MM Story Teller

Chapter 84

Viewers 4k

♎️Chapter 84

Main story Extra -1

Friend circle တွင် ရှဲ့လင်နှင့်ဖုယွမ်ကျိုးတို့တင်လိုက်ကြသည့်ပို့စ်က ၎င်းတို့ဆက်ဆံရေးကို တရားဝင်ဖော်ထုတ်လိုက်ခြင်းဖြစ်ပြီး ဂယက်အကြီးကြီးထသွားစေခဲ့သည်။

ပို့စ်တင်ပြီးတစ်မိနစ်ပင်မကြာလိုက်ခင် ဖုယွမ်ကျိုးမှာ လိုက်ခ်အများအပြားရခဲ့ပြီး ကိုယ်ပိုင် chat box မှ စာများပင်ရောက်လာခဲ့သည်။

အချို့ကရှော့ခ်ရနေသည်၊၊ အချို့ကမူ ဂုဏ်ပြုစကားပြောထားကြပြီး အချို့ကမူ ဒေါသထွက်နေလေ၏။ ဖုန်းကစက္ကန့်ပိုင်းအထိ တဒီးဒီးမြည်နေ၍ ဖုယွမ်ကျိုးမှာခေါင်းမူးလာရလေသည်။

၎င်းတို့ထဲတွင်ထူးဆန်းသည့်ပို့စ်အနည်းစုလည်းရှိနေသည်။ ဥပမာ စီနီယာအစ်မတစ်ယောက်နှင့် ရှဲ့လင်၏အတန်းဖော်တစ်ယောက်ဆိုလျှင် Moment တွင် ခဏတွင်းချင်းကောက်တင်ခဲ့သည်။

"xl နဲ့ fyz! ဒီအမေအိုကြီးရဲ့ အစစ်အမှန် CP ကြီးပဲဟေ့!"

ဖုယွမ်ကျိုး: "?"

Friend circle တွင် သူတို့တင်လိုက်သည့်ပို့စ်မှာ လိုက်ခ်အရေအတွက် အလွန်အမင်းရထားသည့်တိုင် အများစုက သဘောမပေါက်ကြသေးပေ။

သတင်းများက တက်ပြီးရင်းတက်လာလေသည်။ ဖုယွမ်ကျိုးမှာ သူနဲ့ရှဲ့လင်၏ပတ်သက်မှုကို လူသိရှင်ကြားဖွင့်ဟလိုက်သည်နှင့် ဖြစ်လာနိုင်သည့်အကျိုးဆက်ကို ခန့်မှန်းကြည့်ထားပြီးသော်လည်း ငလျင်လှုပ်သွားသလို တုံ့ပြန်မှုကိုမူ သူသည်းမခံနိုင်တော့ပေ။ မသိသလိုဟန်ဆောင်နေပြီး ရှဲ့လင်လည်ပင်းကိုဖက်ကာ မျက်လုံးလေးများကိုကွေးညွတ်လိုက်ရင်း ရှဲ့လင်ကိုပြုံးပြလိုက်သည်။

"ဟက်ပီးနယူးရီယားပါ...ငါ့ရဲ့ကောင်လေး.."

"ဟက်ပီးနယူးရီးယား...ယွမ်ကျိုး.."

ထို့နောက် ရှဲ့လင်ကသူ့အားဖွဖွလေးနမ်းလာခဲ့၏။

02♎️

သူတို့၏ဆက်ဆံရေးနှင့်ပတ်သတ်ပြီး အယူအဆများစွာကွဲလွဲခဲ့ကြသည်။

ဖုယွမ်ကျိုး၏မိဘများကမူ ပျော်နေခဲ့ကြသည်၊၊ မာမားဖုကပြုံးလျက် သူတို့နှစ်ယောက်က နောက်ဆုံးတော့အတူရှိနိုင်ကြပြီဟုပြောခဲ့၏။

