Chapter 93

Chapter 93

 • June 19 at 07:59 AM

👥️Chapter 93 [END]

 fanmeetingများအကြောင်းပြောသောအခါ ကျန်းကျီချမ်က ၎င်း၏ဖျော်ဖြေပွဲအတွင်း ​ယောကျ်ား​လေးဖန်အချို့ကို စင်ပေါ်တွင် ဂိမ်းကစားရန်နှင့် စကားဘာညာပြောရန် ဖိတ်ကြားခဲ့သည်။ 

မထင်မှတ်ပဲ၊ ထိုယောကျ်ားလေးဖန်က ရုတ်တရက် မကြောက်မရွံ့ ဖွင့်ပြောခဲ့လေသည်။

ထို့နောက်မှာ ယန်အန်းယု ထိုယောကျာ်းလေးဖန်က ကျန်းကျီချမ်ကို တကယ်ကြိုက်ပြီး ​ဂေးဖြစ်ကြောင်း ယီချန်းယန် ဆီက ကြားသိခဲ့ရ၏။သူက သူ့ကို နှစ်ပေါင်းများစွာ တိတ်တိတ်လေး ချစ်နေခဲ့သည်။

ကျန်းကျီချမ်က လက်ခံပါ့မလားဆိုရန်အတွက်မူ အချိန်ကသာ ပြောပြနိုင်ပေလိမ့်မည်။

အောက်တိုဘာလတွင် ယန်အန်းယု ပန်းပေါင်းတစ်ရာဆု​ပေးပွဲကို တက်ရောက်ခဲ့သည်။

သူ့အပြင်ကို ယီချန်းယန်လည်း တက်ရောက်လာခဲ့သည်။မည်သို့ပင်ဖြစ်စေဤရုပ်ရှင်ပွဲတော်မှာ ထူးချွန်သော ရုပ်ရှင်သမား အများအပြား စုရုံးကြသည်။ ရုပ်ရှင်ဧကရာဇ်အဆင့် ရှုရှစ်ယွမ် နှင့် မုန့်ယာတို့ တက်ရောက်ခဲ့ကြသည်။ရှဲ့ယန်၊ဟူဟုန်ယွီ၊ ယဲ့လင်း၊ခန်းယန် နှင့် အခြားသော နာမည်ကြီး အနုပညာရှင်များလည်း ထွက်ပေါ်လာခဲ့သည်။

ဤရာသီ၏ ပန်း​ပေါင်းတစ်ရာဆုပေးပွဲ အခမ်းအနားမှာ ဆုအမျိုးမျိုးကို တစ်ခုပြီးတစ်ခု ကြေညာခဲ့​လေသည်။ ၎င်းတို့အနက် ယန်အန်းယုက 'ဝါး' ဇာတ်ကားတွင် ထူးချွန်ပြောင်မြောင်စွာ သရုပ်ဆောင်နိုင်မှုကြောင့် အကောင်းဆုံး မျက်နှာသစ်ဆုကို ရရှိခဲ့သည်။

ဆုပေးပွဲအခမ်းအနားမှာ အစီအစဥ်တင်ဆက်သူက ယန်အန်းယု၏နာမည်ကိုကြေညာပြီး စင်ပေါ်သို့ဖိတ်ကြားသည့်အခါ ယန်အန်းယု တကယ်ကိုမယုံနိုင်ဖြစ်ခဲ့၏။ ထို့ကြောင့် မိန့်ခွန်းပြောသောအခါတွင် ကြောက်ရွံ့မှုနှင့် စိတ်လှုပ်ရှားမှုကြောင့် ကပေါက်တီးကပေါက်ချာ ပြောဆိုမိခဲ့သည်။

သူက သူ၏ကျေးဇူးတင်မှူကို ဆက်လက်ဖော်ပြ​နေသည်။ယီချန်းယန် နေရာတွင်ထိုင်ပြီး သူ့အား လက်ခုပ်တီးကာ အားပေးနေသည်ကို မြင်လိုက်ရသောအခါတွင် သူ့မှာ အကန့်အသတ်မရှိ သတ္တိရှိလာခဲ့သည်။

"ကျေးဇူးတင်ပါတယ် အားလုံးကိုကျေးဇူးတင်ပါတယ်"

ယန်အန်းယုက ပြုံးလိုက်ပြီး သူ့မျက်လုံးမျေားက မရေမတွက်နိုင်သော ကြယ်များနှင့် လင်းလက်နေသယောင်ဖြစ်နေသည်။

ပရိသတ်ထဲမှ ယီချန်းယန်က ယန်အန်းယုကို သေ​သေချာချာကြည့်ရင်း သူ့မျက်နှာပေါ်မှာ အပြုံးလေးတစ်ပွင်ရှိနေခဲ့သည်။သို့ပေမဲ့ ရိုးရိုးသားသားပြောရလျှင် သူ့စိတ်ထဲမှာ အလွန် စိတ်လှုပ်ရှားနေသည်။

