အပိုင်း ၁၄၃

Chapter 143

[ ရှအန်း V : ကျွန်မရဲ့ ဒုတိယမြောက် ရသစုံရှိုး ပါ (ပြုံးနေသောအီမိုဂျီ ) @ Come on! Challenger! V ]

မနက်ကိုးနာရီသာရှိသေး၍ လူအများစု အင်တာနက်အသုံးပြုကြသည့်အချိန် မဟုတ်ပေ။

သို့ရာတွင် ရှအန်း၏ပိုစ့်က လိုင်းပေါ်ရောက်သွားသည်နှင့် အင်တာနက်ကွန်ယက်တစ်ခုလုံးတွင် trendingဖြစ်သွားသည်။

ရှအန်းက ဒုတိယမြောက်ရသစုံရှိုးကို ယူအက်စ်၌ သီးသန့်ရိုက်ကူးနေမည်ဟု မည်သူမျှမထင်ခဲ့ပေ။ ထို့အပြင်အမေရိကန်ရုပ်သံလိုင်းများတွင်လည်း ထုတ်လွှင့်မည်ဖြစ်သည်။

FXတီဗွီလိုင်းက ယူအက်စ်၏ အဓိကရုပ်သံလိုင်းလေးခုမှတစ်ခုဖြစ်ကာ အသုံးပြုသူများလည်း မြောက်များစွာရှိသည်။

ရှအန်း၏ရှိုးက အလွန်နာမည်ကြီးနေကြောင့် ၎င်းကတိုက်ရိုက်ဖော်ပြနေသည်။

[ တကယ်ကြီးလား ... ရှအန်းရဲ့ ဒုတိယမြောက် ရသစုံရှိုး ကို FX တီဗွီမှာလွှင့်တော့မှာလား ]

[ အမေရိကန်က တီဗွီလိုင်းကလွှင့်မယ်ဆိုတော့ တော်တော်ကောင်းမယ့်ပုံပဲ ... ဒါဆိုရင် ယူအက်စ်မှာ ပထမဆုံးပြဖူးတဲ့ အာရှက ရသစုံရှိုးတစ်ခု ဖြစ်လာမှာပေါ့ ]

[ ရှအန်းက ပိတ်ပင်ခံထားရတာရော ဟုတ်ရဲ့လား ... ငါဘာလို့ အရမ်းရယ်နေမိပါလိမ့် ... ဒီလိုမျိုး လှလှပပ အဘန်းခံထားရတဲ့ကြယ်ပွင့်ကို မမြင်ဖူးဘူး ]

[ တရုတ်မှာပိတ်ပင်ခံထားရတော့ ယူအက်စ်မှာ ပွဲဦးထွက်တယ်ပေါ့ အံ့ဩစရာကြီးကွာ ]

[ " ရှအန်း၏စတားဘဝ "က ဘယ်လိုမျိုးရှိုးလဲဆိုတာ သိချင်နေတာ ငါတစ်ယောက်ထဲများလား ]

[ တရားဝင်ထွက်လာတဲ့ပုံတွေကို ကြည့်ရုံနဲ့တော့ သေချာမပြောနိုင်သေးဘူး ... ငါသိတာတစ်ခုကတော့ ရှအန်းက ပိုလှလာတယ်ဆိုတာပဲ ]

[ ရှအန်းရဲ့ပုံတွေက အရမ်းဖက်ရှင်ကျတာပဲ ... ဖက်ရှင်နဲ့ဆိုင်တဲ့ ရသစုံရှိုးများလား ]

…

တရားဝင်‌ဝေ့ပေါ်အကောင့်က ရှအန်းတစ်ဦးတည်းသာပါဝင်သည့် ဓာတ်ပုံများကိုသာတင်လိုက်သောကြောင့် မည်ကဲ့သို့ ရသစုံရှိုးမျိုးဖြစ်ကြောင်း မခန့်မှန်းနိုင်ကြပေ။ 

ရလဒ်အနေဖြင့် အင်တာနက်ကွန်ယက်တစ်ခုလုံးပေါ်တွင် " ရှအန်း၏စတားဘဝ " ကို မည်သို့သော ရသစုံရှိုးဖြစ်မည်ကို အပြိုင်အဆိုင်ထင်ကြေးပေးနေကြသည်။

