Chapter 73

👥️Chapter 73

"ချန်းယန်လည်း သိပါတယ် ...ကျွန်တော် ကားမတော်တဆမဖြစ်ခင်က မှတ်ဉာဏ် အစိတ်အပိုင်းတစ်ပိုင်းကိုမမှတ်မိဘူးဖြစ်နေတယ်...ဒါပေမဲ့ ဒီမျက်နှာအပြင်ကို ချန်းယန် ကျွန်တော့်ကို လက်ထပ်ဖို့ သဘောတူရတဲ့ တခြားအကြောင်းပြချက်တွေ ရှိ​လောက်တယ်ဆိုတာ စိတ်ထဲမှာ နည်းနည်း နားလည်နေတယ်... ကျွန်တော့်ကိုပြောပြလို့ရမလား"

၎င်းကိုပြောပြီးနောက် ယန်အန်းယုက ယီချန်းယန်ကို စိုက်ကြည့်နေသည်။

ယီချန်းယန်က နှုတ်ဆိတ်နေခဲ့သည်။

"..."

အချိန်အတော်ကြာပြီးနောက် ယန်အန်းယုက မေးခွန်းတစ်ခုထပ်မေးသည်။ ယခင်က သူ မသိစိတ်မှ ရှောင်ဖယ်ပြီး ထိုအကြောင်းကို မေ့ပျောက်သွားခဲ့သော်လည်း ယခုတွင် ထပ်ခါတလဲလဲ ခေါင်းကိုက်မှုများက သူနှင့် မူလပိုင်ရှင်၏ စိတ်စွဲလမ်းမှုကို ဖြေရှင်းရန် လိုအပ်ကြောင်း သတိပေး၍​နေခဲ့သည်။

ဖုံးကွယ်ထိန်ချန်မှုကင်းစင်ပြီး ပွင့်လင်းမြင်သာမှုအပြည့်ရှိသော ယန်အန်းယု၏ တောက်ပကြည်လင်သောမျက်လုံးများနှင့်မတူဘဲ ယီချန်းယန်၏ ပတ်လမ်းကြောင်းများသည် နားမလည်နိုင်လောက်အောင်နက်နဲလှသည်။ တစ်ချက်ကြည့်လိုက်ရုံနှင့် မမြင်နိုင်ပါချေ။

"အိမ်ထောင်ရေးအစမှာ ဘာခံစားချက်မှမရှိဘူး"

ယန်အန်းယုက ဖြေးညှင်းစွာ ဖိကာပြော၏။

"ကျွန်တော် ခင်ဗျားကို အတင်းအကြပ်ဖိအား​ပေးခဲ့လား...ကျွန်တော့်အပြစ်လား"

မူလပိုင်ရှင်က အကြံအစည်တချို့သုံးပြီး ယီချန်းယန်ကို အတင်းအကြပ်လုပ်ခိုင်းခဲ့တာလား...

"မင်း ကိုယ့်အပြစ်လို့ သဘောထားလို့ရပါတယ်"

အတန်ကြာ တိတ်ဆိတ်​နေပြီးနောက် ယီချန်းယန် ဤစကားကိုပဲ တိုးတိုးလေးဆိုလိုက်သည်။ အဲဒီတုန်းက ဘယ်သူ့အပြစ်လဲဆိုတာ အခုမှတော့ ခွဲခြားလို့မရတော့ဘူး...

ယန်အန်းယု နှလုံးသား တုန်ယင်သွားသည်။လက်ခုပ်ကိုတစ်ဖက်တည်းမတီးနိုင်ဘူးဆိုသည်က ထင်ရှား၏။ နှစ်ဖက်စလုံးမှာ အမှားတွေ ရှိကောင်းရှိနိုင်ပေမဲ့ သူက တစ်ယောက်တည်း တာဝန် ယူချင်​နေသည်။

ယီချန်းယန်၏ဤအမူအရာကိုမြင်သောအခါ ယန်အန်းယု သည်းမခံနိုင်တော့ပေ။ သူက ယီချန်းယန်ဆီသွားပြီး ပွေ့ဖက်လိုက်၏။

"တောင်းပန်ပါတယ် ချန်းယန်... ကျွန်​တော် မမေးခဲ့သင့်ဘူး"

