MM Story Teller

Chapter 98

Viewers 3k

🌱 Arc 3 - [ကြယ်တာရာခေတ် ABOကမ္ဘာတွင် လယ်စိုက်ခြင်း ]

Ch 98

မြွေပါအဖြစ် ကူးပြောင်းသွားသော ကြောင်တစ်ကောင်(၁)

ဆလပ်ရွက်ခင်း တစ်ဝက်မှာ အဖျက်ဆီး ခံလိုက်ရသည်။ ဆလပ်ရွက်များက ကြီးထွားမြန်သည်ဖြစ်ရာ စားသုံးရန် အသုံးပြုနိုင်သည်။ ဆလပ်စေ့များအတွက်မူ အရွက်များ ရင့်လာသည်အထိစောင့်ပြီး ခူးရသည်။ ဤနည်းဖြင့် အစေ့များစုဆောင်းခြင်းက ဆလပ်ပင်ကြီးထွားမှု ကာလတစ်ခုလုံးအပြီး ၄လကြာပြီးနောက် ပြီးဆုံးနိုင်ပေသည်။ ယခုတွင် ဆလပ်စေ့ အပိုမရှိသလို ကန်စွန်းဥနှင့် ပြောင်းနှံစားပင်များသည်လည်း လုံးဝ မရင့်သေးချေ။

စွေ့ချီချောင်းမှာ အနည်းငယ် စိတ်ဓာတ်ကျနေလေသည်။ သူက လူသူမဲ့ဂြိုလ်၏ ဒေသခံအပင်များကို အလျင်အမြန် လေ့လာရန်သာရှိတော့သည်။ သူတို့စိုက်နိုင်သည့် သီးနှံများက အလွန်နည်းပါးသည်။

စွေ့ထင်က မြှောက်ပင့်ပြောဆိုလိုက်သည်။

"မောင်လေးချောင်း... နင့်ရဲ့ သက်သေခံ ကတ်ပြားပေါ်မှာ ခရီးသွားတားမြစ်ချက် ထည့်ထားပေမဲ့ ငါတို့အပေါ်မှာ ထည့်မထားဘူး... နင့်ကြည့်... နင် ငါတို့ရဲ့ လည်ပတ်ပေါ်မှာ ဗုံးတစ်ခု ထည့်ထားတော့ ငါတို့ မဆင်မခြင်လျှောက်သွားမှာ စိတ်ပူစရာမလိုပါဘူး... ငါ နင့်အစား ရောင်းဝယ်ရေး ဂြိုလ်တစ်ခုပေါ်ကို လေယာဉ် မောင်းသွားပေးပြီး နင်လိုတာတွေ သွားဝယ်ပေးမယ်ဆိုရင်ရော... ငါ အဲ့ဟာတွေအတွက်လည်း ပိုက်ဆံပေးနိုင်ပါတယ်..."

စွေ့ချီချောင်းက သူမကို လှမ်းကြည့်လိုက်သည်။

သူမက လည်ပင်းကို လက်ဖြင့် ချက်ချင်းကာလိုက်သည်။

"ငါ့ကို ရှော့မတိုက်ပါနဲ့... ငါနင့်ကို စိတ်ရင်းအမှန်နဲ့ ပြောနေတာပါ..."

ကံမကောင်းစွာဖြင့် စွေ့ချီချောင်း၏ အမူအရာမှ ဆုံးဖြတ်ရသော် သူက သူမ၏ စကားများကို မယုံသည်မှာ အသိသာကြီးဖြစ်သည်။

စွေ့ချီချောင်းက စွေ့ထင်နှင့် သူ့လူများထက်စာလျှင် လီဆာနှင့် အခြားသူများနှင့် အလဲအလှယ်ပိုလုပ်လို၏။ ထို့အပြင် သူက စွေ့ထင်နှင့် အခြားသူများကို မဆိုထားနှင့် စွေ့ဟူနှင့်ပင် အလဲအလှယ်လုပ်မည် မဟုတ်ပေ။

စွေ့ထင်က ရှုံးနိမ့်ပြီးနောက် တပ်ဆုတ်သွားသည်။ သူမက စိတ်ထဲမှ တွေးလိုက်သည်။

သေစမ်း... သူက အရမ်းခေါင်းမာတာပဲ...

