MM Story Teller

Chapter 109 (Arc 8)

Viewers 3k

🦊Arc 8 - အမှားယွင်းဆုံး အမျိုးသားဇာတ်ဆောင်

Chapter 109

8.1 - ဆက်ဖတ်နေလည်း ခွေးတစ်ကောင်ကိုဖာ့ခ်နေတာလောက်တောင် မရှင်းတော့ဘူး။

ထိုအချိန်မှာပင် သူရန်သူအဖြစ် သတ်မှတ်ထားခဲ့သည့်အရာများက ရေခဲဖြင့် ချိပ်ပိတ်ခံလိုက်ရသည်။ ဇွန်ဘီတို့၏မျက်နှာအမူအရာများမှာ တောင့်တင်းကုန်ကြသည်

ရွှယ်လင် ဖြည်းဖြည်းချင်း လက်သီးဆုပ်လိုက်တော့ ရေခဲသည် အတွင်းပိုင်းထဲမှ စတင်အက်ကွဲလာတော့၏။

မကြာခင် သူတို့ကို ဝိုင်းအုံထားသည့် ဇွန်ဘီများသည်ကား အသတ်ခံလိုက်ရပေပြီ။ သွေးစက်လေးတစ်စက်ပင် လွင့်စင်ခြင်းမရှိဘဲ ဇွန်းဘီများမှာ ရေခဲအပိုင်းအစများနှင့်အတူ အစိတ်အပိုင်းများအဖြစ် ကွဲထွက်သွားကြသည်။ ကားအောက်မှလူတိုင်း ထိုမြင်ကွင်းကို ပါးစပ်အဟောင်းသားဖြင့် မျက်လုံးများပြူးကျယ်လျက် မယုံနိုင်သည့်ပုံဖြင့် ကြည့်နေကြလေသည်။

၎င်းတို့၏အမူအရာကိုကြည့်ပြီး ရွှယ်လင်မှာ ယခုလေးတင် သူလုပ်လိုက်သည့်အရာက လွန်သွားကြောင်းသိလိုက်၏။

သို့သော်လည်း ယခုမှရပ်လိုက်လျှင် အဓိပ္ပါယ်ရှိတော့မည်မဟုတ်၊ သူ ကားပေါ်မှခုန်ဆင်းလိုက်ပြီး ဘေးပတ်လည်မှလူတိုင်းကို အေးစက်စက်ဖြင့်ကြည့်လိုက်သည်။

လောလောဆယ် သူ့ထံတွင် ဤကမ္ဘာနှင့်ပတ်သတ်သည့်မှတ်ဉာဏ်များက တစ်ခုမျှမရှိနေ၍ အခြေအနေအရ ၎င်းတို့နှင့် ဆက်ဆံရုံသာတတ်နိုင်ပြီး ထိုလူစုက ပြဿနာမရှာရန်သာ မျှော်လင့်ရပေတော့မည်။

ကားဘေးတွင် အမျိုးသားသုံးယောက်နှင့် အမျိုးသမီးတစ်ယောက်၊ လေးယောက်မတ်တပ်ရပ်နေကြသည်။ ၎င်းတို့ ရွှယ်လင်ထံကြည့်လာသည့်မျက်၀န်းများမှာ တဖိတ်ဖိတ်လက်နေတော့၏။ ၎င်းတို့ထဲမှ ခပ်ဝဝနှင့်အမျိုးသားက မိန်းကလေးပရိတ်သတ်တစ်ယောက်ကဲ့သို့ ပါးစပ်ကိုလက်ဖြင့်အုပ်၍ ဆိုသည်။ "ဘုရားရေ...ဒါက အရင်ကဘော့စ်ဟန်ပြောဖူးတဲ့ စွမ်းရည်အသစ်များလား...ဘော့စ်ရော ဒုတိယမြောက်စွမ်းရည် ရသွားပြီလား..."

ရွှယ်လင်သည် အဆိုပါမှတ်ချက်မှရလိုက်သည့် အချက်အလက်များကြောင့် အကြီးအကျယ်ကျေနပ်သွားတော့၏။ ထိုစကားအရ သူသည် ဤအုပ်စု၏ခေါင်းဆောင်ဖြစ်ပုံရပြီး ဤကမ္ဘာကစွမ်းရည်များဖြင့် ပေါ်ထွက်လာခြင်းဖြစ်ကာ ရေခဲဒြပ်စင်က သူ၏မူလစွမ်းရည်ဖြစ်ပုံမရပေ။

မျက်မှန်တပ်ထားပြီး အဖျားချွန်ချွန်လေးများဖြင့် ဆံပင်အတိုညှပ်ထားသောအမျိုးသမီးက မျက်ခုံးပင့်၍ အံ့ဩနေဟန်ဖြင့် ပြောလာ၏။

"ကောင်းတာပေါ့! ငါက ဟယ့်ယန်လာကယ်တဲ့အထိ မထိန်းထားနိုင်လောက်ဘူးလို့ထင်ခဲ့တာ...အစ်ကိုဟန်ရဲ့စွမ်းရည်အသစ်က ဒီလောက်အစွမ်းထက်လိမ့်မယ်လို့ မထင်ထားခဲ့ဘူး..."

