MM Story Teller

Chapter 112

Viewers 3k

🦊Arc 8 - အမှားယွင်းဆုံး အမျိုးသားဇာတ်ဆောင်

Chapter 112

8.4 - ငါတို့ဘော့စ်ရဲ့ခေတ်က စတော့မယ်ထင်တယ်

အချိန်ပြန်မလှည့်ခင်က ယန်ရှန်းအခြေစိုက်စခန်းနှင့် ဇွန်ဘီတို့က အတူတကွပူးပေါင်းရေးအတွက် ဆွေးနွေးခဲ့ကြသည်။ ထိုအချိန်က သူ အရာအားလုံးကိုပြန်စတင်ရန် စိတ်ကူးနေစဥ်မှာပင် အခြေအနေများက ထိုအထိဖြစ်သွားခဲ့သည်၊ သူ ဆွေးနွေးပွဲကိုဖျက်ဆီးချင်ခဲ့ပြီး စနစ်ကို ပြန်လည်အားသွင်းနိုင်ခဲ့သောကြောင့် အချိန်ကိုပြန်လှည့်နိုင်ခဲ့သည်။ ထို့ကြောင့် သူ ဇွန်ဘီအုပ်စုမှခေါင်းဆောင်ကို မြင်တွေ့ခဲ့ရဖူးသည်။

ထိုလူသည်ကား အတော်လေးကြောက်စရာကောင်းလှ၏။

သူ့အား တချက်မျှသာကြည့်လာခြင်းဆိုသော်လည်း နေရာတွင်ပင် ပွဲချင်းပြီးသွားနိုင်လောက်သည်။ သူ့ကိုယ်ပေါ်ရှိစနစ်ပင် ထိုသူကို ကြောက်ရွံ့နေရရှာ၏။ ၎င်းမှာ ဟယ့်ယန်သည် ချုးဟန် SSS အဆင့်အထိရောက်ရန် ကြိုးစားရာတွင် ကူညီပေးရန်အတွက် တည်ရှိနေရခြင်းကြောင့်ဖြစ်သည်။ ယင်းမှာ အနှီအန္တရာယ်ကြီးကိုဖြေရှင်းရန် တစ်ခုတည်းသောနည်းလမ်းပင်။

သူ့အရှေ့မှ အေးစက်စက်နိုင်ပြီး ဆက်ဆံရခက်သူကိုကြည့်ရင်း ဟယ့်ယန်တုန်ယင်သွားရကာ သွားများကိုပင် ကြိတ်မိသွားရသည်။ သူသည် ထိုသို့သောသက်ရှိလက်နက်မျိုးကို

အလွန်အမင်းကြောက်ရွံ့ပြီး ၎င်းကို တန်ပြန်ခုခံနိုင်မည်မဟုတ်ကြောင်းကိုလည်း သူ ရှင်းရှင်းလင်းလင်းသိထား၏။ စွမ်းရည်

အသုံးပြုသူ မည်မျှပင်အလွန်အကျွံရှိနေပါစေ၊ သည်လူကို သူတို့ဘာမှလုပ်နိုင်မည်မဟုတ်။ အကြောင်းသည်ကား ထိုသူက ဖုံးကွယ်ထားတတ်၍ပင်။ သူသည် သူ့ကိုယ်သူအတင်းစိတ်တည်ငြိမ်စေလိုက်ပြီး မေးလိုက်မိ၏။

"ခင်ဗျား ယန်ရှန်းအခြေစိုက်စခန်းကို သွားမလို့လား...ကျွန်တော် လမ်းကြုံလိုက်လို့ရမလား..."

ထိုသူ၏မျက်လုံးများက သူ့ကိုယ်ပေါ်တွင် လူးလာခေါက်ပြန်နေပြီး သူ့ကိုအမျှင်များဖြစ်အောင် ဆွဲဖြဲချင်နေသလိုပင်။၎င်းကဲ့သို့သောအကြည့်မျိုးက ဟယ့်ယန်ကို အတော်လေး စိတ်မသက်မသာဖြစ်စေသည်။

"ကျွန်တော်...ကျွန်တော်က လူဆိုးမဟုတ်ပါဘူး...ဒီမှာကိစ္စတစ်ခုဖြစ်သွားပြီး ကျန်နေခဲ့လို့..."