လည်ပတ်ကြောင့် မဟုတ်လျှင်ပင် သူမက စွေ့ချီချောင်းအပေါ်သို့ ကြောက်စရာ ရည်ရွယ်ချက်များ ထားရှိနေဆဲဖြစ်သည်။ သူမက စွေ့ချီချောင်း၏ စိတ်စွမ်းအင်ကိုလည်း သံသယဝင်မိသည်။

စွေ့ချီချောင်းက ဒါတွေ အကုန်လုံးကို လုပ်ဖို့ ဘယ်လိုလုပ်ပြီး ဖြစ်နိုင်မှာလဲ... အစ်ကိုဟူက ချဲ့ကားပြောနေတာနေမှာ... သာမန်အိုမီဂါတစ်ယောက်က ဘယ်လိုလုပ်ကြီး အယ်လ်ဖာ ဖယ်ရိုမုန်းတွေကို အရေးမစိုက်ပဲ နေနိုင်မှာလဲ... ပြဿနာက အစ်ကိုဟူရဲ့ ဖယ်ရိုမုန်းပဲ ဖြစ်ရမယ်... ဟုတ်တယ်မလား...

သူမက စွေ့ဟူနှင့် မတူပေ။ သူမ၏ ဖယ်ရိုမုန်းများက ဝိုင်နီအနံ့ဖြစ်ကာ သူမ၏ rutအတွင်း၌ ပို၍ပင် မူးယစ်ရီဝေသည့် အနံ့ရ၏။ သို့ဖြစ်ရာ သူမက အိုမီဂါများကြားတွင် အလွန်နာမည်ကြီးပေသည်။

စွေ့ထင်မှာ အခြားသူများ ဘာတွေးနေသည်ကို မသိချေ။ မည်သို့ပင်ဆိုစေ သူမက တားမြစ်ဆေးမရှိသောကြောင့် လာမည့် rutအတွက် အနည်းငယ် ကြောက်လန့်သည်ဟု ခံစားရသည်။

သာမန် ဆလပ်ရွက်အခင်းများသာ ကျန်သော်လည်း အထွက်နှုန်းမှာ စွေ့ချီချောင်းအတွက် လီဆာနှင့် ထပ်မံ လဲလှယ်ရန် လုံလောက်ပေသည်။ သူတို့က တွေ့ဆုံရန် အထူးချိန်းဆိုမှု မလုပ်ထားပေ။ သူတို့ ရေကန်ဘေးတွင် တိုက်တိုက်ဆိုင်ဆိုင်တွေ့သောအခါ လဲလှယ်ခြင်းအကြောင်း အလိုလိုသိကာ ထုတ်ပြောလာကြသည်။

နောက်ဆုံးအရောင်းအဝယ်လုပ်ခဲ့သည်မှာ အတန်ကြာပြီဖြစ်သည်။ အစပိုင်းတွင် လီဆာနှင့် အခြားသူများက စွေ့ချီချောင်းထံမှ ဟင်းသီးဟင်းရွက် လတ်လတ်ဆတ်ဆတ်များ လဲလှယ်ရသည်မှာ တန်သည်ဟုသာ တွေးမိလေသည်။ နောက်ပိုင်းတွင် သူတို့က ၂လ သို့မဟုတ် ၃လ တစ်ကြိမ်ခန့် လဲလှယ်နိုင်ပေသည်။

သို့သော် စွေ့ချီချောင်း၏ ဆလပ်ရွက်များကို သူတို့ စခန်းဆီသို့ ယူလာပြီးနောက် လီဆာ၏ တွေးတောပုံက ပြောင်းလဲသွားလေသည်.။

ဆလပ်ရွက်အပေါ်တွင် အတွေးများစွာမရှိသည့် ထိုအဖော်များအပါအဝင် လူတိုင်းက ၄င်း၏ လတ်ဆတ်မှုနှင့် အရသာရှိမှုတို့ကြောင့် ၄င်းကို အနည်းငယ် နှစ်ခြိုက်လာကြလေသည်။