နိုင်ငံခြားရှိ အင်တာနက်ပေါ်မှ လူစုလူဝေးများကလည်း ပြင်းပြင်းထန်ထန် ခန့်မှန်းနေကြသည်။

သို့ရာတွင် နိုင်ငံခြားမှလူများက trailerကိုပါကြည့်လိုက်ရသည့်အတွက် တရုတ်နိုင်ငံမှလူများထက်ပို၍ ပျော်ရွှင်နေကြသည်။

ပထမ editionဓာတ်ပုံများကိုFXတီဗွီ၏ တရားဝင်ကွန်ယက်တွင် တင်ပြီးသည့်နောက် ဒုတိယနှင့် တတိယမြောက်editionဓာတ်ပုံများကိုလည်း မြန်ဆန်စွာတင်လိုက်သည်။

ထပ်မံ၍ " ရှအန်း၏စတားဘဝ " trailerများကို တရားဝင်ကွန်ယက်နှင့် တီဗွီလိုင်းများတွင် ထုတ်လွှင့်ခဲ့သည်။

အစပိုင်းတွင် FXတီဗွီက ထုတ်လွှင့်မည့်အချိန်ကို ဖြည်းညှင်းစွာ စောင့်ဆိုင်းလျက် ရသစုံရှိုး ကို ကြော်ငြာရန် တိုးတက်မည့်နည်းလမ်းတစ်ခုကို ရှာဖွေလိုခဲ့သည်။ သို့သော် ယခုအခါ၌ FXတီဗွီက သူတို့၏ မူလဆုံးဖြတ်ချက်နှင့် ဆန့်ကျင်ဘက်ကို လုပ်ဆောင်ခဲ့သည်။

သူတို့ မြန်နိုင်သမျှ မြန်မြန်လုပ်ဖို့ ကြိုးစားနေကြတယ် ...

ထို့ကြောင့် ဓာတ်ပုံနှင့် trailerများကို တစ်ခုပြီးတစ်ခုထုတ်လွှင့်နေသည်။

ယခု သူတို့လုပ်နိုင်သည်များ မရှိတော့ပေ။ လူမသိသူမသိ အာရှမိန်းကလေးတစ်ဦးဖြစ်သည့်ရှအန်းက အမေရိကန်ကဲ့သို့နေရာမျိုးတွင် တောမီးလောင်သွားသကဲ့သို့ ဂုဏ်သတင်းပျံ့နှံ့သွားသည်။ လူကြိုက်များသည့် ရော့်ခ်စတား တဲလက်စ်သည်ပင် ထိုမီးထဲတွင ဖမ်းစားခံလိုက်ရသည်။

အဲ့ဒါကြောင့် FXတီဗွီက အဲ့ဒါကိုအခွင့်ကောင်းယူပြီး အစီအစဉ်ကို ထုတ်လွှင့်ဖို့ ပြင်လိုက်တယ် ...

အရှေ့တိုင်းမှာရှိုးတစ်ခုက စိတ်ကူးမယဉ်ထားနိုင်ခဲ့သည့် ရွှေရောင်အချိန်ကာလတစ်ခုကို ပြန်လည်ယူဆောင်လာပေးခဲ့သည်။

Editionဓာတ်ပုံများနှင့်trailerများစွာကို ထုတ်လွှင့်ပြီးသည့်နောက် ယူအက်စ်မှလူများသည်လည်း တရုတ်မှလူများကဲ့သို့ သွေးများဆူပွက်လာသည်။

အဘယ့်ကြောင့်ဆိုသော် 

[ နောက်ဆုံးတော့ ဒီ "နတ်သမီးလေး" က ဘယ်သူဆိုတာသိပြီ ]

[ ဒီနတ်သမီးလေးက ဒီရှိုးကို တရုတ်တန်းမှာ ရိုက်ခဲ့တာပဲ ... ကြည့်မှဖြစ်မယ် ]

[ ဒီနတ်သမီးလေးရိုက်နေတာ ဘယ်လို ရသစုံရှိုး ပါလိမ့် ...ဓာတ်ပုံနဲ့trailerတွေအရဆိုရင် ပါဝင်သူက သူမနဲ့ ကလေးလေးနှစ်ယောက်ပဲ ... ဒါဘယ်လိုမျိုးရှိုးပါလိမ့် ...]

