အပိုင်း ၆၁

လျို့ဝှက်သောသူကြွယ်၏ ချစ်ဇနီးလေး

အပိုင်း ၆၁ - မီးဖိုချောင်ဘေးအန္တာရယ်

 ခဏအကြာတွင် ယဲ့ဆွေ၏မျက်နှာပေါ်ရှိ ပူနွေးမှုကအနည်းငယ် ပျောက်ကွယ်သွားသည်။  ယဲ့ဆွေက ခဏစဉ်းစားခဲ့ကာ “ ချန်ရှု့ ” လို့ခေါ်ခဲ့သည်။

 ချန်ရှု့က အသံနိမ့်လေးနဲ့မေးလာခဲ့သည်။ "ဘာဖြစ်လို့လဲ ?"

 ယဲ့ဆွေက ဆင်ခြေပေးဖို့စဉ်းစားနေသည်။  “ ရှင်နည်းနည်းအေးနေတာလား?”  ဤအချိန်မှာ လေပြင်းက တိုက်ခတ်လာပြီး သူမကိုနှာချေစေခဲ့သည်။

 ဟက်ချိုး!  သူမသည် တကယ်ပဲအအေးမိခဲ့သည်။

 ချန်ရှု့က သူမကိုလက်လွှတ်လိုက်ပြီး ခြေလှမ်းအနည်းငယ်ဆုတ်လိုက်ကာ ယဲ့ဆွေ နှင့်အကွာအဝေးအနည်းငယ်ကို ထားကြည့်လိုက်သည်။ သို့သော် သူ့မျက်လုံးများက သူမအပေါ်၌ ရှိနေဆဲဖြစ်သည်။

 "ကျေးဇူးတင်ပါတယ်"  ယင်းကိုစိတ်အားထက်သန်စွာပြောခဲ့ပြီး ချန်ရှု့ရဲ့ နှုတ်ခမ်းထောင့်တွေက အပေါ်ဘက်ကိုမြင့်တက်နေခဲ့သည်။

 ယဲ့ဆွေက ချန်ရှု့ရဲ့ အမူအရာကိုကြည့်ပြီး ရုတ်တရက်သူမ ပွေ့ဖက်လိုက်သည်ကို သတိရလိုက်သည်။ "ကျွန်မတို့ ထွက်လာတာ အတော်ကြာနေပြီ အမြန်ပြန်ပြီး ရှင့်အဖေကို လက်ဆောင်သွားပေးရအောင် " သူမက စကားကို လျင်မြန်စွာ ပြောင်းလဲခဲ့သည်။

 ချန်ရှု့ - "ကောင်းပြီ"

 ခန်းမထဲကို သူတို့ဝင်သွားတဲ့အခါ ဆူညံသံတွေရုတ်တရက် ကြားလာရသည်။  မွေးနေ့ပါတီက စတင်ခဲ့ပြီး ဧည့်သည်အားလုံးနီးပါးသည် စားသောက်လျက်ထိုင်နေကြသည်။

 ချန်ရှု့နဲ့ယဲ့ဆွေတို့လည်း နေရာမှာထိုင်လျက် စားသောက်ဖို့ပြင်ကြသည်။ အစာစားပြီးနောက် သူတို့က ချန်ရှု့ရဲ့ဖခင်ကို သူမတို့၏ လက်ဆောင်ကိုပေးပြီး ပါတီပြီးနောက် အိမ်ပြန်သွားခဲ့သည်။

 ******

 ရသစုံရှိုး “စတားများနှင့် သရေစာဆိုင်ဖွင့်ခြင်း”ရဲ့ နောက်ထပ်မပြသရသေးသော အပိုင်းတွေက မကျန်ရှိတော့ပေ။  အခြားတစ်ဖက်တွင် ယဲ့ဆွေသည် သူမ၏ “ကျို့ယွမ်” ရုပ်ရှင်အသစ်ကို မကြာမီရိုက်ကူးတော့မည်ဖြစ်သည်။ ထို့ကြောင့် ထုတ်လုပ်မှု ၀န်ထမ်းများအနေဖြင့် ပြီးပြည့်စုံသော နိဂုံးရရန်စိတ်အားထက်သန်သော ဖြစ်ရပ်အချို့ကိုနှိုးဆွပေးခဲ့သည်။

 ဤနေ့တွင် ၀န်ထမ်းများက လူအားလုံးကို နံနက် ၃ နာရီတွင်စုရုံးရန် တောင်းဆိုခဲ့သည်။ ဧည့်သည်များရောက်သောအခါ တိုက်ရိုက်ထုတ်လွှင့်မှုက မစတင်သေးပေ။

 ဒါရိုက်တာ -“ ထုတ်လုပ်သူအဖွဲ့က ဧ​ည့်သည်တွေနဲ့အတူ မှတ်တမ်းတင်နေရာကို သွားလိမ့်မယ်။ ပထမဆုံး လူတိုင်းက ဘတ်စကားပေါ်မှာ အိပ်လို့ရတယ်”