ယီချန်းယန်က မပြောချင်ဘူးဆိုလည်း အဆင်ပြေပါသည်။ယန်အန်းယု ဤအဖြေကို မကြာမီ အဖြေထုတ်ပြီး အရာအားလုံးကို တွေးနိုင်မည်မှာ သေချာသည်။

ထိုနေ့မှာ ယန်အန်းယု 'ဝါး' ရိုက်ကွင်းဆီကို ပြန်သွားခဲ့သည်။ရိုက်ကူးရေးနားချိန် ကြားကာလကို သိမ်းယူကာ ပထမဆုံးအနေဖြင့် သူသည် အဆာပြေမုန့်များနှင့် လိမ္မော်သီးလေး သုံးလေးလုံး ယူကာ ထန်း​ရှောင်ကို သူ့ဘက်ကနေ စရှာခဲ့သည်။

ယင်းက ထန်းရှောင် နှင့် သူ၏မန်နေဂျာ ဝူရှောက်ကို ထိတ်လန့်မသွားဘဲ မနေနိုင်ဖြစ်စေခဲ့သည်။

အနှီစားစရာအကုန်လုံးကို ချပေးလိုက်က်ပြီး ယန်အန်းယုက ပါးစပ်ကို ဖွင့်လိုက်၏။

"အဲဒီနေ့ကအတွက် ကျေးဇူးတင်ပါတယ် ထန်းရှောင်"

ယခင်က ရေကန်ထဲတွင် ရုပ်ရှင်ရိုက်ရင်း ရေနစ်လုနီးနီးတွင်  ထန်းရှောင်က ကံကောင်းထောက်မစွာ ချက်ချင်းဆိုသလို တစ်စုံတစ်ခု မှားယွင်းနေသည်ကို သတိပြုမိပြီး သူ့ကိုရေထဲမှ ဆွဲထုတ်ခဲ့သည်။

ယန်အန်းယုက အချစ်နှင့်အမုန်းကို ကောင်းကောင်းခွဲခြားနိုင်သူ ဖြစ်သည်။ အတော်လေးနက်ရှိုင်းသော အကြံအစည်များရှိသည့် ထန်း​ရှောင်ကို သူ မကြိုက်ပေမဲ့ ထန်းရှောင်က ထိုနေ့မှာ သူ့ကို စစ်မှန်စွာ ကယ်တင်ခဲ့ပြီး သူက ၎င်းကို သူ့နှလုံးသားထဲမှာ မှတ်တမ်းတင်ထားခဲ့သည်။

"မင်းအဆင်ပြေရင်ပြီးတာပါပဲ ရှောင်ယု"

ထန်းရှောင်က ထိုစကားကိုကြားသောအခါ ပြုံးလိုက်သည်။ ဤတစ်ခါတွင် သူ့အပြုံးက ပိုသဘာဝကျလာသည်။ တစ်ချိန်တည်းမှာပင် သူက သူ့ဘေးနားရှိ ဝူရှောက်ကို လက်ပြကာ ထွက်သွားရန် အမူအရာပြလိုက်သည်။

"ထန်းရှောင် အခုတလော မင်းအရမ်းငြိမ်နေတယ်... မင်းရဲ့နေရာကို မင်းတကယ်သိမယ်လို့ မျှော်လင့်ပါတယ်...နောက်ကွယ်ကနေ ကောက်ကျစ်တဲ့ အကြံအစည်တွေကို  မဖန်တီးပါနဲ့တော့"

အနားတွင် ဘယ်သူမှမရှိသည့်အခါ ယန်အန်းယု၏ စကားများက ပိုမိုပြတ်သားလာသည်။

"မင်းက ငါ့ကို အမြဲ မကောင်းတွေးတာပဲ" 

ထန်းရှောင်၏ နှုတ်ခမ်းများကတွန့်သွားကာ သ​ရော်ပြုံးပြုံးလေသည်။

"ဒီအသိုင်းအဝိုင်းမှာ လူတိုင်းက ပါးနပ်ပြီီး လှည့်ကွက်တွေရှိတယ်...ဘယ်တော့မှ ကောင်းတာမရှိဘူး...လူတိုင်းက အမြင့်ဖို့ တက်ဖို့ ရုန်းကန်​နေရပြီး အရေးကြီးတဲ့အရာကိုတောင် စွန့်လွှတ်ဖို့ ဆန္ဒရှိတယ်"

