MM Story Teller

Chapter 85

Viewers 6k

🌱 Arc 3 - [ကြယ်တာရာခေတ် ABOကမ္ဘာတွင် လယ်စိုက်ခြင်း ]

Ch 85

အဲဒါက ၃ပေါင် မတန်ဘူး (၂)

"ဘေးဒုက္ခ" ပြီးဆုံးပြီးနောက် စွေ့ချီချောင်းက အစားအစာများကို ပြန်လည် နေရာချထားကာ ရှောင်ပိုင်၏ ဝေစုကို ဖယ်ထားလိုက်သည်။ ကံကောင်းစွာဖြင့် ရှောင်ပိုင်မှာ အတန်ပင် ငယ်သေးသည်ဖြစ်ရာ များစွာမစားသေးချေ။ သို့သော် ဤသည်က ပုံမှန်အစားအသောက်ရင်းမြစ်တစ်ခုရှာဖွေရန် သူ့ကို သတိပေးနေ၏။

စွေ့ချီချောင်းက စကူတာ၏ လျှပ်စစ်သော့ကို ပြန်ပြင်လိုက်ကာ ၄င်းကို ပိုကြီးသော ဘက်ထရီတစ်ခုနှင့် ချိတ်ဆက်လိုက်သည်။ နောက်တစ်နေ့တွင် သူက ရှောင်ပိုင်နှင့်အတူ လှည့်လည်ရှာဖွေရန် ထွက်လာခဲ့သည်။

သူအိမ်ထဲတွင် ရှိနေစဉ်တွင် စွေ့ချီချောင်းက စကူတာပြင်တတ်သည်ကို ရှောင်ပိုင် အံ့ဩစွာ တွေ့လိုက်ရသည်။ သူတို့အပြင်ထွက်သောအခါ စွေ့ချီချောင်းက စကားမပြော၍ ရှောင်ပိုင်က ပျင်းနေ၏။ စွေ့ချီချောင်းမှာ အပျက်အစီးမျိုးစုံကြားတွင် လှည့်လည်ရှာဖွေရန် အာရုံစိုက်ထားပြီး မြေအနေအထားကို မှတ်တမ်းယူနေသည်။ ကြည့်ရသည်မှာ သူက သူတို့ဖြတ်သန်းသွားရာ ပတ်ဝန်းကျင်၏ မြေအနေအထားကို နားလည်ချင်ပုံရ၏။

စွေ့ချီချောင်း၏ ဇွဲရှိမှုက ပထမ မှတ်ဉာဏ်တုလေယာဉ် ၂ခုပေါ်တွင် အလွန်ထင်ရှားသော်လည်း ထိုအမူအကျင့်မှာ လူသူမဲ့ ဂြိုလ်ပေါ်သို့ရောက်သည့်အခါ ပို၍ပင် သိသာလာသည်။ သူက သူ့၏ အဖော်ကို တစ်ခါတစ်ရံ ဂရုစိုက်သည်ဟူသော အချက်ကြောင့်သာ မဟုတ်ပါက ရှောင်ပိုင်မှာ သူ့အား စက်ရုပ်တစ်ရုပ်ဟု ခံစားရမည်ဖြစ်သည်။

ညရောက်လာသည့်အခါ အပူချိန်က ပို၍ပင် နိမ့်ကျလာသည်။ ရှောင်ပိုင်ကို အဝတ်အစားများနှင့် ပတ်ထားသော်လည်း တုန်ယင်နေ၍စွေ့ချီချောင်းက သူ့ကို ပွေ့ထားရင်း ဆိုလိုက်သည်။

"မှောင်နေပြီဆိုပေမဲ့ ငါတို့ထွက်လာတာ ၆နာရီပဲရှိသေးတာ... နောက်ထပ် ၂နာရီလောက်သွားပြီးရင် နားဖို့နေရာတစ်ခု ရှာကြတာပေါ့..."

