MM Story Teller

Chapter 110

Viewers 3k

🦊Arc 8 - အမှားယွင်းဆုံး အမျိုးသားဇာတ်ဆောင်

Chapter 110

8.2 - ဘုရင်က ဟိုတလောတည်းက နေမကောင်းဖြစ်နေခဲ့တာ

အသင်းသည် မကြာသေးခင်ကပင် စွမ်းရည်အသုံးပြုသူနှင့် ဇွန်ဘီတို့အကြားမှ အလယ်ပိုင်းနေရာတွင် တိုက်ခိုက်ခဲ့ကြရ၏။

မြို့တွင် အုပ်ချုပ်သူမရှိသော်လည်း ဘုရင်မှနှင်ထုတ်ထားသော အဆင့်မြင့်ဇွန်ဘီအချို့က အခြေချနေသည်ဟူသည့် ကောလဟလများကမူ ထွက်ပေါ်နေခဲ့သည်။

အဆိုပါဇွန်ဘီတို့သည် အလွန်အကျွံစွမ်းအားကြီးမားသည့်တိုင် ကံဆိုးလှစွာ မြို့အပြင်ဘက်တွင် အန္တရာယ်အနည်းငယ်ဖြင့် ရင်ဆိုင်တွေ့လာကြရပြီး မြို့လယ်အထိ မရောက်လိုက်ကြပေ။ ၎င်းတို့တွေ့လာခဲ့သည့် ဇွန်ဘီများမှာ ဉာဏ်ရည်နိမ့်ပြီးအသိမရှိသည့် အဆင့်နိမ့်ဇွန်ဘီများသာ ဖြစ်ချေသည်။ ရွှယ်လင်သည် အခြေအနေကို အမြန်ဆုံး ဖြေရှင်းလိုက်နိုင်သောကြောင့် လာကယ်သည့်လူများကို သံသယမဝင်အောင် ဆက်ဆံပြောဆိုနိုင်ခဲ့သည်။

လာရောက်ကယ်ဆယ်ပေးသူများမှာ ယန်ရှန်းအခြေစိုက်စခန်းမှဖြစ်ပြီး ဤနေရာနှင့် သိပ်မဝေးလှပေ။ ချုးဟန်နှင့်၎င်း၏အဖွဲ့သည် ထိုနေရာမှ စတင်ထွက်ခွာလာခဲ့ခြင်းဖြစ်၏။ အခြေစိုက်စခန်းသည် ထိပ်ဆုံးအဆင့်မှ စွမ်းရည်အမြင့်ဆုံးအသုံးပြုသူများရှိပြီး ကြီးမားသည်ဟု မယူဆနိုင်သော်လည်း ၎င်း၏တည်နေရာမှာ အတော်လေးထူးခြားကောင်းမွန်လှသည်။ စွမ်းရည်အသုံးပြုသူများ နေထိုင်သည့်နေရာနှင့် ဇွန်ဘီများနေထိုင်သည့်နေရာကြားတွင်

လမ်းကြောင်းတစ်ခုတည်းသာရှိသောကြောင့် ထိုနေရာက နဂါးနှင့်ငါးများ အတူရောနှောနေထိုင်ကြရာနေရာပင် ဖြစ်သည်။

အကြောင်းသည်ကား ဤနေရာတွင် မည့်သည့်စွမ်းအားကြီးအင်အားမျိုးမှ ဖိနှိပ်ထားခြင်းမရှိဘဲ နေထိုင်ရာနေရာများကို မတူညီသောစွမ်းအားများဖြင့် ထိန်းချုပ်ထားကြသည်။ ချုးဟန်၏အသင်းလေးက သာမန်အသင်းတစ်သင်းသာဖြစ်ပြီး လူများစွာက ၎င်းတို့၏မျှော်မှန်းချက်အပေါ် အထင်အမြင်သေးကြသည်။ အကြောင်းမှာ ၎င်းတို့အသင်းဝင်များ၏ စွမ်းအားကလည်း မကြီးမားဘဲ မြို့အတွင်းသို့ဝင်လိုက်သည်နှင့် အနည်းငယ်မျှထိခိုက်သွားလျှင်ပင် သေနိုင်ချေအများဆုံးရှိသောကြောင့် ဖြစ်သည်။

