MM Story Teller

Chapter 95

Viewers 3k

🌱 Arc 3 - [ကြယ်တာရာခေတ် ABOကမ္ဘာတွင် လယ်စိုက်ခြင်း ]

Ch 95

သေလမ်း လာရှာခြင်း (၂)

LJJ:

[ဘယ်တစ်ယောက်က အိုမီဂါလဲ... ငါ A/B/O တွေ အများကြီး ဖတ်ဖူးပါတယ်... ဒါပေမဲ့ အိုမီဂါတစ်ယောက်က မျက်နှာသေကြီးနဲ့ ထိုင်နေပြီး အယ်လ်ဖာတစ်ယောက်က ငိုယိုညည်းညူနေတာမျိုး တစ်ခါမှ မတွေ့ဖူးဘူး...]

[အမှားတစ်ခုဖြစ်ရမယ်... သူ့ ဝမ်းကွဲ အစ်ကိုကလည်း အိုမီဂါပဲ မဟုတ်ဘူးလား...]

[ကြောက်စရာကောင်းလိုက်တာ... စွေ့ချီချောင်းက heatကို တစ်ယောက်တည်း ဖြတ်သန်းနိုင်တာ ထားပါတော့... ဒါပေမဲ့ စွေ့ချီချောင်းက rutဝင်နေတဲ့ အယ်လ်ဖာတစ်ယောက်ရှေ့မှာ အေးအေးဆေးဆေးနဲ့ သူ့ကြောင်ကို ခေါ်ပြီး အစားစားဖို့ပြောနေတာကြီးကတော့....]

[ဟေး... မင်းပြောလေလေ၊ ဆိုးလာလေလေ ဖြစ်နေပြီ...]

[အား..... ကြောက်စရာကောင်းလိုက်တာ.... စွေ့ချီချောင်းမှာ လက်နက်တွေ အများကြီး ရှိနေပြီး နောက်ဆို မြေတွေ ထပ်ထပ်ပြီး ရလာမှာ... သူက သေနတ်တစ်လက်ကိုင်ပြီး လူတွေကို နေရာတိုင်းမှာ သူ့အတွက် လယ်စိုက်ပေးဖို့ တွန်းအားပေးမှာ... ဘာပဲဖြစ်ဖြစ် သူက အလယ်ခေတ်မှာ အကြာကြီး နေခဲ့တာပဲ... သူက မြေကျွန်တွေရဲ့ဖြစ်တည်မှုကို သုံးချင်ရင်... သူနဲ့ ဒီမှာ လယ်စိုက်ဖို့ ကျွန်တွေ ဖမ်းလောက်တယ်မလား...]

[*ငါ့မျက်နှာကို ကုတ်နေတယ်* ငါနောက်ဆုံးတော့ ကျေနပ်လွန်းလို့ သေလို့ရပြီး... မင်းတို့ စွေ့က နောက်ဆုံးတော့ ဒေါသကို သုံးရတဲ့ အလှတရားကို သင်ယူပြီးသွားပြီပေါ့…]

[ငါက အဆိပ်သင့် အမေရိကန် နည်းလမ်းဖြစ်တဲ့ A/O BDSMplay ကို အားပေးဖို့ ဆုံးဖြတ်လိုက်ပြီ...]

[ ဒါက ကျွန်ပြု လယ်စိုက်ခြင်းလား... စွေ့ချီချောင်းက တကယ်ကို အေးစက်တဲ့ လူပဲ...]

....

[အခြေအနေက ဘာကြီးလဲ... ရှောင်ဟူက ဥက္ကဌစွေ့ကိုမြင်တာနဲ့ တုန်ယင်နေတာပဲ... အဲ့ဒါက ငါ season ၃ခုတောင် စောင့်လာခဲ့တဲ့ "ကျားခန္ဓာ တုန်ယင်ခြင်း"ဆိုတာလား... နောက်ဆုံးတော့ ဥက္ကဌ စွေ့က ငါတို့လိုချင်တာကို ဘယ်အချိန်က နားလည်သွားတာလဲ...]

[မဟုတ်ဘူး... မဟုတ်ဘူး... ငါ့သဘောအတိုင်းဆို သခင်ကြီးစွေ့က အဲ့ဒါကို နားလည်နေတာကြာပြီ.... အလယ်ခေတ်မှာတုန်းက အဲ့မြေကျွန်တွေနဲ့ သူရဲကောင်းတွေက ခဏခဏ သူ့ကို လေးစားသမှုနဲ့ ကြည့်ကြတယ်... ဒါပေမဲ့ လူမှုရေး အခြေအနေအရ လူတိုင်းက အဲ့ဒါကို ခွဲခြားနိုင်ဖို့ ခက်တာပဲ...]

