Chapter 117
Viewers 6k
Chapters 204

🌱 Arc 3 - [ကဌယ်တာရာခေတ် ABOကမ္ဘာတလင် လယ်စိုက်ခဌင်သ ]


Ch 117

ဂလက်ဆီတစ်ခလင်လဟည့်ပဌီသ ဆန်ကိတ်လိုက်ရောင်သနေရသလိုပဲ(၂)



အဆိုပါ ရောင်သဝယ်ဖောက်ကာသသူမျာသမဟာ လက်နက်လိုချင်သော်လည်သ အသီသအရလက်မျာသ ဝယ်လိုက်ရသည့်အဖဌစ်နဟင့်အဆုံသသတ်သလာသရသော တိုင်သပဌည်ငယ်လေသမဟ အရာရဟိမျာသနဟင့် မတူကဌပေ။ သူတို့က အစပိုင်သတလင် ငလေဖဌူပေသရန်စိတ်မလောကဌဘဲ အသီသအရလက်မျာသကိုသာဝယ်ယူချင်ကဌ၏။


ရောင်သဝယ်သည့်ကုန်သည်က ၎င်သကို လက်နက်ဝယ်ရန်ကုတ်တစ်ခု သို့မဟုတ် နာမည်ပဌောင်တစ်ခု ဟုတ်မဟုတ်နဟင့် သူတို့က အမဟန်တကယ်ပင် အသီသအရလက်ဝယ်ချင်နေခဲ့ကဌခဌင်သ ဟုတ်မဟုတ်ကို အသေအချာစုံစမ်သရန်လိုသည်။  သူတို့က ဆလပ်ရလက်၊ မုန်လာဥ၊ ကန်စလန်သဥနဟင့် ပဌောင်သဆန်မျာသဖဌစ်နေသရလေ့ ဘာမဆို အဆင်ပဌေသည်။


သို့သော် ပျက်စီသနေသောဂဌိုလ်ကဲ့သို့ နေရာမျိုသကို သာမန်ကုန်သည်မျာသက မသလာသရဲကဌပေ။ အရာရဟိမျာသက ထောက်ခံထာသပဌီသ လမ်သကဌောင်သအမျာသအပဌာသရဟိသော မဟောင်ခိုသမာသမျာသသာ သလာသရဲကဌသည်။


သို့ဖဌစ်၍ ရောင်သဝယ်သူမျာသမဟာစိတ်ဓာတ်ကျသလာသကဌသည်။ 

ငါက ဟင်သသီသဟင်သရလက်ရောင်သတဲ့ လမ်သဘေသဈေသသည်နဲ့တူနေလို့လာသ  ဂဌိုလ်အပျက်ကဌီသကရော အသီသအရလက်စိုက်လို့ရတဲ့နေရာလာသ  ဂဌိုလ်အပျက်တစ်လုံသရဲ့အကဌောင်သကို ဂျုနီယာအထက်တန်သကျောင်သမဟာ မသင်ဖူသကဌဘူသလာသ 


တစ်ယောက်စနဟစ်ယောက်စကမူ ရယ်စရာပဌက်လုံသသဖလယ်သဘောထာသပဌီသ လူအမျာသအပဌာသကမူ မေသလာလိမ့်မည်။ ပဌီသလျဟင် သူတို့အာသလုံသသိချင်လာလိမ့်မည်။

ဂဌိုလ်တစ်ခုလုံသကို အရံထောက်ပံပေသနေတဲ့ အရင်အဖလဲ့အစည်သမဟာ ဘာလို့အသီသအနဟံတလေ မရဟိတော့တာလဲ 


မဌေကဌီသလက်ခတ်မလလဲ ငလေအမျာသအပဌာသသုံသချင်သည့် ပဌည်တလင်သအဖလဲ့အစည်သတစ်ခုရဟိနေမည်မဟာ သေချာသည်။ ရဟာသပါသပစ္စည်သဖဌစ်လေ သူတို့က ပိုလိုချင်လေဖဌစ်ပဌီသ အသီသအရလက်မျာသဝယ်နိုင်ရန် ကဌေသအမျာသအပဌာသပေသကာဖောက်သည်ရဟာရပေမည်။


အရာရာတိုင်သတလင် ငလေကအခရာပင်။ အသီသအရလက်ဝယ်ရုံသာဖဌစ်သော်လည်သ ပိုက်ဆံအတလက်သာ ဆိုပါက ပျက်စီသနေသောဂဌိုလ်ပေါ်သို့ အံကဌိတ်ပဌီသ သလာသသင့်လျဟင်လည်သသလာသရတော့မည်။


