လျို့ဝှက်သောသူကြွယ်၏ ချစ်ဇနီးလေး  

အပိုင်း ၅၁ - ပြီးပြည့်စုံသောပွဲ  

ချန်ရှု့ရဲ့ မျက်လုံးတွေ သူမရဲ့လက်အောက်မှာ မျက်တောင်ခတ်နေတာကို သူမခံစားမိသည်။ သူ့ရဲ့ရှည်လျားတဲ့ မျက်တောင်မွှေးတွေက သူမရဲ့လက်ဖဝါးကို ဖြတ်ပြီး လေထဲမှာရွေ့လျားနေတဲ့  ငှက်မွေးလေးတွေလို  တဒင်္ဂကျဆင်းလာသလိုပင်။ 

ချန်ရှု့ လှုပ်ရှားခြင်းမရှိဘဲ ရပ်နေခဲ့သည်။  သူ့ရဲ့မျက်လုံးများမှာ လက်နဲ့ကာထားတာကိုခံနေရပြီး ပြင်ပမြင်ကွင်းကို သူမမြင်နိုင်သော်လည်း သူ့ရဲ့အာရုံခံစားမှုတွေက အဆပေါင်းများစွာ မြင့်တက်နေခဲ့သည်။ 

ယဲ့ဆွေရဲ့ အသားအရေက နူးညံ့​တာကြောင့် သူ့ရဲ့မျက်နှာကို အပူနည်းနည်းက ကူးပြောင်းသွားခဲ့သည်။ ယဲ့ဆွေဆီက အမွှေးနံ့ သင်းသင်းလေးကို ပေါင်းစပ်လိုက်တော့ ချန်ရှု့ရဲ့ ခန္ဓာကိုယ်က ရုတ်တရက် အေးခဲသွားသည်။ 

ယဲ့ဆွေက သူမရဲ့လက်ကိုဖယ်ရှားလိုက်သောအခါ ချန်ရှု့ရဲ့ အကြည့်က သတိလက်လွတ်နဲ့ ၎င်းပေါ်မှာကျရောက်နေသည်။ လက်ကသူမရဲ့ဘက်သို့ မရောက်မချင်း သူ့အကြည့်က လိုက်ပါသွားသည်။  

“ အစောက စားပွဲထိုး ဘာပြောလိုက်တာလဲဆိုတာကို ရှင်မကြားဘူးလား?  အဲ့ရေသရဲက ပေါ်လာပြီ” ယဲ့ဆွေက  သူမရဲ့အသံကို တမင်တကာလျှော့ချလိုက်သည်။ 

ချန်ရှု့က အိပ်မွေ့ချခံထားရတဲ့သူလို မိန်းမောနေပြီး ခဏတာလောက် သူ့ရဲ့အာရုံတွေဆီ ပြန်မရောက်လာသေးပေ။ ခဏကြာပြီးတဲ့နောက် သူက“ ဘယ်မှာလဲ?” လို့တုန့်ပြန်လိုက်သည်။ 

ယဲ့ဆွေက လှည့်မကြည့်ရဲတော့ဘဲ သူမရဲ့လက်ကိုအနောက်ဘက်သို့ဆန့်ပြီး ရေသရဲရပ်ခဲ့တဲ့နေရာကို ညွှန်ပြလိုက်သည်။  

"ရေသရဲက ရှင့်ကိုသရဲခြောက်လိမ့်မယ်။ အဲ့တာကြောင့် ရှင် သူမကိုမကြည့်နဲ့  "ယဲ့ဆွေက ရေသရဲရဲ့  ပုံပန်းသဏ္ဍာန်ကို သတိရမိသွားသည်။ သူမရဲ့စိတ်ထဲတွင် သူမက ချန်ရှု့ အားသရဲကို မမြင်စေချင်ခဲ့ပေ။ 

ချန်ရှု့က နောက်တစ်ဖန် ယဲ့ဆွေရဲ့ လက်နောက်ကို လိုက်ခဲ့သည်။ သူအဲ့တာကိုမြင်သွားမှာကို ယဲ့ဆွေ ကြောက်နေတယ်ဆိုတာသိလိုက်ပြီး သူမျက်လုံးကိုသာ ဖုံးအုပ်နိုင်တော့သည်။ အကယ်၍ သူထိုအရာကို တိုက်ရိုက်ကြည့်မည်ဆိုပါက သူ့ရဲ့အမြင်ကို ယဲ့ဆွေက သူမရဲ့လက်နဲ့တိုက်ရိုက်ပိတ်လိမ့်မည်။ 

ချန်ရှု့က စက္ကန့်အနည်းငယ်ကြာအောင် စဉ်းစားဟန်နဲ့ ခေတ္တဆိုင်းငံ့ထားပြီးနောက် သူ့ရဲ့ခေါင်းကို ရေရှိတဲ့ဘက်ဆီသို့ လှည့်ကြည့်လိုက်သည်။  "ဘယ်မှာလဲ ရေသရဲ?" 

