MM Story Teller

Chapter 85

Viewers 8k

🦊Arc 6 Data In love

Chapter 85

6.10 - ဒါဆို သူ ငါ့ကို လာသတ်တော့မှာလား...

နံရံတွင် အဖိကပ်ခံထားရသော်လည်း ရွှယ်လင်၏ အမူအရာက မပြောင်းလဲပေ။ သူ စူးရွှမ့်ယန်ကို တည်တည်ငြိမ်ငြိမ်သာ ကြည့်ကာ မေးလိုက်သည်။

" ငါက ကြီးမြတ်တဲ့ နတ်ဘုရားစုကို ဘယ်လို အနှောင့်အယှက်ဖြစ်အောင်များ လုပ်မိလို့လဲ..."

စူးရွှမ့်ယန်က တစ်စုံတစ်ရာကို ရှာနေသလို သူ့ မျက်လုံးများကို စိုက်ကြည့်နေလေသည်။ သို့သော် သူ့ မျက်လုံးများက ဖန်ကဲ့သို့ကြည်လင်နေပြီး သူ့မျက်နှာက ရွှယ်လင်၏ မျက်လုံးထဲတွင် အရိပ်ထင်နေလေသည်။

"မိုင်ထောင်ချီမနားတမ်း လို့ ခေါ်တဲ့လူကို မင်းစိတ်ဝင်စားတယ်ပေါ့..."

ဤမေးခွန်းက မည်သည့်နေရာက ရောက်လာမှန်း မသိပေ။

ရွှယ်လင်က မည်သည့်အခါကမှ ဂိမ်းတွင် အလွန် စိတ်ဝင်စားပုံ မပြခဲ့ပေ။ သူ့ထက် အဆင့်မြင့်သော မွန်းစတားများကို သူ အဆင့်တက်ရန်အတွက် သတ်ဖြတ်ခဲ့လေသည်။ ၎င်းက သူ၏ စွမ်းအားများကို တိုးတက်စေမည့် အဓိပ္ပာယ်သာ ဖြစ်သည့်အပြင် သတိထားခံရခြင်းမှ ရှောင်ရှားရန်လည်း ဖြစ်သည်။ ရွှယ်လင် ဤဂိမ်းထဲသို့ ရောက်လာရသည့် အကြောင်းအရင်းမှာ သူ့ကြောင့် သို့မဟုတ် ပင်မကွန်ပျူတာကြောင့်ဟု ထင်ခဲ့သည်။ သို့သော် သူ၏ ခန့်မှန်းချက်သည် မှားယွင်းသွားပုံပင်။ ရွှယ်လင်၏ အဓိကပစ်မှတ်မှာ မိုင်ထောင်ချီမနားတမ်း ဟုခေါ်သည့် ယောင်္ကျားဖြစ်နေသည်။

ရွှယ်လင် သူ့ မျက်လုံးကို လှိမ့်လိုက်ချင်သော်လည်း သည်းခံလိုက်လေသည်။ သူ လက်လှမ်းကာ စူးရွှမ့်ယန်၏ ပခုံးကို ပုတ်လိုက်ပြီး မေးလိုက်သည်။

" မင်း ဘယ်လိုလုပ် အဲ့လို ကောက်ချက်ချရတာလဲ..."

"သူတို့နဲ့ ရေရှည် ပူးပေါင်းဖို့ မပြောနဲ့ ဖြစ်စဥ်တွေမှာ ပါဖို့ဆိုတာက မင်းရဲ့ပုံစံ မဟုတ်ဘူး..."

စူးရွှမ့်ယန် မျက်မှောင်ကြုတ်လိုက်လေသည်။ သူ ပိုကြည့်လေလေ တစ်ဖက်လူ၏ ဂရုမစိုက်သော အကြည့်များကြောင့် ပို၍ မကျေမနပ် ဖြစ်လာလေလေပင်။

ငါ တစ်ယောက်တည်းပဲ အဲ့လူရဲ့ မျက်လုံးထဲမှာ ရှိနေသင့်တာလေ...

"အိုး..."

ရွှယ်လင်၏ နှုတ်ခမ်းများ တွန့်ကွေးသွားကာ နောက်ဆုံးတွင် သူမျက်နှာပေါ်၌ အပြုံးတစ်ပွင့်ကို ပြသလိုက်လေသည်။

" ဒါဆို နတ်ဘုရားစုက ငါ့ကို ကောင်းကောင်း သိတယ်ပေါ့... ငါနဲ့ ရက်အတော်ကြာ အတူရှိနေခဲ့တာဆိုတော့ အကျင့်က ဘယ်လိုလဲဆိုတာ အတိအကျ သိတယ်ပေါ့..."

