MM Story Teller

Chapter 83

Viewers 3k

🌱 Arc 3 - [ကြယ်တာရာခေတ် ABOကမ္ဘာတွင် လယ်စိုက်ခြင်း ]

Ch 83

လူတိုင်းကို ပျော်ရွှင်ဝမ်းမြောက်စေသည့် ပုံရိပ်ယောင်နယ်မြေဆက်တင် (၂)

စွေ့ချီချောင်းက ၂၃ရာစု၏ သိပ္ပံနှင့် နည်းပညာအချို့ကို မျက်လုံးထဲမထားပေ။ ထိုသို့ပြုလုပ်ခြင်းက သူ့အတွက် မကောင်းချေ။ သူက အာကာသစခန်းတစ်ပတ် လှည့်ကြည့်လိုက်ပြီး သူ့စိတ်ထဲတွင် အကြမ်းဖျင်း အကြံတစ်ခု ရလာ၏။ သူက ငယ်ရွယ်စဉ်ကပင် အင်ဂျင်နီယာလုပ်ငန်းနှင့် ဒြပ်သိပ္ပံတွင် အတန်ပင် ထူးချွန်ခဲ့သည်။

စွေ့ချီချောင်းက နေကာအမိုးအစွန်းရှိ သတ္ထုကို ထိလိုက်သည်။ ၄င်းက riemannian သတ္ထုစပ်ဖြစ်ကာ ၄င်း၏ အမြင့်ဆုံး လုပ်ဆောင်နိုင်စွမ်းရှိသည့် အပူချိန်မှာ ၃၀၀၀ဒီဂရီ ဆဲလ်စီးယပ်ဖြစ်ပြီး စွေ့ချီချောင်း နေထိုင်ခဲ့သည့် ခေတ်တွင် ကျယ်ကျယ်ပြန့်ပြန့် အသုံးပြုလေ့ရှိ၏။

စွေ့ချီချောင်းက ကိရိယာထည့်သေတ္တာကိုတွေ့ရာ ၄င်းကို ဖွင့်လိုက်ပြီးနောက် သူက အစားအသောက်များ ပြန်နွေးရန် ချက်ပြုတ်သေတ္တာနှင့် အပူချိန် ကန့်သတ်ပစ္စည်းကို ဖယ်ရှားကာ အပူချောင်းတစ်ခုတည်းသာ ချန်ထားခဲ့လိုက်သည်။ ၄င်းဖြင့် သူက ပြတင်းပေါက်ဘောင်ကို အရည်ဖျော်ကာ နေကာအမိုးကို ဖြုတ်ချနိုင်ပေသည်။ ထို့နောက် သူက အပိုအစိတ်အပိုင်းများအတွက် ကြမ်းခင်းတစ်ခုလုံးကို ချက်ပြုတ်သေတ္တာထဲသို့ ထည့်လိုက်သည်။ ထိုနေရာတွင် အပူချောင်းတစ်ခုတည်းသာကျန်ကာ နောက်ပိုင်းတွင် သုံး၍ ရဆဲဖြစ်သည်။

နေကာအမိုးကို ဖယ်ရှားပြီးသည်နှင့် သတိပေးသံတစ်ခု ထွက်ပေါ်လာကာ အိမ်ထဲရှိ အပူချိန်ပြောင်းလဲမှုအကြောင်း သူ့ကို သတိပေးလာသည်။ သို့သော် စွေ့ချီချောင်းက အလျင်မလိုချေ။ ဤသီးခြားဂြိုလ်ပေါ်ရှိ လေထုဖွဲ့စည်းပုံမှာ ကမ္ဘာမြေနှင့် နီးစပ်၏။ အများဆုံးအနေဖြင့် မရင်းနှီးသည့် ပတ်ဝန်ကျင်တစ်ခုထဲသို့ ရောက်သွားခြင်းကြောင့် ဇီဝကမ္မတုံ့ပြန်ချက်အချို့သာ ရှိပေလိမ့်မည်။ ထို့အပြင် အခြေအနေများက ပို၍ ပြင်းထန်လာလျှင်ပင် သူက ဤဂြိုလ်နှင့် ဖြည်းဖြည်းချင်း အသားကျသွားသည်နှင့် ပြဿနာဖြစ်မည် မဟုတ်ပေ။ လက်ရှိဂြိုလ်ပေါ်တွင် "ဆောင်းရာသီ"ဖြစ်၍ ညတာရှည်ပြီး နှိုင်းယှဉ်ရပါက အပူချိန်မှာ နိမ့်ပါး၏။

