Chapter 17

Volume 1 : Beginner ၏ လျှို့ဝှက်ခန်း

Chapter 17 (2 of Clubs – Clubs လျှို့ဝှက်ခန်းပဟေဠိဖြေရှင်းခြင်း)

ဆယ်ကျော်သက် စောင့်ရှောက်သူက ပြောသည်။

"ပဉ္စမဂိမ်း နံပါတ် 1 နိုင်တယ်… နံပါတ် 5 သူ့ရွှေဒင်္ဂါးတွေ အားလုံးမဆုံးရှုံးတဲ့အတွက် နှစ်ယောက်စလုံး နောက်ဂိမ်းကို တက်နိုင်တယ်…"

လက်ရှိ မိန်းကလေးနှစ်ယောက်သည် ရှောက်လုံကို ကြည့်ကာ နှစ်ယောက်စလုံး စိတ်သက်ရာရသွားကြသည်။

ရှောက်လုံက ပြုံးပြီး အခြေခံလောင်းကြေး 5,000 နှင့် သူ၏ Call 4,000 အပါအဝင် နံပါတ် 5 ဆီမှ 4,000 ဖြင့် စုစုပေါင်း ရွှေဒင်္ဂါး 13,000 ကို ပြန်လည်ရယူခဲ့သည်။

စောင့်ရှောက်သူက ပြောသည်။

"ဆဋ္ဌမဂိမ်းစပြီ… ‌ကတ်ဝေတာက ကျပန်းပဲ…"

ယခင်အကြိမ်များသည် နာရီလက်တံပြောင်းပြန်အတိုင်းပြန်လှည့်ကာ ယခုအကြိမ်က ကျပန်းဖြစ်သည်။ ဤကတ်ဝေတာက ကြုံရာကျပန်းဖြစ်ပြီး နံပါတ် 7 တွင် ဆင်းသက်ခဲ့သည်။

နံပါတ် 7 သည် သူမ၏ကတ်များကို တိုက်ရိုက် fold ခဲ့ပြီး ရှောက်လုံက နောက်မှလိုက်ခဲ့သည်။ နံပါတ် 2 နှင့် နံပါတ် 3 တို့လည်း သူတို့၏ ကတ်များကို fold ခဲ့သည်။ ကတ်အပုံထဲရှိ လူလေးယောက်၏ ကတ်များအားလုံးက 10.5 ကျော်ထားသည်။ 7 နှင့် 8 ၊ 9 နှင့် 5 နဲ့ အခြားအပုပ်ကတ်များရှိသည်။

နံပါတ် 5 ၏ အလှည့်ရောက်လာသည်။ ကျန်လေးယောက်စလုံးတွင် 10.5 ထက်ပိုသော ကတ်များရှိသည်။ နံပါတ် 5 သည် ဘာမှမလုပ်ရဘဲ ရွှေဒင်္ဂါး 5,000 ကို လဲအိပ်ပြီး အနိုင်ရခဲ့သည်။

ကတ်ဂိမ်းတွင် အဓိကအချက်မှာ နှေးကွေးသောလူများသည် အသက်ရှင်နေထိုင်ရန် နည်းလမ်းကို နားလည်ကြသည်။

ကတ်များ မကောင်းပါက တိုက်ရိုက် fold ပြီး ရွှေဒင်္ဂါး 1,000 သာ ဆုံးရှုံးပါမည်။ သူတို့က call လုပ်မှရမယ်ဆိုရင် ကိုယ့်အသက်ကိုကယ်တင်ရန် ‌အခကြေးငွေလျော့သွားမည်။ သူတို့မှာ ရွှေဒင်္ဂါးများရှိရင် ဖယ်ထုတ်ခံရမှာမဟုတ်ပေ။

သို့သော် fold ရန်အခွင့်အရေး ငါးကြိမ်သာရှိခဲ့သည်။

နံပါတ် 5 အတွက် ပထမဂိမ်းတွင် ပါဝင်ခဲ့ပြီး ပဉ္စမနှင့် ဆဋ္ဌမဂိမ်းများကို ကစားခဲ့သည်။ သူသည် သုံးကြိမ်သာ fold ထားပြီး fold ဖို့အခွင့်အရေး ပိုရခဲ့သည်။ သူ့တွင် ရွှေဒင်္ဂါး 10,000 ကျော်ရှိသောကြောင့် သတ္တမဂိမ်းတွင် fold လိုက်ရုံဖြင့် ကတ်များကို ချက်ချင်းရှင်းလင်းနိုင်မည်ဖြစ်သည်။

ကျန်လေးယောက်သည် သူတို့၏ fold များအားလုံး ကုန်သွားလေပြီ။ သတ္တမဂိမ်းတွင် လူလေးယောက်က ဆက်၍ fold ရမည်။

သို့တိုင် ဤအချိန်၌ လူတိုင်းသည် တိတ်တဆိတ် နားလည်မှု ရှိလာကြသည်။ သူတို့၏ အသက်ကို ကယ်တင်ရန် အနည်းဆုံး ပမာဏကိုသာ ခေါ်ဆိုကြသည်။

ကတ်ဝေတာက ကျပန်းဖြစ်ပြီး သတ္တမမြောက်ဂိမ်းသည် ရှောက်လုံနှင့် စတင်ရန်အဆုံးသတ်ခဲ့သည်။

အဖွင့်ကတ်အတွက် ရှောက်လုံက A ရခဲ့သည်။

စောင့်ရှောက်သူက သူ့ပါးစပ်ကို ဖွင့်လိုက်သည်။

"ဒုတိယအချီ ကတ်ဝေပါမယ်… နံပါတ် 1 ရွေးချယ်ပါ…"