သူသည် သူပထမအကြိမ် ဆုရသည့်အချိန်သို့ ပြန်​ရောက်သွားပုံရသည်။ထို့အပြင် ယန်အန်းယုက ဆုဖလားကို ပွေ့ဖက်ထားသည်ကိုမြင်သောအခါ ယီချန်းယန် သူကိုယ်တိုင်ဆုရတုန်းကထက်ပင် ပိုပျော်ရွှင်ပြီး ကျေနပ်နေခဲ့သည်။

အခမ်းအနားပြီးဆုံးပြီးနောက် ယန်အန်းယုက ရုတ်တရက် လက်သီးများ ဆုပ်ကာပြောလေသည်။

"နောက်တစ်ကြိမ် ဒါမှမဟုတ် နောက်တစ်ကြိမ်ရဲ့နောက်တစ်ကြိမ် နှစ်အနည်းငယ်အတွင်းမှာ ချန်းယန် ကျွန်တော်လည်း အကောင်းဆုံး အမျိုးသားဇာတ်ဆောင်ဆုကို ရချင်တယ်"

ယန်အန်းယု လုံလောက်ပြီဟုသူထင်သည်။ အနာဂတ်မှာ တီဗီဇာတ်လမ်းတွဲများ အများကြီး သူလက်ခံမှာ မဟုတ်ပါ​ပေ။သူ ရုပ်ရှင်ပဲဆက်တိုက်ရိုက်ချင်သည်။ အသေးအဖွဲ ဇာတ်ရုပ်ဖြစ်ဖြစ် ဇာတ်ပို့အနေနှင့်ဖြစ်ဖြစ် သရုပ်ဆောင်ရလျှင်ပင် အရေးမကြီးပါ​ချေ။ သူ တစ်နေ့ ယီချန်းယန်ကဲ့သို့ဖြစ်လာလိမ့်မည်ဟု သူမျှော်လင့်သည်။

"အင်း ကိုယ်မင်းကိုယုံတယ်"

ယီချန်းယန်က ယန်အန်းယု၏ ခေါင်းကို လှမ်းကိုင်းရင်ပြောသည်။သူတို့မိသားစုက ရှောင်ယု၏ ဆုံးဖြတ်ချက်ချလိုက်ချိန် လေးနက်တည်​ကြည်သောပုံစံက တကယ်ကို ချစ်စရာကောင်းသည်။

ယန်အန်းယုက ပြုံးလိုက်သည်။

အပေါ်ကို မော့ကြည့်ပြီးအိပ်မက်မက်မနေတော့သလို သူရောက်နေသည့်နေရာမှာပဲလည်း စောင့်မနေတော့​ပေ။သူ ယီချန်းယန်ကိုအမီလိုက်ရန် အစွမ်းကုန်ကြိုးစားပြီး သူနှင့်အတူ တူညီသောအမြင့်တွင် ဖြည်း​ဖြည်းချင်းရပ်ကာ သူနှင့်အတူ ပခုံးချင်းယှဥ်၍ ရှေ့သို့ဆက်​လျှောက်မည်။

ယန်အန်းယု ယီချန်းယန်၏အတိတ်တွင် သူမပါဝင်နိုင်ခဲ့သည့်အတွက် နောင်တရခဲ့သော်လည်း အနာဂတ်တွင် နေ့တိုင်း သူ့​အ​ဖော်ဖြစ်ပေးမည်ဖြစ်သည်။

"ချန်းယန် တစ်နေ့ကျရင် ကျွန်​တော့်အိုက်တင်က ခင်ဗျားထက်တောင် ပိုကောင်းလာချင်လာမှာ...ခင်ဗျားကိုကျော်ပြီး ဆုရအောင်လုပ်ပြမယ်"

"ဟုတ်လား ဒါဆို ကိုယ်စောင့်ကြည့်​နေမယ်"

"နောက်ပြီး ဟို... ဟိုကဏ္ဍမှာ..."

ယန်အန်းယုက အနည်းငယ်ရှက်သွားပြီး ယီချန်းယန်၏နားထဲသို့ တိုးတိုးလေးပြောလေ၏။

"ကျွန်​တော်လည်း ခင်ဗျားကို တိုက်ခိုက်ချင်တယ် ကုတင်ပေါ်မှာ ​နေရာချင်းလဲချင်တယ်"

(လက်ခံသူအဖြစ်ကနေ တိုက်ခိုက်သူဖြစ်ချင်နေ)

ယီချန်းယန်၏ မျက်လုံးများ နက်​မှောင်သွားသော်လည်း ပေါ့ပါးသော အပြုံးကို ထိန်းထားဆဲပင်။