စူးရွှမ့်ယန်က သူ့ နှုတ်ခမ်းများကို တင်းတင်း စေ့ထားကာ ပြန်မဖြေခဲ့ပေ။

ရွှယ်လင် သူ့ကို အတော်ကြာသည်အထိ စိုက်ကြည့်နေပြီးနောက် မျက်နှာကို ခပ်တည်တည် မထားနိုင်တော့ပဲ ခပ်ကျယ်ကျယ် ရယ်လိုက်လေသည်။

သူ ရယ်လိုက်ချိန်တွင် သူ့မျက်လုံးများက ကွေးသွားပြီး လူရှိန်စေလောက်သည့် ကျက်သရေရှိမှု အနည်းငယ် လျော့ကျသွားပြီး သူ့ကို တွေ့သမျှ လူတိုင်းက သူ့ကို ချစ်ခင်စိတ်များ ဖြစ်ပေါ်စေသည်။

" နတ်ဘုရားစု ငါ့ကို မေးခွန်း တစ်ခုလောက် မေးခွင့်ပြုပါ..."

စူးရွှမ့်ယန် ပြောလိုက်သည်။

" မေးလေ..."

" မင်း ငါ့ကိုကြိုက်လား..."

သူ့လက်ကို ဆန့်လိုက်ကာစူးရွှမ့်ယန် သူ့ဘေးနားတွင် နံရံကို ဖိထားသော လက်အား တွန်းလိုက်လေသည်။ ထို့နောက် လှည့်လိုက်ကာ အပိတ်ခံထားရသည့် နေရာမှ ထွက်သွားလိုက်သည်။ သူ တစ်ချိန်လုံး ပြုံးနေပြီး သူ၏ပုံစံက အေးဆေးကာ တည်ငြိမ်နေသည်။

" နှင်းသံတိမ်တိုက်တွေကို သုံးပြီး ကျွန်တော်နဲ့ သူငယ်ချင်း ဖြစ်ချင်နေတယ် တစ်နေ့လုံး ကျွန်တော့်နောက်ကို လိုက်ပြီး ကျွန်တော့်ဘေးမှာ နေတယ် ခင်ဗျား ကျွန်တော်နဲ့အတူ ဖားကို ရေနွေးထဲ ထည့်ပြုတ်မလို့လား..."

( T/n : ဖားကို ရေနွေးထဲမှာပြုတ်တယ်ဆိုတာက ဖားက သူ အပြုတ်ခံနေရတာကို နားမလည်ပဲ ပျော်နေလိမ့်မယ်တဲ့ Chinese bl တွေမှာ အဲ့တာတွေရဲ့ အဓိပ္ပါယ်က တစ်စုံတစ်ယောက်က တခြားတစ်ယောက်ကို ဖြည်းဖြည်းချင်း ချဥ်းကပ်ပြီး အကွက်ရွေ့မယ်ဆိုရင် နူးနူးညံ့ညံ့ နည်းလမ်းလေးတွေကို သုံးပြီး တစ်ခြားတစ်ယောက် သူ့ကို မချစ်မိခင် ကြောက်မသွားအောင် ချဥ်းကပ်တာကို ပြောတာတဲ့)

စူးရွှမ့်ယန် : "..."

"ဘာလို့ ဘာမှ မပြောတာလဲ..."

ရွှယ်လင် သူ့ဓါးကို သိမ်းဆည်းလိုက်ပြီး ဆက်ပြောလေသည်။

အဲဒါကို ဝန်ခံဖို့ သတ္တိမရှိဘူးလား... "

စူးရွှမ့်ယန်က တစ်ချိန်လုံး သူ့လှုပ်ရှားမှုများကို လိုက်ကြည့်နေလေသည်။ ရွှယ်လင်၏ စကားများကို ကြားသောအခါ သူ့နှုတ်ခမ်းများ အနည်းငယ် ကော့တက်သွားသည်။

" ဒါဆို အဲ့ဖားကိုပြုတ်တာ ပြီးပြီလားလို့ ကိုယ်မေးလို့ရမလား..."

"ဘယ်လို အားစိုက်ထားရသေးလို့လဲ... ရက်ပိုင်းပဲ ကြာသေးတယ်လေ... အဲဒါက အနည်းဆုံး သုံးနှစ်ကနေ ငါးနှစ်အထိ ပြုတ်ရမှာ... တစ်နေ့နေ့ကျရင်တော့ ဖားလည်း စိတ်ကောင်းဝင်ပြီး သူ့ဘာသာသူ အဆင်သင့် ဖြစ်သွားမှာပေါ့..."

ရွှယ်လင် အေးအေးဆေးဆေး တုံ့ပြန်လိုက်သည်။

ရွှယ်လင် သူ့ကိုရှောင်၍ လျှောက်သွားလိုက်ပြီး ထိုင်လိုက်သည်ကို စူးရွှမ့်ယန် တွေ့လိုက်ရသည်။ သူစူးရွှမ့်ယန်ကို စိတ်တိုရှက်ရွံ့မှု သို့မဟုတ် ဖဲကျဥ်ချင်သည့် ပုံစံကိုလည်း မတွေ့ရပေ။ ရွှယ်လင်က တည်ငြိမ်စွာဖြင့် သူ့ကို ပြန်၍ ပရောပရီ လုပ်နေပုံပင်။ သူ၏ မျက်လုံးများသည် အနည်းငယ် ကျဥ်းမြောင်းနေကာ ခရမ်းရောင် အလင်းတန်းလေး ထွက်ပေါ်နေလေသည်။

" လူတိုင်းက ဖားကို ချက်ပြုတ်နိုင်လို့လား..."

