အပိုင်း ၈၂

လျို့ဝှက်သောသူကြွယ်၏ ချစ်ဇနီးလေး

အပိုင်း ၈၂ - မရမကတောင်းဆိုခြင်း 

ချန်ရှု့ အံ့သြသွားသည်။  သူကအဝင်ဝမှာဘဲ ရပ်နေပြီးချက်ချင်းဝင်မလာဘူး။  ယဲ့ဆွေရဲ့ အပြုအမူကြောင့် သူ့စကားပြောနိုင်စွမ်း ဆုံးရှုံးခဲ့ရသည်။

 ချန်ရှု့ရဲ့မျက်လုံးထောင့်ကနေကြည့်ရင်း ယဲ့ဆွေ ကယောဂကျင့်နေသည်။  ဒီလူရဲ့စိတ်ကိုအမြဲဖုံးကွယ်ထားသည်။  သူမဘာတွေ တွေးနေလဲဆိုတာ သူ မခန့်မှန်းနိုင်ခဲ့ဘူး။

 ချန်ရှု့ကို အားကောင်းတဲ့ဆေးတစ်မျိုး ထပ်မံထိုးပေးဖို့ ယဲ့ဆွေက သူမရဲ့မျဉ်းကွေးတွေကိုပေါ်လွင်စေတဲ့ ကိုယ်ဟန်အနေအထားကို တမင်တကာရွေးလိုက်သည်။  သူမဘယ်ဘက်ခြေထောက်ကို မြင့်မြင့်မြှောက်ပြီး အနည်းငယ် ပြန်ထောက်လိုက်သည်။

 ယဲ့ဆွေက သူမ၏ခြေချင်းဝတ်ကို ဆုပ်ကိုင်ရန်လက်တစ်ဖက်ကိုဖြန့်၍ အခြားလက်တစ်ဖက်က ရှေ့သို့ဆန့်တန်းလိုက်သည်။

 မျက်နှာပြင်ပေါ်တွင် ငြိမ်သက်ဟန်ဆောင်နေသော ယဲ့ဆွေက သူမယောဂမလုပ်ခဲ့တာကြာပြီဟု စိတ်ထဲမှညည်းညူနေသည်။  ထို့ကြောင့်သူမ၏ခန္ဓာကိုယ်သည် ပြောင်းလွယ်ပြင်လွယ်ကို ဆုံးရှုံးခဲ့ရသည်။  ဒီလှုပ်ရှားမှုတွေလုပ်ဖို့ နည်းနည်းခက်ခဲ့သည်။

 ဒါပေမယ့် ချန်ရှု့သာ သူမကိုဒီလိုမြင်နိုင်ရင်အဖိုးထိုက်တန်လိမ့်မည်။

 ယဲ့ဆွေက ချန်ရှု့၏လုပ်ရပ်များကို တစ်ချက်ကြည့်လိုက်သည်။  သူကတံခါးနားမှာ ခဏရပ်ပြီးတော့ သူ့ဖိနပ်ကိုချွတ်ဖို့အောက်ကိုငုံ့လိုက်သည်။  ထို့ကြောင့် သူမက သူ့အမူအရာကို ရှင်းရှင်းလင်းလင်းမမြင်ရပေ။

 ယဲ့ဆွေက ချန်ရှု့ ဧည့်ခန်းထဲသို့မ၀င်မှီတိုင်အောင် ထိန်းထားရန် ရည်ရွယ်၍ သူမ၏ကိုယ်ဟန်အနေအထားကိုထိန်းသိမ်းရန် အကောင်းဆုံးကြိုးစားခဲ့သည်။

 ချန်ရှု့က သူ့ဖိနပ်များကိုချွတ်ကာ သူ၏ညှပ်ဖိနပ်ကိုစီးပြီး သပ်သပ်ရပ်ရပ် ပြန်စီလိုက်သည်။  အချိန်တွေကြာလာသည်နှင့်အမျှ ယဲ့ဆွေက သည်းမခံနိုင်တော့ချေ။

 ဤတိုတောင်းသောကာလက ယဲ့ဆွေ အတွက်ပုံမှန်မဟုတ်စွာရှည်လျားလှသည်။ ကံကောင်းစွာဖြင့် ချန်ရှု့က သူမ၏ခြေထောက်အားဖြည်းဖြည်းချင်းလျှောချနေချိန် တံခါးမှဝင်လာသည်။

 သူမရဲ့သေးသွယ်တဲ့ ခြေထောက်ကိုတိတ်တဆိတ်ဆုပ်ကိုင်ထားသော ယဲ့ဆွေက သူ့ကိုရပ်တန့်လိုက်စေကာ မေးလိုက်သည်။ "ချန်ရှု့ ရှင်ကျွန်မနဲ့ယောဂကျင့်ချင်လား? "

 ချန်ရှု့အား ယောဂသည် လုံးဝမခက်ခဲကြောင်းသက်သေပြဖို့အတွက် ယဲ့ဆွေက အနီးကပ်အကွာအဝေးတွင်ခက်ခဲတဲ့လှုပ်ရှားမှုတစ်ခုကို တစ်ဖန်ပြန်လည်ပြုလုပ်ခဲ့သည်။

 “ ရှင်မြင်လား ဒါကအရမ်းရိုးရှင်းတယ် ”

 ယဲ့ဆွေက သူမ၏ခြေထောက်ကို တစ်ဖန်ပြန်လည်မြှင့်တင်လိုက်သည်။ အထူးသဖြင့် ချန်ရှု့ရှေ့တွင် ပြီးပြည့်စုံသောပုံရိပ်ကို ပြသရန်ဖြစ်သည်။  သို့သော် သူမ၏ဆန္ဒက မပြည့်ဝခဲ့ပေ။ သူမ၏ခြေချင်းဝတ်ကို မဖမ်းမီသူမ၏ခန္ဓာကိုယ်သည် ဘေးသို့ကျဆင်းသွားသည်။

 ယဲ့ဆွေက ထိုကဲ့သို့သော ကိုယ်ဟန်အနေအထားကိုကြိုးစားခဲ့စဉ် လွန်ခဲ့သောခဏက နာကျင်ကိုက်ခဲမှုများနှင့်အတူ သူ့ကိုဆွဲဆောင်ရန်အလွန် စိတ်ဆန္ဒပြင်းပြသောကြောင့် သူမဟန်ချက်ထိန်းရန် ပျက်ကွက်ခဲ့သည်။

