အပိုင်း၁၂၉

Chapter 129

ဧကရီက ပြောလိုက်သည်။

"အရှင်မင်းကြီး ဒီလိုကောလဟာလမျိုးက အရှင်မင်းကြီးအတွက် မကောင်းပါဘူး ဒါမှမဟုတ် ကောကုန်းချမ်အမ် အတွက်ရောပါ၊ ရှင်းသင့်တယ်လို့ ကျွန်မ ထင်ပါတယ်"

ကောကုန်းချမ်အမ်အား သူ၏ တရားမဝင်သားအဖြစ် သိစေခြင်းကသာ၊ ဤအိပ်မက်ဆိုးကနေ လွတ်မြောက်နိုင်မည်ဟု ဧကရာဇ် ထင်မိသည်။မြင့်မားသော ရာထူးအနေအထားတွင်ရှိသော်လည်း ကျန်းမာသောခန္ဓာကိုယ်ကို မပိုင်ဆိုင်နိုင်သော သူသည် သမိုင်းတွင် အဓိပ္ပါယ်မဲ့သော ဧကရာဇ်များစွာနှင့်တူသည်။သူသည် သေခြင်းတရားကိုကြောက်သည်၊ အိုမင်းခြင်းကိုကြောက်သည်၊ ငယ်စဉ်ကပင် သူ၏ရည်မှန်းချက်များသည် ဘာမှမဖြစ်ခဲ့ပေ။ သူ၏ တစ်ခုတည်းသော စွဲလမ်းမှုမှာ သန်မာသော ခန္ဓာကိုယ်နှင့် အသက်ရှည်ရန် ဖြစ်သည်။ 

ဧကရာဇ်ယွင်ချင်က

"ဘာလို့ ရှင်းလင်းရမှာလဲ၊ ဒီလူတွေက ရှင်းလိုက်မှ ငါက ဖုံးကွယ်ဖို့ ကြိုးစားနေတယ်လို့ပဲ ထင်လိမ့်မယ်၊အပြစ်မဲ့သူတွေဟာ အပြစ်ကင်းကြလိမ့်မယ်၊စိတ်မပူပါနဲ့" 

ဧကရီက နှုတ်ခမ်းကို ဖိကာ မျက်လုံးကို မှိတ်ထားရင်း ပြောသည်။

 "ကျွန်မ နားလည်ပါတယ်" 

အရင်တုန်းက လင်းမျိုးနွယ် မိန်းကလေးသည် ချိုင့်ဝှမ်းထဲမှာပွင့်လန်းနေသော သစ်ခွပန်းများလို လှပခဲ့သည်။ အမျိုးသမီအချင်းချင်းပင် သူမကိုလည်ပြန်ငေးရလောက်သည်။ လင်းမျိုးနွယ်သည် ဧကရာဇ်၏ ဝမ်းကွဲဟု ယူဆရသော်လည်း ယခင်မျိုးဆက်များ၏ အာဃာတများကြောင့် သူမ ငယ်စဉ်က များစွာခံစားခဲ့ရသည်။ ဧကရာဇ်က သူမကို လက်မထပ်ခင်မှာ သူကြိုက်နေခဲ့သော အမျိုးသမီးတစ်ယောက်ရှိနှင့်ပြီးသားဟု ကောလဟများ ထွက်ပေါ်နေသည်။ဧကရာဇ်သည် သူမနှင် လက်ထပ်ပြီးနောက် ထိုအမျိုးသမီးအကြောင်းကို တစ်ခါမျှ မပြောဖူးသော်လည်း လင်းမျိုးနွယ်များ ဖြစ်နိုင်သလားဟု သူမ အမြဲတွေးမိခဲ့၏။ဒါက သူမကို လက်ထပ်ပြီးနောက်မှာတောင် သူ့ခံစားချက်ကိုတောင် မဖော်ပြနိုင်ခဲ့တာလား...

ခံစားချက်?

