အပိုင်း ၁၀

သန်းခေါင်ယံ စင်ဒရဲလား

 အပိုင်း ၁၀

ချင်ဖန်သည် ထန်ချင် Entertainment ၏ စတော့ရှယ်ယာပိုင်ရှင် တစ်ဦးဖြစ်ပြီး ကုမ္ပဏီတွင် အကျော်ကြားဆုံး အေးဂျင့်လည်းဖြစ်သည်။ သူ့ လက်အောက်မှာ ရှိတဲ့ ဘယ်အနုပညာရှင်မဆို တိုင်းပြည်မှာ ရေပန်းစားမှာ သေချာသည်။  သူ့ရဲ့အားကြီးတဲ့ အရှိန်အဝါကြောင့် ကုမ္ပဏီတော်တော်များများက သူ့ကို ကြောက်လန့်နေကြပုံပါပဲ မီရှန့်အာတောင်မှ ခြွင်းချက်မရှိပေ။

အခု ချင်ဖန်း၏ ညွှန်ပြနေတဲ့ စိုက်ကြည့်မှုအောက်တွင် မီရှန့်အာသည် သူသိထားသမျှအားလုံးကို ဖိတ်စင်သွားအောင် တွန်းပို့ခံလိုက်ရသလို ခံစားလိုက်ရသည်။

 " ဖန့်ကျင်း နိုင်ငံခြားသွားပြီးတဲ့နောက်မှာ သူက ညဘက်မှာပဲ ဒီပုံစံအတိုင်း ရုတ်တရက် စလုပ်လာတယ်။ ကျွန်တော် သုတေသန နည်းနည်းလုပ်ကြည့်တော့ အဲ့ဒါက  တစ်နေ့တာအတွင်း ဖိအားများလွန်းတာကြောင့် ဖြစ်နိုင်တယ်ဆိုတာ တွေ့ခဲ့တယ်။ ဆောင်းပါးမှာ ဖော်ပြထားတဲ့ ကြီးမားတဲ့ လှုပ်ရှားမှုတွေက သူ့ကို အရူးအမူး ပြေးမရအောင် တားဆီးဖို့ ကြိုးစားလာတာ ဖြစ်သင့်တယ်"

 "ဒါဆို ကြိုးနဲ့ကစားတာကကော ဘာလဲ"

 “အဲဒါက သူ နောက်တစ်ကြိမ် ထပ်ပြီး ပြဿနာရှာပြီးတော့ အဲ့ဟိုတယ်က လူတွေရဲ့အာရုံကို ဆွဲဆောင်မိမှာ ကြောက်လို့ သူ့ကို ကြိုးနဲ့ ချည်ဖို့ ကျွန်တော် စီစဉ်ခဲ့တာပါ"

 ချင်ဖန်း၏ အေးဆေးတည်ငြိမ်သော အကြည့်က နောက်ဆုံးတွင် အနည်းငယ် ပြောင်းလဲသွားခဲ့သည် - "မင်း သူ့ကို ကြိုးနဲ့ချည်ထားလိုက်လား"

 "မချည်ဘူး မချည်ဘူး  မချည်ဘူး!ကျွန်တော် မချည်ခဲ့ပါဘူး။ မစ္စတာ ဖန့်က သဘောမတူတော့ ကျွန်တော်က ဘယ်လိုလုပ် ချည်ရဲပါ့မလဲ" 

မီရှန့်အာ အခု တကယ် ငိုချင်နေပြီ။ ဖန့်ကျင်းက အခု ချင်ဖန်းရဲ့ လက်အောက်မှာ တန်ဖိုးအရှိဆုံး အနုပညာရှင်တစ်ယောက် ဖြစ်သည်။ ဖန့်ကျင်းကို သူ့လက်ဖြင့် ထိခိုက်စေခဲ့မည်ဆိုရင် သူ့အရေပြားအလွှာကို ဆုတ်ဖြဲပစ်မည်မှာ သေချာသည်။

ချင်ဖန်းက သူ့စကားတွေကို အရှိန်လျှော့ပြီး ထပ်မံမေးမြန်းလိုက်သည်။ "ဒါဆို ဒီလောက်ကြီးကျယ်တဲ့ကိစ္စတွေကို မင်း ငါ့ကို ဘာလို့အကြောင်းမကြားခဲ့တာလဲ"

