MM Story Teller

Chapter 97

Viewers 3k

🌱 Arc 3 - [ကြယ်တာရာခေတ် ABOကမ္ဘာတွင် လယ်စိုက်ခြင်း ]

Ch 97

ငါ့စိုက်ခင်း ပြန်ပေး(၂)

"အား...."

စွေ့ထင်မှာ ဦးဆုံးနိုးလာပြီး သူမက အေးစက်စက် ကြမ်းပြင်ပေါ်တွင် လှဲနေသည်ကို တွေ့လိုက်ရသည်။ အခြားသူများသည်လည်း ပက်လက်လန်နေကြသည်။ အတွင်းပိုင်း အပြင်အဆင်ကို ကြည့်ကာ ဤသည်က အာကာသစခန်းတစ်ခုဖြစ်ရမည်ဟု ဆုံးဖြတ်လိုက်သည်။ ဦးတည်ရာမဲ့ လျှောက်သွားနေသည့် စက်ရုပ်သုံးရုပ်လည်း ရှိသည်။ မြေပြင်တွင် အတားအဆီးများ အလွန်များရာ သူတို့က တစ်ခါတစ်ရံ ထိတ်လန့်စေသည့် အသံများ ပြုလုပ်နေကြသည်။

စွေ့ချီချောင်းက သူမ၏ မြင်ကွင်းမှ ပျောက်နေလေသည်။ စွေ့ဟူက ဘေးတွင်ထိုင်နေပြီး သူဘာကြံနေသည်ကို စွေ့ထင် မသိချေ။

"အစ်... အစ်ကို ဟူ..."

စွေ့ထင်က အားနည်းစွာ အော်လိုက်သည်။

"နင် နိုးလာပြီလား..."

စွေ့ဟူက ငါးများအတွက် လတ်လတ်ဆတ်ဆတ် ရောထားသော ငါးစာများကို ချလိုက်သည်။

"နင်က အချိန်ကိုက်ကို နိုးလာတာပဲ... ငါ ငါးစာအတူကျွေးဖို့ အကူတစ်ယောက်လိုနေတာ..."

စွေ့ထင်က ၂စက္ကန့်ကြာအောင် ကြောင်သွားပြီးနောက် သူမ၏ စိတ်များကို စုစည်းကာ တီးတိုးဆိုလိုက်သည်။

"ဒီမှာ ဘာတွေ ဖြစ်နေတာလဲ... ဒီမှာ ဘယ်လို အခြေအနေဖြစ်နေတာလဲ... K921က ဘယ်က ရောက်လာတာလဲ... နင် ပြန်ပေးဆွဲ ခံရတာလား..."

"ငါရယ်၊ နင်ရယ်၊ တခြားသူတွေကပဲ ပြန်ပေးဆွဲခံရတာ..."

စွေ့ဟူက ပြန်ဖြေလိုက်သည်။

"..."

စွေ့ထင်က စိတ်ရှုပ်ထွေးစွာ ခေါင်းစောင်းလိုက်သည်။

"စွေ့ချီချောင်းကရော... ခဏလေး... သူ ဒီလူသူမဲ့ ဂြိုလ်ပေါ်မှာ သိလာတဲ့ အယ်လ်ဖာတစ်ယောက်က ငါတို့အပေါ်ကို ဒေါသဖြေဖို့ သူ့ကို ကူညီနေတာလား..."

အချိန်ပိုင်းအတွင်းမှာပင် စွေ့ထင်က ဤနေရာတွင် ဘာဖြစ်ခဲ့သည်ကို သူမထင်သည့်အတိုင်း ဒရမ်မာ ၁၀ပိုင်းခန့် စိတ်ကူးပြီးသွားပြီ ဖြစ်သည်။ လက်နက်ကိုင် အဖွဲ့အစည်းကြီးတစ်ခု၏ ခေါင်းဆောင်တစ်ယောက်က ဤအာကာသစခန်းပေါ်တွင် စွေ့ချီချောင်းကို မတော်တဆတွေ့ကာ သူ့ကို လာကယ်ခဲ့သည်။ သူတို့က တစ်ယောက်၏ ဖယ်ရိုမုန်းကို တစ်ယောက်ရှုမိကာ တစ်ဦးနှင့်တစ်ဦး ခံစားချက်များ တိုးလာသည်။ သူတို့က မကြာမီတွင် အတူရှိနေရန်ကဲ့သို့ အရာများကို အချင်းချင်း တိတ်တဆိတ် ကတိပေးခဲ့ကြသည်။

စွေ့ဟူက စိတ်ရှုပ်ထွေးကာ ဆိုလိုက်သည်။

"နင် ငတုံးလား... စွေ့ချီချောင်းက ငါတို့ကို ပြန်ပေးဆွဲထားတာဟ..."

