MM Story Teller

Chapter 41

Viewers 6k

🧝Chapter 41

"ဟေ့ မင်းတို့ရွာက တိုဟူးအလုပ်ရုံက သာ့ဟယ်စားသောက်ဆိုင်မှာ နှစ်မြုပ်ထားပေမဲ့ ငါတို့ရဲ့ ဖောက်သည်တွေက သူတို့ဖောက်သည်တွေနဲ့ မတူဘူး...ပြီးတော့ ဖောက်သည်အတွက်လည်း ဘာအပြိုင်အဆိုင်မှ မရှိဘူး...ဟယ်ကောအာ အဲဒါကို သိပ်ပြီး တွေးမနေပါနဲ့... ထားလိုက်ပါ... ရှိခဲ့ရင်တောင် တရားမျှတတဲ့ ပြိုင်ဆိုင်မှု မဟုတ်ဘူးလား... ငါတို့ရဲ့စျေးနှုန်းက သာ့ဟယ်စားသောက်ဆိုင်ထက် ပိုကောင်းမယ်ဆိုတာ ငါသေချာပါတယ်"

သို့သော် ခေါင်းထဲတွင် အတွေးများ တဒွီဒွီဝင်နေပြီဖြစ်သော မြောင်ဟယ်နားထဲသို့ မည်သည့်အရာမှ မဝင်ခဲ့ပါချေ။သူတို့ မည်သို့မည်ပုံ လက်ဖက်ရည်ဆိုင်မှ ထွက်လာခဲ့သည်ကိုလည်း သူမသိလိုက်ပေ။

သူနှင့် ရန်သာ့လန် မြို့အဝင်ဝနားရောက်သည့်အခါ မြောင်ဟယ်လမ်းလျှောက်နေသူကိုတားပြီး မေးလိုက်သည်။

"ခင်ဗျားအမဲလိုက်တဲ့အခါ မီးအိတ်နဲ့တူတဲ့ယမ်းမှုန့်သုံးတာ သတိထားမိတယ်...ယမ်းစိမ်းဆိုတာ ကြားဖူးလား"

ရေခဲဆိုသည့် အတွေးက မြောင်ဟယ်၏ နှလုံးခုန်နှုန်းကို မြန်လာစေသည်။

ယခုဆိုလျှင် နွေရာသီက အထွတ်အထိပ်သို့ ရောက်နေပြီဖြစ်ကာ နေ့တိုင်း ပူပြင်းလှပြီး အေးအေးလူလူနေနိုင်မည့် တစ်ခုတည်းသော နည်းလမ်းမှာ စမ်းချောင်းတွင် ရေချိုးခြင်း ဖြစ်သည်။ အအေးခံထားသည့် သစ်သီးဖျော်ရည်တွေနှင့် အေးခဲထားသည့် အချိုထုတ်ကုန်တွေကို ထုတ်လုပ်နိုင်ပေမဲ့ အများသူငှာနှင့် ဝေးရာမှာ သိမ်းထားရမည်ဆိုလျှင် မြောင်ဟယ်က စိတ်ပျက်မိပါလိမ့်မည်။

လူသိရှင်ကြားပြသလိုပါက လုံခြုံရေးအတွက် ခိုင်မာသောကျောထောက်နောက်ခံရှိရပါမည်။ လက်ဖက်ရည်ဆိုင်၏နောက်ကွယ်က သခင်က သင့်လျော်သည့် ကိုယ်စားလှယ်လောင်း မဟုတ်ပါလော။ ထို့အပြင်၊ တို့ဟူးနှောင်း၏နောက်ကွယ်မှလူသည် အချိန်ခရီးသွားသူဖြစ်ပါက ထိုသူက ၎င်းကို မှတ်မိပြီး ၎င်းတို့ကိုယ်တိုင် အနှေးနှင့်အမြန် ထုတ်ဖော်ကြမည်ဖြစ်သည်။ပြတ်ပြတ်သားသား လုယူခြင်းသည် ပိုကောင်းမည်မဟုတ်ပေလော။ဥပဒေသတ်မှတ်ချက်ဘောင်ကျဥ်းကျဥ်းလေးအတွင်းမှ လုယူခြင်းမဟုတ်ဘဲ ပေါက်ဖွားလာသောအခွင့်အရေးကို ဦးစွာရယူပြီး ထိုလူထက် ငွေပိုရအောင်လုပ်ခြင်းကပိုကောင်မည်မဟုတ်ပါလော။ထိုလူက မြောင်ကျွယ်၏အိမ်တွင် ပုန်းနေပုံရသည်က ပြောစရာပင်မလိုပေ။