 "ဘာလို့လဲ ဆိုတော့၊ ဘာလို့လဲဆိုတော့ ... မစ္စတာ ဖန့်က ကျွန်တော့်ကို မပြောဖို့ တားမြစ်ထားလို့ပါ" မီရှန့်အာ၏ အသံမှာ ခြင်သံကဲ့သို့ အလွန်သေးငယ်သွားသည်။

 ချင်ဖန်းက သူ့မျက်နှာချင်းဆိုင်ကလူကို တိုက်ရိုက်ကြည့်လိုက်သည်။ ဖန့်ကျင်းက ချင်ဖန်း ထက် သူ့စိတ်ခံစားချက်က ပိုဆိုးသွားသလိုမျိုး မျက်နှာထားနဲ့ ထိုင်နေသည်။

ချင်ဖန်း သက်ပြင်းတစ်ချက်ချကာ မေးလိုက်သည်။ "ဒါဆို ဆောင်းပါးထဲက အတွင်းလူနဲ့ ပတ်သက်ပြီးတော့ အဲ့တာက ဘယ်သူလဲဆိုတာကို မင်းတို့ ယုံကြည်ထားကြလဲ"

မီရှန့်အာ ဖန့်ကျင်း ကို ကြည့်လိုက်တော့ သူ့ပါးစပ်ကို ဖွင့်ဟဖို့ ရည်ရွယ်ချက်မရှိတာကို တွေ့လိုက်ရသည်။ သူ့ကိုယ်သူ တင်းမာဖို့ကလွဲလို့ ရွေးစရာမရှိတော့ပေ။ "ကျူးရှီ လို့ သံသယဖြစ်မိတယ်၊ ကျွန်တော် နှစ်ကြိမ်လုံး သူမနဲ့ဆုံခဲ့လို့ပဲ"

 ချင်ဖန်းက စားပွဲပေါ် လက်ချောင်းတွေနဲ့ခေါက်ကာ ပြောလိုက်သည်။ "ငါတို့ သူမနဲ့ထပ်ပြီး ပူးပေါင်းတော့မှာ မဟုတ်ဘူး။ ကြော်ငြာရဲ့ နောက်ဆုံးအပိုင်းနှစ်ပိုင်းမှာ ခေါင်းဆောင်မင်းသမီး နေရာကို ဘန်နီနဲ့ ညှိနှိုင်းပေးမယ်" 

ဘန်နီ အတွက် နှုတ်ခမ်းနီ ကြော်ငြာက အပိုင်းတွေအများကြီးပါတဲ့ စီးရီးတစ်ခု ဖြစ်မယ်လို့ ယူဆရသည်။  လောလောဆယ်တော့ ကြော်ငြာ အတွက် အပိုင်းလေးပိုင်း ကြိုစီစဉ်ထားသည်။ ဖန့်ကျင်းက စီးရီးတစ်ခုလုံးအတွက် လက်မှတ်ထိုးထားသည်။ ဒါပေမယ့် ကျူးရှီလိုလူကတော့ အစိတ်အပိုင်းတစ်ခုစီအတွက် သီးခြားစီ လက်မှတ်ရေးထိုးရမည်ဖြစ်သည်။ အစားထိုးတာက အရမ်းဒုက္ခမဖြစ်သင့်ဘူး။

 "ဒါ့အပြင် PR ဌာနကလည်း ကြေငြာချက်တစ်ခုကို ရေးဆွဲထားပြီးပြီ။ ကုမ္ပဏီက တင်ပြီးရင်တော့ မင်းတို့ Weibo မှာ ထပ်ပြီး forward လုပ်လို့ရတယ်။ ဘာကိုမှတုံ့ပြန်စရာ မလိုဘူး။ Weibo ကလည်း ပြင်းပြင်းထန်ထန် ရှာဖွေမှုကနေ ဖျက်ပစ်နိုင်လိမ့်မယ်။  ငါတို့ရဲ့ ရေတပ်က လူထုရဲ့ သဘောထားကို ပြန်ပြီးရယူဖို့ လိုလားတယ်”

 ချင်ဖန်း၏ လျှပ်စီးလက်သည့် လျှပ်စီးကြောင်းများအကြောင်း စိတ်ထဲတွင် မီရှန့်အာက အော်ဟစ်အာမေဋိတ်သံပြုနေချိန်တွင် ချင်ဖန်းမှသူ့ကိုတစ်ကြိမ်ထပ်ခေါ်ခဲ့သည်။