ရှဲ့လင်မိဘများကမူ သတင်းကြားရသည်နှင့် ဗီဒီယိုကောလ်ကိုအကြာကြီးခေါ်ခဲ့ကြသည်။ ပထမတစ်ခေါက်တွင် ရှဲ့လင်တစ်ယောက်တည်းဖြစ်ပြီး နောက်တခေါက်တွင် ကလေးနှစ်ယောက်လုံးနှင့်စကားပြောခဲ့သည်။

သူတို့က နောင်အနာဂတ်တွင် ရှဲ့လင်နှင့်ဖုယွမ်ကျိုးတို့နှစ်ယောက်လုံးအနောက်မှ ရပ်တည်ပေးနေမည်ဟုပြောခဲ့ကြသည်။ ၎င်းတို့က ဝမ်းသာအားရလည်းမရှိသလို ဆန့်ကျင်မှုလည်းမပြကြပေ။ သူတို့၏ပညာရေးကိုမနှောင့်နှေးစေရန်သာမှာကြသည်။ အထူးသဖြင့် အထက်တန်း၏အရေးအကြီးဆုံးအခြေအနေအောက်မှ ရှဲ့လင်ကိုပြောထားကြသောကြောင့် သူ့အနေဖြင့်ပိုပြီးဂရုစိုက်သင့်လေ၏။

ရှဲ့လင်မိဘများက ကိုယ့်ကလေးအကြောင်းကိုယ်သိကြလေရာ ရှဲ့လင်ကိုအထွေအထူးမဆုံးမကြပေ၊၊ ဖုယွမ်ကျိုးအဆင့်များမှာလည်း စာမေးပွဲအလိုက်တည်ငြိမ်ကာတိုးတက်မှုရလာသောကြောင့် လူကြီးနှစ်ယောက်က များများစားစားမပြောကြတော့ပေ။ သူတို့ဆက်ဆံရေးကို ထိန်းသိမ်းကြရန်သာမှာကြပြီး တခုခုပြောလျှင် စိတ်ရင်းဖြင့်အရေးတယူပြောကြရန် မှာထားကြလေသည်။

ပြောရန်မလိုပေ။ ရှဲ့လင်နှင့်ဖုယွမ်ကျိုးတို့က အတော်လေးအလေးအနက်ထားနေခဲ့ကြသည်။ သူတို့လုပ်နေသည့်အလုပ်ကိုလည်းသိကြပြီး ရှဲ့လင်၏မိဘကလည်းသဘောပေါက်ကြသည်။ ဖုယွမ်ကျိုးကိုစိတ်ပူစေသည်မှာ ယွိဖေးဘက်မှအခြေအနေပင်။

Friend circle တွင်တင်လိုက်သောကြောင့် ယွိဖေးလည်းမြင်သွားလောက်ပြီ။ ဖုယွမ်ကျိုးက ယွိဖေး၏အခြေအနေကိုစိုးရိမ်နေသော်လည်း တဖက်ကမူ ပွင့်ပွင့်လင်းလင်းဖော်ထုတ်လာ၍ ဘလော့ခ်သွားခြင်းမျိုးမရှိပေ။ မည်သို့ပင်ဖြစ်စေ အနှီသူကလည်းအနှေးနှင့်အမြန်သိသွားမည်သာ။

ယွိဖေးသည် တိတ်ဆိတ်နေလျက် ဖုန်းကိုအကြာကြီးဆုပ်ကိုင်ထားခဲ့ပြီး စကားတစ်လုံးပင်မပြောဘဲအပြင်ထွက်သွားခဲ့သည်။ အတော်ကြာသည်အထိ ပြန်မလာခဲ့ပေ။ သူ့မိဘများကစိတ်ပူ၍ သူ့အားထွက်ရှာခဲ့ကြသည်။ နောက်ပိုင်းတွင် သူ့မိဘများကပါပြန်မလာကြတော့ပေ။ ယွိဖေးကနေသိပ်မကောင်းသည့်အကြောင်း၊ အရင်ပြန်သွားနှင့်ကြောင်း နှင့် သူ့အိမ်ကိုရော ရှဲ့လင်ကိုပါ မစောင့်နေကြတော့ရန် ဖုယွမ်ကျိုးကိုပြောလိုက်ကြသည်။