 နေအပြည့်အဝ မထွက်ရသေးသောကြောင့် မြူများကျနေဆဲဖြစ်သည်။  နာမည်ကျော်များနှင့်ပြည့်နှက်နေသော ဘတ်စ်ကားတစ်စီးကို အပြင်ဘက်မှ လေပြင်းကတိုက်ခတ်လာသည်။

 အခြားနာမည်ကြီး ဧည့်သည်များက ထိုင်ခုံများ၌အိပ်ပျော်နေကြသည်။ ယဲ့ဆွေက ကျန်းမာရေးကောင်းပြီး နေမကောင်းတာမခံစားရပေမယ့်  မနေ့ကကောင်းကောင်း အနားမယူရဘူး။ သူမက ဒီနေ့ နံနက်စောစောထလာခဲ့ရသည်။   လမ်းကမညီမညာဖြစ်နေတာကြောင့် သူမကဘတ်စ်ကားနဲ့ တိုက် တိုက်မိနေသည်။  သူမကထိုင်ခုံမှာထိုင်ရင်း မူးဝေတာနဲ့ ပျို့တက်လာတာကို ခံစားရသည်။

 ကောယွဲ့လည်း အိပ်မပျော်ခဲ့ပေ။ သူမျက်လုံးဖွင့်လိုက်သောအခါမှာ ယဲ့ဆွေရဲ့ ဖြူဖပ်ဖြူရော်ပုံစံကို တွေ့လိုက်ရသည်။ သူက သူမဘေးဘက်က နိုးတဲ့တစ်ဦးတည်းသောပုဂ္ဂိုလ်ဖြစ်သည်။  သူမ မသက်မသာဖြစ်နေတာကို မြင်သောအခါ သူကွဲပြားခြားနားသော အရာတစ်ခုခုကိုသတိပြုမိသည်။

 ကောယွဲ့က အရင်က ကားမူးတာကိုခံစားဖူးသည်။ သူက စတား တစ်ယောက်ဖြစ်လာပြီးနောက်တွင် သူ၏အချိန်ဇယားကပြည့်နေတာကြောင့် နေ့တိုင် ကားစီးရသည်။  သို့တိုင် သူသည်လိုအပ်ရင်သုံးဖို့အတွက် ကားမူးပျောက်ဆေးကို  သူ့အိတ်ထဲအမြဲထည့်ထားလေ့ရှိသည်။

 တိုက်ရိုက်ထုတ်လွှင့်မှု မစတင်ခင်တွင်

ကင်မရာက ရိုက်ကူးခြင်းမရှိပေ။ ကောယွဲ့က သူ့အိတ်ထဲကနေ ကားမူးပျောက်ဆေးကိုထုတ်ပြီး " ယဲ့ဆွေ "လို့ခေါ်ခဲ့သည်။ 

 ယဲ့ဆွေ ကြည့်လိုက်တော့ ကားမူးပျောက်ဆေးကို သူ့လက်ထဲမှာတွေ့လိုက်ရသည်။ သူမကယူပြီး ပြောလိုက်သည်။ "ကျေးဇူးတင်ပါတယ်"

 ကောယွဲ့က စက္ကန့်ဝက်လောက် အေးခဲသွားသည်။  ပထမဆုံးအကြိမ်အနေနဲ့ သူကယဲ့ဆွေက သိပ်မအေးစက်ဘူးဆိုတာ တွေ့ခဲ့ရကာ ပရိုဂရမ်မှာ သူမ ရောက်တဲ့ချိန်ထဲက သူ့အားပထမဆုံးအကြိမ်ကျေးဇူးတင်ကြောင်းပြောခဲ့တာဖြစ်သည်။

 ဆေးသောက်ပြီးနောက်တွင် သူတို့သည်မြို့ပြနှင့်ကျေးလက်လမ်းဆုံနှင့် ဆင်ခြေဖုံးဒေသဖြစ်သည့် ရှုတင် နေရာသို့ ရောက်ရန် နောက်ထပ် တစ်နာရီခန့်ကြာခဲ့သည်။

ဘတ်စ်ကားပေါ်မှာ ဒါရိုက်တာက နာမည်ကြီးအုပ်စုကို ယိုင်ယိယိုင်တိုင်နဲ့ နှိုးခဲ့သည်။ ထုတ်လုပ်ရေးအဖွဲ့ သွားသည့်အရာကို သူတို့ မသိခဲ့ပါ။

 "ဒီနေ့  ရှိုး မှာအထူး ဧည့်သည်ရှိပါတယ်။ လူတိုင်းက သူမနဲ့ရင်းနှီးလောက်တယ်"- ဒါရိုက်တာချွေ့က ကောယွဲ့ကို ဖော်ပြလာခဲ့သည်။ " အထူးသဖြင့် ကောယွဲ့ အတွက်”

 အတင်းအဖျင်းကို ချစ်တဲ့ဝမ့်ရှောင်က ရယ်စရာအပြုံးကြီးပြုံးလာခဲ့သည်။ သူမက ဧည့်သည်ရဲ့ ဝိသေသလက္ခဏာ မှန်းမိခဲ့တာဖြစ်နိုင်သည်။

 ဒါရိုက်တာက သူ၏အသံကို  မြှင့်လိုက်သည်။ "ကျွမ်းကျင့်ကို ကြိုဆိုလိုက်ရအောင်!"

