MM Story Teller

Chapter 122

Viewers 3k

🦊Arc 8 - အမှားယွင်းဆုံး အမျိုးသားဇာတ်ဆောင်

Chapter 122

8.14- တချို့က ပြဿနာကိုရှာတယ်

ယန်ရှန်းအခြေစိုက်စခန်းက ယခင်အသွင်အပြင်နှင့် လုံးဝကွဲပြားသွားခဲ့ပြီ။ ဟယ့်ယန်သည် အောင်အောင်မြင်မြင်စုံစမ်းခဲ့ပြီးနောက်ပိုင်း အရာအားလုံးက ယခင်ကနှင့်မတူညီတော့သည်ကို သိရှိခဲ့ရ၏။

အဆောက်အအုံများကို တစုတစည်းတည်း တည်ဆောက်ထားပြီး လမ်းမနှင့်လမ်းသွားလမ်းလာတို့ကိုလည်း ရှင်းရှင်းလင်းလင်း ပိုင်းခြားထားကာ မြို့သို့အဝင်အထွက်လုပ်သူဦးရေမှာလည်း တိုးတက်လာသည်။ ၎င်းကိုကြည့်ခြင်းအားဖြင့် မြို့၏လက်နက်အင်အားနှင့် လူဦးရေတိုးတက်လာခြင်းက သိသာနေသည်။ ဟယ့်ယန်မှာ ယခင်ကမြို့ကိုရောက်ခဲ့ဖူး၍ သည်နေရာ၏ စားနပ်ရိက္ခာမဖူလုံမှုကို သိရှိထား၏။ အားနည်းသောစွမ်းရည်အသုံးပြုသူများမှာ ကြိတ်မှိတ်ပြီး လမ်းဘေးတွင်သာ အိပ်ခဲ့ကြရသည်။ ၎င်းတို့တွင် အနွေးဓာတ်ပေးနိုင်သည့် အဝတ်အစားအလုံအလောက်မရှိ၊ ဗိုက်ဝအောင်လည်းမစားရချေ။

ယခု ကြည့်ပါလေ၊ သည်မြို့သည်ကား ကမ္ဘာကပ်ပျက်မတိုင်ခင်ကအတိုင်း တပုံစံတည်းတည်ရှိနေသည်။ ၎င်းတို့တွင် ကြောက်ရမည့်အရာဟူ၍မရှိတော့၊ စည်းကမ်းချက်များဖြင့် လမ်းကြားလေးများအတွင်းမှလူတိုင်း ကာကွယ်မှုရရှိထားကြသည်။ ၎င်းကအမိန့်တစ်ခုဖြစ်ပြီး ဤနေရာတွင် မည်သူကမျှပြဿနာမရှာရဲကြချေ။

အဆိုပါပြောင်းလဲမှုများက ရွှယ်လင်၏စောင့်ရှောက်မှုကြောင့်ဖြစ်ကြောင်း ထင်ရှားနေသည်။ ၎င်းဘက်မှ ဆန္ဒရှိနေသရွေ့ သည်နေရာကိုပြောင်းလဲပစ်နိုင်၏။

ဟယ့်ယန် ဘေးပတ်လည်ကိုလျှောက်ကြည့်နေပြီး သူ၏မကျေနပ်ချက်တို့ကို ဖုံးကွယ်ထားလိုက်သည်။

သူခြေထောက်တစ်ချောင်းဆုံးရှုံးလိုက်ရပြီးပြီ။ သည်နေရာကိုအုပ်ချုပ်ဖို့ ချုးဟန်မှာ ဘာအခွင့်အရေးရှိလို့လဲ?

ချုးဟန်က သူ့ဘဝကိုဖျက်ဆီးခဲ့သည်။ အနှီသူကို ပျော်ပျော်နေရန် မည်သည့်အရာက ခွင့်ပြုထားပါသနည်း။

သူသည် ချုးဟန်က ဇွန်ဘီများနှင့်ပူးပေါင်းထားသည့်သက်သေကို ပြမည်ဟုကတိပေးထားခဲ့ပြီး ဘော့စ်က ချုးဟန်ကိုဖြုတ်ချပေးမည်ဟု သဘောတူထားခဲ့သည်။ လက်တွေ့တွင်မူ သူသည် ချုးဟန်၏မြေခွေးအမြှီးကိုပင် လှမ်းဆွဲရန်မဖြစ်နိုင်သေးပေ။ သည်နေရာကိုပြန်လာရန်သာ လက်ခံခဲ့ရသည်။