'ဒါပေမဲ့ ဒါက မထင်မှတ်ဘဲ အာရုံစိုက်ခံရပြီး ရှီရန်ကို အနှေးနဲ့အမြန် ဖော်ထုတ်ခံလိုက်ရရင် ဘယ်လိုလုပ်မလဲ... လက်ဖက်ရည်ဆိုင်က တကယ် ယုံကြည်မှုနဲ့ ထိုက်တန်ရဲ့လား'

'ဒါ့အပြင် ငါ လက်ဖက်ရည်ဆိုင်ပေါ်မှာ ချစ်ပ်တွေအများကြီး လောင်းမိနေပုံရတယ်... ဒါကအဆင်ပြေရဲ့လား'

သူ့စိတ်ထဲတွင် အတွေးများ တရွေ့ရွေ့ လွင့်မျောနေကာ နောင်ဆုံးတွင် မြောင်ဟယ် မနေနိုင်ဘဲ အရာအားလုံးကို ရန်သာ့လန်ကိုပြောပြလိုက်သည်။ ဆိုရိုးစကားအတိုင်း ခေါင်းနှစ်လုံးက တစ်လုံးတည်းထက် အမြဲပိုကောင်းသည်။ရန်သာ့လန် အရာအားလုံးကို ကြားလိုက်သောအခါတွင် သူငယ်အိမ်များက သူ့မျက်ဝန်းများကို သိမ်းပိုက်လုနီးပါး ကျယ်သွားကြကာ ရှုပ်ထွေးသော ခံစားချက်များခိုအောင်း၍နေ၏။

ယင်းကဘာလဲဆိုသည်ကို မှန်းဆထားပြီးသား မြောင်ဟယ်ကအကြောင်းပြချက်ပေးရန် ခက်ခက်ခဲခဲကြိုးစားလိုက်သည်။

"ဟေး ကျွန်တော်က နတ်သားမဟုတ်ဘူးနော်...ကျွန်တော်က အဲဒါကိုကြုံကြိုက်ပြီးသိနေရုံတင်"

မေးခွန်းတွေထုတ်မည့်အစား ရန့်သာလန်က သူ့ကိုမလှုပ်သာအောင်ချုပ်၍ ဖက်ထားပြီး နမ်းပစ်လိုက်သည်။

ထိုသို့ဖြင့် ရေခဲ စိတ်ကူးတွေ အားလုံး အရည်ပျော်သွားသည်။

မြောင်ဟယ် တစ်ကိုယ်လုံး ပူလောင်သွားပြီး သူ့ခန္ဓာကိုယ်က ပူနွေးကာအစစ်အမှန်တည်ရှိပြီး ရန်သာ့လန်၏ဘေးကနေ ထွက်မပြေးနိုင်ကြောင်းနှင့် သူကရန်သာ့လန်၏ကောဖြစ်ကြောင်း ခန္ဓာကိုယ်ဖြင့်အကြိမ်ကြိမ် သက်သေပြခဲ့ရသည်။

____

ရက်အနည်းငယ်ကြာပြီးနောက် မြောင်ဟယ် နှင့် ရန်သာ့လန် ပဲတီစိမ်းကိတ်မုန့်များ ပေးပို့ရန် လက်ဖက်ရည်ဆိုင်သို့ သွားခဲ့သည်။

ဆိုင်ရှင်ကျင်း နှစ်ယောက်သား စောင့်ဆိုင်းနေသည့် တောင်ပံခန်းထဲသို့ ဝင်သွားသော်လည်း စက္ကန့်အနည်းငယ်အကြာတွင် သူက အလျင်စလိုပြေးထွက်လာခဲ့သည်။ ပြီးလျှင် သူက အထဲက လူနှစ်ယောက်ကို ကောင်းကောင်းဧည့်ခံရန်နှင့်မှာသမျှချပေးလိုက်ရန် စားပွဲထိုးကို ပြောပြီး သူပြန်လာသည်ကိုစောင့်ခိုင်းထားသည်။

ဆိုင်ရှင်ကျင်း တစ်ခုခုကို မေ့နေ၍ အလျင်အမြန်သွားယူခြင်းဖြစ်မည်ဟု ထင်ပြီး စားပွဲထိုးက တုံ့ပြန်လိုက်သည်။ သို့သော် သူစဉ်းစားမရခဲ့သည့်အချက်မှာ ဆိုင်ရှင်ကျင်းက တစ်စုံတစ်ဦးအား ရထားလုံးပြင်ဆင်ခိုင်းပြီး မြင်းများကို အရှိန်ပြင်းပြင်းမောင်းနှင်ကာ ခရိုင်ရုံးဆီသို့ အမြန်သွားခိုင်းခြင်းပင်ဖြစ်၏။