ရိုးရိုးသားသားဆိုရသော် သူ့ဝမ်းကွဲညီမလေး ကြုံနေရသည့် ခံစားချက်များကို သူက အနည်းငယ် ကိုယ်ချင်းစာနိုင်ပေသည်။ သူသည်လည်း အယ်လ်ဖာနှင့် အိုမီဂါများ အကြောင်း တွေးသည့်အခါ ထိုကဲ့သို့ မသန့်စင်သည့် စိတ်ထားများ ရှိခဲ့ဖူး၏။ သို့သော် စွေ့ချီချောင်းက သူတို့ကို သူတို့၏ မျက်စိရှေ့တွင် ဗုံးထောင်လိုက်သည်မှာ ရှင်းလင်းပေသည်။ အာကာသစခန်းတစ်ခုလုံးတွင် လူနှစ်ယောက်နှင့် ကြောင်တစ်ကောင်သာ ရှိ၏။ သို့သော် သူတို့က ဤနေရာတွင် နောက်ထပ် လူတစ်ဦး ရှိနေသေးသည်ဟုသာ ယုံချင်ပေသည်။

စွေ့ထင် - .....

သူက မယုံနိုင်စွာ ရယ်မောလိုက်သည်။

"ဘာကြီး...."

သူမက အစ်ကိုဟူ ပြောလိုက်သည်ကို နားမလည်ချေ။ သူက စကားပြောနေစဉ်တွင် စွေ့ရှောင်ကျန်းကို လှမ်းကန်လိုက်သည်။ စွေ့ရှောင်ကျန်းသည်လည်း ကမောက်ကမနှင့် နိုးလာသည်။ လျှပ်စီးက သူ့နှလုံးခုန်နှုန်း အစီအစဉ် မကျအောင်ပြုလုပ်ကာ သူ့ခြေလက်များက အနည်းငယ် ထုံကျင်နေပြီး သူ့၏ အာရုံကြောစနစ်က အလေးအနက် ထိခိုက်သွားသည်လား မထိခိုက်သွားသည်လားကို မသိတော့ချေ။

စွေ့ရှောင်ကျန်းက ပတ်ဝန်းကျင်ကိုကြည့်ကာ အခြားသူများကို နှိုးလိုက်သည်။ သို့သော် အခြားသူများ အပြည့်အဝ မနိုးလာမီတွင် စွေ့ဟူက စတင် ရှင်းပြလိုက်သည်။

"ဘယ်တတိယလူမှ မရှိဘူး... အားလုံးကို ငါတို့ရဲ့ ဝမ်းကွဲညီလေး လုပ်တာ... သူက အာကာသစခန်းကို ကော်ဖွင့်ပြီး အပြင်ဘက်ကမြေမှာ အပင်တွေ စိုက်ထားတာ... သူက မင်းတို့အကုန်လုံးကိုလည်း ဆန့်ကျင်ဒြပ်လက်နက်နဲ့ ဗုံးကြဲခဲ့တာ... မင်းတို့ အကြောင်းပြချက်ကို သိထားပြီးဖြစ်မှာပါ... အဲဲ့ဒါက မင်းတို့က သူ့ရဲ့ ဆလပ်ရွက်တွေကို ဖျက်ဆီးပစ်လိုက်လို့လေ... ငါတို့ လည်ပင်းက ဗုံးအသေးစားလေးတွေကလည်း သူလုပ်ထားတာပဲ... K921လက်နက်တွေကိုလည်း သူကိုယ်တိုင် ပြုပြင်ထားတာ... သူက... သူက..."

