Chapter 76

👥️Chapter 76

ရှန်းသုန်းဟောင့်က ချင်နွော်ရှီအတွက် အမှန်တရားကို ရှင်းလင်းပြောကြားခဲ့သော်လည်း အမှန်တွင် သတင်းစာရှင်းလင်းပွဲ အပြီးမှာ သူ စင်မြင့်ပေါ်မှာ ရပ်နိုင်တော့မည်မဟုတ်ပေ။နောက်ကွယ်ကနေပဲ လှုပ်ရှားကာ အခြားနည်းလမ်းကိုပြောင်းပြီး ဂီတလမ်းကြောင်းမှာ ဇွဲရှိရှိနှင့် ဆက်ကြိုးစားရန် ရည်ရွယ်ထားသည်။

လက်ရှိကာလ ရှန်းသုန်းဟောင့်၏အိမ်၌

ပြီးခဲ့သည့်အပတ်က သတင်းစာရှင်းလင်းပွဲကို သူတွေးလိုက်တိုင်း ချင်နွော်ရှီ သူ့နှလုံးထဲတွင် အလွန်ကို ချဥ်စူးသွားရသည်။

"သုန်းဟောင့် ငါမင်းကို ဆွဲချ..."

"ငါကမှ မင်းကို ဆွဲချခဲ့တာအသိသာကြီးပါ... ငါ မင်းကို နားလည်မှုလွဲနေတာကြာပြီ...ဒီနှစ်တွေအတွင်းမှာ မင်းကို အမြဲတမ်း ပစ်မှတ်ထားခဲ့တယ်"

ရှန်းသုန်းဟောင့် ခါးသက်သက် အပြုံးဖြင့် ပြော​လေသည်။

သူတို့နှစ်ယောက် အထက်တန်းမှာ ခွဲခဲ့ကြပြီး ချင်နွော်ရှီနှင့် သူပြန်တွေ့ပြီးကတည်းက ချင်​နွော်ရှီကို သူ ကောင်းမွန်သောအမူအရာ တစ်ခါမှ မပြခဲ့ပေ။ကွယ်ရာမှာဆိုလျှင် သူ့အမူအရာက အမြဲတမ်း အေးစက်ပြီး ဥပေက္ခာပြုထားခဲ့သည်။'မနက်ဖြန်များ၏အသံ' မှာ ပါဝင်တုန်းကလည်း သူ  သူ့ကိုလှောင်ပြောင် ပျက်ရယ်ပြုခဲ့​သေးသည်။

"သတင်းစာရှင်းလင်းပွဲမှည ဒီအကြောင်းတွေကို ငါပြောပြီးတဲ့အခါ ငါ့မိဘတွေက ဒေါသကြောင့် ရူးသွပ်သွားခဲ့တယ်...ဒေါသထွက်ထွက်နဲ့ စိတ်မထိန်းနိုင်ဖြစ်ပြီး အထက်တန်းတုန်းအကြောင်း ထုတ်ပြောလာကြတယ်...နွော်ရှီ မင်းရုတ်တရက်ကြီး ငါတို့ရဲ့ တီးဝိုင်းကို စွန့်လွှတ်လိုက်တာက မင်းမိသားစုကြောင့်ပဲ မဟုတ်ဘူး ...ငါ့မိဘတွေက မင်းကို အတင်းအကြပ်ဖိအား​​​ပေးခဲ့လို့ရောမလား"

ရှန်းသုန်း​ဟောင် သိ​​သွား​ပြီလား...

ချင်နွော်ရှီ အံ့အားသင့်သွားပြီးနောက် ဝန်ခံလိုက်၏။

"အင်း... ဒါပေမဲ့ မင်းရဲ့အနာဂတ် ငါ့ကြောင့် ပျက်ဆီးမှာကြောက်လို့ သူတို့က မင်းကောင်းဖို့ လုပ်ခဲ့တာပါ...အခု..."

"ဟမ့်..."

