အပိုင်း ၁၀၆

လျို့ဝှက်သောသူကြွယ်၏ ချစ်ဇနီးလေး

အပိုင်း ၁၀၆ - အမှန်တရားကိုတူးဆွခြင်း

 ယဲ့ဆွေနဲ့ ဖိန်နင်တို့ ကြော်ငြာများကို ထုတ်လွှင့်ခဲ့သော်လည်း ၎င်းတို့ထောက်ခံထားသော ထုတ်ကုန်သစ်စီးရီးများက ရောင်းမထွက်သေးပေ။

  ကောင်းရှန် ဥယျာဥ်၏ တရားဝင် ဝေ့ပေါ် အကောင့်တွင် အင်တာနက်သုံးစွဲသူများက ကြေငြာက ပန်းလက်ဆောင်သေတ္တာကို ဘယ်အချိန်၀ယ်နိုင်မှာလဲလို့ မေးထားကြသည်။

  တရားဝင်ဘလော့ဂ်က ၎င်းတို့ကိုမကြာမီ ၀ယ်နိုင်လိမ့်မယ်လို့သာ ပြောခဲ့သည်။  အဲဒီနောက်ရိုက်ကူးမှုနဲ့ ပိုစတာတံဆိပ် သံတမန်တွေရဲ့ဗီဒီယိုကို ဝေ့ပေါ် မှာတစ်ခုပြီးတစ်ခု ဖြန့်ခဲ့သည်။

  တရုတ်နှစ်သစ်ကူးပြီးနောက်မှာမှာ ပန်းလက်ဆောင်သေတ္တာအသစ်နှစ်ခု ထွက်လာမယ်ဆိုတဲ့ နောက်ဆုံးသတင်းတစ်ခုရခဲ့သည်။

 နှစ်သစ်ကူးအားလပ်ရက်အဆုံး၌ အမှတ်တံဆိပ်၏ မျက်နှာသစ်များဖြင့် ထောက်ခံထားသော အနီရောင်နှင်းဆီနှင့် ရှန်ပိန်နှင်းဆီတို့ကို တပြိုင်နက်တည်းရောင်းချမယ်လို့ တရားဝင်ကြေငြာထားသော ဘလော့ဒ် မှာကော ဝေ့ပေါ်မှာပါ တရားဝင်တင်ခဲ့သည်။

  "အား  ငါတို့ဒီဟာကို စောင့်နေတာကြာပြီ။ နောက်ဆုံးတော့ ယဲ့ဆွေရဲ့ရှန်ပိန်နှင်းဆီပန်းတွေကို ငါ၀ယ်နိုင်ပြီ။ ယဲ့ဆွေရဲ့ ကြော်ငြာတွေကို ငါဘယ်နှစ်ခါကြည့်ပြီးပြီလဲမင်းသိလား? "

 "နှစ်ခုစလုံးက နှင်းဆီပန်းတွေပါ။ မင်းသမီးနှစ်ယောက်က အရမ်းနာမည်ကြီးတယ်။ အား!  အဲ့ဒါက သူတို့ရောင်းအားကို ယှဉ်ပြိုင်ဖို့ဘဲ။ ဒီအမှတ်တံဆိပ်က ဒုက္ခရောက်အောင်လုပ်တာ အရမ်းကောင်းတယ် မဟုတ်ဘူးလား? "

  မကြာသေးမီနှစ်များအတွင်း သူမ၏အဓိကထောက်ခံချက်များ ရောင်းအားကိုစစ်ဆေးခြင်းဖြင့် ဖိန်နင် ၏ပရိတ်သတ်များသည် မည်မျှရူးသွပ်တယ်ဆိုတာကိုမည်သူမဆိုပြောနိုင်သည်။ ဤနေရာတွင် တစ်ခုပြောရမည်မှာ ဖျော်ဖြေရေးလောကတွင် အမျိုးသမီးသရုပ်ဆောင်ထက် သူမ၏ရောင်းအားကို ပိုဆောင်ပေးနိုင်သောအမျိုးသမီးမရှိပါ။

 ဆိုလိုသည်မှာ ဖိန်နင်လို နာမည်ကြီးသည် အမှတ်တံဆိပ်၏ ထောက်ခံချက်များအောက်တွင် တူညီသောဇာတ်ခုံပေါ်တွင် နာမည်ကျော်ကြားလာသည့် ယဲ့ဆွေနဲ့ နှထိပ်တိုက်တွေ့ရန်ဖြစ်သည်။  ပန်းများမှာ အမျိုးအစားများသာကွဲပြားသည်။

  အရောင်းပမာဏက စတားတစ်ယောက်ရဲ့ ပိုမိုရောင်း၀ယ်နိုင်မှုစွမ်းရည်ကို သက်သေပြနိုင်သည်။

  ဖိန်နင်ရဲ့နိုင်ငံသားအဆင့်က ယဲ့ဆွေ အဆင့်ထက် သိသိသာသာမြင့်မားခဲ့သည်။ သူမမှာ အနုပညာလက်ရာများစွာ၊ ပရိသတ်အခိုင်အမာနှင့် အကောင်းဆုံးနာမည်ကြီးအမှတ်တံဆိပ်များထဲမှတစ်ခုရှိခဲ့သည်။

  ပြောစရာမလိုပါဘူး။ ယဲ့ဆွေရဲ့ ကြော်ငြာအား ကလစ်နှိပ်သူ အရေအတွက်က ယခု ဖိန်နင်ထက်အဆများစွာသာလွန်နေပြီး ပရိသတ်များက အရောင်းအ၀ယ်ကိုပြန်လည်ရယူရမည်ဖြစ်သည်။

 ကောင်းရှန် ဥယျာဥ်က အင်တာနက်ပေါ်တွင် သတင်းကိုကြေငြာသောအခါ ဖိန်နင်၏ ပရိသတ်များသည်လုံလောက်သော ပြင်ဆင်မှုများ ပြုလုပ်ထားပြီးဖြစ်သည်။  ထိုအချိန်တွင် သူတို့က ယဲ့ဆွေ ကျရှုံးလိမ့်မယ်လို့ ရိုးသားစွာယုံကြည်ထားပြီးဖြစ်သည်။