ရှောင်လုံက သူ့ကတ်ကိုကြည့်ပြီး စားပွဲတစ်ဝိုက်ကို တစ်ချက်ကြည့်ကာ ရုတ်တရက် ပြုံးလိုက်သည်။

"ငါ ကတ်မလိုချင်ဘူး၊ call 1,000…"

လူတိုင်းက ထိတ်လန့်သွားသည်။

10.5 မှတ်ရရန်အတွက် အနည်းဆုံး ကတ်နှစ်ကတ် လိုအပ်သည်။ ဒါက ဒုတိယအချီပဲဖြစ်ပြီး သူ့မှာ ကတ်နှစ်ကတ်ပဲရှိဦးမည်။ သူက ကတ်မလိုချင်ဘူးလား။ သူက ကတ်တွေများလွန်းပြီး 10.5 ထက်ပိုရမှာကို ကြောက်နေတာလား။ ဒါမှမဟုတ်…

ညာဘက်ခြမ်းမှာထိုင်နေသော နံပါတ် 2 ကောင်မလေး၏ မျက်လုံးတွေက တစ်စုံတစ်ခုကို နားလည်သွားသလို ရုတ်တရက် လင်းလက်တောက်ပလာပြီး လှည့်ကြည့်လိုက်သည်။ 

"Call 1,000၊ ကတ်မလိုချင်ဘူး!"

နံပါတ် 3 ယွီဟန်ကျန်းက ဒုတိယနားလည်သူဖြစ်သည်။ 

"Call၊ ကတ်မလိုချင်ဘူး…"

နံပါတ် 5 က ပခုံးတွန့်ပြီး အမှန်ပင် fold လိုက်သည်။ နံပါတ် 7 မိန်းကလေးကလည်း နားလည်ပြီး ရွှေဒင်္ဂါးပြားကို ဆုကြေးအလယ်ပုံထဲသို့ ပစ်ချလိုက်သည်။

"Call 1,000၊ ကတ်မလိုချင်ဘူး…"

ရှောက်လုံသည် လူတိုင်းကို အရိပ်အမြွက်ပေးရန်အတွက် ဒုတိယအချီတွင် ကတ်များရယူခြင်းကို ရပ်တန့်ရန် ဦးဆောင်ခဲ့သည်။ ကတ်များ ထပ်မံမရရှိတော့ဘဲ ဒုတိယအချီတွင် ဂိမ်းကို အဆုံးသတ်စေခဲ့သည်။ ဂိမ်းကိုတိုက်ရိုက်ရှုံးပြီး သူတို့၏ဆုံးရှုံးမှုကို အနည်းဆုံးဖြစ်အောင် လျှော့ချနိုင်သည်။

ဤအချိန်တွင် လူတိုင်းမှာ လွှဲပြောင်းခြင်းပုတီးစေ့မရှိ၍ ပုံမှန်ကံတရားဖြင့် 10.5 ကို ရရှိရန် မဖြစ်နိုင်သလောက်ပင်။

နောက်ဆုံးဂိမ်းမှာ လူလေးယောက်က call ရမည်။ ဂိမ်း၏စည်းမျဉ်းအရ ကတ်တစ်ခုယူတိုင်း ရွှေဒင်္ဂါး 1,000 ခေါ်ဆိုရမှာဖြစ်သည်။ ရွှေဒင်္ဂါးကို ဘာကြောင့် အချည်းနှီး လွှင့်ပစ်ပြီး ကံတရားအပေါ် လောင်းရမှာလဲ။ လက်ထဲမှာ ထားတာက ပိုကောင်းတယ် မဟုတ်ပါလား။

ယခုအချိန်တွင် ကစားသမားလေးဦးသည် ကတ်မယူဖို့ တိတ်တဆိတ်ရွေးချယ်ခဲ့သည်။ ဂိမ်းက အလိုအလျောက် ပြီးဆုံးသွားခဲ့သည်။

စောင့်ရှောက်သူက ပြောသည်။

"ကတ်ဝေတာ ပြီးသွားပြီ… မင်းတို့ရဲ့ကတ်တွေကို ပြကြပါ…"

နံပါတ် 1 ရှောင်လုံ: A of Hearts။

နံပါတ် 2 မိန်းကလေး: A of Diamonds။

နံပါတ် 3 ယွီဟန်ကျန်း: A of Spades။

နံပါတ် 7 ဆံပင်စည်းထားသော မိန်းကလေး : A of Clubs။

လူလေးယောက်သည် A ကတ်အားလုံးကို တကယ်တမ်းရထားကြသည်။

နံပါတ် 5 fold ခဲ့ပြီး ကျန်လေးယောက်မှာ flat ကတ်များဖြစ်သောကြောင့် နိုင်သူမရှိသဖြင့် ရွှေဒင်္ဂါးများကို စောင့်ရှောက်သူမှ ပြန်လည်ရရှိခဲ့သည်။

ဆယ်ကျော်သက်က ဆိုသည်။ 

"သတ္တမမြောက်ဂိမ်းပြီးပါပြီ… ဒီကတ်ဂိမ်းပြီးသွားပြီ…"

သူသည် စားပွဲပေါ်မှ ရွှေဒင်္ဂါးပြားများကို ပြန်ယူလိုက်သည်။ 

"စိန်ခေါ်ခြင်း 10.5 ရဲ့ 2 of Clubs လျှို့ဝှက်ခန်းကို အောင်မြင်စွာရှင်းလင်းနိုင်ခဲ့တဲ့ စိန်ခေါ်သူငါးယောက်အတွက် ဂုဏ်ယူပါတယ်… မင်းတို့လက်ထဲမှာ ကျန်နေတဲ့ ရွှေဒင်္ဂါးတွေက ဒီလျှို့ဝှက်ခန်းအတွက် ဆုတွေပဲ…"

