Chapter 61

👥️Chapter 61

“တကယ်တမ်းတော့ မင်းကို လက်ထိပ်ခတ် .. မျက်လုံးကိုပါ စည်းထားပြီးတော့ ...”

ယီချန်းယန်က စကားစကို တမင်တကာ ရပ်တန့်ကာ  ယန်အန်းယု၏ နဖူးထက်ရှိ ဆံပင်များကို လှန်တင်၍ ကြည်လင်ရှင်းသန့်နေသည့် နဖူးပြင်ကို လှစ်ဟပြစေလိုက်သည်။ 

“ပြီးရင် ကိုယ် ဘာလုပ်မယ်ထင်လဲ .. မှန်းကြည့်ပါလား ...”

လက်ချောင်းတို့က ယန်အန်းယု၏ ပါးပြင်ကို ညင်သာစွာ ထိတွေ့လိုက်သည်။ ထိုသို့ ပြောနေရင်း ခန္ဓာကိုယ်ကိုပါ ဖိချလိုက်သည့် ယီချန်းယန်၏ မျက်ဝန်းများမှာ မှုန်ဝေရီမှိုင်းကာ အမျိုးအမည် မသိသည့် စိတ်ဆန္ဒတို့ဖြင့် ပြည့်နှက်နေပေသည်။ 

အဓိပ္ပါယ် ဝေဝါးလှသည့် စကားများအပြင် ရှက်စဖွယ် ကိုယ်နေဟန်ထားကြောင့် ယန်အန်းယု၏ ပါးနှစ်ဖက်မှာ မီးတောက်သဖွယ် နီစွေးပူပြင်းနှင့်နေပြီ ဖြစ်သည်။ 

“ကျွန်တော် .. ကျွန်တော် .. အရမ်းကို မကောင်းတာတစ်ခုကို တွေးမိနေပြီ ချန်းယန် ခင်ဗျား .. ngh! …”

သူ့ကို ပြီးဆုံးသည်အထိ စကားပြောခွင့် မပေးတော့ဘဲ ယီချန်းယန်သည် ပူလောင်ပြင်းရှသည့် အနမ်းများဖြင့် နှုတ်ပိတ်လိုက်လေသည်။ 

နှုတ်ခမ်းနှင့် လျာတို့ ရစ်ပတ်လိမ်ယှက်သွားကာ အသက်ရှူငွေ့တို့က မျက်နှာနှစ်ခုလုံးကို အကြားအလပ်မရှိ ရိုက်ခတ်လာတော့သည်။ ယီချန်းယန်၏ နူးညံ့သည့် လျာက ယန်အန်းယု၏ အပေါ်သွားဖုံးအနှံ့ လေ့လာစူးစမ်းရင်း သူ့လျှာကိုပါ စုပ်ယူလိမ်ယှက်လျက် စနောက်ကျီစယ်လိုက်သည်။ အာခံတွင်းအနှံ့ လှည့်လည်စူးစမ်းနေသည့် နူးနူးညံ့ညံ့ လျှာကြောင့် ချိုမြိန်ဖွယ် အရသာကောင်းကို ခံစားလိုက်ရကာ .. ယန်အန်းယုသည် ညဉ်းသံတိုးတိုးလေးများကို ထုတ်လွှတ်မိသွားတော့သည်။ 

မည်သည့်အချိန်က စတင်ခဲ့သည် မသိရ၊ သို့သော် ယန်အန်းယုသည် ယီချန်းယန်၏ အနမ်းများထဲတွင် အလွယ်တကူ ယစ်မူးစ ပြုလာ၏။ တစ်ဖက်လူ၏ ထိတွေ့နမ်းရှိုက်မှုကို အလွန်အမင်း လိုလားတောင့်တနေသည့် သူ့ပုံစံမှာ “ကူ”အဆိပ် မိထားသည့်အလားပင်။ 

ယီချန်းယန်က ယန်အန်းယုကို နမ်းရှိုက်နေရင်း လက်တို့ကိုလည်း တစ်ဖက်လူ၏ ရှပ်အင်္ကျီ အောက်ထဲသို့ အလည်အပတ် သွားရောက်စေလိုက်သည်။ လက်ဖျားထိပ်များက တစ်ကိုယ်လုံးအနှံ့ စုန်ချည်ဆန်ချည် ပွတ်သပ်ကိုင်တွယ်ပြီးနောက် .. ရင်ဘက်နေရာတွင် ရှိနေသော အနီရောင် ပဲလုံးစေ့လေးနှစ်ခုကို ဖျစ်ညှစ်လိုက်တော့သည်။ 

“Ah .. Mnah ...”