 ငါက ချန်ရှု့ အပေါ်မှာ ငါ့ရဲ့ဆွဲဆောင်မှုကို ပြဖို့မသင့်တော်ဘူးလား? ငါ့ကိုယ်ငါ အရှက်မခွဲတာကောင်းမယ်။

 ယဲ့ဆွေ အော်ဟစ်လိုက်ပြီး ဘေးသို့လဲကျသွားသည်။  ချန်ရှု့က ထူးဆန်းသော အခြေအနေကို သတိပြုမိလိုက်ပြီး သူမကိုဖမ်းရန် ခြေလှမ်းအနည်းငယ်လှမ်းလိုက်သည်။

 မထင်မှတ်ပဲ ချန်ရှု့ ခြေလှမ်းက အရမ်းနှေးကွေးသွားသည်။  ရလဒ်တစ်ခုအနေနှင့် ယဲ့ဆွေက ကြမ်းပြင်ပေါ်တွင် လဲကျသွားပြီး သူမ၏စွဲမက်ဖွယ်ပုံရိပ်သည် လုံး၀ ပျောက်ကွယ်သွားသည်။

 ယဲ့ဆွေ လက်မောင်းသည် ထုံကျင်လွန်းတာကြောင့် နာကျင်မှုကို ခဏလောက်ခံစားလိုက်ရသည်။ ချန်ရှု့က သူမဘေးမှာထိုင်ပြီး ပခုံးကိုဆုပ်ကိုင်လိုက်ပြီး သူမကိုထထိုင်ဖို့ထောက်ခံလိုက်သည်။

 နာကျင်မှုများ ဆို့တက်လာသောအခါ သူမ၏မျက်လုံးမှမျက်ရည်များ စီးကျလာသည်။  သို့သော် ချန်ရှု့သည် သူမဘေးတွင်ရှိနေသောကြောင့် ယဲ့ဆွေက အံကြိတ်ကာ အမျိုးသမီးတစ်ဦး အနေနှင့် သူမ၏ နောက်ဆုံးမိမိကိုယ်ကို တန်ဖိုးထားမှုများကို ထိန်းထားခဲ့ရသည်။  သူမ မငိုရဲပေ။

 ချန်ရှု့ မျက်မှောင်ကြုတ်လိုက်သည်။  "နာကျင်နေလား?"

 ယဲ့ဆွေက ချက်ချင်းခေါင်းယမ်းလိုက်သည်။  "လုံးဝမနာဘူး "

 ချန်ရှု့က ယဲ့ဆွေ ထဖို့ကူညီလိုက်သည်။ အမှတ်မထင်ဘဲ၊ သူ့လက်က နာကျင်တဲ့နေရာကိုဖိထားပြီး သူမက အနည်းငယ် ငိုကြွေးလညသည်။  ချက်ချင်းပင် သူမပါးစပ်ကို အမြန်ပိတ်လိုက်သည်။

 ချန်ရှု့ - "... "

 အသောက သူမ မနာဘူးလို့ ပြောခဲ့တယ်။ သို့သော် ယခုသူမအား ချန်ရှု့ကထောက်ခံပြီးဆိုဖာပေါ်ခြေပစ်လက်ပစ်ထိုင်ချလိုက်သည်။

 ချန်ရှု့ နားလည်မှုလွဲမှာကြောက်လို့ သူမရှင်းပြလာသည်။ "ခဏအကြာမှာ နာကျင်မှာမဟုတ်တော့ဘူး။  ယောဂကျင့်စဉ်က အလေ့အကျင့်တစ်ခုဘဲ "

 ချန်ရှု့က ယဲ့ဆွေ စကားကိုလုံးဝသဘောမတူပါ။ သူကကြမ်းပြင်ပေါ်မှာရှိနေတဲ့ ယောဂဖျာကိုတစ်ချက်ကြည့်လိုက်ပြီး "နောက်မလုပ်နဲ့။  ဒါက မလုံခြုံဘူး”

 သူမ၏မိမိကိုယ်ကို လေးစားမှုကို ထိန်းသိမ်းလိုပြီး သူမရဲ့ ဆွဲဆောင်မှုကို ပြသဖို့ သူမက ကျိုးကြောင်းဆင်ခြင်ရန် ကြိုးစားခဲ့သည်။  “ ကျွန်မ အရင်က လုပ်ခဲ့တုန်းက ဘယ်တုန်းကမှ မပြုတ်ကျခဲ့ဘူး။  ဒီနေ့ကပထမဆုံးအကြိမ်ပါ”

 ဘာကြောင့်လဲဆိုတော့ ချန်ရှု့ကို တွေ့ပြီးတဲ့နောက်မှာ သူမစိတ်လှုပ်ရှားလာသည်။  ထို့ပြင် ယောဂကျင့်စဉ်တွင် သူမက သူ၏တုံ့ပြန်မှုကို အာရုံစိုက်ခဲ့သည်။ သူမလဲကျသွားတာမဆန်းပေ။

 "မင်းပြန်ကောင်းမလာခင် ဒါကိုမလုပ်နဲ့ဦး "  ချန်ရှု့ မျက်ခုံးများက တွန့်လာပြီး သူ့​သဘောထားသည်တည်ကြည်နေခဲ့သည်။ "နောက်တစ်ခါဒီလိုခက်ခဲတဲ့လှုပ်ရှားမှုတွေမလုပ်နဲ့"

 ယဲ့ဆွေအနေနဲ့ သူမဆန္ဒရှိလျှင်ပင် အကြောင်းပြချက်ကိုမပြောနိုင်ပေ။  ရှင့်​အတွက်သာမဟုတ်ရင် ကျွန်မဒီလုပ်ရပ်တွေကို အပြင်းအထန်လုပ်မှာမဟုတ်ဘူး။

 သူမ၏ဆွဲဆောင်မှုကို ပြသဖို့သူမအစီအစဉ်က နောက်ဆုံးတွင်ကျဆုံးသွားခဲ့သည်။  စိတ်ပျက်လက်ပျက်နှင့် ချန်ရှု့စကားကို ဂရုမပြုဘဲအခန်းသို့ပြန်သွားခဲ့သည်။