လီဆာက အစပိုင်းတွင် ၄င်းကို စွေ့ချီချောင်းစိုက်ထားသည်ဟု မပြောခဲ့ပေ။ လူတိုင်းသည်လည်း စွေ့ချီချောင်းက ထိုဆလတ်ရွက်များကို မည်သည့်နေရာမှ ရနေသည်အား မှန်းဆနေပြီး ဤဆလပ်ရွက်အသစ်များ ရလာသည့်တိုင် စိုက်ထားသည်မှန်း မသိခဲ့ချေ။ ၎င်းက အရသာရှိလှသည်။

လီဆာက ဆလပ်ရွက်များကို ပထမဆုံး ပြန်ယူသွားချိန်က သူတို့ အသုပ်လုပ်စားခဲ့သည်။ သူတို့မှာ အသုပ်အတွက် ထည့်ရန် အနှစ်ပင်မရှိရာ သူတို့စခန်းမှ တရုတ်များက တရုတ်အသုပ်လုပ်လိုက်သည်။ ဆလပ်ရွက်များက အလွန်ဂရုတစိုက် လှီးရန် မလိုချေ။ သူတို့က ပဲငံပြာရည်၊ နှမ်းဆီနှင့် ဆားကဲ့သို့သော ဟင်းခတ်အမွှေးအကြိုင်များကို ထပ်ထည့်လိုက်သည်။ ထို့နောက် သူတို့က ရောနယ်ပြီး စားသောက်ကြသည်။

အရသာက ကောင်းမွန်ကြွပ်ဆတ်ပြီး နူးညံ့ကာ ချိုမြိန်ပေသည်။ အချုပ်ဆိုရသော် ဆလပ်ရွက်က အရသာအလွန်ကောင်းလှသည်။ ထို့အပြင် သူတို့စခန်းတွင် အသီးအရွက် လတ်လတ်ဆတ်ဆတ်စားရသည်က ရှားပါးပေသည်။ သို့ဖြစ်ရာ အသုပ်က လူတိုင်းကို သန့်ရှင်းသွားအောင် ပြုလုပ်နိုင်သည်။ ထို့နောက် တစ်ဦးချင်းစီ၏ အကြိုက်အလိုက် အချို့လူများက ၄င်းကို အရည်လုပ်ကာ တစ်ချို့က ပြုတ်ပြီး အချို့က အသားနှင့် လိပ်စားလိုက်သည်။ အသုံးပြုသော ဆလပ်ရွက်က ကောင်းမွန်သည်ဖြစ်ရာ ၄င်းနှင့်ပြုလုပ်သော အစားအစာသည်လည်း အရသာ ကွဲပြားလှသည်။ အရည်မှာ လတ်ဆတ်ကာ ချိုမြိန်ပြီး ပျားရည်အနည်းငယ်ထပ်ထည့်လိုက်ပါက အရသာအလွန်ကောင်းသည်။ ဆလပ်ရွက်ကို အသားနှင့် လိပ်လိုက်သည့်အခါ အသားရှိအဆီကို ဖယ်ရှာပေးသည်။ ဆလပ်ရွက်ပြုတ်သည်လည်း အတန်ပင် ထူးခြားသော အရသာရှိသည်။

ကုန်ဆုံးမှုနှုန်းမှာ သူတို့ ယခင်က လဲလှယ်ခဲ့သည့် အသီးအရွတ် လတ်လတ်ဆတ်ဆတ်ထက် အဆပေါင်းများစွာ ပိုမြန်သည်။ ရက်အနည်းငယ်အတွင်း ဆလပ်ရွက် ၁၀၀ကီလိုဂရမ်က စားကုန်သွားသော်လည်း လူတိုင်းက ထပ်စားလိုဆဲဖြစ်သည်။ သူတို့က လီဆာအား သူမ ဆလပ်ရွက်လဲလှယ်ခဲ့သော သူငယ်ချင်းတွင် ဆလပ်ရွက်မည်မျှ ရှိသည်၊ ၄င်းတို့က ဘယ်ကနေ ရသည်၊ ထပ်ပြီး လဲ၍ရနိုင်သည်လား စသည်တို့ကို အကြိမ်ကြိမ် မေးနေကြသည်။

ဤတစ်ကြိမ်တွင် လီဆာက သူတို့အား ဆလပ်ရွက်များမှာ သူမ၏ သူငယ်ချင်းက စိုက်ထားခြင်းဖြစ်ကြောင်းကို ပြောပြလိုက်သည်။

ဒီ လူသူမဲ့ ဂြိုလ်ပေါ်မှာ ဆလပ်ရွက်တွေ အဲ့လောက်အများကြီး စိုက်နေတဲ့ လူတစ်ယောက်ရှိတယ်လား...