 ကျွမ်းကျင့်နဲ့ကောယွဲ့ တို့သာ အမျိုးသားဇာတ်ကောင်နှင့်အမျိုးသမီးဇာတ်ကောင်အဖြစ် သမိုင်းဝင် ဒရာမာ တွင်ပါဝင်ခဲ့သည်။  ထုတ်လွှင့်တဲ့အခါမှာ သူတို့၏လူကြိုက်များမှုသည် အမြှင့်ဆုံးသို့ရောက်ရှိသွားသည်။ တစ်ယောက်က ဒရမ်မာရဲ့ ပရိတ်သတ်ဖြစ်နေသမျှကာလပတ်လုံး သူတို့က ရုပ်ရှင်ကင်မရာ အဝန်းအဝိုင်းတွင်ရှိသော စုံတွဲကို သူတို့ခုံမင်နှစ်သက်ရလိမ့်မည်။

 သို့သော်လည်း သူတို့ထဲကတစ်ယောက်က အလုံအလောက် လူကြိုက်များခဲ့သည်။ ရှိုးပြီးနောက် ပရိသတ်တွေလည်းလူစုခွဲသွားခဲ့သည်။ ကျွမ်းကျင့်က ယခုလာရောက်ရန်ဖိတ်ခေါ်ခံရခြင်းသည် သူတို့၏ပရိသတ်များ ကလပ်ကိုအားပေးတာပြသခြင်း ဖြစ်သည်။

 ကျွမ်းကျင့်နဲ့ကောယွဲ့တို့ရဲ့ ပူးပေါင်းဆောင်ရွက်မှုကို ကြည့်ရတာနှစ်သက်စရာပဲ။ ဒရာမာဇာတ်ကားပြီးသွားတဲ့အခါမှာ ကလပ်ကလည်း ပြိုကွဲသွားသည်။  ယဲ့ဆွေရဲ့အမျိုးသား နာမည်ကြီးတွေနဲ့အတူ ပူးပေါင်းဖို့ ငြင်းဆန်ခဲ့တာနဲ့မတူဘဲ သူမမှာ စိတ်ဓာတ်ကြံခိုင်ခြင်းတွေ မရှိပေ။

 ထို့ကြောင့်ယခုအချိန်တွင် စစ်မှန်သောစုံတွဲတစ်တွဲနှင့် မအောင်မြင်တဲ့ စုံတွဲက ထိုနေရာတွင်ရှိနေသည်။  သုံးယောက်လုံး တူညီတဲ့အစီအစဉ်မှာရှိနေတာအံ့သြစရာပဲ။

 ၀န်ထမ်းများမှာ တင်ဆက်ဖို့ စိတ်ဝင်စားစရာကောင်းသော အရာတစ်ခုရှိနေသေးသည်ဟု ဆိုရပေမည်။

 အထက်တန်းကျောင်းသူလေး စုန့်ပိုင်က ခရီးဝေးလာအပြီး အလွန်အိပ်ချင်နေသောကြောင့် သူမက အော်မေးလိုက်သည်။ “ ဒါရိုက်တာ၊ ကျွန်မတို့ဒီနေ့ ဘာလုပ်ကြရမှာလဲ? ”

ဒါရိုက်တာက သူနောက်မှ အိမ်ကိုညွှန်ပြလိုက်သည်။  “ ဂျုံမှုန့်နဲ့ပေါင်းဖိုတွေက အဆင်သင့်ဖြစ်နေပြီ။  မင်းတို့ရဲ့ဒီနေ့တာဝန်က ပေါက်စီတွေကိုရောင်းဖို့ပဲ ”

 နာမည်ကြီးတွေ ချက်ချင်းနိုးလာကြသည်။ 'သူတို့နားကြားမှားတာလား? သူတို့က မြို့ငယ်လေးတစ်ခုမှာ စျေးရောင်းဖို့အတွက် နံနက်စောစော ထွက်လာကြရတာလား!  ပြီးတော့အဲ့ဒါက ပေါက်စီ!'