ထိုလူက မျက်ခုံးပင့်ပြီး နောက်ဆုံးတွင်တော့ ပါးစပ်ဟ၍မေးလာသည်။

"မင်း ယန်ရှန်းအခြေစိုက်စခန်းအကြောင်းကို သိလား..."

သူ၏မှတ်ဉာဏ်များက ဝိုးတဝါးဖြစ်နေသည့်တိုင် ဟယ့်ယန် ခေါင်းညိတ်ကာပြောလိုက်သည်။

"ဟုတ်ကဲ့..."

၎င်းအကြီးစားလူသတ်သမားက ယန်ရှန်းအခြေစိုက်စခန်းကိုသွားချင်နေ၍ ဟယ့်ယန်မှာ အတော်လေးစိတ်လှုပ်ရှားနေမိလေ၏။ ကမ္ဘာကြီး၏ကယ်တင်ရှင်အနေဖြင့် ယန်ရှန်းအခြေစိုက်စခန်း၏လုံခြုံရေးအတွက် သူ့ထံတွင်တာဝန်ရှိနေသလို မသိစိတ်မှခံစားနေရသည်။ ထို့ကြောင့် သူ အနှီသူအပေါ် မျက်စိဒေါက်ထောက် စောင့်ကြည့်နေရပေလိမ့်မည်၊ ၎င်းတာ၀န်အား သူလုပ်ကိုလုပ်ရမည်ပင်။ သူ့ဘေးတွင်စနစ်ရှိပြီး ထိုယောကျ်ားပျိုကလည်း သူ့အား အလွယ်တကူသတ်နိုင်မည်မဟုတ်ပေ။

"ခင်ဗျား အခြေစိုက်စခန်းအကြောင်းသိချင်ရင်...ကျွန်တော်ပြောပြမယ်လေ..."

ထိုလူက ခေါင်းညိတ်၍ပြောလာ၏။ "လာ...ဘေးခုံမှာလာထိုင်..."

ဟယ့်ယန် စိတ်သက်သာသွားသလို သက်ပြင်းရှိုက်၍ ကားတံခါးကို အမြန်ဖွင့်လိုက်သည်။

သူ ယခင်က ဇွန်ဘီဘုရင်ကိုမမြင်ခဲ့ဖူးသော်လည်း သူ့အရှေ့မှလူက စွမ်းရည်အသုံးပြုသူသာဖြစ်ပြီး လုံးဝဇွန်ဘီမဟုတ်ကြောင်း သေချာနေခဲ့သည်။

အဘယ်ကြောင့်ဆိုသော် ရေဒီယိုဓာတ်ကြွမှုကြောင့် လူသားမျိုးနွယ်အသစ်ဖြစ်ပေါ်လာပြီး စွမ်းရည်အသုံးပြုသူများနှင့် ဇွန်ဘီများအကြားမှ ကွာခြားချက်မှာ မကြီးမားလှချေ။ ၎င်းတို့က အသက်ရှူနိုင်ပြီး စားသောက်နိုင်သည်၊ ၎င်းတို့၏လှုပ်ရှားမှုတိုင်းနှင့် ပြုမူပုံတိုင်းက ဇွန်ဘီတို့နှင့်မတူပေ။ ၎င်းတို့လိုချင်သည့်အရာကို သဲလွန်စမကျန်ဘဲ အရယူနိုင်ခြင်းရှိသည်။ ကံကောင်းသည်မှာ ထိုသို့သောဇွန်ဘီမျိုးက စွန့်စားသွားလာခြင်းမျိုးမရှိဘဲ ဇွန်ဘီပိုင်နက်အတွင်းမှ ဘုရင်အနီးအနားတွင်သာ နေထိုင်ကြသည်။ ၎င်းတို့အနက်မှအများစုက အပြင်ထွက်ပြီး စွမ်းရည်အသုံးပြုသူစခန်းအနားသို့ မလာတတ်ကြချေ။