ဧကရာဇ်က ဧကရီနားလည်မှုမလွဲနိုင်အောင် သူ သေသေချာချာ မပြောရသေးတာကြောင့် ဆက်ပြောလိုက်၏။

 "ကောကုန်းချမ်အမ် နဲ့ မိန်းကလေးဟွာဟွာတို့ အိမ်ထောင်ရေးက ငါကိုယ်တော်အတွက် အလွန်အရေးကြီးတယ်၊ငါကိုယ်တော့် ခန္ဓာကိုယ်က မကောင်းတော့  အရာအားလုံးကို မင်းအပေါ်မှာသာ အားကိုးပါတယ်"

 "စိတ်မပူပါနဲ့ အရှင်မင်းကြီး" ဧကရာဇ်က ခေါင်းငုံ့ပြီး ဧကရာဇ် ယွင်ချင်ကို စားပွဲပေါ်တင်ကာ စာရင်းပြုစုပေးလိုက်သည်။

 "ဒီအိမ်ထောင်ရေးက မမှားပါဘူး"

ပန်းမိသားစုက သူတို့သမီးကို အလိုလိုက်ပုံမျိုးနှင့်၊သူမ၏ အိမ်ထောင်ရေးကို မှားယွင်းအောင် လုပ်မှာမဟုတ်ချေ။ စေ့စပ်ထားသူလေးယောက်ရှိခဲ့ဖူးသည့် ပန်းမိသားစု၏ မင်းသမီးလေး နောက်ဆုံးလက်ထပ်တော့မှာ ဖြစ်သည်။

 မြို့တော်အနှံ့ သတင်းပြန့်နှံ့သွားပြီးနောက် အမျိုးသားအချို့က ကောကုန်းချမ်အမ်၏ ကံကောင်းခြင်းအတွက် မနာလိုကြသလို၊အချို့အမျိုးသမီးများက ပန်းဟွာ၏ ကံကောင်းခြင်းအတွက် မနာလိုဖြစ်ကြပြီး အချို့သောသူများသည် ရုံရှားတွင် ဖခင်နှစ်ယောက်ရှိခြင်းကိုမနာလိုကြပေ။အတိတ်က ရှိခဲ့ဖူးသော ဧကရာဇ်၏ အချစ်ဇာတ်လမ်းကို စိတ်ထဲက တွေးတောနေကြသော်လည်း အပြင်ပန်းကတော့ ဟန်ဆောင်ထားကြ၏။ နိုင်ငံတော်အရေးကို ပူပန်စေသောအားဖြင့် ဧကရာဇ်သည် ဤ "တရားမဝင်သောကလေး" ကို အသိအမှတ်ပြုရန် ဖြစ်နိုင်ချေကို တွက်ချက်ခဲ့သည်။  အကယ်၍ ဧကရာဇ်သည် တရားမဝင်သားတော်ကို အမှန်တကယ် အသိအမှတ်ပြုခဲ့ပါက၊ ထီးနန်းသည် ရုံရှား၏ ထီးနန်းဖြစ်လာမည်လား။

အကျင့်ယုတ်သော နင်းဝမ်မင်းသားနှင့် အကျင့်ကောင်းမွန်သော အိမ်ရှေ့စံ အကြောင်း တွေးကြည့်သောအခါတွင်၊ ကောကုန်းချမ်အမ်ကသာ ကျန်းမိသားစု၏ သွေးရင်းသားရင်းဖြစ်လျှင် သူကသာ ဧကရာဇ်အဖြစ်သင့်ဆုံးဟု တွေးကြသူများလည်းရှိပေ၏။   အနည်းဆုံးတော့ ဧကရာဇ်တစ်ပါးတွင် ရှိသင့်ရှိထိုက်သော စိတ်ဓာတ်တည်ကြည်ခိုင်မာမှုကိုတော့ ရရှိပေမည်။ သစ္စာဖောက် အရာရှိများ၏ ကုန်းတိုက်စကားကို နားထောင်ပြီး အလွယ်တကူ လှည့်စားခံရမည်ကို စိုးရိမ်စရာ မလိုချေ။  ဧကရာဇ်သည် သူ၏စိတ်ဆန္ဒအတိုင်း လုပ်ဆောင်ခြင်း၊ အရာရှိများအား ဆူပူကြိမ်းမောင်းခြင်း၊ ရိုက်နှက်ဆုံးမခြင်းတို့ကြောင့် သာမန်ပြည်သူလူထု၏ အသက်အိုးအိမ်စည်းစိမ်မှာ စိတ်မချနိုင်စရာပင်။ 