ချက်ပြုတ်သေတ္တာကို အတူတကွ ပြန်ထည့်ပြီးနောက် စွေ့ချီချောင်းက နေကာအမိုးကို ပြန်တပ်ကာ စင်တစ်ခုနှင့် ယာယီထောက်ထားလိုက်သည်။ လုံလောက်သော ပြင်ဆင်ချက်များ ပြုလုပ်ပြီးနောက် သူက တွန်းဆွဲရုံဖြင့် ဖွင့်လို့ရသည့် ပြတင်းပေါက်တစ်ခု ပြုလုပ်ရန် စီစဉ်လိုက်သည်။

ဤဂြိုလ်ပေါ်တွင် နေမထွက်လာမီအထိ အချိန်အနည်းငယ် ကျန်နေဆဲဖြစ်သည်။ စွေ့ချီချောင်းသည်လည်း အစားအသောက်အားလုံးကို ထုတ်ကာ အလေးချိန်ချိန်ပြီးနောက် ဖြည်းညင်းစွာ ပြန်ထည့်ထားလိုက်သည်။ ၄င်းက ရည်ရွယ်ချက်ရှိရှိနှင့်လားဆိုသည်ကို သူမသိသော်လည်း အစားအသောက်ထဲမှ အစေ့များအားလုံးက အဖယ်ရှားခံထားရသည်။

သို့သော် ၄င်းက အရေးမပါချေ။ ဤဂြိုလ်ပေါ်တွင် စွန့်ပစ် ဧရိယာများစွာရှိပြီး ယခင် အသုံးပြုသူများ ချန်ရစ်ထားခဲ့သည့် အချို့သော စွန့်ပစ်အမာခံနယ်မြေများနှင့် ယခင်ကတည်းက ပေါက်ရောက်နေသော အပင်အချို့ ရှိပေသည်။ သူက စိုက်ပျိုးနိုင်သည့် အပင်တစ်ခုကို ရှာဖွေရန် အားထုတ်လိုက်သည်။ စွေ့ချီချောင်းက ၄င်းမှာ အတန်ပင် ခက်ခဲသည်ဟု တွေးလိုက်မိလေသည်။

ရှောင်ပိုင် ဘယ်မှာများလဲ ... ဒီဂြိုလ်ပေါ်မှာ ကြောင်တွေရော ရှိရဲ့လား...

စွေ့ချီချောင်းက သေတ္တာအလွတ်များကို များစွာသော အပင်စိုက်ပျိုးရေး သေတ္တာများ ပြုလုပ်ထားပြီး ဘေးဖယ်ထားလိုက်သည်။ သူက အစေ့များတွေ့သည်နှင့် အခန်းတွင်း သီးနှံအချို့ စိုက်ပျိုးပေမည်။ သို့သော် သူက ဦးဆုံး ဒေသခံအပင်များနှင့် ၄င်းတို့၏ စိုက်ပျိုးရေး အခြေအနေများကို လေ့လာရန်လိုပေသည်။

နောက်ဆုံးတွင် မိုးသောက်လာပြီဖြစ်ကာ နေနှင့်တူသည့် ကြယ်ကလေးနှစ်စင်းက ကောင်းကင်ထက်တွင် ပေါ်လာကာ ပြင်ပမှ အရာရာကို ရှင်းရှင်းလင်းလင်း မြင်နိုင်လေပြီ။ အာကာသ အပျက်အစီးများစွာနှင့် စွန့်ပစ် အာကာသစခန်းများစွာကို မြင်နိုင်ပြီဖြစ်သည်။