[ နတ်သမီးလေးရိုက်တာ ဘယ်လိုပရိုဂရမ်မျိုးမှန်းမသိရင်တောင် ထောက်ခံပေးမှာပဲ ]

[ ဒီရှိုးက အရမ်းစိတ်ဝင်စားစရာကောင်းမယ့်ပုံပဲ ... ဘာပဲဖြစ်ဖြစ် နတ်သမီးလေးက အရမ်းလှတယ် ]

[ ဒါဆိုရင် တဲလက်စ်ကရော နတ်သမီးလေးရဲ့ရှိုးမှာ ပေါ်လာမှာလား ]

…

အမေရိကမှ အင်တာနက်အသုံးပြုသူများ ဓာတ်ပုံနှင့်trailerများကို ကြည့်ရှု့ပြီးသည့်အခါ ရှအန်းအကြောင်း ပိုမိုဆွေးနွေးလာကြသည်။

ရွှေရောင်ဆံပင်နှင့်ဓာတ်ပုံများကြောင့် အင်္ဂလိပ်နာမည်မရှိသည့်တရုတ်မလေးရှအန်းက "နတ်သမီးလေး" ဟူသည့်နာမည်ကို နိုင်ငံခြားသားများက ပေးထားကြသည်။

ဤနာမည်က ကျယ်ပြန့်စွာတွင်ကျယ်သွားပြီး အခြားနိုင်ငံများမှ နိုင်ငံခြားသားများကလည်း လက်ခံထားကြသည်။

ရှအန်း၏နာမည်ကို တစ်စုံတစ်ယောက်က ပြောလိုက်တိုင်း နတ်သမီးလေးဟု ထည့်သွင်းခေါ်ဝေါ်ကြသည်။

အချို့တရုတ်နိုင်ငံသားများဖြင့် ကြယ်ပွင့်များ၏ဘဝအကြောင်း နောက်ဆုံးရသတင်းများကို မစောင့်နိုင်တော့သဖြင့် နိုင်ငံခြားwebsiteများမှ လာရောက်ကြည့်ရှု့ကြသည်။

ထို့နောက် တရုတ်မှကွန်ယက်တစ်ခုလုံး ပေါက်ကွဲသွားပြန်သည်။

[ ကြည့်ဦး ရှအန်းရဲ့ ဒုတိယမြောက် ရသစုံရှိုးကမိဘနဲ့သားသမီးကြားက အပြန်အလှန်တုံ့ပြန်ချက်မအကြောင်း ရိုက်ကူးထားတဲ့ ရသစုံရှိုး ဖြစ်ပုံပဲ ... ရှအန်းရဲ့သားလေးကို FXရဲ့ တရားဝင်websiteမှာတွေ့လိုက်တယ် သူလည်းtrailerထဲမှာ ပါတယ် ]

အမေရိကန်များက ရှအန်းတွင်သားရှိကြောင်းမသိပေ။ ထိုကလေးကလည်း ရှရှင်းချန်ဖြစ်ကြောင်း မသိကြပေ။

သို့ရာတွင် တရုတ်လူမျိုးများက သိကြသည်။

ထို့ကြောင့်ဓာတ်ပုံနှင့် trailerများကို ကြည့်ပြီးသည့်အခါ ထိတ်လန့်သွားကြသည်။

[ ဝိုး ... နိုင်ငံခြားမှာ ဒါမျိုးရိုက်တယ်ပေါ့ ]

[ ရှိုးတစ်ခုကို အဖေမသိတဲ့ တရားမဝင်ကလေးတစ်ယောက်နဲ့ ရိုက်တယ်ပေါ့ ]

[ လက်မထပ်ပဲ ကလေးရှိတာ ဘာမှားနေလို့လဲ ... လူ့အခွင့်အရေးဆိုတာ နားမလည်ကြဘူးလား ]