 "မီရှန့်အာ၊ ပြန်ပြီးတော့ ငါ့အတွက် အစီရင်ခံစာ ရေးပေးလာခဲ့။ နောက်တစ်ခါ မင်းတစ်ခုခုကြုံလာလို့ ငါ့ဆီ  သတင်းမပို့ဘူးဆိုရင်တော့ မင်း အလုပ်လာဖို့ မလိုတော့ဘူး"

 "……ကျွန်တော် သိပါပြီ၊ အခုသိသွားပါပြီ" မီရှန့်အာ  သည် ချင်ဖန်း ကိုကြည့်ကာ အတွင်းကျကျ ဆွေးနွေးငြင်းခုံခဲ့သည်၊ အခုလေးတင် ဖန့်ကျင်းက သူ့ကို အိမ်တစ်လုံးရှာခိုင်းထားသည်။ သူ ဒီကိစ္စကို ကြီးကြပ်ရေးမှူး ချင်ကို ပြောလိုက်သင့်လား။

မီရှန့်အာရဲ့ ရည်ရွယ်ချက်တွေကို မြင်လိုက်ရသလိုပဲ တစ်ချိန်လုံး နှုတ်ဆိတ်နေတဲ့ ဖန့်ကျင်းက ရုတ်တရက် စကားထပြောလာသည်။ "မီရှန့်အာ၊ မင်းသွားပြီးတော့ အစီရင်ခံစာရေးလို့ရပြီ"

မိီရှန့်အာ - ". ......"

 ရုံးခန်းထဲက တစ်လှမ်းချင်း ထွက်သွားရင်း တစ်ချက်ချက် နောက်ကို လှည့်ကြည့်နေခဲ့သည်။

သူထွက်သွားပြီးနောက် ချင်ဖန်းက သူ့အတွင်းရေးမှူးဆီ လိုင်းတစ်လိုင်းနဲ့ချိတ်ပြီး ကော်ဖီနှစ်ခွက် ဖျော်လာခိုင်းလိုက်သည်။ အတွင်းရေးမှူးက သူတို့ကြိုက်တာတွေနဲ့ တော်တော်ရင်းနှီးနေပြီမို့ ခွက်နှစ်ခွက်ကို အမြန်ပြင်ပြီး ရုံးခန်းကို ယူလာပြီးနောက် ယဉ်ကျေးစွာ ထွက်သွားခဲ့သည်။

ချင်ဖန်းက ကော်ဖီတစ်ခွက်ကို ကောက်ယူပြီး တစ်ငုံသောက်လိုက်ကာ ဖန့်ကျင်းကိုမေးခဲ့သည်။  "ဒီတော့ မကြာသေးခင်က မင်း ဖိအားတွေ အများကြီး ခံနေရလို့လား"

ဖန့်ကျင်းက သူ့နှုတ်ခမ်းတွေကို တင်းတင်းကြပ်ကြပ် ဖိထားပြီး ဝတ်ကျေတမ်းကျေပုံစံနဲ့ သဘောတူခဲ့သည် - "အင်း"

 "ဘာကြောင့်လဲ"

 "……" သူလည်း မသိဘူး။  မိုကျန့်ရဲ့ ပရိသတ်တွေရဲ့ တိုက်ခိုက်မှုကြောင့်ဟု သူပြောနိုင်တာနဲ့ အဲ့တာက မတူဘူး။  သူဒီလိုပြောရင်တောင် ချင်ဖန်းက ယုံမှာမဟုတ်ဘူး။  သူ့ရှေ့က ကော်ဖီတစ်ငုံသောက်လိုက်ပြီး ပြန်မဖြေချင်သလို လုပ်လိုက်သည်။

 ချင်ဖန်းက အတန်ကြာအောင် စောင့်ပြီးနောက် ကော်ဖီခွက်ကို သူ့လက်ထဲကနေ ချလိုက်သည်။ "ဒီအချိန်မှာ ငါ မင်းကို ဘယ်အလုပ်မှ မလုပ်ခိုင်းပါဘူး။ မင်း စိတ်ပိုင်းဆိုင်ရာ အကြံဉာဏ်တွေ လက်ခံရလိမ့်မယ်"

 " …… မလိုအပ်ဘူး မဟုတ်လား၊ ကျွန်တော် ကိုယ့်ဘာသာကို လမ်းပြနိုင်တယ် "