လူတိုင်း: "……"

ရှောက်လုံသည် ဒုတိယအချီတွင် ကတ်ဝေတာကို ရပ်တန့်ရန် ဦးဆောင်ပေးခဲ့သောကြောင့် ရွှေဒင်္ဂါး 2,000 သာ ဆုံးရှုံးခဲ့သည်။ ပဉ္စမအကြိမ်အထိ ကတ်များတောင်းပြီး call လုပ်လိုက်ပါက သူတို့၏ဆုံးရှုံးမှုသည် ရွှေဒင်္ဂါး 5,000 အထိ မြင့်မားမည်ဖြစ်သည်။

ဤသည်မှာ လူတိုင်းအသက်ရှင်နိုင်ကြောင်း သေချာစေရန် အမှန်ကန်ဆုံးသော ဆုံးဖြတ်ချက်ဖြစ်သည်။ လောဘကြီးမနေပါဘဲ အချိန်မီရပ်လိုက်သည်။

ရှောက်လုံဘေးနားမှာ ထိုင်နေသည့် နံပါတ် 2 မိန်းကလေးသည် သူ့ကို လေးစားစွာ လက်မထောင်ပြလိုက်သည်။ သူက ကတ်ဝေတာကို ရပ်တန့်ရန် ဦးဆောင်ပြီး လူတိုင်းကို နောက်ထပ် ရွှေဒင်္ဂါး 3,000 ကျော်ဖြင့် အောင်မြင်စွာ ဆုချခဲ့ပါသည်။

အဲဒီအချိန်မှာပဲ နံပါတ် 5 က ပြုံးပြီး ရုတ်တရက် မေးလိုက်သည်။

"Clubs၊ မင်းက ဒီဂိမ်းမှာ ကတ်တွေကို တိတ်တဆိတ် ထိန်းချုပ်နေတာမလား?"

Clubs ဆယ်ကျော်သက်က သူ့ကို မျက်နှာသေဖြင့် ကြည့်နေသည်။

နံပါတ် 5 က ဆက်ပြောသည်:

"ငါ ကတ်ဂိမ်းပေါင်း ထောင်နဲ့ချီပြီးတော့ ကစားခဲ့ပြီး ‘ဘုရင်’ ဒါမှမဟုတ် ‘အသေးငါးခု’ကိုရဖို့ ဖြစ်နိုင်ခြေက အကြိမ် 10,000 မှာ တစ်ခါရဖို့ထက်နည်းတယ်… အားလုံးက A ကတ်နဲ့ စတင်ခဲ့တဲ့ နောက်ဆုံးဂိမ်းလည်း ရှိသေးတယ်… မင်းမထိန်းချုပ်ထားဘူးဆိုရင် ဒီလိုတိုက်ဆိုင်မှုမျိုး မဖြစ်နိုင်ဘူး…"

သူ့စကားများက အားလုံးကို နားစွင့်သွားစေပြီး ရှောက်လုံက ခေါင်းမော့လိုက်သည်။ ရှောက်လုံက ဒါကို ရှာဖွေတွေ့ရှိခဲ့တာ ကြာပါပြီ။

စောင့်ရှောက်သူသည် ကတ်များကို မထိန်းချုပ်ထားပါက ဒုတိယနှင့် တတိယဂိမ်းများကို ရှင်းပြရန် ခက်ခဲသည်။

လွှဲပြောင်းခြင်းပုတီးစေ့သည် ကတ်ကောင်းများရရှိကြောင်း သေချာစေနိုင်သည်။ ဒါဆို လူနှစ်ယောက်က လွှဲပြောင်းခြင်းပုတီးစေ့ကို တစ်ချိန်တည်းသုံးသောအခါကျရင်ကော။ ပိုမိုကောင်းမွန်သောကတ်များသည် ကံတရားကသာ ဆုံးဖြတ်ခဲ့ခြင်းဖြစ်သလား။

ကျန်ရစ်သူနှင့် ဖယ်ရှားခံရသူသည် Clubs စောင့်ရှောက်သူ၏ လက်ထဲတွင် ရှိနေသည်။

ဒုတိယဂိမ်းတွင် ယွီဟန်ကျန်း နှင့် နံပါတ် 6 တို့သည် လွဲပြောင်းခြင်းပုတီးစေ့များကို တစ်ချိန်တည်းတွင် အသုံးပြုခဲ့ကြသည်။ ယွီဟန်ကျန်းသည် အမြဲတည်ငြိမ်နေချိန်တွင် နံပါတ် 6 ၏လက်များက တုန်လှုပ်ချောက်ချားနေခဲ့သည်။ စောင့်ရှောက်သူသည် နံပါတ် 6 ကို ဖယ်ထုတ်စဉ်တွင် ယွီဟန်ကျန်းကို ဘုရင်' လက်ကိုရနိုင်စေရန် နံပါတ် 6 ကို ချေမှုန်းရန် ဆုံးဖြတ်ခဲ့သည်။

တတိယဂိမ်းတွင် နံပါတ် 2 ပိန်ပါးသောမိန်းကလေးနှင့် နံပါတ် 4 ဆံပင်ကောက်ကောက်အမျိုးသမီးသည် တစ်ချိန်တည်းတွင် လွှဲပြောင်းခြင်းပုတီးစေ့ကို အသုံးပြုခဲ့သည်။ နံပါတ် 4 ၏ စိတ်အခြေအနေက ပေါက်ကွဲခဲ့သော်လည်း နံပါတ် 2 မိန်းကလေးသည် ပိန်ပါးသော်လည်း အဆုံးအထိ တည်ငြိမ်ခဲ့သည်။ ထို့ကြောင့် စောင့်ရှောက်သူက ထိန်းချုပ်ခဲ့ပြီး နံပါတ် 4 ကို ဖယ်ထုတ်လိုက်သည်။

