အပိုင်း ၁၅၇
Viewers 33k
Chapters 264

Chapter 157


ရှရှင်းချန်က ကုရှုမော့၏ပါးစပ်ကိုပိတ်ကာ သူစကားမပြောမီ ဆွဲခေါ်သွားသည်။


" မာမား သား ကုရှုမော့နဲ့ အိမ်စာလုပ်လိုက်ဦးမယ် ..."


" အိုး ..."


ရှအန်းက သူမသားလေး ဓားစာခံအဖြစ်ခေါ်သွားသည့် ကူးရှုမော့ကိုကြည့်ကာ ပြုံးလိုက်သည်။


" ကောင်းကောင်းနေကြနော် ရန်မဖြစ်နဲ့ ..."


" ရှောင်ရှင်း သိပါတယ် ..."


" အိုကေ ..."


ကုရှုမော့ကို ရှရှင်းချန်က ဆွဲခေါ်သွားသည်ကိုကြည့်ပြီး သူတို့မမြင်ရသည့်နေရာရောက်သွားမှ ဟန်ယွဲ့ ထပ်ပြီးရယ်တော့သည်။


" အိုး ရှအန်း မင်းရဲ့အိမ်က ရတနာပိစိလေးနှစ်ယောက်က တော်တော်ချစ်စရာကောင်းတာပဲ ..."


" ဟုတ်တယ် သူတို့က အရမ်းချစ်စရာကောင်းတဲ့ ကလေးလေးတွေ ..."


ရှအန်း ခေါင်းငြိမ့်ပြီး ပြုံးပြလိုက်သည်။ သူမ ယခင်က ကလေးများကို မုန်းတီးသည့်အပြင် ၎င်းတို့ကို ပြုစုစောင့်ရှောက်ရခြင်းကိုလည်း သ‌ဘောမကျပေ။ ယခု သူမတွင် အကောင်ပေါက်လေးနှစ်ကောင်ရှိနေသောအခါမှ ထိုကလေးများက အလွန်ချစ်စရာကောင်းသည်ဟု တွေးမိလာသည်။


" စကားမစပ် မင်းရဲ့အေးဂျင့်အသစ် ရှုထျန်းထျန်းက မကြာခင် ယူအက်စ်ကို လာတော့မယ်တဲ့ ..."


ရှအန်းက အခြားကိစ္စများကြောင့် အဓိကအလုပ်အကြောင်းပြောရမည်ကို မေ့သွားခဲ့သည်။


ရှအန်းက ခေါင်းငြိမ့်ပြကာ အပြုံးတစ်ခုဖြင့် ပြောလိုက်သည်။

" ရှင် တော်တော်လေး စိတ်အေးသွားရပြီပေါ့ ..."


" အဲ့လိုမဟုတ်ပါဘူး ... ငါက ကိုယ့်အလုပ်နဲ့ကိုယ် တစ်နေကုန် ရှုပ်နေတဲ့လူလေ မင်းရဲ့ အလုပ်တွေကလည်း ငါ့ဆီရောက်လာတာကိုး ... မင်းနဲ့ အလုပ်လုပ်ချင်တဲ့လူတွေက များလွန်းတော့ ငါ့ဆီကို ညဘက်ပါမချန် ဖုန်းဆက်ကြတယ်လေ ... ငါ ကောင်းကောင်းအိပ်ဖို့ လိုသေးတယ် ..."


ဟန်ယွဲ့၏စိတ်ထဲတွင် ရှအန်းအတွက် အလကားအလုပ်လုပ်ပေးနေရသည်ဟုပင် ထင်လာမိသည်။


" အခု ရှုထျန်းထျန်းရောက်လာပြီဆိုတော့ မင်းဆီက လွတ်သွားပြီ ..."


" ရှင့်အတွက် တော်တော်ခက်ခဲခဲ့မှာပဲ ..."


" ဒါပေမဲ့ ပွင့်ပွင့်လင်းလင်းပြောရရင် ရှုထျန်းထျန်းက ငါ့ထက်ပိုပြီး လုပ်ရည်ကိုင်ရည်ရှိတယ် ... ဒီရက်ပိုင်းတွေမှာ ငါအလုပ်ရှုပ်နေတော့ ပြည်တွင်းသတင်းတွေကို အာရုံမစိုက်မိဘူး ... ဒါပေမဲ့ ရှုထျန်းထျန်းကတော့ လုံးဝ မျက်ခြေပြတ်မခံဘူး ... သူမပြောတာတော့ မင်းကို ဒီရက်ပိုင်း တစ်ယောက်ယောက်က တိုက်ခိုက်နေတယ်တဲ့ ... သူမ ဒီကိုမလာခင် ဒါရိုက်တာဂရေစ့်ရဲ့ ဖုန်းနံပါတ်တောင် တောင်းသေးတယ် ..."