ယန်အန်းယုမှာ ထိန်းချုပ်၍ မရစွာဖြင့် ညဉ်းလိုက်မိတော့သည်။ သူ့ရင်ဘက်ကို ဖျစ်ညှစ်ထိတွေ့နေသည့် ယီချန်းယန်၏ လက်ချောင်းများကြောင့် နာကျင်မှုနှင့် သာယာမှုကို ပြိုင်တူ ခံစားလိုက်ရသည်။ ရှောင်တိမ်းလိုသည့် ဆန္ဒများ ဖြစ်ပေါ်လာသည့်တိုင် တစ်ဖက်လူက သူ့ကို လက်နှစ်ဖက်လုံးဖြင့် ထွေးပွေ့ကာ အပေါ်စီးမှ အုပ်မိုးထားပေရာ ... 

များမကြာမီ နှစ်ဦးလုံး အပေါ်ပိုင်း ဗလာဖြစ်သွားကြတော့သည်။ ယီချန်းယန်က ယန်အန်းယု၏ ခန္ဓာကိုယ်အောက်ပိုင်းသို့ လျှောဆင်းသွားကာ သူ့ခြေထောက်တစ်ဖက်ကို မ,၍ ပေါင်အတွင်းသားများကို အနမ်းခြွေလိုက်သည်။ 

ညင်ညင်သာသာတစ်မျိုး ပြင်းပြင်းရှရှတစ်ဖုံ နမ်းရှိုက်နေသည့် ယီချန်းယန်၏ အနမ်းများသည် ယန်အန်းယု၏ အထိမခံသည့် ပေါင်အတွင်းသားများထံသို့ ကျရောက်သွားတော့သည်။ အမြတ်တနိုး ကလူကျီစယ်မှုများကို ခါးစည်းကာ ခံစားနေရမှုကြောင့် ယန်အန်းယု၏ ခန္ဓာကိုယ်မှာ သွေးများဖြင့် ဆူပွက်လာကာ ရမ္မက်ဆန္ဒတို့မှာ ထိန်းချုပ်၍ မရနိုင်လောက်အောင် နိုးထလာတော့သည်။ 

အပူဓာတ်က ခေါင်းစမှ ခြေဖျားအထိ တရစပ် စီးဆင်းသွားတော့၏။ တစ်ကိုယ်လုံး တဆတ်ဆတ် တုန်ရီကာ ရှောင်ရှားမည် ပြုလိုက်သော်လည်း ယီချန်းယန်၏ အနမ်းတို့မှာ ပိုမိုကာပင် နက်ရှိုင်းပြင်းပြလာပြီး .. အရှေ့ခြမ်းတွင် တစ်ဖြည်းဖြည်း ခေါင်းထောင်စ ပြုလာသည့် ယန်အန်းယုပေါက်စလေးကိုပါ လက်ဖြင့် တောက်လိုက်၏။ 

“လိုချင်နေပြီလား .. ရှောင်ယုလေး ...”

ယီချန်းယန်က ခပ်နိမ့်နိမ့်အသံဖြင့် မေးလိုက်သည်။ သူ့အသံမှာ သွေးဆောင်ဖျားယောင်းမှုတို့ဖြင့် ပြည့်နှက်နေ၏။ 

ယန်အန်းယုမှာ အောက်ပိုင်းတစ်ခုလုံး ယီချန်းယန်၏ အနိုင်ကျင့်ကျီစယ်ခြင်းကို ခံစားနေရသည့်တိုင် လက်များမှာမူ လည်စည်းဖြင့် ချည်နှောင်ခြင်းကို ခံထားရဆဲ ဖြစ်သည်။ နဖူးတစ်ခုလုံး ချွေးသီးချွေးပေါက်များဖြင့် ပြည့်နှက်နေကာ မျက်လုံးတို့မှာလည်း ရီဝေမှုန်ဝါးလာတော့သည်။ သူက သက်ပြင်းကို ရှိုက်ကာ ...

“Ngh .. လိုချင်ပြီ ...”

ထိုအဖြေကြောင့် ဖြစ်ဟန်ပင် .. လေထုတစ်ခုလုံး ချက်ခြင်းဆိုသလို ပူနွေးသွားတော့သည်။ 

ယီချန်းယန်၏ ခန္ဓာကိုယ်ထဲတွင် ပိတ်လှောင်ထားသည့် သားရဲကောင်မှာ အတားအဆီးမှ လွတ်ထွက်လာကာ လှုပ်ရှားမှုတို့မှာလည်း ပိုမိုကာ အကြမ်းဆန်လာတော့သည်။ ယန်အန်းယု၏ ခန္ဓာကိုယ်အောက်ပိုင်းကို တင်းကြပ်စွာ ဆုပ်ကိုင်လျက် ပိုင်စိုးလိုစိတ်အပြည့်ဖြင့် အနိုင်ကျင့်ကာ သူ၏ အထိမခံနိုင်သည့် တစ်နေရာကိုသာ တရစပ် ထိုးစစ်ဆင်လိုက်တော့သည်။ မနားစတမ်း တိုက်ခိုက်ခံလိုက်ရမှုကြောင့် ယန်အန်းယုမှာ မျက်ရည်များပင် စီးကျလာကာ အထွတ်အထိပ်သို့ ရောက်ရှိသွားတော့သည်။ 

