MM Story Teller

Chapter 59

Viewers 3k

🦊Chapter 59

Arc 4 - စွန့်ပစ်ခံ မင်းသမီးလေး

4.16 - ခင်ဗျားက ကျွန်တော့် အပိုင်ဆိုတာ စကြာဝဠာ တစ်ခုလုံး သိသွားတော့မှာ

အကူစနစ်လေးကို ဖျက်ဆီးပစ်တော့မည့်အချိန်တွင် တံခါးပွင့်လာပြီး စိတ်ကောင်းဝင်နေသော အော်ဂတ်စတင်းကို မြင်လိုက်ရလေသည်။ သူ၏ တက်ကြွနေသောပုံစံကို ကြည့်လိုက်ပြီးနောက် ရွှယ်လင်၏နှုတ်ခမ်းများ တွန့်သွားသည်။

မသိစိတ်အရ သူ၏လည်ကုတ်မှ ဂလင်းကို ထိလိုက်မိသည်။ သူတို့ ငါးရက်ကြာ အတူတူ လူးလှိမ့်နေခဲ့သောကြောင့် သူတို့၏ စိတ်ဆန္ဒများများကို လုံးဝ စုပ်ယူခဲ့ပြီးပြီပင်။ ဂလင်းကိုကိုက်ကာ အမှတ်အသားပြုရန် သတိရချိန်တွင် ၎င်းက ငါးရက်မြောက်နေ့ပင် ဖြစ်သွားသည်။ ထိုသို့သော ခံစားချက်မျိုးကို နောက်တစ်ကမ္ဘာရောက်သည်အထိ မှတ်မိနေမည်ဟု ရွှယ်လင် ခံစားလိုက်ရသည်။

၄င်းက သူတို့၏ ဦးနှောက်များ ဗလာဖြစ်သွားသည်အထိ ပြင်းပြင်းထန်ထန် လှုံ့ဆော်ပေးနိုင်လေသည်။

ရွှယ်လင် သူ၏ လည်ပင်းကိုငုံ့လိုက်ကာ လက်ကို ဝှေ့ယမ်းရင်း ပြောလိုက်သည်။

" ခင်ဗျား ရောက်လာတာ အချိန်ကိုက်ပဲ... လူတစ်ယောက်က ကျွန်တော့်ကို သတင်းပို့ထားတာ ရှိတယ် ကျွန်တော်တို့ တူတူ ကြည့်ရအောင်..."

အော်ဂတ်စတင်းက စားစရာများကို ယူလာသည်။ သူက ငါးရက်ကြာအောင် ပြင်းပြင်းထန်ထန်လုပ်ဆောင်ခဲ့သော်လည်း အဆင်ပြေနေသေးသည်။ သို့သော် ရွှယ်လင်ကမူ အဆင်မပြေနိုင်သည်ကို သိသောကြောင့် သူ နိုးလာသည်နှင့် သူ့လူများကို အာဟာရဖြစ်စေမည့် အစားအစာများ ပြင်ဆင်ခိုင်းခဲ့ပြီး ဤနေရာသို့ သယ်လာခဲ့လေသည်။

ရွှယ်လင်က ၎င်းတို့ကို လျစ်လျူရှုထားပြီး အန်တာလျာထံမှ သတင်းအချက်အလက်တို့ကို ဖွင့်ကြည့်လိုက်ကာ ထိုဇာတ်ကွက်ထဲတွင် ဖုံးကွယ်ထားသော အရာများကြောင့် အလွန် အံ့အားသင့်သွားလေသည်။

၎င်းသည် ဤကမ္ဘာ၏ အမှန်ပြင်ဆင်ရန်နှင့် ဇာတ်ကွက်ကို ဖြည့်ရန် ကိုယ်ပိုင်စွမ်းဆောင်ရည်များကြောင့် ဖြစ်ရသည်ပင်။ သူက ၎င်း၏ သင့်တင့်လျောက်ပတ်သော မငြင်းဆန်နိုင်မည့်အရာများကို ချီးကျူးရန်သာ တတ်နိုင်တော့သည်။

မိဘမဲ့တစ်ယောက်မဆိုနှငိ့ ငယ်စဥ်တည်းက ကြီးသည်အထိ ရိုးရှင်းစွာ ကြီးပြင်းလာကာ ကြိုးစားပြီး သတ္တိရှိသော ကလေးတစ်ယောက်ကို စုံစမ်းရန်ပင် မလွယ်ကူပေ။ ထို့ကြောင့် အန်တာလျာက ရပ်စဲလ်ကို စောင့်ကြည့်နေခြင်းအား ရပ်လိုက်ပြီး သူ့အနားမှ လူများကို စုံစမ်းပြီးနောက် အချို့သော သဲလွန်စများကို တွေ့လိုက်ရသည်။