"ကောင်းပြီး မင်းကြိုးစား​ကြည့်နိုင်တယ်...ဘယ်လိုပဲဖြစ်ဖြစ် ကိုယ်တို့မှာအချိန်​တွေ တစ်ဘဝလုံးစာရှိတာပဲ"

ထိုညတွင် ယန်အန်းယု သူ၏ မိတ်​ဆွေအ​ပေါင်းအသင်းကောင်းများကို အတူတူသောက်ပြီး ​အောင်ပွဲခံရန် ခေါ်ခဲ့သည်။သို့​ပေမဲ့ သူက လူတိုင်းကို အများကြီးသောက်ခိုင်းခဲ့ပြီး ဤတစ်ခါ ထန်းကော်ပင် မူးသွားခဲ့သည်။

ထန်းကော်က အရက်တစ်စက်​လောက်ဝင်ရုံမျှဖြင့် အလွယ်တကူ မူးတတ်သောကြောင့် မသောက်တတ်ပေ။

"ချီ... ချီကော ချီကော"

အရက်မူးနေသော ထန်းကော်က ချီစန်းကိုဆွဲထားကာ ရံဖန်ရံခါ ကြို့ထိုးလိုက်သေး သည်။

"ကျွန်​တော်တို့...နောက်တစ်ခွက်​လောက် သောက်ရ​အောင် အိုကေ"

"မင်းမူးနေပြီ"

ချီစန်းက ပြတ်ပြတ်သားသား ငြင်းဆိုခဲ့သည်။

"ဟင့်အင်း မမူးဘူး..."

ထန်းကော်က မျက်နှာ​ကြီးနီရဲပြီး ခြေဖျားထောက်ရပ်ကာ ချီစန်း၏ဆံပင်ကို လှမ်းဆွဲလေသည်။သို့ပေမဲ့ ကံမကောင်းစွာပဲ၊ချီစန်းက အရပ်၁၉၀cmကျော်ပြီး တကယ်ကို အရပ်ရှည်လွန်းသည်။သူ့အတွက် မီရန်ကခက်လွန်းလှသည်။အားသွန်ခွန်စိုက်ကြိုးစားခဲ့ပေမဲ့ ချီစန်း၏မျက်နှာကိုပဲ အားပါးတရဆွဲလိုက်နိုင်လေသည်။

ဘေးနားရှိ လီယဲ့၏မျက်ခုံးများ အနည်းငယ် ပင့်သွား​သည်။ သူ့စိတ်ထဲမှာတွေးနေသည်။ဒီသက်တော်စောင့်လေးရဲ့ ကိုယ်ခံပညာက မဆိုးဘူး ကြည့်ရုံနဲ့ နာလာသလိုခံစားရတယ်...

သို့သော် ချီစန်းက သူ၏အကြောသေနေသောမျက်နှာကို ထိန်းထားဆဲဖြစ်ပြီး အနည်းငယ်မျှ ပြောင်းလဲခြင်းပင်မရှိပေ။

"ချီစန်း မြန်မြန် သူ့ကို အိမ်ပြန်ပို့ပေးလိုက်ပါကွာ"

လီယဲ့က ပြောလိုက်သည်။

သို့သော် ချီစန်းက ခေါင်းခါလိုက်သည်။

"ဒါပေမဲ့ သူ့လိပ်စာ မသိဘူး"

"မင်းတို့ အချင်းချင်း သိနေတာကြာပြီ... ဒါတောင် ဘယ်မှာနေလဲ မင်းမသိဘူးလား"

လီယဲ့ အနည်းငယ် အံ့သြသွားသည်။

 "ချီစန်း မင်းရဲ့လုပ်ဖော်ကိုင်ဖက်တွေကို ပို​အာရုံစိုက်သင့်တယ်"

"ဒါက ငါ့ရဲ့ ပေါ့ဆမှုပါ"

"ထားလိုက်ပါတော့ ... ဒါဆိုလည်း. ဟိုတယ် ဒါမှမဟုတ် တခြားနေရာတစ်ခုခုကို ရှာလိုက်... ဘာပဲဖြစ်ဖြစ် သူ့ကို မင်းဂရုစိုက်ပေးရမှာ" 

လီယဲ့က ချီစန်းကို ပုတ်လိုက်၏။ပြီးနောက် သူက ယီချန်းယန်နှင့်ယန်အန်းယုကို အိမ်မောင်းပို့ပေးလိုက်သည်။

ကားထဲမှာ ယန်အန်းယုလည်း မယုံနိုင်လောက်အောင် မူးနေ၏။ သူက လက်ရောခြေရောအကုန်သုံးကာ ယီချန်းယန်ကို တင်းနေအောင်ဖက်တွယ်ထားလေသည်။

"ချန်...ချန်းယန် ဖက်ဖက်"

"​ရှောင်ယု ကိုယ်တို့က အရမ်းကိုတင်းနေအောင် ဖက်ထား​ပြီနေပြီလေ"