 သူမစိတ်ထဲတွင် ချန်ရှု့ကို သူမယောဂကျင့်စဉ်ဖြင့် မဆွဲဆောင်နိုင်ခဲ့ဘူးဟု သူမယုံကြည်ခဲ့သည်။  သူမမနွေးထွေးဘဲ သူ့ရှေ့တွင်ဤမျှရုပ်ဆိုးသောရုပ်ပုံကို ပြခဲ့သောကြောင့်ဖြစ်သည်။

 ချန်ရှု့က ခုတင်ပေါ်တွင်လဲလျောင်းနေသည်။  သို့သော်သူအကောင်းဆုံးကြိုးစားခဲ့သော်လည်း အိပ်မပျော်နိုင်ပါ။

 အခန်းထဲရှိ မီးများကပိတ်ထားသည်။ အခန်းတစ်ခုလုံးအမှောင်ဖုံးနေပြီး ပတ်ဝန်းကျင်တစ်ခုလုံးက တိတ်ဆိတ်ငြိမ်သက်နေသည်။  မှိန်ဖျော့သောလရောင်သည်ပြတင်းပေါက်မှ လာ၍ ရပ်တန့်ရန်အလွန်ဆူညံနေသော ချန်ရှု့၏ နှလုံးခုန်သံကို မီးမောင်းထိုးပြနေသည် ။

 မျက်လုံးမှိတ်ပြီးသည့်တိုင် ချန်ရှု့က ယဲ့ဆွေ ယောဂကျင့်နေသည့်မြင်ကွင်းကို ပြန်သတိရနေခဲ့သည်။  သူမ၏နို့ရည်လိုဖြူတဲ့ အသားအရေနှင့် ပါးလွှာသော ကွေးညွှတ်သောခန္ဓာကိုယ်ကို သူ့ဦးနှောက်၌ တံဆိပ်ခတ်ထားသည်။

 ချန်ရှု့က သူ "ယဲ့ဆွေ" ကိုချီမြှောက်ခဲ့သည့်အချိန်ကိုလည်းသတိရသည်။ သူမ၏အသားသည်ပူလာပြီးနွေးထွေးမှုသည် သူ့လက်ချောင်းများကို ပြန့်နှံ့သွားသည်။  သူ၏လက်ဖဝါးသည် နူးညံ့သောအပိုင်းအစတစ်ခုကိုပင်ထိမိသည်။

 ရပ်! သူသည် သူ့စိတ်ကူးစိတ်သန်းများကို ပြေးလွှားရန်တားဆီးခဲ့သည်။ အမှောင်ထဲမှာ သူမျက်လုံးဖွင့်ပြီးသူ့စိတ်ထဲမှာတရားထိုင်တဲ့မန္တန်ကို အကြိမ်ကြိမ်ရွတ်ဆိုခဲ့သည်။

 ချန်ရှု့က တံခါးဘက်ကို မော့ကြည့်လိုက်သည်။ ယဲ့ဆွေက သူ့ဆန့်ကျင်ဘက်ဖြစ်နေပြီး တံခါးနှစ်ပေါက်ခြားနေသည်။

 သူ ရုတ်တရက် ထထိုင်လိုက်ပြီးအခန်းထဲမှာ ခိုကိုးရာမဲ့သက်ပြင်းချလိုက်သည်။  သူက တံခါးကို ဖွင့်လိုက်ပြီးစာကြည့်ခန်းဆီ လျှောက်သွားလိုက်သည်။ ညကတိုတောင်းနေဆဲပဲ။ မနက်ဖြန်ရဲ့အလုပ်ကို အရင်လုပ်ရတာပိုကောင်းသည်။

 နောက်တစ်နေ့တွင် ယဲ့ဆွေက Dior ရေမွှေးကြော်ငြာကိုရိုက်ကူးရန်သွားခဲ့သည်။

 သူတို့က ရိုက်ကွင်းကို red retro sports car အစစ်ကိုပြင်ဆင်ထားခဲ့သည်။  ယခုနှစ်တွင်အဓိကအမှတ်တံဆိပ်များသည် retro style ကို လိုက်စားခဲ့သည်။  အလွန်လှပသော အလှတရားများနှင့်အတူ ဇိမ်ခံပြိုင်ကားများသည် ဤအမွှေးနံ့သာနဲ့ ပရိသတ်ကိုမှတ်မိစေနိုင်သည်။

 ယဲ့ဆွေက sports car ထဲတွင်ထိုင်နေပြီး သူမမည်သို့ပြုမူရမည်ကို ညွှန်ပြသော ကြော်ငြာဒါရိုက်တာ ပြောတာကို နားထောင်နေသည်။

 ကြော်ငြာ၏အစတွင် ယဲ့ဆွေက ပြတင်းပေါက်မှမှီထားပြီး သူမ၏ရှည်လျားသော ဆံပင်ရှည်များသည်တံခါး၏အစွန်းတွင် လွတ်လွတ်ကျွတ်ကျွတ် ပြန့်ကျဲနေသည်။ အနီရောင်သည် သူမ၏မျက်နှာသွင်ပြင်ကို ပို၍ တောက်ပစေသည်။

 အနီရောင်တောက်တောက် နှုတ်ခမ်းနီနှင့် ပျင်းရိသောအမူအရာတို့က သူမ၏ခေါင်းကိုအနည်းငယ် မော့လိုက်ရုံဖြင့် စွဲမက်ဖွယ်ကောင်းသော အလှကို ပြသခဲ့သည်။

 ရိုက်ကူးရေးနေရာမှ လူတိုင်းသည် မကူညီနိုင်စွာဘဲ ယဲ့ဆွေထံမှ မျက်လုံးလွှဲလိုက်ကြသည်။

 အင်တာနက်သုံးစွဲသူများရဲ့အကန့်အသတ်မရှိသော ရုပ်ရှင်ဧကရာဇ် ချန်းယွီသည်လည်း ဤအဆောက်အဦး၌ ရှိခဲ့သည်။ သူသည် စတူဒီယိုမှ သတိမထားမိဘဲ“ သရုပ်ဆောင်” ဆိုတဲ့ ရှိုးအတွက် အပိုင်းတစ်ခုကိုရိုက်ကူးပြီးစီးခဲ့သည်။

