အပိုင်း ၁၂၀

လျို့ဝှက်သောသူကြွယ်၏ ချစ်ဇနီးလေး

အပိုင်း ၁၂၀ - သူမနှင့်သာဆိုင်သည်

အချိန်က တိုတယ်၊ ဒါကြောင့် သူတို့နှစ်ယောက်က အ၀တ်တွေကို မြန်မြန်လဲပြီး အစမ်းသရုပ်ဆောင်တာကိုစတင်ခဲ့သည်။

ယဲ့ဆွေက ဒီအခန်းအတွက် စည်ပိုင်းအဖြစ်သုံးမည့် သစ်သားစည်ပိုင်းပေါ်တွင် ထိုင်လိုက်သည်။  သူမက ဘာအဝတ်မှ မ၀တ်ထားသလိုမျိုးနဲ့ အနက်ရောင် ဝတ်စုံကို ၀တ်ဆင်ထားသည်။  လူတစ်ဦးသည် မတူညီသောစရိုက်လက္ခဏာများစွာဖြင့် ကွဲပြားခြားနားသော ဇာတ်ကောင်များနှင့်ကစားရမည်မှာ မလွဲဧကန်ဖြစ်သောကြောင့် သူမမျက်လုံးများကို မှိတ်ကာ သူမ၏ အခန်းကဏ္ဍသို့ ၀င်ရောက်ရန် စက္ကန့်အနည်းငယ်ကြာခဲ့သည်။

သူမ၏အမူအရာက ပျင်းရိနေသည်။ သူမ၏ မျက်လုံးများကို တစ်ဝက်မှိတ်ကာ အေးစက်သောအကြည့်နှင့် သူမ၏အသံက "အဲ့ဒီကဘယ်သူလဲ?" ဟု အော်လိုက်စဉ်တွင် သူမအသံက ဖျော့တော့သွားသည်။

ဖိန်နင် သရုပ်ဖော်ထားသော အေးစက်စက် မျက်နှာထားရှိတဲ့ လုပ်ကြံသူနှင့်မတူဘဲ၊ ယဲ့ဆွေ၏လုပ်ကြံသူက ပြီးပြည့်စုံသော မှော်ဆရာတစ်ယောက်ဖြစ်သည်။

ပြတင်းပေါက်ကို တွန်းဖွင့်လိုက်သည်နှင့် ဖိန်နင် ခုန်ဝင်လိုက်သည်။ သူမရဲ့ ခြေချောင်းကို တစ်ချက်ပုတ်လိုက်ရုံနှင့် သူမက မြေပြင်ပေါ်သို့ ငြိမ်သက်စွာနဲ့ ဆင်းသက်သွားသည်။

ဖိန်နင်က အက်ရှင်ပြကွက်များစွာတွင် သရုပ်ဆောင်ခဲ့သည်။  ဒါပေမယ့်လည်း သူမကဒီအချိန် အစမ်းသရုပ်ဆောင်တဲ့အခါမှာ သူမက ပေါ့ပါးပြီး တက်ကြွတဲ့လှုပ်ရှားမှုတွေလိုချင်သည်။  သူမက ယဲ့ဆွေ၏ အမူအရာကို အစောကလေ့လာခဲ့ပြီး သူမရဲ့ကိုယ်ပိုင်အမူအရာက သူမကို ကူးချဖို့ပြောင်းသွားခဲ့သည်။

သို့သော် ဖိန်နင်၏ မျှော်မှန်းချက်နှင့် ဆန့်ကျင်ဘဲ။ ယဲ့ဆွေက သူမကိုတန်းတန်းမတ်မတ် မကြည့်ခဲ့ပေ။ ယင်းအစား သူမက သူမ(ဖိန်နင်)ကို ဘေးတိုက်တစ်ချက်ကြည့်လိုက်သည်။

ယဲ့ဆွေက သူမရဲ့မျက်လုံးကိုတောင် ပင့်မကြည့်ဘူး။  သူမရေချိုးနေတာကို ဘယ်သူကမှ မနှောင့်ယှက်နိုင်ပုံရသည်။ ပြီးတော့ ရုတ်တရက် ပေါ်လာခဲ့တဲ့ လူတစ်ယောက်က သူမကို ထိခိုက်စေမလားဆိုတာကို သူမ ဂရုမစိုက်ခဲ့ဘူး။

ယဲ့ဆွေက အမျိုးသမီးလုပ်ကြံသတ်ဖြတ်သူတစ်ဦးဖြစ်သည့်အတွက် သူမအနေနှင့် သူမ၏မျက်နှာအမူအရာကိုမပြောင်းလဲဘဲ သူမရှေ့မှောက်၌အပြင်းထန်ဆုံး သိုင်းသမားများနှင့် ရင်ဆိုင်နိုင်လိမ့်မည်။

သူမရယ်မောလိုက်သောအခါ ယဲ့ဆွေ၏ နှုတ်ခမ်းများက တွန့်ကွေးသွားသည်။  "မင်းဒီမှာရှိနေကတည်းက မင်းလွယ်လွယ်ကူကူ ထွက်သွားနိုင်လိမ့်မယ်လို့ မင်းထင်နေလား? "