စွေ့ချီချောင်းက အဝတ်အစားများ ဝတ်ဆင်ကာ နေကာအမိုးကိုဖြတ်ပြီး အိမ်ထဲမှ ထွက်လာလိုက်သည်။ နေ့အချိန်ပင်ဖြစ်ကာ အဝတ်အစားများ ဝတ်ထားသည်ဖြစ်လျှင်ပင် အပြင်မှ အအေးဓာတ်ကို ခံစားနေနိုင်ဆဲဖြစ်လေသည်။

သူက ခေါင်းငုံ့၍ ရှေ့သို့ရုန်းကန်ကာ လှမ်းလျှောက်နေရသည်။ သူက တစ်ခါတစ်ရံ မြေပြင်မှ ပစ္စည်းများကို ရှာဖွေကောက်ယူကာ စွန့်ပစ်အဆောက်အဦးများ၏ ဝင်ပေါက်ကို ဖွင့်လိုက်ခြင်း သို့မဟုတ် သူကောက်လာသော ပစ္စည်းများနှင့် ဖျက်ဆီးပစ်ကာ အထဲဝင်ပြီး အသုံးဝင်သည့်အရာ ရှိ မရှိ ရှာဖွေလိုက်သည်။ သူ အရှာချင်ဆုံးက စိုက်ပျိုးရန် စားသုံးပင်သာဖြစ်သည်။

ဤသို့ တစ်ပတ်ခန့်ကြာသည့်တိုင် ရှာဖွေနေသော်လည်း မည်သည့် အစေ့မှ မတွေ့သေးချေ။ သို့သော် စွေ့ချီချောင်းက သူ အခြားနေရာများမှ ကောက်ယူလာသည့် ကိရိယာများကို မှီတည်ကာ အပင်စိုက်ပျိုးရေးသေတ္တာ၏ အလင်းနှင့် အပူချိန်ထိန်းချုပ်ကိရိယာကို ပြောင်းလဲထားပြီးဖြစ်သည်။

စွေ့ချီချောင်းက စိတ်ဝင်စားမှုအပြည့် ဖြစ်နေကာ လုံးဝပင် မပျင်းရိပေ။ သူ တစ်ယောက်တည်းဖြစ်နေသော်လည်း အထီးကျန်သည်ဟု မခံစားရချေ။ သူက ကိစ္စများကို ပို၍ အာရုံစိုက်နိုင်သည်ဟုသာ ခံစားရ၏။ သူ အစားအသောက်ကို ကောင်းကောင်း မစားရမီမှာပင် မျိုးစေ့များကို ရှာတွေ့မည်ဟုလည်း သေချာနေ၍ လူသူမရှိသည့် ဤဂြိုလ်ပေါ်မှ ထွက်မသွားလိုပေ။

ဤလူသူမရှိသည့် ဂြိုလ်ပေါ်သို့ ရောက်လာကြသည့် လူအများစုက လူကောင်းများ မဟုတ်ချေ။ စွေ့ချီချောင်းက ယာယီစွန့်ပစ်ထားပုံရသည့် အချို့သော အာကာသစခန်းများပေါ်တွင် လက်နက်များပင် တွေ့ခဲ့သည်။ သူက ၄င်းတို့ကို လိုလိုမယ်မယ် သိမ်းထားလိုက်၏။

နောက်တစ်ပတ်တွင် စွေ့ချီချောင်းက တစ်ခြားသူတစ်ယောက်၏ အစားအသောက်သိုမှီးရာဖြစ်နိုင်သည့် ကန်စွန်းဥအချို့ကို တွေ့လိုက်သည်။ ထိုကန်စွန်းဥများမှာ ကောင်းစွာ သိမ်းဆည်းထားပြီး စိုက်ပျိုး၍ ရနိုင်သော်လည်း သူတို့၏ ကြီးထွားမှု စက်ဝန်းက လေးလဖြစ်သည့်တိုင် ဤသည်က ဘာမှမရှိသည်ထက် ပို၍ကောင်းပေသည်။

စွေ့ချီချောင်းက ၄င်းတို့ကို ပြန်သယ်လာပြီး သန့်စင်သော ရေတွင်စိမ်ကာ အမြစ်များ ထွက်လာစေပြီးနောက် စိုက်ပျိုးလိုက်သည်။