ယဲ့ဆွေ ချန်ရှု့ရဲ့ လှုပ်ရှားမှုတွေကို မြင်တွေ့လိုက်သည်နှင့် သူမကချက်ချင်းပဲ နောက်တစ်ကြိမ် သူ့ရဲ့မျက်လုံးကိုကာဖို့ သူမရဲ့လက်ကိုဆန့်လိုက်သည်။  "ရေသရဲက လူတွေကို ဆွဲဆောင်လိမ့်မယ်လို့ အဲ့တာကပြောထားတယ်။ အဲ့တာကြောင့် ရှင့်ကိုကြည့်ခွင့်မပေးဘူး ” 

ယဲ့ဆွေရဲ့ဒေါသတွေ ဘယ်နေရာက ထွက်လာလဲဆိုတာကို ချန်ရှု့မသိဘူး။ သူမက သူ့ရဲ့မျက်လုံးတွေကို တင်းတင်းကျပ်ကျပ် ဖုံးအုပ်ထားပြီးနောက်တွင် ယခုအချိန်မှာ ရေသရဲပေါ်လာခဲ့တဲ့နေရာကို ကြည့်ရှုဖို့ လှည့်လိုက်သည်။ 

ရေသရဲ ပျောက်သွားတာက အရိပ်အယောင် မရှိတော့တာသာမကဘဲ ဆံပင်တစ်ပင်ကိုတောင်မှ မတွေ့ရတော့ပေ။ 

ယဲ့ဆွေ ကိုးရိုးကားရားနိုင်စွာနဲ့ သူမရဲ့လက်ကို ပြန်ရုတ်လိုက်သည်။  "ကျွန်မ ရှင့်ကိုထိလိုက်ရင် သရဲတွေပျောက်ကွယ်သွားလိမ့်မယ်ဆိုတာကို ကျွန်မမေ့သွားတယ်”  သူမရဲ့လှုပ်ရှားမှုများက ချန်ရှု့ရဲ့အားသာချက်ကိုရယူခြင်းနှင့်မတူပါ။ 

ချန်ရှု့ရဲ့ မျက်နှာပေါ်မှာ အပြုံးတစ်ခုကထင်ရှားနေသည်။ "ဒါကအရေးမပါဘူး " 

ချန်ရှု့နဲ့ ယဲ့ဆွေတို့က ယူနန်ပြည်နယ်၌ နေထိုင်စဉ် သူတို့ကိုယ်သူတို့ အားလပ်ရက် အနည်းငယ်သာ ပေးခဲ့ကြသည်။ 

ချန်ရှို့က ဆိုရှယ်မီဒီယာပေါ်တွင် လူကြိုက်များကာ  သူ့မှာအလုပ်ချိန်အပြည့်ရှိပြီး နားချိန်မရှိသလောက် နည်းပါးသည်။ သူက ချန်းယင်ကို သူနှင့်အတူ ခရီးထွက်စေလိုသော်လည်း သူတို့ရဲ့အစီအစဉ်က ကွဲလွဲနေပြီး ကောင်းစွာညှိနှိုင်းလို့မရပေ။ 

ချန်းယင်က ချက်ပြုတ်ဖို့ သင်ယူနေပြီး လာဖို့ အချိန်မရှိခဲ့ပေ။ သူမကနောက်လာမည့် “ စတားများနှင့် သရေစာဆိုင်ဖွင့်ခြင်း” ဆိုတဲ့အပိုင်းရဲ့ တန်ဖိုးထားခံရတဲ့ ဧည့်သည်အဖြစ် ဖိတ်ကြားချက်ကို လက်ခံရရှိထားပြီဖြစ်ပြီး အစီအစဥ်တွင် ပြသရမည်ဖြစ်သည်။ 

ဤအစီအစဉ်၏ အပိုင်းတစ်ခုစီရဲ့ အောင်မြင်မှုနှုန်းက သန်း ၂၀၀ ခန့် ကျိုးပေါက်သွားပြီး ၎င်းကိုအကောင်းဆုံး ရသစုံရှိုး ဖြစ်အောင်ပြုလုပ်နေသည်။ 

