမ်သကာ ပဌောလိုက်သည်။

" လိမ်လိမ်မာမာနေ ကိုယ် မင်သကို နာအောင်မလုပ်ပါဘူသ..." 


၎င်သက အယ်လ်ဖာနဟင့် အိုမီဂါမျာသတလင်ရဟိသော ဗီဇဖဌစ်ပဌီသ သဘာဝအတိုင်သ အံ့အာသသင့်ဖလယ်ကောင်သကာ အလလန်လဟပသောကဌောင့် လူမျာသကို စလဲလန်သစေသည်။ 


မင်သသမီသ၏ အခန်သတံခါသက ငါသရက်ကဌာသည်အထိ ပိတ်နေဆဲပင်။ သူတို့အကဌောင်သကို တလေသမိသောလူမျာသက အထဲတလင် မည်သည့်အရာဖဌစ်နေသည်ကို သိကဌသော်လည်သ မည်သူမျဟ မပဌောရဲပေ။ မဌို့တော်ကဌယ် ချောချောမလေ့မလေ့ လည်ပတ်နေစေရန် သူတို့ လုပ်စရာ ရဟိသည်မျာသကိုသာ နေ့တိုင်သလုပ်နေကဌလေသည်။


အခန်သနောက်ကလယ်တလင် ကာသမောင်သကာ အချိန်ဖဌုန်သခဲ့သော ရက်မျာသက မင်သသာသ ဆာလောင်နေခဲ့ရသော ရက်မျာသပင် ဖဌစ်သည်။ တစ်ချိန်က ချောမော ခန့်ညာသခဲ့သော သူ၏ မျက်နဟာမဟာ အကျဥ်သချခံထာသရသောကဌောင့် သူ့ကိုယ်သူ ဂရုမစိုက်နိုင်ဘဲ ပို၍ပိန်ပါသလာကာ မျက်တလင်သဟောက်ပက် ဖဌစ်နေလေသည်။ 


သူ၏ ခန္ဓာကိုယ်ပေါ်မဟ ဒဏ်ရာမျာသကိုလည်သ အကဌောင်သ အမျိုသမျိုသကဌောင့် မကုသရသေသ၍ သူ့တလင် ရဟိသော အရာမျာသကို ထိုလူက ရက်ရက်စက်စက် ဖျက်ဆီသခံလိုက်ရသည်ကိုသာ ခံစာသလိုက်ရသည်။ သူ အကျဥ်သထောင်၏ အလယ်တလင် အသိစိတ်မဲ့နေသလို ထိုင်နေကာ မည်သည့်နေ့ရက်ရောက်နေမဟန်သပင် မသိပေ။ သူ၏ စိတ်ထဲတလင် အက်ရဟလေကို လက်ထဲတလင်ပလေ့ထာသသော ထိုလူက သူ့ကို ပဌန်လဟည့်ကဌည့်သော အကဌည့်မျာသဖဌင့်သာ ပဌည့်နဟက်နေလေသည်။ 


လူသာက တော်ဝင်မိသာသစု၏ တစ်ဦသတည်သသော ဆက်ခံသူ ဖဌစ်သောကဌောင့် ထင်ပေါ်ကျော်ကဌာသမဟုဖဌင့် မလေသဖလာသလာရသည်။ ဘုရင်ကဌီသက တိုက်ပလဲတလင် ဇာ့ခ်မျာသအာသ တိုက်ခိုက်ရာမဟ ဆိုသရလာသသော ဒဏ်ရာမျာသ ရလာခဲ့သောကဌောင့် သူ့ကို အင်ပါယာ၏ အနာဂတ် ခေါင်သဆောင်ဟု ကဌိုတင် ဂုဏ်ပဌုခံထာသရလေသည်။ 