အသွားအပြန် ၄ နာရီကို၂နာရီပဲကြာခဲ့သည်။ဆိုင်ရှင်အပြင်၊ရထားလုံးပေါ်မှ အခြားလူတစ်ဦး ထွက်လာခဲ့သည်–ယင်းက တစ်နှစ်လျှင် အကြိမ်အနည်းငယ်သာ လာရောက်လည်ပတ်သည့် သခင်ချွီလောင်ဖြစ်နေ၏။

လက်ဖက်ရည်ဆိုင်တစ်ခုလုံးရှိ အာရုံကြောများ ချက်ချင်း တင်းမာလာသည်။ အသက်ရှုသံတွေက လည်ချောင်းထဲ တိုးဝင်လာသည်။ချွီလောင်၏ ပြင်းထန်သော သတိပေးချက်သည် လူတိုင်း၏စိတ်ထဲတွင် လတ်လတ်ဆတ်ဆတ်ရှိနေဆဲဖြစ်သည်။သူက မီးဖိုချောင်ဝန်ထမ်းများကို ငေါက်ရုံသာမကာ စားပွဲထိုးကနေ တံခါးစောင့်အထိသူတို့လုပ်သမျှအရာအကုန်လုံးကို ဆီလိုအပေါ်က်ရှာပြီးအပြစ်ပြောသည်။လူတိုင်းက

မိမိတို့လက်ဘက်ရည်ဆိုင်ကအကောင်းဆုံးဟုထင်ကြပေမဲ့ သူ့ပါးစပ်ထဲရောက်သည့်အခါ လမ်းဘေးခေါက်ဆွဲဆိုင်နီးနီးဖြစ်သွား၏။

သူဌေးထပ်ရောက်လာပြန်ပြီ... ဘာဖြစ်ပြန်ပြီလဲ ...

ချွီလောင်ကို ရန်သာ့လန်တို့အခန်းထဲသို့ ခေါ်ဆောင်သွားသည်ကို လူတိုင်းက ကြောက်လန့်တကြားကြည့်နေမိကြသည်။ ၎င်းနောက် တစ်ယောက်မှ လက်ဖက်ရည်ပင်သွားမချကြပေ။တံခါးအပြင်ဘက်ရှိလူများသည် ခဏပြီးခဏ ပိတ်ထားသောတံခါးနားမှာခေါင်းပြူကာ စိုးရိမ်တကြီး မေးကြသည်။

"တကယ် လက်ဖက်ရည်ချပေးဖို့မလိုဘူးလား"

လျစ်လျူရှုလို့ဆိုပြီး အငေါက်ခံရတော့မှာလား... စောစောက ပို့လိုက်တဲ့ အစားအသောက်ကလည်း ပြဿနာမရှိပါဘူးနော် ဟုတ်တယ်မလား...

တစ်နာရီလောက်ကြာသောအခါ တံခါးပွင့်လာလေသည်။

အမြဲတင်းမာသောအမူအရာရှိသော ချွီလောင်က သူ၏ပြုံးနေသောမျက်နှာဖြင့် လူတိုင်းကို ထိတ်လန့်စေခဲ့သည်။ သူက သူကရယ်ကာမောကာ အရပ်မြင့်မြင့်လူတစ်ယောက်၏ ပခုံးကိုပုတ်ကာ ဟာသလုပ်နေသည်။ ချောမောလှပသည့် ဗိုင်းကောင်းကျောက်ဖိ ကောတစ်ယောက်က မကြာမီ သူ့နောက်ကနေ ပါလာသည်။သူတို့ကစောစောက အခန်းထဲကို အရင်ဝင်သွားတဲ့ ရန်သာ့လန်နဲ့မြောင်ဟယ် မဟုတ်ဘူးလား...သခင်ချွီက လူတွေကို ဂိတ်ပေါက်ထိတောင် ပို့ပေးနေသည်။ဆိုင်ရှင်ကျင်းက သူ့ဘေးကနေ လက်ဖဝါးချင်း ပွတ်သပ်ကာ ပါးစပ်နားရွက်တက်ချိတ်မတတ်ပြုံးနေ၏။

'ငလူး'