စွေ့ဟူမှာ "ဉာဏ်ကြီးရှင်..." ဟူသော စကားကို သုံးရမည်လား... "အရူးကောင်..."ဟူသည်ကို သုံးရမည်လား မသိတော့ချေ။

သူတို့က စွေ့ဟူပြောသည်ကို အကြောင်သား နားထောင်နေလိုက်သည်။ သူတို့က စွေ့ဟူ အိပ်မက်မက်နေသည်လား သူတို့က အိပ်မက်မက်နေသည်လား မသိတော့ပေ။

စွေ့ချီချောင်းက လက်ထဲတွင် စားစရာ နှစ်ခုဖြင့် အခန်းတစ်ခုထဲမှ ထွက်လာလေသည်။ အပြင်က လူများကို မကြည့်ဘဲ သူက စားစရာကို စားပွဲပေါ်တွင် တင်လိုက်သည်။

စွေ့ဟူက ချက်ချင်းပင် လှမ်းခုန်လိုက်သည်။

"အိုး.... အိုး.... ဒီနေ့ ပြောင်းနှံစားပင်ချက်တာလား..."

နောက်ဆုံးတစ်ခေါက် သူတို့ အစေ့များကို ဇကာချစဉ်က ပြောင်းနှံစားပင်အစေ့အချို့ကျန်၏။ စွေ့ချီချောင်းက ၄င်းကို ဆန်ချက်သည့်နည်းအတိုင်း ချက်ထားသည်။ သူက ပြောင်းနှံစားပင်ကို ယာဂုအဖြစ် တည်လိုက်သည်။ သူတို့တွင် ရှိသောပမာဏက လူနှစ်ယောက်စာအတွက် တစ်နပ်ရပေသည်။ ပြောင်းနှံစားပင် အနည်းငယ်အပြင် လူသူမဲ့ ဂြိုလ်ပေါ်တွင် စား၍ရသည့် အပင်အနည်းငယ်လည်း ရှိပေသည်။ ၄င်းမှာ ဟင်းသီးဟင်းရွက် အရိုင်းများဖြစ်သော်လည်း သဘာဝအချိုဓာတ် အနည်းငယ်ပါဝင်၏။ အရွက်များပေါ်မှ အမွေးနုအလွှာတစ်ခုက ၄င်း၏ အရသာကို အနည်းငယ် ထူးဆန်းစေ၏။

ဤနေရာတွင် သူတို့စားနိုင်သော အစားအစာအမျိုးအစားမှာ အမြဲလိုလို အတူတူဖြစ်ပြီး နေ့တိုင်း အလုပ်များစွာ လုပ်ရ၏။ သို့ဖြစ်ရာ အစားအစား အမျိုးအစား အသစ်တစ်ခုကိုမြင်ရာ စွေ့ဟူက အလွန်ကျေနပ်သွားသည်ဟု ခံစားရသည်။ သူ့ကြုံခဲ့ရသော စိတ်ဓာတ်ကျခြင်းက ပျောက်ကွယ်သွားလေသည်။

"မွှေးလိုက်တာ... အရမ်းမွှေးတာပဲ..."

၄င်းကို အတန်ကြာအောင် ပေါင်းထားပြီးနောက် ပြောင်းနှံစားပင်၏ ထူးခြားသောရနံ့က လုံးဝ ထွက်လာလေသည်။ ဆန်စေ့များက နူးညံ့နေပြီး ပျော့ပြောင်းသော်လည်း ၄င်းတို့၏ ဝါးရသော ခံစားချက်ကို ထိန်းသိမ်းထားသည်။ ယာဂုထဲသို့ မည်သည့် သကြားမှ ထပ်မထည့်ထားသော်လည်း သူတို့က ချိုမြိန်မှုအနည်းငယ်ကို အရသာခံနိုင်ဆဲဖြစ်သည်။ ပူပူနွေးနွေး အစားအစာကို စားရခြင်းက သူတို့၏ အစာအိမ်ကို ပူနွေးစေသည်။

အစ်ကိုဟူ....