သူ ရွှယ်လင် ဘေးတွင် ထိုင်လိုက်ပြီး ခေါင်းလှည့်ကာ ရွှယ်လင်၏ ဘေးတိုက်ပုံလေးကို ကြည့်လိုက်သည်။

မည်မျှပင်ကြည့်သည်ဖြစ်စေ သူ မတင်းတိမ်နိုင်ပေ။ ယခင်က လူတစ်ယောက်ယောက်က "အလှမှာ နစ်မွန်းနေပြီး ကယ်လို့မရတော့ဘူး" ဟု ပြောခဲ့ပါက သူ ထိုသူတို့ကို သရော်လိုက်မည်ပင်။ သို့သော် ယခု သူ ထိုအခြေအနေတွင် ကျရောက်နေပြီး ထိုသို့ဖြစ်ရန်လည်း လိုလိုလားလားရှိနေသည်။

ရွှယ်လင်က သူ၏ ရှာဖွေရသည့်စက်ကို ဖွင့်လိုက်ပြီး တစ်ဖက်လူ၏ စကားများကို ကြားချိန်တွင် ခေါင်းစောင်းကာ သူ့ကို ပြန်ကြည့်လိုက်လေသည်။ သူတို့ အလွန် နီးကပ်နေလေသည်။ ရွှယ်လင် သူတို့ကြားမှ သေးငယ်သော အကွာအဝေးလေးကို သတိမထားမိသကဲ့သို့ စူးရွှမ့်ယန်နားသို့ တိုးလိုက်ကာ သူ၏ နှုတ်ခမ်းကို စူးရွှမ့်ယန်၏ပါးပြင်တွင် ပွတ်လိုက်လေသည်။ သူ၏ အသက်ရှုသံလေးက သစ်ခွပန်းလေးကဲ့သို့ နူးညံ့နေသည်။

" သူတို့ ချက်ပြုတ်ချင်တယ်ဆိုရင်ရော ခင်ဗျား ခွင့်ပြုမှာလား..."

သူတို့ အရေးကြီးသည့် အပိုင်းသို့ရောက်နေပြီဖြစ်သည်။ စူးရွှမ့်ယန် သူ့ကိုယ်သူ ဆက်ပြီး ထိန်းချုပ်နေပါက ငတုံးတစ်ယောက်ပင်။ သူ့လက်တစ်ဖက်ကို ရွှယ်လင်၏ ခါးပေါ်တွင် တင်လိုက်ပြီး ရွှယ်လင်၏ ခန္ဓာကိုယ် တစ်ခုလုံးကို သူ့ရင်ခွင်ထဲဆွဲလိုက်ပြီး တခြားလက်တစ်ဖက်က သူ့ခေါင်း၏ နောက်ဘက်ကို အုပ်ကိုင်လိုက်လေသည်။ သူ အားအနည်းငယ် သုံးခဲ့သောကြောင့် သူတို့နှစ်ယောက် တိုက်ရိုက် ဖိကပ်သွားလေသည်။ သူ့ နှုတ်ခမ်းများက ရွယ်လင်၏ နှင်းကဲ့သို့ ဖြူဖွေးနေသော အရေပြားကို ထိသွားလေသည်။ သူ အောက်ကို ငုံ့ကြည့်လိုက်ချိန်တွင် သူ၏ မျက်တောင်ရှည်များက ရွှယ်လင်၏ မျက်နှာကို ပွတ်ဆွဲသွားသောကြောင့် ရွှယ်လင် အနည်းငယ် ယားယံသွားပြီး မျက်တောင် ခတ်လိုက်လေသည်။

" အစတည်းက ကိုယ် လုပ်တာ မှန်တယ်ဆိုရင် မင်းကို ဘာလို့ ချဥ်းကပ်ခွင့် မပေးခဲ့တာလဲ..."

" မသိဘူး..."

ယခုတွင် သူတို့က မသဲကွဲသော အခြေအနေတွင် ရှိနေကြသည်။ သို့သော် ရွှယ်လင်၏ အမူအရာက ကြည်လင်ကာ ရိုးသားနေဆဲပင်။

" မြင်မြင်ချင်း အချစ်လည်း ဖြစ်နိုင်တယ် ခင်ဗျားက ကျွန်တော့် အကြိုက်နဲ့ ကိုက်ညီတာလည်း ဖြစ်နိုင်တယ်... ဒါမှမဟုတ် ကျွန်တော် ခင်ဗျားကို အပျော်သဘော စနောက်ချင်တာလည်း ဖြစ်နိုင်တယ်လေ..."

"ပျော်ဖို့ကောင်းလား..."

"အရမ်းကို ကောင်းတာ..."

