Chapter 36

🧝Chapter 36

ထိုနောက်ဆုံးစာကြောင်းများအရ ဆိုင်ရှင်ကျန်းက အဖိုးတန်သေးကြောင်း ကျန့်ကွမ်စန်းကို ယုံကြည်စေသောကြောင့် သူက နောက်ထပ်အသေးစိတ်အချက်အလက်များကို အနည်းငယ်ရှင်းပြခဲ့သည်။ 

သိပ်မကြာခင်မှာပဲ မြောင်ယွမ် စားသောက်ဆိုင်မှာ ရှိနေသည်ဟု သူ့ဆီ သတင်းရောက်လာခဲ့သည်။ကျန့်ကွမ်စန်း၏ မျက်လုံးများတွင် လိမ္မာပါးနပ်မှု အရိပ်အယောင်များ ဖျက်ခနဲပေါ်လာပြီးနောက်ဆင်းကာ သူတို့ကို ယဉ်ကျေးပျူငှာစွာ ကြိုဆိုလိုက်သည်။ 

သူအခန်းထဲသို့ ဝင်လာသည်နှင့် တပြိုင်နက် စာပေပညာရှင် ၀တ်စုံကိုဝတ်ဆင်ထားသောမြောင်ယွမ်က ကျန့်ကွမ်စန်းကို လက်သီးဆုပ်ပေါ် လက်တစ်စ်ဖက်အုပ်ကာ နှုတ်ဆက်လိုက်သည်။ သူ့နောက်တွင် ချောမောလှပသော ကောတစ်ယောက် လိုက်ပါလာ၏။မြောင်ယွမ် စီးပွားရေးဆွေးနွေးရန် စားသောက်ဆိုင်သို့ လာသည့်အခါတိုင်း ထိုကောကအမြဲလိုက်လာကာ သူကမင်ချွင်းဟုခေါ်သော အလုပ်ရုံတွင် မရှိမဖြစ်ဘဏ္ဍာထိန်းဖြစ်ကြောင်း လူတိုင်းအား ပြောပြလေ့ရှိသည်။ 

"ဒီနေ့တော့တိုက်တိုက်ဆိုင်ဆိုင် သူဌေးကျန့်ရောက်နေတာပဲ...ကျွန်တော်က  အစောနကဆိုင်ရှင်ကျန်းကို ကိစ္စသေးသေးလေးတချို့ နည်းနည်းလောက်မေးကြည့်နေတာ... အခု ဒီကိစ္စကို အတူတူ ဆွေးနွေးလို့ရသွားတာပေါ့"

ကျန့်ကွမ်စန်းကလည်း သူ့ကို လက်သီးဆုပ်ပေါ်လက်တစ်ဖက်အုပ်ကာ နှုတ်ဆက်ပြီး သူ့စိုးရိမ်မှုကို မြှင့်လိုက်သည်။ 

"ညီအစ်ကိုမြောင်ကို ရင်ဖွင့်စရာတစ်ခုလည်းရှိတယ်...တို့ဟူးပူတင်းအတွက် ဟင်းချက်နည်းအကြောင်းပါ...ညီအစ်ကိုမြောင် ဒီကို စရောက်တုန်းက ဒီဟင်းလျာက စားသောက်ဆိုင်ရဲ့ အမှတ်အသားနဲ့ အချိန်အတော်ကြာ လူကြိုက်အများဆုံး ဟင်းဖြစ်လာမှာ သေချာတယ်လို့ ဆိုခဲ့တယ်...ဒါပေမဲ့ ဆိုင်ရှင်ကျန်းနဲ့ စာရင်းစာအုပ်ကို ကျွန်တော် ကြည့်လိုက်တော့ အဲလိုဖြစ်ပုံမရဘူး... တကယ်တော့ ဒီလရဲ့အမြတ်ငွေက အရင်လလောက် မကောင်းဘူး...ဒါက ဘယ်လိုလုပ်ကောင်းတယ်​ဖြစ်မှာလဲ"

အမြဲတမ်း တည်တည်ငြိမ်ငြိမ်ရှိသော အမူအရာရှိသည့် မြောင်ယွမ် ကြက်သေသေသွားသည်။ 

"အရင်ကထက် ပိုဆိုးနေတာလား ...ပြီးခဲ့တဲ့လက အစားအ​သောက်ဝယ်ယူအားပေးတဲ့ ဖောက်သည်တွေ အများကြီး ရှိတယ်မဟုတ်ဘူးလား"