စွေ့ဟူက ယာဂုပန်းကန်ကို ကိုင်ထားသည်အား မြင်သောအခါ လူတိုင်းက ချွေးပြန်နေလေသည်။ သူတို့က ၄င်းကို လောဘတကြီး စိုက်ကြည့်နေကြသည်။ စွေ့ဟူမှာ ယခင်က မည်သို့ အပင်ပန်း ခံခဲ့ရသည်ကို မည်သူမှ မသိချေ။

စွေ့ရှောင်ကျန်းက သူ့၏ ထုံထိုင်းနေသော ကြွက်သားများကို အနိုင်နိုင် ထိန်းချုပ်ကာ မြေပြင်မှ ထလိုက်သည်။

"ဝမ်းကွဲညီလေး... ငါတောင်းပန်ပါတယ်... ဒါပေမဲ့ ငါတို့အားလုံးက မိသားစုတွေပဲလေ... နားလည်မှုလွဲနေတာ နေမှာပါ... ငါတို့က ဟင်းရွက်တွေကို မတော်တဆ ဖျက်ဆီးမိပြီး အစ်ကိုဟူကလည်း ငါတို့ကို အသေခြောက်ပြီးပါပြီ... သူပြောတာ မင်းက K921ကို တစ်ယောက်တည်း ပြုပြင်ထားတာဆို... ငါယုံတောင် ယုံမိတော့မလို့.... ဘယ်လိုလုပ်ပြီး..."

သူ စကားပြော၍ မဆုံးမီမှာပင် နောက်ထပ် လျှပ်စီးတစ်ခုက သူ့လည်ပင်းမှ ဖြန့်ကျက်လာသည်။ စွေ့ရှောင်ကျန်းက ဘယ်ညာယိမ်းကာ မြေပြင်ပေါ်သို့ ကျသွားသည်။ ဤတစ်ကြိမ်တွင် လျှပ်စီးကြောင်းက ပိုသေး၏။ သူက မေ့မသွားသော်လည်း စွေ့ချီချောင်း ရှိနေသော နေရာသို့ ထပ်မရွေ့နိုင်တော့ချေ။

စွေ့ချီချောင်းက သူ့ကို အေးစက်စက်ကြည့်ကာ ခံစားချက်မဲ့စွာ ဆိုလိုက်သည်။

"ငါနဲ့ ပြောစရာတစ်ခုခုရှိရင် ငါခံစားလိုက်ရတဲ့ ဆုံးရှုံးမှုကို ပြန်ပေးပြီးတဲ့အချိန်အထိစောင့်နေ..."

လူတိုင်းက ကြောင်အသွားသည်။ စွေ့ထင်နှင့် စွေ့ရှောင်ကျန်းတို့က အယ်လ်ဖာများဖြစ်ကြပြီး ကျန်သူများက ဘီတာများဖြစ်သည်။ သူတို့က စွေ့ချီချောင်းကဲ့သို့ ပြုမူသော အိုမီဂါတစ်ဦးမှ မမြင်ဖူးချေ။ အကြည့်တစ်ချက်နှင့်ပင် စွေ့ချီချောင်းက သူတို့ကို တုန်ယင်အောင် လုပ်နိုင်သည်။

ပြီးတော့ ဒါက စွေ့ဟူပြောတာကို ထုတ်မပြောလဲ နားလည်လက်ခံလိုက်တာပဲလား...

နောက်ထပ်အရေးကြီးတဲ့ မေးခွန်းတစ်ခုရှိသေးတယ်... အခုက သူတို့ ထမင်းစားရမဲ့အချိန်ပဲ... သူတို့က ဘာမှမစားရဘူးလား...

......

စွေ့ဟူပြောသမျှက အမှန်ဖြစ်သည်ကို လက်ခံရန် စွေ့ထင်အတွက် သုံးရက်တိုင် ကြာခဲ့သည်။ စွေ့ချီချောင်းက သူ့ကိုယ်ပိုင် အားထုတ်မှုဖြင့် လှည့်လည်ရှာဖွေပြီး လက်နက်စနစ်တစ်ခုကို တည်ဆောက်ကာ ဤနေရာ၏ ကုန်းမြေ မူအများအပြားပေါ်တွင် အပင်များ စိုက်ထား၏။