အဆုံးတွင် ထိုလူက သူကမ္ဘာပေါင်းများစွာကို ဖြတ်သန်းသွားနိုင်ရန် ခွန်အားပေးသည့် အဓိကအချက်ပင်။

ကမ္ဘာတိုင်းက ကွဲပြားပေမဲ့ အဲ့လူက ငါတစ်ယောက်တည်းကိုပဲ ထပ်ခါထပ်ခါ ချစ်မိနေတာလေ ဘယ်လိုလုပ် ပျော်စရာ မကောင်းဘဲ နေပါ့မလဲ...

"ကိုယ်လည်း ပျော်ဖို့ကောင်းတယ်လို့ ထင်တယ်..."

စူးရွှမ့်ယန်၏ အသံက ပို၍နက်ရှိုင်းလာလေသည်။ သူ့ နှုတ်ခမ်းများက ရွှယ်လင်၏ နှုတ်ခမ်းများအနားကို ကပ်လိုက်ပြီး သူ့လျှာက အနည်းငယ် စိုထိုင်းနေသော အောက်နှုတ်ခမ်းကို ယက်လိုက်လေသည်။ သူ၏ လှုပ်ရှားမှုများက အလွန် သိသာသော်လည်း ရွှယ်လင် လုံးဝကို လျစ်လျူရှုခဲ့လေသည်။

ရွှယ်လင် ခေါင်းကို လှည့်လိုက်လေသည်။ သူ၏ လက်များကို စူးရွှမ့်ယန်၏လည်ပင်းပေါ်တွင် တင်ထားခြင်းဖြစ်သော်လည်း သူ့အကြည့်များက တခြားနေရာကို ကြည့်နေလေသည်။

လက်ရှိတွင် သူတို့က ချီကျန့်ဖန့်မှ ရွှယ်ရှင်းခန်းမထဲတွင် ရောက်နေကြလေသည်။ တစ်စုံတစ်ယောက် အနားသို့ ကပ်လာပါက သတိပေးသည့် အစီအရင်ကို သူ အစောကြီးတည်းက ထည့်သွင်းခဲ့သည်။ တစ်စုံတစ်ယောက်က အစီအရင်နယ်နိမိတ်တွင် ပေါ်လာလေသည်။ ထိုလူက ရွှယ်လင် သတိထားနေရသော အခြားလူတစ်ယောက်ပင်။ သူ၏ စုဆောင်းမှုထဲမှ ပို့ဆောင်ရေးအဆောင်ကို ထုတ်လိုက်ပြီး ၎င်းကို စူးရွှမ့်ယန်၏ ခန္ဓာကိုယ်ပေါ်တွင် ရိုက်နှိပ်လိုက်လေသည်။ ထို့နောက် စူးရွှမ့်ယန်၏ခေါင်းကို ဆွဲငုံ့လိုက်ပြီး နမ်းကာ သူ့ကို အဝေးသို့ ပို့လိုက်လေသည်။

" ကျွန်တော့်ဆရာက ကျွန်တော်တို့ကို ဖမ်းဖို့ ရောက်လာပြီ... နတ်ဆိုးလမ်းစဥ်ရဲ့ တပည့်တစ်ဦး ဖြစ်တဲ့အတွက် ခြေထောက်ကျိုးတာကနေ ကာကွယ်ချင်ရင် ခင်ဗျား အရင်သွားတာ ကောင်းမယ်..."

ရွှယ်လင်၏အသံကို ကြားလိုက်ရသည်နှင့်တစ်ပြိုင်နက် စူးရွှမ့်ယန်က မှောင်မိုက်နေသော အမူအရာဖြစ်နေကာ အဝေးသို့ ပို့ဆောင်ခံလိုက်ရသည်။

ရွှယ်လင် သူ့ဝတ်ရုံကို ဖြန့်လိုက်ပြီး နှုတ်ခမ်းကို သပ်လိုက်လေသည်။ သူ့မျက်လုံးထဲတွင် ပျော်ရွှင်မှု အရိပ်အယောင်များ ရှိနေသေးသည်။ သို့သော် ဟန်ဝူကျန်း ဝင်လာချိန်တွင် သူတွေ့လိုက်ရသည်မှာ သူ၏ တပည့်က အေးစက်နေသော အမူအရာဖြင့် ခေါင်းငုံ့ကာ ဓါးသွေးနေသည်ကိုပင်။

သူ့ မျက်နှာပေါ်မှ ဆိုးဝါးနေသော အမူအရာက အနည်းငယ် နူးညံ့သွားပြီး သူ၏ ပါးစပ်ကို ဖွင့်ကာ နှုတ်ဆက်လိုက်လေသည်။

" ထုံအာ..."