ရှန်းသုန်းဟောင့်က နှာမှုတ်လိုက်၏။

"အကြီးကြီး ကွေ့ပတ်​နေတော့လည်းဘာထူးလဲ နောက်ဆုံးမှာ ရလဒ်ကအတူတူပဲလေ... ဒါပေမဲ့ နွော်ရှီ ဘာပဲဖြစ်ဖြစ် ဒါက ငါ့ရွေးချယ်မှုပဲ...ဒါကြောင့် ငါနောင်တရမှာ မဟုတ်ဘူး"

ချင်နွော်ရှီ မှင်တက်သွား၏။  သူ၏ခိုင်မာ​​သောအကြည့်များကို ကြည့်ရင်း သူက ဖျော့တော့စွာပြုံးလိုက်သည်။

"မျှော်လင့်ထားသလိုပဲ... သုန်းဟောင့် မင်းက ငါ့ထက် အများကြီး ပိုသန်မာတယ်"

"​နွော်ရှီ ငါတို့... အစကနေပြန်စလို့ရမလား"

သူစကားက ဆုံးရုံမျှရှိသေး

သတင်းစာရှင်းလင်းပွဲမှာ ရှန်းသုန်းဟောင့် ပြောခဲ့သောစကားများကို ချင်နွော်ရှီ ပြန်သတိရသွားခဲ့သည်။ လူများစွာနှင့် သတင်းထောက်များရှေ့မှာ သူက သူ့ခံစားချက်များကို ရှင်းရှင်းလင်းလင်း ဖွင့်ဟဝန်ခံခဲ့ပြီး ယခု သူ့ရှေ့မှာ နောက်တစ်ကြိမ်ထပ်ပြီး...

ချင်နွော်ရှီ လက်သီးများဆုပ်ကာ သူ့နှလုံးသားထဲတွင် ခဏလောက် လွန်ဆွဲနေခဲ့သော်လည်း သူ့အဖြေကို ရှင်းရှင်းလင်းလင်း ပြောပြလိုက်ဆဲဖြစ်လေသည်။

"သုန်းဟောင့် ငါတို့သူငယ်ချင်းတွေပြန်ဖြစ်နိုင်ပေမဲ့ နောက်ထပ်အရာတွေအတွက်တော့ ငါတောင်းပန်ပါတယ်"

ချင်​နွော်ရှီ မဒမ်ယန် နှင့်တွေ့ဆုံပြီးနောက် ယန်ကျွယ့်က ထိုအချိန်တွင် သူ့လက်ကို တင်းတင်းကြပ်ကြပ်ဆုပ်ကိုင်ထားပြီး ယန်မိသားစုတစ်ခုလုံး၏ ပိုင်ဆိုင်မှုကို စွန့်လွှတ်ရန် ဆန္ဒရှိကြောင်း ပြောခဲ့သည်။

ထိုနှစ်တုန်းက ယန်ဖန်းက ရွေးချယ်စရာမရှိပဲ မဒမ်ယန်ကို လက်ထပ်ရန် အတင်းအကြပ်ဖိအား​ပေးခံခဲ့ရပြီး သူတို့၏အိမ်ထောင်ရေး ပြိုကွဲပျက်စီးမှုကို ဦးတည်စေခဲ့သည်။ယန်ကျွယ့်က တူညီသောလမ်းကြောင်းအတိုင်း လိုက်​ပြီး ဘေးဒုက္ခဆီမသွားချင်သည့်အတွက်ကြောင့် သူ မချစ်သောမိန်းမနှင့်လက်ထပ်မည်မဟုတ်ပေ။

ယန်ကျွယ့်၏ဆုံးဖြတ်ချက်က မဒမ်ယန်ကို ရင်ထဲလှုပ်ခတ်သွားစေခဲ့ပြီး ချင်နွော်ရှီသည်လည်း ခြွင်းချက်မဟုတ်ပေ။

"..."