မာမားဖုသည်လည်း ယွိဖေးကသူ့သားကိုသဘောကျနေမှန်း ခပ်ရေးရေးမျှသဘောပေါက်ထားခဲ့သည်။ သတင်းကြားပြီးနောက် သူမသက်ပြင်းဖွဖွချလိုက်ရ၏။ ထိုနေ့ညတွင် သူတို့တမိသားစုတည်းဖြစ်နေသောကြောင့် လေထုကငြီးငွေ့စရာဖြစ်နေခဲ့လေသည်။

နှစ်သစ်ကူးနေ့နောက်ပိုင်း ယွိဖေးက ရှဲ့လင်နှင့်ဖုယွမ်ကျိုးတို့နှစ်ယောက်ကို စတင်ရှောင်လေတော့သည်။ မက်ဆေ့ချ်လည်းမပို့တော့သလို ဖုန်းလည်းမဆက်တော့ပေ။ ကျောင်းတွင်လည်းမတွေ့ရတော့ဘဲ နှစ်ရက်ပင်အတန်းပျက်သွားခဲ့ပြီး ပြန်တက်သည့်နေ့တွင်လည်း စိတ်ဓာတ်ကျသလိုဖြစ်နေခဲ့သည်။ ထိုနေရာတွင် မပြုံးမရယ်၊ သုန်မှုန်နေသည့်မျက်နှာဖြင့်ထိုင်နေခဲ့လေ၏။

ဖုယွမ်ကျိုးသည် အပြစ်ရှိသလိုခံစားရသည့်တိုင် ရှဲ့လင်နှင့်လက်တွဲသွားရန်ဆုံးဖြတ်လိုက်ပြီးနောက်ပိုင်း နောင်တမရတော့ပေ။ သူ ယွိဖေးနှင့် မျက်နှာချင်းဆိုင်ပြီးစကားပြောရန်ကြိုးစားနေလင့်ကစား အခွင့်အရေးမရခဲ့ပေ။

ယွိဖေးတင်မက ဤရက်ပိုင်းအတွင်း တန်းခွဲ ၇ ၏အငွေ့အသက်မှာလည်း ထိုင်းမှိုင်းနေခဲ့သည်။ အများစုက Friend circle မှပို့စ်ကိုမြင်လိုက်ကြပြီး ယွမ်ယဲ့က ဖုယွမ်ကျိုးကိုသဘောကျနေမှန်းသိထားကြသောကြောင့် အားလုံးကစကားပြောရာတွင် ဂရုစိုက်နေရလေသည်။ တာ့ယန်ပင် အကျိုးအကြောင်းသိလိုက်ရသည့်အခါ ထိုင်ခုံပြောင်းချင်လားဟုမေးလာခဲ့သေး၏။

"မပြောင်းတော့ပါဘူးခင်ဗျာ..."

ယွမ်ယဲ့က မျက်နှာပေါ်တွင် ဘယ်လိုဝမ်းနည်းမှုမျိုးကိုမှမပြထားဘဲ ယခင်အတိုင်းပြုံးလာခဲ့လေသည်။

"ကျွန်တော်ကအဲဒီလောက်လည်း အားငယ်တတ်တဲ့သူမဟုတ်ပါဘူးဗျာ...ဒီတိုင်း အသည်းကွဲနေရုံပါ... ရောဂါကြီးကြီးမားမားရနေတာလည်းမဟုတ်ဘူး...ကျွန်တော့်ကိုဒီလိုမျိုးမဆက်ဆံပါနဲ့... ကျွန်တော်နေရခက်တယ်..."

ထို့အပြင် သူက ဖုယွမ်ကျိုးကိုပါ အားပေးလိုက်သေးသည်။

"ကြည့်...ငါမင်းကိုပြောပါတယ်... မင်းမိန်းကလေးအိုမီဂါတစ်ယောက်နဲ့ဒိတ်ရမှာမဟုတ်ဘူးလို့... ဖြစ်ချင်တော့ ယောကျ်ားလေးအယ်လ်ဖာတစ်ယောက်ဖြစ်နေပါလား..မင်းရဲ့မူလအိပ်မက်နဲ့တော့လုံးဝလွဲသွားပြီပေါ့..."