ရှအန်း သင်္ကာမကင်းဖြစ်သွားသည်။

" သူမက ဘာလို့ ဒါရ်ိုက်တာဂရေစ့်ရဲ့ ဖုန်းနံပါတ်ကို လိုချင်တာလဲ ..."


" သေချာပေါက်သူ့ကို အကြောင်းအရင်းပြောပြပြီး မင်းက အမျိုးသမီးဇာတ်လိုက်ဆိုတာ ကြေညာဖို့ပေါ့ ...မင်းက တရုတ်က မင်းရဲ့သတင်းတွေကို အာရုံမစိုက်ဖူးလေ ... ရှုထျန်းထျန်းရဲ့ အပြောအတိုင်းဆို မင်းက “Return to the Earth”ရဲ့ ဇာတ်လိုက် မဖြစ်သင့်ဘူးဆိုပြီး သွားပုပ်လေလွင့်ပြောနေကြတယ်တဲ့ ...ပြီးတော့ ဒါရိုက်တာဂရေစ့်ကိုပါ ဆွဲထည့်နေတယ် ..."


ဟန်ယွဲ့က နိုင်ငံတွင်းမှ ကိစ္စများအားလုံးကို ပြောပြလိုက်သည်။


တော်တော်ရယ်ရတာပဲ ...


သူမရဲ့ပြိုင်ဘက်ကပဲ တုံးအနေတာလား ... ရန်သူကပဲ သူမကိုတုံးတယ်ထင်နေတာများလား ...


ဒီလို တုံးအတဲ့ကိစ္စမျိုးနဲ့ သူမကိုနာမည်ဖျက်တာ ကိုယ့်ကိုကိုယ်သတ်သေသလိုပဲမလား ...


" ကျွန်မသဘောပေါက်ပြီ ... ရှုထျန်းထျန်းက ကျွန်မကို ဇာတ်လိုက်အဖြစ် တရားဝင်ကြေညာဖို့ ဒါရိုက်တာဂရေစ့်ကို မေးချင်တာထင်တယ် ..."


" မဟုတ်ဘူး ဒါတင်မကသေးဘူး ...သူမရဲ့ အစီအစဉ်တွေက ငါတို့ထက်ပိုမြင့်တယ် ... သူမက မင်းအတွက် ပုံရိပ်တစ်ခု တည်ဆောက်ပေးနေတာ ..."


" ကျွန်မရဲ့ပုံရိပ်လား ..."

ရှအန်း ဝတ္ထုတစ်ခုကဲ့သို့ ခံစားလိုက်ရသည်။


" အလုပ်ကြိုးစားပြီး တော်တဲ့ မင်းသမီးတစ်ယောက်ရဲ့ပုံရိပ်ကို တည်ဆောက်ပေးနေတာ ..."


ပြောပြီးသည့်နောက် ဟန်ယွဲ့ရယ်လိုက်သည်။ 


" ရှအန်း စောင့်ကြည့်နေလိုက်ပါ ... ရှုထျန်းက အရမ်း အရည်အချင်းရှိတယ် ... သူသာ မင်းရဲ့အေးဂျင့်ဆိုရင်  ခုချိန်ကစပြီး မင်းရဲ့ပုံရိပ်ကဆိုးရွားတော့မှာ မဟုတ်ဘူးလို့ အာမခံနိုင်တယ် ..."


ထိုအချိန်က ဟန်ယွဲ့၏စကားများက အမှန်ဖြစ်လာမည်ဟု ရှအန်းမထင်ခဲ့ပေ။


မကြာမီ သက်ရောက်မှုများကို  သူမမြင်တွေ့ခဲ့ရသည်။


တရုတ်နိုင်ငံတွင် ဆိုက်ဘာအဖွဲ့မှ ဖြန့်သည့် ဗီဒီယိုများကြောင့် ရှအန်းအပေါ်တွင် ပြင်းထန်သော ထိုးနှက်မှုတစ်ခု ဖြစ်ပေါ်လာသည်။


ရှအန်း၏ သရုပ်ဆောင်ညံ့ဖျင်းသောဗီဒီယိုမှာ ကြည့်ရှု့သူ မီလီယံတစ်ရာကျော်သွားပြီဖြစ်သည်။


၎င်းဗီဒီယိုက ထိုးနှက်ခြင်းခံရမည်ဟု မည်သူမျှမထင်ခဲ့ကြပေ။


ရုတ်တရက် ရှအန်း အင်္ဂလိပ်စာလေ့လာနေသော ဗီဒီယိုနှင့် သရုပ်ဆောင်ပညာကို သင်ယူနေသည့် ဗီဒီယိုတစ်ခု အင်တာနက်ပေါ်တွင် တိတ်ဆိတ်စွာ ထွက်ပေါ်လာသည်။