[ရှောင်ဟူက ဘယ်သူလဲ...]

[ဟင်း... ဒါက ငါတို့ သခင်ကြီး စွေ့ရဲ့ ကိုယ်ကျင့်စရိုက်နောက်ခံက မှန်တယ်ဆိုတာ သက်သေပြတာပဲ... သူက အမျိုးသားတွေကို လုံအောင်ထျန်းဖြစ်အောင်အထိသွားနိုင်ပြီး အမျိုးသမီးတွေကို အရမ်းချုပ်ချယ်တတ်တဲ့ CEO ဖြစ်အောင် လျော့ချပစ်နိုင်တယ်... သူက လက်ဗလာနဲ့ ဗုံးလုပ်နိုင်ပြီး စကားပြောနေတုန်းမှာပဲ လူတွေကို သိမ်းသွင်းနိုင်ပြီး စွမ်းဆောင်ရည်တွေ ပြည့်နေတဲ့ ခန္ဓာကိုယ်ကို ပိုင်ထားတာ...]

(လုံအောင်ထျန်းဆိုတာက အရမ်းချောပြီး အပြစ်ပြောစရာမရှိတဲ့ ဇာတ်ကောင် နာမည်ပါ)

[မင်းမှာ စွမ်းဆောင်ရည်အပြည့်နဲ့ ခန္ဓာကိုယ်ရှိတာကိုတောင် လယ်ကွင်းထဲမှာ ဖြုန်းပစ်တယ်ပေါ့...]

စွေ့ချီချောင်းက အပင်များကို ပုံမှန်စုဆောင်းခြင်းဖြင့် လူသူမဲ့ဂြိုလ်ပေါ်တွင် တိုးတက်မှုအချို့ကို လုပ်ခဲ့သည်။ တစ်ချို့အပင်များက လန်းဆန်းစေသော အရသာရှိပြီး အမြစ်များနှင့် အသီးများ၏ အရည်များသည်လည်း မှိုများနှင့် ဗိုင်းရပ်များကို တိုက်ခိုက်နိုင်သည်ကို တွေ့ရသည်။ ထိုအပင်များကို စိုက်လိုက်ပါက ပတ်ဝန်းကျင်မှ အပင်များကို စောင့်ရှောက်ပေးနိုင်ပေသည်။

၄င်းမှာ သဘာဝ ပိုးသတ်ဆေးဖြစ်သည်။ ကြီးထွားမှု စက်ဝန်းက မကြာသော်လည်း အရသာက အနည်းငယ် ထူးဆန်းကာ အနံ့နံ၏။ ၄င်းကို ဟင်းခတ်အမွှေးအကြိုင်အဖြစ် အသုံးပြုရန် မသင့်လျော်ချေ။ ၄င်းကို စိုက်ပါက သစ်ရည်များထုတ်ပြီး ပိုသတ်ဆေးအဖြစ် သုံးနိုင်၏။

ထိုပိုးသတ်ဆေးပင်များ၏ အရည်အစိမ်းထုတ်ယူနိုင်မှုက မမြင့်မားကာ ၄င်းတို့ထဲရှိ ရေပါဝင်နှုန်းသည်လည်း မမြင့်ပေ။ ထို့အပြင် အရည်လိုအပ်မှုက များ၏။ စွေ့ချီချောင်းမှာ ယခင်က ၄င်း၏ ပမာဏအနည်းငယ်ကို စမ်းသပ်ပြီး ဖြစ်သည်။ ထွက်လာသည့် အရည်အစိမ်း၏ အလေးချိန်မှာ အပင်အလေးချိန်၏ ၂၀ရာခိုင်နှုန်းခန့်သာ ဖြစ်သည်။ ၁မူလျှင် ပိုးသတ်ဆေးပင် အထွက်နှုန်းမှာ ၁၅၀၀ထိရောက်နိုင်သည်ဟု ခန့်မှန်းရ၍ သူက အရည် ၃၀၀ကီလိုဂရမ်နီးပါး စုဆောင်းနိုင်သည်။

သို့ဖြစ်၍ စွေ့ချီချောင်းက စွန့်ပစ်နယ်မြေ ၁၀မူကို ပြန်လည် ဖော်ယူပြီး ပိုးသတ်ဆေးပင်များ စိုက်ရန် စီစဉ်ထား၏။