 " အတွင်းရေးမှူးကို မင်းအတွက် ကူပြီး ရက်ချိန်းယူခိုင်းလိုက်မယ်။ စီစဉ်ပြီးသွားရင် မင်းကို တိုက်ရိုက်အကြောင်းကြားပေမးယ်"

 ဖန့်ကျင်း - "……"

 အဲ့တာကြောင့် သူ ချင်ဖန်းဆိုတဲ့ အဲ့လူကို မကြိုက်တာ။

 ချင်ဖန်းက သူ့အလုပ်မှာ အမြဲတမ်း ထိရောက်မှုရှိနေတယ်။ မနေ့က သူ ဖန့်ကျင်းကို စိတ်ပိုင်းဆိုင်ရာ အကြံပေးခြင်းအကြောင်း အကြောင်းကြားခဲ့သည်။  နောက်နေ့အတွက် ချိန်းဆိုထားသည်။  ချင်ဖန်း၏ အာဏာအလွဲသုံးစားလုပ်မှု တွန်းအားကြောင့် ဖန့်ကျင်း မှာ စိတ်ရောဂါကုဆရာဝန်ဆီ သွားခဲ့ရသည်။

 သူကိုယ်တိုင် ဆေးခန်းကို ကားမောင်းသွားပြီး အဲ့တာက သီးသန့်နေရာတစ်ခုဆိုတာကို မြင်လိုက်ရသည်။ ချင်ဖန်း အထူးရွေးချယ်ထားပေးတာဖြစ်မည်။ ဝင်လာပြီးနောက် တံခါးဝမှ အတွင်းရေးမှူးက သူ့ကို အခန်းတစ်ခုသို့ ခေါ်သွားခဲ့သည်။ လမ်းတလျှောက်မှာ သူ လူတယောက်မှကို မတွေ့ခဲ့ပေ။

 "မစ္စတာ ဖန့်၊ ဒေါက်တာ ကျန်းက မစ္စတာဖန့်ကို အထဲမှာ စောင့်နေပါတယ်"

 "ကောင်းပါပြီ ကျေးဇူးတင်ပါတယ်။"  ဖန့်ကျင်း၏ အသံက သူ့မက်စ်ဆီမှ ထွက်သွားပြီး အသံက အရမ်းသဲသဲကွဲကွဲတော့ မကြားရပေ။  သူ တံခါးကို တွန်းဖွင့်ပြီး ဝင်သွားတော့ ဝတ်စုံပြည့် ဝတ်ထားတဲ့ လူတစ်ယောက်ကို တွေ့လိုက်ရသည်။

 ထိုလူသည် ရေကန်ရှေ့တွင် ရပ်နေကာ ရွှေငါးကို အစာကျွေးနေလေသည်။  ဖန့်ကျင်း ဝင်လာတာကိုမြင်တော့ သူက ပရော်ဖက်ရှင်နယ်ဆန်တဲ့ အပြုံးနဲ့ပြုံးခဲ့သည်။ "မင်္ဂလာပါ၊ မစ္စတာ ဖန့်"

 ဖန့်ကျင်း က သူ့မျက်နှာကနေ မက်စ်ကို ဖယ်လိုက်ပြီး ဆရာဝန်ကို ပြုံးပြလိုက်သည်။ "ဒေါက်တာ ကျန်း၊ မင်္ဂလာပါ"

 ဖန့်ကျင်း ဆီမှ ခုခံမှု သိပ်အများကြီးမရှိနေတာကိို မြင်တော့ ဆရာဝန်က ထပ် ပြုံးပြလိုက်ပြီး ဖန့်ကျင်းကို အလုပ်စားပွဲရဲ့ မျက်နှာချင်းဆိုင် ထိုင်ခုံမှာ ထိုင်ခိုင်းလိုက်သည် - "ကျေးဇူးပြုပြီး ထိုင်ပါဦး"

ဖန့်ကျင်းက ခြေတံရှည်ရှည်ဖြင့် လျှောက်လာပြီး ထိုင်လိုက်သည်။  ထိုင်ပြီးနောက်တွင် ထိုင်ခုံမှာ အတော်လေး သက်တောင့်သက်သာ ရှိသည်ကို တွေ့လိုက်ရသည်။