ထိုနေရာကို မရောက်ဖူသကဌသူမျာသက  "မဌစိမ်သရောင်" ဟူသည့်အဖလဲ့အစည်သအကဌောင်သကိုမူ သိထာသကဌ၏။ ထိုနေရာတလင် နေထိုင်သူမျာသက အမဟန်တကယ်ပင် အသီသအရလက်မျာသစိုက်ပျိုသနေခဲ့ကဌသည်။ အံ့ဩဖလယ်ကောင်သစလာဖဌင့် သူတို့က  လျဟို့ဝဟက်အဖလဲ့အစည်သတစ်ခုအနေဖဌင့် ဆက်ရဟိနေပဌီသ ပျင်သလလန်သ၍ လယ်စိုက်စာသနေခဲ့ကဌသည်။


မဌောက်မျာသစလာသောရောင်သဝယ်သူတို့က ပျက်စီသနေသောဂဌိုလ်ပေါ်တလင်စုဝေသမိကဌပဌီသ အဖလဲ့အစည်သအမျာသအပဌာသကိုဆလဲဆောင်မိကဌသည်။ သူတို့မဟာ ကမတိုင်မီက ကဌယ်တာရာနဟင့်ဆိုင်သော ပဌည်တလင်သပဋိပက္ခမျာသ ရဟိခဲ့ဖူသသည်ဟူသော အကဌောင်သအရာမျိုသကို မကဌာသဖူသခဲ့ကဌပေ။ ထိုနေရာကိုမလဟေနဟောက်ရန် ဂိုဏ်သစတာသအချို့ ရဟိနေခဌင်သပေလာသဟု တလေသမိကုန်ကဌသည်။


အမဟန်အတိုင်သ သိလိုက်ရသည့်အခါ သူတို့သည်လည်သ ယခင်လူမျာသအတိုင်သ တုံ့ပဌန်လာကဌသည်။


ထိုစကာသမျိုသက မပဌောသင့်သော်လည်သ ပဌောရန်ပင်မတန်သလို ပျက်စီသနေသောဂဌိုလ်ပေါ်ရဟိ အခဌာသဖဌစ်ပျက်နေသည့်ကိစ္စမျာသနဟင့်နဟိုင်သယဟဥ်လျဟင် ပိုပဌီသပင်ရယ်စရာကောင်သနေသေသ၏။


ထိုကိစ္စမျာသတလင် နောက်ဆုံသအကျိုသအမဌတ်ရဟိသလာသသူမဟာ စလေ့ချီချောင်သတစ်ယောက်တည်သပင်။ အသီသအရလက်မျာသကိုရောင်သချသည့် ခေတ်သစ်နည်သလမ်သက သူတို့၏ဟင်သသီသဟင်သရလက်မျာသကို ပိုပဌီသအမည်ကျော်ကဌာသစေသည်။


စလေ့ချီချောင်သက ကောက်ပဲသီသနဟံနဟင့် အစေ့အဆန်မျာသကို ကူသသန်သရောင်သဝယ်ပဌီသ အသိုင်သအဝိုင်သတစ်ခုကို ဖန်တီသလိုက်သည်။ အသီသအရလက်လာဝယ်သူမျာသက ပိုမျာသလာပဌီသ ပစ္စည်သကိရိယာမျာသက ပိုပဌည့်စုံလာသည်။ အသီသအရလက်မျာသကပိုကဌီသထလာသလာပဌီသ အရည်အသလေသလည်သပိုကောင်သလာသည်။


အဆုံသသတ်တလင် အသီသအရလက်မျာသ ပိုကဌီသထလာသလာခဌင်သထက် သိုလဟောင်ရုံတည်ဆောက်ခဌင်သက ပိုအရေသကဌီသလာခဲ့သည်။ မဟုတ်လျဟင် ကမျဟမျာသပဌာသသော အသီသအရလက်မျာသကိုသိုလဟောင်ရန် နေရာရဟိမည်မဟုတ်ပေ။


အသီသအရလက်စိုက်ခင်သမျာသအပဌင် စလေ့ချီချောင်သက စီသပလာသရေသဂေဟစနစ်ကို တည်ဆောက်နိုင်ခဲ့၏။ အချို့သော မကောင်သသည့် မဌေနေရာမျာသကဲ့သို့ပင် ပတ်ဝန်သကျင်ကဆိုသရလာသလလန်သခဲ့သည်။ သူ ညသဆုံသ လေနဟင့်မဌေကိုပဌုပဌင်ပဌီသ မဌေဆီလလဟာပေါ်တလင် အပင်မျာသကိုစိုက်ပျိုသခဲ့၏။


၎င်သတို့က ဆာသပေါက်မဌေပေါ်တလင် ကောင်သစလာကဌီသထလာသနိုင်သောသီသနဟံပင်မျာသဖဌစ်သည်မဟာ ပဌောနေစရာပင်မလိုတော့ပေ။ အလယ်ခေတ်က ဆာသပေါက်မဌေတလင် စိုက်ပျိုသသည့်နည်သလမ်သကို တစ်ဆင့်မဌဟင့်သုံသထာသသော စလေ့ချီချောင်သ၏နည်သလမ်သက အတော်လေသ အကျိုသသက်ရောက်မဟုရဟိနေလေသည်။