ရှောင်ပိုင်မှာ အေးလာသောအခါ စွေ့ချီချောင်း၏ ရင်ခွင်ထဲဝင်လာတတ်သည့် ကြောင်ကလေးတစ်ကောင်ပင်။ သူက စွေ့ချီချောင်း၏ လက်မောင်းတွင် ခေါင်းတိုးကာ ထွက်မကြည့်တော့ပေ။

စွေ့ချီချောင်းမှာ စကူတာအား သစ်ငုတ်များ တွင်းများနှင့် ထိခိုက်မိခြင်းကို ရှောင်ရန် သူ့အရှိန်ကို လျော့လိုက်သည်။ တစ်နာရီကျော်ကျော် ထပ်မံမောင်းပြီးနောက် စွေ့ချီချောင်းက လူသူမဲ့ အာကာသလေယာဉ်တစ်ခုကို တွေ့လိုက်သည်။ ဤကျယ်ပြန့်လှသည့် ဂြိုလ်ပေါ်တွင် တစ်ခါတစ်ရံ အာကာသလေယာဉ်များကို ပိုင်ရှင်တစ်ယောက်တည်းက ပိုင်၏။ တစ်ခါတစ်ရံတွင် ၄င်းကို မတူသော လူများက ပိုင်ဆိုင်ပြီး တစ်ခါတစ်ရံ ပိုင်ရှင်က ပြန်မလာနိုင်တော့သည့် အခြေအနေမျိုးစုံ ရှိတတ်ပေသည်။

စွေ့ချီချောင်းက ရှေ့သို့တိုးကာ စစ်ဆေးလိုက်သည်။ ဤနေရာသို့ မည်သူကမျှ မလာသည်မှာ အတန်ကြာပြီ ဖြစ်ကာ တံခါးက ပိတ်ထား၏။ စွေ့ချီချောင်းက ကိရိယာထည့် သေတ္တာကိုထုတ်ကာ တံခါးကို သော့ဖွင့်လိုက်သည်။

အတွင်းရှိ စွမ်းအင်စနစ်မှာ ပျက်ဆီးနေပြီး အသုံးပြုရန်မဖြစ်နိုင်ပေ။ စွေ့ချီချောင်းက ဓာတ်မီးတစ်ချောင်းကို သယ်လာပြီး အိမ်ကို ပတ်ကြည့်လိုက်သည်။ အိမ်ထဲတွင် မည်သည့် ကိရိယာမှ မရှိ၍ ၄င်းတို့က အခိုးခံလိုက်ရပြီး ဖြစ်ဟန်ရသည်။ မီးဖိုချောင်ထဲမှ အထောက်အပံ့ပစ္စည်းများသည်လည်း ယူသွားခြင်း သို့မဟုတ် ထိုအချိန်က အကုန်လုံး ယူမသွားခြင်းဟုလည်း ဆိုနိုင်ပြီး အနည်းအကျဉ်း ကျန်ခဲ့ပေသည်။

အစားအသောက်များ ပုပ်သိုးနေသည့်အနေအထားကိုကြည့်ပါက ပိုင်ရှင်က အဝေးသို့ရောက်နေသည်မှာ အနည်းဆုံး ၁နှစ်ခန့်ရှိပြီဟု ခန့်မှန်းမိပေသည်။ စွေ့ချီချောင်းက စိတ်ရှည်ရှည်နှင့် ရှာဖွေလိုက်သည်။ ဤနေရာတွင် အပင်စိုက်ပျိုးရေး သေတ္တာများ အများအပြားရှိသည်ကို တွေ့လိုက်ပြီး မျိုးစေ့များ ရှိနိုင်ခြေက အလွန်အမင်း တိုးလာပေသည်။

ရှောင်ပိုင်က ရုတ်တရက် အော်ဟစ်လာရာ စွေ့ချီချောင်းက ရပ်တန့်သွားသည်။ ရှောင်ပိုင်ကြည့်နေသော နေရာသို့လိုက်ကြည့်လိုက်ရာ ပေါင်မုန့်အပုံကြီးအောက်တွင် ချိတ်ပိတ်ထားသည့် အကြည်ရောင်သေတ္တာတစ်ခုကိုတွေ့လိုက်သည်။ ၄င်းကို မဖွင့်ကြည့်ဘဲနှင့်ပင် ထိုထဲတွင် အစေ့များရှိနေသည်ကို ရှင်းရှင်းလင်းလင်း မြင်နိုင်ပေ၏။