ယန်အန်းယုက ထိုစကားကိုကြားသောအခါ အကြိမ်ကြိမ် ခေါင်းခါလိုက်သည်။

"ထန်းရှောင် မင်းရဲ့ အတွေးက အရမ်းအဆိုးဘက်ရောက်လွန်းတယ်... မင်းပြောတာ တစ်ဝက်ပဲ မှန်တယ်လို့ ငါထင်တယ် ...မင်းယုံရ–"

"အဲဒါက မင်းကတစ်ခါမှ မကြုံဖူးလို့လေ" 

ထန်းရှောင် ရုတ်တရက် သူ့ကို အေးစက်စွာ ဖြတ်ပြောလိုက်၏။

"ယန်အန်းယု တကယ်တော့ ရက်စက်တဲ့ နည်းလမ်းတွေနဲ့ ပတ်သက်ရင် ငါက စီနီယာယီနောက် အဝေးကြီးမှာ"

"..." 

ယန်အန်းယု မှင်တက်သွားပြီးလက်သီးဆုပ်ထားလိုက်မိသည်။

"ထန်းရှောင် ချန်းယန်က တကယ် အဲ​လောက်မကောင်းတာမျိုးဖြစ်ရင်ဖြစ်မယ်... သူအရင်တုန်းက တစ်ခုခုလုပ်ခဲ့ဖူးပေမဲ့ ငါ သူ့ကို ယုံကြည်တယ်...သူ အမှားလုပ်မိရင်တောင် ငါက သူ့ကို ဖြည်းဖြည်းချင်း ပြုပြင်ပေးမှာ...ဘာလို့လဲဆိုတော့ သူက ထိုက်တန်လို့...သူက ငါ့အတွက် အကောင်းဆုံးပဲ"

ထိုစကားနှင့်အတူ ယန်အန်းယုက ထွက်သွားပြီး ထန်းရှောင်ကို ရှုပ်ထွေးသောအမူအရာနှင့် နောက်တွင် ကျန်ရစ်ခဲ့စေသည်။

****

မတ်လလယ်တွင် ယန်အန်းယု Xမြို့တော်ကို အဖွဲ့သားများနှင့်အတူ ရုပ်ရှင်သွားရိုက်သည်။သူရောက်ပြီး ရက်အနည်းငယ်အကြာတွင် ချင်နွော်ရှီက ၎င်း၏ အယ်လ်ဘမ်အသစ် 'အဖော်' ကို ထုတ်ခဲ့ပြီးနောက် သူကိုယ်တိုင်လည်း X​မြို့​တော်သို့ ရောက်ရှိလာခဲ့သည်။

ချင်​နွော်ရှီ၏ အယ်လ်ဘမ်အသစ်၏ သီချင်းများသည် အဓိကလူကြိုက်အများအဆုံးသီချင်းစားရင်းများတွင် လျင်မြန်စွာ လွှမ်းမိုးသွား၏။ စစ်တမ်းတစ်ခုအရ ထိပ်ဆုံးသုံးပုဒ်က အကုန်လုံးနီးပါး သူ၏သီချင်းများဖြစ်သည်။

ဖန်များကလည်း သူ့ကို အားပေးရန် အကောင်းဆုံး ကြိုးစားခဲ့ကြသည်။ဤတစ်ခါမှာ ခေါင်းစီးသီချင်း၏ MVက စံချိန်များစွာချိုးခဲ့သည်။ဤအခြေအနေအရ ချင်​နွော်ရှီက ဂြိုလ်တုတီဗီနှင့် ပလက်ဖောင်း၏ နှစ်ပတ်လည် အခမ်းအနားကြီးတစ်ခုစီမှ ဆုများစွာကို ထပ်မံရရှိမည်ဖြစ်သည်။

ဤညမှာ ယန်အန်းယုနှင့် ချင်နွော်ရှီတို့ fanmeetingကိစ္စ ဆွေးနွေးခဲ့ကြ၏။

"နွော်ရှီ မင်းကိစ္စတွေစီစဉ်ပြီးတာနဲ့ ငါခွင့်တိုင်လိုက်မှာ... နာရီဝက်လောက်ပဲထွက်နိုင်ရင်တောင် မင်းကိုငါလာအားပေးမှာ"

"အင်း... ဒါဆို မင်းရဲ့ကြွရောက်လာမှုကို ငါစောင့်နေမယ်"