အဆင့်နိမ့်ဇွန်ဘီများ၏ စဥ်းစားတွေးခေါ်ပုံကမူ အကန့်အသတ်ရှိသည်။ ၎င်းတို့သည် လုံခြုံမှုရှိရန်အတွက် အုပ်စုဖွဲ့နေတတ်ကြသည်။

ထို့ကြောင့် အဆင့်နိမ့်စွမ်းရည်အသုံးပြုသူများသည် အဆင့်နိမ့်ဇွန်ဘီများ၏အလိုက်ခံရပြီး အဆင့်နိမ့်ဇွန်ဘီတစ်ကောင်နှင့် ရင်ဆိုင်ရလျှင်ပင် အတော်လေး အန္တရာယ်များလှသည်။

ယခုနေရာသည် ပုံမှန်အားဖြင့် စွမ်းရည်အသုံးပြုသူများက ၎င်းတို့ကို အလှည့်ကျရှင်းထုတ်နေသည့်နေရာဖြစ်သည်။ချုးဟန် ယခုရောက်နေသည့် မြို့အစွန်အဖျားနှင့်လည်း ဆင်တူ၏။

စွမ်းရည်အသုံးပြုသူများက ပိုတော်ကြသည်။ အနည်းဆုံး

၎င်းတို့က အသက်ရှင်နေကြပြီး အသက်ရှူကြသည့်အပြင် ဇွန်ဘီတို့နှင့်မတူသည့် သာမန်ကိုယ်အပူချိန်မျိုးရှိသည်။ ၎င်းတို့က အားနည်းပြီးသေးကွေးလျှင်ပင် မှန်ကန်သည့်အရာကို ရွေးချယ်နိုင်သရွေ့ ဤလောကကြီးထဲတွင် ကောင်းစားနေကြဦးမည်ဖြစ်ပြီး အချိန်နှင့်အမျှ အန္တရာယ်များနှင့် စမ်းသပ်ခံရမည်မဟုတ်။

ဇွန်ဘီအလောင်းကောင်များသည် ၎င်းတို့၏စွမ်းအင်ကို ထိန်းသိမ်းထားနိုင်သည့် အဏုမြူဖန်လုံးတစ်လုံးကို ဆောင်ထားရသည်။ တစ်လုံးစီတိုင်းက လူသားများကို ကြံ့ခိုင်သန်မာလာစေရန် ကူညီပေးသည်။ တပုံစံတည်းပင် စွမ်းရည်အသုံးပြုသူများ၏ကိုယ်ထဲမှ အမြူတေစွမ်းအင်မှာလည်း ထပ်တူညီသော လုပ်ဆောင်ချက်မျိုးရှိ၏။ ကမ္ဘာပျက်ကာလမတိုင်ခင် ဇွန်ဘီနှင့်စွမ်းရည်အသုံးပြုသူများက အပြန်အလှန်တိုက်ခိုက်တတ်လေ့ရှိပြီး အဏုမြူစွမ်းအားကြောင့် တဖက်နှင့်တဖက် လိုက်လံဖမ်းဆီးတတ်လေ့ရှိသည်။ သို့သော်လည်း ယခုမှာမူ ယခင်အချိန်များကနှင့် မတူတော့ချေ။ လူအများကတည်ငြိမ်နေကြပြီး အဆင်ခြင်မဲ့တိုက်ခိုက်မှုမျိုးများကလည်း ထပ်မံမရှိကြတော့။

ယခုမူ လူအများစုသည် စွမ်းရည်တိုးမြှင့်ရန် ဇွန်ဘီနှင့်စွမ်းရည်အသုံးပြုသူများထက် တတိယအမျိုးအစားကို လိုက်လံဖမ်းဆီးရန် ရွေးချယ်ထားကြသည်။ ၎င်းတို့မှာ 'ဇွန်ဘီသားရိုင်းများ' ပင်။ ၎င်းတို့က ရေဒီယိုဓာတ်ကြွဒဏ်ခံထားရသည့် တိရစ္ဆာန်များဖြစ်ပြီး ၎င်းတို့က တကယ်သေဆုံးသွားသည့်တိုင် အများစုတွင် စွမ်းရည်ကျန်ရစ်နေသေးသည့် ခြားနားမှုမျိုးရှိသည်။ ၎င်းတို့တွင် ဉာဏ်ရည်မရှိဘဲ စိတ်ဆန္ဒများအပေါ်မှီခိုတတ်၍ ကြောက်မက်ဖွယ်ကောင်းကြသည်။

