Chapter 71

👥️Chapter 71

အမှန်တွင် ဤသို့ဖြစ်၏–ယန်အန်းယုက ယီချန်းယန် ဘာကိုစိတ်ပူသည်ကို အနည်းနှင့်အများသိသည်။မော့မီ၏ စိတ်က မူမမှန်သဖြင့် ယန်အန်းယု  ဇာတ်ကောင်ထဲကို အရမ်းနစ်ဝင်ပြီး ထူးဆန်းသွားမှာကို သူကြောက်နေခြင်းဖြစ်သည်။

ယခင်က သူကအနည်းငယ် ထူးဆန်းပေမဲ့ အဓိက အကြောင်းပြချက်က ဤသို့မဟုတ်ပါချေ။

"သခင်လေးက မစ္စတာယီကို တကယ်ဂရုစိုက်တာပဲ... သူ့ကျန်းမာရေးတင်မကဘူး၊ သူ့စိတ်ကိုတောင် ဂရုစိုက်​ပေးတယ်" 

ထန်းကော် အလွန်ရင်ထဲထိသွားသည်။

"ဒါပေါ့...ငါ့ကို ဘယ်သူက သူ့ကို အကြိုက်ဆုံးလုပ်ပါလို့ ခိုင်းလို့လဲ... သူ့အပေါ် ငါ့ရဲ့ ဂရုစိုက်မှုက သဘာဝအတိုင်း စေ့စေ့စပ်စပ် ဖြစ်ရမယ်... ခေါင်းကနေ ခြေဖျားထိ၊ အတွင်းအပြင်၊ ဘယ်ရှုထောင့်ကမှ လျစ်လျူရှုလို့မရဘူး" 

ယန်အန်းယု၏ နှုတ်ခမ်းများ ကော့ တက်လာသည်။

ထန်းကော် : "..."

သခင်လေးရေ ဒီလောက်ကြီး ပွင့်ပွင့်လင်းလင်းပြောတာက လူတွေကို အ​တွေးများ​စေလိမ့်မယ်နော်...ဒါက တကယ်​ရော အဆင်ပြေရဲ့လား... ပြီးတော့ စင်ဂယ်ခွေးတစ်ကောင်ကို မနှိပ်စက်လို့မရဘူးလား...

"သခင်လေး အေးအေးဆေးဆေး ဓာတ်ပုံရိုက်ရင် ကောင်းမယ်နော်" 

ထန်းကော်က သူ့ဖုန်းကို မြှောက်လိုက်ပြီး ယန်အန်းယုက သူ့ကိုယ်ဟန်အနေအထားကို ချက်ချင်းပြန်စလိုက်လေသည်။

ထိုအချိန်တွင် ချီစန်းက ရုတ်တရက် လမ်းလျှောက်လာသည်။

"ပေး" 

ဤမျက်နှာအကြောသေနေသောမန်နေဂျာက ထန်းကော်ဆီသို့ လက်ဖြန့်ကာ စကားလုံးများကို ရွှေကဲ့သို့ ထာဝရတန်ဖိုးထားနေသည်။

ထန်းကော်က နားမလည်သော်လည်း ချီစန်းထံ ဖုန်းကို နာခံစွာ ပေးလိုက်ဆဲဖြစ်သည်။

ဖုန်းကိုရပြီးတဲ့နောက် ချီစန်းက ယန်အန်းယုကို ကင်မရာမချိန်ဘဲ အဲဒီအစား ထန်းကော်ကို ဓာတ်ပုံရိုက်လိမ့်မယ်လို့ ဘယ်သူကထင်မှာလဲ...

"ဟင်" 

ထန်းကော် ကြောင်သွားပြီး နေရာမှာတင် အေးခဲသွားသည်။

"ဝါး ချီကော ခင်ဗျား..." 

ယန်အန်းယုလည်း အလွန်အံ့သြသွားခဲ့ပြီး ချက်ချင်းဆိုသလိုပဲ ပုံထဲက ထန်းကော်ကိုကြည့်ပြီး မရပ်မနား ရယ်မောလိုက်​တော့သည်။

"ဟားဟားဟား ရူးကြောင်ကြောင်နိုင်လိုက်တာ ...ထန်းကော မင်းရဲ့မျက်နှာမှာ 'ကြောင်နေ' ဆိုပြီး စာလုံးကြီးကြီးနဲ့ထင်းနေအောင်ရေးထားသလိုပဲ"

"ငါ​တော့ တော်တော်​လေးကောင်းတယ်ထင်တယ်"

အရှိန်အဝါအပြည့်ရှိသော ချီစန်းက စကားပြောလိုက်သည်နှင့် ယန်အန်းယု ချက်ချင်းပင် ပြောစရာစကားလုံးပျောက်သွားသည်။

"အာ..."