သူ့ခြေထောက်ကိုဆုံးရှုံးလိုက်ရပြီးနောက် အဆယ်မခံရခင်အထိ မြစ်ထဲတွင်လူးလိမ့်နေခဲ့ရကာ မြေအောက်မြစ်၏ဆေးကြောသုတ်သင်ခြင်းကိုပါ ခံခဲ့ရသေးသည်။ အသက်နှင့်ကြီးထွားမှုတို့ဖြင့် ဆက်နွယ်သော သစ်သားဒြပ်စင်စွမ်းရည်ကြောင့် နောက်ဆုံးထွက်သက်ကို ထိန်းထားနိုင်ခဲ့ပြီး အသက်မသေခဲ့ပါချေ။ သို့ထိတိုင် သူ့အခြေအနေက ဆိုးနေရာမှအဆိုးဆုံးဖြစ်သွားခဲ့သည်။ ငယ်ငယ်ရွယ်ရွယ်နှင့်ပင် တခေါင်းလုံးဖွေးဖွေးဖြူနေပြီး ခြေထောက်ကလည်း ပြတ်နေသေးသည်။ မျက်နှာထားမှာလည်း နာကျည်းချက်များကြောင့် တဖြည်းဖြည်းနှင့် ရင့်ရော်လာနေ၏။ သူက ထိုသူအတွက် အသုံးဝင်နေ၍သာမဟုတ်လျှင် ထိုသူ၏လက်ထောက်က သူ့အား သခင်လေးဟူ၍ပင် ခေါ်နေမည်မဟုတ်ပေ။

သူ့ဘဝက လုံးဝကိုပျက်စီးသွားခဲ့ပြီ။ ယခု သူ့အသက်ကိုရင်းရမည်ဆိုလျှင်ပင် ချုးဟန်ခံစားနေရသောပုံစံကို မြည်းစမ်းသွားချင်သေး၏။

အနှီရှည်လျားလှသောအချိန်ကာလအတွင်း ဇွန်ဘီများ၏စခန်းမှ စံချိန်တင်အဆိပ်မှလွဲ၍ အခြားအရာကို ရှာမတွေ့ခဲ့ပေ။ ၎င်းကို တစ်ကိုက်ခန့်စားမိလျှင်ပင် သေနိုင်လေသည်။ မသေခဲ့ပါမူ ဇွန်ဘီတစ်ကောင်ဖြစ်လာလိမ့်မည်။

ချုးဟန်သည်ကား မည်သို့သောလူမျိုးပါနည်း။ အနှီသူသည် အမည်ကျော်ကြားပြီး လူသိများသော မြေခွေးဖြူကြေးစားတပ်၏ခေါင်းဆောင်ပင်။ အနှီသူသာ ဇွန်ဘီဖြစ်သွားပါက အခြေစိုက်စခန်းတစ်ခုလုံးမှ စွမ်းရည်အသုံးပြုသူတိုင်း ကျိန်းသေပေါက် သူ့အား ဝိုင်း၍တိုက်ခိုက်ကြလိမ့်မည်။

ဟယ့်ယန်က အများကြီးမလိုချင်ပါချေ။ ချုးဟန်၏ဘဝတဝက်က အဆင်မပြေနေသရွေ့ သူစိတ်အေးလက်အေးဖြင့် သေနိုင်လိမ့်မည်။

ရွှယ်လင်မှာ ဇာတ်လိုက် shou က ယန်ရှန်းအခြေစိုက်စခန်းအပေါ် ထိုသို့သောသဘောထားရှိနေမှန်း မသိသေးပေ။ ထိုအခြေအနေတွင် သူသည် အခြေစိုက်စခန်းနှင့်မဝေးသေးဘဲ အလုပ်ကိစ္စနှင့်ရက်အတန်ကြာအောင် ခရီးသွားရမည်ဖြစ်သောကြောင့် ပြန်လှည့်ရတော့မည်ဖြစ်သည်။

အဆိုပါခရီးစဥ်အတွင်း သူသည် အခြေစိုက်စခန်းကြီးများမှ စွမ်းရည်အသုံးပြုသူ ခေါင်းဆောင်များ၏ အမျိုးမျိုးသောအကြံပြုချက်များကို ရရှိခဲ့သည်။ နောက်ဆုံးတွင် ၎င်းတို့၏ စမ်းသပ်မှုရလဒ်က ဇွန်ဘီနှင့်စွမ်းရည်အသုံးပြုသူများပေါင်းစပ်ပြီး နောက်မျိုးဆက်ဖြစ်ပေါ်နိုင်မည်ဟု ပြသခဲ့ပါက စွမ်းရည်အသုံးပြုသူများအနေဖြင့် ဇွန်ဘီများနှင့်ပူးပေါင်းနိုင်သည်ဟု ဆုံးဖြတ်လိုက်ကြသည်။