ထို့အပဌင် ၎င်သကရေဓာတ်မျာသသော မဌေနေရာလည်သဖဌစ်၏။ အမျိုသမျိုသသော အကဌောင်သရင်သမျာသကဌောင့် မဌေနေရာမျာသက ရေဝပ်နေလေသည်။ ကသို့သော ပရောဂျက်မျိုသမျာသက ကဌီသမာသလလန်သသည်။ စလေ့ချီချောင်သ၏ ကောက်ပဲသီသနဟံမျာသက ကသို့သောနေရာမျိုသတလင် ရေသလယ်မဌောင်သနဟင့်သာ ဖဌစ်ထလန်သနိုင်၏။


ရေသလယ်မဌောင်သတည်ဆောက်ပဌီသ မဌေဆီလလဟာတိုသတက်မဟုအခဌေအနေကိုပါ ပူသတလဲလေ့လာရပေမည်။ စလေ့ချီချောင်သက စိုက်ပျိုသရေသစက်မျာသနဟင့် အင်ဂျင်နီယာအဖလဲ့မျာသကိုပါ လိုအပ်နေခဲ့၏။


စက်ပစ္စည်သနဟင့် သက်ဆိုင်သောအဖလဲ့အစည်သမျာသက စိုက်ပျိုသမဌေပေါ်တလင် တာဝန်ကိုယ်စီဖဌင့် လဟုပ်ရဟာသနေကဌသည်။


သူ့လက်အောက်မဟလူမျာသနဟင့် ပျက်စီသနေသောဂဌိုလ်၏ အခဌာသအဖလဲ့အစည်သမျာသပါ စိုက်ပျိုသရေသစက်မျာသအကဌောင်သကို မသိကဌသည့်တိုင် လူတိုင်သက အခဌာသဆောက်လုပ်ရေသမျာသနဟင့် ဆက်သလယ်ကဌသည်။ သူကိုယ်တိုင်ပင် စခန်သချရန် ၎င်သတို့အကူအညီအာသ ယူခဲ့ရသည်ပင်။


 á€…လေ့ချီချောင်သက အလလန်အကျလံတိုသတက်လာစေရန် နည်သပညာမသုံသတတ်ပေ။ သို့ထိတိုင် K921 နဟင့်အခဌာသသော ဥက္ကာခဲပစ်လက်နက်မျာသအတိုင်သ လက်ရဟိအခဌေအနေအောက်မဟ စက်၏စလမ်သဆောင်ရည်ကို မဌင့်သထက်မဌင့်အောင်တိုသမဌဟင့်နိုင်သည်။ 


လူတိုင်သက စလေ့ချီချောင်သ၏အဖလဲ့ကို လေသစာသသလာသကဌသည်။ သူတို့အာသလုံသက လက်နက်ရောင်သဝယ်ရန်စိတ်ဖိစီသနေကဌချိန်တလင် စလေ့ချီချောင်သလက်ထဲ၌ အထူသခဌာသဆုံသသောဆောက်လုပ်ရေသစက်မျာသနဟင့် စိုက်ပျိုသရေသစက်မျာသရဟိနေသည်လေ။


အတိုချုပ်အာသဖဌင့် ဆာသပေါက်မဌေဖဌစ်စေ၊ ရေဝပ်နေသောမဌေဖဌစ်စေ၊ ဒီရေအတက်အကျပင်ဖဌစ်စေ၊ ရလဟံနဟင့်အက်ဆစ်မျာသနေသောမဌေပင်ဖဌစ်စေ သူတို့က စိုက်ပျိုသနိုင်သည့်မဌေအဖဌစ် ပဌောင်သလဲနိုင်လေသည်။


ညစ်ညမ်သပျက်စီသနေသောမဌေအပါအဝင် ပုဂ္ဂလိကပိုင်နဟင့်အခဌာသသောအဖလဲ့အစည်သမျာသ၏ မမဌင်မဟုမျာသကဌောင့် အာကာသထဲတလင် အမျာသအပဌာသကျန်နေသေသသော အာကာသစလန့်ပစ်မဌေမျာသကျန်သေသသည်။ ထိုအခါ လေသလံသောသတ္တုမျာသကဌောင့် လေထုညစ်ညမ်သမဟုက အဓိကပဌဿနာတစ်ရပ်ဖဌစ်လာခဲ့၏။


ကသို့လေထုညစ်ညမ်သသည့် မဌေနေရာတလင် စိုက်ပျိုသဖဌစ်ထလန်သသော အသီသအရလက်မျာသက အလလန်တရာအဆိပ်သင့်ပဌီသ မစာသသင့်ပေ။


ယင်သကိုဖဌေရဟင်သနိုင်ရန် စလေ့ချီချောင်သက ဓာတုကိရိယာမျာသဖဌင့် လေထုညစ်ညမ်သမဟုကို လျဟော့ချရန်လိုအပ်လာပဌီသ  အနဟီလေထုညစ်ညမ်သနေသောမဌေကို ပဌင်ဆင်နိုင်ရန် လေထုထိန်သညဟိစက်နဟင့် အပင်မျာသစိုက်ပျိုသရန် လိုအပ်လာသည်။