ထိုအချိန်တွင် ထန်းကော်က နောက်ဆုံးတွင် အသိ​ပြန်ဝင်လာခဲ့သည်။

"အား... အဲဒါ အရမ်းရုပ်ဆိုးမှာ သေချာတယ် မြန်မြန်...မြန်မြန် ဖျက်ပစ်လိုက်"

ချီစန်းကပင် စပြီး သူ့ကို စနောက်လာလိမ့်မည်ဟု သူ မမျှော်လင့်ထား​ပေ။ ယခုခေတ်တွင် ဤသို့ ဖော်ရွေပြီး ကြင်နာတတ်ပြီး ကျိုးကြောင်ဆင်ခြင်တတ်သော သူကဲ့သို့ သက်တော်စောင့်များသည် လွယ်ကူလှသည်တော့ မဟုတ်ပေ။

ချီစန်း၏အကြည့်က အနည်းငယ် ​​လှုပ်ခတ်သွားကာ ထန်းကော်၏ ဤဓာတ်ပုံကို အင်တာနက်မှ တဆင့် သူ့ဖုန်းထဲသို့ လျင်မြန်စွာ လွှဲပြောင်းပြီးနောက် 'ဖျက်မည်' ခလုတ်ကို နှိပ်လိုက်ကာ သူနှင့် ဘာမှမဆိုင်သလို ထွက်ခွာသွားခဲ့၏။

၎င်းကိုမြင်ပြီး ယန်အန်းယုနှင့် ထန်းကော် တစ်ယောက်နှင့်တစ်ယောက် ကြောင်တောင်တောင် ကြည့်လိုက်မိကြသည်။

ချီစန်းထွက်သွားပြီးနောက် ထန်းကော်က မျက်မှောင်ကြုတ်လိုက်သည်။ 

"သခင်လေး... ဒီနေ့ ချီကောက ထူးဆန်းနေသလို ခံစားရတယ်...သူ... သူက တကယ် ချီ​ကော​​ရောဟုတ်လား"

ယန်အန်းယု မေးစေ့ကို ပွတ်သြီး ပြန်မဖြေဘဲ လူယုတ်မာပြုံး ပြုံးနေလေသည်။

ထန်းကော် : "..."

သခင်လေးက ဘာလို့  ဒီလိုကူလီကူမာအပြုံးပြုံးနေတာလဲ... ဘာကြောက်စရာကိစ္စတွေ တွေးနေတာလဲ ...

****

နှစ်ရက်အကြာတွင်၊Sမြို့တော် တောင်ပိုင်းခရိုင် Currentဘား၌

ဤည သူ့၌ မည်သည့်အပိုင်းမှ မရှိပေ။ထို့ကြောင့် ယန်အန်းယု ခွင့်တိုင်ပြီး ချင်နွော်ရှီတို့ ကောလီရှုတို့နှင့် ထိုနေရာမှာဆုံခဲ့သည်။

သူငယ်ချင်းကောင်း သုံးယောက် မတွေ့ရသည်က ကြာပြီဖြစ်သဖြင့် အတိတ်အကြောင်း ပြောချင်ကြသည်က မလွဲမသွေပါပင်။ သူတို့အားလုံးကို အများပြည်သူသိ ပုဂ္ဂိုလ်များအဖြစ် သတ်မှတ်ထားသောကြောင့် ယခုတစ်ကြိမ်တွင် သီးသန့်အခန်းကို ရိုးရိုးရှင်းရှင်းပဲ ကြိုတင်မှာယူထားကြသည်။

ချင်နွော်ရှီ နှင့်အမြဲတမ်းဆက်ဆံရေးကောင်းမွန်ပြီး ၎င်းတို့၏ဆက်ဆံရေးကိုဆက်လက်ထိန်းသိမ်းထားခဲ့သော ဘားသမား အဖျော်ဆရာ ခိုင်လီကောက အထူးသဖြင့် ဖျော်ရည်နှင့်အရက်ကို သူကိုယ်တိုင်ချ​ပေးပြီး ပြုံးလျက်ဆို၏။

"အားရှီ...မင်းတို့တွေ အေးအေးဆေးဆေး စကားပြောကြ... ဘယ်သူကမှ အနှောင့်အယှက်ပေးမှာ မဟုတ်ဘူး"

"အင်း" 

ချင်နွော်ရှီက အနည်းငယ် ခေါင်းညိတ်လိုက်သည်။

"ကျေးဇူးတင်ပါတယ် ခိုင်လီကော ...ကောက ချောလိုက်တာ... လူတိုင်းကိုလည်း နွေးနွေးထွေးထွေး ဆက်ဆံတယ်"