အမှန်ပင်၊ ၎င်းတို့ဆွေးနွေးရန်လိုနေသည့် အချို့ကိစ္စရပ်များရှိနေသေးသည်။ ရွှယ်လင်သည် ၎င်းတို့ကို ဇွန်ဘီများက အခြေစိုက်စခန်း၏ကျောထောက်နောက်ခံများဖြစ်ကြောင်း ထုတ်ပြောခဲ့လင့်ကစား နေရာအသီးသီးမှစွမ်းရည်အသုံးပြုသူများက ထိုကိစ္စနှင့်ပတ်သတ်၍ မည်သည့်ရွေးချယ်မှုမှ မပြသခဲ့ကြပေ။

၎င်းတို့သည် ရွှယ်လင်နှင့် အကြိမ်ပေါင်းများစွာဆက်သွယ်ခဲ့ပြီး အနှီသူ၏တိုက်ခိုက်ရေးစွမ်းရည်က မည်မျှပြင်းထန်ကြောင်းကိုလည်း သိရှိခဲ့ကြသည်။ အခြေစိုက်စခန်းကြီးအချို့ ပူးပေါင်းတိုက်ခိုက်ခဲ့ကြလျှင်ပင် ရွှယ်လင်ထံရောက်ရန် မဖြစ်နိုင်ပေ။ ထို့အပြင် မကြာသေးခင်အချိန်များကမှ ဖြန့်ကျက်ထားခဲ့သည့်သူလျိုများ၏ ပြန်ပို့လာသောအချက်အလက်များနှင့် အကူအညီများက ပုံမှန်မဟုတ်ဘဲ အားကောင်းနေခဲ့သည်။

၎င်းတို့စိတ်အခြေအနေမကောင်းတိုင်း တစ်ယောက်မှ ထိုသူကိုရန်သွားမစရဲကြ။ ထိုနှစ်ယောက်က SSS အဆင့် စူပါစွမ်းအားမျိုးရှိပြီး သူတို့ဆန္ဒရှိလာပါက တလောကလုံးအားဖျက်ဆီးရန် ခက်ခဲလိမ့်မည်မဟုတ်ချေ။

သူတို့မှာ နျူကလီးယားလက်နက်နှင့်တူသော ထိုလူနှစ်ယောက်ကို ကျေနပ်အောင်လုပ်ပေးရန် မစောင့်နိုင်ကြတော့။ ၎င်းတို့ကို ဘယ်လိုမျိုးတွန်းအားပေးနိုင်မည်နည်း။ မည်သူကမှ သူတို့လိုအနေအထားထိရောက်အောင် မလုပ်နိုင်ပေ။ သူတို့ဘက်မှ တိုက်ခိုက်ရန်နှင့် ပိုနေမြဲကျားနေမြဲနေကာ အသက်ရှင်အောင်လုပ်ရန် ရွေးချယ်ခဲ့သောကြောင့် 'ကမ္ဘာကြီး၏အဆုံးသတ်' ဟု ခေါ်ဆိုရခြင်းဖြစ်ပြီး လူတိုင်းက လုပ်ရမည့်အလုပ်ကို သိရှိကြသည်ပင်။

ရွှယ်လင် မြို့ထဲဝင်ဝင်ချင်း သူ၏မိသားစုဝင်စနစ်က ဇာတ်လိုက် shou ၏ပုံစံကို တိုက်ရိုက်လွှင့်ပြလာသည်။

နှစ်နှစ်ပင်ကြာခဲ့ပြီ။ ဇာတ်ကြောင်းဆန့်ကျင်သူ၏စွမ်းအားကို ရသွားခဲ့ပြီးနောက် စနစ်က အဆင်ံ့မြင့်သွားခဲ့သည်။ ၎င်းကထိတ်လန့်နေသေးသော်လည်း ရွှင်ယွိကို စေ့စေ့ကြည့်ရဲလာပြီဖြစ်သည်။ ထိုအချိန်များအတွင်း ရွှယ်လင်သည် ကမ္ဘာကြီးအားပြောင်းလဲရန် အာရုံစိုက်နေရ၍ အလုပ်များနေလေရာ စနစ်မှာ အထီးကျန်သလိုခံစားသွားရပြီး ထွက်သွားခဲ့သည်။ ယခုအချိန်က ရှားပါးအခွင့်အရေးဖြစ်လေရာ ၎င်းသည်ကား ၎င်း၏အဖိုးတန်မှုကိုပြသရန် စိတ်လှုပ်ရှားနေလေပြီ။

ရွှယ်လင်မှာ ဇာတ်လိုက်၏ပြောင်းလဲသွားမှုကြောင့် အံ့အားသင့်သွားခဲ့ရသော်လည်း အနှီသူက ကိုယ့်သေလမ်းကိုယ်ရှာရန် ပြန်လာရသည့်အကြောင်းအရင်းကို သိချင်နေဆဲပင်။

