MM Story Teller

Chapter 87

Viewers 3k

🦊Arc 6 Data In Love

Chapter 87

6.12 - သူ့မျက်လုံးတွေကို ဖောက်ထုတ်ပစ်လိုက်ချင်တယ်

တာဝန်က ပျော်တော်ဆက်အိမ်တစ်ခုတွင် ဖြစ်သည်။ ချိပ်ပိတ်ခံနတ်ဆိုးက ရုပ်ရည် ချောမောသောကြောင့် ဆယ်ကျော်သက်ဘဝက သူ့ကို ပျော်တော်ဆက်အိမ်သို့ ရောင်းစားခံခဲ့ရသည်။ သူက ဧည့်သည်များကို လက်မခံကြောင်း တချို့နည်းလမ်းများကို သုံးကာ ပြသခဲ့သောကြောင့် ပျော်တော်ဆက်အိမ်သို့ ဝင်လာသော မိန်းမငယ်လေးတစ်ဦး၏ ယောင်္ကျားလေး အစေခံဖြစ်လာခဲ့သည်။

မိန်းမငယ်လေးက ပျော်တော်ဆက်အိမ်၏ အဓိကဗဟိုချက် ဖြစ်လာရန် ရွေးချယ်ခဲ့သည်။ သူမက အလွန်ဆွဲဆောင်မှု ရှိပြီး နူးညံ့သိမ်မွေ့လေသည်။ သူမ၏ ခေါင်းအစ ခြေအဆုံး ကြည်လင်နေသော ရေကဲ့သို့ သန့်စင်နေပြီး စစ်တုရင်ကစားခြင်း၊ လက်ရေးလှရေးခြင်း၊ ပန်းချီဆွဲခြင်း စသည်တို့တွင် အလွန် ကျွမ်းကျင်လေသည်။ သူမ၏ ပင်ကိုစရိုက်က နူးညံ့ပျော့ပြောင်းပြီး ပိုင်ရှင်မိန်းမအိုကြီးကို မဆန့်ကျင်နိုင်ပေ။ ထိုကဲ့သို့သော ပတ်ဝန်းကျင်မျိုးတွင် နာခံပြီး ကောင်းကောင်းမွန်မွန် ပြုမူသော သူများကို ဖောက်သည်များ အနှစ်သက်ဆုံးပင်။

သူမက ရိုးရှင်းစွာဖြင့် ကမ္ဘာပေါ်တွင် အပြီးပြည့်စုံဆုံးသော လူပင်။ သူမကို ရွှံ့နွံထဲတွင် မွေးဖွားခဲ့သော်လည်း သူမက ၎င်းရွှံ့များကြောင့် အရောင်ဆိုးမခံခဲ့ရပေ။ သူမက အကြံအစည်သမား မဟုတ်ပေ။ သူမ၏ လက်ရှိအသက်အရွယ်အထိ ကြီးပြင်းအသက်ရှင်လာရသည်မှာ သူမက ဘုရားသခင်၏ အနှစ်သက်ဆုံး သက်ရှိဖြစ်နေသောကြောင့် ဖြစ်လိမ့်မည်ဟု ချိပ်ပိတ်ခံနတ်ဆိုးက ခံစားခဲ့ရသည်။

သို့သော် ထိုအတွေးက ပြက်လုံးတစ်ခုသာပင်။ အကယ်၍ သူမသာ ဘုရားသခင်၏ အနှစ်သက်ဆုံး ဖြစ်ပါက သူမကို ဤနေရာတွင် ရောင်းစားခံခဲ့ရမည် မဟုတ်ပေ။

ဇာတ်ကြောင်း၏ ထိုအပိုင်းကို တွေ့ပြီးသောအခါ ထိုကဲ့သို "ကောင်းမွန်သော မိန်းကလေး"မျိုးကို ဤနေရာတွင် ထည့်ထားရသည့်အတွက် အဓိပ္ပါယ်မရှိပေ။ ၎င်း၏ အဓိပ္ပါယ် မရှိမှုတို့ကို ဝေဖန်ရန်ပင် ရွှယ်လင် သူ့ စွမ်းအင်များကို မဖြုန်းတီးချင်တော့ပေ။ ချိပ်ပိတ်ခံနတ်ဆိုး၏ ဇာတ်လမ်းကို ဇာတ်ကြောင်းရှုထောင့်မျိုးစုံမှ ဝမ်းနည်းကြေကွဲဖွယ်ဖြစ်အောင် ဖော်ပြရန်အတွက် ဂိမ်းကို တီထွင်ဖန်တီးသူက ဇာတ်ညွှန်းရေးနေစဥ်တွင် ယခင်ပုံစံများကဲ့သို့ ပုံသွင်းခံရသည့် ထောင်ချောက်ထဲသို့ ရောက်သွားပုံပေါ်သည်။ ထိုကဲ့သို့ "ကောင်းမွန်သော မိန်းကလေး"မျိုးက သူမ အနီးဝန်းကျင်ရှိ လူတိုင်းကို သူမနှင့် တူညီအောင် လုပ်နိုင်သည်။ သို့သော် သူမက အနည်းငယ် ပြုပြင်မှုများကို လုပ်ထားသောကြောင့် ဆွဲဆောင်မှု မရှိတော့သည့် ချိပ်ပိတ်ခံနတ်ဆိုးကို ချစ်မိသွားလေသည်။