 အခြားတစ်ဖက်တွင် ယဲ့ဆွေက လွန်ခဲ့သောတစ်နှစ်အတွင်း မရေမတွက်နိုင်သော အွန်လိုင်းဆွေးနွေးမှုများကိုနှိုးဆော်ခဲ့သည်။ သူမ၏ကျော်ကြားမှုက တဖြည်းဖြည်းမြင့်တက်လာသည်။  သူမရဲ့ ဝေ့ပေါ် ပရိုဖိုင်းက အမျိုးသမီး နာမည်ကြီးတွေရဲ့ နံပါတ်တစ်နေရာကိုအကြိမ်ကြိမ် ရယူထားနိုင်ခဲ့သည်။

  ယဲ့ဆွေရဲ့ ပရိသတ်များက လျင်မြန်စွာတိုးလာခဲ့သော်လည်း ရောင်းအား၌ သူမ၏လွှမ်းမိုးမှုအားကို မည်သည့်အခါကမှ အတည်မပြုနိုင်ခဲ့ပေ။  စတော့ရှယ်ယာကုန်သွားပြီဖြစ်သော Dior ရေမွှေးမှလွဲ၍ အခြေခံအားဖြင့်ထောက်ခံချက်မရှိပါ။

  သို့သော်လည်း ယဲ့ဆွေ ကြော်ငြာများက မယုံနိုင်လောက်အောင် ကောင်းမွန်ခဲ့သည်။  ထို့ကြောင့် ၎င်းသည် အမှန်တကယ် အရောင်းအ၀ယ် ဖြစ်မလားဆိုတာကို မည်သူမဆို ခန့်မှန်းခဲ့ကြသည်။

 ကောင်းရှန် ဥယျာဥ်ရဲ့ နံပါတ်တစ်ရောင်းချနိုင်သူက ဖိန်နင်၏ အနီရောင်နှင်းဆီ သို့မဟုတ် ယဲ့ဆွေဆီက ရှန်ပိန်နှင်းဆီဖြစ်မှာလား?

  အဓိကကုန်တိုက်ကြီးများရှိ ကောင်းရှန် ဥယျာဥ် ဆိုင်ခွဲများသည် လူနှစ်ဦး၏ ကြေငြာများကို မှန်မှန်ကန်ကန်ဖြည်းဖြည်းချင်း စတင်ထုတ်လွှင့်ပေးခဲ့ပြီး တဖြည်းဖြည်း အရှိန်ရလာသည်။

 မထုတ်မီရက်အနည်းငယ်တွင် မြေအောက်ရထားရှိကြော်ငြာနေရာကို ကောင်းရှန် ဥယျာဥ်က ဖုံးလွှမ်းထားသည်။  အလျင်လိုနေသော်လည်း ဖြတ်သွားဖြတ်လာများသည် အလွန်လှပသောဆိုင်းဘုတ်ရှေ့၌ ခဏရပ်လိုက်မိကြသည်။

 အလွန်လှပသော အနီရောင်နှင်းဆီရောင်နှင့် ဆွဲဆောင်မှုရှိသောအနီရောင်စကတ်ကို ဝတ်ထားတဲ့ ဖိန်နင်က အရောင်ကို ဦးဆောင်ခဲ့သည်။  ဤကဲ့သို့သော အနီရောင်တောက်ပတဲ့ အရောင်က စိတ်ထက်သန်မှုနှင့် ချစ်ခြင်းမေတ္တာကိုကိုယ်စားပြုသည်။

 ယဲ့ဆွေက အေးစက်သောစိတ်နေစိတ်ထားဖြင့် လှပသော ရှန်ပိန်နှင်းဆီကို ကိုင်ထားသည်။  ပျော်ရွှင်မှုတစ်ဝက်နှင့် ဝမ်းနည်းခြင်းတစ်ဝက်ကို ကြည့်ပြီး သူမ၏ တစ်ဖက်သတ်အချစ် အပေါ် သူမ၏ရှုပ်ထွေးမှုများနှင့် သူမ၏ခံစားချက်များကို မသေချာမရေရာမှုတို့ကို မျက်ဝါးထင်ထင်ဖော်ပြခဲ့သည်။

  သူမကြေငြာ၏ညာဘက်အောက်ထောင့်တွင် ရှန်ပိန်နှင်းဆီပန်းများပွင့်နေသော်လည်း တိတ်ဆိတ်သောအချစ်နှစ်ခုပါ၀င်သော လက်ဆောင်ပန်းသေတ္တာတစ်ခုရှိသည်။

အမြင်အားဖြင့်လမ်းသွားလမ်းလာများက ဖိန်နင်ရဲ့  ကြော်ငြာကို မြင်မြင်ချင်းမြင်နိုင်သည်။ သို့သော် သူတို့၏မျက်လုံးများက ယဲ့ဆွေရဲ့ တစ်စက္ကန့်မျှကြည့်လိုက်မိသရွေ့ သူတို့အကြည့်များကို ရှောင်လွှဲနိုင်မည်မဟုတ်ချေ။

 ယဲ့ဆွေ ရဲ့အမူအရာ၊ သူမ ဖန်တီးထားတဲ့ လေထုဘဲဖြစ်ဖြစ် အဲ့ဒါက ဆွဲဆောင်မှုရှိလွန်းသည်။

  ပြင်းပြသောချစ်ခြင်းမေတ္တာနှင့် နှိုင်းယှဉ်လျှင် ယဲ့ဆွေရဲ့ ကြေငြာက အချိန်ကြာမြင့်စွာ ကြာရှည်သောလှည့်ကွက်ကဲ့သို့ နူးညံ့သောခံစားချက်များရှိသည်။

  ရှန်ပိန်နှင်းဆီပန်း၏ ကျက်သရေက ယဲ့ဆွေရဲ့ အဓိပ္ပါယ်အောက်၌ သည်းခံခြင်းနှင့် ထပ်တူကျလာသည်။

 တစ်စုံတစ်ယောက်ကို ချစ်ဖို့ကြာရှည်ပေမယ့် သူတို့ကိုဆုံးရှုံးဖို့တစ်ရက်ပဲလိုသည်။  သတိရခြင်း၊ စွန့်လွှတ်ခြင်း၊ ခွဲခွာခြင်း... ဖောက်သည်များအတွက် ၎င်းသည် ပို ရင်ခုန်စရာကောင်းတဲ့ ဝန်ခံချက်တစ်ခုဖြစ်ခဲ့သည်။