 သူ့လက်ထောက်က သူ့ပတ်ဝန်းကျင်ကိုပြောပြသည်။ "ယဲ့ဆွေက နောက်စတူဒီယိုတစ်ခုမှာ ကြော်ငြာရိုက်ကူးနေတယ်"

 ယဲ့ဆွေလား? ချန်းယွီက ဤနာမည်ကို အတော်လေးရင်းနှီးခဲ့သည်။  မကြာသေးမီအချိန်က သူမ၏ ရသစုံရှိုးကို ထုတ်လွှင့်ပြီးနောက် သူမ၏ emojis သည် လူကြိုက်များလာသည်။  သူသည် ၎င်းတို့ထဲမှအချို့ကို save ထားခဲ့ပြီး ဝီချက်၌ စကားပြောနေစဉ် ၎င်းတို့ကိုသုံးခဲ့သည်။

 ထို့အပြင် ချန်းယွီက ယဲ့ဆွေ အကြောင်းဘာမှမသိခဲ့ပေ။  သူမသည် ရယ်စရာလူတစ်ယောက်ဖြစ်နိုင်သည်။  စတူဒီယိုကို ဖြတ်သွားတဲ့အခါ အနီရောင် retro sports car က အထဲမှာရပ်ထားတာကို သူတွေ့လိုက်ရတယ်။  ယဲ့ဆွေက ထိုင်နေပြီး ကြော်ငြာက တစ်ဝက်တစ်ပျက်ဖြစ်နေသည်။

 အနီရောင်ဝတ်စုံ ၀တ်ထားသော ယဲ့ဆွေ အပေါ်တွင်တောက်ပသောမီးများကျလာသည်။  သူမ၏အေးစက်သောအမူအရာ၌ မပြင်ဆင်ဘဲအပျော်သဘောအရိပ်အယောင်တစ်ခု ဝှက်ထားသည်။  အံဝင်ခွင်ကျဖြစ်ကာ ချစ်စရာကောင်းပြီး ဆွဲဆောင်မှုရှိသော ... ကမ္ဘာပေါ်ရှိလှပသောစကားများအားလုံးသည် သူမအတွက်ပြုလုပ်ထားပုံရသည်။

 ချန်းယွီက သူ့ရဲ့ခြေလှမ်းကို ရပ်တန့်ပြီး သူမကိုကြည့်လိုက်သည်။ သူက နေကာမျက်မှန်ကို ဆွဲချလိုက်ပြီးချိန်မှာ ယဲ့ဆွေ မျက်နှာက သူ့မျက်လုံးထဲ၌ သိသာထင်ရှားလာသည်။

 သူသည် ယဲ့ဆွေရဲ့ မျက်နှာ သူမ၏စူးရှသောမေးစေ့နှင့်အနီရောင်ပြိုင်ကား၏ ပြတင်းပေါက်မှ ကြည်လင်သောအသားအရေကို မြင်နေရသည်။

 ယဲ့ဆွေက ခေါင်းကို အနည်းငယ်ငုံ့လိုက်ပြီး အိတ်ထဲမှရေမွှေးပုလင်းကို ထုတ်လိုက်သည်။  သူမ၏လှုပ်ရှားမှုများသည် လျင်မြန်ခြင်း သို့မဟုတ် နှေးကွေးခြင်းမရှိပေ။  သူမနားရွက်နောက်မှာ ညင်ညင်သာသာ ပက်ဖြန်းလိုက်ပြီး သူမရဲ့နှုတ်ခမ်းလေးတွေက ပြုံးလိုက်သည်။

 ဒီရေမွှေးက သူမကိုသူမရဲ့အလှအပနဲ့ သူမရဲ့နှလုံးသားထဲမှာ လွတ်လပ်မှုကို ပိုယုံကြည်မှုပေးခဲ့သလိုပဲ။

 တက်ရောက်သူအားလုံးကို သူမက အံ့အားသင့်စေခဲ့သည်။

 အလွန်အမင်း ဖော်ပြရမယ်ဆို ယဲ့ဆွေက ပြီးပြည့်စုံသောကြော်ငြာတစ်ခုကို အားမစိုက်ဘဲ ပြီးစီးခဲ့သည်။

 ချန်းယွီက စတူဒီယို၏ တံခါးဝတွင် ရပ်နေပြီး ရှုတင်ကိုကြည့်ခဲ့သည်။  အဲဒီနောက် သူကလှည့်ထွက်သွားခဲ့တယ် ဒါပေမယ့် ယဲ့ဆွေ အကြောင်းကောလဟာလမျိုးစုံကို သူသတိရသွားသည်။

 ယဲ့ဆွေက နာမည်ဆိုးကို အခြေခံ၍ လူထုအမြင်၌ပေါ်လာသည်။  သူမမှာ စိတ်ဆိုးဒေါသထွက်နေတာကို သူကြားဖူးပြီး သူမရဲ့ သရုပ်ဆောင်မှုစွမ်းရည်ကနိမ့်ပါးသည်။  သို့သော် သူမ၏ပရော်ဖက်ရှင်နယ်သဘောထားသည် ကောလာဟလများနှင့်အတော်လေးမကိုက်ညီပါ။

 ချန်းယွီက ရုတ်တရက် လူတစ်ယောက်ပြောတဲ့ တရားမ၀င်ဘူးဆိုတဲ့ အသံကိုသိတာကြောင့် ရုတ်တရက်ပြုံးလိုက်သည်။  သူသည် သူမကို သူ့မျက်လုံးများနှင့် ကြည့်ရန်လိုသေးသည်။

 သူသည် ယဲ့ဆွေ တစ်ကြိမ်တွေ့ဆုံဖူးသည်။ ထိုအချိန်ကသူမက အဆင့် ၁၈ စတားတစ်ယောက်သာဖြစ်ခဲ့သည်။  တစ်ယောက်ယောက်က သူမကိုပြောတိုင်းသူတို့က 'အိုး၊ သူမက ချန်းယင်လေး' ဆိုတဲ့စာကြောင်းတစ်ကြောင်းကိုသာပြောခဲ့သည်။