ယန်အန်းယုက ချက်ချင်း ချီးကျူးလိုက်တယ်။

ခိုင်လီကောက ၎င်းကိုကြားလိုက်ရသည်အခါ သူ့နှုတ်ခမ်းပေါ်မှာ အပြုံးများ သိသိသာသာ တိုးလာပေမဲ့ သူ့မှာ တခြားအလုပ်များ ရှိနေ​သောကြောင့် သူတို့ကို လက်ဝှေ့ယမ်း​​ပြရုံတတ်နိုင်ပြီး ခွင့်တောင်းကာ ထွက်သွားခဲ့သည်။

"ဟေး ယန်အန်းယု မင်းပါးစပ်က ပိုပိုချိုလာပြီး မင်းရဲ့အရေပြားကလည်း ပိုပိုထူလာတယ်နော်"

ကောလီရှုက သူ့ကို စိုက်ကြည့်နေသည်။

"ဟီးဟီး ဘာလို့လဲဆို​တော့ ငါက တစ်စုံတစ်​​ယောက်​ကို ​ပျော်​အောင်​ ​နေ့တိုင်း ​ချော့​ပေးနေရလို့လေ"

ယန်အန်းယုက ပြုံးပြီး သူတို့မိသားစုက ရုပ်ရှင်ဧကရာဇ်ယီကို တန်းတွေးလိုက်မိလေသည်။

"ဘယ်သူ့ကိုချော့တာလဲ"

"ပြောလို့မရဘူး...အဲဒါ လျှို့ဝှက်ချက်" 

ယန်အန်းယုက ခေါင်းယမ်းလိုက်သည်။

ကောလီရှု : "..."

ဒီကောင်စုတ်လေးမှာ ဘယ်အချိန်ကတည်းက လျှို့ဝှက်ချက်တွေ အများကြီးရှိ​နေတာလဲ...

သူ့နှလုံးသားက အလွန်နွမ်းနယ်၍နေသည်။

၎င်းကိုမြင်သောအခါ ချင်နွော်ရှီက သူ့မျက်နှာကို ကာပြီး တိတ်တိတ်လေး ရယ်မောလိုက်ပြီး ခေါင်းစဉ်ပြောင်းလိုက်၏။ 

"ဟုတ်ပြီ လီရှု... မင်း နောက်လမှာ ကိုယ်ပိုင်အကသီချင်းနဲ့ ပွဲဦးထွက်မှာ မဟုတ်ဘူးလား"

"ဟုတ်တယ်...နွော်ရှီ မင်းရဲ့သတင်းတွေ လည်း တအားကြားရတယ်နော်"

"ဟင်...ငါတကယ်မသိဘူး" 

ယန်အန်းယုက အံ့အားသင့်စွာဖြင့် ပြောလိုက်သည်။သူက သူခေါင်းကိုအမြန်အလုပ်ပေးလိုက်၏။ 

"အခုလကုန်နေပြီ...နောက်လရောက်ခါနီးနေပြီ မဟုတ်ဘူးလား...သခင်လေးကော ဂုဏ်ပြုပါတယ်နော်... နောက်ဆုံးတော့ မင်းအောင်မြင်သွားပြီ...ချွေးမတစ်ယောက်က မကြာခင် ယောက္ခမဖြစ်လာတော့မှာပဲ အာ"

ထိုသို့ဖြင့် ယန်အန်းယုက သူ့မျက်လုံးထောင့်ကို လက်တစ်ဖက်နှင့် သုတ်လိုက်ပြီး အတော်လေး ခံစားသွားရဟန်ဆောင်လိုက်၏။

ကောလီရှု၏ပါးပြင်များ လှုပ်ခါသွားသည်။ 

"ဟေ့ မင်းတို့အကုန်လုံး ဘာလို စိတ်ထိခိုက်နေကြတာလဲ... ငါက အရမ်းသနားစရာကောင်းနေလို့ လို့တော့ မပြောနဲ့"

"ဖူး..." 

ချင်နွော်ရှီက မထိန်းနိုင်ဘဲ ရယ်မောလိုက်သည်။

"လီရှု...မင်းက ရှောင်ယုနဲ့ ခဏခဏ မဆုံဖြစ်ဘူးဆိုတော့ မသိ​လောက်ဘူး... အခု သူက သူဟာသလုပ်တိုင်း ပြောပြောပြီး ရုတ်တရက်ထ သရုပ်ဆောင်တော့တာပဲ"

"ဒါက သရုပ်ဆောင်တစ်ယောက်ရဲ့ ကိုယ်ဘာကိုယ်လေ့ကျင့်​​မှု လေ" 

ယန်အန်းယုက ရင်ဘတ်​ကော့လိုက်သည်။

"Tch ခဏလေးနားပါရစေဦး" 