ဤနေရာတွင် သန့်စင်သောရေက အလွန်ရှားပါး၏။ သူက အာကာသစခန်းများ၏ ကိရိယာများကို မီခိုကာ နှင်းစက်များကို စုစည်းပြီး သန့်စင်သောရေအဖြစ် သန့်စင်ပေးရသည်။ စွေ့ချီချောင်းက သူ့၏ သောက်ရေအနည်းငယ်ကိုလည်း ချန်ထားလိုက်ကာ ကန်စွန်းဥများကို စိမ်ထားလိုက်သည်။ ကိရိယာများ ထပ်မံရှာဖွေပြီးနောက် သူက စုဆောင်းရေးစနစ်တစ်ခုကို အဆင့်မြှင့်ကာ စုဆောင်းနိုင်သည့်ပမာဏကို တိုးမြှင့်နိုင်ပေမည်။

အပင်စိုက်ပျိုးရေး သေတ္တာအတွင်းမှ မြေကြီးက ပြင်ပမှဖြစ်သည်။ ကန်စွန်းဥ စိုက်ပျိုးခြင်းက တင်းကျပ်သော စီမံမှု မလိုအပ်သော်လည်း ဤနေရာ၏ မြေကြီးက ကန်စွန်းဥများ သာမန် ကြီးပြင်းသည့် မူလနေရာနှင့် ခြားနား၏။ သို့ဖြစ်၍ ၄င်းတို့၏ ကြီးထွားခြင်း လုပ်ငန်းစဉ်တွင် ပြောင်းလဲမှုများ ရှိနိုင်သည်။ သို့သော် စွေ့ချီချောင်းက ထိုအတွက် ပြဿနာကြီးကြီးမားမား မရှိသည်ကို သိရှိသောအခါ မြေဩဇာထည့်ခြင်းက လိုအပ်နေဆဲဖြစ်သည်။ သူက ကန်စွန်းဥများကို ဤကဲ့သို့ အကြမ်းဖြင်း အနေအထားနှင့် စိုက်ပျိုးလျှင်ပင် သီးနှံများက မြေဩဇာထည့်ခြင်းကို လိုအပ်နေဆဲဖြစ်သည်။

သို့ဖြစ်ရာ သူက မြေဩဇာပြုလုပ်ရန် ပေါင်းပင်များ၊ အမှိုက်များနှင့် ထုံးမြေတို့ကို တိုက်ရိုက်ပင် အသုံးပြုကာ ပိုမိုမြန်မြန် ဓာတ်ပြုလာစေရန် ချိတ်ပိတ်ထားလိုက်သည်။ ဓာတ်မြေဩဇာက သူ့အလိုလို ဓာတ်ပြုသည်ကို စောင့်နေရန် သူ့တွင် အချိန်မရှိပေ။ ကစော်ဖောက်ခြင်း အချိန်ကို တိုတောင်းစေရန် အပူချိန်ကို သိသိသာသာ တိုးမြှင့်ပြီးနောက် သူက ဓာတ်မြေဩဇာကို ၁၀ရက်အတွင်း ဆွေးမြည့်သွားအောင် ပြုလုပ်နိုင်ခဲ့သည်။

ထိုအချိန်တွင် ကန်စွန်းဥ အမြစ်များလည်း ထွက်လာလောက်ပြီဖြစ်သည်။ ထို့နောက် မြေကြီးကို မြေဩဇာထည့်ကာ ကန်စွန်းဥ အမြစ်များကို မြေကြီးထဲသို့ ထည့်လိုက်ပေမည်။ ကန်စွန်းဥ အကြီးတစ်လုံးတွင် အဖူးများစွာရှိ၍ ပျိုးပင်များစွာအဖြစ် လှီးဖြတ်ပစ်လိုက်နိုင်လေသည်။

အမှန်တကယ်တွင် ကန်စွန်းဥများမှာ မြေမဲ့စိုက်ပျိုး၍ ရနိုင်သော်လည်း မြေမဲ့စိုက်ပျိုးလျှင် သန့်စင်သောရေကို မကြာခဏ လဲလှယ်ပေးရန် လိုပေမည်။ စွေ့ချီချောင်းက သူ့၏ လက်ရှိအခြေအနေများတွင် ရေကိုဖြုန်းတီးရန် မတတ်နိုင်ပေ။