"ဟားဟား နွော်ရှီ... မင်းကဒီလိုပြောနေတော့ ငါကို​​ယ်ငါ အရမ်းနာမည်ကြီးတဲ့သူလိုခံစားရတယ်...မသိရင် ပြည်သူ့အချစ်​တော်အမျိုးသားနတ်ဘုရားပေါ့" 

ယန်အန်းယုက ချက်ချင်းပင် သူ့အပြောသူ သဘောကျသွားသည်။

"ကောင်းပြီ၊ မြန်မြန်ထပြီး အမှန်တရားကို အသိအမှတ်ပြုလိုက်... မင်းက အမျိုးသားနတ်ဘုရားဖြစ်ဖို့ ဝေးနေသေးပေမဲ့ မင်းတို့မိသားစုက ရုပ်ရှင်ဧကရာဇ်ယီကတော့ အမျိုးသားနတ်ဘုရားအစစ်အမှန်ပဲ"

ချင်နွော်ရှီက ယီချန်းယန်ကိုထည့်ပြောသည်ကို ကြားသောအခါ ယန်အန်းယု ရုတ်တရက် အသံနှိမ့်လိုက်သည်။

"​နွော်ရှီ ငါ မင်းကို တိတ်တိတ်လေး ပြောပြမယ်... တကယ်တော့ ချန်းယန်က ဝမ်းတွင်းမည်းကြီး ...သူ့မှာ Sစရိုက်လည်း ရှိတယ်"

"ဖူး..." 

ချင်နွော်ရှီ ရယ်လေသည်။

"​ရှောင်ယု သူ့ကို ဒီလိုမျိုး အပုတ်ချနေတာ တကယ်အဆင်ပြေရဲ့လား"

"ငါက သူ့ကို အပုတ်ချနေတာ မဟုတ်ပါဘူးနော်... ဘယ်လိုပဲဖြစ်ဖြစ် ငါ ချန်းယန်ကို သဘောကျတယ်...သူ့ရဲ့ချို့ယွင်းချက်တွေကိုတောင် သဘောကျတယ်"

"..."

ချင်နွော်ရှီ နင်သွား၏။ဤအချိန်မှာ သူ့မှာ ရှို့ဖို့ အင်အားမရှိတော့ပေ။ သေချာသည်ပင်၊ယန်းအန်းယုက မိုက်မဲပေမဲ့ အလွန်ရိုးသားသည့် 'ဦးနှောက်မဲ့ဖန်'ဖြစ်နေဆဲဖြစ်သည်။

"တိုတိုပြောရရင် နွော်ရှီ နှစ်ရက်​နေရင်ဆုံကြမယ်" 

ယန်အန်းယုက နောက်ဆုံးတွင် အလေးပေးပြောဆိုခဲ့သည်။

ချင်နွော်: "ကောင်းပြီ"

သို့သော် ...

နောက်နေ့မနက်စောစောမှာ အင်တာနက်ပေါ်မှာ ချင်​နွော်ရှီနဲ့ပတ်သက်တဲ့ အရှုပ်​တော်ပုံတစ်ခုနဲ့ သူ့ရဲ့အများမသိတဲ့လျှို့ဝှက်ချက်တချို့နဲ့ပြည့်နေလိမ့်မယ်လို့ ဘယ်သူကထင်ထားမှာလဲ...

*****

ချင်​နွော်ရှီ၏ အယ်လ်ဘမ်အသစ် 'အဖော်' ထွက်သည်က တစ်ပတ်မျှပင် မရှိသေးဘဲ Xမြို့တော် ဖန်တွေ့ဆုံပွဲကလည်း စမည်ပြုကာရှိသေး မမျှော်လင့်ဘဲ တစ်ညအတွင်း သူနှင့်ပတ်သက်သည့် အရှုပ်တော်ပုံများစွာ ပေါ်ပေါက်လာသည်။

လွန်ခဲ့သည့်နှစ်နှစ်က ချင်နွော်ရှီ၏အဖေ အသည်းအသန်ဖြစ်ပြီး ချင်နွော်ရှီက မနက်ဖြန်များ၏အသံစင်မြင့်မှ ရုတ်တရက်နုတ်ထွက်ခဲ့သည်။