ကောလီရှုက သူ့လက်ကို ဝှေ့ယမ်းပြီးချင်​နွော်ရှီကို ကြည့်လိုက်သည်။

"နွော်ရှီ မင်းလည်း နောက်လမှာ သီချင်းအသစ်ထွက်ဖို့ ပြင်ဆင်နေတာပဲ မဟုတ်လား"

(T/N–Tchဆိုတာ သဘောမတူတာလက်မခံတာကို ပြတဲ့slangအသုံးတစ်ခုပါ)

သူတို့နှစ်ယောက်က ဂီတနယ်ပယ်ထဲက ဖြစ်ကြပြီး တစ်နေ့တာလုံးရိုက်ကူးရေးတွေရှုပ်နေပြီး မကြာခဏ ချီစန်း၏ဖုန်းသိမ်းသွားခြင်းပင်ခံရတတ်သည့် ယန်အန်းယုနှင့် ယှဥ်လိုက်လျှင် သူတို့လောက၏ လက်ရှိအခြေအနေကို နားလည်ကြ၏။ချင်နွော်ရှီ နှင့် ​ကောလီရှုတို့နှစ်ယောက်စလုံး အခုတလော လှုပ်ရှားမှုများရှိနေသော အဆိုတော်များကို အာရုံစိုက်​နေခဲ့ကြသည်။

"အင်း ငါစဉ်းစားနေတာ"

"ဟားဟား...နွော်ရှီနဲ့လီရှု မင်းတို့နှစ်ယောက် သီချင်းတွေ အတူတူထွက်ရင် အဓိက music listတွေ အကုန်လုံး ပျက်စီးသွားလိမ့်မယ်...အဲဒီအချိန်ရောက်ရင် မီဒီယာတွေက 'သူငယ်ချင်းဟောင်းတွေက ပြိုင်ဘက်တွေ ဖြစ်လာပြီ' 'ဒီရဲ့နောက်ကွယ်ကဇာတ်လမ်းကို ပြန်ခွာကြည့်ရအောင်'တို့ဘာတို့ ပြောပြီး ထပ်ပြီး စန်းတင်ပေးလိမ့်မယ်"

၎င်းကိုကြားသောအခါ ကောလီရှု၏ နှုတ်ခမ်းများ မဲ့သွားသည်။ 

"ရှောင်ယု ကျေးဇူးပြုပြီး မင်းရဲ့ ယုတ္တိမရှိတဲ့ စိတ်ကူးတွေကို ရပ်လိုက်ပါကွာ"

"အဲဒါက ဖြစ်နိုင်မယ်ထင်တယ်"

ယန်အန်းယုက မျက်ဖြူလှန်ပြလိုက်သည်။

အမှန်တွင် ဖျော်ဖြေရေးလောက၌ အချို့သောသတင်းမီဒီယာများသည် စိတ်လှုပ်ရှားဖွယ်အကျိုးသက်ရောက်မှုရရှိရန် အခြေအမြစ်မရှိသောစွပ်စွဲမှုများပြုလုပ်ရသည်ကို နှစ်သက်ကြသည်။နာမည်ကြီးများ အရှုပ်တော်ပုံများရှိမည်ကို မကြောက်ကြ​ပေ။ သတင်းမရှိမှာကိုပဲ ကြောက်နေကြသည်။

ချင်​နွော်ရှီက ခေါင်းခါလိုက်သည်။ 

"လီရှုက ​နောက်လအစမှာ ပွဲဦးထွက်မှာ...ငါကကျ  သီချင်းကို လလယ်လောက်မှာထုတ်ဖြစ်မှာ...သီချင်းထုတ်ပြီးရင် Xမြို့တော်လှုပ်ရှားမှုတချို့ရှိပြီး fan meetingရှိတယ်"

"တိုက်ဆိုင်လိုက်တာနွော်ရှီ" 

ယန်အန်းယု  ချက်ချင်းပင် ဝမ်းသာသွားသည်။ 

"ငါတို့ရိုက်ကူးရေးအဖွဲ့ကလည်း ​နောက်လလယ်လောက်မှာ နေရာပြောင်းရတော့မှာ...အဲဒါကြောင့် ငါလည်း Xမြို့တော်မှာ ရိုက်ကူးရေးလုပ်ရမှာ"

"ဒါက တကယ့်ကို တိုက်ဆိုင်တာပဲ"

ချင်နွော်ရှီကလည်း ပြုံးသွားသည်။ "ရှောင်ယု ငါ fanmeetingလုပ်တဲ့အခါ မင်းအားရင် မင်းကို အထူးဧည့်သည်အနေနဲ့ ဖိတ်လိုက်မယ်"

"ဝိုး ဒါဆို ငါသေချာပေါက်အားအောင်လုပ်ရမှာပေါ့" 

ယန်အန်းယု၏ မျက်လုံးများ တောက်ပသွားလေသည်။

"... "

အနည်းငယ် နင်နေသော ကောလီရှုက  သူ့ဝိုင်ကို သောက်လိုက်သည်။ မင်းတို့က ငါ့ကိုကျ ပျော်ဖို့ မခေါ်တော့ဘူးပေါ့.. 