 ရှိုးတွင် အမြဲတမ်းဧည့်သည်များက မည်သည့်နေရာမှာမှ ပရိသတ် ကြီးကြီးမားမားမရှိခဲ့ပါ။  လူကြိုက်အများဆုံးမှာ ကွန်ယက်တစ်ခုလုံးရဲ့ အနက်ရောင် သစ်ရွက်ဆူးများနှင့် မြင့်တက်လာသည့် ကာလအတွင်းမှာ ဝတ်စုံကစားသမား ကောယွဲ့ တို့ဖြစ်သည်။ 

 အစပိုင်းမှာတော့ ဒီ ရသစုံရှိုးက နာမည်ကြီးတွေ သရေစာဆိုင် ဖွင့်နေတာကို စောင့်ကြည့်နေရတာပဲလို့ လူတိုင်းထင်ခဲ့ကြသည်။ ကြည့်ရတာ စိတ်လှုပ်ရှားစရာ ဘာမှမရှိပေမယ့် ယဲ့ဆွေကို မုန်းတီးတဲ့စကားကြောင့် အဲ့တာက လူကြိုက်များလာသည်။ 

ရသစုံရှိုးတွင် ယဲ့ဆွေရဲ့သရုပ်ဆောင်မှုက သူမရဲ့ပရိသတ်တွေတိုးပွားလာဖို့၊ ဆိုရှယ်မီဒီယာမှာ လူကြိုက်များဖို့ နဲ့ အမှန်တရားကိုဖုံးကွယ်ဖို့ပဲ။  ထို့ကြောင့် မင်းသမီးအများစုက သူမရဲ့လုပ်ထုံးလုပ်နည်းကို ကူးယူချင်ကြသည်။ 

ချက်ပြုတ်တာမဟုတ်လား? ဘယ်သူမှ မတတ်နိုင်ကြဘူးလား? ချန်းယင်က သူမရဲ့ချက်ပြုတ်စွမ်းရည်များကို နေ့စဉ်ဖြည့်ဆည်းပေးခဲ့ပြီး သူမရဲ့စံနှုန်းများက တစ်နေ့ထက်တစ်နေ့ တိုးတက်လာခဲ့သည်။  သူမက ယဲ့ဆွေထက်ကို လာမယ့်အစီအစဉ်မှာ ပိုတောက်ပနေရမည်။ 

ချန်ရှို့က ပြည်တွင်းခရီးသွားဧည့်ဆွဲဆောင်ရာ နေရာများစွာထဲမှ ယူနန်ပြည်နယ်ကို ရွေးချယ်ခဲ့သည်။ 

စက်မှုလုပ်ငန်းတွင် ကြီးမားသောသြဇာလွှမ်းမိုးမှုရှိတဲ့ အိုင်ဒေါတစ်ယောက် ဖြစ်သည့် ချန်ရှို့က ယူနန်သို့ရောက်သည်နှင့်တပြိုင်နက် ဝေ့ပေါ်၌ သူ့ရဲ့ပရိသတ်များအား ချက်ချင်းအကြောင်းကြားခဲ့သည်။ သူက သူ့ရဲ့ခြေတံရှည်ရှည်ကို ဓာတ်ပုံရိုက်ပြထားပြီး သူ့ရဲ့အနောက်ဘက်မှာတော့ လှပတဲ့ အာ့ဟိုင်ရေကန်ရှိသည်။ 

ချန်ရှို့က သူ့ရဲ့ လက်ရှိတည်နေရာဖြစ်သော ယူနန်ကိုမျှဝေရန် ပို၍ ပင်စဉ်းစားခဲ့သည်။ 

သူက သူ့ပရိသတ်တွေကို သူတို့ယူနန်ကိုလာပြီး သူ့ဆီပြေးလာနိုင်တယ်လို့ ပြောထားသည်။  

 "အဲ အစ်ကို အစ်ကိုကယူနန်မှာရှိနေတာလား? ငါကတော့ မနေ့ကမှပြန်သွားတာ!  အရမ်းဝမ်းနည်းတယ်!  ဘာကြောင့်ကံကြမ္မာက ငါနဲ့ ငါ့အိုင်ဒေါရဲ့တွေ့ဆုံမှုကို အမြဲပိတ်ဆို့နေရတာလဲ?" 

“ချန်ရှို့က အလုပ်တွေအရမ်းကြိုးစားထားတော့ ရက်အနည်းငယ်လောက် အနားယူသင့်တယ်။ ပရိတ်သတ်အစစ်ဆိုရင်တော့  ချန်ရှို့ကို သူ့ရဲ့အားလပ်ရက်မှာ မနှောင့်ယှက်ပါနဲ့!  ” 

“ ချန်းယင်ကော? သူမကော ချန်ရှို့နဲ့ သွားလား?”  