 သို့သော် ယခုအချိန်တွင်ဆန္ဒပြဖို့က အချည်းနှီးဖြစ်ခဲ့သည်။  နာမည်ကြီးအနုပညာရှင်များသည် ဂျုံမှုန့်အိတ်ဆီသို့ လမ်းလျှောက်သွားပြီး သူတို့၏ကံကြမ္မာကို ဖြူဖျော့နေတဲ့ မျက်နှာဖြင့်လက်ခံခဲ့ကြသည်။

 ယဲ့ဆွေက အေးဆေးတည်ငြိမ်တဲ့ မျက်နှာနှင့်ရပ်နေပြီး ဂျုံမှုန့်ကို ကျွမ်းကျင်စွာရောစပ်ခဲ့သည်။ ကောယွဲ့နဲ့ ကျွမ်းကျင့်တို့က မကြာခဏပြန်လှည့်ကြည့်ပြီး အံ့အားသင့်နေကြသည်။ 'သူမကအားလုံးကို သိနေတာလား? '

 သူမဘေးမှ စုန့်ပိုင်က သူမစားပွဲပေါ်၌ ဂျုံမှုန့်များကိုပက်လိုက်သည်နှင့်အမျှစိုးရိမ်ခဲ့သည်။  ရုတ်တရက် လေထုထဲ ဖြူဖွေးနေတဲ့ ဂျုံများနှင့်ပြည့်သွားပြီး ယဲ့ဆွေကိုလည်း ဖုံးလွှမ်းသွားသည်။

 ယဲ့ဆွေက သူမ ပေါက်စီကို သင့်တင့်လျောက်ပတ်စွာမလုပ်နိုင်တော့ကြောင်းတွေ့ရှိခဲ့သည်။

 “ ဟားဟား၊ ပရိုဂရမ် အဖွဲ့က ငါ့ကို ရယ်ပြီး သေအောင်လုပ်နေတာလား။  စတား တွေရဲ့မျက်နှာကို ဂျုံမှုန့်တွေနဲ့ ဖုံးလွှမ်းကြမယ်! ကျွမ်းကျင့်ရဲ့ မိတ်ကပ်ကိုကြည့်လိုက်။ သူမက အချိန်ကုန်ခံပြီး ပြင်ဆင်ခဲ့တယ်ဆိုတာ ရှင်းလင်းနေတာဘဲ ”

 “ ဒီနေ့ ယဲ့ဆွေက ဂျုံမှုန့်နတ်သမီးပဲ! သူမက အရမ်းအရမ်းလှတယ်! စခရင်ရှောခ့်ရိုက်ပြီး wallpaper ထားချင်တယ် ”

  “ ယဲ့ဆွေရဲ့ တစ်ကယ့်ဖန်လား? သူမက ဂျုံမှုန့်နတ်သမီးလို့ ဘယ်သူပြောတာလဲ အနက်ရောင်အမှုန်တွေမဟုတ်တာသေချာလား? သူမရဲ့ဖန်တွေက အရမ်းနုံကြတာပဲ!”

 ပေါက်စီများစွာလုပ်ပြီးနောက်မှာ စတားများက သူတို့ကိုယ်ကိုတွန်းထုတ်ပြီး မြို့ပြ - ကျေးလက်လမ်းဆုံရှိ မြို့ငယ်၏လမ်းများပေါ် လျှောက်လှမ်းခဲ့သည်။

 ပထမဆုံးအနေနဲ့ ကောယွဲ့က ဖောက်သည်များရရှိဖို့ အလွန်ကျွမ်းကျင်ခဲ့သည်။ “ လာပြီးဝယ်ပါ။  လာကြည့်ပါ၊ ငါတို့မှာ ရှီးချီ *လို အလှဆုံး ပေါက်စီတွေရှိတယ် !”

*ရှီးချီ - သူမက ရှေးဟောင်းတရုတ်အလှအပလေးပါးအနက် တစ်ပါးဖြစ်သည်လို့ ဒဏ္ဌာရီအရသိရသည် ယ။    သူမသည်နွေ ဦး ရာသီနှင့်ဆောင်း ဦး ရာသီအကုန်ပိုင်းတွင် ယွဲ့၏မြို့တော် ကျူးကျီ တွင်နေထိုင်ခဲ့သည်ဟုဆိုသည်။

 ဝမ့်ရှောင်က ပျားပန်းခက်မျှလုပ်ရှုးနေတဲ့ ပုံရိပ်ကိုကြည့်ရင်း မေးခဲ့သည်။ "ကျွမ်းကျင့် ရှီးချီက ဘာလဲ?"