ရွှယ်လင် ထိုစကားလုံးများထဲမှ နောက်ထပ်နာမည်တစ်ခုကို ကြားလိုက်ရပြန်သည်။

သူတို့ထဲကတစ်ယောက်က အကူအညီသွားရှာနေသည်!

ဤတစ်ကြိမ်တွင် သူ၏ပုံစံအစစ်အမှန်က အကူအညီမလာခင်အထိ ထိန်းမထားနိုင်ဘဲ စွန့်ပစ်ခံလိုက်ရပြီး ညီအစ်ကိုများဘေးတွင် တလျှောက်လုံး ကာကွယ်ပေးရင်း သေသွားခဲ့ရသည့် အမြှောက်စာဇာတ်ကောင် ပုံစံပေလား။

စနစ်: "ဟယ်..."

Host ၏ရိုးသားသောပုံစံကိုမြင်ရရန် အတော်လေးရှားပါးသည်။ ၎င်းသည်ကား ဤဇာတ်ကောင်က ထူးခြားသည့်အကြောင်း ပြောခဲ့ဖူး၏။ ပြောရလျှင် ၎င်းက သာမန်အမြှောက်စာဇာတ်ကောင်တစ်ခု မဟုတ်ပါချေ။

"သွားကြမယ်..!"

ရွှယ်လင်သည် ယခုပင် ပိုလုံခြုံသည့်နေရာကိုသွားပြီး ဇာတ်လမ်းကိုဖြေရှင်းရန် လိုအပ်နေသည်။

"အခုလေးတင်တိုက်လိုက်ရတာက အရမ်းအားကုန်တယ်...ငါအနားယူဖို့လိုတယ်..." သူ၏မျက်နှာက သွေးရောင်ဖျော့ပြီး ဖြူလျော်လာသည့်အခါ လူတိုင်းထိတ်ပျာသွားကြပြီး သူ့အား ကားထဲသို့ အမြန်ဝင်ခိုင်းလိုက်ကြသည်။

ရွှယ်လင်သည် အနားမှဇွန်ဘီတို့ကို ရှင်းလင်းနေရသော်လည်း ၎င်းတို့ကအဆင့်နိမ့်ဇွန်ဘီများသာ။ ၎င်းတို့

မှာ သတိကြီးပြီးစဥ်းစားတတ်သည့် သူနှင့်အတူလာခဲ့ကြသည့်တိုင် ၎င်းတို့၏အသင်းလေး သေမင်းနဲ့တွေ့မည်ကိုဖြင့် ထိတ်လန့်ကြပေသည်။

ရွှယ်လင်က ၎င်းတို့၏ခေါင်းဆောင်ဖြစ်ပြီး ယခုလေးတင် လူတိုင်း၏အသက်ကို ကယ်တင်ပေးခဲ့သည်၊ ထို့ကြောင့် အနှီသူက ကားရှေ့ခေါင်းခန်းမှ ခရီးသည်ခုံတွင် ဝင်ထိုင်လိုက်သည့်အခါ မည်သူကမှ သူ့အားမနှောင့်ယှက်ရဲကြတော့ပေ။သူ့မျက်နှာရိပ်ကိုကြည့်နေရသောကြောင့် ကားမှာ ရုတ်ချည်းတိတ်ဆိတ်သွားတော့သည်။

ရွှယ်လင်က ထိုလေထုကို အတော်လေးကျေနပ်မိသည်။ ထိုအခွင့်အရေးကိုအမိအရယူပြီး စနစ်က အချက်အလက်များကို သူ့ထံသို့ အမြန်လွှဲပြောင်းပေးလာသည်။

စနစ်သည် ရွှယ်လင်၏နှလုံးသားထဲမှ သတ်ဖြတ်လိုစိတ်ကို ခံစားမိသည်။ ၎င်းက သနားဖွယ်ရာကောင်းစွာ တုန်ယင်နေပြီးရန်တွေ့ဟန်ဖြင့် ပြောလာ၏။

"ပြောရရင် ငါ အမြဲတမ်းအခြေအနေတွေကို ရှင်းပြခဲ့တယ်လေ...ဒါက အသင့်တော်ဆုံး

အချိန်ကာလပဲ..."

ရွှယ်လင်: "ဟမ့်!" သူက ငါယုံမယ်လို့ တကယ်ကြီးထင်နေတာလား?