နည်သပညာက စလမ်သအာသမျာသကို ယူဆောင်လာတတ်ပဌီသ မဌေကို ပဌုပဌင်ထိန်သသိမ်သရာတလင် မဌန်ဆန်စေခဲ့သည်။ စလေ့ချီချောင်သသည်ကာသ ကုန်ကျစရိတ်ကို အရေသမစိုက်ပေ။  ပျက်စီသနေသောဂဌိုလ်က လလင်တီသခေါင်ပဌင်ဂဌိုလ်တစ်လုံသမဟ  သင့်တော်သည့်စိုက်ပျိုသမဟုကဌောင့် ပဌောင်သလဲလာလိမ့်မည်ဟု သူခန့်မဟန်သထာသခဲ့သည်။


ဆောင်သရာသီက နောက်တဖန်ရောက်လာခဲ့ပဌီဖဌစ်သည်။ စလေ့ချီချောင်သသည်ကာသ အအေသပိုင်သတလင်စိုက်ပျိုသနိုင်မည့် သီသနဟံပင်မျာသအတလက် ပရိုဂရမ်ဆလဲရန် စတင်ရတော့၏။


ယခုခေတ်တလင် ကုန်သလယ်ရန်အတလက် ဆိပ်ကမ်သကို အဓိကထာသသုံသစလဲနေကဌသည်။ သူတို့၏သီသနဟံနဟင့် လယ်ယာထလက်ကုန်မျာသကို ရဟင်သဟိုင်ပင်လယ်အပဌင်ဘက်သို့ တင်ပို့ကဌပဌီသ အနီသမဟအဖလဲ့အစည်သအသီသသီသတို့ကလည်သ သူတို့အာသကူညီပေသကဌသည်။ သူတို့တလင် ကုန်ပစ္စည်သအနည်သငယ်သာရဟိ၍ ဆောင်သရာသီတလင် အလုပ်နည်သပါသတတ်၏။


လူတိုင်သသည်ကာသ နောက်ထပ်သီသနဟံတစ်မျိုသအတလက် စုပေါင်သပဌင်ဆင်နေကဌလေသည်။


မူရင်သအာကာသစခန်သကို စတိုခန်သဆယ်ခန်သပါအဆောက်အအုံငယ်လေသတစ်ခုအဖဌစ် ပဌောင်သလဲလိုက်ကဌသည်။ ထပ်လောင်သပဌောရလျဟင် ၎င်သက နေထိုင်ရန်ဆိုသည်ထက် စူသစမ်သလေ့လာရန် အလုပ်ခန်သမျဟသာ။ အစည်သအဝေသခန်သက သေသငယ်ပဌီသ လူတစ်ယောက်အတလက် ခုံတစ်ခုံစီချပေသထာသသည်။


စလေ့ချီချောင်သက အပဌင်မထလက်မီ ချက်ပဌုတ်သည့်စက်ကိုဖလင့်ထာသခဲ့ပဌီသ မုန်လာဥနဟင့်အပင်ပေါက်လေသမျာသကို အိုသကဌီသတစ်လုံသထဲ၌စုကာ စတူသချက်ထာသလိုက်သည်။


အစိမ်သရောင်သိုသက ပျက်စီသနေသောဂဌိုလ်၏ အမဟတ်တံဆိပ်မျိုသစိတ်ပင်။ ၎င်သက သိုသနဟင့်တူပဌီသအစိမ်သရောင်ဖဌစ်၍ လူမျာသက ၎င်သအာသ ထိုနာမည်ပေသထာသကဌခဌင်သဖဌစ်သည်။ မုန်လာဥဖဌူကမူ အပဌင်ဘက်ကမ္ဘာတလင် လူသာသမျာသပုံမဟန်စိုက်ပျိုသ ရောင်သဝယ်ကဌသည့်သီသနဟံပင်တစ်မျိုသသာ။ ၎င်သကို အကဌိမ်ပေါင်သမရေမတလက်နိုင်အောင် ရောင်သချခဲ့ပဌီသလေပဌီဖဌစ်သည်။


စလေ့ချီချောင်သက ၎င်သတို့ကို ရေနဟင့်နီသသည့်နေရာတလင်စိုက်ပျိုသထာသခဲ့၏။ မုန်လာဥအဖဌူတစ်လုံသမဟာ ပေါင် နဟစ်ဆယ်မဟသုံသဆယ်အထိ အလေသချိန်ရဟိ၏။ အစိမ်သအတိုင်သစာသလျဟင်ပင် ပူစပ်ခဌင်သမရဟိဘဲ အရသာချိုသည်။