ကွန်ပျူတာနှင့် အချက်အလက်များ ရယူကာ ကုဒ်ဖြေခြင်းများ ပြုပြင်ထားသော K921နှင့် စွေ့ဟူ၏ လေယာဉ်တို့အားလုံးမှာ ထောက်ပံ့နေသော သက်သေများဖြစ်သည်။ လက်နက်ကိုင် အဖွဲ့အစည်း အကြီးကြီးများ အမှန်တကယ် မရှိသလို ဖျက်ဆီးရေး လက်နက်များ အားလုံးမှာလည်း စွေ့ချီချောင်းတစ်ဦးတည်းက ထုတ်လုပ်ထားခြင်းပင်။

နောက်တစ်နည်းဆိုရသော် ဆန့်ကျင်ဒြပ် သေနတ်၏ ပစ်မှတ်ကို ချိန်သည့် တွက်ချက်ခြင်းမှာလည်း စွေ့ချီချောင်း ပြုလုပ်ခြင်းပင်။ ဤသည်မှာ ဖုံးကွယ်ထားသော ဉာဏ်ကြီးရှင်တစ်ယောက်ဖြစ်ကာ မိသားစုမှ တစ်စုံတစ်ယောက်ကို လက်ထပ်ရန် ဖိအားပေးခြင်း ခံရသော အိုမီဂါတစ်ဦးဖြစ်သည်။

ထိတ်လန့်ခြင်း၊ မယုံနိုင်ခြင်း၊ ကြောက်လန့်ခြင်းနှင့် အခြားခံစားချက်များက သူတို့ထံတွင် ရောယှက်နေသည်။ လူတိုင်းက ဤအဖြစ်အပျက်မှ ထိခိုက်မှုအကြီးအကျယ် ကြုံခဲ့သည်။

သူတို့ အမှန်တရားကို သိရသည့်အချိန်က ဆံပင်များထောင်လာသည်ကို ခံစားလိုက်ရသည်။ ဤလူမှာ အိုမီဂါများကြားတွင် ထူးခြားပြီး အတုမရှိသော အရည်အချင်းများ ရှိပေသည်။ သူက မိသားစု၏ အကျပ်ကိုင်ခြင်းကို ခံရပြီး လူသူမဲ့ဂြိုလ်ပေါ်တွင် ပိတ်လှောင်ခံထားရသည်။ သူတို့ အတွေးထဲတွင် ဤသည်က တစ်စုံတစ်ဦးက သူတို့၏ လက်တုံ့ပြန်ရေး ခရီးကို မည်သို့စတင်သည်နှင့် ဆင်တူပေသည်။ သူတို့က အသက်ရှင်ရက်ရှိနေသည်ကိုပင် ကံကောင်းလှသည်ဟု ခံစားရပေသည်။

ထို့ပြင် ဤသည်က အကုန်မဟုတ်သေးပေ။ အရေးအကြီးဆုံးအရာမှာ ဤအိုမီဂါက သူ၏လယ်ကွင်းကို အလွန် အရေးထား၏။

စွေ့ချီချောင်းက စိတ်ဆိုးနေဆဲဖြစ်၍ သူတို့ ဤရက်ပိုင်းတွင် စားရသော ပထမဆုံး "အစားအသောက်များ"မှာ သန့်ရှင်းသောရေသာ ပါဝင်သည်။ သူ ချက်ပြုတ်ရာတွင် သူတို့အတွက် မည်သည့်အခါမှ မပြင်ပေးချေ။ နောက်ပိုင်းတွင် စွေ့ဟူက ဆလပ်ရွက်အချို့ကို ရေနွေးဖျောကာ သူတို့ကို ကျွေးရန် ခွင့်ပြုထားသည်။