[ ဘာပဲဖြစ်ဖြစ် ရှအန်းရဲ့သားလေးက ချစ်ဖို့ကောင်းပြီး နုနုဖတ်ဖတ်လေး ]

[ အသစ်ပါလာတဲ့ အကောင်ပိစိလေးကရောဘယ်သူလဲ ... ရှအန်းရဲ့သားပဲလား ] 

[ ကလေးလေးနှစ်ယောက်က တော်တော်ချစ်ဖို့ကောင်းတယ် ... တစ်ယောက်က ချစ်ဖို့ကောင်းပြီး ဘာမှမသိတဲ့ပုံလေး ... နောက်တစ်ယောက်က အလိုက်သိပြီး ရင့်ကျက်တဲ့ပုံမျိုးလေး ... ငါလည်း အဲ့လိုမျိုးသားလေးနှစ်ယောက် လိုချင်လိုက်တာ ]

[ ရှအန်းရဲ့ ဘဝက အောင်နိုင်သူကြီးလိုပဲ ... ဒီလိုကလေးလေးနှစ်ယောက်နဲ့ဆို ဘယ်‌ယောက်ျားကိုမှ သူမလိုတော့ဘူး ] 

[ ရှအန်းရဲ့ ဒုတိယမြောက် ရသစုံရှိုး က အရမ်းစိတ်ဝင်စားဖို့ကောင်းတာပဲ ... ငါကြည့်ချင်နေပြီ ]

…

လူအုပ်ကြီးက အဆုံးမဲ့သည့်ဓာတ်ပုံများဖြင့် ဗီဒီယိုများအကြောင်း ဆွေးနွေးနေသောကြောင့် ပရိုဂရမ်အဖွဲ့က သူတို့၏ရည်မှန်းချက်အောင်မြင်သွားကြောင်း သိလိုက်သည်။ ကျန်ရှိနေသည့်ဓာတ်ပုံနှင့် trailerများကိုပါ ထုတ်လွှင့်လိုက်သည်။

ထို့အပြင် trailer ဗီဒီယိုအသစ်တစ်ခုလည်းတင်ခဲ့သည်။

ထိုtrailerက ရှအန်း၏ဇိမ်ခံအိမ်ကြီးအကြောင်း ဗီဒီယိုဖြစ်သည်။

ဗီဒီယိုထဲတွင် ရှအန်းက လှပသောအဝတ်အစားများကို ဝတ်ဆင်ထားပြီး ဧည့်ခန်းထံတွင် ကလေးနှစ်ယောက်နှင့် လမ်းလျှောက်နေသည်။

အခန်းတစ်ခု၏ တံခါးချပ်တိုင်းကိုဖွင့်လိုက်တိုင်း ဗီဒီယိုပေါ်မှ အင်္ဂလိပ်စာလုံးများက မည်သည့်အခန်းဖြစ်ကြောင်း ရေးထားသည်။

၎င်းက အခန်းများကိုမိတ်ဆက်ပေးသည့် ဗီဒီယိုဖြစ်သည်။

ဗီဒီယို၏အရောင်အနေအထားက အလွန်တောက်ပသော‌ကြောင့် ဟိုတယ်၏အရောင်က ဥရောပ သို့မဟုတ် အမေရိကန်စတိုင်ဖြစ်ကြောင်း မသိကြပေ။ သို့သော် ဗီဒီယို၏အရောင်ကို ရည်ရွယ်ချက်ရှ်ိရှိဖြင့် ခွဲခြားမရအောင် လုပ်ထားခြင်းဖြစ်သည်။

ပရိုဂရမ်မှ တရားဝင်ဝေ့ပေါ်တွင် တင်ထားသည့် trailer‌ဗီဒီယိုကိုကြည့်ရသည်မှာ အမေရိကန်တီဗွီလိုင်းတစ်ခုကို ကြည့်နေရသကဲ့သို့ပင်။

အထူးသဖြင့် အလွန်ကောင်းမွန်သော ငွေကြေးထောက်ပံ့မှုဖြင့် ဇိမ်ခံအသုံးအဆောင်များပါရှိသော အမေရိကန်ဇာတ်လမ်းတွဲတစ်ခုကဲ့သို့ ခံစားရသည်။