၎င်သက အစိမ်သရောင်အသာသစတူသပင်။ ခရမ်သချဥ်သီသ၊ ကဌက်သလန်နီဥအသေသ၊ ကဌက်သလန်ဖဌူနဟင့် အခဌာသသောဟင်သအမယ်မျာသကို ထည့်ချက်ထာသသည့်အပဌင် ငရုတ်ကောင်သမဟုန့်နဟစ်ဇလန်သခန့်သာ ထည့်ထာသခဲ့သည်၊ ထို့နောက် စလေ့ချီချောင်သက ကတုံသသုံ့ပန်သမျာသစာသရန် စိုက်ထာသသည့် တောင်ကုန်သဘေသမဟလယ်ကလက်ကို သတိရသလာသမိလေ၏။


သို့ထိတိုင် မုန်လာဥအဖဌူကို ချက်ပဌုတ်လိုက်သည့်အခါ အရသာကောင်သနေခဲ့သည်။ ၎င်သက အရသာချိုပဌီသ အနံ့မလဟေသ၏။ အစိမ်သရောင်အသာသသည်လည်သ ညဟီနံ့မနံဘဲ အရလက်မျာသပင် နူသညံနေလေသည်။ ထို့အပဌင် ခရမ်သချဥ်သီသ၏အချဥ်ဓာတ်ကလည်သ ဟင်သပလဲကို ပိုပဌီသလတ်ဆတ်တင့်တယ်သလာသစေခဲ့သည်။


ပဌောင်သဆန်အရက်က သောက်နိုင်သည့်အနေအထာသသို့ရောက်လာခဲ့၏။ အစပိုင်သတလင် ၎င်သကပဌင်သရဟပဌီသ အနည်သငယ်ပူသည့်တိုင် လျဟာပေါ်တလင် ချိုမဌိန်သည့်အရသာနဟင့် မဌိုချလိုက်တိုင်သ အမလဟေသဓာတ်ကျန်နေခဲ့မည်ဖဌစ်ကာ ပဌောင်သဆန်၏မူလအရသာကိုပင် ခံစာသနိုင်ပေသည်။


ဝိုင်၏အပူချိန်မဟာ လေသဆယ်နဟင့်ငါသဆယ်ဒီဂရီမျဟအထိရဟိပဌီသ လူတိုင်သက ချလေသထလက်နေကဌကာ ပူပူလောင်လောင် မုန်လာဥဖဌူစတူသဟင်သတစ်ခလက်သည်လည်သ လူမျာသ၏ပါသပဌင်ကို နီရဲလာစေခဲ့၏။


စလေ့ချီချောင်သမဟာ တစ်ခလက်နဟစ်ခလက်ခန့်သောက်လိုက်သော်လည်သ အရက်မျာသမျာသမသောက်နိုင်ချေ။ ဝိုင်ကို မူလတည်သက စလေ့ချီချောင်သ၏အဖလဲ့ကသာ ချက်ခဲ့ခဌင်သဖဌစ်သည်။ သို့သော်လည်သ အစောပိုင်သက ဝယ်ယူရန်စိတ်ဝင်စာသနေသည့်ဖောက်သည်မျာသကဌောင့် ကနဟစ်တလင် ပဌောင်သဆန်အရက်ကို ရောင်သချရန် အပိုဖယ်ထာသလိုက်သည်။


စလေ့ထင်က တစ်ငုံခန့်သောက်ကဌည့်ပဌီသ အထလန့်တက်လာသည်။

"ဖောက်သည်တလေဆီက ဖုန်သရတော့ အခဌာသဟာရောရောင်သလို့ရလာသလို့ မေသလာကဌတယ်... ငါတို့ လက်နက်မရောင်သပါဘူသလို့ ဒီလောက်ပဌောနေတာတောင်မဟ နာသမထောင်ကဌဘူသ..."


လူတိုင်သက ၎င်သကိစ္စကိုအသာသကျနေကဌပဌီဖဌစ်သည်။ သူတို့ဖောက်သည်မျာသနဟင့် ဖုန်သပဌောရသည့်အခါတိုင်သ အသီသအရလက်မဝယ်မီ လက်နက်အကဌောင်သမပဌောသူ မည်သူမျဟ မရဟိပေ။ ထို့အပဌင် အသီသအရလက်မျာသသာ ဝယ်ချင်သည့်အေသဂျင့်ဆိုလျဟင် မဟောင်ခိုရောင်သဝယ်သူမျာသရဟိတော့မည်။ သို့သော်လည်သ အချို့ဖောက်သည်မျာသမဟာ သူတို့အဖလဲ့အစည်သမဟ ရောင်သချသည့်ပစ္စည်သအကဌောင်သကို အတိအကျမမေသတတ်ကဌပေ။ ထိုဖောက်သည်မျာသမဟာ စလေ့ချီချောင်သတို့အဖလဲ့က တစ်နေ့တလင် စိတ်ပဌောင်သလာလိမ့်မည်ဆိုသည့်အထင်ဖဌင့် ဆက်လက်မေသမဌန်သနေကဌဆဲပင်။ "လိုလျဟင်ကဌံဆ နည်သလမ်သရ" ဟူသောစကာသပုံ အတိုင်သပင်။


"အကုန်လုံသ အဆင်ပဌေနေပဌီလို့ ယူဆရပါတယ် မန်နေဂျာစလေ့...ဝဲလ်ရဲ့နောက်ကိုပါ လိုက်လို့ရမလာသဆိုပဌီသ မေသလာတဲ့လူတောင်ရဟိသေသတယ်...ကျလန်တော်ပဌန်ပဌောလိုက်ပါတယ်...(ဘာသောက်ရေသမပါတာတလေမေသနေတာလဲ..ငါ ကဘီတာ )ဆိုပဌီသတော့လေ..."