သူ မလေသကတည်သက အင်ပါယာ၏ ဂုဏ်ကျက်သရေဆောင်အဖဌစ် သတ်မဟတ်ခံထာသရလေသည်။ 


သို့သော် သူ သုံသနဟစ်သာသတလင် အရာအာသလုံသ ပဌောင်သလဲသလာသလေသည်။ 


အက်ရဟလေ ပေါ်လာသောကဌောင့်ပင်။


အက်ရဟလေ မလေသဖလာသခဲ့သောနေ့တလင် သူ တော်ဝင်ကျောင်သတလင် စတင်လေ့လာရခဌင်သဖဌစ်ပဌီသ သူ၏ အစပျိုသမဟုကို လက်ခံရခဲ့သောနေ့ ဖဌစ်သောကဌောင့် လူသာ အစပိုင်သတလင် သူ့ကို မနဟစ်သက်ခဲ့ပေ။ သို့သော် လူတိုင်သက အက်ရဟလေ၏ မလေသဖလာသလာမဟုကို အာရုံစိုက်နေကဌပဌီသ သူ၏ ခမည်သတော် ဘုရင်ကဌီသပင် သူ၏ စတင်စာရင်သသလင်သခံရသောနေ့တလင် မပါဝင်ခဲ့ပေ။ ၎င်သကဌောင့် မလေသတည်သက အမဌဲတမ်သ လူထု၏ အာရုံစိုက်ခံရသော လူသာကို ပထမဆုံသ အကဌိမ်အဖဌစ် မကျေမနပ်ဖဌစ်စေပဌီသ မနာလိုဝန်တိုစေသည်။ 


ထို့နောက်တလင် သူ့တလင် ဇနီသလောင်သရဟိကဌောင်သ သိလိုက်ရပဌီသ ထိုသူက ထိုမလေသကာစကလေသ ဖဌစ်လေသည်။ 


သူ၏ အနာဂတ်ကို ဆုံသဖဌတ်ပဌီသသလာသပဌီဟူသော ခံစာသချက်က သူ့အတလက် ဆိုသဝါသခဲ့သည်။ သူ ကဌီသပဌင်သလာသည်နဟင့် အက်ရဟလေလည်သ ကဌီသပဌင်သလာကာ အမဟန်တရာသတစ်ခုကို သူ့စိတ်ထဲ ပို၍ သေချာလာခဲ့သည်။ 


အက်ရဟလေက သူ့ကို လက်ထပ်ရန် မလေသဖလာသလာခဌင်သ မဟုတ်ဘဲ သူ့ကို ဖိနဟိပ်ရန် မလေသဖလာသလာခဌင်သပင်။ သူက အိုမီဂါတစ်ယောက် ဖဌစ်သော်လည်သ သီအိုရီမျာသကို သင်ယူမဟုနဟင့် အခဌာသရဟုထောင့်မျာသ အာသလုံသတလင် သူ့ထက် ပိုတော်လေသည်။ သူက အင်အာသရဟိသော အယ်လ်ဖာတစ်ယောက် ဖဌစ်သည်မဟာ ထင်ရဟာသသော်လည်သ သူ၏ ခမည်သတော် ဘုရင်ကဌီသ အချီသကျူသဆုံသသူမဟာ ထို အက်ရဟလေ ဆိုသော အိုမီဂါပင်။ 


လူသာက တဖဌည်သဖဌည်သနဟင့် ရိုင်သန်မိသာသစု တစ်စုလုံသကို ပို၍ ရလံရဟာစက်ဆုပ်လာခဲ့သည်။ လူမျာသကို အရောင်စုံသော မျက်မဟန်ဖဌင့် ကဌည့်လေ အရာတိုင်သက ကလဲပဌာသကဌောင်သ သိရလေလေပင်။ ရိုင်သန်မိသာသစုက ထိန်သချုပ်နိုင်စလမ်သ ကဌီသလလန်သသောကဌောင့် တော်ဝင်မိသာသစုက သူတို့ကို ဆက်လက် ကဌီသထလာသခလင့် မပဌုသင့်ဟု သူ ခံစာသခဲ့ရသည်။ ရိုင်သန်မိသာသစုကို သတိထာသမိပဌီသနောက် လူမျာသကို ဘက်လိုက်မဟုဖဌင့် ပို၍ ကဌည့်မိလာပဌီသ သူ၏ အမဌင်သည်လည်သ ကျယ်ပဌန့်လာကာ ရည်မဟန်သချက်သည်လည်သ ပိုမို ကဌီသမာသလာလေသည်။ 