ယန်အန်းယုက သူ့ကို ချက်ချင်းထွင်း​ဖောက်မြင်ပြီး ကောလီရှုကိုပုတ်ကာဆိုသည်။

"လီရှု...မင်းက အခုမှ ပွဲဦးထွက်ခါစဆိုတော့ အများကြီး အလုပ်ရှုပ်နေမှာ... မင်းအခြေကျသွားရင် ကောက မင်းကို ပျံသန်းဖို့ ခေါ်သွား​ပေးမယ်"

"ကောဟုတ်လား...လစ်စမ်း...  ဒီသခင်လေး မင်းထက်အသက်ကြီးတာ အသိသာကြီး"

"ဟားဟား..."

ထို့နောက် သီးသန့်ခန်းထဲမှ ရယ်မောသံများ ထွက်ပေါ်လာလေသည်။

နောက်တစ်ပတ်ကုန်သွားသောအခါ လူများက မတ်လ၏ နွေဦးကို စောစောစီးစီး ကြိုဆိုကြလေသည်။

ကောလီရှုက သူ၏ တစ်ကိုယ်တော် အကအယ်လ်ဘမ်ကို ထုတ်ဝေခဲ့ပြီး ၎င်း၏တရားဝင် ပွဲဦးထွက်ကို ကြေညာခဲ့သည်။

'မနက်ဖြန်များ၏အသံ' ၏ တတိယမြောက်ရာသီပြည်ဖုံးကားချချိန်မှ ယခုနှစ် နွေဦးပေါက်အထိ၊ အကြာကြီး ​ငြိမ်နေခဲ့သော ကောလီရှုက နောက်ဆုံးတွင် လူတိုင်း၏မြင်ကွင်းတွင် ပေါ်လာလေပြီ။ သူ၏ များစွာသော ဖန်များက ၎င်းတို့၏ ခါးသီးသော စောင့်မျှော်မှုအားလုံးသည် ထိုက်တန်သည်ဟု ခံစားကာ အလူးအလဲ ရင်ထဲထိသွားခဲ့ကြသည်။

ချင်နွော်ရှီက သူ၏သီချင်းသစ်အတွက် ပြင်ဆင်နေဆဲဖြစ်ပြီး သူ၏အကကို အမြဲအပြင်းအထန်လေ့ကျင့်နေသောကြောင့် အယ်လ်ဘမ်အသစ်တွင် စုံတွဲအကသီချင်းများကိုလည်း ရိုက်ကူးခဲ့သည်။ယန်အန်းယုအတွက်ကတော့ သူ့မှာ အားလပ်ချိန်မရှိသလို ရုပ်ရှင်ရိုက်ရန်လည်း လိုအပ်​​နေပါသေးသည်။

မွန်းလွဲပိုင်းနားချိန်အတွင်း၊ ထန်းရှောင်၏ နားနေခန်း၌

သူ့ဖုန်းစခရင်မှာ 'ဟွမ်ချွမ်း' ဆိုသည့် စကားလုံးကို မြင်သောအခါ ထန်းရှောင်စဉ်းစားပြီး ဖုန်းကိုမကိုင်ဘဲချလိုက်၏။

"ဘာလို့မကိုင်တာလဲ"

ထိုအချိန်တွင် သူ၏မန်နေဂျာ ဝူရှောက် ကော်ဖီနှစ်ခွက်ကို သယ်​ပြီး​ရောက်လာသည်။

"ဒီည ပြန်ရောက်မှ စကားပြောလိုက်မယ်" 

ထန်းရှောင်က မျက်မှောင်ကြုတ်ကာ စိတ်မကြည်မလင်ဖြင့်ဆိုသည်။

"ဟွမ်ချွမ်းက အမြဲတမ်း စိတ်မရှည်ဘူး...သူက ကောင်းကောင်း တိုးတက်နိုင်မှာမဟုတ်ဘူး"

"ဒါပေမဲ့ မင်း သူနဲ့ ခဏလောက် ကစားရဦးမှာလေ... မင်းရဲ့ ပန်းတိုင်က သူနဲ့ မတူပေမဲ့ မင်းတို့ နှစ်ယောက်လုံးက ကိစ္စတစ်ခုတည်းကို အတူတူ ကြံစည်နေတာပဲ"