 "ဒါက ဘယ်လိုဖြစ်နိုင်မှာလဲ"  ပန်းဟမ်၏ အတင်းပြောသံကို ကြားပြီးနောက် ပန်းဟွာ မရယ်ဘဲ မနေနိုင်တော့။

 "ဒါက ဘယ်လို သတင်းကြီးလဲ၊ သူက ဧကရာဇ်ရဲ့ သားဖြစ်လို့မရဘူးလေ"

 "ဒါက အမှားကြီးတော့လည်း မဟုတ်ဘူး၊ ဧကရာဇ်က ကောကုန်းချမ်အမ်ကို ဘယ်လောက် ကောင်းကောင်း ဆက်ဆံလဲဆိုတာ ကြည့်လိုက်ပါဦး၊ ဒီနှစ်တွေအတွင်းမှာ သူ့ကို ရာထူးတိုးပေးခဲ့တယ်၊သူ့အစ်ကိုအရင်း ဆုံးပါးသွားတဲ့အခါ မြို့စားမင်း ရာထူးကိုလည်း သူ့ကို ပေးအပ်ခဲ့ရုံတင်မကဘူး၊  ဧကရီရဲ့ မိသားစုကပါ သူ့ကို ဂရုစိုက်တယ်လေ"  

 မူလက ဤကောလာဟလသည် အလွန် အဓိပ္ပါယ်မဲ့သည်ဟု ပန်းဟမ် ထင်မြင်ခဲ့သော်လည်း ကောလာဟလများ ပိုမိုပြင်းထန်လာသည်နှင့်အမျှ သူလည်း ယုံကြည်ချင်လာရတော့၏။  

"သူက သူ့အဖေအရင်းမဟုတ်ရင် တရားရုံးအရာရှိတစ်ယောက်ရဲ့သားကို ဘာလို့ ဒီလောက်တောင် ကောင်းပေးရတာလဲ"

"ရုံရှားရဲ့အဖေက ဧကရာဇ်  အိမ်ရှေ့စံဖြစ်ခဲ့တုန်းက လေ့ကျင့်ရေးအဖော်ဖြစ်ခဲ့တာကို မေ့သွားတာလား၊အဲ့ဒီဆက်ဆံရေးကြောင့်ဖြစ်နိုင်တယ်၊ဒါကြောင့် သူက ရုံရှားကို အရမ်းဂရုစိုက်တာနေမယ်"

 "ယုံလား"

ပန်းဟမ် မျက်ခုံးပင့်ကာ ပန်းဟွာကို လှမ်းကြည့်သည်။ အကယ်၍ ဧကရာဇ်သည် အမှန်တကယ်ပင် တရားမျှတသူ ဖြစ်ပါက၊ ရုံရှား၏ အစ်ကိုအသက်ရှင်နေသေးချိန်တွင်၊ ရုံရှား၏ ဖခင်ဖြစ်သူ၏ ဘွဲ့ကို အစ်ကိုဖြစ်သူအား ပေးအပ်ခဲ့သင့်သည်။သို့ရာတွင် ထိုစဉ်က ချမ်အမ်မြို့စားမင်း၏ ဝမ်းနည်းခြင်းကာလမကုန်ဆုံးသေးဟုအကြောင်းပြခဲ့ပေသည်။ နောက်ဆုံးတွင် ရုံရှား၏ အစ်ကိုဖြစ်သူ ကွယ်လွန်သောအခါ၊ခုနစ်ရက်မပြည့်မီ ရုံရှားကို မြို့စားမင်းရာထူးအမွေဆက်ခံရန် အမိန့်ထုတ်ပြန်ခဲ့သည်။ 