ယီချန်းယန် ခါးသက်သက် မရယ်ဘဲမနေနိုင်ပေ။

ထိုအချိန်တွင်၊ ယန်အန်းယု၏ မျက်လုံးများက စိုစွတ်နေပြီး သူ့တွင် နူးညံ့ပြီး ချစ်စရာကောင်းကာ အလွယ်တကူတွန်းချ၍ရလောက်သောပုံစံရှိလေသည်။သို့သော် သူ၏ခွန်အားက အံ့ဩစရာပင်။ယီချန်းယန်က အနည်းငယ်​ရွေ့လိုက်သရွေ့ သူက ချက်ချင်းပင် လိုက်ကပ်နေပေလိမ့်မည်။

"ပြီးတော့...ပြီးတော့ မွမွ"

ထိုသို့ဖြင့် ယန်အန်းယုက ငါးနှစ်သားကလေးကဲ့သို့ သူ၏နှုတ်ခမ်းကို ​ထော်လိုက်သည်။

ယီချန်းယန်က ချက်ချင်းအနမ်းတစ်ပွင့် ဖိကပ်​ပေးလိုက်သည်။

"လိမ္မာနော်...ရှောင်ယုက နာခံမှုအရှိဆုံးလေ"

ယန်အန်းယုက အရက်ကို ခံနိုင်ရည်ရှိပြီး များသောအားဖြင့် မမူးတတ်​ပေ။ယန်အန်းယု အရက်အလွန်အကျွံသောက်သည်ကို တွေ့ရသည်က ယီချန်းယန်အတွက် ပထမဆုံးအကြိမ်ပါပင်။

အရက်မူးရင် သူကအမြဲတမ်း ဒီလိုအနမ်းသရဲအခြေအနေမှာ ရှိနေတာလား...

တစ်ယောက်သောရုပ်ရှင်ဧကရာဇ်ကြီး စိုးရိမ်ပူပန်နေ၏။ နောင်တွင်၊ သူ သူ၏ ရှောင်ယုကို အခြားသူများရှေ့တွင် လုံးဝ အရက်မူးခွင့်မပြုသင့်ပေ။

ရှေ့ခန်းမှ လီယဲ့ ကားမောင်းသည်ကိုပဲ အာရုံစိုက်​နေခဲ့သည်။ သူ့မျက်လုံးများ ကန်းသွားမှာစိုး၍ နောက်ထိုင်ခုံက လင်လင်နှစ်ယောက်ကို မကြည့်ချင်​ပေ။

***

S မြို့တော် ပေရှင်းခရိုင်၊သစ်တောဗီလာ၌....

အိမ်ပြန်ရောက်ပြီးနောက် ယီချန်းယန် သူနှင့် ယန်အန်းယု၏အဝတ်အစားများကို ချွတ်လိုက်ပြီး ရေချိုးရန် ရေချိုးခန်းသို့ သယ်သွားခဲ့သည်။ ဤတစ်ကြိမ်တွင် တစ်ယောက်သော ရုပ်ရှင်ဧကရာဇ်ကြီး ဖြစ်စဉ်အတွင်း တို့ဟူးစားခဲ့ရသော်လည်း လုံးဝရေချိုးရုံသက်သက်ဖြစ်လေသည်။

သူတို့အိပ်ရာဝင်ချိန်မှာ ယန်အန်းယုက သူမူးနေတာမဟုတ်ဘူးဟု ရေရွတ်ပြီး ယီချန်းယန်၏ ညဝတ်အင်္ကျီကို မရမကချွတ်ကာ သူ့ကို မာန်ပါပါ ဖိချလိုက်၏။

ယီချန်းယန် မည်ကဲ့သို့ပြုလုပ်လေ့ရှိသည်ကနေ သင်ယူပြီး ယန်အန်းယု ယီချန်း၏ မျက်လုံး၊ နှာခေါင်းနှင့် နှုတ်ခမ်းများကို တစ်ခုချင်း လိုက်နမ်းလိုက်သည်။ ထို့နောက် ယီချန်းယန် ၏လည်ပင်း အကြား နေရာကို စုပ်လိုက် လျက်လိုက်လုပ်ကာ ညှပ်ရိုးကို ခပ်ဖွဖွကိုက်​လေသည်။

ယန်အန်းယုက ရုတ်တရက်ကြီး အလွန်စိတ်အားထက်သန်​နေသဖြင့် ယီချန်းယန် သူ့အကြောင့် အလွန်အမင်း အဆွခံလိုက်ရသည်။သူ့အသက်ရှူသံက တဖြည်းဖြည်း ကြမ်းတမ်းလာပြီး သူ့လက်ကြီးများက ယီချန်းယန်၏တင်ပါးကို ဆုပ်ကိုင်လိုက်သည်။သူ့လက်ဖဝါးအောက်က လုံးဝန်းနူးညံ့သော ပေါင်တံများကို ခံစားရင်း မထိန်းနိုင်ဘဲ ဆုပ်နယ်လိုက်၏။

သိပ်မကြာခင်မှာပဲ ယန်အန်းယုက သူ့အနမ်းများကို ရပ်လိုက်သည်။ထို့နောက် ခေါင်းလေး စောင်းပြီး ယီချန်းယန်၏ ရင်ဘတ်ပေါ်တွင် လှဲလျောင်းရင်း မောပန်းစွာ အိပ်ပျော်သွားသည်။

"ရှောင်ယု"

"..." 