ထို့အပြင် သူတို့သည်လည်း စွေ့ဟူ၏ ဦးဆောင်မှုအောက်တွင် အလုပ်လုပ်ရန် လိုပေသည်။

အစ်ကိုဟူက ဤနေရာတွင် မည်သည်ကို ကြုံခဲ့ရသည်အား မည်သူမှ မသိချေ။ သူက သူတို့ကို အရည်အချင်း ရှိရှိ ဦးဆောင်ကာ ရေကန်ကိုစောင့်ကြည့်ပြီး အမှိုက်ထဲတွင် ဖွက်ထားသော K921 ကျည်များကို ဖြတ်ကာ အမှိုက်များကို စုစေလိုက်သည်။ ၄င်းတို့အားလုံးက သူတို့အား ရှင်သန်ခြင်းနှင့် သေဆုံးခြင်းကြားတွင် တည်းတည်းလေးလျှောက်ကာ ဟင်းသီးဟင်းရွက် စိုက်နေသည်ဟု ခံစားရစေသည်။

ဘီတာများက ပျက်ဆီးသွားသော ဆလပ်ရွက် စိုက်ခင်းကို ပြန်လည် သန့်ရှင်းကာ ဆလပ်ရွက်အပုပ်များကို ဆွဲနုတ်ပြီး ရှင်နေသေးသည့် ဆလပ်ရွက်များကို လိုက်ရှာ၍ ပြန်လည်ရှင်သန်စေရန် ကြိုးစားရသည်။ သူတို့က အရွက်အကောင်းများကို ဘေးဖယ်ကာ အစားအစာအတွက် ချန်ထားပြီး ကျန်သည်များကို အစာကျွေးရန် သို့မဟုတ် မြေဆွေးမြေဩဇာပြုလုပ်ရန်ထားရသည်။

မြေဩဇာအတွက်မူ အယ်လ်ဖာနှစ်ယောက်က ရောနှောရသည်။ သူတို့က ဘဝတွင် ဤကဲ့သို့ အလုပ်မျိုး တစ်ခါမှ မလုပ်ခဲ့ဖူးပေ။ အစပိုင်းတွင် သူတို့က အနံ့ရသောအခါ မူးလဲသွားကြသည်။

မည်သို့ပင်ဆိုစေ ဤခေတ်တွင် မည်သူကမှ သဘာဝ မြေဩဇာကို မသုံးကြတော့ချေ။ သူတို့စိတ်ထဲတွင် ဤကဲ့သို့ ဖြစ်တည်မှုမျိုး မရှိပေ။ ဤဂြိုလ်ပေါ်သို့ ရောက်ပြီးနောက် သူတို့က မြေဩဇာများအပေါ်တွင် လက်တွေ့ သင်ခန်းစာများ ရရှိခဲ့သည်။

ထို့အပြင် သူတို့က မြေရိုးများကိုပြင်ကာ ပေါင်းပင်များနုတ်ပြီး အမှိုက်များကောက်ကာ မြေဩဇာများ ပြုလုပ်ကာ ရေရောပြီး ပစ္စည်းများသယ်ပို့ခြင်း စသည်များကိုလည်း ပြုလုပ်ရန် လိုပေသည်။

ထို့အပြင် အယ်လ်ဖာများ၏ ရုပ်ပိုင်းဆိုင်ရာ ခွန်အားမှာ လိင်အမျိုးအစားသုံးခုတွင် အကောင်းဆုံးဖြစ်သော်လည်း စွေ့ထင်နှင့် စွေ့ရှောင်ကျန်းသည်ပင် အလွန်ပင်ပန်းကာ မေ့လဲတော့လုနီးနီး ခံစားခဲ့ရသည်။

စွေ့ချီချောင်းက ပြတင်းပေါက်အပြင်မှ မြင်ကွင်းက ရင်းနှီးနေသည်ဟု ခံစားရသည်။ ဤအခြေအနေက သူ့အား နော်သန်ဘာလန်မှ သူ့အား ပြန်သတိရစေသည်။ စွေ့ထင်နှင့် အခြားသူများက မြေကျွန်များနှင့် တူသည်။ လူတိုင်းကို အရာရာ လမ်းပြကာ အခြားသူများကို တစ်ခါတစ်ရံ မျှော်လင့်သည်များအတိုင်း မဖြစ်ပါက မကျေမနပ်ဖြစ်မည့် စွေ့ဟူက ရွာသူကြီးသို့မဟုတ် စိုက်ပျိုးရေး နည်းပညာများ၏ အခြေခံသင်တန်းမှ ဘွဲ့ရထားသော စီနီယာတစ်ဦးနှင့် တူပေသည်။