 "ခင်များရဲ့အခြေအနေနဲ့ ပတ်သက်ပြီး မစ္စတာချင် ဆီက ကြားထားပြီးပြီ၊ ခင်များ မကြာသေးခင်ကမှ ဖိအားတွေ ခံစားနေရတယ်လို့ သူ ပြောထားတယ်"

 ဖန့်ကျင်း ပြန်ဖြေလိုက်သည်။ "တကယ်တော့ အဲတာကြောင့် မဟုတ်ဘူးဗျ။ ဗီဒီယိုကို ကြည့်ပြီးပြီလားတော့ မသိဘူး၊ ဒါပေမယ့် သရုပ်ဆောင်တဲ့ အတန်းမှာ ကျွန်တော်တို့ရဲ့ အခန်းကဏ္ဍကနေ ဘယ်လိုလွတ်မြောက်အောင် လုပ်ရမလဲဆိုတာ အဲ့တာတွေက သင်ကြားပေးပါတယ်။ တစ်နေ့လုံး ရိုက်ကူးပြီးရင်၊  ဒါက ကျွန်တော့်ရဲ့ ရင်ဖွင့်နည်းပဲ"

 ဒေါက်တာ ကျန်းက ပြုံးပြီး သူ့ကိုပြောလိုက်သည် - "အရင်က မစ္စတာဖန့်ရဲ့ ရုပ်ရှင်တွေကို ကျွန်တော် တွေ့ဖူးပါတယ်။ ခင်များက  အနုစိတ်ရှိတဲ့ သရုပ်ဆောင်တစ်ယောက်ပါ။ ဒါပေမယ့် သရုပ်ဆောင်ပိုင်းမှာ ပိုအားသန်လေလေ၊ ဖိအားတွေနဲ့ ဖိစီးမှုတွေကို လိုက်လျောညီထွေဖြစ်စေဖို့ လွယ်လာလေလေပါပဲ။ ခင်များ  ဒီကိုလာခဲ့ကတည်းက ခင်များမှာ စိတ်ပိုင်းဆိုင်ရာ အကြံဥာဏ်တွေ လိုအပ်နေတယ်ဆိုတာ ခင်များသဘောပေါက်သွားပြီလို့ အဓိပ္ပါယ်ရတယ်။ ခင်များရဲ့ဒုက္ခတွေကို ကျွန်တော့်ဆီသွန်းချလိုက်ပါ စိတ်ချလက်ချသာ သွန်ချလိုက် ကျွန်တော် လျှို့ဝှက်ထားပါ့မယ်။ မစ္စတာချင်ကိုတောင် မပြောပြဘူး"

 မဟုတ်ဘူး၊ သူဒီကိုလာရတဲ့အကြောင်းရင်းက ချင်ဖန်း ရဲ့စွမ်းရည်က အရာအားလုံးကို ထိန်းချုပ်နိုင်စွမ်းရှိလို့ပါ......

ဒါပေမယ့် ဒီစိတ်ရောဂါဆရာက လူလိမ်လူလိမ်တစ်ယောက်လို့ မထင်ရဘူး။  ဖန့်ကျင်းက သူ့အကြံဉာဏ်ကို နားထောင်ပြီး ပွင့်ပွင့်လင်းလင်း ဆွေးနွေးဖို့ ဆုံးဖြတ်လိုက်သည်။ "တကယ်တော့ ကျွန်တော် ညဘက်တိုင်း ခွေးတစ်ကောင်လို ပြောင်းသွားတယ်"

 "ခွေးအဖြစ်ပြောင်းသွားတယ်"  နောက်ဆုံးတွင် ဒေါက်တာ ကျန်းက ထူးဆန်းတဲ့ အမူအရာတစ်ခုကို ထုတ်ဖော်ခဲ့သည်။

ဖန့်ကျင်းက စိတ်ထဲမထားဘဲ ခေါင်းညိတ်ကာ ဆက်ပြောလိုက်သည်။ "အင်း၊ ညတိုင်း ညဆယ့်နှစ်နာရီမှာ ကျွန်တော် ခွေးတစ်ကောင်နဲ့ ခန္ဓာကိုယ်လဲသွားတယ်။ ခင်များတို့မြင်နေရတဲ့ ဖန့်ကျင်းက ကျွန်တော် မဟုတ်ဘူး၊ ဒါပေမယ့် အဲ့တာက ခွေးတစ်ကောင်ပဲ"