ရွှယ်လင် အနည်းငယ် မှင်သေနေမိသည်။ ' ထုံအာ ' ဟူသောနာမည်ကို ဤလူ သူ့ကို ပေးခဲ့ခြင်း ဖြစ်ကြောင်း မေ့လုနီးပါးပင်။ သူ့နာမည်က ရှင်းထုံ ဖြစ်သည်။ ယခု ထိုသူက ထုံအာဟုညခေါ်နေသည်ဖြစ်၍ သူ့ကို ခေါ်နေခြင်း ဖြစ်လောက်မည်။

ယခု ရွှယ်လင်၏လက်ထဲတွင် ဓါးဖြစ်နေသော အကူစနစ်လေးမှာ သူ့ကို မမြင်နိုင်ကြောင်း သိသော်လည်း သူ့host၏ ဆရာကို တိတ်ဆိတ်စွာ မျက်လုံးလှိမ့်လိုက်ပြလိုက်လေသည်။ သူ အထင်သေးရန် အချက်များစွာ ရှိသေးသော်လည်း သူ ဟန်ဝူကျန်း၏ စွမ်းဆောင်ရည်ကို ဝေဖန်ပြီး သူ့ကိုယ်သူ စိတ်အနှောင့်အယှက် မဖြစ်စေတော့ပေ။

ရွှယ်လင် သူ့ဓါးကို အေးအေးဆေးဆေး ချလိုက်လေသည်။ သူ၏ အမူအရာက မပြောင်းလဲဘဲ ယခင်ကဲ့သို့ အေးစက်ကာ ဂရုမစိုက်သည့် ပုံပင်။

" ဆရာ..."

စူးရွှမ့်ယန်ကို စနောက်ရသည်မှာ ပျော်စရာကောင်းသော်လည်း သူ၏ အပေါစားဆန်သော ဆရာကိုမူ သူ လုံးဝ မတွေ့ချင်ပေ။ ထိုဆရာက နက်နက်ရှိုင်းရှိုင်း ဖုံးကွယ်ထားသော်လည်း သူ၏မျက်လုံးများတွင် အတွင်းစိတ်များ ပေါ်နေလေသည်။ ပိုင်ဆိုင်လိုစိတ်ကြီးပြီး သူ့ကို တစ်ကိုယ်လုံး မျိုချစားသောက်ချင်နေသကဲ့သို့ အကြည့်မျိုးကို ရွှယ်လင် မတွေ့ချင်ဆုံးပေ။

သူ့ကို ထိုကဲ့သို့ ကြည့်နေသူက သူ့လူဖြစ်ပါက ထိုလူ စိတ်မရှည်တော့သည်အထိ စနောက်ပြီး ထားခဲ့မည် ဖြစ်သည်။ သို့သော် ဤလူက သူ့လူ မဟုတ်သောကြောင့် ရွှယ်လင် ထိုထက်ပိုသောအရာများကို လုပ်ရမည်ဖြစ်သည်။

သိသိသာသာပင် တစ်ဖက်လူက သူ့အပေါ်တွင် တစ်ခုခုကို ဖုံးကွယ်ထားလေသည်။ သို့မဟုတ် ပို၍ ရိုးရှင်းစွာဖြင့် သူက ရွှယ်လင်ကဲ့သို့လူကို လိုချင်နေခြင်းပင်။ ထိုသို့ကောက်ချက်ချပြီးသည်နှင့် ခြုံငုံသုံးသပ်ပြီးနောက် တစ်စုံတစ်ယောက်က ဟန်ဝူကျန်းဟူသော အထောက်အထားကို ခန့်မှန်းနိုင်မည် ဖြစ်သည်။

သို့သော် ယခု သူတို့က ဂိမ်းအစောပိုင်းတွင် ဖြစ်နေသောကြောင့် သူ့ကို ဆန့်ကျင်ပါက အကျိုးမရှိပေ။ ထို့ကြောင့် ရွှယ်လင် သည်းခံရန် လိုအပ်သည်။

"မင်း အခုရက်ပိုင်း ထျန်းမို့ဂိုဏ်းက လူတစ်ယောက်နဲ့ အရောဝင်နေတယ်လို့ ဆရာကြားတယ်... "

ရွှယ်လင် စိတ်ထဲတွင် သရော်ကာ ပြောလိုက်သည်။

" အဓိပ္ပါယ်မရှိတာတွေ အဲ့လို မဟုတ်ပါဘူး ဒီတိုင်း ကျင့်ကြံရေးလမ်းစဥ်ကို ဝင်လာတုန်းက ကျွန်တော်တို့နှစ်ယောက်လုံး အတူတူ မွန်းစတားတွေကို သတ်ခဲ့တုန်းက တွေ့ခဲ့ရုံတင်ပါ..."

သူ့တွင် ရှာဖွေစရာများရှိသေးသောကြောင့် မည်သည့်နေရာတွင် တွေ့ခဲ့သည်ကို ရွှယ်လင် တမင်တကာ ဖုံးကွယ်ခဲ့သည်။ ပင်မကွန်ပျူတာကပင် ကစားသမားများ၏ နေ့စဥ်ဘဝကို တစ်နေ့လုံး စောင့်ကြည့်ခွင့် မရှိပေ။ ထို့ကြောင့် ဟန်ဝူကျန်းလည်း သူနှင့် စူးရွှမ့်ယန်၏ ဆက်ဆံရေးကို အသေးစိတ် မသိနိုင်ပေ။

"အဲဒါ အကောင်းဆုံးပဲ..."