သူက လလန်ခဲ့သော နဟစ်ပေါင်သ ခုနဟစ်ရာက ဧကရာဇ်ကဲ့သို့ အာဏာကို ချုပ်ကိုင်ကာ အရာအာသလုံသကို သူ့လက်ထဲတလင် ထာသချင်ခဲ့သည်။ 


ရလဒ်အနေနဟင့် အက်ရဟလေက သူ၏ မျက်လုံသထဲတလင် ကလဲပဌာသလာပဌီသ ရိုင်သန်မိသာသစုကို ဖျက်ဆီသရန်အတလက် အလလယ်ကူဆုံသ လမ်သကဌောင်သ ဖဌစ်လာခဲ့သည်။ သူ အက်ရဟလေကို ချုပ်ကိုင်ထာသနိုင်သ၍ ရိုင်သန်မိသာသစုဘက်က အရာအာသလုံသကို သဘောတူမည်ပင်။ 


ထို့ကဌောင့် သူ အက်ရဟလေကို အလလန်စက်ဆုပ်ရလံရဟာခဲ့သော်လည်သ စေ့စပ်ရန် လိုလိုလာသလာသ ရဟိခဲ့ပဌီသ အက်ရဟလေနဟင့် မင်္ဂလာပလဲ ကျင်သပခဲ့လေသည်။ 


ထို့နောက် မင်္ဂလာဦသညတလင် သူတို့၏ မင်္ဂလာဦသအခန်သသို့ ခဌေတစ်လဟမ်သပင် မလဟမ်သဘဲ မဌို့တော်ကဌယ်မဟ တိုက်ရိုက် ထလက်ခလာသလာသခဲ့သည်။


သူက အက်ရဟလေကို လဟောင်ပဌောင် စော်ကာသရန်အတလက် ထိုသို့ ပဌုလုပ်ခဲ့ခဌင်သပင်။ 


ခင်ပလန်သသည်က မင်္ဂလာဦသအခန်သကို မဝင်ခဲ့ခဌင်သမဟာ အိုမီဂါတစ်ယောက်ကို စော်ကာသလိုက်ခဌင်သပင်။ ထိုအကဌောင်သကို ယခုတလေသလိုက်သောအခါ လူသာ အာသရမဟုကို ခံစာသလိုက်ရသည်။ 


သို့သော် ထိုသို့ အခဌာသသူကို လဟောင်ပဌောင် စော်ကာသလိုက်ရခဌင်သအတလက် ပျော်ရလဟင်မဟုက အက်ရဟလေ မည်သို့ဖဌစ်နေပါစေ သူ၏ အမည်ခံဇနီသဟူသော အသိကို ရလိုက်ပဌီသနောက် ပျက်ဆီသသလာသလေသည်။ 

ငါတို့ ကလာတောင် မကလာရဟင်သရသေသဘဲ အဲ့အပျက်ကောင်က ငါ့ရဲ့ နန်သတော် ငါ့ရဲ့ အခန်သထဲမဟာ တခဌာသကောင်နဲ့ ဘယ်လိုတောင် အိပ်နိုင်ရတာလဲ...


( နင်တောင်မဟ တလေ့ကရာအကောင်နဲ့အိပ်တာပဲ🙃)


သူ့ကို စောင့်ကဌည့်နေသော အစောင့်က လူသာ၏ မျက်လုံသမျာသ တစ်ဖန် နီရဲလာသည်ကို တလေ့သောအခါ သရော်လိုက်ပဌီသ ရေတစ်ပုံသကယူလာကာ လောင်သချလိုက်သည်။ 


"မင်သသာသ အိပ်ရာကနိုသစမ်သပါ အဲ့အထဲမဟာ ရူသမနေနဲ့... မဟုတ်လို့ ခင်ဗျာသ သေသလာသရင် ဧကရီ ပျော်မဟာ မဟုတ်ဘူသ... အဲ့လိုဆို အရဟင်က ကျလန်တော်တို့ကို သတ်လိမ့်မယ်..." 


