MM Story Teller

Chapter 88

Viewers 3k

🦊Arc 6 Data In love

Chapter 88

6.13 - အခု ရွှယ်လင့်မှာ အချိန်ရှိသွားပြီဆိုတော့ ပင်မကွန်ပျူတာကိုရှင်းဖို့ ပြင်ဆင်နေပြီ

တာဝန်အတွက် နောက်ဆုံး ရှင်းရမည့် ဘောစ့်က ပျော်တော်ဆက်အိမ်၏ ပိုင်ရှင်အမျိုးသမီးပင် ဖြစ်သည်။ သူမက ပျော်တော်ဆက်အိမ်၏ စွမ်းအားကြီးသော headlinerများကို ဆင့်ခေါ်နိုင်ပြီး ထိုသူတို့က ယခင်အဆင့်များမှ ပစ္စည်းများကိုသာ ပစ်ခတ်တိုက်ခိုက်တတ်သည့် မွန်းစတားအုပ်စုလေးများနှင့် မတူတော့ပေ။ ထို headliner များက ဥာဏ်ကောင်းပြီး သူတို့က melee တိုက်ကွက်များဖြင့် တိုက်ခိုက်နိုင်သည့်အပြင် ခုခံကာကွယ်နိုင်သည်။ သူတို့၏ HP ပမာဏက ဘောစ့်လောက်နီးနီး များသည်။ အဖွဲ့၏ ယခုလက်ရှိ တိုက်ခိုက်နိုင်နှုန်း အဆင့်ဖြင့်ပင် ထိုဘောစ့်ကို ရှင်းလင်းရန် အနည်းငယ် ခက်ခဲနေသေးသည်။

သို့သော် အသင်းထဲတွင် စွမ်းဆောင်နိုင်သော ကစားသမား တချို့ရှိသည်။ ဇာတ်လိုက် gong နှင့် ဇာတ်လိုက် shou အပြင် ရွှယ်လင်နှင့် စူးရွှမ့်ယန်တို့က အသင်း၏ အဓိက တိုက်ခိုက်သူ နှစ်ယောက်ပင်။ ထိုနှစ်ယောက်က သူတို့၏ စွမ်းရည်များကို အကြောင်းအမျိုးမျိုးကြောင့် ဖိနှိပ်ထိန်းချုပ်ထားခြင်းကြောင့်သာ ဘောစ့်က တိုက်ပွဲတွင် ချောမွေ့မနေခြင်းပင်။ သူတို့က တာဝန်ကို အဆုံးမသတ်ခင် နှစ်ကြိမ်တိုင်တိုင် ရှင်းလင်းလိုက်သည်။

တာဝန်တွင် သေဆုံးခြင်းကြောင့် ကစားသမားများက အတွေ့အကြုံမဲ့သွားမည်သာ ဖြစ်ပြီး အဆင့်ကို မထိခိုက်စေပေ။ သူတို့ထဲမှ အနည်းစုက ခဏခဏမသေကြပေ။ ထို့ကြောင့် အဆင့်သတ်မှတ်ရာတွင် ပြောင်းလဲမှု များများစားစားမရှိ၍ အခြေခံအားဖြင့် အောင်မြင်သည်ဟု ယူဆနိုင်သည်။

တာဝန်အတောအတွင်းတွင် တိုက်ခိုက်၍ ရရှိခဲ့သော ပစ္စည်းကိရိယာအားလုံးက ထူးဆန်းကြသည်။ ဂေးအပြာစာအုပ်များပင် တွေ့ခဲ့ရပြီး ထိုကဲ့သို့ ပစ္စည်းအများစုကိုသာ တွေ့ခဲ့ရသည်။ တိုက်ခိုက်ရေးကိရိယာများလည်း မပါဘဲ ၎င်းတို့အားလုံးကလည်း supporter များအတွက်သာ သင့်တော်သည်။ အတော်အတန်ကောင်းမွန်သော ဓါးရှည်တစ်ချောင်းကို တွေ့ခဲ့ရပြီး မိုင်ထောင်ချီမနားတမ်း တစ်ယောက်တည်းသာ ၎င်းကို အသုံးပြုနိုင်သောကြောင့် သူ့ကို ပေးလိုက်သည်။

ရွှယ်လင်က ကောင်းကောင်းမွန်မွန်ကိရိယာ တစ်ခုမျှ မရခဲ့ဘဲ တာဝန်မှ ပိုက်ဆံအနည်းငယ်သာ ရခဲ့သည်။ စူးရွှမ့်ယန်က တစ်စုံတစ်ခုကို တောင်းဆိုခဲ့ပြီး ၎င်းက မည်သည့်အရာကို ရွှယ်လင် မတွေ့ရပေ။ သို့သော် ပစ္စည်းကရိယာများကို ဝေမျှပေးနေသော မိန်းကလေး၏ အကြည့်များက သူနှင့် စူးရွှမ့်ယန်ဆီသို့ ရောက်လာချိန်တွင် ပို၍ ရယ်ချင်ပုံပေါ်နေသည်ကို သူရှင်းလင်းစွာ မြင်နိုင်သည်။

အိုး အခု ဘာဖြစ်နေလဲဆိုတာ သိပြီထင်တယ်...