 ယနေ့နေက အနည်းငယ်ပူသည်။ ကျွမ်းကျင့်က လေထဲမှာစောင်းကြည့်နေပြီး ဘာမှမပြောခဲ့ပေ။  သူမရဲ့မျက်လုံးထောင့်ကနေ ယဲ့ဆွေ ရဲ့မျက်နှာကို သူမမြင်လိုက်ရသည်။ ယဲ့ဆွေက ဒါရိုက်တာ ရှီ ထံမှအကြံဥာဏ်ကောင်းများရရှိခဲ့ပြီး ဖျော်ဖြေရေးစက်ဝန်းမှ လူအများက သူမကို မနာလိုဖြစ်နေသည်ကို မသိခဲ့ပေ။

 ယဲ့ဆွေနဲ့ ကျွမ်းကျင့်တို့ နှစ်ဦးစလုံးက သမိုင်းဝင် ဒရာမာများကြောင့်ကျော်ကြားခဲ့ပြီး အလားတူလူကြိုက်များခဲ့သည်။  ယခုသူမသည် ကောင်းကင်သို့တက်နေပြီး သူမ၏လမ်းကြောင်းသည် ချောမွေ့စွာရွက်လွှင့်နေသည်။ 'ဒါကြောင့် ဘယ်သူက မနာလိုမဖြစ်ဘဲနေမှာလဲ'

  ကျွမ်းကျင့်က ဒီအစီအစဉ်တွင် ယဲ့ဆွေကိုကျော်ဖြတ်လိုခဲ့သည်။ သို့တိုင်သူမဆံပင်ကိုသာ ဆုပ်ကိုင်ထားပြီး သူမရဲ့အသံကကြားဖို့ သေးငယ်လွန်းနေသည်။

အဒေါ်တစ်ယောက်က ပေါက်စီ ဝယ်ဖို့လာပြီး အဲဒီပေါက်စီ ဆယ်ခုကို ရဲရင့်စွာ ထုပ်ပိုးခဲ့သည်။ သူမသည်လည်း ဝိုင်ကို စိတ်မဝင်စားခဲ့ပေ။ နောက်တစ်စက္ကန့်တွင် စိတ်အားထက်သန်နေတဲ့အဒေါ်က ယဲ့ဆွေရဲ့လက်ကို ကိုင်ပြီးပြောလိုက်သည်။ "ဒီမိန်းကလေးက တကယ်ကိုလှတာပဲ။ မင်းမှာ ဘာပစ္စည်းတွေ ရှိလဲ?"

 ယဲ့ဆွေ - "???"

 စကားလုံးတစ်လုံးမှာတော့ အမျိုးသမီးကြီးက ကောယွဲ့ရဲ့စကားကနေ ရှီးချီကို ပရိုဂရမ်အတွက် ပုဂ္ဂိုလ်တစ်ဦးကိုရည်ညွှန်းပြီး အတည်ပြုပြောခဲ့သည်။

 ပေါက်စီများများစွာလုပ်ပြီး  ပေါင်းခြင်း ပေါက်စီရောင်းခြင်း.......  ဤသည်မှာသူတို့၏ အဆုံးမဲ့သံသရာဖြစ်သည်။  မွန်းလွဲပိုင်းတွင် လမ်းဆုံ၌ ရုတ်တရက်လှုပ်ရှားမှုတစ်ခုဖြစ်ပေါ်လာသဖြင့် ပတ်၀န်းကျင်ရှိဈေးဝယ်သူများထွက်ပြေးကြသည်။

 နောက်ကွယ်မှ အကြောင်းပြချက်ကို မသိသူ ဧည့်သည်များလည်း လိုက်သွားကြ၏။  ယဲ့ဆွေက လှည်းကိုဆွဲထုတ်လိုသော်လည်း သူမတစ်ယောက်တည်းကျန်ရစ်ခဲ့သည်။

 "အဲ့ဒီပေါက်စီတွေကို မေ့လိုက်တော့!"ကောယွဲ့က ယဲ့ဆွေဘက်ကိုလှည့်ပြီး အော်ခဲ့သည်။ “ ဒီကိုလာတာ မြို့တော် အုပ်ချုပ်ရေးက!”

 ယခင်အပိုင်းများတွင် အေးစက်ပြီး တစ်သီးတစ်ခြားနေတက်တဲ့ စတားများက စက္ကန့်ပိုင်းအတွင်း မိုက်မဲသော်လည်း ပျော်ရွှင်တဲ့စတားများအဖြစ်သို့ ပြောင်းလဲသွားသည်။

  နာမည်ကြီးတွေက သူတို့ပုံရိပ်တွေကို မခွဲခြားဘဲ လမ်းပေါ်မှာပြေးနေကြတာကို အင်တာနက်သုံးစွဲသူတွေက အင်တာနက်ပေါ်ကနေ အကူအညီမဲ့စွာစောင့်ကြည့်ခဲ့ကြသည်။ ကင်မရာ၏နောက်ကွယ်တွင် သူတို့ရောင်းချသည့်လှည်းများကို မြို့အုပ်ချုပ်ရေးမှသိမ်းယူခဲ့သည်။

 [လမ်းပေါ်မှာ ပေါက်စီများကို ရောင်းသောနာမည်ကြီးအနုပညာရှင်များသည် ရုတ်တရက် မြို့အုပ်ချုပ်ရေးနှင့်တွေ့ဆုံခဲ့ကြပြီး သူတို့၏လှည်းကိုစွန့်၍ ထွက်ပြေးရန် မှလွဲ၍ အခြားရွေးချယ်စရာမရှိချေ!]