ယန်အန်းယုက သူ့တစ်ကိုယ်လုံး အရိုးနှင့်အသား တစ်ခြားစီ ဖြစ်ကာ ခါးမှာလည်း အထိမခံနိုင်လောက်အောင် နာကျင် ကိုက်ခဲနေပြီဟု ခံစားမိလာသည်။ သို့သော် အဆက်မပြတ် ခံစားနေရသည့် သာယာမှုက သူ့ကို ယီချန်းယန်နှင့်အတူ အလွန့်အလွန် ရင်းနှီးပူးကပ်ဖွယ် ကိစ္စအား လုပ်ဆောင်နေကြောင်း ဆက်တိုက် အသိပေးနေပေသည်။

နှိုးဆွလှုံ့ဆော်နေသည့် ခံစားချက်က ကျောရိုးမှတစ်ဆင့် သူ့တစ်ကိုယ်လုံးအနှံ့ ပျံ့နှံ့သွားသည်။ ယီချန်းယန်၏ အတောမသတ်နိုင်သည့် တပ်မက်မှုများ၏ အောက်တွင် ယန်အန်းယု၏ တုန့်ပြန်သံမှာ အားလျော့တိုးဝင်သွားကာ ကျယ်ကျယ်လောင်လောင် အော်ဟစ်ညဉ်းသံများမှာလည်း .. ငိုရှိုက်သံ ခပ်သဲ့သဲ့အဖြစ်သို့ ပြောင်းလဲသွားလေသည်။ 

ထိုကဲ့သို့သော ပျော်ရွှင်မှုက ပုရိသများကို ထပ်ကာတလဲလဲ အရိုင်းဆန်သွားစေပေသည်။ ထိုသို့ဖြင့် ယန်အန်းယုနှင့် ယီချန်းယန်တို့၏ အထူးစပါယ်ရှယ် တစ်ခန်းရပ်ပြဇာတ်သည် နာရီများစွာ ကြာမြင့်သွားခဲ့သည်။ 

ထို့နောက်တွင် .. ယန်အန်းယုသည် အိပ်ယာထဲမှ မထနိုင်တော့ချေ။ 

“အိပ်ယာပေါ်က အခန်း” အကြောင်း ပြောတယ်ဆိုတာ ယီချန်းယန် သဝန်တိုမလား သိချင်လို့ စမ်းကြည့်ရုံတင်ပါ ဒီလိုမျိုး ဖြစ်သွားလိမ့်မယ်လို့ ဘယ်သူကများ ကြိုတွေးခဲ့မိမှာတဲ့လဲ ...

 ယန်အန်းယုသည် ယီချန်းယန်၏ ကျောက်စိမ်းသဖွယ် ချောမောကြည်လင်လှသည့် မျက်နှာပြင်ကို တစိမ့်စိမ့် ကြည့်ရှုအကဲခတ်ရင်း .. တစ်ဖက်လူ၏ အိပ်ယာထဲ၌ အလွန် အရိုင်းဆန်သည့် အပြုအမူကို သတိရသွားမိသည့်အတွက် .. ရုပ်ရှင်ဧကရာဇ်ယီသည် သူ၏ လွှမ်းမိုးခြယ်လှယ်လိုစိတ်များကို တစ်ဖြည်းဖြည်း ထုတ်ပြစ ပြုလာပြီဟု ခံစားမိလာလေ၏။ 

****

ယွီစစ်ယွမ် မြင်းပေါ်မှ ပြုတ်ကျကာ ဒဏ်ရာရခဲ့သည်မှာ တစ်လနီးပါး ရှိနေပြီ ဖြစ်သည်။ 

ယန်အန်းယုက “Love Attack For 29 Days” တွင် ခေါင်းဆောင်မင်းသားအဖြစ် ပါဝင်ကာ ယွီစစ်ယွမ်၏ နေရာကို လုယူသွားခဲ့သဖြင့် ပရိသတ်အုပ်စုနှစ်ခုအကြား ပဋိပက္ခမှာ ပိုမိုကာ ကြီးထွားလာခဲ့သည်။ အချို့က ယန်အန်းယုကို အပုပ်ချရန်အတွက် အမှန်တရားကို ဖုံးကွယ်ကာ တမင်တကာ ချဲ့ကားပြောဆိုခဲ့ကြသည့်တိုင် များစွာ ဂယက်မထခဲ့ချေ။ 