ဖုယွမ်ကျိုးက ခဏတာခန့်တိတ်ဆိတ်နေပြီးမှ ရုတ်တရက်တုံ့ပြန်လာလေသည်။

"ကျေးဇူးပါပဲကွာ..ယွမ်ယဲ့..."

"ငါ့ကိုဘာအတွက် ကျေးဇူးတင်ရတာလဲ..."

ယွမ်ယဲ့က အူကြောင်ကြောင်ဖြစ်နေသည်။

"ငါ့ကိုဂရုစိုက်ပေးတဲ့အတွက်လည်းကျေးဇူးတင်တယ်...ငါ့ကိုသဘောကျပေးတဲ့အတွက်လည်းကျေးဇူးတင်တယ်.."

ဖုယွမ်ကျိုး ဖြည်းဖြည်းချင်းပြောလိုက်သည်။

"ဒါပေမဲ့ ငါအခုသဘောကျနေတဲ့သူကရှဲ့လင်ဖြစ်နေပြီ..ငါကငြင်းမှဖြစ်မယ်...တကယ်လို့..."

သူ့စိတ်ထဲတွင် ကျဥ်းကျပ်ပြီးနေရခက်နေသည်၊ သို့သော်လည်း သူငြင်းလိုက်ရ၏။

"မင်းနောက်ပိုင်းငါနဲ့သူငယ်ချင်းမလုပ်ချင်တော့ရင်...ငါ..."

"ဘာ..."

ယွမ်ယဲ့ကပြုံးလာလေသည်။

"ငါတို့ကနောက်လည်း သူငယ်ချင်းတွေဖြစ်နေကြမှာပဲ..ငါမင်းကို 'အစ်ကိုယွမ်' လို့ခေါ်ထားတာကို မမေ့နေနဲ့ဦး..."

ဖုယွမ်ကျိုးမှာ ဘယ်လိုပြန်ပြောရမှန်းမသိတော့ပေ။

ယွမ်ယဲ့ကသူ့ကို တခဏမျှငေးကြည့်နေပြီးမှ လှည့်ထွက်သွားခဲ့သည်။ အခန်းကိုဖွင့်ကာ တာ့ယန်၏ရုံးခန်းရှိရာအထိလျှောက်သွားပြီးပြောလိုက်လေ၏။

"တာ့ယန်...ထိုင်ခုံပြောင်းလိုက်တာပိုကောင်းပါတယ်...ကျွန်တော်တို့နောက်လည်း တခုံတည်းအတူထိုင်နေမိရင်...."

၎င်းက မျက်လွှာချလိုက်သည်၊၊ မျက်လုံးထောင့်စွန်းများကနီရဲနေခဲ့သည့်တိုင် ပြုံးနေဆဲဖြစ်ပြီး တိုးညှင်းသည့်အသံဖြင့်ပြောလာခဲ့သည်။

"အိုမီဂါက သူများအပိုင်လေဗျာ..."

03 ♎️

နောက်ဆုံးစာမေးပွဲရလဒ်ထွက်လာသည့်အခါ လူတိုင်းမုန်းသွားစေနိုင်လောက်သည့် နောက်ထပ်ဆွေးနွေးမှုတစ်ခုပေါ်လာပြန်သည်။

ရန်ရှူးထန်သည် ပထမဆုံးအကြိမ်အဖြစ် ပထမအဆင့်မှပြုတ်ကျသွားခဲ့၏။ အကြောင်းမှာ တရုတ်စာအရေးအသားတွင် မဖြေဘဲထားရစ်ခဲ့သောကြောင့်ပင်။ သူသည်ကား ထိုဘာသာရပ်တွင် တစ်မှတ်မှမရခဲ့သော်လည်း အခြားဘာသာရပ်များတွင်အမှတ်ပြည့်နီးပါးရခဲ့ပြီး တတိယအဆင့်ချိတ်ခဲ့သည်။