လွန်ခဲ့နှစ်နှစ်က သူ၏တိုးတက်မှုကို လူတိုင်းသိကြသည်။ ထိုအခြေအနေဖြင့် ဇာတ်လိုက်ပြန်ရောက်လာရဲခြင်းက မနာလိုချင်စရာကောင်းအောင် လေးစားဖွယ်ပင်။

ရွှယ်လင်က စနစ်ကို သိချင်စိတ်ဖြင့် မေးလိုက်သည်။ "ဒီတခေါက် ဇာတ်လိုက်က ဦးနှောက်ပျက်မနေပါဘူးနော်...သူက ဘာလို့ငါနဲ့ပတ်သက်ရဖို့ ဒီလောက်တောင် ဇောကပ်နေရတာလဲ...သူ့အခြေအနေနဲ့ နိုင်မှာမဟုတ်တာကို သိလျက်သားနဲ့..."

"ဘာလို့လဲဆိုတော့ သူက ဈေးပေါလို့နေမှာပေါ့..." စနစ်က သူ့အတွေးကို ပြောပြလာသည်။

ရွှယ်လင်: ".....ဟုတ်သလိုတော့ရှိသား...."

"ဒီကမ္ဘာရဲ့ဇာတ်လိုက်က တဇောက်ကန်းပဲ..." စနစ်က အတည်ပေါက်ကို ဝေဖန်နေ၏။

"ဒီကမ္ဘာတွေက ပုံမှန်မဟုတ်တာတော့ သေချာတယ်...သူတော်ကောင်းလိုလိုလူတွေက သူတို့ကိုယ်သူတို့ တခြားလူတွေထက်သာတယ်လို့ ထင်နေကြတာ...အဲဒါကြောင့် သူတို့ရဲ့ကံကြမ္မာကို ပြောင်းဖို့လိုပြီး ဆက်မထောက်ခံတော့ဘူးဆိုတာ သေချာတယ်...သူတို့ရဲ့ ဖြာထွက်နေတဲ့အလင်းတန်းတွေကြောင့်

လောကကြီးက သူတို့ကိုမြေမမြုပ်ပစ်သေးတာ..."

"ကောင်းပြီလေ...တော်သေးလို့ ငါသူ့ကိုမသတ်လိုက်မိတာ.." ရွှယ်လင်က နှုတ်ခမ်းစူကာဆိုသည်။ "သူက ဘာဖြစ်ချင်နေတာလဲ..."

"Host မတောင်းဆိုလည်း ကျွန်တော်ကတော့ ဇာတ်လိုက်ကိုစောင့်ကြည့်နေမှာပဲ...ဒီနှစ်တွေအတွင်းမှာ သူအဆိပ်အကြောင်းတွေ လေ့လာနေတာ...ပြီးတော့ hostကိုလည်း အဆိပ်ခတ်ဖို့လုပ်သေးတယ်...အဲဒီဇွန်ဘီအဆိပ်ကhostကို ဇွန်ဘီ ဒါမှမဟုတ် တခုခုဖြစ်အောင်လုပ်မှာ ရှစ်ဆယ်ရာခိုင်နှုန်းလောက် သေချာတယ်..."

"နေစမ်းပါ...ငါတနေကုန်ဇွန်ဘီဘုရင်နဲ့ အိပ်ရာထဲမှာရှိနေတာ...တခါမှအဆိပ်ခတ်မခံရပါဘူး..."

စနစ်: "Host....ဆွေးနွေးရအောင်..."

"အင်း...."

"နောက်တခါ ကျွန်တော်တို့အလုပ်အကြောင်းပြောရင် အတည်ပေါက်ကြီးနဲ့ အဲဒီလိုအရှက်မရှိတဲ့စကားမျိုး မပြောပါနဲ့လား..."

"ငါကတော့ မင်း ခဏခဏကြားနေရလို့ ကျင့်သားရနေပြီထင်တာ..."

စနစ်: "...."

စနစ်တစ်ခုအတွက် ခွေးတွေဆီကနေ အနိုင်ကျင့်တာကို မခံခွင့်ရှိတယ်မလား? ဘာလို့လောကကြီးက အမြဲတမ်းရက်စက်ရတာလဲ? Host က ခံစားချက်မရှိ၊ အကျိုးသင့်အကြောင်းသင့်မရှိ၊ ပြဿနာရှာရတာလည်း အတော်လေးကြိုက်သေးတယ်...။ "မဟုတ်ဘူး...ကျွန်တော်ဘယ်တော့မှ ကျင့်သားရမှာမဟုတ်ဘူး...ကျင့်သားလည်းမရချင်ဘူး..." စနစ်က အတည်ပြောနေသော်လည်း သနားစရာတော့ မကောင်းပါချေ။