ထန်းရှောင်က ယွီစစ်ယွမ် တက်နေသည့် ဆေးရုံသို့ နောက်တစ်ကြိမ် သွားလိုက်ပြန်၏။ ထိုသူသည် သူ့အတွက် အသုံးဝင်နေဆဲ ဖြစ်သည့်အတွက် သူတို့နှစ်ဦးအကြားရှိ ကောင်းမွန်လှသော   ခင်မင်ရင်းနှီးမှုကို အတတ်နိုင်ဆုံး ထိန်းသိမ်းထားရဦးပေမည်။ 

ထန်းရှောင်သည် ရှန်းဟွမ်မီဒီယာနှင့် စာချုပ်ချုပ်ဆို ဝင်ရောက်ချိန်မှစကာ ယွီစစ်ယွမ်ကို သူနှင့် သက်တူရွယ်တူ ဖြစ်လင့်ကစား စီနီယာတစ်ဦးအဖြစ် လေးလေးစားစား ဆက်ဆံပြောဆိုကာ ခင်မင်ရင်းနှီးမှုကို ဖော်ပြခဲ့သည်။ 

ယွီစစ်ယွမ်က သူ့ကျော်ကြားမှု တိုးမြင့်လာစေရန်အတွက် “Challenge First Time” ၏ သတ္တမမြောက်အပိုင်းတွင် ပါဝင်ခဲ့စဉ်က သူ့ကို နောက်ကွယ်မှ ထောက်ပံ့ပေးနေသူသာမက ထန်းရှောင်ကပါ သူ့ကို ဦးစွာ ဆက်သွယ်ကာ အခွင့်အရေးကို အမိအရ ဖမ်းဆုပ်ထားရန် အကြံပြုခဲ့သည်။ 

ဆေးရုံတက်နေစဉ် အချိန်အတွင်း ထန်းရှောင်၏ ထက်သန်စစ်မှန်သည့် စိတ်ရင်းကို မြင်တွေ့ခဲ့ရသည့်အတွက် ယွီစစ်ယွမ်သည် သူ့ခြေထောက် ဒဏ်ရာရသွားခြင်း၏   အဓိကတရားခံမှာ ထန်းရှောင် ဖြစ်နေလိမ့်မည်ဟု ယောင်မှား၍ပင် မတွေးမိခဲ့ဖူးချေ။ ထိုအချိန်အတွင်းတွင် မနာလိုစိတ်တို့ ပိုမိုကာ တိုးများလာသည့် ယန်ဖုန်းသည် ယန်အန်းယုနှင့် ချီစန်းတို့ကို ပိုမိုပြီး အာရုံစိုက်မိလာကာ သူ့စိတ်နှလုံးတစ်ခုလုံး ဟန်ချက်မတည်မငြိမ် ဖြစ်လာသည့်အတွက် လတ်တလောတွင် တစ်ချိန်လုံး သုန်မှုန်မှိုင်းပျနေတော့သည်။ 

ထန်းရှောင်သည် အရာအားလုံးကို အသေးအဖွဲ တစ်ခုချင်းစီကအစ အသေးစိတ် လိုက်လံကာ အကဲခတ်နေသူ ဖြစ်သည့်အလျောက် ယွီစစ်ယွမ်နှင့် ယန်ဖုန်းတို့၏ စိတ်အခြေအနေများကို ကောင်းစွာ သဘောပေါက်လိုက်ပေသည်။ 

“မစ္စတာယန် .. ဟဲလောယင်းကို ဘယ်လိုမြင်လဲ ...”

ထန်းရှောင်က ပြုံးစစဖြင့် သာမန်ကာလျှံကာ မေးလိုက်သည်။ သို့သော် ထိုစကားက ယန်ဖုန်းကို ချက်ခြင်းဆိုသလို အသိတစ်ခု ဝင်သွားစေတော့သည်။ 

သူ့အကြည့်တို့ နက်ရှိုင်းသွားကာ စိတ်ထဲတွင်လည်း တိတ်တဆိတ် အကွက်ချရန် ချိန်ဆမိလာတော့သည်။ 

ထိုလူသစ် သရုပ်ဆောင်အမျိုးသမီးမှာ အရည်အချင်းအားဖြင့်လည်း ပျမ်းမျှအဆင့်တွင်သာ ရှိနေသည့်အပြင် ယခင် ပါဝင်ခဲ့ဖူးသမျှ ဇာတ်ကောင်တိုင်းမှာလည်း ထူးထူးကဲကဲ သိသာထင်ရှားမနေပေ။ ထိုသို့သော လူမျိုးက “Love Attack For 29 Days” ၏ ဒုတိယဇာတ်လိုက်မင်းသမီးနေရာကို အရယူနိုင်ခဲ့ခြင်းမှာ အားလုံး မထင်မှတ်ထားမိသည့် ကိစ္စရပ်တစ်ခုပင် ဖြစ်ပေသည်။ ထိုကိစ္စ၏ နောက်ကွယ်မှာ မြင်နေရသကဲ့သို့ ရိုးရှင်းလိမ့်မည် မဟုတ်ချေ။ 