ယန်အန်းယုက ပြန်မဖြေ​ပေ။ချက်ချင်းလက်ငင်းကြီးကို လုံးလုံးလျားလျား အိပ်ပျော်သွားလေပြီ။

ယီချန်းယန်: "..."

'တော့ပ်'​နေရင်းလမ်းတစ်ဝက်မှာ သူကိုယ်တိုင်က နှစ်နှစ်ခြိုက်ခြိုက် အိပ်ပျော်သွားခဲ့သည်။ဒါနဲ့များ သူက နေရာချိန်းချင်သေးတာလား...

ယီချန်းယန် ကူကယ်ရာမဲ့ ပြုံးကာ ယန်အန်းယုကို သူ့ရင်ခွင်ထဲဆွဲသွင်း၍ စောင်ခြုံပြီး ရင်ခွင်ထဲကသူကိုဖက်ရင်း ငြိမ်းချမ်းစွာ အိပ်လိုက်တော့လေသည်။

****

မနေ့ညက မတော်တဆ အလွန်အကျွံသောက်မိပေမဲ့ ထန်းကော်က နောက်နေ့ အလုပ်ဆင်းရန် အချိန်အတိအကျ ရောက်လာတုန်းပါပင်။အလွန်သတိဝီရိယရှိပြီး စေ့စပ်သေချာမှု၊ တာဝန်ယူမှုအပြည့်ရှိပြီး လုံ့လဝီရိယရှိသူဖြစ်သည်။

မမျှော်လင့်ဘဲ၊ ယန်အန်းယု သူ့ကိုမြင်သည်နှင့် စပ်စပ်စုစုမေးလာသည်။

 "ထန်းကော် ချီ​ကောက ဘာလို့ ခွင့်တိုင်တာလဲ"

"ဟင်"

ထန်းကော် အနည်းငယ် လန့်သွားသည်။

"မနေ့ညက မင်းကို သူပြန်ခေါ်သွားပေးတာလို့ မစ္စတာလီကပြောတယ်...ဒီနေ့ မင်းက လုံးဝအဆင်ပြေနေပြီး သူကဘာဖြစ်နေတာလဲ"

"ကျွန်... ကျွန်​တော်လည်း မသိဘူး... မနက်က ဟိုတယ်မှာ နိုးလာတော့ကျွန်​တော်တစ်ယောက်တည်း...ချီကောက ထွက်သွားပြီထင်တယ်"

ထန်းကော်က ရှင်းပြလာပြီး အတော်လေး အပြစ်ကင်းပုံပေါက်​လေသည်။

"ထန်းကော် မင်းမနေ့ညက ချီ​ကောကို တစ်ခုခုလုပ်လိုက်သလိုမျိုး ငါခံစားရတယ်" 

ယန်အန်းယုက မေးစေ့ကို ပွတ်ပြီး တွေးတွေးဆဆ ပြောလိုက်၏။

"အဲဒါ မတရားစွပ်စွဲတာပဲ...ကျွန်​တော်က ချီကောကို ဘယ်လိုလုပ် တစ်ခုခုလုပ်ရဲမှာလဲ...ကျွန်​တော်တို့က ဖြူစင်ပါတယ်"

"​ဖြူစင်ပါတယ်လား" 

ယန်အန်းယု၏ နှုတ်ခမ်းများ တွန့်ကွေးသွားသည်။ သူ့အမြင်မှာ ထန်းကော် နှင့် ချီစန်းက သူ့နောက်ကွယ်တွင် အကြိမ်ပေါင်းများစွာ အပြင်ထွက်ပြီး တိတ်တိတ်​လေး ခိုးစားနေခဲ့သည်။

"ကောင်းပြီ ထန်းကော် မင်းအခြေအနေ ဘယ်လိုနေလဲ...တစ်​နေရာရာက အဆင်မပြေမ​ဖြစ်ဘူးလား"

"ခေါင်းတော့ နည်းနည်းမူးနေသေးတယ်"

ထန်းကော်က ရိုးသားစွာ ပြန်ဖြေသည်။

"ဒါဆို ခါး​နာ​​နေလား ဖင်​​ရောနာလား"

ထန်းကော်: "..."