ဇွန်ဘီသားရဲများက ဇွန်ဘီများထက် ပိုကြောက်စရာကောင်းသည့်အချက်ကို ကမ္ဘာပျက်ကပ်ပြီးနောက် တလောကလုံးသိသွားကြကာ ထိုစွမ်းရည်ကြောင့်ပင် ညအချိန်မတော်အပြင်ထွက်ခြင်းက မကောင်းရခြင်းပင်ဖြစ်သည်။

ကားက ယန်ရှန်းအခြေစိုက်စခန်းသို့ မောင်းဝင်လာခဲ့သည်။ ဟယ့်ယန်သည် မူလက ဇွန်ဘီခေါင်းဆောင်မှ သူ့ကို တခုခုမေးလာလိမ့်မည်ဟု ထင်ခဲ့သော်လည်း ထိုလူက တလမ်းလုံးပါးစပ်မဟခဲ့ပေ။ တိတ်ဆိတ်စွာပင် ကားမောင်းလာပြီး ယန်ရှန်းအခြေစိုက်စခန်းနှင့် နီးကပ်လာသည့်အခါ သူ၏အော်ရာက ပိုမိုသိမ်မွေ့လာခဲ့သည်။ အေးစက်ပြီးသွေးဆာနေသည့်အော်ရာက ပျောက်ကွယ်သွားပြီး ဖုံးကွယ်ထားမှုက ပြီးပြည့်စုံသွားလေ၏။

ဟယ့်ယန်နှလုံးသားက အင်မတန်အခုန်မြန်နေခဲ့သည်။ ယခုမူ သူ့ခမျာ အတော်လေးစိတ်လှုပ်ရှားနေခဲ့ပြီး တဖက်မှစကားပြောလာမည်ကိုပင် ကြောက်နေသလို မပြောလာမည်ကိုလည်း ကြောက်နေရလေပြီ။

မကြာခင်မှာပင် ယန်ရှန်းအခြေစိုက်စခန်း၏အဝင်ဝက ၎င်းတို့အရှေ့တွင် ပေါ်လာခဲ့သည်။ ကမ္ဘာပျက်ကပ်ပြီးသည့်နောက် လူသားများက စခန်းပတ်လည်တွင် တံတိုင်းအမြင့်များကို တည်ဆောက်ခဲ့ကြသည်။ တမြို့လုံးတွင် ဝင်ပေါက်တစ်ခုတည်းသာရှိပြီး ထွက်ပေါက်က အနောက်ဘက်အခြမ်းတွင် ဖြစ်သည်။ လုံခြုံရေးက အလွန်ကိုအရေးကြီးပြီး တင်းကြပ်ထားကာ အဝင်အထွက်လုပ်သူတိုင်းကို စာရင်းကောက်ထားတတ်သည်။

ဟယ့်ယန်မှာ ထိုလူက ပြတင်းမှန်ကိုချပြီး ဂိတ်မှအရာရှိကို အခြေစိုက်စခန်းထဲမှ အိမ်အသစ်တွင် နေထိုင်သူအသစ်အဖြစ် စာရင်းမပေးခင်အထိ သူ့ကို အဘယ်ကြောင့် ကားပေါ်ခေါ်တင်လာမှန်း နားမလည်သေးပေ။

ယန်ရှန်းအခြေစိုက်စခန်းတွင် လူအရေအတွက်အတိအကျရှိပြီး လွန်ခဲ့သည့်သုံးလက လူဦးရေအတိုးအလျော့အတွက် ပုံမှန်တင်းကြပ်လာခဲ့သည်။ ပုံမှန်အရ မြို့ထဲတွင် အိမ်ဝယ်ရန်မှာ ထိုနေရာတွင် နှစ်ဝက်ကျော်ခန့်နေထိုင်ခဲ့သူ၏ အကြံပေးချက်လိုအပ်တတ်သည်။ ဟယ့်ယန်က ယန်ရှန်းအခြေစိုက်စခန်းတွင် ကမ္ဘာပျက်ကပ်ပြီးတည်းက နေထိုင်လာခဲ့ပြီး ဤအခြေအနေကို ပြီးပြည့်စုံစွာဖြေရှင်းနိုင်သည်။