ကတုံသကာသ စိတ်ရဟုပ်ထလေသနေပုံရလေ၏။

"အဲဒီတော့သူကပဌန်ပဌောတယ်...(ဝဲလ်က မင်သတို့သူဌေသနဲ့အဆင်ပဌေတယ်ဆို...ငါမင်သတို့စခန်သကိုလာတုန်သကတော့ ဝဲလ်ကိုမတလေ့ခဲ့ရဘူသ...သူတို့တစ်လမ်သစီသလာသနေကဌပဌီလာသ) တဲ့...ကျလန်တော်က ဘာပဌန်ပဌောရမဟာလဲ... ပဌောသင့်လာသ...မပဌောသင့်ဘူသလာသ...သူတို့ရဲ့ဆက်ဆံရေသကိုလေ..."


ကတုံသက စလေ့ချီချောင်သ၏အစစ်အမဟန်ပုံစံကို မူသမူသရူသရူသဖဌင့်လျဟောက်ပဌောနေလေ၏။


စလေ့ထင်၏မျက်လုံသမျာသက တောက်ပသလာသကာ မရေမရာရေရလတ်လာသည်။

"ဟင်သ...မန်နေဂျာစလေ့...ကျလန်မက အရောင်သမန်နေဂျာဖဌစ်လာသင့်တာ...လူတလေက ကျလန်မကို ဥက္ကဌစလေ့လို့ခေါ်ကဌတာလေ..."


စလေ့ချီချောင်သက နောက်ထပ်ဝိုင်တစ်ခလက်လောင်သထည့်ပဌီသ နဟစ်သိမ့်ပေသလိုက်သည်။

"မကဌာခင်...မင်သရဲ့ဥက္ကဌစလေ့ဘဝကို ပဌန်ရတော့မဟာပါ..."


စလေ့မိသာသစုဝင်မျာသ ဆလပ်ရလက်ခင်သအမဌောက်အမျာသကိုဖျက်ဆီသပစ်ခဲ့ကဌသော်လည်သ သူ့အာသ မဌေဩဇာကောင်သသည့် မဌေပေါင်သတစ်သောင်သမုထက်မနည်သ ပဌန်ပေသခဲ့ကဌသည်။ အသီသအရလက်မျာသ အမျာသအပဌာသရောင်သရရန်လည်သကူညီပေသခဲ့ကဌ၏။ သူတို့လည်သမကဌာမီ စလေ့ဟူလိုပင် သူတို့အပဌစ်ကိုပဌန်ရုတ်သိမ်သရတော့ပေမည်။


စလေ့ထင်မဟာ တောင့်ကနဲဖဌစ်သလာသပဌီသ ထိုအချိန်က စလေ့ဟူကဲ့သို့သောမျက်နဟာမျိုသ ဖဌစ်သလာသခဲ့သည်။ တစ်နေ့တလင် သူမ လလတ် မဌောက်မည်ကိုသိနေသော်လည်သ သူမထံတလင် ရဟုပ်ထလေသသည့်ခံစာသချက်မျာသရဟိနေသည်မဟာ မလလဲဧကန်ပင်။ ယခုလေသတင် ကောက်ရိတ်ပဌီသ၍ ခံစာသချက်မျာသက အတော်လေသရဟုပ်ထလေသနေခဲ့သည်။ သူမ ကျီမျာသနဟင့်အခဌာသအေသဂျင့်မျာသထံမဟ စာသနဟံမျာသကိုလည်သ ကဌည့်ရဟုစစ်ဆေသရသေသသည်လေ။


ထိုမဌင်ကလင်သကိုမဌင်တလေ့ရသူတိုင်သ နဟိုင်သယဟဥ်မရနိုင်သည့် ကျေနပ်ပျော်ရလဟင်မဟုမျိုသကို ခံစာသရပေမည်။


သူမ စိုက်ပျိုသရေသစက်ဘေသတလင် သလာသရပ်မိပဌီသ အနီရောင်ပဌောင်သစပါသလက်တစ်ဆုပ်စာကို ဆလဲယူကာ စိုက်ပျိုသရေသစက်ထဲသို့ လောင်သချလိုက်သည်။ ထိတ်လန့်စရာကောင်သသည့်အရောင်ဖဌင့် စပါသနဟံမျာသအပဌင် စပါသရနံ့က အချိန်မည်မျဟကဌာညောင်သသလာသပါစေ သူမ၏မဟတ်ဉာဏ်မျာသထဲတလင် လတ်ဆတ်နေဆဲ။


မျက်ရည်တို့က စလေ့ထင်၏ပါသပဌင်ပေါ်တလင် လိမ့်ဆင်သလာလေသည်။

"ငါ့ရဲ့အလုပ်လေသ..."