ထိုအကြောင်း တွေးလိုက်မိသည်နှင့်တစ်ပြိုင်နက် ယန်ဖုန်း၏ မျက်နှာထက်တွင် လှောင်ပြောင်လိုရိပ်တို့ တစ်စွန်းတစ်စ ထွက်ပေါ်လာတော့သည်။ 

“ဘယ်သူနဲ့မှ သိပ်ပြီး အဆက်အဆံ မရှိသေးတဲ့ ကောင်မလေးတစ်ယောက်ပဲ နေမှာပေါ့ ...”

ထန်းရှောင်က ပြုံးရုံသာ ပြုံးနေလိုက်ကာ မည်သည့်စကားမှ ဆက်မပြောခဲ့။ ထို့နောက်တွင် နှုတ်ဆက်ကာ ဆေးရုံမှ ပြန်ထွက်လာလိုက်သည်။ 

ကားဖြင့် ပြန်လာရာလမ်းတွင် ဖုန်းကို ထုတ်ကြည့်ရင်း မသိမသာ မျက်မှောင်ကြုတ်နေသူကြောင့် .. မန်နေဂျာဖြစ်သူက သူ့ကို မေးလိုက်သည်။ 

“ထန်းရှောင် ..   ဒီတစ်ခေါက်ရော ဘာတွေလုပ်ဖို့ ကြံနေတာလဲ ...”

“အရင်က သီချင်း အတူတူဆိုဖူးတဲ့ သူငယ်ချင်းကို ဆက်သွယ်နေတာပါ ...”

ထိုသို့ပြောကာ သူက ရှန်သုန်းဟောင့်ကို ဖုန်းခေါ်လိုက်သော်ငြား တစ်ဖက်လူက သူ့ဖုန်းကို မကိုင်၊ ချက်ခြင်း ချပစ်လိုက်သည်။

ထိုကဲ့သို့သော ရလဒ်မျိုးဖြင့် ကြုံတွေ့လိုက်ရသည့်တိုင် ထန်းရှောင်မှာ မျက်နှာ ပျက်မသွား။ သူက နောက်ထပ် ပစ်မှတ်တစ်ခုကို ပြောင်းလဲကာ “မနက်ဖြန်များ၏အသံ” ၌ တတိယဆုကို ရခဲ့သည့်တိုင် သူတို့နှင့်တန်းတူ တိုးတက်ကျော်ကြားလာခြင်း မရှိသည့် ဟွမ်ချွမ်းကို ဖုန်းခေါ်လိုက်လေသည်။ 

*****

ထိုနေ့မှာပင် “Love Attack For 29 Days” ရိုက်ကွင်း၌ ...

ယန်အန်းယု သရုပ်ဆောင်ရမည့် ဇာတ်ကောင်ဖြစ်သော တုယီယင်းသည် ဝင်ပေါက်သို့ လျှောက်လာကာ တံခါးကို ဖွင့်မည် ပြုပြီးကာမှ တစ်ခုခုကို ဆုံးဖြတ်လိုက်ဟန်ဖြင့် ပြန်လှည့်ထွက်လာလိုက်သည်။ ထိုစဉ် ဒုတိယဇာတ်လိုက်ဖြစ်သူ ချန်ယင်းရှန်က သူ့နောက်သို့ အလောတကြီး လိုက်လာကာ ကျောဖက်မှနေ၍ တင်းတင်းကြပ်ကြပ် ပွေ့ဖက်လိုက်သည်။ 

“လွှတ် ...”

တုယီယင်း၏ အမူအယာမှာ အလွန်သုန်မှုန်ကာ လေသံမှာလည်း သိသိသာသာပင် အညှာအတာ ကင်းမဲ့နေပေသည်။ 

“ယီယင်းကော .. ကျွန်မ တောင်းပန်ပါတယ် ...”

ချန်ယင်းရှန်က သူ့ခါးကို တင်းတင်းကြပ်ကြပ် ပွေ့ဖက်ကာ ပြောလိုက်သည်။ ဝိုင်းစက်နေသည့် မျက်လုံးထဲတွင်လည်း မျက်ရည်စက်တို့က ငွေ့ရည်ဖွဲ့စ ပြုလာတော့သည်။ 

“ကျွန်မ .. တောင်းပန်ပါတယ် ထွက်မသွားပါနဲ့ .. ကျွန်မနဲ့ တစ်ညလေးပဲ ဒီမှာ နေပေးပါ ...”