တယဲ့မင်းဆက်၏ စည်းမျဉ်းအရ အမျိုးအနွယ်သည် အကြီးအကဲ၏ ရာထူးကို မျိုးဆက်သစ်မှ အမွေဆက်ခံပါက ရာထူးမှ ရပ်စဲခံရမည်ဖြစ်သည်။ အကယ်၍ ထိုမိသားစုကို ဧကရာဇ်မိသားစုက မနှစ်သက်ပါက၊ အဆင့် နှစ်ခု သို့မဟုတ် သုံးခုအထိ ရာထူးချနိုင်သည်။ သူ့လို အမြင်ကျဉ်းပြီး ကပ်စေနည်းသော ဧကရာဇ်တစ်ယောက်အနေနဲ့၊ ရာထူးဘွဲ့ကြီးကို ဘာလို့ ရက်ရက်ရောရောပေးခဲ့တာလဲ...

အကြီးဆုံးသခင်လေးရုံ စောစီးစွာသေဆုံးရခြင်းအကြောင်းရင်းတစ်ဝက်မှာ ဧကရာဇ် ယွင်ချင်က သူ့ကို ရာထူးမပေးသောကြောင့်ဟုပင် ပန်းဟမ် ခံစားလာမိသည်။

 "ယုံတာ၊မယုံတာ အသာထား... ရုံရှားက ဧကရာဇ် ရဲ့တရားမ၀င် ကလေးဟုတ်မဟုတ်ဆိုတာက အရေးကြီးတယ်" ပန်းဟွာက ပန်းဟမ်၏  အကြောင်းပြချက် ကြားချင်စိတ်မရှိပေ။ 

"အပြင်က ကောလာဟလတွေကို နားမထောင်နဲ့၊ နင် အခုကတည်းက ချာတူးလန်နေတာ၊ အဲဒါတွေကို နားထောင်ရင် ပိုတုံးလာလိမ့်မယ်"

ပန်းဟမ် : "…"

 "အစ်မ ဘယ်သွားမလို့လဲ"

"ဧကရာဇ်ရဲ့တရားမဝင်ကလေးကို ငါသွားတွေ့မလို့"  

ပန်းဟွာသည် စင်ပေါ်ရှိ မြေခွေးသားမွေးအင်္ကျီကို ကောက်ကိုင်လိုက်ပြီး အပြင်ထွက်ဟန်ပြင်လိုက်သည်။

ပန်းဟမ်က သူမကို လှမ်းအော်သည်။  "အစ်မနဲ့ရုံရှားက တကယ်ပဲ နှစ်သစ်ကူးအကြိုမှာ လက်ထပ်မှာလား"

 "ရက်က မသတ်မှတ်ရသေးဘူးလေ"

ပန်းဟွာသည် မှန်ရှေ့တွင် ရပ်ကာ သူမ၏ ဝတ်ရုံကြိုးကို ချည်လိုက်သည်။ 

 "ဧကရာဇ်က ငါတို့ကို အမြန်လက်ထပ်စေချင်နေတာ၊ ငါတို့က ဘယ်လိုလုပ် နှောင့်နှေးဝံ့မလဲ"

 "အရင်က ဖေဖော်ဝါရီလထဲမှာ နေ့ကောင်းရက်သာ ရွေးမယ်လို့ပြောခဲ့တယ်မလား၊ အခု လုပ်မယ်ဆို နှစ်လတောင် စောနေပြီ၊ဧကရာဇ်က ဘာလို့ ဒီလောက် အလျင်လိုနေတာလဲ"  ပန်းဟမ်က အနည်းငယ် မကျေမနပ်ဖြစ်သွားသည်။