အကြာကြီး တိတ်ဆိတ်သွားပြီးနောက် ရှန်းသုန်းဟောင့်က ပါးစပ်ကို ဖြည်းညှင်းစွာ ဖွင့်လိုက်သည်။

"ကောင်းပြီ...ငါ နားလည်ပါပြီ"

ထိုနှစ်တုန်းက နားလည်မှုလွဲမှုက ပြေလည်သွားပြီး သူတို့နှစ်ယောက် သူငယ်ချင်းအဖြစ် ပြန်ဖြစ်နိုင်ပေမဲ့ အချိန်အကြာကြီး ဖြတ်သန်းခဲ့ရသော ကိစ္စများရှိပြီး သူတို့နှစ်ယောက် ကိစ္စများ အများကြီးကိုလွတ်သွားခဲ့သည်က ဝမ်းနည်းစရာပါပင်။လူတစ်ယောက်၏ နှလုံးသားက အမြဲတမ်း တစ်သမတ်တည်းမဖြစ်နိုင်ပါဘဲ  ခံစားချက်များကလည်း အတူတူပဲဖြစ်လေသည်။

ထိုအချိန်တွင် အချိန်ကိုကြည့်ကာ ချင်နွော်ရှီက ဆိုဖာပေါ်မှ ထလိုက်သည်။

"သုန်းဟောင့် နောက်ကျနေပြီ...သူ အောက်ထပ်မှာ စောင့်နေလောက်ပြီ"

"အင်း...လမ်းမှာ ဂရုစိုက်...  ငါ မင်းကို လိုက်မပို့တော့ဘူး"

ရှန်းသုန်း​ဟောင့်၏အိမ်မှထွက်လာပြီးနောက်၊မကြာမီ ချင်နွော်ရှီက ယန်ကျွယ့်၏ကားထဲတွင် ဝင်ထိုင်လိုက်သည်။

"ဦးလေးအတွက် နေရာချထားပြီးပြီ"

လက်ရှိအရေးအခင်းက တဖြည်းဖြည်းနှင့် အရှိန်သေသွားပေမဲ့ သတင်းထောက်တချို့က သူတို့အိမ်တံခါးဝမှာ သူတို့ကို ဆက်နှောင့်ယှက်နေခြင်းမျိုးမဖြစ်တော့အောင် ယန်ကျွယ့်က ချင်နွော်ရှီ၏အဖေကို တခြားတစ်နေရာကို ပို့လိုက်၏။

"အင်း ခင်ဗျား ပင်ပန်းသွားရပြီ" 

ချင်နွော်ရှီက ခရီးသည်ထိုင်ခုံတွင် ပျင်းရိစွာ လျောင်းရင်း သူ့ကို ပြုံးပြသည်။

"မင်းလောက်မပင်ပန်းပါဘူး"

ယန်ကျွယ့်က ခေါင်းခါလိုက်ပြီး သူ့လေသံက နူးညံ့ပြီး ချစ်မြတ်နိုးမှုများပြည့်နေသည်။

"ပင်ပန်းနေပြီလား"

"အရင်ကပင်ပန်းဖူးပေမဲ့ အခု ခင်ဗျားရှိ​နေ​ပြီဆိုတော့ လုံးဝမပင်ပန်းဘူး" 

ချင်နွော်ရှီ၏မျက်လုံးများကလည်း နွေးထွေးမှုများလျှံကျနေသည်။

"ခင်ဗျားက အရူးပဲ ယန်ကျွယ့်"

"ဟုတ်တယ် ငါက အရမ်းရူးတယ်"

ယန်ကျွယ့်က အနည်းငယ်နောင်တရနေသည်။

"လွန်ခဲ့တဲ့ရှစ်နှစ်လောက် အမေရိကမှာ မင်းလမ်းပေါ်မှာ သီချင်းဆိုနေတာကို ပထမဆုံးကြားရတဲ့အချိန်ကတည်းက ငါ မင်းကို အမိအရဖမ်းဆုပ်ထားခဲ့ရမှာ"

သို့သော် ချင်နွော်ရှီက ခေါင်းယမ်းလိုက်​လေသည်။သူက သူ့ဘက်ကနေစ၍ ယန်ကျွယ့်၏ ​လက်ဖဝါး​ပြင်ကျယ်ကြီးကို ဆုပ်ကိုင်ပြီး သူတို့၏လက်ချောင်းများ ဖြည်းညှင်းစွာ သွယ်ယှက်လိုက်၏။

"ကံကောင်းစွာနဲ့ ခင်ဗျား အရမ်းကြီး နောက်မကျခဲ့ဘူးလေ"