“ ချန်းယင်က မကြာသေးမီတုန်းက ဘယ်လိုချက်ပြုတ်ရမယ်ဆိုတာကို လေ့လာနေတယ်။ အတွင်းလူတွေဆီကနေ ငါကြားထားတာတော့ သူမက ယဲ့ဆွေကို ရသစုံရှိုးမှာ ကျော်လွှားပြီး လမ်းမှန်အတိုင်း အဲ့တာကို ​မှတ်တမ်းတင်ခဲ့ပုံရတယ်” 

 "ဘာလဲဟ ! အဲ့တာက တကယ်ပဲ စိတ်လှုပ်ရှားစရာကောင်းလို့လား?  ချန်းယင်နဲ့ ယဲ့ဆွေတို့ မကြာခင်မှာပဲ တူညီတဲ့အစီအစဉ်မှာ ပေါ်လာတော့မှာလား?” 

ထင်ထင်ပေါ်ပေါ်နဲ့ ခရီးသွားသူ ချန်ရှို့က ယဲ့ဆွေနဲ့ လုံးဝခြားနားသည်။ ယဲ့ဆွေနဲ့ ချန်ရှု့တို့က သူတို့ရဲ့ခရီးစဉ်က မကြာမီဖျက်က်ဆီးခံရတော့မည်ဟု မျှော်လင့်မထားခဲ့ကြပေ။ 

ဒါပေမယ့် ယဲ့ဆွေရဲ့အဖွဲ့က ဤအဖြစ်အပျက်ရဲ့ အကြောင်းရင်းဖြစ်သည်။ ယဲ့ဆွေဟာ လူကြိုက်များလာတာနဲ့အမျှ အဖွဲ့မှာနေ့တိုင်း အစီအစဥ်ဇယားတွေနဲ့ အလုပ်ရှုပ်နေခဲ့သည်။ 

ဒီနေ့မှာ ပရိတ်သတ်တွေက ယဲ့ဆွေရဲ့ ဝေ့ပေါ် အောက်မှာမှတ်ချက်တွေပေးခဲ့သည်။  “ဆိုရှယ်မီဒီယာပေါ်မှာ အသစ်တွေမရှိတာ အတော်ကြာနေပြီ။  ဒီလအတွက် ယဲ့ဆွေရဲ့ အစီအစဉ်ကဘာလဲ? " 

ရန်ကျဲက သူမရဲ့ခြေထောက်တွေကို တရွတ်တိုက်ဆွဲခဲ့ကာ သူမက မှတ်ချက်တစ်ခုကို ပြန်ဖြေပေးခဲ့သည်။   

 "သူမရဲ့အားလပ်ရက်မှာ ယူနန်ကိုသွားလိုက်တယ်" 

ရန်ကျဲက ချန်ရှို့တင်ထားတဲ့  ဝေ့ပေါ်က ပိုစ့်ကို မမြင်ထားခဲ့ချေ။  ယဲ့ဆွေရဲ့ပရိသတ်တွေကို နှစ်သိမ့်ဖို့ သူမ ကူညီပေးချင်ခဲ့တာဖြစ်သည်။ ဒါပေမယ့် ဒီရိုးရှင်းတဲ့ဝါကျက အုတ်အော်သောင်းနင်း ဖြစ်လာလိမ့်မယ်လို့ မမျှော်လင့်ခဲ့ပေ။ 

ချန်ရှို့ရဲ့ ပရိသတ်များက ချန်ရှို့နဲ့ ပူးပေါင်းထားသော အနုပညာရှင်တိုင်းကို တိတ်တဆိတ် စောင့်ကြည့်နေကြသည်။ ယဲ့ဆွေရဲ့အေးဂျင့်ဆီမှ ပြန်ကြားချက်ကိုမြင်တော့ လွဲနေတဲ့တစ်ခုခုကို သူတို့ချက်ချင်းပဲ ရှာဖွေတွေ့ရှိခဲ့သည်။ 

သူတို့ရဲ့အိုင်ဒါက ယူနန်ပြည်နယ်မှာ အားလပ်ရက်အနေနဲ့ရောက်နေသည်။ ယဲ့ဆွေကလည်း ယူနန်ပြည်နယ်ကို အားလပ်ရက်ခရီးထွက်ခဲ့သည်။  ထို့ကြောင့် အချို့သောလျင်တဲ့သူများက ထူးဆန်းသည့်လေထုကို အနံ့ခံမိကြသည်။ 

'ယဲ့ဆွေတစ်ယောက်ယောက်ကို ထပ်ပြီးတို့ချင်နေတာလား? ' 

'သူမက ချန်းယင်နဲ့ ပုံပန်းသဏ္ဍာန်တူသောကြောင့် ကျော်ကြားခဲ့သည်။  အခုတော့ သူမက  

ချန်ရှို့ကို အရှက်တကွဲဖြစ်အောင် လုပ်ချင်နေပြီလား? သူမက ဘယ်လိုတောင် ရှက်စရာကောင်းလိုက်လဲ? အစိတ်စိတ်အမြွာမြွာဆုတ်ဖြဲနေတာ!' 