ဂိမ်းနှစ်ပွဲဆက်တိုက် တိုက်ဆိုင်မှုမှာ လုံးဝအဓိပ္ပာယ်မရှိပေ။

ထို့အပြင် စောင့်ရှောက်သူ၏ စကားများလည်း ရှိခဲ့သည်။ “ကံတရားဆိုတာ ခွန်အားတစ်မျိုးလည်းဖြစ်တယ်”

ထိုအချိန်တွင် ရှောက်လုံသည် Clubs လျှို့ဝှက်ခန်း၏ လျှို့ဝှက်ချက်ကို နားလည်ခဲ့သည်။ စောင့်ရှောက်သူသည် ကတ်များကို ထိန်းချုပ်ထားပြီး သူတို့၏ ခွန်အားအရ လူများကို ဖယ်ထုတ်ခဲ့သည်။

သော့ချက်စာလုံးများ: ကံတရား၊ ခွန်အား။

Clubs လျှို့ဝှက်ခန်းက ကံတရားကို မကြည့်ဘဲ ခွန်အားကို ကြည့်သည်။

စတုတ္ထဂိမ်းတွင် ရှောက်လုံသည် လွှဲပြောင်းခြင်းပုတီးစေ့ကို အသုံးပြုရန် နံပါတ် 7 ကို အရိပ်အမြွက် ပြောကြားခဲ့သည်။ ဘယ်သူကမှ မတိုက်ခိုက်တာကြောင့် နံပါတ် 7 ကို တိုက်ရိုက်အနိုင်ရခဲ့သည်။

ပဉ္စမဂိမ်းတွင် နံပါတ် 5 က ရှောက်လုံသည် သေလောက်အောင် အတင်းအကြပ် call မလုပ်ခဲ့ပေ။ နံပါတ် 5 က clubs လျှို့ဝှက်ခန်း၏ အမှန်တရားကို မြင်ပြီး စမ်းသပ်နေတာကြောင့်ဖြစ်သည်။ သူ့လက်ထဲမှာ ရွှေဒင်္ဂါး 14,000 ရှိပြီး 4,000 ဆုံးရှုံးရင်တောင်မှ ဖယ်ထုတ်ခံရမှာမဟုတ်ဘူး။ စမ်းသပ်မှုတစ်ခုပြုလုပ်တာက ဘာမှမမှားပေ။ အကယ်၍ ရှောက်လုံသည် အဲဒီအချိန်မှာ သူ၏စိတ်အခြေအနေကို မထိန်းနိုင်လျှင် လူနှစ်ဦးက တိုက်ခိုက်ကြပြီး စောင့်ရှောက်သူသည် ရှောက်လုံကို ဖယ်ထုတ်ရန် ရှောက်လုံ၏ကတ်များကို ထိန်းချုပ်လိမ့်မည်။

ကံကောင်းထောက်မစွာ ရှောက်လုံက တည်ငြိမ်နေခဲ့သည်။ ကတ်မဆွဲမီ လွှဲပြောင်းခြင်းပုတီးစေ့ကို မျက်စိစုံမှိတ်အသုံးမပြုခဲ့ပါ။ သူ၏လက်နဲ့ အချိန်ကိုကြည့်ပြီးတော့ သုံးမလား၊ မသုံးဘူးလားဆိုတာ ဆုံးဖြတ်ခဲ့သည်။

ကတ်မဆွဲမီ လွှဲပြောင်းခြင်းပု‌တီးစေ့ကို အသုံးပြုတာက အမည်မသိ‘ကံတရား’ကို ကိုယ့်အသက်အား ပေးလိုက်သည်ဟု ဆိုလိုပါသည်။ ထိုအခါ စောင့်ရှောက်သူက မပျော်တော့ဘဲ AA222 ကို တိုက်ရိုက်ပေးလိမ့်မည်။

ကတ်နှစ်ကတ်ကို ထိပြီးမှသာ လွှဲပြောင်းခြင်းပုတီးစေ့ကို အသုံးပြုပြီး ကိုယ့်ကတ်များပေါ်တွင် အခြေခံ၍ ရရှိမည့် လက်အမျိုးအစားကို ခန့်မှန်းနိုင်မည်ဖြစ်သည်။ နှိုင်းယှဉ်ကြည့်ဖို့ ဖန်သားပြင်ပေါ်မှာ လက်အမျိုးအစားငါးခုက အမြဲရှိသည်။

ဥပမာအားဖြင့် J နှင့် Q ကိုရယူပြီးနောက် လွှဲပြောင်းခြင်းပုတီးစေ့ကိုအသုံးပြု၍ ရရှိနိုင်သောအကောင်းဆုံးလက်အမျိုးအစားမှာ JQK ၏ ‘လူအသေးငါးယောက်’ဖြစ်သည်။

ပဉ္စမဂိမ်းတွင် ရှောက်လုံသည် K of Clubs နှင့် A of Clubs တို့ကို ရရှိခဲ့သည်။ ထိုအချိန်တွင် သူသည် လွှဲပြောင်းပုတီးစေ့ကို အသုံးပြုပါက သူရနိုင်ဆုံးမှာ 'ဘုရင်' ဖြစ်သည်။ သူသည် အဆုံးထိ အေးအေးဆေးဆေး call ပြီး ဘုရင်ကို ရသွားမယ်ဆိုတာ သေချာခဲ့သည်။