 "သူက ကံဆိုးခြင်းတွေကို ဖယ်ရှားချင်နေတာ ဖြစ်နိုင်တယ်၊လူတွေကြားထဲမှာ အပြောများတယ် မဟုတ်ဘူးလား။ မိသားစုထဲက လူကြီးတွေ နေမကောင်းတဲ့အခါ မျိုးဆက်သစ်လူငယ်တွေကို အိမ်ထောင်ပြုပြီး ရောဂါကို ဆေးကြောဖို့ ပျော်ရွှင်စေချင်တာမျိုးလေ.."

 "ဒါပေမယ့် အစ်မနဲ့ ရုံရှားက ဧကရာဇ်ရဲ့ သားသမီးတွေ မဟုတ်ဘူး၊ အစ်မက ဘာကိစ္စ သူ ပျော်ရွှင်ဖို့ အလိုလိုက်လုပ်ပေးရမှာလဲ..."  ပန်းဟမ်သည် အစ်မ၏ မယုံနိုင်လောက်စရာ ဟာသကို အော်ဟစ်လိုက်သည်။ 

 "အပြင်မှာ နှင်းတွေကျနေတုန်းပဲ၊မြင်းမစီးသွားနဲ့"

ပန်းဟွာက တံခါးကိုဖွင့်ပြီး သူ့ဘက်သို့ လှည့်လိုက်ကာ "ငါသိပါတယ်...စကားမစပ်၊ နင် လက်ဝှေ့ လေ့ကျင့်ဖို့ မမေ့ပါနဲ့"

 "ကောင်းပြီ၊ ရပါတယ်၊ မြန်မြန်သွား"

ပန်းဟမ် အပြောကိုနားထောင်ရုံဖြင့် သူ လက်ဝှေ့ကျင့်လိုစိတ်မရှိမှန်းသိသာသည်။ ရုံရှားသည် အားနည်းသော ပညာရှင်တစ်ဦးမျှသာဖြစ်သည်။ ရုံရှားသာ သူ၏အစ်မကို အနိုင်ကျင့်ဝံ့ပါက ၊သူ့လက်ဝှေ့စွမ်းရည်နှင့် ရုံရှားကို အနိုင်ယူမှာသေချာသည်။

 မြို့တော်ရှိ ဆီးနှင်းများသည် မကြာခဏ အလွန်ထူထပ်ပြီး တစ်ကြိမ်ကျလျှင် ရက်အနည်းငယ်အထိ ကြာမြင့်တတ်သည်။လမ်းမှာ ပုံမှန်ထက် လူနည်းနေ၏။ပန်းဟွာသည် နူးညံ့ပြီး နွေးထွေးသော မြင်းလှည်းပေါ်တွင် ထိုင်ကာ လက်ထဲတွင် အနွေးအိတ်လေးကို ကိုင်ထားသည်။ လှည်းဘီးသံများ တကျိကျိ မြည်သံကြားနေရင်း ကန့်လန့်ကာကို သူမ စိတ်မရှည်စွာ ရုတ်ကြည့်လိုက်သည်။

 လမ်းပေါ်ရှိ လမ်းသွားလမ်းလာများ အားလုံး လက်များကို အိတ်ကပ်ထဲတွင် ထည့်ထားကြသည်။တစ်ချို့က မီးသွေးရောင်းကြ၊ တစ်ချို့က ဆီရောင်းကြသည်။ တစ်ချို့က နှစ်သစ်ကူးပုံများ၊ သားမွေးကုတ်များနှင့် အသားလည်း ရောင်းနေကြသည်။သူမသည် အငွေ့ဖြူဖြူများကို ရှူထုတ်လိုက်ရင်း နောက်ထပ်တစ်နှစ်ကုန်ဆုံးတော့မည်ကို ရုတ်တရက် သိလိုက်ရသည်။