ဟန်ဝူကျန်း သူ့ကို ယုံသည်လား မယုံသည်လား မသေချာပေ။ သို့သော် သူ ရွှယ်လင်၏ ဓါးကို တစ်ချက်ကြည့်လိုက်ပြီး အနည်းငယ် အံ့အားသင့်စွာ ပြောလိုက်သည်။

" ငါ့တပည့်က အသက်ကို ဓားနဲ့တောင် ချည်နှောင်ထားပြီးပြီလား..."

"ဟုတ်ကဲ့..."

ရွှယ်လင် ခေါင်းညိတ်ကာ ပြောလိုက်သည်။

" ဆရာကျွန်တော့်ကို ရွေးချယ်ခိုင်းတဲ့ ဝိညာဥ်ကျောက်တုံးကို သုံးခဲ့တာလေ..."

"ကောင်းတယ် မင်းက အရမ်းနာခံတတ်တယ်... နောက်ပြီး မင်းရဲ့ ကျင့်ကြံရေးအတွက် ဆရာ အများကြီး ညွှန်ပြစရာတောင် မလိုတော့ဘူး... တရားမျှတတဲ့လမ်းစဥ်နဲ့ နတ်ဆိုးရဲ့လမ်းစဥ်က ကွဲပြားတယ်ဆိုတာ သိရမယ်...အချို့အရာတွေကို မင်းကောင်းကောင်း သိတယ်ဆိုရင် မလုပ်ဘဲ ရှောင်တာ ပိုကောင်းတယ်..."

"ဟုတ်ကဲ့ တပည့် နားလည်ပါပြီ..."

ဟန်ဝူကျန်းကို နာခံစွာ ပြန်ပို့ပေးပြီးနောက် ရွှယ်လင် အမူအရာမဲ့စွာဖြင့် အကူစနစ် ပေးပို့ထားသော ဂိမ်း၏ အဓိက ဇာတ်ကြောင်းနှင့် သက်ဆိုင်သော သတင်းအချက်အလက်များကို ကြည့်နေလေသည်။ ပင်မကွန်ပျူတာက သူ့ကို ကြည့်နေသော်လည်း ယခုချိန်တွင် သူ့ကို အန္တရာယ် မပြုနိုင်ဘဲ ဘေးနားကနေသာ စောင့်ကြည့်နေနိုင်သည်။ ၎င်းက သူ့ အားနည်းချက်ကို ရှာမတွေ့သ၍ အဓိကဦးနှောက်ကပင် သူ့ကို ဘာမှ မလုပ်နိုင်ပေ။ ထို့ကြောင့် သူ တံတားပေါ်တွင် မိုးသံနားဆင်သူနှင့် မိုင်ထောင်ချီမနားတမ်း တို့ကို သူ့နားတွင် ထားခြင်းပင်။

သူ့ကိုယ်တိုင်လုပ်ရန် မသင့်လျော်သောအရာများကို လုပ်ရန် ဇာတ်လိုက်နှင့် သူ့အဖွဲ့က နှောင့်နှေးနေမည် မဟုတ်ပေ။ မူလဒေတာလိုင်းက ပေးခဲ့သော ကံကောင်းမှုများက သူတို့တွင် ဆက်မရှိနေတော့သော်လည်း ၎င်းက ရွှယ်လင် သူတို့အနားတွင် ရှိနေသလိုပင်။ ဂိမ်း၏ အဓိက ဇာတ်လမ်းက ဆက်၍ တိုးတက်ကာ ခရီးရောက်ရန်လိုပြီး တစ်စုံတစ်ယောက်က ၎င်းကို လုပ်ရမည်ဖြစ်သည်။ ရွှယ်လင် ပျင်းသောကြောင့် သူ့ကို ကူညီရန် ဇာတ်လိုက်ကို လွယ်လွယ်ကူကူ အမိန့်ပေးပါက အကောင်းဆုံးပင်။ အဆုံးတွင် ထိုသူတို့၏ ခေါင်းပေါ်၌ ဇာတ်လိုက်အရောင်အဝါများ ရှိနေသည်ပင်။