ထိုကဲ့သို့ တာဝန်မျိုးကို ဘောစ့်သုံးယောက်ဖြင့် ဖွဲ့စည်းထားသည်။ ပထမအဆင့်မှာ ကစားသမားသုံးယောက်က ပျော်တော်ဆက်အိမ်၏ အစောင့်ခေါင်းဆောင်ကို ဖြတ်ကျော်ရန် လိုအပ်ပေသည်။ သူ့လက်အောက်တွင် တိုက်ခိုက်နိုင်စွမ်း အလွန်မသန်မာသော်လည်း HP အများအပြားရှိသည့် အစောင့်အကြပ်များ ရှိလေသည်။ သူတို့က လူများကို အကြောင်းမဲ့ အပြေးအလွှား တိုက်ခိုက်တတ်သူများ မဟုတ်သော်လည်း သူတို့ အပြင်းအထန် ဒဏ်ရာ ရသွားလျှင် စတင်ပြေးလွှားကြလိမ့်မည်။ သတ္တိမဲ့ကာ သေရမည်ကို ကြောက်သော ယောင်္ကျားလေး အစေခံများက သူတို့၏ ဇာတ်ကောင်များနှင့် လိုက်လျောညီထွေရှိသော်လည်း တာဝန်အရ သူတို့ ရှေ့သို့ ဆက်မသွားမီ သူတို့အားလုံးကို သတ်ရန် လိုအပ်ပေသည်။ ထို့ကြောင့် သူတို့က သူတို့၏ စွမ်းရည်များကို သုံးကာ အစောင့်များကို ပိတ်ထားပြီး တစ်ယောက်ချင်းစီကို သတ်ရန်သာ တတ်နိုင်သည်။

ထိုကဲ့သို့ မြင်ကွင်းမျိုးက သွေးများဖြင့် အလွန်ရက်စက်ကြမ်းကြုတ်လွန်းလှသည်။ အဖွဲ့သား အနည်းငယ်က လက်နက်မဲ့သော လူများကို သတ်ဖြတ်ပြီး သူတို့ကိုယ်တိုင် ဝမ်းနည်းနေသည့်ပုံ မဖြစ်စေရန် သူတို့၏ မျက်နှာ အမူအရာများကို အထိုက်အလျောက် ဖြစ်အောင် ပြုပြင်နေသည်။

နောက်ထပ် လူဆယ်ယောက်ပါသော တာဝန်တစ်ခု ရှိသေးသည်။ တာဝန်ကို ဖွင်ရန် သော့ကို ကိုင်ထားသော တံတားပေါ်တွင် မိုးသံနားဆင်သူ၊ မိုင်ထောင်ချီမနားတမ်းနှင့် အပျော်သဘော ဝင်ပါကြသော ရွှယ်လင်နှင့် စူးရွှမ့်ယန်းတို့ အပြင် အခြားလူများမှာ မိုင်ထောင်ချီမနားတမ်း၏ အဖွဲ့မှ သူ ခေါ်လိုက်သောသူများ ဖြစ်သည်။ အချို့သော အကြောင်းအရင်းများကြောင့် ပူးပေါင်းပါဝင်ခဲ့သော လူများက မိန်းကလေးများ ဖြစ်ကြသည်။ သူတို့ ရွှယ်လင်ကို သတိထားမိသွားပြီးနောက် စုစည်းလိုက်ကာ သူတို့၏ မျက်လုံးများက ရွှယ်လင်၏ ခန္ဓာကိုယ်ပေါ်သို့ ရောက်ရောက်သွားကြသည်။ သူတို့က မလိုမုန်းထားသောကြောင့် မဟုတ်ဘဲ အနည်းငယ် နှာခေါင်းရှုံ့နေခြင်းသာ။

တာဝန်၏ ပထမအဆင့်က ရှင်းလင်းရန် အချိန်အတော်ကြာအောင် လိုအပ်သော်လည်း အချိန်ကန့်သတ်ချက်လည်း ရှိလေသည်။ အကယ်၍ ဝင်းထဲကို မရှင်းလင်းရသေးမီ အချိန်ကုန်သွားပါက ကစားသမားများကို ကစားပွဲနေရာမှ ထုတ်ပယ်ခံရမည်ဖြစ်ပြီး အထဲမှ အရာအားလုံးက ယခင်အတိုင်း ပြန်ဖြစ်သွားမည် ဖြစ်သည်။ ဖြတ်လမ်းနည်းများ မရှိပေ။

ထိုအဆင့်ကို မည်သို့ ဖြတ်သန်းရမည်ကို ရွှယ်လင် သိသော်လည်း ထုတ်ပြောရန် မသင့်လျော်သဖြင့် ပထမပိုင်းတွင် သူတို့နှင့်အတူတူ နံရံကို ရိုက်ရန်သာ တတ်နိုင်လေသည်။ သူတို့ကို အထုတ်ပယ်ခံရပြီးနောက်တွင်မှ သူ့ပါးစပ်ကိုဟကာ အကြံပြုလိုက်သည်။

" သူတို့ အခုလို ပြေးလွှားနေချိန်မှာ သတ်ဖို့က နည်းနည်း ခက်တယ်လေ... ငါ သူတို့ကို တစ်နေရာမှာ ပိတ်လှောင်ဖို့ စွမ်းရည်တစ်မျိုးကို သုံးလိုက်မယ်... မင်းတို့က တစ်ယောက်ချင်းစီကို ခွဲလိုက်လေ တစ်ယောက်စီတိုင်းက DPS အစောင့်တွေကို တာဝန်ယူ...အဲ့နည်းနဲ့ဆို ငါတို့ သူတို့တွေ အကုန်လုံးကို အချိန်အကန့်အသတ်နဲ့ သတ်နိုင်သွားပြီလေ..."