ဒီလူ့ရဲ့ ခေါင်းထဲမှာ ဘာမှ မရှိဘူးလား... နောက်ပြီး အခု ဂိမ်းရဲ့ အစောပိုင်းအဆင့်မှာပဲ ရှိသေးတယ် လက်ထပ်လို့ရတဲ့ စနစ်ကို မထုတ်ပေးသေးဘူးလေ... ပင်မကွန်ပျူတာရဲ့ ထိန်းချုပ်မှုအောက်ကနေ ဝေးတဲ့နေရာကို မသွားနိုင်သေးဘဲ တချို့ကိစ္စတွေကို လုပ်လို့ မရဘူး...

အစောပိုင်းက သူ၏ ခန့်မှန်းမှုများကို တွေးလိုက်ပြီးနောက် သူ အနည်းငယ် အာဏာမဲ့နေသလို ခံစားလိုက်ရသည်။

ဒီလူက ဒီလိုနေရာမျိုးကိုလည်း တကယ် ရှာနိုင်တာပဲ...

သူတို့ ခက်ခဲသောတာဝန်ကို တွေ့ပါက နောက်တစ်ကြိမ် အဖွဲ့အဖြစ် ထပ်မံဖွဲ့ရန် သဘောတူပြီးနောက် ရွှယ်လင်က စူးရွှမ့်ယန်ကိုခေါ်ပြီး ထွက်သွားလေသည်။

ဟန်ဝူကျန်းက သူတို့ကို လျှို့ဝှက်စွာ စောင့်ကြည့်နေမည်ကို စိုးရိမ်သောကြောင့် ရွှယ်ရှင်းခန်းမသို့ ပြန်မသွားနိုင်ပေ။ စကားပြောရန် သင့်တော်သောနေရာ ရှာရန် တွေးနေခိုက် ထိုယောင်္ကျား မေးသည်ကို ကြားလိုက်ရသည်။

" မင်း ဘာတွေ တွေးနေတာလဲ..."

" ကျွန်တော်တို့ကို စောင့်ကြည့်နေနိုင်တဲ့ ရွှယ်ရှင်းခန်းမအပြင် ဘယ်နေရာကို သွားနိုင်မလဲလို့ တွေးနေတာ..."

အရာအားလုံးကို ရှင်းရှင်းလင်းလင်း လုပ်ရန် ဆုံးဖြတ်ထားသောကြောင့် သူ ရှက်မနေတော့ဘဲ ကျယ်ကျယ်လောင်လောင် ပြောလိုက်လေသည်။

စူးရွှမ့်ယန် အံ့အားသင့်သွားပြီးနောက် ခပ်တိုးတိုး ရယ်ကာ ပြောလိုက်သည်။

" ဒါဆို ရွှယ်ရှင်းခန်းမကိုပဲ သွားရအောင် အဲ‌ဒါက ကိုယ်ဖန်တီးခဲ့တဲ့ ရှေးအဆောင်လေ... နောက်ပြီး တခြားသူတွေရဲ့ စပ်စုတဲ့ မျက်လုံးတွေ ကြည့်လို့မရအောင် အလုံပိတ်ထားလို့ရတယ် အဲဒါက လူမဟုတ်တာတွေအတွက်ပါ အလုပ်ဖြစ်တယ်..."

ရွှယ်လင် မျက်ခုံးကြုံ့လိုက်ပြီး စူးရွှမ့်ယန်ပြောသော 'ရွှယ်ရှင်းခန်းမကို ဖန်တီးခဲ့တာ' ၏ အဓိပ္ပါယ်ကို ခဏတာ နားမလည်နိုင် ဖြစ်သွားသည်။ ထိုယောင်္ကျားက ထိုသို့ ပြောလာသည် ဆိုကတည်းက ရွှယ်ရှင်းခန်းမက သူတို့ သွားနိုင်သည့် နေရာဖြစ်ကြောင်း ရွှယ်လင် သေချာသွားသည်။ ထို့ကြောင့် သူ ပို့ဆောင်ပေးသည့်အရာကို ဖိလိုက်ပြီး သူတို့နှစ်ယောက်ကို ထိုနေရာသို့ ပို့ဆောင်စေလိုက်သည်။

စူးရွှမ့်ယန်က ရွှယ်ရှင်းခန်းမ၏ ဆက်တင်ကို ပြုပြင်လိုက်ပြီး လုံခြုံစေရန် ပိတ်ထားသော တံခါးတစ်ချပ်က သူ့ရှေ့တွင် ပေါ်လာကာ ခန်းမတစ်ခုလုံးကို အလုံပိတ်လိုက်သည်။

"ဒါက ကိုယ် အားနေတုန်းက အပျော်သဘောနဲ့ ဖန်တီးခဲ့တဲ့နေရာပါ... အရင်တုန်းက ဟန်ဝူကျန်း မင်းကို နေစေချင်တဲ့ အိမ်သေးသေးလေးကို ကိုယ် စိတ်တိုင်းမကျဘူးလေ... အဲ့ဒါကြောင့် အဲ့အိမ်ကို ဖျက်ဆီးပစ်ပြီး အသစ်တစ်ခုကို ဖန်တီးလိုက်တာ..."