သူ့ဘေးမှာ ထိုင်နေသည့် မင်ချွင်း လည်း မျက်ခုံးကြုံ့၍သွားသည်။

ဆိုင်ရှင်ကျန်းက  ကျန့်ကွမ်စန်း၏ အချက်ပြမှုကို ရရှိပြီး ချက်ချင်း ​စကားဆိုလိုက်သည်။

"ဟုတ်တယ်...ပြီးခဲ့တဲ့လက စပြီး ​​လျော့ကျသွားတယ်...လကုန်ခါနီးမှ  စားသောက်ဆိုင်ရဲ့ပုံမှန်နေ့စဉ်စွမ်းဆောင်ရည်က တစ်ဝက်ထိ ကျဆင်းသွားခဲ့တယ်...ဒီနှိမ့်ကျတဲ့လူ​တော့ ဧည့်သည်တွေက မြည်းစမ်းပြီးတာနဲ့ စိတ်ဝင်စားမှု ပျောက်ကွယ်သွားတာဖြစ်မှာစိုးမိပါတယ် ...လောလောဆယ်မှာတော့ ဒီနှိမ့်ကျတဲ့လူ သူဌေး နဲ့ တန်ပြန်အစီအမံတွေကို ဆွေးနွေးနေပါတယ်"

မင်ချွင်းက ပြတ်ပြတ်သားသား ငြင်းဆန်လေသည်။

"မဖြစ်နိုင်ဘူး ...လတ်လတ်ဆတ်ဆတ် မစားသုံးရင်တောင် အရသာကမထိခိုက်သင့်ဘူး...သ​ဘောမတူဘဲ ချက်နည်းကို ပြောင်းလိုက်တာများလား"

ထိုစကားကိုကြားသောအခါ ကွမ်စန်းအိုကြီး၏ ခန္ဓာကိုယ်က ဆိုင်ရှင်ကျန်းဘက်သို့ ဆတ်ခနဲလှုပ်သွားခဲ့သည်။ သို့သော် နောက်ပိုင်းတွင် သူ ပို၍ ဒေါသထွက်သွားခဲ့သည်။ 

'သူငါ့ကို ခိုတဲ့သူလို့နာမည်တပ်လိုက်တာလား'

(T/N–cut corners=အချိန်ကုန်/ ငွေကုန်သက်သာစေရန်အလုပ်ကိုပြီးစလွယ်လုပ်သည်/အရည်အသွေးခိုသည်၊ဆောက်လုပ်ရေးကုမ္ပဏီက အမြတ်ပိုကျန်အောင်ဘိလပ်မြေခိုခြင်းမျိုး၊နွားနို့သည်ကုလားက နွားနို့ထဲရေရောခြင်းမျိုး)

"ဒီကကောအာ... မင်းဒီလိုပြောတာတော့ စော်ကားမော်ကားနိုင်လွန်းတယ်ကွယ်...ငါတို့ရဲ့ စားသောက်ဆိုင်က ရွှေဥရဖို့ ​​ရွှေငန်းသတ်တဲ့အလုပ်မျိုးအားမပေးဘူးကွဲ့... ဟင်းချက်နည်းကိုပြောင်းတယ်ဆိုတာ ဘာသ​ဘောလဲ...ဟင်းချက်နည်းက ရှေးစာအုပ်တွေက အမွေဆက်ခံခဲ့တာလေ... တိုဟူး​နှောင်းကလည်းမင်းတို့ဆီက... ငါတို့ဘယ်လိုပြောင်းနိုင်မှာလဲ"

မြောင်ယွမ်က တစ်စုံတစ်ခုကို တွေးနေပုံရပြီး အလျင်စလို တောင်းပန်လိုက်သည်။ "ခင်ဗျားတို့နှစ်ယောက်ကို- ကျွန်​တော်တကယ်တောင်းပန်ပါတယ်...ကျွန်​တော်တို့ချွင်ကောအာက အလုပ်ရုံထဲမှာပဲအမြဲနေတာမို့ စကားပြေ. သိပ်အဆင်မပြေဘူး...သူတကယ်မေးချင်တာက ကျွန်​တော်တို့လူက ဆော့စ်ပြောင်းလိုက်တာလားမသိဘူးဆိုပြီးပါ... ဘာလို့လဲဆိုတော့ ဟင်းချက်နည်းကို ပြောင်းလိုက်ရင် အရသာက ပြောင်းလဲသွားမှာ သေချာတယ်လေ"