ပုံမှန်အားဖြင့် မိုင်ထောင်ချီမနားတမ်းက အဖွဲ့ခေါင်းဆောင်သဖွယ် ပြုမူတတ်ပြီး အဖွဲ့က သူတို့ခေါင်းဆောင်၏ စကားများကို နားထောင်ရခြင်းအား နေသားကျနေပြီ ဖြစ်သည်။ ယခုတွင် တစ်စုံတစ်ယောက်က ပြောလာသောအခါ သူတို့ အနည်းငယ် ရှုပ်ထွေးနေလေသည်။ သို့သော် မိုင်ထောင်ချီမနားတမ်းက ရွှယ်လင် အကြံပေးသလိုလုပ်ရန် ပြောသည်ကို ကြားပြီးနောက် သူတို့ အစောင့်အရေအတွက်ကို ရေတွက်ကာ တစ်ယောက်ချင်းစီ၏ ပိုင်ဆိုင်သော စွမ်းရည် အတိုင်း စတင်၍ တာဝန်ခွဲဝေလိုက်ကြသည်။

အဖွဲ့ထဲတွင် ကုသသူနှစ်ဦး ပါရှိသည်။ သူတို့မှာ တိုက်ခိုက်နိုင်စွမ်း နည်းသော်လည်း သူတို့က HP အနည်းငယ်ကို ဆုံးရှုံးနိုင်သောကြောင့် အစောင့်တစ်ယောက်ချင်းစီကို ခွဲဝေယူလိုက်ကာ ဖြေးဖြေးချင်း သတ်မည် ဖြစ်သည်။ ကျန်လူများက tank များဖြစ်စေ၊ melee များဖြစ်စေ၊ DPS များဖြစ်စေ ကစားသမားတစ်ယောက်စီတိုင်းက အများအပြားခွဲဝေယူကြရသည်။ တံတားပေါ်တွင် မိုးသံနားဆင်သူက အလွန် ကြိုးစားသော်လည်း သူ၏ အဆင့်က 15 သာ ရှိသည်။ လူတိုင်းက အဆင့် 20 တွင် ဖြစ်ပြီး မိုင်ထောင်ချီမနားတမ်းနှင့် ရွှယ်လင်က အဆင့် 26 တွင် ဖြစ်သည်။ သူ့အဆင့်ကို ထုတ်ပြောရန်ပင် အလွန်နိမ့်လွန်းသည်။ သူက အစောင့်တစ်ယောက်တည်းကိုသာ တာဝန်ကျသည်။ အတန်ကြာသောအခါ သူ၏ မျက်နှာ အမူအရာ ဆိုးဝါးလာလေသည်။

အမှန်တွင် သူက DPS ကျွမ်းကျင်သူ တစ်ယောက် မဟုတ်ဘဲ သာမန် ယေဘုယျသာ ဖြစ်သည်။ သူ ထျန်းရွှမ်ဂိုဏ်းကို ပူးပေါင်းခဲ့သော်လည်း ရက်စက်ကြမ်းကြုတ်သော စွမ်းရည်များကို မသင်ယူခဲ့ပေ။ သူ့တွင် ရှိသော စွမ်းရည်များကိုလည်း တုံ့ဆိုင်းစွာဖြင့် စိတ်မပါစွာ သင်ခဲ့ခြင်းပင်။ တံတားပေါ်တွင် မိုးသံနားဆင်သူက အမြဲတမ်း ကိုယ့်ကိုယ်ကို သတိထားခြင်း ကင်းမဲ့လေသည်။ သူ မပျော်မရွှင်ခံစားနေရကာ သူ့နှုတ်ခမ်းများကို တင်းတင်းစေ့ထားပြီး စိတ်ပျက်အားမရခြင်းတို့ဖြင့် လက်သီးဆုပ်လိုက်လေသည်။

ငါက ဒီတာဝန်ရဖို့အတွက် အစပျိုးခဲ့တဲ့လူဆိုတာ သိသာနေတာပဲလေ ဘာလို့ လူတိုင်းရဲ့ အကြည့်တွေက ရွှယ်လင့်ပေါ်ကို ရောက်နေရတာလဲ... ဒီလို ဂိမ်းကမ္ဘာထဲမှာတောင် လူတွေက ရုပ်ရည်ကိုပဲ ဂရုစိုက်တာလား ... ငါလည်း အဲ့လိုမှန်း သိခဲ့ရင် သူ့မျက်နှာကို အဆင့်မြှင့်တင်ခဲ့ပါတယ် ...