သို့တစေ ဟယ့်ယန်ပါနေသည်ဖြစ်ရာ ၎င်းတို့က မြို့ထဲသို့ဝင်နိုင်ရန် မျှော်လင့်နေကြဆဲပင်။

ဟယ့်ယန်ကမူ ရွှယ်လင်တစ်ယောက် ဤကိစ္စကို အမြန်ဆုံးဖြေရှင်းနိုင်လိမ့်မည်ဟု မျှော်လင့်မထားခဲ့ပေ။ သည့်အပြင် ယခင်က သူ၏တွက်ချက်ထားခဲ့မှုများအရ သူ ဒုတိယမြောက်စွမ်းရည်ကို မရခင်မှာပင် ဟယ့်ယန်၏ အသင်းသားသုံးယောက်လုံး သေဆုံးခဲ့ကြရသည်။ ၎င်းတို့နှစ်ယောက်ကို ကယ်ထုတ်လိုက်ချိန်၌ နှစ်ယောက်လုံးတွင် သွေးနှင့်ဒဏ်ရာများအပြည့်။ ယခုမူ တကားလုံးက အေးချမ်းငြိမ်သက်နေလေသည်။

ဟယ့်ယန်မှာ မျက်မှောင်ကြုတ်ထားပြီး လက်ခံရခက်နေလေ၏။ အချို့အရာများက ကွဲပြားသွားနိုင်လင့်ကစား လိပ်ပြာတောင်ပံသက်ရောက်မှုက ခြောက်လှန့်နေနိုင်သည်ပင်။ အချို့အပိုင်းများက သူ၏မူလအတွေးများနှင့် မတူတော့သော်လည်း မထင်မှတ်ထားချိန်တွင် ပြဿနာဖြစ်လာနိုင်သည်။ သူ့ထံတွင် နောက်တကြိမ်ပြန်စနိုင်ရန် အခွင့်အရေးမရှိတော့သောကြောင့် အနှီသေးငယ်သောအရာလေးများကို အာရုံစိုက်ဂရုပြုထားရပေလိမ့်မည်။

ယခင်ဘဝကဆိုလျှင် စွမ်းရည်အသုံးပြုသူများနှင့် ဇွန်ဘီများအကြား အညီအမျှခွဲဝေအုပ်ချုပ်နိုင်ရေးတွင် ခေါင်းဆောင်များကို ကာကွယ်ပေးရန် စနစ်က သူ့အတွက် အစီအစဥ်ချပေးခဲ့သောကြောင့် ဤအချိန်မျိုးတွင် သူသည် စွမ်းရည်အသုံးပြုသူများ၏ အကြီးဆုံးအခြေစိုက်စခန်းကို တည်ဆောက်ထားနှင့်ပြီးပြီ။ သူ့ထံ၌ ခဏတဖြုတ်လေးပင် အချိန်ပိုမရှိ၊ ထိုနေရာတွင်ဖြစ်ပျက်ခဲ့သမျှကို မစဥ်းစားနိုင်သေးဘဲ ထွက်လာရတော့သည်။

ထိုအချိန်က စနစ်သည် ချုးဟန်၏ကြံခိုင်မှုနှင့်ပတ်သက်၍ ဆန်းစစ်ခဲ့ပြီး ဟယ့်ယန်သည်လည်း သူ့အတွက်အကျိုးမရှိမှန်း သိလိုက်ရပြီးနောက် သူ့အားစွန့်ပစ်ခဲ့လိုက်သည်။ သူ့အတွက်

လောကကြီးကိုကယ်တင်ခြင်းက ခံစားချက်များလောက်ပင် အရေးမပါခဲ့ပေ။ ထို့အပြင် သူနှင့်ချုးဟန်တို့က စေ့စပ်ခဲ့ကြလင့်ကစား ကလေးဘဝတည်းက မိဘများနှင့် သိကျွမ်းလာခဲ့သည့်အလျောက် သူတို့ဆက်ဆံရေးက သတ်မှတ်ပြီးသားဖြစ်နေခဲ့ခြင်းသာဖြစ်သည်။