ဇာတ်လမ်း၏ နောက်ကွယ်တွင် ထိုကဲ့သို့ အလှည့်အပြောင်း လှည့်ကွက်များ ရှိနေလိမ့်မည်ဟု မထင်ခဲ့ပေ။ သူ မျက်မှောင်ကြုတ်ကာ ပြောလိုက်သည်။

" ဒါဆို ကျွန်တော် ခင်ဗျားကို စူးရွှမ့်ယန်လို့ ခေါ်ရမလား... ဒါမှမဟုတ် အရှင်နတ်ဆိုးလို့လား..."

သူ့လေသံက နှစ်လိုဖွယ် ကောင်းမနေဘဲ ထေ့ငေါ့သံအနည်းငယ်ပင် ပါဝင်နေသေးသည်။

အချိန်ကြာကမြင့်စွာ အလိမ်ခံထားရသည့်အတွက် မည်သူမျှ ကျေနပ်သည့်ပုံစံ ပြနေမည် မဟုတ်ပေ။

"စူးရွှမ့်ယန်လို့ပဲ ဆက်ခေါ်ပါ ချိပ်ပိတ်ခံနတ်ဆိုးဆိုတဲ့ နာမည်ကို ကိုယ် မကြိုက်ဘူး..."

စူးရွှမ့်ယန်က အဖော်ထုတ်ခံလိုက်ရသောကြောင့် ရှက်ရွံ့နေပုံ တစ်စိုးတစ်စိပင် မရှိချေ။ ယခုအခြေအနေအရ သူအလွန်ပျော်ရွှင်နေသည်။ ရွှယ်လင်က သူ မည်သူဖြစ်သည်ကို သိသွားသော်လည်း သူ့ကို ဖဲကြဥ် ချင်သည့် အရိပ်အယောင် တစ်စိုးတစ်စိမျှ မရှိသောကြောင့်ပင်။ သူ၏ လေသံအရ ဒေါသထွက်နေပုံပေါ်သော်လည်း သူ့ကို အနည်းငယ် ချော့မော့လိုက်ပါက ပြန်ပြီး ပျော်ရွှင်အောင် လုပ်နိုင်မည်ကို သူသိနေသည်။

ရွှယ်လင် သူ့ကို စိုက်ကြည့်လိုက်သည်။ တစ်ဖက်လူက ရွှယ်လင် သူ့အကြောင်းကို သိသွားသော်လည်း သူ့ကို ဘာမျှ လုပ်နိုင်မည် မဟုတ်သည်ကို သေချာနေသလိုပင်။

အိုး ... သူ့ကို ဘာမှ မလုပ်နိုင်ဘူးဆိုတာကအမှန်ပဲ အလွန်ဆုံးမှ သူ့ကို အိပ်ယာပေါ် တက်ခွင့် မပြုရုံပေါ့... သူ ဘာမှ ဆက်လုပ်လို့ ရမှာလည်း မဟုတ်တော့ဘူးလေ...

"ဘာလို့ ဒီနာမည်နဲ့ ချဥ်းကပ်လာတာလဲ..."

" စူးရွှမ့်ယန်ကလည်း ကိုယ်ပဲလေ..."

စူးရွှမ့်ယန် မျက်လုံးများမှိတ်သည်အထိ ပြုံးလိုက်သည်။

" အမှောင်ထဲမှာ စိတ်ကြိုက်လုပ်ရတာလွယ်အောင် ဂိမ်း စကတည်းက ဒီအထောက်အထားနဲ့ မှတ်တမ်းတင်ခဲ့တာ... ဇာတ်ကွက်ထဲမှာ ကိုယ်ပေါ်လာဖို့ မလိုတဲ့ အချိန်ဆိုရင် ကိုယ်လုပ်ချင်တာ ဘာမဆို လုပ်နိုင်တယ်..."

"ခင်ဗျား ပြောချင်တာက ဂိမ်းကို မျှချေ မညီအောင် လုပ်တာမျိုးလား... ပင်မကွန်ပျူတာကို ပြဿနာတက်အောင် လုပ်တယ် အဲ့တော့ ကွန်ပျူတာက အဆင့်တက်ဖို့ အလျင်စလို ဖြစ်နေတော့ ကျွန်တော့်ကို တစ်ချိန်လုံး စောင့်ကြည့်နေတာမျိုးလေ ..."