*****

Sမြို့တော် အရှေ့ပိုင်းခရိုင် ဆေးရုံ၌

 မတော်တဆမှုကြောင့် သူ​ပြင်းထန်သော ခေါင်းပိုင်း သွေးလွန်ခြင်းဖြစ်ခဲ့သည်။ အချိန်မီ ကယ်ဆယ်နိုင်ခဲ့ပြီး အသက်အန္တရာယ်မှ လွတ်မြောက်ခဲ့သော်လည်း ယန်အန်းယု မနိုးထနိုင်ခဲ့ပေ။

ထိုနောက်မှာ သူ၏မန်နေဂျာ ချီစန်းက Weibo မှာ အခြေအနေကို အကြမ်းဖျင်းရှင်းပြပြီး သူတို့၏ စိုးရိမ်ပူပန်မှုများနှင့် ဆုမွန်ကောင်းများ အားလုံးကို ကျေးဇူးတင်ကြောင်း၊ယန်အန်းယု မြန်မြန် ပြန်ကောင်းလာရန် သူဘယ်လောက် မျှော်လင့်​နေလဲဆိုသည်ကို ပွင့်ပွင့်လင်းလင်းပြောခဲ့သည်။

ဤသတင်းထွက်လာပြီးနောက်မှာ နေရာတိုင်းရှိ ယန်အန်းယု၏ဖန်များ လွန်စွာတုန်လှုပ်သွားကြသည်။ယန်အန်းယုရှိနေသည့် ဆေးရုံကို လောလောဆယ်မှာ ဆက်ပြီး လျှို့ဝှက်ထားသောကြောင့် လာရောက်လည်ပတ်နိုင်ခြင်း မရှိသဖြင့် ကုမ္ပဏီထံသို့ စာများနှင့် လက်ဆောင်အသေး​လေးများကိုသာ ပေးပို့ရုံသာတတ်နိုင်ခဲ့သည်။ယန်အန်းယု၏ အမျိုးမျိုးသော ဖိုရမ်များနှင့် ပင်မစာမျက်နှာများမှတဆင့်လည်း သူ့အတွက် ဆုတောင်းမေတ္တာပို့သကြသည်။

ဖန်များ လာကြည့်၍ မရပေမဲ့ ယန်အန်းယုနှင့် ဆုံဖူးသော အနုပညာရှင် အများစုက လူနာလာမေး၍ရကြလေသည်။ကုရှင်း၊ စုချင်ကျား နှင့် ရှဲ့ယန် ကဲ့သို့သော အမျိုးသမီးအနုပညာရှင် အနည်းငယ်က လာရောက်လည်ပတ်တတ်​ကြသည်။ကျန်းချီချမ်က ယီချန်းယန်ကို တခါတရံ ဆက်သွယ်၍မရသည့်အခါ ဆေးရုံမှာ သူ့ကို တိုက်ရိုက်လာရှာတတ်သည်။

ယီချန်းယန်က ယန်အန်းယုကို နေ့တိုင်းလာအဖော်ပြုပေးပြီး သူ၏မေ့မြောနေသော ချစ်သူကို မျက်နှာနှင့် ခန္ဓာကိုယ်ကို ရေပတ်တိုက်ပေးတတ်​ကာ နှိပ်နယ်၍ပင်ပေးသည်။ သူက ယန်အန်းယု၏ဆံပင်ကို စိတ်ရှည်ရှည်နှင့် ဖြီး​ပေးတတ်ပြီး လက်သည်းခြေသည်းများကိုလည်း ညှပ်ပေးလေ့ရှိလေသည်။

ယီချန်းယန်က ယန်အန်းယုကို နေ့တိုင်း စကားပြောလေ့ရှိပြီး အချို့သော fangroup များထံမှ အိတ်ဖွင့်ပေးစာအချို့ကိုလည်း ဖတ်ပြတတ်ကာ သည်တစ်ခေါက်တွင် သူ့ဖန်များက သူ့ကိုဘာလက်ဆောင်မျိုးများပေးလိုက်သည်ကိုလည်း ပြောပြတတ်သည်။အချို့​သော အလွန်ချစ်စရာကောင်း​ပြီး လက်ရာမြောက်သော အရုပ်လေးများကိုဆိုလျှင် ယီချန်းယန်က ယန်အန်းယု၏ အိပ်ယာဘေးမှာ ထားပေးတတ်သည်။