"ငါက သူခိုးတစ်ယောက်ပဲ တခြားဘာမှမဟုတ်ဘူး "  ဖိန်နင်က စွဲမက်ဖွယ်ကောင်းသော အကြည့်ဖြင့် ပြုံးလိုက်သည်။  သူမက ယဲ့ဆွေရဲ့ အရေးမထားမှုကို တုပဖို့ကြိုးစားခဲ့ပေမယ့် သူမအောင်မြင်ခဲ့ဘူး။

 "ငါဘယ်သူလဲဆိုတာ မင်းသိလား?"  ယဲ့ဆွေက အဖြူရောင်အဝတ်ပုဝါကို အသာအယာကောက်ကိုင်ပြီး ပြောလိုက်သည်။ သူမက သူမရဲ့လက်ကို ဖြည်းဖြည်းချင်းသုတ်လိုက်ပေမယ့် လှုပ်ရှားမှုက သူမခန္ဓာကိုယ်ကို သုတ်နေတာနဲ့တောင် ပိုတူနေပုံရသည်။

ထိုအစား အဲ့တာက သူမ၏လက်နက်များကို ပွတ်တိုက်နေသော မုဆိုးတစ်ယောက်နှင့်တူသည်။

ယဲ့ဆွေနဲ့ ဖိန်နင်တို့က မျက်လုံးချင်း မဆုံရသေးပေ။ ဖိန်နင်က ရှေ့ကိုတိုးလာပြီး သူမကိုအနိုင်ယူဖို့အတွက် နှစ်ယောက်ကြားအကွာအဝေးကို နီးစေခဲ့သည်။

 “ မင်းရဲ့လက်တွေအရမ်းလှတယ်။  မင်းကိုသတ်ရတာက ရှက်စရာကောင်းနေလိမ့်မယ် "ဖိန်နင်၏ လက်က သူမ၏ဓားမြှောင်ပေါ်သို့ ပေါ့ပါးစွာကျလာသည်။  သူမ၏လေသံက ပျော့ညံ့သော်လည်း သူမ၏ခါးမှဓားမြှောင်က ဓားအိမ်ထဲမှ ထွက်နေပြီဖြစ်သည်။

 သူတို့၏ဖြေလျော့သောလေသံနှင့် တင်းမာသောလေထုကြားတွင် သိသာတဲ့ချွန်ထက်မှုရှိသည်။

နောက်ဆုံးတွင် ဓားမြှောင်ကို ဓားအိမ်ထဲမှထုတ်နေတဲ့ အသံကြောင့် ယဲ့ဆွေ ခေါင်းမော့လိုက်သည်။

သူမ၏အကြည့်က ဖိန်နင်မျက်နှာကို ဖြတ်သွားပြီး သူမ၏ဓားကိုကျော်ကာ သူမနေရာသို့ ပြန်သွားလိုက်သည်။  ထို့နောက် သူမကလက်ကို အနည်းငယ်မြှောက်လိုက်ပြီး သူမ၏သေးသွယ်သော လက်ချောင်းများကိုပြသလိုက်သည်။

ယဲ့ဆွေက ညင်သာစွာပြုံးလိုက်ပြီး ယနေ့ည သူမနှင့်တွေ့ခဲ့သော သူစိမ်းကို အမှန်အတိုင်း ပြောပြခဲ့သည်။  "ငါ ဒီလက်နဲ့ သတ်ထားခဲ့တဲ့ဝိညာဉ်တွေကို ငါဘယ်တုန်းကမှ ရေတွက်မထားခဲ့ဘူး"

 "အိုး?"  ဖိန်နင်က မျက်ခုံးပင့်၍ သူမ၏လက်ကိုဆန့်ကာ စားပွဲပေါ်မှ ပုလင်းဆီသို့ လက်ကိုလှမ်းလိုက်သည်။  "ငါဒီကိုအရက်သောက်ဖို့လာတာ မင်းက ဘာလို့ဒေါသထွက်နေတာလဲ? "

ဖိန်နင်က ဝိုင်ပုလင်းကိုမြှောက်ကာ တစ်ငုံသောက်ရင်း သူမ၏မျက်လုံးများက တောက်ပလာသည်။  ထို့နောက်သူမ၏နှုတ်ခမ်းထောင့်များကို လက်ချောင်းများဖြင့် ညင်သာစွာပွတ်တိုက်လိုက်သည်။  သူမကအရက်သောက်ပြီးပြီးချင်း အရူးအမူးဖြစ်နေတဲ့ သဘောထားကို ထုတ်ဖော်ပြချင်သော်လည်း သူမ၏လှုပ်ရှားမှုများက အတုယောင်ဖြစ်နေသည်။

ဒါပေမယ့် ဖိန်နင်အတွက် အံ့သြဖို့ကောင်းတာက သူမအရက်သောက်ပြီးတဲ့အခါမှာ ယဲ့ဆွေက သူမရှေ့မှာရှိနေပြီ။

ယဲ့ဆွေက သူမရဲ့ခေါင်းကိုစောင်းပြီး ရယ်လိုက်သည်။  အပြုံး၌မကောင်းသော အရာတစ်ခုရှိခဲ့ပြီး နတ်ဆိုးတစ်ဦး၏ပုံရိပ်က ထွက်ပေါ်လာရန် အဆင်သင့်ဖြစ်နေခဲ့သည်။  သူမက သူမရဲ့ကိုယ်ပိုင်ဓားမြှောင်ကို မဆွဲပေမယ့် ဖိန်နင် လက်ထဲမှ ဝိုင်ပုလင်းကိုယူလိုက်သည်။