 သူတို့က မဆုံးရှုံးချင်တာကြောင့် ထိုခြေလှမ်းကိုစတင်ဖို့ သတ္တိရှိလာကြသည်။

 ယဲ့ဆွေ ထောက်ခံထားတဲ့ လျှို့ဝှက်မေတ္တာလက်ဆောင် ပန်းသေတ္တာက စျေးကွက်ထဲရောက်ပြီး တစ်ရက်အတွင်းရောင်းကုန်သွားသည်။

  တုံ့ပြန်မှုက ဝေ့ပေါ်နှင့် အခြားအဓိကဖိုရမ်များတွင်ပေါ်လာသည်။  ယောက်ျားလေးများက သူတို့နှစ်သက်တဲ့ မိန်းကလေးများအား ရှန်ပိန်နှင်းဆီပန်းများပေးပြီး လူများစွာတို့က ၎င်းတို့၏အချစ်ကို အောင်မြင်စွာဝန်ခံခဲ့ကြသည်။

  မိန်းကလေးတွေက သူတို့ကျောင်းသားဘ၀တုန်းက သူတို့ရဲ့ တစ်ဖက်သတ်ချစ်ရသူတွေကို ပြန်သတိရဖို့ ရှန်ပိန်နှင်းဆီပန်းတွေ ၀ယ်ခဲ့ကြသည်။

 ဖိန်နင်ရဲ့ ပရိသတ်တွေက အရောင်းအ၀ယ်မှာ များစွာလွှမ်းမိုးမှုရှိသော်လည်း ကြော်ငြာကိုမြင်သူတိုင်းက ယဲ့ဆွေ ကိုယ်စားပြုထာတဲ့ ရှန်ပိန်နှင်းဆီကို ၀ယ်ဖို့သာ ပထမဆုံးစိတ်ကူးရှိခဲ့သည်။

 ကောင်းရှန် ဥယျာဥ်က ၎င်းတို့စတိုးဆိုင်များကို ပြန်ဖွင့်ဖို့ လျှို့ဝှက်အချစ် လက်ဆောင် ပန်းသေတ္တာများထုတ်လုပ်မှုကို တိုးမြှင့်ခဲ့သည်။  ဤကာလအတွင်း ယဲ့ဆွေ ကြော်ငြာကြောင့် ရှန်ပိန်နှင်းဆီပန်းများ ပေးအပ်ခြင်းကို စတင်ခဲ့သည်။

  ရှန်ပိန်နှင်းဆီပန်းများက မြို့ကြီးများရှိ ဈေးဝယ်စင်တာများ၊ မြို့ငယ်များ၏ လမ်းများ၊ ကွဲပြားသောပန်းအရောင်းဆိုင်များတွင် ရောင်းအားအကောင်းဆုံးပန်းများဖြစ်လာခဲ့သည်။

  ယဲ့ဆွေရဲ့ စီးပွားရေးတန်ဖိုးက ဆက်လက်မြင့်တက်လာသည်။  သူမ၏ ဦးတည်ချက်တွင် ကြော်ငြာများပိုများလာပြီး သူမ၏အခကြေးငွေများလည်း မြင့်တက်လာသည်။

  ဟွာရွေ့က ယဲ့ဆွေအတွက် လမ်းကြောင်းတစ်ခုကိုသေသေချာချာ မြေပုံဆွဲထားတာကြောင့် သူမက high-end (ထုတ်ကုန်မျိုးစုံရဲ့ စျေးအကြီးဆုံး)  လမ်းကြောင်းကိုသွားလိမ့်မည်။  သူမရဲ့ မြင့်မားတဲ့ အခကြေးငွေကြောင့် သူမ၏လူထုထင်မြင်ချက်သည် ထိရောက်မှုရှိလိမ့်မည် မဟုတ်ပေ။

 ပိုထူးခြားတာက ဒီငွေတွေက သူဌေးရဲ့ဇနီးအတွက်အရေးမပါခဲ့ဘူး။

  မဂ္ဂဇင်း၏ လတ်တလောခန့်မှန်းခြေ ကြော်ငြာစာရင်းများတွင် ယဲ့ဆွေက ယခုနှစ်အတွက် ဖျော်ဖြေရေးလောကမှာ စီးပွားဖြစ်တန်ဖိုးအမြင့်ဆုံး အမျိုးသမီးစတားတစ်ဦး ဖြစ်နေပြီပင်။

  ဖျော်ဖြေရေးလုပ်ငန်းက လျင်မြန်စွာ ပြောင်းလဲလာခဲ့သည်။  နှစ်စဉ်နှစ်တိုင်း လူသစ်များ တစ်ဦးပြီးတစ်ဦး ထွက်ပေါ်လာပြီး ယဲ့ဆွေက ယခုနှစ်မှထွက်သောအမှောင်ထဲမှမြင်းဖြစ်ခဲ့သည်။

 သို့သော် အချို့လူများသည် ပျောက်ကွယ်သွားသောဥက္ကာပျံများနှင့် တူသော်လည်း အချို့မှာအချိန်ကြာမြင့်စွာ မီးမောင်းထိုးပြနိုင်ခဲ့သည်။ နောက်ဆက်တွဲတိုးတက်မှုက ခွန်အားနှင့် ကံကြမ္မာပေါ် မူတည်သည်။

 ယဲ့ဆွေက ယခုနှစ်မှာ ကောင်းမွန်စွာ လုပ်ဆောင်ခဲ့သော်လည်း အနာဂတ်တွင် ဘယ်လိုဖြစ်မလဲဆိုတာကို ခန့်မှန်းရန်မဖြစ်နိုင်ပေ။

  မစ္စတာချန်၊ ချန်ရှီက မကြာသေးမီက ကိစ္စတစ်ခုကိုစဉ်းစားနေခဲ့သည်။ ချန်ရှု့ရဲ့ အသက် ၃၀ အရွယ်ကံကြမ္မာဆိုးက ပြီးသွားခဲ့ပြီဖြစ်သည်။

 သူက ချန်ရှု့ရဲ့တည်ရှိမှုအကြောင်း လူတိုင်းကိုပြောပြဖို့နဲ့ သူ့သားအငယ်ဆုံးက ဘယ်လောက်တောင် ကောင်းလဲဆိုတာ သူတို့သိအောင် သတင်းစာရှင်းလင်းပွဲတစ်ခုလုပ်ချင်သည်။