'ဒီလို အဓိပ္ပါယ်မဲ့တဲ့ စကားမျိုးပြောဖို့ဆိုရင် သတ္တိ​တော်​တော်ရှိမှာ သေချာတယ်' 

ဆိုင်ရှင်ကျန်းက နှာ​ခေါင်းရှုံ့လိုက်သည်။ 

"ကျုပ်တို့ စားသောက်ဆိုင်အားလုံးမှာ တူညီတဲ့ ဆော့စ်တွေကိုပဲ သုံးပါတယ်... စားဖိုမှူးက ဒီလို ရယ်စရာကောင်းတဲ့ အခြေအနေကို တခါမှ မကြားဖူးဘူး"

သို့သော် မြောင်ယွမ်က ယခင်ကကဲ့သို့ပင် ၎င်းတို့၏ ချို့ယွင်းချက်များကို ဖုံးကွယ်ထားသည်။ 

"တို့ဟူး​နှောင်းက ပြီးခဲ့တဲ့လမှာ စားသောက်ဆိုင်အတွက် အမြတ်ငွေမဖြစ်စေခဲ့ဘူးဆိုတာ ကျွန်တော်မသိခဲ့ဘူး... ဘာပဲဖြစ်ဖြစ် ဘယ်လောက်အထိ စာရင်းပေါက်လဲ"

ဤမေးခွန်းကိုမေးသောအခါ ကျန့်ကွမ်စန်း နှင့် ဆိုင်ရှင်ကျန်း၏ မျက်နှာများ မည်းမှောင်သွားသည်။မြောင်ယွမ်က ချက်ကောင်းလာထိ​ခြင်း​ဖြစ်သည်။ တို့ဟူးပူတင်း မရှိလျှင် ၎င်းတို့၏ လက်ရှိ ၀င်​ငွေ၏ ထက်ဝက်ကိုပင် မရောက်နိုင်သည်မှာ မမှားနိုင်ပေ။သူတို့ သူ(မြောင်ယွမ်)တို့ကို မကျေမချမ်းဖြစ်လို့ရပါဦးမလား...

သို့ပေမဲ့ မြောင်ယွမ်က လူတွေကို ဆန့်ကျင့်ရန် လာ​ခြင်းမဟုတ်​ပေ။သူတို့အနေဖြင့် မှန်ကန်သော လူမှုဆက်ဆံရေးကို တက်လှမ်းရန် နည်းလမ်းရှာတွေ့ပြီဖြစ် ၎င်းကို ကာကွယ်စောင့်ရှောက်ရပေမည်။ 

"ဆိုင်ရှင်ကျန်း စိတ်မဆိုးပါနဲ့...ခုနကပြောခဲ့တာက စားသောက်ဆိုင်အတွက်ပဲလေ...စားသောက်ဆိုင်လုပ်ငန်းကောင်းရင် အလုပ်ရုံဆွေးနွေးပွဲက ရေရှည်တည်တံ့မှာဖြစ်တယ်... အသစ်အဆန်းတွေကို ဖောက်သည်တွေရဲ့ စိတ်ဝင်စားမှုကို ထိန်းသိမ်းထားနိုင်ဖို့ ဟင်းလျာအသစ် နှစ်မျိုး ပေးဖို့အတွက် ဒီနေ့ ဒီကိုလာခဲ့တာပါ"

ကျန့်ကွမ်စန်းကလည်း မည်သည့်အချိန်တွင် တိုးရမည်/ဆုတ်ရမည်ကို သိသောလူမျိုးဖြစ်သည်။ ထိုစကားများကို ကြားလိုက်ရသောအခါတွင် သူ၏ စိတ်ဓာတ်များ ရွှင်မြူးလာပြီး ကြည်ကြည်ဖြူဖြူဖြစ်လာသည်။ 

"ညီအစ်ကိုမြောင်ယွမ် ဒီဟင်းချက်နည်းကိုရေား ရှေးစာအုပ်ထဲက ယူခဲ့တာ များလား"

ထိုအချိန်တွင် မြောင်ယွမ်က ဝါးခြင်းတောင်းကိုကိုင်ကာ ဝူ၏နောက်တွင်ရပ်နေသည့်မင်ချွင်းကို အချက်ပြရန် သူ့လက်ကို မြှောက်လိုက်သည်။ 