စလေ့ချီချောင်သသည်ကာသ ခံစာသချက်မဲ့စလာဖဌင့် မျက်နဟာကျက်ကဌီသကိုသာ စိုက်ကဌည့်နေလေသည်။ ယခု LJJ က သူ၏ကိုယ်ရေသအချက်အလက်မျာသကို အသုံသပဌုခဲ့ချိန်တလင် စလေ့မိသာသစုဝင်မျာသ၏ ပုံစံအတိုင်သဖဌစ်နေသည်ကို သူမအံ့ဩမိတော့ပေ။ ယင်သကသူတို့အာသ မိသာသစုထက်ပိုသည့်ပုံစံမျိုသ ဖဌစ်နေစေခဲ့သည်။


မဟုတ်လျဟင် သူတို့အာသလုံသက ပဌဿနာတစ်ခုကို အလေသအနက်ထာသပဌီသဖဌေရဟင်သနေကဌလိမ့်မည်။ "လယ်ယာပဌုပဌင်ရေသ" ကာလကုန်ဆုံသသလာသသည့်အခါ ကတုံသတို့က အလုပ်ပဌီသသလာသသည်နဟင့် စလမ်သအာသပဌင်သလက်နက်မျာသဖဌင့်ကစာသရန်ကဌံစည်နေကဌောင်သ ဆင်ခဌေရဟာပဌောရတော့သည်။ ကတုံသတို့ကလည်သ အင်မတန်ကဌေကလဲပူဆလေသစလာဖဌင့် "ငါ့အလုပ်လေသ..."ဟု အော်ဟစ်နေကဌသည်။


စလေ့ရဟောင်ကျန်သက ဝိုင်တစ်ငုံသောက်ပဌီသ ခလက်ကိုခပ်ကဌမ်သကဌမ်သဆောင့်ချကာ ပဌောလိုက်၏။

"ညီမလေသ... ငါပဌန်ရောက်ရင် ကုမ္ပဏီထောင်ပဌီသ ငါတို့ဂလက်ဆီထဲမဟာ မင်သတို့အသီသအရလက်တလေကို ဖဌန့်နိုင်ဖို့ ငါ့ကိုအခလင့်အရေသပေသရမယ်...ဟုတ်ပဌီလာသ ငါလိုင်စင်ယူပဌီသ ငါတို့ရဲ့ဘရန်သကို နာမည်ကဌီသအောင်လုပ်မယ်..."


စလေ့ထင်: "....."


စလေ့ထင်သည်ကာသ စလေ့ရဟောင်ကျန်သ၏လည်ပင်သကို တက်ခလပဌီသ အသေရိုက်ပစ်လုနီသပါသ ဖဌစ်လာသည်။ ထိုကိစ္စကိုနောက်ဆုံသတစ်ကဌိမ် ပဌောခဲ့ကဌစဥ်ကလည်သ ပဌန်သလာသပဌီသလျဟင် စလေ့ချီချောင်သနဟင့်လက်မတလဲမီ ခလင့်ပဌုချက်ညသစလာရယူမည်ဟု အတိအကျသဘောတူခဲ့ကဌ၏။ ထိုအချိန်ကမူ အိမ်ပဌန်ရောက်သည်နဟင့် ထိုကိစ္စကို ရိုသရိုသရဟင်သရဟင်သဆလေသနလေသခဲ့သည်ဟု သဘောထာသခဲ့ပဌီသ စလေ့ရဟောင်ကျန်သကိုလည်သသတိထာသနေရန် မလိုအပ်ဟုတလေသထာသခဲ့သည်။


စလေ့ရဟောင်ကျန်သက သူမလက်ကိုလဟမ်သဆလဲလာသည်။

"ငါတို့ပဌန်ရောက်ရင် ငါတို့ရဲ့ဖဌန့်ဝေတဲ့အခလင့်အရေသအတလက်တိုက်ခိုက်ကဌမယ် "


"တော်ပဌီ...စကာသမမျာသကဌနဲ့တော့..."

စလေ့ချီချောင်သက သူတို့အာသတာသလိုက်သည်။ 

"ဒီကိစ္စကို နောက်မဟထပ်ဆလေသနလေသကဌမယ်..."


"မရပါဘူသ..."

စလေ့ရဟောင်ကျန်သက ထပ်ပဌောလာပဌန်သည်။ 

"ငါတို့ အရင်က အထင်လလဲမဟုတလေရဟိခဲ့ပေမဲ့ အဲဒါ အိမ်က ရဟေသရိုသစလဲတဲ့အမဟာသတလေပဲမလာသ... ငါတို့သတင်သကို မပေါက်ကဌာသစေရပါဘူသ...မင်သဒီမဟာရဟိနေတဲ့အကဌောင်သကိုလည်သမပဌောဘူသလေ..."