လျှာထက်တဲ့ ပရိတ်သတ်များက ယဲ့ဆွေရဲ့ ဝေ့ပေါ်မှာ မှတ်ချက်တွေပေးနေပြီး သိမ်းယူထားက  ယဲ့ဆွေကို အများကြီးမျှော်လင့်ထားခဲ့သည်။ ယဲ့ဆွေနှင့်သက်ဆိုင်သည့် နေရာအားလုံးတွင် သူတို့ရဲ့အမှတ်အသားရှိသည်။ 

တစ်ချိန်တည်းမှာပင် ယဲ့ဆွေက အင်တာနက်ပေါ်တွင် ခေတ်စားလာသည်။ 

ယဲ့ဆွေနှင့် ချန်ရှု့တို့ ဒီအကြောင်းကို သိသွားသောအခါ၊ သတင်းတွေက မီဒီယာများမှ ထုတ်လွှင့်ထားပြီးသွားပြီ ဖြစ်၍ အင်တာနက်တစ်ခုလုံးက မီးတောက်လောင်နေကြသည်။ 

[ချန်ရှို့ရဲ့ရည်းစားအစစ်ဖြစ်တဲ့ ချန်းယင်က သူ့အတွက်ချက်ပြုတ်နေစဉ်မှာ သူကတော့ ယဲ့ဆွေနဲ့အတူတူ ယူနန်ဆီ ခရီးသွားနေတယ်လို့ သံသယရှိတယ်။ ] 

ယဲ့ဆွေနဲ့ ချန်ရှုတို့ သူတို့ရဲ့ခေါင်းကို မော့လိုက်ကြသည်။   အဆိုပါသတင်းက သူတို့ကို အံ့အားသင့်စေခဲ့သည်။အေးခွန်းအမှတ်အသား အကြီးကြီး ၃ခုက  ထိုစုံတွဲရဲ့ ဦးခေါင်းထက်မှာ ပေါ်နေခဲ့သည်။  မီဒီယာက တစ်ခုခုမှားနေတာလား??? 

ယဲ့ဆွေက ဝီချက်မှာ ရန်ကျဲ ပို့ထားတဲ့ဟာကို မြင်ပြီးနောက်ပြဿနာရဲ့ရင်းမြစ်ကို ရှာဖွေတွေ့ရှိခဲ့သည်။ 'သူမက(ရန်ကျဲ) သူမ(ယဲ့ဆွေ)ရဲ့အစီအစဉ်တွေကို ပေါက်ကြားစေခဲ့တယ်!' 

ခေါင်းဆောင်ရဲ့ အိုင်ကျူနဲ့ ဆုံးဖြတ်ချက်တဲ့ အဖွဲ့ရဲ့ အိုင်ကျူဖြစ်တဲ့ အမှန်တရားကို  ယဲ့ဆွေ နားလည်သွားသည်။ရန်ကျဲက ရိုးရိုးရှင်းရှင်းပဲ သူမရဲ့အကြီးမားဆုံး ဆန့်ကျင်သူ ဖန် ခေါင်းဆောင်ဖြစ်သည်။ 

သူမနောင်တအချို့နှင့်အတူ သက်ပြင်းချလိုက်သည်။  "ချန်ရှု့၊ ရှင်နဲ့ခရီးဆက်သွားဖို့ ကျွန်မ မလိုက်နိုင်လောက်တော့ဘူး" 

ချန်ရှု့ စကားမပြောဘဲ လှည့်၍ အခန်းထဲမှထွက်သွားခဲ့သည်။ သူကအပြင်ဘက်ကနေ ဝမ်ချွမ်းဆီ ဖုန်းဆက်ကာ သူ့ကို လေယာဉ်လက်မှတ် ကြိုတင်မှာယူခိုင်းပြီး ယဲ့ဆွေကို တာဝန်ယူနေတဲ့အဖွဲ့ကို ယူနန်ဆီလွှတ်ခိုင်းလိုက်သည်။  