ကျောင်းပြန်တက်ကြသည့်အခါ တန်းခွဲ ၇ မှအတန်းသားများက အဆိုပါကိစ္စကိုဆွေးနွေးခဲ့ကြသည်။ တုမန်ကမူ ၎င်းနှင့်အတန်းပိုင်တို့ စကားပြောနေကြသည်ကိုမြင်ခဲ့သည်ဟု ပြောလာခဲ့ကြသည်။

"ဆရာမကသူ့ကို ဒီတခေါက် အာရုံမစိုက်မိလို့လားလို့မေးတယ်..ဒါပေမဲ့ ရန်ရှူးထန်ကတော့မဟုတ်ဘူးလို့ပြောတာပဲ.."

တုမန်က ဆက်ရှင်းပြလာလေသည်။

"ဒီတခေါက် တရုတ်ဘာသာရပ်ကို မဖြေနိုင်ခဲ့ရုံပါပဲတဲ့..."

"ဟင်?"

ကျောင်းသားများအားလုံးက မမျှော်လင့်ထားခဲ့သည့်မျက်နှာများဖြင့်...

"ဒီမေးခွန်းကသူ့အတွက်ခက်နေလို့လား..."

သူတို့သည်ခေါင်းငုံ့လိုက်ကြပြီး ဘာသာရပ်ဆိုင်ရာမေးခွန်းလွှာကိုပြန်ကြည့်လိုက်ကြသည်။

အက်ဆေးခေါင်းစဥ်: "ကျွန်တော်အနှစ်သက်ဆုံးလူတစ်ယောက်"

မခက်တာသိသာနေတာကြီးကို။

တုမန်လေသံက တိုးသွားလေသည်။

"သူပြောတဲ့ပုံအရတော့ သူသဘောကျနေတဲ့လူတစ်ယောက်ကိုဆုံးရှုံးလိုက်ရတယ်တဲ့..."

ဖုယွမ်ကျိုးကလည်း ရန်ရှူးထန် အက်ဆေးမဖြေခဲ့သည့်ကိစ္စကိုသိထားပြီးဖြစ်လင့်ကစား တိတ်တိတ်လေးနေသည်ကပင် ရန်ရှူးထန်အတွက် ပိုကောင်းမှန်းသိနေသောကြောင့် ငြိမ်နေလိုက်ရလေသည်။

၎င်းမတိုင်ခင်အထိ ရန်ရှူးထန်၏ခံစားချက်များကို သူသတိမထားမိလိုက်ပေ။ နှစ်သစ်ကူးနေ့တုန်းကပင် သူနှင့်ရန်ရှူးထန်တို့စကားပြောဖြစ်ခဲ့ကြသေးသည်။ ထိုအချိန်က ရန်ရှူးထန်သည် တည်တည်ငြိမ်ငြိမ်ဖြင့် သူ့အားဂုဏ်ပြုစကားပြောခဲ့ပြီး မူမမှန်သည့်ပုံစံမရှိခဲ့ပေ။

၎င်းသည် နှလုံးသားထဲမှချစ်ခြင်းတရားထက် ဝမ်းနည်းမှုတို့ကို ဖုံးကွယ်ထားရာတွင်ပိုတော်ခဲ့သည်။

သို့သော် အချိန်မီလေး ထိုခံစားချက်တို့ကို သန့်စင်ပစ်ရန်မှလွဲပြီး အခြားနည်းလမ်းမရှိတော့ပါချေ။

04♎️

ပြီးခဲ့သည့်ရက်ပိုင်းက အသစ်ထွက်လာသည့် MV တစ်ပုဒ်သည် အင်တာနက်တွင်နာမည်ကြီးနေခဲ့၏။

သီချင်းခေါင်းစဥ်ကို "လူဆိုးလေး" ဟုအမည်ပေးထားပြီး အဆိုရှင်က လူသိများသော်လည်း သီချင်းနာမည်ကြီးသွားရခြင်းမှာ သီဆိုသည့်အဆိုတော်ကြောင့်မဟုတ်ဘဲ MV တွင်သရုပ်ဆောင်ထားသည့် မင်းသားတစ်လက်ကြောင့်သာ။

