အပိုင်း ၁၅၅
Viewers 33k
Chapters 264

Chapter 155


"ရှအန်း၏စတားဘဝ" ဒုတိယပိုင်းကိုပြည်တွင်းမှ ဘာသာပြန်အဖွဲ့က ဘာသာပြန်ပြီး အင်တာနက်ပေါ်တင်လိုက်ချိန်တွင် အားလုံးထိတ်လန့်သွားကြသည်။ 


ဒုတိယပိုင်းအစတွင် ပေါ်လာသည့် ဒါရိုက်တာကို မြင်လိုက်ရသည့်အခါ အံ့အားသင့်သွားကြသည်။


ဒါရိုက်တာဆိုသည်မှာ ရိုက်ကွင်းနောက်ကွယ်မှ အလုပ်သမားတစ်ဦးသာဖြစ်သော်လည်း ယေဘုယျအားဖြင့် ပြောရလျှင် အနုပညာရှင်တစ်ယောက်သာဖြစ်သည်။ "ရှအန်း၏စတားဘဝ" ဒုတိယပိုင်းမှ ဒါရိုက်တာက နိုင်ငံခြားဒါရိုက်တာတစ်ယောက်ဖြစ်သည်။


၎င်းက ပုံမှန်မဟုတ်ပေ။ ဂရေစ့်က သာမန်ဒါရိုက်တာတစ်ယောက် မဟုတ်ပေ။


သူမ၏ရုပ်ရှင်ကားများက box officeတွင် အမြဲတမ်းကျော်ကြားသည်။ သူမကို box office၏ အမြင့်ဆုံးဒါရိုက်တာများထဲမှတစ်ယောက်ဟု ခေါ်နိုင်သည်။


ထို့ထက် ပိုအရေးကြီးသည်မှာ နိုင်ငံခြား ဒါရိုက်တာများသည် တရုတ်နိုင်ငံတွင် Box Office စုဆောင်းမှု အမြင့်ဆုံးဖြစ်သည်။ သူမ၏ရုပ်ရှင်များတွင် ဇာတ်ညွှန်းဇာတ်ကွက်နှင့် အထူးပြုလုပ်ချက်များ အထူးကောင်းမွန်ပြီး သရုပ်ဆောင်များရွေးချယ်ရာတွင် ဒါရိုက်တာဂရေစ့်၏ အမြင်မှာလည်း အလွန်ထူးခြားသည်။


ထို့ကြောင့် အထူးပြုလုပ်ချက်များနှင့် ပထမအဆင့် ဂရပ်ဖစ်ရုပ်ရှင်များကို ထုတ်လုပ်နိုင်သည့် အလွန်တော်သော ဒါရိုက်တာတစ်ဦးဖြစ်သည့်အတွက် တရုတ်နိုင်ငံတွင်လည်း သူမ၏ပရိသတ်များစွာရှိသည်။


ထို့ကြောင့် သူမက တရုတ်နိုင်ငံမှ ပရိသတ်များစွာ အလွယ်တကူမှတ်မိနိုင်သည့် နိုင်ငံခြားဒါရိုက်တာတစ်ယောက် ဖြစ်သည်။


ထို့ကြောင့် ရှအန်၏ ရသစုံရှိုး တွင် ဂရေစ့်နှင့်အလွန်တူသော ဒါရိုက်တာတစ်ယောက်ပါလာသည့်အခါ တုန်လှုပ်ခြောက်ခြားသွားကြသည်။


ဂရေစ့်ရဲ့ ရုပ်ရှင် “Return to Earth” မှာ အဓိကဇာဆ်လိုက်က ဘယ်သူလဲ ...


ရှအန်းကလည်း ဂရေစ့်လို့ထင်ရတဲ့ ဒါရိုက်တာရဲ့ရိုက်ကွင်းမှယ အလုပ်လုပ်နေတယ် ...


ဒါဆိုရင် “Return to Earth” ရဲ့အမျိုးသမီးဇာတ်လိုက်က ရှအန်းဖြစ်နိုင်တယ်လို့ ဆိုလိုတာပေါ့ ...


ထို့ကြောင့် ပြည်တွင်းမှ အင်တာနက်အသုံးပြုသူများက နိုင်ငံခြားပရိသတ်များထက်ပို၍ ဆူပွက်နေကြသည်။


တရုတ်လူမျိုး အမျိုးသမီးသရုပ်ဆောင်က ဟောလိဝုဒ်မှာ အဓိကဇာတ်လိုက်အဖြစ် သရုပ်ဆောင်တာ ပထမဆုံးပဲလေ ...