ခြင်းတောင်းကိုဖွင့်ပြီးသည်နှင့် နှစ်သက်ဖွယ်ကောင်းသော ဟင်းလျာအခင်းအကျင်းပုံစံဖြင့် ထည့်ထားသော မြေလွှာရောင်ဟင်းလျာပါသည့်စတုရန်းပုံသဏ္ဍာ​န်ပန်းကန်ပြားကို တွေ့လိုက်ရသည်။ဟင်းချက်နည်းအမည်က ပဲငံပြာရည်တို့ဟူးအရေခွံနှပ်ဖြစ်၏။

​မြောင်ယွမ်က ချက်ချင်းရှင်းပြသည်။

"တိုဟူးပူတင်းထုတ်လုပ်ရင်းနဲ့ ဒီတိုဟူးအ​ရေခွံကို မတော်တဆတွေ့ရှိခဲ့တာပါ...ချက်ပြီးတော့ မထင်မှတ်ပဲ အရသာရှိနေတာမလို့ သူဌေးကျန့်ကို တစ်ချက်နှစ်ချက်လောက် အကြံပေးချင်သွားတယ်"

အဆိုပြုချက်သည် အလုပ်ရုံမှ အခြားထုတ်ကုန်တစ်ခုဖြစ်ကြောင်း ထပ်မံကြားသိရသောအခါ ကျန့်ကွမ်စန်း သူ့စိတ်ထဲတွင် စိတ်ပျက်လက်ပျက်ဖြစ်သွားသည်။ ယခင်က မြောင်မိသားစုသည် ၎င်းတို့၏ ကုန်ကြမ်းပစ္စည်းများကို ရောင်းချခြင်းမပြုဘဲ တိုဟူးပူတင်းအချောထည်ကိုသာ ရောင်းချရန် ဇွဲသန်​​နေခဲ့သည်။ ထို့ကြောင့် စားသောက်ဆိုင်၏ ကုန်ကျစရိတ်အများစုမှာ အလုပ်ရုံမှ ဝယ်ယူခြင်းကနေ ဖြစ်သည်။ ယခုလည်း အလားတူလှည့်ကွက်ကို ထပ်မံအသုံးပြုခဲ့သည်။ 'ဒီစောင်ရူးမြောင်မိသားစုက ပိုက်ဆံအားရအောင် မလိမ်ရ​သေးဘူးလို့ ထင်နေတာလား'

လတ်တလော ၎င်းတို့၏ မီနူးများ ထပ်တိုးလာခြင်းကြောင့် ကျန့်ကွမ်စန်း စိတ်ဝင်တစား ဟန်ဆောင်ပြီး ဆိုင်ရှင်ကျန်းနှင့်အတူ ဟင်းကို မြည်းစမ်းကြည့်ရန် တူနှစ်စုံကို ​တောင်းလိုက်သည်။ တစ်ချက်ကိုက်လိုက်ရုံဖြင့် နူးညံ့သောအတွင်းသားနှင့် တို့ဟူးအရေခွံ၏အပြင်ပိုင်းအမာသားက စွပ်ပြုတ်မှ စုပ်ယူထားသော အငန်နှင့် အချိုရည်များကို ချက်ခြင်း ထုတ်ပေး​လေသည်။ အ​ရေခွံကို ဝါးလိုက်သောအခါ အရသာ၏ ကြွယ်ဝမှုသည် ဗုံးတစ်လုံးလို ပေါက်ကွဲသွားသည်။ယေဘုယျအားဖြင့် တိုဟူးထက် ပိုကောင်းပေသည်။

ကျန့်ကွမ်စန်း အနှီမြောင်ယွမ်ကို မလေးစားဘဲ မ​နေနိုင်ခဲ့​ချေ။စာ​ပေပညာရှင်ဖြစ်ပေမဲ့ အံ့သြဖို့ကောင်းလောက်အောင် အပြင်ထွက်ပြီး စားစရာတွေ အများကြီး ထုတ်နိုင်သေးသည်။ 

"ညီအစ်ကိုမြောင်ယွမ်က အံ့သြစရာကောင်းချက်ပဲ...တို့ဟူးအရေခွံနှပ်သာ စားပွဲပေါ်တင်ထားရင် စားသောက်ဆိုင်က ချမ်းသာတဲ့ကာလအထိ ပြန်ကောင်းလာလိမ့်မယ်"