ထို့နောက်တွင် ချင်​နွော်ရှီက အဖေပဲရှိသည့် မိသားစုမှဖြစ်​ပြီး သူ၏ပညာရေးက အထက်တန်းအဆင့်သာရောက်ရှိခဲ့ကြောင်း လူတိုင်းသိခဲ့ကြသည်။၎င်းတို့​အားလုံးသည် လျှို့ဝှက်ချက်များမဟုတ်တော့ပေ။သို့ပေမဲ့ လူတိုင်းကို အံ့အားသင့်စေခဲ့သည်က ချင်နွော်ရှီ၏ဖခင်က ၎င်း၏မွေးစားဖခင်သာဖြစ်ပြီး၊ သူ့မွေးမိခင်မှာ မမျှော်လင့်ထားသည့် ဟဲဟန်ချမ် ဖြစ်​နေသည်။

အမျိုးသမီးအဆိုတော်ဟဲဟန်ချမ် အကြောင်းပြောသောအခါတွင် သူမ၏ရုပ်ရည်နှင့် ကိုယ်လုံးကိုယ်ပေါက်က လုံးဝ နတ်ဘုရားမအဆင့်ဖြစ်လေသည်။သူမသည် သူမ၏ရင်သက်ရှုမောဖွယ်သီချင်းဆိုသံနှင့် သူမ၏ကိုယ်ပိုင်ဂီတစတိုင် အီလက်ထရွန်းနစ်ပေါ့ပ်ဖြင့်လာသူဖြစ်၏။သူမမှာ မရေမတွက်နိုင်သော အမာခံဖန်များရှိခဲ့ပြီး တစ်ခေတ်တစ်ခါ၏ အာဂနာမည်ကြီး လူငယ်အမျိုးသမီးအဆိုတော်ဖြစ်ခဲ့ကာ ဂီတဖခင်ကြီး ဆရာပိုင်၏ ဂုဏ်ယူရဆုံး အမျိုးသမီး တပည့်ပင်ဖြစ်ခဲ့ဖူးသည်။

ကံမကောင်းစွာဖြင့်၊ ဟဲဟန်ချမ်က ချမ်းသာသော ကုန်သည်ကြီး၏ အငယ်အနှောင်းဖြစ်လာပြီး ထိုလူ၏အိမ်ထောင်ရေးနှင့် မိသားစုကို ပျက်စီးစေခြင်းဖြင့် အဆုံးသတ်ခဲ့လေသည်။နောက်ပိုင်းတွင် ဘက်ပေါင်းစုံမှ လူအများ၏ သဘောထားနှင့် ဖိအားများကြောင့် ဟဲဟန်ချမ်း လူမြင်ကွင်းမှပုန်းကွယ်ခဲ့ရပြီး ပြင်းထန်သော စိတ်ကျ​ရောဂါပင်ကိုပင်ရရှိခဲ့သည်ဟုဆိုသည်။

လအနည်းငယ်ကြာပြီးနောက် ဟဲဟန်ချမ် သူမ၏ပရိသတ်များထံ သူမ၏ နောက်ဆုံးသောသီချင်း 'အသံတိတ်' ကို ချန်ထားခဲ့ပြီးနောက် ကိုယ့်ကိုကိုယ်သတ်သေသွားခဲ့သည်။အဆိုပါသီချင်းသည် ဆွံ့အ​နေ​သူကဲ့သို့ အသံတိတ်ကာ ဘာတစ်ခုမှရှင်းပြနိုင်စွမ်းမရှိသူတစ်ဦးအကြောင်းကို ဖော်ကျူးထားသည်။ယင်းက သူမ၏နောင်တကိုဖော်ပြနေပြီး သူမ၏နက်ရှိုင်း စိတ်ပျက်အားငယ်မှုကိုပြသနေသည်။၎င်းကို နားထောင်ခြင်းက လူတစ်ယောက်ကို အသံတိတ်မျက်ရည်ကျအောင် လုပ်နိုင်လေသည်။

သူမကို ပြင်းပြင်းထန်ထန် ရှုံ့ချဝေဖန်နေကြသူများက သူမ၏ ငယ်ရွယ်​​သောအသက်နှင့် အရည်အချင်းများကြောင့် အတော်လေးစိတ်မကောင်းဖြစ်ခဲ့ကြသည်။

ယခုအချိန်တွင် ဟဲဟန်ချမ်က သူမကိုယ်သူမသတ်သေမီ သားတစ်ယောက်မွေးဖွားပြီးနေလိမ့်မည်ဟု မည်သူက ထင်ပါမည်နည်း။