  ချန် မိသားစုကို အရင်တုန်းက အလွန်ကောင်းမွန်တဲ့ ချန်ရှို့ ရှိတာကိုသာ လူအများကသိခဲ့သလို မဟုတ်တော့ပါ။ ချန်ရှု့က ချန်ရှို့ထက်တောင်ပိုကောင်းမှန်းသူတို့မသိခဲ့ဘူး။

 ချန်ရှီသည်လည်း အခြားအကြောင်းတစ်ခုကြောင့် ဤအရာကိုလုပ်နေသည်။

 သူက ချန်ရှု့နဲ့ အမြဲသဘောထားကွဲလွဲမှုတစ်ခုရှိခဲ့ပြီး သူ့အပေါ်ထားရှိတဲ့ သဘောထားက အေးစက်ခြင်းလည်းမဟုတ်သလို လျစ်လျူရှုခြင်းလည်းမရှိပေ။ ဤအရင်းအမြစ်က ချန်ရှု့ရဲ့ မိခင်ဖြစ်သည်။

  ထို့ပြင် ဗေဒင်ဆရာက ချန်ရှု့က ကံကောင်းတာကြောင့် ဘဝတစ်ခုကို ပိုင်ဆိုင်ခဲ့တာကြောင့် ကပ်ဆိုးကိုမကျော်လွန်မီ သူ့တည်ရှိမှုကို မကြေငြာသင့်ကြောင်း ပြောခဲ့သည်။  အကြောင်းအမျိုးမျိုးကြောင့် သူကအငယ်ဆုံးသားနှင့် မနီးစပ်နိုင်ခဲ့ပေ။

  ချန်ရှု့ ကြီးပြင်းလာတဲ့အထိ ချန်ရှီက သူ့စိတ်ကိုတဖြည်းဖြည်းပြောင်းလိုက်သည်။  ချန်ရှု့ရဲ့အမေက ချန်ရှု့ကိုစွန့်ပစ်ခဲ့ပြီး သူ့အဖေကလည်း သူ့ကိုဂရုမစိုက်ဘူး။ ချန်မိသားစုက ချန်ရှု့ကို အလွန်အကြွေးတင်ထားခဲ့သည်။

ယခုအခါမှာ ချန်ရှု့က သူ့ခြေထောက်ပေါ် မတ်တတ်ရပ်နိုင်ပြီး ကိုယ်ပိုင်ဂျက်လေယာဉ်တစ်စင်းလည်း ရှိနေပြီဖြစ်သည်။ ထိုကိစ္စတွင် ချန်ရှု့က စီးပွားရေးသမားတစ် ဦး ဖြစ်တာကြောင့် ချန် မိသားစုကို လွှဲအပ်ရန်ကျိုးကြောင်းဆီလျော်သည်။

 ချန်ရှီက သူ့စိတ်ကူးကို မည်သူ့ကိုမျှ မဖော်ပြဘဲ မည်သူမှ မသိလိုက်နိုင်ခင် ရုတ်တရက် သတင်းစာရှင်းလင်းပွဲတစ်ခုပြုလုပ်ခဲ့သည်။

  သတင်းထောက်များက ထိုင်လျက်၊ ကင်မရာအားလုံးက ချန်ရှီကို ဦးတည်ထားသည်။ ကလစ်နှိပ်သံများက အဆက်မပြတ်ထွက်ပေါ်လာပြီး မေးခွန်းများက တစ်ခုပြီးတစ်ခုထွက်ပေါ်လာသည်။

 "ဘာ့ကြောင့် ဒီသတင်းစာရှင်းလင်းပွဲကို ကျင်းပရတာပါလဲ? ချန် အုပ်စု အတွင်းမှာ ကြီးမားတဲ့အပြောင်းအလဲ တစ်ခုခုများ ရှိတာလား? "

  "ချန်ရှို့က ချန် အုပ်စုရဲ့အမွေဆက်ခံသူဖြစ်လာမှာအမှန်ပဲလား? "

 "..... "

  သတင်းထောက်များထံမှ မေးခွန်းများက တစ်ခုပြီးတစ်ခုထွက်ပေါ်လာပြီး လေထုငြိမ်သက်ဖို့ အချိန်အနည်းငယ်ကြာသွားသည်။ ချန်ရှီ - "ဒီနေ့ငါတစ်ခုခုကို ကြေငြာချင်ပါတယ် "

 တိတ်ဆိတ်တဲ့အခန်းထဲမှာ ချန်ရှီ အသံက ပဲ့တင်ထပ်နေသည်။ " လူတိုင်းက ငါ့မှာသားနှစ်ယောက်ဘဲ ရှိတယ်ထင်ကြတယ်။ တကယ်တော့ ငါ အဲဒါကို လူထုကိုတစ်ခါမှမပြောဖူးဘူး။ ငါ့မှာ အငယ်ဆုံးသား ကျန်သေးတယ် "

  "ငါ့ရဲ့အငယ်ဆုံးသားကို ငါ့ရဲ့ဒုတိယဇနီးက မွေးဖွားခဲ့တယ် "

  မီဒီယာများက အံ့သြတုန်လှုပ်သွားကြသည်။ 'ဘာ?  ချန် အုပ်စု ရဲ့ ဥက္ကဌမှာ  အခြားသားတစ်ယောက် ရှိသေးတာလား? ' သူတို့နားလည်ထားတာက ချန်ရှီတွင်သားနှစ်ယောက်ရှိသော်လည်း သူတို့နှစ်ဦးစလုံးက မတော်တဆမှုတစ်ခုကြောင့် သေဆုံးခဲ့သည်။

 ဤအကြောင်းကြောင့် ချန်ရှို့က ချန် အုပ်စုရဲ့ အမွေခံဖြစ်လိမ့်မယ်ဟူသော ကောလဟာလများထွက်ပေါ်နေသည်။ ယခုမူ၎င်းက ပြောင်းလဲသွားလိမ့်မယ်လို့ ထင်ရသည်။

သတင်းထောက်များထံမှ မေးခွန်းများက အဆက်မပြတ် ထွက်ပေါ်လာပြီး ချန်ရှီ အသံကလည်း ဆက်ထွက်လာသည်။