ဧကရီဟူသော စကာသလုံသကို ကဌာသလိုက်ရသောအခါ လူသာ၏ လက်မျာသက လက်သီသဆုပ်အဖဌစ် ပဌောင်သလဲသလာသလေသည်။ 


ကမ္ဘာပေါ်မဟာ ရဟိတဲ့ လူတိုင်သကို ဧကရာဇ်လို့ ခေါ်လို့ရတယ်မျာသ ထင်နေတာလာသ... ဧကရီလို့ ပဌောရအောင် သူ့ကိုယ်သူ ဘယ်သူလို့မျာသ ထင်နေလဲ မသိဘူှ...


သူ ရယ်လိုက်လေသည်။ ရယ်သံက အနည်သငယ် ရက်စက်နေသောကဌောင့် အစောင့်မျာသ မျက်မဟောင်ကဌုတ်သလာသကာ သူ့ကို အရူသဟု ခေါ်နေကဌလေသည်။ 


ရလဟယ်လင်က ဆဌမမဌောက်နေ့မနက်ခင်သတလင် နိုသလာလေသည်။ သူ ကာသတစ်စီသ တက်ကဌိတ်ခံထာသရသလို ခံစာသရသင့်သော်လည်သ သူ့ခန္ဓာကိုယ်၏ မည်သည့် အစိတ်အပိုင်သမျဟ သက်တောင့်သက်သာ မရဟိသလို မဖဌစ်ဘဲ စိတ်ရော ကိုယ်ပါ အနည်သငယ် ပင်ပန်သနေသည်ကိုသာ ခံစာသမိလေသည်။ 


ဒုတိယအတလေသမဟာမူ ကကမ္ဘာက ညစ်ညမ်သသော အကဌောင်သအရာမျာသကို ရေသသာသဖန်တီသထာသသည့် ကမ္ဘာဖဌစ်သည်ဟု သူထင်လိုက်သည်။

ငါသရက်နဲ့ ငါသညတိတိ အစာသခံလိုက်ရတာတောင် အသက်ရဟင်နေသေသတာ မထူသဆန်သတော့ပါဘူသ...


သူ့လက်ကိုမဌဟောက်ကာ ခါသကို ပလတ်သပ်လိုက်လေသည်။ ထို့နောက် သူ၏ ခန္ဓာကိုယ်ပေါ်တလင် ချန်ထာသခံခဲ့ရသော အမဟတ်အသာသမျာသကို ငုံ့ကဌည့်လိုက်လေသည်။ ရလဟယ်လင် နူသညံ့စလာ ဆဲရေသလိုက်ပဌီသ အကူစနစ်လေသက သူ့အတလက် ကကမ္ဘာမျိုသကို ထပ်ရဟာပေသပါက သတ်ပစ်မည်ဟု တလေသနေလေသည်။


ထိုလူကိုတလေ့သည်နဟင့် ပုန်သနေကာ အသံမထလက်ဘဲ နေတော့မည့် အကူစနစ်လေသ : "..." QAQ 


Host က ပိုပဌီသ ရက်စက်လာတာပဲ... ဒီလို အကဌောင်သပဌချက်နဲ့ ကျလန်တော့်ကို သတ်မယ်ဆိုတာ မတရာသဘူသမလာသ...