ရပ်စဲလ်၏ဘဝက အနည်းငယ် ချောမွေ့လေသည်။

သူငယ်စဥ်ကတည်းက စက်ရုပ်စက်ရုံမှ အငြိမ်းစားတစ်ယောက်နှင့် တွေ့ဆုံခဲ့ပြီး ထိုလူက သူ့ကို စာလေ့လာနိုင်ရန် ကူညီပေးကာ ညွှန်ကြားပေးခဲ့သည်။ သူ ကျောင်းစရိတ်ခကို မတတ်နိုင်ချိန်တွင် အဖိုးတန်သော ပစ္စည်းတစ်ခုကို ရုတ်တရက် တွေ့ရှိခဲ့ပြီး ပိုက်ဆံကို အောင်မြင်စွာ ခွဲယူနိုင်ခဲ့လေသည်။ လွန်ခဲ့သော ဆယ်စုနှစ်များအတွင်း သူ့ဘဝကို ကြည့်လိုက်ပါက သူ အတားအဆီးတစ်ခုကို ကြုံတွေ့လျှင် ကိုယ်တိုင် မဖြေရှင်းနိုင်ဘဲ နောက်ဆုံးတွင် သူ၏ ကံကောင်းမှု ကျေးဇူးဖြင့်သာ ဖြတ်ကျော်သွားနိုင်လေသည်။

၎င်းက အဓိကဇာတ်ဆောင်၏ အရောင်အဝါဟု ခံစားလိုက်ရသော်လည်း အန်တာလျာက ထိုအကြောင်းကို မသိခဲ့ပေ။ ထိုကဲ့သို့သောလူမျိုးက အလွန် သံသယရှိဖွယ်ကောင်းသည်။ ထိုကဲ့သို့ သန်မာသော လူတစ်ယောက် နှစ်ယောက်ကိုပင် သာမန်လူများကြားတွင် ရှာရန်ပင် ခက်ခဲလှသည်။

ကံကောင်းစွာဖြင့် အားစိုက်ထုတ်လိုက်ရုံနှင့် အသေးငယ်ဆုံးသော သဲလွန်စမှ လမ်းကြောင်းကို ခြေရာခံနိုင်သွားလေသည်။ ရပ်စဲလ် မွေးဖွားလာသည့် တိုက်ပွဲနေရာမှ များစွာသော တင်ပို့ချက်များနှင့် တွဲကြည့်လိုက်ချိန်တွင် အံ့ဩဖွယ်ကောင်းသော သုံးသပ်ချက်ကို ရသွားလေသည်။

ရပ်စ်စယ်သည် အာသာဂရင်း၏ ကျန်ရှိသော တစ်ဦးတည်းသောသား ဖြစ်သည်။ အာသာဂရင်းက စွမ်းအားကြီးသော ကြယ်ငါးပွင့်ဗိုလ်ချုပ်ကြီးတစ်ယောက်ဖြစ်ပြီး ဘုရင်ကဲ့သို့ဩဇာရှိသူပင်။ သူ၏ ဇနီးနှင့်ကလေးက လွန်ခဲ့သော ဆယ်စုနှစ်တစ်ခု အကြာတည်းက စစ်ပွဲတွင် သေဆုံးခဲ့သောကြောင့် သူက ကျော်ကြားမှု စည်းစိမ်ချမ်းသာတို့ မလိုချင်တော့ဘဲ အင်ပါယာ သို့မဟုတ် မဟာမိတ်နိုင်ငံကိုလည်း စိတ်မဝင်စားတော့ပေ။

ရပ်စဲလ်က စစ်ပွဲတွင် သေသွားသည်ဟု ထင်ခဲ့ရသော သူ့ကလေးပင်။

ထိုနှစ်များတွင် မဟာမိတ်နိုင်ငံ၏ ပြည်တွင်းပဋိပက္ခများက အလွန်ပြင်းထန်ခဲ့သည်။ ကြယ်ငါးပွင့် ဗိုလ်ချုပ်ကြီးများက ပူးပေါင်းကာ တစ်ဦးကိုတစ်ဦး လိမ်ညာလှည့်စားခဲ့ကြပြီး လှည့်ကွက်မျိုးစုံကို အသုံးပြုခဲ့ကြလေသည်။ ထိုကလေးအား မဟာမိတ်နိုင်ငံတွင် ကြီးပြင်းခဲ့ရပါက သူ လက်ထပ်ပြီးလောက်ပြီဖြစ်ပြီး ထိုသို့မဟုတ်ပါက ယခု အသက်အရွယ်ထိပင် ရှိနေနိုင်မည်မဟုတ်ပေ။ အော်သာကသူ၏အချစ်ကို ဆုံးရှုံးခဲ့ပြီးဖြစ်သောကြောင့် သူ့ကလေးကို မဆုံးရှုံးနိုင်တော့ပေ။ နူးညံ့ကာ အလိုလိုက်ခံ၍ ကြီးပြင်းလာသင့်သော သူ့ကလေးက မဟာမိတ်နိုင်ငံတွင် အဖျက်ဆီးခံရလိမ့်မည်ပင်။