 “ ဟားဟား၊ ဒီအစီအစဉ်က ကျွန်မကိုအံ့အားသင့်စေခဲ့တယ်။ ဒါက ဘယ်လို မာရ်နတ် လှုပ်ရှားမှုလဲ။ ”

 "မမျှော်လင့်ဘဲ သူတို့မှတ်တမ်းတင်စဉ်အတွင်း မြို့အုပ်ချုပ်ရေးနှင့် တွေ့ဆုံခဲ့တယ်။ ဒါရိုက်တာရေ အရမ်းစိတ်မကောင်းပါဘူး"

 "ငါ ဒါကို ကျိန်းသေ ဒါရိုက်တာရဲ့အစီအစဉ်မဟုတ်ဘူးလို့ ကျိန်ဆိုရဲတယ်!  ၀န်ထမ်းတွေအားလုံးပြေးပြေးနေတာကို ခင်ဗျားမမြင်မိဘူးလား?  ”

 မြို့အုပ်ချုပ်ရေးဌာန ပေါ်ပေါက်လာခြင်းကြောင့် ဤအစီအစဉ်၏ မှတ်တမ်းသည် ရုတ်တရက်ရပ်သွားသည်။

 ထုတ်လုပ်ရေးအဖွဲ့သည် စားသောက်ဆိုင်တစ်ဆိုင်ကိုတွေ့ပြီး စားပွဲတစ်ခုခင်းပြီး ညစာစားပြီးနောက် အိမ်ပြန်ခဲ့သည်။

 ဘတ်စ်ကားဖြင့် ပြန်လာသည့်အခါမှာ ကောယွဲ့က ယဲ့ဆွေ ရှေ့တွင်ထိုင်ခဲ့သည်။ သူက မနက်တုန်းက သူမရဲ့အခြေအနေကို ပြန်လည်စဥ်းစားပြီး မေးလိုက်ငည်။ "မင်းမအီမသာ ဖြစ်နေတုန်းပဲလား"

ယဲ့ဆွေက ခေါင်းခါလိုက်ပြီး“ ကျေးဇူးတင်ပါတယ်” လို့ပြောလိုက်သည်။

ကောယွဲ့က ယဲ့ဆွေနဲ့ လွယ်လွယ်ကူကူ စကားစပြောနိုင်ခဲ့သည်။ “ ကျေးဇူးတင်ပါတယ်၊ ရှိုးရဲ့ ပထမဆုံးအပိုင်းအတွက် ကျွန်တော် မင်းကိုမတောင်းပန်ရသေးဘူး။ ”

 ထိုအချိန်က ကောယွဲ့က ယဲ့ဆွေရဲ့ အကျင့်စရိုက်ကို မသိခဲ့ဘဲ ကုမ္ပဏီရဲ့လိုအပ်ချက်များနှင့်အညီ သူမနှင့်ရင်းနှီးရန်ကြိုးစားသော်လည်း  ငြင်းပယ်ခံမှုနဲ့ တွေ့ဆုံခဲ့သည်။ သူ ရှင်းပြခဲ့သည်။ “ ကျွန်တော့်ကုမ္ပဏီက ရုပ်ရှင်ကင်မရာအဝန်းဝိုင်းမှာရှိတဲ့ စုံတွဲတစ်တွဲရဲ့ စိတ်ကူးကိုတီထွင်ခဲ့တယ်။ အဲ့တာ​ကြောင့်  ကျွန်တော့်ရဲ့စီမံအုပ်ချုပ်သူ စကားကိုပဲ ကျွန်တော် နားထောင်နိုင်တယ်”

ယဲ့ဆွေက ပြုံးလိုက်သည်။  "ကျွန်မ ကိုယ်စားလှယ်ပြောတာကို ကျွန်မဘယ်တော့မှ ဂရုမစိုက်ဘူး။" ဘာဖြစ်လို့လဲဆိုတော့ ရန်ကျဲက ဦးနှောက် မရှိတဲ့သူတစ်ယောက်ဖြစ်ပြီး သူမရဲ့စကားကို နားထောင်ခြင်းက ပျက်စီးခြင်းရဲ့ လမ်းအတိုင်းလျှောက် နေသလိုပဲ။

ညကနက်သထက်နက်လာပြီး ကောယွဲ့ကလည်း အချို့စကားတွေကို မျှဝေချင်ပေမယ့် မကူညီနိုင်စွာနဲ့ သက်ပြင်းသာချမိလိုက်သည်။  “ ကုမ္ပဏီနဲ့ ငါက အပိုင်းသုံးပိုင်း ခွဲထားတယ်ဆိုတာကို မင်းသိလား”

ယဲ့ဆွေ - “ ရှင်က (၇ )လား?”