ထို့အပြင် အလယ်ခေတ် မှတ်ဉာဏ်တုလေယာဉ်မှ ပြန်လာသည့်တိုင်အောင် တခြားသူများက "မကောင်းဆိုးဝါး" အကြောင်း အဆက်မပြတ်မေးခွန်းထုတ်နေသည်ကို ကြားရသောအခါ သူက အံ့ဩသွားရသည်။ ထို ကြယ်တာရာခေတ်မှ မြေကျွန်များက သူလူတိုင်းကို ကျွန်ပြုနေခြင်းမှာ မကောင်းဆိုးဝါး ပြုလုပ်သည်နှင့် ကွဲပြားမှုမရှိဟု ထောက်ပြခြင်းဖြစ်သည်။

စွေ့ချီချောင်းက သူ့အား သူတို့ခေါ်သည့်အရာကို အလွယ်တကူပင် လက်ခံလိုက်သည်။ သူ့အား မကောင်းဆိုးဝါးဟု ခေါ်ခြင်းက သူ့ဆလပ်ရွက်များကို ပြန်လည်ယူဆောင်လာနိုင်လျှင် သူက မကောင်းဆိုးဝါးဘုရင် ဖြစ်ရန် လက်ခံပေမည်။ ထိုလူများက သူ့စိုက်ခင်းကို ဖျက်ဆီးပါက တန်ကြေးပြန်ပေးရန်လိုပေသည်။

"... အစ်ကိုဟူ... အစ်ကို ဒီမှာ ဒါတွေလုပ်ပြီး တစ်နေကုန် အချိန်ဖြုန်းနေတာလား..."

စွေ့ရှောင်ကျန်းက စိတ်ဓာတ်ကျစွာမေးလိုက်သည်။ သူ့လက်များက မြေဩဇာပြုလုပ်ခြင်းကြောင့် အရည်ကြည်ဖုများ ဖြစ်လာပြီး သူ့နှာခေါင်းမှာ ထိုအနံ့စွဲနေပုံပင်ရ၏။

သူက ကြောက်ရွံ့နေသည်။

ကြယ်တာရာခေတ်မှာ မြေဩဇာရောရလို့ သေသွားတဲ့လူများ ရှိလား...

"ငါ့ဘဝက နည်းနည်းတော့ ပိုကောင်းလာပါပြီ... အနည်းဆုံးတော့ ငါ့အတွက် အစားအသောက် ရှိသေးတယ်လေ..."

သူက အမှားလုပ်မိ၍ကာ စွန့်ပစ်ထားသော ဆလပ်ရွက်များကိုသာ စားရသည့် ထိုလူများနှင့် မတူချေ။ သူတို့၏ ဆာလောင်မှုဝေဒနာက ကျေနပ်ရုံမျှသာဖြစ်သည်။

စွေ့ရှောင်ကျန်း - "မင်းက နည်းနည်းလေး ဂုဏ်ယူနေတယ်လို့ ငါဘာလို့ ခံစားနေရတာလဲ..."

စွေ့ဟူ - "...."

သူ့ခံစားချက်များကို အတန်ကြာအောင် ဖိနှိပ်ထားပြီးနောက် စွေ့ဟူတွင် စိတ်ပိုင်းဆိုင်ရာ ပြဿနာအနည်းငယ် ရှိလာမည်မှာ ရှောင်လွှဲ၍ မရနိုင်ပေ။

စွေ့ထင်သည်လည်း ခြေထောက်တွင် အရည်ကြည်ဖုများ ပေါက်လာပြီး ဝမ်းနည်းစွာ ဆိုလိုက်သည်။

"သူ့မှာ လက်နက်တွေ မျိုးစုံရှိနေတာ... K921တောင် ရှိတယ်လေ... ငါတို့ ပြန်နိုင်မယ်လို့ ငါတော့ မထင်ဘူး... ဟင်း... ဒီကမ္ဘာပေါ်မှာ မြေဩဇာရောရတာထက် ပိုဆိုးတဲ့ အလုပ်ရှိသေးလား..."

"ရှိတယ်..."