ချုးဟန်၏ဘဝစည်းမျဥ်းများက သူနှင့်လိုက်ဖက်ညီမှုမရှိဘဲ သူကိုယ်တိုင်လည်း ဘယ်သောအခါမှ လက်မခံခဲ့ပေ။ ကမ္ဘာကြီးအဆုံးသတ်သွားသည့် နောက်ပိုင်းတွင်ပင် ထိုသူသည် ကမ္ဘာကြီးအားကယ်တင်နိုင်သည့် စနစ်ရှိသည့်သူ့ကို ဦးညွတ်ရန် ငြင်းဆန်နေခဲ့သည်။ သူနှင့်ပတ်သက်သမျှအရာအားလုံးကို ဆန့်ကျင်နေခဲ့ကာ မတော်တဆမှုအတွင်း သူ၏ဒုတိယမြောက်စွမ်းရည်ကို လှုပ်နှိုးပေးခဲ့သူမှာ ချုးဟန်ပင်ဖြစ်ကြောင်းမသိခဲ့လျှင် ဤတကြိမ်တွင် သူ၏မျှော်လင့်ချက်များအားလုံးကို ထိုသူ့အပေါ် ပုံအပ်ထားခဲ့မိမည်မဟုတ်ပေ။

"အစ်ကိုကြီးဟန်..." သူ့ထံတွင် ၎င်းကဲ့သို့သောအတွေးမျိုးရှိနေသည့်တိုင် ဟယ့်ယန်သည် ကားထဲမှထွက်လိုက်သည်နှင့် အံ့ဩသွားသလို ပြုံးပြလိုက်သည်။

"အားလုံးအဆင်ပြေကြရဲ့လား! ကောင်းတယ်..! ကျွန်တော့်ရဲ့မသိစိတ်က ခင်ဗျားတို့ကို လာကယ်ချင်နေခဲ့တာ မတော်တဆဖြစ်နေလို့ဆိုတာမသိခဲ့ရင် ကျွန်တော်တသက်လုံး အပြစ်ရှိသလို ခံစားနေရတော့မှာ..."

ရွှယ်လင် သူ့အရှေ့မှဇာတ်လိုက်ကို အေးစက်စက်ကြည့်နေခဲ့ပြီး လက်ခံသည့်ပုံဖြင့် ခပ်တိုးတိုးနှာရှုံ့ကာ ၎င်း၏အပျော်လွန်ပြီး ထခုန်နေသည့်ပုံကို ဥပေက္ခာပြုထားလိုက်သည်။ ထိုအစား အသင်းအားကယ်တင်ရန်လာသည့် စွမ်းရည်အသုံးပြုသူများကို ခေါင်းညိတ်ပြလိုက်သည်။

သူစကားမပြောတိုင်း သူ့လူများက စကားမပြောခြင်းမဟုတ်။ ဖက်တီးက ကားမောင်းနေရင်း ဟယ့်ယန်ကို ဂုဏ်ယူနေသလိုပြောလာသည်။ "အဲဒါအကုန်လုံးအတွက် ဘော့စ်ကိုပဲ ကျေးဇူးတင်ရမယ်..ဒီတခေါက်မှာ သူ့စွမ်းရည်ကိုမလှုပ်နှိုးနိုင်ခဲ့ရင် ကျွန်တော်တို့အကုန် အလောင်းတွေဖြစ်သွားတော့မှာ..."

ဟယ့်ယန်၏မျက်၀န်းများက တောက်ပသွားရကာ စိတ်လှုပ်ရှားမှုများအပြည့်။ မျက်နှာပေါ်မှအပြုံးက အနည်းငယ်ပို၍ စစ်မှန်လာသည်။ "တကယ်လား! အစ်ကိုဟန်က အရမ်းမိုက်တာပဲ! ဒုတိယမြောက်စွမ်းရည်က ဘယ်လိုထွက်လာတာလဲဟင်..ဒုတိယမြောက်စွမ်းရည်နိုးထလာတဲ့လူက SSS အဆင့်ရောက်ဖို့ အလားအလာရှိတယ်ဗျ! ကမ္ဘာပျက်ကိန်းထပ်ဖြစ်လာရင် အဲဒီလိုလူတွေကို လက်တဖက်တည်းနဲ့တင် ရေလို့ရတယ်..."