ပြီးတော့ အာရှတစ်ခွင်မှာလည်း ပထမဆုံးပဲ ...


ဒါမျိုးကို မထိတ်လန့်ပဲနေမှ ထူးဆန်းမှာလေ ... သူတို့ဂုဏ်ပြုနေကြပြီ ...


[ ချီးပဲ ရှအန်းက တကယ့်ကို “Return to Earth” ရဲ့ အဓိကဇာတ်လိုက်လား ]


[ ဒုတိယပိုင်း အစမှာပါတဲ့ ဒါရိုက်တာက ဂရေစ့်ထင်တယ် ]


[ ဒါရ်ိုက်တာက ဂရေစ့်ဆိုရင်တောင် ရှအန်းက အမျိုးသမီးဇာတ်လိုက်လို့ မဆိုလိုဘူးလေ] 


[ ရှအန်းက အမျိုးသမီးဇာတ်လိုက်တဲ့လား ... မဖြစ်နိုင်ပါဘူး ... သူမက သရုပ်ဆောင်တတ်လို့လား ပြီးတော့ အင်္ဂလိပ်စကားတောင် မကျွမ်းဘူးလေ ... တိုက်ခိုက်တာကလွဲပြီး သူမမှာ ဘာစွမ်းရည်မှမရှိဘူး ]


[ မဟုတ်ဘူး ... သူမက လှတယ်လေ ]


[ ရှအန်းသာ “Return to Earth” ရဲ့ အမျိုးသမီးဇာတ်လိုက်ဆိုရင် တကယ်ကောင်းမှာပဲ ... ငါတို့ရဲ့ ပြည်တွင်းက အမျိုးသမီးသရုပ်ဆောင်တွေ ဟောလိဝုဒ်မှာ တစ်ခါမှဇာတ်လိုက်နေရာက သရုပ်မဆောင်ဖူးဘူးလေ ]


[ ငါတို့ နိုင်ငံက တခြားလူမရှိတော့ဘူးလား ... ရှအန်းသာ မင်းသမီးလုပ်မယ်ဆိုရင် ရှက်ဖို့ကောင်းမနေဘူးလား ]


…


အင်တာနက်ပေါ်တွင် ရှအန်းက “Return to Earth”၏ ဇာတ်လိုက်ဟုတ်မဟုတ် ငြင်းခုန်နေကြချိန်တွင် အင်တာနက်ပေါ်၌ သတင်းတစ်ခု ဖောင်းပွလာပြန်သည်။


ဆိုက်ဘာအဖွဲ့က ရှအန်း၏ အားနည်းချက်များကို အမိအရဖမ်းဆုပ်ပြီး မကောင်းသတင်းများ ဖြန့်လာကြသည်။


ရှအန်းက အင်္ဂလိပ်လို မပြောနိုင်ကြောင်း ရှအန်း၏ သရုပ်ဆောင်စွမ်းရည်များက မကောင်းမွန်ကြောင်း နှင့် “Return to Earth” ၏ ဇာတ်လိုက်မဖြစ်သင့်ကြောင်းစသဖြင့် သတင်းများ ထွက်ပေါ်လာသည်။


ရှိုးတစ်ခုတွင် ရှအန်းက သူမအင်္ဂလိပ်စကားမပြောနိုင်ကြောင်း ပြောပြခဲ့ဖူးသည်။


သူမ၏ သရုပ်ဆောင်စွမ်းရည်ကလည်း အမှန်ပင် ဆိုးဝါးသည်။ သို့မဟုတ်ပါက တရာတ်နိုင်ငံမှ ဒါရိုက်တာများက သူမကို ပန်းအိုးသရုပ်ဆောင်ဟုခေါ်မည်မဟုတ်ပေ။


ဤတစ်ကြိမ်တွင် ဆိုက်ဘာအဖွဲ့က ရှအန်းကို စကားလုံးများဖြင့်သာ တိုက်ခိုက်ရုံမကပဲ ရည်ရွယ်ချက်ရှိရှိဖြင့် ဗီဒီယိုcollectionတစ်ခုကို ဖြန့်လိုက်သည်။ ထိုဗီဒီယိုထဲတွင် သူမ အင်္ဂလိပ်စကားမပြောနိုင်ကြောင်းပြောထားသည့် variety showလည်း ပါဝင်သည်။ ရှအန်း သရုပ်ဆောင်ခဲ့သည့် ဇာတ်လမ်းတွဲနှင့် ရုပ်ရှင်ကားများမှ ဗီဒီယိုကလစ်များလည်းပါသည်။