"ကောင်းပြီလေ..." ရွှယ်လင် ထိုကိစ္စအတွက် စနစ်က်ိုကတိပေးလိုက်သည်။

ဆွေးနွေးကြပြီးသည့်နောက် သူတို့သည် နှင်းမြေခွေးကြေးစားတပ်၏ ဌာနချုပ်သို့ပြန်လာခဲ့ကြသည်။ အခြားသူများက အလုပ်ခရီးမှရလာသည့် အချက်အလက်များကို အဖြေရှာရန် ထွက်သွားကြ၏။ တုစစ်နီက တစ်စက္ကန့်ပင်မနားဘဲ ပြန်ရောက်သည်နှင့် စတင်ပြင်ဆင်သည်။ ထို့နောက် အလွန်လျှင်မြန်စွာဖြင့် ရွှယ်လင်သည် အနောက်တွင်ရပ်နေသည့် လူနှစ်ယောက်နှင့်အတူ ဂိုဏ်းခေါင်းဆောင်ပမာ ထွက်လာလိုက်တော့၏။

အကြောင်းမှာ အပေါ်ထပ်မှနေ၍ သူ့အားစိုက်ကြည့်နေသည့် လူတစ်ယောက်ရှိနေသောကြောင့်ပင်။ ဆယ်ထစ်ကျော်ခန့်ဝေးကွာသော်ငြား ၎င်းထံမှထွက်ပေါ်နေသော အအေးဓာတ်ကိုခံစားနေရသည်။

ရွှယ်လင်၏အနောက်မှလိုက်လာသူက နှစ်ယောက်ကြားမှဆက်ဆံရေးကို ကောင်းကောင်းသတိပြုမိသည်။ ပါးစပ်မှထုတ်မပြောကြသည့်တိုင် ထိတ်ထိတ်ကြဲနှစ်ယောက်ကို မနှောင့်ယှက်မိရန် အတတ်နိုင်ဆုံးကြိုးစားပြီး အမြန်ထွက်သွားကြတော့၏။

ရွှယ်လင်က လှမ်းကြည့်ပြီး အောက်ဘက်သို့ငုံ့ကြည့်နေသည့် ထိုလူ၏မျက်လုံးများနှင့် ဆုံတွေ့သွားသည်။ အနှီသူ၏

စူးရှသောအကြည့်ကြောင့် လှေကားထစ်များကြားမှ ကွာခြားမှုသည် သူ့အတွက်အရေးမပါလှတော့ပေ။ ထိုသူ၏မျက်နှာအမူအရာကို အတိုင်းသားမြင်တွေ့နိုင်လေသည်။

အင်း...သူအတော်လေးကို မပျော်မရွှင်ဖြစ်နေတာပဲ...

ရွှယ်လင်၏နှုတ်ခမ်းလေးများက တွန့်ကွေးသွားပြီး တဖက်လူအား ညို့ငင်နိုင်လွန်းသောအပြုံးမျိုး ပြုံးပြလိုက်၏။

ထိုသူ၏မျက်၀န်းများက မည်းမှောင်သွားရကာ အပေါ်ထပ်မှ ပြေးလာလေတော့သည်။

ရွှယ်လင် အကြောဆန့်၍ ခဏတာခန့် လေ့ကျင့်ခန်းလုပ်ဦးမည်ဟု တွေးလိုက်သည်။

နောက်တနေ့ ညနေခင်းမတိုင်ခင်တွင် သူသည် အိပ်ရာထဲမှတွားသွားထွက်လာရပြီး ရွှင်ယွိ ခေါင်းအုံးပေါ် တင်ထားခဲ့သည့်ရီပို့ကို ကြည့်နေရသည်။

အိုး...ဖတ်ကြည့်လိုက်သည့်အခါ မနေ့ညက အနှီသူသူ့အား ပြောခဲ့သောစကားဖြစ်သည့် ကိုယ်ဝန်ရသည်အထိလုပ်မည်ကို သဘောပေါက်သွားရသည်။ ၎င်းက ရယ်စရာပြောလိုက်သလို ထင်ရသော်လည်း ရွှယ်လင်သည် သူတို့က ထိုစကားလုံးလောက်ဖြင့် ချည်ပြီးတုပ်ပြီးဖြစ်မည်မဟုတ်သည့်အကြောင်း၊ ထိုသူနှင့်နောက်တကြိမ် အလေးအနက်စကားပြောရတော့မည်ဖြစ်ကြောင်း နားလည်လိုက်သည်။

ဤကမ္ဘာကြီးက မည်သို့ပင်ဖြစ်နေပါစေ၊ ဖြတ်လျှောက်များကသာ လောကကြီးကို အသက်ဝင်စေနိုင်သည်။ ရွှယ်လင်သည် ဤသို့သောဝိညာဥ်ကူးပြောင်းမှုမျိုးကို အလေ့အကျင့်ရနေပြီဖြစ်သည့်တိုင် သူ၏အမြှီးကိုလိုက်စုရသည့်တာဝန် ဆက်မရှိတော့လျှင် နောင်အနာဂတ်တွင်လုပ်ရမည့်

အလုပ်ကို အသေအချာစတင်စဥ်းစားထားရန် လိုအပ်သည်။

စနစ်: "....." မင်းက တကယ်ကို ဂိမ်းလိုကစားနေတော့တာပဲ!