စွေ့ချီချောင်းက နောက်ဆုံးတွင် သူ့မျက်နှာပေါ်၌ အပြုံးလေးတစ်ခု ပြသလိုက်သော်လည်း ၄င်းက သူ့၏ ပုဝါအောက်တွင် ဖုံးကွယ်နေလေသည်။

ဤသည်က ဆလပ်ရွက်မျိုးစေ့တစ်ခုဖြစ်ပြီး အံ့ဩစရာ မရှိပေ။ ဆလပ်ရွက်များ၏ ကြီးထွားမှုကာလက အလွန်တိုတောင်းသည်။ သင့်လျော်သောအခြေအနေများ အောက်တွင် တစ်လအတွင်း စိုက်ပျိုးနိုင်သည်။ ၄င်းမှာ ဆလပ်ရွက်များ ခူးနိုင်သည့် အချိန်ပါ အပါအဝင်ဆိုသည်ကို ထည့်ပြောရန်ပင် မလိုချေ။ စွေ့ချီချောင်းက မစောင့်နိုင်လျှင် ဆလပ်ရွက်အနုများကိုလည်း ခူးပြီး စားနိုင်၏။

ထို့အပြင် မျိုးစေ့များကို ထိန်းသိမ်းထားနိုင်သည့် အချိန်သည်လည်း ကြာရှည်သည်။ ၄င်းကို သုံးနှစ်အတွင်း စိုက်ပျိုးလျှင် အညှောင်ပေါက်နှုန်းမှာ ၈၀ ရာခိုင်နှုန်းဖြစ်ပြီး ထိုနှုန်းက နှစ်အလိုက်လျော့ကျပေသည်။ သို့သော် ဤသည်က ပမာဏအမြောက်အများ အညှောင့်ပေါက်နိုင်သော သီးနှံတစ်မျိုးဖြစ်၏။

သူတို့၏ မူလပိုင်ရှင်က လတ်ဆတ်သော အသီးအနှံများကို အချိန်တိုအတွင်းစားချင်ပါက ဆလတ်ရွက်မှာ သံသယဖြစ်ဖွယ်မရှိအောင် အကောင်းဆုံးရွေးချယ်မှုဖြစ်သည်။

စွေ့ချီချောင်းက ဆလတ်ရွက်များကို လွင့်ပစ်ကာ ထပ်မံရှာဖွေလိုက်သည်။ သူက ဖယ်ရိုမုန်း ဖုံးကွယ်ရေး ပစ္စည်းတစ်ပုလင်းကိုသာတွေ့ရာ ၄င်းကိုလည်း လွင့်ပစ်လိုက်သည်။ ဤကဲ့သို့နေရာမျိုးတွင် ဖယ်ရိုမုန်းဖုံးကွယ်ရေးပစ္စည်း တည်ရှိမှုမှာ အနည်းငယ် သိသာလှသည်။ သူက တစ်ဦးတည်း နေထိုင်ကာ တစ်လခန့်မည်သူနှင့်မှ တွေ့ဆုံရန်မလိုအပ်ပေ။ သူက ယာယီစပရေးတစ်ဘူးကို တစ်ပါတည်း ယူလာလျှင်ပင် အရေးပေါ်လိုအပ်လာပါက အကျိုးစတင်သက်ရောက်မှုရှိရန် စက္ကန့်၃၀ ကြာမည် ဖြစ်သည်။ စွေ့ချီချောင်းအတွက်မူ သူ့၏ ဖယ်ရိုမုန်းများက သူ့၏ ခန္ဓာကိုယ်က သဘာဝ ရေမွှေးများထုတ်လွတ်နေခြင်းနှင့် အတူတူပင်။

ဤမှတ်ဉာဏ်တုလေယာဉ်ပေါ်ရှိ သူ့မိသားစုက သူ့ကို ဤနေရာသို့ အကျဉ်းချထားရန် ပို့လိုက်သည်ဖြစ်ရာ သူ့ကို ခံစားရစေရန် ဖယ်ရိုမုန်းဖုံးကွယ်ရေး ပစ္စည်းများသာမက တားမြစ်ရေးပစ္စည်းများလည်း ပေးမည်မဟုတ်ချေ။