သူတို့က စိုက်ပျိုးရေး ပညာတွင် ကျွမ်းကျင်သူများ မဟုတ်သော်လည်း လူသူမဲ့ဂြိုလ်မှာ "လူသူမဲ့"ဟု အမည်တွင်ရခြင်းအကြောင်းအရင်းမှာ ၄င်းက မည်သည့်ရည်ရွယ်ချက်ကြောင့်မှ အသုံးပြု၍ မရသောကြောင့်ဖြစ်သည်ကို မည်သူမှ မမေ့ကြပေ။ ဤနေရာက သဘာဝအလျောက် သီးနှံစိုက်ပျိုးရန် သင့်လျော်သော နေရာတစ်ခုမဟုတ်ချေ။

ဒီလိုနေရာမျိုးမှာ ဟင်းသီးဟင်းရွက်စိုက်ချင်နေတဲ့ လူတစ်ယောက် ဘာလို့ရှိနေတာလဲဆိုတာ ပြောစရာတောင်မလိုဘူး... သူ့သူငယ်ချင်းက ဒီမှာ ဒီလိုမျိုး အရသာရှိတဲ့ ဆလပ်ရွက်တွေကို တစ်ယောက်တည်း စိုက်ရတာ လွယ်မှာမဟုတ်ဘူး... သူ့သူငယ်ချင်းက ဒီမှာ စမ်းသပ်ချက်တစ်ခုကို ဦးဆောင်ဖို့ ရောက်လာတဲ့ စိုက်ပျိုးရေးပညာ ကျွမ်းကျင်သူများလား...

မည်သို့ပင်ဆိုစေ ၄င်းတို့အားလုံးဖြစ်သွားသည်နှင့် လီဆာက စွေ့ချီချောင်းနှင့် ထပ်တွေ့သောအခါ ပို၍ ရင်းနှီးမှုကို ပြသနေလေသည်။ သူမက သူတို့နောက်ဆုံး လဲလှယ်မှုတွင် ရရှိခဲ့သည့် ဆလပ်ရွတ်များကို များစွာ ချီးကျူးလိုက်သည်။ သူမက စိတ်ထဲတွင် သူနှင့် ဒုတိယ အရောင်းအဝယ်ပြုလုပ်နိုင်ပါက လက်ရှိအရောင်းအဝယ်နှင့် နောက်အရောင်းအဝယ်ကြားတွင် ပိုကြာသွားလောက်မည်ဟု သတိပေးလိုက်သည်။ ဤသည်က လီဆာဖက်မှ သတင်းအချက်အလက်များ မပေါက်ကြားအောင် ကာကွယ်ပေးသည်။

ဤတစ်ကြိမ်တွင် စွေ့ချီချောင်းက လီဆာနှင့် ဆလပ်ရွက် ၁၅၀ ကီလိုဂရမ် လဲလှယ်ရန် လာရောက်ခဲ့သည်။ ကံမကောင်းစွာဖြင့် လီဆာ၏ အထောက်အပံ့များ ရောက်လာရန် အချိန်အနည်းငယ် လိုနေဆဲဖြစ်သည်။ သို့ဖြစ်၍ သူတို့က စွေ့ချီချောင်းနှင့် လဲလှယ်ရန်အတွက် ပြောင်းနှံစားပင်ကဲ့သို့ မည်သည့်အရာမှ မစီမံနိုင်ခဲ့ပေ။ စွေ့ချီချောင်းသည်လည်း လီဆာ၏ သဘောထားက ပြောင်းသွားသည်ကို သတိထားမိရာ သူ့အတွက် အစေ့များ ရှာနိုင်မည်လားကို မေးရန် ကြိုးစားလိုက်သည်။