စွေ့ချီချောင်းက ဥမြစ်ပင် အမျိုးအစားတစ်ခုကိုလည်း တွေ့ရှိထားသည်။ ၄င်း၏ အမြစ်ယောင်က စား၍ရသည်ဟု ခန်းမှန်းရသည်။ လက်ရှိအချိန်တွင် ထိုဥမြစ်ပင်မှာ လက်ဖဝါးအရွယ်လောက်သာဖြစ်ပြီး အဆိပ်မရှိဘဲ ချဥ်သည်ဟုသာ သိနိုင်သည်။ ၄င်း ရင့်လာသောအခါ ဘာဖြစ်မည်ကို တွေ့ရန် ကျန်ရစ်နေသေး၏။ ၄င်းက ကန်စွန်းဥများနှင့် မတူသော်လည်း အချဥ်အရသာ အကူပစ္စည်းအဖြစ် အသုံးပြုနိုင်သည်။

ပိုးသတ်ဆေးပင်များစိုက်ပျိုးခြင်းမှာ ပြောင်းနှံစားပင်ကဲ့သို့ မတင်းကြပ်ရာ စွေ့ဟူလုပ်နိုင်၏။ စွေ့ချီချောင်းက မြက်အစေ့များအားလုံးကို စုထားလိုက်သည်။ ၁၀မူမှာ သူ့အတွက် ပျိုးကြဲကာ အပင်ရွေ့စိုက်ရန်အတွက် လုံလောက်သည်ထက် ပိုပေသည်။

စွေ့ဟူက မြက်စေ့များကို ဖြန့်လိုက်ပြီး K921လက်နက်ကို ဖြတ်သွားလိုက်သည်။ သူက တောင့်ခဲနေသော်လည်း သူ့ခြေထောက်များက ပျော့ခွေသွားသည့်အချိန်နှင့်ယှဉ်လျှင်များစွာ ပိုကောင်းနေ၏။

သူ့ရှေ့ရှိ လယ်ကွက်မှာ ဆလပ်ရွက်များ၊ ကန်စွန်းဥ ပင် အရွက်များနှင့် တခြားအပင်များဖြင့် ပြည့်နေ၏။ ကျက်တီးမြေတစ်ခုမှ ၄င်းက အလွန်ပေါ်လွင်သည့် ကုန်းမြေစိမ်းတစ်ခုဖြစ်လာပေသည်။ ထိုမြင်ကွင်းကပင် စွေ့ဟူကို ရင်ထဲထိစေသည်။

ဒါပေမဲ့ ဒီလယ်ကွင်းထဲမှာ အန္တရာယ်များတဲ့ လက်နက်တွေ ဖွက်ထားတယ်ဆိုတာ ဘယ်သူက သိမှာလဲ...

အမှိုက်ပုံထဲတွင် K921လက်နက်များ ရှိနေသည်သာမက ထိုရွေ့မရသည့် စက်အကြီးကြီးပေါ်တွင် လက်နက်များသည်လည် ဖြန့်ထားလေသည်။ ၄င်းတို့မှာ သာမန် ဟင်းသီးဟင်းရွက်စိုက်ခင်းတစ်ခု မဟုတ်ပေ။

တစ်ရက်တွင် စွေ့ဟူက အာကာသစခန်းထဲတွင် ရပ်နေရင်း သူ့ရှေ့ရှိ စိုက်ပျိုးမြေမှာ လက်နက်များဖြင့် တပ်ဆင်ထားသည်ကို တွေ့လိုက်သော်လည်း အနောက်ဘက်မှာ ဗလာကျင်းနေသည်ကို ကြည့်လိုက်၏။ စွေ့ဟူက သူ့ဝမ်းကွဲညီလေးကို တိတ်တဆိတ်ရယ်လိုက်သည်။ သူက ထုတ်လုပ်ရေးတွင် ကျွမ်းကျင်သော်လည်း သူ့၏တပ်ကို စီမံရာတွင် မတော်ချေ။ အာကာသစခန်း၏ ရှေ့၌ပင် လက်နက်စွမ်းအားရှိနေပြီး အနောက်ဘက်က ဘာမှရှိမနေချေ။