 ယခုနှစ်တွင် ယဲ့ဆွေက မီဒီယာ၌ ပို၍ ပို၍ ဖော်ပြခြင်းခံလာရသည်။ နောက်ပြီး သူမရဲ့နာမည်က ချန်းယင်နဲ့မဆက်နွယ်တော့ဘူး။

 ချန်းယွီက သတင်းထူးကို မကြာခဏလက်ခံရရှိသည်။ ယဲ့ဆွေက ကော်ဇောနီပေါ်တွင် ဖိန်နင်ကိုအနိုင်ယူလိုက်သည်။  ယဲ့ဆွေက ကောယွဲ့ကို အေးစက်သောပခုံးကိုပေးလိုက်သည်။  ယဲ့ဆွေ emoji pack သည် အင်တာနက်တွင် လူကြိုက်များခဲ့သည်။

 ယဲ့ဆွေ ကျော်ကြားမှုနှင့်အတူ တစ်စုံတစ်ခုသည်တိတ်ဆိတ်စွာ ပြောင်းလဲသွားပုံရသည်။

 အခုသူမက ခိုင်မာတဲ့ ယုံကြည်မှုရှိပြီး အဲဒါကိုအသေးစိတ်တိုင်းမှာ ထင်ဟပ်ပြခဲ့သည်။ သူမသည်ပြောင်ပြောင်လက်လက်နဲ့ တောက်ပသော စိန်တစ်လုံးဖြစ်လာသည်။ ဖြတ်သွားဖြတ်လာလူတွေက မြင်လိုက်တာနဲ့ သူမရဲ့ထက်မြက်မှုကို တန်ဖိုးထားဖို့ရပ်တန့်သွားလိမ့်မည်။

 သူမ၏ အငွေ့အသက်သည် တစ်ချိန်ကလူတိုင်းအားစော်ကားခဲ့သော ယဲ့ဆွေနှင့်မတူပါ။

 “ သရုပ်ဆောင်” အစီအစဉ်ကို သူမရောက်လာတဲ့အခါ ယဲ့ဆွေ ဘယ်လိုဖျော်ဖြေမလဲ?  ချန်းယွီက ၎င်းကိုမျှော်လင့်နေဆဲဖြစ်သည်။

 “ သရုပ်ဆောင်” အစီအစဉ်ရိုက်ကူးမှုသည် အချိန်အနည်းငယ် ကြာမြင့်ခဲ့သည်။  အင်တာနက်လွှင့်မည့်အချိန်နှင့် ဖျော်ဖြေမည့်သူများက မည်သူဖိတ်ကြားမည်ကိုခန့်မှန်းကြသည်။

 ထိုညက“ သရုပ်ဆောင်” ၏ တရားဝင် ဝေ့ပေါ် အကောင့်သည် တင်ဆက်သူနဲ့ ပထမဆုံးဧည့်သည်ကိုလူသိရှင်ကြားကြေငြာခဲ့သည်။

 တင်ဆက်သူသည် နာမည်ကြီးရုပ်ရှင်ဧကရာဇ် ချန်းယွီ  ဖြစ်ပြီး ပရိသတ်များကို စွဲမက်စေမည့် သရုပ်ဆောင်စွမ်းရည်များ ပါ၀င်သည်။  သူသည်အသက်နှစ်ဆယ် ၀န်းကျင်ရှိပြီး ရွှေဆုအတွက် နှစ်ကြိမ်အမည်စာရင်းတင်သွင်းခြင်းခံရသည်။ သူက မနှစ်က ရွှေဆုရခဲ့တယ်။

 သို့သော် သူ၏ရှည်လျားသော ကိုယ်ရေးရာဇဝင်နှင့်မကိုက်ညီသောအရာသည် သူ၏ရယ်စရာစရိုက်ဖြစ်သည်။ သူ့ပရိတ်သတ်အသိုင်းအဝိုင်းမှာ နာမည်ကြီးတဲ့စကားတစ်ခုရှိသည်။ အခြားလူတွေရဲ့ အိုင်ဒေါတွေက နတ်ဘုရားတွေပဲ၊ ဒါပေမယ့် သူတို့ရဲ့ အိုင်ဒေါက လူရွှင်တော်တစ်ယောက်သာဖြစ်သည်။

 ရသစုံရှိုးမှာဖြစ်ဖြစ်၊ ပြင်ပမှာ ဖြစ်ဖြစ် မရိုက်ကူးဘူးဆိုရင် ချန်းယွီက ပါတီရဲ့အသက်ဖြစ်လာလိမ့်မည်။  သူ၏ဦးနှောက်ဆားကစ်များက မည်သို့ရှိသည်ကို မည်သူမျှ မသိချေ။

 သို့သော်လည်း ချန်းယွီသည် သူ၏ပရော်ဖက်ရှင်နယ်သဘောထားနှင့်အပြုအမူကို ဆင်ထားသရွေ့သူ့ထံမှဟာသသရုပ်ဆောင်တစ်ဦး၏ အရိပ်ကိုမမြင်ရပေ။

 “ အားးး၊ တင်ဆက်သူလည်း ပါဝင်သရုပ်ဆောင်မှာမလား? ငါလက်မှတ်သွားယူလိုက်ဦးမယ်။ ငါ ငါ့လည်ချောင်းကို ဂရုစိုက်ရမယ်။ ဒီလိုမှမဟုတ်ရင် ရိုက်ကွင်းမှာအော်နေရင်း လည်ချောင်းနာလိမ့်မယ်လို့ ငါထင်တယ် !"