ရွှယ်လင်နှင့်စနစ်တို့သည် သူဂိမ်းကစားနေခြင်းဟုတ်မဟုတ်ကို ငြင်းခုန်နေပြီး နောက်ဆုံးတွင်လက်မြှောက်ကာ

သူဂိမ်းကစားနေခြင်းမဟုတ်ပါကြောင်း၊ တကယ် တာဝန်ထမ်းဆောင်နေခြင်းဖြစ်ကြောင်း စိတ်မပါ့တပါဖြင့်

ကျိန်လိုက်ရသည်။

စနစ်က သူအရူးမဟုတ်ကြောင်း ပြသလိုက်သည်။

အချိန်အတန်ကြာ အော်ကြီးဟစ်ကျယ်ဖြင့် ငြင်းခုန်နေကြပြီး အဆုံးတွင် ရွှင်ယွိက တံခါးဖွင့်ပြီးအထဲဝင်လာလေသည်။

အနှီသူသည် ရွှယ်လင် အိပ်ရာမှနိုးလာသည်နှင့် ရီပို့အားကြည့်နေသည်ကို အံ့ဩနေပုံမရချေ။ ရွှင်ယွိက ဗီရိုကိုဖွင့်၍ သူ၏အချစ်လေး တနေ့တာဝတ်ရန်အတွက် အဝတ်အစား

ရှာပေးနေသည်။

"ဖြစ်နိုင်တယ်ဆိုတာ သက်သေပြပြီးပြီနော်...ဒီနေ့ကစပြီး နေရာနည်းနည်းမှာ ကြေညာပြီးရင် စေတနာရှင်တွေကိုလိုက်စုတော့..."

လွန်လေပြီးသောအချိန်များတည်းက ရွှယ်လင်သည် စမ်းသပ်သည့်အနေဖြင့် အချိန်ခဏတာခန့် ဇွန်ဘီနှင့်စွမ်းရည်အသုံးပြုသူများ အတူတကွနေထိုင်ကြည့်ရန် လက်အောက်ငယ်သားများ၏သဘောတူညီချက်ဖြင့် အတူယှဥ်တွဲနေထိုင်သည့်အစီအစဥ်ကို ပြုလုပ်ခဲ့သည်။ ထိုအခါမှ နှစ်ဖက်ကြားမှကွာခြားချက်ကို သိနိုင်လိမ့်မည်ဖြစ်သောကြောင့်ပင်။

လက်ရှိတွင် ထိုလူများက ဇွန်ဘီများနှင့်အတူနေထိုင်ခဲ့ပြီး

အင်မတန် လိုက်လျောညီထွေဖြစ်ကာ ပျော်စရာအတိဖြစ်ခဲ့သည်: အကြမ်းဖက်ခြင်းမရှိ၊ လူအများက ဆက်သွယ်ချင်ကြောင်းဖော်ပြခဲ့ကြကာ အပြန်အလှန် နားလည်ရန်ကြိုးစားခဲ့ကြသည်။ တကယ်တမ်းတွင် ဇွန်ဘီနှင့်လူသားအကြား ကွာခြားချက်မှာသိပ်မရှိချေ။ သူတို့လုပ်နိုင်သည့်အရာကို ဇွန်ဘီများလည်းလုပ်နိုင်သည်၊ ၎င်းတို့သည် အသွေးအသားအား တောင့်တစိတ်ကိုထိန်းချုပ်နိုင်ပြီး အစာစားခြင်းဖြင့် လိုအပ်ချက်ကို ဖြေသိမ့်ထားနိုင်ကြသည်။ ၎င်းတို့က ဇွန်ဘီသားရဲများထံမှ အဏုမြူဓာတ်ကို စုပ်ယူနိုင်ပြီး ဇွန်ဘီသားရဲများအပေါ်ထားသည့် ထပ်တူညီသည့် မလိုလားစိတ်ကလည်း ဇွန်ဘီနှင့်စွမ်းရည်အသုံးပြုသူများ၏ စရိုက်သဘာဝအတိုင်း ဖြစ်နေခဲ့၏။