စူးရွှမ့်ယန်နှင့် မိုင်ထောင်ချီမနားတမ်းတို့က ဘောစ့်ကို တာဝန်ယူခဲ့ပြီး ထိုဘောစ့်ကို ဖြေရှင်းပြီးပါက အခြားသူများကို ကူညီပေးမည်ပင်။ အဖွဲ့က ပထမအဆင့်အတွက် အစီအစဥ်ကို သဘောတူခဲ့ပြီး ဝင်းထဲသို့ ဝင်ကာ ဘောစ့်ကို စတင် တိုက်ခိုက်ကြတော့သည်။

ရွှယ်လင်၏ အဓိက စွမ်းရည်က ရေခဲဖြစ်ပြီး သူ့စွမ်းရည် အများစုက အကျိုးသက်ရောက်မှုနယ်ပယ် ကျယ်ပြန့်ကြသည်။ သူ့လက်ထဲမှ အရိုးယပ်တောင်ကို ထိကာဖွင့်လိုက်သည်နှင့် ကွဲအက်သွားပြီး လေထဲတွင် ရှုပ်ထွေးသော စကားလုံး ပေါ်လာလေသည်။ နှစ်ထောင်ချီကြာအောင် ရှိနေခဲ့သော နှင်းများကို ရှင်းလင်းခံလိုက်ရကာ မြေပြင် တစ်ပြင်လုံးက ထူထဲသော ရေခဲပြင်ဖြင့် ဖုံးလွှမ်း အေးခဲသွားပြီး အစောင့်များ၏ ခြေထောက်များကိုပါ ကျောက်ချထားသလို အေးခဲသွားစေသည်။

ထိုအရာက ရွှယ်လင် သိပ်မကြာသေးမိီက သင်ကြားခဲ့ရသော အဖွဲ့လိုက် ထိန်းချုပ်မှုစွမ်းရည် တစ်ခုဖြစ်သည်။ ၎င်းကို အချိန်အကန့်အသတ်ဖြင့်သာ အသုံးပြုနိုင်ပြီး ထိုစွမ်းရည် အကျိုးသက်ရောက်နေစေရန် သူ ဆက်၍ မတ်တတ်ရပ်နေရမည် ဖြစ်သည်။ ထိုအချိန်တွင် ထိုလူအုပ်ကို သူကိုယ်တိုင် မတိုက်ခိုက်နိုင်သည့် အဓိပ္ပါယ်ပင်။ ထိုစွမ်းရည်က အဖွဲ့လိုက်သာ အဆင်ပြေသောကြောင့် ရွှယ်လင် အသုံးမဝင်ဟု ထင်ခဲ့သည်။ သို့သော် ထိုစွမ်းရည်က လက်ရှိအခြေအနေအတွက် မသင့်တော်ဆုံး ဖြစ်သောကြောင့် သူ ထုတ်သုံးလိုက်ခြင်းပင်။

စူးရွှမ့်ယန်နှင့် မိုင်ထောင်ချီမနားတမ်းက ဘောစ့်ကို မြန်မြန်ဆန်ဆန် သတ်လိုက်နိုင်သည်။ ထို့နောက် သူတို့ အခြေခံလူအုပ်ကို စတင် ရှင်းလင်းတော့သည်။ အချိန်အကန့်အသတ်အတွင်း ဝင်းထဲမှ အစောင့်များကို ရှင်းလင်းပစ်နိုင်ခဲ့သည်။ များသောအားဖြင့် စုဆောင်းကောက်ရမှုတွင် ကံအကောင်းဆုံးသူများက တိုက်ခိုက်ရာတွင် ထိုအစောင့်များ ကျန်နေခဲ့သော လက်နက်ကိရိယာများကို သွားရောက် ကောက်ယူနေကြသည်။

ကံမကောင်းစွာဖြင့် သူတို့က ကောင်းသောပစ္စည်းများကို မတွေ့ပေ။ ပစ္စည်းကရိယာ တစ်ခုသာ ကျနေခဲ့ပြီး ၎င်းက တံတားပေါ်တွင် မိုးသံနားဆင်သူတစ်ယောက်တည်း အတွက်သာ သင့်တော်သည်။ မိုင်ထောင်ချီမနားတမ်းက စီမံခန့်ခွဲသည့် ဆုံးဖြတ်ချက်ကို ချပြီး ထိုကရိယာကို သူ့အား တိုက်ရိုက် ပေးလိုက်သည်။

တံတားပေါ်တွင် မိုးသံနားဆင်သူက သူ့ကိုယ်ပိုင် ကံကြမ္မာ အလွန် ကောင်းမွန်မည်ဟု မမျှော်လင့်ခဲ့ပေ။ သူ အားပင် မစိုက်ထုတ်လိုက်ရဘဲ ပစ္စည်းကရိယာတစ်စုံကို ရလိုက်သည်။ သူ့နှုတ်ခမ်းများကို တင်းတင်းစေ့ထားပြီး ရွှယ်လင့်ထံမှ မကျေနပ်မှု တစ်စွန်းတစ်စများ တွေ့ရမလားဟု ကြည့်လိုက်သော်လည်း တစ်ဖက်လူထံမှ မည်သည့် စိတ်ခံစားချက်ကိုမျှ မတွေ့ခဲ့ပေ။

အမှန်ပဲ ငါသာ လိုချင်ရင် လူတိုင်းက ငါ့ကို ဒီလို ကရိယာအစုံကို ကျေကျေနပ်နပ်ကြီး ပေးမှာပဲ...