 "ပစ္စည်းတွေကို ဒီနေရာကိုရွှေ့ဖို့ မင်းခွင့်ပြုချက်ပေးတာကို ငါမမှတ်မိဘူး။ "

အစမ်းသရုပ်ဆောင်မှု အဆုံးတွင် ယဲ့ဆွေက ဖိန်နင်ကိုအစအဆုံး လုံးလုံးဖိနှိပ်ခဲ့သည်။

ဖိန်နင်၏ဇာတ်ကောင်သည် ယဲ့ဆွေပုံစံကို ယခင်ကအတုခိုးသည်ကို မြင်နိုင်သော်လည်း ယဲ့ဆွေက အမျိုးသမီးလုပ်ကြံသူအသစ်ကို ဖန်တီးခဲ့သည်။

အခြား အစမ်း သရုပ်ဆောင်များက အပြင်ဘက်တွင်စောင့်ဆိုင်းနေသောကြောင့် ဒါရိုက်တာ ကျို့ ယက သူ၏လက်ကို ဝှေ့ယမ်းလိုက်သည်။  “ လုံလောက်ပြီ၊ မင်းတို့နှစ်ယောက်ပြန်သွားပြီး ကြေညာတာကိုစောင့်နေ”

ရက်အနည်းငယ်အကြာတွင် ဟွာရွေ့က ယဲ့ဆွေနဲ့ ဖိန်နင်တို့နှစ်ဦးစလုံးကို“ ဘက်ပေါင်းစုံမှဝန်းရံထားသည်” တွင်ပါဝင်နိုင်ခဲ့သည်ဟု သတင်းရခဲ့သည်။

မူလ ဖိန်နင်က အဓိကဇာတ်ဆောင်အဖြစ်သရုပ်ဆောင်ချင်ခဲ့သည်။ သို့သော် သူမက ဇာတ်ပို့တစ်ယောက်ဖြစ်ရုံသာမက ယဲ့ဆွေနှင့်လည်းတွဲခဲ့ရသည်။  ယဲ့ဆွေက ဟွာရွေ့က စတားဖြစ်ခဲ့ရင်တောင် ဖိန်နင်က ဒါကိုမျိုမချနိုင်ခဲ့ဘူး။

ဖိန်နင်၏အေးဂျင့်က စျေးကွက်ရှာဖွေရေးအဖွဲ့အားအကြောင်းကြားပြီး ဖိန်နင်က 'ဘက်ပေါင်းစုံမှဝန်းရံထားသည်' တွင် ပေါ်လာလိမ့်မည်ဟူသော သတင်းကိုထုတ်ပြန်ခဲ့သည်။ ယဲ့ဆွေကို အဓိကဇာတ်ဆောင်အဖြစ်ကြေငြာရန် အချိန်ရောက်သောအခါ ဖိန်နင်က စိတ်ဆင်းရဲမှုကိုမပြဘဲ ကိုယ်ချင်းစာတရားကိုလည်း ရရှိနိုင်သည်။

 'ဘက်ပေါင်းစုံမှဝန်းရံထားသည်' ၏ တရားဝင်ဘလော့ဂ်က သရုပ်ဆောင်များစာရင်းကို ကြေညာခဲ့ပြီး ယဲ့ဆွေကို အမျိုးသမီးလုပ်ကြံသူအဖြစ် ကြေညာပြီးတော့ ဖိန်နင်အား အမျိုးသမီးသူခိုးအဖြစ် ကြေငြာခဲ့သည်။ သေချာတာပေါ့ ဖိန်နင် မျှော်လင့်ထားသည့်အတိုင်းပဲ လူထုထောက်ခံချက်က သူမအားနှစ်ခြိုက်သည်။

သူတို့နှစ်ဦးစလုံးက နာမည်ကျော်မင်းသမီးများဖြစ်ကြပြီး နိုင်ငံတကာကျော်ကြားမှုနှင့် ရုပ်ရှင်ဘုရင်မဆုကိုဆွတ်ခူးခဲ့သည်။ ဒါပေမယ့် ဖိန်နင်ဖြစ်မယ့် အစား ယဲ့ဆွေက ဘာကြောင့် အမျိုးသမီးဇာတ်ဆောင်ဖြစ်လာတာလဲ?

 လူအချို့က မကြာသေးမီက သတင်းကို ပြန်စဥ်းစားကြသည်။  ယဲ့ဆွေက ချန်မိသားစုနှင့် ဆက်ဆံရေးရှိခဲ့ကြောင်း ကောလဟာလသတင်းများထွက်ပေါ်ခဲ့သော်လည်း နောက်ပိုင်းတွင် လုံလောက်သောအထောက်အထားများ မရှိသောကြောင့် ပြဿနာကိုမဖြေရှင်းနိုင်ခဲ့ပေ။

လေမရှိလျှင် မီးမရှိနိုင်ပါ။ ယဲ့ဆွေ၏ စွမ်းရည်က ဖိန်နင်ကိုဖိအားပေးရန်နှင့် ဟွာရွေ့၏ အမျိုးသမီးစတားဖြစ်လာတာက ဘာကြောင့်လဲဆိုတော့ ချန် မိသားစုက သူမကျောထောက်နောက်ခံ ဖြစ်တာကြောင့် ဖြစ်နိုင်လား?