စွေ့ချီချောင်းက ဆက်လက်၍ ပတ်ဝန်းကျင်ကို လှည့်လည်ရှာဖွေနေပြီး ယခုထိ ရက်မလွန်သေးသည့် ဘီစကွတ်များ၊ ဂလူးကို့စ်အမှုန့်များနှင့် ဝိုင်နှစ်ပုလင်းကိုလည်း တွေ့လိုက်လေသည်။

ဤအာကာသစခန်းမှာ ရေစီးဆင်းရေး ကိရိယာတစ်ခုလည်း တပ်ဆင်ထားသည်။ စွေ့ချီချောင်းက စနစ်တစ်လုံးကို ဖယ်ရှားပြီး ပြန်သယ်လာလိုက်သည်။ သူက ပြင်၍ရလျှင် ပြန်ပြင်မည် ဖြစ်သည်။

ဤနေရာ၏ စွမ်းအားစနစ်က ပျက်ဆီးနေသော်လည်း စွေ့ချီချောင်းက စကူတာကို အသင့်ရှိနေသော ဘက်ထရီနှင့် တွဲဆက်ပြီး အားအပြည့်သွင်းနိုင်၏။

သူက ဆုလာဒ်ရရှိသည့် ခရီးတိုတစ်ခုမှ ပြန်လာသည်ဟု ဆိုနိုင်ပေသည်။ စွေ့ချီချောင်း၏ စကူတာမှာ ပစ္စည်းအကုန်လုံးကို ဘေးကင်းကင်း ထုတ်ပိုးသယ်ဆောင်နိုင်သည်မှာ ကံကောင်းလှ၏။ ဤနေရာတွင် သူ့၏ ညအိပ်အိတ်လေးကို ထုတ်ပြီး ရှောင်ပိုင်ကို ဖက်ကာ အိပ်လိုက်ပေသည်။

သူ ထပ်မံနိုးလာသည့်အခါ အပြင်တွင် မှောင်နေဆဲဖြစ်သည်။ စွေ့ချီချောင်းက ဤဂြိုလ်၏ နွေဦးက သုံးလအတွင်းရောက်လာမည်ကို စိတ်ထဲတွင် တွက်ချက်လိုက်သည်။ ထိုအချိန်တွင် အခြေအနေက များစွာပိုကောင်းလာနိုင်၏။

စွေ့ချီချောင်းက အမှောင်ထဲတွင် ဖြည်းညင်းစွာ ပြန်လည် မောင်းနှင်ရန် အခွင့်အရေးယူလိုက်သည်။ ဤညအမှောင်ထဲတွင် ရှောင်ပိုင်က ပျင်းရိစွာဖြင့် "မြှောင်..."ဟု ရံဖန်ရံခါ အော်ဟစ်လိုက်ပြီး တစ်ခါတစ်ရံတွင် တစ်စုံတစ်ခု၏ ခြေသံများကိုလည်း ကြားနိုင်ပေသည်။ ဤသည်က လူသူမဲ့ဂြိုလ်ပေါ်ရှိ တိရိစ္ဆာန်ငယ်လေးများက အနှောင့်ယှက်ခံရသည့်အခါ ထွက်ပေါ်လာသည့်အသံပင်။ ဆောင်းရာသီတွင် သူတို့က ဤကျက်တီးဧရိယာတွင်သာ အမဲလိုက်မည်ဖြစ်သည်။ ဤကဲ့သို့ နေရာမျိုးတွင်ပင် ဤဧရိယာမှာ ကျက်တီးဆန်သည်ဟု ယူဆနိုင်ပေသည်။

ဤသက်ရှိများက မြေအောက်တွင်နေထိုင်ကြပြီး တွင်းတစ်ခုပြီးတစ်ခု လှည့်လည်သွားလာနေကြသည်။ စွေ့ချီချောင်းက သူတို့၏ ပုံသဏ္ဍာန်အစစ်အမှန်ကို မမြင်နိုင်ချေ။ သူက ၄င်းတို့မှာ အလွန်အလွန်သေးငယ်ကာ ပုတ်သင်များနှင့် ဆင်တူသည်ကိုသာ ဝေဝါးဝါး သိနိုင်ပေသည်။ စွေ့ချီချောင်းက ၄င်းတို့ကို မြေပြင်အင်းစက်များဟုသာ ရိုးရိုးရှင်းရှင်း အမည်ပေးထားသည်။ သူတို့က အဆိပ်ရှိသည်လား မရှိသည်လားကိုမူ သူမသေချာပေ။