Trailerထဲမှ ရှအန်း၏နေရာထိုင်ရာအိမ်က အလွန်သားနားလှသည်။

အပြင်အဆင်က အဆင့်မြင့်ပြီးခမ်းနားရုံသာမက လူအများကို ဆွဲဆောင်သွားသည့်အရာမှာ ရှအန်း၏ အင်္ဂလိပ်စကားပြောကြောင့်ပင်ဖြစ်သည်။

ကလေးနှစ်ယောက်က အင်္ဂလိပ်လို ကျွမ်းကျွမ်းကျင်ကျင်ပြောဆိုနိုင်သည့်အတွက် တရုတ်လူမျိုးများ ထိတ်လန့်သွားကြသည်။

[ ဒါဘယ်လိုနတ်သမီးရှိုးကြီးလဲ ... အဲ့လိုဇိမ်ခံအိမ်ကြီးမှာနေပြီး ရှိုးတစ်ခုရိုက်နိုင်တဲ့အပြင် ရှအန်းကရော ဘယ်တုန်းက အင်္ဂလိပ်လို ကျွမ်းကျွမ်းကျင်ကျင် ပြောတတ်သွားရတာလဲ ]

[ အံ့ဩစရာကြီးပဲ ... ရှအန်းကတကယ်ကို ကောင်းကောင်းပြောတတ်တယ်ဟ ... နောက်ကနေ အင်္ဂလိပ်စကားပြော ထည့်ထားသလိုကြီးပဲ ]

[ ရှအန်းက အင်္ဂလိပ်စကား တော်တော်ကျွမ်းတာပဲ ... ကလေးနှစ်ယောက်ကလည်း တော်လိုက်တာ ]

[ ရှအန်းက ဘယ်တုန်းကအဲ့လောက် တော်သွားတာလဲ ... ရှအန်းက ရှိုးတစ်ခုမှာ အင်္ဂလိပ်လိုမပြောတတ်ဖူးလို့ ပြောခဲ့ဖူးလားလို့ ]

[ မဟုတ်သေးပါဘူး ... အင်္ဂလိပ်လို‌ဆိုပေမယ့် သေချာတာ ရှအန်းရဲ့အသံပါပဲ ]

[ မင်းတို့ထင်တာ မှားနေပြီ ...နောက်ကွယ်က အသံထည့်ထားတာပဲ ... ရှအန်းရဲ့ပါးစပ်ကိုကြည့်လိုက် သူမက တရုတ်လိုပဲပြောနေတာ ]

[ အင်္ဂလိပ်လိုနောက်ခံစကားပြောက တော်တော်ပြီးပြည့်စုံတာပဲ ... ရှအန်းနဲ့ ကလေးနှစ်ယောက်က တရုတ်လိုပဲပြောနေတာဟ ]

[ လန့်စရာပဲ ... ရိုက်ကူးရေးအဖွဲ့က ရှအန်းအသံနဲ့ တစ်ထပ်တည်းတူတဲ့ ဒီလိုမျိုးအသံသရုပ်ဆောင်ကို ဘယ်ကရှာထားပါလိမ့် ]

[ အသံသရုပ်ဆောင်ကမိုက်တယ် ... သူတို့က သူမကိုအတုခိုးတတ်ရုံမကဘူး ... အင်္ဂလိပ်စကားပြောလည်း နားထောင်ကောင်းတယ် ... သူတို့က နိုင်ငံခြားသားတွေပဲများလား ]

[ ဒီလို အတုအယောင်တွေလုပ်ဖို့မလိုပါဘူး ... ဒါပေမဲ့ ပရိုဂရမ်ကိုအမေရိကန်တီဗွီလိုင်းကလွှင့်တာဆိုတော့ နားလည်ပေးနိုင်ပါတယ်လေ ]

[ နိုင်ငံခြားသားတွေက တရုတ် ရသစုံရှိုး တွေကိုကြည့်ရတာ ဘယ်လိုလုပ်ကြိုက်မှာလဲ သေချာပေါက်အပြစ်တင်မှာပေါ့ ... ရှအန်းကလည်း အင်္ဂလိပ်လိုမှ မပြောတတ်တာ ]