ထို့နောက် နှစ်ဦးနှစ်ဘက် ညှိနှိုင်းကြသည်။ 

ကျန့်ကွမ်စန်းက မြောင်မိသားစု၏ လက်သီးပုန်းထိုးတတ်သည့် ညစ်တီးညစ်ပတ်လုပ်ထုံးလုပ်နည်းကို အလွတ်ရနေသဖြင့် သိသည်။ ထို့ကြောင့် ပါဝင်ပစ္စည်းများကို ကုန်ကြမ်းရောင်းချနိုင်မလားဟု မေးမြန်းမည့်အစား တိုဟူးအရေခွံတစ်ခုစီအတွက် ကုန်ကျစရိတ်ကို လျှော့ချရန် ပြတ်ပြတ်သားသား အဆိုပြုခဲ့သည်။ အဆင်ပြေစေရန်အတွက်၊ တို့ဟူး​နှောင်းတစ်ပွဲစီ၏ ရောင်းဈေးကိုလည်း ​လျော့ပစ်ခဲ့သည်။မည်သို့​ပင်ဖြစ်စေ ဧည့်သည်များ၏ စိတ်ဝင်စားမှု ကန့်သတ်​ခြင်းခံလိုက်ရလျှင် စားသောက်ဆိုင်၏စွမ်းဆောင်ရည် နစ်မြုပ်မှုအား တိုက်ဖျက်ရန် အကောင်းဆုံးနည်းလမ်းမှာ ဟင်းပွဲများ၏ ဈေးနှုန်းကို လျှော့ချရန်ဖြစ်သည်။ကျန့်ကွမ်စန်း စားသောက်ဆိုင်မှ အမြတ်အစွန်းများရရှိရန် စိတ်ကူးကို ပစ်ပယ်ခဲ့ပြီး မြောင်မိသားစုနှင့်အတူ နောက်ပြန်ဆုတ်ခဲ့သည်။

ယခုအချိန်တွင် မြောင်ယွမ်၏ သဘောထားသည် ယခင်ကကဲ့သို့ တင်းခံမ​နေ​တော့ပေ။ နောက်ဆုံးတွင်၊ အသစ်အဆန်းကို စိတ်ဝင်စားမှု လျော့နည်းသွားသည်မှာ သာမန်ဖြစ်သည်။ ထို့အပြင် မြောင်မိသားစုအနေဖြင့် လမ်းကြောင်းပြောင်းကာ အခြားသူများအား ရောင်းချခြင်းလည်းမပြုနိုင်တော့ပေ။ သူတို့ သာ့ဟယ်စားသောက်ဆိုင်ကို ဆန့်ကျင်မိလိမ့်မည်​ဖြစ်ရုံသာမက၊ လူအများစုမြည်းစမ်းပြီးပြီဖြစ်သည့်အတွက် ဟင်းလျာက ယခင်ကဲ့သို့ လူကြိုက်များ​တော့မည်မဟုတ်ပေ။

ထိုသို့ဖြင့် နှစ်ဘက်စလုံးက သဘောတူညီခဲ့​ကြသည်။ နာရီအနည်းငယ်အကြာတွင် ၎င်းတို့သည် အပေးအယူဈေးနှုန်းကို ညှိနှိုင်းခဲ့သည်။ပီတီပြုံးဖြင့် ကျန့်ကွမ်စန်းက ပြုံးပြုံးရွှင်ရွှင်နှင့် နှစ်ယောက်လုံးကို အဆောက်အဦးထဲမှ အပြင်လိုက်ပို့လိုက်သည်။

ထိုအချိန်တွင် ရွာသို့ ပြန်လာနေရင်း တိတ်တိတ်ဆိတ်ဆိတ်ရှိနေခဲ့သော မင်ချွင်းက မကြည်မသာဖြင့်ဆိုလေသည်။

"ကျွန်​တော့်ကို ရိုးရိုးသားသားပြော...ပဲနို့ကို ရေနဲ့ရောပစ်လိုက်တာလား...မဟုတ်ရင် ကောင်းကောင်းမွန်မွန် ချက်ပြုတ်ထားတဲ့ တို့ဟူး​နှောင်းကို စားရင် မ​ကျေနပ်စရာ ဖြစ်လာမှာ မဟုတ်ဘူး"