ဤသည်က ပျင်းရိဖွယ် အပြန်ခရီးဖြစ်ခဲ့သည်။ ကြောင်တစ်ကောင်ဖြစ်သည့် ရှောင်ပိုင်က သူ၏ အချိန်အများစုကို အိပ်၍ ဖြုန်းတီးနေသည်။ ရှောင်ပိုင်နိုးလာသည့်အခါ အလွန်ပျင်းရိနေပြီး လည့်ပတ်သွားနေလေသည်။

စွေ့ချီချောင်းက ၄င်းကို စိတ်ထဲတွင် မှတ်သားထားပြီး ပြန်လာပြီးနောက် သူပြန်သယ်လာသည့် အထုပ်အပိုး သေတ္တာများဖြင့် ရှောင်ပိုင်ကို ကြောင်ရုပ်တစ်ရုပ် လုပ်ပေးလိုက်သည်။ သေတ္တာမှာ အပေါက်များ အပြည့်နှင့် ဖြစ်နေပြီး သေတ္တာအတွင်းမှ ရေဘူးအဖုံးမှာလည်း ကြောင်ကစားရန် ထုတ်ထားလေသည်။

ရှောင်ပိုင်က ၄င်းကို စက္ကန့်ပိုင်းခန့် ကြည့်လိုက်ပြီး ဤအရုပ်မှာ သူ့၏ IQကို အနည်းငယ် စော်ကားနေသည်ဟု ခံစားလိုက်ရသည်။ သို့သော် သူက ပျင်းနေ၍ ၄င်းကို ကောက်ယူကာ ကစားရန်အပြင် ရွေးချယ်စရာ မရှိချေ။

စွေ့ချီချောင်း ပြန်ရောက်လာသည့်အခါ ပထမဆုံး သူ့၏ ရတနာများဖြစ်သည့် ကန်စွန်းဥများက မည်မျှကောင်းကောင်းမွန်မွန်ကြီးပြင်းနေသည်ကို ကြည့်ရှုလိုက်သည်။ သူက မျိုးစေ့များကို တစ်ရက်ခန့် စိမ်ထားပြီးဖြစ်သည်။ ၄င်းတို့ကို စိမ်နေစဉ်တွင် သူက အပင်စိုက်ပျိုးရေး သေတ္တာများ ထပ်မံပြုလုပ်လိုက်ပြီး အစေ့များကို တစ်နေ့ခန့် အအေးခံထားလိုက်သည်။ ဤနည်းဖြင့် အပင်ပေါက်များက ပို၍မြန်မြန် ထွက်လာပေမည်။

မစိုက်ပျိုးမီတွင် သူက မြေကြီးထဲသို့ ဓာတ်မြေဩဇာတချို့ထည့်လိုက်ပြီး သေတ္တာ၏ အလယ်တွင် ဆန်ဆေးရေအနည်းငယ် လောင်းထည့်လိုက်သည်။ ထို့နောက်တွင် သူက ၄င်းကို ဂရုစိုက်ပေးရန် များစွာအားစိုက်ထုတ်ပေးစရာ မလိုတော့ပေ။ ဤနေရာတွင် နေထိုင်နေသည်မှာ စွေ့ချီချောင်းတစ်ဦးတည်းသာဖြစ်သည်။ ပြီးခဲ့သည့် လများတွင် တစ်ခါတစ်ရံတွင် အပင်အနည်းငယ်ကိုသာ ခူးယူပြီး ကျန်သည်များကို ဤအတိုင်းထားကာ ဆက်လက် ကြီးပျင်းစေလိုက်သည်။ ဤနည်းဖြင့် သူက သီးနှံများကို အချိန်ကြာမြင့်စွာ စားသောက်နိုင်ပြီး သူ့အတွက် စားသုံးရန် အသီးအနှံများ လုံလုံလောက်လောက်ရှိပေမည်။