 ဖန့်ကျင်းက သူ့ရဲ့ ဇာတ်ကြောင်းကို ပြောလို့ပြီးသွားသောအခါ ဒေါက်တာ ကျန်းက အတန်ကြာ တိတ်ဆိတ်ငြိမ်သက်သွားကာ ဖန့်ကျင်းကိုရင်ဆိုင်ပြီး အနည်းငယ်ပြုံးပြလိုက်သည်။

 "မစ္စတာဖန့်၊ ခင်များ ကျွန်တော့်ကို တကယ် အမှန်အတိုင်းပြောပြဖို့ ဆန္ဒမရှိဘူးဆိုရင် ကျွန်တော့်မှာ ခင်များကို ကူညီဖို့ နည်းလမ်းမရှိဘူး "

 ဖန့်ကျင်း - "……"

 မုသားကို မယုံဘူး၊ အမှန်တရားကို မယုံဘူး၊ သူ တခြားဘာလုပ်ရဦးမှာလဲ။

 နောက်ဆုံးမှာတော့ သူနဲ့ ဒေါက်တာ ကျန်းတို့ ရလဒ်မထွက်ဘဲ နာရီဝက်ကြာအောင် အဆက်အသွယ်လုပ်ခဲ့ကြသည်။  ဒေါက်တာ ကျန်းက ဖန့်ကျင်းကို အိပ်ရာမဝင်ခင် သောက်ဖို့ အိပ်ဆေးကို ညွှန်ကြားပေးလိုက်သည်။

ဖန့်ကျင်းက ​​သူ့ဘဝရဲ့ နာရီဝက်လောက်ကို ဖြုန်းတီးပစ်ခဲ့မိတယ်လို့ ခံစားမိပေမယ့် ဆေးသောက်ပြီးရင် ခွေးက ညဘက်ကျရင် ပိုပြီး ကောင်းကောင်းပြုမူလာမလားလို့ သူ တွေးခဲ့သည်။

အကြံပြုရုံးကနေ သူ့ကားကို မောင်းသွားလိုက်တာနဲ့ မီရှန့်အာက ဖုန်းဆက်လာခဲ့သည်။  ဆရာဝန်နှင့် ဆွေးနွေးမှု ရလဒ်ကို မေးမြန်းခဲ့သည်။

 ဖန့်ကျင်း ပြန်ဖြေလိုက်သည်။ "အဆင်ပြေပါတယ်"

 "အဲဒါဆို ကောင်းတာပေါ့ "  မီရှန့်အာ သက်ပြင်းချလိုက်သည်။ "ကြီးကြပ်ရေးမှူး ချင်က မင်း စိတ်ပိုင်းဆိုင်ရာ အကြံပြုပေးတဲ့နေရာကို အပတ်တိုင်း သွားရမယ်လို့ ပြောလို့။ အသေးစိတ် အချက်အလက်တွေကို ငါစီစဉ်ပြီးရင် အသေးစိတ်ကို မင်းဆီ ပို့ပေးလိုက်မယ်"

ဖန့်ကျင်း - "……"

 "ဘာမှ ထပ်ဆွေးနွေးစရာ မရှိတော့ဘူးဆိုတော့  ငါမင်းကို စိတ်​မ​နှောင့်ယှက်​​တော့ပါဘူး"

 "ခဏလေး  ခဏလေး"  ဖန့်ကျင်းက ဖုန်းချခါနီးမှာ မီရှန့်အာကို တားလိုက်သည်။  "ငါ မင်းကို ရှာခိုင်းထားတဲ့ တိုက်ခန်းနဲ့ ပတ်သက်ပြီး မင်း လိုက်ရှာပြီးပြီလား"

 "ငါရှာနေတုန်းပဲ။ အရာအားလုံးကို ခွဲခြမ်းစိပ်ဖြာပြီးသွားရင် မင်းကို အသေးစိတ် အချက်အလက်တွေ ငါချက်ချင်းပို့ပေးထားမယ်"

 "အင်း၊ ဒီကိစ္စကို ချင်ဖန်းကို ပြောလို့မရဘူးဆိုတာ သတိရထား "  ဖန့်ကျင်း၏ လေသံက ခြိမ်းခြောက်သံပါသည်။

 "အဲ့ဒါက မစ္စတာ ဖန့် ငါထင်တာကတော့ ......"