စောင့်ရှောက်သူသည် ရှောက်လုံ၏ စွမ်းဆောင်ရည်ကို အလွန်ကျေနပ်ခဲ့ပြီး သူ့ကို straight of clubs တိုက်ရိုက်ပေးခဲ့သည်။

[TK: Straight of clubs = K of Clubs၊ A of Clubs၊ 2 of Clubs၊ 3 of Clubs၊ 4 of Club။]

…

ဆယ်ကျော်သက်သည် နံပါတ် 5 ၏မေးခွန်းကိုကြားပြီး စားပွဲပတ်ပတ်လည်ကို ပေါ့ပေါ့ပါးပါး ကြည့်လိုက်သည်။ 

"ဒီဂိမ်းနဲ့ ပတ်သက်ပြီး မေးစရာရှိသေးလား?"

ရှောက်လုံက ပြုံးကာ ပြောသည်။

"လျှို့ဝှက်ခန်းလေးခုမှာ ကိုယ်ပိုင်စည်းမျဉ်းတွေရှိတယ်… Clubs လျှို့ဝှက်ခန်းက ကံတရားကြောင့် ဖယ်ထုတ်ခံရတာမဟုတ်ဘူး… ဒါက လောင်းကစားဂိမ်းမဟုတ်ပေမယ့် စိတ်ကစားနည်းဖြစ်တာကြောင့် နံပါတ် 5 ရဲ့အမြင်ကို သဘောတူတယ်… ပထမဂိမ်းကတည်းက မင်းက ငါတို့လက်တွေကို ထိန်းချုပ်နေတာ… ပဉ္စမဂိမ်းမှာ ငါက ပထမဆုံး K of Clubs နဲ့ A of Clubs ကို ရခဲ့တယ်… မင်းငါ့ကို clubs တွေ အားလုံးပေးခဲ့တာထင်တယ် ဟုတ်တယ်မလား?"

ယွီဟန်ကျန်း: "…"

ရှောက်လုံသည် အဘယ်ကြောင့် ဤမျှငြိမ်သက်သွားသလဲဆိုတာ အံ့ဩစရာမရှိပေ။ သူအနိုင်ရမည်ဟု အစကတည်းက ခန့်မှန်းထားခဲ့သည်။

သေသေချာချာတွေးကြည့်တော့ ဆယ်ကျော်သက်က ကတ်မွေလိုက်တိုင်း ကတ်များသည် သွယ်လျသောလက်ချောင်းများကြားတွင် ပြိုးပြိုးပြက်ပြက်ဖြစ်နေသည်။ ကတ် 52 ကတ်ကို အညီအမျှ ဝေငှနိုင်စေရန် အကြိမ်များစွာ ကတ်များကို မွေခဲ့သည်ဟု ဆိုခြင်းက ကျိုးကြောင်းဆီလျော်ပါသည်။ A234K ဒါမှမဟုတ် JJJJK ကို မည်သူမျှ ရရှိမည်မဟုတ်ပါ။

ဤဖြစ်နိုင်ခြေသည် သောင်းနှင့်ချီသောဂိမ်းများတွင် သေချာပေါက်ပေါ်လာမည်မဟုတ်ပေ။ ယနေ့ ၎င်းသည်အကြိမ်များစွာပေါ်လာပြီး နောက်ဆုံးဂိမ်းတွင် လူတိုင်း၏ကနဦးကတ်က A ဖြစ်ခဲ့သည်။

ဖြေရှင်းချက်တစ်ခုသာရှိသည်— စောင့်ရှောက်သူက ဂိမ်းကို ထိန်းချုပ်ထားသည်။

သူသည် ကတ်များနှင့် အမှတ်များကို လျှို့ဝှက်စီစဉ်နိုင်သည်။ သူ A ရစေချင်သောသူက A ချက်ချင်းရလိမ့်မည်။

ကတ်တွေကို ဘာကြောင့် ထိန်းချုပ်တာလဲ။

နံပါတ် 4 အမျိုးသမီးက သူ့ကို မေးခွန်းထုတ်သောအခါ စောင့်ရှောက်သူ၏ အေးဆေးတည်ငြိမ်သော စကားကို လူတိုင်းက မှတ်မိကြသည်။

"ကံတရားကို ခွန်အားတစ်မျိုးပါပဲ…"

အဲဒါပဲ!

စောင့်ရှောက်သူက လူတိုင်း၏ခွန်အားကို အကဲဖြတ်ပြီး လူတိုင်း၏ အမှတ်များကို ထိန်းချုပ်ထားကာ သန်မာသူများသာ အဆုံးထိ အသက်ရှင်နိုင်ဖို့ပဲဖြစ်သည်။

Clubs လျှို့ဝှက်ခန်းသည် လူတိုင်း၏ စိတ်ပိုင်းဆိုင်ရာ အရည်အသွေးကို အမှန်တကယ် စမ်းသပ်နေပါသည်။

နံပါတ် 7 ကောင်မလေးက အံ့ဩသွားပြီး နူးညံ့စွာ ပြောလာသည်။

"ဒါဆို Clubs လျှို့ဝှက်ခန်းမှာ ပြီးပြည့်စုံတဲ့ ရှင်းလင်းရေးနည်းလမ်းတစ်ခု ရှိခဲ့တယ်ပေါ့… ကျွန်မတို့ခုနစ်ယောက်က အစကတည်းကသာ တိတ်တဆိတ်နားလည်မှုရှိပြီး အားလုံးကို အလှည့်ကျ လွှဲပြောင်းပုတီးစေ့ အသုံးပြုခိုင်းရင် အခြားသူတွေက fold ဒါမှမဟုတ် call 1,000 ပဲလုပ်ပြီး လူတစ်ယောက်ကို အနိုင်ပေးလို့ရတာပေါ့… ဂိမ်းခုနစ်ပွဲကစားပြီးရင် အားလုံး ရွှေဒင်္ဂါးတွေရမှာဖြစ်ပြီး ဘယ်သူမှ ဖယ်ထုတ်ခံရမှာ မဟုတ်ဘူး…"