"ငါလည်းမသိဘူး....ဘာပဲဖြစ်ဖြစ် တကယ်ကြမ်းတယ်.." ဖက်တီးက ခေါင်းကိုအုပ်ကိုင်ပြီး ဖြူဖျော့နေသည့်မျက်နှာဖြင့် မျက်မှန်တပ်ထားသောအမျိုးသမီးဘက် လှည့်လိုက်သည်။ "စစ်စစ်...စောနက ဘော့စ်ပြောလိုက်တဲ့စွမ်းအားက ဘာလဲ..."

"ရေခဲအထူးပြုစွမ်းရည်ဖြစ်လိမ့်မယ်..." ဆံပင်အတိုနှင့်အမျိုးသမီးက မျက်မှန်ကိုပင့်တင်လိုက်သည်။ ရွှယ်လင်က

မတားသောကြောင့် သူတို့အား ဇာတ်လမ်းကို မျှဝေခွင့်ပေးလိုက်သည်ဟု အဓိပ္ပါယ်ရသည်။ သူတို့၏ဘော့စ်သည်ကား

သူတို့ပါးစပ်ကို သူ့စွမ်းအားက အဆင့်မြင့်ကြောင်းကြွားရာတွင်သာ ပြောစေချင်တတ်သည်။ ကြည့်ရသည်မှာ ယန်ရှန်းအခြေစိုက်စခန်းတွင် အပြောင်းအလဲကြီး ဖြစ်လာတော့မည်ထင်၏။

ဟယ့်ယန်၏မျက်နှာအမူအရာမှာ တခဏမျှ တောင့်တင်းသွားခဲ့သည်။ အခြားသူများက သတိမထားမိလောက်သည့်တိုင် ရွှယ်လင်ကမူ အသေအချာကိုမြင်လိုက်ရသည်။

ဟမ့်...လောကကြီးရဲ့ကယ်တင်ရှင်ကတော့ ပြောင်းလဲတာတွေဖြစ်ပြီး မတူတာတွေဖြစ်လာတော့မှာဆိုတော့ ယောက်ယက်ခတ်နေတော့မှာပဲ။

ချုးဟန်၏ပထမစွမ်းအားက မီးအခြေခံထားသည်။ သူ၏စွမ်းအားမှာ ကမ္ဘာပျက်ကပ်အပြီးတွင် စွမ်းရည်အသုံးပြုသူများအကြား မထင်ပေါ်သည့်တိုင် တိုက်ခိုက်သည့်စွမ်းရည်ကမူ အင်မတန်ပြင်းထန်လွန်းလှသည်၊ သို့ထိတိုင် သူသည်ကား ခေါင်းဆောင်ငယ်တစ်ယောက်သာ။

ကမ္ဘာပျက်ကပ်မတိုင်မီ လူအုပ်စုကိုဦးဆောင်နေရပြီး အသင်းဖွဲ့ကာ ဤလမ်းအတိုင်းဆက်သွားနေရသည်။ သူသည် နာမည်ကြီးမဟုတ်လင့်ကစား သူ့အတွက်နှင့် သူ၏အသင်းအသက်ရှင်ရန်မှာ ရိုးရှင်းသော ကိစ္စလေးတစ်ခုသာဖြစ်သည်။ ထိုကိစ္စကြောင့် သူ၏ မိုးကြိုးသွားကိုအခြေခံသော ဒုတိယမြောက်စွမ်းရည် နိုးထလာရခြင်းသာ။ ဤစွမ်းရည်ပေါ်ထွက်လာမှုကြောင့် မီးစွမ်းရည်က ပိုမိုအားကောင်းလာခဲ့သည်။ မီးနှင့်လျှပ်စီးစွမ်းရည် အတူတကွပေါင်းစပ်မှုက လမ်တလျှောက်မှအရာတိုင်းကိုဖျက်ဆီးပစ်နိုင်ပြီး အချိန်တိုအတွင်းမှာပင် ယန်ရှန်းအခြေစိုက်စခန်းကို လုံးဝထိန်းချုပ်နိုင်ခဲ့ကာ တောင့်တင်းသည့်ခံတပ်အဖြစ် ပြောင်းလဲနိုင်ခဲ့၏။ ၎င်းကဆက်လက်တိုးမြင့်နေပြီး ကြီးမားလာခဲ့သည်။