ထောင့်တွင် မြက်ပင်များဖြင့် ပြုလုပ်ထားသော တံဆိပ်များအား ကိုင်ဆောင်ထားသော ယောက်ျားလေး နှင့် မိန်းကလေးငယ်များ ရှိသည်။ ထိုကလေးငယ်များအား ရောင်းစားနေကြခြင်းပင်။သူမ အဝေးကို လှမ်းကြည့်လိုက်သည်။

 မကြာသေးမီက မြို့တော်ရှိ လူများ သည် ကလေးများကို ရောင်းစားလာကြသည်။ မြို့တော်က ဒီလိုမျိုးဆိုရင် တခြားနေရာတွေမှာ ဘယ်လောက်အခက်အခဲရှိကြမလဲ။

ကောကုန်းချမ်အမ်၏ နေအိမ်သည် ကျင့်ထင်အိမ်တော်နှင့် မဝေးပေ။ မြင်းလှည်းသည် ကောကုန်းချမ်အမ် စံအိမ်သို့ ရောက်ခါနီးတွင် ရပ်တန့်သွားသဖြင့် သူမက ကန့်လန့်ကာကို ဖြဲကာ မေးလိုက်၏။  "ဘာလို့ဒီမှာရပ်နေတာလဲ"

 "ကျွင်းကျူး ရှေ့မှာမြင်းလှည်းတွေ ရပ်ထားလို့ ဒီနေရာက ပိတ်ဆို့နေပါတယ်"

ပန်းဟွာသည် ကန့်လန့်ကာကို ရုတ်လိုက်ပြီး မြင်းလှည်းပေါ်မှ ထွက်လာခဲ့သည်။ရှေ့မှာ မြင်းလှည်းပေါင်းများစွာ ရပ်ထားသည်။မြင်းလှည်းများ၏ ပုံစံကိုကြည့်ရင် စီးနင်းလာသူများက အဆင့်အတန်းမနည်းလှပေ။သူမသည် မြင်းလှည်းဘေးနားက အစောင့်အကြပ်ကို အနွေးအိတ် ပေးလိုက်ပြီး အစေခံမိန်းကလေးဆီမှ နောက်ထပ် အနွေးအိတ်တစ်ခု ယူလိုက်သည်။ထို့နောက်ခွေးခြေမှတစ်ဆင့် မြင်းလှည်းပေါ်မှဆင်းလိုက်သည်။ မြေပြင်ပေါ်ရှိ ညစ်ပတ်နေသော နှင်းများကို ကြည့်လိုက်ရာ ကောကုန်းချမ်အမ်၏ အိမ်တော်သို့ လူများစွာ ရောက်လာပုံရမှန်း သိနိုင်သည်။

 "ထားလိုက်ပါ၊ ပြန်ကြရအောင်"  သူမ ထိုလူများနှင့်မတွေ့ချင်၍ လှည့်ပြန်သွားရန် စီစဉ်လိုက်သည်။

 "ကျွင်းကျူးကို နှုတ်ဆက်ပါတယ်"  အပြာရောင်ဝတ်ထားသော ကျွန်တစ်ဦးသည် ရှေ့သို့ ပြေးလာပြီး ရိုသေစွာ ဦးညွှတ်လိုက်သည်။  

"ဒီဘက်ကနေ လာပါ၊ကျွင်းကျူး ကျေးဇူးပြုပြီး"

 "နင်တို့ သခင်မှာ အချိန်ရှိလို့လား"