ဆားမှာယူခြင်းနှင့် ဆားရည်ပြင်ဆင်ခြင်းအတွက် သူတစ်ဦးတည်းကသာ တာဝန်ယူထားသည်။ သူက သူ့ကိုကူညီရန် သို့မဟုတ် သူ့အတွက် လုပ်ပေးရန် အခြားသူများကို ဘယ်တော့မှ အားကိုးမည်မဟုတ်ပါချေ။ ဤသည်က သူ၏ တစ်ဦးတည်းသော အ​ပေးအယူချစ်ပ်ပါပင်။ ရလဒ်အနေဖြင့် သူ့မှာ ပဲနို့လုပ်ရန် လုံလောက်သည့် စွမ်းအင်မရှိသလောက်ပါပင်။ယခုက လုပ်ငန်းက ကျဆင်းလာပြီး အရည်အသွေးတွေ ဆုတ်ယုတ်လာသည့်အခါ မင်ချွင်း၏ အဓိက သံသယက အလုပ်ရုံက ပဲနို့ကို ရေနှင့်ရောပစ်လိုက်ခြင်းပင်။

မြောင်ယွမ်၏မျက်နှာက ရှက်ကိုးရှက်ကန်းဖြင့် တစ်ဖက်လှည့်ထသွားသော်လည်း တစစ်ဖက်သူကို နှစ်သိမ့်ပေးဆဲဖြစ်သည်။

"ငါပြန်​​​ရောက်တာနဲ့ ဒီကိစ္စကို စုံစမ်းလိုက်ပါ့မယ်...​ရှောင်ချွင်း ဒါတွေအားလုံးက မင်းရဲ့ကြိုးစားအားထုတ်မှုဆိုတာ ကိုယ်သိပါတယ်၊ ဒါကြောင့် မင်းစိတ်ဆိုးတာဖြစ်သင့်ပါတယ်... နောင်ကျရင် ငါပဲ စကားပြောတာ အကောင်းဆုံးပဲ... မင်းက နဂိုကတည်းက ကောလေ... လူတွေက ဓလေ့ထုံးတမ်းတွေကို အမြဲတမ်း တင်းကြပ်ထားကြတာ.... မင်းကို ထိခိုက်မှာကို ငါကြောက်တယ်...ဟုတ်​ပြီလား"

ယခုပင်လျှင် မြောင်ယွမ်၏ ချောမောသော မျက်နှာက သူ့ဘေးတွင် ရပ်နေသော မင်ချွင်းကို ငုံ့ကြည့်လိုက်သောအခါ နူးညံ့သိမ်မွေ့သော အမူအရာမျိုး အမြဲရှိနေသည်။ တစ်ဖက်လူ၏ နွေးထွေးသော မျက်နှာကို မြင်လိုက်ရသောအခါ မင်ချွင်း၏ ဒေါသ အနည်းငယ် လျော့ပါးသွားသည်။

ဘယ်သူက သူ့ကို ကံဆိုးစေခဲ့တာလဲ

.. ဤခြားနားသောကမ္ဘာသို့ သူရောက်ရှိသည်နှင့်တပြိုင်နက် နှင်းမုန်တိုင်းတိုက်ခတ်မှုကြောင့် သူနှင့် သူ၏မိသားစုမှာ ငတ်မွတ်ခေါင်းပါးပြီး အိုးမဲ့အိမ်မဲ့ဖြစ်ခဲ့ရသည်။မင်ချွင်း ဆွေမျိုးများထံမှ အကူအညီရယူရန် ဤခန္ဓာပိုင်ရှင်၏မိခင်ကို မြောင်ကျားရွာသို့ လိုက်ပို့ခဲ့ပြီး လမ်းတစ်လျှောက်တွင် ကံဆိုးမှုများစွာကို ကြုံတွေ့ခဲ့ရသည်။ ၎င်းတို့၏အားနည်းသောအခြေအနေတွင်၊ ၎င်းတို့သည် ဖြောင့်ဖြောင့်တန်းတန်းမလျှောက်နိုင်ရုံမျှမက ဖြတ်လမ်း လမ်းကြမ်းများကို အားကိုးခဲ့ရသည်။ ထို့အပြင်၊ သူကူးပြောင်းလာသော ခန္ဓာကိုယ်၏မိခင်သည် သူ့အား မှီခိုရန် လက်ထပ်​ပေးရန် စီစဉ်နေပုံရသည်။ သားတစ်ယောက်အနေဖြင့် သူ သည်းမခံနိုင်​ပေ။ ရလဒ်အနေနှင့် သူထွက်ပြေးခဲ့ကာ ပို၍ပင် မရေရာသော ကောတစ်ယောက် ဖြစ်လာခဲ့သည်။ 