ထို့ကြောင့် သူ့ နှလုံးသားကို မာကျောအောင်ထားကာ အင်ပါယာနှင့် မဟာမိတ်နိုင်ငံနှစ်ခုလုံးမှ လူတိုင်းကို ပရိယာယ်ဖြင့် လှည့်ဖျားလေသည်။

အိုမီဂါအဖြစ် မွေးဖွားလာသော သူ့ကလေးကို ဘီတာအဖြစ် စာရင်းသွင်းကာ တိုက်ပွဲမှမိဘမဲ့အဖြစ် အင်ပါယာမိဘမဲ့ဂေဟာသို့ ပို့လိုက်လေသည်။ ထိုမှသာ သူကိုယ်သူ စောင့်ရှောက်နိုင်လောက်အောင် ကြီးပြင်းမလာမီအထိ အကောင်းဆုံး ဂရုစိုက်မှုပေးနိုင်မည်ပင်။ ထိုစဉ်တည်းက သူ ရပ်စဲလ်၏ အနားတွင် အမျိုးမျိုးသော လူများကို ထားကာ သူ့၏ စိတ်ပိုင်းဆိုင်ရာ ကောင်းမွန်အောင် လမ်းညွှန်ပေးစေပြီး သူ ဖြစ်စေချင်သည့် လမ်းကို ရောက်အောင် လုပ်ပေးစေသည်။

သို့သော် ဗိုလ်ချုပ်ကြီးအော်သာ ခြေတစ်လှမ်း လိုသွားလေသည်။ အင်ပါယာ၏ မင်းသားက ဇာ့ခ်များ၏ တိုက်ခိုက်မှုကြောင့် ရပ်စဲလ် တည်ရှိနေသော ဂြိုလ်သို့ရောက်လာမည်ကို မမျှော်လင့်ထားသလို ငယ်စဥ်တည်းက သူ သေချာ ထိန်းကျောင်းလမ်းပြပေးခဲ့သော ရပ်စဲလ်က မင်းသားကို ကယ်မိသောကြောင့် သူတို့နှစ်ယောက် တစ်ယောက်အပေါ် တစ်ယောက် ခံစားချက်များ တိုးလာသည်အထိ ဖြစ်သွားစေမည်ကိုလည်း မမျှော်လင့်ခဲ့ပေ။

သူ၏ မူလအကြံအစည်မှာ ရပ်စဲလ် အင်ပါယာတွင် ကျောင်းတက်ရန် ဖြစ်ပြီး သူ့ကို မည်သူမျှ မထိခိုက်စေနိုင်တော့မည့်အချိန်တွင် ဗိုလ်ချုပ်ကြီးက သူ့သားအဖြစ် အသိအမှတ်ပြုကာ မဟာမိတ်နိုင်ငံသို့ ပြန်လည်ခေါ်ဆောင်မည်ပင်။

ထိုအကြောင်းကြောင့် ရပ်စဲလ်က မြို့တော်ကြယ်မှကျောင်းသို့ ရောက်ပြီးချိန်တွင် ပိုးပမ်းပြီး သူ heat ဝင်ချိန်တွင် အမှတ်အသားပေးရန် သူအယုံကြည်ရဆုံး အယ်လ်ဖာကို အင်ပါယာသို့ စေလွှတ်ခဲ့သည်။

သို့သော် အဆုံးတွင် ကံကြမ္မာက သူတို့အားလုံးကို အရူးလုပ်ခဲ့လေသည်။ ရွှယ်လင်က အချက်အလက်များကို ကြည့်လိုက်ပြီး ဗိုလ်ချုပ်ကြီးအော်သာ၏ ဒေါသထွက်နေမည့် ပုံစံကို စိတ်ကူးကြည့်လိုက်သည်။ သူ မတတ်နိုင်ဘဲ အော်ရယ်လိုက်လေသည်။

"အရမ်း ပျော်နေတာလား..."

အော်ဂတ်စတင်းက သူ့လက်ကိုဆန့်ပြီး ရွှယ်လင်၏ ခေါင်းကို ပွတ်လိုက်သည်။ သူ့၏ လိုအင်ဆန္ဒကို ဖြည့်တင်းပြီးသော ယောင်္ကျားတစ်ယောက်ကို ရင်ဆိုင်ရန် လွယ်ကူလေသည်။ သူ၏ အကြည့်များက နူးညံ့နေပြီး အကယ်၍ ရွှယ်လင်သာ ကောင်းကင်ပေါ်သို့ ပျံချင်သည်ဟု ပြောပါက ထိုလူက သူ့ကို အပေါ်သို့ပျံတက်ရန် မတုံ့မဆိုင်း ခေါ်သွားမည်ပင်။

"သူတို့ စိတ်ဆင်းရဲနေသ၍ ကျွန်တော် ပျော်တယ်..."