စွေ့ချီချောင်းက နောက်ပိုင်းတွင် လီဆာထံ၌ မျိုးစေ့များ ရှိပါက လဲလှယ်လိုသည်ကို ပြောခဲ့ဖူးသည်။ ဤတစ်ကြိမ်တွင် သူ ထပ်မံပြောလာသည့်အခါ လီဆာ၏ စိတ်အခြေအနေက လုံးဝ ကွဲပြားသွားသည်။ နောက်ဆုံးတစ်ခေါက်တွင် သူမက သူလိုချင်သော အစေ့ကို ရှာရန် ကြိုးစားမည်ဟု သာမန်ကာလျှံကာ ဆိုခဲ့သည်။ သို့သော် ဤတစ်ကြိမ်တွင် သူမက စိတ်ပိုင်းဖြတ်ထားပြီ ဖြစ်သည်။ မစ္စတာ ထရစ်စတန်က ဟင်းသီးဟင်းရွက်စိုက်ရန် အစေ့များ လိုချင်ပြီး သူ့တွင် ဆလပ်ရွက်အပိုများစွာ ရှိနေပုံရသော်လည်း ၄င်းတို့ကို တင်ပို့ရောင်းရချရန် နည်းလမ်းတစ်ခုမှ မရှိပုံရသည်။ ဤသည်မှာ သူက သူတို့နှင့် ဆလပ်ရွက်များ လဲလိုသည့် အကြောင်းပြချက်ဖြစ်သည်။ သူမက သူ့ကို အစေ့အနည်းငယ် ပေးလိုက်ပါက သူက ဆလတ်ရွက်ကဲ့သို့ အရသာရှိသည့် တခြား ဟင်းသီးဟင်းရွက်များစွာကိုလည်း စိုက်လိုက်မည် ဖြစ်သည်။

ဒီနည်းနဲ့ဆိုရင် သူတို့လည်း အဲ့ကနေ အကျိုးအမြတ်ရနိုင်တယ် မဟုတ်လား..

"စိတ်မပူပါနဲ့... ငါပြန်သွားရင် သူတို့မှာ ရှိလားဆိုတာ ငါ့အဆက်အသွယ်တွေနဲ့ ပြန်စစ်ကြည့်လိုက်မယ်... နင် ဘယ်လို အစေ့မျိုးလိုလဲ ငါ့ကိုပြော... ငါ အဲ့ဒါရအောင် တစ်ယောက်ယောက်ကို ကြိုးစားပြီး ရှာခိုင်းလိုက်မယ်..."

လီဆာက ချက်ချင်း သဘောတူလိုက်သည်။

မည်သို့ပင်ဆိုစေ သူတို့က တရားမဝင် အဖွဲ့အစည်းတစ်ခုဖြစ်သည်။ ကုန်ပစ္စည်းများ သယ်ပို့ရာတွင် စွန့်စားမှုများရှိပြီး သူတို့က ပစ္စည်းများကို လက်လွတ်စပယ် မရောင်းနိုင် မဝယ်နိုင်ပေ။ ကူးသန်းရောင်းဝယ်ရေး သတင်းအချက်အလက်များက မှတ်တမ်းတင်ထားမည်ဖြစ်သည်။ သူတို့ ဂရုမစိုက်ပါက သက်ဆိုင်ရာက သူတို့၏ အုတ်မြစ်ကို ရရန် သဲလွန်စများ နောက်သို့ လိုက်လာနိုင်ပြီဖြစ်သည်။ သို့ဖြစ်ရာ လီဆာက သူမ၏ လုပ်နိုင်စွမ်းအတွင်း၌ "အစေ့တချို့ရအောင် ကြိုးစားမယ်"ဟုသာ ဆိုနိုင်သည်။

တစ်ချိန်တည်းမှာပင် လီဆာသည်လည်း သူမ၏ စခန်းအတွင်းရှိလူတိုင်း ယခင်က မှန်းဆထားသော စွေ့ချီချောင်း၏ သရုပ်မှန်ကို မှန်းဆလိုက်သည်။ သူက အမှန်တကယ်ပင် စိုက်ပျိုးရေး ကျွမ်းကျင်ပညာရှင်တစ်ဦးဖြစ်ပါက အမှိုက်များကို မွှေနှောက်ရှာဖွေရန်ပင် မလိုချေ။ စွေ့ချီချောင်းအတွက် အစေ့များ ရှာမရသည်မှာလည်း မဖြစ်နိုင်ပေ။