 "မင်း ငါ့ရဲ့ လက်ထောက် မဖြစ်ချင်တော့ဘူးလို့ ငါထင်မိတယ်"

 " …… ငါ နားလည်ပါပြီ"

 "အရမ်းတော်တယ်"ဖန့်ကျင်း  ခဏလောက် တိတ်ဆိတ်သွားပြီးနောက် ပြောလိုက်သည်။ "ငါအိမ်ပြန်ဖို့ စီစဉ်နေတယ်။ ငါ့အတွက် စူပါမားကတ်ကိုသွားပြီး ဘီယာနဲ့ ချိစ်တွေဝယ်ပေးဦး "

 "ဘီယာနဲ့ ဒိန်ခဲ"  မီရှန့်အာက ထူးဆန်းတဲ့အမိန့်တစ်ခုလို့ ခံစားမိပေမယ့် သူ့အတွေးတွေကို ကျယ်လောင်စွာ ထုတ်မပြောခဲ့ပါဘူး။  "ဘယ်ဘီယာတံဆိပ်လိုချင်လဲ။ ဘယ်လိုချိစ်မျိုးလိုချင်လဲ "

 "ဘာပဲဖြစ်​ဖြစ်​ ​ရတယ် မင်းပဲရွေးလိုက်။ ချိစ်​အတွက်​က ​သေချာ​ပေါက်​ အတုံးလိုက်​​လေး​တွေ​ ရွေးလာခဲ့လိုက်"

 "ရပြီ၊ ဝယ်ပြီးတာနဲ့ ပို့ပေးလိုက်ပါ့မယ်"

 "အင်း"

 ဖုန်းချသွားပြီးနောက် ဖန့်ကျင်း စိတ်မငြိမ်မသက်ဖြစ်သွားသည်။  ဘာကြောင့်လဲဆိုတာတော့ သေချာမသိပေမယ့် စိတ်ရောဂါကုဆရာဝန်နဲ့ တိုင်ပင်ပြီးနောက်မှာတော့ အရင်ကထက် ပိုပြီး သူကြောက်ရွံ့လာခဲ့သည်။

 အိမ်ပြန်ရောက်တာနဲ့ ရေချိုးပစ်လိုက်သည်။ မီရှန့်အာ ရောက်လာပြီး အိတ်ကြီးအိတ်ငယ်တွေနဲ့ ပစ္စည်းတွေ ယူလာပေးခဲ့သည်။ သူသည် ဘီယာနှင့် ချိစ်များကို ဝယ်ယူလာရုံသာမက ဟင်းသီးဟင်းရွက်များ၊ သစ်သီးများနှင့် အသားများကိုလည်း ဝယ်ယူလာကာ ဖန့်ကျင်း၏ ရေခဲသေတ္တာကို တိုက်ရိုက်ဖြည့်ပေးခဲ့သည်။

 ဖန့်ကျင်းက ချိစ့်တချို့ကို အချပ်လေးတွေ လှီးဖြတ်ရန် ရွှေ့နေစဉ် ဘီယာပုလင်းကို ကောက်ယူလိုက်သည်။  ထိုအချိန်တွင် ကျန်းရန်သည် သူမ၏ချိစ့်ကို ကိုက်လို့ရတဲ့အရွယ် အတုံးသေးသေးလေးများလှီးထားပုံကို သတိရမိသဖြင့် သူ့ရဲ့ချိစ့်ကို ထိုနည်းအတိုင်း လှီးဖြတ်လိုက်လေသည်။

 သူ နိုင်ငံခြားရောက်တုန်းက တခြားလူတွေကို ဝိုင်နီနဲ့ ချိစ့်တွဲသောက်တာကို သူအရင်က တွေ့ဖူးသည်။ ဒါပေမယ့် ချိစ့်နဲ့ ဘီယာတွဲတာက သူအရင်က မစမ်းဖူးသော ပေါင်းစပ်မှုတစ်ခုဖြစ်သည်။ သူ ခဏလောက် ဂရုတစိုက် အရသာခံပြီး ချိစ့်ကိုတစ်ကိုက် မကိုက်ခင် ကျန်းရန်ရဲ့ ဘီယာတစ်သောက်တဲ့ပုံစံကို အတုယူဖို့ ကြိုးစားခဲ့သည်။

ချိစ့်က နည်းနည်းရိုးရိုးလေးဆိုပေမယ့် သူ့စိတ်ခံစားချက်က နည်းနည်းတော့ တိုးတက်လာပုံရသည်။ နောက်တစ်ကြိမ်၊ ငန်တဲ့ဟာတစ်မျိုးကို သူ ဝယ်လို့ရသည်။