ရလဒ်အနေဖြင့် စွေ့ချီချောင်းက ဗီရိုကို ဖွင့်လိုက်ပြီး အထဲမှ စက်လက်နက်တစ်ခုကို ဆွဲထုတ်လိုက်ကာ နံရံထိပ်တွင် အသံလွှင့်စက်တစ်ခု ချိတ်ထားလိုက်သည်။ တစ်ချက်ကြည့်လိုက်ရုံနှင့် ၄င်းမှာ စွေ့ချီချောင်းကိုယ်တိုင် ဒီဖိုင်းဆွဲထားသည်ကို စွေ့ဟူပြောနိုင်၏။ အာကာသစခန်းမှာ ပထမဆုံးတည်ဆောက်ချိန်က ဤလုပ်ဆောင်ချက် မရှိသည်မှာ အသေအချာပင်။ ၄င်းမှာ K921မဟုတ်သော်လည်း အလွန်ကြောက်စရာကောင်းပြီး သေနတ်ပြွန်ကြီးများဖြင့် ပြည့်နေသည်ဟု ထင်ရသည်။

စက်လက်နက်ကြီးကို တပ်ဆင်ပြီးနောက် ၄င်းကို ခုံပေါ်တွင် တင်ကာ အဝေးကြည့် မှန်ပြောင်းကို ပြင်ပ ပြတင်းပေါက်အသေးလေးတစ်ခုနှင့် ချိန်ညှိထားသည်။ ထို့နောက် ၄င်းကို ပတ်ဝန်းကျင်တစ်ခုလုံးအား လေ့လာရန် အသုံးပြုနိုင်သည်။ တစ်စုံတစ်ယောက်ကို ပစ်ခတ်ရန် အကောင်းဆုံးနေရာမှာ ဤနေရာဖြစ်သည်။

တခြားတစ်နည်းဆိုရသော် အနာဂတ်တွင် ချုံခိုတိုက်ခိုက်မှုတစ်ခုရှိလာပါက စွေ့ချီချောင်းမှာ ၄င်းတို့အားလုံးကို ဤနေရာတွင် တစ်ယောက်တည်း ထိုင်ကာ သတ်ဖြတ်ရန် စီစဉ်ထားခြင်းပင်။ သူတို့က အရှေ့ရှိ စိုက်ပျိုးမြေကိုပင် မရောက်နိုင်ဟူသောအချက်ကို ထည့်ပြောရန်ပင် မလိုချေ။ စွေ့ချီချောင်း၏ မြေကိုထိသည့် မည်သူမဆိုက အနားသို့မကပ်နိုင်မီမှာပင် ရှင်းလင်းခြင်း ခံရမည်ဖြစ်သည်။

K921၏ ကြောက်မက်ဖွယ် တည်ရှိမှုနှင့် ဆိုလျှင်ပင် စွေ့ဟူ၏ နှလုံးသားမှာ သူ့ဗီရိုထဲတွင် ဖွက်ထားသော ဤအရာကိုမြင်သောအခါ တဒုတ်ဒုတ်ခုန်လာတော့သည်။ စွေ့ချီချောင်း၏ ပုံမှန်အမူအရာမှ အဓိကထား ဆုံးဖြတ်ရလျှင် သူက ထိုကဲ့သို့အရာတစ်ခုကိုပြုလုပ်နိုင်သည်ဟု စွေ့ဟူပြောနိုင်၏။ စွေ့ဟူမှာ သူက အင်မော်တယ်တစ်ယောက်ဖြစ်လာရန် ကောင်းကင်သို့ တက်တော့မည်ဟု ထင်ဟပ်နေသော အမူအရာတစ်ခု ရှိနေ၏။

စွေ့ဟူက သူ့နှာခေါင်းပေါ်သို့ မိုးများကျလာသည်ကို ခံစားရ၏။

"မိုးရွာနေပြီ.... မိုးရွာနေပြီ...."

ဤသည်မှာ လူသူမဲ့ဂြိုလ်၏ မိုးရာသီဖြစ်သော်လည်း သူတို့နေရာတွင် မိုးများများမရွာပေ။ စွေ့ဟူက အိမ်ထဲသို့ ပြေးဝင်သွားသည်။

ရှောင်ပိုင်က သူနှင့် ကွဲပြားစွာ ပြုမူ၏။ ကြောင်မှာ ယခင်ကတည်းက မိုးရွာမည်ကို သိထားပြီးဖြစ်သည်။ ဤအချိန်တွင် သူက ထီးတစ်ချောင်းနှင့် ပြေးထွက်လာပြီးဖြစ်သည်။ ၄င်း၏ ပါးစပ်က မကြီးသောကြောင့် ထီးအဖုံးကိုကာ ကိုက်ပြီး စွေ့ချီချောင်းရှေ့တွင် ခုန်ပေါက်နေသည်။ ၄င်းက ထရပ်ပြီး သူ့ကို ထီးကမ်းပေးလိုက်သည်။

ကြည့်လိုက်လေ... ဒီအချိန်မှာတောင် သူ့ညီလေးက အလန့်တကြားမဖြစ်ဘူး...