ထိုသို့ တွေးလိုက်ပြီးနောက် တံတားပေါ်တွင် မိုးသံနားဆင်သူ၏ ရွှယ်လင်အပေါ် မနှစ်သက်သော အမူအရာက ပိုမို တင်းမာလာလေသည်။

ဒုတိယအဆင့်က ကစားသမားများ ပျော်တော်ဆက်အိမ်သို့ ဝင်လိုက်ပြီးနောက် မြင်လိုက်ရသော ပျော်တော်ဆက်အိမ်မှ အမျိုးသမီးများက ဧည့်သည်များကို လက်ခံသည့် အဓိကခန်းမနေရာမှ မြင်ကွင်း ဖြစ်သည်။ ပျော်တော်ဆက်အိမ်မှ အမျိုးသမီးများက မွန်းစတားတစ်မျိုးဖြစ်ပြီး မျက်နှာ ဝိုင်းဝိုင်းနှင့် ခေါင်းကြီးကြီး ဧည့်သည်များက မွန်းစတား တစ်မျိုးဖြစ်သည်။ ထို့ပြင် သူတို့နှင့် နှိုင်းယှဥ်လျှင် ချောမောသော သခင်လေးများကလည်း မွန်းစတား တစ်မျိုး ဖြစ်သည်။ ထပ်ခါထပ်ခါ ဖန်တီးထားမှုများရှိသော်လည်း ထိုလူအားလုံးက မတူညီသော လူများပင်။ ဂိမ်းကို တီထွင်ခဲ့သူက ထိုတာဝန်တွင် အတော်လေး ရင်းနှီးထားကြောင်း မြင်နိုင်သည်။

ဤအဆင့်၏ ဘောစ့်က ထိုမွန်းစတားများကြားတွင် ပုန်းကွယ်နေလေသည်။ အဖွဲ့က အချိန်အကန့်အသတ်ကို ကြိုတင် ခန့်မှန်းပြီး ထိုအဆင့်ကို ရှင်းလင်းရန် ထိုဘောစ့်ကို ရှာဖွေကာ သတ်ရမည်။

ထိုအုပ်စု၏ တိုက်ခိုက်မှုကို အပိုင်းနှစ်ပိုင်း ခွဲနိုင်လေသည်။ ပျော်တော်ဆက်အိမ်မှ အမျိုးသမီးများက သူတို့ ပိုင်ဆိုင်သည့် ပစ္စည်းများဖြင့် ပစ်ပေါက်ကြပြီး ကစားသမားများမှာ အတွင်းခံများ သို့မဟုတ် အခြားအရာများဖြင့် အပစ်ခံလိုက်ရပါ ငူငိုင်ပြီး ရှူပ်ထွေးမနေဘဲ သတိရှိနေရမည် ဖြစ်သည်။ ဧည့်သည်များကမူ ရိုးရှင်းသည်။ သူတို့၏ တိုက်ခိုက်မှုက ပိုက်ဆံများဖြင့် ပစ်ပေါက်ခြင်း ဖြစ်သည်။ မည်သည့် မွန်းစတားမျိုးပင် ဖြစ်စေ သူတို့အားလုံးက ပိုက်ဆံများ၊ ပုံသဏ္ဌာန် အရွယ်အစား ကွဲပြားသော ရွှေများ၊ ငွေများ၊ ကြေးများ ကိုသာ အသုံးပြုကြသည်။

ကြားရသည်မှာ မိုက်သော်လည်း ထိုတိုက်ခိုက်မှုများက အလွန် ပြင်းထန်သည်။ အကယ်၍ ကစားသမားများသာ ဂရုမစိုက်ပါက သူတို့ မူးဝေသွားသည်အထိ ဖြစ်သွားမည် ဖြစ်ပြီး သူတို့၏ HP က အဆုံးထိ ထိုးကျသွားမည်ပင်။

ထိုအဆင့်တွင် မွန်းစတားများ များလွန်းသောကြောင့် အဖွဲ့က ပင်လယ်ခန့်ကြီးသော မွန်းစတားအုပ်ကြီးထံမှ လုံးဝဖျက်ဆီးခံလိုက်ရမည် ဖြစ်သည်။ သူတို့အဖွဲ့က အပြင်ဘက်တွင် မတ်တတ်ရပ်ကာ နည်းဗျူဟာများ အကြောင်း ဆွေးနွေးပြီး ဤအဆင့်ကို မည်သို့ ကျော်ဖြတ်ရမည်ကို တွေးနေကြလေသည်။

ဤအဆင့်တွင် ဘာမျှ မရှိပေ။ သတ်ရန်ကိုသာ အားကိုးနိုင်ပြီး သူတို့သာ ကံကောင်းပါက ဘောစ့်ကို သတ်နိုင်ပြီး ဤအဆင့်ကို ရှင်းလင်းနိုင်မည် ဖြစ်သည်။ အကယ်၍ သူတို့သာ ကံဆိုးပါက သူတို့၏ အဖွဲ့ထဲတွင် လူမရှိတော့သည်အထိ သတ်နေရမည် ဖြစ်ပြီး ဘောစ့်ကိုလည်း ရှာတွေ့နိုင်မည် မဟုတ်ပေ။