ဟေး သခင်လေးက ဘာတွေတွေးနေတာလဲ... သူ့အတွေးတွေက ဒီထက်ပိုပြီး ဖြူစင်လို့မရဘူးလား...

နောက်တစ်ရက် ကုန်သွားသည်။ချီစန်းက အလုပ်လာလုပ်ပေမဲ့ ထိုနေ့က သူဘာကြောင့် မလာတာလဲဆိုသည့် အကြောင်းပြချက် အစစ်အမှန်ကို ထုတ်ဖော်ပြောကြားခြင်း မရှိခဲ့ပါချေ။ 

မျက်စိတစ်မှိတ်အတွင်းမှာပဲ နှစ်ကုန်​ရောက်လာပြန်သည်။ ယနေ့တွင် အစ်ကိုကြီးယန်ကျွယ့်က ချင်​နွော်ရှီကို ခေါ်လာခဲ့ပြီး ညီဖြစ်သူ ယန်အန်းယုကလည်း ယီချန်းယန်ကို ဆွဲခေါ်လာကာ လေးယောက်သာ ယန်အိမ်သို့ အတူတူ ရောက်လာကြသည်။

မဒမ်ယန်က တစ်ချက်ကြည့်လိုက်ပြီး ညီအစ်ကိုတတွေ ဤကိစ္စကို ကြိုပြီး ဆွေးနွေးခဲ့ကြမှန်း မှန်းဆမိလိုက်သည်။ သို့သော် သူမက အလွန်ကောင်းမွန်စွာပျိုးထောင်ခံခဲ့ရသဖြင့် ယန်သားနှစ်ယောက်အ​ပြင် ယီချန်းယန် နှင့် ချင်နွော်ရှီ ရှိနေသေးသည်ကို မြင်သဖြင့် သူမသည် သူတို့ကို တိုက်ရိုက်မောင်းမထုတ်ခဲ့ပေ။

မကြာခင် နှစ်သစ်ကူးတော့မည်။ယနေ့မှာ ယန်အန်းယု ရယ်ရယ်မော​မောစကားပြောရင်း အလယ်က ကသိကအောက်နိုင်သည့် လေထုကို ဖြေရှင်းနေခဲ့သည်။ သူတို့အတွက် ညစာစားပွဲတစ်ခုတည်းမှာထိုင်ရသည်က ရှားရှားပါးပါးဖြစ်၍ မိသားစုက ဤတစ်နပ်ကို ယဥ်ယဉ်ကျေး​ကျေးစားခဲ့ကြသည်။

၎င်းကိုမြင်သောအခါ အိမ်တော်ထိန်းက အများကြီး ပိုစိတ်သက်သာရာရသွားခဲ့သည်။

မဒမ်ယန်နှင့်ယန်ကျွယ့်တို့ "စစ်အေးတိုက်ပွဲ"ဖြစ်​နေသည်မှာ နှစ်နှစ်ရှိပြီဖြစ်လေသည်။မဒမ်ယန်က သားကို မကြာခဏ လွမ်း​​နေတတ်မှန်းသူသိသော်လည်း သူမ၏ အမှားများကို ဝန်ခံရန် အမြဲတွန့်ဆုတ်နေကာ တမင်တကာစကားမပြောဘဲနေခဲ့သည်။သို့သော် နောက်ဆုံးတွင် သူတို့က သားအမိဖြစ်၏။မဖြေရှင်းနိုင်သော အမုန်းတရားဆိုသည်မှာ အဘယ်မှာရှိပါမည်နည်း။

ထို့နောက် ယန်အန်းယုက ယီချန်းယန်ကို ယန်ဖန်းကိုဂါရဝသွားပြုရန် ခေါ်သွားပြန်သည်။

"ချန်းယန် အဲဒီတုန်းက သူထွက်သွားတာ အရမ်းမြန်တယ်...ခင်ဗျားမှာ စိတ်ထဲမှာတစ်ခုခုရှိပေမဲ့ ပြောစရာစကားတွေ ပြီးအောင်ပြောဖို့ အချိန်မရှိခဲ့ဘူးဆိုတာကို ကျွန်​တော်​သိတယ်...အခု အချိန်က ဒီလောက်တောင် ကြာသွားပြီ...ပြောဖို့ အချိန်တန်ပြီလေ" 

ယန်အန်းယုက ယီချန်းယန်ကို နားလည်သည်။သူ့ဆီမှာ ယန်ဖန်းအပေါ် မုန်းတီးမှုများရော ကျေးဇူးတင်စိတ်ပါ ရှိ​နေခဲ့သည်။ သူ့ခံစားချက်များက တလျှောက်လုံး ရှုပ်ထွေးလွန်းနေခဲ့သည်။