လူတိုင်းက တွေးလိုက်မိကြသည်။

သို့သော် သူတို့မသိလိုက်သောအရာကို တိတိကျကျပြောရလျှင် သူတို့ရှေ့ရှိ သူဌေးအသစ်ကြောင့် မကြာမီ သူတို့၏စိတ်ထဲတွင် တုန်လှုပ်သွားပေတော့မည်။

ဟုတ်သည်၊ရန်သာ့လန်က နောက်ဆုံးမှာ ရေခဲလုပ်နည်းကို ငွေနှင့်မဟုတ်ဘဲ လက်ဖက်ရည်ဆိုင်၏ရှယ်ယာတွေနှင့် လဲလှယ်ရန် အသုံးပြုခဲ့သည်။

ယင်းက သူ လက်ဖက်ရည်ဆိုင်၏ ၀င်ငွေအတွက် လိုချင်လောဘကြီးနေသောကြောင့် မဟုတ်ပေ။ရန်သာ့လန်၏ အဖွင့်ရှယ်ယာသည် သုံးပုံအောက်သာ ရှိခဲ့သည်။ တစ်ဝက်ပင်မဟုတ်ပေ။ သူက စံနှုန်းအတိုင်း အစုရှယ်ယာများ ဝယ်ယူရန် ခေါင်းမာနေခဲ့သော်လည်း သူတို့အတွက် အထောက်အပံ့အရင်းအမြစ်နောက်တစ်ခု ရှာရန် ဖြစ်သည်။

မြောင်ဟယ်က သူ့ကို ရေခဲလုပ်နည်းကို ပြောပြပြီးကတည်းက ရန်သာ့လန်၏စိတ်ထဲမှာ အတွေးများစွာ ဝင်လာခဲ့သည်။ ရာသီမရွေး ရေခဲထုတ်လုပ်နိုင်လျှင် မည်မျှကွာခြားမည်ကို သူသိသည်။ လက်ဖက်ရည်ဆိုင်သာမက မြစ်ကြောင်းနှင့် ကုန်းကြောင်းသယ်ယူပို့ဆောင်ရေးတွင်လည်း ပြုပြင်ပြောင်းလဲမှုများ ချမှတ်နိုင်မည်ဖြစ်သည်။

အစောပိုင်းက ဆိုင်ရှင်ကျင်း၏ စကားများသည် သာ့ဟယ်စားသောက်ဆိုင်နှင့် ၎င်းတို့၏ ပြိုင်ဆိုင်မှုကို ဖော်ပြနေခဲ့သည်။ရန်သာ့လန် အစတုန်းက ယင်းက သူတို့နှင့် ဘာမှမဆိုင်ဟု ထင်ခဲ့သည်။အစောပိုင်းက သူအမဲလိုက်ရာတွင်ရရှိသည့် ဈေးကြီးသောအကောင်အားလုံးကို ယန်ရွှေလက်ဖက်ရည်ဆိုင်သို့ရောင်းချခဲ့ပြီး စျေးနည်းသောအကောင်များကို သာ့ဟယ်စားသောက်ဆိုင်သို့ ပို့ဆောင်ခဲ့သည်။တစ်ခါမှ ဘယ်ဟာက ဘယ်သူ့အတွက်ဟု သူတမင်ရည်ရွယ်ပြီး မခွဲခြားခဲ့ပေ။ရိုးရိုးရှင်းရှင်း သည်အတိုင်းလုပ်ခဲ့သည်။

သို့သော်လည်း သူ၏ဘက်လိုက်သော ရည်ရွယ်ချက်ကြောင့် ပဲပိစပ်ကို အသုံးချအောင် ရွာလူကြီးကို အလုပ်ရုံက ဘာအကျိုးအမြတ်တွေ ကတိပေးထားလဲ သူမသိပေ။နောင်တွင်၊ အခြားသူများက သူတို့ လက်ဖက်ရည်ဆိုင်သို့ ဟင်းသီးဟင်းရွက်များ ပို့နေခြင်းအကြောင်း သိသွားပါက ယင်းသည် အလုပ်ရုံနှင့် ဆန့်ကျင်ဘက်တွင် ရပ်နေခြင်းနှင့် ညီမျှလေသည်။

ရွာလူကြီးက သူတို့ကို တားရန် ဘယ်အကြောင်းပြချက်ကိုသုံးလိမ့်မည်ဆိုသည်ကို ဘုရားသခင်သာလျှင် သိတော်မူလိမ့်မည်။