ယနေ့ သူ လှုံဆော်သွေးထိုးပြီးနောက် လူဆိုးများကို သတ်ရန် တံတားပေါ်တွင် မိုးသံနားဆင်သူနှင့် မိုင်ထောင်ချီမနားတမ်းတို့ ဖွဲ့စည်းထားသော အဖွဲ့က ရှေ့ဆက်ရန် နည်းလမ်း မရှိတော့ပေ။ တံတားပေါ်တွင် မိုးသံနားဆင်သူ၏ စရိုက်အရ သူက မိုင်ထောင်ချီမနားတမ်း၏ အကူအညီကို လက်ခံမည် မဟုတ်ပေ။ သူက ထိုသို့ဖြစ်ပြီးတည်းက နောက်ဆုံးတွင် မိုင်ထောင်ချီမနားတမ်းနှင့် ပူးပေါင်းပါက ကန့်ကွက်ချက်များ ပိုများလာမည်ပင်။ ထို့ကြောင့် သူက ကျွမ်းကျင်သော ရွှယ်လင်ကို တွေ့သောအခါ မိုင်ထောင်ချီမနားတမ်းနှင့် အဖွဲ့ဖွဲ့ရန် ငြင်းဆိုခဲ့ပြီး သူ့ဘာသာသူ စွန့်စားကာ အဆင့်တက်အောင် လုပ်ရန် ရွေးချယ်လိုက်သည်။ သူတို့က အသင်းဖော်များ မဟုတ်တော့သောကြောင့် မိုင်ထောင်ချီမနားတမ်းက သူ၏ အလုပ်ကြိုးစားသောစိတ်၊ သတ္တိနှင့် ရဲရင့်မှုတို့ကို အသိအမှတ်ပြုမည် မဟုတ်ပေ။ မိုင်ထောင်ချီမနားတမ်းက သူ့၏အကျင့်စရိုက်ကြောင့် လွှမ်းမိုးခံရတော့မည် မဟုတ်ပေ။ ဇာတ်လိုက် gong က ဇာတ်လိုက် shouကို သတိထားမိပြီး စတင်စွဲလမ်းလာသည့် ဇာတ်ကြောင်းမှ တဖြည်းဖြည်း စတင်၍ ပြောင်းလဲလာလေသည်။

ထိုကဲ့သို့ ချစ်ကြည်မှု အနည်းငယ်က အစတည်းက ပျောက်ဆုံးနေခဲ့သောကြောင့် သူတို့နှစ်ယောက်ကြားတွင် ခံစားချက်များ တည်ဆောက်ရန် ပို၍ ခက်ခဲသွားမည်ပင်။ ရွှယ်လင် သူတို့၏ အဖွဲ့ထဲတွင် သေချာသော နေရာကို ရထားပြီး သူတို့ အဓိက စူးစမ်းရှာဖွေမှုများကို ကူညီပေးမည်မှာ ပြောစရာပင် မလိုချေ။ ထိုအချိန်တွင် သူက ထိုလူနှစ်ယောက်၏ ဇာတ်လမ်းထဲက ပတ်သတ်ရေးတွင် အပြောင်းအလဲများ ပိုလုပ်နိုင်တော့မည်ပင်။

မိုင်ထောင်ချီမနားတမ်း၏ အကျင့်စရိုက်အရ နေ့စဥ်ထိတွေ့မှု မရှိပါက တံတားပေါ်တွင် မိုးသံနားဆင်သူကို ကြိုက်လာရန် ပိုခက်သွားမည် ဖြစ်သည်။

ဇာတ်လိုက်များ၏ နောက်ဆက်တွဲ အတားအဆီးများကို ပုံဖော်ရန် အချိန်အနည်းငယ်လေးကိုပင် အလွတ်မပေးဘဲ ရှာဖွေနေလေသည်တံတားပေါ်တွင် မိုးသံနားဆင်သူက နောက်အပိုင်းတွင် ပင်မရှာဖွေမှုလိုင်းအား ယူမည်ကသေချာမသေချာကို ရွှယ်လင် စ၍ကြည့်လိုက်လေသည်။ သို့ဖြစ်င သူ စနောက်ကာ စိတ်ပါအောင် လုပ်ပြီး အဝေးသို့ ပို့လိုက်သောလူ အကြောင်းကို လုံးဝ မေ့သွားလေသည်။

------

နတ်ဆိုးကမ္ဘာ၏ အမှောင်ထုထဲတွင် အနက်ရောင် မြူများက တလိပ်လိပ် ရွေ့လျားနေလေသည်။ ၎င်းကြောင့် အစတည်းက ကြောက်ရွံ့နေခဲ့သော ကျားဖြူကို ပို၍ပင် တုန်ယင်စေသည်။

သူ့ သခင် ယနေ့အပြင်ထွက်ချိန်တွင် သူ့ကို မခေါ်သွားခဲ့ပေ။ ထို့ကြောင့် ယနေ့ ဘာဖြစ်လာသည်ကို သူ မသိပေ။ စိတ်လွတ်တော့မည်ကို မနည်းထိန်းချုပ်ထားရသည့် သူ့သခင်ကိုကြည့်ပြီးနောက် ၎င်းက ထိုအလှလေးကြောင့် ဖြစ်သည်မှာ ရှစ်ဆယ်ရာခိုင်နှုန်းခန့် သေချာသွားလေသည်။