ကန်စွန်းဥများက အလင်းရောင်ကောင်းကောင်းနှင့် အနွေးဓာတ်ကောင်းကောင်းရပါက ကောင်းစွာ ကြီးပြင်းလာနိုင်သည်။ ကံကောင်းစွာဖြင့် စွေ့ချီချောင်းက မီးအိမ်တစ်ခုပြုလုပ်ထား၏။ ပြင်ပမှ နေရောင်က မလုံလောက်၍ ၄င်းကိုအသုံးပြုကာ သီးနှံများကို အလင်းပေးပြီး အလင်းနှင့် ထိတွေ့ချိန်ကို တိုးမြှင့်ပေးကာ အပူချိန်ကို ချိန်ညှိပေးလိုက်သည်။

စွေ့ချီချောင်းက အာကာသရှာဖွေသူတစ်ဦးကဲ့သို့ သူ့အနီးနားရှိ အာကာသ အမှိုက်ပုံကို ရှာဖွေရန် အချိန်ပိုဖြုန်းလိုက်သည်။

ဘေးပတ်ဝန်းကျင်တွင် စွေ့ချီချောင်းက ဤလူသူမဲ့ ဂြိုလ်ပေါ်၌ ပထမဆုံးလူနှင့် တွေ့ခဲ့ပြီး ထိုသူက သူကဲ့သို့ ရှာဖွေရန်ရောက်လာခြင်းပင်။

ဤတစ်ကြိမ်တွင် စွေ့ချီချောင်းက ဝေးဝေးသွားလိုက်ရာ သူတို့က ဒုံးပျံအပျက်အစီးပုံတစ်ခုရှေ့တွင် ဆုံတွေ့ခဲ့ကြသည်။ စွေ့ချီချောင်းက ဤဂြိုလ်ပေါ်တွင် အခြားသူများက သူတို့၏ အဓိကလိင်ကို အခြေခံကာ လူများကို ခွဲခြားဆက်ဆံခြင်းနှင့် အသားမကျသေးချေ။ သူက တဖက်လူ၏ ဆံပင်ရှည်နှင့် ပိန်ပါးပါး အချိုးအစားကိုသာ မြင်၍ ထိုသူက အမျိုးသမီးတစ်ယောက်ဖြစ်ရမည်ဟု မှန်းဆလိုက်သည်။

၄င်းမှလွဲ၍ ထိုလူမှာ မည်သည့် ဖယ်ရိုမုန်းမှ ထုတ်လွှတ်မနေချေ။

သူက ဖယ်ရိုမုန်းဖုံးကွယ်တဲ့ပစ္စည်း သုံးထားတာ ဒါမှမဟုတ်ရင် ဘီတာပဲနေမှာ...

သူမသည်လည်း ဤစွန့်ပစ်ဧရိယာမှ ပစ္စည်းများ လာကောက်သည့်ပုံရသည်။ သူမက စွေ့ချီချောင်းကို မြင်သည်နှင့် ချက်ချင်းပင် လက်မြှောက်ကာ အပြုံးတစ်ခုနှင့် သူ့ကို အံ့ဩတကြီး ဆိုလိုက်သည်။

"ဟေး... စိတ်မလှုပ်ရှားပါနဲ့..."

"ငါ စိတ်မလှုပ်ရှားပါဘူး..."

စွေ့ချီချောင်းက အေးစက်စွာ ဆိုလိုက်သည်။ တစ်ဖက်က သူမ လက်များကိုမြှောက်လိုက်သည်။ ဤသည်မှာ သူ့တွင် အစောပိုင်းက ရှာတွေ့လာခဲ့သည့် ရောင်ခြည်သေနတ်တစ်လက် ရှိနေ၍ပင်။

အမှန်တွင် သူက အားသုံးသည့် ဟန်ပန် မပြခဲ့ပေ။ အလယ်ခေတ်များတွင် သူက မည်သို့တိုက်ခိုက်ရမည်ကို မသိသောလူတစ်ယောက် ဖြစ်ခဲ့သော်လည်း သူက အားနည်းကာ ယှဉ်ပြိုင်ခြင်းနှင့်ပတ်သတ်၍ တစ်ခုမှမသိဟု မဆိုလိုချေ။