ပြီးလျှင် ဤကိစ္စသည် ဘာနိမိတ်လက္ခဏာမှမရှိသည်မျိုးမဟုတ်ပေ။

အရင်တစ်ခေါက် သူတို့ လက်ဖက်ရည်ဆိုင်မှ ထွက်လာသောအခါ၊မြောင်ဟယ်က သူ့ပတ်ဝန်းကျင်ကို ဂရုမစိုက်ဘဲ တချိန်လုံး စိတ်ပျက်နေပုံဖြစ်နေခဲ့သည်။သို့သော် ရန်သာ့လန်က လမ်းထောင့်တွင် ရပ်နေသော မြောင်လျန်ကို တွေ့လိုက်သည်။ သူက သူတို့ကို သံသယစိတ်ဖြင့် စူးစူးစိုက်စိုက်ကြည့်နေသည်။

မြောင်လျန်ရဲ့ အဖေ မြောင်လီက အရင်က သူတို့မြေကို လိုချင်ခဲ့တာ မဟုတ်ဘူးလား... ဒီတော့ သူနောက်ယောင်ခံလိုက်နေတာက လူတွေကို တစ်ခုခု မတွေးအောင် ဘယ်လိုလုပ်နိုင်မှာလဲ...

သည်နေ့ သူတို့ထွက်လာသည်အခါ၌ပင် ရန်သာ့လန် သူတို့ကို ဘယ်သူက နောက်ယောင်ခံလိုက်နေလဲဆိုပြီး အထူးတလည် အာရုံစိုက်ခဲ့သည်။

သို့ပေမဲ့ ရန်သာ့လန် ဤအကြောင်းကို မြောင်ဟယ်နှင့် အသေးစိတ် မပြောခဲ့ပါချေ။သူလုပ်ရမှာက တစ်ဖက်လူ(မြောင်ဟယ်) အန္တရာယ်မရှိကြောင်းသေချာစေရန်သာဖြစ်၏။

ထို့ကြောင့် သူတို့ကို ရောင်းသူ၏အဖွင့်စျေးနှုန်းအကြောင်းမေးသောအခါ၊ လောဘကြီးသူဟု ထင်မြင်ခံရပါစေဦး ရန်သာ့လန် လက်ဖက်ရည်ဆိုင်၏ရှယ်ယာများနှင့် လဲလှယ်ရမည်ဟု အခိုင်အမာပြောဆိုခဲ့သည်။ ဆိုင်ရှင်ကျင်းက သူ၏သူဌေးကို သွားခေါ်ရန် မိုင်ထောင်ပေါင်းများစွာ(တင်စား) ခရီးနှင်ခဲ့သည်။ ထိုအချိန်တွင်၊ မြောင်ဟယ်က စိုးရိမ်မှုအပြည့်ဖြင့် ရန်သာ့လန်ကိုကြည့်ကာ "ဒါကအဆင်ပြေရဲ့လား" ဟု တိုးတိုးလေးမေးသည်။

ရန်သာ့လန် သူ့ကို ဖြည်းညှင်းစွာ ကြည့်လိုက်သည်။ ကောလေးက စိတ်နှလုံးနူးညံ့သိမ်မွေ့မှန်း သူသိသည်။ သူ့နှလုံးသားက လောဘမကြီးပေ။

သို့သော် လက်ရှိအချိန်တွင် ရန်သာ့လန် ကောလေးက အလွန်ကိုမှ သူများနှင့်မတူတမူထူးမှန် သဘောပေါက်သွားသည်။ အမဲလိုက်ခြင်းကဲ့သို့ မိမိကျွမ်းကျင်သော အရာကိုသာ လုပ်ခဲ့လျှင် သူကောလေးကို အမှန်တကယ်ကာကွယ်နိုင် ဂရုစိုက်နိုင်မှာမဟုတ်ပေ။ သူ ပြောင်းလဲရမည်ဖြစ်သည်။ယင်းက သူလုပ်သင့်သည့်အရာဖြစ်၏။

အဆုံးစွန်အားဖြင့်၊ နောက်ဆုံးညှိနှိုင်းထားသောစျေးနှုန်းသည် ရန်သာ့လန်၏စိတ်ထဲတွင်ရှိထားသည်ထက် ပိုကောင်းခဲ့သည်။