စွေ့ဟူက နောက်လှည့်ကြည့်ကာ တွေးလိုက်သည်။

စွေ့ချီချောင်းက သူ့ထီးကို ဖွင့်ပြီး မြက်စေ့များ စုနေသည်။ သူလက်ဆန့်လိုက်သည်နှင့် ရှောင်ပိုင်က သူ့ခြေထောက်မှတက်လာပြီး သူ့လက်မောင်းများပေါ်တွင် ထိုင်လိုက်သည်။ ထို့နောက် သူက စိုက်ပျိုးမြေ တစ်ခုပြီးတစ်ခုဖြတ်ကာ နောက်သို့ တဖြည်းဖြည်း ပြန်လျှောက်လာသည်။

စက္ကန့်ပိုင်းအတွင်း မိုးက ပိုသည်းလာလေသည်။ စွေ့ဟူက နောက်သို့ပြန်ပြေးကာ ထီးအောက်သို့ ဝင်လိုက်သည်

"ဝမ်းကွဲ ညီလေး... ငါမင်းကို ထီးကူကိုင်ပေးမယ်..."

လိမ္မော်ရောင်ကြောင်၏ မကျေနပ်မှုအောက်တွင် စွေ့ဟူက သူ့မျက်နှာကို အဖက်ဆယ်ရန်ကြိုးစားပြီး စိတ်လှုပ်ရှားစွာ ဆိုလိုက်သည်။

"ညီလေး... ဒါက အဖိုးတန်တဲ့ နွေဦးမိုးပဲ..."

စွေ့ချီချောင်းက ခေါင်းလှည့်လာသည်။

"ငါးကန်ကို မကာရသေးဘူး... ခဏနေမှ မိုးစက်တွေရဲ့ pHတန်ဖိုးကို ငါတိုင်းကြည့်လိုက်မယ်... ရေအရည်အသွေးက ပြောင်းသွားရင် ပြန်ညှိရမှာ..."

စွေ့ဟူ - "..."

ငါ စိတ်ဓာတ်ကျနေပြီ....

မိုးက တစ်နာရီခန့်ရွာပြီး စွေ့ချီချောင်းက ငါးကန်ဆီသို့ တစ်နေ့လျှင် သုံးကြိမ်သွားကာ ငါးများနှင့် ရေအရည်အသွေးကို သွားစစ်ဆေးလိုက်သည်။ မိုးစဲသွားသောအခါ သူက ရေကန်ဆီသို့ ပြန်လာမည်ဖြစ်သည်။ သူက မြက်စေ့များ ပျိုးကြဲခြင်းလုပ်ငန်းစဉ်ကို ခေတ္တမှ ဘေးဖယ်ထားပြီး ငါးကန်၏ pHကို စစ်ဆေးလိုက်သည်။

အနည်းဆုံးတွင် ရေအရည်အသွေးနှင့် ပတ်သတ်၍ ပြဿနာမရှိသော်လည်း ပျော်ဝင်နေသော အောက်ဆီဂျင်က အနည်းငယ် မလုံလောက်ပေ။ ထို့အပြင် မိုးသည်းထားရာ ရေပေါ်တွင် ပေါင်းပင်အချို့ ရှိနေ၏။ စွေ့ချီချောင်းက တုတ်ရှည်တစ်ချောင်းကို ယူကာ ပိုက်ကွန်တစ်ခုကို အရှေ့တွင်ချည်ပြီး ၄င်းတို့ကို သန့်ရှင်းလိုက်သည်။

ငါးကန်ကို သန့်ရှင်းပြီးနောက် စွေ့ချီချောင်းက လေမှုတ်ပစ္စည်းတစ်ခုကို စတင်ပြုလုပ်လိုက်သည်။ ၄င်းကို လုပ်ရသည်က အလွန်ရိုးရှင်းပေသည်။ စက်ဖွင့်ထားသည့်အခါ ၄င်းက စက်လှုပ်ဆောင်မှုအချို့အောက်တွင် ပျော်ဝင်အောက်ဆီဂျင်များကို ရေထဲသို့ ဖြန်းပေးမည်ဖြစ်ရာ ပျော်ဝင်အောက်ဆီဂျင်အခြေအနေကို အလျင်အမြန် တိုးတက်စေနိုင်သည်။