အစေခံ၏မျက်နှာတွင် ကြည်နူးဖွယ် အပြုံးတစ်ခု ရှိနေသည်။

 "ဒီအချိန်မှာ တခြားလူတွေကို အချိန်ပေး‌နေရပေမယ့် ကျွင်းကျူး ရောက်လာရင် အချိန်ပေးမှာ သေချာပါတယ်၊ကျွင်းကျူး လာမယ်ဆိုရင် ကျွင်းကျူးကို အရင်ဆုံး ကြိုဆိုရမယ်လို့ သခင်က အမိန့်ပေးထားပြီးသားပါ၊ ကျွန်တော်တို့သာ အမှားလုပ်ရင် အိတ်တွေထုပ်ပြီး ဒီကနေ ထွက်သွားရမှာပါ"

ပန်းဟွာက ရယ်ရင်း 

 "ပေါက်ကရတွေ၊နင်တို့သခင်က ဒီလောက် ယုတ္တိမရှိတဲ့လူလား"

 "သခင်က အများအားဖြင့် သိပ်ပြီးဆင်ခြင်တတ်ပါတယ်၊ ဒါပေမယ့် ကျွင်းကျူးနဲ့ပတ်သက်ရင် ကျိုးကြောင်းဆီလျော်မယ်မထင်ပါဘူး...."

 အစေခံက ခေါင်းကို ပွတ်သပ်ပြီး ရှက်ရွံ့စွာ ပြုံးပြသည်။ ထို့နောက် တစ်ဖက်သို့ လှည့်ပြီး ပန်းဟွာအတွက် ထီးကိုင်ထားသည့် မိန်းကလေးကို ကြည့်လိုက်သည်။သူ တစ်ချက်သာကြည့်ပြီး အကြည့်ပြန်လွှဲရ၏။ကျွင်းကျူး၏  နံဘေးက အစေခံမိန်းကလေးများအားလုံးက လှပတာကြောင့် အကြည့်မဖယ်နိုင်သည်မှာ လူတိုင်းပင်။

ရုံရှားသည် ပင်မခန်းမတွင်ထိုင်ပြီး ထိုအရာရှိများနှင့် စကားစမြည်ပြောခဲ့သည်။ သူ့ရှေ့မှလူများက အိမ်ရှေ့စံကို ထောက်ခံသူများပင်အိမ်ရှေ့စံကို အရှေ့နန်းတော်တွင် အကျယ်ချုပ်ချထားပြီးနောက် ထိုအရာရှိများသည် အိမ်ရှေ့စံအတွက် လှည့်ပတ်ပြေးကာ အားကိုးရှာကြသည်။နင်းဝမ်မင်းသားက အိမ်ရှေ့စံ၏ ဘက်တော်သား အရာရှိများကို လျှို့ဝှက်စွာ နှိမ်နှင်းသောအခါမှ ရပ်တန့်သွားခဲ့သည်။

ရုံရှားသည် ဤလူများလာရောက်ခြင်း၏ ရည်ရွယ်ချက်ကို ဘာမှပြောစရာမလိုဘဲ သိသည်။ အပြင်မှ ကောလဟာလများအတိုင်း၊ သူက ဧကရာဇ်၏ တရားမဝင်သားဆိုသည်ကိစ္စကြောင့် အိမ်ရှေ့စံကို ကူညီပေးစေချင်‌တာပင်။ သူတို့သည် အတော်ရယ်စရာကောင်းသည်ဟု ခံစားမိသည်။  အိမ်ရှေ့စံမှာ ယခုလို စရိုက်မျိုး ဖြစ်ပေါ်လာခြင်းက အံ့သြစရာ မရှိပေ။သူ့ပတ်ဝန်းကျင်က လူများ၏ လွှမ်းမိုးမှုကြောင့်ပင်။