[ ရှအန်းရဲ့ သင်ခန်းစာအချိန် စတက်ပါပြီ ... # ရှအန်း စာသင်နေခြင်း #ပထမဆုံးအတန်း ]


ထိုဝေ့ပေါ်အကောင့်တွင် Vစာလုံး မပါရှိသည့်အပြင် အသစ်ဖွင့်ထားသော အကောင့်တစ်ခုဖြစ်သည်။


မကြာမီ ထိုဝေ့ပေါ်တွက် followerများ တစ်ဟုန်ထိုးတက်လာပြီး ဂဏန်းတစ်လုံးမှ ငါးလုံးအထိ ရောကမလာသည်။


ထိုဗီဒီယိုလေး၏ ပါဝင်မှုများက မရှည်လျားပေ။ ဗီဒီယိုများစွာကို စုစည်းထားသော်လည်း ဆယ်မိနစ်သာကြာသည်။ 


သို့ရာတွင် ထိုဆယ်မိနစ်က လူအားလုံးကို ထိတ်လန့်သွားစေသည်။


ထိုဗီဒီယိုတွင် ရှအန်းက အင်္ဂလိပ်စာနှင့် သရုပ်တောင်ခြင်းကို အလေးအနက်သင်ယူနေသည်ကို တွေ့နိုင်သည်။


ဗီဒီယိုကို ကြည့်ရှု့ပြီးကြသူတိုင်းက ကောင်းသောဝေဖန်ချက်ဖြင့်သာ forwardလုပ်ကြသည်။


ဝေ့ပေါ်တွင် ထိုဗီဒီယိုလေးက hot searchတွင် ရောက်ရှိလာရန် အချိန်မကြာမြှင့်လိုက်ပေ။


ထို့ပြင် #ရှအန်း၏စာသင်ချိန် က အထူးနာမည်ကြီးသော သတင်းတစ်ပုဒ်ဖြစ်လာသည်။


[ ဒီမှာကြည့် ငါပြောသားပဲ ... ရှအန်းရဲ့ သင်ယူနိုင်စွမ်းကတော့ အရမ်းမြင့်တယ် ]


[ ဒီဗီဒီယိုထဲမှာ ရှအန်းက မြန်မြန်ဆန်ဆန်ကို သင်ယူနေတာပဲ ... ရှအန်းရဲ့သားလေးက ဉာဏ်ကောင်းတယ်လို့ ကြားဖူးတယ် မျိုးရိုးလိုက်တာပဲဖြစ်မယ် ]


[ ရှအန်းရဲ့သားလေးက ဘာကြောင့်အရမ်းဉာဏ်ကောင်းနေပါလိမ့်လို့ တွေးနေတာ အဲ့ကလေးက ဗီဇကောင်းတွေ ရှိနေတာကိုး ]


[ ဒါဆိုရင် "ရှအန်း၏စတားဘဝ" က အင်္ဂလိပ်နောက်ခံစကားပြောက ရှအန်းကိုယ်တိုင်ပြောထားတာပေါ့ ... ရှအန်းက အရမ်းတော်တာပဲ ]


[ ရှအန်းရဲ့ စာသင်တဲ့ ဗီဒီယိုလေးက စိတ်ဝင်စားစရာကောင်းလိုက်တာ ထပ်ကြည့်ချင်သေးတယ် ]


[ ဗီဒီယိုထဲမှာ ရှအန်းက အင်္ဂလိပ်စာနဲ့ သရာပ်ဆောင်တာကို အလေးအနက်လေ့လာနေတယ်ဆိုတော့ ဂရေစ့်ရဲ့ “Return to Earth”အတွက် ကြိုတင်ပြင်ဆင်နေတာများလား ]


...


ရှအန်း၏ စာသင်ကြားနေသည့်ဗီဒီယိုက ကြည့်ရှု့သူ အလွန်များပြားလာပြီး တစ်ဆယ်မီလီယံကို တစ်ခဏချင်း ကျော်လွန်သွားသည်။


ထိုစာသင်ကြားနေသော ဗီဒီယိုကို အပိုင်းနှစ်နှင့်သုံးကို ဆက်လက်ထုတ်လွှင့်လိုက်သောကြောင့် ရှအန်း၏ စစ်မှန်သောကြိုးစားအားထုတ်မှုကို တွေ့မြင်လာနိုင်ကြသည်။


ဗီဒီယိုတစ်ခုစီက အချိန်ဆယ်မိနစ်သာရှိသော်လည်း ရှအန်းက အလေးအနက်သင်ယူနေသည်ကို မြင်တွေ့နိုင်သည်။