နာရီဝက်အကြာတွင် တစ်စုံတစ်ဦးက ရန်ကျဲဆီ ဆက်သွယ်လိုက်ပြီး ချန်ရှု့က သူမကိုယူနန်ဆီ ပို့ထားတယ်ပြောကြားခဲ့သည်။ 

ရန်ကျဲက ဒီကုမ္ပဏီငယ်လေးတွင် ကြာမြင့်စွာနေထိုင်ခဲ့ပြီး အနုပညာရှင်များရဲ့နောက်ကိုလိုက်ခဲ့သော်လည်း မည်သည့်အခါမျှ  ပထမတန်းမှာ လေယာဥ်မစီးခဲ့ဖူးပေ။သူတို့ကိုခေါ်ဖို့အတွက် ယဲ့ဆွေရဲ့ ခင်ပွန်းက ပထမတန်းတစ်ခုလုံးကို ဝယ်ခဲ့တာလား? 

​ချန်ရှု့က ချန် မိသားစုဝင်ဖြစ်သော်လည်း ချန်မိသားစုရဲ့ ဆက်ခံသူမှာ ချန်ရှို့ ဖြစ်သည်ဟု သူမကြားခဲ့သည်။  ချန်ရှု့က သူ့ရဲ့ချမ်းသာကြွယ်ဝမှုကို တစ်ခါမှမဖော်ပြခဲ့သဖြင့် သူ့ဆီမှာလုပ်ဆောင်နိုင်တဲ့ စွမ်းရည်မရှိဘူးလို့ သူတို့ထင်မြင်ထားခဲ့ကြသည်။ 

ယဲ့ဆွေရဲ့ခင်ပွန်းက ဘယ်အချိန်တုန်းကစပြီး အရမ်းချမ်းသာလာခဲ့တာလဲ? 

ရန်ကျဲ အဲ့တာကို အများကြီးမစဉ်းစားခဲ့ပေ။  ချန်ရှု့ရဲ့ တောင်းဆိုချက်အရ သူမက အစောဆုံးလေယာဥ်စီးလာပြီး ယူနန်သို့ရောက်ရှိလာခဲ့သည်။ 

နောက်တစ်နေ့နံနက်တွင် ယဲ့ဆွေရဲ့ စီမံခန့်ခွဲမှုအဖွဲ့တစ်ခုလုံးက အာ့ဟိုင်ရေကန်ရဲ့အစွန်းတွင် သူမနှင့်အတူ ဓာတ်ပုံရိုက်ခဲ့သည်။ လူတိုင်းကောင်းကင်ကြီးကိုမျက်နှာမူထားကြပြီး လက်တွေကိုလေထဲမှာမြှောက်ထားကာ တောက်ပစွာပြုံးနေကြသည်။ 

ဤဓာတ်ပုံကို ဝေ့ပေါ်တွင် စာနဲ့အတူ ပိုစ့်တင်ထားသည်။ “ငါတို့အားလုံးကို အားလပ်ရက်ပေးတဲ့အတွက် ကျေးဇူးတင်ပါတယ်။ ဆွေဆွေရေ! ” 

ပွဲကြည့်ပရိသတ်အဖြစ် စောင့်ကြည့်နေသူများက  တစ်ညလုံး စောင့်ဆိုင်းနေခဲ့ကြသည်။ နောက်ဆုံး ယဲ့ဆွေရဲ့ တုန့်ပြန်မှုကို လက်ခံရရှိပြီးနောက်မှာ သူတို့သည် မတ်ဆေ့ချ်များမှထွက်ခွာပြီး မှတ်ချက် ၁၀၀၀၀၀ ကျော်ကိုကျော်ဖြတ်ခဲ့သည်။ 

 "ငါ့ရဲ့ချန်ရှို့က လိမ်မှာမဟုတ်ဘူးလို့ ငါပြောခဲ့သားဘဲ။ သူတို့နှစ်ယောက်က တစ်ယောက်နဲ့တစ်ယောက် ဘာမှမဆိုင်ဘူး။ ဒါကြောင့် အဖြစ်မှန်လို့မယူဆခင်မှာ ကျေးဇူးပြုပြီး စဥ်းစား ဟုတ်ပြီလား? " 

 "ယဲ့ဆွေက ချန်းယင်ထက် အများကြီးပိုလှတယ်! သူမက ချန်ရှို့ကို ဘယ်အချိန်မှာ ကြည့်ခဲ့တာလဲ?  ဖြစ်ကောင်းဖြစ်နိုင်တာက ယဲ့ဆွေရဲ့  လူကြိုက်များမှုက သိပ်မကြာသေးခင်ကဖြစ်လို့ ချန်ရှို့က သူမနောက်ကနေ အသာလေးလိုက်ချင်တာလို့ နင်တို့မထင်ဘူးလား? " 