"ဒါက အဓိပ္ပါယ်ရှိတယ်…" နံပါတ် 2 ကောင်မလေးက တိုးတိုးလေး ပြောလိုက်သည်။ "ကံမကောင်းစွာပဲ အားလုံးက တစ်ယောက်နဲ့တစ်ယောက် မသိကြဘဲ လောင်းကစားဂိမ်းတစ်ခုထဲကို ရုတ်တရက် ဆွဲသွင်းခံရတယ်… တိတ်တဆိတ်နားလည်မှုရှိဖို့က ဖြစ်နိုင်ခြေမရှိဘူး… လူတွေက တစ်ကိုယ်ကောင်းဆန်ပြီး အနိုင်ယူချင်ကြလိမ့်မယ်… သူတို့က အခြားသူတွေနဲ့ win-win အခြေအနေကို တွေးမှာမဟုတ်ဘူး…"

ကောင်မလေး၏ စကားက အရှိုက်ကိုထိသွားကာ အခန်းတွင်း တိတ်ဆိတ်သွားပြန်သည်။

တိတ်တဆိတ် နားလည်မှုရှိသော လူခုနစ်ဦးသည် တစ်ဦးနှင့်တစ်ဦး ပူးပေါင်းပြီး လွှဲပြောင်းခြင်းပုတီးစေ့ကို အသုံးပြုကြသည်။ သူတို့တစ်ဦးစီသည် ဂိမ်းတစ်ခုစီကို အနိုင်ရခြင်းက Clubs လျှို့ဝှက်ခန်းကို ပြီးပြည့်စုံစွာရှင်းလင်းရန် နည်းလမ်းဖြစ်သည်။ သို့သော်လည်း ဘယ်သူက အစကတည်းက အနိုင်ရနိုင်သော အခြေအနေမျိုးကို ကိုယ်ကျိုးမဖက်ဘဲ တွေးနိုင်မလဲ။ အဲလိုတွေးထားရင်တောင် ကျန်သောခြောက်ယောက်က ပူးပေါင်းဆောင်ရွက်မယ်လို့ ဘယ်လိုအာမခံမလဲ။

လူတစ်ယောက်၏စိတ်က မှန်းဆလို့ မရဘူး။ ‘အတူတကွအသက်ရှင်ခြင်း’ကို တိတ်တဆိတ် နားလည်မှုရှိသင့်သည်ဟု လူတိုင်းမသိသေးသ၍ Clubs လျှို့ဝှက်ခန်းကို ပြီးပြည့်စုံအောင် မရှင်းလင်းနိုင်ပါ။

ဆယ်ကျော်သက်က ဤစကားကိုကြားလိုက်သည်နှင့် နောက်ဆုံးတွင် တင်းတင်းကျပ်ကျပ် နှုတ်ခမ်းထောင့်များက ကွေးညွတ်သွားသည်။ သူက လူတိုင်းကို ခေါင်းငြိမ့်ပြပြီး ပြောလိုက်သည်။

"မင်းက အရမ်းဉာဏ်ကောင်းတယ်… ဟုတ်တယ်၊ ငါက အစကတည်းက ကတ်တွေကို ထိန်းချုပ်ထားတာ… ကျန်ခဲ့မလား၊ ထွက်သွားမလားဆိုတာက မင်းတို့ရဲ့ စွမ်းဆောင်ရည်ပေါ်မှာ မူတည်တယ်… မနေ့က ဖြစ်စဉ်နေရာကို ရှင်းလင်းဖို့ ရောက်လာတဲ့ လူခုနစ်ယောက်မှာ တိုက်ခိုက်ကြပြီး နောက်ဆုံးကျတော့ သုံးယောက်ပဲ အသက်ရှင်ခဲ့တယ်… မင်းတို့ငါးယောက်က အဆုံးထိအသက်ရှင်ခဲ့တာဆိုတော့ အရမ်းတော်တယ်…"

လူတိုင်း: "……"

ရှောက်လုံသည် ဒါကို ကြားလိုက်ရပြီး သူ့ကျောက အေးစက်သွားသည်။

စောင့်ရှောက်သူသည် ကတ်များကို လျှို့ဝှက်စွာ ထိန်းချုပ်ထားသည်။ ဒါက လူတိုင်းကို သူ့လက်ဖဝါးထဲမှာ ကစားနေတာမဟုတ်ပါလား။

ဆယ်ကျော်သက်သည် ရှောက်လုဲ၏ အတွေးအမြင်များကို မြင်သယောင်ဖြင့် ပြောလာသည်။

"D အဆင့် Clubs လျှို့ဝှက်ခန်းက စိန်ခေါ်သူတွေရဲ့ ပဏာမစိစစ်မှုဖြစ်တယ်… မင်းတို့ရဲ့ခွန်အားကို ငါဆုံးဖြတ်ပြီး ကစားသမားတွေကို ဖယ်ရှားဖို့ မင်းတို့ရဲ့ကတ်တွေကို ငါထိန်းချုပ်ထားတယ်… မင်းတို့က တကယ်လောင်းကစားလုပ်ရင် မင်းတို့ကံတရားက ကောင်းဖို့မသေချာဘူး… နံပါတ် 4 နဲ့ နံပါတ် 6 လိုမျိုးလူတွေက ညံ့ဖျင်းတဲ့ စိတ်အခြေအနေရှိပြီး ကတ်ကမ္ဘာအတွက် မသင့်တော်ဘူး… အစောပိုင်းအဆင့်မှာ ဖယ်ထုတ်ခံရတာဟာ သူတို့အတွက် ကြင်နာမှုတစ်ခုပါပဲ…"