နင်းဝမ်မင်းသားသည် ယခုအခါ အလွန်တန်ခိုးကြီးနေသော်လည်း၊သူတို့သည် နင်းဝမ်မင်းသားနှင့် မည်သို့ဆက်ဆံရမည်ကို မစဉ်းစားခဲ့ကြပေ။ အိမ်ရှေ့စံအတွက် အသနားခံကာကွယ်ဖို့ လူလိုက်ရှာဖို့သာတွေးနေ၏။ သူတို့မှာ ဘယ်လိုဦးနှောက်မျိုးရှိနေတာလဲ။ နင်းဝမ်မင်းသား ရာထူးမှ ဆွဲချရန် အကောင်းဆုံးနည်းလမ်းမှာ သူ့ကို ဧကရာဇ် စိတ်ပျက်စေရန် လုပ်မှရမည်။ထို့အပြင် အိမ်ရှေ့စံအတွက် အသနားခံနိုင်ရန် နည်းလမ်းရှာသင့်သည် မဟုတ်ပါလား။ သို့မှသာ ဧကရာဇ်သည် အိမ်ရှေ့စံကို အမြင်ကြည်လာပေမည်။ 

 သူ ဘယ်လိုပဲကြည့်ကြည့် အိမ်ရှေ့စံ၏ အသိုင်းအဝန်းမှာ အကြံအစည်အကောင်းဆုံးသူက ရှစ်ချုံးဟိုင် ဖြစ်နေဆဲပင်။ ကံမကောင်းစွာပင်၊ သူသည်လည်း ဧကရာဇ်ကို ဒေါသထွက်ခဲ့သည်။ ယခု သူသည် အိမ်ရှေ့စံကို ကူညီချင်သော်လည်း သူ့တွင် လုံလောက်သော စွမ်းအားမရှိပေ။ နင်းဝမ်မင်းသားသည် တရားရုံးတွင် အာဏာပြသနေချိန်တွင် သူ့ခမျာ စောင့်သာကြည့်နေနိုင်ခဲ့သည်။

တာဝန်ရှိသူတစ်ဦးက ပြောကြားလာသည်။

"ကောကုန်းချမ်အမ်က ဂုဏ်သိက္ခာရှိတဲ့ ရုပ်ရည်ရှိပြီး အမျိုးကောင်းသား ပီသသော အသွင်အပြင်ရှိပါတယ်၊အိမ်ရှေ့စံက အရာရှိတွေရှေ့မှာတောင် ကောကုန်း ကို မကြာခဏ ချီးမွမ်းလေ့ရှိပါတယ်၊သူက ကောကုန်းရဲ့ စာပေစွမ်းရည်ကိုလည်း လေးစားပါတယ်"

ထိုလူများက အိမ်ရှေ့စံအကြောင်း ဆက်ပြောကြသည်။သူတို့၏ အိမ်ရှေ့စံအပေါ်  သစ္စာစောင့်သိမှုကို ရုံရှား အနည်းငယ်မျှ စိတ်မလှုပ်မရှားချေ။

ထိုစဉ် ဘဏ္ဍာစိုး ဝင်လာပြီး " ပန်းဟွာကျွင်းကျူး ရောက်လာပါပြီ "

ဤသည်ကိုကြားသော ရုံရှား သူ့လက်ထဲက လက်ဖက်ရည်ခွက်ကို ချလိုက်ပြီး ကြွလာသည့် အရာရှိများကို မတ်တပ်ရပ်ပြီး ပြောသည်။

"ကျွန်တော့် ဇနီးလောင်း ရောက်လာပါပြီ၊အရာရှိတို့ ခဏစောင့်ပါ၊ကျွန်တော် မကြာခင် ပြန်လာမှာပါ" 

အရာရှိများသည်လည်း စေ့စပ်ထားသည့် စုံတွဲကြားကို မနှောင့်ယှက်ချင်ကြ။အိမ်ရှေ့စံအတွက် အသနားခံဖို့အကြောင်း ရုံရှားက ဘာမှ မပြောသော်လည်း အနည်းဆုံးတော့ သူ မငြင်းခဲ့ချေ။ထို့ကြောင့်သူတို့အတွက် မျှော်လင့်ချက်ရှိလာရသည်။ 

 "ဒါဆို ကောကုန်း၊ကျွန်​​တော်​တို့ ပြန်လိုက်​ပါမယ်​"

xxxxxx