စွေ့ဟူက စက္ကန့်ပိုင်းခန့် တိတ်ဆိတ်နေပြီး ဆိုလိုက်သည်။

"မင်းက rutဖြစ်နေတဲ့အချိန် တားမြစ်ဆေးမရှိဘဲ အိုမီဂါ ဖယ်ရိုမုန်းတွေ လေထဲမှာ ပျံ့နေတုန်း မြေဩဇာ ရောရတယ်လို့ စိတ်ကူးကြည့်လိုက်စမ်း..."

စွေ့ထင် - "......"

စွေ့ဟူက ကောင်းကင်ကိုကြည့်ကာ ဆိုလိုက်သည်။

"ငါဒီကို တားမြစ်ဆေးတွေ ယူလာပေမဲ့ ကုန်သွားပြီ... မင်းရဲ့ လေယာဉ်က ဆန့်ကျင်ဒြပ် ဒုံးကျည်နဲ့ အပစ်ခံလိုက်ရပြီး တားမြစ်ဆေးလည်း မသယ်လာဘူး... မင်းrutရောက်တဲ့အခါကျရင် 'ရှင်ရတာက သေရထက် ဆိုးတယ်..'ဆိုတဲ့ ခံစားချက်အစစ်အမှန်ကို မင်း ခံစားရလိမ့်မယ်..."

လူတိုင်း၏ မျက်နှာများက ဖြူဖျော့သွားသော်လည်း ဘီတာများအတွက်မူ သူတို့၏ အမူအရာများက သာမန်သာဖြစ်သည်။ သူတို့က ဖယ်ရိုမုန်းများကြောင့် ဒုက္ခရောက်မည် မဟုတ်ပေ။

စွေ့ထင်နှင့် စွေ့ရှောင်ကျန်းတို့က တောင့်တင်းသွားသည်။

စွေ့ထင်က အံတင်းတင်းကြိတ်ကာ ဆိုလိုက်သည်။

"မလိုပါဘူး... အဲ့အချိန်ကျရင် ဝမ်းကွဲချီချောင်းနဲ့ ငါက မတော်တဆ ပတ်သတ်သွားနိုင်တာပဲ.... ဘာပဲဖြစ်ဖြစ် အိုမီဂါတစ်ယောက်က အယ်လ်ဖာတစ်ယောက်ရဲ့ estrusထဲကို ဆွဲသွင်းတာကိုခံရရင် ဘာမှ တားလို့မရဘူးလေ... အဲ့ဒါက အရမ်းကြီး လူ့ကျင့်ဝတ်နဲ့ မညီပေမဲ့ ငါတို့က နောက်ထပ် မြေဩဇာရောဖို့ လိုချင်မှ လိုတော့မှာပေါ့... K921ကလည်း ခြိမ်းခြောက်စရာ ဟုတ်ချင်မှ ဟုတ်တော့မှာလေ..."

စွေ့ရှောင်ကျန်းသည်လည်း ကြမ်းကြမ်းတမ်းတမ်း ခေါင်းညိတ်ကာ တီးတိုးဆိုလိုက်သည်။

"နားထောင်... သူ့မှာလည်း အိုမီဂါ တားမြစ်ဆေး မရှိဘူးလေ... သူ့ရဲ့ အထူးကာလရောက်လာရင် သူက သူ့ကိုယ်သူ အာကာသစခန်းထဲမှာ ပိတ်နေပြီး အာကာသစခန်းရဲ့ အပြင်မှာ 'ဇွန်ဘီတွေ မြို့ကို တိုက်ခိုက်တာ'ကို ကြည့်နေရမယ်ဆိုတာ ငါသံသယ ဝင်တယ်... ဟုတ်တယ်မလား..."

"ဟီးဟီး..."

စွေ့ဟူက ပြုံးကာ သူ့၏ အပြစ်ကင်းသည့် အပေါင်းအဖော်များကို ကြည့်လိုက်လေသည်။

"အဲ့တုန်းက ငါလည်း အဲ့လိုတွေးခဲ့တာပဲ....."

ဒါပေမဲ့ အဲ့အိုမီဂါက တကယ့်ကို မကောင်းဆိုးဝါးတစ်ကောင်ဖြစ်နေတာ...

🍀🍀🍀

Prev Next