 “ ငါတရားဝင် ဝေ့ပေါ်ကို စောင့်နေတာတစ်လကျော်ပြီ။  နောက်ဆုံးတော့ အသစ်တင်ပြီ။  ဧည့်စာရင်းအမြန်ကြေငြာပါ။ ပထမပြသနာကို အချိန်ဇယားမှာ တင်ပြပြီးပြီ”

 “ သရုပ်ဆောင်” အစီအစဥ်က သရုပ်ဆောင်ပြိုင်ပွဲဖြစ်သည်။ ဌာနေ သရုပ်ဆောင်များစွာရှိခဲ့သည်။  ဇာတ်လမ်းတွဲတစ်ခုစီတိုင်းကို အထူးဧည့်သည်တစ်ဦးအဖြစ် သရုပ်ဆောင်ရန် ဖိတ်ကြားသည်။  အကယ်၍ သူသာကောင်းကောင်းလုပ်ရင် သူတို့နောက်တစ်ကြိမ်ပြန်လာဖို့ အခွင့်အရေးရှိလိမ့်မည်။

 ဌာနေသရုပ်ဆောင်များတွင် နာမည်ကောင်းနှင့်အဟောင်းများပါ၀င်သည်။  မကြာသေးမီကမှဟိုးလေးတကျော်ဖြစ်ခဲ့သော ကျွမ်းကျင့်သည် စာရင်းတွင်ပါ၀င်သည်။

 သို့သော်လည်း ပထမအဆင့် အထူးဧည့်သည်များကို ဝေ့ပေါ်တွင် လူသိရှင်ကြား မကြေငြာခဲ့ပေ။  သူတို့သည်သူတို့၏ပုံသဏ္ဌန်များနှင့်သာ မိတ်ဆက်ခဲ့သည်။

 [တောက်ပပြီး လှုပ်ရှားနေသော၊ နှလုံးသား၌လှပသော] ဤသူသည် မည်သူဖြစ်သည်ကို ဖော်ပြထားခြင်းမရှိပါ။

 အနက်ရောင်ပုံသဏ္ဌန်ရှိတဲ့ ဆံပင်ရှည်ရှည်ကောက်ကောက်လေးတွေနဲ့ သူမ၏ခန္ဓာကိုယ်ပေါ်တွင်ပုံပန်းကျကျချုပ်ထားတဲ့ ၀တ်စုံကို၀တ်ဆင်ထားသည်၊ ခါးကသေးသွယ်ပြီး သူမ၏အမူအကျင့်က ပြေပြစ်သည်။

 ဓာတ်ပုံကိုဖြန့်သည်နှင့်တပြိုင်နက် အင်တာနက်သုံးစွဲသူများသည် မည်သည့် စတားဖြစ်သည်ကို ခန့်မှန်းလာကြသည်။

 "ဒီပုံသဏ္ဌာန်ကရင်းနှီးပုံရတယ်၊ ဒါပေမယ့် ငါမြင်ခဲ့တဲ့နေရာကိုငါမမှတ်မိဘူး။ "

 “ သူမကတောက်ပပြီး လှုပ်ရှားနေတယ်လို့ပြောတယ်။  မင်းဒါကိုမမှတ်မိဘူးလား။ အဲ့နေ့က ယဲ့ဆွေရဲ့ အလှဆုံးကော်ဇောနီပုံပဲ။  အဲ့အချိန်မှာ ၎င်းက ပထမဆုံးရှာဖွေမှုပဲ။ အင်တာနက်မှာ တူညီတဲ့ပုံတစ်ပုံရှိတယ်”

 "ယဲ့ဆွေက စာရင်းထဲမှာရှိတာလား? အဲ့ဒါက ပရိသတ်ရှေ့ သရုပ်ဆောင်ရမှာ နောက်ပိုင်းမှာ တည်းဖြတ်တာမရှိဘူး။  စွမ်းဆောင်ရည်ကောင်းတာဖြစ်ဖြစ် ဆိုးတာဖြစ်ဖြစ် ပရိသတ်ကချက်ချင်းမြင်နိုင်တယ်။ သူမ လုပ်နိုင်မှာလား? "

 "ဒီနှစ်ရဲ့ဝက်ဝက်ကွဲလူကြိုက်များတဲ့ဒရမ်မာ " အိမ်ရှေ့စံမင်းသား " မှာ ယဲ့ဆွေ  ပါဝင်သရုပ်ဆောင်ထားတဲ့ မင်းသမီးလေးကို လူဘယ်နှစ်ယောက်ကအထင်ကြီးခဲ့လဲ?  မင်း မမြင်ဖူးဘူးဆိုတာ ငါမယုံဘူး။  မင်းရှိနေသရွေ့သူမရဲ့သရုပ်ဆောင်မှုက လူတွေရဲ့နှလုံးသားကိုထိနိုင်တယ်ဆိုတာ မင်းသိလိမ့်မယ်။ ”

 “ ငါတို့သရုပ်ဆောင်တာကို ပြောတိုင်းမင်း “အိမ်ရှေ့စံမင်းသား”ရဲ့အခန်းကဏ္ဌာကို မင်းပြောတတ်တယ် မင်းရဲ့ အိုင်ဒေါက တခြားရိုက်ထားတာမရှိဘူးလား?"

 ဂရုစိုက်ခံ အင်တာနက်သုံးသွဲသူတစ်ဦးသည် သူမ၏သရုပ်ဆောင်စွမ်းရည်ကို သက်သေပြရန် ယဲ့ဆွေ သရုပ်ဆောင်ထားသောအခန်းကဏ္ဌ များကို စုစည်း၍ ဖို​တိုရှောခ့် ရိုက်ခဲ့သည်။

 ဒါပေမယ့် ယဲ့ဆွေ ရဲ့သရုပ်ဆောင်စွမ်းရည်ကို ရှင်းအောင်မကူညီနိုင်ခဲ့ဘူး။ ဘာကြောင့်လဲဆိုတော့ သူမရဲ့ခရက်ဒစ်အားလုံးက ဇာတ်ကောင်နေရာက ပံ့ပိုးပေးတဲ့အတွက်ပါ။  မင်းသမီးနေရာထက် သူမ၏မျက်နှာပြင်အချိန်သည် တိုလွန်းသည်။  အင်တာနက်သုံးစွဲသူတွေပြောသလိုပဲ အိမ်ရှေ့စံမင်းသား ဒရာမာရဲ့ မင်းသမီးနေရာကလွဲပြီး သူမမှာ နာမည်ကြီးရုပ်ရှင်တွေမရှိဘူး။

 ယဲ့ဆွေက မကြာသေးမီက ဟွာရွေ့၏ အနုပညာရှင်တစ်ဦး ဖြစ်လာခဲ့ပြီး ကျောထောက်နောက်ခံတစ်ခုရရှိခဲ့သည်။  ရှိုးပွဲတွင် သူမ၏ဖျော်ဖြေမှုသည် အဆင့်မမီလျှင် ဟွာရွေ့၏ ဆိုင်းဘုတ်က ရိုက်ချိုးခံရလိမ့်မည်။