ရှောက်လုံက မျက်မှောင်ကြုတ်လိုက်သည်။ 

"စိန်ခေါ်သူများကို ဖယ်ထုတ်တာက မင်းရဲ့ကိုယ်ရေးကိုယ်ခံစားချက်မဟုတ်ဘဲ ခွန်အားကို အခြေခံထားခြင်းဖြစ်တယ်ဆိုတာ မင်းဘယ်လိုအာမခံနိုင်မှာလဲ?"

နံပါတ် 4 သည် မတ်တတ်ရပ်ပြီး သူနဲ့ ငြင်းခုန်ခဲ့ကာ နောက်ဂိမ်းတွင် နံပါတ် 4 ကို ဖယ်ထုတ်လိုက်သည်။ အတိအကျပြောရလျှင် နံပါတ် 2 ပိန်ပါးသောမိန်းကလေးသည် ကတ်ကမ္ဘာတွင် အသက်ရှင်ကျန်ရစ်ရန် မသင့်တော်ပါ။ အကယ်၍ နံပါတ် 2 နှင့် နံပါတ် 4 တို့က တိုက်ခိုက်သောအခါ နှစ်ယောက်စလုံးကို ဖယ်ထုတ်နိုင်သည်။

"ငါ့လက်ထဲမှာ မင်းတို့ရဲ့ အခြားလျှို့ဝှက်ခန်းတွေက ရှင်းလင်းရေးအဆင့်သတ်မှတ်ချက်တွေ ရထားတယ်…"

သူက ဝှေ့ယမ်းပြီး လူတိုင်းရှေ့မှာ S, A, B နဲ့ အခြားရှင်းလင်းရေး ရမှတ်များ ရှိနေသည်။ ဖယ်ထုတ်ခံရသော နံပါတ် 4 နှင့် နံပါတ် 6 တို့တွင် ရှင်းလင်းရေးရမှတ် C သုံးခုရှိသည်…

ဆယ်ကျော်သက်က ဆက်လက်၍ ပြောသည်။

"Hearts၊ Diamonds နဲ့ Spades တို့ရဲ့စောင့်ရှောက်သူတွေကို ငါသိတယ်… 2 of Clubs လျှို့ဝှက်ခန်းက ပဏာမစိစစ်မှုအတားအဆီးဖြစ်ပြီး စွမ်းဆောင်ရည် ဆိုးရွားလွန်းတဲ့ ကစားသမားတချို့ကို ဖယ်ထုတ်ပစ်ဖို့ လိုအပ်တယ်… စောင့်ရှောက်သူတစ်ယောက်အနေနဲ့ မင်းတို့ရဲ့ အမျိုးမျိုးသောစွမ်းဆောင်ရည်အရ မင်းတို့ဆက်နေရမလား? ထွက်သွားရမလား? ဆိုတာကို ငါဆုံးဖြတ်တယ်… လောင်းကစားဂိမ်းတစ်ခု သတ်မှတ်ခြင်းက မင်းတို့ရဲ့စိတ်ပိုင်းဆိုင်ရာ အရည်အသွေးရဲ့ နောက်ဆုံးစမ်းသပ်မှုဖြစ်တယ်… နောက်ထပ်မေးခွန်းတွေရှိသေးလား?"

လူတိုင်း: "……"

အခုဆိုရင် အားလုံး Clubs လျှို့ဝှက်ခန်း၏ စည်းကမ်းကို နားလည်သွားကြသည်။

D အဆင့် လျှို့ဝှက်ခန်းများသည် ပိုမိုလွယ်ကူသော်လည်း Clubs သို့ရောက်သောအခါ လူတိုင်းက ရှုပ်ထွေးလွန်းသည်ဟု တွေးကြသည်။ သူတို့က ကတ်ကစားရမည်ဟု ကြားလိုက်တာနဲ့ လူတိုင်း၏ပထမဆုံး တုံ့ပြန်မှုမှာ ‘သူတို့ကံမကောင်းရင် ဘယ်လိုလုပ်မလဲ?’ဟု တွေးတောကြမှာဖြစ်ပြီး သည်လိုမသိစိတ်အတွေးက အားလုံးကို ကြောက်ရွံ့စေလိမ့်မည်။

အမှန်တော့ သူတို့သည် Clubs လျှို့ဝှက်ခန်းထဲကို ဝင်လိုက်သည့်အချိန်မှာ နေရမယ့်သူနှင့် ဖယ်ထုတ်မယ့်သူများသည် ဆယ်ကျော်သက်၏လက်ထဲက အမျိုးမျိုးသော အကဲဖြတ်မှုအပေါ် အခြေခံပါသည်။

ကတ်ဂိမ်းဖြစ်ခြင်း၏ 2 of Clubs လျှို့ဝှက်ခန်းသည် လူတိုင်းအတွက် နောက်ဆုံးအခွင့်အရေးဖြစ်သည်။