အဆိုပါ ဘုံတူညီမှုများကြောင့် ယခု ဤလူစုသည် ဇွန်ဘီနှင့်စွမ်းရည်အသုံးပြုသူများအကြား ငြိမ်းချမ်းစွာ ယှဥ်တွဲနေထိုင်နိုင်ရေးကို အဆင့်မြှင့်တင်ပေးခဲ့သည်။ စမ်းသပ်လေ့လာသည့်ရလဒ်ကလည်း အဖြေထွက်လာပြီး တခါခန့်စမ်းကြည့်ခြင်းကလည်း စိတ်ဝင်စားစရာဖြစ်လိမ့်မည်ဟု ယုံကြည်ထားသည်၊ ထို့နောက် ကမ္ဘာအသစ်တွင် ကလေးရှိသည့် ပထမဆုံးဇနီးမောင်နှံဖြစ်လာမည်ပင်။

"ကောင်းတယ်..." ရွှယ်လင် ရီပို့နောက်တစ်ရွက်ကိုလှန်လိုက်ပြီး သိချင်စိတ်ဖြစ်လာ၍ မေးလိုက်၏။ "ပြောတော့မှ ဘယ်သူက အောင်မြင်တဲ့သန္ဓေသားရဲ့ မိဘတွေဖြစ်လာမှာပဲ..."

"မသိဘူးလေ...လူတချို့ကတော့ ရအောင်ပြိုင်ကြမှာပေါ့..." ရွှယ်လင်ဝတ်ရမည့်အဝတ်အစားများ ထုတ်ပေးပြီးသည့်အခါ ရွှင်ယွိမှာ စောင်ပုံထဲမှ သူ့ချစ်သူလေးကို မရအရဆွဲထုတ်ရတော့သည်။ အနှီသူသည် သူ့ခေါင်းကိုပွေ့ဖက်၍ နဖူးထက်သို့ အနမ်းချွေလာ၏။ "ဘေဘီ...မင်းတကယ်ကို မထတမ်းလှဲနေတော့မှာလား..."

"ခါးနာတယ်...ကျွန်တော် တကယ်လှုပ်ရှားဖို့ပျင်းနေတာ...ပြီးတော့ ဒီနေ့ဘာမှလုပ်စရာလည်းမလိုဘူးလေ..." ရွှယ်လင် ဝူးဝူးဝါးဝါးဖြင့် ပြောလိုက်သည်။ "ကျွန်တော်က အရှေ့ဘက်ကိုပဲ

ထောက်ပံ့ပေးဖို့ တာဝန်ရှိတာမဟုတ်လား...ခင်ဗျားနဲ့ ခင်ဗျားရဲ့ဝန်ထမ်းတွေလက်ထဲကို အကုန်လွှဲထားပေးပြီးပြီလေ...ကျွန်တော်က ဘာလို့ အိပ်ရာထဲမှာ လှဲနေလို့မရတာလဲ..."

ရွှင်ယွိသည် မနေ့က သူလုပ်ခဲ့သည့်ကိစ္စကိုသိလေသည်။

သူ့ချစ်သူ၏စွမ်းရည်အပေါ် အခြေခံရလျှင် ခါးနာနေသောကြောင့် အိပ်ရာထဲမှမထနိုင်၍မဟုတ်ဘဲ ပျင်းနေသောကြောင့်သာဖြစ်လိမ့်မည်။ _"ကောင်းပြီလေ...မင်း အလုပ်မလုပ်ချင်ဘူးဆိုတော့လည်း မလုပ်နဲ့ပေါ့..." ထို့နောက် ရွှင်ယွိသည် ရွှယ်လင်၏မိမွေးတိုင်းဖမွေးတိုင်းကိုယ်ကို ဖက်ထားရင်း အဝတ်အစားကူဝတ်ပေးလိုက်တော့သည်။

အစဥ်မပြတ်သောလုပ်ဆောင်ချက်ကြောင့် အိပ်ရာပေါ်မှလူက အနမ်းဖြင့်ဆုချလာပြီး ရွှင်ယွိမှာ မကူနိုင်မကယ်နိုင်ဖြစ်သွားရပြန်၏။ ယခု သည်လူ၏ယခုပုံစံက သူဂရုစိုက်ပေးသောကြောင့် ဖြစ်နိုင်သော်လည်း အချို့သောအကြောင်းများကြောင့် ယခုလို ပွေ့ဖက်ပြီးနမ်းရှုံ့သည့်အခါတိုင်း အိမ်မွေးတိလေးက ဂရုစိုက်ပေး၍ ပြန်ချစ်ပြနေသလို ခံစားရတတ်သည်။ ထိုသူသည် မူပိုင်ဂုဏ်သိက္ခာမှလွဲပြီး သူနှစ်သက်သည့်အရာကို ဘာမဆိုပေးရန်ဆန္ဒရှိနေသည်။