  "အကြောင်းတစ်ခုခုကြောင့် ငါကသူ့ဘ၀ကို နှစ်ပေါင်းများစွာ မကြေညာထားခဲ့ဘူး။ ဒါပေမယ့် ငါ သူ့ကိုဘယ်တော့မှ လက်မလျှော့ခဲ့ဘူး "

  "လောလောဆယ် သူ့နာမည်ကို ငါထုတ်မပြောဘူး။ အချိန်တန်ရင် မင်းတို့ကို ငါအကြောင်းကြားပါမယ် "

  ချန်ရှီ ပြောပြီးသွားချိန်မှာ သတင်းထောက်များက သူ့ကို မေးခွန်းများနှင့် ချက်ချင်းဗုံးကြဲပစ်လိုက်သည်။  သူတို့အားလုံး ချန်ရှီ ဘာတွေတွေးနေလဲဆိုတာကို သိချင်စိတ်ပြင်းပြနေခဲ့သည်။

  "ချန် အုပ်စုရဲ့အနာဂတ် အမွေခံက ချန်ရှို့ (သို့) မင်းရဲ့သားအငယ်ဆုံးလား?  "

 "ဒီနှစ်တွေအတွင်းမှာ မင်းရဲ့အငယ်ဆုံးသားက ဘာလုပ်နေတာလဲ? သူက ချန်ရှို့ထက် ပိုပြီးလုပ်နိုင်စွမ်းရှိတာလား? "

  "မင်းရဲ့သားဖြစ်တည်မှုကို အများပြည်သူကို မကြေငြာတာက အကြောင်းပြချက် တခုခုရှိတာလား?  အဲဒါကမင်းရဲ့စိတ်ခံစားမှုအတွေ့အကြုံနဲ့လား။ ဒါမှမဟုတ်တခြားတစ်ခုခုလား? "

 မေးခွန်းတိုင်းက ယခင်ထက် ပို၍ စူးစမ်းမှုများပိုများလာသော်လည်း ချန်ရှီက အဆင်သင့်ဖြစ်နေပြီဖြစ်သည်။  သူ့အမူအရာက တည်ငြိမ်သွားပြီး သတင်းထောက်များမှမေးခွန်းများစွာကို စကားအနည်းငယ်ပြောခဲ့သည်။

 "ငါ့သားက လူတိုင်းစိတ်ကူးယဉ်တာထက် ထူးချွန်တယ်"

  ချန်ရှီက နက်နဲတဲ့အဓိပ္ပါယ်နဲ့ နောက်စာကြောင်းတစ်ခုကိုပြောခဲ့သည်။  "ချန် ရဲ့အမွေခံက ဘယ်သူဖြစ်မလဲဆိုတာ အနာဂတ်မှာ သိလာပါလိမ့်မယ်"

 သတင်းစာရှင်းလင်းပွဲ ပြီးသွားပေမယ့် ကောလဟာလတွေက မရပ်သွားဘူး။ ချန် အုပ်စုရဲ့အမွေဆက်ခံသူက ချန်ရှို့ ဖြစ်မလားဆိုတာ အပြင်မှာပြောနေကြတာကြောင့် အပြင်လောကက ပြောဆိုဆွေးနွေးမှုတွေ ပိုများလာခဲ့သည်။

  ဤအရေးကြီးသောအချိန်အခါတွင် ချန်ရှီကနှစ်ပေါင်းများစွာ ပုန်းကွယ်နေခဲ့တဲ့ အငယ်ဆုံးသားတစ်ယောက်ရှိတယ်လို့ ရုတ်တရက် ကြေငြာခဲ့သည်။  အဲဒီနောက်သူကနောက်ပိုင်းမှာ အမွေစားအမွေခံဘယ်သူလဲဆိုတာ အနာဂတ်မှာ ပြောပြလိမ့်မယ်လို့ မရေမရာသာ ထုတ်ဖော်ခဲ့သည်။

  ဤကဲ့သို့သော အခါသမယတွင် ကြေငြာရန်လူတို့စဉ်းစားစေခဲ့သည်။  ဒါက ချန်ရှီရဲ့စိတ် ပြောင်းလဲသွားပြီလို့ ဆိုလိုတာဖြစ်ပြီး သူ့သားအငယ်ဆုံးကို အမွေခံအဖြစ်ထားဖို့ ရည်ရွယ်ထားတာဖြစ်နိုင်သည်။

  နောက်ဆုံးတွင် ချန်ရှီ၏စကား၌ သူ့အငယ်ဆုံးသားက ငယ်ရွယ်ပြီးအလားအလာကောင်းသည်။  သူ့သားငယ်က ချန် အုပ်စုကိုအမွေဆက်ခံဖို့ အသင့်တော်ဆုံးအရာဖြစ်ခဲ့သည်။

  ချန်ရှို့လည်း သတင်းစာရှင်းလင်းပွဲနဲ့ ပတ်သက်ပြီး မသိခဲ့ပေ။ သူ့ဆဲလ်ဖုန်းက ရုတ်တရက် တုန်ခါလာသည်။  ချန်းယင်ပဲ။  ချန်ရှို့က သူ့ဆဲလ်ဖုန်းကို ကောက်ကိုင်လိုက်သည်။

 ချန်းယင်ရဲ့အသံက အနည်းငယ်တုန်နေူည်။  "အွန်လိုင်းကို သွားပြီးသတင်းကို ကြည့်လိုက်။ ရှင့်အဖိုးကသတင်းစာရှင်းလင်းပွဲမှာ ချန်ရှု့ရှိကြောင်းကို တကယ်ပြောခဲ့တယ်။ "

  ချန်ရှို့က ချက်ချင်းရှာဖွေဖို့ အင်တာနက်ကို သွားခဲ့သည်။ ချန်ရှီ စကားများကို သူကြားလိုက်ရချိန်မှာ သူကြောက်ရွံ့ထိတ်လန့်သွားသည်။

  သူ့အဖိုးက ချန်ရှု့တည်ရှိမှုကို အကြောင်းပြချက်မဲ့ ဘာလို့ ကြေညာတာလဲ။ သူကထိုအကြောင်းကို ထပ်ခါထပ်ခါတွေးနေမိသည်။  အကြောင်းရင်းတစ်ခုသာရှိခဲ့သည်။  အဲဒါက သူ့အဖိုးက သူ့ကို ချန်ရဲ့အမွေဆက်ခံအဖြစ်စတင်စဉ်းစားနေပြီ။

 အရင်တုန်းက ဘယ်သူမှ သူ့ကိုမပြိုင်ဖူးဘူး။  ယခု ချန်ရှု့က အမွေစားအမွေခံတစ်ဦး အဖြစ်သတ်မှတ်ခြင်းခံရသည်မှာ သိသာထင်ရှားသည်။ ဒါကြောင့် သူ့အဖိုးက ချန်ရှု့ကို ပိုလိုလားသည်။

 ဘာလို့လဲ?