မြောင်ယွမ်က သူရှာဖွေနိုင်သည့် အရည်အချင်းအရှိဆုံး ကိုယ်စားလှယ်လောင်း ဖြစ်နေပြီဖြစ်သည်။မြောင်ယွမ်က ဆွဲဆောင်မှုရှိရုံသာမက မင်ချွင်း နှစ်သက်သည့်ပုံစံလည်းဖြစ်သည်။ ထို့အပြင် မကြာသေးမီကပင် တက္ကသိုလ် စာမေးပွဲကို အောင်မြင်ခဲ့ပြီး ပညာရပ်ဆိုင်ရာ နာမည်ကောင်းတစ်ခု ရရှိခဲ့သည်။ လူလတ်တန်းစား ကျေးလက်တောရွာများကြားတွင် သူလက်ခံနိုင်သော တစ်ဦးတည်းသော သူဖြစ်ကြောင်း မင်ချွင်းက ခံစားမိသည်။ အနာဂတ်တွင် ပိုမိုကောင်းမွန်သော ဘဝအိပ်မက်ကို အကောင်အထည်ဖော်ရန် လွန်ကဲသော စီမံချက်များ ချမှတ်ရမည်ဆိုလျှင်ပင် ထိုလူကို သူ့အပိုင်ဖြစ်အောင် လုပ်ရန် ဆန္ဒ ပြင်းပြခဲ့သည်။သူ့ကို နာခံသည်ဖြစ်စေ ၊မနာခံသည်ဖြစ်စေ  ရှေး​ခေတ်လူတစ်ယောက်ကို သူ၏နည်းလမ်းများကို အသုံးပြု၍ သူ၏ထိန်းချုပ်မှုအောက်တွင် မထားနိုင်ဟု တစ်ခါမျှ မထင်ခဲ့ပေ။

ထိုစိတ်ထဲတွင် ထိုသို့တွေးကာ မင်ချွင်း တင်းမာသောအမူအရာကို လျှော့လိုက်ပြီး သူ့အသံကို ပျော့ပျောင်းစေခဲ့သည်။ "ယွမ်ကော ကျွန်တော်လည်း စိတ်မရှည်ဘူးဖြစ်သွားတယ်... တိုဟူး​နှောင်းလုပ်ငန်းမှာ အမှားအယွင်းတွေ ကြုံလာရရင် အလုပ်ရုံဆွေးနွေးပွဲပြီးရင် ပြင်ဆင်ဖို့ ခက်လိမ့်မယ်"

ဤအခိုက်အတန့်မှာ မြောင်ယွမ်ကစိတ်ထဲ၌ ခန့်မှန်းထားပြီးသားဖြစ်၏။ သူ့အမေကလွဲရင် ဘယ်သူက တာဝန်ယူပြီး ခိုနိုင်မှာလဲ... 

"အရမ်းကြီး စိတ်ပူနေစရာမလိုပါဘူး...အခုတလော ရိတ်သိမ်းပြီးတဲ့ ပဲပိစပ်အရေအတွက် မလုံလောက်မှာကို စိုးရိမ်တဲ့အတွက် အလုပ်ရုံက ဒီဆုံးဖြတ်ချက်ကို နောက်ဆုံးနည်းလမ်းအဖြစ် ဆုံးဖြတ်လိုက်တာဖြစ်မယ်ထင်တယ်... အခု ရွာလူကြီးက ငါတို့ကို မေတ္တာရပ်ခံထားတာရှိတဲ့အတွက် ပဲပိစပ်အလျှံအပယ် ရိတ်သိမ်းနိုင်ဖွယ်ရှိတယ်... ဒီလိုပြဿနာမျိုး နောင်ဘယ်တော့မှ ဖြစ်လာမှာ မဟုတ်ပါဘူး"

ထိုစကားကိုကြားသောအခါ မင်ချွင်း၏နှုတ်ခမ်းထောင့်များ တွန့်​ကွေး​သွားကာ သူ့လက်ခံကြောင်းပြလေသည်။ ထိုအချိန်တွင် မြောင်ယွမ် သူ့ကိုကြည့်ရင်း မှင်သက်သွားသည်။ 