ထိုအချိန်၌ ဟယ့်ယန်က အခြေစိုက်စခန်းငယ်လေးများအကြား လှည့်ပတ်သွားလာနေခဲ့ပြီး ဇွန်ဘီများနှင့်ဆက်ဆံရေးကို သရော်ခဲ့၍ နှစ်ဖက်ကြားမှအခြေအနေကို ခန့်မှန်းမရနိုင်အောင် ပြင်းထန်လာစေခဲ့သည်။ တိုက်ပွဲငယ်လေးများပေါ်လာခဲ့ပြီး ချုးဟန်က ၎င်းကိုအခွင့်ကောင်းယူ၍ သူ့ကိုယ်သူတိုးတက်အောင် လုပ်နိုင်ခဲ့သည်။ တဖြည်းဖြည်းနှင့် ချုးဟန်၏ အခြေစိုက်စခန်းနယ်နိမိတ်က ကြီးမားလာသည်။

သူသည် ငြိမ်းချမ်းစွာဖြင့် ဇွန်ဘီများနှင့်ယှဥ်တွဲနေထိုင်ရေးကို ထောက်ခံခဲ့ကာ ၎င်းတို့နှင့် ငြိမ်းချမ်းရေးသဘောတူညီချက်တွင် လက်မှတ်ထိုးရန်ကြိုးစားခဲ့သည်။ ထို့နောက် ကိစ္စပေါင်းများစွာဖြစ်ပျက်ခဲ့ပြီး ဟယ့်ယန်၏မူလက အကွက်ရွှေ့ထားမှုမှန်သမျှမှာ အသုံးမဝင်ဖြစ်သွားခဲ့ရသည်။ ထိုအချိန်မှစပြီး သူ ချုးဟန်ကို နာကျည်းသွားခဲ့၏။ ချုးဟန်ကြောင့်သာမဟုတ်လျှင် သူ အချိန်ကို နောက်ပြန်လှည့်ရမည်မဟုတ်ပါချေ။

ယခုမူ သူသည် နောက်တကြိမ်ပြန်ရောက်လာခဲ့ပြီး ချုးဟန်ကိုအသုံးချချင်သည်။ သို့ထိတိုင် သူဂရုတစိုက်နှင့်လုပ်ထားခဲ့သည့် အစီအစဥ်များက ချုးဟန်ကြောင့် နောက်တကြိမ်ပျက်စီးသွားရပြန်ပြီ!!

မည်သို့များ ရေခဲဒြပ်စင်စွမ်းရည်ဖြစ်နေရသနည်း! ရေခဲဒြပ်စင်စွမ်းရည်က ရေစွမ်းအင်ကို အထူးပြုသည်။ ၎င်းက မီးကိုတိုက်နိုင်ပြီး ယင်းက ချုးဟန်၏ ဒုတိယမြောက်စွမ်းရည်ဖြစ်နေခဲ့သော်... သည်တကြိမ်မှာ သူရဲ့အောင်မြင်မှုကို ဘယ်နေရာက အာမခံပေးမှာလဲ!

ရွှယ်လင် ဟယ့်ယန်၏ မျက်နှာထားပြောင်းလဲသွားမှုကို စိတ်ဝင်တစားကြည့်နေပြီး ပြောလိုက်သည်။ "ဟုတ်တယ်...ရေခဲစွမ်းရည်လေ..." ဟယ့်ယန်မျက်နှာက သူအတည်ပြုပေးလိုက်မှ လူမမာနှင့်ပိုတူသွား၏။

"ဘယ်လိုလုပ် ရေခဲကိုအခြေခံထားရတာလဲ? အစ်ကိုကြီးရဲ့ပထမစွမ်းရည်က မီးမဟုတ်ဘူးလား..."

"အဲဒီစွမ်းရည်တွေက မကောင်းဘူးလား..." ရွှယ်လင်ပြုံးလိုက်သည်။ "အဲဒါက ခဲသွားပြီးရင် မီးနဲ့ကင်ပေးလိုက်လို့ရတာပဲ..."