"ဒါက ရေကို စမ်းပြီး ခလုတ်ကန်သင်းတချို့ကို ဖယ်ရှားရုံသက်သက်" 

ထန်းရှောင်၏ မျက်လုံးများ မှေးမှိန်သွားပြီး သူ့အသံက အေးစက်သွားသည်။ 

"မစ္စတာဝူ ယီချန်းယန်ကို ပြန်တွေ့လိုက်ရတဲ့ ခံစားချက်က ဘယ်လိုလဲ...နောင်တရလား"

ယခင်က ယီချန်းယန်  ရိုက်ကွင်းကို လာရောက်လည်ပတ်သောအခါ ဝူရှောက် နှင့် တစ်ကြိမ်ဆုံခဲ့သည်။

"အခု​မှပြော​နေလည်း အသုံးမဝင်​​တော့ဘူး" 

ဝူရှောက်က ခေါင်းကို အနည်းငယ် ခါလိုက်သည်။ 

"ယီချန်းယန်ရဲ့ လက်ရှိ အနေအထားအရ သူ့ကို ဘယ်သူမှ လွယ်လွယ်နဲ့ မနှောင့်ယှက်နိုင်ဘူး"

"မှန်ပါတယ်...အခု သူက အရမ်းမြင့်တဲ့ အနေအထားမှာ ရပ်နေတာလေ" 

ထန်းရှောင်က ပြက်ရယ်ပြုရင်း ခေါင်းစဉ်ပြောင်းလိုက်၏။

"ဒါ​ပေမဲ့ ကျွန်​​တော်​က သူ့ကို သူ့ဘာသာသူ အောက်ဆင်းလာခိုင်းမှာ"

*****

ခေတ္တနားချိန် ကုန်ဆုံးပြီးနောက်၊ 'ဝါး' သရုပ် ဆောင်များသည် ၎င်းတို့၏ အချိန်ဇယားတင်းကြပ်သော ရိုက်ကူးမှုကို ပြန်လည်စတင်ခဲ့သည်။

ဤဇာတ်ကား၏ နောက်ခံက အထက်တန်းကျောင်းဝင်းတစ်ခုဖြစ်၏။အစပိုင်းမှာ မော့မီ၏ မိထွေးဖြစ်သူက အဆောက်အဦးပေါ်ကနေ ခုန်ချပြီး ကိုယ့်ကိုကိုယ် သတ်သေခဲ့ကာ အဓိကdark themeကိုဖြန့်ဝေခဲ့သည်။ ထို့နောက်မှာတော့ ကင်မရာက အမျိုးသားဇာတ်လိုက်ဖြစ်သော ​မော့မီဆီ ပြောင်းသွားခဲ့သည်။

ချောက်ကမ်းပါးတစ်ခုကနေ ခုန်ချသည့် ရိုးရှင်းသော ဖြစ်ရပ်တစ်ခုလိုအမှုမျိုးမှာ ရေးတေးတေး သဲလွန်စများရှိနေ၏။ဇာတ်ကားထဲက ရာဇ၀တ်မှုက ကဏ္ဍတစ်ခုဖြစ်ပြီး အမျိုးသား၏စရိုက်ခွဲနှစ်ခု ဖော်ပြသည်က တခြားကဏ္ဍတစ်ခုဖြစ်လေသည်။ အဆင့်ဆင့်သော အမှန်တရားဖော်ထုတ်ရေး လုပ်ငန်းစဉ်များတွင် ​မော့မီ၏ အတိတ်အမှတ်တရများနှင့် သူ၏ စိတ်ပိုင်းဆိုင်ရာ အရိပ်များကို လူများမြင်နိုင်စေရန် အမျိုးမျိုးသော ​နောက်ကြောင်းပြန်မှုများနှင့် ဇာတ်ကြောင်း​ပြန်မှုများလည်း ရှိခဲ့​လေသည်။

ရွေးချယ်ထားသောနေရာသည် S ​မြို့​တော်၏ဆင်ခြေဖုံးရှိ လန်ရှင်းရေကန်ဥယျာဥ် ဖြစ်သည်။ ယနေ့မွန်းလွဲပိုင်းတွင် အရေးကြီးသော ဇာတ်ဝင်ခန်း နှစ်ခုကို ရိုက်ကူးခဲ့သည်။

ပထမမှာ ယန်အန်းယု နှင့် သူ့ကိုအမြဲအနိုင်ကျင့်လေ့ရှိသည့် အခြားသော အမျိုးသားအတန်းဖော် ကျိူးခဲ့က ရေကန်ဘေးတွင် ငြင်းခုံ​​နေကြသည်။ထို့နောက် ကျိုးခဲ့က ဒေါသတကြီးဖြင့် ​မော့မီကို ရေကန်ထဲသို့ ရုတ်တရက် တွန်းချလိုက်သည်။

အတန်းဖော်က ​မော့မီကို ရေကူးတတ်သည်ဟုထင်ပြီး သင်ခန်းစာတစ်ခု ပေးချင်ခဲ့ခြင်းဖြစ်သည်။​

မော့မီက လှည့်စားပြီး ရေမကူးတတ်ဟန်ဆောင်လိမ့်မယ်ဟု ဘယ်သူကထင်မှာလဲ...