 ဒါပေမယ့် ချန်ရှို့က ချန်ရှု့ ချမ်းသာတာကို သိကတည်းက သူ့စိုးရိမ်စိတ်က ပိုပိုပြီးပြင်းထန်လာပြီး ဒီနေ့က အထွတ်အထိပ်ကို ရောက်သွားပြီဆိုတာ ၀န်ခံရမည်။

 ချန်ရှို့ ဖျော်ဖြေရေးလုပ်ငန်းကို ၀င်ရောက်ခဲ့ကာ ဝါသနာပါသော်လည်း သူက ချန်၏ အမွေဆက်ခံသူဖြစ်သည်ဆိုတာကို သံသယမ၀င်ခဲ့ဖူးပေ။

 သူကဖျော်ဖြေရေးလောကတွင် အရည်အချင်းအရှိဆုံးစတားတစ်ယောက်ဖြစ်ခဲ့ပြီး ချန်၏တစ်ဦးတည်းသော အမွေခံလည်းဖြစ်သည်။  သူကဘယ်လောက်ခမ်းနားပြီး ဂုဏ်ယူစရာကောင်းလိုက်လဲ?

 ဒါပေမယ့် ဒီနေ့ ချန်ရှီရဲ့ သတင်းစာရှင်းလင်းပွဲကြောင့် သူ့ကြီးကျယ်ခမ်းနားတဲ့ မျှော်လင့်ချက်အားလုံးက ဂရုဏာမဲ့စွာ ကျိုးပဲ့သွားခဲ့သည်။

 မဟုတ်ဘူး၊ ဆက်ခံသူကို မကြေငြာခင်မှာ သူ ချန်ရှီရဲ့ စိတ်ကိုပြောင်းဖို့လုပ်ရမည်။

  ချန်ရှို့က ချန်အိမ်တော်ကို ချက်ချင်းမောင်းသွားသည်။  သူက ချန်ရှီကိုကြည့်ပြီး မေးလိုက်သည်။ "အဖိုး အဖိုးကဘာလို့  ဒီနေ့  ဦးလေးရဲ့အ​ကြောင်းကို သတင်းစာရှင်းလင်းပွဲမှာ ရုတ်တရက်ပြောတာလဲ? "

  ချန်ရှီ - "မင်းရဲ့တတိယဦးလေးကို ငါပြောလို့မရဘူးလား? "

  ချန်ရှို့က အထိတ်တလန့် ဖြစ်သွားခဲ့သော်လည်း သူ့တည်ငြိမ်မှုကို အနည်းငယ်မျှသာ ထိန်းထားနိုင်ခဲ့သည်။ "တတိယဦးလေးက ဒီလောက် ခပ်လျှိုလျှို နေထိုင်ခဲ့တာ ပြီးတော့ လူထုမျက်လုံးထဲကို ၀င်ချင်စိတ်မရှိဘူးလို့ ကျွန်တော် ထင်တယ်။ "

ချန်ရှီက ချန်ရှို့အတွေးများကို နားလည်လိုက်သည်။  "မင်းရဲ့တတိယဦးလေးက ငါ့ရဲ့သားပါ။ အဲဒါကို လူတိုင်း သိစေချင်တယ်။ မဟုတ်ရင် မင်းဦးလေးအတွက် စိတ်မကောင်းဖြစ်မိလိမ့်မယ်"

ချန်ရှို့က စကားထပ်ပြောချင်ပေမယ့် ချန်ရှီကသူ့ကိုခွင့်မပြုခဲ့ဘူး။ "မင်းတခြားဘာမှမေးစရာမလိုဘူး။ ငါ့မှာကိုယ်ပိုင်စည်းကမ်းရှိတယ်"

  ချန်ရှို့ ဒေါသထွက်ပြီး စိုးရိမ်ပူပန်သွားသည်။ 'သူ့အဖို့က ဘက်လိုက်မှုရှိတယ်ဆိုတာ သိသာတယ်၊ ဒါဆို သူ့ကိုဘယ်နေရာမှာထားခဲ့တာလဲ? နောက်ဆုံး သူသာချန်မိသားစု အမွေခံမဟုတ်ခဲ့လျှင် သူ့ကို အပြင်ဘက်က လူတွေက ဟာသလုပ်ကြမှာမဟုတ်ဘူးလား? '

  အဆုံးတွင် ချန်ရှို့က ဒေါသတကြီး ထွက်ခွာသွားသည်။  အခြားတစ်ဖက်က ချန်ရှု့နဲ့ ယဲ့ဆွေတို့က သတင်းစာရှင်းလင်းပွဲကို မြင်တာနဲ့ အသံတိတ်သွားသည်။

 ချန်ရှု့နဲ့ ယဲ့ဆွေတို့က တစ်ယောက်ကို တစ်ယောက်ကြည့်လိုက်ကြပြီး နှစ်ယောက်စလုံး မျက်လုံးများတွင်အကူအညီမဲ့နေသည်ကို တွေ့လိုက်ရသည်။

 ဥက္ကဌချန် ဘာကိုဆိုလိုတာလဲဆိုတာ သူတို့အားလုံးသိသည်။ ချန်ရှီက ချန်ရှု့ကို အကြွေးတင်သလိုခံစားရပြီး ချန် အုပ်စု နဲ့လျော်ကြေးပေးချင်ခဲ့သည်။  ဒါပေမယ့် ချန်ရှု့ လိုချင်တာကို သူ လုံးဝနားမလည်ခဲ့ဘူး။

 ချန်ရှု့မှာ ချန် အုပ်စုထက်ပိုတဲ့ ပိုင်ဆိုင်မှုများစွာရှိသည်။

  ပိုအရေးကြီးတာက ချန်ရှု့မှာ သူလိုချင်တာအားလုံးရှိသည်။ ချန် အုပ်စုနဲ့ ပတ်သက်ပြီး သူစိတ်မ၀င်စားပေ။