လီဆာ၏ အဆက်အသွယ်များက အမှန်တကယ်ပင် စိတ်ချရပါက နောက်လပိုင်းအတွင်း မျိုးစေ့များရမည်ဟု တွက်ချက်နိုင်သည်ဟု စွေ့ချီချောင်းက တွေးလိုက်သည်။ ထို့နောက် နောက်နှစ်တွင် မျိုးစေ့များကို ပျိုးကြဲမည်ဖြစ်သည်။ မည်သို့ပင်ဆိုစေ ဤသည်က သူမျိုးစေ့ရနိုင်သော နည်းလမ်းတစ်ခုဖြစ်သည်။

စွေ့ချီချောင်းက ကြေးမများသော်လည်း သူလိုသော မျိုးစေ့ရရန် မျှော်လင့်နေပေသည်။ ဥပမာအားဖြင့် ဆိုရသော် လူသူမဲ့ဂြိုလ်၏ ပတ်ဝန်းကျင်ကို ထည့်စဥ်းစားပါက သူက ကြက်သွန်မြိတ်၊ ကညွတ်၊ ပဲပင်ပေါက်၊ မုန်လာဥဖြူ အစရှိသည်တို့ကဲ့သို့ အလင်းအနည်းငယ်နှင့် အရိပ်ကို ခံနိုင်ရည်ရှိသည့် သီးနှံများကို ဦးစားပေးရမည်ဖြစ်သည်။

ရောင်းဝယ်ရေး ပြုလုပ်သည့် နေ့တွင် စွေ့ချီချောင်းက စွေ့ဟူကို အာကာသစခန်းတွင် နေခဲ့ရန် ပြောကာ သူ မရှိစဉ် သူလိုက်နာသင့်သည့် ညွှန်ကြားချက်အနည်းငယ် ပေးထားခဲ့လိုက်သည်။ သူက စွေ့ထင်နှင့် စွေ့ရှောင်ကျန်းကို သူ့အား ကူညီရန် ခေါ်ထုတ်လာခဲ့သည်။ သူ့ရည်ရွယ်ချက်မှာ ထိုလူများကို ခွဲထုတ်ရန်ဖြစ်သည်။ အစပိုင်းတွင် သူက သူတို့အားလုံးကို အပြင်ခေါ်ထုတ်လိုသော်လည်း လီဆာအတွေးများနေမည်ကို စိုးရိမ်မိသည်။ အကြည့်တစ်ချက်နှင့်ပင် စွေ့ချီချောင်းက စွေ့ထင်နှင့်အဖွဲ့က မရိုးသားသည်ကို ပြောနိုင်ပေသည်။ ဤသည်က အလယ်ခေတ်ဖြစ်ပါက သူတို့က အမြဲလိုလို ထွက်ပြေးချင်နေသော ကျွန်များနှင့် တူပေသည်။

သို့သော် လီဆာနှင့် အဲလ်ဘတ်တို့၏ မျက်လုံးထဲတွင် သူတို့က စွေ့ချီချောင်းမှာ သူ့အယ်လ်ဖာကို ထပ်ပြောင်းလိုက်ပြီဟု တွေးလိုက်လေသည်။

အစပိုင်းတွင် သူတို့က စွေ့ချီချောင်းမှာ တစ်ကိုယ်တည်း အိုမီဂါတစ်ယောက်ဟုသာ ထင်ခဲ့သည်။ နောက်ပိုင်းတွင် သူတို့က သူ့၌ အယ်လ်ဖာတစ်ယောက်ရှိသည်ဟု တွေးလိုက်သည်။ ယခုတွင် သူ့ထံ၌ အယ်လ်ဖာအသစ်နှစ်ယောက် ရှိနေလေပြီ။ သူတို့က ဖယ်ရိုမုန်းဖုံးကွယ်ရေး ပစ္စည်းတစ်ခုမှ မဖြန်းသလို သူတို့၏ ဖယ်ရိုမုန်းများကို သတိလတ်လွတ် ထုတ်ပြသည့်နည်းက စွေ့ချီချောင်းနှင့် တူနေပေသည်။

လီဆာနှင့် အဲလ်ဘတ်တို့က လေထဲတွင် ဝိုင်နီနှင့် ဝိုင်ဖြူအနံ့ပြင်းပြင်းကို ရသောအခါ မျက်မှောင်မကြုတ်ဘဲ မနေနိုင်ချေ။ သူတို့က သူတို့၏ ဖယ်ရိုမုန်းများကို စိတ်ထင်သလို ထုတ်လွှတ်နေသည့် ပုံစံမှာ လုံးဝပင် မယဉ်ကျေးလှပေ။