"ပထမနှစ်ခုကတော့ ကိုယ် လုပ်ခဲ့တဲ့ အရာတွေပဲ ဒါပေမဲ့ မင်းကို စောင့်ကြည့်တာမျိုးကတော့ ကိုယ်လုံးဝ မဖြစ်စေချင်တာ ကိုယ့်ကိုယုံ... ဂိမ်းမှာ သေတာ၊ ရှင်တာကိုတောင် ဂရုမစိုက်ဘဲ ကိုယ် အခုချက်ချင်း သူ့ကို သတ်ပစ်ချင်လောက်အောင်ကို တကယ် မဖြစ်စေချင်ခဲ့တာ..."

ထိုသို့ ပြောပြီးနောက် စူးရွှမ့်ယန်က သက်ပြင်းချလိုက်ပြန်သည်။

" ဒါပေမဲ့ ကိုယ် အဲ့လို မလုပ်နိုင်ဘူး..."

"အိုး..."

သူကသာ ချိပ်ပိတ်ခံနတ်ဆိုးဆိုပါက ယခု သူ့(ရွှယ်လင်)ရှေ့က ထိုသူ၏ စရိုက်က ဖုံးကွယ်ထားခြင်းပင်။ မူလဇာတ်လမ်းအရမူ ချိပ်ပိတ်ခံနတ်ဆိုး ရူးနှမ်းပြီး အမျိုးမျိုး ပြောင်းလဲနေသည့်ပုံ ဟန်ဆောင်ခဲ့သည်။ သို့သော် ယခု သူ့ရှေ့မှလူက သာမန်ဟုသာ ထင်ရသည်။

"မင်းက ဂိမ်းထဲမှာပဲ ရှိသေးတယ်လေ နောက်ပြီး ဂိမ်းထဲမှာပဲ တည်ရှိနေတာ... အဲ့တော့ ကိုယ် မဖျက်ဆီးပစ်နိုင်ဘူး ကိုယ်ဖန်တီးထားတဲ့ ပျင်းဖို့ကောင်းတဲ့ နေရာမှာ ကိုယ်တစ်ယောက်တည်းဆိုရင်လည်း ကိစ္စမရှိဘူး ဒါပေမဲ့ မင်းက ဒီမှာ ကိုယ့်ကို အဖော်လုပ်ပေးရင် မင်း ပျော်ရမှာ မဟုတ်ဘူး..."

ထိုစကားများက ချစ်ခြင်းမေတ္တာကို ဖော်ပြနေသော စကားများနှင့်လည်း တူသလိုလို မတူသလိုလို ဖြစ်နေသောကြောင့် ရွှယ်လင် ရယ်ရမည်လား ငိုရမည်လားပင် မသိ ဖြစ်နေသည်။ သူ့ရှေ့မှလူကို ကြည့်ရင်း ပြောလိုက်သည်။

" ခင်ဗျားက တကယ်ပဲ ချိပ်ပိတ်ခံနတ်ဆိုးလား..."

စူးရွှမ့်ယန် လက်ယမ်းပြပြီး ခေါင်းခါပြလိုက်သည်။

" ကိုယ် ခုဏက ပြောခဲ့တယ်လေ မင်း ကိုယ့်ကို စူးရွှမ့်ယန်လို့ ခေါ်တာကို ပိုကြိုက်တယ်လို့ ချိပ်ပိတ်ခံနတ်ဆိုးဆိုတဲ့ နာမည်က သူတို့ကိုယ့်ကို ပေးထားတာ နည်းနည်း သရော်ခံနေရသလို ခံစားရတယ် ကိုယ် လုံးဝ မကြိုက်ဘူး..."

"ဘယ်လို သရော်တာလဲ..."

ရွှယ်လင် သူ့ကို စိုက်ကြည့်လိုက်သည်။ သူ ကြည့်နေရင်း သူ့ရှေ့မှ ထိုလူ၏ မျက်နှာက ယခင်ဘဝများထက် ပို၍ နှစ်လိုဖွယ် ကောင်းနေသယောင်ပင်။

" ကောင်းပြီ ကျွန်တော် မမေးတော့ဘူး... ကျွန်တော်လည်း ခင်ဗျားရဲ့ ဒီပုံစံကို ပိုကြိုက်ပါတယ်..."

"မင်း မေးလို့ မရတာတော့ မဟုတ်ပါဘူး အဲ့အရာတွေက ကိုယ် ငြင်းပယ်ထားပြီးသား သူတို့ဖန်တီးခဲ့တဲ့ အတုအယောင် အခြေအနေတွေပါ... ကိုယ်က ဝမ်းနည်းကြေကွဲစရာ အတိတ်တွေကို ဖြတ်သန်းခဲ့ရပြီး ချိပ်ပိတ်ခံနတ်ဆိုးလို မကျေနပ်ချက်တွေနဲ့ ပြည့်နှက်နေပြီး ကောင်းကင်ဘုံကိုတောင် သည်းမခံနိုင်တာမျိုးတွေ မခံစားခဲ့ရပါဘူး ဒါပေမဲ့ ကိုယ့်မှာလည်း ခံစားချက်တွေ ရှိပါတယ် အဲတာတွေက သန့်ရှင်းတဲ့ ခံစားချက်တွေပါ... သူတို့ အတင်းအကြပ် ဖော်ပြခိုင်းခဲ့တဲ့ အချစ်တွေတော့ မဟုတ်ဘူး အဲ့ဒီ ခံစားချက်တွေက ကိုယ့်နှလုံးသားရဲ့ အနက်ရှိုင်းဆုံး နေရာကပါ..."