စိတ်ဖိစီးမှုများသော ကတ်ဂိမ်းတွင် သူတို့၏ စိတ်အခြေအနေကို ထိန်းထားနိုင်လျှင် ကတ်ကောင်းတစ်ခု ရနိုင်မည်ဖြစ်သည်။ ပထမလျှို့ဝှက်ခန်းသုံးခန်းမှာ သူတို့၏ရလဒ်များ မကောင်းရင်တောင် Clubs လျှို့ဝှက်ခန်းကို ကျော်ဖြတ်သွားနိုင်သည်။

နံပါတ် 4 နှင့် နံပါတ် 6 ကဲ့သို့သော လူများသည် စိတ်ပိုင်းဆိုင်ရာ အရည်အသွေး အလွန်ညံ့ဖျင်းသည်။ သူတို့၏ ပထမဆုံးရှင်းလင်းရေးအနည်းငယ်ဟာ အလွန်ခက်ခဲခဲ့ပြီး တင်းမာသော Clubs ဂိမ်းကို ရင်ဆိုင်ခဲ့ရသည်။ သူတို့၏စိတ်အခြေအနေက ပြိုကျပြီး အဆုံးထိ အသက်ရှင်ဖို့ မဖြစ်နိုင်ဘူး။ နံပါတ် 5 က ဆန့်ကျင်ဘက်ဖြစ်သည်။ သူသည် Hearts မှာ C၊ Diamonds မှာ C၊ Spades မှာ A တစ်ခုရခဲ့ပြီး Clubs လျှို့ဝှက်ခန်းတွင် သူနေနိုင်ခဲ့သည်။ သူက စိတ်ပိုင်းဆိုင်ရာတိုက်ပွဲကို စတင်ကစားနိုင်လောက်အောင် သတ္တိရှိခဲ့သည်။

နံပါတ် 7 ကောင်မလေးက ရှောက်လုံကိုကြည့်ပြီး တိုးတိုးလေး ပြောလိုက်သည်။ 

"ကျေးဇူးတင်ပါတယ်…"

ရှောက်လုံသည် စည်းမျဥ်းများကိုမြင်ပြီး ကတ်များကို စိတ်လိုလက်ရ fold ခဲ့ကာ လွှဲပြောင်းခြင်းပုတီးစေ့ကို အသုံးပြုဖို့ အကြံမပြုခဲ့ပါက ဖယ်ထုတ်ရမယ့်သူဟာ သူမဖြစ်သွားလိမ့်မည်။ ရှောက်လုံက သူမကို အနိုင်ပေးခဲ့တာလို့ ဆိုနိုင်သည်။

ရှောက်လုံက ပြုံးလိုက်သည်။ 

"ငါ့ကို ကျေးဇူးမတင်ပါနဲ့… အနာဂတ်မှာ လျှို့ဝှက်ခန်းတွေက ပိုခက်ခဲလာမှာဖြစ်ပြီး မင်းသတိထားရမယ်…"

နံပါတ် 7 ကောင်မလေးက ပေါ့ပေါ့ပါးပါး ခေါင်းငြိမ့်လိုက်သည်။

"ကျွန်မသိတယ်…"

အခန်းက တိတ်ဆိတ်သွားပြန်သည်။

Clubs ဆယ်ကျော်သက်က လူတိုင်းကို ကြည့်လိုက်သည်။ 

"ဒီအဆင့်ပြီးရင်တော့ Clubs လျှို့ဝှက်ခန်းက ‘စိန်ခေါ်ခြင်း’ လျှို့ဝှက်ခန်းဖြစ်ပြီး ကစားသမားတွေကြား တိုက်ရိုက်ထိပ်တိုက်တွေ့ဆုံမှုဖြစ်မယ်ဆိုတာ နားလည်ထားသင့်တယ်… ကတ်ကစားခြင်း ဒါမှမဟုတ် အခြားထိပ်တိုက်ရင်ဆိုင်မှု အခြေအနေမျိုး ဖြစ်နိုင်တယ်… မင်းတို့တွေ Clubs လျှို့ဝှက်ခန်းထဲကို ဝင်နေသမျှ ကာလပတ်လုံး ဖယ်ထုတ်ခံရနိုင်တယ်… Club လျှို့ဝှက်ခန်းထဲမဝင်ခင် မင်းတို့ ပြင်ဆင်ထားသင့်တယ်…"

အသက်ရှင်ကျန်ရစ်သူငါးဦးသည် စိုးရိမ်ပြီး Clubs လျှို့ဝှက်ခန်းအတွေ့အကြုံကို လုံးဝမခံစားချင်ကြပေ။

ထိုအချိန်တွင် တိတ်ဆိတ်နေသော ယွီဟန်ကျန်းက ရုတ်တရက် သူ့ပါးစပ်ကို ဖွင့်လိုက်သည်။ 

"D အဆင့် လျှို့ဝှက်ခန်း လေးခန်းက ပြီးသွားပြီဆိုတော့ နောက်တစ်ဆင့်က C အဆင့် လျှို့ဝှက်ခန်းတွေပေါ့… ငါတို့ အဖွဲ့ဖွဲ့လို့ရလား?" သူစကားပြောနေစဉ် ရှောက်လုံကို ကြည့်လိုက်သည်။

ရှောက်လုံက ချက်ချင်းဆိုသလိုပဲ မေးခွန်းနောက်ကနေ ဆက်ပြောခဲ့သည်။

"အဖွဲ့ဖွဲ့ဖို့ စာချုပ်တစ်ခုလိုတယ်… ငါ အဲဒါကို အခုဝယ်လို့ရလား?"

သူ့လက်ထဲက ရွှေဒင်္ဂါးများကို ရေတွက်ပြီး 10,000 ရှိထားသည်။ နောက်ဆုံးတော့ သူ စာချုပ်တစ်ခုဝယ်နိုင်ခဲ့ပြီ။

#TK