ရွှယ်လင် ဇာတ်ကြောင်းကို ခပ်သွက်သွက်ကြည့်လိုက်ပြီးစိတ်ထဲတွင်မူ 'မင်းအမေ ငိုးပဲ!' ဟူ၍ အကြိမ်တစ်ထောင်ခန့် ဆဲရေးလိုက်မိတော့သည်။

အနှီဇာတ်လမ်းက ဦးတည်ရာမဲ့နေခြင်းကြောင့်မဟုတ်။၎င်းက သူ၏ပြီးပြည့်စုံခြင်းနှင့်အမြင်ကို တိုက်ခိုက်ခြင်းမရှိသော်လည်း ဤသို့သောထူးဆန်းသည့် ဇာတ်လမ်းမျိုးကို အလုံအလောက်မြင်တွေ့ခဲ့ရပြီးဖြစ်ရာ ၎င်းနှင့်ပတ်က်၍ မည်သို့မျှမခံစားရတော့ပေ။ ရွှယ်လင်ကို အံ့ဩသွားစေခဲ့ပြီး နဖူးကြောများ တွန့်လာရစေသည့်အကြောင်းအရင်းက ဤတကြိမ်တွင် သူရလိုက်သည့် ဇာတ်ကောင်ကြောင့်သာ။

၎င်းသည်ကား ယခင်ကရနေကျ အမြှောက်စာဇာတ်ကောင်များနှင့် မတူပါချေ၊ ဇာတ်လိုက်နှင့်အနီးကပ်နေရသည့် ဇာတ်ပို့အမျိုးအစားမဟုတ်။ သူသည် ပုံမှန်ကဲ့သို့ပင် gong ဇာတ်ကောင်နေရာကို ရောက်ရှိလာခြင်းဖြစ်ပေ၏။

တကယ်ကြီးကို! ဇာတ်လိုက်! gong တဲ့ဟ!

ဇာတ်လမ်းမှာလည်း ထူးဆန်းနေသေးသည်။ စာရေးဆရာ၏ဦးနှောက်က မည်သည့်နေရာတွင် ချို့ယွင်းသွားသည်မသိ၊ ဇာတ်လိုက် gong ကား ဤတကြိမ်တွင် စိတ်နာသွားနိုင်လောက်သည်။ ဇာတ်လမ်းတစ်ခုလုံးက ထိုအတိုင်းဖြစ်နေပြီး ရွှယ်လင်မှာ သူဖြစ်တည်လာသည့်ရည်ရွယ်ချက်ကိုပင် နားမလည်နိုင်တော့ပေ။

ဤဇာတ်လမ်းသည်ကား အချိန်ခရီးသွားပုံစံမျိုးပင်။

'ဟယ့်ယန်' ဆိုသောဇာတ်လိုက်သည် အရှေ့ပိုင်းတွင်တည်းက ဖော်ပြထားခံရပြီး အကူအညီသွားရှာနေခဲ့သည်။ ဟယ့်ယန်တွင် 'ကမ္ဘာပျက်ကိန်းတန်ပြန်တိုက်ခိုက်မှု' အသက်ကာကွယ်သည့်စနစ်မျိုးရှိပြီး ၎င်းသည် ကမ္ဘာပျက်ကိန်းဖြစ်ပြီးနောက် ကမ္ဘာမြေအား အန္တရာယ်တောထဲမှကယ်ဆယ်ရာတွင် သူ့ထံ၌တာဝန်ရှိလာသလို ခံစားရပေမည်။

သို့ဖြစ်၍ အသင်းသားများအန္တရာယ်ရှိလာသည့်အခါ ဇာတ်လိုက် gong ဖြစ်လာမည့်သူက ရည်းစားဟောင်း၏စွန့်ပစ်ခံခဲ့ရပြီး ယခုမူ ရွှယ်လင်၏ကိုယ်က ထိန်းချုပ်ခံနေရလေပြီ -

'ဟယ်ယန်' ။

၎င်းက အကူအညီသွားရှာနေခြင်းမဟုတ်၊ အကြောင်းမှာ ကမ္ဘာပျက်ကိန်းပြီးသည့်နောက် ချုးဟန်က သူ့အား အဖော်ပြုပေးနိုင်မည့်သူ မဖြစ်လာနိုင်တော့သလို ခံစားရသောကြောင့်ပင်။

အကြောင်းအရင်းက အတော်လေးထူးဆန်းနေသည့်တိုင် ထိုသူသည်ကား ထိုသို့သောလူမျိုးပင်။

စွန့်ပစ်ခံရခြင်းကို ကျေးဇူးတင်သင့်သည်။ ချုးဟန်(မူလကိုယ်)က ဒုက္ခရောက်နေချိန်တွင် သူ၏စွမ်းရည်ကိုတိုးတက်အောင်လုပ်ခဲ့ပြီး လူသားတို့၏တက်လမ်းတွင် ရှေ့ဆုံးရောက်လာခဲ့သည်။ ၎င်းက သူနှင့်ဟယ့်ယန်တို့ အနာဂတ်တွင် ထပ်မတွေ့နိုင်ခင်အထိဖြစ်ပြီး ဟယ့်ယန်က သူမေ့ထားသည့်အရာကို သိသွားခဲ့သည်။ ထို့နောက် အကြောင်းအမျိုးမျိုးကြောင့် သူ၏မစ်ရှင်က အောင်မြင်ရန်မဖြစ်နိုင်တော့ချေ။ ဟယ့်ယန်က အသေအချာတွေးတောကြည့်ပြီး မဖျက်စီးဘဲနှင့် တိုးတက်မှုမရှိနိုင်ကြောင်း နားလည်ခဲ့သည်။ အခြေအနေက ဤအတိုင်းဆက်သွားနေပြီဖြစ်ရာ သူ၏စိတ်ကူးက အဆိုးဆုံးမဖြစ်နိုင်တော့ပေ၊ ထို့ကြောင့် သူသည် 'ကမ္ဘာပျက်ကိန်း တန်ပြန်တိုက်ခိုက်မှု' စနစ်ကို သူ့အတွက်စီစဥ်စေပြီး အချိန်များကို နောက်ပြန်လှည့်သည့် တစ်ခုတည်းသောအခွင့်အရေးကို ရွေးချယ်လိုက်သည်။