ဟယ့်ယန်မှာ ရုတ်တရက်ကြီးထိတ်လန့်သွားရပြီး ချွေးအေးများပင် ထွက်လာခဲ့သည်။ သည်လူက သူ ယန်ရှန်းအခြေစိုက်စခန်းတွင်နေထိုင်ခဲ့သည်မှာ သုံးနှစ်ကျော်ပြီဖြစ်ကြောင်း မည်သို့များသိနေသည့်အကြောင်း၊ ယန်ရှန်းအခြေစိုက်စခန်းတွင် နေထိုင်ခွင့်ရရန် ထိုသူက ဘာကြောင့်စာရင်းပေးရကြောင်း သူ မသိတော့ချေ။

သူ့စိတ်ထဲတွင် ကြောက်မက်ဖွယ်ရာ ခန့်မှန်းချက်တစ်ခုက လွှမ်းမိုးသွားပြီး မယုံကြည်နိုင်သည့်နှယ် အနည်းငယ်မျှ မျက်လုံးပြူးကျယ်သွားရသည်။

ချုးဟန်နှင့်ပြဿနာပြီးသည့်နောက် ဇွန်ဘီဘုရင်နှင့်ပြဿနာက ရှိနေသေးသည်။ သူက ချုးဟန်ကို လာရှာတာများလား?

🦊

ရွှယ်လင်မှာ ဇာတ်လိုက် shou ကို လူတစ်ယောက်က အခွင့်အရေးယူသွားသည့်အကြောင်း မသိသေးရှာပေ။ သူနှင့်အသင်းက ယန်ရှန်းအခြေစိုက်စခန်းတွင်ရှိသည့် အိမ်သို့ပြန်လာကြပြီး အစည်းအဝေးလုပ်နေကြသည်။

"ဒါက ငါတို့ရဲ့အနာဂတ်မှာ တိုးတက်လာဖို့အတွက်ပဲ..ဒါကြောင့် ငါ အားလုံးရဲ့အကြံကို ကြားချင်တယ်..."

ဤနေရာတွင် ရောက်နေကြသည့်လူတိုင်းက ချုးဟန်ပြန်ခေါ်လာသည့်လူများပင်။ ၎င်းတို့က တစ်နှစ်နီးပါးရင်းနှီးခဲ့ကြပြီး ယုံကြည်၍ရသည်။ ဖြစ်နိုင်လျှင် ရွှယ်လင်ကလည်း ၎င်းတို့ကိုမထားခဲ့ချင်ပေ။

"ငါ့မှာ ဒုတိယမြောက်စွမ်းရည်ရှိတာကို

မင်းတို့လည်းသိမှာပဲ...အခုကစပြီး ငါတို့ ဒီအတိုင်းဆက်သွားလို့မရတော့ဘူး..."

ဖက်တီး၏မျက်၀န်းများက အရောင်တောက်လာသည်။ မျက်၀န်းထဲတွင် ကြယ်များရောက်နေသည့်နှယ်၊ တကိုယ်လုံးက အမျိုးသမီးပရိသတ်တစ်ယောက်ပုံစံ ဖြစ်လာ၏။ "ဘော့စ်က နောက်ဆုံးတော့ သူတို့နဲ့ဆက်ဆံဖို့ ဆုံးဖြတ်လိုက်ပြီလား...ကျွန်တော် စခန်းထဲက အဲဒီအမှိုက်တွေကို စိတ်ကုန်နေတာ တော်တော်ကြာပြီ..."