 "ငါတို့က ချန်ရှို့ကို ဂရုမစိုက်ဘူး။ ငါတို့ရဲ့ ယဲ့ဆွေလေးက စကြဝဠာမှာအလှဆုံးဖြစ်ပြီး ထောင်နဲ့ချီတဲ့သူတွေကို ဆွဲဆောင်နိုင်ခဲ့တယ်။ ကျေးဇူးပြုပြီး ချနိရှို့ နဲ့အဝေးကြီးပါ။ ကျေးဇူးတင်ပါတယ်။ " 

 "... " 

 ဒီလိုမဖြစ်နိုင်တာတွေနဲ့ ချန်ရှု့က သူ့ရဲ့အစီအစဉ်ကို အလွယ်တကူဖြေရှင်းခဲ့သည်။ 

 ချန်ရှု့က ယဲ့ဆွေ အသင်းရှိ ဝန်ထမ်းများက ဖော်ရွေပြီးစိတ်အားထက်သန်သော်လည်း အတွေ့အကြုံနည်းပါးပြီး အမြဲတမ်း ဟက်ကာများကို အသုံးပြု၍ ပရိသတ်များတိုးပွားစေဖို့ ကြိုးစားနေတာကို တွေ့ရှိခဲ့သည်။ 

 သူတို့စတိုင်အရ ၎င်းသည်လက်ရှိ ယဲ့ဆွေ ကျော်ကြားမှုကို ဆွဲချသလိုဖြစ်လိမ့်မည်။ 

 အိမ်ပြန်ပြီးနောက်မှာ ချန်ရှု့က အခွင့်အလမ်းတစ်ခုရှာဖွေပြီး သူမနှင့်အတွေ့အကြုံရှိသူ အချို့ကိုမိတ်ဆက်ပေးဖို့ ယဉ်ကျေးစွာကမ်းလှမ်းလိုခဲ့သည်။ 

 ချန်ရှု့နဲ့ ယဲ့ဆွေတို့ရဲ့ ယူနန်ပြည်နယ် ခရီးစဉ်က မျက်စိတမှိတ်အတွင်းမှာ တစ်ဝက်တစ်ပျက် ဖြစ်သွားခဲ့သည်။ ထိုညမှာဘဲ ယဲ့ဆွေက လှပသောသရဲကို ထပ်တွေ့ခဲ့ရသည်။ 

 ရေသရဲရဲ့ ခေါင်းကရေထဲမှထွက်လာပြီး ခြေကုန်လက်ပန်းကျတာကို ခံစားနေရသည်။ သူမက သူတို့ပြန်လာတာ စောင့်နေသလိုမျိုး လဲလျောင်းနေခဲ့သည်။ 

 ရေသရဲက ယဲ့ဆွေရှေ့မှာ ရှိနေတာကြောင့် အသက်ရှူ ကျပ်သွားခဲ့သည်။ ယဲ့ဆွေရဲ့ဘေးက ချန်ရှု့ကိုတွေ့ချိန်မှာ ရေသရဲက မသိစိတ်နဲ့ ရေထဲတွင်ပုန်းနေခဲ့သည်။ 

 ချန်ရှု့ရဲ့ ယန်စွမ်းအင်က မြင့်မားလွန်းသည်။ ညဥ့်နက်နေပြီ ဖြစ်သော်လည်း ရေသရဲအနေနဲ့ နီးနီးကပ်ကပ်မနေရဲသေးပေ။ 

 ရေသရဲ ကောင်မလေးက လက်ကိုဆန့်၍ ဝေ့ယမ်းကာ ယဲ့ဆွေကို နှုတ်ဆက်လာခဲ့သည်။ " ဟယ်လို "  

 ချန်ရှု့က ဘာမှမရှိတဲ့နေရာကိုကြည့်နေတဲ့ ယဲ့ဆွေကို မြင်လိုက်ရသည်။   သူမကလေထဲကို အော်ဟစ်ပြီးမေးခွန်းတစ်ခုမေးခဲ့သည်။ 

 "ရှင်က ရေသရဲရဲ့ဒဏ္ဌာရီထဲက သရဲလား? " 