တုယီယင်းက အသံတိတ်နေဆဲပင်။ 

“တစ်ညတည်းပါလို့ ... နော် ...”

တစ်ဖက်လူ၏ ဒေါသစိတ်ကို ဆွလိုက်မိပြီဖြစ်ကြောင်း သိလိုက်သည့်အတွက် ချန်ယင်းရှန်သည် တုန်ရီနေသော အသံဖြင့် တိုးလျှိုးတောင်းဆိုလိုက်တော့သည်။ 

“ကောင်းပြီ ...”

တုယီယင်းက သူမ၏ လက်များကို ဆွဲဖြုတ်ကာ နောက်ပြန်လှည့်ကြည့်၍ ပြောလိုက်သည်။ 

“ယင်းရှန် ငါ မင်းကို အဖော်ပြုပေးလို့ ရတယ် ဒါပေမယ့် ဘာကိုမှ လုပ်မှာ မဟုတ်ဘူး .. ပြီးတော့ ဒါ နောက်ဆုံးညပဲ ...”

ထိုစကားကို ကြားသည့်အခါ ချန်ယင်းရှန်၏ မျက်နှာတစ်ခုလုံး ဖြူရော်ကာ စိတ်ပျက်အားလျော့သွားတော့သည်။ 

“Cut …”

ဒါရိုက်တာစုန့်က အော်ပြောလိုက်သည်။ 

“အရမ်းကောင်းတယ် .. လောယင်း ဒီအတိုင်းသာ ဆက်ပြီး သရုပ်ဆောင်သွား ...”

“ကျေးဇူးတင်ပါတယ် ဒါရိုက်တာကြီး ...”

သူမက ချန်ယင်းရှန်အတိုင်း ချိုမြိန်စွာ ပြုံးပြလိုက်သည်။ 

ဒါရိုက်တာစုန့်ကလည်း အသာအယာ ခေါင်းငြိမ့်ပြကာ တုန့်ပြန်လိုက်သည်။ 

ယန်အန်းယုမှာ စိတ်ထဲတွင် မျက်ဖြူလှန်ပြမိသွားတော့၏။ ဟဲလောယင်းသည် ပြီးခဲ့သည့် အပိုင်းများနှင့်မတူ၊ ယခုအပိုင်းကို NG များစွာ မပါရှိဘဲ ရိုက်ကူးနိုင်ခဲ့သည်။ ထိုအပြောင်းအလဲမှာ သူမ၏ သရုပ်ဆောင်စွမ်းရည် တိုးတက်လာသောကြောင့်လား သို့မဟုတ် အခြားသော အကြောင်းအရင်းများ ရှိနေသောကြောင့်လား ဆိုသည့်အချက်ကိုမူ သူကိုယ်တိုင်လည်း မသိချေ။ သူ့ကို တွေ့လေတိုင်း ဖြစ်သွားတတ်သည့် သူမ၏ ပုံစံမှာ ဇာတ်လမ်းထဲမှ ချန်ယင်းရှန်အတိုင်း တစ်ထပ်တည်းပင် ဖြစ်သည်။ 

အစမှ အဆုံးအထိ ယန်အန်းယုသည် သူမနှင့် နှစ်ယောက်တည်း ထမင်းလက်ဆုံ မစားဖူးချေ။ သို့သော် သူက ရိုက်ကူးရေးတွင် ပါဝင်သည့် သရုပ်ဆောင်အားလုံးကို ညစာအတူစားကြရန် ကောက်ကာငင်ကာ ဖိတ်ကြားလိုက်သည်။ 

ဟဲလောယင်းမှာလည်း အံ့ဩသွားမိသော်ငြား စကားများစွာ မပြောခဲ့ချေ။ ညစာစားပွဲအပြီး အခြားသရုပ်ဆောင်အားလုံး တစ်ယောက်ပြီးတစ်ယောက် ပြန်သွားသည့်အချိန်တွင် သူမက ယန်အန်းယုကို ဆွဲခေါ်ကာ ခွက်အနည်းငယ်ခန့် ဆက်ပြီး သောက်စေခဲ့သည်။ နောက်ဆုံးတွင်မူ သူမက ရေချိန်လွန်ဟန်ဖြင့် ဗလုံးဗထွေး ရေရွတ်ရင်း ယန်အန်းယုကို တင်းတင်းကြပ်ကြပ် ဖက်တွယ်ထားလိုက်တော့သည်။ 

ဘားအပြင်ဘက်တွင် .. မန်နေဂျာအမျိုးသမီးဖြစ်သည့် ကျန်းကျဲက ဟဲလောယင်းကို အားစိုက်ကာ ပြန်ဆွဲခေါ်လိုက်သည်။ သို့သော် သူမက ယန်အန်းယု၏ လက်မောင်းကို တင်းတင်းကြပ်ကြပ် ဖက်တွယ်ထားနေသေးကြောင်း သတိပြုမိလိုက်သည့်အခါ ခေါင်းများပင် ကိုက်ခဲလာရတော့သည်။ 

“တောင်းပန်ပါတယ်.. ဒီကောင်မလေးကလေ နည်းနည်းလေးမှ ရေချိန်မကိုက်လိုက်နဲ့ တအားကို လူကပ်တော့တာပဲ ...”