ညဘက်တွင် ယီချန်းယန်က ရံဖန်ရံခါ သူ့နားထဲကို ခပ်တိုးတိုး သီချင်းဆို​ပြတတ်သည်။ 'ဝူယန်ယီချန်' 'ကန့်သတ်ချက်' နှင့် 'ယီရှင်းယီယီ' မှ သူ၏ တစ်ကိုယ်တော်သီချင်းများအထိ ယီချန်းယန်က ၎င်းတို့အားလုံးကို သီဆိုခဲ့သည်။​သေချာသည်ပင်၊ သူအများဆုံးဆိုခဲ့သည့်သီချင်းက 'ချန့်ယန်ဝမ်ယု' ပဲဖြစ်နေဆဲဖြစ်၏။

အချိန်သည် အလွန်လျင်မြန်စွာ ကုန်လွန်သွားတတ်သော်လည်း တစ်ခါတရံ တစ်စက္ကန့်လေးကပင် လူအချို့အတွက် အဆုံးမရှိကြာရှည်နေတတ်​လေသည်။ယီချန်းယန် ယခု ဤခံစားချက်ကို ခံစားနေရသည်။

ယန်အန်းယု ဘယ်တော့နိုးမှာလဲ...

ယီချန်းယန် ယန်အန်းယုမျက်လုံးများကိုပွင့်လာသည်နှင့် ပထမဆုံးမြင်လိုက်ရသောလူမှာ သူဖြစ်ရန်မျှော်လင့်ထားသောကြောင့် သူ့ကိုပြုသုရင်း သူ့ဘေးနားတွင် စောင့်မျှော်နေခဲ့သည်။

ယန်အန်းယု မြန်မြန်သတိရလာလောက်မှာပါ ဟုတ်တယ်မလား...

နောက်တစက္ကန့်မှာပဲ မျက်လုံးဖွင့်ပြီး ရူးကြောင်ကြောင် အပြုံး​လေးဖြင့် သူ့နာမည်ကို 'ချန်းယန် ချန်းယန်' ဟု တတွင်တွင် ခေါ်တော့လေမလားဟု စောင့်ပြီးရင်းစောင့်ခဲ့ပေမဲ့ ဘာမှဖြစ်မလာခဲ့ပေ။

သို့တိုင် ယီချန်းယန် စောင့်နေတုန်းပင်။ ငါးမိနစ်၊ ဆယ်မိနစ်၊ နာရီဝက်၊ တစ်နာရီ၊ တစ်ရက်စောင့်သည့် ပြီးလျှင် နောက်တစ်ရက်...

ယန်အန်းယုက ယနေ့အချိန်အထိ ရက်ပေါင်းနှစ်ဆယ်ကျော် ​မေ့မြောနေခဲ့သည်။

"ချန်းယန် ခဏလောက် အနားယူပါဦးကွာ"

ယီချန်းယန်၏မျက်လုံးများအောက်မှ အမည်းကွင်းများ ကြီး​ကြီးလာသည်ကို မြင်ပြီး လီယဲ့က စိတ်မကောင်းဖြစ်ဖြစ်နှင့် ပြောလိုက်သည်။

"ရပါတယ်... ငါ့မှာ နေ့တိုင်း ပုံ​သေအိပ်ချိန်ရှိပြီးသား မဟုတ်ဘူးလား"

ယီချန်းယန်က ဘာသိဘာသာပဲ ပြောလိုက်သည်။

ပထမအပတ်အတွင်း ယီချန်းယန်က ယန်အန်းယုကို စိတ်နှလုံးအကြွင်းမဲ့နှစ်၍ ဂရုစိုက်ခဲ့ပြီး အချိန်ဇယားများစွာကို ဆိုင်းငံ့ထားသဖြင့် အလုပ်များ စုပုံနေခဲ့သည်။