ထိုမိန်းကလေးက သူ့ရှေ့က အိုမီဂါလေး၏ သေနတ်ကိုင်သည့် အနေအထားကို ကြည့်လိုက်ရာ သူက သေချာပေါက်ပင် မကျွမ်းကျင်သူမဟုတ်သည်ကို သိပေသည်။ စွေ့ချီချောင်း ဤနေရာတွင် တစ်ယောက်တည်း ပေါ်လာသည်က ထူးဆန်းပေသည်။ ထို့အပြင် အပူချိန်နိမ့်ကာကွယ်ရေး ဝတ်စုံများ ဝတ်ဆင်ထားရမည့်အစား သူက အဝတ်အစားအများအပြား ထပ်ဝတ်ထားလေသည်။

သူမက စွေ့ချီချောင်း၏ လိင်အမျိုးအစားကို သိနေသည့် အကြောင်းပြချက်မှာ သူက မည်သည့် ဖယ်ရိုမုန်း ဖုံးကွယ်ရေးပစ္စည်းကို အသုံးမပြုထားပဲ သတိမမူတတ်သည့် အိုမီဂါတစ်ဦးအဖြစ် သူ့၏ သရုပ်မှန်ကို ပေါ်တင်ဖော်ပြနေ၍ပင်။ သူမက တစ်ဖက်လူ၏ ဖယ်ရိုမုန်းများကို မထင်မရှား အနံ့ခံနိုင်၏။ သူ၏အနံ့က တစ်ဖက်လူကို တည်ငြိမ်စေကာ တစ်ချိန်တည်းမှာပင် ဗိုက်ဆာလာအောင် ပြုလုပ်နိုင်လေသည်။ ၄င်းမှာ အလွန်ရှုပ်ထွေးကာ နက်ရှိုင်းသော ခံစားချက်တစ်ခုရှိပြီး တိကျသော ရနံ့တစ်ခုတည်း ရှိသည့် လူအများစု၏ ဖယ်ရိုမုန်းနှင့် မတူညီချေ။

ဒါက... နှံစားပင် ငါးခုရဲ့အနံ့နဲ့တူတယ်...

ထိုအတွေးက စိတ်ထဲရောက်လာသည်နှင့် မိန်းကလေးက ရတနာရှစ်သွယ် အုတ်ဂျုံယာဂုကို လွမ်းစပြုလာလေသည်။

မိန်းကလေးက နှုတ်ခမ်းသပ်လိုက်ပြီး ဆိုလိုက်သည်။

"ငါတို့တွေ့တာ ကံကြမ္မာပဲ... ငါ ဒီမှာ ကောင်းတာလေးများ ရှိမလားလို့ လာကြည့်တာ... နင်လဲ အတူတူပဲ နေမှာ... တကယ်တော့..."

သူမက တွေဝေနေပုံရသော်လည်း နောက်ဆုံးတွင် သတိတကြီးဖြင့် တစ်ခုမှမဆိုတော့ပဲ လက်ကိုသာ ဖြန့်ပြလိုက်သည်။

"ကြည့်..."

စွေ့ချီချောင်းက တစ်ဖက်ကို လှမ်းကြည့်လိုက်သည်။ သူက အထူးပြဿနာတစ်ခုဖြစ်နေ၍ နေရာတိုင်းတွင် ပစ္စည်းများ လိုက်ရှာနေခြင်းပင်။ ထိုအခိုက်အတန့်တွင် သူ့ရှေ့မှ လူက အကာအကွယ်အဝတ်အစားများ ဝတ်ဆင်ထားဆဲဖြစ်သည်။ သူမက ဤလူသူမဲ့ ဂြိုလ်ပေါ်သို့ လာရောက်ရန် လက်ဦးမှုယူထားခြင်းဖြစ်နိုင်သည်။ ဤလူ၏ အခြေအနေက အဘယ့်ကြောင့် သိပ်မကောင်းသည်ကိုလည်း မသိရသေးချေ။