စွေ့ချီချောင်းက ထိုအာကာသစခန်းတွင် ရက်အနည်းငယ်ပို၍ နေထိုင်ကာ ဆလပ်ရွက်များ အညှောင့်ပေါက်လာရန် စောင့်နေလိုက်သည်။ အပူချိန်နှင့် အလင်းရောင်ကို ထိန်းချုပ်သည့်အပြင် စွေ့ချီချောင်းက သူ့၏ စကူတာကို စတင်ပြင်ဆင်လိုက်သည်။

မျိုးစေ့များ ရှိနေခြင်းက မျှော်လင့်ချက်ရှိခြင်းနှင့် တူပေသည်။ စွေ့ချီချောင်းက နွေဦးက လအနည်းငယ်အတွင်း ရောက်လာမည်ကိုတွေးမိရာ စွမ်းအင်အပြည့်ဖြစ်လာ၏။ သူက ပထမဆုံး စကူတာကို စိုက်ပျိုးရေးသုံးအတွက် သင့်တော်အောင် ပြောင်းလဲချင်ပေသည်။ ဒုတိယအနေဖြင့် စကူတာကို စိုက်ပျိုးမွေးမြူရေး ကိရိယာများနှင့် ချိတ်ဆက်လိုပေသည်။

ပထမပိုင်းကို ဖြစ်မြှောက်စေရန် လွယ်ကူသော်လည်း ဒုတိယအပိုင်းအတွက်မူ စွေ့ချီချောင်းမှာ မည်သည့် စိုက်ပျိုးရေး ကိရိယာမှမရှိပေ။

စွေ့ချီချောင်းက အိမ်ထဲတွင် အပင်စိုက်ပျိုးရန် မဖြစ်နိုင်ပေ။ သူက အပြင်တွင်လည်း သီးနှံများ စိုက်ပျိုးလိုပေသည်။ မြေဩဇာများသည်လည်း အိမ်သုံးအမှိုက်များနှင့် ဒေသထွက်အပင်များနှင့် ပြုလုပ်နိုင်ပေသည်။ ထို့အပြင် ထိုဂြိုလ်သား စွန့်ပစ်နယ်မြေများသည်လည်း မစိုက်ပျိုးမီ ထွန်ယက်စိုက်ပျိုးရန် လိုပေသည်။

ဤနေရာတွင် မည်သည့် သတ္ထုလွှာမှမရှိပေ။ သူက တခြားသော ကိရိယာ၏ အစိတ်အပိုင်းထံမှ ဖယ်ရှား၍ ရနိုင်သော်လည်း စံချိန်မီ ထွန်စက်တစ်ခုပြုလုပ်ရန် ခက်ခဲပေသည်။ စွေ့ချီချောင်းက ၄င်းနှင့်အစားထိုးရန် ချိတ်နှင့်တူနေသော သတ္ထုတစ်ခုကို ရှာလိုခြင်းဖြစ်သည်။

စွေ့ချီချောင်းက သူ့ပတ်ဝန်းကျင်တွင် သင့်လျော်သော ထွက်စက်တစ်ခုရှာဖွေလိုခြင်းဖြစ်သည်။ လပေါင်းများစွာ ကျန်နေဆဲပင်ဖြစ်သည်။ သူ့စိတ်မှာလည်း တည်ငြိမ်နေဆဲဖြစ်ကာ ၄င်းက သူ့အတွက် ကိစ္စကြီးတစ်ခုပင်။ အများဆုံးမှာ သူက လက်ကိုင်ထွက်စက်တစ်ခုသာပြုလုပ်ပြီး သူ့အတွက် စိုက်ပျိုးရေးပြုလုပ်ရန်အချိန်ကြာဦးမည် ဖြစ်သည်။

အခြားဂြိုလ်ပေါ်မှ ဆောင်းရာသီက အလယ်ခေတ်များ၏ ဆောင်းရာသီထက် ပို၍ ပျင်းစရာကောင်းသည်ဟု ခံစားရပေသည်။ ရှောင်ပိုင်က အကြမ်းထည်လုပ်ထားသည့် အရုပ်များနှင့် ဆော့ကစားနေပြီး ကျန်သည့်အချိန်များတွင် စွေ့ချီချောင်း၏ အလုပ်များကို ကူညီပေးနေသည်။ သို့မဟုတ်ပါက သူ လုပ်စရာမရှိ၍ ပျင်းရိလွန်းကာ သေဆုံးသွားနိုင်ပေသည်။

.......