ဤအချိန်တွင် ယီချန်းယန် ဤအရာအားလုံးကို ရွှေ့ဆိုင်းနိုင်​တော့မည်မဟုတ်​ပေ။ထို့ကြောင့် သူက နေ့ခင်းဘက်တွင် အလုပ်ရှုပ်နေခဲ့သည်။သို့သော်လည်း အချိန်မည်မျှနောက်ကျသည်ဖြစ်စေ ယီချန်းယန်က ယန်အန်းယုဆီသို့ နေ့တိုင်းလာရောက်ဆဲဖြစ်သည်။

 မကြာသေးမီက သူသည် အိပ်မပျော်ခြင်းဝေဒနာကို ခံစားခဲ့ရပြီး တစ်နေ့လျှင် နှစ်နာရီမှ သုံးနာရီခန့်သာ အိပ်စက်နိုင်ခဲ့သည်။

"ချန်းယန် မင်းရဲ့စိတ်ကို ခဏလောက် အနားယူခွင့်ပေးလိုက်ပါ"

လီယဲ့က  ထပ်ပြောပြန်သည်။ယီချန်းယန်က အပေါ်ယံစသွင်ပြင်တွင် အလွန်​ချောင်ကျနေရုံသာမက သူ့နှလုံးသားသည်လည်း အလွန်နာကျင်ခံစားနေရသည်ကို သူသိသည်။

ယီချန်းယန်က အနည်းငယ်တန့်သွားသော်လည်း နောက်ဆုံးတွင် ခေါင်းယမ်းလိုက်သည်။

"စိတ်မပူပါနဲ့ ငါအဆင်ပြေပါတယ်"

သုံးရက်မြောက်နေ့ခင်းတွင် ယန်ကျွယ့် နှင့် ချင်နွော်ရှီ ဆေးရုံသို့ ရောက်လာခဲ့သည်။

သူတို့ အလည်လာတိုင်း၊ ချင်နွော်ရှီက ယန်အန်းယု တောက်ပစွာ ပြုံးပြီး သူ့ကို နှုတ်ဆက်သည်အား မြင်နိုင်ရန်မျှော်လင့်ထားပေမဲ့ လက်တွေ့မှာ အမှန်တရားကရက်စက်လေသည်။ယန်အန်းယုက သူ၏လူနာကုတင်ပေါ်တွင် မလှုပ်မယှက် လဲလျောင်းနေဆဲဖြစ်၏။

သူ့စိတ်ထဲတွင် လေးလံနေသော်လည်း ချင်နွော်ရှီက ယီချန်းယန်ကို အားပေးနှစ်သိမ့်နေဆဲဖြစ်သည်။

"စီနီယာယီ ရှောင်ယုက အရမ်း အကောင်းမြင်စိတ်ရှိပြီး သန်မာတာ...သူနိုးလာမှာသေချာတယ်"

"အင်း" 

ယီချန်းယန်က တိုးတိုးလေး ပြန်ဖြေ​လေသည်။

"ရှောင်ယု မင်းဆက်ပြီး အလည်လွန်ပြီး အိပ်နေရင် မင်းတို့မိသားစုက ရုပ်ရှင်ဧကရာဇ်ယီကို သူများ လုသွားမှာကို မကြောက်ဘူးလား"

ယန်အန်းယု: "..."

"ရှောင်ယု မင်း ကြားနိုင်တယ်မလား...မြန်မြန်နိုးလာပါတော့"

ယန်အန်းယု: "..."

"စီနီယာယီ သူက ခင်ဗျားကို စပရိုက်တိုက်ချင်နေတာ ဖြစ်နိုင်တယ်"

ချင်နွော်ရှီ ပြုံးလိုက်သည်။ မိမိကိုယ်ကိုနှင့် အခြားသူများကို ဤနည်းဖြင့် လှည့်စားသော်လည်း သူ့စိတ်ထဲက မချိတင်ကဲဝေဒနာက ပို၍ ကြီးထွားလာ​နေသည်။

"ကောင်းပြီ နွော်ရှီ...အရင်ထွက်နှင့် ပြီး စောင့်နေ...ငါ သူ့ကို ပြောချင်တာတစ်ခုရှိလို့"