ရွှယ်လင် သူ၏ နာနို ကွန်ပျူတာကို ခါလိုက်ပြီး ရုတ်တရက် တစ်စုံတစ်ရာကို သတိရလိုက်သည်။

" မင်းသားရော ဘာဖြစ်သွားပြီလဲ..."

"သူ့ကို မြေအောက်အကျဥ်းတိုက်ထဲမှာ အကျဥ်းချထားတယ်..."

ထိုလူ့အကြောင်း ကြားလိုက်သည်နှင့် အော်ဂတ်စတင်း၏ အသံက လူသတ်ချင်နေသည့်အသံသို့ ပြောင်းလဲသွားလေသည်။

ရွှယ်လင်က ရယ်မောကာ ပြောလိုက်သည်။

" သူ တော်တော်ကြာတဲ့အထိ သေလို့ မရသေးဘူး... အခုတော့ သူ့ကို ပိတ်လှောင်ထားလိုက်ပါဦး... ချမ်းသာကြွယ်ဝတယ်ဆိုတာ ဘယ်လိုလဲဆိုတာ သူ့ကို ပြရမယ် ဒါနဲ့ သူ့ရဲ့ ချစ်သူလေးရော ဘာဖြစ်သွားလဲ..."

"လူသာပျောက်ပြီး သုံးရက်ကြာတော့ သူလည်း မြေအောက် အကျဥ်းတိုက်ကို ရောက်လာတာနဲ့ သူ့ကိုပါ အကျဥ်းချထားလိုက်တယ်..."

ရွှယ်လင် လက်ခုပ်တီးလိုက်လေသည်။

အဓိကဇာတ်လိုက် နှစ်ယောက်က နီးစပ်ချင်နေတယ်ဆိုမှတော့ သူတို့ကို ခွဲထားရင် မကောင်းဘူးလေ ~

သူ၏ဆိုးဝါးသောအကြိုက်ကြောင့် အကူစနစ်လေး ရယ်လိုက်လေသည်။ အော်ဂတ်စတင်းက သူ့ဘေးတွင် ရပ်နေသောကြောင့် အကူစနစ်လေးက ပါးစပ်ကိုသာ ပိတ်ထားပြီး စကားမပြောရဲပေ။

ယခင်က နန်းတော်မြေအောက်နေရာသည် အလွန်တန်ဖိုးကြီးသော စီမံကိန်း ဖြစ်ခဲ့သည်။ ၎င်းကို တည်ဆောက်ခဲ့သော ဒီဇိုင်းဆွဲသူများက နန်းတော်မှ မထွက်သွားပေ။ အခြားသူများအမြင်တွင် သူတို့ကို အကျဥ်းချခံထားသည်ဟု ထင်သော်လည်း အမှန်တွင် သူတို့က ထိုစီမံကိန်းတစ်ခုလုံးအား စွဲလန်းနေခြင်းပင်။

အော်ဂတ်စတင်း နိုးလာပြီးနောက် နန်းတော်မြေအောက်တိုက်တွင် လျှို့ဝှက်ချက်များရှိသည်ကို ရွှယ်လင် သိလိုက်ရသည်။ သူ့လူများကို ရပ်စဲလ်အား ခေါ်ခိုင်းလိုက်ပြီး လူသာ၏ အကျဥ်းခန်းဆီသို့ ခေါ်သွားလိုက်လေသည်။

ဧကရီ မရွံရှာသွားစေရန် အစောင့်တို့က လူသာကိုရေဖြင့်လောင်းချလိုက်သောကြောင့် မင်းသားက အစော်ကားခံရလို ခံစားလိုက်ကာ ဒေါသထွက်သွားပြန်သည်။ အကျဥ်းချခံထားရသောကြောင့် သူ၏ အားအင်များက လုံးဝမရှိတော့ပေ။ မဟုတ်ပါက သူ ထိုလူတို့ကို ပြန်တိုက်မည်မှာ ကြာလှပြီပင်။

သူ ထိုသို့ဆိုးဝါးသော အတွေးများ တွေးနေချိန် တံခါးက ထပ်ပွင့်သွား၍ လူသာက ရက်စက်မှောင်မိုက်နေသော အကြည့်များဖြင့် ကြည့်လိုက်လေသည်။ သူ၏ အကြည့်များက စွဲမက်ဖွယ်ကောင်းသော လူငယ်လေးပေါ်သို့ ကျရောက်သွားလေသည်။

သူ ပေါ်လာသည်ကို တွေ့သည်နှင့် heatကာလ ပြီးဆုံးသွားပြီဖြစ်ကြောင်း လူသာ သိလိုက်သည်။ သူ သရော်လိုက်လေသည်။

" မင်းသမီးက လုံလုံလောက်လောက် ပျော်ပါးပြီး နောက်ဆုံးတော့ ကျွန်တော်မျိုးကို သတိရပြီပဲ ကျွန်တော်မျိုး ဂုဏ်ယူသင့်လား..."