LJJ：

[LJJ ကမိုက်လိုက်တာ... ငါတော့ တကယ့်ကို အထင်ကြီးသွားပြီ... သူတို့က ဘော့စ်စွေ့ကို တကယ်ကြီး အိုမီဂါတစ်ယောက် လုပ်ပစ်တာပေါ့...]

[ဟားဟားဟားဟားဟားးးးးးးး.......]

[သတင်းဖြန့်လိုက်ကြဟေ့... လူတိုင်းက စွေ့ချီချောင်း အိုမီဂါဖြစ်လာတာကို ပျော်နေကြတာ... ငါတို့ စွေ့ချီချောင်းနဲ့ ကြုံရဖို့အတွက် LJJကို အပြင်းအထန် တောင်းဆိုပါတယ်... ငါ ****ချင်တယ်... ****ချင်တယ်လို့...]

[အပေါ်ထပ်က လူက ဘယ်လို အမျိုးအစားလဲ... မင်းရဲ့ အပြစ်က ကောင်းကင်ဘုံထက်ကို ကြီးမားတယ်...]

[ငါတို့မေးသင့်တာက အပေါ်ထပ် လူက ယောက်ျားလား မိန်းမလားဆိုတာပဲ... ငါတော့ သူတို့ကို နည်းနည်းကြောက်လာသလိုပဲ...]

[အမ်... စွေ့ချီချောင်းရဲ့ မေဂျာက ဘာလဲ... သူက ဟင်းအိုးကိုလည်း တစ်စစီဖြုတ်နိုင်တယ်... ငလူး... အဲ့ဒါက သူက ပြတင်းပေါက်ကို ဖြုတ်ချချင်လို့မလား... သူက ထောင်ထဲက မိနစ်ပိုင်းအတွင်း လွတ်သွားတယ်...]

[အရေးအကြီးဆုံးက သူအဲ့ဒါကို ဖြုတ်ချပြီး ပြန်တပ်နိုင်တာပဲ... ဟုတ်ပြီလား...]

[ငလူး... အဲ့သေနတ်ကို ကိုင်ထားတုန်းက စွေ့ချီချောင်းရဲ့ ကိုယ်နေကိုယ်ထားကို တွေ့လိုက်ကြလား... ငါကတော့ အဲ့နှလုံးသားနက်မှောင်နေတဲ့ လယ်သမားနတ်ဘုရားရဲ့ အရူးအမူး ဖိနှိပ်ခံရမှာ မင်းတို့ဖြစ်မှာပဲ စိုးရိမ်တာ...]

[အဲ့ဒါက ကြယ်တာရာအကြိုခေတ်မဟုတ်ဘူးလား... သူက ဘာလို့ ရုတ်တရက်ကြီး အမှိုက်တွေ လိုက်ကောက်နေတာလဲ... သူက တခြားဂြိုလ်ပေါ်မှာ အမှိုက်ကောက်ပြီး ကန်စွန်းဥတွေ စိုက်နေတယ်ပေါ့... သူ့ဘဝက ဘယ်လိုတောင် အံ့ဩစရာကောင်းနေတာလဲ...]

[A/B/O ဆက်တင်က ဘာလို့အရမ်းပျင်းစရာကောင်းနေတာလဲဆိုတာ ငါညည်းချင်တယ်... သူက အိုမီဂါနဲ့တောင်မတူဘူး... ပြီးတော့ ငါ အယ်လ်ဖာတစ်ယောက်ရဲ့ အရိပ်အယောင်တောင် မတွေ့ရဘူး... လာပြီး ဒီအိုမီဂါကို အနိုင်ကျင့်ကြပါဦး...]