ထိုကဲ့သို့ ကံကြမ္မာအပေါ် အားကိုးပြီး ရုန်းကန်မှုမျိုးက မိုင်ထောင်ချီမနားတမ်း၏ အဖွဲ့အတွက် အမြဲတမ်း လွယ်ကူခဲ့လေသည်။ အတန်ကြာသည်အထိ ဆွေးနွေးပြီးနောက် ထို့ထက် ပိုကောင်းသော အကြံကို မတွေးနိုင်တော့ပေ။ ထို့ကြောင့် သူတို့၏ နှဖူးများကို တိုက်လိုက်ပြီး သတ်ရန် အပြေးအလွှား ဝင်သွားကြသည်။

DPS တစ်ယောက်အနေဖြင့် ရွှယ်လင်က မွန်းစတား အများစုကို သတ်နိုင်လေသည်။ မိုင်ထောင်ချီမနားတမ်းက ဓါးရှည်ကို အသုံးပြုခဲ့ပြီး သူကလည်း ဓါးကို အသုံးပြုခဲ့သည်။ ဓါးနှစ်ချောင်းက အဆုံးမရှိ ပူးပေါင်းကာ သွေးစီးကြောင်းကို မရပ်မနား ပုံဖော်နေခဲ့သည်။

သူတို့ ပျော်ရွှင်စွာ ခုတ်ထစ်နေသော်လည်း စူးရွှမ့်ယန်ကမူ မပျော်ရွှင်နိုင်တော့ပေ။ သူ ထိုလူနှစ်ယောက်ကဲ့သို့ သတ်ဖြတ်နိုင်နေသော်လည်း သူ၏ အဆင့်က သူတို့နှင့် မတူပေ။ ထို့အပြင် သူ့တွင် ကိုယ်ပိုင်လက်နက်လည်း မရှိသေး၍ လူအများ၏ အာရုံစိုက် မခံရပေ။ ထို့ပြင် အဖွဲ့ထဲရှိ မိန်းကလေးများကလည်း သူ့ကို သတိမထားမိပေ။ သူတို့ အများစုက ရွှယ်လင်နှင့် မိုင်ထောင်ချီမနားတမ်း အမှားအယွင်းမရှိ ပူးပေါင်းတိုက်ခိုက်ကာ အလွန် လိုက်ဖက်နေပုံကိုသာ ကြည့်ပြီး စိတ်လှုပ်ရှား နေကြလေသည်။

စူးရွှမ့်ယန်က သူနှင့် မနီးမဝေးတွင် ရပ်နေကာ လက်သီးများကိုဆုပ်၍ အံကြိတ်ရင်း မွန်းစတားများကို သတ်ဖြတ်နေသည့် တံတားပေါ်တွင် မိုးသံနားဆင်သူကို ကြည့်လိုက်ပြီးနောက် သူ့မျက်လုံးထဲတွင် တစ်စုံတစ်ရာ ဖြတ်ပြေးသွားလေသည်။

ဤအဆင့်မှ ဘောစ့်က တံတားပေါ်တွင် မိုးသံနားဆင်သူ ထံမှ နောက်ဆုံးတွင် အသတ်ခံလိုက်ရသည်။ ထို့နောက်တွင် အဖွဲ့ထဲမှ မိန်းကလေးများက သူ့ကံကောင်းမှုကို ချီးကျူးမြှောက်ပင့်ပြီး သူက အဖွဲ့အတွက် လာဘ်ကောင်လေးနှင့် အစောင့်နတ်သားလေး ဖြစ်လာရန် မျှော်လင့်နေကြသည်။ တံတားပေါ်တွင် မိုးသံနားဆင်သူက ပျော်ရွှင်စွာ ရယ်လိုက်ပြီး ထိုမိန်းကလေးများကို သူ့နားတွင် ဝန်းရံခွင့်ပေးထားသော်လည်း သူ့မျက်လုံးများက မိုင်ထောင်ချီမနားတမ်းဆီသို့ အလိုလို ကျရောက်သွားလေသည်။ ထိုလူက ရွှယ်လင်ကို ကြည့်နေသည်ကို မမျှော်လင့်ဘဲ တွေ့လိုက်ရသည်။ ထိုအခိုက်အတန့်၌ သူ့နှလုံးသားထဲတွင် စိုးရိမ်ပူပန်မှုများက ပိုမို ပြင်းထန်လာလေသည်။

သူကိုယ်သူ ဇာတ်လမ်းထဲက ရက်စက်တဲ့ မယားငယ်တစ်ယောက်ရဲ့ လမ်းကြောင်းကို လိုက်နေတဲ့သူလို့ ဘယ်လိုဖြစ်လို့ ခံစားနေရတာလဲ...

ရွှယ်လင် သူ့ ဓါးကို ထိလိုက်လေသည်။ ထို့နောက် စူးရွှမ့်ယန်က သူ့နောက်တွင် လျှောက်လာနေသည်ကို တွေ့လိုက်ရ၍ သူ့မျက်ခုံးများကို ပင့်လိုက်လေသည်။ စူးရွှမ့်ယန်၏အနားမှ လေထုက အနည်းငယ် ဆိုးဝါးနေပုံ ပေါ်နေသည့်အတွက် သိချင်သွားသည်။

" ဘာဖြစ်လို့လဲ... ဘယ်သူ ခင်ဗျားကို နှောင့်ယှက်လိုက်လို့လဲ... ဒါမှမဟုတ် ပျော်တော်ဆက် အိမ်တော်က မိန်းမတွေရဲ့ အတွင်းခံကြောင့် စွဲလမ်းပြီး စိတ်လွတ်သွားတာလား..."