ချွီလောင်က ရှယ်ယာများ၏ 10% ကို တိုက်ရိုက်ပေးရန် ဆန္ဒရှိနေသည်။

အလေးချိန်များစွာသော ရေခဲများကို လွတ်လပ်စွာထုတ်လုပ်နိုင်ခြင်းက အရေးကြီးသည်။ဤခေတ်တွင် ယမ်းစိမ်းကို ယမ်းမှုန့်ဟု သတ်မှတ်ထားကြသည်။ အများအားဖြင့်၊ သာမန်လူများသည် လုပ်ငန်းမလည်ပတ်မီ အစပိုင်းတွင် မှတ်ပုံတင်ခြင်းနှင့်ထိန်းချုပ်ကြီးကြပ်ခြင်း ခံရနိုင်ဖွယ်သော်လည်း ချွီလောင်အတွက် ပြဿနာမဟုတ်ပေ။ ထို့အပြင် သူ၏လူများသည် လက်ဖက်ရည်ဆိုင်၏ ၀င်ငွေအပေါ်တွင်သာ အားကိုးကြသည်မဟုတ်ပေ။ သူ့မိသားစုသည် နေရာအသီးသီးတွင် စီးပွားရေးလုပ်ငန်းများစွာကို ကြီးကြပ်နေသည်။ သူ့အိမ်တံခါးဝမှာ အနှီဝှက်ဖဲရှိနေပါက ၎င်းကထိုက်တန်သည်ဟု ချွီလောင်ခံစားရသည်။

မျိုးရိုးမြင့်များက ရေခဲဝယ်ရန် ခက်ခက်ခဲခဲကြိုးစားနေကြပြီး တောက်လျှောက် စွမ်းအင်ထောက်ပံ့မှု လိုအပ်ကြောင်း သိထားရန် အရေးကြီးပေသည်။ထိုတစ်ခုတည်းဖြင့် အဆက်အသွယ်ကွန်ရက်ချိတ်ဆက်ခြင်းဖြင့် လုပ်ငန်းကို အဆပေါင်းများစွာ ချဲ့ထွင်နိုင်သည်။

၎င်းကိုတွေးပြီး ချွီလောင်ပင် မရယ်ဘဲမနေနိုင်။ ထို့အပြင်၊ လူငယ်နှစ်ဦးနှင့် ဆွေးနွေးပြီးနောက်၊ သူတို့က ငွေမက်လွန်းသူများမဟုတ်ကြောင်း ဆုံးဖြတ်နိုင်သည်။ဘဏ္ဍာထိန်း(ဆိုင်ရှင်)ကျင်းထံမှ အစုရှယ်ယာများ တောင်းခံမှုက ၎င်းတို့တွင် အခြားအခက်အခဲများရှိခြင်းကြောင်သာဖြစ်ရမည်။ အထင်အမြင်ကောင်းကို အမှီပြုပြီး ချွီလောင်လည်း အေးခဲထားသည့် ပဲတီစိမ်းကိတ်ကိုစားခဲ့သည်။

"ဒီကိတ်မုန့်က ဟင်းသီးဟင်းရွက်တွေထက် ပိုကောင်းတယ်...နောင်ကျ ခရိုင်ရုံးကို ပို့ပေး...ရေခဲပုံးထဲ ထည့်ပေးလိုက်"

ဤစကားများသည် ရဲရင့်လွန်းသောကြောင့် ဆိုင်ရှင်ကျင်း ၎င်းတို့ကို ကြားလိုက်ရသည့်အတွက် ဂုဏ်ယူမိလေသည်။

ထို့နောက် ဆိုင်ရှင်ကျင်း အစိုးရရုံးသို့ လိုက်ပါသွားကာ ချုပ်ဆိုထားသော စာချုပ်ကို စာရေးထံ တင်ပြခဲ့သည်။ နှစ်ဘက်ဆွေးနွေးခဲ့သည်က ယခု တရားဝင်သွားပြီး သေချာသွားပြီဟုယူဆရနိုင်ပြီဖြစ်သည်။၎င်းပေါ်မှာ ကတိပျက်ရန်နေရာမရှိပေ။

"အိုင်း မကြာခင်မှာ အိမ်သစ်ဆောက်မယ် လို့ ဟယ်ကောအာ ပြောတာကို ငါကြားမိတယ်....မှန်သလား...မင်းမှာ ပိုက်ဆံမလောက်ရင် ငါမင်းကို ကြိုပြီး ပိုက်ဆံချေးလို့ရတယ်နော်"

မြောင်ဟယ်က သူ့လက်ကို ဝှေ့ယမ်းလိုက်သည်။

"မလိုပါဘူး...ကျွန်တော်တို့မှာ ငွေအလုံအလောက်ရှိပါတယ်... လက်ဖက်ရည်ဆိုင်ရဲ့ လုပ်ထုံးလုပ်နည်းအတိုင်းပဲ သွားကြတာပေါ့"