မွန်းလွဲပိုင်းတွင် လူထု၏သဘောထားအမြင်က တစ်ပြိုင်နက်တည်း ဆူညံလာသည်။

နောက်ပိုင်းတွင် 'ဘက်ပေါင်းစုံမှဝန်းရံထားသည်'၏ တရားဝင် ဝေ့ပေါ်က ယဲ့ဆွေ နှင့် ဖိန်နင်တို့၏ အစမ်းသရုပ်ဆောင်မှု လုပ်ထားတဲ့ ဗီဒီယိုဖိုင်ကို ဖြန့်ချိခဲ့သည်။  စစ်ဆေးမှုနှစ်ခုက သိသိသာသာ ဆန့်ကျင်ဘက်ဖြစ်သည်။

 အခန်းကဏ္ဍနှစ်ခုရှိတယ်၊ လုပ်ကြံသူနဲ့အမျိုးသမီးသူခိုး။ တစ်ယောက်က အဓိကဇာတ်လိုက်ဖြစ်ခဲ့ပြီး ကျန်တစ်ယောက်ကဇာတ်ပို့ပင်။

ယဲ့ဆွေနဲ့ ဖိန်နင်တို့မှာ လုံးဝကွဲပြားခြားနားသော ကိုယ်ရည်ကိုယ်သွေးများရှိကြသည်။  ဗွီဒီယိုကို တစ်ယောက်​ယောက်က မြင်သရွေ့ ယဲ့ဆွေရဲ့စွမ်းဆောင်ရည်က သိသိသာသာပိုကောင်းလာတယ်ဆိုတာကို သူတို့သိနိုင်သည်

ဟွာရွေ့က ယဲ့ဆွေကို လုံးဝ မျက်နှာမလိုက်ခဲ့ဘူး။  သူတို့နှစ်ယောက်လုံးကို တစ်ချိန်တည်းမှာ အစမ်းသရုပ်ဆောင်ဖို့ စေလွှတ်ခဲ့ပေမယ့် နောက်ဆုံးမှာတော့ဒါရိုက်တာ ကျို့ကသာ ယဲ့ဆွေကို ရွေးဖို့ဆုံးဖြတ်ခဲ့သည်။

"ဖိန်နင် ရဲ့သရုပ်ဆောင်စွမ်းရည်က တကယ်ကိုအားနည်းနေပုံရတယ်။ ပထမဆုံးအကြိမ် ယဲ့ဆွေလို တူညီတဲ့ဗီဒီယိုမှာ သူမက လုံး၀လွှမ်းမိုးခံခဲ့ရတယ် ”

 "ယဲ့ဆွေ  ရဲ့သရုပ်ဆောင်မှုက အရမ်းပေါ်ပြူလာဖြစ်တယ်။  ဖိန်နင်ထက် နှစ်အနည်းငယ်လောက် ငယ်ပေမယ့် သူမကအနာဂတ်မှာ ဟွာရွေ့ ရဲ့စတားခေါင်းဆောင်မင်းသမီး ဖြစ်လိမ့်မယ် ”

“ ဖိန်နင် ရဲ့ဖျော်ဖြေရေးလောကမှာ နှစ်ပေါင်းများစွာက ရှိုး အတွက်တင်မဟုတ်ဘူး။ သူမက ကမ္ဘာပေါ်မှာ တန်ဖိုးအထားရဆုံး မင်းသမီးတစ်ဦးဖြစ်ပြီးတော့ သူမရဲ့အဆင့်အတန်းက အလွယ်တကူ အစားထိုးဖို့မလွယ်ကူဘူး”

ခွဲခြမ်းစိတ်ဖြာပြီးသောအခါ အင်တာနက်သုံးစွဲသူများက ဖိန်နင်၏အခန်းကဏ္ဍကို ယဲ့ဆွေက လုယူသည်ဟူသော ကောလာဟလက စင်ကြယ်သောဖောင်းပွမှုသာဖြစ်ခဲ့သည်။

အဖြစ်နိုင်ဆုံးမှာ ဖိန်နင်၏အဖွဲ့က တရားခံဖြစ်သည်။  သူမက အမျိုးသမီးဇာတ်ဆောင်နေရာကိုဆုံးရှုံးရခြင်းကို မကျေနပ်၍ သူမက တူညီသောကုမ္ပဏီမှ ယဲ့ဆွေ ကိုပင် ကြံစည်ခဲ့သေးသည်။

အစမ်းသရုပ်ဆောင်ခြင်းတွင် ပါ၀င်ပြီးနောက် ယဲ့ဆွေက ရက်အနည်းငယ်အနားယူပြီး အိမ်မှာနေခဲ့သည်။  ချန်ရှု့ အလုပ်သွားသောအခါ သူမတစ်ယောက်တည်းသာ အိမ်မှာကျန်ခဲ့သည်။