ချင်နွော်ရှီက မမျှော်လင့်ဘဲ အငယ်အနှောင်း၏သားဖြစ်​နေသည်လား။ထိုမျှသာမက၊ သူ၏ လိင်စိတ်တိမ်းညွတ်မှုအစစ်အမှန်လည်း ဖော်ထုတ်ခံလိုက်ရ၏။သူက ဂေးဖြစ်သည်။

အထက်တန်းကျောင်းထွက်ရခြင်းအကြောင်းအရင်းမှာ သူ၏သူငယ်ချင်းကောင်း ရှန်းသုန်းဟောင့်ကို တိတ်တိတ်​လေး ခိုးချစ်မိခြင်းကြောင့်ဖြစ်လေသည်။နောက်ပိုင်းမှာ သူက တစ်ဖက်သတ်ဆက်ဆံရေးထဲမှာ ဆက်မနေနိုင်သောကြောင့် ဒေါသတကြီးထွက်သွားခဲ့သည်။

ချင်​နွော်ရှီ၏ ဂီတပါရမီနှင့် စွမ်းရည်များသည် အတုအယောင်များမဟုတ်သော်လည်း နောက်ခံမရှိသော လူသစ်တစ်ယောက်အနေဖြင့် ထိုကဲ့သို့သော ချောချောမွေ့မွေ့ဖြစ်နေခြင်းမှာ သူက ရှန်းဟွမ်က ရာထူးကြီးကြီးတစ်ယောက်ကို တွယ်တက်ခဲ့ခြင်းကြောင့်ဟု ထင်ကြေးပေးခံ​နေရသည်...

နေ့ချင်းညချင်း ပေါ်ထွက်နေသော ဤအရှုပ်တော်ပုံများကို မြင်သောအခါတွင် ယန်အန်းယု ချက်ချင်းပင် အံသြသွားပေမဲ့ အင်တာနက်သုံးစွဲသူများထက် များစွာနည်း​ပေသည်။

အမှန်တရားသည် မည်သို့ပင်ဖြစ်စေ ဤသတင်းက အမှန်ရော အမှားပါရောနေပြီး နောက်ဆုံးတွင် ၎င်းတို့သည် ချင်နွော်ရှီကို အလွန်ဆိုးရွားသောပုံရိပ်တစ်ခုကို ဖန်တီး​ပေးခဲ့သည်။

အချိန်အတော်ကြာအောင် အားလုံးက ပြင်းပြင်းထန်ထန် ငြင်းခုံနေကြသည်။

ချင်နွော်ရှီ၏ ဖန်အချို့ပင် အနည်းငယ် ကတောက်ကတတ်ဖြစ်နေကြသည်။အချို့သောဖန်များက antiအ​ဖြစ်သို့ ကူးပြောင်းသွားကြပြီး အထူးသဖြင့် သူ့ကို အရူးအမူးချစ်ကြသည့် အတော်လေး ငယ်ရွယ်သော မိန်းကလေးဖန်များဖြစ်၏။သူတို့ လက်ထပ်ချင်နေတဲ့ယောကျာ်းက မမျှော်လင့်ဘဲ ယောကျာ်းတွေကိုကြိုက်လိမ့်မယ်လို့ ဘယ်သူကထင်ပါ့မလဲ...

လိင်တူဆက်ဆံ​ရေးကိစ္စမှာ ပါဝင်ပတ်သက်နေသည့် တစ်ဖက်လူဖြစ်သော ရှန်းသုန်းဟောင့်က ဘာလှုပ်ရှားမှုမှမပြုလုပ်ခဲ့ပေမဲ့ သူ့ဖန်များက သူ့အတွက် အလွန်စိတ်မကောင်းဖြစ်ခဲ့ကြသည်။

"ငါတို့မိသားစုက သုန်းဟောင့်က နစ်နာသူသက်သက်ပဲ...ချင်​နွော်ရှီက ​အရှက်မရှိ သူ့ကို အနှောက်အယှက်ပေးခဲ့တာ သေချာတယ်"