သူ၏ရုပ်ရည်က အတော်လေးကြည့်ကောင်းသည့်အထဲတွင်ပါသည်။ အနုပညာလောကတွင် ချောပေ့လှပေ့ယောကျ်ားများက အတော်အတန်များသည့်တိုင် ၎င်း၏ရုပ်ရည်ကမူ မြင်သည်နှင့်မှင်သက်သွားရလောက်ပြီး အကြည့်မလွှဲနိုင်လောက်သည်အထိထူးခြားနေလေသည်။ ၎င်းက ကင်မရာကိုကြည့်လိုက်သည်နှင့် မျက်လုံးထောင့်မှမှဲ့နီလေးက သူ့အား အင်မတန်ဆွဲဆောင်မှုရှိနေစေသည်။ MV ကြည့်ရှုသူပရိသတ်များမှာ ထိုသူကို တမဟုတ်ချင်းအသည်းစွဲနှစ်သက်သွားကြလေ၏။

အမျိုးသားသရုပ်ဆောင်သည် ချက်ချင်းနာမည်ကြီးသွားပြီး အချိန်တိုလေးအတွင်း အင်တာနက်ပေါ်တွင်နာမည်ကြီးသွားခဲ့သည်။ အင်တာနက်တွင် ရှာဖွေမှုအများဆုံးသုံးယောက်ထဲတွင်ပါလာပြီး အင်တာနက်ကပင် ရီပို့အပေးခံခဲ့ရလေ၏။

ထိုသူ၏အမည်မှာယွိဖေးပင်။

သီချင်းခေါင်းစဥ်အတိုင်း ယွိဖေးသရုပ်ဆောင်ပြရသည့် ဇာတ်ကြောင်းမှာလည်း အလွန်ကိုဆိုးရွားလေသည်။ လူတိုင်းကိုလက်ဖျောက်တီး ကစားနေပြီး အင်မတန်ဆိုးရွားလှသည့်ကိစ္စများကိုလည်းလုပ်ထားသေးသည်။ ယခုလို လူဆိုးပုံစံ အမျိုးသားဇာတ်လိုက်တစ်ယောက်ဖြစ်နေလင့်ကစား ဇာတ်လိုက်မင်းသမီးက သူ့အားအရူးအမူးဖြစ်နေဆဲ။

သူမသည်ကား အမျိုးသားဇာတ်လိုက်ကို တစ်ခါမှဖွင့်မပြောခဲ့ပေ။ အမျိုးသားဇာတ်လိုက်သည်လည်း မိန်းကလေးကသူ့အားသဘောကျနေမှန်းသိစေကာမူ အစမဖော်ပေးခဲ့ပေ။ အကြောင်းမှာ သူကသူမကိုအထင်သေးပြီး တခါမှပြန်လှည့်မကြည့်ခဲ့သောကြောင့်ပင်။

ဘယ်သူမှ အမျိုးသမီးဇာတ်လိုက်ကို မတားနိုင်ကြသလို အမျိုးသမီးဇာတ်လိုက်တွင်လည်း ချို့ယွင်းချက်မရှိပေ။ နောက်ဆုံး၌ အမျိုးသားဇာတ်လိုက်ကပင် သူမကိုထားရစ်ခဲ့သည်။ အမျိုးသမီးဇာတ်လိုက်သည်ကား အချစ်ရေးတွင်သူမကိုယ်သူမပျောက်ဆုံးသွားရကာ အမျိုးသားဇာတ်လိုက်နှင့်မခြားသလိုဖြစ်လာပြီး သူ့နေရာကိုဝင်ယူသွားခဲ့သည်။