"ကိုယ် သူ့ရဲ့ မျက်လုံးတွေကို ဖောက်ထုတ်ပစ်ချင်တယ်..."

စူးရွှမ့်ယန် သူ့နားသို့ကပ်ပြီး တီးတိုး ပြောလိုက်သည်။

" မင်းကို အရှက်မရှိ စိုက်မကြည့်ရဲတော့အောင် လုပ်ပစ်ချင်တယ်..."

သူ၏ မျက်လုံးများက ခရမ်းရောင်သို့ ပြောင်းလဲလာလေသည်။ သို့သော် သူ မျက်လွှာချထားသောကြောင့် ရွှယ်လင် သတိမထားမိပေ။

ရွှယ်လင် အံ့အားသင့်စွာ လှည့်လိုက်ချိန်တွင် မိုင်ထောင်ချီမနားတမ်း၏ အကြည့်များကို တိုက်ရိုက် တွေ့လိုက်ရတော့သည်။

မိုင်ထောင်ချီမနားတမ်းက တစ်ခုခုကို အချက်ပြနေသလို သူ့ကို ခပ်သာသာ ခေါင်းညိတ်ပြလေသည်။ အကြည့်ခံရသည်ကို မိသွားသောကြောင့် ရှက်ရွံ့သည့် အရိပ်အယောင် တစ်စွန်းတစ်စမျှ မရှိပေ။

ရွှယ်လင် မျက်မှောင်ကြုတ်လိုက်ပြီး ခေါင်းလှည့်ကာ စူးရွှမ့်ယန်ကို တစ်ခုခုပြောရန် ခေါင်းလှည့်လိုက်လေသည်။ သို့သော် ယခင်နှင့် လုံးဝ မတူတော့သော မျက်ဝန်းတစ်စုံကို မမျှော်လင့်ထားဘဲ တွေ့လိုက်ရသည်။ ထိုမျက်ဝန်း တစ်စုံက မကောင်းဆိုးဝါး၏ မျက်ဝန်းတစ်စုံပင်။ သူငယ်အိမ်တစ်ခုလုံးက ခရမ်းရောင်ဖြစ်နေပြီး အပြင်ပိုင်းမှ အတွင်းပိုင်းသို့ တဖြည်းဖြည်း ခရမ်းရောင် ရင့်သွားလေသည်။ မျက်ဝန်း အလယ်တွင် ခရမ်းရောင်က ရင့်လွန်းသောကြောင့် အနက်ရောင်ဖြစ်လုနီးပါးပင်။ ထိုမျက်လုံးများထဲတွင် အပျော်အပျက် အရိပ်အယောင် လုံးဝ မရှိဘဲ အတော်လေး လေးနက်နေပုံပေါ်သည်။ အကယ်၍ သူသာ မတားပါက နောက်တစ်က္ကန့်တွင် စူးရွှမ့်ယန်က မိုင်ထောင်ချီမနားတမ်း၏မျက်လုံးကို သွား၍ဖောက်ထုတ်မည်ကို ရွှယ်လင် နားလည်လိုက်သည်။

ဂိမ်းထဲတွင် ဆိုလျှင်ပင် ခွင့်မပြုပေ။

ရွှယ်လင်၏ မျက်ခုံးများ အနည်းငယ် တွန့်ကွေးသွားလေသည်။

သူ လက်လှမ်းကာ စူးရွှမ့်ယန်၏ မျက်နှာကို ထိလိုက်ပြီး တိုးတိုးလေး ကပ်ပြောလိုက်သည်။

" ကျွန်တော်တို့ ပြီးသွားရင် စကားပြောရအောင်..."

သူ ပြန်လာတိုင်း ပင်မကွန်ပျူတာက သူ့ကို အနီးကပ် စောင့်ကြည့်နေသောကြောင့် စူးရွှမ့်ယန်ကို ရက်အနည်းငယ်ကြာသည်အထိ ရှောင်ဖယ်နေခဲ့သည်။ ထို့ပြင် သူ့ကို စူးရွှမ့်ယန်နှင့်အတူ တွေ့လိုက်ပါက ပင်မကွန်ပျူတာ၏ သံသယများကို လှုံ့ဆော်ပေးလိုက်သလို ဖြစ်သွားလိမ့်မည်။ ပင်မကွန်ပျူတာက သူ့အပေါ် မျှော်လင့်ထားသည်ထက် စောစွာ လှုပ်ရှားမှုများ ပြုလုပ်လာလျှင် သူ့အတွက် အဆင်မပြေသော်လည်း ယခု စူးရွှမ့်ယန်၏ လက်ရှိပုံစံကို တွေ့လိုက်ပြီးနောက် အချို့အရာများက သူ ထိန်းချုပ်နိုင်စွမ်းအောက်တွင် မရှိသည်ကို ခံစားလိုက်ရသည်။