 ချန်ရှု့က မိသားစုချစ်ခင်မှုကို တောင့်တခဲ့သည်။ သို့သော် လွန်ခဲ့သော နှစ်ပေါင်းများစွာက သူ လူသားများ၏ နွေးထွေးမှုကို မမြည်းစမ်းခဲ့ဖူးပေ။  သူ့ဆွေမျိုးသားချင်းများ၏ လျစ်လျူရှုမှုနဲ့ ငယ်ရွယ်စဉ်က သူ့ကိုဥပေက္ခာပြုမှုများသာ ရှိခဲ့သည်။

 ထိုအချိန်တွင် နားလည်မှု လွဲမှားမှုကို ဖန်တီးခဲ့ပြီး ကွဲပြားသော မျဉ်းကြောင်းက အစဉ်အမြဲတည်ရှိနေလိမ့်မည်။ သူ(ချန်ရှီ)ဘယ်လောက်ဘဲ ငွေတွေလာပေးပေး သူ့(ချန်ရှု့ )နှလုံးသားထဲက ဒဏ်ရာကို ကုစားနိုင်တဲ့ နည်းလမ်းမရှိခဲ့ဘူး။

 ချန်ရှု့က ယဲ့ဆွေကို ကြည့်ပြီး ပြောခဲ့သည်။  "ကိုယ့်ရဲ့ကိုယ်ရေးကိုယ်တာကို မထုတ်ဖော်ချင်ဘူးလို့ ကိုယ့်အဖေကို ရှင်းရှင်းလင်းလင်း ပြောချင်တယ်"

 ယဲ့ဆွေက ချန်ရှု့ စကားအဓိပ္ပါယ်ကို အပြည့်အဝသိသည်။  "ကောင်းပြီလေ "  ချန်ရှု့ ဘာပဲလုပ်လုပ် သူမသူ့ကိုအမြဲထောက်ခံလိမ့်မည်။

 ချန်ရှို့ ထွက်သွားပြီး သိပ်မကြာခင်မှာ ချန်အိမ်တော်ကို ကားတစ်စီးရောက်လာပြီး ချန်ရှု့နဲ့ ယဲ့ဆွေတို့ ကားထဲက ထွက်လာသည်။ သူတို့နှစ်ဦးက တိုက်ရိုက်ဝင်သွားပြီး ချန်ရှီထံသို့ ရောက်လာသည်။

 ချန်ရှီက သူတို့လာမှာကို ခန့်မှန်းထားတာကြောင့် သူပြုံးလိုက်သည်။  "မင်းက ဘာလို့လာတာလဲ? "

  ချန်ရှု့က ချန်ရှီကိုကြည့်လိုက်မိသည်။  "ဘာလို့ ကျွန်တော့်အကြောင်းကို လူထုကိုပြောနေတာလဲ? "

 ချန်ရှီက ချန်ရှု့ အပေါ်တွင် အပြစ်ရှိသလို ခံစားခဲ့ရသည်။  "မင်းကိုအရိပ်အောက်မှာ ထာဝရမနေချင်စေဘူး။ ငါ့သားအငယ်ဆုံးက ကမ္ဘာပေါ်မှာအတော်ဆုံးဆိုတာ သူတို့အားလုံးသိသင့်တယ် "

  ယဲ့ဆွေက ချန်ရှု့ကို ကြည့်ပြီးပြောလိုက်သည်။ "ချန်ရှု့က သူ့ဘဝကို လူအများရှေ့မချပြချင်ဘူး။ မဟုတ်ရင် ကျွန်မတို့ဒုက္ခရောက်လိမ့်မယ်"

 ချန်ရှီက ခဏစဉ်းစားလိုက်သော်လည်း သူ့ကိုယ်ပိုင်စိတ်ကူးကို စွဲမြဲနေဆဲဖြစ်သည်။ "မင်းရဲ့ကိုယ်ပိုင်လက္ခဏာကို ကြေငြာခြင်းရဲ့အားသာချက်က အားနည်းချက်ထက် အများကြီးသာလွန်တယ်။ လူတွေက မင်းရဲ့အမှတ်အသားကို အရင်ဆုံး သတိထားမိကြလိမ့်မယ်။ ပြီးတော့ ချန် မိသားစုကို အနာဂတ်မှာ မင်းလက်ထဲအပ်တဲ့အခါ လူတိုင်းနားလည်လိမ့်မယ်"

  ချန်ရှီ စကားများက သူ့အတွေးများကိုရှင်းရှင်းလင်းလင်း ဖော်ပြထားသည်။ သူက ချန်ရှု့ကို ချန် မိသားစု အမွေခံဖြစ်ဖို့ အမှန်တကယ် ရည်ရွယ်ခဲ့သည်။

 စက္ကန့်အနည်းငယ်ကြာ တိတ်ဆိတ်သွားပြီး သူက တိုးတိုးလေးပြောလိုက်သည်။ "ဘာကြောင့်လဲ? ဘာကြောင့်ဒီလိုလုပ်တာလဲ? "

 ချန်ရှီ အေးခဲသွားသည်။  "ကျွန်တော် ငယ်ငယ်တုန်းက အမေက စွန့်ပစ်ခဲ့လို့  အေးစက်တဲ့ပခုံးတစ်ဖက်ကို ပေးခဲ့တယ်" လို့ ချန်ရှု့က ဆက်ပြောခဲ့သည်။

 "ချန်မိသားစုမှာ ကျွန်တော် ဘယ်တုန်းကမှ မခိုလှုံခဲ့ရဘူး။ ဒီလောက်ကြီးမားတဲ့မိသားစုမှာ ဘယ်သူ့ကိုမှ အားကိုးစရာမရှိခဲ့ဘူး ”

  ချန်ရှု့ လေသံက နောက်စက္ကန့်ပိုင်းအတွင်း ဖြန့်ကျသွားမည့် လေအေးအေးကဲ့သို့ အလွန်ပေါ့ပါးသည်။

 ဤစကားများက ချန်ရှု့ရဲ့ နှစ်ပေါင်းများစွာ ကြမ်းတမ်းသောဘ၀ကို ပုံဖော်ခဲ့သည်။ သူကပေါ့ပေါ့ပါးပါးပြောခဲ့ပေမယ့် ဘယ်လောက်ခက်ခဲခဲ့တယ်ဆိုတာ လူတိုင်းသိနိုင်သည်။