“ကိစ္စမရှိပါဘူး ကျွန်တော် ဒီနားမှာ လောယင်းကို အဖော်လုပ်ပြီး စောင့်နေပေးမယ်လေ ကျန်းကျဲ ချီကော .. ကောတို့နှစ်ယောက် ကားကို အရင် သွားထုတ်လိုက်ကြပါလား ...”

ယန်အန်းယုက မပွင့်တပွင့် ပြုံးကာ ပြောလိုက်သည်။ သိမ်မွေ့ကာ လူကြီးလူကောင်းဆန်သည့် အပြုအမူကြောင့် သူ့တစ်ကိုယ်လုံး ဆွဲဆောင်မှုများဖြင့် ပြည့်နှက်နေတော့သည်။ 

ကျန်းကျဲက ဖုန်းကိုထုတ်ကာ ဘေးနားသို့ လျှောက်သွားလိုက်သည့်တိုင် ချီစန်းကမူ လုံးဝ မရွေ့လျားသေးချေ။ သူက မျက်ခုံးများကို တွန့်စုလျက် တစ်ခုခု ပြောမည်ပြုလိုက်သည်။ 

“ရှောင်ယု .. ငါ့အထင်တော့ ...”

ယန်အန်းယုက လက်မြှောက်ပြကာ သူ့စကားများကို ဟန့်တားလိုက်ပြီး .. အဓိပ္ပါယ်ပြည့်ဝနေသည့် အကြည့်တစ်ချက်ဖြင့် မျက်စိတစ်ဖက် မှိတ်ပြလိုက်သည်။ 

ချီစန်းမှာ ကြောင်အသွားရတော့သည်။ သို့သော် သူက ဆိုလိုရင်းကို ချက်ခြင်းဆိုသလို သဘောပေါက်လိုက်၏။ 

ကြည့်ရတာ ဒီလူငယ်လေးမှာလည်း တိတ်တိတ်လေး စဉ်းစားထားတာတွေ အများကြီး ရှိနေတာပဲ ...

ချီစန်းနှင့် အခြားမန်နေဂျာများ ထွက်သွားသည်နှင့်တစ်ပြိုင်နက် ဟဲလောယင်း၏ ခြေထောက်တို့ ပျော့ခွေကာ လူတစ်ကိုယ်လုံး ယန်အန်းယု၏ ရင်ခွင်ထဲသို့ လဲကျသွားတော့သည်။ သူမက ယန်အန်းယု၏ နားရွက်နားသို့ ကပ်ကာ တိုးတိုးလေး ပြောလိုက်သည်။

“အန်းယုကော .. ကျွန်မကို ကောပဲ ပြန်လိုက်ပို့ပေးလိုက်ပါလား .. ပြီးရင် ကျွန်မတို့တွေ တိတ်တိတ်လေး ...”

ထိုစကားမှာ မရေမရာဖြစ်ဖွယ် အဓိပ္ပါယ်နှစ်ခွ ဖြစ်သည့် စကားလုံးများ ပါနေကာ ဖြားယောင်းသွေးဆောင်မှုတို့ဖြင့် ပြည့်နှက်နေပေသည်။ သူမဘက်မှ သူမ၏ သဘောထားကို ပွင့်ပွင့်လင်းလင်း ဖော်ပြလိုက်ပြီး ဖြစ်သည့်တိုင် ယန်အန်းယု၏ အကြည့်တို့မှာမူ ချက်ခြင်း အေးစက်သွားတော့သည်။ 

“မင်း အရက် မမူးဘူး မဟုတ်လား မူးချင်ယောင်ဆောင်မနေနဲ့တော့ ...”

ဟဲလောယင်းမှာ ကြောင်အသွားကာ မျက်ဝန်းများထဲတွင် တုန်လှုပ်သည့် အရိပ်အယောင်တို့ ဖြတ်သန်းသွားတော့သည်။ 

ယန်အန်းယုက သူမကို မတ်တပ်ရပ်စေကာ အကွာအဝေးတစ်ခု ခြားနားစေလိုက်သည်။ သူ့အကြည့်တို့မှာလည်း ခက်ထန်မှုန်မှိုင်းနေ၏။ 

“မင်း ချန်ယင်းရှန်ဇာတ်ကောင်ကို ဘယ်လိုနည်းနဲ့ ရလာလဲဆိုတာ ငါ ဂရုမစိုက်ဘူး ဒါပေမယ့် ...”