ပျော်ဝင်အောက်ဆီဂျင် နည်းပါးမှုက မိုးရေ၏ အပူချိန်နည်းပါးမှုကြောင့်ဖြစ်သည်ဟု မှန်းဆမိသည်။ ငါးကန်ထဲသို့ မိုးရေအများအပြား ကျသွားပြီးနောက် ရေ၏ အပေါ်ပိုင်းနှင့် အောက်ပိုင်းအလွှာများက အလျင်အမြန် ပြောင်းလဲကာ ရေထဲတွင် အောက်ဆီဂျင်မလုံလောက်မှုကို ဖြစ်စေသည်။ ကံကောင်းသည်မှာ ငါးများ၏ တက်ကြွမှုက အလွန်မြင့်ပြီး ငါးများက အလွန်ဇွဲကြီးကာ လက်ရှိတွင် အောက်ဆီဂျင် ပြတ်လပ်သည့် လက္ခဏာတစ်ခုမှ သိသိသာသာမရှိချေ။

စွေ့ချီချောင်းက ရေပန်းလေမှုတ်ကိရိယာကို ရေထဲသို့ထည့်လိုက်သည်။ ၄င်းက ချက်ချင်းပင် ရေပန်းကဲ့သို့ ပန်းထွက်လာသည်။ ၄င်းကို အလျင်စလိုပြုလုပ်ရသောကြောင့် ရေတိုင်က ဘယ်ညာယိမ်းနေဆဲဖြစ်သည်။

ရှောင်ပိုင်၏ မျက်လုံးများက ရေတိုင်နောက်သို့ ဘယ်ညာလိုက်ကာ တမင်ကြည့်နေသည်။

ငလူး... အဲ့ဒါက ကြောင်ရဲ့မသိစိတ်အတိုင်း ဖြစ်နေတာ...

ရှောင်ပိုင်က စိတ်ထဲတွင် ရိုင်းစိုင်းစွာ ဆဲဆိုလိုက်သော်လည်း ၄င်း၏ မျက်လုံးများက လှုပ်ရှားနေသောအရာဝတ္ထုနှင့် မခွဲနိုင်ဆဲဖြစ်ပြီး ထပ်မံ စိတ်ကူးယဉ်မိသွားပြန်သည်။

ငါ ကြောင်အကြီးကြီးဖြစ်လာရင် အလိုလိုလှုပ်နေတဲ့ ကြောင်ကိုစတဲ့ အချောင်းတစ်ခု စွေ့ချီချောင်းကို လုပ်ခိုင်းပြီး စွေ့ဟူကို ချည်ထားလိုက်မယ်...

....

စွေ့ထင်နှင့် စွေ့ရှောင်ကျန်းတို့က လူယုံတော် ၅ယောက်နှင့် လူသူမဲ့ ဂြိုလ်ပေါ်သို့ ရောက်ရှိလာသည်။ ဤအခြေအနေက မိသားစုကိစ္စအချို့ ပါဝင်နေရာ ဤနေရာသို့ လာသမျှလူတိုင်းက သူတို့မိသားစုမှ လူများဟု ပြောနိုင်၏။

အစပိုင်းတွင် အစ်ကိုဟူက စွေ့ချီချောင်းထံ လာလည်သည်။

သူ့ဆီကို ရောက်တဲ့ ဆက်သွယ်ရေး အချက်ပြမှုက ပြဿနာမဖြစ်ပေမဲ့ သူက မိသားစုနဲ့ ဘာလို့ အဆက်အသွယ် ပြတ်သွားလဲဆိုတာ ဘယ်သူသိမှာလဲ... သူက ပြန်လည်း မဖြေဘူးလေ... အဲ့တော့ သူ့မိသားစုက ဘာဖြစ်တာလဲ သိရအောင် သူတို့ကို ပို့လိုက်တာ...

လူသူမဲ့ဂြိုလ်မှာ မုန်တိုင်းများကဲ့သို့ သဘာဝ ဘေးအန္တရာယ်အကြီးစားများ မရှိသည်က အကျိုးအကြောင်းဆီလျော်၏။ သို့မဟုတ်ပါက သူတို့က ဤနေရာတွင် အာကာသစခန်း ဆောက်မည်မဟုတ်ပေ။ လူလုပ် မတော်တဆများ ဖြစ်နိုင်ခြေက ပိုများပေသည်။ ဤလူသူမဲ့ ဂြိုလ်ပေါ်တွင် တရားမဝင် အဖွဲ့အစည်းများလည်း ရှိ၏။ အာကာသ စခန်းမှာ ကောင်းမွန်စွာ ကာကွယ်ထားသည်ဟု ပြောရန် ကျိုးကြောင်းဆီလျော်ပြီး စွေ့ဟူမှာ ကိစ္စများကို အမြဲလိုလို သင့်လျော်အောင် ပြီးမြောက်ခဲ့၏။ သို့သော် မိသားစုမှာ "တကယ်လို့"ဆိုသည့် အခြေအနေများကို ကြောက်ရွံ့ခြင်းဖြစ်သည်။