သူတို့ရပ်နေသည့်ဘက်သို့ အနည်းငယ် အနီးကပ်ကြည့်လိုက်ပါက စွေ့ထင်နှင့် စွေ့ရှောင်ကျန်းတို့က စွေ့ချီချောင်းနောက် တစ်လှမ်းအကွာတွင် ရပ်နေသည်ကို မြင်နိုင်ပေသည်။ ၄င်းမှာ စွေ့ချီချောင်းက လီဆာနှင့် အဲလ်ဘတ်ကိုတွေ့ရန် စွေ့ဟူတစ်ယောက်တည်းအား ခေါ်လာသည့်အချိန်က မသိသာပေ။ သို့သော် ဤတစ်ကြိမ်တွင် စွေ့ထင်နှင့် စွေ့ရှောင်ကျန်းတို့၏ အနေအထားများက စွေ့ချီချောင်းလောက် မမြင့်သည်မှာ လီဆာနှင့် အဲလ်ဘတ်တို့အတွက် အတန်ပင် သိသာ၏။

သူတို့မျက်လုံးထဲတွင် စွေ့ချီချောင်း၏ သရုပ်မှန်က ပို၍ ဝိရောဓိဖြစ်လာသည်။ သူက လူသူမဲ့ ဂြိုလ်ပေါ်တွင် လျှောက်သွားကာ သူတို့နှင့် ကုန်သွယ်ရန် လိုအပ်သည့်ပုံရပေသည်။ သူက ပစ္စည်းများ နည်းပါးနေသော်လည်း နည်းပညာပိုင်းတွင် သာလွန်နေ၏။ ထို့အပြင် သူ့အောက်တွင် အလုပ်လုပ်နေသော အယ်လ်ဖာများစွာလည်း ရှိနေသည်။ သူတို့တွေ့ရသည့် ထိုအရာများအားလုံးကို အခြေခံကာ သူတို့က သူ့၏ သရုပ်မှန်မှာ အလွန်ဆန်းကြယ်သည်ဟု ခံစားရပေသည်။

"မစ္စတာ စွေ့... နင့်ရဲ့ အယ်လ်ဖာက ဒီတစ်ခေါက် လိုက်မလာဘူးလား..."

လီဆာက သူ့ကို ထုတ်မေးလိုက်သည်။

စွေ့ချီချောင်းက ရှင်းပြချင်စိတ် မရှိပေ။

"သူ မလာဘူး..."

စွေ့ရှောင်ကျန်းက ၄င်းကိုကြားပြီး အပြုံးတစ်ခုနှင့် ဆိုလိုက်သည်။

"ငါတို့ သူနဲ့လိုက်လာတာလည်း အဆင်ပြေပါတယ်... ငါတို့ကလည်း..."

သူက "ငါတို့ကလည်း သူ့ရဲ့ အယ်လ်ဖာတွေပဲလေ"ဟု ပြောလိုသော်လည်း ထိုစကားများက သူ့ပါးစပ်ထဲသို့ရောက်လာသည့်အခါ စွေ့ချီချောင်းထံမှ ရှော့တိုက်ခြင်းခံရမည်ကို ကြောက်ရွံ့သဖြင့် ထိုသို့ မစနောက်ရဲတော့ချေ။ ယခုတွင် သူတို့က စွေ့ချီချောင်းကို 'စွေ့ကာချူး'ဟု တိတ်တဆိတ်ခေါ်နေလေသည်။

( စွေ့ချီချောင်း + ပီကာချူး = စွေ့ကာချူး 🤣 )

စွေ့ရှောင်ကျန်းက စကားလမ်းကြောင်းပြောင်းကာ ဆိုလိုက်သည်။

"ငါတို့မှာ ဖယ်ရိုမုန်းဖုံးကွယ်ရေး အကူပစ္စည်းကုန်နေလို့ပါ... တောင်းပန်ပါတယ်..."