ယီချန်းယန်က ခေါင်းညိတ်ပြပြီး အုတ်ဂူကို ​ပြန်စိုက်ကြည့်လိုက်၏။

"ယန်ဖန်း ခင်ဗျား ကျွန်တော့်ကိူ အကြာကြီး လိမ်ထားရင်တောင် ကျွန်တော် ခင်ဗျားကို ကျေးဇူးတင်ချင်နေတုန်းပဲ"

အတိတ်တုန်းက ယန်ဖန်းက သူ့ကို သားတစ်ယောက်လို ဆက်ဆံခဲ့သည်။ယီချန်းယန်က သူ့ကို အဖေတစ်ယောက်လို မလေးစားဘဲ မည်သို့နေနိုင်မည်နည်း။သူသည် ယန်ဖန်း နှင့် စစ်တုရင်ကစားချိန်များကို သူ့မှတ်ဉာဏ်များထဲတွင် အမြဲရေးထွင်းထားခဲ့သည်။

"နောက်ဘဝမှာ အရည်အချင်းပြည့်မီတဲ့ ဖခင်တစ်ယောက်ဖြစ်အောင်နေပါ... ကျေးဇူးပြုပြီး အပြစ်ရှိစိတ်နဲ့ မနေပါနဲ့တော့"

ဒုတိယနှစ်နွေဦးရာသီတွင် ယန်အန်းယု နှင့် ယီချန်းယန်တို့သည် ၎င်းတို့၏အိမ်အသစ်ဆီ ပြောင်းရွှေ့ခဲ့ကြသည်။

ပင်လယ်ကမ်းစပ်ဘေးက နှစ်ထပ်တိုက်အိမ်လေးဖြစ်ပြီး အလွန်သက်တောင့်သက်သာရှိ​လေသည်။ တောင်ဘက်ပြတင်းပေါက်ကို ဖွင့်လိုက်သည်နှင့် ပင်လယ်ပြင်ကို မြင်နိုင်သည်။

ထို့နောက်မှာတော့ ယန်အန်းယု၏ပွဲဦးထွက် တစ်နှစ်ပြည့် အထိမ်းအမှတ်နေ့ ဖြစ်လေသည်။သူလည်း ဖန်တွေ့ဆုံပွဲကျင်းပပြီး ဖန်များနှင့် ပျော်ပျော်ရွှင်ရွှင် တွေ့ဆုံစကားပြောခဲ့သည်။

ပရိုဂျက်တာမှ နိုင်ငံတစ်ဝှမ်းရှိ ဖန်ဆိုဒ်များ ဖန်တီးထားသည့် ချစ်စဖွယ်ဗီဒီယိုများကို ထုတ်လွှင့်နေသည်။ ဖန်သားပြင်ပေါ်မှာဖြတ်ပြေးသွားသော အချိန်ကာလအမျိုးမျိုးမှ သူ၏အသွင်အပြင်များကို မြင်လိုက်ရသောအခါ ယန်အန်းယုလည်း အလွန်ရင်ထဲ ထိရှသွားသလိုခံစားလိုက်ရသည်။

သူသည် 'လက်ဝှေ့ကျော်' တွင် ပထမဆုံး ကိုယ်ခံပညာစတန့်သမားအဖြစ် မတော်တဆ ဖြစ်လာခဲ့ပြီး၊ထို့နောက် 'မနက်ဖြန်များ၏အသံ' သီချင်းဆိုပြိုင်ပွဲတွင် ပါဝင်ခဲ့သည်။ နောက်ပိုင်းတွင် 'နှလုံးသား၌ထုဆစ်လေသော' ဇာတ်ကားတွင် ဒါရိုက်တာရှုက သူ့ကိုမျက်စိကျသွားခဲ့သည်။

ထို့နောက်တွင်၊ ခင်မင်ရင်းနှီးမှုကြောင့် ချင်​နွော်၏ 'ရွှမ်းရှီ' MV တွင် ပါဝင်ခဲ့ပြီး သူ၏ရှေးဟောင်းဝတ်စုံနှင့်ပုံစံက အလွန်ချီးကျူးခံခဲ့ရသည်။ ထို့နောက် ရှေးခေတ်ဒရာမာ 'သောင်ရှင်း' တွင် ပါဝင်သရုပ်ဆောင်ခဲ့ပြီး နောက်ပိုင်းတွင် 'Challenge First Time' ကဲ့သို့သော ရသစုံရှိုးများတွင်ပင် ပါဝင်ခဲ့သည်။ ဗီဒီယိုထဲက မြင်ကွင်းများက အားလုံးက အဖိုးတန် အမှတ်တရများနှင့် အတွေ့အကြုံများချည်းပါပင်။

နောက်ဆုံးမှာ သူ့ဖန်များအဖွဲ့လိုက် ဓာတ်ပုံအကြီးကြီး ရိုက်ခဲ့၏။ဖန်များက အကုန်လုံးကို ပေါင်းရုံး သုံးသပ်ပြီး သက်ပြင်းချကြသည်။