"အခုလက်ရှိ သူတို့ဆက်ဆံရေးက ဒီ​လောက်အေးစက်တာ...ချင်နွော်ရှီက ငါတို့မိသားစုရဲ့ ရှန်းသုန်းဟောင့်ကို သူတို့ အထက်တန်းကျောင်းတက်တုန်းက စိတ်ပိုင်းဆိုင်ရာ အရိပ်တစ်ခုပေးခဲ့လို့ ဖြစ်ရမယ်"

"ရှင်းပါတယ်၊ရှန်းသုန်းဟောင့်က 'မနက်ဖြန်များရဲ့အသံ' မှာ ဒုတိယနေရာကို ရခဲ့ပေမယ့် ရှန်းဟွမ်က ချင်နွော်ရှီကို ဆက်​ပြီးထောက်ပံ့ပေးနေတုန်းပဲ... သေချာတယ် လျှို့ဝှက်ချက်တချို့ ရှိလောက်တယ်... တန်းတူရည်တူဆက်ဆံဖို့ တောင်းဆိုပါတယ်"

၎င်းတို့သည် ချင်​နွော်ရှီကို စတင်ဝေဖန်တိုက်ခိုက်ခဲ့ပြီး၊ရှန်းဟွမ်မီဒီယာကပင် ခေါင်းစီးပို့စ်များစွာရရှိခဲ့သည်။သို့သေယ်လည်း ထိုအချိန်တွင် ဟွမ်ချွမ်းက Weibo တွင် အဓိပ္ပါယ်မရှင်းလင်းသည့်ပို့စ်တစ်ခုတင်လာသည်။

[ဟွမ်ချွမ်းV:ငါတို့ကို ပိုပြီး မျှမျှတတ ဆက်ဆံနိုင်မယ်လို့ မျှော်လင့်ပါတယ်]

ဤသို့ဖြင့် ဟွမ်ချွမ်း၏ ဖန်များသည် သူလည်း ရှန်းသုန်းဟောင့်ကဲ့သို့ ဘဝတူဖြစ်နေကြောင်း ရုတ်တရက် သတိပြုမိသွားကြသည်။သူ့မှာအမြဲ အခွင့်အ​လမ်းကောင်များချို့တဲ့နေပြီး ကျော်ကြားမှုက နှေးကွေး​နေသည်။

ထို့ကြောင့် ရှန်းသုန်း​ဟောင့်၏ အမာခံဖန်တပ်တွင် ပါဝင်ပြီး ရှန်းသုန်းဟောင့်အား အားပေးကာ ချင်​နွော်ရှီကို တိုက်ခိုက်ရန် ရည်ရွယ်သူများလည်း ရှိလာခဲ့သည်။

သို့သော်၊ ချင်နွော်ရှီက နှုတ်ဆိတ်နေပြီး ယခုအချိန်အထိ ရှန်းဟွမ်၏တရားဝင်ဆိုက်တွင် ၎င်းတို့၏ ရပ်တည်ချက်ကို မကြေငြာသေးဘဲ ဤသတင်းအမှန်နှင့်အမှားများကို လက်လွတ်စပယ် ပျံ့နှံ့စေရန် ခွင့်ပြုထားလေသည်။

****

Xမြို့တော် ယန်အန်းယု၏ နား​နေခန်း၌

ယခုအချိန်တွင်၊ ယန်အန်းယု  ရုပ်ရှင်ရိုက်ရန် အာရုံမစိုက်နိုင်တော့သည်မှာပုံမှန်ဖြစ်လေသည်။သူ အလွန်ကိုမှ စိတ်ပူနေပေမဲ့ ချင်​နွော်ရှီ၏ ဖုန်းကိုခေါ်မရသည့်အပြင်၊ သူ့အစ်ကိုယန်ကျွယ့်၏ ဖုန်းကလည်း စက်ပိတ်ထားသည်။

၎င်းကိုမြင်သောအခါ ထန်းကော်က ရှေ့ကို တက်ကာ မျက်မှောင်ကြုတ်ပြီးဆိုလိုက်၏။

"သခင်လေး တကယ်တော့ ကျွန်တော့နေ့ညကတည်းက ဥက္ကဋ္ဌယန်ရဲ့ ဖုန်းကိုခေါ်မရတာ... သူ့ဖုန်းစက်ပိတ်ထားတယ်လို့ ပြောနေတယ်"

၎င်းကိုကြား​သောအခါ ယန်အန်းယု လောလောဆယ်မှာ ဖုန်းကို ချထားရုံသာတတ်နိုင်လေသည်။

"လောကကြီး ဘာ​တွေဖြစ်​နေတာလဲကွာ"