တိုးတက်မှုက အလွန်ပင် သိသာလွန်းသည်။


သို့ရာတွင် ဆိုက်ဘာအဖွဲ့က သူမကို နာမည်ဖျက်နေဆဲပင်ဖြစ်သည်။


ဤတစ်ကြိမ်တွင် လူအများက ဦးနှောက်ဆေးမခံတော့ပေ။


အဘယ့်ကြောင့်ဆိုသော် အင်တာနက်ပေါ်တွင် ရှအန်းက အင်္ဂလိပ်စကားပြောဖြင့် ဗီဒီယိုတစ်ခုကို တင်ခဲ့သောကြောင့်ပင်။


ထို့အပြင် ရှအန်း၏ ဒုတိယမြောက် ရသစုံရှိုး၏ တရားဝင် ဝေ့ပေါ်စာမျက်နှာတွင် ဂယက်တစ်ခု ထသွားသည်။


[ "ရှအန်း၏စတားဘဝ" V: ဒီရှိုးကို တရုတ်နိုင်ငံမှာ ထုတ်လွှင့်ဖို့ ကြိုးစားခဲ့ပေမဲ့ ရှအန်းကပိတ်ပင်ခံထားရပါတယ် ... Come on Challengerကလည်း ဆိုင်ငံ့ခံထားရတဲ့အတွက် ယူအက်စ်မှာပဲ ထုတ်လွှင့်နိုင်ခဲ့ပါတယ် 


ဒါပေမဲ့ ရိုက်ကူးရေးလုပ်နေစဉ်အချိန်တွင်းက ရှိုးကို ယူအက်စ်မှာ ပြသရမယ်လို့ မထင်ထားခဲ့တဲ့အတွက် ဒိုင်ယာလော့တွေကို တရုတ်လိုပဲ ပြောခဲ့တာပါ ... အဲ့ဒါကြောင့် ရှအန်းက ရှိုးမှာ တရုတ်လိုပြောနေတာကိုပဲ မြင်တွေ့ခဲ့ရတာပါ ...


ဒါကြောင့် "ရှအန်း၏ကြယ်ပွင့်ဘဝကို ယူအက်စ်မှာ ပြသမယ့်အချိန်မှာ ရှအန်းနဲ့ ကလေးနှစ်ယောက်က အင်္ဂလိပ်versionကို ပြန်လည် အသံသွင်းခဲ့ပါတယ် ...


တကယ်လို့ မယုံကြည်ဘူးဆိုရင် အသံသွင်းနေတဲ့ ဗီဒီယိုတွေကိုလည်း ပြသနိုင်ပါတယ် ]


ထိုဝေ့ပေါ်ပိုစ့်က အချိန်မှန်တွင် ထွက်လာခဲ့သည်။


ထို့နောက် ရှအန်း၏ အင်္ဂလိပ်စကားပြောစွမ်းရည်ကို မေးခွန်းထုတ်နိုင်သူ ထွက်ပေါ်မလာတော့အေ။ ရှအန်း စာသင်နေသည့် ဗီဒီယိုက သူမ၏ပုံရိပ်ကို တိုးမြှင့်ရန်အတွက် ရိုက်ကူရေးအဖွဲ့၏ သရုပ်ပြချက်တစ်ခုသာဖြစ်သည်။


အင်္ဂလိပ်စကား တစ်ခါမှမပြောဖူးတဲ့လူတစ်ယောက်က ရက်အနည်းငယ်အတွင်း အင်္ဂလိပ်စကားပြော ကျွမ်းကျင်သွားရတာလဲ ... 


ဒါက အင်္ဂလိပ်စကားလေ့လာတဲ့သူရဲ့ လုံ့လဝီရိယရှိမှုနဲ့ လေးနက်မှုတွေကို ပြသနေတယ် ...


မဟုတ်ရင် သူမက အင်္ဂလိပ်စကား လုံးဝမပြောတတ်တဲ့သူအဖြစ်ကနေ အမေရိကန် ရုပ်သံလိုင်းတစ်ခုကလွှင့်တဲ့ အစီအစဉ်မှာ အင်္ဂလိပ်နောက်ခံစကားပြောပေးတဲ့သူ ဘယ်လိုဖြစ်လာမှာလဲ ...


ရှုထျန်းထျန်းက အလွန်ဉာဏ်ကောင်းသည်။


ဟန်ယွဲ့၏ မူလအစီအစဉ်မှာ ရှအန်း စတူဒီယိုထဲတွင် နောက်ခံစကားပြောနေသည့် ဗီဒီယိုကို ဖြန့်ဝေရန်ဖြစ်သည်။


သို့ရာတွင် သူ့အလုပ်နှင့်သူ မအားသဖြင့် ကိစ္စများကို မေ့သွားပုံပင်။ သို့ရာတွင် သူ၏ ခဏတာသတိမေ့မှုကျေးဇူးဖြင့် ကြီးမားသော တုံ့ပြန်မှုတစ်ခုကို ရရှိခဲ့သည်။

Prev Next