အကယ်၍ ထိုဗီဒီယိုများကို မပေါင်းထားပါက အဆင်ပြေသော်လည်း အားလုံးကို စုပေါင်းလိုက်သည့်အခါ ရှအန်း၏ သရုပ်ဆောင်ချက်က အလွန်ပင် ဆိုးနေသည်။


ရှအန်းပါဝင်ခဲ့သည့် အမျိုးစုံသောဇာတ်ကောင်များက တုံးအသည့်ပုံသာဖြစ်နေပြီး သရုပ်ဆောင်မှု မပါဝင်ပေ။ သူမက သရုပ်ဆောင်စွမ်းရည်မရှိသည့် ပန်းအိုးသရုပ်ဆောင်တစ်ယောက်သာဖြစ်သည်။


ဆိုက်ဘာအဖွဲ့၏ ဦးနှောက်ဆေးမှုကြောင့် ရှအန်း၏ အဆင့်အရ ဂရေစ့်၏ရုပ်ရှင်တွင် အမျိုးသမီးဇာတ်လိုက်ဖြစ်ရန် မသင့်လျော်ဟု အချို့လူများ ခံစားလာရသည်။


အင်္ဂလိပ်စကားမပြောတတ် သရုပ်ဆောင်စွမ်းရည်မရှိသူကို ဂရေစ့်ကဲ့သို့ ကျွမ်းကျင်သည့်ဒါရိုက်တာတစ်ယယောက် သေချာပေါက် ဇာတ်ကောင်တစ်ခုပေးမည်မဟုတ်ပေ။


ကြော်ငြာသက်သက်ပဲပေါ့ ...


[ ငါအရင်ကတော့ ရှအန်းကို “Return to Earth”ရဲ့ ဇာတ်လိုက်ဖြစ်မယ်ထင်ခဲ့တာ ဒီဗီဒီယိုကို ကြည့်ပြီးတော့ ငါအတွေးခေါင်သွားတယ်ဆိုတာ သိလိုက်တယ် ... ဒါရိုက်တာဂရေစ့်ရဲ့ ရုပ်ရှင်တွေအပေါ် လေးနက်တဲ့ စိတ်နေသဘောထားအရဆိုရင် ရှအန်းကို သူမစတူဒီယိုထဲတောင် ဝင်ခွင့်ပေးမယ်မထင်ဘူး ...]


[ ဒါရိုက်တာဂရေစ့်က လူသိများတဲ့ ဒါရိုက်တာကောင်းတစ်ယောက်ပဲ ... ရှအန်းကတော့ ဘယ်လိုသရုပ်ဆောင်ရမှန်းမသိတဲ့အပြင် အင်္ဂလိပ်လိုလည်း မပြောတတ်ဖူး ... ဒါကြောင့် သူမက အဓိကဇာတ်လိုက်ဖြစ်မယ်မထင်ဘူး ... အင်တာနက်ပေါ်ကဟာတွေက မဟုတ်တဲ့သတင်းတွေပေါ့ ... ပွင့်ပွင့်လင်းလင်းပြောရရင် ရှအန်းက အဘန်းခံထားရတာလေ ... အမေရိကန်မှာ လူသိများနေရင်တောင် အသုံးမဝင်ဘူး ]


[ ငါ ဘာပြောရမှန်းတောင်မသိဘူး ... ဒါရိုက်တာဂရေစ့်နဲ့တူ‌တဲ့ တစ်ယောက်ယောက်ကို ရည်ရွယ်ချက်ရှိရှိရှာပြီး ရှိုးကိုရိုက်ထားတာလား ... ရွံစရာကောင်းတယ် ]


[ ဒါရိုက်တာဂရေစ့်ကြောင့်  အင်တာနက်ပေါ်မှာ ရှအန်းtrendingဖြစ်သွားတာပဲ ]


[ “Return to Earth” ပရိုဂရမ်အဖွဲ့ကိုပဲ အမျိုးသမီးဇာတ်လိုက်ကို ကြေညာဖို့စောင့်ရတော့မှာပေါ့ ]


…


ရှအန်းအကြောင်း အင်တာနက်ပေါ်မှ ဝေဖန်ချက်များကိုဖတ်ကာ ရှကျင်းကျေနပ်နေသည်။


သူမက ငွေကုန်ကြေးကျခံ၍ ဆိုက်ဘာအဖွဲ့ကို ငှားရမ်းကာ ရှအန်း၏ မကောင်းသတင်းများ ဖွခိုင်းထားခြင်းဖြစ်သည်။ ရှအန်းကို စိတ်ညစ်အောင် သို့မဟုတ် သူမကို ဖျက်ဆီးနိုင်သရွေ့ သူမပျော်ရွှင်သည်။


ဒါပေမဲ့ ...