သူတို့အား လာကယ်ဆယ်သည့်သူများမှာ ဤအုပ်စုမှလူများကိုကြည့်ပြီး လေထုကထူးဆန်းနေမှန်း သတိထားမိကြသည်။ သို့သော်လည်း သူတို့နှင့်ဆိုင်မနေချေ။ သူတို့ရောက်

လာပြီးနောက်ပိုင်း အသက်ကိုဖက်နှင့်ထုပ်၍ စွန့်စားနေစရာမလိုတော့။

"မင်းတို့တွေ မင်းတို့အသက်နဲ့ရင်းပြီး ကစားချင်နေလည်း ငါမတားပါဘူး...ဒါပေမဲ့ ငါတို့တော့မပါဘူး...ငါတို့က မင်းတို့ကိုကယ်ဖို့လောက်နဲ့ စွန့်စားမယ့်လူတွေမဟုတ်ဘူး..."

"ဆောရီး..."

ရွှယ်လင်က ကားထဲတွင်ပင် သူ့လူများနှင့် သူတို့အားလာကယ်သည့်သူလူများကို ခွဲထုတ်လိုက်သည်။ လူအချင်းချင်းဆက်သွယ်မှုမှာ ကမ္ဘာပျက်ကပ်မတိုင်ခင်နှင့် ယခုကာလက ကွာခြားသွားခဲ့ပြီ။ နောက်ကျောကို ဓားဖြင့်အထိုးမခံရခင် ၎င်းတို့ကို သတိနှင့်ကောင်းကောင်းဆက်ဆံထားရပေမည်။

"ငါတို့ဒီတခေါက် နမော်နမဲ့နိုင်ခဲ့တယ်...မင်းတို့တွေ ပစ္စည်းနည်းနည်းယူကြပါ..လျော်ကြေးပေးတယ်ပဲ သဘောထားကြပေါ့...ငါတို့ ဆုကိုလည်းခွဲယူကြမယ်..."

ဟယ့်ယန်က ပါးစပ်ဟပြီး အနှီလောဘကြီးသည့်လူများနှင့်

ရိက္ခာများကို မဖြုန်းတီးရန်ပြောချင်သည့်တိုင် သည်လူများက သူခေါ်လာသည့်လူများပင်ဖြစ်ကြောင်း သတိရသွား၍ ပါးစပ်ပိတ်ထားလိုက်ရသည်။

ကမ္ဘာပျက်ကပ်ဖြစ်နေစဥ် သူစကားမပြောခင် ပြန်စဥ်းစားသင့်မှန်း သိထားခဲ့သည်။ သူသတိမထားမိလိုက်လျှင် နောက်ကျောကိုဓားဖြင့် အထိုးခံရမည်သာ။

ထိုသို့ဖြစ်လေ အေးချမ်းသည့်ကမ္ဘာသို့ ပြန်ချင်လာလေပင်။ သူသည် ကမောက်ကမဖြစ်နေသောကမ္ဘာကြီးကို ပြန်တည့်ပေးချင်ခဲ့ပြီး မတိုင်ခင်အချိန်များကအတိုင်း ပြန်ဖြစ်ချင်ခဲ့သည်။ အားကြီးသူကိုခယနေရမည့် ဤသို့သောကမ္ဘာတွင် သူသည် မသန်မာနေခဲ့၍ တစုံတယောက်ကိုမှီခိုရန်သာရွေးချယ်ရတော့မည်။

သူ ထိုခံစားချက်ကို မကြိုက်ပေ။

စိတ်မပါသည့်ကယ်တင်သူများကို ပြန်လွှတ်လိုက်ပြီးနောက် ရွှယ်လင် သူ့အသင်းသားများကို စုလိုက်သည်။

"ဒီတခေါက်မတော်တဆဖြစ်ရတာ ဟယ့်ယန်ရဲ့အမှားပဲ...ငါလက်လျှော့လိုက်မိတာလည်း မှားတယ်...ခေါင်းဆောင်တစ်ယောက်အနေနဲ့ သူ့ရဲ့အသင်းကို အန္တရာယ်တွေကြားကနေ ပြန်ခေါ်လာရတာမဖြစ်သင့်ဘူး.."

သူ့မျက်နှာထားက တည်ငြိမ်နေခဲ့သည်။ ဟယ့်ယန်မှာ ဘာပြောရမှန်းမသိသော်လည်း စိတ်လှုပ်ရှားနေလေသည်။

Prev Next