တည်နေရာသို့ ရောက်ရှိပြီးနောက် သူက ဦးဆုံး ပြင်ပတွင် ခေတ္တနေလိုက်သည်။ အဘယ့်ကြောင့်ဆိုသော် စွေ့ရှောင်ကျန်းက ဤနေရာတွင် ကြီးမားသော စွမ်းအင် စီးဆင်းမှုပါဝင်နေသည့် ပြင်းထန်သော လျှပ်စစ်သံလိုက် ထုတ်လွှင့်မှုများကို ခြေရာခံမိ၍ပင်။

"ဒါက အစ်ကိုဟူ ပျောက်သွားတာနဲ့ ပတ်သတ်ပြီး ဘာမှမဆိုင်လောက်ပါဘူး..."

စွေ့ရှောင်ကျန်းက ရေရွတ်လိုက်သည်။

"ငါထင်တာတော့ ဒီမှာ စခန်းချနေတဲ့ တခြားအဖွဲ့အစည်းတွေက ဆန့်ကျင်ဒြပ်တွေကို လိုက်စုနေတာကို နင်က အရမ်းအလေးအနက် တွေးနေမိတာထင်တယ်..."

စွေ့ထင်၏ အမြင်က ကွဲပြားပေသည်။ သူမက စွေ့ဟူနှင့် လူသူမဲ့ ဂြိုလ်ပေါ်ရှိ တခြားလူများ ပြဿနာတက်ခဲ့ပါက အာကာသ စခန်းနှင့် လေယာဉ်မှာ မပျက်မစီး ကျန်နေမည် မဟုတ်ပေ။ ဆက်သွယ်ရေး အချက်များက ချိတ်ဆက်၍ ရသော်လည်း အကြောင်းပြန်မလာခြင်းဖြစ်သည်။

"အစ်ကိုဟူလာတုန်းက သူrut ဝင်တော့မယ်ဆိုတာ ငါအမှတ်ရပြီ..."

စွေ့ရှောင်ကျန်းက သူမကို အလန့်တကြား ကြည့်လိုက်သည်။

"နင် ဆိုလိုတာက..."

စွေ့ထင်က ချောင်းဆိုးလိုက်သည်။

"ဘယ်သူသိမှာလဲ... အယ်လ်ဖာတစ်ယောက်နဲ့ အိုမီဂါတစ်ယောက်ရဲ့ မတော်တဆတွေ့ဆုံတာရဲ့ ဖြစ်နိုင်ခြေက တခြား မတော်တဆမှုတွေထက် ပိုများတယ်လို့ နင်မထင်ဘူးလား..."

စွေ့ရှောင်ကျန်း - "အာ ဒါက... ဒါက မတတ်နိုင်ဘူးလေ... အယ်လ်ဖာတွေနဲ့ အိုမီဂါတွေက ဖယ်ရိုမုန်းတွေရဲ့ လွှမ်းမိုးမှုကို အလွယ်တကူ ခံရတယ်..."

ဤကဲ့သို့ ပြင်းထန်လှသော ထုတ်လွှင့်မှုတစ်ခုက သူတို့ကို အနည်းငယ် သတိပေးနေသော်လည်း ၄င်းမှာ သူတို့ရှာနေသောလူထံမှဟု သူတို့က မထင်ချေ။ လေယာဉ်က နိမ့်လာပြီး တဖြည်းဖြည်း မြေပြင်ကို မြင်နိုင်လာ၏။

ညဘက်တွင် အာကာသစခန်းမှ ထုတ်လွှင့်သောအလင်းက မြေကွင်းပြင်ကို အလွန်သိသာနေစေသည်။ ပို၍ ထူးဆန်းသည်က ချိတ်ထားသော မီးများဖြင့် ထွန်းထားသော အာကာသစခန်းပတ်လည်တွင် အပင်ကြီးများ ရှိနေပုံရသည်။

"အဲ့ဒါက ဘာလဲ..."