​မော့မီက ရေထဲတွင် မဆင်မခြင် ရုန်းကန်​နေပြီး အလွန်ကို လက်တွေ့ဆန်စွာသရုပ်ဆောင်ခဲ့ကာ ကျိုးခဲ့ကို ဖြူဖျော့ပြီး ခြေထောက်များပျော့ခွေသွားသည်အထိကြောက်လန့်သွား​စေခဲ့သည်။​မော့မီကို ကယ်တင်ချင်သော်လည်း ကံမကောင်းစွာဖြင့် သူကိုယ်တိုင်ကလည်း ရေမကူးတတ်ပေ။

ကံကောင်းထောက်မစွာဖြင့် ​သေရေးရှင်ရေးအချိန်တွင် ရဲမှူး​လော့၏သား လော့ယွီက ဖြတ်သွားသည်ကြုံပြီး ​မော့မီကို ကယ်တင်ခဲ့သည်။ သို့သော် ဤအရာအားလုံးသည် ​မော့မီ၏မျှော်မှန်းချက်အတွင်းမှာရှိ​လေသည်။ သူက လော့ယွီ၏ ကိုယ်ချင်းစာတရားကို အနိုင်ယူရန် နှင့် လူသတ်သမားက ​မော့မီဖြစ်နိုင်သည်ဟု သံသယမဝင်စေရန် အချိန်ကို တွက်ချက်ပြီးလုပ်ခဲ့ခြင်းဖြစ်လေသည်။

ကျိုးခဲ့ နှင့် အငြင်းပွားမှုကို ရိုက်ကူးပြီးနောက် ယန်အန်းယုက အချိန်အတာတစ်ခုလုံးနီးပါး ရေကန်ထဲတွင် ​နေရမည့် ဇာတ်ဝင်ခန်းတစ်ခုသို့ ချက်ချင်းသွားရမည်ဖြစ်သည်။

ယန်အန်းယုက ရေနစ်သူကဲ့သို့ ပြုမူကာ

သူ့အသက်က ၎င်းအပေါ် မူတည်နေရသကဲ့သို့ ရေကန်ကမ်းစပ်က အတန်းဖော်ကျိုးခဲ့ကို တည့်တည့် စိုက်ကြည့်ရင်း  ရေထဲတွင် ရုန်းကန်ခဲ့ရသည်။ သူ့မျက်နှာမှာ နာကျင်မှုများနှင့် ကူကယ်ရာမဲ့မှုများနှင့် ပြည့်နေပေမဲ့ သူ့မျက်လုံးများထဲမှာ ကြောက်စရာကောင်းသော မုန်းတီးမှုများ ရှိနေခဲ့သည်။ 

နောက်ပိုင်း ယန်အန်းယု၏ ရုန်းကန်မှုများက အားနည်းလာပြီး သူ၏ ခြေလက်များမှာ အားအင်မဲ့လာသည်။ သူ့တစ်ကိုယ်လုံး တဖြည်းဖြည်း သတိလစ်သွားကာ ရေအောက်သို့ တဖြည်းဖြည်း နစ်မြုပ်သွားလေ၏။

သူသည် ရေအောက်တွင် အကြာကြီး အသက်အောင့်ထားရင်း ထန်းရှောင်၏ ကာရိုက်တာဖြစ်သော လော့ယွီ ​ရေကူးလာပြီး သူ့ကိုကမ်းပေါ်သို့ ဆွဲတင်မည်အား စောင့်ရသည်။

နွေဦးအစောပိုင်းကာလတွင် အနည်းငယ်မျှ ဂရုမစိုက်လျှင်ပင် ဖျားရန် လွယ်ကူသော်လည်း ရုပ်ရှင်၏ အကောင်းဆုံးရလဒ်အတွက် ကျောင်းအင်္ကျီတီရှပ်ကို ဝတ်ဆင်ထားသည့် ယန်အန်းယုက ရေထဲတွင် နာရီပေါင်းများစွာ ဆက်လက်ရိုက်ကူးနေခဲ့သည်။