 အင်တာနက်သုံးစွဲသူများက ယဲ့ဆွေရဲ့ ယခင်သရုပ်ဆောင်မှု၏ ကောင်းကွက်များကို ကောင်းကောင်းသိသော်လည်း သူမက ရှိုးတွင်သာ ပါ၀င်ခဲ့သည်။  သူမက သူ့ကိုယ်သူ အရူးလုပ်ဖို့ အလျင်လိုနေတာလား။

 မည်သို့ပင်ဆိုစေ ယဲ့ဆွေရဲ့ ဧည့်သည်တင်ဆက်မှုကိုကြည့်ပြီး ဟွာရွေ့၏ အနုပညာရှင်ပီသသောသရုပ်ဆောင်မှုမှ ပြောင်းလဲသွားသည်။

 မည်သည့်အကြောင်းကြောင့်မဆို ယဲ့ဆွေက တီဗီစတားတစ်ယောက်ဖြစ်နေပြီ။  ပထမဇာတ်လမ်းတွဲ၏ ကျော်ကြားမှုသည် တစ်ဟုန်ထိုးမြင့်တက်သွားပြီးပရိသတ်အားပေးမှုမှာ သေချာပေါက်မဆိုးပေ။

 ကြော်ငြာရိုက်ပြီးနောက်မှာ ယဲ့ဆွေ အိမ်ပြန်လာခဲ့သည်။

 သူမ မနေ့ညက အချိန်တော်တော်ကြာကြာ ယောဂကျင့်ခဲ့သည်။  နောက်တစ်နေ့တွင် သူမအိပ်မက်ထဲတွင်ရိုက်နှက်ခံရသကဲ့သို့ နာကျင်မှုများခံစားရသည်။

 ယဲ့ဆွေက စောင်ကိုဆွဲဆန့်ရန်နှင့် သူမ၏တောင့်တင်းသော ကြွက်သားများကို ဖြေလျော့ရန် အသင့်ဖြစ်နေသည်။  သူမကအောက်ကိုငုံ့ပြီး ကြမ်းပြင်ကို လက်နဲ့ထိလိုက်သည်။  သို့သော် သူမထသောအခါ သူမ၏လှုပ်ရှားမှုများသည် ပြင်းထန်လွန်းတာကြောင့် သူမ၏ ခါးသည် ရုတ်တရက် ကွေးညွှတ်သွားသည်။

 ယဲ့ဆွေက သူမခါးကိုကိုင်လိုက်ပြီး "နာလိုက်တာ" ဟုနာကျင်စွာ အော်ဟစ်လိုက်သည်။

 ခဏအကြာတွင် အခန်းတံခါးခေါက်သွကြားလိုက်ရပြီး ချန်ရှု့၏ စိုးရိမ်သောအသံသည် အပြင်ဘက်မှထွက်လာသည်။  "ဘာဖြစ်လို့လဲ?"

 ယဲ့ဆွေက နာကျင်မှုကို သည်းခံပြီးတံခါးကို ဖွင့်လိုက်သည်။  နောက်အခိုက်အတန့်တွင် ချန်ရှု့က လျင်မြန်စွာဝင်လာပြီး ယဲ့ဆွေ ကြည့်လိုက်သည်။  "ဘာဖြစ်လို့လဲ ?"

 သူမကုတင်ပေါ်ပြန်ထိုင်လိုက်ပြီး သူမခါးကိုညွှန်ပြသည်။  "ကျွန်မခါးဆစ်လွဲသွားပြီ "

 ချန်ရှု့ စကားမပြောဘဲ  စက္ကန့်အနည်းငယ်မျှစဉ်းစားလိုက်သည်။ “ မတ်တပ်ရပ်လိုက် လမ်းနည်းနည်းလျှောက်ကြည့်”

 ယဲ့ဆွေ စိတ်ရှုပ်သွားသည်။  "ဟင့်?"  သူမခါးက အဆစ်လွဲနေသည်။ သူမဘာလို့ဒီလိုလုပ်ရတာလဲ?

 ချန်ရှု့က ထပ်ပြောလာသည်။ “ နောက်ထပ် လမ်းနည်းနည်းလျှောက်လိုက်ါ ခါးကကောင်းသွားလိမ့်မယ် ”

 “ …” ချန်ရှု့၏ ကျိုးကြောင်းဆင်ခြင်မှုများကိုနားထောင်ရင်း သူမဘာပြောရမှန်းမသိခဲ့ပေ။

 "ကျွန်မ ရေအေးနဲ့ ရေပတ်ဘဲတိုက်တော့မယ်။ "  ယဲ့ဆွေ အကူအညီမဲ့သွားခဲ့သည်။ သူမ ရေချိုးခန်းကို ညွှန်ပြပြီး ချန်ရှု့ကို ပြောလိုက်သည်။  "ရှင် ကျွန်မကိုမျက်နှာသုတ်ပုဝါ ယူဖို့ ကူညီနိုင်မလား? "

 ချန်ရှု့က သဘောတူသည့် အသံပေးလိုက်ပြီး ရေချိုးခန်းထဲကို နာခံစွာ လမ်းလျှောက်သွားသည်။ ယဲ့ဆွေက သူ့နောက်ကနေ အခြားဝါကျတစ်ခုကို ထပ်ပြောလာတယ် "မျက်နှာသုတ်ပုဝါကို ရေအေးထဲမှာ စိမ်ထားဖို့မမေ့နဲ့"

 မကြာမီသူသည် စိုစွတ်သော မျက်နှာသုတ်ပုဝါဖြင့် အိပ်ရာဆီသို့ပြန်လာခဲ့သည်။ ယဲ့ဆွေက သူမ၏လက်ကိုဖြန့်လိုက်သည်။  "မျက်နှာသုတ်ပုဝါ"

 ချန်ရှု့က မလှုပ်မယှက်ရပ်နေသည်။ မျက်နှာသုတ်ပုဝါကိုကိုင်လျက် သူမကိုမျက်လုံးနက်နက်ဖြင့်ကြည့်နေသည်။

 "ဘာဖြစ်လို့လဲ?"