ကစားပွဲတွင် အားကြီးသူသာ ဘုရင်အဖြစ် အနိုင်ရစမြဲပင်။ ပင်မကွန်ပျူတာက သူ့ကို စောင့်ကြည့်နေသည့် အကြောင်းအရင်းမှာ သူ့ကို ဝါးမြိုပြီး တုပထားသော ဥာဏ်ရည်၏ ဒေတာများကို သူ့အတွက် အသုံးချချင်နေသောကြောင့်ပင်။ ထိုပင်မကွန်ပျူတာက ရွှယ်လင်၏စွမ်းရည်များကို သူ့ကိုယ်သူ သန်မာစေရန် အသုံးပြုမည် ဖြစ်သည်။ ထိုမှသာ ဗိုင်းရပ်စ်များကို တွေ့ပါက ရင်ဆိုင်ဖြေရှင်းကာ ချေမှုန်းနိုင်မည် ဖြစ်သည်။ ဤကမ္ဘာတွင် စူးရွှမ့်ယန်၏ အခြေအနေက အလွန်မမြင့်မားသလို စွမ်းအားကြီးပုံ မပေါ်သောကြောင့် သူနှင့် ပင်မကွန်ပျူတာကြားရှိ တိုက်ပွဲတွင် ထိုလူကို ဝင်မပါစေချင်ခဲ့ပေ။

စူးရွှမ့်ယန်၏ ဂိမ်းထဲရှိ အဆင့်အတန်းက အလွန်မမြင့်မားသော်လည်း အနာဂတ်တွင် ဖွံ့ဖြိုးတိုးတက်မည့် အလားအလာက အလွန်ကောင်းမွန်သည်။ ရွှယ်လင်၏ အကူအညီနှင့်သာဆိုလျှင် ဂိမ်းနှင့် အပြင်ကမ္ဘာ အဆက်အသွယ် ပြတ်ပြီးနောက် သူ အလွန်များပြားသော စွမ်းအား တိုးတက်လာမှုများကို ခံစားနိုင်မည် ဖြစ်သည်။ ထို့နောက် ရွှယ်လင် ဇာတ်လိုက်များကို ရင်ဆိုင်ဖြေရှင်းပြီးသည်နှင့် စူးရွှမ့်ယန်နှင့်အတူ တောတောင်ထဲတွင် အငြိမ်းစား ယူမည် ဖြစ်သည်။ ယခုတွင်မူ တချို့သော အရာများက သူ ယခင်က သိထားသည်များနှင့် ကွာခြားပုံပေါ်သည်။

လူသားများတွင် ထိုကဲ့သို့ ခရမ်းရောင် မျက်ဝန်းများ မရှိပေ။ ထိုယောင်္ကျားက ဤကမ္ဘာတွင် အလွန် အန္တရာယ်ရှိသောကြောင့် ထိုအရာက ကောင်းသောအရာလား ဆိုးသောအရာလားပင် မသိတော့ပေ။

သူ့စကားကို ကြားပြီးနောက် စူးရွှမ့်ယန်၏ နှုတ်ခမ်းများ အနည်းငယ် မြင့်တက်သွားပြီး သူ့မျက်လုံးထဲမှ ခရမ်းရောင်က ပျောက်ကွယ်သွားကာ သူ့၏ အေးစက်ကာ နူးညံ့သိမ်မွေ့သော ပုံမှန်အသွင်အပြင် ပြန်ဖြစ်သွားလေသည်။ သူ သဘောတူကြောင်း ပြန်ဖြေလိုက်ပြီး ရွှယ်လင်၏ နားကို ခပ်ဖွဖွ ကိုက်လိုက်လေသည်။

ရွှယ်လင် သူ့နားကို လက်ဖြင့်ကာလိုက်ပြီး ခေါင်းလှည့်ကာ မော့ကြည့်ပြီး ပြောလိုက်သည်။

" နောက်အဆင့်ကို သွားရအောင်..."

"ကောင်းပြီ..."

များပြားသော အသံများက နေရာပေါင်းစုံမှ သူ့ကို ပြန်ဖြေလိုက်ကြသည်။ သူတို့၏ မျက်လုံးများက သူနှင့် စူးရွှမ့်ယန်ပေါ်သို့ ကျရောက်လာကြပြီး သူတို့က ' ဒါဆို ဒီလိုပေါ့' ဟူသော အမူအရာများဖြင့် ပြည့်နှက်နေလေသည်။

အဖွဲ့ထဲတွင် မည်သူက ရွှယ်လင်နှင့် အလိုက်ဖက်ဆုံးကို သူတို့ သိသွားသည့်အတွက် စူးရွှမ့်ယန် ကျေနပ်သွားလေသည်။ သူ့ နှုတ်ခမ်းများ မြင့်တက်သွားပြီး ရွှယ်လင်၏ အင်္ကျီကိုပင် ပြန်ပြင်ပေးလိုက်သည်။

ရွှယ်လင် : "..."

တကယ်တော့ ဒီလူက ချုပ်တီးပြီး မျိုသိပ်ထားတုန်းပဲ ... ပိုပိုပြီးတော့တောင် ဖုံးကွယ်လာသေ

းတယ်... တစ်ခါတစ်လေ တခြားသူတွေက သူ့ကြောင်းကို ဖော်ထုတ်ဖို့ သူ့ကို အပ်နဲ့ ဖောက်ထုတ်ဖို့တောင် လိုနေပြီ...

🦊🦊🦊

Prev Next