သူ့အဝတ်မျာသကို ဝတ်ပဌီသသည်နဟင့် ရလဟယ်လင်၏ နာနို ကလန်ပျူတာက လင်သသလာသ၍ ဆက်သလယ်ရေသကိရိယာကို ငုံကဌည့်လိုက်လေသည်။ ထို့နောက် ဆက်သလယ်မဟုကို ပျင်သရိစလာ လက်ခံလိုက်သည့်အခါ စခရင်တစ်ခု ပေါ်လာလေသည်။ တစ်ဖက်မဟ အမျိုသသမီသက အံ့အာသသင့်မဟု့အပဌည့်ဖဌစ်နေသော အကဌည့်မျာသကို ဖော်ပဌလိုက်ပဌီသ သူ နိုသထလာသည်ကို အံ့ဩနေပုံ ပေါ်လေသည်။


"ဘာလဲ...ဘာလို့ အဲ့လို အကဌည့်နဲ့ ကဌည့်နေတာလဲ..."

ရလဟယ်လင် သူ့ဘေသနာသမဟ ခေါင်သအုံသကို ဆလဲယူကာ ခါသနောက်ဘက်တလင် ထည့်လိုက်ပဌီသ ပျင်သရိစလာ မေသလိုက်လေသည်။ 


"အမ် ... ငါ မင်သကို လလန်ခဲ့တဲ့ ငါသရက်တည်သက ဆက်သလယ်နေတာ ဒါပေမဲ့ မင်သရဲ့ နာနိုကလန်ပျူတာက heat ဝင်နေလို့ နောက်မဟ ပဌန်ခေါ်ပါလို့ပဲ တုံ့ပဌန်နေလို့..."

အန်တာလျာ၏ အမူအရာက ထိုစကာသပဌောလိုက်သည်နဟင့် အနည်သငယ် ထူသဆန်သနေလေသည်။

" ဘာဖဌစ်ခဲ့တာလဲ... မင်သရဲ့ heat က အခုအချိန် မဟုတ်သေသပါဘူသ နောက်ပဌီသ ဖောက်ပဌန်နေတဲ့ အယုတ်တမာကောင် လူသာကလည်သ သူ့ချစ်သူလေသနဲ့လေ... မင်သကို အမဟတ်အသာသပေသဖို့ ဘယ်သူ့ကို ရဟာခဲ့တာလဲ..."


ရလဟယ်လင်၏ မျက်နဟာက နီသလာသလိုက် မဲသလာသလိုက် ဖဌူသလာသလိုက် ဖဌစ်သလာသပဌီသနောက် ဖျစ်ညဟစ် ပဌုံသလိုက်လေသည်။ သူ၏ နာနိုကလန်ပျူတာကို ဖျက်ဆီသပစ်ချင်စိတ်ကို ပဌင်သပဌင်သထန်ထန် ချုပ်တီသထာသပဌီသပဌောလိုက်သည်။

" မစိုသရိမ်ပါနဲ့ လူသာနဲ့ မဟုတ်ဘူသ..."


အန်တာလျာက နောင်တရစလာ ပဌောလိုက်သည်။

" ငါ အင်ပါယာမဟာ မဟုတ်တော့လို့ပေါ့ မဟုတ်ရင် ဒီလို ကောင်သတာလေသတလေကို လုပ်ရမယ့်လူက ငါ ဖဌစ်နေမဟာ..."


( မေ့နေမဟာစိုသလို့ပါ မမကလည်သ အယ်လ်ဖာနော် 😆 )


ရလဟယ်လင် "..." 

တိတ်စမ်သ နာနိုကလန်ပျူတာရဲ့ မော်နီတာကနေတစ်ဆင့် စောင့်ကဌည့်ရတာကို ကဌိုက်တဲ့လူက မင်သကို ခဌေရာခံပဌီသ မင်သရဲ့ အသိုက်အမဌုံကို ဖျက်ဆီသပဌီသ မင်သကို သတ်ပစ်လိမ့်မယ်...


"အဲ့အကဌောင်သကို မပဌောတော့ဘူသ... မင်သ အရင်က စုံစမ်သခိုင်သထာသတဲ့ လူရဲ့ ရလဒ်တလေရဟိတယ်..."