 ယဲ့ဆွေရဲ့ နှလုံးသားက ရုတ်တရက် တင်းကျပ်လာသည်။  သူမ ချန်မိသားစု ရဲ့ပါတီပွဲကို မတက်ခင်တုန်းက လူတစ်ယောက်က ချန်ရှု့ရှေ့မှာ ဝမ်းနည်းစရာစကားဖြစ်တဲ့ ချန်ရှု့ ကံမကောင်းဘူး၊ သူက သူ့အစ်ကိုတွေအားလုံးကို သတ်ခဲ့တာလို့ဆိုပြီး ပြောတာကို သတိရလိုက်သည်။

  ချန်ရှု့ ရဲ့မိဘတွေတောင်မှ သူ့ကိုအဝေးက ဆွေမျိုးတွေကို သူ့အကြောင်းမပြောကြဘူး။

  ယဲ့ဆွေက ချန်ရှု့လက်ကိုဆုပ်ကိုင်ထားပြီး သူ့ကိုနှစ်သိမ့်ပေးချင်သည်။ သူ့လက်က အေးစက်လွန်းသဖြင့် သူမကတင်းကျပ်စွာ ဆုပ်ကိုင်ထားသော်လည်း ထိတွေ့ရတာက အေးစက်နေဆဲဖြစ်သည်။

ချန်ရှု့က ယဲ့ဆွေကိုကြည့်လိုက်သည်။  သူက ယဲ့ဆွေ လက်ကိုဆုပ်ကိုင်ထားပြီး ခေါင်းကိုခါယမ်းလိုက်ကာ သူကောင်းသွားပြီဖြစ်ကြောင်း အချက်ပြလိုက်သည်။

ချန်ရှီက ထိုစကားများကြောင့် ခေါင်းငုံ့သွားသည်။  အပြစ်၊ နောင်တ၊ ၀မ်းနည်းခြင်းနှင့် စိတ်ခံစားမှုမျိုးစုံက သူ့နှလုံးသားထဲ ပျံ့နှံ့သွားသည်။  သူကပါးစပ်ကိုဖွင့်လိုက်ပြီးပြောလာသည်။ "တောင်းပန်ပါတယ်"

 ချန်ရှု့ မျက်လုံးမှိတ်လိုက်သည်။  စက္ကန့်အနည်းငယ်ကြာပြီးနောက်မှာ သူကသူတို့ကို ပြန်ဖွင့်လိုက်ပြီးတည်ငြိမ်မှု ကင်းမဲ့စွာကြည့်နေသည်။ "ဒါဆိုကျေးဇူးပြုပြီး ကျွန်တော့်ရဲ့ အတွေးတွေကို ဒီတခါလေးတော့ လေးစားပေးပါ "

 "ကျွန်တော်က ကိုယ့်ဘဝနဲ့ ကိုယ်နေချင်တယ်။ ချန်မိသားစုရဲ့အရာတွေကို တခြားသူတွေတွက် ချန်ထားလိုက်ပါ "

  ဤစကားများပြောပြီးနောက်မှာ ချန်ရှု့က ယဲ့ဆွေနဲ့ အတူထွက်သွားသည်။ ချန်ရှီက ချန်ရှု့ အတွေးများကိုသိထားပြီးဖြစ်သော်လည်း သူ့ကို ချန်မိသားစု၏ အမွေခံဖြစ်ဖို့ မျှော်လင့်နေဆဲဖြစ်သည်။

 သူကစိတ်ပြောင်းသွားကာ ချန်ရှု့ကိုစောင့်ဖို့ အဆင်သင့်ဖြစ်ခဲ့သည်။

 ချန်ရှီရဲ့ သတင်းစာရှင်းလင်းပွဲ ကျင်းပပြီးနောက်မှာ ချန် မိသားစုရဲ့ အငယ်ဆုံးသားက ဘယ်သူလဲဆိုတာကို  အင်တာနက်ပေါ်တွင် ဆွေးနွေးမှုများက အရှိန်အဟုန်မြှင့်စွာနဲ့ ခေါင်းစဉ်အမျိုးမျိုးဖြင့် ပို့စ်များကိုဖိုရမ်အသီးသီး၌ အလွန်လျင်မြန်စွာ အရှိန်တင်ခဲ့သည်။

  ကောလဟာလတွေ အများကြီးရှိခဲ့သည်။

 ဒါပေမယ့် ဟွာရွေ့ ရဲ့လူထုဆက်ဆံရေးလှုပ်ရှားမှုက အရမ်းမြန်လွန်းလို့ ချန်မိသားစု အငယ်ဆုံးသားရဲ့ အထောက်အထားကို ဆွေးနွေးတဲ့ပို့စ်တွေအားလုံးတစ်ညတည်းပျောက်ကွယ်သွားသည်။

  ပို့စ်အသစ်များပေါ်လာသည်နှင့်တပြိုင်နက် ဖျက်ပစ်လိမ့်မည်။

 ဘယ်လိုဘဲ ဖြစ်ဖြစ် ပါပါရာဇီတွေက ချန်ရှု့ရဲ့ ဝိသေသလက္ခဏာကို စစုံစမ်းလာခဲ့သည်။  ချန်မိသားစု အငယ်ဆုံးသား၊ သူ့ကိုယ်ရေးကိုယ်တာက နှစ်ပေါင်းများစွာလျှို့ဝှက်ဆန်းကြယ်ခဲ့သည်။  ထို့ပြင်သူက ငယ်ရွယ်ပြီး အလားအလာကောင်းသူဖြစ်သည်။

  လူတို့၏စူးစမ်းလိုစိတ်ပြင်းပြမှုကြောင့် ပုံစံအမျိုးမျိုးက ပေါ်ပေါက်လာသည်။

 သူ့ကိုယ်ရေးကိုယ်တာက လျှို့ဝှက်ဆန်းကြယ်ပုံရသည်။  လျှို့ဝှက်ဆန်းကြယ်သော်လည်း ၎င်းကသူ့နောက်ကွယ်မှ အမှန်တရားကို စူးစမ်းဖို့ လူတိုင်းကိုလေးနက်စွာဆွဲဆောင်ခဲ့သည်။

  သူတို့က ပဟေဠိရဲ့အဖြေပေါ်ထွက်လာမယ့်နေ့ကို စောင့်နေကြသည်။