ကောယွဲ့က ခေါင်းကိုခါလိုက်ပြီး အဲ့တာကို နံပါတ် ၃ နဲ့ နှိုင်းယှဉ်လိုက်သည်။ သူက ၁၅ နှစ် စာချုပ်ချုပ်ဆိုခဲ့သည်။  အကယ်၍ သူအနိုင်ရခဲ့ခြင်းမရှိပါက ကျန်ရှိသောသူ့ဘဝအတွက် ဤကုမ္ပဏီတွင် အလုပ်လုပ်ရမည်။

ထို့ကြောင့် ကောယွဲ့က ကိုယ်စားလှယ်ရဲ့ စကားလုံးတိုင်းကို လိုက်နာရမည်။ ယဲ့ဆွေက ကျော်ကြားမှုအတွက် မည်သည့်အရာကိုမဆို လုပ်လိမ့်မည်မဟုတ်သောကြောင့် သူက သူမအားရင်ဖွင့်ခဲ့သည်။  "တောင်းပန်ပါတယ်။ အရင်ကဖြစ်ပျက်ခဲ့တာတွေအတွက် ငါ့ကိုအပြစ်မတင်ပါနဲ့နော် ”

ယဲ့ဆွေက ပြုံးလိုက်သည်။  "ကျွန်မ အရမ်းရှက်မိတယ်!  ဘာလို့ကျွန်မကို တောင်းပန်နေရတာလဲ?”

“ဒီရှိုးမှာ ကျွန်တော်နဲ့အတူ ပူးပေါင်းဖို့ ငြင်းဆန်ဖို့အတွက် လူသိရှင်ကြားကန့်ကွက်ခဲ့ခြင်းအတွက် မင်းကိုကျွန်တော် အားကျမိတယ်”  ကောယွဲ့က ထိုအရာကိုပင် မစဉ်းစားဝံ့ပါ။ သူ့ရဲ့ခုခံခြင်းအတွက်  နောက်တစ်နေ့မှာ ကုမ္ပဏီကို သူ့ကိုဘတ်စ်ကားအောက်သို့ပစ်လိမ့်မည်ကို သူကြောက်ရွံ့ခဲ့သည်။

ကောယွဲ့ - “ ကွန်ယက်တစ်ခုလုံးက ဒီလိုမျိုးဆူဆဲနေတာ အဲ့တာကထိုက်တန်ရဲ့လား?” 

ယဲ့ဆွေက ဟာသလုပ်လိုက်သည်။ “ ရှင်ဘာကိုကြောက်နေတာလဲ? အနီရောင်က အမှောင်ထဲကို ပြောင်းသွားတာကို ရှင်မကြားဖူးဘူးလား?”

ကောယွဲ့ -  “........…”

ဤအစီအစဉ်က ပြီးဆုံးသွားလုနီးပါး ဖြစ်သော်လည်း နောက်ဆုံးတွင် ကောယွဲ့က ယဲ့ဆွေကို တောင်းပန်ဖို့ အခွင့်အရေးရရှိခဲ့သည်။ သူရဲ့စိတ်နှလုံးထဲက ကျောက်တုံးကြီးတစ်တုံးကို ဖယ်ထားပစ်ပြီးနောက် စိတ်သက်သာရာရသွားကာ သူသက်ပြင်းချလိုက်သည်။

ဘတ်စ်ကားက ရပ်တန့်သွားပြီး အနုပညာရှင်အမျိုးမျိုးရဲ့ ကားများက သူတို့ကိုကြိုခဲ့ကြသည်။ အိမ်ပြန်တဲ့လမ်းတစ်လျှောက်တွင် ယဲ့ဆွေ အိပ်မောကျသွားခဲ့သည်။

ယဲ့ဆွေရဲ့ ဆဌမအာရုံက အထူးသဖြင့် ဆက်ဆက်ထိမခံဖြစ်ပုံရသည်။ သူမမျက်လုံးကို ဖွင့်လိုက်သောအခါ သူတို့အိမ်အဆောက်အဦးရဲ့ ဂိတ်တံခါးဝသို့ ရောက်ရှိနေပြီဖြစ်သည်။ သူမကဆဲလ်ဖုန်းကို ဆွဲထုတ်ပြီး ချန်ရှု့ကို ဝီချက် မှတဆင့် မက်ဆေ့ခ်ျပို့လိုက်သည်။ -ကျွန်မ အိမ်ကိုရောက်တော့မယ်

ယဲ့ဆွေတို့ အိမ်အရှေ့ရဲ့ အဓိကဝင်ပေါက်တွင် ကားကိုရပ်ထားသည်။ ဒါဟာနက်ရှိုင်းတဲ့ ညဖြစ်ခဲ့သည်။

အချိန်က သိပ်နောက်ကျနေပြီ၊ ဒါပေမယ့် သူမမော့ကြည့်လိုက်တဲ့အခါ အဆောက်အအုံအမြင့်က မှောင်နေတယ်၊ ​​ဒါပေမယ့် အိမ်တစ်အိမ်က မီးထွန်းထားတုန်းပဲ။ အဲ့တာက သူမနေထိုင်တဲ့အိမ်ဖြစ်သည်။