 ဒီကာလမှာ သူ့မှာ ဘာအလုပ်မှ မရှိတာကြောင့် စောစောအိပ်ဖို့ ရွေးချယ်နိုင်ခဲ့သည်။  ဒါပေမယ့် ဆယ့်နှစ်နာရီအထိ စောင့်ဖို့ သူ ရွေးချယ်ခဲ့သည်။ ကျန်းရန်လည်း အိပ်ရာမဝင်သေးပေ။ သူမလက်ထဲတွင် နှိပ်နယ်သည့် ကိရိယာကို ကိုင်ထားကာ မျက်နှာအနှံ့ လှိမ့်နေပြီး အခြားလက်ဖြင့် ကွန်ပျူတာပေါ်တွင် စာရိုက်နေသည်။

လက်ရှိမှာတော့ သူမ ဖန့်ကျင်းရဲ့ Weibo ကို ကြည့်ရှုနေသည်။ မနေ့က၊ အတင်းအဖျင်းဆောင်းပါးက ပြင်းပြင်းထန်ထန် ရှာဖွေခံရပြီး သိပ်မကြာခင်မှာပဲ ဖန့်ကျင်းက သူ့ကုမ္ပဏီရဲ့ "အရေးကြီးသတိပေးချက်" ကို ထပ်ဆင့် forward လုပ်ခဲ့သည်။

ယခုတစ်ကြိမ် မသမာသော ဆဲဆိုခြင်း ဖြစ်ရပ်ကို ရှေ့နေများထံ လွှဲပြောင်းပေးခဲ့ပြီး ဖြစ်သည်။  “gay” ဆိုတဲ့ စွပ်စွဲချက် မုန်တိုင်း ကျရောက်လာသည်နှင့်အမျှ အဲ့တာက လျင်မြန်စွာ ငြိမ်သက်သွားခဲ့သည်။

 "ထန်ချင်ရဲ့ ပြည်သူ့ဆက်ဆံရေးဌာနက အလုပ်လုက်တာ တော်တော်မြန်တယ်" ကျန်းရန်က သူမရဲ့ အသက်ရှုသံအောက်မှာ ရေရွတ်လိုက်သည်။ သူမ၏ ခွေးလေး သူမ၏ အိပ်ခန်းထဲသို့ ခုန်ဆင်းသွားသည်ကို မြင်လိုက်ရပြန်သည်။

 "အာ့ဟွမ်၊ ဆယ့်နှစ်နာရီထိုးနေပြီ။ မကြာသေးခင်က နင်လည်း ဇီးကွက်တစ်ကောင် ဖြစ်သွားပြီလား "  အင်း သူက ခွေးဆိုတော့ ညခွေးဖြစ်သင့်တာလား။

 "ဝုတ်"  ကြမ်းပြင်ပေါ်ရှိ ခွေးကလေးက ပျော့ညံ့စွာ ဟောင်လိုက်ကာ ကုတင်ဘေးရှိ ကြမ်းပြင်ပေါ်တွင် လှဲနေလိုက်သည်။

 "နင် ဘာဖြစ်သွားတာလဲ"  ကျန်းရန်က သူမ၏လက်ထဲတွင် နှိပ်နယ်သည့်ကိရိယာ ကိုချလိုက်ပြီး သူမ၏ခွေးကို လှမ်းဆွဲလိုက်သည်။  မကြာသေးမီက သူမ၏ ခွေးလေး၏ စိတ်နေစိတ်ထားက မှန်းဆ၍မရခဲ့ပေ။

 နေ့ခင်းဘက်စောစော လမ်းလျှောက်ထွက်တုန်းက အရူးတစ်ယောက်လို ပျော်နေခဲ့တာပါ။ ဘယ်လိုဖြစ်လို့ အခုထပ်ပြီး မပျော်မရွှင်ဖြစ်နေရပြန်တာလဲ။

အာ့ဟွမ်၏ တုံ့ပြန်မှုက ဒီနေ့တွေမှာ အနည်းငယ် ထူးဆန်းနေသည်။  သူမ သူ့ကို အချိန်အကြာကြီး မွေးမြူလာခဲ့ပြီးတဲ့ နောက်မှာတော့ သူ ...... ချိုေလးထွက်လာတာကို သူမ တွေ့လိုက်ရတယ်????