"ဆယ်မိုင်အကွာက ​နွေဦးလေညှင်းက မင်းနဲ့အိပ်စက်ရတာနဲ့ မယှဉ်သာ"

(ဆယ်မိုင်သောနွေဦးရှုခင်းက ငါ့နှလုံးသားထဲက မင်းရဲ့အလှကိုမမီ)

တစ်နှစ်ပြည့် အထိမ်းအမှတ် လှုပ်ရှားမှုပြီးနောက်  ယန်အန်းယုနှင့်ယီချန်းယန် ၎င်းတို့၏ နေအိမ်အသစ်သို့ ပြောင်းရွှေ့​နေထိုင်ခဲ့သည်။ (ပထမကပြောင်းရွှေ့ရုံပဲလားမသိ)

နေထွက်ပြီ။

ယန်အန်းယု အိပ်ယာပေါ်မှာ လှဲနေသေးသည်ကို မြင်လိုက်ရသောအခါ ယီချန်းယန်က သူ့ကိုသွားပုတ်လိုက်သည်။

"ရှောင်ယု မထသေးဘူးလား"

ယန်အန်းယုက ခေါင်းညိတ်လိုက်ပြီး သနားချင့်စဖွယ် မျက်တောင်​လေး ပုတ်ခတ်ပုတ်ခတ်လုပ်​ပြသည်။

"မ... မထချင်ဘူး"

တစ်လကျော်ကြာ အလုပ်များပြီးနောက် အနားယူချိန်ပင်မရဘဲ ပိတ်ရက်များမှာလည်း အားလပ်ချိန်ဆိုသည်က ရှား​လေသည်။ယန်အန်းယု အချိန်ကုန်သည်အထိ အိပ်ချင်လွန်း၍တရွရွ​ဖြစ်နေခဲ့သည်။

"ချန်းယန် ကျွန်​တော် ဒီနေ့ နည်းနည်းမှ မလှုပ်ချင်ဘူး" 

ထိုစကားကို ပြောရင်း  ယန်အန်းယု မျက်တောင်​တဖျပ်ဖျပ်ခတ်ပြီး သူ့ကို ချွဲလိုက်သည်။

ယီချန်းယန်က သူ့နှာခေါင်းဖျားကို လေနှင့် မှုတ်လိုက်သည်။

"ဒါဆို မင်းကထပ်ပြီး အပျင်းတစ်နေချင်တာလား"

"အင်း"

ယန်အန်းယုက အားမရှိစွာ ခေါင်းညိတ်လိုက်သည်။

"ချန်းယန် ကျွန်တော် အိပ်ရာပေါ်မှာ တစ်နေကုန် အိပ်လို့ရမလား"

ယီချန်ယန်က ပြုံးလိုက်သည်။ သူက သူကိုယ်တိုင် ရုတ်တရက် ကုတင်ပေါ်တက် လဲလိုက်ပြီး ယန်အန်းယုကို ဆွဲဖက်ကာ သူ့ရင်ဘတ်ကို နာခံစွာ မှီခိုင်းလိုက်သည်။

"​ရှောင်ယု ကိုယ့်ရင်ခွင်ထဲမှာ တစ်သက်လုံး အိပ်လို့ရတယ်"

သူက ယခင်က ချစ်ခန်းကြိုက်ခန်းပါသည့် ဇာတ်ကောင်များစွာကို သရုပ်​ဆောင်​ခဲ့ပြီး ရိုမန်တစ်ဆန်သော စာသားအမျိုးမျိုးကို ပြောဆိုခဲ့ဖူးသော်လည်း ယခုအချိန်တွင် ယီချန်းယန်၏ ရိုးရှင်းသောဝါကျလေးက ယန်အန်းယုကို ရင်ခုန်သွားစေရန် လုံလောက်​​လေသည်။

ယန်အန်းယု၏ ပါးပြင်ပေါ်မှာ ပါးချိုင့်လေးနှစ်ခု​ပေါ်လာပြီး သူက သွားများပေါ်သည်အထိပြုံးလိုက်၏။

"အိုကေ...ချန်းယန်ရဲ့ရင်ခွင်က ကောင်းလိုက်တာ... တစ်သက်လုံးက လုံလောက်ဖို့ ဝေးနေသေးသလို ခံစားရတယ်"

ယခုမှစပြီး အ​ကြင်လင်လင်စုံတွဲ၏ ပျော်ရွှင်ဖွယ် အိမ်ထောင်ရေးဘဝသည် နေ့စဉ်နှင့်အမျှ ဤအတိုင်းဆက်လက်တည်ရှိနေမည်ဖြစ်​ပေ​တော့သည်။

-👥️

Main Story လေးဒီမှာ ပြီးပါပြီ 

Extra ၆ပိုင်းကျန်ပါမယ်ရှင်...