ချန်ရှု့က မီးအိမ်ကို အိမ်တွင်ထားခဲ့ပြီး သူကအောက်၌ရပ်နေသည်။ သူ့ရဲ့အရပ်ရှည်တဲ့ပုံရိပ်က အထူးသဖြင့် ညအချိန်တွင်ထင်ရှားသည်။ သူ့ရဲ့အိတ်ကပ်ထဲကို လက်တစ်ဖက်ထည့်ထားပြီး ယဲ့ဆွေရှိတဲ့ ဦးတည်ရာဘက်ကို ကြည့်နေခဲ့သည်။

ကားထဲကထွက်ပြီးသောအခါ ယဲ့ဆွေက ချန်ရှု့ရဲ့ ဘေးဘက်သို့ သွက်သွက်လေးသွားလိုက်သည်။  သူမက အိမ်ကိုမြန်မြန်ပြန်သွားပြီး အနားယူချင်သောကြောင့် သူ့ရဲ့ကိုးရိုးကားရားနိုင်တဲ့ပုံကို  သူမ မမြင်ခဲ့ပေ။

သူတို့ လှေကားထစ်သို့ ရောက်သောအခါ ချန်ရှု့က“ မင်းဗိုက်ဆာနေပြီလား?” လို့ ရုတ်တရက် မေးလိုက်သည်။

 ယဲ့ဆွေက သူမရဲ့အတွေးတွေကို မဖော်ပြနိုင်ဘဲ ပြန်ပြောလိုက်သည်။“ သိပ်မဆာဘူး”

ချန်ရှု့ -“ မင်းအတွက် ညစာစားစားဖို့ ကိုယ်လုပ်ပေးထားတယ်”  ချက်ပြုတ်နိုင်တဲ့ ယောကျ်ားတွေက အရမ်းကိုချစ်စရာကောင်းတယ်လို့ ပြောကြသည်။ အမျိုးသမီးတစ်ဦးရဲ့ နှလုံးသားကိုရဖို့ သင်ကပထမဦးဆုံး သူမရဲ့အစာအိမ်ကိုဖြည့်ပေးမှရမည်။

ယဲ့ဆွေ  အာမေဋိတ်သံပြုလိုက်သည်။ “ ရှင်၊ ရှင်၊ ရှင်...... ချက်ပြုတ်နိုင်တယ်ပေါ့?”

ချန်ရှု့က ချန်မိသားစုရဲ့ အနိုင်ကျင့်မှုကို ခံစားခဲ့ရသည့် အချိန်မှစ၍ သူမတောင်မှ  ခံစားခဲ့ရသည်။ သူမက ဒီသနားစရာကောင်းတဲ့ ကောင်လေးကို ကာကွယ်ပေးခဲ့သည်။  သူက တဖြည်းဖြည်း အထီးကျန်ဘဝမှ ထွက်ခွာသွားခဲ့ပြီး ယခုအခါတက်ကြွမှုနဲ့ ပြည့်နှက်နေသည်။

သူ့မှာမိသားစုရှိပေမဲ့ သူ့မှာ မိသားစုမရှိခဲ့သလိုပဲ။  တစ်ချိန်တည်းမှာပင် သူမကို ဘယ်မိသားစုက မွေးဖွားခဲ့သလဲဆိုတာကို မသိခဲ့ပေ။ အခုတော့ ချန်ရှု့က သူမရဲ့မိသားစုဖြစ်လာပါပြီ။

ယဲ့ဆွေက ကောယွဲ့ ရဲ့စကားလုံးတွေကို ရုတ်တရက်သတိရမိသွားသည်။ - 'တစ်ကမ္ဘာလုံးရဲ့ ဆူဆဲတာကိုခံရတာက ထိုက်တန်ရဲ့လား?'

ပြီးတော့ သူမရဲ့အဖြေကို သူမ ရှာတွေ့ခဲ့သည်။ - ဟုတ်တယ်၊ အဲ့တာကထိုက်တန်တယ်။

သူတို့ စင်္ကြံထဲကို ၀င်လာကြပြီး နောက်တစ်စက္ကန့်မှာ တစ်စုံတစ်ခုက ပေါက်ကွဲမည့်အလား လေက အံ့သြစရာကောင်းလောက်အောင် တိတ်ဆိတ်သွားခဲ့သည်။

ချန်ရှု့က သူမကို သတိပေးဖို့ အကောင်းဆုံးဖြစ်သည်ဟု ထင်ခဲ့သည်။ “အိမ်မှာ ကိုယ်မီးဖိုချောင်ကို ဖောက်ခွဲထားတယ်”

ယဲ့ဆွေ အံကြိတ်လိုက်မိသည်။“ ချန်! ရှု့!”

တစ်စက္ကန့်ကြာပြီးနောက် သူမက သူမရဲ့အဖြေကိုရုပ်သိမ်းဖို့ ဆုံးဖြတ်ခဲ့သည်။