သူ(shou) ချုးဟန်နှင့်မတွေ့ခင်အချိန်ကို ပြန်သွားခဲ့သည်။

ချုးဟန်ကို စိတ်တက်ကြွလာစေရန် လှုံ့ဆော်ပေးမှသာ ၎င်း၏ဒုတိယမြောက်စွမ်းရည်က တိုးတက်လာမည်ဖြစ်သည်၊ ဟယ့်ယန်တွင်အချိန်ကျန်နေသေး၏။ နောက်ဆုံးအချိန်ကနှင့်မတူတော့ဘဲ သူစစ်ကူတောင်းရန် တကယ်ပင်ပြန်သွားခဲ့သည်။

ရွှယ်လင်သည် ထိုဇာတ်လမ်းကို အပြီးအထိဖတ်၍ အင်မတန်ဆိုးရွားသည်ဟုသာ ခံစားလိုက်ရသည်။ နောင်တအတွက်ဆေးမရှိသင့်ပေ။ ဇာတ်လိုက် shou ရဲ့စနစ်မှာ ဒီလိုစွမ်းရည်မျိုးရှိနေတာက စည်းဖောက်တာပဲမဟုတ်လား?

"စနစ်ရေ...တကယ်လို့ သူက မအောင်မြင်တိုင်း ပြန်ပဲစနေရင်..ငါက သူ့ကံကြမ္မာကို ဘယ်လိုလုပ်ပြောင်းပေးရမှာလဲ..."

ထိုသို့သောစွမ်းရည်ကို ရွှယ်လင်နှင့်ပေးဆုံလာခြင်းက အတော်ကိုခေါင်းကိုက်ရစေသည်။ သူ မပျော်တိုင်း ပြန်စနေခဲ့ပါက ဤဂိမ်းကိုစတင်ရန် နည်းလမ်းမရှိနိုင်ပေ။

"စိတ်အေးအေးထားပါ host...ဒီရွေးချယ်မှုက တစ်ခုတည်းသောအခွင့်အရေးဆိုတာ သတိမထားမိဘူးလား.."

စနစ်က အမြှီးကို သူ၏လက်ပေါ်တွင်တင်၍ ပွတ်သပ်နေပြီးစိတ်ပါလက်ပါပြုံး၍ ပြောလာသည်။

"သခင် host ရယ် စိုးရိမ်နေစရာမလိုပါဘူး...ဒီတခါ သူအချိန်ကိုပြန်လှည့်တာနဲ့ ငါက hostကို အချိန်ကိုက်ကူညီမှာပါ..သိပ်မကြာခင် shou က hostကိုကူဖို့ အကူတွေခေါ်လာပေးလိမ့်မယ်...hostက ကျန်တဲ့ဇာတ်ကြောင်းတွေကိုသာ ကြည့်ထားလိုက်...ငါ့ကိုယုံစမ်းပါ...အဲဒီစနစ်က သောက်တုံးကြီးပါဆို..."

ရွှယ်လင်စိတ်လျှော့ပြီး ဇာတ်လမ်းကို ဆက်ဖတ်နေလိုက်သည်။

ဆက်ဖတ်နေလည်း ခွေးတစ်ကောင်ကိုဖာ့ခ်နေတာလောက်တောင် မရှင်းတော့ဘူး။

ကမ္ဘာပျက်ခြင်းက အာကာသထဲရှိဥက္ကာခဲများ ကမ္ဘာမြေပေါ်ရိုက်ခတ်ရာမှ ဖြစ်ခဲ့ရကာ ကမ္ဘာမြေကို ရေဒီယိုဓာတ်ကြွမှုများ ဖြစ်လာစေခဲ့သည်။ ရေဒီယိုဓာတ်ကြွမှုက ကမ္ဘာမြေမှလူများကို နည်းလမ်းနှစ်မျိုးဖြင့် ပြောင်းလဲစေခဲ့၏:

ဇွန်ဘီအဖြစ် သို့မဟုတ် စွမ်းရည်အသုံးပြုသူအဖြစ်။

သာမန်လူများက အသက်ရှင်ကျန်နေသေးသော်လည်း ထိုလူများက ရေဒီယိုလှိုင်းများအောက်တွင် အချိန်ကြာအောင် အသက်မရှင်နိုင်ကြပေ။ အချိန်ကြာလာသည့်အခါ ပြောင်းလဲသွားသည့် လူနှစ်မျိုးသာ ကမ္ဘာမြေပေါ်တွင်ကျန်ရစ်ခဲ့သည်။ ဇာတ်လိုက် gong နှင့် shou သည်ကား