ကျားဖြူက ယခုတလောတွင် သခင့် စိတ်ကို နားလည်နေသည်။ သူ့သခင် စိတ်ကောင်းဝင်နေပါက အလှလေး သူ့ကို ဂရုစိုက်လိုက်သောကြောင့် သို့မဟုတ် သူ့ကို စကားများများ ပြောလိုက်သောကြောင့် ဖြစ်မည်။ အကယ်၍ သူ့သခင် ဒေါသထွက်နေပါက အလှလေး သူ့ကို စကားမပြောခြင်း သို့မဟုတ် တခြားသူများကို သူ့ထက်စကားပိုပြောသောကြောင့် ဖြစ်လိမ့်မည်။

သူ့သခင်က အချစ်နွံတွင် နက်နက်ရှိုင်းရှိုင်း နစ်မြှုပ်နေပြီး သူ့ကိုယ်သူပင် မကယ်ထုတ်နိုင်တော့ပေ။ စကားမပြောဘဲ တိတ်ဆိတ်နေသညက ပိုကောင်းမည်ဟု ကျားဖြူက ခံစားလိုက်ရသည်။ ဖြစ်ပျက်နေသည့် အခြေအနေကို သူ သေချာမသိပေ။

ပါးစပ်ဖွင့်ပြီး စကားပြောကာမှ မတော်တဆ ပျားအုံကို တုတ်နဲ့ထိုးသလို ဖြစ်သွားရင် ဘယ်လိုလုပ်မလဲ... အဲ့လိုဆို သူ့မှာ ကိုယ်ခန္ဓာတစ်ရာ ရှိရင်တောင် သေမှာ...

ချိပ်ပိတ်ခံထားရသော နတ်ဆိုး၏ ခရမ်းရောင် မျက်လုံးများက စခင်ရင်ပေါ်မှ ပုံရိပ်ကို ကြာမြင့်စွ စိုက်ကြည့်နေလေသည်။ အမှန်တွင် သူ အလွန်စိတ်ဆိုးနေခြင်း မဟုတ်ပေ။ ရွှယ်လင် သူ့ကို ကတိုက်တရိုက် အဝေးသို့ ပို့လိုက်ခြင်းမှာ ပင်မကွန်ပျူတာ ရောက်လာသောကြောင့် ဖြစ်သည်ကို သူသိလေသည်။ အကယ်၍ ရွှယ်လင် လှုပ်ရှားမှုကို စမလုပ်ခဲ့ပါက သူဦးစွာ ထွက်သွားမည်ပင်။ သူ့တွင် ပင်မကွန်ပျူတာကို တွေ့ရန် အစီအစဉ် မရှိသေးပေ။ သူ အောင်မြင်သည်က မသေချာမိီအထိ မည်သည့်စွန့်စားမှုကိုမျှ မလုပ်ချင်ပေ။

နတ်ဆိုးကမ္ဘာတွင် နေ့နှင့်ည မရှိပေ။ နတ်ဆိုးဘုရင် ရောက်မလာမိီတွင် အခြားသူ၏ တည်ရှိမှု အရိပ်အယောင်ပင် မရှိပေ။ သို့သော် ချိတ်ပိတ်ခံထားရသော နတ်ဆိုးက နတ်ဆိုးကမ္ဘာသို့ လူတစ်ယောက်ကို ခေါ်လာချင်နေသည်။

နတ်ဆိုးကမ္ဘာ အသေအချာ ပွင့်လာတာကို ဘယ်လောက်ကြာအောင် စောင့်ရမှာလဲ...

သူ အဓိကဇာတ်လမ်းကို ပြန်တွေးလိုက်လေသည်။ ဇာတ်လမ်း၏ အဆုံးသတ်နားရောက်မှ ထိုသို့ဖြစ်မည်ကို တွေ့လိုက်ရသည်။ အဘယ့်ကြောင့်ဆိုသော် နတ်ဆိုးကမ္ဘာ ပွင့်သွားခြင်းက ကျင့်ကြံသူများနှင့် နတ်ဆိုးများကြားတွင် စစ်ပွဲစတင်မည့် အဓိပ္ပါယ်ပင်။

စစ်ပွဲ ...

နတ်ဆိုးဘုရင်၏ မျက်လုံးထဲတွင် လူတစ်ယောက် ဓားကိုင်ထားသောပုံရိပ်ကို မြင်လိုက်ရသည်။

သူ အခြားအကြောင်းအရာကို တွေးလိုက်သည်နှင့် ထိုပုံရိပ်က ရုတ်တရက် ရပ်တန့်ကာ ပျောက်ကွယ်သွားလေသည်။

နေပါဦး ဒါက နတ်ဆိုးလမ်းစဥ်နဲ့ တရားမျှတတဲ့လမ်းစဥ်ကြားက စစ်ပွဲကြီးပဲ... ရွှယ်လင်က တရားမျှတတဲ့လမ်းစဥ်ကလေ ဒါဆို ... ရွှယ်လင်က ငါ့ကို လာသတ်တော့မှာလား...

ချိပ်ပိတ်ခံထားရသော နတ်ဆိုးဘုရင်က လက်သီးများကို ကျစ်ကျစ် ဆုတ်လိုက်လေသည်။

🦊🦊🦊

Prev Next