 ယဲ့ဆွေရဲ့ ကြောက်စိတ်မွန်ပြီး ဖြူဖျော့နေတဲ့မျက်နှာနဲ့ အော်ရယ်နေတာကို မြင်တွေ့ပြီးနောက် ရေသရဲမိန်းကလေးက စဥ်းစားမရစွာနဲ့ စိုက်ကြည့်နေခဲ့သည်။ အဲ့တာက ရေမျက်နှာပြင်ကို ကြာပွတ်နဲ့ရိုက်လိုက်တဲ့အခါ အဲ့အသံက ကြည်လင်ပြီးကျယ်လောင်တဲ့ ငွေခေါင်းလောင်းကဲ့သို့ဖြစ်နေခဲ့သည်။ 

 အရင်တစ်ခေါက်က ယဲ့ဆွေက ဘာကြောင့် ဒီလောက်မြန်မြန် ဖုံးကွယ်သွားတာလဲဆိုတာကို နောက်ဆုံးတော့ ရေသရဲက နားလည်သွားသည်။ သူမရဲ့ ပါးလွှာတဲ့ နှုတ်ခမ်းကပြုံးလိုက်သည်။ "စိတ်မပူပါနဲ့၊ မင်းခင်ပွန်းရဲ့စိတ်ကို မထိချင်ပါဘူး " 

"ရေသရဲရဲ့ ဒဏ္ဌာရီက အမှားကြီးပါ" သရဲက ရှင်းပြခဲ့သည်။ " ရေထဲကျသွားတဲ့လူတွေအားလုံး မတော်တဆကျသွားတာ။ တကယ်တော့ သူတို့တစ်ယောက်မှ မသေခဲ့ကြဘူး " 

 ယဲ့ဆွေ နားမလည်ခဲ့ပေ။ “ ဒါဆိုတခြားသူတွေက ဘာလို့ အဲဒီလိုပြောရတာလဲ? ” 

 "လူတွေက ဇာတ်လမ်းတွေကို နားထောင်တာ ကြိုက်ကြတယ်။ ပြီးတော့ သူတို့တွေက စိတ်ဝင်စားစရာတွေကို ဆွဲယူကြည့်ကြတယ်။ " ရေသရဲက သက်ပြင်းချလိုက်သည်။ "နောက်ဆုံးတော့ ဇာတ်လမ်းက ပိုပိုပြီးထူးခြားလာတယ်။ ဘယ်သူ့က နောက်ကွယ်က အမှန်တရားကို တူးဖော်နိုင်တော့မှာလဲ? " 

 ယဲ့ဆွေ ကြားလိုက်ရတဲ့ ရေသရဲပုံပြင်က အင်တာနက်ပေါ်က ကောလဟလတစ်ခုနှင့်တူသည်။ မီဒီယာနှင့်အင်တာနက်သုံးသူများက သူမအကြောင်းကို မရေမတွက်နိုင်အောင် များပြားလှတဲ့ အတင်းအဖျင်းများကို ပြောဆိုခဲ့ကြပြီး ကောလဟာလတွေကို ပိုမိုပြင်းထန်စေခဲ့သော်လည်း မည်သူတစ်ဦးတစ်ယောက်ကမှ သူမရဲ့ အစစ်အမှန်အခြမ်းကို မသိကြပေ။  

 ယဲ့ဆွေက သရဲမိန်းကလေးက ဘာပြောတာလဲ ဆိုတာကိုစဉ်းစားရင်း နားလည်လိုက်သည်။ 

 “ စိတ်မကောင်းပါဘူး။ ရှင့်ကို ကျွန်မ နားလည်မှုလွဲသွားခဲ့တယ် ” ယဲ့ဆွေက သူမ ခေါင်းကိုလှည့်ပြီး ချန်ရှု့ကို ရေသရဲဒဏ္ဌာရီရဲ့ အဖြစ်မှန်ကို ပြောခဲ့သည်။ သူမကထိုနေရာကိုညွှန်ပြပြီး ရေသရဲမိန်းကလေးရှိကြောင်း သူ့ကိုပြခဲ့သည်။။ 

 ရေသရဲ မိန်းကလေးက ဘာပဲပြောပြော ယဲ့ဆွေက ချန်ရှု့ကို ဘာသာပြန်ပေးခဲ့သည်။ လူနှစ်ယောက်က အတူတူရပ်နေခဲ့ပြီး ဒဏ္ဌာရီထဲက နတ်သမီးစုံတွဲနဲ့ တူနေခဲ့သည်။  

 သူမက မကူညီနိုင်စွာဘဲ သက်ပြင်းချခဲ့သည်။ "ရှင်နဲ့ရှင့်ခင်ပွန်းက တစ်ကယ့်ကို လိုက်ဖက်တာဘဲ "