ဤဂြိုလ်ပေါ်တွင် ပေါ်လာသော လူများမှာ သင့်လျော်သော သရုပ်မှန်မရှိသည်ကို ဖော်ပြထားပြီးဖြစ်သည်။ ထို့ကြောင့်ပင် စွေ့ချီချောင်းက သတိကြီးကြီးထားနေခြင်းဖြစ်သည်။

သို့သော် အချိန်အနည်းငယ်အတွင်းမှာပင် စွေ့ချီချောင်းက တစ်ဖက်လူ၏ ခွန်အားကို အကြမ်းဖျင်း တွက်ဆထားနိုင်ပြီ ဖြစ်သည်။ သူက သေနတ်ပြောင်းဝကို ဘေးသို့ဖယ်ကာ သူ့မကို "အင်း..."ဟု ပြန်ဖြေလိုက်သည်။

"မြှောင်..."

ဤတစ်ကြိမ်တွင် ကြောင်တစ်ကောင်က အော်ဟစ်လာသည်။

စွေ့ချီချောင်း အံ့ဩတကြီး လှမ်းကြည့်လိုက်ရာ မိန်းကလေးက ချက်ချင်းပင် သူမ၏ ကျောပိုးအိတ်ကို ကိုင်ပြီး ကူကယ်ရာမဲ့စွာ ပြုံးပြလိုက်သည်။

"စိတ်မလှုပ်ရှားပါနဲ့... သူတို့က ငါ့ရဲ့ကြောင်တွေပါ... ကြည့်ရတာ နိုးလာကြပြီထင်တယ်..."

ကြောင်ဟုကြားသောအခါ စွေ့ချီချောင်းက ရှောင်ပိုင်ကို တွေးမိသွား၏။

သူက ရှောင်ပိုင်မည်သည့်နေရာသို့ရောက်နေသည်ကို သိချင်နေဆဲဖြစ်သော်လည်း ယခုတွင် သူက ထိုမိန်းကလေး၏ အိတ်ထဲတွင် ဖြစ်နိုင်ပေသည်။

စွေ့ချီချောင်းက မေးလိုက်သည်။

"ငါ မင်းရဲ့ ကြောင်တွေကို ကြည့်လို့ရမလား..."

"ကြည့်မလို့လား..."

မိန်းကလေးကို သူ့ကို တစ်ချက်ကြည့်ကာ ဆိုလိုက်သည်။

"ဟုတ်ပြီ.... ငါနင့်ကို ကြည့်ခွင့်ပေးမယ်..."

စွေ့ချီချောင်းက သူ့၏ လက်ရှိ လိင်အမျိုးအစားဖြစ်သည့် အိုမီဂါတစ်ဦး ဖြစ်နေခြင်းက အခြားသူများကို အလွယ်တကူ သဘောတူအောင် ပြုလုပ်နိုင်သည်လားကို အသေးစိတ်မသိပေ။ သူက ခြေလှမ်းအနည်းငယ်လှမ်းပြီးနောက် ဘေးကင်းသော အကွာအဝေးတစ်ခုတွင် ရပ်တန့်လိုက်ပြီး တစ်ဖက်မှ ကြောင်များကို တစ်ကောင်ချင်းထုတ်နေသည်အား ကြည့်လိုက်သည်။

တစ်လသားအရွယ် ကြောင်ပေါက် လေးကောင်ခန့်ရှိပြီး မိခင်ကြောင်ကြီးတစ်ကောင်လည်း ရှိပေသည်။ သူက အဝေးသို့ တွယ်တက်ချင်နေသည့် ကြောင်လေးများကို ပါးစပ်နှင့် ညင်သာစွာချီကာ ယက်ပေးနေသည်။

လိမ္မော်ရောင် ကြောင်တစ်ကောင်က စွေ့ချီချောင်းကို မြင်သည်နှင့် ရှေ့သို့တက်လာသော်လည်း မိခင်ကြောင်မကြီးက ပြန်ဆွဲထားကာ လည်ပင်းကို အကြိမ်ကြိမ် ကိုက်ထားလိုက်သည်။ သူက အသည်းအသန်းကြိုးစားကာ လက်ဆွဲချင်နေသကဲ့သို့ ခြေထောက်မြှောက်ထားလိုက်သည်။ ဤအရိပ်အမြွက်က အလွန်ထင်ရှားလှ၏။

စွေ့ချီချောင်းက ၄င်းကိုမြင်ကာ နားလည်သွားပြီး တီးတိုးရေရွတ်လိုက်သည်။

"ရှောင်ပိုင်လား..."