ယဲ့ဆွေက ကုမ္ပဏီသို့သွားပြီး ချန်ရှု့နဲ့အတူ နေ့လည်စာစားရန် စီစဉ်ခဲ့သည်။

သူမ၏ရိုးသားမှုကိုပြရန် ယဲ့ဆွေက သူမကိုယ်တိုင် ထမင်းဘူး လုပ်ဖို့ ဆုံးဖြတ်ခဲ့သည်။  ယဲ့ဆွေနဲ့ ချန်ရှု့တို့က ပုံမှန်အားဖြင့် အလွန်အလုပ်များပြီး သူမကချက်ပြုတ်ခဲသည်။  ဒီတခါတော့ သူ့အတွက် အံ့သြစရာဖြစ်လိမ့်မည်။

ချန်ရှု့ ထွက်သွားသည်နှင့် ယဲ့ဆွေက မနေ့က သူမ ဝယ်ခဲ့သော ပါဝင်ပစ္စည်းများကို ထုတ်ယူလိုက်သည်။  သူမဟာ ချန်ရှု့ရဲ့ခန္ဓာကိုယ်ကို ပြန်လည်အားဖြည့်စေချင်နေတဲ့အတွက် သူမက သူ့အတွက်ငါးရှဉ့် ထမင်းဘူးကို လုပ်ခဲ့သည်။

ထမင်းဘူးတစ်ခုလုံးတွင် အလွတ်ဖြစ်နေတာတစ်ခုမှမရှိဘဲ ငါးရှဉ့်များနှင့် ပြည့်နေသည်။

အခြား ထမင်းဘူးက ချစ်ခြင်းမေတ္တာဖြစ်ပြီး သူမ၏အချစ်ကို ပြသရန် ရည်ရွယ်ထားသောကြောင့် ၎င်းကိုအလှဆင်ရမည်။

ယဲ့ဆွေက ယခင်ကဤအရာများကို အများကြီးမစဉ်းစားခဲ့ပေ။  သူမက သူတို့၏ ပုံစံလျစ်လျူရှုပြီး သူတို့ကိုစားလိမ့်မည်။ ဒါပေမယ့် သူမချစ်မိသွားကတည်းက အခြားချစ်သူတွေ လုပ်တာတွေကို သူမလည်းလုပ်ခဲ့သည်။

 ယဲ့ဆွေက ထမင်းစားပွဲတွင်ထိုင်ပြီး ထမင်းကို အချစ်နှင့်ဂရုစိုက်မှုဖြင့် အလှဆင်ထားသည်။  သူမဟာအထူးသဖြင့် မုန်လာဥနီကိုယူပြီး နေ့လည်စာထမင်းဘူးရဲ့အလယ်မှာ သူတို့ကိုပုံဖော်ခဲ့သည်။

ထမင်းဘူး ပြုလုပ်ပြီးသောအခါ ယဲ့ဆွေက စိတ်အခြေအနေ ကောင်းလာသည်။  သူမကားထဲသို့၀င်စဉ် တေးသွားကို ပီတိဖြစ်စွာနဲ့ သီဆိုလိုက်သည်။

အခု ယဲ့ဆွေက ဟွာရွေ့၏ အနုပညာရှင်တစ်ဦး ဖြစ်သဖြင့် သူမလိုချင်သလို အဝင်အထွက်လုပ်နိုင်သည်။  အရှုပ်တော်ပုံတွေမရှိနိုင်ဘူး။

ယဲ့ဆွေက ချန်ရှု့ကို သူမလာရောက်လည်ပတ်သည့် အကြောင်းကို မပြောခဲ့ပေ။  အဲ့ဒီ့အစား သူမက ဝမ်ချွမ်းကိုဖုန်းဆက်ခဲ့သည်။ သူမ၏ကားက ကားရပ်နားရာနေရာသို့ ရောက်သောအခါ ဝမ်ချွမ်းက သူမကိုကြိုရန်ဆင်းလာခဲ့သည်။

"မဒမ်"  ဝမ်ချွမ်းက ယဲ့ဆွေ ရောက်လာသည်ကိုမြင်သောအခါ သူ့ခေါင်းထဲရှိ နာမည်ကို မသိစိတ်က ထုတ်ပြောလိုက်သည်။  ဝမ်ချွမ်း စကားပြောပြီးသည်နှင့် သူကြက်သေသေသွားသည်။

ယဲ့ဆွေလည်း အံ့သြသွားပြီး သူမက ခဏတာတုံ့ပြန်မှုမရှိခဲ့ပေ။  နောက်ဆုံးတော့ သူမပြုံးလိုက်မိသည်။  "ကျွန်မကို ယဲ့ဆွေလို့ပဲခေါ်ပါ။  ဘာပဲဖြစ်ဖြစ် ကျွန်မကလည်း ဟွာရွေ့ရဲ့ အနုပညာရှင်တစ်ယောက်ပဲလေ "

 ဝမ်ချွမ်းလည်း ပြုံးလိုက်မိသည်။  သူက ယဲ့ဆွေ အိတ်ကြီးတစ်လုံး ကိုင်ထားတာကိုတွေ့တာနဲ့ ချက်ချင်းအဲ့တာကိုယူဖို့ သူ့လက်ကိုလှမ်းလိုက်သည်။  "ဒါက ဥက္ကဌ ချန်  အတွက်လား?"