ဒါရိုက်တာဖူက နောက်ဆုံးအကြိမ်ရိုက်ခိုင်း​သောအခါ ယန်အန်းယု အသက်ပြင်းပြင်းရှူပြီး သူ့ခေါင်းကို ရေအောက်မှာ ပြတ်ပြတ်သားသား မြှုပ်နှံထားလိုက်သည်။သို့ပေမဲ့ ဤတစ်ကြိမ်မှာ သူ့ခေါင်းက ရုတ်တရတ်နာကျင်လာပြီး ထူးဆန်းသည့် အသံတစ်ခုကို ကြားလိုက်ရ၏။ ထို့အပြင်၊ ယခင်ကနှင့် နှိုင်းယှဉ်ပါက ဤတစ်ကြိမ်က ပိုမိုရှင်းလင်းပြတ်သား​လေသည်။

"ရှောင်ယု... ငါ နည်းနည်းမှ ယန်မျိုးရိုးမခံယူချင်ဘူး..ဆယ့်ရှစ်နှစ်လုံးလုံး ငါ့အ​မေရဲ့ မျိုးရိုးနာမည် 'အန်း'ကိုယူခဲ့တာမှန်း အသိသာကြီးကို"

"​ရှောင်ယု...ငါ ယန်ဖန်းကိုမုန်းတယ်၊ ယန်မိသားစုဝင်တွေအားလုံးကို ငါမုန်းတယ်...သူတို့နဲ့ပတ်သက်တာမှန်သမျှ ဘာမှ မထိချင်ဘူး...ဒါပေမဲ့ ငါ ...ယီချန်းယန်ကို သ​ဘောကျတယ်"

"ရှောင်ယု ရှောင်ယု"

အသံပိုင်ရှင်က ပိုပို၍ စိတ်ပျက်အားငယ်ကာ အားအင်မဲ့လာသည်။

 "ငါက အရမ်းစက်ဆုပ်စရာ​ကောင်းတယ်မလား"

အသံက သူ့စိတ်ထဲတွင်ဆက်တိုက်မြည်ဟီးကာ ထွက်ပေါ်၍နေသည်။ယန်အန်းယု၏ဦးခေါင်းသည် ပိုပို၍နာကျင်လာပြီး အသက်ရှုရသည်ကလည်း ပြတ်တောင်းပြတ်တောင်းဖြစ်လာကာ မွန်းလာသလို ခံစားလိုက်ရသည်။

"ရှောင်ယု"

ရုတ်တရက် အပြင်ဘက်ကနေ အသံထွက်လာသည်။ထန်းရှောင်က အမြန်အော်ပြီး ယန်အန်းယုကို လှမ်းဆွဲလိုက်၏။

"အဟွတ်... အဟွတ် အဟွတ်" 

ယန်အန်းယု နောက်ဆုံးတွင် လေကောင်းလေသန့်ရှူရင်း အကြိမ်ကြိမ် ချောင်းဆိုးလိုက်ကာ သူ့မျက်လုံးများက လုံးဝကို ကြောင်တက်တက်ဖြစ်နေသည်။

"ရှောင်ယု မင်းအဆင်ပြေရဲ့လား" ဒါရိုက်တာဖူက စိုးရိမ်​နေ​သော မျက်နှာဖြင့် မေးသည်။ 

"မင်း ဘာဖြစ်သွားတာလဲ...ရေအောက်မှာ အကြာကြီးနေနေတာ...ငါတို့အားလုံးကို ကြောက်အောင်လုပ်မိလုနီးနီးပဲ"

"ကျွန်တော်..."

ယန်အန်းယုတွေးဖို့ကြိုးစားပေမဲ့ အရာအားလုံးကို မေ့သွားပြန်သည်။ သူ ခေါင်းခါရုံသာ တတ်နိုင်သည်။

"ဘာမှမ​ဟုတ်ပါဘူး ဒါရိုက်တာဖူ"

*****

နောက်တစ်ရက်ကုန်သွားပြီးနောက် အနုပညာရှင်ကြီးနှစ်ယောက်က သည်ကနေ့မှာ တိုက်တိုက်ဆိုင်ဆိုင် အားသည့်အတွက် ကျန်းချီချမ်က ယီချန်းယန်ကို သူ့အိမ်မှာတွေ့ရန်ချိန်းလိုက်သည်။

သူတို့နှစ်ယောက်က တစ်ယောက်ကိုတစ်ယောက် နှစ်အတော်ကြာ သိခဲ့ကြပေမဲ့ ဤရေခဲတောင်ကြီး ယီချန်းယန်က  သူ့ကို သူ့အိမ်ဆီ ဖိတ်ကြားဖို့ အစပြုခဲလှသည်မို့ ကျန်းချီချမ်ဘက်ကပဲ စိတ်အားထက်သန်စွာ အစပျိုးရုံတတ်နိုင်လေသည်။

👥️