[စိတ်မပူပါနဲ့... ဒီဆက်တင်ထဲမှာ ဒရမ်မာတွေအများကြီး ငါတွေ့ထားပြီးသား... သူကပြန်ဖို့ သဘောတူ၊ လက်ထပ်ပြီး အချစ်မှာ ကျဆုံးသွားရင်သွား အဲ့လို မဟုတ်ရင် ဒီမှာပဲနေပြီးနောက်တစ်ယောက်နဲ့တွေ့ရင် တွေ့မှာ... အနာဂတ်မှာ သူက သူမိသားစုက အဇူရာနဲ့ ရင်ဆိုင်ရမှာပါ...]

[နင့်ခေါင်းကြီးကို အဇူရာပါလား... ကြည့်ရတာ ဘော့စ်စွေ့က အပင်စိုက်ပျိုးရေး သေတ္တာကို ပြင်ချင်တာနဲ့ ပိုတူတယ်...]

...

[ဒီမိန်းကလေး ဒီလိုအမူအရာဖြစ်နေတာက နတ်ဘုရား စွေ့ရဲ့ ဖယ်ရိုမုန်းတွေကို အနံ့ခံပြီးသွားလို့လား... သူရဲ့ အမူအရာကနေ ဆုံးဖြတ်ရရင် အဲ့ဒါက မြေဩဇာအနံ့တော့ ဟုတ်ပုံမရဘူး...]

[သူက ဘာအနံ့လေးလဲ... ဒီသောက်ကျိုးနည်း ရှိုးက ဖရိုဖရဲ ဟာသပြဇာတ်ကျနေတာပဲ... သူ တစ်ယောက်ယောက်နဲ့ စကားပြောခဲ့တာက ကြာလှနေပြီ... သူ့ရဲ့ ဖယ်ရိုမုန်းအနံ့က ဘာလဲဆိုတာ ငါတို့ကို ပြောပြလို့ရမလား...]

[ငါကတော့ LJJရုံးခန်းတွေကို နတ်ဘုရားစွေ့ရဲ့ ဖယ်ရိုမုန်းအနံ့ကို အမြန်လေး ကြေညာဖို့ အပြင်းအထန်တိုက်တွန်းပါတယ်... ငါကတော့ အဲ့ဒါက ဆန်အနံ့ဆိုတာ အကြွေ၅၀ လောင်းရဲတယ်...]

[သူ ကြောင်ထပ်မွေးနေပြန်ပြီ... သူက သောက်ရမ်း မိုက်တယ်... ဒီအခြေအနေရောက်နေတာတောင် နတ်ဘုရား စွေ့က ကြောင်မွေးဖို့ မမေ့ဘူး... ဒါပေမဲ့ သူ့ရဲ့ နာမည်ပေးတဲ့ အရည်အချင်းက နည်းနည်းလေး မဆိုးဘူးလား... ဒီကြောင်ရဲ့ အမွေးက လုံးဝ လိမ္မော်လေ... အဲ့ဒါကိုတောင် ဘာလို့ရှောင်ပိုင်လို့ခေါ်နေသေးတာလဲ... ကြောင်တစ်ကောင်ကို ပေးဖို့လွယ်လိုက်တဲ့နာမည်...]

[စွေ့ချီချောင်းရဲ့ ပရိုဂရမ်ကိုကြည့်ပြီး ငါသင်ယူထားတဲ့ ကျယ်ပြန့်တဲ့ ဗဟုသုတကို အခြေခံပြီးပြောရရင်... ၃ပေါင်က တန်တယ်လို့ ငါမထင်ဘူး...]

[ငါလည်း အဲ့ကြောင်ကို ၃ပေါင်တန်တယ်လို့မထင်ဘူး... သီးနှံ ၃ပေါင်က သူရက်တွေအကြာကြီး စားလို့ရတယ်... အဲ့ကြောင်က ၃ပေါင်တောင် မရှိလောက်ဘူး...]

[သခင်ကြီး... သခင်ကြီးရေ... ကျေးဇူးပြုပြီး ပြန်စဉ်းစားပါဦး... လိမ္မော်ရောင် ကြောင်က မတန်ဘူး... ၃ပေါင် လုံးဝ မတန်ဘူး...]

[သူက ငတုံးကောင်နော်...]

🍀🍀🍀

Prev Next