ရွှယ်လင် အံ့အားသင့်နေသလို ပြောလိုက်သည်။

" ကျွန်တော်တို့က ကွာရှင်းပြီးပြီလေ ကျွန်တော့်ကို ခေါ်ရင် မင်းသမီးဟောင်းလို့ခေါ်ပါ... ခင်ဗျားလည်း သိပ်မကြာခင် မင်းသားဟောင်း ဖြစ်တော့မှာ..."

အရွယ်ရောက်ပြီးနောက် ရိုင်းစိုင်းကြမ်းတမ်းသော အရာများဖြင့် ထိတွေ့ပုံ မပေါ်သော လူငယ်လေးက ယခုတွင် နွေးထွေးသော ညှို့ဓါတ်ကို သယ်ဆောင်ထားလေသည်။ သူ၏ heatကာလ ပြီးကာစအချိန် ဖြစ်သောကြောင့် ကိုယ်သင်းနံ့တွင် ဖယ်ရိုမုန်း တစွန်းတစ ရှိနေသေးသည်။ သို့သော် သူ၏ ကိုယ်ပေါ်မှ ဖယ်ရိုမုန်းနံ့က သူ၏အနံ့ သို့မဟုတ် တခြားလူ၏ အနံ့လား မပြောနိုင်ပေ။

ထိုအကြောင်းကို သတိရလိုက်သောအခါ လူသာ ဆဲရေးလိုက်သည်။

" ဟား ငါ့ရဲ့ နာနိုကွန်ပျူတာကို ခိုးပြီး ကွာရှင်း သဘောတူစာချုပ်မှာ လက်မှတ်အတု လုပ်တယ်ပေါ့... မင်းရဲ့ မျက်နှာ အစစ်အမှန်ကိုမြင်ရင် ပြည်သူတွေ မင်းကို ထောက်ခံပါဦးမလား မသိဘူး..."

"ဘာလို့ မထောက်ခံရမှာလဲ..."

ရွှယ်လင် ရယ်ကာ ပြောလိုက်သည်။

" ခင်ဗျားက တခြား အိုမီဂါကို အရင်ဆုံးအမှတ်အသား ပေးခဲ့တာလေ... ခင်ဗျားကို ကွာရှင်းဖို့ ပြောပြီးမှ ကျွန်တော့်ကို အမှတ်အသားပေးဖို့ တခြားလူ ရှာလိုက်တာ အဲဒါ မှားနေလို့လား..."

"ဟား မမှားပါဘူး..."

လူသာ လက်သီးဆုပ်လိုက်သည်။ သူ ပိုင်ဆိုင်သင့်သောအရာကို တစ်ခြားသူ ခိုးသွားသည်ဆိုသော ခံစားချက်က လက်ခံနိုင်ဖွယ် မရှိပေ။ သူ၏ ခေါင်းကို စောင်းကာ အကြည့်လွှဲရင်း စိတ်ကို ထိန်းလိုက်ရလေသည်။

" မင်းက အရာအားလုံးကို တွက်ချက်ပြီးပြီမလား... သူတို့မင်းကို ဧကရီလို့ခေါ်တာတော့ ရယ်ရတယ် ဒီကမ္ဘာမှာ ဧကရာဇ်လို့ ခေါ်လို့ရမယ့် ဒုတိယလူ ပေါ်လာမယ်လို့ မင်းထင်နေတာလား..."

"နောက်တစ်ယောက် ရှိမရှိတော့ ကျွန်တော် မသိဘူး ဒါပေမဲ့ ပထမဧကရာဇ်ကိုတော့ သိတယ်..."

ရွှယ်လင်က တံခါးနားတွင် စောင့်နေသော လူကို ဆွဲခေါ်လိုက်ပြီး ပီတိဖြာနေသော အသံဖြင့် ပြောလိုက်လေသည်။

" အရှင်မင်းသားက သူ့မျက်နှာကို မမှတ်မိဘူးလား..."

သူက အော်ဂတ်စတင်း၏ မျက်နှာကိုလက်လှမ်းပြီး ဖွဖွလေး ဖျစ်လိုက်လေသည်။ ထိုလူက အမူအရာမဲ့စွာဖြင့် ရွှယ်လင်ကြိုက်သလိုလုပ်ခွင့် ပြုထားလေသည်။

" သူ မြေအောက်နန်းတော်မှာ နေခဲ့တာ နှစ်အတော်ကြာပြီလေ... သူ့ကို တခြားသူတွေ ခိုးမသွားအောင် သေချာ ဂရုစိုက်ပေးခဲ့တဲ့ တော်ဝင်မိသားစုကို ကျေးဇူးတင်ရမှာပဲ..."