ဇာတ်လမ်းထဲမှ အမျိုးသမီးဇာတ်လိုက်မှာ အမျိုးသားဇာတ်လိုက်၏လွှမ်းမိုးမှုကို အကြီးအကျယ်ခံစားခဲ့ရသည်။ ယွိဖေးကိုသဘောကျသည့်ပုံစံ ပြသခဲ့သည့်တိုင် ယွိဖေးကပြုံးရုံသာပြုံးနေခဲ့၏။ တကယ်တမ်းတွင် ဇာတ်လမ်းထဲကအတိုင်း အဝေးကိုထွက်သွားခြင်းမရှိဘဲ ယဥ်ယဥ်ကျေးကျေးငြင်းပယ်လိုက်ခြင်းသာ။

"ကျွန်တော့်မှာသဘောကျနေတဲ့သူရှိလို့ပါ..."

သူသည်ကား တည်ငြိမ်သည့်အမူအရာဖြင့်ပင်ထုတ်ပြောခဲ့သည်။ သူရုပ်ရှင်ရိုက်ချင်နေပြီး အိုင်ဒေါအဖြစ်ပွဲဦးထွက်ရန်ပြင်ထားခြင်းလည်းမရှိသောကြောင့် ဖုံးကွယ်မထားတော့ခြင်းဖြစ်သည်။

MV က တကြိမ်တည်းနှင့် ပေါက်သွားခဲ့သည်။ သူ၏လူကြိုက်များမှုကြောင့်အံ့အားသင့်သွားရသော်လည်း အခြေအနေတရပ်လုံးကိုမူ မမျှော်လင့်မထားခဲ့ပေ။

သူသည်ကား MV တွင် ဝင်ရိုက်ကူးခဲ့ရုံသာရှိခဲ့သည်။ သူ့ကို အဖေဖြစ်သူကမိတ်ဆက်ပေးခဲ့ခြင်းဖြစ်သော်လည်း သူကိုယ်တိုင်က သီချင်းဆိုရခြင်းကိုလည်းနှစ်သက်ခဲ့သည်။ သရုပ်ဆောင်နေရာတွင် သူ့ထက်သင့်လျော်သူမရှိနိုင်တော့သောကြောင့် သူက အဓိကသရုပ်ဆောင်နေရာတွင်ဝင်အရွေးခံရန်တိုက်တွန်းခဲ့၏။

ထိုသူသည် သူ့ရုပ်ရည်တင်မက ယွိဖေး၏စိတ်နေသဘောထားမှာ MV ဇာတ်ရုပ်နှင့်ကိုက်ညီသည်ဟုယူဆခဲ့သည်။ သူကအေးစက်စက်နိုင်သည်။ သူ့ကိုယ်သူမှလွဲပြီး အခြားသူများကိုဂရုမစိုက်ပေ။ နူးညံ့ပုံပေါ်ရသော်လည်း အားလုံးကိုအေးစက်သည့်မျက်လုံးများဖြင့်ကြည့်တတ်ပြီး ထီမထင်သည့်စိတ်နေသဘောထားမျိုးရှိလေသည်။ တခြားသူများကိုအနိုင်ကျင့်သည့်တိုင် အလွန်အကျွံမလုပ်ချေ။ ထိုသူသည်ကား လူကောင်းမဟုတ်သည့်တိုင် လူဆိုးဟုလည်းပြောရခက်လေသည်။

သူတစ်ယောက်တည်းကသာ ဇာတ်လမ်းထဲမှ ဟီးရိုးကိုဖျက်ဆီးပစ်နိုင်၏။

"ဂျစ်..ဂျစ်"

ယွိဖေးသည် လက်ရန်းကိုမှီရင်း မီးခြစ်ကိုကစားနေခဲ့သည်။

သို့သော်လည်း လက်တွေ့ကမ္ဘာတွင် သူတစ်ယောက်တည်းသာ။

အချစ်စိတ်မွှန်ခြင်းနှင့် ခါးသီးသည့်အချစ်တို့က မှန်တစ်ချပ်လိုပင်ဖြစ်ပြီး သင်ပြန်ရမည့်အရာများမှာ မှားယွင်းသည့်ဆူပွက်သံများသာ။

သူသည်ကား ဝေးရာကို တရွေ့ရွေ့ထွက်သွားသည့်ပုံရိပ်လေးကို ရပ်ကြည့်နေနိုင်ခဲ့သည်။

"ချောက်...."