သူက ရွှယ်လင်၏လက်ကိုယူကာ သူ့ရင်ဘတ်ပေါ်သို့ တင်စေလိုက်ပြီး ခပ်တိုးတိုး ပြောလိုက်သည်။

" ဒီနေရာမှာ နှလုံးသား မရှိဘူး... နှလုံးသားတစ်ခုလို မခံစားတတ်တဲ့ ဒေတာတွေပဲရှိတယ်... ဒါပေမဲ့ အခုတော့ အဲ့ဒီအရာက မင်းအတွက် ခုန်နေတယ်..."

ထိုယောင်္ကျားက ကမ္ဘာတိုင်းတွင် အချစ်စကားများ ပြောရာတွင် ကျွမ်းကျင်ပုံပေါ်သည်ဟု ရွှယ်လင် ခံစားလိုက်ရသည်။ ထိုစကားလုံးများက သူ့ကို ထူးဆန်းသလို ခံစားရစေပြီး တစ်ကိုယ်လုံး ထုံကျင်သွားစေသော်လည်း အကျိုးသက်ရောက်နေဆဲပင်။

"ဘယ်တုန်းက ကိုယ့်ကို သတိထားမိတာလဲ..."

"ခင်ဗျား အသွင်ပြောင်းအစီအရင်ကို ထိလိုက်တည်းက..."

ရွှယ်လင်က သူ့ကို ရပ်တန့်စေရန် လှုပ်ရှားမှု မလုပ်ခဲ့ကြောင်း သတိထားမိသွားသောကြောင့် ရွှယ်လင် ဘေးတွင် စိတ်လှုပ်ရှားစွာ ထိုင်လိုက်လေသည်။

" မင်း မသိလောက်ပေမဲ့ ပင်မကွန်ပျူတာက မင်း ဂိမ်းထဲကို ဝင်လာတည်းက မင်းကို သတိထားမိနေတာ... သူက မင်းရဲ့ မူလ ပုံစံဓာတ်ပုံကိုလည်း ဖန်တီးထားသေးတယ် နောက်ပြီး အဲ့တာကို ခိုးကြည့်ရတာလည်း ကြိုက်တယ်... ကိုယ် ခိုးဝင်လာတုန်းက တွေ့ခဲ့တာနဲ့ အဲဒါကို ကော်ပီကူးထားပြီး ဖျက်ဆီးလိုက်တယ် သူ အဲ့အချိန်တုန်းက အတော်လေး စိတ်အခြေအနေ ဆိုးသွားသေးတယ်..."

ရွှယ်လင် : "..."

စူးရွှမ့်ယန်က သူလုပ်ခဲ့တာအတွက် ချီးကျူးခံချင်နေတဲ့ ပုံစံလေးက ချစ်ဖို့ကောင်းတယ်လို့ ငါ ဘာလို့ ထင်နေရတာလဲ...

"ခင်ဗျား ပြောချင်တာက ပင်မကွန်ပျူတာက ကျွန်တော့်ကို အစတည်းက သတိထားမိတယ်ပေါ့..."

အဲဒါဆို သူက အရင်တုန်းက ဘာလို့ သူ့ကိုယ်သူ နှိမ့်ချနေတဲ့ ပုံစံနဲ့နေနေရတာလဲ... အစတည်းက ကောင်းကင်နဲ့ မြေကြီးကို ပြောင်းပြန်လှန်ပစ်လိုက်ပြီး ပြသနာကြီးဖန်တီးခဲ့ရင် ကောင်းမှာ...

အကူစနစ်လေးက မျက်လုံးလှိမ့်ပြလိုက်သည်။

Host ရေ အဲဒါက host ပုံစံ မဟုတ်ပါဘူးနော် ...

"အချစ်လေး မင်းအတွေးတွေက ရိုးရှင်းလွန်းတယ်... လူတစ်ယောက်က ကြောက်စရာ ကောင်းလောက်အောင် ကျွမ်းကျင်နေရင် လူတွေရဲ့ အာရုံစိုက်မှုကို ဆွဲဆောင်ဖို့ အလွယ်ဆုံးပဲ... လူတွေက တစ်ခုခုကို သတိထားမိသွားပြီဆို သူတို့ရဲ့ သဘာဝအတိုင်း စပ်စုလာမယ် ပိုဖော်ထုတ်ချင်လာမယ်... မင်းလုပ်ထားတဲ့အရာတွေက အမှားမရှိဘူး ထင်ရပေမဲ့ သေချာ ဂရုတစိုက် စုံစမ်းကြည့်ရင်တော့ ရှာတွေ့သွားနိုင်တဲ့ သဲလွန်စတွေ ရှိမှာပဲလေ..."