ထိုအချိန်တွင် ချီစန်းက တိုက်တိုက်ဆိုင်ဆိုင် အခန်းထဲသို့ ဝင်လာကာ လေးလေးနက်နက် မျက်နှာထားဖြင့် ဆို၏။ 

"ဒီမနက်က အကြောင်းကြားစာရထားတယ်...ဥက္ကဋ္ဌယန်က နေမကောင်းဖြစ်ပြီး အချိန်တစ်ခုလောက် အနားယူရမယ်... သူ မရှိတဲ့အချိန်မှာ ကုမ္ပဏီကို ယန်မိသားစုရဲ့ဦးလေးဆီ ယာယီ စီမံခန့်ခွဲဖို့ လွဲပြောင်းပေးခဲ့တယ်တဲ့"

"ဘာ"

ယန်အန်းယု၏အမူအရာ ချက်ချင်းပြောင်းလဲသွားသည်။ထန်းကော်လည်း လန့်သွားသည်။ဘယ်လိုဖြစ်လို့ ဥက္ကဋ္ဌယန်က ရုတ်တရတ်ကြီး ထနေမကောင်းဖြစ်တာလဲ...ယန်မိသားစုထဲမှာ ပဋိပက္ခတစ်ခုဖြစ်နေတာဖြစ်ရမယ် ဟုတ်တယ်မလား...

ယန်အန်းယု သူ့နားထင်များကို နှိပ်နယ်လိုက်သည်။

ဒီတစ်ကြိမ်က ချင်​နွော်ရှီ​ကို ပစ်မှတ်ထားရုံတင်မဟုတ်ဘဲ ယန်ကျွယ့်ကိုပါ ဖြေရှင်းချင်နေတာလား...

အနည်းငယ် အသက်ပြင်းပြင်းရှူပြီးနောက် ယန်အန်းယု ဤကိစ္စကနေ အကျိုးအမြတ်ရနိုင်မည့် ဖြစ်နိုင်သည့်လူများကို စဥ်းစားကြည့်လိုက်သည်။ရှန်းသုန်းဟောင့်၊ဟွမ်ချွမ်း...ယန်မိသားစုကဦးလေးတွေ...တခြားရည်မှန်းချက်ရှိတဲ့လူရော ရှိနိုင်သေးလား...

ယန်အန်းယုက သူ့ဖုန်းကိုပြန်ကောက်ကိုင်လိုက်သည်ကိုမြင်လျှင် ချီစန်း တစ်ခုခုမှားနေပြီဆိုသည်ကို ရေးတေးတေး သိလိုက်သည်။

"ရှောင်ယု တစ်ခုခုလုပ်မလို့လား"

"ချီ​ကော...ဘာပဲဖြစ်ဖြစ် ကျွန်တော် နွော်ရှီကို အမြဲအားပေးနေမှာ... သူ့အကျင့်စရိုက်ကိုလည်း ကျွန်တော်ယုံကြည်တယ်"

"အင်း ကျွန်တော် ရောပဲ" 

ထန်းကော်ကလည်းဆိုသည်။

"သူတို့ရဲ့ မျိုးရိုးနဲ့ မိသားစုကို ဘယ်သူကမှ ရွေးချယ်လို့မရဘူး...ဒါ့အပြင် သူက ဂေးဆိုရင်ရောဘာဖြစ်လဲ...သူ ဘာအမှားမှ မလုပ်ခဲ့ဘူးမလား"

ချီစန်း ကြောင်အမ်းသွား၏။သူတို့က ဤအဆိုတော်ကို ဤမျှထောက်ခံ​နေသည်ကိုမြင်သောအခါ သူ လျော့ပေးရုံသာတတ်နိုင်လေသည်။

"ထားလိုက်ပါတော့...ဘာပဲလုပ်လုပ် ရဲရဲဝံ့ဝံ့သာလုပ်ရှောင်ယု"

ထိုနောက်မှာတော့ ယန်အန်းယုက Weiboမှာ ပို့စ် တင်ခဲ့၏။

[ယန်အန်းယုV: ကျားယို! မင်းရဲ့သီချင်းလိုပဲ ငါတို့ မင်း@ချင်နွော်ရှီ ဘေးမှာအမြဲရှိနေမယ်]

👥️