ဟယ်...ဟယ်ကောအာ၊ သူနှင့် အတူရှိခဲ့ဖူးသည့် ဟယ်ကောအာက တောက်ပပြီး လှပသည့် အပြုံးကို အမြဲပိုင်ဆိုင်ထားပြီး ထင်းနေသော ပါးချိုင့်လေးဖြင့် သူ့အပြုံးလေးကို ပို၍ပင် ချိုမြိန်စေလေသည်။ဟယ်ကောအာကို အရင်တစ်ခေါက်တွေ့လိုက်ရတုန်းက ပိုလင်းလက်တောက်ပပြီးပိုနှစ်သက်စဖွယ်ကောင်းလာသည်။၎င်းကို လက်ရှိ မင်ချွင်း၏ မလင်းလက်မတောက်ပသော ထိုင်းထိုင်းမှိုင်းမှိုင်းအသွင်အပြင်ဖြင့် အစားထိုးလိုက်ရာ မြောင်ယွမ် သူ့စိတ်ထဲတွင် နောင်တရမှု အနည်းငယ်တို့ ဖုံးလွှမ်းသွားခဲ့သည်။

ဒါပေမဲ့ အခု မိသားစုကကောင်းကောင်းနေကောင်းကောင်းစားရပြီး ဝင်ငွေတွေ အများကြီးရနိုင်တော့ တခြားဘာတွေ တမ်းတနေရဦးမှာလဲ...

ထိုကံကြမ္မာငင်သည့်ည... မြောင်ယွမ် မင်ချွင်း၏ ဟင်းချက်နည်းတွေကြောင့် ထိုကံကြမ္မာငင်သည့်ညကစ၍ သူ့အတန်းဖော်တွေနှင့်လူမှုဆက်ဆံရေးအတွက်နှင့် သူ့ပညာရေးအတွက် ငွေကြေးအတွက် စိတ်ပူစရာမလိုတော့ပေ။ခရိုင်အဆင့် အင်ပါယာစာမေးပွဲကို ဖြေဆိုပြီးနောက် ရှို့​ချိုက်ဖြစ်လာခြင်းဖြင့် ထိပ်ဆုံးသို့တက်ရန် သူကတိပြုခဲ့သည်။ ထို့နောက် သူသည် တရားဝင် ရာထူး​နေရာတစ်ခုရလာပြီး မြောင်​ဝေ့ကို သူ့ခြေဖဝါးအောက်မှာ နင်းချေမှုန်းပစ်မည်။ အမှန်မှာ၊ ထိုအရာများသည် သူ သူ့မိခင်ရှေ့တွင် နာကျင်စွာ ထုတ်ဖော်ခဲ့သော တစ်ခုတည်းသော အကြောင်းအရင်းများ မဟုတ်ပေ။

သို့သော် တစ်ခုလိုချင်လျှင်တစ်ခုကိုလက်လျော့ရသည်။

သူ အောင်မြင်သောဘဝတစ်ခုကို ရရှိနေသရွေ့ အတိတ်က သူ့အတွက် အကောင်းဆုံးကိုသာ လိုချင်ခဲ့သော ဟယ်ကောအာသည် သူ၏ဆုံးဖြတ်ချက်ကို နောက်ဆုံးတွင် နားလည်လာလိမ့်မည်ဖြစ်ကြောင်း မြောင်ယွမ် အမှန်တကယ် ယုံကြည်သည်။

မြောင်ယွမ်က မင်ချွင်းကို စိတ်ရှည်လက်ရှည် ပြုံးပြလိုက်သည်။

"ကိုယ် မင်းအပေါ်မှာမတရားခဲ့ဘူး...ကိုယ် ရှို့ချိုက်ဖြစ်လာတာနဲ့ မင်းအမေဆီမှာ အမြန်ဆုံး လက်ထပ်ခွင့်လာတောင်းလှည့်မယ်...ကိုယ့်အဖိုးကလည်း သဘောတူထားပြီးသားပါ"

မင်ချွင်းက ရှက်ရွံ့ဟန်ဖြင့် ခေါင်းငုံ့လိုက်ပြီး သူ့ခါးကိုရစ်ပတ်လာသည့်တစ်ဖက်လူကို သူ့လက်နှင့်ထိလိုက်သည်။

"ခင်ဗျား အဆင်ပြေမယ်ဆိုတာ ကျွန်​တော်ယုံပါတယ် ယွမ်ကော"