သူ ပြောလိုက်သောအခါ လူသာ ခေါင်းမော့ကာ ထိုလူကို စူးစူးစိုက်စိုက် ကြည့်လိုက်လေသည်။ ယခင်က သာမန် အကြည့်တစ်ချက်သာ ပေးခဲ့ပြီး သူသည်လည်း ပြင်းပြင်းထန်ထန် နာကျင်နေသောကြောင့် ထိုလူ၏ မျက်နှာကို သဲသဲကွဲကွဲ မမြင်ခဲ့ရပေ။ ယခုရက်များတွင် သူ ထိုလူ့ကိုတွေးနေသောကြောင့် ရင်းနှီးနေသည်ဟု ခံစားနေရပြီး မည်သူဖြစ်ကြောင်း မသိဖြစ်နေလေသည်။

လူသာ၏ မျက်နှာက အံ့အားသင့်မှု အပြည့်ဖြစ်သွားလေသည်။ ထိုစိတ်ခံစားချက်များကို ရွှယ်လင်၏ ရှေ့တွင် ပထမဆုံးအကြိမ်အဖြစ် ဖော်ပြလိုက်သောကြောင့် ရွှယ်လင် ကျေနပ်စွာ လက်ခုပ်တီးရင်း မေးလိုက်သည်။

" အခု မှတ်မိသွားပြီမလား..."

"ဘယ်လိုလုပ် ဖြစ်နိုင်မှာလဲ...သူက သေပြီးသား မဟုတ်လား..."

လူသာ တိုးတိုးလေး ပြောလိုက်သည်။

" သေသွားရင်တောင် သူက အမြဲတမ်း ပြန်ရှင်လာနိုင်တယ်လေ..."

ရွှယ်လင် ပေါ့ပါးစွာ ပြောလိုက်သည်။

" အမှန်တော့ သူက အိပ်နေရုံလေးတင်ပါ... နှစ်ခုနှစ်ရာလောက်အိပ်လို့ မရဘူးဆိုတဲ့ စည်းမျဥ်းမျိုး မရှိပါဘူး သူပြန်နိုးလာပြီးရင် ဆက်အုပ်ချုပ်မယ်လေ..."

ထိုလူကို ကြွားပြီးသောအခါ ရွှယ်လင်က ရပ်စဲလ်ကို အထဲသို့ ခေါ်လိုက်လေသည်။ ရပ်စဲလ်က ယခုရက်ပိုင်းတွင် အကျဥ်းချခံထားရသော်လည်း ကောင်းကောင်း စားသောက်နေရသောကြောင့် များစွာမခံစားခဲ့ရပေ။ ပိန်လှီနေကာ မျက်တွင်းဟောက်ပက်ဖြစ်နေသော လူသာကို တွေ့သောအခါ မျက်ဝန်းထဲတွင် မျက်ရည်များ ပြည့်သွားလေသည်။

သူ ငိုရသည်ကို မကြိုက်သော်လည်း သူ့ရှေ့တွင် တွေ့နေရသော လူသာ၏ပုံစံက သူ့ကို ဝမ်းနည်းအောင် ပြုလုပ်နေလေသည်။ သူ့ချစ်သူ လွန်ခဲ့သော ရက်အနည်းငယ်က ထွက်သွားစဥ်က အထင်ကြီးစေလောက်သည့် တည်ရှိမှုမျိုးပင်။ သို့သော် ယခုတွင် သူ၏ ခေါင်းကို လူနှစ်ဦးရှေ့ ငုံ့ထားပြီး သူ့အမူအရာက ဆိုးဝါးနေကာ ယခင်က ဂုဏ် ကျက်သရေများ မည်သည့်နေရာရောက်နေမှန်းပင် မသိနိုင်ပေ။

ရပ်စဲလ်က လူသာကို ထိုသို့ တွေ့လိုက်ရသောကြောင့် ပြင်းပြင်းထန်ထန် စိတ်ဆင်းရဲသွားရလေသည်။

လူသာက ရပ်စဲလ်၏ အထိအတွေ့အောက်တွင် ထိတ်လန့် တုန်လှုပ်သွားပြီး တောင့်တင်းစွာဖြင့် ရပ်စဲလ်ကို ဖက်လိုက်လေသည်။ သူ၏ စိတ်ထဲတွင်လည်း မဆုံးနိုင်သော နောင်တများဖြင့် ပြည့်နေသည်။ သူ၏ မှတ်ဥာဏ်များကို ပြန်ရပြီးနောက် ရပ်စဲလ်ကို ပျော်ရွှင်စေပြီး ကောင်းမွန်စွာထားမည်ဟု မူလက တွေးခဲ့လေသည်။ သို့သော် ယခု ကြည့်ရသည်မှာ သူတို့နှစ်ယောက်သား ဆင်းရဲသော ဂြိုလ်ပေါ်တွင် ဆက်နေခဲ့သည်က ပိုကောင်းခဲ့မည်။