ဆိုင်ရှင်ကျင်းက ပြုံးပြီးအကြံပြုလေသည်။

"ဟယ်ကောအာ မင်း ယဉ်ကျေးနေစရာမလိုပါဘူး...အိမ်အသစ်ဆောက်မှတော့ ရေရှည်နေထိုင်ဖို့ ပိုကောင်းပြီး ပိုသန်မာတဲ့ အိမ်တစ်လုံးကို ဆောက်ရမယ်လေ... မင်းတို့နှစ်ယောက်က အခု ငါတို့လက်ဖက်ရည်ဆိုင်ရဲ့ သူဌေးလေးတွေဖြစ်နေပြီ... အနာဂတ်မှာ မင်းတို့မှာ ငွေအများကြီးရှိလာမှာ အသေအချာပဲ... အခုတော့ ပိုက်ဆံနည်းနည်းလောက်ပုံအောပြီး အပြာရောင်အုတ်ကြွပ်မိုး အိမ်ကြီးကို ဆောက်လိုက်စမ်းပါ... ဒါက သက်တမ်းတိုးဖို့အတွက် အိမ်ကို ဖြိုချပြီး ပြန်ဆောက်တာထက် ပိုလွယ်ပြီး ဖြုန်းတီးရာမကျဘူး"

မြောင်ဟယ်က ရှက်ရွံ့စွာ ပြုံးလိုက်သည်။

"အာ ကျွန်တော်တို့လိုချင်တာက ချင်း အပြာရောင်အုတ်ကြွပ်မိုးအိမ်"

[ETN–ရှေးခေတ်တရုတ်ပြည်ရှိ အိမ်များကို အနီရောင်အုတ်များအစား အပြာရောင် သို့မဟုတ် အနက်ရောင်အုတ်များဖြင့် တည်ဆောက်ကြသည်။တရုတ်နိုင်ငံတွင် အနီရောင်အုတ်ကို ပြုလုပ်ခဲ့သည့်အချိန်မှာ အပြာရောင်အုတ်ကဲ့သို့ပင်ကြာပြီဖြစ်သည်။ထုတ်လုပ်မှုအပိုင်းတွင် အပြာရောင်အုတ်များသည် အနီရောင်အုတ်ပြုလုပ်ရာတွင် မလိုအပ်သော နောက်ထပ်အအေးခံလုပ်ငန်းစဉ်တစ်ခု လိုအပ်ပြီး ၎င်းသည် ရှေးခေတ်တရုတ်ပြည်တွင် ပိုမိုရှုပ်ထွေးသော ထုတ်ကုန်တစ်ခုဖြစ်သည်ဟု ဆိုလိုသည်။ သို့သော်လည်း ဆောက်လုပ်ရေးတွင် အပြာရောင်အုတ်များကို အသုံးပြုခြင်းသည် ၎င်း၏ကြာရှည်ခံမှုနှင့် ပိုမိုကောင်းမွန်သော ရေဒဏ်ခံနိုင်သော ဂုဏ်သတ္တိများကြောင့် ပိုမိုအတွေ့များလေသည်။ အပြာရောင်အုတ်က နွေရာသီတွင် အပူထုတ်ရာ၌လည်း ပိုမိုကောင်းမွန်ပြီး ဆောင်းရာသီတွင် အပူကို ပိုမိုထိန်းထားနိုင်သည်။

ထို့ကြောင့် ၎င်းကို ထိုအချိန်က "အိမ်ကြီးအိမ်ကောင်း"အတွက် ရွှေစံနှုန်းအဖြစ် သတ်မှတ်ခဲ့ပြီး ချင်းကျန်းလျှူ့ဝါ(အပြာရောင်အုတ် အစိမ်းရောင်အုတ်ကြွပ်)ဟူ၍ဖော်ပြကြသည်။

(T/N–အိမ်ကိုအပြာရောင်အုတ်နဲ့ဆောက်ပြီး အမိုးကိုအစိမ်းရောင်အုတ်ကြွပ်နဲ့မိုးတာပါ)]

"အာ... ကွက်တိပဲ...ငါ လက်ဖက်ရည်ဆိုင်ရဲ့ လက်သမားဆရာနဲ့ ရင်းနှီးတယ်...မင်းတို့နှစ်ယောက်ကိုမိတ်ဆက်ပေးရင်ရော"