'စွမ်းရည်အသုံးပြုသူ' အမျိုးအစားတွင် ပါဝင်သည်။

ဇာတ်လမ်းအစက အတော်လေးထူးဆန်းသည်။ ထိုကာလ၌ ဇွန်ဘီများက လက်ရှိတွင် ပုံမှန်အသိစိတ်ကို ပြန်ရသွားပြီး လူသားများကဲ့သို့ တွေးခေါ်လာနိုင်ကြသည်။ ၎င်းတို့ထဲမှ အင်အားအကြီးမားဆုံးဇွန်ဘီက ဇွန်ဘီဘုရင်ဖြစ်

လာလိမ့်မည်ပင်။ ဇွန်ဘီတို့၏အသိစိတ်က အလိုအလျောက်စုစည်းလာပြီး မြို့အစိတ်အပိုင်းများကို သိမ်းယူကြပြီးနောက် စွမ်းရည်အသုံးပြုသူများကဲ့သို့ အခြေစိုက်စခန်းများတည်ဆောက်ကာ အုပ်ချုပ်ကြသည်။

စွမ်းရည်အသုံးပြုသူများထက် ဇွန်ဘီများက ပိုမိုများပြားပြီး ၎င်းတို့က အသက်ရှင်ရန်အတွက် ရေနှင့်စားစရာများ မလိုအပ်ပေ။ ၎င်းတို့၏အရေအတွက် ပိုများလာခဲ့လျှင် စွမ်းရည်အသုံးပြုသူများကို ပိုမိုခြိမ်းခြောက်လာနိုင်လိမ့်မည်ဖြစ်သည်။

ထိုအချိန်တွင် ဇာတ်လိုက် shou က ထွက်ပေါ်လာခဲ့သည်။

သူနှင့်အတူရှိနေသည်က ဇွန်ဘီဆန့်ကျင်သည့်စနစ်ပင်။

စနစ်က သူ့အားပေးလာသည့် တာဝန်များကိုထမ်းဆောင်ရင်း ဇာတ်လိုက် shou မှာ စွမ်းရည်အသုံးပြုသူနှင့် ဇွန်ဘီတို့ ငြိမ်းချမ်းစွာဆက်ဆံနိုင်ရေး ကိစ္စများအကြားတွင် ညပ်ပါခဲ့ပြီး နှစ်ဖက်ကြားမှ အခြေအနေများကို ပိုဆိုးစေခဲ့သည်။ နောက်ဆုံးတွင် တဖက်မှမသေမချင်း မရပ်သည့်အခြေအနေအထိ ရောက်ခဲ့ရ၏။

ဇာတ်လိုက် shou သည် ဇွန်ဘီများမရှိဘဲ ငြိမ်းချမ်းသောကမ္ဘာမြေကို တည်ထောင်လိုသော ၎င်း၏ ကြာရှည်သည့်ယုံကြည်မှုအပေါ်တွင် စိတ်နှစ်ထားခဲ့သည်။ သူသည် ဇွန်ဘီများအားလုံးကို သတ်ပစ်ချင်စိတ်မျိုး ဆက်ရှိနေသေးသော်လည်း ဇွန်ဘီဘုရင်က အတော်အတန်အင်အားကြီးမားပြီး သူ့ကိုယ်သူခုခံကာကွယ်ရန်ပင် နည်းလမ်းမရှိပေ။

ချုးဟန်မှာ ဇွန်ဘီဘုရင်ကိုတိုက်ထုတ်ရာတွင် ကူညီပေးရန် သူရွေးချယ်ထားသည့်လူပင်။ သို့သော်လည်း ချုးဟန်၏စိတ်ကူးက ဇာတ်လိုက် shou ၏စိတ်ကူးနှင့် လုံးဝကွဲပြားနေခဲ့သည်။

ထိုသူသည် လူသားအစစ်အမှန်များက ဤကမ္ဘာမြေပေါ်မှပျောက်ကွယ်သွားပြီဖြစ်ကြောင်း သိနေခဲ့သည်။ တိကျသောရှုထောင့်မှကြည့်ပါက ဇွန်ဘီနှင့် စွမ်းရည်အသုံးပြုသူများကို အချို့သောလူသားဖြစ်တည်မှုဟူ၍ပင်ယူဆမရနိုင်တော့။ ၎င်းတို့က လောကအသစ်၏ အသက်ရှင်ကျန်ရစ်သူများအဖြစ် ရွေးချယ်ခံထားရပြီးဖြစ်ရာ တစ်ဖက်နှင့်တစ်ဖက် မတိုက်ခိုက်သင့်တော့ပေ။

ချုးဟန်သည် စွမ်းရည်အသုံးပြုသူများနှင့် ဇွန်ဘီတို့အကြား ငြိမ်းချမ်းစွာဆက်ဆံနိုင်ရေးအတွက် အားပေးထောက်ခံခဲ့ပြီး ပဋိပက္ခတို့ကို ရပ်တန့်စေလိုခဲ့သည်။