ဝမ်ချွမ်း အိတ်ကိုယူလိုက်သောအခါ သူ့လက်မောင်းများ ရုတ်တရက် ပြုတ်ထွက်သွားသလို ခံစားလိုက်ရသည်။  'အလေးမတုံးတွေနဲ့ ပြည့်နေတာလား?  ဘာလို့ဒီလောက် လေးလံနေရတာလဲ?'

 'မဒမ်က အခုဒီနေရာဆီကို  လွယ်လွယ်ကူကူနဲ့ ဘယ်လိုများသယ်လာတာလဲ? '

ယဲ့ဆွေစိတ်က ချန်ရှု့ နှင့်ပြည့်နေတာကြောင့် သူမလက်မောင်းပေါ်ရှိ အလေးချိန်ကို သတိမပြုမိခဲ့ပေ။  သို့သော် ဝမ်ချွမ်း ဒုက္ခရောက်နေသည်ကို မြင်သောအခါ သူမအဲ့တာကို ပြန်ယူလိုက်ချင်သည်။

ဝမ်ချွမ်းက လျင်မြန်စွာ နောက်ဆုတ်လိုက်သည်။ သူက မဒမ် သူ့ကို အထင်သေးသွားအောင် ဘယ်လိုလုပ်နိုင်မလဲ?

 ယဲ့ဆွေ ရှက်ရွံ့စွာနဲ့ ပြုံးလိုက်သည်။  "ချန်ရှု့အတွက် နေ့လည်စာထမင်းဘူးကို ကျွန်မလုပ်လာတာ "

ဝမ်ချွမ်းက သူ၏လက်တွေထဲ၌ လေးလံသော ထမင်းဘူးကို ခံစားလိုက်ရသည်။  မဒမ်နဲ့ ဥက္ကဌချန် နက်နက်ရှိုင်းရှိုင်းနဲ့ အလွန်ချစ်မြတ်နိုးသည်။  နေ့လည်စာထမင်းဘူးက သူမြင်ဖူးသောအခြားအရာများထက်လေးလံလှသည်။

သူကအသက်ရှူလိုက်ပြီး လေကိုရှူရှိုက်လိုက်သည်။ အဲ့ဒါမှာ ငါးရှဉ့်နံ့ရှိပုံရသည်။

ကံကောင်းထောက်မစွာ၊ ဓာတ်လှေကားက ချန်ရှု့ရဲ့အထပ်သို့ အလျင်အမြန်ရောက်ရှိခဲ့ပြီး ယဲ့ဆွေက နေ့လည်စာထမင်းဘူးကို ပြန်ယူခဲ့သည်။  "ကျေးဇူးတင်ပါတယ်။"

ဝမ်ချွမ်းက ယဲ့ဆွေကို လွှတ်လိုက်ပြီးနောက် သူရုံးခန်းထဲသို့ပြန်လာခဲ့သည်။  သို့သော် သူကလူပျိုကြီးရဲ့ အထီးကျန်ဆန်မှုကို မခံနိုင်သဖြင့် လှည့်လိုက်ပြီး ချန်းရှန့်အား သတင်းကို ပြောပြလိုက်သည်။

  ယဲ့ဆွေက သူမရဲ့ ထမင်းဘူးကို သူတို့အချိန်ကြာကြာ မုန်းတီးနေလိမ့်မယ်ဆိုတာကို သူမ မသိခဲ့ဘူး။  သူမက ချန်ရှု့ ရဲ့ရုံးခန်းတံခါးကို ခေါက်လိုက်သည်။

နောက်တစ်စက္ကန့်တွင် နက်ရှိုင်းပြီး ယောက်ျားပီသသောအသံတစ်ခု ထွက်ပေါ်လာသည်။  "ဝင်ခဲ့ပါ"

ယဲ့ဆွေ  တံခါးကိုတွန်းဖွင့်ပြီး အထဲဝင်လိုက်သောအခါ ချန်ရှု့က သူ့ရှေ့ရှိ စာရွက်စာတမ်းများကို ငုံ့ကြည့်နေပြီး သူ့ဇနီးက သူ့ကိုစပရိုက်လာလုပ်တာကို မသိဘဲ ရှိနေသေးသည်။

ချန်ရှု့က အထဲဝင်လာပြီး အချိန်အကြာကြီး စကားမပြောလာတဲ့ လူတစ်ယောက်ကို သတိထားမိလိုက်သည်။ ဒါကြောင့် သူသံသယဖြစ်စွာ မော့ကြည့်လိုက်တယ်။ဲ့ဆွေအပေါ်သူ၏အကြည့်များ ကျဆင်းသွားသည်နှင့်တစ်ပြိုင်နက် သူ့မျက်လုံးများက ချက်ချင်းလင်းလက်လာသည်။

သူကထိုင်ခုံမှထကာ ယဲ့ဆွေရှိရာသို့ အမြန်ပြေးသွားလိုက်သည်။  "မင်း ဘာလို့ ဒီကိုရောက်နေတာလဲ?"