“ငါ့အပေါ်ကိုလည်း အဲဒီ့နည်းလမ်းပဲ သုံးဦးမှာ ဆိုရင်တော့ အကျိုးမရှိဘူး .. ဟဲလောယင်း မင်းရဲ့ အချိန်နဲ့ ခွန်အားကို ထပ်ပြီး ဖြုန်းတီးမနေပါနဲ့တော့ ...”

“...”

ဟဲလောယင်းက နှုတ်ခမ်းကိုသာ တင်းတင်း ကိုက်ထားလိုက်မိတော့သည်။ “တုယီယင်း”ကို နောက်တစ်ကြိမ် ပြန်တွေ့လိုက်ရသည့်အလားပင်။ သို့သော် ယခုလက်ရှိ သူ့ရှေ့တွင် ရှိနေသူမှာ သရုပ်ဆောင်နေခြင်း မဟုတ်။ ယခုလက်ရှိ ယန်အန်းယု၏ အပြုအမူများမှာ အမှန်တကယ်ပင် အကြင်နာတရား ကင်းမဲ့နေပေသည်။ 

များမကြာမီ ဟဲလောယင်းက ကားဖြင့် ပြန်သွားကာ ယန်အန်းယုကလည်း ချီစန်းနှင့်အတူ ပြန်လာခဲ့လိုက်သည်။ 

ကားထဲတွင် ချီစန်းက သူ့ကို ဖျတ်ခနဲ လှမ်းကြည့်ကာ ပြောလိုက်သည်။ သူ့လေသံတွင် ကူကယ်ရာမဲ့မှုတို့ မသိမသာ ရောစွက်နေ၏။ 

“ရှောင်ယု .. မင်းက ယီချန်းယန်တစ်ယောက်တည်းရဲ့ ရှေ့မှာပဲ လိမ္မာတာ ထင်တယ် ...”

ယန်အန်းယုသည် သူ၏  ငယ်ရွယ်တက်ကြွကာ အကောင်းမြင်စိတ် ပြည့်ဝပြီး ပွင့်လင်းသည့် သဘောထားကို ဆက်လက်ကာ ထိန်းသိမ်းထားနိုင်ဆဲ ဖြစ်သည့်တိုင် အနုပညာလောကထဲသို့ ဝင်ရောက်လာသည်မှာ ကာလတစ်ခု ကြာမြင့်နေပြီ ဖြစ်သည့်အတွက် သူ့စိတ်မှာလည်း တစ်ဖြည်းဖြည်းချင်း ရင့်ကျက်လာပြီ ဖြစ်သည်။ 

ယီချန်းယန်၏ ရှေ့တွင်မူ သူသည် ဖြူစင်ရိုးသားသည့် ယုန်ဖြူလေးတစ်ကောင်အလားပင်။ သို့သော် အခြားလူများ၏ အရှေ့တွင် သူသည် မြေခွေးတစ်ကောင်အလား သွက်လက်ထက်မြက်ကာ အချို့သော အခြေအနေများကို ကိုင်တွယ်ဖြေရှင်းချိန်တွင်မူ လူနှင့် အသီးအရွက်စား တိရိစ္ဆာန်များအတွက် အလွန် အန္တရာယ်များလှသည့် ခွေးအ၊ ဝံပုလွေ၊ ကျား၊ ခြင်္သေ့၊ သစ်နက်တို့ကဲ့သို့သော တောရိုင်းတိရိစ္ဆာန်များသဖွယ် ကြောက်မက်ဖွယ် ကောင်းလှပေသည်။ 

“အဆင်ပြေနေပါသေးတယ် ...”

သူက အပြစ်ကင်းစင်သည့် မျက်လုံးဝိုင်းကြီးများဖြင့် မျက်တောင်တဖျတ်ဖျတ် ခတ်ပြလိုက်သည်။ 

“ချီကော .. ကျွန်တော်က ကောရဲ့ အရှေ့မှာဆိုလည်း နာခံတတ်ပါတယ်နော် ...”

ချီစန်း “…”

ဒီနှစ်ခုက မတူဘူးဆိုတာ အသိသာကြီးလေ ...

ထို့နောက်တွင် ယီချန်းယန်သည် အခြားပြည်နယ်သို့ သွားရောက်ကာ ရုပ်ရှင်ရိုက်ကူးရမည့်အပြင် အမျိုးမျိုးသော ပွဲအစီအစဉ်များတွင်လည်း ပါဝင်ရန် လိုအပ်သောကြောင့် S မြို့မှ သုံးလခန့် ထွက်ခွာလာရတော့သည်။ 

👥️