ထိုအချိန်တွင် ယန်ကျွယ့်က ချင်နွော်ရှီကိုပုတ်လိုက်ပြီး ရှုပ်ထွေးသောအကြည့်ဖြင့် ယီချန်းယန်ကိုကြည့်​နေသည်။

ထို့ကြောင့် ချင်နွော်ရှီ စောင့်ဆိုင်းရန် အပြင်ထွက်လာခဲ့သည်။မေ့မြောနေသော ယန်အန်းယုမှလွဲ၍ လူ​နာ​ဆောင်ထဲတွင် ယန်ကျွယ့် နှင့် ယီချန်းယန်သာရှိ​တော့သည်။

"ယီချန်းယန် အဲဒီနေ့ကအတွက် ကျေးဇူး...ကျေးဇူးပဲ" 

ယန်ကျွယ့် သူ့စိတ်ထဲတွင် အချိန်အတော်ကြာ တုံ့ဆိုင်း​နေသော်လည်း နောက်ဆုံးတွင် 'ကျေးဇူးပဲ' ဟု ညှစ်ထုတ်လိုက်သည်။

မဒမ်ယန် နှင့် သူ၏ ပဋိပက္ခကို မဖြေရှင်းနိုင်သေးသောကြောင့် ယန်ကျွယ့် ကုမ္ပဏီသို့ ပြန်မရောက်သေးပေ။ သူက ချင်နွော်ရှီနှင့်ပတ်သတ်သည့် ပြဿနာကို အစမှအဆုံးထိ လက်​လျော့လိုခြင်းမရှိပါချေ။

လွန်ခဲ့သည့်တစ်ရက်က ရှန်းဟွမ်က ရှယ်ယာရှင်များ အစည်းအဝေးခေါ်ယူခဲ့သည်။

ယန်ကျွယ့် ရှိမ​နေသော်လည်း ယီချန်းယန်က သူ့အတွက် ယန်ဖန်းထားခဲ့သော ရှယ်ယာအပါအဝင် သူ့ရှယ်ယာအားလုံးကို ယန်ကျွယ့်ဆီသို့ လွှဲပြောင်းပေးမည်ဟု တိုက်ရိုက်ကြေညာခဲ့သည်။

အချိန်အတိုင်းအတာတစ်ခုအထိ ယန်ကျွယ့်က နာမည်ခံရော အစစ်အမှန်ပါ ရှန်းဟွမ်၏ အကြီးဆုံးရှယ်ယာရှင် ဖြစ်လာခဲ့သည်။ ထို့အပြင်၊ယီချန်းယန်က သူ၏ထောက်ခံမှုကိုပြသရန် ဦးဆောင်နေသဖြင့် သူ၏အ​ထောက်အထားနှင့် သြဇာအာဏာတစ်ခုတည်းက ယန်ကျွယ့်အပေါ် မလွဲမသွေ တစ်တပ်တစ်အားတွန်းအားဖြစ်စေမည်ဖြစ်ပေသည်။

သူတို့နှစ်ဦးက နှစ်ကိုယ်ချင်းဆိုလျှင် မသင့်မြတ်ကြဟု ကောလဟာလများက အခိုင်အမာဆိုသော်လည်း မမျှော်လင့်ဘဲ ယီချန်းယန်က ထိုသို့သော လှုပ်ရှားမှုမျိုး ပြုလုပ်လာခဲ့သည်။

ယန်မိသားစု၏ ဦးလေးများ အားလုံးသည် အလွန်ကိုမှစိတ်မချမ်းသာ​ဖြစ်သွားကြသော်လည်း ယီချန်းယန်၏ အမူအရာမှာ တည်ငြိမ်ပြီး သူ့စိတ်နေစိတ်ထားကို မည်သူမှ မမြင်နိုင်အောင် တားဆီးထားသည်။ဤအကြောင်းကို ယန်ကျွယ့် သိပြီးနောက် ယီချန်းယန်အပေါ် သူ၏အမြင်ကို ပြန်လည်သုံးသပ်ခဲ့၏။

"မလိုပါဘူး" 