ယဲ့ဆွေက သူ့ကိုလှောင်ရင်းပြုံးလိုက်သည်။  "ဥက္ကဌ ချန် နေ့လည်စာမစားဘူးလား?"  သူမစကားဆုံးသည်နှင့်တပြိုင်နက် ယဲ့ဆွေက သူမလက်ထဲရှိ ထမင်းဘူးကို လှုပ်ပြလိုက်သည်။

ထို့နောက်သူမက ထမင်းဘူး နှစ်ခုကို စားပွဲပေါ်တွင်တင်လိုက်သည်။  "နှစ်ခုစလုံးက ရှင့်အတွက်"

ချန်ရှု့က သူ၏ရုံးခန်းတွင် ယဲ့ဆွေနှင့် ဘယ်သောအခါမှ နေ့လည်စာမစားခဲ့ဖူးပေ။  သူအလွန်ထူးဆန်းနေသည်ကို နားလည်သည်။  လက်ဆောင်ကိုဖွင့်နေတဲ့ ကလေးလိုမျိုး ထူးဆန်းစွာနဲ့အဖုံးကို ဖွင့်လိုက်သည်။

ချန်ရှု့က ငါးရှဉ့်ထမင်းဘူးကို ပထမဆုံး ဖွင့်လိုက်သည်။  သူအဖုံးဖွင့်လိုက်သောအခါ ရုံးခန်းတစ်ခုလုံးတွင် အနံ့များပျံ့နှံ့လာသည်။

“ စမ်းကြည့်ပါဦး” ယဲ့ဆွေက သူ့ကိုတူတစ်စုံပေးလိုက်သည်။

ချန်ရှု့က ငါးရှဉ့်ကို ကိုက်လိုက်သည်။  ယဲ့ဆွေ၏ ချက်ပြုတ်မှု စွမ်းရည်က ကောင်းမွန်သည်။  သူက ချက်ချင်း အတည်ပြုရန် ခေါင်းညိတ်လိုက်သည်။  "အရသာရှိတယ်"  သူမက သူ့အတွက် ထမင်းဖြူပဲယူခဲ့ရင်တောင် ချန်ရှု့က မျက်တောင်မခတ်ဘဲ သူမကိုချီးကျူးလိမ့်မည်။

ယဲ့ဆွေက မျှော်လင့်ချက်ဖြင့် အခြားထမင်းဘူးကို ညွှန်ပြလိုက်သည်။  “  အခု ဒါလေးကို စစ်ဆေးပေးပါဦးနော် ”

ချန်ရှု့က အဖုံးကို ဂရုတစိုက် ဖွင့်လိုက်သည်။  နေ့လည်စာထမင်းဘူး အလယ်၌ မုန်လာဥနီနှင့် ပြုလုပ်ထားသောအသဲပုံရှိတဲ့ ထမင်းဖြူနှင့် ပြည့်နေသည်။

ချန်ရှု့ သူမကိုချီးမွမ်းတော့မည့်အချိန်မှာ ယဲ့ဆွေက ရုတ်တရက် သက်ပြင်းချလိုက်ပြီး "ကျွန်မက ရူးနေတာများလား?  မုန်လာဥနီတွေ နဲ့ထမင်းဖြူကိုပဲ ရှင်ဘယ်လိုစားမလဲ?”လို့စိတ်ရှုပ်နေတဲ့ အပြုအမူနဲ့ ပြောလိုက်သည်။

 ရိုးရိုးအဖြူရောင်ထမင်းက အလှဆင်မှုတစ်ခုသာရှိသည်။  ထို့အပြင် ၎င်းသည် လူတစ်ဦးအတွက်ကြီးမားသော ပမာဏဖြစ်သည်။

"ဘာလို့ မစားနိုင်ရမှာလဲ?"  ချန်ရှု့ကမုန်လာဥထမင်းဘူးကို သူ့ရှေ့တွင် ဂရုတစိုက်ထားလိုက်သည်။  ထို့နောက်သူက ငါးရှဉ့်ထမင်းဘူးကို ယဲ့ဆွေ၏ လက်ဆီသို့တွန်းလိုက်သည်။ "ကိုယ်ဒါကိုစားမယ်ယာ မင်းက ငါးရှဉ့်ကိုစား "

ချန်ရှု့က ထမင်းဖြူကို တူနှင့်စားလိုက်သည်။  သူကအသဲပုံကို မဖျက်ဆီးလိုဘဲ အလယ်၌စေ့စပ်သေချာစွာရှောင်ခဲ့သည်။

ယဲ့ဆွေက ချန်ရှု့၏သနားစရာ ထမင်းဘူးကိုမြင်သောအခါ သူမနှလုံးသားက ကြေကွဲသွားသလို ခံစားလိုက်ရသည်။  သူမက ငါးရှဉ့်များစွာကို ထုပ်ပိုးထားခဲ့ပြီး အဲ့တာက သူတို့အတူစားရန်လုံလောက်သည်။  ထို့ကြောင့် သူမက ငါးရှဉ့်အတုံးကြီးတစ်တုံးကို သူမရဲ့တူနှင့်ညှပ်လိုက်ပြီး အသဲပုံးရဲ့အလယ်၌ထားလိုက်သည်။

ချန်ရှု့ သူမကို ရပ်တန့်ခိုင်းဖို့ အချိန်မမီခင်မှာ သူကဂရုတစိုက်ထိန်းသိမ်းခဲ့သော အသဲပုံကို ယဲ့ဆွေ  ဖြတ်တောက်လိုက်သည်ကို သူမြင်လိုက်ရသည်။