စူးရွှမ့်ယန်က လက်လှမ်းကာ ရွှယ်လင်၏ မျက်နှာကို ထိတွေ့လိုက်ပြီး မတတ်နိုင်ဘဲ ထပ်ပြောလိုက်သည်။

" နောက်ပြီး မင်းက ဒီလောက်တောင် နူးညံ့တဲ့ ပုံစံလေးလေ..."

ရွှယ်လင် ပြောစရာ စကားမဲ့စွာဖြင့် သူ့လက်ကို ဆွဲချပြီး ပြောလိုက်သည်။

" စကားကို သေချာပြောပါ..."

"ဟုတ်ပါပြီ သူက ကိုယ့်ကို ဘယ်တော့မှ ရှာတွေ့နိုင်မှာ မဟုတ်ဘူး... အဲ့တော့ သူ့ကိုယ်သူ အဆင့်မြှင့်တင်ဖို့ အလျင်လိုနေတာ... ဟန်ဝူကျန်းနဲ့ ပက်သတ်တာတွေကိုလည်း မင်း သတိထားမိလောက်ရောပေါ့..."

"အင်း သူ့ဘာရည်ရွယ်ချက်နဲ့ ဘာလုပ်ချင်တယ်ဆိုတာ ကျွန်တော်သိတယ် ..."

"မင်းက သူ့ကို သတိထားလွန်းနေတော့ အခု သူ လှုပ်ရှားမှု တစ်ခုတောင် မလုပ်ရဘူး... မင်းက သူ့ကို ယုံကြည်တာ ဒါမှမဟုတ် ကိုယ့်ကိုယ်ကို သေစေချင်တာမျိုး မဟုတ်ရင် သူ မင်းကို ဘာမှတောင် လုပ်နိုင်မှာ မဟုတ်ဘူး..."

"အကျိုးရှိမယ့် အခြေအနေတွေနောက်ကို လိုက်ပြီး ဆုံးရှုံးမှုတွေ မရှိအောင် ရှောင်ရှားနေရတာ သနားစရာပဲ ကျွန်တော် သူ့ကို အထင်မကြီးဘူး..."

"ကိုယ့်ကိုရော ... ကိုယ့်ကိုရော အထင်ကြီးရဲ့လား..."

ရွှယ်လင် သူ့ကို စိုက်ကြည့်လိုက်သည်။ ထိုမျက်ဝန်းတစ်စုံက နက်မှောင်နေသော်လည်း နက်ရှိုင်းသောနေရာတွင် ခရမ်းရောင်ကို နက်နက်ရှိုင်းရှိုင်း ဖုံးကွယ်ထားလေသည်။ သူ့ကို အလိုမကျဖြစ်စေသည့် စကားတစ်ခွန်းကို ပြောလိုက်ပါက ထိုမျက်ဝန်းတစ်စုံက သူ့ကို နတ်ဆိုးကမ္ဘာသို့ တိုက်ရိုက်ဆွဲခေါ်သွားပြီး ကမ္ဘာကြီး အဆုံးသတ်သည်အထိ သူ့ကို ခေါ်ထားမည့်ပုံပင်။

ရွှယ်လင် ပြုံးချင်စိတ်ကို ထိန်းထားလိုက်ပြီး ပြောလိုက်သည်။

" အပြုသဘောဆောင်တဲ့ ခံစားချက်လေးတွေကတော့အပြည့်ဘဲ... ခင်ဗျား အရိပ်အမြွက်တွေကို မကြားလို့များလား..."

"အရိပ်အမြွက်လား..."

ရွှယ်လင်က ရှေ့သို့ ကိုယ်ကိုကိုင်းလိုက်ပြီး စူးရွှမ့်ယန်၏ မျက်နှာပေါ်ကို အနမ်းပေးလိုက်ပြီး တစ်ဖက်လူကို သူက နက်နက်ရှိုင်းရှိုင်း နမ်းခွင့်မပေးဘဲ အလျင်အမြန် ပြန်ဆုတ်ခွာသွားသည်။ မဟုတ်လျှင် ကလေးများအတွက် မသင့်တော်သော အခြေအနေသို့ ရောက်သွားလိမ့်မည် ဖြစ်သည်။

" မိုင်ထောင်ချီမနားတမ်းကို ဘာလို့ အရမ်း ဂရုစိုက်နေတာလဲလို့ အရင်က ခင်ဗျား မေးဖူးတယ်မလား..."

စူးရွှမ့်ယန် : " ..."

ငါ့ကို ပရောပရည်လုပ်ပြီး ချက်ချင်း စကားလမ်းကြောင်းလွှဲလိုက်တယ်ပေါ့ ဒီမြွေခွေးလေးက အရမ်း အကွက်ရွေ့ ကစားတတ်တာပဲ...