ကြောင်များထဲတွင် အဖြူရောင် ကြောင်ပေါက်လေး တစ်ကောင်လည်း ရှိ၏။ မိန်းကလေးက သူက ကြောင်များကို သာမန်သာ စနောက်နေသည်ကိုကြည့်ပြီး တစ်ဖက်လူမှာ အပြင်ပိုင်းတွင် ကြမ်းတမ်းသော်လည်း အတွင်းပိုင်းတွင် နှလုံးသား နူးညံ့သည့် အိုမီဂါတစ်ဦးဖြစ်နေဆဲဟု တွေးလိုက်သည်။

ကြည့်ပါဦး... သူက ကြောင်ပေါက်လေးတွေကို ကြည့်နေတာ... သူက အရမ်းနူးညံ့တဲ့ပုံပေါက်တယ်...

စွေ့ချီချောင်းက သူမတွေးနေသည်ကို မသိချေ။ သူက လိမ္မော်ရောင်ကြောင်လေးကို ငေးကြည့်နေရာ ၄င်းက ပြန်လည် အသံပေးလာသည်။ သူက ၄င်းမှာ ရှောင်ပိုင်ဖြစ်သည်ကို ပိုသေချာလာသည်။ သူက တုံ့ဆိုင်းမနေပဲ မော့ကြည့်ကာ မေးလိုက်သည်။

"မင်း... အဲ့လိမ္မော်ရောင်ကြောင်လေးကို ငါ့ကို ရောင်းလို့ရမလား...."

တော်တယ် စွေ့ချီချောင်း...

ရှောင်ပိုင်က သူ့နှလုံးသားအောက်ခြေမှ အော်ဟစ်နေလေသည်။

လောင်ဇီကို ချက်ချင်း ခေါ်သွားစမ်း... အဲ့ အိတ်အစုတ်က အရမ်းကြပ်တယ်... ပြီးတော့ တခြားကြောင်တွေက အရမ်း မုန်းစရာကောင်းတယ်... ဒါနဲ့ ငါ့ကိုပဲ ဝယ်နော်... တခြား ဆန်ကုန်မြေလေးကောင်တွေကို မဝယ်နဲ့...

မိန်းကလေးက အံ့ဩမသွားပေ။

"နင့်ကိုကြည့်ရတာ ခက်ခဲတဲ့ အချိန်တွေကို ဖြတ်သန်းနေရတဲ့ပုံပဲ ငါသတိပေးလိုက်မယ်နော်... နင် အဲ့ဒါကို ဝယ်ချင်တာ သေချာရဲ့လား..."

စွေ့ချီချောင်းက ခေါင်းညိတ်ပြလိုက်သည်။

မိန်းကလေး၏ မျက်လုံးများက လှုပ်ရှားသွားပြီး သူမက ပြန်ဖြေလိုက်သည်။

"ငါ့အဖော်တွေက ဒီနဲ့ သိပ်မဝေးဘူးဆိုတာ အရင်ဆုံး ပြောထားမယ်နော်... နင် ဝယ်ချင်တယ်လို့ပြောနေမှတော့ ငါက ဈေးအသင့်အတင့်ပေးမှာပါ... ကြမ်းကြမ်းတမ်းတမ်းတွေ ညှိနှိုင်းဖို့ မကြိုးစားနဲ့နော်... လောလောဆယ်တော့ ငါ ဂျုံတွေပဲလိုတယ်... ၁၀ပေါင်.... မဟုတ်သေးဘူး... ၈ပေါင်ပဲပေး...."

စွေ့ချီချောင်း - "..."

စွေ့ချီချောင်း - "ခဏလေး... ငါ အခု နည်းနည်း မသေချာတော့ဘူး..."

ရှောင်ပိုင် - "..."

🍀🍀🍀

Prev Next