ဆိုင်ရှင်ကျင်း၏ ကွန်ရက်ချိတ်ဆက်မှုစွမ်းရည်သည် တကယ်ကိုပေါ့သေးသေး မဟုတ်ပေ။

မြောင်ဟယ်၏ မျက်လုံးများ တောက်ပလာပြီး ရန်သာ့လန်နှင့် အကြည့်ချင်းဖလှယ်လိုက်သည်။

ရွာမှာဘယ်သူမှမရှိသဖြင့် ဘယ်ကျွမ်းကျင်အလုပ်သမားကိုရှာရမှန်းမသိဖြစ်နေရာ အပြာရောင်အုတ်ကြွပ်မိုးအိမ်ဆောက်ရန်အတွက် သူတို့ စိတ်ပူနေခဲ့သည်။

"ဆိုင်ရှင်ကျင်းသာ စိတ်မရှိရင် ကျွန်တော် ခင်ဗျားကို ဒုက္ခပေးရပါဦးမယ်"

ဆိုင်ရှင်ကျင်းက အတော်လေးကို မြန်မြန်ဆန်ဆန် လက်တွေ့ လုပ်ခဲ့လေသည်။

နောက်တစ်နေ့တွင် လက်ထဲတွင် ပန်းချီကားအနည်းငယ်ကို လိမ္မာပါးနပ်စွာ ကိုင်လာသည့် လက်သမားလီမင်ကို တင်ဆောင်လာသော ရထားလုံးကြီးတစ်စီးက သူတို့အိမ်သို့ ရောက်ချလာသည်။ ယခုဆိုလျှင် မြောင်ဟယ် နှင့် ရန်သာ့လန်တို့ အိမ်ရွေးချယ်ရန် လုပ်ငန်းစဉ် စတင်ခဲ့ပြီဖြစ်သည်။

အခန်းဖွဲ့ပုံက ခြံဝင်းအိမ် [1] ကို အခြေခံထားသည်။ ပင်မအခန်းကို မြောက်ဘက်၊ အရှေ့တောင်ပံတွင် အိပ်ခန်းများ၊ အနောက်ဘက်တွင် မီးဖိုချောင်နှင့် တောင်ဘက်တွင် စတုရန်းပုံသဏ္ဍာန်ရှိသော ပင်မတံခါးတို့က သိမ်းပိုက်ထားသည်။ အနာဂတ်တွင်၊ တိုးချဲ့မှုပြုလုပ်ရန် အစီအစဉ်ရှိပါက၊ "နေ့ (日)" ပုံစံအတိုင်း ပင်မအခန်းအနောက်ဘက်တွင် အိမ်များ စက်ဝိုင်းပုံဝိုင်းပြီးဆောက်နိုင်မည်ဖြစ်သည်။

လီမင်က တန်ခိုးအာဏာကြီးပြီး ချမ်းသာသော မျိုးရိုးမြင့်များ၏အိမ်များနှင့် ကျင့်သားရနေသည်။ အတိုင်းအတာပမာဏအသေးလေးဖြစ်ခဲ့လျှင်ပင် သူတို့က တန်ခိုးအာဏာကြီးပြီး ချမ်းသာကြွယ်ဝကာ မြင့်မြတ်သည့်အဆင့်အတန်းကို အကြောင်းပြချက်တစ်ခုအနေနှင့် ဖော်ပြလေသည်။သူတို့ကို စည်းရုံးနားချရန် နေနေသာသာ သူတို့ကို အကြံပေးရန် နည်းလမ်းပင်မရှိပေ။ ဤလူငယ်စုံတွဲနှင့်တွေ့သည့်အခါ လီမင် စမ်းကြည့်ရန် စိတ်အားထက်သန်နေခဲ့သည်။

သို့သော်၊မြောင်ဟယ်မှာလည်း သူ့ကိုယ်ပိုင်တောင်းဆိုမှုများ ရှိနေခဲ့သည်။ ဥပမာအားဖြင့်၊ သူပြောခဲ့သည့် အပူပေးအုတ်ကုတင်များ၊ ရေနုတ်မြောင်းစနစ်များ၊ မီးအလင်းရောင်များ၊ မီးဖိုချောင်၏ မီးခိုးလမ်းကြောင်း၊ ယွန်းသစ်သားကြမ်းပြင်များပင်။

လီမင် တလျှောက်လုံး ထူးထူးဆန်းဆန်း စကားများကို နားထောင်ခဲ့ရသည်။ ရံဖန်ရံခါတွင်၊ ရည်ရွယ်ချက်ရှိရှိဖြင့် အထင်အမြင်သေးစွာ နှာခေါင်းရှုံ့ကြီး "မရဘူး မရဘူး မရဘူး မရဘူး မရဘူး မလုပ်ဘူး"ဆိုပြီး ဘူးဆက်တိုက်နောက်ကပါလာလိမ့်မည်။

Prev Next