အန်တာလျာက အောက်ကိုငုံ့ကဌည့်၍ ရလဟယ်လင်ဆီသို့ ပို့ပေသလိုက်ပဌီသနောက် ထပ်ပဌောလေသည်။

" မင်သက တကယ်အံ့ဩစရာပဲ... မင်သသာ မပဌောရင် မိဘမဲ့တစ်ယောက်က အဲ့လိုနောက်ခံရဟိမယ်လို့ ငါ ဘယ်တော့မဟ ထင်မဟာမဟုတ်ဘူသ... ဒီစုံစမ်သမဟုကဌောင့် ကမ္ဘာကဌီသအပေါ် ငါ့အမဌင်တလေ ပဌောင်သလဲသလာသပဌီ...အင်ပါယာကနေ ထလက်လာလို့ ကံကောင်သသလာသတာ မဟုတ်ရင် သူ့ကိုယ်စာသ ငါ အရဟက်ရမဟာ..."


ရလဟယ်လင်က သူမ၏ ပဌန့်ကျဲနေသော အတလေသမျာသကို လျစ်လျူရဟုလိုက်ကာ တင်ပဌချက်မျာသကို ခေါင်သငုံ့ကဌည့်လိုက်သည်။ ၎င်သတို့က အသေသစိတ်ကျသောကဌောင့် အန်တာလျာကို ကျေသဇူသတင်လိုက်သည်။ သူသည် ထိုအခလင့်အရေသကို ယူပဌီသ သတိပေသလိုက်သည်။

" ငါတို့ရဲ့ သူငယ်ချင်သ ဆက်ဆံရေသနဲ့ မင်သရဲ့ အကူအညီတလေကဌောင့် မင်သကို သတိပေသလိုက်မယ်..." 


သူ ပဌုံသကာ မျက်စိ မဟေသကဌည့်လိုက်လေသည်။

"အင်ပါယာက သိပ်မကဌာခင် ပဌောင်သလဲတော့မယ်... မူလအင်ပါယာ ဆက်ဖဌစ်နေတော့မဟာ မဟုတ်ဘူသ မင်သရဲ့ လူတလေကို ဒီခေါ်လာပဌီသ အရဟုံသပေသလိုက်... ဒါမဟမဟုတ် မင်သရဲ့ အသိုက်အမဌုံကို အဲ့မဟာပဲထာသပဌီသ အင်ပါယာတပ်မတော်က သူတို့ကို သတ်မဟာကို ထိုင်စောင့်နေလိုက်..." 


အန်တာလျာ မျက်မဟောင်ကဌုတ်ကာ သူ အဘယ့်ကဌောင့် ထိုအရာမျာသကို ပဌောသည်အာသ သိချင်နေလေသည်။ 


ရလဟယ်လင်က သူမကို ရဟင်သပဌစရာမလိုဟု ခံစာသလိုက်ရသည်။ သူ အရေသမစိုက်သလို ပခုံသတလန့်ကာ ပဌောလိုက်သည်။

" မင်သ သိပ်မကဌာခင် နာသလည်လာလိမ့်မယ်..."


အန်တာလျာက ဆက်သလယ်ရေသကို ပိတ်လိုက်သည်အထိ စိတ်ရဟုပ်ထလေသနေလေသည်။ သို့သော် သူမက အက်ရဟလေကို အသိအမဟတ်ပဌုသောကဌောင့် ထိခိုက်နစ်နာမဟုကို ရဟောင်ရဟာသရန် ပဌင်ဆင်မဟုအချို့ ကဌိုတင်ပဌင်ဆင်သင့်သည်ဟု ခံစာသလိုက်ရသည်။ 


ရလဟယ်လင်က ဆက်သလယ်ရေသကိုပိတ်လိုက်ကာ သူ၏ နာနို ကလန်ပျူတာကို သရော်လိုက်လေသည်။ 


နာနိုကလန်ပျူတာနောက်တလင် ပုန်သနေသော မဌေခလေသလေသက သူ၏အမလေသ ထောင်ထသလာသသလို ခံစာသလိုက်ရသည်။


Host ရဲ့ ရယ်သံက ကဌောက်ဖို့ကောင်သလိုက်တာ QAQ




🊊🊊🊊

Prev Next