ဇာတ်လမ်း၏အနောက်ပိုင်းတွင် သူ၏အမြင်များက ဟယ့်ယန်နှင့် ပကတိကွာခြားသွားခဲ့သည်၊ နှစ်ဦးကြားက မူလရှိခဲ့သောခံစားချက်များမှာ တဖြည်းဖြည်းပါးလျသွားခဲ့ပြီး သဟဇာတမဖြစ်နိုင်ကြတော့ပေ။ ၎င်းက ပိုမိုကြီးမားလာခဲ့ကာ စွမ်းရည်အသုံးပြုသူများက နှစ်ဖက်ကွဲထွက်သွားခဲ့သည်။

နှစ်ဦးကြားမှရန်ပွဲက ဖြေရှင်းမရနိုင်သည့် အခြေအနေရောက်မှ စာရေးဆရာမှာ ထိုနှစ်ယောက် အတူရှိနေရမည့်ကိစ္စကို သတိရပုံပေါ်သည်။ ၎င်းတို့၏အချစ်က မခိုင်မာခဲ့လျှင် အပြန်အလှန်ဖျက်ဆီးဖို့ရာ မဖြစ်နိုင်တော့၊

သို့ဖြစ်၍ စာရေးဆရာမှာ ချုးဟန်နှင့်ဇွန်ဘီဘုရင်ကြား

ထိပ်တိုက်ရင်ဆိုင်ရန် အတင်းရေးယူခဲ့သည်။ နှစ်ဖက်လုံးက ဒဏ်ရာကိုယ်စီရခဲ့ကြပြီး ချုးဟန်မှာလည်း ပဟေဠိဆန်စွာဖြင့် 'မှတ်ဉာဏ်ပျောက်ဆုံးသွားရသည်'။

ဟယ့်ယန်အတွက်မူ ၎င်းက ခက်ခဲသည့်ဆက်ဆံရေးအပြီးရလာသည့်ကံကောင်းမှုလေးပင်။ သူသည် သူနှင့်အတွေးအမြင်တူသည့် 'ချုးဟန်' ကို သေချာပေါက်ပြန်လည်ဖန်တီးရမည်။ ထို့ကြောင့် သူက စတင်ရန်ပင်မစောင့်နိုင်တော့ဘဲ ချုးဟန်၏အရည်အချင်းတို့ကို ဖြည်းဖြည်းချင်းပြန်လည်မြှင့်တင်ပေးကာ သူ၏လက်အောက်ငယ်သားများနှင့် သီးသန့်ခွဲထားလိုက်ပြီး သူ့ကိုသာအားကိုးခိုင်းမည်။ ဤသို့ဖြင့် နောက်ဆုံးတွင် အနှီသူက သူ့အား လုံးဝ ခွဲသွားနိုင်တော့မည်မဟုတ်ပေ။

ဇာတ်လမ်းအဆုံးတွင် စွမ်းရည်အသုံးပြုသူများနှင့် ဇွန်ဘီများအကြားမှ တိုက်ပွဲကြောင့် ကမ္ဘာမြေမှာ အကြီးအကျယ်ထိခိုက်သွားခဲ့ရပြီး နှစ်ဖက်လုံးက အကျအဆုံးများခဲ့သည်။ နောက်ဆုံးတိုက်ပွဲတွင် ဟယ့်ယန်ကိုကာကွယ်ရန်အတွက် ချုးဟန်နှင့် ဇွန်ဘီဘုရင်တို့ သေဆုံးခဲ့ကြရသည်။ ပေါက်ကွဲသည့်အချိန်တွင် ဟယ့်ယန်၏စနစ်က နှစ်ဦးလုံး၏စွမ်းအားတို့ကို စုပ်ယူလိုက်ကာ ဂြိုလ်ကိုပြန်လည်ပြင်ဆင်ရန်အတွက် အသုံးပြုခဲ့ပြီး ၎င်းတို့ကို ဘဝ 'အသစ်' ပေးခဲ့သည်။ ကမ္ဘာအသစ်ပေါ်ထွက်လာပြီးသည့်နောက်ပိုင်း ကျစ်ရစ်ခဲ့သော စွမ်းရည်အသုံးပြုသူများက ပျော်ရွှင်စွာနေထိုင်ခဲ့ကြသည်။ အားသစ်အင်သစ်ဖြင့် တာဝန်များကို ပြန်လည်ထမ်းဆောင်ကြပြီး လူမှုဆက်ဆံရေးကို ပြန်လည်ထူထောင်ခဲ့ကြသည်။ ဟယ့်ယန်ကမူ ချုးဟန်နှင့်အတူ သူ၏အချစ်တို့ကို ပြန်သယ်လာခဲ့ပြီး အိပ်မက်နှင့်ဘဝကို သီးခြားစီ ပြန်လည်တည်ဆောက်ခဲ့သည်။