ရှုပ်ထွေးသောအမူအရာဖြင့် ချန်ရှု့က ယဲ့ဆွေကို ကြည့်လိုက်သည်။ သူမက ငါးရှဥ့်၊ မုန်လာဥနီနှင့် ထမင်းတို့ကို တူဖြင့်ညှပ်ယူပြီး သူ့ပါးစပ်ထဲသို့ ထည့်ပေးလိုက်သည်။

“ စားပါ။  ဒါကိုသိမ်းထားဖို့မလိုဘူး။ ကျွန်မတို့မှာ ငါးရှဉ့်တွေအများကြီးရှိတယ်” လို့ သူမက ပြောခဲ့သည်။ ချန်ရှု့က အချစ်ရေးတွင် တုံးအသူဖြစ်သော်လည်း ယဲ့ဆွေက စိတ်ကို ဖျက်စီးတဲ့သူဖြစ်သည်။

ချန်ရှု့က  မှတ်သားလို့ မရနိုင်တော့တဲ့ အသဲပုံကို ကြည့်လိုက်သည်။ သူက စိတ်လှုပ်ရှားခြင်းမရှိသလိုသာ ဟန်ဆောင်နိုင်ပြီး သူ့ဇနီးထုတ်ထားသော ငါးရှဉ့်ထမင်းကိုသာ မျိုချလိုက်နိုင်သည်။

 သူတို့အစာစားဖို့ပြီးခါနီးတွင် ယဲ့ဆွေက တစ်ခုခုမှားနေပြီကို ရုတ်တရက် သဘောပေါက်လိုက်သည်။

အနီရောင်လက်ကိုင်ပုဝါက လေထဲတွင်လွင့်မျောနေပြီး ချန်ရှု့ ထိုင်နေသောဦးတည်ရာဘက်သို့ တဖြည်းဖြည်းကျဆင်းလာသည်။

 "ဥက္ကဌ ချန်၊ ကျွန်မ ရှင့်ကို လေးစားတာကြာပြီ"  အနီရောင် လက်ကိုင်ပုဝါကို ကိုင်ထားတာက ရှေးခေတ်၀တ်စုံနဲ့ သရဲဖြစ်သည်။  သူမက ချန်ရှု့ အနားသို့ တဖြေးဖြေးနီးကပ်လာသည်။

သူမဟာ ချန်ရှု့ရဲ့ ယန် စွမ်းအင်ကို ကြောက်ပေမဲ့ သူ့ကိုဝန်ခံဖို့မနေနိုင်ခဲ့ဘူး။

ချန်ရှု့ ဘေးတွင် အသက်ရှင်လျက်ထိုင်နေသော ယဲ့ဆွေက လျစ်လျူရှုထားသည်။ ယဲ့ဆွေက ချန်ရှု့ရဲ့လက်ကို တရားခံက မဆိတ်လိုက်ခင် သူမက ဒေါသထွက်စွာနဲ့ပြုံးလိုက်သည်။ 

ချန်ရှု့က မျက်လုံးပင့်ပြီး ယဲ့ဆွေကို ကြည့်လိုက်ည်။  သူမက ရုတ်တရက်ကြီး သူ့ကိုဘာကြောင့်လာဆိတ်ရတာလဲဆိုတာကို သူမသိဘူး။

ယဲ့ဆွေက သူမစိတ်ထဲတွင် သက်ပြင်းချလိုက်သည်။  စိတ်ရှုပ်နေတဲ့ အမူအရာနဲ့တောင် ဒီလူကဘယ်လိုတောင် ချောမောနိုင်ရတာလဲ? အမျိုးသမီးသရဲတွေတောင် သူနဲ့အတူရှိနေချင်သည်မှာ မထူးဆန်းပေ။

သူမဟာ အမျိုးသမီးသရဲရပ်နေတဲ့ ဘာမှမရှိတဲ့လေကို ညွှန်ပြလိုက်သည်။  "ရှင် မက်မွန်ပန်းပွင့်ဆီမှာ တင်နေတဲ့အကြွေး" 

ချန်ရှု့က ယဲ့ဆွေ၏ လက်ချောင်းများရဲ့ ဦးတည်ရာကိုကြည့်လိုက်သည်။ ချန်ရှု့၏ အငွေ့အသက်ကြောင့် လွင့်မျောနေသောလက်ကိုင်ပုဝါက လေထဲတွင်ရပ်သွားသည်။ သို့သော် ၎င်းသည် မဆိုင်းမတွ ရှေ့ဆက်လာခဲ့သည်

 နောက်တစ်စက္ကန့်တွင် လက်ကိုင်ပုဝါကို ပေါ့ပါးစွာလွှင့်ပစ်လိုက်ပြီး ထမင်းဘူး နှစ်ခု၏ အပေါ်သို့ ကျသွားခဲ့သည်။

သရဲက သူမ ဆံပင်ကိုလိမ်ပြီး ပြောခဲ့သည်။ “ ကျွန်မလက်ကိုင်ပုဝါ ကျသွားပြီ။ ကျွန်မကို ကူပြီး ယူပေးနိုင်မလား? "