တုစစ်နီက လက်ထဲတွင် မှတ်စုစာအုပ်ကိုင်ထားသည်။ ထိုစကားကြားရသည့်အခါ သူ့ခေါင်းကို ဖတ်ကနဲလှမ်းရိုက်၏။ "နင် စကားကောင်းကောင်းပြောလို့မရဘူးလား..နင့်ရဲ့လူသားဆန်မှုတွေ ဘယ်ရောက်သွားလဲ..."

"ဘော့စ်သာ တကယ်လုပ်ချင်ရင် သူကိုယ်တိုင်သွားလုပ်လိုက်တော့မှာပေါ့...ငါတို့စွမ်းရည်တွေကို ကန့်သတ်ထားပေမဲ့ တတ်နိုင်သလောက်တော့ ကူညီရမှာပဲ..."

မစ္စတာသက်တော်စောင့်၏ မျက်နှာထားက တုံဏှိဘာဝေဖြစ်နေသော်လည်း သူ့စကားများက လေးနက်နေသည်။

"ကြားလား...အဲဒါမျိုးကိုမှ စကားအကောင်းပြောတယ်လို့ခေါ်တာ.."

တုစစ်နီက ဖက်တီးပုခုံးကိုပုတ်၍ စကားဆက်၏။ "ဘော့စ် စကားပြောရင် ကျွန်မတို့ကို ဒီလိုအသံနဲ့ ပြောစရာမလိုပါဘူး...အဲဒီတုန်းက ကျွန်မတို့အသင်းကို ထပ်မတိုးခဲ့တာက အတွေးတွေစုံနေကြလို့ပါ...အခု ဘော့စ်ရဲ့အကြံကဒီလိုပဲဆိုရင် ဒီအတိုင်းပဲလုပ်ကြမယ်လေ.."

ထိုစကားအရောက်တွင် သူမက နှုတ်ခမ်းကိုဖိပြီး ဆက်ပြောလာ၏။ "ဒါပေမဲ့ ဘော့စ်ကို အလေးထားပေးစေချင်တာတော့ရှိတယ်...ဟယ့်ယန်က တကယ့်ကို ပြဿနာကောင်ပဲ..ဒီနေ့ ဘော့စ်က သူ့ကိုဖယ်ထုတ်လိုက်ပြီ...နောင်ကျရင်လည်း သူ့ကိုထပ်မပတ်သက်ခိုင်းနဲ့တော့..."

ရွှယ်လင်က သည်လူများ၏ စကားပြောပုံကို အတော်လေးသဘောကျသည်။သူခေါင်းညိတ်လိုက်၏။

"စိတ်ချပါ...ငါက ဆုံးဖြတ်ပြီးရင် နောင်တမရတတ်ဘူး.. အရင်ကလည်းမဖြစ်ခဲ့ဘူး...နောင်လည်းဖြစ်မှာမဟုတ်ဘူး...မင်းတို့ သူ့ကိုနောက်တခါတွေ့ရင် ယဥ်ကျေးနေစရာမလိုဘူး.."

"ဘော့စ်စကားပဲ...ငါတို့အေးဆေးနေလို့ရတယ်..." ဖက်တီးကရယ်ပြီး ပြောလာသည်။ "မနက်ဖြန်ကျရင် နောက်ထပ်လူတွေ သွားရှာကြရအောင်..."

"နောက်ထပ် ရက်နည်းနည်းလောက် စောင့်လိုက်ကြဦး..." ရွှယ်လင် သူ့ပါးကို ခပ်ဖွဖွပုတ်နေသည်။

"ငါသန်မာတဲ့အကြောင်း သတင်းပျံ့ပါစေဦး...ဒီလောက်အထိလုပ်ပြီးမှတော့...ပိုကြီးတဲ့အထိလုပ်ကြမယ်.."

သုံးယောက်လုံးက တယောက်နှင့်တစ်ယောက်ကြည့်၍ ရယ်လိုက်ကြပြန်သည်။

၎င်းတို့ဘော့စ်၏ခေတ်မှာ ယခုမှစ၍ စတင်တော့မည်ထင်၏။

.................

MLက ဘယ်သူလဲဆိုတာ ခန့်မှန်းမိကြလား(ဘာဆုမှတော့မပေးဘူးဆိုပေမဲ့....)

Prev Next