ယီချန်းယန်၏ အသံသည် ခပ်ပြတ်ပြတ်ဖြစ်ပြီး ယန်အန်းယု၏ မျက်နှာကိုပဲ သူ့မျက်လုံးများက ​ငေးကြည့်နေသည်။

"ဒါကရှောင်ယု မြင်ချင်တဲ့အရာ​လည်းဖြစ်လိမ့်မယ်လို့ ငါထင်တယ်"

"ယီချန်းယန် မင်း အရမ်းကြောက်နေတာလား"

ယန်ကျွယ့်က ရုတ်တရက် မေးလိုက်သည်။

"လွန်ခဲ့တဲ့ ၂ နှစ်ကလည်း ရှောင်ယု အရက်မူးပြီး မတော်တဆမှုတစ်ခု ဖြစ်ခဲ့ဖူးတယ်...  အခုတစ်​ခေါက်နဲ့မတူဘဲ သူက မြန်မြန်ဆန်ဆန် သတိရလာပေမဲ့ လုံးဝမတူတဲ့လူတစ်​ယောက်လို ပြောင်းလဲသွားတယ်... အခုလည်း သူ....."

"ဆိုတော့ ယီချန်းယန် မင်းက ရှောင်ယု နိုးမလာမှာကို ကြောက်ရုံတင်မကဘူး၊ သူနိုးလာပြီး မင်းလိုချင်တဲ့ ယန်အန်းယုမဟုတ်ဘဲ တခြားလူတစ်ယောက်ဖြစ်လာမှာကိုလည်း မင်းကကြောက်နေတာ..."

ယန်ကျွယ့်၏အကြည့်က ပို၍စူးရှလာလေသည်။

"..." 

ယန်အန်းယု ထိတ်လန့်သွားပြီး ယန်ကျွယ့်ကို ကြက်သေသေလျက် စိုက်ကြည့်နေသည်။

"အရမ်းမအံ့သြပါနဲ့... ငါ့ကို ငတုံးလို့ထင်နေတာလား...ငါက ငါ့ညီအရင်းကိုတောင် မမှတ်မိနိုင်ဘူးပေါ့"

ယန်ကျွယ့်က ခါးသက်သက် ရယ်မောလိုက်သည်။

"အတိတ်က ယန်အန်းယုက အကြောင်းမယ်မယ်ရရမရှိဘဲ ငါနဲ့ ငြင်းခုံမယ်... ငါနဲ့ ငါ့အဖေကို အရာရာမှာ ဆန့်ကျင်တယ်...ငါတို့ကို သူချန်ထားခဲ့တဲ့ ကြောက်စရာအရှုပ်ထုပ်တွေကို ရှင်းခိုင်းတယ်... ငါ့ကို 'ကောကော' ဆိုပြီး နာခံမှုအပြည့်နဲ့ ခေါ်ခဲတယ်...ဘယ်အပိုင်းက ရှောင်ယုနဲ့တူလို့လဲ"

"မင်းက ရှင်းရှင်းလင်းလင်း သိနေပေမဲ့ သူ့ကို ဖော်ထုတ်ဖို့ ဘယ်တုန်းကမှ မတွေးဖူးဘူးလား"

ယီချန်းယန်က မေး​လေသည်။

"အစတုန်းက မသိခဲ့ပေမဲ့ နောက်ပိုင်းမှာတော့ တစ်ခုခုမှားနေတာကို ခံစားမိပြီး ဘာတွေဖြစ်နေလဲဆိုတာ သိချင်ခဲ့တယ်... ဒါပေမဲ့ မသိစိတ်ကနေ သူ့ကို ငါ့ညီလေးလို တကယ်ဆက်ဆံလာမိခဲ့တယ်"

ယန်ကျွယ့် သက်​ပြင်းမချဘဲမနေနိုင်ခဲ့​ပေ။လူတစ်ယောက်၏ နှလုံးသားက ထိန်းချုပ်ရ အခက်ဆုံးဖြစ်၏။

"ယီချန်းယန် မင်းက သေချာပေါက် သိနေတာကြာပြီပဲ"

👥️

ကောကောကလည်း သိနေခဲ့တာပဲ