အနည်းဆုံး သူတို့ လုံခြုံဘေးကင်းစွာ နေနိုင်မည်ပင်။

ထိုယောင်္ကျားနှစ်ယောက်က လွမ်းမောတမ်းတရင်း အလုပ်ရှုပ်နေချိန်တွင် ရွှယ်လင်က ခေါင်းငုံ့ကာ အကူစနစ်လေးကို မေးလိုက်လေသည်။

" ငါက ဗီလိန် အကြီးစားကြီးနဲ့များ တူနေပြီလား... အရင်ဆုံး အဓိကဇာတ်လိုက်ရဲ့ ခန္ဓာကိုယ်ကို နှိပ်စက်ပြီး စိတ်ကိုပါနှိပ်စက်တဲ့ ပုံစံမျိုးလေ..."

"Host စိတ်လျော့လိုက်ပြီး သူတို့ကို လွှတ်လိုက်ရင် သူတို့မှာပြန်တိုက်နိုင်ဖို့ အခွင့်အရေး ရှိတယ်လေ..."

အကူစနစ်လေးက ဇာတ်ကွက်ကို သေချာသိနေပြီး ပြောင်းပြန်လှန်ရန် အခွင့်အရေး မရှိသည်ကို သိလေသည်။

" အဲ့လိုဆိုမှ hostက အအောင်မြင်ဆုံး ဗီလိန် ဖြစ်လာမှာ..."

ရွှယ်လင်ပြုံးလိုက်ပြီး သူ့လူများကို ပရင့်ထုတ်ခိုင်းထားသော သတင်းအချက်အလက်များကို ထုတ်လိုက်ပြီး သူတို့ရှေ့တွင် ချထားလိုက်လေသည်။

" မင်းတို့နှစ်ယောက် အနှောင့်အယှက် ဖြစ်သွားမလားမသိဘူး ဒါပေမဲ့ ဝမ်းနည်းစွာနဲ့ ငါ မင်းတို့ကို ပြောစရာ ရှိတယ်..."

"မင်း ဘာလုပ်ချင်သေးလို့လဲ..."

လူသာ မျှော်လင့်ချက်မဲ့နေသလို ခံစားလိုက်ရသည်။ သူ မစွမ်းဆောင်နိုင်ဖြစ်နေပြီး ဧကရာဇ်၏ရှေ့တွင် သူ၏ အနည်းငယ်သောစွမ်းအားက အသုံးမဝင်ပေ။ သူ၏ သက်တမ်းတစ်ဝက်ကို ဤနေရာတွင် ပိတ်လှောင်ခံထားရသည်မှလွဲပြီး အခြားအဆုံးသတ်မရှိဟု လူသာ ခံစားလိုက်ရသည်။

ကံကောင်းစွာဖြင့် ထိုလူက သူနှင့် ရပ်စဲလ်ကို တွေ့ခွင့်ပေးလာသည်။

" ဒီကိစ္စတွေက ရပ်စဲလ်နဲ့ မဆိုင်ပါဘူး မင်းလိုချင်တာက တော်ဝင်မိသားစုကို မလား... အခု ငါက မင်းလက်ထဲမှာပါ သူ့ကို လွှတ်ပေးလိုက်ပါ..."

" ကျွန်တော်တို့ကလည်း သူ့ကို ဘာမှ လုပ်ဖို့ အစီအစဉ် မရှိပါဘူး..."

ရွှယ်လင်က သူ့ရှေ့တွင် ဆောင့်ကြောင့် ထိုင်ချလိုက်ကာ သတင်းအချက်အလက်များကို လက်ထဲတွင် ကိုင်ထားလေသည်။

" ဒါပေမဲ့ သူက အင်ပါယာရဲ့လူမဟုတ်တော့ အင်ပါယာမှာ မနေသင့်ဘူး... အဲ့တော့ သခင်ငယ်လေး ရပ်စဲလ်ကို ပြန်ပို့မှာပါ..."

"သူ ကျွန်တော်တို့ လက်ထဲမှာ ဆိုတာ ဗိုလ်ချုပ်ကြီးအော်သာ သိရင် သူ့သားလေး ချောချောမွေ့မွေ့ ပြန်လာနိုင်ဖို့အတွက် တစ်ခုခုပေးဆပ်ရမှာကို ပျော်နေမှာပါ..."

"မင်း ဘာကို ဆိုလိုတာလဲ..."