ကျေနပ်ဖွယ်ရာ ဘဝတစ်ခုဖြစ်ခဲ့ပါသည်၊ သို့သော် နောက်ကွယ်တွင် ပုန်းနေသည့်အရာက အင်မတန်ထူးဆန်းလွန်းပြီး ထင်ယောင်ထင်မှားဖြစ်နေခဲ့သည့် အမှန်တရားတစ်ခုသာ။

"တကယ်လို့ ဇွန်ဘီတွေကို အပြောင်မရှင်းခဲ့ရင် သူတို့ကထပ်ထွက်လာပြီး နောက်ထပ်လူသားအသစ်တမျိုးဖြစ်လာမယ်...သေသွားလို့ ဒီလိုဖြစ်လာတာမဟုတ်ဘူး.. သူတို့က စွမ်းရည်အသုံးပြုသူတွေနဲ့မတူဘဲ ဆင့်ကဲဖြစ်လာတာ..ဒါကြောင့်ပဲ သူတို့ရဲ့ပုံစံက ကွဲနေခဲ့တယ်...နောက်ဆုံးတော့ ဒါ

တွေအကုန်လုံးက ရေဒီယိုဓာတ်ကြွတာကြောင့်ပဲ.."

စနစ်က ဖြစ်စဥ်နှင့် နောက်ဆက်တွဲများကို ရွှယ်လင်အားရှင်းပြနေလေသည်။

"အရင်ကတော့ လူသားတွေမှာအသက်ရှင်ဖို့ မျှော်လင့်ချက်ရှိသေးတယ်...ဘာလို့လဲဆိုတော့ ဇွန်ဘီနဲ့စွမ်းရည်အသုံးပြုသူတွေက လူသားတွေကို ဆက်ရှိနေခွင့်ပေးခဲ့တယ်လေ...သူတို့ ငြိမ်းချမ်းရေးသဘောတူညီချက်မှာ လက်မှတ်ထိုးပြီးလိုက်တည်းက အားလုံးကွဲပြားသွားခဲ့တယ်...ဒါပေမဲ့ ဟယ့်ယန်က ဒီအတိုင်းပဲလုပ်ချင်နေခဲ့တာ...စွမ်းရည်အသုံးပြုသူတွေကသူတို့ကိုယ်တိုင်မျိုးပွားနိုင်မယ့်နည်းလမ်းကို မသိကြဘူး...သူ သီးခြားပိတ်လှောင်ထားတဲ့နေရာကို ရောက်သွားတဲ့နောက် ကမ္ဘာမြေပေါ်က လူသားတွေလည်း တဖြည်းဖြည်းနဲ့ လျော့သွားတယ်...လျော့လာပြီးတဲ့နောက်ပိုင်း ဂြိုလ်ပေါ်မှာ လူသားမျိုးနွယ်ဆိုတာ လုံးဝမရှိတော့ဘူး..."

ရွှယ်လင်မှာ အနှီထူးဆန်းသောဇာတ်ကြောင်းနှင့် ပတ်သက်ပြီး သူ၏အထင်သေးမှုကို မည်သည့်နေရာကစပြရမည်မှန်း မသိတော့ချေ။

"ဒီလိုမျိုးစီစဥ်ထားတာ အဓိပ္ပါယ်ရောရှိရဲ့လား..." ငါက ဒီလိုမျိုးသရုပ်ဆောင်ဖို့သင့်တော်လည်း 'ချုးဟန်' ဖြစ်လာပြီးတဲ့နောက် ငါလုပ်တဲ့အပေါ်မူတည်ပြီး ဆုံးဖြတ်ရတော့မှာလေ။ ငါသာလုပ်ချင်စိတ်မရှိရင် ဟယ့်ယန်လည်း ဘာမှလုပ်လို့မရတော့ဘူးမလား...?

"ငါစဥ်းစားနေတာလည်း အဲဒါပဲ..." စနစ်က လူမိုက်လိုလိုရယ်ပြီး ဆက်ပြောလာသည်။

"ဘာလို့လဲဆိုတော့ host ရဲ့ကြံ့ခိုင်မှုက ပိုတိုးလာရင် ဇာတ်လိုက်ကိုယ်ထဲကိုဝင်ဖို့က ပြဿနာမဟုတ်တော့ဘူးလေ...အဓိကအချက်က ချုးဟန်လည်း ဒီဘဝကမှားနေတယ်ဆိုတာ ခံစားမိမှာပဲ..စွမ်းအားအကြီးဆုံး စွမ်းရည်အသုံးပြုသူအနေနဲ့ ဟယ့်ယန်ကြောင့်စွန့်စားရမှာ...သူ့အပေါ်ရှိနေတဲ့ ခံစားချက်တွေတောင် မှတ်ဉာဏ်တွေပျောက်ရာကနေ ဖြစ်လာရတာလေ..သူသေပြီးတဲ့နောက်ဖြစ်လာတဲ့ မကျေနပ်ချက်တွေကြောင့် လောကကြီးရဲဆန္ဒက ငါတို့ကို ဇာတ်ကြောင်းပြန်ပြင်ပေးဖို့

တောင်းဆိုလာရတာ..ဒါကြောင့် အနည်းဆုံးတော့ လူသားတွေအကုန်လုံး သေလို့မရဘူး..."