ထိုလူများက အမှန်ပင် ထူးဆန်း၏။ သို့သော် ဤကဲ့သို့နေရာတွင် ထူးဆန်းသည့်လူများ အများအပြားရှိပေသည်။

စွေ့ချီချောင်းနဲ့ တခြားလူတွေက သူတို့ကိုယ်သူတို့ ထူးဆန်းတယ်လို့ မထင်ဘူးလား...

သို့သော် မည်သို့ပင်ဆိုစေ လီဆာနှင့် အဲလ်ဘတ်တို့က စွေ့ချီချောင်းနှင့် အခြားသူများ၏ ဘဝများသို့ နှိုက်နှိုက်ချွတ်ချွတ် ရှာဖွေရန် အကြောင်းမရှိချေ။ လီဆာက ပြုံးကာ ဆိုလိုက်သည်။

"ရပါတယ်..."

"နည်းနည်းလောက်ကြာရင် ငါ့မှာ ကန်စွန်းဥအရွက်တွေ နည်းနည်းရှိလာမှာ..."

စွေ့ချီချောင်း၏ စကားများက လီဆာ၏ အာရုံကို လုံးဝ ပြောင်းသွားစေသည်။ ကန်စွန်းဥအရွက်များသည်လည်း ဟင်းရွက်အဖြစ် စား၍ရနိုင်ပြီး အရသာရှိ၏။

သူတို့က အယ်လ်ဖာပဲဖြစ်ဖြစ် အိုမီဂါပဲဖြစ်ဖြစ် ဘယ်သူက ဂရုစိုက်မှာလဲ... ငါတို့အတွက် မစ္စတာထရစ်စတန်ရဲ့ ဟင်းရွက်တွေက ပိုပြီး ဆွဲဆောင်မှုရှိတယ်...

လီဆာက မမေးဘဲ မနေနိုင်ချေ။

"ကန်စွန်းဥတွေကရော..."

ကန်းစွန်းဥအရွက်များရှိလျှင် ကန်စွန်းဥများလည်း သေချာပေါက် ရှိရပေမည်။

"ငါတို့က ကန်စွန်းဥကို ရင့်လာအောင်ထိ သိမ်းထားရမှာဆိုတော့ လောလောဆယ်တော့ ရောင်းလို့မရသေးဘူး..."

စွေ့ချီချောင်းက ဆိုလိုက်သည်။ သူ့တွင် ကန်စွန်းဥ များစွာ မရှိချေ။ သူစိုက်ထားသော ကန်စွန်းဥများကို နောက်ထပ်ကန်စွန်းဥများ ထပ်စိုက်ရန် အသုံးပြုရပေမည်။ ကန်းစွန်းဥ အရွက်များ များစွာရှိနေရာ သူက ခူးပြီး ရောင်းနိုင်ပေသည်။ ကန်စွန်းဥအရွက်များမှာ လီဆာနှင့် အခြားသူများက သူ့အတွက် မျိုးစေ့များ ရှာပေးလိုစိတ်ရှိ၍ သူတို့အတွက် ဆုလဒ်လည်းဖြစ်သည်။

လီဆာက အနည်းငယ် စိတ်ပျက်သွားသော်လည်း ပြုံးပြလိုက်သည်။ ဤတစ်ကြိမ်တွင် သူမနှင့် စွေ့ချီချောင်းတို့က သဘောတူညီမှုတစ်ခု လုပ်လိုက်သည်။ အချိန်အနည်းငယ်ကြာပြီး သူတို့ထပ်မံ တွေ့သည့်အခါ ရေကန်ဘေးတွင် တစ်ဖက်က သူတို့လာသည်ကို မြင်နိုင်ရန် ဆိုင်းဘုတ်တစ်ခု လုပ်ထားမည်ဖြစ်သည်။ ဆက်သွယ်ရေး ချန်နယ်များ လဲလှယ်ခြင်းကိုမူ မေ့ထားလိုက်သည်။ သူတို့က ရှေးကျသောနည်းလမ်းကို အသုံးပြုရန် ဆုံးဖြတ်လိုက်သည်။ မည်သို့ပင်ဆိုစေ လူတိုင်းက လတ်ဆတ်သော ရေနေသတ္တဝါများကို စားသောက်ရန် ရေကန်ဘေးသို့ မကြာခဏ လာရောက်မည်ဖြစ်သည်။

🍀🍀🍀

Prev Next