သူ့စိတ်ခံစားချက်ကိုနားလည်သောကြောင့် ရွှယ်လင်သည် သူ့အားတွယ်ကပ်နေပြီး သူဆွဲရာအနောက်သို့လိုက်၍ ချွဲပြစ်ပြစ်ဖြင့်ဆိုလိုက်မိ၏။ "ဘေဘီ...စိတ်မပူပါနဲ့...အိမ်ကတစ်ယောက်နဲ့ ကိစ္စတွေကိုရှင်းပြီးရင် ကျွန်တော်တို့ရဲ့ပတ်သတ်မှုကို လူသိရှင်ကြားကြေညာလိုက်မယ်..."

ရွှင်ယွိ: "....အိမ်ကတစ်ယောက်....?"

ရွှယ်လင် တဖက်လူမျက်နှာကိုညှစ်ကိုင်ပြီး အောရှရှဖြင့်ပြောလိုက်၏။ "ပါဦးမလား...."

ရွှင်ယွိ တည်တည်ငြိမ်ငြိမ်သာဆိုသည်။ "ကိုယ်တို့က သရုပ်ဆောင်နေတာဆိုရင်တောင်..ကိုယ်တို့အိမ်ကို ပြောင်းပြန်လှန်ဖို့ လူတစ်ယောက်ပဲလိုတယ်..."

"အင်းပါ..." ရွှယ်လင် နှုတ်ခမ်းစူ၍ ရွှင်ယွိကိုနမ်းပြီး တဆက်တည်းပြောလိုက်သည်။ "ဘေဘီ...မပူပါနဲ့...ရက်နည်းနည်းကြာရင် ကျွန်တော် ခင်ဗျားကိုလက်ထပ်ပြီး အိမ်ကို ရိုးသားပွင့်လင်းမှုအပြည့်နဲ့ ခေါ်လာမှာ..."

ရွှင်ယွိက တုံ့ပြန်သည့်အနေဖြင့် 'အင်း' ဟု တုံ့ပြန်လိုက်သည်။

ရွှယ်လင် အနည်းငယ်မကျေမနပ်ဖြစ်သွားရပြီး သူ့နားအနီးတွင် လေပူမှုတ်ထုတ်လိုက်သည်။ "ဘေဘီ...ဒီလိုသတင်းကောင်းကြားရတာကို ကျွန်တော့်ကိုဆုမချတော့ဘူးလား..."

ရွှင်ယွိခေါင်းလှည့်ပြီး သူ့အားတိတ်ဆိတ်စွာဖြင့် နက်နက်ရှိုင်းရှိုင်းကြည့်လိုက်သည်။ "မင်း နောက်တပတ်လုံးလုံး ဒီမှာနေချင်တာ သေချာလား..."

ရွှယ်လင် ချိန်ဆနေပြီးမှ ပြန်ပြောလိုက်သည်။ "ထားလိုက်တော့...လက်ထပ်ပြီးမှပဲ ခင်ဗျားဆီကနေ ဆုတောင်းတော့မယ်..."

ရွှင်ယွင်ကြောင့် မူလက အပြင်ထွက်တော့မည့်အစီအစဥ်က ပျက်သွားပြန်သည်။ အနှီသူက သူ့ကိုတွဲလဲခိုထားသောကြောင့် တဖက်လှည့်ကာ အခန်းထဲသို့ ပြန်ဝင်သွားလိုက်ကြ၏။

သူကလွှတ်လိုက်ချင်သော်ငြား အနှီသူက သူ့ကိုဆက်ပြီး လှုံ့ဆော်နေသည်လေ။ သည်တခါ အိပ်ရာထဲတွင် ဖျက်ဆီးခံရလျှင် သူ့အပြစ်မဟုတ်တော့ပေ။

တံခါးပိတ်သွားသည်နှင့် အပြင်ဘက်တွင် ကျန်နေခဲ့သည့် စနစ်တစ်ကောင်တည်းကသာ host ၏ အကူအညီတောင်းနေသောအသံကို ကြားရတော့သည်။

ယင်းမှာ: "ခင်ဗျားပဲ မြှောက်ပင့်တာမကြိုက်ဘူးဆို...အား! ခင်ဗျားပြန်ဝတ်လိုက်နော်!...ဒီလိုလုပ်..စကားပြောကြမယ်လေ...ကျွန်တော်တို့ နောက်တခါပြီးရင် သွားကြမယ်...." ထို့နောက် "ဝူး.....! ငါ့ကိုကယ်ကြပါ...ငါအလုပ်သွားလုပ်ချင်တယ်...!"

စနစ်: တချို့ကလေ ပြဿနာကိုရှာတယ်။

Prev Next