"တကယ်တော့ ကျွန်တော်က မိုင်ထောင်ချီမနားတမ်းတစ်ယောက်တည်းကို ဂရုစိုက်တာ မဟုတ်ဘူး တံတားပေါ်တွင် မိုးသံနားဆင်သူကိုလည်း ဂရုစိုက်တယ်..."

ရွှယ်လင် ချောင်းဟန့်ပြီး ဆက်ပြောလိုက်သည်။

" ခင်ဗျား မြင်တဲ့အတိုင်းပဲ ကျွန်တော်ကလည်း ခင်ဗျားလို ဖန်တီးထားတဲ့ အသိဥာဏ်အတုပဲလေ... ခင်ဗျားကို တစ်စုံတစ်ယောက်က ဖန်တီးထားတဲ့အတွက် ခင်ဗျား မကြိုက်ပေမဲ့ ကျွန်တော် ဂရုစိုက်တာက မိုင်ထောင်ချီမနားတမ်းနဲ့ တံတားပေါ်တွင် မိုးသံနားဆင်သူပဲ..."

"ဟမ်..."

သူ ချစ်ရက အခြားသူကို ဂရုစိုက်ကြောင်း စကားလုံးများကို ပါးစပ်မှ ထုတ်ပြောသည်ကို ကြားလိုက်ရသောအခါ သူခံစားနေရသော ခံစားချက်များက သူ့မျက်နှာကို အနည်းငယ် ထူးဆန်းနေသယောင် ဖြစ်သွားစေသည်။

"ယုံချင်ယုံ မယုံချင်နေ..."

ရွှယ်လင်က မပြီးဆုံးနိုင်သော အလိမ်အညာဇာတ်လမ်းကို စတင်လိုက်သည်။

ကမ္ဘာတိုင်းမှာ ဒီလူက ငါတစ်ယောက်တည်း သုံးလို့ရတဲ့ ရွှေပေါင်လုံးကြီး ဖြစ်နေပုံပဲ သူက ရွှေပေါင်ကြီးဆိုတော့ သူ့ကို နည်းနည်းလောက် အသုံးချရင်လည်း ဘာမှ မဖြစ်ပါဘူး...

" မိုင်ထောင်ချီမနားတမ်းနဲ့ တံတားပေါ်တွင် မိုးသံနားဆင်သူရဲ့ ပြဿနာကို မဖြေရှင်းရင် လွယ်မှာ မဟုတ်ဘူး..."

"သူတို့နဲ့ ဖြေရှင်းဖို့ မလွယ်ဘူးလား..."

စူးရွှမ့်ယန်က တုံ့ပြန်လိုက်သည်။

"အင်း..."

ရွှယ်လင်၏ အကြည့်များက စူးရွှမ့်ယန်၏ ကိုယ်ပေါ်သို့ ကျရောက်သွားပြီး သူ့အကြည့်ထဲတွင် လေးနက်မှုတစ်ချို့ဖြင့် ပြည့်နှက်နေလေသည်။

ယခင်က သူ၏ အခက်အခဲများက ချိပ်ပိတ်ခံနတ်ဆိုးကို မသိသောကြောင့်ပင်။ ယခု သူ ထိုအခြေအနေကို ရှင်းရှင်းလင်းလင်း သိလိုက်ရလေသည်။ ကြိုတင်ခန့်မှန်း၍ မရနိုင်ဘဲ ကြီးမားသော ကိစ္စဖြစ်သည့် ချိပ်ပိတ်ခံနတ်ဆိုးက သူ့ထိန်းချုပ်မှုအောက်တွင် ရှိနေသောကြောင့် အလွန် စိတ်ရှုပ်နေစရာ မလိုတော့ဟု ရွှယ်လင် ခံစားလိုက်ရသည်။ မိုင်ထောင်ချီမနားတမ်းက တံတားပေါ်တွင် မိုးသံနားဆင်သူအား ချစ်မိမသွားစေရန် ကာကွယ်နိုင်ပါက ဤကမ္ဘာအတွက် သူ၏ တာဝန် ပြီးဆုံးသွားမည်ဖြစ်သည်။

ဖြေရှင်းရန် ကျန်နေသေးသော ပြဿနာ မှာ ဟန်ဝူကျန်းပင်။

ကျို့ကျိုးနယ်မြေက ကျယ်ပြောသော်လည်း မိုင်ထောင်ချီမနားတမ်းနှင့် သူ့အဖွဲ့က ကျို့ကျိုးတစ်ခွင်တွင် နှံ့နှံ့စပ်စပ် လည်ပတ်နေပြီး ချိပ်ပိတ်ခံနတ်ဆိုး၏ အတိတ်ကို လိုက်လံ စုဆောင်းနေလေသည်။ တံတားပေါ်တွင် မိုးသံနားဆင်သူ အတွက် ရွှယ်လင်က ရွှေပေါင်လုံးကြီး အဖြစ် လုပ်ဆောင်မပေးတော့သောကြောင့် အဓိက ဇာတ်ကြောင်းတစ်လျှောက် သူတို့၏ လမ်းကြောင်းက ချောမွေ့မှု မရှိတော့ဘဲ ထိုလုပ်ငန်းစဥ်က အချိန် အတော်ယူလေသည်။ ရှာဖွေရန် လိုအပ်သည့် အဓိက အချက်များကို မတော်တဆ ခလုတ်တိုက်ကာ တွေ့ဆုံခြင်းထက် သဲလွန်စ အချို့ကို ရှာတွေ့စေရန် အချိန် အတော်ကြာသည်အထိ လေးလေးနက်နက် ရှာဖွေနေကြရသည်။