ရွှယ်လင်က မေးစေ့ကိုပွတ်နေရင်း တွေးဆဆဖြင့် ခေါင်းညိတ်နေလေသည်။

"အို့...ငါမေ့သွားတာ...ဒီကမ္ဘာမှာ ဇာတ်ကြောင်းဆန့်ကျင်သူဆိုတာတွေ ရှိသေးတယ်..သူဘယ်နေရာရောက်မှ ပေါ်လာမလဲတော့မသိဘူး...ဒါပေမဲ့ host သတိထားတာပိုကောင်းပါလိမ့်မယ်.."

"အိုကေ..."

စနစ်သည် ၎င်း၏ host က အတွေးထဲတွင်လက်ပစ်ကူးနေသည်ကိုတွေ့ပြီး ခြေထောက်နားတွင် ကျေနပ်အားရစွာဖြင့်

ပတ်ချာလည်လှည့်နေလေ၏။ ၎င်းသည် ပြိုင်ဘက်ကင်းပုံစံဖြင့် ထိုင်ချလိုက်ပြီး အနှီခံစားချက်တို့ဖြင့် တင်းတိမ်နေကာ host က တာဝန်များကို ၎င်း၏နှလုံးသားထဲအထိ ယူဆောင်သွားပေလိမ့်မည်။

သို့သော်လည်း ခဏအကြာတွင် ရွှယ်လင်ပြောလာသည်ကို ကြားလိုက်ရ၏။ "ကလေးဘဝတုန်းက သူလည်း ဇွန်ဘီဘုရင်ဖြစ်လာမယ်လို့ မင်းတွေးမိဖူးလား..."

စနစ်: "....." ၎င်း၏ host က ဇာတ်လိုက် shou နှင့်ပတ်သက်ရန် စတွေးနေပြီထင်သည်၊ သို့သော်လည်း အချိန်အတန်ကြာမှ အနှီသူတွေးနေသည်မှာ သူ၏ချစ်သူကိုပင်ဖြစ်ကြောင်း သိလိုက်ရသည်။

ဒါပေမဲ့ အဲဒီလူဘယ်မှာမှန်းမသိရင် သူတာဝန်တွေကိုပြီးအောင်လုပ်နိုင်မှာ မဟုတ်ဘူးမလား? အကယ်၍ host သာ တာဝန်တွေကိုအနောက်ပို့လိုက်ရင် အချစ်အတွက် အားလုံးကိုခဝါချပစ်တဲ့ စံပြပုဂ္ဂိုလ်စာရင်းဝင်သွားမှာပဲ!

၎င်းသည်ကား အံကြိတ်ပစ်လိုက်ချင်သော်လည်း ထိုသူက ခံစားချက်တို့ကို တရှိန်တည်းဖွင့်ထုတ်ပစ်ကြောင်း တွေးလိုက်သည်နှင့် စနစ်မှာ တုန်ယင်လာရတော့သည်။

စကားနားထောင်သည့်စနစ်ဆိုသည်မှာ အင်အားကြီးသူကိုမတိုက်ခိုက်ပေ။ သူသည် မျက်ရည်ဖြိုင်ဖြိုင်ကျစွာဖြင့် စိတ်ဆိုးမာန်ဆိုး ပြန်ပြောလိုက်သည်။

"ငါလည်းမသိဘူး၊ သူအနားမလာရင် ငါလည်း မင်းကို ကူညီလို့မရဘူး.."

ရွှယ်လင် 'အို့' ဟူသော အသံလုပ်လိုက်သည့်အခါ ဘေးတွင်ကားမောင်းနေသည့် ဖက်တီး၏ အံ့ဩလွန်း၍အော်လိုက်သံကို ကြားလိုက်ရသည်။ "အိုး...အားယန်က အကူအညီတွေခေါ်လာပြီ...ကောင်းလိုက်တာ..! ငါက သူထွက်ပြေးသွားပြီး ငါတို့ကိုထားခဲ့ပြီထင်တာ..."

ရွှယ်လင်က မျက်ခုံးပင့်ပြီး အရှေ့မှ တဖြည်းဖြည်းချင်း တိုးလာသည့်ကားကို လှမ်းကြည့်လိုက်တော့ ဇာတ်လိုက် shou က ကားပြတင်းပေါက်တွင် ခေါင်းမှီကာ လက်ယမ်းပြနေသည်ကို မြင်လိုက်ရသည်။ သူ၏နှုတ်ခမ်းထောင့်တွင်မူ

အတွေးတစ်ခုဖြင့် အပြုံးလေးတစ်ပွင့် ဖြစ်တည်လာလေသည်။

ဒီတခါရော ဇာတ်လိုက်ကို ဘယ်လိုသတ်လိုက်ရမလဲ?

..................

ဒီ arc အသစ်ကပျော်စရာကြီးဟေ့

Prev Next