 "ဒါကိုသုံးဖို့မင်းကို ကိုယ်ကူညီပေးမယ်။ "

 ယဲ့ဆွေက ကုတင်ပေါ်မှ ပြုတ်ကျလုနီးဖြစ်သွားသည်။  သူမအဝတ်ကပ်ဖို့ အ၀တ်များကို ချွတ်ရမှာဖြစ်သည်။ သေချာတာပေါ့ သူမကိုယ်တိုင်လုပ်လိမ့်မယ်။  သို့သော် ချန်ရှု့က နုံအပြီးသူဒါကိုမတွေးခဲ့ပုံရသည်။  သူက သူမကို ကူညီဖို့သာ အခိုင်အမာပြောလာခဲ့သည်။

 ယဲ့ဆွေက သူ့ကိုငြင်းလိုက်သည်။ "ကျွန်မကိုယ်တိုင်လုပ်လိုက်မယ် "

 သူတို့နှစ်ယောက် တစ်ယောက်ကို တစ်ယောက်စက္ကန့်အနည်းငယ်ကြည့်ပြီး ချန်ရှု့က ပုဝါကို တိတ်ဆိတ်စွာ ကျေနပ်စွာခေါင်းညိမ့်ကာ ယဲ့ဆွေ အားကမ်းပေးလိုက်သည်။ သူမရဲ့အ၀တ်တွေကို ချွတ်ခါနီးမှာ သူမအနားမှာ သူရပ်နေဆဲပဲရှိသေးတယ်လို့သူမ ရုတ်တရက်ထင်ခဲ့သည်။

 ယဲ့ဆွေက ခေါင်းကိုလှည့်လိုက်​ပြီး ချန်ရှု့ကို "ကျွန်မအဲ့တာကို သုံးတော့မလို့ " လို့ သတိပေးလိုက်သည်။  ဆိုလိုတာက၊ ငါအဝတ်အစားတွေကိုစပြီးချွတ်တော့မည်။

 အိုး ချန်ရှု့က ထိုနေရာတွင်ဆက်ရပ်နေတုန်းဘဲ။

 "ဒါဆိုရှင်ကဘာလို့ဒီမှာရပ်နေတာလဲ? "

 ချန်ရှု့က  အေးအေးဆေးဆေး ပြောလာသည်။  "မင်းရဲ့ရေပတ်ဝတ်ကိုကြည့်နေတာ"

 ချန်ရှု့နဲ့ ယဲ့ဆွေတို့ရဲ့ ဦးနှောက်ဆားကစ်များသည် တူညီသော ချန်နယ်တစ်ခုတွင် မရှိပါ။ သူ့စိတ်က ရိုးရှင်းသည်။  သူမ သူ့ကို ကူညီခွင့်မပေးတဲ့အတွက် သူသက်တောင့်သက်သာ မနေခင်မှာဖြစ်စဉ်အားလုံးကိုစောင့်ကြည့်ရမယ်လို့ သူထင်ခဲ့သည်။

 အဲဒါကိုစဉ်းစားရင်း ချန်ရှု့ကလေသံမာမာနဲ့ပြောလာသည်။ "မင်း ကိုယ့် အကူအညီ တကယ် မလိုဘူးလား? "

 ယဲ့ဆွေ - "... "

 သူမခဏစဉ်းစားလိုက်ပြီး သူမပါးစပ်ကိုဖွင့်ကာ ပြောလိုက်သည်။ "ကျွန်မ ရေပတ်ဝတ်တိုက်ပြီးရင် ကျွန်မကို မျက်နှာသုတ်ပုဝါကို ကူပြောင်းပေးမလား?"

 ချန်ရှု့  - "ကောင်းပြီ"

 ယဲ့ဆွေ - "ဒါဆို အခု လှည့်လိုက်ဦး"  ချန်ရှု့က သူမ၏ညွှန်ကြားချက်များကို နာခံလိုက်နာပြီး ယဲ့ဆွေ ဘက်သို့လှည့်လိုက်သည်။ သူမအ၀တ်စိုကိုယူကာ မျက်နှာသုတ်ပုဝါအစိုကို သူမ၏ခါးပေါ်တင်လိုက်သည်။

 ချန်ရှု့ အနောက်ဘက်မှ အ၀တ်များ ၀တ်နေသံကိုကြားလိုက်ရသည်။ ခဏအကြာတွင် ယဲ့ဆွေအသံ ထွက်လာသည်။ “ လှည့်လို့ရပြီ”

 သူမ ချန်ရှု့ကိုမျက်နှာသုတ်ပုဝါကို ပေးလိုက်ပြီးအဲဒါကိုအသစ်တစ်ခုအဖြစ် ပြောင်းလိုက်သည်။

 ယဲ့ဆွေ၏ခါးသည် အေးခဲလာပြီးနောက် ပိုသက်သာလာသည်။  သို့သော် နောက်နေ့များတွင် ချန်ရှု့က ယဲ့ဆွေကိုအမြဲစိုက်ကြည့်နေလိမ့်မည်။

 သူမတစ်ခုခုလုပ်ချင်ပေမယ့် သူ့ကိုမပြောပြဘူး။ 'ကိုယ့်အကူအညီတကယ်မလိုဘူးလား' ဟုပြောသောအခါ ချန်ရှု့ရဲ့ခါးသီးသောအကြည့်ကို သူမလက်ခံရရှိလိမ့်မည်။

 ထိုအချိန်တွင် ယဲ့ဆွေက "ချန်ရှု့ ကျေးဇူးပြုပြီး ကျွန်မကိုကူညီဦး" လို့သတိရှိရှိပြောလိမ့်မည်။ ဒီစကားကြားတော့သူက ပြုံးပြီးသူမကို ချက်ချင်းကူညီလိမ့်မည်။

 သူမ၏ကျောသည် လုံးဝမသက်သာမချင်း ဤရက်များမကုန်ဆုံးခဲ့ပါ။

 ယဲ့ဆွေက သူမအိမ်မှာ နာခံမှုရှိပြီး စဉ်းစားတတ်တဲ့ခင်ပွန်းရှိပုံကို ဆောင်းပါးတစ်ပုဒ်ရေးနိုင်တယ်လို့ ခံစားခဲ့ရသည်။