အဓိကဇာတ်ကြောင်း၏ တိုးတက်မှုက နှေးကွေးသော်လည်း ကစားသမားများ အဆင့်တက်သည့် နှုန်းက မူလဇာတ်ကြောင်းအတိုင်းပင်။ ဂိမ်း၏ အဓိက ဇာတ်ကြောင်းက ဖြည်းဖြည်းချင်း တိုးတက်နေသောကြောင့် အပြင်ကမ္ဘာကြီး ပျက်ဆီးနေသည့်နှုန်းက ၎င်းကို နှေးကွေးမသွားစေပေ။ လူတိုင်းက ပျမ်းမျှအဆင့် 50 သို့ရောက်ပါက သူတို့က ဤကုန်းမြေပေါ်တွင် အစစ်အမှန် နေထိုင်နိုင်မည်ပင်။ ကစားသမား ခေါင်းဆောင်များ အဆင့် 70 သို့ ရောက်ချိန်တွင် အပြင်မှ တကယ့် ကမ္ဘာကြီးက ပျက်စီးသွားပေလိမ့်မည်။

ဂိမ်းထဲမှ ကစားသမားများက ၎င်းကြောင့် ပြင်းပြင်းထန်ထန် ရိုက်ခတ်ခံခဲ့ရသည်။ အဘယ့်ကြောင့်ဆိုသော် ဂိမ်းထဲမှ ထွက်ရန် လမ်းမရှိဘဲ ပင်မကွန်ပျူတာကလည်း ပျက်စီးသွားသောကြောင့်ပင်။ သူတို့က ဂိမ်းကမ္ဘာတွင် ကစားသမားအဖြစ် ဆက်၍ မတည်ရှိနိုင်တော့သောကြောင့် ဂိမ်းကမ္ဘာ၏ အစစ်အမှန်တည်ရှိမှုများ အဖြစ်ပြောင်းလဲရန်သာ တတ်နိုင်တော့သည်။

သို့သော်လည်း ကူးပြောင်းခြင်းက မလွယ်ကူပေ။ NPC များကလည်း ကစားသမားများအတွက် တိုက်ပွဲကို စတင်ခဲ့လေသည်။ ထိုသို့ ဖရိုဖရဲ ဖြစ်နေချိန်များတွင် လူအများစုက တိုးတက်လာကြပြီး လူသားကစားသမားများကြားတွင် စစ်မှန်သော ခေါင်းဆောင်များ ဖြစ်လာကြလေသည်။ ထိုလူများထဲတွင် မိုင်ထောင်ချီမနားတမ်းလည်း အပါအဝင်ပင်။ သို့သော်တံတားပေါ်တွင် မိုးသံနားဆင်သူ အပါအဝင် အခြားသူများက NPC များထံမှ သတ်ဖြတ်ခံရခြင်း သို့မဟုတ် မတော်တဆမှုမျိုးစုံကြောင့် သူတို့၏ အသက်များကို လုံးဝ ဆုံးရှုံးခဲ့ရသည်။

မတော်တဆမှုကြောင့်လား အခြားကိစ္စကြောင့်လားဆိုသည်ကို ပြောရန် ခက်ပေသည်။ ထိုအရာများက သူနှင့် မဆိုင်ဟုသာ ရွှယ်လင် ပြောပြချင်သည်။ သူတို့၏ ချစ်သူရည်းစား ဆက်ဆံရေးက စိတ်အနှောင့်အယှက် ဖြစ်သည်ဟုဆိုပြီး ထိုကိစ္စထဲတွင် ဝင်ပါရမည်ကို အဖက်မတန်ဟု ထင်ကာ သူတို့ထဲက တစ်ယောက်ကို သတ်ပစ်ခဲ့သူမှာ စုစူးရွှမ့်ယန်ပင်။ သူ အများဆုံးလုပ်ခဲ့သည်မှာ ဂရုမစိုက်သလို ဟန်ဆောင်ပြီး စူးရွှမ့်ယန်ကိုတားရန် မကြိုးစားခဲ့ခြင်းပင်။

သူ့တာဝန် တစ်ဝက်ခန့်က ပြီးစီးသွားပြီ ဖြစ်သည်။ ယခု ရွှယ်လင်တွင် အချိန်ရှိသောကြောင့် ပင်မကွန်ပျူတာကို ရှင်းလင်းရန် ပြင်ဆင်နေတော့သည်။

🦊🦊🦊

Prev Next