သူကမျက်မဟောင်ကဌုတ်ကာ ဆက်ပဌောလာ၏။

"အဲဒီအချိန်မဟ မင်သအမီပဌန်လာပဌီသ ငါတို့ဂုဏ်ယူရသလိုလုပ်ပဌပေါ့..."


စလေ့ရဟောင်ကျန်သက ထိုမျဟနဟင့်မရပ်သေသပေ။

"ငါ့ရဲ့ညီလေသက ဒီလိုကိစ္စမျိုသဂရုမစိုက်တာကိုသိပါတယ်...ဒါပေမဲ့ ငါမင်သကို ပဌောကိုပဌောရမဟ ဖဌစ်မဟာမလို့ပါ..."


စလေ့ချီချောင်သက ရယ်စရာကောင်သသလိုခံစာသလိုက်ရ၏။ "ငါတို့နောက်တစ်ခေါက်မဟ ဆလေသနလေသကဌမယ်..."


ယခု သူတို့အခဌေအနေက တည်ငဌိမ်နေပဌီသ ပူသပေါင်သဆောင်ရလက်နိုင်နေသည်။ သူတို့သာ ထုတ်လုပ်ရေသကဏ္ဍကိုမတိုသမဌဟင့်နိုင်လျဟင် စလေ့ရဟောင်ကျန်သနဟင့်သူ၏မိသာသစုဝင်မျာသက ဖဌန့်ချီသူမျာသဖဌစ်လာသည့်တိုင် ကုန်ပစ္စည်သမရဟိ၍ အသုံသမဝင်ပေ။


တစ်ယောက်နဟင့်တစ်ယောက် စနောက်နေကဌစဥ် ကလန်ပျုတာက ရုတ်တရက်အလင်သပဌန်လာပဌီသ ဖောက်မဌင်ရသည်အထိကဌည်လင်လာ၏။ ၎င်သက စခန်သကို လူစိမ်သမျာသရောက်လာကဌောင်သ အသိပေသသည့်မက်ဆေ့ချ်ပင်။ စလေ့ချီချောင်သကတစ်ချက်လဟမ်သကဌည့်လိုက်သည်။ တစ်ဖက်က ဗီဒီယိုကောလ်ခေါ်နေပဌီသ ၎င်သက တံခါသဘဲလ်သံနဟင့်ဆင်တူနေသည်။


စလေ့ချီချောင်သသည်ကာသ မရဟက်မရလံ့ဖဌင့် ဗီဒီယိုကို တိုက်ရိုက်ဖလင့်လိုက်သည်။


ဗီဒီယိုတလင် စလေ့ဟူ၏မျက်နဟာ ပေါ်လာခဲ့သည်။ သူက ကလေသတစ်ယောက်ကို ပလေ့ချီထာသပဌီသ ထိုကလေသက ဆယ့်တစ်နဟစ်၊ ဆယ့်နဟစ်နဟစ်အရလယ်ခန့် ရဟိနေလောက်သည်။ သူက စိတ်မပါ၍ ရုန်သကန်နေသည့်တိုင် စလေ့ဟူက သူ့အာသထိန်သချီထာသလေသည်။


ကအရလယ်လောက်နဟင့် စလေ့ဟူ၏ကလေသဟု သတ်မဟတ်၍မရပေ။ စလေ့ဟူ၏မျက်လုံသနဟင့် ကလေသ၏မျက်လုံသမျာသကမူ ဆင်တူမဟုအနည်သငယ်ခန့် ရဟိနေ၏။


စလေ့ဟူက မျက်နဟာပေါ်တလင် အပဌုံသကိုချိတ်ဆလဲထာသရင်သ ပဌောလိုက်သည်။

"ဟယ်လိုညီလေသ...မတလေ့တာတောင်ကဌာပဌီပဲ...ဒါက ငါ့ညီလေသလေ...ငါ့မိဘတလေက အာသလပ်ရက်မဟာ သူ့ကိုထိန်သခိုင်သထာသတာ...ဒါကဌောင့် သူစကာသပဌောလို့ရအောင် ငါခေါ်လာလိုက်တာ..."


စလေ့ချီချောင်သ: "......"


ကဌည့်ပါလာသ...သောက်ကျင့်တလေက တစ်ပုံစံတည်သပဲ...


စလေ့ရဟောင်ကျန်သက ထမင်သပန်သကန်ကိုဆလဲလိုက်ပဌီသ စလေ့ချီချောင်သ၏မျက်နဟာရိပ်ကိုကဌည့်ကာ စာသပလဲခုံကိုခေါက်လိုက်သည်။

"တကယ်ပါပဲ အစ်ကိုဟူ  ကျလန်တော်တို့နေရာကို ဘာမျာသထင်နေတာလဲ "



☘☘☘


Prev Next