စွေ့ရှောင်ကျန်းက ဖန်သားပြင်ကို အတန်ကြာအောင် စိုက်ကြည့်နေလိုက်သည်။

"အဲ့ဒါက သပ်ရပ်နေတာပဲ... အဲ့အလင်းတွေက ဘယ်ကလာတာလဲ... အာကာသစခန်းက တခြားလူတွေ သိမ်းပိုက်ခံလိုက်ရတာတော့ မဟုတ်ဘူးမလား..."

"မဟုတ်မှ... မဟုတ်မှ အဲ့ဒါက အစ်ကိုဟူရဲ့ လေယာဉ်လား..."

စွေ့ထင်သည်လည်း ဆိုလိုက်သည်။

အခြေအနေမှာ အလွန်ဆန်းကြယ်၍ သူတို့က မျက်မှောင်ကြုတ်လိုက်သည်။ လူတိုင်းက သတိတကြီးဖြင့် လေယာဉ်အကာအကွယ်ကို ဖွင့်ကာ ဆင်းသက်လိုက်သည်။

.....

"သီးနှံတွေကို မီးထွန်းပေးထားတဲ့ အချိန်က လုံလောက်တော့မယ်..."

စွေ့ချီချောင်းနှင့် စွေ့ဟူက အာကာသစခန်းထဲတွင် ထိုင်နေသည်။ သူက စွေ့ဟူကို မီးပိတ်ရန် ပြောလိုက်သည်။

စွေ့ဟူသည်လည်း စွေ့ချီချောင်း သူ့အား အမိန့်ပေးသည်အား အသားကျနေပြီဖြစ်သည်။ စွေ့ဟူ ထရပ်လိုက်ချိန်မှာပင် အပြင်ဘက် လေထုထဲမှ သာမန်မဟုတ်သော တောက်ပသည့်နေရာတစ်ခုကို အာရုံစိုက်မိသွားသည်။

"နေပါဦး... အဲ့ဒါက..."

အလတ်စား လေယာဉ်တစ်စီးက တဖြည်းဖြည်း နိမ့်ဆင်းလာသည်။ ဤမြင်ကွင်းက အလွန်ရင်းနှီးနေရာ စွေ့ဟူက ချက်ချင်းပင် နောက်လှည့်ပြီး ဆိုလိုက်သည်။

"ဝမ်းကွဲညီလေး... ငါတို့မိသားစုက လွှတ်လိုက်တဲ့လူတွေ လာပြီ..."

စွေ့ချီချောင်းသည်လည်း ထရပ်လိုက်သည်။

"ဟင်...."

စွေ့ဟူက စိတ်လှုပ်ရှားပြီး ကြံရာမရဖြစ်နေလေသည်။ သူတို့မိသားစုမှ လူများ ရောက်လာသော်လည်း လာသောလူအရေအတွက်ကိုကြည့်ကာ သူ့ကို ကယ်တင်နိုင်မည်ဟု သူ မထင်ပေ။

"ဝမ်းကွဲညီလေး... ဒီမှာကြည့်... လက်နက် စနစ်က ဖွင့်ထားပြီးပြီ... ခဏနေကျရင် ငါတို့မိသားစုကို အကြမ်းမဖက်ဘူး... ဟုတ်တယ်မလား..."

စွေ့ချီချောင်း၏ မျက်နှာက တည်ငြိမ်နေသည်။

"လုံးဝ မလုပ်ပါဘူး..."

စွေ့ဟူက သက်ပြင်းချလိုက်သည်။

ဤတစ်ချိန်တွင် လေယာဉ်က မီတာ ၁၀၀အတွင်းရောက်လာလေသည်။ စွေ့ဟူက အကွာအဝေးကို ကြည့်လိုက်ရာ တစ်ခုခုမှားနေသကဲ့သို့ လေယာဉ်မှာ လေယာဉ် ရပ်ရာနေရာတွင် ရပ်မည့်ဟန် မပေါ်သည်ကို တွေ့လိုက်ရသည်။ သူတစ်ခုခုပြောလိုသည့်အချိန်မှာပင် လေယာဉ် ဆင်းလိုက်သည့် မြေပြင်မှာ စွေ့ချီချောင်း၏ ဆလပ်ရွက်အခင်းကို ဖိနေသည်ကို တွေ့လိုက်ရ၏။

စွေ့ဟူက ကြောင်အသွားပြီး စွေ့ချီချောင်း၏ အမူအရာကို လှည့်မကြည့်ရဲတော့ပေ။

🍀🍀🍀

Prev Next