" ရှအန်းက တကယ်ပဲ “Return to Earth”ရဲ့ အမျိုးသမီးဇာတ်လိုက်လား ..."

သူမ နူညံ့စွာရေရွတ်လိုက်သော်လည်း သူမမျက်နှာက အလွန်ပျက်ယွင်းနေသည်။


အကယ်၍ ရှအန်းက “Return to Earth”၏ ဇာတ်လိုက်ဖြစ်ပြီး ဒုတိယပိုင်းမှ ဒါရိုက်တာသည်လည်း ဂရေစ့်ဖြစ်ခဲ့ပါက သူမအလိုမရှိလျှင်ပင် ရှအန်းက သေချာပေါက် ကောင်းကင်ပေါ်သို့ ရောက်သွားမည်ဖြစ်သည်။


ထိုသို့ဖြစ်ခဲ့ပါက ကွန်ယက်နှင့် နောက်ခံအင်အားကို အသုံးပြု၍  ရှအန်းကို  ပိတ်ဆို့နိုင်တော့မည်မဟုတ်ပေ။


ရှအန်းက အသက်ပြင်းပြင်းရှုနေသည်ကို ရပ်လိုက်ပြီး သူမ မျက်လုံးများက ပို၍ အေးစက်လာသည်။


" မဟုတ်သေးဘူး မဖြစ်နိုင်ပါဘူး ... ရှအန်းက ဘယ်လောက်ကံကောင်းမယ်တဲ့လဲ ...သူမက  “Return to Earth”ရဲ့ ဇာတ်လိုက်မဖြစ်လောက်ပါဘူး ..."


ပြည်တွင်းက ဒါရိုက်တာတွေရဲ့ ရုပ်ရှင်ကားတွေမှာတောင်ပါဖို့ အရည်အချင်းပြည့်မီခဲ့တာမှ မဟုတ်တာ ...


ထိုသို့ တွေးမိသည့်အခါ ရှကျင်း၏မျက်နှာက စိတ်သက်သာရာရသွားသည့်ပုံပင်။ ရှအန်းက ဇာတ်လိုက်မဟုတ်နိုင်ဟု သူမရင်ထဲ ခိုင်မာစွာယုံကြည်ထားသည်။ 


" နိုင်ငံခြားတီဗွီရုပ်သံလိုင်းတစ်ခုမှာ variety show တစ်ခု ထုတ်လွှင့်ခွင့် ရထားရင်တောင် သူတို့ရဲ့ ဖျော်ဖြေရေးနယ်ပယ်ထဲ ဝင်ရောဖို့က မလွယ်နေဘူး ..."


ရှအန်းကို ဒုက္ခပေးရန် နည်းလမ်းများကို သူမစဉ်စားနေဆဲ‌ဖြစ်သည်။ အမေရိကန်က ဝေးလွန်းသည့်အတွက် ရှအန်းကို လက်ရှိအချိန်၌ ဘာမှထပ်မလုပ်နိုင်ဖြစ်နေသည်။


အကယ်၍ ရှအန်းသာ တရုတ်ပြည်တွင်ရှိပါက သူမအပေါ်သို့ ရေညစ်ပတ်များလောင်းချနိုင်သည်။


ထိုအချိန်သူမ၏ ဖုန်းမြည်လာသဖြင့် အတွေးများပြတ်တောက်သွားသည်။


ဖုန်းကိုထုတ်လိုက်သည့် မျက်နှာပြင်ပေါ်မှ မရင်းနှီးသော နံပါတ်တစ်ခုကို မြင်လိုက်ရသည်။ သို့သော် သူမဖုန်းကိုင်လိုက်သည်။


" ဟေး မင်းဘာလို့ ဖုန်းခေါ်တာလဲ ..."


" မစ္စရှ တစ်ယောက်ယောက်က အဲ့ဒါကို ရှာနေပါတယ် ..."


" ဘာ ..."

Prev Next