သူသည် ရုတ်တရက် မီးခြစ်ကိုပြန်ပိတ်လိုက်ပြီး အိတ်ကပ်ထဲပြန်ထည့်လိုက်၏။

သို့သော်လည်း သူဘယ်သောအခါမှမထွက်သွားခဲ့ပေ။

သူအမြဲ ထိုသူကိုစောင့်နေခဲ့သည်။

05♎️

ဆောင်းရာသီအားလပ်ရက်မတိုင်ခင်အထိ ဖုယွမ်ကျိုးမှာ အေးအေးလူလူနေခွင့်ရခဲ့သည်။ သည်ရက်များမှာ သူ့အတွက်မလွယ်ကူခဲ့ပေ။ လူအမြောက်အများက သူနှင့်ရှဲ့လင်တို့အကြောင်းကိုလာမေးခဲ့ကြသည်။ ထပ်လောင်းပြောရပါက စာမေးပွဲမတိုင်ခင်အထိ သူပြန်လှန်လေ့ကျင့်ခန်းလုပ်နေခဲ့သည်။ ဖိအားအတော်လေးများခဲ့သည့်တိုင် အားလုံးပြီးသွားခဲ့၍ ကျေးဇူးတင်စရာပင် ။ အနည်းဆုံး နောက်ထပ်စာမေးပွဲမတိုင်ခင်အထိပင်။

နွေဦးပွဲတော်က နီးကပ်လာခဲ့ပြီ၊ မာမားဖုက နှစ်သစ်ကူးနေ့အတွက် အဘွားကိုအိမ်ခေါ်လာခဲ့သည်၊ ရှဲ့လင်မိဘများကလည်း နိုင်ငံခြားမှပြန်ရောက်လာခဲ့ကြ၏။ ယွိဖေးတို့မိသားစုလည်း နောက်တကြိမ်ထပ်ရောက်လာပြီး လူတိုင်းက နောက်တကြိမ်အဖြစ် လူစုံတက်စုံတွေ့ကြရပြန်သည်။

ယွိဖေးကပုံမှန်ပြန်ဖြစ်လာသလိုပင်၊၊ ရှဲ့လင်နှင့်ဖုယွမ်ကျိုးကို ပြုံးပြုံးရွှင်ရွှင်စကားပြောခဲ့သည်၊ သို့သော် ဖုယွမ်ကျိုးက ထိုသူနှင့်နှစ်ယောက်တည်းစကားပြောချင်သည်ဟုပြောလာသည့်အခါ ယွိဖေးက ယဥ်ကျေးစွာဖြင့်ပင်ငြင်းပယ်ခဲ့၏။

အဘွားက သူနှင့်အတူစကားပြောပေးမည့်သူကိုလိုက်ရှာရလျှင် သဘောကျတတ်သည်။ ထို့ကြောင့် သူမကအပြင်ဘက်တွင် မကြာခဏဆိုသလို တစ်ယောက်တည်းလမ်းလျှောက်ထွက်တတ်လေသည်။ ဤသို့ဖြင့် ရှန်းရှီကောနှင့်တွေ့သွားလေတော့၏။ သူမက ရှန်းရှီကောမှာတစ်ယောက်တည်းနေပြီး နှစ်သစ်ကူးကိုလည်းတစ်ယောက်တည်းဖြတ်သန်းမှန်းနားလည်ထားခဲ့သည်။ ယခုတော့ ဖက်ထုပ်များလည်းအသင့်ဖြစ်နေလေရာ သူမကဖုယွမ်ကျိုးကို ရှန်းရှီကောအတွက်တစ်ပွဲယူလာခိုင်းလိုက်ပြီး အိမ်နီးချင်းများအပေါ်တွင်ထားသည့် သူတို့၏မေတ္တာကိုပြသခိုင်းခဲ့သည်။

♎️

Prev Next