"ကျွန်တော် ပြောခဲ့တဲ့ အတိုင်းပဲလေ..."

ထိုလူနှစ်ယောက်ကို သတင်းအချက်အလက်များ ပေးပြီးနောက် ရွှယ်လင်ကဇာတ်လိုက် နှစ်ယောက်အကြောင်းကို ဂရုမစိုက်တော့ပေ။ သူတို့နှစ်ယောက်က သူ့အတွက် ခြိမ်းခြောက်မှုပင် မဟုတ်ချေ။ သူတို့ကို ခွဲထားသ၍ သူတို့၏အချစ်ဖြစ်စေ အခြားအရာဖြစ်စေ ၎င်းတို့က အသုံးမဝင်တော့ပေ။ မင်းသားက သူ၏ ချစ်သူသာမက အသက်မွေးဝမ်းကြောင်းပါ မရှိတော့ပေ။ သူ၏ အောက်ပိုင်းသည်လည်း ပျက်ဆီးသွားပြီး ကလေး မရနိုင်တော့၍ ကစားပွဲထဲတွင် မပါဝင်တော့ပေ။

ကျန်နေသော အရာတစ်ခုမှာ ဇာ့ခ်များပင် ဖြစ်သည်။

ရုတ်တရက် ရွှယ်လင်က ခြေလှမ်းများကို ရပ်တန့်လိုက်သည်။ သူ လှည့်လိုက်ကာ ထိုလူ၏ ကော်လံကို ဆွဲလိုက်ပြီး သူ့ကို ငုံ့ကြည့်စေသည်။

"ခင်ဗျား ဇာ့ခ်တွေကို သတ်မယ်လို့ ကျွန်တော့်ကို အရင်က ကတိပေးခဲ့တယ်နော်..."

"အင်း ကိုယ် ကတိပေးခဲ့တယ်..."

ရွှယ်လင်၏ နှုတ်ခမ်းများ တွန့်ကွေးသွားပြီး ကျေနပ်စွာဖြင့် ထိုလူကို နမ်းလိုက်သည်။ ထို့နောက် ပျော်ပျော်ကြီး အမိန့်ပေးလိုက်လေသည်။

" ဒါဆိုလည်းသွားတော့ ခင်ဗျား သူတို့အကုန်လုံးကို သတ်ပြီးလို့ သူတို့ မျိုးတုန်းသွားတဲ့နေ့ကျရင် ကျွန်တော် ခင်ဗျားကို လက်ထပ်ဖို့ သဘောတူမယ်..."

အော်ဂတ်စတင်းက သူ့ကို လက်လှမ်းကာ ခါးမှပွေ့ချီမလိုက်လေသည်။ သူ့ခေါင်းကိုငုံ့ကာ ရွှယ်လင်၏ နှဖူးကို သူ့နှဖူးနှင့် ထိထားရင်း မေးလိုက်လေသည်။

" ဒါဆို အခုက လက်ထပ်ပြီးတာလို့ ထည့်တွက်လို့ မရဘူးပေါ့..."

" အင်း ဒါကို အစမ်းကာလလို့ သတ်မှတ်လို့ ရပါတယ်..."

ရွှယ်လင် သူ၏ က်ချောင်းထိပ်လေးကို အော်ဂတ်စတင်း၏ နှုတ်ခမ်းပေါ်တွင် ပွတ်သပ်ရင်း အကြောက်တရားကင်းမဲ့စွာ စနောက်နေလေသည်။

" ဇာ့ခ်တွေ ပျက်ဆီးသွားရင် ခင်ဗျား ကျွန်တော့်ကို ကြယ်တွေအားလုံးရှေ့မှာ လက်ထပ်ခွင့် တောင်းနိုင်တယ်...အဲ့လိုဆို လက်ခံမယ် အဲ‌ဒါဆိုရင်..."

သူက စကားဆက်ပြောရန် အချိန်ဆွဲလိုက်လေသည်။

" ကျွန်တော်က ခင်ဗျား အပိုင်ဆိုတာ စကြာဝဠာ တစ်ခုလုံး သိသွားလိမ့်မယ်..."

နောက်ပြီး ခင်ဗျားကလည်း ကျွန်တော့်အပိုင်ဆိုတာ အားလုံး သိသွားလိမ့်မယ်...

အော်ဂတ်စတင်း လူသိရှင်ကြား ချပြရန် လိုလားနေသော သူ၏ရင်ခွင်ထဲမှ လူငယ်လေးကို ကြည့်လိုက်ပြီး နူးညံ့စွာ ရယ်ကာ ခေါင်းငုံ့ပြီး နှုတ်ခမ်းကိုနမ်းလိုက်လေသည်။

"ကောင်းပြီ ကိုယ် ကတိပေးပါတယ်..."

🦊🦊🦊

Prev Next